-
படுத்திய பாடு இருக்கிற்தே என
எதிர்வீட்டு ராமசாமி ஆரம்பித்தால்
விடமாட்டார்.
அவரது பழைய அலுவலகம், வீட்டில் மகன்,மருமகள்,
பேரன், பேத்தி,
பார்த்த படம் என
எல்லாவற்றையும் குற்றம் சொல்வார்..
ம் கொட்டிக் கேட்பேன்..
சில நாட்களாகக் கிழவரைக் காணோம்...
எங்கே எனக் கேட்டால்.
முதியோர் இல்லத்திலாம்..
“ரொம்ப்ப் படுத்தறார்ங்க’ என வந்தது பதில்...
-
//'யோகம்' என்று கவிதை துவங்கத் தவறிவிட்ட போதிலும் புது நண்பர்கள் சேர்வது திரிக்கு யோகமே என்பதால் சின்னகண்ணனை வரவேற்போம்!//
பதில் வந்தது வேகமாய்
சுவற்றில் அடித்த பந்தாய்
அடுக்களையில் வீசும் புயல்
ஆத்திரம் பாத்திரங்கள் மேல்
'ணங்' என்றது போர் முரசு
நாராசமான எச்சரிக்கையது
கண்ணாட்டியை ஏசும் முன்பு
கணவன் யோசிக்க வேண்டாமா
-
ஷக்திப் ப்ரபாவின் ’பெருமைப் படுத்துவோம்’ என முடித்ததை கடைசி இடுகை என எண்ணி விட்டேன்..ப்டுத்துவோம் என அந்தாதியை எடுத்து மிகக் குழம்பி இட்டது...மன்னிக்க நண்பரே...
இந்த் இழை சுவாரஸ்யமாக உள்ளது..
*****
வேண்டாமா என்க்கேட்டால் ஆமா மென்க
...வேகமாக இட்லிகளை வேக வைத்து
தீண்டினால் கொப்பளிக்கும் சூட்டில் நீட்டி
...த்கதகக்கும் சாம்பாரைத் தட்டில் விட்டுத்
தேன் த்டவிச் சொன்னேன்நான் ஏண்டா இன்னும்
..திண்ணமாக் இரண்டுகூட வைக்க லாமா..
போதும்மா முன்சொன்ன தோசையைத் தான்
..வார்த்துத்தா என்கின்றான் என்ன செய்ய...
-
செய்ய முடிந்த காரியம் எத்தனையோ
களிமண்ணை பிசைந்து கலையாக்கலாம்
செய்ய முடியாத வினைகளிங்கு பல பல
நாயின் வாலை நிமிர்த்திடவே முடியாது
செய்ய முடிந்ததையும் முடியாததையும்
பகுத்தறிந்தால் தன்னால் தீரும் கவலை
-
கவலையின் நிழல்படிந்தமுகம்....
விழியோரம் காய்ந்த கறை...
எதிர்பிளாட்பாரத்தின் ரயிலில்
ஜன்னலோரத்தில் அவள்...
காரணங்கள் அணிவகுக்க...
ப்ரீட்சையில் தேறவில்லையா..
ம்ம்..அவ்வளவு சின்னவயதில்லை...
காதலா..
த்ந்தை ஏதாவது சொன்னாரா...
கணவன் புரிந்து கொள்ளவில்லையா..
கடனட்டை பிரச்னையா...
உடல் முடியவில்லையா..
ப்ளாட்பாரத்தின் சத்தங்களை மீறிய
சலனமில்லாத பார்வை ஏன்..
கண்மை கரைந்த்தால் அழகாய்த் தெரிகிறாளா..
பொட்டு கருநீலமா கருப்பா...
நீலம் மஞசள் கலந்த சுரிதார் அழகுதான் இல்லை...
சற்றே கலைந்த கேசம் கூட அழகாக....
தட்தட்த்து என் ரயில் வந்து
அவளை மறைக்க
அனைத்தும் மறந்து அருகில் கேட்டேன்
எஸ்-3 எங்கே நிற்கும் என....
-
நிற்கும் என காத்திருந்தாள்
நினைக்காமல் பொழிந்த மழை
நனைய ஆசைதான் மனதில்
நிறைவான புதிய உணர்விது
கட்டிப்போடும் கடமைகளிருக்க
காதலை கடந்து போகிறாள்
-
பவளமணி ஐயா...இது வைர வரிகளாக்கும். படிக்கப் படிக்க வெகு சுவையாய் உள்ளது..நன்றி..
போகிறாள் மனதில் வீசும் போர்க்களம் ஒதுக்கி விட்டு....
...ஏகுவாள் நெஞ்சில் கொண்ட எண்ணமும் நீங்கிடாமல்....
பாகினில் கரைந்த வெல்லம் பக்குவம் கொண்டு நாவில்....
..வேகமாய்க் இனிக்கும் வண்ணம் வையகம் காப்ப தற்கே...
துறவு வேண்டும் என்றே நீயும் முடிவும் செய்தாய்.....
..துயரம் இல்லா வாழ்க்கை தொடரும் எனவே எண்ணி
உறவு எல்லாம் உலகில் உறையும் மாயை தானே..
...உதறித் தள்ளி வாநீ இங்கு புவியும் வாழும்....
பவளங்கள் கோர்த்த மணிகள்..
..பர்ர்வையில் மின்னுதல் போலே...
தவத்தில்தான் சிந்தையும் கொண்ட......
..தங்கமணி மேக லயுந்தான்...
உவப்புடனே விம்மும் நெஞசம்...
...உலகமதின் மகிழ்ச்சி எண்ணி............
உளமார எடுத்தாள் காவி...
...உடுத்தித்தான் செய்தாள் நன்றை....
-
நன்றை ஒதுக்கி
நகைக்கும் குணம்
நாகரீக மோகம்
நடுங்குது மனம்
நாளும் வளருது
நச்சு விருட்சம்
நடக்குது கூத்து
நாராச பாட்டு
நிலை தடுமாறுது
நாளைய தூண்கள்
நிலையாது போகட்டும்
நிழலாய் மறையட்டும்
நிலவின் கிரகணம்
நிதமும் வேண்டினேன்
-
வேண்டினேன்
முறுவலித்து நின்றிருந்த
குட்டிக் கிருஷ்ணனை..
மனைவி, மகள்,
பழைய காதலி,
அலுவலகப் பதவி உயர்வு,
தொலைக்காட்சித் தொடர் கதானாயகி,
இந்திய அணியின் விளையாட்டு...
மற்றும் மற்றும்..
எல்லாருக்காகவும், எல்லாவற்றிற்கும்..
கண்மூடி.. மனமுருகி..
கண் திறந்ததில்
இதழ் விரிந்து
சிரிப்பு பூத்திருந்தது..
-
பூத்திருந்தது புதிய காலை
காத்திருந்தது செய்தித்தாள்
தித்தித்தது குடித்த காப்பி
ஈர்த்தது குறுக்கெழுத்துப் புதிர்
திறந்தது இணையப் புத்தகம்
தொடர்ந்தது குறுக்கெழுத்துப் பதிவு
அடுத்தது பண்ணை விளையாட்டு
விளைந்திருந்தது இரவு விதைத்தது
சேர்ந்திருந்தது பரிசுக் குவியல்
திளைத்திருந்தது இளைய மனம்
-
மனம்னா...
இதாண்டா..
அது தமிழ்ல ஹார்ட்னு சொல்வோமே..அதுப்பா..
இவன் ஒருத்தன்...
அதாவது என்ன்ன்னா..
அய்யா..சாப்பிட்டு ரெண்டு நாளாச்சு
சரிதான் பெரீவரே.. அந்தப் பக்கம் போ...
ஸாரிப்பா..உனக்கு தெரியாத்தக் கேட்டுட்டேன்...
ஏண்டா..
ரெண்டுந்தான் உங்கிட்ட இல்லையே..
-
இல்லையே எல்லைகள்
இயல்பான ஆசைகள்
தொடராது தொல்லைகள்
துடிப்பான அறுபதுகள்
-
அறுபதுகள் இருபதை புரிதல் எளிது
இருபதுகள் அறுபதை அறிவதினும்.
-
கிறுக்கன்
-
அறிவதினும் மேலானது அழகு என்றே..
...அகத்தினிலே பொங்குசின முகத்தி லோங்க..
செறிவாகச் சொல்வதாக நினைத்தே அந்தச்
...சேயிழையும் தான்மொழிந்தாள் துறவி முன்னே...
முறிந்துவிடும் விஷமென்ன மூர்க்கமும் தான்...
...முனிவரவர் அர்த்தமுள்ள முறுவ லின்முன்...
புரிவதற்கு உனக்கின்னும் கால முண்டு..
..புரிந்தபின்னே நீவருவாய் என்னைத் தேடி...
கலகலப்பாய்த் தானிருந்த இளமை எல்லாம்..
...கடந்துவிட்ட வருடங்களில் கானல் நீராய்ப்
பழமையென மாறிவிடப் பாவை இன்றோ
..பக்குவத்தைப் பெறுவதற்கு அவரைத் தேட...
உலகினிலே அழகுமற்றும் காதல் எல்லாம்..
....நிலையான தில்லையெனச் சொன்னேன் அன்றே...
உளமார உண்ர்ந்துவிட்டாய் பெண்ணே’’ என்று
...உரைத்த்தற்குத் தலைவணங்கிச் சொன்னாள் நன்றி...
(ஒரு அந்தக் காலத் திரைப்பாடல் காட்சி நினைவுக்கு வந்த்து. புத்தரின்முன் ஒரு நடன நங்கை அழகின் செருக்கிலிருந்து அலட்சியப் படுத்திவிட்டு வயதான பின் வருந்துகிறாள்..பாடல் கூட உண்டு..’காதலைப் பொய்யென்றேனே கவனிக்கவில்லை நீயே..அழகெலாம் பொய்யென்றேனே அறிய்வும் இல்லை நீயே என வரும்..அதை அடிப்படையாக்க் கொண்டு இது...)
-
நன்றி கேட்கிறது எங்கெங்கும்
நல்ல நாகரிகந்தான் பழகிட
உள்ளத்திலிருந்து வருகிறதா
உதட்டிலிருந்து உதிர்கிறதா
உண்மை அதிலே இருக்கிறதா
யந்திரம் போல் சொல்வதுதானோ
நழுவிவிட ஒரு யுக்திதானோ
ஆராய்ச்சி வேணா அம்மகிழ்ச்சிக்கு
-
"மகிழ்ச்சிக்கும் கண்ணீர் வரும்..
முதன் முதலாய்ப் பள்ளியில்
பரிசுக் கோப்பை பெற்ற போது...
குடும்பத்தில் முதல் பட்டதாரி என
அப்பா பாராட்டிய போது....
முதல் சம்பளத்தை
அம்மாவிடம் கொடுத்த போது...
முதன் முதலில் நீ காதலைச் சொல்லி
அருகினில் இழுத்த பொழுது....”
“சரி, கல்யாணம் ஆகி சிலமாதம் முடிந்தும் விட்டதே..
இப்ப ஏன்’
‘போடா..சரியான மக்கு நீ...”
-
நீ நினைத்ததெல்லாம் நடந்தது
நடந்ததெல்லாம் இனித்தது
இனித்ததெல்லாம் தொடர்ந்தது
தொடர்ந்ததெல்லாம் உனக்கே உனக்கு
பலபல என விடிந்தபின் தூக்கமா
படவா எழுந்து பல்லைத் தேய்
-
”தேய் சுருக்கங்களின் மீது
காலரில் தண்ணீர் தெளி..
தோளிலிருந்து கைப்பக்கம் வரை உதறி வை
மறுபடியும் இன்னும் அழுத்தமாக..
அந்தக் கோட்டின் மேலேயே..
இப்போது காற்சட்டை..
ஒன்றன் பின் ஒன்றாக வைத்து
ஒரே கோட்டில் தேய்...”
என அதட்டி உருட்டி
அப்பா சொல்லித் தந்தது
இன்றும்
மடிப்புக் கலையாமல் உடுத்தி
டை அணிந்து செல்கையில்
மதிப்பும் மரியாதையும் தருகிறது..
சொன்னவர் மட்டும் காற்றில்....
-
காற்றில் கலந்திட்ட
மாசு போல
நாட்டில் கலந்திட்ட
மந்திரிகள்
பார்வையில் தெரிவதில்லை
விஷத்தின் வீரியம்!!!!
-
கிறுக்கன்
-
வீரியம் விதைக்கு
வீரம் மாந்தர்க்கு
விவேகம் பெரியோர்க்கு
வேண்டும் கட்டாயம்
-
கட்டாயம் கவிதைநிதம் எழுத வேண்டும்...
...கண்களிலே உற்சாகம் தேக்கி வைத்தே
மட்டற்ற சிந்தனைகள் எண்ண வேண்டா..
...மனதினிலே தமிழார்வம் கொண்டால் போதும்..
முட்டாமல் மோதாமல் முகட்டை நோக்கி
...முனைந்தபடி பார்த்திருந்தால் ஒன்றும் வாரா...
தட்டாமல் கற்பனைநூல் நன்றாய் நெய்தால்
...தகதகத்துப் பளபளக்கும் கவிதை இங்கே..
-
இங்கே இப்போது நடப்பதென்ன
வேங்கை ஆணை கண்டு பெண்மான்
வெருண்டது பழைய கதை அவளோ
வெகுண்டு எழுந்து வேங்கையாகி
விரட்டுகிறாள் அடக்கிய ஆணை
மானினும் மிரண்டு நிற்கிறான்
மலங்க மலங்க விழிக்கிறான்
மறந்தும் சமையல் கற்காத
மனையில் தங்க விரும்பாத
மழலையை மடியில் கொஞ்சாத
சாட்டையை சொடுக்கும் சர்க்கஸ்காரி
கொழுகொம்பை உதறும் கொடியின்று
உலக மகளிர் தினத்தில் தப்பாது
கொடி பிடிக்கும் கொள்கையெல்லாம்
கொன்றுபோடுமோ பெண்மை வரத்தை
மாதவத்தை மாண்புமிகு மகுடத்தை
மாற்றுமோ மரபணு தாய்மையை
ஆணும் பெண்ணும் ஆளத் துடிப்பதோ
அழகாய் இணைந்து வாழ நினைப்பதோ
அடுத்த தலைமுறை தலைவிதிப்படியே
காலமே கலிகாலமே கண்ணாடியாய்
காட்டு கண்ணுக்கு உறுத்தாத காட்சி
கல்லடி கிழவிக்கு கிடைக்குமென்றாலும்
சொல்லாமல் இருக்க முடியவில்லையே
-
முடியவில்லையே இன்னும்….
எப்போது முடியும்..
******
ஆரம்பத்தில்
எழுதி, பேசி, உழைத்து, போராடி..
முன்னேறி..
மீண்டும்
எழுதி, பேசி, போராடி,
முன்னேறி..
மறுபடி
எழுதி, பேசி.....
உயர் நிலையை அடைந்தாயிற்று...
’*****
பெற்ற பட்டங்களும்
பலப்பல..
தலைவன்,.
கணவன்,
தகப்பன்,
தாத்தா,
கொள்ளுத் தாத்தா
தமிழ் பெறும் தாத்தா
தமிழ் பெருந்தாத்தா
தமிழ் பெற்ற தாத்தா
தமிழ்ப் பேறான தாத்தா..
என...
‘****
வாரிசுகளுக்கும்
வாழ்வதற்குக்
கோடிட்டுக் காட்டாமல்
கோடிகளையே காட்டியாயிற்று...
முன்னூறு வருடங்கள்
உட்கார்ந்து சாப்பிடலாம்
உலகம் அழியாதிருந்தால்...
**
மக்கள்
கடவுள் மேலுள்ள
மூட நம்பிக்கையையே
என் மீதும் வைத்திருக்கிறார்கள்..
**
வடக்கிருக்கலாம் என்றால்
குழப்பமாயிருக்கிறது...!!
‘மேலுக்கு முடியவில்லை என்றாலும்
விடமாட்டேன் என்கிறார்கள்..
***
ம்ம்.. என்ன செய்ய...
வரும் மாதம் தேர்தல்
வேலை இருக்குது நிரம்ப....!
‘******
-
நிரம்ப மாற்றம் உலகெங்கிலும்
எங்கும் நிறைந்த சக்தியின்று
தொழுவில் கட்டிய மாடில்லை
துணிவில் துடிப்பில் ஈடில்லை
அறிவுச்சுடர் மிளிர்கிறது
அதிசயங்கள் நிகழ்கிறது
விடாத முயற்சியுண்டு
விழாத தைரியமுண்டு
குடத்தில் இட்ட விளக்கின்று
குன்றில் நின்று எரிகின்றது
தொடாத துறைகளில்லை
எட்டாத உயரங்களில்லை
எக்களமும் மிரட்டவில்லை
எத்தளமும் எட்டாததில்லை
சாதிக்கும் தங்க மங்கையர்
போதிக்கும் அரிய சமத்துவம்
அடுத்த கட்ட மனித நாகரிகம்
அழகாய் அரங்கேறும் நாளிது
-
இதனை இதனால் இவன் முடிக்கும்
என்று ஆராய்ந்து
அதனை அவன் கண் விடாமல்
வேலையை இழுத்து குற்றம் சொன்னால்
நல்ல மேலதிகாரி எனக்
கிடைக்கும் பாராட்டு
-
பாராட்டு பெண்ணின் பிறப்புரிமை
ஏவாள் எழுதினாள் முதல் பக்கம்
தொடர்கிறது சரித்திரப் புத்தகம்
எழுதுகோல் பெண்ணின் கையில்
என்றும் மாறாத வழக்கம்
கணிக்க முடியாத கணக்கு
எப்போது எங்கு என்ன நடக்கும்
எப்போதும் தீர்மானிப்பது பெண்
-
*****
”பெண்ணை அழைச்சுண்டு வாங்கோ....”
பெண் வந்தாள்
முக அலங்கார நிபுண்ர்
மென்மையாய் தொட்டு விட்டிருந்த
கன்னத்துடனும்
கண்களில் மை சற்றே
கொஞ்சம் ஓரத்தில் படர்ந்திருக்க
கழுத்தில் மாலை,
பூச்சூடிய கூந்தல்,
பட்டுப் புடவை, சரசரக்க..
.
‘ரத்தியாட்டம் இருக்கே போ’
என திருஷ்டி கழித்தது எந்த மாமி..?
மாலை ரொம்ப கனக்கிறதே..
பின்னால் பின்னலில்
பூவா நாரா ஏதோ இழுக்கிறது..
ஏற்கெனவே வேகுது
இதில வீடியோக்காரனோட விளக்கு வேற...
தம்பிக்கடங்காரன்
சிரிச்சபடி இருக்காங்கறான்..
இவனுக்கு ஆகிறப்ப பார்க்கலாம்..
ஆமா இவன் எங்க நடக்கப் போறான்...
இந்த மண்டபத்தில ஏன்
மாடில்ல பொண்ணோட அறை வச்சுருக்காங்க..
ஊர்வலமாட்டமா
நடக்க வேண்டியிருக்கு..
கொஞ்சம் சிரிக்க வேற செய்யணுமாம்..
சிரிச்சபடியே வெச்சிருந்தா
உதடு அப்படியே நீளமாயிடுத்துன்னா...
வாத்யார் தேவலோகத்துக் காரரோ
கொஞ்சம் புகை ஜாஸ்தி இல்லை...
இவன் அம்மா என்ன
இப்பவே நா சிரிச்சதுக்கு
பதிலுக்கு சிரிக்கலை...
இவன் என்ன...
போட்டோல்லயும் பேண்ட் ஷர்ட்லயும்
ஜம்னு இருந்தான்..
இப்ப என்னடான்னா
பேர்பாடில்ல
‘ஓங்கி உலகளந்த
உத்தமர் பேர்பாடி”ன்னு
பாடற்வாளாட்டமா
மினி தொப்பையோட இருக்கான்..
ம்ம் எல்லாம் ஆகட்டும்..
பட்டினி போடலாம்..!
ந்ல்லவேளை
அப்பா அளவுக்கு இல்லை...
வாத்யார் ஸ்வாமிகளே
சீக்கிரம் தாலிகட்டச் சொல்லும் ஓய்!!
கொஞ்சம் கஷ்டமா
அப்பா ம்டில்ல ஒக்காந்துண்டிருக்கேன்”
கெட்டிமேளம் ஒலிக்க
கிடுகிடுவெனக் கழுத்தில்
மங்கல நாண் ஏறியதும்
உட்லுள் படர்ந்தது
ஒருவித நிம்மதி.....
******
-
நிம்மதி தொலைந்தது
ஏக்கம் மிகுந்தது
பொறாமை பிறந்தது
ஆடவன் மனதினில்
மார்ச் எட்டு உலகிலே
பெண்ணை கொண்டாடும் நாள்
ஆணுக்கு ஒரு தினம்
ஒதுக்கினால் ஆகாதோ
வருத்தம் வேண்டாமடா
ஏப்ரல் ஒன்னு உனக்குத்தான்
-
உனக்குத் தான்
என்றிவளை
என்னிடம் தள்ளிவிட்டு விட்டார்கள்..
அல்லது
நான் விழுந்து விட்டேனா..
இந்த
எண்பது கிலோ தாஜ்மஹால்
எனக்கே எனக்கா..
கண்மை கரைந்திருப்பதும்
அவளுக்கு அழகு..
ஆனால் எனக்குமா..
இட்ட்து அவள் அம்மா தான்..
அப்புறம் கவனிக்க வேண்டும்..
கையை இறுக்கமாகப் பிடி என
கண்ணால் ஜாடைகாட்டுகிறார்
அக்காவின் கணவர்..
அவருக்குப்
பழி வாங்குவதாக ஒரு நினைப்பு...
ம்ம்
திருப்பிச் சொல்லுங்கோ
என்கிறார் வாத்யார் ஸ்வாமிகள்..
வாயில் நுழைவது போல் சொல்லுங்கோ
எனச்
சொல்லத் தோன்றுகிறது..
ஆனால் முடியவில்லை..
ஒருவழியாய்
வாகாய்
அந்தப் பளிங்குக் கழுத்தில்..
ம்,ம்ம் வேறு உவமை
யோசிக்க வரவில்லை...
கட்டியாயிற்று...
அத்திம்பேர், அக்கா,
தெரிந்தவர் தெரியாதவர்
எல்லாம்
வாழ்த்துக்கள் என்றபோது
கண்ணோரம் ஈரம் வந்த்தே
அது புகையாலா..அல்லது...!
***
****
-
அல்லது என்று இழுப்பதே பிழைப்பாகிவிட்டது
எதிலாவது திடமான முடிவெடுத்திருக்கிறாயா
எந்தப் பாதையிலாவது தயங்காமல் நடக்கிறாயா
தடுமாறும் தாரமே ஊசலாடும் தராசு முள்ளா நீ
-
நீ
என்ன நினைத்துக் கொண்டு
என்னை
இப்படிப் படுத்துகிறாய்.....
**
சரீஈ....
நான் தான் இடம் கொடுத்தேன்
காரணம் நான் மட்டும் இல்லை..
அதெல்லாம் உனக்குப் புரியாது...
அதற்காக என்னைத்
தலைசுற்ற வைக்க வேண்டுமா...
***
எனக்கு
உருளைக்கிழங்கு கறி
காரசாரமாய்
சாப்பிடப் பிடிக்கும்..
உனக்குப் பிடிக்கவில்லை என்றால்
போயேன்..
ஏன் வெளித்தள்ளுகிறாய்...
**
எனக்கு
சத்தமான இசையுடன்
ஆடவும் பிடிக்கும்..
ம்ம் நன்றாகவும் ஆடுவேன்...
சத்தமாக்க் கேட்க்க் கூடாதாம்
ஆட்வும் கூடாதாம்
அம்மா சொல்கிறாள்..
எல்லாம் உன்னால் தான்...
**
நல்ல விஷயம் தான்
படிக்கணுமாம்....
நல்ல விஷயம் தான்
கேட்கணுமாம்..
இவர் சொல்கிறார்....
இவரே ஒரு
கெட்ட விஷயம்...!
**
போரடித்தால்
பேசாமல்
ராமா ராமா என்று
சொல்லிண்டு தூங்கு...
நடுராத்திரியில் உதைக்காதே..
எனக்குப் பிடிக்கவில்லை
சொல்லி விட்டேன்...!
இப்படியே தொடர்ந்தால்
என்ன செய்வேன் தெரியுமா..
வெளியில் வா...
வந்தவுடன் உன்னை...உன்னை...
பயப்படாதே...உதைக்க மாட்டேன்...
கொஞ்சுவேன்...!
***
-
கொஞ்சுவேன் கூந்தலை கலைக்கும் தென்றலை
கோலத்தின் மேல் ஓடி அழிக்கும் குட்டி நாயை
கழுத்தைச் சாய்த்துப் பார்க்கும் குருவியை
கடையில் வாங்கி வந்த புதுச் சேலையை
கையில் கலகலக்கும் கண்ணாடி வளையலை
காற்றாய் மனம் பறக்கையில் இன்பமயமே
-
…..இன்பமயம்”
கண்முடி அனுபவித்துப்
பாடிக் கொண்டிருக்க
எதிரில்
இரண்டாம் வரிசையில
அமர்ந்திருந்த ஒரு மாமா
குறுந்தகவல் அனுப்பிக் கொண்டிருக்க
அங்கங்கே நாற்காலிகளில்
பரவலாய் அமர்ந்தபடி சிலர்
தங்களுக்குள் பேசிக் கொண்டிருக்க
கொஞசம் தள்ளி
காதுகேட்கும் கருவி
வெளியில் வந்த்து தெரியாமல்
ஒரு பெரியவர் ஜோராய்த்
தாளம் போட்டுக் கொண்டிருக்க..
புதிதாய் நுழைந்த கண்ணாடி மாமி, குண்டு மாமா
மணமக்களை வாழ்த்திவிட்டு
செல் மாமாவிடம் சத்தமாய்ப் பேச...
நடுவில் சிலர்
ஈஸ்ட்மென் கலரில்
குளிர்பான்ங்கள் கொடுத்துக் கொண்டிருக்க..
சில சிறுமிகள் பட்டுப் பாவாடையுடன்
புதுசாய் சந்தித்த சினேகிதர்களுடன்
சத்தமிட்ட படி குறுக்கே ஓட...
பாடி முடித்துக் கண் திற்ந்தால்...
சோகையாய் ஓரிரு கைதட்டல்கள்...
அவள் கண்ணோரம் ஈரம்...
-
ஈரம் இரக்கம் இருக்கா
கீரைக்காரியிடம் பேரம் ஏன்
கடிகிறான் சின்ன மகன்
மிச்சப்படுத்திய பைசாவில்
மாடிதான் கட்ட முடியுமா
இது என்ன மடமையோ
-
மடமையோ என
நினைக்க வேண்டாம்..
இது
மக்களின் நலனுக்காகவே
ஏற்பட்ட கூட்டணிஎன
பேசி முடித்த தலைவர்
சொல்லவில்லை
தன் மக்களின் நலன் என்பதை
-
நலன் என்பதை நினைத்தால்
நல் விவேகம் இருந்தால்
பயிருக்கு வேலி வேண்டும்
காத்திருக்கு வெள்ளாடு
நட்பிற்கு வரம்பு வேண்டும்
கள்ளம் புக வழியிருக்கு
ஆசைக்கு எல்லை வேண்டும்
போதுமென்பது பொன் மருந்து
-
*
மருந்துக்குக் கூட
பொறுப்பிருக்கிறதா பாரேன்
பரீட்சை நேரம்..
இழுத்துப் போர்த்துக் கொண்டு தூங்கறான்
படித்தானோ என்னவோ...
எலக்ட்ரிசிடி பில் கட்டிட்டீங்களா..
ஏன் இப்படி இருமறீங்க
அந்தக் கண்றாவியக்
குறைத்துக் கொள்ளலாமில்ல..
நீ என்னடி இப்படி
தலையை பேன்னு போட்டுக்கிட்ட்ருக்க
வா உட்கார்.. வாரி விடறேன்
பேன் வந்துடப் போவது..
இந்த வேலைக்காரி இன்னும் காணோம்..
கால் வேற நமநமங்குது..
சக்கரை ஜாஸ்தியாய்ருக்குமோ
உங்க அக்காக்கு வேற
போன் போட்டு பேசணும்
நாளாச்சு
மாப்பிள்ளை எப்படி இருக்காரோ..
இவ குளிச்சாளோ என்னவோ..
ஏய் இவனை எழுப்பேன்..
ஞாயித்துக்கிழமைன்னா என்ன
படிக்கலாமே..
**
அம்மாவின் கவலைக்கு
அளவே இல்லை..
எல்லா அம்மாக்களுக்குமே
அப்படித் தான்...
-
அப்படித்தான் நடக்கவேண்டும் என்று இருந்தால்
அப்படித்தான் நடந்தே தீரும் நிச்சயமாய்
அப்படித்தான் நடக்குமென்று சொல்லும் உள்ளுணர்வு
அதிசயமாய் சிலருக்கு வாய்த்த ஏழாம் அறிவு
அப்படித்தான் நடக்கவேண்டும் என்று எண்ணுவது
அப்பட்டமான பிடிவாதம் அல்லது பேராசை
ஆளப்பிறந்தவர்கள் திறமையாகும் பல நேரம்
ஆக்கமுடன் முயல்பவர்கள் சாதனை பெருகட்டும்
-
****
பெருகட்டும் பாவலரே உன் திறமை என்றே
...பேரரசன் உவகையுடன் பரிசுதனைத் தரவும்
உருகித்தான் உளமுழுதும் உற்சாகம் பொங்க
..உணர்வுகளீன் ஓசையினால் குரலதுவும் குழற
கருகட்டும் மன்னாஉன் எதிரிகளின் வீரம்..
..க்ண்களிலே பட்ட்தெலாம் உன்னடிமை ஆகும்..
மெருகுபெறும் உன்னாலே மக்களவர் வாழ்வே..
..பெருந்தகையே வாழிநீ என்ற்வரின் நினைவும்
பின்னோக்கி அன்றையநாள் நடந்த்தையே எண்ண்..
..”பலவிடங்கள் சென்ற்திலே உடலசதி கொண்டு
முன்னோக்கிப் பார்க்கவொரு மரப்பலகை கண்டே..
..முரசறையும் கட்டிலெனத் தெரியாமல் ஏறி
நன்றாகத் தூங்கிய்பின் மென்காற்றில் விழித்தால்..
..நின்ற்படி முறுவலுடன் விசிறியுடன் மன்ன்ன்..
கண்விழித்து மனம்பதைத்தால் பொற்கிழியைத் தந்தான்..
...கருணைமன மன்ன்னிவன் என்றென்றும் வாழ்க!”
-
வாழ்க இந்த மாயாலோகம்
வலம் வர எத்தனை வழி
வசதியாய் ஒரு முகமூடி
வேண்டாம் உண்மை முகவரி
வளரும் முகம் பாரா நட்பு
சோழனும் ஆந்தையாரும் தூசு