Quote:
தன் குடும்பத்தின் எதிர்கால நலனையும், தன் பெற்றோர்களின் சந்தோஷத்தையும் மனதில் கொண்டு வாழ்ந்து வரும் சாந்தி ஒரு பள்ளியில் டீச்சராக வேலை செய்கிறாள். பல பெண்களை திருமணம் செய்து கொள்வதாக காதலித்து ஏமாற்றி வரும் பணக்கார இளைஞன் கவுதம் பார்வையில் படுகிறாள், சாந்தி. கவுதம் சாந்தியை அடைய விரும்பி பல முயற்சிகளை மேற்கொள்கிறான். இந்த சூழ்நிலையில் காவல் துறையில் பணிபுரியும் நேர்மையான அதிகாரி ராம் என்பவருக்கு சாந்தியை திருமணம் செய்து வைக்க நிச்சயதார்த்த ஏற்பாடு நடக்கிறது. அந்த சமயம் சாந்தியின் தம்பி ராஜாவின் காதலால் அந்த திருமணம் தடைபடுகிறது.
எதிர்பாராத விபத்தில் தன் உயிரை காப்பாற்றிய சாந்தியின் குடும்ப சூழ்நிலையை அறிந்த கவுதமின் தந்தை தொழிலதிபர் விஸ்வநாத், சாந்தியை, கவுதமிற்கு திருமணம் செய்து வைக்க திட்டமிடுகிறார்.
அதே நேரத்தில் ராமின் தாய், மகனின் சந்தோஷத்திற்காக தடைப்பட்ட சாந்தி - ராம் திருமணத்தை நடத்த ஆசைப்படுகிறாள்.
தன் மகன் கவுதமின் நடவடிக்கைகளை அறியாத விஸ்வநாத்தின் தீவிர முயற்சியால் சாந்தி - கவுதம் திருமணம் நிச்சயிக்கப்படுகிறது. இப்போது சிங்கப்பூரில் கவுதமால் காதலித்து ஏமாற்றப்பட்ட மீரா என்றபெண், கவுதமை தேடி வருகிறாள். கவுதம் தனக்கு மட்டும்தான் சொந்தம் என்று உரிமை கொண்டாடுகிறாள்.
சாந்தி -கவுதம் திருமணம் நடந்ததா?
வசந்த் டிவியில் திங்கள் முதல் வெள்ளி வரை இரவு 8.30 மணிக்கு ஒளிபரப்பாகி கொண்டிருக்கிறது, பராசக்தி தொடர்.
சாந்தியாக சித்தாரா, கவுதமாக ஷ்யாம் கணேஷ், மீராவாக பிருந்தாதாஸ் மற்றும் ராஜசேகர், விஜய், பாபு, ஈரமான ரோஜாவே, சிவா, வி.ஆர்.திலகம், ஐஸ்வரியா, எஸ்.பிரியா, சண்முகசுந்தரம், அலைகள் ராணி, வத்சலா ராஜகோபால், கிட்டி லட்சுமி, விக்கி, முரளி, தேவ் ஆனந்த், புவனா, பேபி மோனிகா, சுதா, ரம்யா, `சவால்'ராம், சசி, கே.பசந்த் நடிக்கின்றனர்.
மீடியா அஸோசியேட்ஸ் தயாரிக்க, கதை, திரைக்கதை எழுதி இயக்குகிறார், பி.ராஜபாண்டி.