குறைகிறது உடல் பலம்
இது முதுமை காலம்
நிறைகிறது மனம்
நிம்மதியான ஓய்விது
ஓடியாடி அடங்கி இனி
அலுங்காமல் விளையாடி
விருப்பம் போல் வார்த்தையாடி
விந்தையான வசந்தமிது
Printable View
குறைகிறது உடல் பலம்
இது முதுமை காலம்
நிறைகிறது மனம்
நிம்மதியான ஓய்விது
ஓடியாடி அடங்கி இனி
அலுங்காமல் விளையாடி
விருப்பம் போல் வார்த்தையாடி
விந்தையான வசந்தமிது
வசந்தமிது வந்தது காற்றில்
இளந்தளிர் நிறங்காண
வண்ணமலர் பூத்தது காட்டில்
கருவண்டு முகங்காண
சித்திரைக் கொணரும் பருவமாம்
சிரிக்கும் நிலத்திற்கு புதிய உருவமாம்
சிந்தையினை செழுமையாக்கும்
வசந்தமே வருக வருகவே
வருக வருகவே என
வரவேற்று வாழவைத்த
மக்களையே வஞ்சித்து
வாட்டி எடுக்கும்
வல்லூருகள் கொண்ட நாடிது.
-
கிறுக்கன்
... நாடிது..
என அபினயம் பண்ணி
அவையை வணங்கிய குட்டிப் பெண்
கைதட்டல்களைப் பொருட்படுத்தாமல்
மேடை மூலையில் இருந்த
அம்மாவிடம் ஓடினாள்..
அம்மா.. பசிக்குது..
பசிக்குது கொழந்தைக்கு..அம்மா
பழைய சோறு இருந்தா போடுங்கம்மா
வாடும் பெண்குரல் விடாமல் வெளியெ
திறக்காதோ கதவு என்ற சந்தேகத்தில்
உடைக்கப் பார்க்கிறது பேரொலி
இன்னும் சாமி கும்பிடல காக்கைக்கு வைக்கல
ரெண்டு தெரு போயிட்டு கொஞ்ச நேரம் கழித்து வா
அதட்டலுடன் உள்குரல் திறந்து மூடிக்கொண்டது
மூடிக் கொண்டது கண்ணிமைகள்
திறந்து கொண்ட மனதில்
ஏகப்பட்ட கூச்சல், பிம்பங்கள்
சுற்றிச் சுழன்றவை
சற்று நேரத்தில் அடங்க
தழுவிக் கொண்டது உறக்கம்
உறக்கத்தின் கிறக்கத்தில் மயங்காது உறங்கின்
உடலொடு மனமும் சுகிக்கும்.
-கிறுக்கன்
சுகிக்கும்; சுழன்றிடும்; சோம்பலைத் தள்ளி
முகிழ்த்திடும் எண்ணத்தில் மூழ்கிப் பலவிதமாய்
நெஞ்சிலே வைத்திட்டு நெக்குருகும் யாதென்றால்
பஞ்சுமனம் என்றேதான் பகர்
பகர் என்றான் பல்லவ மாமன்னன்
கோபத்தில் சிவந்த அவன் முகத்தில்
ஒப்பனை தூக்கலோ என்றெண்ணும் போதே
பதில் கூறத் தயாரான படை ஒற்றனின்
தலைப்பாகை கழன்று விழ அரங்கத்தில்
எழுந்த சிரிப்பொலியில் அதிர்ந்தனர் ஆசிரியர்
பள்ளி நாடகத்தில் எதிர்பாரா திருப்பம்
சரித்திரத்தில் நகைச்சுவை புகுந்து குழப்பம்
குழப்பமாய் இருக்கிறது!
அது உண்டு என்போரும்
அது இல்லை என்போரும்
ஒரு அதை சார்ந்தே
விளக்கம் தருகின்றார்
இருக்கிறது என்போரின்
சார்தல் புரிவதுண்டு
இல்லை என்போரின்
சார்தல் புரிவதில்லை
இல்லை என்பார்க்கு
எதிலும் அது இல்லை தானே.
-
கிறுக்கன்
குழப்பம்,
நடுக்கம்,
பயம் எல்லாமாய்த் தான்
இருந்தது
வினாத்தாள் பார்க்கும் வரை..
பின் கொஞ்சம் தெளிவு,
திட்டமிட்டு
எழுத ஆரம்பித்ததில்
பதில் கொட்டியது அருவியாய்..
அது இல்லை தானே
தயக்கமாய்க் கலக்கமாய்க்
கேட்ட அவள் கண்களில் பயம்..
டாக்டர் முறுவலித்து
ஒன்றும் இல்லை
கவலைப் படாதே
நான்காவது குழந்தையெல்லாம் இல்லை
எனச் சொல்ல
பொங்கியது சந்தோஷம் அருவியாய்..
கூடவே கொஞ்சம்
இனம்புரியா வேதனை..
இருந்திருக்கலாமோ என..
ம்ம் மனசு
எப்பொழுதும்
ஒரு ரெண்டும்கெட்டான்..!
ரெண்டும் கெட்டான் வயசில்
உடைந்து மாறும் குரலில்
அரும்பும் பூனை மீசையில்
விறைப்பாய் திரிவான் விடலை
விடலை என்பது பையனுக்கு
அதுவே
பெண்ணுக்கு வாலை என்பர்
உனக்கு வாலைப் பருவம்
வளர்ந்தால் புரிந்து கொள்வாய்
உலகம் எப்படி என்று..
கண் சுருக்கினாள் பள்ளி மாணவி
அப்பா நீ தமிழ் வாத்தியார் தான்
பட்
சொல்லு
எனக்கு ஐஃபோன் தருவியா மாட்டியா..
முடியாது எனச் சொல்ல
வாலைப் பருவம்
காலை எட்டித் தரையில் உதைத்தது
பின்
உன்னோட ஒரு மாசம்
பேசமாட்டேன் போ எனச் சொல்லி
முகத்தை
உயரே வைத்துக் கொண்டது
ஒட்டகச் சிவிங்கியாய்
ஒட்டகச்சிவிங்கியாய் பிறந்திருந்தால்
நினைக்கவே இனித்தது அவளுக்கு
அடுக்கடுக்காய் மாட்டலாம் அட்டியலும்
நெக்லஸும் மின்னும் பொன்னில் பதித்த
வைரமும் வைடூரியமும் ரத்தினமும்
முத்தும் மரகதமும் கோமேதகமும்
பவளமும் பளிச் பளிச்சென மின்னிட
பெருமையாய் தலை தூக்கி நடப்பேனே
தலை தூக்கி நடப்பேனே
என் பைய்னும் பெண்ணும்
படிப்பு முடித்தால் என
கர்வமாய்ச் சொன்ன பக்கத்து வீட்டு மாமா
தலை குனிந்ததும்
ம்ம் இவன் எங்க உருப்படப் போறான்
தண்டச் சோறு
எனத்
திட்டி திட்டி எதிர்வீட்டு மாமி
வளர்த்த அவர் பையன்
வியாபாரத்தில் பெரிய ஆளான பின்னும்
அவ்ர் வார்த்தைக்குக் கட்டுப் பட்டு
நடப்பதும்..
ம்ம்..எல்லாம் காலம அண்ட்
அவர்களின் நேரம்
நேரம் சரியில்லை பூசாரிக்கு
அய்யனார் ஆயுதமான வீச்சரிவாள்
முறிந்து பாதியாக தலையில் விழ
அறுக்கப்பட காத்திருக்கும் கறுப்பாட்டின்
ஆயுசு அடுத்த ஒரு வாரத்திற்கு கெட்டி
கெட்டிப் பட்டது இரும்பு
பட்டறையில் தயாரிப்பு
உறமேறுது மனதில்
உலக அனுபவ பாடத்தில்
அனுபவ பாடத்தில் பிறக்கும் புத்தி
பட்டய படிப்பில் பிறப்பதில்லை.
-
கிறுக்கன்
பிறப்பதில்லை எதுவும்
சாதாரணமாய்
மேகத்திலிருந்து மழை
சாரலில் இருந்து மென்காற்று
கொடியிலிருந்து மொட்டு
கருவிலிருந்து உயிர்..
கவிதை உட்பட..
தை உட்பட
அரசியலில் சிக்காத
விடயங்களில்லை
இந்நாட்டினிலே
எதையும் வித்தாக்கி
விஷ விருட்சமாக்கும்
வித்தகர்கள் நம்
அரசியல்(வியாதிகள்)வாதிகள்.
-
கிறுக்கன்
அரசியல் வியாதிகளுக்கு
மருந்து கண்டுபிடிக்கிறேன் பேர்வழி என
முயன்றவர்களையும்
அரசியல் மாற்ற..
லட்சங்களில் இருந்த
செலவுகள் இப்போது
ஆயிரக்கணக்கான கோடிகளில்
கோடிகளில் கொட்டிக் கிடக்கும் விண்மீன்கள்
இரவல் ஒளியில் மின்னும் ஒரு நிலவு முகம்
அருகிலிருக்கிறது அது அருமையாய் தெரிகிறது
எட்டாத தூரத்தில் இருந்து சிமிட்டுதல் வீணோ
வீணோ என்றெல்லாம்
சொல்ல முடியாது..
பொதுவாக மற்றவரைப் பார்த்து
நட்பாக
இதழ் சிந்தும் புன்னகைக்கு
என்றாவது
பதில் கிடைத்தே தீரும்
தீரும் தன் காலமென்று
தெரியாது சிட்டுக்குருவிக்கு
சின்ன சிங்காரக் குருவிக்கு
அசுர வளர்ச்சி அபார வேகம்
யந்திரமயமாகும் புது உலகம்
வசதியும் சுகமும் உயரும் நிலை
அதற்கு எவ்வளவு பெரிய விலை
பெரிய விலை என்றாலும்
பரவாயில்லை
நன்றாக இருக்கிறது
என
வாங்கிய பொம்மை ஒரு மூலையில்
ஊரிலிருந்து
பெரியப்பா வாங்கிக்கொடுத்திருந்த
சின்ன தக்கணூண்டு மர பொம்மை
அவள் தலையணைக்கருகில்
தலையணைக்கருகில்
சுதந்திரமாக சுறுசுறுப்பாக
எல்லைகளே இல்லாமல்
இயங்கிக்கொண்டிருக்கிறது
ஆழ்மனம்.
ஆழ்மனம் மெத்தையாகும்
அழகிய முத்துச்சிப்பிக்கும்
அபாயகரமான சுறாவுக்கும்
எதிர்பாரா ஒரு கணத்தில்
திரை விலகி வெளிப்படும்
அதன் குணமும் கொடூரமும்
கொடூரமும் பேரன்பும்
ஒரே மனதின்
இருவேறு ஊற்றுத்துளைகள்
ஒன்றைக் குறைக்க ஆரம்பித்தால்
மற்றொன்று
அளவுக்கு அதிகமாக
கொட்டத் தொடங்குகிறது
தொடங்குகிறது, கயவர்கள்
கயவர்களை கைவிட்டதால்
கயவராய் கைகாட்டும் பணி.
-
கிறுக்கன்
பணியில் பணிவு
கொஞ்சம் திறமை
நேரந்தவறாமை
எல்லாம் வேண்டும்
புரிந்ததா..
நான் கேட்ட காப்பி என்னாச்சு
இவ்ளோ லேட் ஆகுது
சர்வர்
சற்று நேரத்தில் எதுவும் பேசாமல்
காப்பி கொண்டுவந்து வைக்க
அது இருந்தது கொதித்து..
கொதித்து எழுந்தது மாணவர் சமுதாயம்
புரட்சி பிறக்குமா மலருமா மனித நேயம்
மனித நேயம்
மண்ணாகி போக
மக்கிய மனிதனை
பார்க்கவோ இல்லை
மிஞ்சிய மனிதனை
பார்க்கவோ!!
-
கிறுக்கன்
பார்க்கவோ என எதற்காக
என்னைக் கேட்கிறாய்..
உனது
மாநிறத்திற்கு சிவந்த வண்ணப்
ப்டவை நன்றாக இருக்கும்
எனச் சொன்னேன்..
கரு நீலம் பிடித்தால் எடுத்துக்கோயேன்
எதற்காக்க் கேட்கிறாய்..
ம்ம்
நல்லாத் தான் இருக்கு
கரு நீலமும்..
ஏய் எதற்காக சிவப்பையே எடுக்கிறாய்..
பரவாயில்லைம்மா
உனக்குப் பிடிச்சது நீ எடுத்துக்கோ
இல்லையா
அதுவும் சரி..
சிரித்தபடியே சிவப்பை எடுத்தவள்
மனதுள்
கொஞ்சம் வருத்தம் தான்..
தானென்பது தன்னுள் வந்திட தரம்
தாழ்ந்து துயர் சேர்ந்திடும்.
-
கிறுக்கன்
சேர்ந்திடும் பாவமும் புண்ணியமும்
சித்ரகுப்தன் கணக்குப் புத்தகத்தில்
கண்ணுக்குத் தெரியாத நீதியொன்று
போகுமுன்னே பலனை தந்துவிடும்
விந்தையான பல வழிகளிலே இது போல்-
களைப்பிலே ஆற்றங்கரை மர நிழலிலே
தூங்கிவிட்ட பால்காரன் பணப்பையை
குரங்கொன்று கவர்ந்து கிளை மேலேறி
காசுகளை தரையில் ஒன்றும் ஆற்றில் ஒன்றுமாய்
வீசியதில் தண்ணீர் கலந்து விற்ற பாலின்
லாபக்கணக்கு நேரானது கேட்டதுண்டு
முற்பகல் செய்தது பிற்பகல் விளைந்தது
விளைந்தது கொஞ்ச்ம் எனக்
கணக்குக் காண்பித்து
பத்து மூட்டை நெல் கொண்டு வருவான்
குத்தகைக் காரன் முன்பெல்லாம்
எட்டாகி ஆறாகி
நாலு என வந்த போது
அப்பா நீயே வைச்சுக்கோ சொல்லிவிட்டார்..
பின்
கிராமத்துக்கும் போனதில்லை
வயலையும் பார்க்கவில்லை..
போன மாதம் எதேச்சையாக
குத்தகைக் காரனின் பையனைப் பார்த்தேன்
நன்றாகத் தான் இருந்தான்..
அப்பா எப்படி இருக்கார் எனக் கேட்டதற்கு
முகம் வாடியது
எதையுமே சாப்பிட முடியவில்லையாம்
வாயெல்லாம் புண்ணாம்
ஷீகர் வேறு
மிக இளைத்து விட்டானாம்..
என்ன
பிள்ளையால் விவசாயம் பண்ண முடியாமல்
நிலம் விற்றாச்சு..
டவுனுக்கே வ்ந்துட்டேங்க..
ஃபேக்ட்ரில வேலை பாக்கறேன்
நிலத்தை விற்றதில் ஒரு வீடு
ஏதோ வ்ருமானம் ஓடுதுங்க பொழைப்பு
எனச் சொன்னவனின்
கைகளில்
தவழ்ந்திருந்தது ரேஷன் கார்ட்..
ரேஷன் கார்ட் மட்டும் அங்கீகரிக்கும்
என் குடும்பத்தலைவன் பட்டத்தை
பெயர் விலாசம் படத்தோடு பவுசாக
தலையாட்டும் தஞ்சாவூர் பொம்மையாய்
நானிருக்க மதிமந்திரியாய் அவளிருக்க
குறையொன்றுமில்லை கண்ணா வாழ்விலே
குறையொன்றுமில்லை கண்ணா வாழ்விலே
நெக்குருகி
ஊனுருகி
உயிருருகிப் பாடி முடித்த
பாடகியின்
கண்ணோரம் கோர்த்த நீருக்கு
மட்டும்
தெரியும் அவள் நிலை..
நிலை தடுமாறிடலாமோ
நீர்நிலைகள் வற்றலாமோ
நீரின்றி இவ்வுலகு வாழுமோ
நீருக்கு ஏனிந்த சோதனையோ
கண்மாய் மடையடைத்து கல்லூரி
குளமும் ஏரியும் ஆனது குடியிருப்பு
வனமழித்து வான் மழை பொய்த்து
சகல வித கழிவுகளைக் கொட்டி
அம்மம்மா மடமை போதுமம்மா
வளமிதை சேமிக்க வேண்டுமம்மா
சிறு துளியும் கூட வீணாக்காமல்
காப்போம் சந்ததிகள் தவிக்காமல்