Nadigar Thilagam Sivaji Ganesan Part 11

Quote:

---

Originally Posted by Murali Srinivas

கோபால்,

School Of Acting திரியில் எழுத வேண்டாம் என்ற எண்ணமில்லை. நான் உங்களிடம் சொன்னது போல நீங்கள் எழுதுவதை supplement செய்யவும் அந்த பதிவுகளை மேன்படுத்தி காட்டவும் என் பதிவுகள் உதவுமேயானால் அதை மனமுவந்து செய்யும் முதல் ஆளாக நான் இருப்பேன். உங்கள் பதிவுகளுக்கு அப்படிப்பட்ட ஒரு அணிலாக இருக்க முடியுமா என்று முயற்சிக்கிறேன்.

அன்புடன்

---

தலைவரே,
கொஞ்சம் மெனக் கெட்டு எழுதுவதை மெனக்கேட்டுதான் படியுங்களேன். அப்படி என்ன சோம்பேறித்தனம்? நீங்கள் ஒரு Gama element என்று சொல்வது போல அடித்தள ரசிகர்களுடன் என்னை இணைக்க உதவுவீர்கள் என்ற நம்பிக்கை உள்ளது. இதை தற்போது ராகவேந்தர் சார், வாசு மற்றும் கண்பட் சார் செய்கின்றனர். சாரதி சார் அவ்வப்போது வந்து உத்வேகம் அளிக்கிறார். வெங்கி ராம், P _ R அடிக்கடி வர இயலாவிட்டாலும் ,உரிய அங்கீகாரம் தந்து ,போகும் பாதை சரியே என்று காட்டியுள்ளனர். நீங்கள்,கார்த்திக் சார் போன்ற சிவாஜி படங்களை கரைத்து குடித்து கரை கண்ட ஆட்களின் பார்வை எனக்கு உதவுமே?
(பாலம் கட்ட உதவாத அணிலை சுட்டு சாப்பிட்டு விடுவார்கள்.சீக்கிரம் உதவுங்கள்.)

http://i1087.photobucket.com/albums/...0-2/ima4-1.jpg

http://i1087.photobucket.com/albums/.../ima4_0001.jpg

http://i1087.photobucket.com/albums/.../ima4_0002.jpg

http://i1087.photobucket.com/albums/.../ima4_0003.jpg

http://i1087.photobucket.com/albums/.../ima4_0004.jpg

http://i1087.photobucket.com/albums/.../ima4_0005.jpg

வாசு,
பலமுறை படித்து ரசித்து சுவைத்த பேட்டிதான் என்றாலும் மிக முக்கிய பிற்கால ஆவணம்.
மிக நன்றி.

தலைவரின் மனம் கவர்ந்த நடிகர்கள்

Charles Boyer

http://www.latimes.com/includes/proj...rles_boyer.jpg

Ronald Colman

http://www.ronaldcolman.com/Ronald_C...ve_general.jpg

Paul Muni

http://www.latimes.com/includes/proj.../paul_muni.jpg

Dilip Kumar

http://tanqeed.com/forum/wp-content/...1/12/dilip.jpg

Nargis

http://www.google.co.in/url?sa=i&sou...72220398804609

Sanjeev Kumar

http://www.google.co.in/url?sa=i&sou...72220467881293

T. S. Balaiah

http://upload.wikimedia.org/wikipedi...-TS_Baliah.jpg

M. R. Radha

http://www.thehindu.com/multimedia/d...A_1308189g.jpg

Mr Vasudevan Sir,

Expecting the Jothi at Chennai and hereafter no need to write Chittoor
as I will be moving to Chennai shortly. Hereafter I will be attending every
film screened by the NT Fans society at Chennai.

Quote:

---

Originally Posted by s.vasudevan

Mr Vasudevan Sir,

Expecting the Jothi at Chennai and hereafter no need to write Chittoor
as I will be moving to Chennai shortly. Hereafter I will be attending every
film screened by the NT Fans society at Chennai.

---

வருக "நல்ல" வாசு தேவரே(இனிமேல் உம்மை இவ்வாறே அழைக்க போகிறேன்). சென்னை உமது வருகையால் சுத்தமாகி மும்மாரி பொழியட்டும்.

Respected Gopal Sir,
Ungal Karuthukkalum sari Ungal Vimarisanagalum sari athil nagaichuvai ullathu. Namathu Rasiga deivangal megavum arivanavargal mattum alla megavum sensitive anavargal. Ungal sorkalil ulla karuthukkal pathukakka mattum all pottrathakkathu . Nalla ennam kondu thangal seiyum Nadigarthilaga thondu Oru naal ungalai Ooyarthum vanagum

நாளை (26.06.2013) வாழும் நாள்வரை உத்தமனாக வாழ்ந்து காட்டிய (நடித்துக் காட்டிய அல்ல) ஒரிஜினல் உத்தமனின் ""உத்தமன்"" திரைக்காவியத்தின் 38-வது ஆண்டு உதயம்.

அதனையொட்டி......

பம்மலார் அவர்கள் தனது பொக்கிஷ விளம்பரப் பதிவுகளைத் தந்து அசத்துவார்கள் என்றும்,

நெய்வேலியார் அவர்கள் நிழற்படங்கள் மற்றும் அரிய தகவல் களஞ்சியங்களைத் தந்து அதிர வைப்பார்கள் என்றும்,

ராகவேந்தர் அவர்கள் படம் வெளியான காலத்தில் சாந்தியில் நிகழ்ந்த நினைவேடுகளைத் தந்து அசர வைப்பார்கள் என்றும்,

முரளியார் அவர்கள் மதுரை நிகழ்வுகளைத் தந்து மகிழ்விப்பார்கள் என்றும்,

கார்த்திக் (நான்தான்) படவெளியீட்டின் முதல் நாளன்று வடசென்னை கிரௌன் அரங்கின் அளப்ப்ரைகளை பதிவிடுவான் என்றும்,

கோபாலர், சௌரியார், மற்றும் அனைவரும் தங்கள் பங்களிப்புகளை அள்ளித்தந்து அதம் புரிவார்கள் என்றும் ஆவலுடன் எதிர்பார்க்கிறோம்...

உத்தமன் - சில நினைவுகள் - I

இந்த படத்திற்குள் போவதற்கு முன் ஒரு சின்ன முன்னோட்டம். 1974 வரை மதுரை மாநகரில் முழுமையாக குளிர்சாதன வசதியூட்டப்பட்ட திரையரங்குகளே இல்லை. சென்னை மாநகரிலும் கோவையிலும் கூட ஏ.சி. அரங்குகள் [கோவையில் ரெயின்போ அரங்கின் விளம்பரத்தில் Air cooled என்று போடுவார்கள் என நினைவு]. 1970-ல் அன்றைய நாட்களில் மதுரையின் சற்றே புறநகர் பகுதி போன்ற ஆனால் social status-ல் உயர்ந்த நிலையில் இருந்தவர்கள் வாழ்ந்த பகுதி income tax அலுவலகத்தை தாண்டி இருந்த பகுதிகள்.அங்கே ஒரு புதிய திரையரங்கம் மூவிலாண்ட் என்ற பெயரில் தொடங்கப்பட்டது. ஆனால் அந்த அரங்கிலும் பால்கனி மட்டுமே ஏசி செய்யப்பட்டிருந்தது. எங்கிருந்தோ வந்தாளின் மூலப் படமான கிலோனாவை இந்த அரங்கில்தான் பார்த்தேன்.

முழுமையான ஏசி இல்லை என்பதாலும் நகருக்கு வெளியே என்பதாலும் புதிய படங்களை திரையிட விநியோகஸ்தர்கள் தயங்கினர்ர்கள். விநியோகஸ்தர் சேது பிலிம்ஸ் மட்டும் நல்ல நேரம் படத்தை அலங்காரிலும் இங்குமாக திரையிட்டாகள்.[இதற்கு கூட காரணம் என்னவென்றால் நான் முன்பே ஒரு முறை எழுதியிருக்கிறேன். சங்கே முழங்கு, நல்ல நேரம் மற்றும் ராமன் தேடிய சீதை ஆகிய மூன்று படங்களுமே சிந்தாமணியில் chart செய்யப்பட்டிருந்தன. அப்படி நடந்தால் முதல் இரண்டு படங்களுமே 35 நாட்களில் தூக்கப்பட வேண்டிய சூழல் வரும் என்பதால் சேது பிலிம்ஸ் நல்ல நேரத்தை தியேட்டர் மாற்றி ரிலீஸ் செய்தார்கள்]. முழுமையான ஏசி தியேட்டர் கனவாகவே தொடர்ந்தது. 1973- 74 காலகட்டத்தில் மாவட்ட ஆட்சி தலைவர் பேருந்து நிலையத்திற்கு பின்னால் [மதுரையை தெரிந்தவர்களுக்கு சொல்வதென்றால் கலெக்டர் ஆபிஸ் பஸ் ஸ்டாண்ட்ற்கு பின்னால்] சாத்தமங்கலம் என்று அழைக்கப்படும் பகுதியில் இரண்டு தியேட்டர்கள் கொண்ட ஒரு complex கட்டப்படுகிறது என்று செய்தி வந்தது. எப்படி மாதவரம் என்றால் பால் பண்ணை நினைவிற்கு வருமோ அது போன்று மதுரையில் சாத்தமங்கலம் என்றால் பால் பண்ணை இயங்கி வரும் இடம். அங்கேதான் 1974 மார்ச் மாதம் ப்ரியா complex திறக்கப்பட்டது. பெரிய அரங்கிற்கு பெயர் சினிப்ரியா. 400 பேர் அமரக்கூடிய சிறிய அரங்கு மினிப்ரியா. அது முழுமையாக ஏசி செய்யப்பட்டிருந்தது. மதுரையில் முதல் முழு ஏசி அரங்கும் முதல் மினி தியேட்டருமாக அமைக்கப்பட்டது மினிப்ரியா அரங்கு.

1969-ல் ஆராதனா தொடங்கி ஹிந்தி படங்கள் கோலோச்சி கொண்டிருந்த காலம். ஹிந்தி படங்கள் வெளியிடுவதற்கு என்றே ஒரு தியேட்டர் தேவைப்பட்டிருந்த காலம். நான் முன்பே ஒரு முறை எழுதியது போல் தங்கம் தியேட்டரில் நீதி திரைப்படத்திற்கு பின் தொடர்ந்து ஒரு ஒன்றரை வருட காலத்திற்கு [அதாவது 1973 பிப்ரவரி 2 தொடங்கி 1974 ஆகஸ்ட் 14 வரை] ஹிந்தி படங்கள் மட்டுமே வெளியிடப்பட்டன. 1974 ஆகஸ்ட் 15 அன்று தங்கத்தில் வெளியான அத்தையா மாமியா திரைப்படம்தான் அந்த ட்ரெண்டை மாற்றி அமைத்த படம். இதில் குறிப்பிட வேண்டிய மற்றொரு விஷயம் என்னவென்றால் அன்றைய தினம் முதல் [ஆகஸ்ட் 15] தொடர்ந்து 5 தினங்கள் அன்றைய ஆட்சியாளர்களால் கொண்டு வரப்பட்டிருந்த 70% கேளிக்கை வரியை எதிர்த்து தமிழகம் முழுவதும் திரையரங்குகள் மூடப்பட்டிருந்த நேரத்திலும் தங்கம் தியேட்டர் அதில் கலந்து கொள்ளாது காட்சிகள் நடத்திக் கொண்டிருந்தது.

மீண்டும் நாம் மினிப்ரியாவிற்கு வருவோம். அரங்கிற்கு சென்று படம் பார்த்தவர்கள் அதன் அமைப்பினாலும் இடையிடே ஏசியை off செய்யாமல் முழுமையாக work செய்த விதத்தையும் பார்த்து impress ஆனார்கள். அங்கே முதலில் திரையிடப்பட்ட ஹிந்தி படம்தான் Aa Gale Lag Jaa. தமிழில் சொல்வதென்றால் அணைக்கவே அழைக்கிறேன் [ஹிந்தி தெரிந்தவர்கள் தவறென்றால் திருத்தலாம்]. படத்தை அங்கே நாங்கள் பள்ளி நண்பர்கள் 4 தடவை பார்த்தோம். படம் பிடித்தது மட்டுமல்ல அரங்கத்தில் அமர்ந்து பார்ப்பதும் ஒரு சுகானுபவமாக இருந்தது. வாதா கரோ நஹி சோடோ பாடலும் ஹேய் மேரே பேட்டே பாடலும் மிகுந்த popular ஆனது. என்னை பொறுத்தவரை ஹீரோ சசிகபூரை விட டாக்டர் ரோலில் வந்த சத்ருக்கன் சின்ஹாவை மிகவும் பிடித்தது. ஷர்மிளா தாகூர் எப்போதும் போல் graceful. அவரின் தந்தையாக வந்த ஓம் பிரகாஷ் நன்றாக செய்திருந்தார்.

ஜெகபதி ஆர்ட் பிக்சர்ஸ் வி.பி.ராஜேந்திர பிரசாத் தெலுகு திரையுலகில் பெரிய தயாரிப்பளார் இயக்குனர். இன்னும் சொல்லப் போனால் என் தம்பி படத்தின் மூலப்படமான தெலுகு படத்தை இவர்தான் எடுத்திருந்தார்.[இதை என் தம்பி விமர்சனத்தில் நான் குறிப்பிட்டிருந்தேன்]. இவர் நடிகர் திலகத்தை வைத்து எடுத்த எங்கள் தங்க ராஜா சூப்பர் டூப்பர் ஹிட் ஆகியது. ஆனாலும் அடுத்த படம் எடுக்க தாமதமானது. அதன் பிறகு 1975 இறுதியில் உத்தமன் பட அறிவிப்பு வந்தது. உடனே படப்பிடிப்பும் துவங்கி விட்டது.

நாம் அனைவர்க்கும் தெரிந்த விஷயம் 1975 அக்டோபர் 2 அன்று ஏற்பட்ட பெருந்தலைவரின் மறைவு அதை தொடர்ந்து 75-76 காலகட்டத்தில் நேர்ந்த அரசியல் நிகழ்வுகள் அதன் காரணமாக நடிகர் திலகத்தின் படங்களுக்கு ஏற்பட்ட சோதனைகள்.

பாட்டும் பரதமும் அதற்கு பின் வெளிவந்த உனக்காக நான் போன்றவை சராசரி வெற்றியாக போனது. கிரகப்பிரவேசம் படத்திற்கு நல்ல ரிப்போர்ட். 10 வாரங்கள் வெற்றிகரமாக போனது. அதன் பின்னால் வெளியான சத்யம் எதிர்பார்த்த வெற்றியை பெற முடியவில்லை. அப்படிப்பட்ட ஒரு சோதனையான காலகட்டத்தில்தான் உத்தமன் வெளியாகிறது.

(தொடரும்)

அன்புடன்

உத்தமன் - சில நினைவுகள் - II

Aa Gale Lag Jaa படத்தை தமிழில் எப்படி எடுத்திருப்பார்கள் என்பது பற்றிய விவாதங்கள் நண்பர்களுக்கிடையே நடந்துக் கொண்டிருந்தது.படம் ஜூன் 25 வெள்ளியன்று மதுரையில் எங்கள் வீட்டிற்கு அருகாமையில் உள்ள நியூசினிமா அரங்கில் வெளியானது. அன்று ஸ்கூல் working டே. ஆகவே ஸ்கூல் போய் விட்டோம். மாலையில் வந்த பிறகு தியேட்டர் பக்கம் சென்று பார்த்தால் நல்ல கூட்டம். ஆனால் தெரிந்தவர்கள் யாரும் இல்லை. அந்த காலகட்டத்தில் என் கஸினும் வெளியூரில் வேலை கிடைத்து சென்று விட்டதால் அந்த information source-ம் missing. அங்கே இருந்தவர்களிடம் கேட்டதற்கு நல்ல ரிப்போர்ட் என்றார்கள்.

நாங்கள் மறுநாள் மாலை காட்சிக்குத்தான் டிக்கெட் வாங்கியிருந்தோம். நானும் நண்பனும் இரண்டாம் நாள் சனிக்கிழமை மாலைக் காட்சி சென்றோம். படம் தொடங்கிய உடன் வரும் வாதோ கரோ பாடல் தமிழில் படகு படகு ஆசை படகு என்று ஆரம்பித்தது. ஸ்கேட்டிங் செய்துக் கொண்டே வரும் eve டீசிங் பாடல் இந்தியில். ஆனால் தமிழில் அதற்குள்ளே கனவு காட்சியாக விரிந்தது. முதலில் லைலா மஜ்னு கதை இரண்டாவது சரணத்தில் சலீம் அனார்கலி காதல். இரண்டுமே சோதனைகளை சந்தித்து தோல்வியில் முடிந்தவை. பட கதையில் வரும் காதலுக்கும் சோதனைகள் காத்திருக்கின்றன என்பதை பாரவையாளனுக்கு உணர்த்தும் முயற்சியாக எடுக்கப்பட்டதா என்று யோசித்தோம். உடன் உடனாக இரண்டு பாடல்கள். ஹரி ஓம் ரங்க ஹரி மற்றும் நாளை நாளை என்றிருந்தேன் பாடல்கள் காஷ்மீரில் படமாக்கப்பட்ட காட்சியமைப்புகளோடு வந்தது.

ஹிந்தியில் மொத்தமே நான்கு பாடல்கள்தான். ஆனால் இங்கே இடைவேளைக்கு முன்பாகவே 4 பாடல்கள். நாளை நாளை பாடல் நன்றாக படமாக்கப்பட்டிருந்ததுடன் நடிகர் திலகத்தின் ஸ்டைலிற்கும் இடம் கொடுத்து அமைக்கப்பட்டிருந்த காட்சிகள். அதில் கழுத்தில் ஸ்கார்ப் போன்ற துணியை அவர் போட்டுக் கொண்டு வரும் அழகே அழகு. கேளாய் மகனே பாடலை மாமா அப்படியே ஹிந்தியிலிருந்து சுட்டிருந்தார். அந்த பாடல் முடியும் போதுதான் மகன் ஸ்கேட்டிங் floor -ல் கிழே விழுவதோடு interval. இந்த காட்சியில்தான் சினிமாகாரர்களின் பாஷையில் atmosphere என்று அழைக்கப்படும் [காட்சியின் தன்மைக்கேற்ப பின்புலத்தில் நடமாடுபவர்கள்] அந்த காட்சியில் இடம் பெறும் ஆர்ட்டிஸ்ட்களில் ஒருவராக இளையதிலகம் பிரபு அவர்கள் முதன் முறையாக திரையில் முகம் காட்டினார்.

Interval-ல் வெளியே வருகிறோம். வேறு ஒரு தெரிந்த நண்பர் கண்ணில் பட்டார். அவர் அன்று இரண்டாம் முறையாக படம் பார்க்கிறார் எனபதை குறிப்பிட்டார். படம் நல்ல ரிப்போர்ட் என்றும் எல்லோருக்கும் படம் பிடித்திருக்கிறது என்பதையும் குறிப்பிட்டார். வேறு சிலரையும் அங்கே பார்க்க நேர்ந்தது.அனைவரும் ஒரே கருத்தை சொன்னார்கள்.

படத்தின் second half. அதிலும் பாலாஜி அறிமுகமாகி நடிகர் திலகம் மகனோடு மஞ்சுளா வீட்டில் நடக்கும் விழாவில் பங்கு பெறும் காட்சி. நடிகர் திலகமும் மஞ்சுளாவும் ஒருவரை ஒருவர் மீண்டும் சந்தித்துக் கொள்ளும் காட்சி. அப்போது முதல் பால்கனி ஆடியன்ஸ் மத்தியில் சுவாரஸ்யம் கூடுவதை உணர முடிந்தது. அதிலும் அந்த பாடலில் அந்த சிறுவன்

ஊரிலுள்ள பிள்ளைகளுக்கெல்லாம் அன்னையை பார்த்தேன் நான் ஒருவன் மட்டும் அன்னையின்றி எப்படி வந்தேன்?

என்று பாடி விட்டு அந்த சரணத்தின் இறுதி வரியாக

என் தாயை மட்டும் காட்டு என்று சாமியை கேட்டேன்! சாமியை கேட்டேன்

என்று தேம்பி தேம்பி அழும்போது தாய்குலங்கள் அப்படியே உணர்ச்சிவசப்படுவது தெரிந்தது. அந்தப் பையனால் பாட முடியாமல் போனவுடன் அனைவரும் சிரிக்க நடிகர் திலகம் உணர்ச்சி வேகத்தோடு நாளை நாளை என்று தொடங்கும் போது பலத்த கைதட்டல். இறுதி சரணத்தில்

உதயமாகும் நேரம் என்று கிழக்கில் நின்றேன்; அவள்

பொழுது போகும் நேரம் என்று மேற்கினில் சென்றாள்

அஸ்தமன சூரியன் என்று அவளை சொல்லவா; நான்

அவளை வெல்ல முடியவில்லை விதியை வெல்லவா?

என்ற வரிகளுக்கெல்லாம் ஒரே ஆரவாரம்.

அதன் பிறகு வி.கே.ஆர். மற்றும் அந்த பையனுக்கு நடுவில் நடக்கும் அந்த சண்டை கலந்த விளையாட்டுகள், சிவாஜி மஞ்சுளா காட்சிகள், பாலாஜி இவர்கள் இருவரும் இருக்கும் போது சிலநேரம் சொல்லும் சில வசனங்கள் என்று படம் கிரிப்பாக போனது. விகேஆரின் வீட்டில் வைத்து நடக்கும் வாக்கு வாதத்தில் அவர் முகத்தில் அடித்தது போல் பதில் பேசி விட்டு நடிகர் திலகம் நடந்து வரும் அந்த நீண்ட ஒரே shot-ற்கு அரங்கமே அலறியது.

நடிகர் திலகத்தின் வீட்டிற்கு வரும் மஞ்சுளா கோபி நீங்க உண்மையா என்னை நேசிக்கலை என்று கேட்க என் மகனை பெத்த அம்மாவை தவிர நான் யாரையும் சத்தியமாக நேசிக்கலை என்ற வசனத்திற்கெல்லாம் சரியான கைதட்டல்.

தேவன் வந்தான்டி பாடல் மீண்டும் ஒரு அலப்பறை. டிரஸ் change மற்றும் படமாக்கப்பட்ட விதம் [கப்பலில்] ரசிக்கப்பட்டது. [படத்திலே எனக்கு மிகவும் பிடித்த பாடல். அதிலும் சுசீலா தேனினும் இனிய குரலினில் இமய மலை சாரலுக்கு நன்றி சொல்லடி என்று லேசாக இழுக்கும் போது ஆஹா! ]

பெரிய அலப்பரை கனவுகளே பாடலுக்குதான். அதிலும் கண்ணதாசன் வெகு நாட்களுக்கு பின் புகுந்து விளையாடியிருப்பார். ஒவ்வொரு சரணமும் பிரமாதம்.

சிலை வடிக்க கல்லெடுத்தேன் சிற்றுளியால் செதுக்கி வைத்தேன்

சிலை வடித்து முடியும் முன்னே தலை வெடித்து போனதம்மா


அவள் ஆடி வர பார்த்திருந்தேன் ஆடி வந்து சேர்ந்ததம்மா

ஐப்பசிக்கு காத்திருந்தேன் எப்பசியும் தீரவில்லை

உன் கதையை நான் எழுத உயிரை வைத்துக் காத்திருந்தேன்

என் கதையை நீ எழுதி ஏடுகளை மறைத்து விட்டாய்.

பின்னாட்களில் இந்த பாடல் காட்சி முடிந்தவுடன் சில ரீப்பீட் ஆடியன்ஸ் எழுந்து செல்வதை நான் கவனித்திருக்கிறேன்.

வெளியில் வரும்போது சந்தோஷம். நன்றாக போகும் என்று நம்பிக்கை. அது பொய்க்கவில்லை. மதுரை நியூசினிமாவில் தொடர்ந்து 106 அரங்கு நிறைந்த காட்சிகள். 106 Continuous ஹவுஸ் புல் shows போனதோடு மட்டுமல்லாமல் 105 நாட்கள் ஓடி மாபெரும் வெற்றி பெற்றது. அது மட்டுமல்ல, 1976 ம் ஆண்டு மதுரையில் 100 நாட்கள் படம் கொடுத்த ஒரே பெரிய நடிகர் நடிகர் திலகம் மட்டுமே என்ற பெருமை கிடைத்தது. மதுரை மாநகரில் 1958 முதல் 1979 வரை தொடர்ந்து 22 ஆண்டுகள் [நடுவில் இடைவெளி விடாமல்] 100 நாட்கள் படங்கள் கொடுத்த ஒரே நடிகன் அன்று முதல் இன்று வரை நடிகர் திலகம் மட்டுமே.

இந்த படம் வெளி வந்த அடுத்த மாதத்தில் என்று நினைவு. அன்றைய பாரதப் பிரதமர் இந்திரா காந்தி அவர்களின் 20 அம்ச திட்டத்தை தமிழக மக்களிடையே எடுத்து சொல்லும் ஒரு பயணத்தை மேற்கொண்டிருந்தார் நடிகர் திலகம் அந்த வேலையாக மதுரை வந்த அவர் [மதுரை மேலமாசி வீதி ஆரியபவன் மாடியில் ஒரு கூட்டம் நடந்தது. அவசர நிலையினால் பொதுக் கூட்டங்கள் தடை செய்யப்படிருந்த நேரம்] அன்றைய தினம் இரவு காட்சிக்கு நியூசினிமா வந்தார். அரங்க உரிமையாளரின் உறவினரான நண்பன் போயிருந்தான். [திடீரென்று சொன்னதால் உன்னை கூட்டி போக முடியவில்லை என்று என்னிடம் சமாதானம்]. அவர் வந்திருக்கிறார் என்று தெரிந்தவுடன் பெரிய கூட்டம் கூடி விட்டது. படம் 75 - 80 நாட்களை கடந்து ஓடிக் கொண்டிருக்கும் போது கூட -[ நான் மூன்றாவது முறை சென்ற இரவு காட்சிக்கு கூட] நல்ல கூட்டம்

இலங்கையிலும் இரண்டாவது வசந்த மாளிகை என சொல்லப்படும் அளவிற்கு பிரமாண்டமான வெற்றி. கொழும்பு சென்ட்ரலில் 203 நாட்கள், யாழ் - ராணியில் 179 நாட்கள், மட்டுநகர் -விஜயாவில் 114 நாட்கள் என்று வெற்றி சூறாவளியே சுழன்றடித்தது.

கார்த்திக் தயவில் மீண்டும் அந்த பொன்னான நினைவுகளை அசை போட வாய்ப்பு. நன்றி கார்த்திக், நன்றி அனைவருக்கும்.

அன்புடன்

Quote:

---

Originally Posted by mr_karthik

நாளை (26.06.2013) வாழும் நாள்வரை உத்தமனாக வாழ்ந்து காட்டிய (நடித்துக் காட்டிய அல்ல) ஒரிஜினல் உத்தமனின் ""உத்தமன்"" திரைக்காவியத்தின் 38-வது ஆண்டு உதயம்.

அதனையொட்டி......

பம்மலார் அவர்கள் தனது பொக்கிஷ விளம்பரப் பதிவுகளைத் தந்து அசத்துவார்கள் என்றும்,

நெய்வேலியார் அவர்கள் நிழற்படங்கள் மற்றும் அரிய தகவல் களஞ்சியங்களைத் தந்து அதிர வைப்பார்கள் என்றும்,

ராகவேந்தர் அவர்கள் படம் வெளியான காலத்தில் சாந்தியில் நிகழ்ந்த நினைவேடுகளைத் தந்து அசர வைப்பார்கள் என்றும்,

முரளியார் அவர்கள் மதுரை நிகழ்வுகளைத் தந்து மகிழ்விப்பார்கள் என்றும்,

கார்த்திக் (நான்தான்) படவெளியீட்டின் முதல் நாளன்று வடசென்னை கிரௌன் அரங்கின் அளப்ப்ரைகளை பதிவிடுவான் என்றும்,

கோபாலர், சௌரியார், மற்றும் அனைவரும் தங்கள் பங்களிப்புகளை அள்ளித்தந்து அதம் புரிவார்கள் என்றும் ஆவலுடன் எதிர்பார்க்கிறோம்...

---

டியர் mr_karthik,

தங்கள் 'சொக்குப் பொடி' எழுத்து என்னை 'கிடுக்கிப்பிடி' போட்டு இங்கே இழுத்துவந்து விடுகிறது.

பாசத்துடன்,
பம்மலார்.

திரைக்காவிய முதல் வெளியீட்டு விளம்பரங்கள் :28

நடிகர் திலகத்தின் 184வது திரைக்காவியம்

உத்தமன் [வெளியான தேதி : 25.6.1976]

தமிழகத்தில் சூப்பர் ஹிட் ! இலங்கையில் பம்பர் ஹிட் !

38வது ஆண்டு துவக்கம் : பொக்கிஷாதி பொக்கிஷம்

முதல் வெளியீட்டு விளம்பரம் : சுதேசமித்ரன் : 25.6.1976
http://i1110.photobucket.com/albums/...5625ce895c.jpg

குறிப்பு:
"உத்தமன்" சென்னையில்:
1. சாந்தி - 70 நாட்கள்
2. கிரௌன் - 70 நாட்கள்
3. புவனேஸ்வரி - 63 நாட்கள்

"உத்தமன்" ஊர்வலம் வருவார்.....

பக்தியுடன்,
பம்மலார்.

Quote:

---

Originally Posted by Murali Srinivas

உத்தமன் - சில நினைவுகள் - II

கார்த்திக் தயவில் மீண்டும் அந்த பொன்னான நினைவுகளை அசை போட வாய்ப்பு. நன்றி கார்த்திக், நன்றி அனைவருக்கும்.

அன்புடன்

---

Wow, Murali sir your are legend.

Please keep write about our Madurai and our NT's unique success in Madurai and Tamil Nadu.

Thank you Karthik sir also for getting lovely, sweet information about "Uthaman".

Cheers,
Sathish

Quote:

---

Originally Posted by pammalar

டியர் mr_karthik,

தங்கள் 'சொக்குப் பொடி' எழுத்து என்னை 'கிடுக்கிப்பிடி' போட்டு இங்கே இழுத்துவந்து விடுகிறது.

பாசத்துடன்,
பம்மலார்.

---

Welcome back Pammalar sir....

Quote:

---

Originally Posted by Murali Srinivas

உத்தமன் - சில நினைவுகள் - II
மதுரை மாநகரில் 1958 முதல் 1979 வரை தொடர்ந்து 22 ஆண்டுகள் [நடுவில் இடைவெளி விடாமல்] 100 நாட்கள் படங்கள் கொடுத்த ஒரே நடிகன் அன்று முதல் இன்று வரை நடிகர் திலகம் மட்டுமே.
அன்புடன்

---

That's why every call NT is only "Vasool Chakravarthy" , Super Star, Tamil Cinema King. He is the only all rounder even produced in Indian cinema industry.

Just few of NT unique records never ever thought by any one and cannot achieve by any one.

1. 5 times 2 silver jubilee movies in a year

2. Silver jubilee movies in all the big cities in Tamil Nadu including Salem.

3. More number of 100 days hits

4. Maximum days run in Ceylon


I can write more records if required.....

Long live NT fame...

Cheers,
Sathish

Quote:

---

Originally Posted by Gopal,S.

வருக "நல்ல" வாசு தேவரே(இனிமேல் உம்மை இவ்வாறே அழைக்க போகிறேன்). சென்னை உமது வருகையால் சுத்தமாகி மும்மாரி பொழியட்டும்.

---

kettavanukku kettavan

Quote:

---

Originally Posted by pammalar

திரைக்காவிய முதல் வெளியீட்டு விளம்பரங்கள் :28

நடிகர் திலகத்தின் 184வது திரைக்காவியம்

உத்தமன் [வெளியான தேதி : 25.6.1976]

தமிழகத்தில் சூப்பர் ஹிட் ! இலங்கையில் பம்பர் ஹிட் !

38வது ஆண்டு துவக்கம் : பொக்கிஷாதி பொக்கிஷம்

முதல் வெளியீட்டு விளம்பரம் : சுதேசமித்ரன் : 25.6.1976
http://i1110.photobucket.com/albums/...5625ce895c.jpg

குறிப்பு:
"உத்தமன்" சென்னையில்:
1. சாந்தி - 70 நாட்கள்
2. கிரௌன் - 70 நாட்கள்
3. புவனேஸ்வரி - 63 நாட்கள்

"உத்தமன்" ஊர்வலம் வருவார்.....

பக்தியுடன்,
பம்மலார்.

---

Hearty welcome back to pammalar. Thanks to kartik and uttaman for bringing back PAMMALAR, THE MASTER OF THE THREAD.
THANK YOU SIR. PLEASE KEEP US ENTERTAINING ALWAYS. I KNOW yourABUNDENT LOVE AND AFFECTION ON NT,

ராகவேந்தர் சார்,

தாங்கள் கிட்டத்தட்ட மூன்று நான்கு நாட்களாகவே அவ்வளவு சந்தோஷமாக இல்லை என்பது புரிகிறது. தங்களை வாட்டி வரும் பிரச்சினையும் ஓரளவு ஊகிக்க முடிகிறது. நான் என்னால் இயன்ற அளவில் hubber களின் sensitivity புரிந்து பதிவுகளை இடுகிறேன் (சில சமயம் நீக்கி விடுகிறேன்) பொது மனிதர்களின் குடும்பம் என்பது உலகம் தழுவி விரிந்து விடும். அவர் சொந்தம் என்று சொல்லும் சிலரை விட , பலர் அவரை அறிய ,அவர் புகழில் அக்கறை செலுத்த வாய்ப்புள்ளதால் ,பல்வேறு கருத்துக்கள்,ஊகங்கள்,யோசனைகள் வந்த படிதான் இருக்கும். நாம் சிலவற்றை எதிர்கொள்ளலாம். சிலவற்றை கவனிக்காதது போல முற்செல்லலாம்.ஆனால் தவிர்க்க இயலாது. அது சம்பத்த பட்ட எல்லோருக்கும் புரியும் தெரியும்.

இங்கிருக்கும் அனைவருமே படிப்பு,தகுதி, அந்தஸ்து எல்லாவற்றிலும் உயர்நிலை எய்தியும் ,அவர் மீதுள்ள அன்பினால், பாசத்தினால்,பக்தியினால் , தன்னிச்சையாய் இயங்கும், பலன் கருதா, நற்பண்பாளர்கள்.(சுஜாதா அவர் மரணத்தின் போது மட்டுமே அழுதவர்களின் கண்ணீர் உண்மையானது என்று கூறியது சத்தியம்). அதனால் கருத்துக்களை தவிர்ப்பது கடினம். ஆனால் நாம் மனதளவில் நம்மை தயார் செய்து ஒரு நட்பு,சகோதரத்துவம் கொண்டு இயங்குவோமே.

இந்த நிலையில் நான் ஒன்றை கூற ஆசை படுகிறேன். சென்ற விடுமுறையில் மிக குறைந்த நாட்களே இருந்த போதும் ,குடும்ப திருமணம் போக மீதி ஐந்து நாட்களும் நம் திரி நண்பர்களுக்காக செலவிட்டு என் மனைவியிடம் திட்டு வாங்கி கட்டி கொண்டேன்.இத்தனைக்கும் அனைவரோடும் என் நட்பு ஒரு வருடத்துக்கும் குறைந்தது.

நீங்கள் இதனை புரிந்து கொண்டால் எங்களையும் அவர் பிள்ளைகளாகவே எண்ணி நேசிப்பீர்கள் என்று நம்புகிறேன்.

கார்த்திக் சார்,
உத்தமனுக்காக ஒரு உத்தமரை வரவழைத்த சாமர்த்தியம் தங்களுக்கே உரியது. தெய்வ பிறவியில் கள்ளபார்ட் நடராஜன் அழைப்புக்கு மட்டுமே வந்த பத்மினி போல நாங்கள் தினமும் கதறி அழைத்தும் வராதவர் ,உங்கள் அழைப்புக்கு இணங்கி விட்டார்.
வருக வருக எங்கள் திரியின் சூப்பர் ஸ்டார் .

உத்தமன் சாந்தியில் முதல் ஷோ.
ஒரு ஹிந்தி பட ரசிகரை (Day scholar )எங்களுடன் அழைத்து சென்று விட்டோம். (சுமார் 25 பேர்)
skating காட்சிகளில் எங்கள் மானத்தை வாங்கி தோரணம் கட்டியவர் போக போக படத்தில் தோய்ந்து ,கடைசியில் சொன்ன வார்த்தை. சிவாஜி சிவாஜிதாம்பா. எத்தனை ஹிந்தி ஹீரோ வந்தாலும் நிக்க முடியாது. ஆனால் heroine ரோல் க்கு ஷர்மிளாவையே போட்டிருக்கலாமே என்றார். எனக்கும் தோன்றியது. ஆனாலும் மஞ்சுளா Dr .சிவா ,உத்தமன் இரண்டிலும் சிறப்பாக நடித்திருப்பதாகவே என் கருத்து. (வாசு தேவனார் சமூகத்திற்கு அடியேன் காணிக்கை) .அதுவும் திருமண பந்த மன உரசல்கள், பிரிவு,பிரிவின் ஊசலாட்டம் இவற்றில் மஞ்சுளா expert .
தலைவர் மஞ்சுளாவை உருட்டி விளையாடுவார் இடைவேளை வரை. ஒரே பாட்டு மயம்.
அதற்கு பிறகு சசி கபூர் ஓரங்கட்ட படும் அளவு தலைவர் performance கொடி கட்டி பறக்கும்.
மாமா இசை ஓகே ரகம்தான்.
இது அடைந்திருக்க வேண்டிய வெற்றி இன்னும் அதிகம்.அரசியல் குழப்பங்கள் வாட்டி வந்த காலகட்டம். ஆனாலும் மன்னவன் வந்தானடி முதல் ரோஜாவின் ராஜா வரை தொடர்ந்த box office பஞ்சத்தை ஓரளவு தீர்த்த படம் இதுதான்.

மதுரை மன்னரே,
மதுரைக்கு தனி திரி தொடங்கும் உத்தேசம் போல?
வழக்கம் போல ஜோர். ஆனாலும் ஹிந்திக்காக ஒரு முழு பாகம் waste பண்ணி விட்டீர்கள்.
ஆ கலே லக் ஜா என்றால் வா. வந்து கழுத்தை கட்டி கொள் என்று அர்த்தம்.
இதற்கு உத்தமன் என்ற மொழி மாற்றம் அநியாயம் (என்னவோ தேச பக்தி படம் போல)
நல்ல வேளை ஒரிஜினல் முதல் தலைப்பு கொடுத்து வைத்த மகராசன். (ராமராஜன் தலைப்பு போல இல்லை?) அதற்கு உத்தமன் better .

டியர் கோபால் சார்
நான் வாழ்க்கையில் சந்தோஷத்தை இழந்தது மூன்று முறை... என் பெற்றோர்கள் மறைந்த போதும் நம் இதய தெய்வம் மறந்த போதும் மட்டும் தான். வேறு எதற்கும் நான் வருத்தப் பட்டதில்லை. ... நடிகர் திலகம் மட்டுமே தன் ரசிகர்களை பாசத்தோடு பிள்ளைகளே என அன்புடன் அழைத்து கள்ளங்கபடமற்ற அன்பை செலுத்தினார். அவர் கட்டிக் காத்த அன்னை இல்லத்தின் மாண்பை இன்று வரை கட்டிக் காத்து அவருடைய புகழுக்கு மேலும் சிறப்புச் சேர்த்து வேறு யாருக்கும் இல்லாத அளவிற்கு விலை மதிக்க முடியாத சொத்தாக தன் பிள்ளைகளை விட்டுச் சென்ற பேறை அவருக்குத் தந்துள்ள அவருடைய பிள்ளைகளை விட, வேறு யாரும் அதிகம் செய்து விட முடியாது. இது அனைவருக்கும் தெரியும். எனவே அவர் குடும்பத்தையோ குறை கூறுவோரை நான் ரசிகராகவே மதிப்பதில்லை. எனவே அவர்களுடைய கருத்துக்களுக்கு நான் வருத்தப் பட வேண்டிய அவசியமில்லை.

அதே போல நடிகர் திலகமும் அவருடைய சகோதரரும் பார்த்துப் பார்த்து நிர்வகித்து இன்று வரை முழுவீச்சில் இயங்கிக் கொண்டிருக்கும் உயிருள்ள, ஜீவனுள்ள, நடிகர் திலகம் நீக்கமற நிறைந்திருக்கும், அவருடைய அலுவலகத்தை நினைவு இல்லம் ஆக்க வேண்டும் என சொல்பவர்களை எந்தப் பட்டியலில் சேர்ப்பது என நான் சொல்ல வேண்டிய அவசியமில்லை. இதில் நடிகர் திலகத்தின் மேல் உள்ள பாசம் என்பது தெரிய வில்லை. அவர் குடும்பத்தைத் தூற்றுவதைத் தவிர வேறு ஏதும் அறியேன் பராபரமே என அலைவோரின் உள்நோக்கம் மட்டுமே புலப் படுகிறது, அல்லது அப்படி மேம்போக்காகப் பேசுவோரின் பேச்சினை நம்பி சுயமாக சிந்திக்காமல் அதை ஆமோதிக்கும் அப்பாவிகளின் கருத்து மட்டுமே புலப் படுகிறது. இரண்டாவதாக இருந்தால் சொல்லித் திருத்தலாம். முதலாவதாக இருந்தால் அவர்கள் நிச்சயம் நடிகர் திலகத்தின் ரசிகர்களில் பட்டியலில் நான் வைக்க மாட்டேன்.

உத்தமன் திரைப்படம் வெளியான போதும் சிவகாமியின் செல்வன் போல ஒரு மேம்போக்காக கருத்தை முதல் நாளே பரப்ப ஒரு சாரார் ஆரம்பித்து விட்டனர். முதல் நாள் மேட்னி முடிந்து மாலைக் காட்சியில் ஒருவர் இந்த அடிப்படையில் ஹிந்திப் படம் போல உத்தமன் இல்லை என கமெண்ட் அடிக்க எங்கிருந்து வந்தார்களோ தெரியவில்லை ஒரு ரசிகர் பட்டாளம் அவரை சுற்றி வளைத்து கண்டனக் குரல் எழுப்ப ஒரு வழியாக அவர்களை சமாளித்து, அந்த கமெண்ட் அடித்த நபரை அங்கிருந்து வெளியேற்றினோம். உத்தமன் முதல் நாள் முதல் காட்சி சாந்தி என்றால் எனக்கு நினைவிற்கு வருவது இந்த நிகழ்ச்சி தான்.

உத்தமன் படத்தை சாந்தி திரையரங்கில் திரையிட்ட போது புதிய வித்தியாசம் தெரிந்தது. முதன் முதலாக புதிய ரசிகர்கள் உருவாகி சாந்திக்கு வரத் தொடங்கினார்கள். 10 வாரம் என்றாலும் 50 நாட்களைக் கடந்த பின்னும் அரங்கு நிறைந்த காட்சிகள் நடைபெற்றன. க்யூ வரிசை மிக நீண்ட தாக இருந்தது மிகவும் மகிழ்ச்சியூட்டிய விஷயம். அதுவும் 50 நாட்களைக் கடந்த பின்னும். அதே போல அலங்காரங்களும் அமர்க்களமாயிருந்தன. தோரணங்களும் கொடிகளுமாய் அட்டகாசமாய் தோற்ற மளித்தது. எதிர்பாராத இன்ப அதிர்ச்சி என்றால் அது தேவன் வந்தாண்டி பாடல் காட்சி தான். தியேட்டர் முழுவதும் அந்தக் காட்சியில் ரசிகர்களின் ஆர்ப்பரிப்பு சொல்லி மாளாது. அதே போல் நாளை நாளை பாடல் காட்சிக்காகவே திரும்பத் திரும்ப ரசிகர்கள் பார்த்துக் கொண்டே இருந்தோம். அதுவும் வெள்ளை உடையில் இரு கைகளையும் மேலே தூக்கியவாறு ஒரு ஜம்ப் செய்வார் .. ஒவ்வொரு காட்சியிலும் உடையலங்காரம் அமர்க்களமாயிருக்கும்.

இந்தப் படத்தைப் பற்றி ஆணழகன் தொடரில் எழுதும் போது வாசு சாருக்கு செம தீனி காத்திருக்கிறது.

புதிய ரசிகர் மன்றங்களுடன் உத்தமன் பவனி சாந்தியில் மறக்க முடியாதது.

டியர் கார்த்திக் சார்,
உத்தமன் திரைப்படத்தினை நினைவூட்டி நம் அனைவரின் நெஞ்சங்களிலும் மலரும் நினைவுகளில் மூழ்கடித்து விட்டீர்கள். அது மட்டுமல்ல தங்களுடைய ஈர்ப்பு சக்தி பம்மலார் சாரை எப்படி வரவழைத்து விட்டது பாருங்கள். பாராட்டுக்கள்.

ராகவேந்தர் சார்,
ரசிகர்கள் யார் யார் என்று தீர்மானிக்கும் அதிகாரத்தை நாம் கையிலெடுத்து கொண்டு, இங்கு பங்கு பெரும் பலரை நாம் discourage செய்வது திரிக்கு நல்லதல்ல. நடிகர்திலகத்தை விமரிப்பதையே தவறு என்று எண்ணாதவர்கள் நம்மிடையே உண்டு. அப்படி இருக்கும் போது ,நாம் மற்றதை சொல்லி அவர்களை ஓரம் கட்ட முடியாது.
கருத்து சுதந்திரம் என்ற வகையில், ஒப்பு கொள்கிறோமா என்பது வேறு விஷயம், அங்கீகரித்தே தீர வேண்டும்.
இது எனது மிக தாழ்மையான அபிப்ராயம். தவறாக எண்ண வேண்டாம்.

டியர் கார்த்திக்,
நடிகர் திலகத்தின் மேல் தங்களுக்குள்ள பாசம் எனக்குத் தெரியாததல்ல. அதே சமயம் தாங்கள் அன்னை இல்லத்தைப் பற்றியும் நடிகர் திலகத்தின் புதல்வர்கள் பற்றியும் கூறியுள்ள கருத்துக்கள் எனக்கு வியப்பைத் தந்தன. தாங்கள் அப்படி சொல்பவரல்ல என்று தான் நான் எண்ணிக் கொண்டிருந்தேன். இன்று வரை நடிகர் திலகத்தின் கூட்டுக் குடும்ப தாத்பர்யத்தைக் கட்டிக் காத்து அவர் மறைந்த பின்னும் அதனை அப்படியே தொடர்ந்து பின்பற்றி வருவதே எவ்வளவு பெரிய சிறப்பான விஷயம் என்பது தங்களுக்குத் தெரியாததல்ல. உலகம் போற்றும் நடிகரின் புகழையும் பெருமையையும் கட்டிக் காப்பது என்பதே அவர்களின் குடும்பத்திற்கு மிகப் பெரிய சவால். அதிலிருந்து சற்றும் வழுவாமல் இன்று வரை நடிகர் திலகத்தின் குடும்பம், அவர் பிள்ளைகள் என்றால் ஒரு தனி மரியாதையைத் தொடர்ந்து தக்க வைத்துக் கொண்டிருப்பது பாராட்டிற்குரிய விஷயம். ஒரு ரசிகராய் நாம் எவ்வளவு வேண்டுமானாலும் உணர்ச்சி வசப் படலாம், செயல் படலாம். ஆனால் அவர் குடும்பத்தினர் அந்த மாதிரி எடுத்தேன் கவிழ்த்தேன் என செயல் பட முடியாது. நடிகர் திலகத்தின் பெயருக்கும் புகழுக்கும் எந்த வித பங்கமும் நேர்ந்து விடக் கூடாது என்பதில் மிக உறுதியாக உள்ளவர்கள் அவருடைய புதல்வர்கள். நடிகர் திலகம் தொடங்கி வைத்த அறக்கட்டளையை சிறப்புற நிர்வகித்து தொடர்ந்து ஒவ்வொரு ஆண்டும் அவருடைய பிறந்த நாளை சீரும் சிறப்புமாய்க் கொண்டாடி வருகிறார்கள் அவருடைய புதல்வர்கள். இன்று வரையிலும் பிறந்த நாளாகட்டும், நினைவு நாளாகட்டும், அன்னை இல்லத்தில் ரசிகர்கள் தங்கள் வீடு போல் எந்த வித நிர்ப்பந்தமும் இன்றி நடிகர் திலகத்தின் திருவுருவப் படத்திற்கு மரியாதை செலுத்தி அவர் வாழ்ந்த வீட்டை கோவிலாக எண்ணி அவரை தெய்வமாக வழிபட்டு வருகிறார்கள். இந்த நிகழ்வு வேறு யாருக்காவது உள்ளதா என்பதைத் தங்கள் மனசாட்சியைத் தொட்டு சொல்லுங்கள்.

உரிமையோடு தங்களைக் கேட்டுக் கொள்வதெல்லாம் இது தான். மற்றவர்களைப் போல தாங்களும் நடிகர் திலகத்தின் புதல்வர்களைக் கருதுவது எனக்கு வியப்பளிக்கிறது. மாற்று முகாம் ரசிகர்கள் கூட இன்று வரை அன்னை இல்லத்தையும் நடிகர் திலகத்தின் புதல்வர்களையும் பெரு மதிப்புடன் கருதுகிறார்கள். அவர்கள் கூட இந்த மாதிரி விமர்சிப்பதில்லை. தாங்கள் அந்தக் கால ரசிகர் என்ற முறையில் தங்களிடம் கேட்டுக் கொள்வது ஒன்று தான். மேம்போக்காக நடிகர் திலகத்தின் பிள்ளைகளை விமர்சிப்பவர்களின் கருத்துக்களுக்கு மதிப்பளிக்காதீர்கள். அவ்வளவு தான் என்னால் சொல்ல முடியும். இதற்கும் மேல் தாங்களும் அப்படித் தான் கருதுவீர்கள், எழுதுவீர்கள் என்றால் இதற்கு மேல் சொல்வதற்கு என்னிடம் எதுவும் இல்லை.

டியர் கோபால் சார்
முதலில் தாங்கள் கருத்து சுதந்திரம் என்ன என்று தெரிந்து கொண்டு அதற்குப் பிறகு எழுதுங்கள். தனிப்பட்ட முறையில் ஒருவரைப் பற்றி விமர்சிப்பது எப்படி கருத்து சுதந்திரம் ஆகும். தாங்கள் இதனை அடிக்கடி செய்கிறீர்கள். ஒவ்வொருவரையும் தனிப்பட்ட முறையில் தாக்கி எழுதுவது தங்களுடைய கருத்து சுதந்திரத்தில் சரியாக இருக்கலாம். ஆனால் அதனை பொதுவில் செய்யும் போது அதற்கு பதில் கூறாமல் இருக்க முடியாது. ரசிகர் ரசிகர் அல்ல என்று நான் தனிப்பட்ட முறையில் தானே தீர்மானிக்கிறேன். அது என் கருத்து. நடிகர் திலகத்தை விமர்சிப்பவர்கள், அவரைக் கிண்டல் செய்வர்கள், அவர் குடும்பத்தை விமர்சிப்பவர்களும் ரசிகர்கள் தான் என்று தாங்கள் தீர்மானித்துக் கொள்ளுங்கள் அது உங்கள் இஷ்டம். நான் ஒன்றும் சொல்லவில்லையே.

இணையத்தில் முதல் முறையாக

உத்தமன் திரைப்படம் இலங்கையில் வெள்ளி விழாக் கண்டதற்கான விளம்பர நிழற்படம்

உபயம்- ஆவணத்திலகம் பம்மலார் மற்றும் இதய வேந்தனின் வரலாற்றுச் சுவடுகள் புத்தகம்

http://i1146.photobucket.com/albums/...psd4544183.jpg

ஒப்பு கொள்கிறேன் ராகவேந்தர் சார்.
உங்கள் வெள்ளி விழா மீள் பதிவுக்கு நன்றிகள்.

டியர் கார்த்திக் சார்,

உத்தமன் - 38வது உதயதினத்தைப் பறைசாற்றி எல்லோருக்கும் ஒரு பொறுப்பை அளித்து அனைவருடைய பங்களிப்பையும் பெறவைத்துவிட்டீர்கள். நன்றி.

தங்களின் சென்னை, திரையரங்க அளப்பரைகள் பதிவை ஆவலுடன் எதிர்நோக்குகிறேன்.

டியர் முரளி சார்,

தங்களின் (முன்னோட்டத்துடன் கூடிய) உத்தமன் நினைவுகள் அருமை.

மதுரை நியூ சினிமா அரங்கில் தங்கள் அருகில்
அமர்ந்து உத்தமனைக் கண்டு களித்த உணர்வை ஏற்படுத்திய தங்கள் பதிவிற்கு நன்றி.

டியர் பம்மலார்,

கார்த்திக் சார் மற்றும் திரியின் நண்பர்கள் அழைப்பை ஏற்று, வேலைப் பளுவிற்கிடையிலும், தாங்கள் மீன்டும் பதிவுகளை அளித்ததற்கு நன்றி. கார்த்திக் சார் குறிப்பிட்டதைப் போல ஒரிஜினல் உத்தமரின் உத்தமன் முதல் வெளியீட்டு விளம்பரம் மிகவும் சிறப்பு.

'உத்தமன்' பற்றிய உறங்கா நினைவுகள்.

முதலில் கார்த்திக் சாருக்கு நன்றி!

உத்தமன்' புயலை 'தானே' கிளப்பி விட்டதற்கு. அடுத்து முரளி சாருக்கு நன்றி. ஒரு மறக்கவொண்ணா மரகதப் பதிவை 'உத்தமன்' வாயிலாகப் பதித்ததற்கு. கோபால் சாருக்கு நன்றி! சென்னை 'சாந்தி' உத்தமன் நினைவுகளை ஹிந்திக்கார நண்பருடன் சேர்ந்து பார்த்து முதலில் சோர்ந்து பின் ஷோவை ஷோக்காய் என்ஜாய் செய்து அந்த நினைவுகளை இங்கே பதிவிட்டமைக்கு.

இப்போது என்னுடைய சிறிய பங்கிற்கு.

http://i1087.photobucket.com/albums/...0-2/ima4-2.jpg

'உத்தமன்' (26.06.1976) வெளியீட்டு தினத்தன்று ரசிகர் ஷோ செல்ல முடியாத ஒரு சூழ்நிலை. அன்று குடும்பத்துடன் ஈவ்னிங் ஷோதான் செல்ல முடிந்தது. கடலூர் ரமேஷ் திரையரங்கில் ரிலீஸ். அம்மா, சித்தி, அதிசயமாக அப்பா என்று உறவுகளோடு உத்தமனைப் பார்க்க பயணம். ரசிகர் ஷோ செல்ல முடியவில்லையே என்ற குறை மனதை அரித்துக் கொண்டே இருந்தது. மாலை மணி 5.30 க்கெல்லாம் அரங்கிற்கு சென்று விட்டோம். தலைவர் பனிக்கட்டிகளை மஞ்சுளா மீது வீசும் போஸ்டர்கள் என்னை மிகவும் கவர்ந்தன. தியேட்டர்களில் அவ்வளவாக பெரிய அலங்காரங்கள் இல்லை. சில கொடிகளும், மன்ற பேனர்களுமே மட்டும் தென்பட்டன. தலைவரின் கட்-அவுட்டுக்கு ஒரு பஞ்சு மாலை கட்சி சாயம் எதுவும் இல்லாமல் அணிவிக்கப் பட்டிருந்தது. சத்யத்தின் தோல்வி, அதற்கு முந்தய படங்களின் சுமாரான வெற்றிகள், பெருந்தலைவரின் மறைவு, அரசியல் சூழ்நிலைகள் என்று உத்தமன் சிக்கலான சமயத்தில் வெளிவந்ததால் ரசிகர்களின் கரை புரண்டோடும் உற்சாகம் கொஞ்சம் மட்டுப் பட்டிருந்தது. நாங்கள் வெளியூரில் இருந்ததால் படத்தின் ரிசல்ட்டும் சரியாகத் தெரியவில்லை.

ஈவ்னிங் ஷோவிற்கு பிரமாதமான கூட்டம் என்று இல்லை. ஓரளவிற்கு நல்ல கூட்டம். ஆனால் கிளாஸ் வகுப்புக்கள் உடனே நிரம்பியது. இரண்டாம் வகுப்பு டிக்கெட் அப்போது இரண்டு ரூபாய் எழுபத்தைந்து காசுகள் என்று நினைவு எடுத்து சென்று அமர்ந்தோம். come september 1961 இன் அருமையான மியூசிக் காதுகளில் தேனாகப் பாய, திரைச் சீலைகள் மேலே எழும்ப, சும்மா விசிலும் கைத்தட்டலும் பின்னி எடுக்க அதுவரை சற்று டல்லடித்திருந்த நான் நிமிர்ந்து உட்கார்ந்து பூஸ்ட் குடித்த சச்சின் போல் ஆனேன். நல்வருகை ஸ்லைட், புகை பிடிக்காதீர்கள், முன் சீட்டின் மீது கால் வைக்காதீர்கள், தினசரி 3 காட்சிகள் என்ற நான்கே சிலைட்கள். பின் தலைவர் ஸ்டில்களோடு 'இப்படத்தைக் காண வந்த ரசிகப் பெருமக்களுக்கு நன்றி' என்ற இருபதுக்கும் மேற்பட்ட சிலைடுகள் போடப்பட்டன. ஒவ்வொரு சிலைடுகளுக்கும் ஆராவாரம்... ஆர்ப்பரிப்பு... பூமாரி.

http://i.ytimg.com/vi/fJ-hlB9odBg/hqdefault.jpg

சிலைடுகள் முடிந்ததும் படம் போட்டு விட்டார்கள். கார்டூன்கள் டைட்டிலில் கலக்க எனக்கோ 'உத்தமன்' ஒரு நகைச்சுவை நிறைந்த படமோ என்று கூட சந்தேகம் வந்து விட்டது. காட்சி ஆரம்பமானதும் காஷ்மீரின் மலைச்சாரல் பகுதி சாலையில் தலைவரும், நாகேஷும் நடந்து வருவதை காட்டியவுடன் எனக்கோ கடுப்பானது. என்ன திடுமென்று தலைவரை ஒரு சுவாரஸ்யமில்லாமல் அறிமுகப்படுத்துகிறார்களே என்று கோபமாய் வந்தது. ஆனால் ஆர்ப்பாட்டத்துக்குக் குறைவில்லை. பின் தலைவரின் ஸ்டைலிலும், நடிப்பிலும் முற்றிலுமாக மனம் லயிக்க ஆரம்பித்தது. மஞ்சுளாவை வேறு ரொம்பப் பிடிக்குமாதலால் நகத்தைக் கடித்தபடியே அமர்ந்திருந்தேன். "மேரா மூஞ்சு கத்தரிக்கா மூஞ்சி... துமாரா மூஞ்சு முட்டகோஸ் மூஞ்சு" என்று காரில் தோழிகளுடன் வரும் மஞ்சுளாவை தலைவர் வாரும் போதே படம் சூடு பிடிக்கத் தொடங்கியது. தொடர்ந்து வரும் தலைவர், மஞ்சுளா சந்திப்பு 'கலகல' காட்சிகள் நன்றாகவே இருந்தன. "படகு படகு" பாடல் காட்சிகளில் சும்மா அதம் பறந்தது. அப்போது பின்னால் இருக்கும் குண்டுப்பையன் 'இளைய திலகம்' என்றெல்லாம் கவனிக்க நேரமேது? இப்போது அந்தப் பாட்டைப் பார்த்தால் பிரபுவையே கவனிப்பேன். அருமையாக ஸ்கேட்டிங் செய்வார். பாடலில் வரும் 'மரகத டோலி உடலோடு என் மனமென்னும் டோலி உன்னோடு' என்ற சுசீலாவின் குரல் முடிந்தவுடன் டாப் ஆங்கிளில் இருந்து ராட்சஸ மின்விசிறிகளின் காற்றில் மஜ்னுவின் உடைகள் மற்றும் தலைமுடி பறக்க, பரந்த மணற்பரப்பில் மண்டியிட்டு அமர்ந்து 'லைலா' என்று கதறும் போது அரங்கு கைத்தட்டலில் அலுங்கிக் குலுங்கியது. அதே போல சிகப்பு வண்ண ஆடையில் அணிகலன்கள் ஜொலிக்க சலீம் வரும் போது சப்தம் விண்ணைப் பிளந்தது. மெடிக்கல் காலேஜில் ஐஸ் கட்டியின் மீது படுத்துக் கொண்டு மஞ்சுளா கோஷ்டியிடம் தலைவர் பண்ணும் அட்டகாசங்கள், 'ஹரி ஓம் ரங்கஹரி' ஜாலி, மஞ்சுளா குளிரில் உயிருக்குப் போராடுகையில் தலைவர் உடலோடு உடல் சேர்த்து சூடு கொடுக்கும் காட்சி (இந்தக் காட்சியில் மட்டும்தாம்ப்பா சப்தமே இல்லை. ஒரே நிசப்தம். மாமா வேறு சப்தம் கொடுத்து எல்லோரையும் சப்தமில்லாமல் வேறு ஆக்கி விட்டார். அப்போது பார்க்கையில் ஒரு மாதிரி நெளியத்தான் வேண்டி இருந்தது), தொடர்ந்து வரும் "நாளை நாளை என்றிருந்தேன்", (விதவிதமான உடைகளில் நெற்றியில் புரளும் கற்றை முடி அழகனை அள்ளி அள்ளிப் பருகிய ரசிகர்கள். 'உத்தமன்' என்றாலே நினைவுக்கு வருவது அந்த புகழ் பெற்ற 'விக்'அல்லவா!) 'இரவுக்கும் பகலுக்கும்' பாடலை நினைவு படுத்தும் ஜோடி, வேக நடை, கழுத்தில் நீள் மஃப்ளர், பரந்த புல்வெளி என்று அமர்க்களமான அமர்க்களம்.

பின் வி கே ஆரின் சூழ்ச்சிகளால் தலைவருக்கும் மஞ்சுளாவுக்கும் ஏற்படும் பிரிவு, "நான் விரும்புறத உங்களால கொடுக்க முடியாது... நீங்க கொடுக்கறத என்னால வாங்கிக்க முடியாது"... என்று ராமசாமியிடம் சொல்லி விட்டு வேகமெடுக்கும் அந்த 'எங்கள் தங்க ராஜா' "வசந்தி என்னை மறந்திடு" பாணியின் சற்று வேறுபட்ட நடை நடந்து வரும்போதும், (கைத்தட்டல்களில் காது ஜவ்வுகள் கிழிந்தன) பின் குழந்தையை வி,கே.ஆரிடமிருந்து பெற்றுக் கொண்டு 'கேளாய் மகனே' என்று வளர்க்கும் போதும்,('மாஸ்டர் டிட்டோ 'வுடன் அருமையாக, மூக்கின் மேல் விரல் வைக்கும்படி நிஜ, ஸ்கேட்டிங் செய்தபடி வருவார்), மகனுக்கு 'போலியோ அட்டாக்' என்று டாக்டர் சொன்னதும் கதறித் துடிக்கும் போதும், 'தேவன் வந்தான்டி'பாடலின் அமர்க்களமான ஆடைகளுக்கும் ஸ்டைலுக்கும் ஏகப்பட்ட ரெஸ்பான்ஸ். அதே போல அருமையான சஃபாரிகளுடன் வித வித ஆங்கிள்களில் கலர் பு ஃல்லாக சோக வடிவமெடுத்து நன்கு சோபிக்கும் போஸ்களில் ஆரவாரக் கைத்தட்டல்களை காலமெல்லாம் அள்ளிக் கொண்டு போன, போகும் "கனவுகளே கனவுகளே"பாடல். ஹைகிளாஸ் ஆடியன்ஸின் அமோக ஆதரவு. பாடலின் வரிகள் சற்று புலப்பாடா விட்டாலும் தலைவரின் தோற்றத்திலேயே மட்டுமே மயங்கிச் சொக்கிய லோ-கிளாஸ் ரசிகர்கள் என்று ரசனையோடு அனைவரும் நன்கு ரசிப்பது புரிந்தது. படம் நன்றாகவே இருக்கிறது... ஓட்டத்தைப் பற்றி கவலைப்பட வேண்டாம் என்ற தைரியமும் பிறந்தது.

பாலாஜியின் அதிரடி பாத்திரமும் அருமையாகவே கையாளப்பட்டிருந்தது. இருந்தாலும் படம் கிளாஸாக இருக்கிறதே... 'C' சென்டர்களில் எடுபடுமா என்ற பயமும் இருந்தது. அந்தக் கவலையும் ஓரளவிற்கு தணிந்தது கிளைமாக்ஸ் சண்டைக்காட்சி மூலம். திணிக்கப் பட்டிருந்தாலும் விறுவிறுப்பான சண்டைகாட்சி, ஸ்கேட்டிங் துரத்தல்களும், தீப்பிழம்புகளுக்கு நடுவே பைக் துரத்தல்களும்,பேரல்கள் உருட்டலும், பார் விளையாட்டுக்களுமாய் நல்ல ரிச்சாகவே அமைந்து கடைநிலை ரசிகர்களின் பசிக்கு தீனி போட்டது அந்த சண்டைக் காட்சி. பின் தீயில் தலைவர் மாட்டிக் கொண்டு மயக்கமாகும் போது போலியோ கால்களை வைத்துக் கொண்டு மகன் அவரைக் காப்பாற்ற முயலும் போது பரபரப்போடு கூடிய மயான அமைதி. (மாஸ்டர் டிட்டோ தலைவரை வைத்து முடியாமல் இழுக்கும் போது கால்கள் வராமல் ஒத்துழைக்க மறுக்க தலைவர் ஸ்டைலிலேயே தன் கால்களைக் கைகளால் குத்திக் கொள்வது அருமை) பின் மகனுக்குக் கால் வந்து டாக்டர் பாலாஜியின் தயவால் தானும் நலமாகி மகனே தன் தந்தை தாய் இருவரின் திருமணத்தை இனிதே நடத்தி வைக்க முடிவு சுபம். அனைவரும் திருப்தியுடன் படம் முடிந்து வெளியே வந்ததைப் பார்க்க முடிந்தது.

பின் படம் நன்றாக இருப்பதாக செய்திகள் பரவத் தொடங்கியவுடன் நன்றாக பிக்-அப் ஆனது. ஆனாலும் ஹை கிளாஸ் ஆடியன்ஸ் அதிகம் குவிந்தனர். கிட்டத்தட்ட ஒரு மாதங்கள் ஒரே நிலையாக ஓடி நல்ல வெற்றியை கடலூரில் பெற்றார் நம் உத்தமன்.

டியர் ராகவேந்தர் சார்,

உத்தமன் - இலங்கை, வெள்ளிவிழா விளம்பர பதிவிற்கு நன்றி.

டியர் வாசுதேவன் சார்,

முரளி சார் மதுரைக்கு அழைத்துச் சென்றார் என்றால், தாங்கள் உத்தமனைக் காண கடலூருக்கு அழைத்துச் சென்றுவிட்டீர்கள்.

என்னுடைய மகன் தற்போது ஸ்கேட்டிங் விளையாட்டில் பயிற்சி பெற்று வருகிறான். அவனுக்கு படகு படகு பாடலைத்தான் போட்டுக் கான்பித்தேன். பார் அப்போதே இந்தப் பாடலில் நடிகர்திலகத்தின் மகன் பிரமாதமாக ஸ்கேட்டிங் செய்திருக்கிறார் என்று.

"மஞ்சுளா குளிரில் உயிருக்குப் போராடுகையில் தலைவர் உடலோடு உடல் சேர்த்து சூடு கொடுக்கும் காட்சி (இந்தக் காட்சியில் மட்டும்தாம்ப்பா சப்தமே இல்லை. ஒரே நிசப்தம்."
நான் பார்த்தபோதுமாட்டும்தான் அப்படியோ என்று நினைத்தேன். பரவாயில்லை, கடலூர் ரசிகர்களும் அனுபவித்துப் பார்த்திருக்கிறார்கள்.

தங்களின் வர்ணணை அருமை.

http://www.youtube.com/watch?v=ruUSzvl1TME

உத்தமன்' சில ஸ்டில்கள்

http://padamhosting.com/out.php/i40122_1.png

http://padamhosting.com/out.php/i40128_7.png

http://padamhosting.com/out.php/i40127_2.png

http://padamhosting.com/out.php/i40123_6.png

http://padamhosting.com/out.php/i40124_3.png

http://padamhosting.com/out.php/i40129_8.png

http://padamhosting.com/out.php/i40126_5.png

emergency நேரத்தில் சென்சார் விதி கெடுபிடிகளால் சண்டை காட்சிகள் பாதிக்க பட்டன. (மாற்றுமுகாமின் படங்களுக்கும் பாதிப்பு) ஒருவரை ஒருவர் குத்தவே கூடாதென்ற கெடுபிடி. அதனால் ஒருத்தர் மேல் ஒருத்தர் படாமல் dive அடித்து காலம் தள்ளினர். சுமார் ஒன்றரை வருடம் நீடித்தது. நமது சித்ரா பௌர்ணமி, உத்தமன் சண்டை காட்சிகள் இதனால் பாதிப்படைந்தது.

டியர் கோபால் சார்,

தாங்கள் எந்தத் திரையரங்கில் உத்தமன் - பார்த்து அதன் நினைவுகளைப் பகிர்ந்துகொள்ளப்போகிறீர்கள் என்று எதிர்பார்த்தேன். கடலூர், நெய்வேலி அல்லது கும்பகோணம் என்று எதிர்பார்த்திருந்தால், சர்ப்பிரைஸாக சென்னை, சாந்தி திரையரங்கம் இடம்பிடித்துவிட்டது. நன்றி.

உத்தமனின் ஹிந்தி மூலம் 'ஆ கலே லக் ஜா'

http://img17.imageshack.us/img17/4498/sdayg.jpg

முரளி சார் சொல்லியிருந்த 'வாதா கரோ நஹி சோடோ ' ('ஆ கலே லக் ஜா')

http://www.youtube.com/watch?feature...&v=Hnceyj5Sxxs