-
தலைவரின் படங்கள் என்றுமே திரையீட திரையீட வசூலில் குறைவில்லாத அட்சய பாத்திரம்
Quote:
Originally Posted by
makkal thilagam mgr
எங்கள் இதய தெய்வம் எம். ஜி. ஆர். அவர்கள் நடித்த காவியமாம் " எங்கள் வீட்டு பிள்ளை "
http://i1273.photobucket.com/albums/...psf561177c.jpg
ஏற்படுத்திய வரலாறு காணாத சாதனை காணீர் :
சென்னை நகரையே வலம் வந்து சுமார் மூன்று மாத காலம் ஓடியது.
06-08-1982 முதல் சென்னை சரவணா மற்றும் குரோம்பேட்டை வெற்றி ஆகிய அரங்குகளில் தினசரி 4 காட்சிகளுடன் ஒரே நேரத்தில் வெளியாகி, சரவணா அரங்கில் முதல் 28 காட்சிகளும் அரங்கு நிறைந்தது.
13-08-82 முதல் சென்னை செலக்ட் அரங்கில் திரையிடப்பட்டது. சரவணா அரங்கில் 2வது வெற்றிகரமான வாரம் தொடர்ந்தது.
20-08-82 செலக்ட் அரங்கிலும் முதல் 28 காட்சிகள் அரங்கு நிறைந்தது. சென்னை செலக்ட் அரங்கில் 2வது வெற்றிகரமான வாரம் தொடர்ந்தது.
27-08-82 முதல் சென்னை சித்ரா (தினசரி 4 காட்சிகள் ) மற்றும் ஸ்ரீனிவாசா (தினசரி 3 காட்சிகள் ) அரங்குகளில் திரையிடப்பட்டது. இரண்டு அரங்கிலும் முதல் வாரத்தில் அனைத்து காட்சிகளும் (முறையே 28 மற்றும் 21 காட்சிகள் ) அரங்கு நிறைந்தது.
03-09-82 அன்று இரு அரங்குகளிலும் ( சித்ரா மற்றும் ஸ்ரீனிவாசா அரங்குகளில் ) இரண்டாவது வாரம், அதே 4 மற்றும் 3 காட்சிகளுடன் வெற்றிகரமாக தொடர்ந்தது.
10-09-82 அன்று பழனியப்பா அரங்கில், தினசரி 4 காட்சிகளுடன் திரையிடப்பட்டது.
ஒரு வார குறுகிய இடைவெளியில், (புதிய பட வரவின் காரணமாக இருக்கும் என்று கருதுகிறேன்) மீண்டும்
24-09-82 முதல் உமா அரங்கில், தினசரி 4 காட்சிகளுடன் திரையிடப்பட்டது.
01-10-82 முதல் தங்கம் அரங்கில் தினசரி 4 காட்சிகளுடன் திரையிடப்பட்டது.
08-10-82 முதல் வீனஸ் அரங்கில் தினசரி 3 காட்சிகளுடன் திரையிடப்பட்டது.
ஒரு வார குறுகிய இடைவெளியில், மீண்டும்
22-10-82 முதல் பிரைட்டன் அரங்கில், தினசரி 4 காட்சிகளுடன் திரையிடப்பட்டது.
29-10-82 முதல் ஸ்ரீ பத்மநாபா அரங்கில் தினசரி 3 காட்சிகளுடன் திரையிடப்பட்டது.
05-11-82 முதல் காமதேனு அரங்கில் தினசரி 4 காட்சிகளுடன் திரையிடப்பட்டு, அதில் 26 காட்சிகள் அரங்கு நிறைந்தது. முன்னரே அரங்க நிர்வாகத்திடம் செய்து கொண்ட ஒப்பந்தத்தினால், காமதேனு அரங்கில் 26 காட்சிகள் அரங்கு நிறைந்தும், 2வது வாரம் தொடர முடியாமல் போனது துரதிருஷ்டமே.
12-11-82 முதல் சன் அரங்கில் தினசரி 3 காட்சிகளுடன் திரையிடப்பட்டது.
இந்த சாதனை போதாதென்று, மீண்டும் 3 மாத இடைவெளியில், 1983ம் வருடம், திரையிடப்பட்ட போது, ஓர் எழுச்சியை ஏற்படுத்தியது எங்கள் தங்கத்தின் "எங்க வீட்டு பிள்ளை " காவியம்
04-02-1983 முதல் சென்னை பிரபாத் அரங்கில் தினசரி 3 காட்சிகளுடன் திரையிடப்பட்டது.
ஒரு வார குறுகிய இடைவெளியில்
18-02-83 முதல் சென்னை சரஸ்வதி அரங்கில் தினசரி 3 காட்சிகளுடன் திரையிடப்பட்டது
சற்று இடைவெளியில் ,
08-04-83 சென்னை வெலிங்டன் அரங்கில் தினசரி 3 காட்சிகளுடன் திரையிடப்பட்டது.
15-04-83 முதல் சென்னை சயானி அரங்கில் தினசரி 3 காட்சிகளுடன் திரையிடப்பட்டது.
29-04-83 முதல் ஸ்ரீ முருகன் அரங்கில் தினசரி 3 காட்சிகளுடன் திரையிடப்பட்டது.
12-08-83 முதல் ஜெயராஜ் அரங்கில் தினசரி 3 காட்சிகளுடன் திரையிடப்பட்டது.
இது போன்ற சாதனைகளை நிகழ்த்த தமிழ் திரையுலகில் மக்கள் திலகத்தால் மட்டும்தான் முடியும் என்ற காரணத்தினால் அவர் " புரட்சி நடிகர் " என்ற மற்றொரு பட்டப்பெயருடன் அழைக்கப்பட்டு பின்னர் அது அரசியல் சாதனையால் "புரட்சித் தலைவர் " என்று மாறியது.
ஓங்குக ஆலயம் கண்ட ஆண்டவன் எம். ஜி. ஆர். புகழ் ! !
அன்பன் : சௌ. செல்வகுமார்
என்றும் எம். ஜி. ஆர்.
எங்கள் இறைவன்
குறிப்பு :
அடுத்து இதே போல் சாதனகைளை ஏற்படுத்திய .... உலகம் சுற்றும் வாலிபன், அடிமைப்பெண், மாட்டுக்கார வேலன், வேட்டைக்காரன் போன்ற வெற்றிப்படத் தகவல்கள் இடம் பெறும் என்பதனையும் தெரிவித்துக் கொள்கிறேன்.
-
என்றும் வாழும் எங்க வீட்டு பிள்ளை - மக்கள் திலகம் எம்.ஜி.ஆர்., பாகம் 9 நிறைவடைந்து, பாகம் 10 அதி அழகாக தொடங்கியுள்ள நல்ல நேரம் அம்சமாக அமைந்திருக்கிறது...இந்த நல்ல வேளையில் புரட்சி தலைவரின் புகழ் பற்பல ரூபங்களில் இன்னும்... வெளியாக அனைத்து நல்ல இதயங்களும் சேவையாற்ற பணிவன்புடன் அழைப்பதில் பேரு மகிழ்ச்சி...
-
புரட்சி நடிகரின் மகத்தான பெருமை மிகு திரியின் பாகம் 10 - தொடங்கியுள்ள திருவாளர் லோகநாதன் அவர்களின் மடல் வெகு சிறப்பு... மையம் அமைப்பாளர்கள், நிர்வாகிகள் எல்லோருக்கும் மக்கள்திலகம் அவர்களின் ரசிகர்கள் சார்பாக நன்றியை தெரிவித்து கொள்கிறோம்...
-
தமிழ் அகராதியில் புகழ் & வசூல் என்ற சொற்களுக்கு மறு பெயர் மக்கள் திலகம்
-
http://i1170.photobucket.com/albums/...pseda6ac07.jpg
முன்பிருந்தவர் நேற்றில்லை ; நேற்று இருந்தவர்
இன்றில்லை ; இன்றிருப்பவர் நாளை .............
ஆட்சியில் இருக்கும் காலம் குறைவாக இருந்தாலும்
மக்களுக்கு , எவ்வளவு நன்மை செய்ய முடியுமோ
அதைச் செய்வதுதான் என் முதல் வேலை ! "
சொன்னவர் எங்கள் கடவுள்
சொன்னதை செய்தும் காட்டினார்
-
-
http://i1170.photobucket.com/albums/...ps93efcde8.jpg
என் வரிசையில் தொடங்கும் தலைவர் திரை படங்கள்
1. என் தங்கை
2. என் கடமை
3. என் அண்ணன்
-
கேப்டனுக்கு உடல்நிலை சரியில்லை அப்பல்லோவில் அனுமதி என்ற செய்தி படித்து துடி துடித்து போனேன்.ஒரு காலத்தில் எங்கள் மக்கள் திலகமும் இதே ஆஸ்பத்திரியில் தானே அனுமதிக்கப்பட்டார்.அன்று மக்கள் ஊனின்றி உறக்கமின்றி தெருவெங்கும் கூட்டமாக அமர்ந்து மக்கள் திலகத்துக்காக பிரார்த்தனை செய்தனரே மந்திரிகளும் எம்.எல்.ஏக்களும் தலைவரை பார்த்து விட்டு அவர் உடல்நிலை பற்றி வெளியில் கூட்டம் கூட்டமாக அமர்ந்திருக்கும் மக்களிடம் தலைவரின் உடல்நிலை பற்றி சொல்லிவிட்டு போவார்களே அதுவெல்லாம் நினைவில் வந்தது. இவரும் கருப்பு எம்ஜிஆர் ஆயிற்றே அதே போல மருத்துவமனை பரபரப்பாக இருக்கும்.ஆண்டவனே உன் பாதங்களை பாடல் தெருவில் ஒலிக்கும் மக்கள் எல்லாம் கூட்டம் கூட்டமாக அமர்ந்து பிரார்த்தனை செய்துக் கொண்டிருப்பார்கள் என்று ஒரு வித அச்ச உணர்வோடு மருத்துவமனை அருகில் சென்றால் வாசலில் நிற்கும் செக்யுரிட்டி கதவை திறந்து வைத்து விட்டு பக்கத்து டீ கடைக்கு டீ குடிக்க போயிருக்கிறார் என்ற செய்தி கேட்ட பின்பு தான் மனதுக்கு அமைதியே வந்தது.அப்பாடா எங்கள் கேப்டனுக்கு பயப்படும் படி ஒன்றும் இல்லை.
Courtesy net
-
தாய் சொல்லைத் தட்டாதே படத்தைத் தயாரிக்க முடிவு செய்ததும், கதையை எம்.ஜி.ஆரிடம் கூறுவதற்காக என்னை அவரிடம் தேவர் அழைத்துச் சென்றார். என்னைப் பார்த்ததும் எடுத்த எடுப்பிலேயே, 'நீங்கள் சிவாஜி படங்களுக்கு வசனம் எழுதுகிறீர்கள் அல்லவா?' என்று எம்.ஜி.ஆர். கேட்டார். 'பாசமலர்', 'படித்தால் மட்டும் போதுமா' ஆகிய படங்களுக்கு வசனம் எழுதியிருப்பதாக தெரிவித்தேன். 'நீங்கள் சிவாஜி பிலிம்சுக்கு நிரந்தர எழுத்தாளரா?' என்று எம்.ஜி.ஆர். கேட்டார். 'இப்போதைக்கு அப்படித்தான்' என்றேன். 'சிவாஜியை உங்களுக்கு எப்படி தெரியும்?' என்று கேட்டார், எம்.ஜி.ஆர்.
'ஜெமினி அறிமுகம் செய்து வைத்தார்' என்றேன். 'தாய் சொல்லைத் தட்டாதே படத்துக்கு வசனம் எழுதி முடித்து விட்டீர்களா?' என்று கேட்டார். 'எழுதி முடித்து விட்டேன்' என்றேன். 'படப்பிடிப்புக்கு முன் முடித்துவிடுவது நல்ல வழக்கம்தான்' என்றார், எம்.ஜி.ஆர். புலிக்கு எதிரில் நிற்கும் ஆடு போன்ற நிலையில் நான் இருந்தேன்! எம்.ஜி.ஆர். என்னை சிவாஜியின் ஆள் என்று முடிவு கட்டிவிட்டார் என்று எனக்குத் தெரிந்தது. படத்திலிருந்து விலகிக்கொள்ளலாமா என்று நினைத்தேன். ஆனால், `தாய் சொல்லைத் தட்டாதே' படத்துக்கு முழு வசனமும் எழுதி முடித்துவிட்டதால், என்ன செய்வது என்று தெரியவில்லை.
இந்த நிலையில் படப்பிடிப்பு ஆரம்பமானது. தாயில்லாத பெண்ணான சரோஜாதேவியின் தந்தை எம்.ஆர்.ராதா. தந்தையற்ற மகனான எம்.ஜி.ஆரின் தாய் கண்ணாம்பா. அவர் கைம்பெண் ஆனதற்கு காரணமே எம்.ஆர்.ராதாதான். இந்த நிலையில், தனது காதல் திருமணத்திற்கு தந்தையின் அனுமதி கிடைத்துவிட்டது என்று சரோஜாதேவி, எம்.ஜி.ஆரிடம் கூறுவது போன்ற காட்சி படமாகியது. 'உங்கம்மாவை எங்க வீட்டுக்கு அனுப்பி, எங்க அப்பாகிட்ட என்னை பெண் கேட்கச் சொல்லுங்க' என்றார், சரோஜாதேவி. 'எங்கப்பா இறந்ததற்கு அப்புறம், எங்க அம்மா எந்த மங்கல காரியத்திலேயும் பங்கெடுக்கிற வழக்கம் இல்லை. பொதுவாக கணவரை இழந்த பெண்களை பார்க்கிறதே அபசகுணம் என்று சொல்வாங்க. ஆனால் நான் விடிந்ததும் முதலில் என் அம்மா முகத்தில்தான் நான் விழிக்கிறேன். அதனால்தான் எனக்கு வெற்றி மேல் வெற்றி கிடைக்கிறது.
எனக்கு எப்பவும் தாய்தான் தெய்வம். அந்த தாய் சொல்லை தட்டமாட்டேன்' என்பார், எம்.ஜி.ஆர். இந்த வசனத்தை நான் படித்துக் காட்டியதும் எம்.ஜி.ஆர். என்னை தன்னோடு சேர்த்து அணைத்துக் கொண்டு, என் தோளில் தட்டிக்கொடுத்தார். பின்னர், 'தாயை பற்றி நீங்கள் எழுதி இருக்கும் வசனம் வார்த்தைக்கு வார்த்தை எனக்குப் பொருந்துகிறது. இது எனக்காகவே எழுதப்பட்டது போல் இருக்கிறது' என்றார். எம்.ஜி.ஆரைப்பற்றி, தவறான புள்ளிகள் வைத்து என் மனமுற்றத்தில் நான் போட்டிருந்த தவறான கோலம், முற்றிலுமாக அழிந்து போய்விட்டது.
- திரு.ஆரூர்தாஸ் பதிவிலிருந்து .
-
http://i1170.photobucket.com/albums/...psb08b920e.jpg
டாக்டர் சந்திரன் அவர்களே உங்களை போல் எல்லா மருத்துவர்களும் நடந்துகொண்டால் ஏழைகள் நலமாக வாழ்வார்கள்
-
http://i1170.photobucket.com/albums/...ps709fee31.jpg
புன்னகை வேந்தரே உங்கள் புகை படத்தை பார்த்து கொண்டுஇருந்தால் பசியே எடுக்காது
-
Today vettaikaran telecast in sunlife channel @11.00 am hours ( i think third time this film telecasted past one month)
Quote:
Originally Posted by
mgrraamamoorthi
-
wish u happy birthday to jaishankar sir
-
மக்கள் திலகம் எம்.ஜி.ஆர். பாகம் - 10 ஐ மறைந்தும் மறையாமல் வாழும்
புரட்சி தலைவர் நல்லாசியுடன் துவக்கியதற்கு நல்வாழ்த்துக்கள் /பாராட்டுகள்/வரவேற்புகள் வழங்கிய திருவாளர்கள் ;வினோத் (பெங்களுரு ),சி.எஸ். குமார் (பெங்களுரு ), வேலூர் ராமமூர்த்தி , கலியபெருமாள் (புதுவை ), பேராசிரியர் செல்வகுமார் , ரூப்குமார் , ரவிச்சந்திரன் (திருப்பூர் ), ரவிகிரன் சூர்யா , சுகாராம் ஆகியோருக்கு இதயங்கனிந்த நன்றிகள்.
அலைபேசி மூலம் வாழ்த்து கூறிய திரு. யுகேஷ் பாபு அவர்களுக்கும் ,
தொலைபேசி மூலமும், நேரிலும் வாழ்த்துக்கள் தெரிவித்த அனைத்து
அன்பு உள்ளங்களுக்கும் என் பணிவான நன்றி.
புதிதாக திரியில் பங்கேற்று உள்ள திரு. கலைவேந்தன் அவர்களுக்கு
நல்வரவு /நல்வாழ்த்துக்கள். எனக்கு வாழ்த்துக்கள் தெரிவித்த திரு. கலைவேந்தன் அவர்களுக்கு பசுமையான நன்றி. மற்ற நண்பர்களை போலவே தாங்களும் உத்வேகத்துடன் செய்திகள்/புகைப்படங்கள்/அரிய ஆவணங்கள் பதிவிட்டு இந்த திரி விரைவில் சிகரத்தை அடைய அரும்பணி ஆற்றுவீர்கள் என நம்புகிறேன் .
நண்பர்கள் வேலூர் ராமமூர்த்தி, கலியபெருமாள், யுகேஷ் பாபு , ரவிச்சந்திரன் செல்வகுமார் ஆகியோரின் பதிவுகள் அருமை.அற்புதம். இந்த திரி தொடங்கிய முதல் நாளே 6 பக்கங்கள் முடிக்க உதவியதற்கு கனிவான நன்றி. விரைந்து செயலாற்றுங்கள் நண்பர்களே.
மக்கள் திலகம் பாகம் -10 ஐ துவக்கிய வேளையில் பிறந்த நாள் கண்ட திரு. ஜெய்சங்கர் அவர்களுக்கு நல்வாழ்த்துக்கள். புரட்சி தலைவர் புகழ்பாடும்
தாங்கள் இன்று போல் என்றும் வாழ்க ! பல்லாண்டு வாழ்க.!
ஆர். லோகநாதன்.
-
http://i59.tinypic.com/2412r8h.jpg
ஆயிரத்தில் ஒருவன் 101 வது நாள் மாலை காட்சி - ஆல்பட் அரங்கம் உள்ளே.
-
-
-
-
-
தலைவர் படங்களில் எனக்கு பிடித்த டாப் 10 கதா பாத்திரங்களின் பெயர்கள்
1. அன்பே வா - j .b
2. நாளை நமதே , நீதிக்கு தலைவணங்கு - விஜய்
3. ஆயிரத்தில் ஒருவன் - மணிமாறன்
4.மன்னாதி மன்னன் , நீரும் நெருப்பும் - மணிவண்ணன்
5.உரிமை குரல் - பொன் மேடு கோபி
6.நினைத்ததை முடிப்பவன் - ரஞ்சித்
7.படகோட்டி நேற்று இன்று நாளை - மாணிக்கம்
8.சக்கரவர்த்தி திருமகள் - உதயசூரியன்
9.திருடாதே - பாலு
10.பெற்றால் தான் பிள்ளையா - ஆனந்தன்
-
தலைவர் தனது திரைபடத்தில் உள்ள கதா பாத்திரங்கள் எல்லா தொழில் செய்யும் வண்ணம் நடித்துள்ளார்
1. பொறியாளர் - கொடுத்து வைத்தவள்
2.மருத்துவர் - தர்மம் தலை காக்கும் , புதிய பூமி
3.வக்கீல் - நீதிக்கு பின் பாசம்
4. மீனவனாக - படகோட்டி , மீனவ நண்பன்
5. ரிக்க்ஷா தொழிலாளி -ரிக்க்ஷா கர்ரன்
6.விவசாயி
7.பூட்ஸ் பாலிஷ் போடுபவராக - குமரி கோட்டம்
8.லாரி மற்றும் கார் ஓட்டுனராக - எங்கள் தங்கம் காவல் காரன்
9. ரோடு போடுபவராக் - கணவன்
10.துப்புரவு தொழிலாளி - நேற்று இன்று நாளை
-
சிலுவை என்றால் இயேசு
அக்ஹிம்சை என்றால் காந்தி
திருக்குறள் என்றால் வள்ளுவர்
மனித நேயம் என்றால் மக்கள்திலகம்
-
உயிர் எழுத்துக்களில் அமைந்த தலைவரின் திரைக்காவியங்கள்
1. அன்னமிட்ட கை
2. ஆயிரத்தில் ஒருவன்
3. இரு சகோதரர்கள்
4. உரிமை குரல்
5. ஊருக்கு உழைப்பவன்
6.என் கடமை
7.ஒரு தாய் மக்கள்
-
மக்கள் திலகம் எம்ஜிஆர் - பாகம் 10 துவக்கி வைத்த இனிய நண்பர் திரு லோகநாதன் அவர்களுக்கு அன்பு வாழ்த்துக்கள் .
மக்கள் திலகத்தின் திரியில் புதியதாக இணைந்திருக்கும் திரு கலைவேந்தன் அவர்களை அன்புடன் வரவேற்கிறோம் .
எங்க வீட்டு பிள்ளை - சென்னை நகரில் 1982ல் மறு வெளியீடு பற்றிய முழு தகவலை அளித்த பேராசிரியர் திரு
செல்வகுமார் அவர்களுக்கு பாராட்டுக்கள் .
மக்கள் திலகம் எம்ஜிஆர் திரியில் நண்பர்கள் எல்லோரும் தொடர்ந்து பதிவுகள் வழங்கி சிறப்பிக்குமாறு கேட்டு
கொள்கிறேன் .
-
1974- மக்கள் திலகத்தின் திரை உலக சரித்திர புகழ் வெற்றி நினைவுகள் .
40 ஆண்டுகள் முன் நடந்த தமிழ் திரை உலகின் மக்கள் திலகத்தின் மூன்று படங்கள் -ஒரு கண்ணோட்டம் .
நேற்று இன்று நாளை
உரிமைக்குரல்
சிரித்து வாழ வேண்டும் .
மக்கள்திலகத்தின் பட்டிக்காட்டு பொன்னையா படத்திற்கு பிறகு 11 மாதங்கள் இடைவெளிக்கு பிறகு வந்த படம் நடிகர்
அசோகனின் ''நேற்று இன்று நாளை ''
12.7.1974 அன்று திரைக்கு வந்தது . எத்தகைய சூழலில் .............
அன்றைய ஆளும் கட்சியின் தொடர் அரசியல் படு தோல்விக்கு காரணமான மக்கள் திலகத்தின் அரசியல் செல்வாக்கு
மக்கள் மத்தியிலும் - ரசிகர்கள் மத்தியிலும் கிடைத்த மாபெரும் வரவேற்பை கண்டவர்கள் - எப்படியாவது எம்ஜிஆரின்
வளர்ச்சியினை தடுக்க பல் வேறு முயற்சிகளை மக்கள் திலகம் தன்னுடய சாமர்த்தியத்தால் , எல்லா
எதிர்ப்புகளையும் முறியடித்து மாபெரும் வெற்றி கண்டார் .
நடிகர் அசோகனை பணிய வைத்து
திரை அரங்கு உரிமையாளர்களை மிரட்டி
விநியோகஸ்தர்களை எச்சரித்து
தமிழர் பறக்கும் படையை உருவாக்கி
தமிழர் - மலையாளி - மோதல்களை உண்டாக்கி
பத்திரிகையாளர்களை அடக்கி
காவல் துறை உதவிய்டன் எம்ஜிஆர் மன்றங்களை தாக்கியும் - கைது செய்தும்
பல வழிகளிலும் ''நேற்று இன்று நாளை '' திரைப்படத்தை திரை இட முடியாத அளவிற்கு அன்றைய ஆளும் கட்சி
தொடுத்த இன்னல்களை மறக்க முடியுமா ?
தமிழ் திரை உலகை சேர்ந்த எல்லா தரப்பினரும் ஒட்டு மொத்தமாக அமைதி காத்தனர் . தென்னிந்திய நடிகர்
சங்கமும் எந்த வித கண்டனமும் தெரிவிக்க வில்லை .
மக்கள் திலகம் எம்ஜிஆர் தன்னுடைய உயிருக்கு உயிரான ரசிகர்களின் ஆதரவுடன் எல்லா எதிர்ப்புகளையும்
முறியடித்து மாபெரும் வெற்றி கண்டார் .
உலக திரைப்பட வரலாற்றில் ஒரு நடிகர் படம் வெளிவர சந்தித்த அடக்குமுறை என்றால் அது மக்கள் திலகத்தின்
உலகம் சுற்றும் வாலிபன் - நேற்று இன்று நாளை படங்கள் .
நேற்று இன்று நாளை - ஆரம்பம் முதல் வெள்ளி திரை வரை .....
தொடரும் ......
-
மக்கள் திலகத்தின் பெரும்பாலுமான படங்களின் நடித்தவர் அசோகன் . வித்தியாசமான வேடங்களில் மற்றும் வில்லனாகவும் நடித்து புகழ் பெற்றவர் .
, சில படங்களில் குணசித்திர வேடத்திலும், பெரும்பாலான படங்களில் வில்லன் வேடத்திலும் நடித்து புகழ் பெற்றார். அவ்வையார், மாயமனிதன், வீரத்திருமகன், உலகம் சுற்றும் வாலிபன், அன்பே வா, உயர்ந்த மனிதன், வல்லவனுக்கு வல்லவன், தாய்க்கு தலைமகன், தாய் சொல்லை தட்டாதே, குடும்பத் தலைவன், ரிக்ஷாக்காரன், நான், மூன்றெழுத்து, அடிமைப்பெண், அஞ்சாத நெஞ்சங்கள் உள்பட ஏராளமான படங்களில் நடித்தவர் அசோகன்.
அன்பே வா
எம் ஜி யார்க்கும் சரோஜா தேவிக்கும் இடையேயான ஈகோ மோதலில், தனக்கு பிடிக்காத அத்தானான விமானி அசோகனை திருமணம் செய்து கொள்ள சம்மதிப்பார். ஆனால் உண்மை தெரிந்ததும் இவர் விட்டுக்கொடுத்து விட்டு, கிறுக்கத்தான் கிறுக்கத்தான் என்று சொல்வாயே என்று ஆரம்பித்து அமர்த்தலாக வசனம் பேசி விட்டு செல்வார். இந்த காட்சியில் இவரது ஸ்டைல் மிக ரசிக்கும்படியாக இருக்கும்.
ரகசிய போலிஸ் 115
இதில் செல்வந்தரின் மகனாக இருந்து கொண்டு, சமூக விரோதியாக இருக்கும் வேடம். நடனக் காரியுடன் காதலும் உண்டு. இம்மாதிரி வேடங்களுக்கு இவர் உடல் வாகு எளிதில் பொருந்திப் போகும். அதற்கு ஏற்றார் போல குரலிலும் ஒரு கண்ணியத்தைக் கொண்டுவந்து விடுவார்.
உலகம் சுற்றும் வாலிபன்
விஞ்ஞானி பைரவனாக அசத்தியிருப்பார் இந்தப் படத்தில். எம்ஜியார் (விஞ்ஞானி முருகன்) மின்னலை துப்பாக்கி தோட்டாவில் அடைக்கும் ரகசியத்தை கண்டு பிடித்துவிட்டு, ரிலாக்ஸுக்காக காதலி மஞ்சுளா உடன் உலகம் சுற்ற கிளம்புவார். அப்போது அசோகன் " முருகன் காதலியோட உலகத்த சுத்தப் போறான், நான் காரணத்தோட அவன சுத்தப் போறேன்" என்று சொல்லிவிட்டு ஒரு ரியாக்ஷன் கொடுப்பார். அப்போதுதான் படம் களை கட்டும்
கண்ணன் என் காதலன் , புதிய பூமி , கணவன் , ஒளிவிளக்கு ,காதல் வாகனம் ,அடிமைபெண் .நம்நாடு, மாட்டுக்காரவேலன் .என் அண்ணன் ,தலைவன் ,தேடிவந்த மாப்பிள்ளை ,எங்கள் தங்கம் ,குமரிகோட்டம் ,ரிக்ஷாக்காரன் ,நீரும் நெருப்பும் .ஒருதாய் மக்கள் ,சங்கே முழங்கு . நல்ல நேரம் , ராமன் தேடிய சீதை ,என்று தொடர்ந்து மக்கள் திலகத்துடன் 19 படங்களில் நடித்த பெருமை அசோகனை சேரும் .
-
எம்.ஜி.ஆர். படங்கள்
அசோகன் அதிகமாக நடித்தது எம்.ஜி.ஆர். படங்களில்தான். . ஏ.வி.எம். மற்றும் தேவர் பிலிம்சார் தயாரித்த பெரும்பாலான படங்களில் முக்கிய வேடம் ஏற்று நடித்துள்ளார். திரை உலகத்தினர் அனைவருடனும் இனிமையாக பழகக்கூடியவர். அவருக்கு ஏராளமான நண்பர்கள் இருந்தார்கள்.
கதாநாயகன்
1963-ல் வெளிவந்த "இது சத்தியம்" படத்தில் அசோகன் கதாநாயகனாக நடித்தார். இதில் அவருக்கு ஜோடி சந்திரகாந்தா. இது வெற்றிப்படம். முதலில் இந்தப்படத்தில் எம்.ஜி.ஆர். நடிப்பதாக இருந்தது. அதன் பிறகு அசோகன் நடித்தார். சரவணா பிக்சர்ஸ் ஜி.என். வேலுமணி இப்படத்தை தயாரித்தார். டைரக்ஷன் கே.சங்கர். வசனம்: மா.லட்சுமணன். இசை: விசுவநாதன் ராமமூர்த்தி.
இந்தப்படம் இந்தியில் "சேஷநா" என்ற பெயரில் தயாரிக்கப்பட்டது. அடுத்த 1964-ல் சின்னப்பதேவர் தயாரித்த "தெய்வத்திருமகள்" என்ற படத்திலும் அசோகன் கதாநாயகனாக நடித்தார். சந்திரகாந்தாதான் இந்தப்படத்திலும் கதாநாயகி. அடுத்து 1965-ம் ஆண்டில் அசோகன் கதாநாயகனாக நடித்து 3 படங்கள் வெளிவந்தன. அதில் ஒன்று சின்னப்பதேவர் தயாரித்த (தண்டாயுதபாணி பிலிம்ஸ்) "காட்டு ராணி".
இதில் அசோகனுடன் கே.ஆர்.விஜயா நடித்திருந்தார். கதை வசனத்தை ஆரூர்தாஸ் எழுதினார். டைரக்டர் எம்.ஏ.திருமுகம். மற்றொரு படம் ஏ.காசிலிங்கம் தயாரித்து வெளிவந்த "கார்த்திகை தீபம்". அசோகன்- வசந்தா நடித்திருந்தனர்.
வல்லவனுக்கு வல்லவன்
மாடர்ன் தியேட்டர்ஸ் ஆர்.சுந்தரம் தயாரித்து இயக்கிய "வல்லவனுக்கு வல்லவன்" படத்தில் அசோகன்-மணிமாலா இணைந்து நடித்தார்கள். இது வெற்றிப்படமாகும். அதன் பின்னர் வில்லன் வேடங்களிலேயே ஏராளமான படங்களில் நடிக்கலானார்.
சொந்தப்படம்
அசோகன் தனது மூத்த மகன் பெயரில் "அமல்ராஜ் மூவிஸ்" என்ற படக்கம்பெனி தொடங்கினார். அதன் சார்பில் எம்.ஜி.ஆர். கதாநாயகனாக நடித்த "நேற்று இன்று நாளை" என்ற படம் தயாரித்து வெளியிட்டார்.
-
-
1971ல் நடைபெற்ற பாராளுமன்ற - தமிழக சட்ட மன்ற தேர்தல்களில் மக்கள் திலகம் தீவிரமாக் பிரச்சாரம் செய்து
திமுக விற்கு மாபெரும் வெற்றிகளை பெற செய்து மக்கள் திலகமும் பரங்கிமலை சட்ட மன்ற தொகுதியில் அமோக
வெற்றி கண்டார் . அந்த நேரத்தில் குமரி கோட்டம் - ரிக்ஷாக்காரன் இரண்டு படங்களும் மாபெரும் வெற்றி அடைந்த
நேரத்தில் மக்கள் திலகம் 1971 மத்தியில் பல புதிய படங்களுக்கு ஒப்பந்தம் ஆனார் .
ஓரியண்டல் பிக்சர்ஸ் - ஒரு கோடியில் பிரமாண்ட 3 படங்கள்
முதல் படம் ''நினைத்ததை முடிப்பவன் .
உதயம் புரடெக்ஷன் '' இதய வீணை ''
நடிகை சகுந்தலாவின் ''வெள்ளி கிழமை ''
இந்த நேரத்தில் நடிகர் அசோகனும் மக்கள் திலகத்தை வைத்து படமெடுக்க விரும்பி தன்னுடைய மகன் அமல் ராஜ்
பெயரில் ''நேற்று இன்று நாளை '' திரைப்பட துவக்க விழாவை பிரமாண்டமாக நடத்தினார் .
பிரபல தயாரிப்பாளர்கள் - இயக்குனர்கள் - அரசியல் பிரமுகர்கள் - கலைத்துறை முக்கியஸ்தர்கள் பலரும் கலந்து
கொண்டார்கள் .
-
நேற்று இன்று நாளை படம் எம்.ஜி.ஆர்., நடிக்க, நடிகர் அசோகன் தயாரித்தது. படத்தில், ஒரு பாட்டுக்காக எம்.எஸ்.விஸ்வநாதனை எம்.ஜி.ஆர்., படாதபாடு படுத்திவிட்டார்.
ஒரு குறிப்பிட்ட பாட்டுக்கான, "மெட்'டை, மாற்றி மாற்றி போட்டு காட்டிக் கொண்டேயிருந்தார் விஸ்வநாதன். ஒவ்வொரு, "மெட்'டையும், எம்.எஸ்.வி.,இடமிருந்து வாங்கி கொண்டு போய், எம்.ஜி.ஆருக்கு போட்டுக் காட்டினாலும், "ஓ.கே.,' ஆகாது; இப்படி, சுமார் நூறு டியூன்கள் போட்டாயிற்று.
ஒரு நாள், "மெட்'டை வாங்கிக் கொண்டு, வழக்கம் போல எம்.ஜி.ஆரிடம் போனார் அசோகன். வழக்கம் போல திரும்பி வந்து எம்.எஸ்.வி.,யிடம், "தலைவருக்கு பிடிக்கலே...' என்றார். விசுவநாதனுக்கு, கோபம் வந்துவிட்டது.
"என்னால, இனிமே இதுக்கு டியூன் போட முடியாது. போங்க... இந்தப் பாட்டுக்கு மட்டும், எம்.ஜி.ஆரையே டியூன் போடச் சொல்லி, அவர்கிட்டயே, "ஓ.கே.,' வாங்கிக்குங்க. என்னை விட்டுருங்க...' என்று பொரிந்து தள்ளி விட்டார்.
அசோகன் பாவம் என்ன செய்வார்... தோட்டத்துக்கு போய், எம்.எஸ்.வி., சொன்னதை, அப்படியே எம்.ஜி.ஆரிடம் சொன்னார்.
கிட்டத்தட்ட நான்கு மாதங்கள் கழித்து, ஒரு டியூனை, "ஓ.கே.,' செய்த எம்.ஜி.ஆர்., விஸ்வநாதன் காதில் ரகசியமாய், "விசு, நீ ஒவ்வொரு முறையும், நல்லா தான் டியூன் போட்டிருந்தே. நான், முதல்லயே, "ஓ.கே.,' செய்திருந்தா, "உடனே ஷூட்டிங் நடத்
தணும்'ன்னு தேதி கேட்டு, என்னை நச்சரிப்பாங்க. எனக்கு, கால்ஷீட் தர தேதி இல்லையே. என்ன பண்றது! அதனால் தான், இத்தனை நாளா பாட்டை, "ஓ.கே.,' செய்யாமல் இருந்தேன்...' என்றார்.
விசுவநாதன், "அடப்பாவி மனுஷா... அதுக்கு, நான் தான் கிடைச்சேனா...' என்று நொந்து கொண்டார். வேற வழி!
— ராணி மைந்தன் எழுதிய, "எம்.எஸ்.விஸ்வநாதன்' நூலிலிருந்து...
-
நேற்று இன்று நாளை
திரைப்படம் வந்தபோது விகடனில் வந்த விமர்சனம். நன்றி, விகடன்!
மூன்று கதாநாயகிகள் இருக்கும்போது இரண்டு கதாநாயகர்களாவது வேண்டாமா? நண்பனும் (சற்று நேரம்) கதாநாயகனுமாக எம்.ஜி.ஆர். தோன்றுவது சற்று வித்தியாசமான உத்தி.
ஆரம்பத்திலிருந்து கடைசி வரை எம்.ஜி.ஆரின் நடிப்பில் துள்ளலும் துடிப்பும் முனைப்பாக உயர்ந்து நிற்கின்றன. காதல் காட்சிகளில் எத்தனை கலகலப்பு! இவற்றுக்கு மேலே நகைச்சுவையையும் அவர் விட்டு வைக்கவில்லை.
மூன்று கதாநாயகிகளில் யாரும் சளைத்தவராக இல்லை. ஆப்பக்கார அன்னம்மா மஞ்சுளா. அசல் ‘பேட்டை’யாகவே மாறியிருக் கிறார்.
ராஜஸ்ரீ பைத்தியமாகிப் படாதபாடு படுத்துவது நல்ல தமாஷ்!
நடிகையாகத் தோன்றும் லதா கவர்ச்சியோடு நிற்காமல், சில கட்டங்களில் உணர்ச்சியைக் கொட்டியிருக்கிறார்.
‘வினை விதைத்தவன் வினை அறுப்பான்’ என்பது கதை. நேற்றைய கதைகளின் சாயலும், இன்றைய நடப்புகளும் பின்னிக் கிடக்கின்றன.
கதாநாயகன் குடிக்கவேண்டிய விஷத்தை மற்றவர்கள் குடித்து மடிவது புதியதல்லவே! காதலனை அடையமுடியாத லதா, தற்கொலை செய்துகொள்வதற்குக் குன்றின் உச்சிக்குத்தான் வர வேண்டுமா?
“மெட்ராஸிலேயே ரொம்ப நல்ல சபா ஐ.நா.சபைதாங்க” என்று சுகுமாரி விளாசித் தள்ளுவது அருமை. தேங்காய் சீனிவாசன், திகில் சீனிவாசனாக மாறியிருக்கிறாரே!
“விஷ ஊசி போட்டுக் கொலை செய்யப்போறோம்னு நான் சொல்லமாட்டேனே!” என்று குடி போதையில் உளறிக் கொட்டும்போதும், ஆவேசமாகச் சண்டையிடும்போதும் அசோகன் ‘சபாஷ்’ பெறுகிறார்.
ராஜஸ்ரீக்கு விஷம், லதாவுக்கு கன்னியாஸ்திரீ உடை, மஞ்சுளாவுக்கு மணமாலை என்று முடிவு கொடுத்திருப்பது சாமர்த்தியமான சமாளிப்பு.
கதைக்குக் கதை, நகைச்சுவைக்கு நகைச்சுவை, விறுவிறுப்புக்கு விறு விறுப்பு, கண்கவரும் வண்ணம், காதுக்கினிய கீதங்கள்
…
‘நேற்று இன்று நாளை’ நேர்த்தியான பொழுதுபோக்கு.
-
சுவாமி விவேகானந்தரைத் தவிர, இந்தியர் வேறு எவருக்கும் மலேசியாவில் சிலை கிடையாது. இப்போது மறைந்த தமிழக முதல்வர் எம்.ஜி.ஆருக்கு மலேசியா நாட்டின் தைப்பிங் நகராண்மை மண்டபத்தில் சிலை நிறுவப்பட்டு உள்ளது. ‘இதயக்கனி’ விஜயன் ஏற்பாடு செய்ய, மலேசிய நாட்டு மத்திய அமைச்சர் டான்ஸ்ரீ கோசூசன், நடிகர் சத்யராஜ் இருவரும், எம்.ஜி.ஆர். சிலையைத் திறந்துவைத்தனர்.
‘எம்.ஜி.ஆருக்கும் வில்லன் நடிகர் அசோகனுக்கும் பகை உண்டு’ என்று சினிமா உலகில் இருந்து வரும் பேச்சுக்கு, இந்த விழாவில் பதில் சொன்னார் மறைந்த நடிகர் அசோகனின் புதல்வர் வின்சென்ட்.
”1972-ல் எம்.ஜி.ஆர்., தி.மு.க-வில் இருந்து நீக்கப்பட்டார். அப்போது, அவரது ‘உலகம் சுற்றும் வாலிபன்’, என் அப்பா தயாரித்த ‘நேற்று இன்று நாளை’ ஆகிய படங்கள் பாதியில் நின்றன. அந்த நேரத்தில் ஏற்பட்ட கடன் சுமையால், எங்கள் அப்பா எம்.ஜி.ஆரைத் திட்டியது உண்மைதான்.
அந்த மனஸ்தாபத்தைப் பயன்படுத்திக்கொள்ள நினைத்த அப்போதைய அரசு எங்கள் அப்பாவை அழைத்து, ”இதுவரை நீங்கள் எடுத்த படத்தை அப்படியே வாங்கிக்கொள்கிறோம். செலவு செய்த பணத்தை இரண்டு மடங்காகத் தருகிறோம். ஆனால், படத்தை ரிலீஸ் செய்ய மாட்டோம்…” என்று கேட்டது. இதைக் கேட்டு கோபம் அடைந்த அப்பா, ”எனக்கும், எம்.ஜி.ஆருக்கும் உள்ள நட்புபற்றி உங்களுக்குத் தெரியாது ‘நேற்று இன்று நாளை’ படத்தை தயாரிச்சு ரிலீஸ் பண்றது என்னோட சொந்த விஷயம்.
அதில் யாரும் தலை யிட வேண்டாம்!’ என்று சொல்லிவிட்டு வந்தார். அதன் பிறகு வெளியான ‘நேற்று இன்று நாளை’ படம், மக்களிடம் நல்ல வரவேற்பைப் பெற்றது. லாபமும் கிடைத்தது.
-
அதி விரைவில் பாகம் 9ஐ முடித்து பாகம் 10 திரியைத் தொடங்கியிருக்கும் நண்பர்களுக்கு என் உளமார்ந்த பாராட்டுக்கள். தங்கள் பணி சிறந்து தொடரட்டும்.
அன்புடன்
ராகவேந்திரன்
-
சமீபத்தில் பிறந்த நாள் கொண்டாடிய செல்வகுமார் மற்றும் ஜெய்சங்கர் இருவருக்கும் வாழ்த்துக்கள். இறைவன் அருளால் தங்கள் நல்ல உடல் நலத்துடன் நீடூழி வாழ வாழ்த்துகிறேன்.
யுகேஷ் பாபு சார்
தங்களுடைய பாலச்சந்தர் பதிவிற்கும் குறுகிய காலத்தில் 2000 பதிவுகளை எட்டியதற்கும் என் பாராட்டுக்களைத் தெரிவித்துக் கொள்கிறேன்.
-
http://youtu.be/41t6DNDIo50
ENDRUM ENGAL KULADEIVAM MGR
-
http://youtu.be/hy1_5aHKgOQ
ENDRUM ENGAL KULADEIVAM MGR
-
http://youtu.be/cH8qSRQP9zI
ENDRUM ENGAL KULADEIVAM MGR
-
http://youtu.be/8HvkbF_aLlc
ENDRUM ENGAL KULADEIVAM MGR
-
http://youtu.be/JtVnzjypTiE
ENDRUM ENGAL KULADEIVAM MGR
-
http://youtu.be/8jGGA3k7mhM
ENDRUM ENGAL KULADEIVAM MGR