-
புரட்சித்தலைவர்
மன்னாதி மன்னன்
பொன்மனச்செம்மல் எம்.ஜி.ஆர்.
அவர்களின் ஆசியோடு நண்பர்கள் அனைவருக்கும் இனிய திங்கட்கிழமை
காலை வணக்கம்...
புரட்சி தலைவர் எம்ஜிஆர் நடித்த திரைக்காவியங்களை பற்றிய இந்த தொடரில் தலைவர் நடித்த திரை படங்களை பற்றிய தகவல்களை இங்கே பதிவிட்டு வருகின்றேன்..
இரண்டு நாட்களாக உடல் நிலை சரியில்லாமல் போனதால் தொடரை தொடர முடியாமல் போனது மன்னிக்கவும்.. வாருங்கள் இன்றைய பதிவில் புரட்சி தலைவரின் 38 வது
படமான "#ராஜராஜன்" திரைப்படம் பற்றி தெரிந்து கொள்ளலாம்...
ராஜா ராஜன் 1957 ஆம் ஆண்டு வெளிவந்த தமிழ் மொழி திரைப்படம், எம். ஜி. ராமச்சந்திரன், பி.எஸ்.வீரப்பா,
எம். என். நம்பியார், பத்மினி, லலிதா ஆகியோர் முக்கிய கதாபாத்திரங்களில் நடித்துள்ளனர். இந்த படம் 26 ஏப்ரல் 1957 இல் வெளியிடப்பட்டது... பாடல்களுடன் இது ஒரு நல்ல பொழுதுபோக்கு என்றாலும், படம் பாக்ஸ் ஆபிஸில் சிறப்பாக செயல்படவில்லை, 50 நாட்களுக்கு மேல் ஓடியது.
(இது ராஜா தியேட்டர் வேலூரிலும் திரையிடப்பட்டது).
வனங்கமுடி, மாயா பஜார் மற்றும்
ராஜா ராஜன் ஆகிய மூன்று படங்களும் ஒரே நேரத்தில் வந்தது...
இது நல்ல பொழுதுபோக்கு படம் இந்த படத்தில் இங்கோவனின் சிறந்த வசனங்கள் உள்ளன. வசனங்களை இப்போது கூட ரசிக்க முடியும்.
பி.எஸ்.வீரப்பா விடம் ராணி உனக்கு இரக்கமே இல்லையா என்று கேட்பார்கள் அதற்கு பி.எஸ்.வீரப்பா சொல்வார்
இரக்கம் மட்டுமல்ல நான் இதயமே இல்லாதவன் என்று..
தளபதி நாகவேலன் (பி.எஸ். வீரப்பா) சோழ மன்னராக இருப்பதற்காக இளவரசர் ராஜராஜன் (எம்.ஜி.ஆர்) கொலை செய்ய திட்டமிட்டுள்ளார். ராஜராஜன் ஒரு வேட்டை பயணத்திற்கு சென்று இருக்கும்போது, நாகேவேலன் சோழ மக்களுக்கு இளவரசன் மீது ஒரு தவறான செய்தியை பரப்ப திட்டமிடுகிறார், மக்கள் மத்தியில் இளவரசன் ஒரு பெண் பித்தன் மற்றும் குடிகாரன் என்று கதை கட்டி விட்டு நாட்டு மக்களின் பார்வையில் தவறாக சித்தரிக்க படுகின்றார்...
ராஜராஜன் காட்டில் இறந்துவிட்டார் என்று மக்களை நம்ப வைக்கின்றார் உண்மையில், ராஜராஜன் சிறைபிடிக்கப்பட்டார், நாகவேலனால் கையெழுத்திட நிர்பந்திக்கப்பட்டார். தனது சகோதரனின் செயல்களை எதிர்க்கும் நாகவேலனின் தங்கை பிரியாமோகினி (லலிதா) காயமடைந்த ராஜராஜனை தப்பிக்க வைக்க உதவுகிறார். நாகவேலனின் உதவியாளராக இருக்கும் உதயச்சந்திரன் (எம். என். நம்பியார்) பிரியாமோகினியைக் காதலிக்கிறார், ஆனால் பிரியமோகினி அவர் நாகவேலனுக்காக பணிபுரிவது மட்டுமல்லாமல், ராஜராஜனையும் ஒரு தலையாக காதலிக்கிறார் என்பதால் உதயச்சந்திரன் காதலை நிராகரிக்கிறார்.
ராஜராஜன் தனது ஆசிரியர் உத்சேலன் கவிராயர் (எம்.ஜி.சக்ரபாணி) இடத்தின் கீழ் தஞ்சம் அடைகிறார். ராஜராஜனின் தந்தையின் நெருங்கிய அரசராக இருக்கும் நங்கூரின் மன்னர் கீர்த்திவர்மனை சந்திக்கவும், வேட்டைக்காரரின் பழங்குடி மன்னர் வெங்கடேவனிடம் உதவி பெறவும் ராஜராஜனுக்கு அறிவுறுத்துகிறார்கள்...
ராஜராஜனின் மோசமானவன் என்றும் அவரின் செயல்களைப் பற்றி நாகவேலன் கிங் கீர்த்திவர்மன் (ஆர்.பாலசுப்பிரமணியம்) மற்றும் ராணி சென்பகவல்லி (எஸ். டி. சுப்புலட்சுமி) ஆகியோருக்கு ராஜராஜனின் ஆட்சியைக் கைப்பற்றுமாறு ஒரு செய்தியை அவரிடம் சொல்கிறார்.. நாகவேலனின் உண்மையான திட்டம் சோழ ராஜாவாக இருந்து மன்னர் கீர்த்திவர்மன் மற்றும் ராணி சென்பகவல்லியின் ஒரே மகள் இளவரசி ராமாவை (பத்மினி) திருமணம் செய்து கொள்ள வேண்டும் என்பது தான். சோழ நாட்டில் ஏற்பட்ட அரசியல் குழப்பத்தை களைந்து நாட்டில் வாழும் மக்கள் குறை தீர்க்கும் என்னத்துடன் மன்னர் கீர்த்திவர்மன் ராஜராஜனின் நாட்டிற்கு புறப்படுகிறார்.
ராஜரஜன் கோயிலுக்குச் சென்று கொண்டிருந்த ராணி சென்பகம் மற்றும் இளவரசி ராமரை நாகவேலனின் குண்டர்களிடமிருந்து காப்பாற்றுகிறார், ஆனால் அவரது அடையாளத்தை வெளிப்படுத்தவில்லை. அவர் செல்லும் வழியில், தீர்ந்துபோன ராஜராஜனை (ஜி. சகுந்தலா) மன்னர் வெங்கடேவனின் மகள் கண்டுபிடித்து, தலைமை (எஸ் எம் திருப்பதிசாமி) க்கு தெரிவிக்கிறார். உத்சேலனின் உதவியாளராக இருக்கும் சற்குனம் (நண்பர் ராமசாமி) உதவி வழங்க அங்கு வருகிறார்.
தெரு நாடகங்கள் மற்றும் மேடை நாடகங்கள் மூலம் ராஜராஜன் பற்றிய உண்மையான சூழ்நிலையை மறைமுகமாக மக்களுக்குக் எடுத்துரைக்கும் திட்டத்தை உத்சேலன், வெங்கடேவன், சற்குணம் மற்றும் ராஜராஜன் ஆகியோர் மக்கள் முன்வைக்கின்றனர்.
நாகவேலன் இதைக் கண்டுபிடித்து உத்சேலனையும் வெங்கடேவனையும் கைது செய்கிறார், தானே அரசனாக ஆக வேண்டும் என்று எண்ணிய நாகவேலனுக்கு, மன்னர் எழுதி வைத்து விட்டு சென்ற உயில் பற்றி எடுத்துரைக்கிறார், ராஜாவுக்கு வேட்பாளர் யாரும் இருக்கக்கூடாது என்று அரச சட்டம் கூறுகிறது என்பதை உத்சேலன் நினைவுபடுத்துகிறார்,
அரச யானை யாருக்கு மாலை அணிவிக்கின்றதோ அவர் தான் அடுத்த மன்னர் என்று உயிலில் உள்ள மன்னரின் செய்தியை கூறுகின்றார், பின்னர் கீர்த்திவர்மன் மன்னர் இதற்கு சம்மதித்து உடனடியாக இந்த செயல்முறையை மேற்கொண்டு நங்கூருக்கு புறப்படுகிறார்,
இதற்கிடையில் நாகவேலன் யானை யாருக்கு மாலை அணிவிக்கின்றதோ அந்த நபரை கொலை செய்ய உதயச்சந்திரனுக்கு உத்தரவு பிறப்பிக்கிறார். .
அரச யானை ராஜராஜனை அடையாளம் கண்டு அவருக்கு மாலை அணிவிக்கிறது, ஆனால் உதயச்சந்திரன் அவரைப் பிடித்து சிறையில் அடைக்கிறார். ராஜராஜன் உயிருடன் இருப்பதை அறிந்து நாகவேலன் கோபமடைந்து ராஜராஜனை முதலை குளத்திற்கு தள்ளி விட்டுவிட்டு ராஜராஜன் இறந்துவிட்டதாக கருதுகிறார்.
ஆனால் அந்த இடத்தில் இருந்து ராஜராஜன் தப்பிக்கிறார். இதற்கிடையில், நாகவேலன் எந்த வேட்பாளரையும் அரச யானை தேர்வு செய்யவில்லை என்ற பொய்யை அறிவித்து, கீர்த்திவர்மனை மன்னாக அரியணையில் ஏற அழைக்கிறார், ஆனால் கீர்த்திவர்மன் மன்னர் நாகவேலன் ஆட்சியில் அமரும் படி கூறுகின்றார்.. ஆனால் நாகவேலன் மக்களுக்கு தன் மீது சந்தேகம் வராமல்
இருக்க எச்சரிக்கையாக திட்டமிடுகிறார்.
அதன்படி சோழ மன்னனின் நீதிமன்றத்தில் கீர்த்திவர்மனை ம ஆஜர்படுத்தி, ராஜராஜனைக் கொலை செய்ததாக குற்றம் சாட்டுகின்றான் நாகவேலன்... கீர்த்திவர்மன் மன்னர் தன்னை தற்காத்துக் கொள்ள முயன்றால், இளவரசி ராமாவைக் கொலை செய்வதாக நாகவேலன் அச்சுறுத்துகிறார், மேலும் சென்பகவல்லி மகாராணி தனது சாட்சியாக இருப்பார் அல்லது கீர்த்திவர்மன் மன்னர் கொல்லப்படுவார் என்று அச்சுறுத்துகிறார்.
நீதிமன்றம் கீர்த்திவர்மனை குற்றவாளி என்று கூறி, கீர்த்திவர்மனை சிறையில் அடைக்கவோ அல்லது தலை துண்டிக்கவோ நாகவேலனுக்கு உரிமை உண்டு என்று தெரிவிக்கிறது. நாகவேலன் மன்னர் கீர்த்திவர்மனைச் சந்தித்து, இளவரசி ரமா நாகவேலனை மணந்தால் அவரை விடுவிப்பதாக உறுதியளிக்கிறார், அதில் மன்னர் கீர்த்திவர்மன் மறுத்துவிடுகின்றார். இதனால் கோபம் கொண்ட நாகவேலன்
மன்னன் கீர்த்திவர்மனை கொன்றுவிட ஆணை பிறப்பிக்கின்றான்
ராஜராஜன் மன்னர் கீர்த்திவர்மனை காப்பாற்றுகிறார்.
நல்லவர்களுக்காக துணை நிற்க பிரியமோகினியின் அழுத்தத்தின் பேரில், நாகவேலன் உத்தரவிட்டபோது உத்சேலனை கொலை செய்ய உதயச்சந்திரன் மறுக்கிறார். ராஜராஜனுக்கு உதவுவதற்காக பிரியாமோகினி உதயச்சந்திரனை பணிக்கின்றார் , இருவரும் நல்ல நண்பர்களாக மாறினர். உதயச்சந்திரன் தனது அன்பை பிரியாமோகினியிடம் வெளிப்படுத்துகிறார், ஆனால் அவர் இளவரன் ரமா வை நேசித்தாலும் ராஜராஜனைக் காதலிப்பதால் அவர் உதயசந்திரன் காதலை ஏற்கவில்லை.
இதற்கிடையில், வெங்கத்தேவன் மற்றும் கீர்த்திவர்மன் மன்னர் நங்கூரின் வீரர்கள் சோழ நாட்டிற்கு வருகிறார்கள். நாகவேலன் தப்பிக்க முயன்றாலும் ராஜராஜனால் கொல்லப்படுகிறான். ராஜராஜன் இளவரசி ராமாவை மணந்து சோழ நாட்டின் ராஜாவாகின்றார்
இளவரசர் ராஜராஜனாக
எம்.ஜி.ஆர்
ஜெனரல் நாகவேலனாக பி.எஸ்.வீரப்பா
உதயச்சந்திரனாக எம். என். நம்பியார்
உத்சேலன் கவிராயராக
எம். ஜி. சக்ரபாணி
கீர்த்திவர்மன் மன்னராக ஆர்.பாலசுப்பிரமணியம்
சற்குணமாக நண்பர் ராமசாமி
டி.என்.சிவதனு
சி.வி.பந்துலு
என்.எம்.முத்துக்கூத்தன்
ஆர்.எம்.சோமசுந்தரம்
ஜோஷ் பிரகாஷ்
இளவரசி ராமராக பத்மினி
பிரியமோகினியாக லலிதா
ராணி சென்பகவள்ளியாக
எஸ். டி. சுப்புலட்சுமி
ஜி.சகுந்தலா
எஸ்.வி.வசந்தா
லட்சுமி
மற்றும் பலர்...
அன்புடன்
படப்பை
ஆர்.டி.பாபு......skt...
-
"நாளை நமதே"! இந்த நாளும் நமதே!
புரட்சி தலைவரின் தாரக மந்திரமான "நாளை நமதே"! யை ஓங்கி ஒலிக்க செய்தது இந்தப் படத்தின் மூலமாகத்தான். படத்தின் பெயர் அனைவரையும் கவர்ந்து இழுத்து படத்தின் வெற்றிக்கு முன்கூட்டியே கட்டியம் கூறியது. புரட்சி நடிகரின் 125 படமாக வெளிவந்து வெற்றி வாகை சூடிய படம். 1975 ஜீலை 4 ல் வெளியாகி மிகக் குறுகிய காலத்தில் வெளியான "இதயக்கனி" யையும் தாண்டி ஓடி வெற்றி பெற்றாலும் 100 நாட்கள் ஓடும் வாய்ப்பு கைநழுவி போனது.
அதற்கு பிராயசித்தமாக இலங்கையில் 100 நாட்களை தாண்டி ஓடி மகத்தான வெற்றி பெற்றது. முதல் பாதியில் உள்ள காட்சிகளை சற்று ட்ரிம் செய்து வேண்டாத காட்சியை வெட்டினால் போதும் படம் இதைவிட பெரிய வெற்றி பெற்றிருக்கும். இந்தியில் மிகப்பெரிய வெற்றி பெற்ற "யாதோன் கி பாரத்" தின் தழுவலாக இருந்தாலும் தலைவருக்கு ஏற்றபடி மாற்றி எடுத்த படம். பாடல்கள் மிகப்பெரிய வெற்றி பெற்றது. காதல் பாடல்கள் சற்று அதிகம் ஆனாலும் ரசிக்கும்படி இருக்கும். படத்தில் ரிச்னஸ் சற்று அதிகமாகவே இருக்கும்.
"தர்மத்தின் வெற்றிதனை சூது கவ்வும், முடிவில் தர்மம் வெல்லும்" என்ற கூற்றுப்படி அநியாயம் அக்கிரமம் செய்த வில்லனின் கெட்ட எண்ணத்தை அழித்தால் போதும் ஆளை அழிக்கும் எண்ணம் வேண்டாம் என்று எதிரிக்கு கூட கருணை காட்டும் தாயுள்ளம் கொண்ட தலைவர் எங்கே? அன்னை தந்த பால் கூட விஷமும் ஆகலாம் என்று தாயை கூட சந்தேகப்படும் தரங்கெட்ட கூட்டம் எங்கே?. அருமையான படிப்பினையை மக்களுக்கு ஊட்டி "நாளை நமதே" என ஒவ்வொரு மக்களுக்கும் எழுச்சியை ஊட்டினார் புரட்சி தலைவர்.
இனி "நாளை நமதே" படத்தின் சாதனையை பார்க்கலாம். சென்னையில் ஓடியன், பாண்டியன், முரளிகிருஷ்ணா, ராஜகுமாரி ஆகிய திரையரங்குகளில் வெளியாகி ஓடியன், பாண்டியனில் 63 நாட்களும்,
முரளிகிருஷ்ணாவில் 50 நாட்களும்
ராஜகுமாரியில் 42 நாட்களும் ஓடி
மொத்தம் 218 நாட்களில் வசூலாக ரூ 882734.79 பெற்று வெற்றி பெற்றது. 50 நாட்களுக்கு முன்பே "இதயக்கனி" என்ற மாபெரும் வெற்றிப் படம் வெளியானதால் 100 நாட்கள் காண இயலவில்லை.
ஆனால் இலங்கையில் யாழ்ப்பாணம் ராணியில் 102 நாட்களும் தெமட்டகொட சமந்தாவில் 132 நாட்களும் ஓடி வசூலில் அய்யனின் படங்களை அலற விட்டது. முதல் நாளில் 7 காட்சிகள் திரையிடப்பட்டதாக செய்திகள் தெரிவிக்கின்றன. தமிழகத்தில் மொத்தம் 40 திரையரங்குகளில்
வெளியாகி 16 திரையரங்குகளில் 50
நாட்களை கடந்தும் முதல் வெளியீட்டில் தமிழகத்தில் மட்டும் சுமார் 55 லட்சத்துக்கும் அதிகமாகவும் வசூல் ஈட்டியது குறிப்பிடத்தக்கது.
பெங்களூரில் 8 திரையரங்குகளில் திரையிடப்பட்டு இணைந்த 25 வாரம் கொண்டாடியது. நெல்லையில் புதிய திரையரங்கமான சிவசக்தியில் வெளியாகி 62 நாட்கள் ஓடி வசூலாக ரூ 146305.75. பெற்று அய்யனின் பெரும்பாலான படங்களை வென்று
தனித்தன்மை காட்டியது..........ksr.........
-
*"MGR"* _தமிழகத்திற்கு என்ன செய்தார்?_
_ஏன்? எல்லோரும் *M.G.R* ஆட்சி தருவதாகக் கூறுகின்றனர்!_
*மேட்டூர் அனல் மின் நிலையம்*
*தூத்துக்குடி அனல் மின் நிலையம்*
*பவாணி கட்டளை நீர் மின் நிலையம்*
*கீழ் மேட்டூர் நீர் மின் நிலையம்*
*சேர்வலாறு நீர் மின் நிலையம்*
*சுருளியாறு நீர் மின் நிலையம்*
*Tamil Nadu Cement Corporation Limited (TANCEM)* (Tamil: தமிழ் நாடு சீமைக்காரை கழகம்)
*The Tamil Nadu Newsprint and Papers Limited (TNPL)*
தமிழ்நாடு செய்திதிதாள் காகித ஆலை நிறுவனம் (TNPL)
*Tamil Nadu Minerals Limited (TAMIN)* (Tamil: தமிழ் நாடு கனிம நிறுவனம் (டாமின்))
*Tamil Nadu Industrial Explosives Limited (TEL)* தமிழ்நாடு தொழில்துறை வெடிபொருட்கள் நிறுவனம்(டெல்)
*Tamil Nadu Medicinal Plant Farms and Herbal Medicine Corporation Limited (TAMPCOL)*
தமிழ்நாடு மருத்துவ தாவர பண்ணைகள் & மூலிகை மருத்துவம் கழகம்(டாம்ப்கால்)
*Chennai Metropolitan Water Supply and Sewerage Board(CMWSSB)*
சென்னை பெருநகர நீர் வழங்கல் மற்றும் கழிவுநீர் வாரியம்
*TAMILNADU POLLUTION CONTROL BOARD(TNPCB)*
தமிழ்நாடு மாசுக்கட்டுப்பாடு வாரியம்
*Tamilnadu Magnesite Limited(TANMAG)*
தமிழ்நாடு கனிமவள நிறுவனம்(டான்மாக்)
*Tamilnadu Co-operative Milk Producers' Federation Limited (TCMPF Ltd.,)*
தமிழ்நாடு கூட்டுறவு பால் உற்பத்தியாளர்கள் இணையம்
*AAVIN-ஆவின்*
*தெலுங்கு கங்கை திட்டம் கிருஷ்னா நதி நீர்*
_இன்னும் விடுபட்டது நிறைய.................SKR
-
ஒரு கார்த்திகை மாதக் கருக்கிருட்டு! செங்கற்பட்டிலிருந்து படப்பிடிப்பை முடித்துக்கொண்டு வள்ளல், நடுநிசி பன்னிரெண்டு மணிவாக்கில் காரில் வந்து கொண்டிருக்கிறார்.
கண்விழித்தவாறே வள்ளல் வந்து கொண்டிருந்த பொழுது, வழியில் போலீஸ் உடையில் நின்ற ஒருவரைப் பார்க்கிறார். வள்ளலின் கார் அவரைக் கடந்து செல்கிற போது, வள்ளலின் நெஞ்சில் பொறி தட்டுகிறது. ஆள் நடமாட்டமே இல்லாத இந்த அர்த்த ராத்திரியில், அந்தப் போலீஸ்காரர் பஸ்ஸூக்காக காத்து நிற்கிறார்; என்பதை புரிந்து கொள்கிறார்.
உடனே கார் டிரைவரிடம் காரை நிறுத்தச்சொல்கிறார். கார் பின்னோக்கி வருகிறது. போலீஸ்காரர் அருகில் காரை நிறுத்தி கதவைத் திறந்து “ஏறுங்கள், எங்கே போக வேண்டும்” என்கிறார்.
“பரவாயில்லை. நான் பஸ்ஸிலேயே வந்து விடுகிறேன்” என்கிறார் அந்தப் போலீஸ்காரர்.
நேரம் ஆகிவிட்டது. இனி இந்த ரூட்டில் பஸ் கிடையாது. ஏறிக்கொள்ளுங்கள்” என்று வள்ளல் வலுக்கட்டாயம் செய்ய, போலீஸ்காரர் வேண்டா வெறுப்பாக ஏறுகிறார்.!
லைட்டைப் போட்டு, “சாப்பிட்டீங்களா?” என்று கேட்டுக்கொண்டே, சீட்டுக்கு பின்னால் இருந்த பிஸ்கட், பழங்களை எடுத்துக் கொடுக்கிறார்.
“இப்படி ஓசியில் பயணம் செய்வதே எனக்கு உடன் பாடில்லை. இன்னும் நீங்கள் உண்ணச் சொல்லி வேறு என்னை இழிவு படுத்தாதீர்கள்” என்று போலீஸ்காரர் மறுக்கிறார். பொன்மனச் செம்மல் பூரிக்கிறார். இருப்பவனில் இருந்து, இல்லாதவன் வரை படித்து பதவியில் இருக்கும் எத்தனையோ பேர் எனக்கு அது வேண்டும், இது வேண்டும் என்று நம் வள்ளலிடம், வேண்டியதை பெற்றுச் சென்றிருக்கிறார்கள். ஆனால் சாதாரண பொறுப்பில் இருக்கும் இந்தப் போலீஸ்காரனின் நேர்மை, செம்மலை சிலிரக்க வைத்து விட்டது.!
வள்ளலின் கார் காத தூரத்தில் வந்து கொண்டிருந்தாலும், காரின் நிறத்தையும், ஒலியையும் மணம் கமழும் ஓடிகான் வாசனையையும், வைத்து, இது வள்ளலின் கார் என்றும், கார் சென்ற தடத்தை தொட்டு வணங்குகிற அளவுக்கு, புகழுடன் திகழ்ந்த நேரம் அது!
அரைமணி நேரம் கார் சென்று கொண்டிருக்கிறது! ஆனால், அது வரை வள்ளலைப் பற்றிப் பெரிதாகப் போற்றிப் புகழ்ந்து பேசாமல் அந்த போலீஸ்காரர் பொருட்படுத்தாமல் வந்ததே, புரட்சித்தலைவருக்கு அந்த போலீஸ்காரர் மீது மரியாதையைக் கூடுதலாக்கியது.
“நான் தான் எம்.ஜி.ஆர்”
“கேள்விப்பட்டிருக்கிறேன்”
பொன்மனச் செம்மலின் முகத்தில் கோபம் இல்லை, பதிலுக்கு புன்முறுவல் மலர்கிறது.
“என் படங்களைப் பார்த்து இருக்கிறீர்களா?”
“நான் சினிமாவே பார்ப்பதில்லை. “புரட்சித்தலைர் இன்னும் பிரம்மிக்கிறார். இப்பொழுது கார் சத்தத்தைத் தவிர ஒரே நிசப்தம்.
போலீஸ்காரர் தனது வீட்டிற்கு அரை கிலோமீட்டர் தூரத்துக்கு முன்பே காரை நிறுத்தச்சொல்லி, “இங்கேயே இறங்கிக் கொள்கிறேன்”என்கிறார்.
“ஏன் நீங்கள் குறிப்பிட்ட அந்த விலாசம் இன்னும் அரை கிலோ மீட்டர் தூரம் இருக்கிறதே”
“சாதாரண போலீஸ் உத்தியோகத்தில் இருக்கும் நான் காரில் வந்து இறங்கினால்: என் வீட்டிற்கு அருகில் உள்ளவர்கள் என்னைத் தவறாக நினைத்துக்கொள்வார்கள். இதுவரை இப்படி நான் யார் காரிலும் ஓசியில் வந்த பழக்கமில்லை. “நீங்கள் இவ்வளவு தூரம் செய்த உபகாரத்திற்கு நன்றி.
வள்ளல் அதற்குமேல் எதுவும் பேசவில்லை. ‘அவர் எந்த போலீஸ் ஸ்டேஷனில் பணிபுரிகிறார் என்பதை மட்டும் கேட்டுத் தெரிந்து கொண்டு கிளம்புகிறார்.
அடுத்த நாள் செங்கல் பட்டு போலீஸ் ஸ்டேஷனுக்கு போன் செய்து” நான் எம்.ஜி.ஆர். பேசுகிறேன்” என்கிறார் வள்ளல்.
இரவு சந்தித்த போலீஸ்காரரைப் பற்றி விசாரிக்கிறார்.
டி.எஸ்.பி. சொல்கிறார், “நீங்கள் குறிப்பிடும் அவர் இன்று விடுப்பில் இருக்கிறார். அவர் கையூட்டு வாங்காதவர். கடமை தவறாதவர். காவல் துறையின் நேர்மைக்கு இவரே இலக்கணம். வெற்றிலை பாக்கு, பீடி, சிகரெட் போன்ற லாகிரி வஸ்தோ, நாடகம், சினிமா போன்ற பொழுது போக்கு அம்சங்களெல்லாம் இவர் அறியாதவர்! கல்யாண வயதில் உள்ள மூன்று பெண்களையும், கரை சேர்க்க முடியாமல் கஷ்டத்தில் இருக்கிறார்’ என்கிற விபரங்கள் டி.எஸ்.பியால் சொல்லப்படுகிறது.
கேட்டுக்கொண்ட டி.எஸ்.பி, “உங்களோடு போனில் ஆளுக்கொரு வார்த்தைப் பேச ஆசைப்படுகிறார்கள். “போனை அவர்களிடம் கொடுக்கலாமா? என்கிறார். வள்ளலும் கொடுங்கள்; என்கிறார். பேசுகிறார். அந்தப் போலீஸ் ஸ்டேஷனே புண்ணியம் பெற்றதாக புளகாங்கிதம் அடைந்தனர். அந்த போலீஸ்காரர்கள்.
மறுநாள் அந்தப் போலீஸ்காரர் ராமாவரம் தோட்டத்திற்கு அழைத்து வரப்படுகிறார். அவரிடம் பேப்பரில் மடித்த பெரிய பணக்கட்டை கொடுத்து “இதை வைத்து உங்கள் பெண்களின் கல்யாணத்தை நடத்துங்கள்” என்கிறார் வள்ளல், போலீஸ்காரர் மறுக்கிறார்.
“நான் ஏதாவது உங்களிடம் காரியமாற்றச் சொல்லி அதற்காக கொடுத்தால், அது தவறு. என்னால் ஆக வேண்டியது உங்களுக்கும், உங்களால் ஆக வேண்டியது எனக்கும், ஏதும் இல்லை. நான் உங்கள், கூடப் பிறந்த ஒரு சகோதரனாக நினைத்துக் கொடுக்கிறேன். பெற்றுக்கொள்ளுங்கள்” என்று சொன்னபிறகு, கேட்டும் கூட கிள்ளிக்கொடுக்காத கனவான்கள் வாழும் இந்த உலகில், ரோட்டில் நின்றவனை அழைத்துச் சென்று அள்ளிக் கொடுத்த வள்ளலின் கருணையில், நெகிழ்ந்து போய் பெற்றுக் கொள்கிறார் போலீஸ்காரர். பிறகொரு தேதியில் புரட்சித்தலைவரே சென்று, அந்த போலீஸ்காரரின் மூன்று பெண்களின் திருமணத்தையும் நடத்தி வைத்து, வாழ்த்தி இருக்கிறார்.
வாழ்ந்தவர் கோடி மறைந்தவர் கோடி
மக்களின் மனதில் நிற்பவர் யார்
மாபெரும் வீரர் மானம் காப்போர்
சரித்திரம் தனிலே நிற்கின்றார்..............gdr
-
"தெலுங்கு கத்துக்கலாம்"
‘கொக்கு சைவ கொக்கு’ பாட்டில் ரஜினியுடனும் ‘கானக் கருங்குயிலே கச்சேரிக்கு வர்றியா வர்றியா’ என்ற பாட்டில் விக்ரமுடனும் ஆடிய ஜோதிலட்சுமி ஆடல் பாடல் கலைகளில் கை தேர்ந்தவர். தமிழில் குழந்தை நட்சத்திரமாக அறிமுகமானவர். அவர் பாட்டி தமயந்தியும் அம்மா தனலட்சுமியும் நடிகையராய் இருந்தவர்கள். எம்.ஜி.ஆருக்கு இவர்கள் நல்ல பரிச்சயம் ஆனவர்கள்.
ஒரு நாள் ஜோதிலட்சுமியின் தாயார் எம்.ஜி.ஆரிடம் பேசும்போது ‘இப்போது தமிழில் ஜோதிக்கு அதிக வாய்ப்பில்லை. தெலுங்கில் அழைப்பு வருகிறது, ஆனால் இவள் நடிக்க மறுக்கிறாள்’ என்று குறைபட்டுக்கொண்டார். அப்போது எம்.ஜி.ஆர் ஜோதிலட்சுமியிடம் ‘ஏன் உனக்குத் தெலுங்கில் நடிச்சா கசக்குதா’ எனக் கேட்டார். அதற்கு பதிலளித்த ஜோதிலட்சுமி ‘இல்லண்ணே தெலுங்கு பாஷை தெரியாது. என்ன பேசுறாங்கன்னே எனக்குப் புரியாது’ என்றார். ‘அதெல்லாம் புரியும் புரியும். போய் நடி அப்படியே தெலுங்கு கத்துக்கலாம்’ என்று தைரியம் கொடுத்தார். அதன்பிறகு சண்டை காட்சி நிறைந்த படங்களில் ஜோதிலட்சுமி ஒரு ரவுண்ட் வந்தார். ‘நடிகைக்கு ஃபீல்டில் இருந்தால்தான் மதிப்பு. ஃபீல்ட் அவுட் ஆகிவிட்டால் யாரும் அவரை தேடப் போவதில்லை’ என்பதால் கிடைக்கும் வாய்ப்பை தவற விடக் கூடாது என்று எம்.ஜி.ஆர் கூறிய அறிவுரையைக் கேட்டதால் அவர் சாகும்வரை நடித்தார். விவேக்குடன் நகைச்சுவை பாத்திரத்திலும் நடித்து பேர் வாங்கினார்.
Posted by : MG Nagarajan
Published by : vannathirai
யாழ் இணையம்
in வண்ணத் திரை...
-
புரட்சித்தலைவர்
#மக்கள்திலகம்
மன்னாதி மன்னன்
பொன்மனச்செம்மல் எம்.ஜி.ஆர்.
அவர்களின் ஆசியோடு நண்பர்கள் அனைவருக்கும் இனிய செவ்வாய் கிழமை காலை வணக்கம்...
புரட்சி தலைவர் எம்ஜிஆர் அவர்களின் திரைப்படங்களை பற்றிய இந்த தொடர் பதிவில் இன்று புரட்சி தலைவர் நடித்த அவரின் 39 வது படமான
"#புதுமைப்பித்தன்" படத்தை பற்றி காண்போம்..
புதுமைபித்தன் 1957 ஆம் ஆண்டு வெளி வந்த திரைப்படம், புரட்சி தலைவர்
எம்.ஜி.ஆர்., டி. ஆர். ராஜகுமாரி மற்றும் பி.எஸ். சரோஜா ஆகியோர் முக்கிய கதாபாத்திரங்களில் நடித்துள்ளனர்.
ஆர்.ராமண்ணா
இயக்கத்தில்
தயாரித்தது
கே.முனிரத்னம்
திரைக்கதை
எஸ். என். மூர்த்தி
கதை கருணாநிதி
படம் பாக்ஸ் ஆபிஸில் 105 நாட்கள்.
இந்த படம் தெலுங்கில் வீர கட்கம் என பெயரிடப்பட்டு வெற்றி பெற்றது...
மணிபுரி மன்னர் தனது சகோதரரால் (டி.எஸ். பாலையா) சிறையில் அடைக்கப்படுகிறார், அவர் வேட்டைக்கு காட்டுக்கு சென்ற போது வேட்டையின் போது புலி தாக்கி மன்னர் இறந்துவிட்டார் என்று மக்களிடம் பொய் சொல்லி அவரை கைது செய்து யாருக்கும் தெரியாமல் ரகசிய இடத்தில் வைத்து உள்ளார்...
ராஜாவின் மகன் இளவரசன் ஜீவகன் (எம்.ஜி.ஆர் ) பல நாடுகளுக்கு கடல் பயணம் முடித்து நாடு திரும்புகிறார் அவருக்கு வரவேற்பு அளிக்காமல் மக்கள் சோகமாக இருப்பதை காண்கிறார் எம்ஜிஆர்...
என்ன ஆனது என்று அவரின் சித்தப்பா பாலையாவிடம் கேட்க அவர் புலி அடித்து கொன்று விட்டது உடல் கூட கிடைக்க வில்லை என்று ராஜாவின் போலி சமாதி முன் நிறுத்துகிறார்.. இறுதிச் சடங்கின் போது, அரண்மனை மருத்துவரின் மகள் (பி.எஸ். சரோஜா, மாறுவேடத்தில்) அவருக்கு அனுப்பிய ரகசிய செய்தி மூலம் அரசர் உயிருடன் இருக்கிறார் என்பதை ரகசிய சீட்டு மூலம் தெரிவிக்கின்றார் இளவரசர் உண்மையை அறிந்துகொள்கிறார் அந்த இடத்தில் பாலையா அரசர் அரண்மனை ஜோசியர் சொல்லி ஒரு சாசனம் எழுதி வைத்து இருக்கின்றார் அந்த சாசனம் காணவில்லை என்றும் அதை கண்டு பிடிக்க படை தளபதியை நியமனம் செய்து இருப்பதாக அறிவிக்கிறார் அதில் எனக்கு பிறகு இளவரசன் நாட்டை ஆளவேண்டும் ஆனால் இளவரசன் உயிருக்கு ஆபத்து ஏற்படும் என்று சொல்லிவிட்டு அந்த சாசனம் கிடைத்தால் தான் முடிவுக்கு வர முடியும் என்று சொல்லிவிடுகின்றார்..
எதிர்பார்த்தபடி அவர் அரசு ஆள வேண்டும் என்றால் இளவரசன் உயிருடன் இருக்க கூடாது அதற்கு என்ன செய்வது என்று படை தளபதி, அரண்மனை வைத்தியர் ,பாலையா ஆகியோர் ரகசிய திட்டம் தீட்டுகின்றனர்..
அதில் மன்னர் விஷயத்தில் மக்களை ஏமாற்றி நம்ப வைத்து இருப்பது பெரிய விஷயம் இளவரசனை கொன்று விட்டால் மக்களின் சந்தேகத்திற்கு ஆளாக நேரிடும் ஆதலால் கொள்ளாமல் வேறு வகையில் தந்திரமாக செயல் பட வேண்டும் என்று தீர்மானிகின்றனர்...
இதற்கு அரண்மனை வைத்தியர் மருந்துமூலம் இளவரசனை பைத்தியமாக்கி விடலாம் பிறகு இளவரசன் பைத்தியம் என்று சொல்லி நீங்களே ஆட்சி செய்யலாம் மக்களுக்கும் சந்தேகம் வராது என்று யோசனை கூறுகின்றார் இதில் மகிழ்ச்சி அடைந்த பாலையா அடுத்த மந்திரி பதவி உனக்கு தான் என்று அரண்மனை வைத்தியருக்கு வாக்கு கொடுக்கிறான் இதனால் இளவரசனை பைத்தியமாக மாற்ற மூலிகைகள் மூலம் மருந்து தயாரிகின்றார்..
இந்த ரகசியங்களை தெரிந்து கொண்ட மருத்துவரின் மகள் மருந்தை மாற்றி வைத்து விட்டு இளவரசனுக்கு தகவல் தெரிவிக்கபடுகின்றது அவரின் நற்குணங்கள் பிடித்து போக மருத்துவரின் மகளை இளவரசன் காதலிக்கிறார் அவளும் இளவரசனை காதலிக்கிறார்..
ஒரு விருந்தில் இளவரசனுக்கு அந்த மருந்து கலந்த பணம் கொடுக்க படுகின்றது அவர் அதை குடித்து விட்டு
அனைவரையும் முட்டாளாக்க மருந்தை குடித்த பைத்தியக்காரனைப் போல நடிக்கிறார்...
தனது தந்தையான மன்னரை காப்பாற்ற பகலில் அரண்மனையில் பைத்தியகாரனாகவும், இரவில் முகமூடி அணிந்து கொண்டு திரிகிறார்..
பாலையாவின் சதிகளை முகமுடியால் முறியடிக்க படுவதால் முகமுடியால் நாட்டில் கொலை கொள்ளை நடப்பதாக அவதூறு பரப்ப படுகின்றது முகமூடியை பிடித்து கொடுப்பவர்களுக்கு ஐயாயிரம் பொற்காசுகள் பரிசு என்று அறிவிக்கப்படுகிறது...
அந்த சமயத்தில் தளபதியால் முகமூடியை கைது செய்ய திட்டம் தீட்டபடுகின்றது
அவர்களிடம் இருந்து தப்பி ஓரு நாடக குழுவில் தஞ்சம் அடைகிறார் அவருக்கு நாடக பெண்மணி (டி. ஆர். ராஜகுமாரி) உதவுகிறார், அவர் இளவரசன் என்பதையும் அறிந்து கொள்கின்றார் இளவரசரின் மீது பாசம் கொள்கிறார்..
எந்த உதவியென்றாலும் உதவுவதாக கூறுகின்றார் அவர் மீது காதல் வயப்படுகின்றார் அதை இளவரசனிடம் கூறுகின்றார் ஆனால் இளவரசன் வைத்தியர் மகளை விரும்புவதாக நிராகரித்து விடுகின்றார்...
இருந்தாலும் இளவரசனுக்கு உதவி
இறுதியில், அவள் தன் உயிரைத் தியாகம் செய்கிறாள், இளவரசன் அரண்மனை மருத்துவரின் மகளோடு ஐக்கியப்படுகிறார். சதித்திட்ட வில்லன்களுக்கு இளவரசர் மற்றும் அவரது நண்பர் அறிவுமணி (சந்திரபாபு) உடன் சேர்ந்து போரிட்டு வெற்றி பெற்று தன் தந்தையை மீட்பார் இளவரசன்...
ஜீவகனாக
எம்.ஜி.ஆர்
பிரதாபனாக
டி.எஸ்.பாலையா
அரிவுமணியாக
ஜே. பி. சந்திரபாபு
பரக்ரமனாக
ஈ.ஆர்.சாதேவன்
துர்முகியாக
ஆர்.பாலசுப்பிரமணியம்
சி.எஸ்.பாண்டியன்
சித்ரகுப்தனாக
வீரையாவாக
பி.எஸ்.வெங்கடச்சலம்
சி.வி.வி.பந்துலு
சக்கரவர்த்தியாக
நல்லன்னனாக
பட்டுசாமி
இன்பவல்லியாக
டி.ஆர்.ராஜகுமாரி
வேல்விழியாக
பி.எஸ்.சரோஜா
அப்ராஜிதாவாக
இ.வி.சரோஜா
பூங்கோடியாக
கே.எஸ்.அங்கமுத்து
ஆகியோர் நடித்து உள்ளனர்
அன்புடன்
படப்பை பாபு.......skt...
-
பிரபல பாடலாசிரியரான மருதகாசி ‘அல்லி பெற்ற பிள்ளை’ என்ற பெயரில் தயாரித்த சொந்தப் படம் தோல்வியடைந்ததால் , பெரும் நஷ்டத்திற்கு உள்ளானார்.
மருதகாசிக்கு உதவுவதற்காக அவருக்குத் தன்னுடைய கதை ஒன்றை படமாக்கக் கொடுத்தார் கே.எஸ்.கோபாலகிருஷ்ணன். கே.எஸ்.ஜி. கொடுத்த கதையின் பெயர் ‘தூண்டாமணி விளக்கு.’
கே.எஸ்.ஜி.யின் கதையை வாங்கிப் படித்த மருதகாசி, அந்தக் கதையை
திரைப்படமாக ஆக்கினால் நிச்சயமாக அது வெற்றி பெறும் என்று திடமாக எண்ணினார்.
அந்த படத்தின் கதை வசனத்தையும் கே.எஸ்.ஜி.யே எழுத வேண்டும் என்று மருதகாசி கேட்டுக் கொள்ள அதற்கும் கே.எஸ். ஜி. சம்மதித்ததைத் தொடர்ந்து அந்த படத்துக்கு பூஜை போடப்பட்டது.
சிவாஜி கணேசன், சாவித்திரி, எஸ்.வி.ரங்காராவ், எஸ்.ஏ.அசோகன் ஆகிய பிரபலமான நட்சத்திரங்கள் அந்தப்படத்தில் நடிக்க ஒப்பந்தம் செய்யப்பட்டனர் என்றாலும் மருதகாசி பொருளாதார ரீதியில் மிகவும் சிரமப்பட்டுக் கொண்டிருந்ததால் அந்தப் படத்தை அவரால் தொடர முடியவில்லை.
அந்த சந்தர்ப்பத்தில் கே.எஸ்.கோபாலகிருஷ்ணனின் நெருங்கிய நண்பர் ஒருவர் எம்.ஜி.ஆர், தனக்கு ஒரு படம் நடித்துத் தர சம்மதித்திருப்பதாகவும் அதற்கு ஒரு கதையைத் தர முடியுமா என்றும் கோபாலகிருஷ்ணனிடம் கேட்டார்.
“எம் ஜி ஆர் எப்போது கதை கேட்கிறார் என்று கேட்டுக் கொண்டு வாருங்கள். நான் வந்து கதை சொல்கிறேன்” என்று அவருக்கு பதிலளித்தார் கோபாலகிருஷ்ணன்.
“உங்களை உடனே எம்.ஜி.ஆர். அழைத்து வரச் சொன்னார்..” என்று அன்று மாலையே அந்த நண்பர் வந்து நிற்க இருவரும் எம் ஜி ஆரின் வீட்டுக்கு புறப்பட்டனர்.
எம்.ஜி.ஆரோடு, கே.எஸ்.கோபாலகிருஷ்ணனுக்கு நாடக காலத்திலேயே நல்ல பழக்கம் இருந்ததால் காரைவிட்டு இறங்கிய கோபாலகிருஷ்ணனை சிரித்தபடியே அவர் வரவேற்றார்.
சிவாஜி கணேசன் நடிப்பதாக இருந்து நின்று போன ‘தூண்டாமணி விளக்கு’ கதையை சிறு, சிறு மாற்றங்களுடன் எம். ஜி. ஆருக்கு சொன்னார் கோபாலகிருஷ்ணன். எம்.ஜி.ஆருக்கு அந்தக் கதை மிகவும் பிடித்துப் போனதைத் தொடந்து அந்தப் படத்தின் படப்பிடிப்பு உடனே தொடங்கியது.
சிவாஜி நடிப்பதாக இருந்து படப்பிடிப்பிற்கு முன்னரே நின்று போன அந்தப் படம், எம்.ஜி. ஆர். நடித்து இரண்டு நாள் படப்பிடிப்பு நடந்த பிறகு நின்று போனது.
அந்தக் கதையை சில மாதங்களுக்குப் பிறகு ‘கற்பகம்’ என்ற பெயரில் சொந்தமாக எடுத்தார் கே.எஸ்.கோபாலகிருஷ்ணன். அப்போது அதில் கதாநாயகனாக நடித்தவர் ஜெமினி கணேசன்.
எம். ஜி.ஆர். நடிப்பதாக இருந்த அந்தப் படம் நின்றதற்கான காரணம் என்ன..?
‘கற்பகம்’ படத்தின் கதையை காட்சிவாரியாக எம்.ஜி.ஆரு.க்கு விளக்கினார் கோபாலகிருஷ்ணன். கதாநாயகனின் முதல் மனைவியான கற்பகத்தின் குடும்பப் பாங்கு, தான் பெறாத குழந்தையிடம் அவள் காட்டும் எல்லையற்ற பாசம், பின்னர் அவள் காலமான பிறகு இரண்டாம் தாரமாக வேறொரு பெண்ணைத் திருமணம் செய்து கொள்ளும்படி மாமனாரே வற்புறுத்தும்போது முதல் மனைவியை மறக்க முடியாமல் கணவன் படும் வேதனை ஆகியவற்றை கோபாலகிருஷ்ணன் விவரித்தபோது எம்.ஜி.ஆரின் கண்கள் அவரையும் அறியாமல் கலங்கின.
தனது உள்ளத்து உணர்ச்சிகளை மற்றவர்களுக்கு முன்னால் வெளிக்காட்ட விரும்பாமல் அடுத்த அறைக்கு சென்று விட்டார் அவர்.
“உங்கள் கதையைக் கேட்டவுடன் அவருக்கு காலம் சென்ற அவரது முதல் மனைவியின் நினைவு வந்துவிட்டது என்று நினைக்கிறேன்” என்று கோபாலகிருஷ்ணனிடம் தயாரிப்பாளரான அந்த நண்பர் கூறிக் கொண்டிருக்கும்போது அதைக் கேட்டபடியே அறையில் இருந்து வெளியே வந்த எம்.ஜி.ஆர். “அவர் சொல்வது உண்மைதான்” என்று சொல்லிவிட்டு ”படத்தின் பிற்பகுதியை நான் பின்னால் கேட்டுக் கொள்கிறேன். அதற்கு முன் மாமனாரின் வற்புறுத்தலுக்கு இணங்கி கதாநாயகன் இரண்டாவது திருமணம் செய்து கொண்டானா இல்லையா அதை மட்டும் சொல்” என்று கோபாலகிருஷ்ணனிடம் கேட்டார்.
“தன்னைப் பெற்ற தாயாகவே தனது முதல் மனைவியை நினைத்து வந்த கதாநாயகன் குழந்தையின் ஏக்கத்தை போக்குவதற்காக இரண்டாவது திருமணத்திற்கு ஒப்புக் கொள்கிறான். இரண்டாவது மனைவியும் கற்பகம் காட்டிய தாய் அன்பிற்கு தான் சளைத்தவள் அல்ல என்கின்ற அளவிற்கு அந்தக் குழந்தையின் மீது அன்பு காட்டுகிறாள். அதைப் பார்த்தபிறகே அவளை நாயகன் திருமணம் செய்து கொள்கிறான்” என்று கோபாலகிருஷ்ணன் சொல்லி முடித்ததும் “அருமையான கதை” என்று பாராட்டிய எம் ஜி ஆர் “உடனே இதற்கு வசனம் எழுதி விடு” என்றார்.
அப்போது அடுத்த வாரமே படப்பிடிப்பை ஆரம்பித்தால்தான் தனக்கு பைனான்ஸ் கிடைப்பது எளிதாக இருக்கும் என்று அந்தத் தயாரிப்பாளர் கூற சிறிது நேரம் யோசித்த எம்.ஜி.ஆர். பின்னர் கோபாலகிருஷ்ணனைப் பார்த்து “கதையின் தொடக்கத்தில், அதாவது முதல் மனைவியை மணப்பதற்கு முன் பண்ணையாரும் ஹீரோவும் சந்திக்கும் இரண்டு காட்சிகளுக்கு வசனம் எழுதிக் கொண்டு வா.. அந்தக் காட்சிகளுக்கான படப்பிடிப்பை முதலில் நடத்துவோம். பின்னர் இரு கதாநாயகிகளையும் தேர்ந்தெடுத்த பின்னர் தொடர்ந்து படப்பிடிப்பை நடத்திக் கொள்ளலாம்” என்றார்.
எம்.ஜி.ஆர். படங்களைப் பொறுத்தவரையில் நடிகர், நடிகைகள், தொழில் நுணுக்கக் கலைஞர்கள் ஆகிய அனைவரையும் அவரேதான் தேர்ந்தெடுப்பார் என்பதை கோபாலகிருஷ்ணன் அறிந்திருந்த காரணத்தால்… வேறு எந்தக் கேள்வியும் கேட்காமல் அவர் சொன்ன இரண்டு காட்சிகளுக்கும் வசனம் எழுதினார் அவர்.
அதையடுத்து படப்பிடிப்பு தேதியையும் படப்பிடிப்பு நடைபெற உள்ள ஸ்டுடியோ பற்றியும் கோபாலகிருஷ்ணனுக்கு தெரிவித்த பட அதிபர் படப்பிடிப்பு அன்று அதிகாலையிலேயே வந்து விடும்படி அவரைக் கேட்டுக் கொண்டார்.
‘கற்பகம்’ படத்திலே கதாநாயகன், கதாநாயகி அளவிற்கு முக்கியத்துவம் உள்ள பாத்திரம் அந்த மாமனார் கதாப்பாத்திரம், ஆகவே, அந்த பாத்திரத்தில் யார் நடிக்கிறார்கள் என்பதைப்பற்றி தெரிந்து கொள்ள விரும்பிய கோபாலகிருஷ்ணன் அது பற்றி தயாரிப்பாளரிடம் கேட்டபோது அதையெல்லாம் எம்.ஜி.ஆர்.தான் முடிவெடுத்து இருக்கிறார் என்றும் படப்பிடிப்பு நாள் அன்றுதான் யார் நடிக்கப் போகிறார் என்ற விவரம் தெரியும் என்றும் தயாரிப்பாளரிடமிருந்து பதில் வந்தது.
படப்பிடிப்பு நாள் அன்று அந்த மாமனார் பாத்திரத்தில் நடிக்க வந்திருந்தவரைப் பார்த்ததும் கோபாலகிருஷ்ணன் அடைந்த ஏமாற்றத்துக்கு அளவேயில்லை என்றுதான் சொல்ல வேண்டும்.
எம் ஜி ஆர் தேர்ந்தெடுத்திருந்த நடிகர் நல்ல பண்பட்ட நடிகர்தான். ஆனால் உருவ அமைப்பைப் பொறுத்தவரை எம்.ஜி.ஆருக்கு மாமனாராக அவரை ரசிகர்கள் ஏற்றுக் கொள்வது சிரமம் என்று கோபாலகிருஷ்ணன் மனதிற்குப்பட்டது. அந்தக் கதாபாத்திரத்திற்கு கே.எஸ். ஜி. யின் ஒரே தேர்வு எஸ்.வி.ரங்காராவ் மட்டுமே.
நடிகர் தேர்வு சரியாக அமையவில்லையே என்ற வருத்தத்தில் இருந்த கோபாலகிருஷ்ணனை இன்னும் மிகப் பெரிய வேதனைக்குள்ளாக்கியது.. எம்.ஜி.ஆர். தேர்ந்தெடுத்திருந்த இயக்குநர் அன்று அந்தக் காட்சியை படமாக்கிய விதம்.
ஒரு நல்ல கதை சிதைக்கப்பட்டு விடுமோ என்ற அச்சம் அவர் மனதிற்குள் தோன்றியது. ஆனால் அதை எம்.ஜி.ஆரிடம் எப்படி எடுத்து சொல்வது..? அதனால் மனக் குமைச்சலுடன் செட்டின் ஓரத்தில் ஒதுங்கிவிட்டார் கோபாலகிருஷ்ணன்.
அன்று முழுவதும் அவர் படப்பிடிப்பில் ஈடுபாடு இல்லாமல் இருந்ததை அந்த பரப்பரப்பான படப்பிடிப்புக்கு இடையேயும் எம். ஜி. ஆர். கவனித்திருக்கிறார் என்பது அந்த இரண்டு நாள் படப்பிடிப்பு முடிவடைந்த பிறகு எம். ஜி. ஆரின் அழைப்பின் பேரில் அவரை சந்திக்கச் சென்றபோதுதான் கோபாலகிருஷ்ணனுக்குத் தெரிந்தது.
“என்ன தம்பி.. நீ எப்போதும் படப்பிடிப்பில் நடிகர்களுக்கு வசனம் சொல்லிக் கொடுப்பது, நடிப்பு சொல்லிக் கொடுப்பது என்று ஒரு வினாடி கூட உட்காராமல் துரு துறுவென்று இருப்பாயாமே. அப்படிப்பட்ட நீ நம்ம படப்பிடிப்பில் பேசாமல் ஒதுங்கி நின்று விட்டாயே.. என்ன காரணம்..?” என்று கேட்டார் எம். ஜி. ஆர்.
மாமனார் பாத்திரத்தில் நடிக்கத் தேர்ந்தெடுத்திருந்த நடிகரை எனக்குப் பிடிக்கவில்லை.. அதேபோல் அந்த இயக்குநர் காட்சியைப் படமாக்கியவிதத்தில் எனக்கு உடன்பாடில்லை என்றும் எம்.ஜி.ஆரிடம் கூற முடியுமா..?
ஆகவே, அதை எல்லாம் அப்படியே மனதுக்குள் புதைத்துக் கொண்டு “நான் சொல்லித் தருகின்ற அளவிற்கு அங்கு நடிகர்கள் யாருமில்லையே…” என்று பதிலளித்தார் கோபாலகிருஷ்ணன்.
எம்.ஜி.ஆர். எப்படிப்பட்டவர்…? கோபாலகிருஷ்ணன் மனதில் உள்ளது என்னவென்பதை வரவழைக்க அவருக்கு வழி தெரியாதா என்ன..?
“அன்று படப்பிடிப்பில் நடந்தது எதுவுமே உனக்குப் பிடிக்கவில்லை என்பது தெரிந்துதான் உன்னை வரவழைத்தேன். அதனால், இப்போது உண்மையான காரணம் என்ன என்பதை சொல்” என்றார் எம்.ஜி.ஆர்.
அவர் பரிவோடு கேட்டவிதம் தனது மனக் குறையை அவரிடம் சொல்லலாம் என்ற தைரியத்தை கோபாலகிருஷ்ணனுக்குக் கொடுத்ததால் “மாமனார் கதாப்பாத்திரத்தை ஏற்றவரின் உருவ அமைப்பு.. இயக்குநரின் திறமை ஆகிய இரண்டுமே எனக்கு திருப்தியாக இல்லை..” என்றார் கே. எஸ். ஜி.
சிறிது நேரம் மவுனமாக இருந்த எம்.ஜி.ஆர்., “உன் மனதுக்குப்பட்ட இரண்டு குறைகளுமே நியாயமானதுதான். இயக்குநரைப் பற்றி நாம் எப்போது வேண்டுமானால் முடிவெடுத்துக் கொள்ளலாம். மாமனார் கதாப்பாத்திரத்திற்கு எந்த நடிகரைப் போட்டால் சரியாக இருக்கும் என்று நீ நினைக்கிறாய்..?” என்று கேட்டார்.
“உங்களுக்கு மாமனாராக நடிப்பவர் ரங்காராவ் போல இருக்க வேண்டும்” என்று கே.எஸ்.ஜி., சொன்வுடன் “அதென்ன ரங்காராவைப் போல..? ரங்காராவைப் போட்டால் சரியாக இருக்கும் என்று நேராக சொல்ல வேண்டியதுதானே..” என்றார் எம்.ஜி.ஆர்.
“இந்தப் படத்தைப் பொறுத்தவரை நான் கதை வசனகர்த்தாதானே” என்று கோபாலகிருஷ்ணன் சொன்னவுடன் வாய்விட்டு சிரித்த எம்.ஜி.ஆர்., “சரி.. ரங்காராவையே ஒப்பந்தம் செய்யச் சொல்கிறேன். இப்போது திருப்திதானே…” என்று கேட்க “பூரண திருப்தி” என்று கூறிவிட்டு அவரது இல்லத்தை விட்டு புறப்பட்டார் கோபாலகிருஷ்ணன்.
அந்த சம்பவத்திற்குப் பிறகு அந்தப் படத்தின் படப்பிடிப்பு நடைபெறவே இல்லை. அந்த இடைப்பட்ட காலத்தில் அந்தப் படத்தின் தயாரிப்பாளரும், கே.எஸ்.ஜி.யைச் சந்திக்கவேயில்லை.
ஒரு நல்ல கதை இப்படி முடங்கிப் போவதை பொறுத்துக் கொள்ள முடியாமல் அந்தத் தயாரிப்பாளரைத் தேடி கோபாலகிருஷ்ணன் சென்றபோதுதான் படம் தயாரிக்கும் சூழ்நிலையில் அந்தத் தயாரிப்பாளர் இல்லை என்பது அவருக்குத் தெரிய வந்தது.
அந்தப் படத்திற்காக அந்தப் படத் தயாரிப்பாளர் விநியோகஸ்தர்களிடம் வாங்கியிருந்த பணத்தை எல்லாம் திருப்பிக் கொடுத்துவிட்டு அந்தக் கதையின் உரிமையை திரும்பப் பெற்று அந்தப் படத்தை எடுத்தார் கோபாலகிருஷ்ணன்.
சிவாஜி கணேசன் நடிப்பதாக இருந்து பின்னர் எம். ஜி. ஆர். கதாநாயகனாக இரண்டு நாட்கள் நடித்த அந்தக் கதை இறுதியில் ஜெமினி கணேசன் நாயகனாக நடிக்க ‘கற்பகம்’ என்ற பெயரில் வெளியானது மட்டுமின்றி வசூலில் மிகப் பெரிய சாதனை புரிந்தது.
அந்தக் ‘கற்பகம்’ படத்தில்தான் ‘புன்னகை அரசி’ என்று ரசிகர்களால் இன்றும் கொண்டாடப்படும் கே.ஆர்.விஜயா கதாநாயகியாக அறிமுகமானார்.
அதுவரை கதாசிரியராகவும், இயக்குநராகவும் இருந்த கே.எஸ்.கோபாலகிருஷ்ணனை, ஸ்டுடியோ அதிபராக ஆக்கியதும் அந்தக் ‘கற்பகம்’ படம்தான்.பாடல் ஆசிரியர் வாலிக்கு சூப்பர் ஹிட் கொடுத்ததும்‘கற்பகம்’ படம்தான்
எம்ஜியாருக்கும்,சிவாஜிக்கும் கிடைக்காத அதிர்ஷ்டம்
ஜெமினி கணேசனுக்கு கிடைத்தது...........Baabaa
-
1956 – ஆம் ஆண்டில் ஒரு சவரன் (பவுன்) ரூபாய் நூறுக்கும் குறைவாகவிற்றபோதே, பல்லாயிரக்கணக்கில் வாரி வாரி வழங்கிய வள்ளலே எம்.ஜி.ஆர். என்பதனை அறியும்போது, அவர் ‘மக்கள் திலகம்’ என்ற மகுடத்தைப் பெற்ற மகிமை நம் மனங்களுக்கு நன்கு புரிகிறது.
பின்னாளில் 1959 – ஆம் ஆண்டில் மட்டும் மருத்துவமனைகள், பள்ளிக்களுக்கு எம்.ஜி.ஆர் வாரி வழங்கிய நிதி ரூபாய் மூன்று இலட்சமாகும்.
1961, 1964 – ஆம் ஆண்டுகிளல் அடையாறு ஔவை இல்லத்திற்கு வழங்கிய நிதி ரூபாய் அறுபது ஆயிரங்கள்.
1960, 61, 64 – ஆம் ஆண்டுகளில் சென்னை வெள்ளநிவாரண நிதிக்கு வழங்கிய ரூபாய் எண்பத்தைந்தாயிரம்.
1960, 62, 64 – ஆம் ஆண்டுகளில் மதுரை, தஞ்சை, திருச்சி, நகரங்களின் வெள்ள நிவாரண நிதிக்கு வழங்கிய ரூபாய் ஒரு இலட்சமாகும்.
1961 – ஆம் ஆண்டு ரிக் ஷா தொழிலாளர்களுக்கு மழைக்கோட்டு வாங்கி, வழங்கிடத் தந்த தொகை ரூபாய் அறுபதாயிரம்.
1962 – ஆம் ஆண்டு சீனப்படையெடுப்பின் போது எம்.ஜி.ஆர் வழங்கிய யுத்த நிதி, ரூபாய் ஒரு இலட்சமாகும்.
1964-ஆம் ஆண்டு இந்தி எதிர்ப்பில் தீக்குளித்த தியாகிகளுக்கு வழங்கிய நிதி ரூபாய் இருபதாயிரம். இதே ஆண்டில் பண்டிதர் நேரு பிரான் நினைவு நிதிக்கு வழங்கிய தொகை ரூபாய் இருபத்தைந்தாயிரமாகும்.
1965-ஆம் ஆண்டில் பரங்கிமலைத் தொகுதியில் பாலம் கட்டவும், நீர்த்தேக்கம் அமைக்கவும் தந்த தொகை ரூபாய் 41,500 ஆகும்.
1968-ஆம் ஆண்டில் மட்டும் முத்துராமலிங்கத் தேவர் கல்லூரி, விழுப்புரம் கல்லூரி, செங்கல்பட்டு கல்லூரி, கேரளா, பாண்டிச்சேரி, ஆந்திரா, மராட்டிய மாநில வெள்ள நிவாரணங்கள், ராஜஸ்தான் பஞ்சநிவாரணம், ஒரிஸ்ஸா பூகம்ப நிவாரண மற்றம் பல நற்செயல்களுக்கும் வழங்கிய தொகை இலட்ச ரூபாய்களுக்கும் மேலாகும்.
இவ்வளவுதானா? …. 1968 – ஆம் ஆண்டே சென்னையில் தீப்பிடிக்காத வீடுகள் கட்டித் தந்த தொகை ரூபாய் ஒரு இலட்டசமாகும்.
சிலம்புச்செல்வர் ம.பொ.சி. விழாக்களுக்கு மட்டும் பலமுறை தந்த ரூபாய் ஐந்து இலட்சங்கள்.
இவை போன்று எத்தனையோ, தமிழ்ச்சான்றோர்கள், கலையுலகப் பிரமுகர்கள், நலிந்த கலைஞர்கள் எம்.ஜி.ஆரிடம் தனிப்பட்ட முறையில் பெற்ற நிதி ஏராளம்! ஏராளம்!
தாராளமாய்க் கலியுகப் பாரிவள்ளலாம் எம்.ஜி.ஆர். கரங்கள் ஈந்த நிதிக்கு எல்லாம் பட்டியல் ஈந்தால் அதிவே ஒரு நூலாக மலர்ந்து விடும்..........Baabaa
-
எம்.ஜி.ஆர். படத்தை ரசித்தவர்கள், வேறு எந்த நடிகரின் படத்தையும் ரசிக்க முடியாது. எந்த ஒரு நடிகரின் படத்தைப் பார்த்து விட்டு வந்தாலும் எம்.ஜி.ஆர். படத்தைப் பார்த்த பிறகே உறங்கச் செல்வேன்.
'மர்மயோகி', "பெற்றால்தான் பிள்ளையா', "ஆயிரத்தில் ஒருவன்', "எங்க வீட்டுப் பிள்ளை' என ஒவ்வொரு படத்திலும் தன் இயல்பான நடிப்பின் மூலம் ரசிகர்களின் மனதைக் கொள்ளை கொண்டவர் எம்.ஜி.ஆர்.
வள்ளல்
வள்ளல்
எம்.ஜி.ஆர். ஒருவர்தான் விவசாயிகளின் நலன், மீனவர்களின் துயர்துடைத்தல் என ஒவ்வொரு பிரச்னையையும் தனது திரைப்படங்களில் பேசியிருப்பார். அதேபோல இலங்கைத் தமிழர்களுக்கு அள்ளிக் கொடுத்த வள்ளல் எம்.ஜி.ஆர். ஒருவேளை இன்று எம்.ஜி.ஆர். இருந்திருந்தால் தனி ஈழம் அமைந்திருக்கும்.
கற்பனை கூட பண்ண முடியாது
கற்பனை கூட பண்ண முடியாது
ஜாதி மத வேறுபாடு, ஏழை எளிய மக்கள் இல்லாத சமூகம் உருவாகப் பாடுபட்டவர் எம்.ஜி.ஆர்.
எம்.ஜி.ஆர். அடைந்த வெற்றியை எந்த நடிகரும் நினைத்துப் பார்க்க முடியாது.
வருங்கால முதல்வர் என்று எந்த ஒரு நடிகர் கூறிக்கொண்டாலும் அதைப் பார்த்து எனக்குச் சிரிப்புதான் வரும்,"
சத்யராஜ்...............Baa
-
#உலக #மகளிர்தின #வாழ்த்துக்கள்
happy women's day
"பெண்ணின்றி அமையாது உலகு "
இந்த நன்னாளில் ஒரு தமிழாசிரியை உரைத்திருந்த புரட்சித்தலைவருடனான நெகிழ்வான சம்பவத்தைப் பகிர விரும்புகிறேன்.
1978 – நான் தனியார் பள்ளியொன்றில் தமிழாசிரியையாக பணியாற்றிக் கொண்டிருந்தேன். மலையரசிக்கும் வானரசனுக்கும் பருவந்தோறும் நடக்கும் ஊடல் முற்றி… சிணுக்கும் தூறல் –சிறு மழையானது. சிறுமழை-பெருவர்ஷமானது.
இரவும் பகலும் ஜலப்பிரவாகத்தில் ஜீவித இயக்கும் ஸ்தம்பதமானது. புயலால் மக்கள் அடைந்த கஷ்ட நஷடங்கள் நெடிய கண்ணீர்க் கதைகளாயின. உயிர்ச்சேதம்-உடைமைச் சேதங்களுக்குப் பரிகாரமாக அரசு ஆறுதல் கரம்நீட்டி நிதியளித்ததோடு-பாதிக்கப்பட்டபணியாளர்களுக்கு முன் பணம் கொடுக்கவும் முன் வந்தது.
ஆனால் அரசு அலுவலர்களுக்கு மட்டுமேஅட்வான்ஸ் அளிக்கப்படும் என்ற உயர் அலுவலர்களின் உதாசீனத்தால் அட்வான்ஸ் மறுக்கப்பட்ட சோர்வோடு அரசு அங்கீகாரம் பெற்ற பள்ளியினர் அவசரக் கமிட்டி அமைத்தனர். நாங்கள் அரசு அங்கீகாரம் பெற்ற பள்ளியில் தானே பணிபுரிகிறோம்.
எங்கள் கூரை சரியவில்லையா? எங்கள்உடமைகள் வெள்ளத்தில் அடித்துக்கொண்டு போகவில்லையா? வெள்ளமும் புயலும் எல்லோருக்கும்பொதுதானே! என்ன செய்யலாம்! என்னசெய்யலாம் – என்று குமுறிக்கொண்டிருந்தபோது…
செய்தி வந்தது. மாண்புமிகு முதலமைச்சர் புரட்சித்தலைவர் அவர்கள் உதகைக்கு வருகிறார்! பாதிக்கப்பட்ட உள்ளங்களுக்கு பேச்சு மருந்து பூசப் பள்ளித்திடலில் சிறப்புரை ஆற்ற இருக்கிறார் என்று.
‘’தாய்க்குலம் சார்பாக சார்பாக நீங்களும்வரவேணும்’’ அழைப்பை ஏற்று அவர்களோடு அவர்களில் ஒருத்தியாகக் காத்து நின்றேன். நிமிடங்கள் மணிகளான பின்னர் கூட்டத்தில் கலந்துகொள்வதற்காக பொன்மனச்செம்மல்வெளியேவந்தார்.
முற்றுகையிட்டோம். முன்ஒத்திகையின்மையால் சில ஆசிரியர்கள் சொற்சுருக்கமற்று செய்தியை நீட்டியபோது முதல்வர் கண்கள் தானாகக் கைக்கடிகாரத்தில் படிந்தன. பளீரென இடைவெட்டி உரையாடலில் நுழைந்தேன். ‘’அரசுஅங்கீகாரம் பெற்ற தனியார் பள்ளிஆசிரியர்களுக்குப் புயல் நிவாரண முன்பணம் கிடைக்கவில்லையே!’’
‘’அது எப்படி கிடைக்காமல் போகும்? #ஆணைஎல்லோருக்கும் #பொதுதானே #அம்மா!’’
‘’இல்லை! எங்களுக்கு மறுக்கப்பட்டது.’’ ‘’உடனே மாற்றப்படும்’’.
‘மிக்க நன்றி’.
நாடோடி மன்னன் பாணியில் ஒரு கையசைப்பு, ஒரு புன்னகை, கரங்குவிப்பு. விண்ணப்பத்தினை கையில் வாங்கிக்கொண்டு காரேறிப்பறந்தார்.
அப்புறம்-
அன்று மாலை பொதுக்கூட்டத்தில் ஆயிரக்கணக்கான மக்கள் முன்னிலையில் நொந்திருந்த ஆசிரியர்களுக்கு இதமாக சில சொல்லி ஆணையிட்டார். அடுத்த சில நாட்களில் அட்வான்ஸ் கிடைத்தது.
ஒரு தலைவனுக்கான சுறுசுறுப்போடு துணிந்து விரைந்து செயலாற்றிய
பாங்கு.நாலே வரிகளில் நடந்த உரையாடலில் ஆசிரியர்களின் துயர்துடைத்த சாமர்த்தியம்!
முதன் முறையாக புரட்சித்தலைவரைச் சந்தித்த போதே-நான் பார்த்த நிர்வாகத்திறன்! இப்போதுநினைத்தாலும் என்னைப் பூரிக்கவைக்கிறது.
#கவிதாயினி.#ஆசிரியை. #ரோஹினி.......... Bsm