மனதை மயக்கும் மதுர கானங்கள்

சின்னக் கண்ணன் சார்!,

ஹோம் வொர்க் கொடுத்துட்டீங்க. ஆனா சந்தோஷமான ஹோம் வொர்க். கடலை மிட்டாய் சாப்பிட கசக்குமா?

அதுவும் நடிப்பின் தெய்வம் நடித்த பாடல் வேறு. போதாக் குறைக்கு என் அழகு மஞ்சுளா மைனா வேறு.

தலைவர் என்னா ஒரு பியூட்டி! வெரி ஸ்மார்ட். வெறி பிடிக்க வைக்கும் ஸ்மார்ட். மஞ்சுளா கண்ணுக்கு நிறைவாக கவர்ச்சிக் கன்னி. பாவாடை தாவணி இந்தப் பச்சைக் கிளிக்கென்றே பிறந்ததோ.

நடிப்புச் சரித்திரம் காதல் சரசம் புரிந்த அவன் ஒரு சரித்திரம்.

http://i1.ytimg.com/vi/Dcjg3f6aEhA/maxresdefault.jpg

இணையத்திலும் சரி, வெளி இடங்களிலும் சரி, மிகச் சிறந்த நடிகர் திலகத்தின் முதல் 10 காதல் பாடல்களில் இப்பாடல் இடம் பிடித்துள்ளது.
இப்பாடலைத் தெரியாதவர்களே இருக்க முடியாது. படத்தைக் கேட்டால் மறந்திருப்பார்கள். ஆனால் பாடலின் முதல் வரியைக் கேட்டதும் பச்சக்'கென்று பிடித்துக் கொள்வார்கள்.

ரொம்ப நாகரீகமான பாடல். தமிழின் அருமை பெருமையை உணர்த்தும் பாடல். முழுவதும் தூய தமிழிலேயே! வாணி, பாடகர் திலகம் அருமையான காம்பினேஷன். மெல்லிசை மன்னர் தன் பட்டப் பெயரை மீண்டும் தக்க வைத்துக் கொள்வார்.

அதிலும் பெண்மணிகளுக்கு மிகவும் பிடித்த பாட்டு. வாசலில் கூட்டிக் கொண்டிருந்த எங்காத்து அம்மா இப்பாடலைக் கேட்டதும் அப்படியே ஓடி வந்து கேட்டுவிட்டுதான் போனார்கள்.

இந்தாங்க புல் மீல்ஸ்.

அம்மானை
அழகுமிகும் கண்மானை
ஆடிவரும் பெண்மானை
தேடிவரும் பெருமானை
தேடிவரும் பெருமானை

(அப்பாடி! எத்தனை 'னை')

(அழகான கண்களைக் கொண்ட பெண்மான் அவளுடைய பெருமானைத் தேடி வருகிறாளாம். நட்சத்திரம் நம்பியிருப்பது வானைத்தானே! மண்ணும் விண்ணும் மாறிவிடலாம். உன்னை நேசிக்கும் இந்தப் பெண்ணின் மனம் மாறிவிடக் கூடுமோ!)

நம்பிய பெண் ஒரு தாரகை
அவள் நாடிய நீ ஒரு வானகம்
நம்பிய பெண் ஒரு தாரகை
அவள் நாடிய நீ ஒரு வானகம்
விண்ணகம் மாறிய போதிலும்
இந்தப் பெண்ணகம் மாறுவதில்லையே
விண்ணகம் மாறிய போதிலும்
இந்தப் பெண்ணகம் மாறுவதில்லையே

அம்மானை
அழகுமிகும் கண்மானை
ஆடிவரும் பெண்மானை
தேடிவரும் பெருமானை
தேடிவரும் பெருமானை

காதலன் சிலாகிக்கிறான் .

(பாலில் சுவை மறைந்துள்ளது கண்ணே! அதே மாதிரி என் விழியில் நீ ம(நி)றைந்திருக்கிறாய். ஆழியில் மணி மறைந்திருக்கிறது. அதுபோல நீ என்மேல் கொண்ட ஆசையில் என் மனம் மறைந்திருக்கிறது. )

பாலினுள் மறைந்துள்ள சுவையென
விழி பளிங்கினுள் மறைந்தது உன் முகம்
பாலினுள் மறைந்துள்ள சுவையென
விழி பளிங்கினுள் மறைந்தது உன் முகம்

ஆழியில் மறைந்துள்ள மணியென
உன் ஆசையில்
மறைந்துளதென் மனம்
ஆழியில் மறைந்துள்ள மணியென
உன் ஆசையில்
மறைந்துளதென் மனம்

(இந்தக் கன்னிக்கு அச்சம், மேடம், நாணம், பயிர்ப்பு குணங்கள் உண்டு. நான் பா(ப)த்திரமாக உன் வசம் இருக்கிறேன். அதில் தேன் மழையாய் உன் முகம் மட்டுமே இருக்கிறது.)

கன்னியின் நால்வகை சாத்திரம்
தன் காதலன் கண்களில் மாத்திரம்
உன்னிடம் நான் ஒரு பாத்திரம்
அதில் ஊற்றிய தேன்மழை உன் முகம்
உன்னிடம் நான் ஒரு பாத்திரம்
அதில் ஊற்றிய தேன்மழை உன் முகம்

(தலைவர் பேண்ட்டை மடித்து விட்டு தண்ணீரை கால்களால் உதைத்தபடி நடக்கும் அழகும் தனிதான்)

அம்மானை
அழகுமிகும் கண்மானை
ஆடிவரும் பெண்மானை
தேடிவரும் பெருமானை
தேடிவரும் பெருமானை

பொன்னிற வண்டுகள் பாடின
அவை பூவெனும் மெத்தையில் கூடின
என்னிரு கண்களும் தேடின
அவை ஏக்கத்தில் உன்னிடம் ஓடின

மங்கலச் சங்குகள் அழைத்தன
இரு மந்திர முல்லைகள் இழுத்தன
உன்னுடன் உடல் உயிர் கலந்தன
(நடிகர் திலகத்துடன் எங்கள் உயிர் கலந்தது போல)
இங்கு ஒன்றுமில்லை இனி எனக்கென
(எல்லாம் நீயே! பிறகென்ன கவலை?!)

அம்மானை
அழகுமிகும் கண்மானை
ஆடிவரும் பெண்மானை
தேடிவரும் பெருமானை
தேடிவரும் பெருமானை

https://www.youtube.com/watch?v=ZEQk...yer_detailpage

அழகான ஜெய்கணேஷ் அதைவிட அழகான சுமித்ரா. ஏரியில் குளிக்கச்செல்லும் சுமியைப் பார்த்து ரசித்தபடி ஜெய்கணேஷ் பாடும் பாட்டு "ஒரே முத்தம்" படத்தில். இளையராஜாவின் இசை.

ஜாக்கெட்டோடு குளிக்கும் அதிசயப்பெண். (அதான் குளிக்கும் காட்சிகளில் மார்பளவு சேலை அல்லது பாவாடை கட்டியபடி குளிக்கலாம் என்று எப்பவோ சென்சார் போர்டு அனுமதித்து விட்டதே அப்புறம் என்ன?. ஒருவேளை சுமி மறுத்தாரோ. சரி, டீப்பா இறங்க வேண்டாம்.

ராஜா பொண்ணு அடி வாடியம்மா
புது ஆனந்த நாட்டியம் ஆடடி - நதியினில் ஆடடி
குலுங்க குலுங்க ஆடடியோ

ஜெயச்சந்திரனின் இனிய குரலில் அழகான பாடல். ஏனோ இந்தப்பாடல் என மனதைக்கவர்ந்த அளவுக்கு இதே ஜெயச்சந்திரன் பாடி, இளையராஜாவின் இசையில் வந்த 'ராசாத்தி ஒன்ன காணாத நெஞ்சு' ,மனதைக்கவரவில்லை.

இந்தப்பாடல் படத்தில் இரண்டாவது முறையும் வரும். அப்போது நைட் எபெக்ட். இரண்டாவது முறை ஜெய்கணேஷ் இந்தப்பாடல் பாடும்போது விதவையாக இருக்கும் சுமித்ரா காதல் வேகத்தால் உந்தப்பட்டு வீட்டை விட்டு ஓடிப்போய் ஜெய்கணேஷிடம் பெண்மையை இழந்து விடுவார்...

//(இந்தக் கன்னிக்கு அச்சம், மேடம், நாணம், பயிர்ப்பு குணங்கள் உண்டு. நான் பா(ப)த்திரமாக உன் வசம் இருக்கிறேன். அதில் தேன் மழையாய் உன் முகம் மட்டுமே இருக்கிறது.)//// கலக்கல் வாசு சார்... நிஜம்மாவே ரொம்ப தாங்க்ஸ்.. எனக்கு மிகப் பிடித்த பாடல் அண்ட் பிக்சரைசேஷன் உள்ள படம்.. வயசான வணக்கம் பலமுறை சொன்னேன் காஞ்சனா முன்னால மஞ்ச்சு ஒரு ரிலீஃப் ந.திக்கும் நமக்கும் :)

பாட்டுக் கேட்டதில்லை கார்த்திக் சார்..ம்ம் கேட்டுப் பார்க்கறேன் :)

ராஜா பொண்ணு அடி வாடியம்மா
புது ஆனந்த நாட்டியம் ஆடடி - நதியினில் ஆடடி
குலுங்க குலுங்க ஆடடியோ

ஜெயச்சந்திரனின் இனிய குரலில் அழகான பாடல்

கார்த்திக் சார்

இந்த பாடல் 80கலில் சிலோன் ரேடியோ ஹிட் சார்
இந்த படத்தில் இன்னொரு பாடல் வரும் சார்
பாலாவின் கவ்வாலி டைப்

ஸ்டார்டிங் beautiful ஹர்மொனிஉம் அக்கார்டியன் தபேல
"பாவையர்கள் மான் போலே காவிரியின் மீன் போலே "
வாழும் வகை வாழ்ந்தாலே "

அதிலும் "povai சூடுங்கள் " என்று ஒரு வரி வரும்
பாலாவின் ஆலாபனை

இரண்டாவது சரணத்தில் தீபம் படத்தில் NT நடந்து வரும் போது உள்ள
சாக்ஸ் இசை மற்றும் என்னடி மீனாட்சி கிடார் இசை கலந்து வரும்
பின்னர் ஜானகி வந்து சேர்ந்து கொள்வார்

அம்மானை
அழகுமிகும் கண்மானை
ஆடிவரும் பெண்மானை
தேடிவரும் பெருமானை
தேடிவரும் பெருமானை

வாசு சார்

நான் 20 போஸ்ட் எழுதினாலும் வராத ஒரு நடை உங்கள் ஒரு போஸ்ட் மனதை கொள்ளை கொண்டு விடுகிறது

இந்த பாடல் பாடகர் திலகம் ஒருவித பேஸ் வாய்ஸ் இல் பாடி இருப்பார்
வாணியின் மென்மையான அழகான தமிழ்
half சாரீ மஞ்சுளா பக்கத்தில் கார்த்திக்கின் ஓமர் ஷெரிப் ஸ்ரீகாந்த்

நெஞ்சை பிசையுதே சார்

டியர் வாசு சார்,

அவன் ஒரு சரித்திரமாக வாழ்ந்த படத்தில் இடம்பெற்ற 'அம்மானை அழகு மிகும் கண்மானை' பாடலைப்பற்றிய விவரிப்பு அருமையோ அருமை. எனக்கு மிகவும் பிடித்த பாட்டு.

வரிகள், சொற்கள், மெட்டமைப்பு, பாடியவிதம், பாடகர்கள், நடித்தவர்கள், வெளிப்புறப் படப்பிடிப்பு, உடையலங்காரம் என எல்லா விதத்திலும் ஒரு முழுமை பெற்ற பாடல். ('உன் மனது ஒன்றுதான்' பாடல் இருந்திருந்தால் இந்த அளவு சிறப்பாக அமைந்திருக்குமா என்பது சந்தேகமே)

சின்னக்கண்ணன் கேட்டதுமே, உங்கள் அடுத்த அஸைன்மென்ட் இந்தப்பாடலாகத்தான் இருக்கும் என்று நினைத்தேன். அதுபோலவே தந்து அசத்திட்டீங்க. நமக்குள் இருக்கும் வைப்ரேஷனே காரணம்.

ஒரு முழுமையான காதல் டூயட்.

கார்த்திக் சார்,

'ராஜாப் பொண்ணு... அடி வாடியம்மா' வை ஞாபகப்படுத்தி ரிவர்ஸ் கியரில் என்னை பின்னோக்கி தள்ளி விட்டு விட்டீர்கள். ஆனந்தமாக விழுந்துவிட்டேன்.

நாங்கள் அப்போது செம்மங்குப்பம் என்ற ஊரில் (கடலூரில் இருந்து சிதம்பரம் போகும் வழி... சரியாக பன்னிரண்டு கிலோமீட்டர்கள் இருக்கும்) இருந்தோம்.

திடீரென்று ஊர் ஜனங்கள் கூட்டம் கூட்டமாக அருகில் இருந்த பூண்டியாங்குப்பம் என்ற ஊருக்கு ஓடினார்கள். என்னவென்று விசாரித்தால் 'சினிமா ஷூட்டிங் எடுக்குறாங்களாம்' என்றார்கள்.

பின் விடுவோமா! நாங்களும் அவதியோ புவதியோ என்று கிடைத்ததை மென்றுவிட்டு ஓட்டம் பிடித்தோம். நல்ல அழகான ஆற்றுப் பகுதி. பச்சைப் பசேலென்ற செழிப்பான வளம் மிக்க இடம்.
(இந்தப் பகுதியில்தான் நடிகர் திலகத்தின் 'பாதுகாப்பு' ஷூட்டிங்கும் 'தர்மம் எங்கே?' ஷூட்டிங்கும் நடந்தது)

ஆற்றோரமாக ஒரு சேரில் சுமித்ராவும், இன்னொரு சேரில் ஜெய்கணேஷும் அமர்ந்திருக்க நடன மாஸ்டர் (தெரியவில்லை) நடனம் சொல்லிக் கொடுத்துக் கொண்டிருந்தார்.

'ஆத்தங்கரையில் ஒரு ரோஜா
சின்ன ரோஜா'

என்று தொடங்கும் பாடலுக்கான நடன ஒத்திகை நடந்து, பின் படம் பிடித்தார்கள். சுமித்ராவும், ஜெய்கணேஷும் கவனமாக ஸ்டெப்ஸ்களை கவனித்துக் கொண்டிருந்தனர்.

துணை நடன நடிகைகளை சுற்றி ஒரே இளைஞர்கள் கூட்டம்.

எங்கள் கவனம் அங்கிருந்த சுருளிராஜன், ஆச்சி மனோரமா மீது திரும்பியது. மனோரமாவிடம் நைஸாக பேச்சு தந்தேன். அவரும் கொஞ்சம் கொஞ்சமாக பேச ஆரம்பித்தார். பின் 'டிராக்டர் பொன்னம்மா' பற்றி கூற அவர் மிகவும் மகிழ்ந்து போய் 'இதையெல்லாம் ஞாபகம் வச்சுறிக்கியே' என்று இன்னும் சகஜமாக பேச ஆரம்பித்தார். ஆச்சி ஆற்றங்கரையில் நடந்துவர, நானும் என் நண்பன் வேல்முருகனும் அவருடன் நடிகர் திலகத்துடன் ஆச்சி நடித்த படங்களை ஒன்று விடாமல் பேசிக்கொண்டே வந்தோம். ஆச்சி நடிகர் திலகத்தைப் பற்றி மிகப் பெருமையாக பேசிக் கொண்டு வந்தார். நாங்கள் நடிகர் திலகத்தின் ரசிகர்கள் என்று சொன்னவுடன் ஆச்சியின் முகத்தில் அத்தனை உண்மையான சந்தோஷம்.

'ஆத்தங்கரையில் ஒரு ரோஜா'

என் நெஞ்சில் நீங்கா இடம் பிடித்து விட்டது. (அதிக ஹிட் இல்லாவிட்டாலும்)

அதுமட்டுமல்ல. ஷூட்டிங் முடிந்து ஒருசில நாட்களிலேயே நான் திரும்பவும் ஆச்சியை சந்திக்க நேரிட்டது. நான் ரோட்டில் நடந்து செல்கையில் ஒரு கார் தனியாக ஒதுங்கி நிற்க, பார்த்தால் அங்கே ஆச்சி நின்று கொண்டிருந்தார். அக்கம் பக்கம் யாரும் இல்லை. நான் அருகில் சென்று பார்த்தால் நம் ஆச்சி. ஆச்சர்யமான ஆச்சர்யம் எனக்கு.

நான் 'மேடம்' என்று கூப்பிட்டதும் ஆச்சி என்னை உடனே அடையாளம் கண்டு 'அட நீயா!'என்று நலம் விசாரித்தார். எனக்கு இன்னும் வியப்பாகி விட்டது.

பின் 'ஏன் இங்கு நிற்கிறீர்கள்?' என்று நான் வினவ,

'என் சொந்தக் காரர்களின் வீட்டுக்கு மாயவரம் வரை போய்விட்டு வருகிறேன். வழியில் தலைவலி வந்துவிட்டது அதுதான் டீ குடிக்கலாமே என்று வண்டியை நிறுத்தச் சொன்னேன். அனால் இங்கு டீக்கடையே இல்லையே தம்பி' என்றார்கள். நான் உடனே 'ஆச்சி! இங்கே டீக்கடைஎல்லாம் கிடையாது .ஊருக்குள் சென்றால்தான் டீ கிடைக்கும்' என்றேன். பின் ஆச்சி கார் டிரைவரை என் கூட அனுப்பி வைத்தார்கள். பின் டீ வாங்கி வந்து ஆச்சியிடம் தந்தோம். ரசித்து குடித்தார்கள். பின் நன்றி சொல்லிவிட்டுக் கிளம்பினார்கள்.

எனவே 'ஒரே முத்தம்' படத்தை என்னால் மறக்க முடியாது.

உங்களுக்குதான் நான் நன்றி சொல்ல வேண்டும் அருமையான நினைவலைகளை மீண்டும் எழுப்பி பேருவகை கொள்ளச் செய்ததற்கு.

கார்த்திக் சார்,

பாட்டை விஷுவலாக பார்க்க இயலாவிட்டாலும் கேட்டு மகிழலாம்.

http://www.youtube.com/watch?feature=player_detailpage&v=S7g_IRaccpM

வணக்கத்துக்குரிய காதலியே...

Extra Sensory Perception ... ESP ... வருவதை முன்கூட்டியே தெரிந்து கொள்ள வைக்கும் ஒரு விசேஷ சக்தி... இந்த சக்தியின் மகிமையால் ஒரு மனிதனுக்கு ஏற்படக் கூடிய பல்வேறு பிரச்சினைகளை அடிப்படையாகக் கொண்டு உருவாக்கப் பட்ட EYES என்கிற ஜான் கார்பெண்டரின் கதை,

EYES OF LARA MARS

http://interiorator.com/wp-content/u...ra-Mars-02.jpg

என்கிற பெயரில் வெளியானது. இந்த கதை புத்தகமாக வெளிவந்த போதே உலகெங்கும் பரபரப்பாகப் பேசப் பட்டது. அதே நேரத்தில் இந்த அபூர்வ சக்தி நம் தமிழ்நாட்டிலும் பரவலாக அறியப் பட்டது. அப்போது இந்த சக்தி இருப்பதாக அறியப்பட்ட திரு நாராயணன் அவர்கள் தாய் வார இதழில் ஜோதிடம் எழுதத் துவங்கினார். இதன் மூலம் அவர் நம்புங்கள் நாராயணன் என பிரபலமானார்.

அப்படிப்பட்ட ஒரு சக்தியினை அடிப்படையாக வைத்து 'ஙே' ராஜேந்திர குமார் எழுதிய நாவல் தான் வணக்கத்துக்குரிய காதலியே திரைப்படம்

வாசு சார்
மெல்லிசை மன்னரின் வெறித்தனமான ரசிகனாக என்னை ஆக்கிய பாடல்களில் ஒன்று ஓ மஞ்சு படத்தில் இடம் பெற்ற சபலம் சலனம் மயக்கம் குழப்பம் .... பாடல்... மிக வித்தியாசமான மெட்டில் தாளக் கட்டில் வாணியின் குரலில் உள்ள அத்தனை நுணுக்கங்களையும் ஒருங்கிணைத்து ஈடு இணையற்ற பாடலாக இதை உருவாக்கிவிட்டார் மெல்லிசை மன்னர். பல்லவி முடிந்தவுடன் ஒரு ட்ராம்போன் அதைத் தொடர்ந்து வயலின்கள் கிடார் என தொடரும் அதோடு சரணம் 1 துவங்கும். இந்த வயதில் என வாணி பாடும் போது கூடவே ட்ரம்ஸ் கலக்கல் ....

இதை வர்ணிக்க வார்த்தைகள் இல்லை.. இன்று முழுதும் ... ஏன் இன்னும் கொஞ்ச நாட்களுக்கு ...

சபலம் சலனம் மயக்கம் குழப்பம்....

நான் பாட்டை சொன்னேன்..

நீங்களும் கேளுங்கள்...

http://www.raaga.com/player5/?id=204...16194546222687

பி.கு.
இந்த ஓ மஞ்சு திரைப்படத்தில் நடிக்க ஸ்ரீதர் முதலில் அணுகியது ..

இளையதிலகம் பிரபு அவர்களை...

இறைவனை நாம் வேண்டுவோம்.. காலச் சக்கரம் பின் நோக்கி நம்மை அழைத்துச் செல்லக் கூடாதா ... அந்தக் கால இனிமையான பாடல்களைக் கேட்டு மகிழ மாட்டோமா என்று... இந்தக் காலத்தில் அதே போல பாடல் வந்து நம்மை அழைத்துச் சென்றால் ... அது ஏன் காலச் சக்கரமாக இருக்கக் கூடாது... மனதை மயக்கும் மதுர கானங்களுக்கு காலமேது நேரமேது .. தலைமுறை தான் ஏது...

http://www.kalakendra.com/shopping/i...hvinayagam.jpg

அந்தக் காலச்சக்கரத்தை நமக்குத் தந்தவர் இசையமைப்பாளர் ரமேஷ் வினாயகம் ...

ராமானுஜம் திரைப்படத்தில் இடம் பெற்றுள்ள துளித்துளியாய் பாடல் முதல் முறை கேட்கும் போதே நமது நாடி நரம்பெல்லாம் புல்லரிக்கச் செய்யும் அளவிற்கு உள்ளே புகுந்து விடுகிறது.. கேளுங்கள்.. நிச்சயம் இதை உண்மை எனத் தாங்கள் உணர்வீர்கள்...

http://youtu.be/LcD96Mg1F0s

ரமேஷ் விநாயகம்.

என்னை கவர்ந்த இசையமைப்பாளர். நல்ல பாடகர்.ஏ.எம்.ராஜா மாதிரியே சமரசம் செய்ய விரும்பாமல் வாய்ப்புகளை இழந்து கொண்டிருப்பவர் .திறமைசாலிகள்,மேதைகள் எல்லோரிடமே இந்த eccentricity நிறைந்த சமரசமற்ற போக்கு இருக்கும் போலும். உலகம் அவர்களை புரிந்து கொள்ள முயல்வதில்லை. இவருடைய விழிகளின் அருகினில் வானம் 2000 இலிருந்து 2010 வரை வந்த பாடல்களிலேயே best composition என்பேன். என்ன இது என்ன இது என்னை கொல்வது மற்றொன்று.

இதே மாதிரி மற்றொரு திறமையாளர் கார்த்திக் ராஜா. (ஆனால் யுவன் மாதிரி சராசரிகளுக்கு தான் காலம்)

நானே நேற்று ராமானுஜர் கேட்டு திரியில் சிலாகிக்க நினைத்த போது ,அதை செய்த ரசிக வேந்தர் ராகவேந்தருக்கு நன்றிகள்.படு வித்யாசமான நல்ல இசை.

திரும்ப எழ ரமேஷ்,உங்களுக்கு என் வாழ்த்துகள்.

யூன் 8 ல் ஆரம்பிக்கப்பட்ட இத்திரி
இன்றுடன் 82 பக்கங்களை எட்டியுள்ளது
நாளொன்றுக்கு சராசரி 5+ பக்கங்கள்
வாழ்த்துக்கள்

இத்திரியில் பெரும்பாலும் எழுதுவது
சிவாஜி ரசிகர்கள்
அங்கே நடிகர்திலகத்தின் திரி
1 பக்கத்தை தாண்ட 2 நாட்களுக்குமேல் எடுக்கிறது

நல்லாயிருங்க நன்றி நன்றி நன்றி


வேற என்னத்த சொல்ல

அன்பு நண்பர் சிவா சார்,

தங்களது நாகரீகமான வாழ்த்துக்களுக்கு மிக்க நன்றி!

டியர் ராகவேந்திரன் சார்,

இசையமைப்பாளர் ரமேஷ் வினாயகம் அவர்களை நீங்களும், கோபால் சாரும் நினைவுகூர்ந்து அவருக்கு புகழாரம் சூட்டியுள்ளீர்கள். இந்த இசை அமைப்பாளரை அதிகம் பேர் அறிந்திருக்க வாய்ப்பில்லை. இனி நிச்சயமாக நாங்கள் அவரது பாடல்களை ரசிக்க ஆரம்பிப்போம். நன்றி!

மனதை மயக்கும் மதுர கானங்கள் - திரி சிறப்பாக செல்லும் இந்த நேரத்தில் இன்று பிறந்த நாள் காணும் கவியரசர் கண்ணதாசன் - மெல்லிசை மன்னர் இருவரையும் நினைவு கொள்வதில்
பெருமையாக உள்ளது . இவர்கள் உருவாக்கிய பாடல்கள் , காலத்தால் அழியாத கீதங்கள் .
என் உள்ளம் உந்த ஆராதனை ....
முத்துக்களோ கண்கள் .... தித்திப்பதோ ..கன்னம் .
பூ மாலையில் ஓர் மல்லிகை ....
இயற்கை என்னும் இளைய கன்னி ...
முத்தமோ .. மோகமோ ... தத்தி வந்த ....
விழியே கதை எழுது .....
சொல்லி கொண்டே போகலாம் . முடிவே இல்லாத காவிய மதுர கீத மன்னர்கள் .

இன்றைய ஸ்பெஷல் (13)

'கவியரசர்' கண்ணதாசன் அவர்களின் பிறந்தநாள் சிறப்புப் பதிவு.

http://www.pkp.in/gallery/var/albums...g?m=1349121709

1974-ல் காசிராம் பிக்சர்ஸ் தயாரிப்பில் வெளிவந்த 'பாதபூஜை' திரைப்படத்திலிருந்து மிக மிக அற்புதமான, அவ்வளவாக கேட்கக் கிடைக்காத பாடல்.

http://cdnvod3.bigflix.com/images/vo...ojai_(tam).jpg

சிவக்குமார், ஜெயசித்ரா, ஜெயா, வி.எஸ்.ராகவன், வி.கே.ராமசாமி, மனோரமா ஆகியோர் நடித்த இத்திரைப்படத்திற்கு கதை கலைஞானம். வசனம் பனசை மணியன். பாடல்கள் 'கவியரசர்' கண்ணதாசன்.

இசையமைப்பு ஜெயவிஜயா.

திரைக்கதை, இயக்கம் பீம்சிங் அவர்கள்.

உயிருக்குயிரான இரு சகோதரிகள் (அக்காவாக ஜெயா, தங்கையாக ஜெயசித்ரா. ஆனால் நிஜ சகோதரிகள் கிடையாது படத்தின் கதைப்படி) தங்களைப் படிக்க வைக்க தன் தந்தை (வி.எஸ்.ராகவன்) படும் கஷ்டங்களுக்காக வேலைக்குப் போக முடிவெடுக்கிறார்கள். (அக்கா வேலை பார்த்து முந்திக் கொள்வாள்) அக்கா தான் வேலைக்கு முதலிலேயே போய்விட்டதாகவும், தன் தங்கை தொடர்ந்து படிக்க வேண்டும் என்று அன்பு ஆணையிடுகிறாள். தன் தந்தையின் கடன்களை அடைக்கிறாள்.

அப்போது சகோதரிகள் இருவரும் ஒருவர் மேல் ஒருவர் கொண்ட மானசீகமான அன்பை வெளிப்படுத்திப் பாடும் மறக்க இயலாத பாடல். உண்மையாகவே நம் மனதை என்னவோ செய்யும் பாடல்.

பாடலின் முதல் பகுதியில் ஜெயாவும், ஜெயசித்ராவும் சேலையில் ஆடி பாடுவது அழகு. ஜெயா படுபாந்தம். ஜெயசித்ராவோ துறுதுறு.

இரண்டாவது பகுதியில் சற்றே கிளாமரான கவுன் அணிந்து இருவரும் கலக்கல்.

மூன்றாவது பகுதியில் தந்தை, தாயுடன் பாச இணைவு.

தங்கை அக்காளிடம் 'உன் மனக் கண்ணாடியைப் பார்த்தால் அதில் என் முகமே தெரிகிறது' என்ற அர்த்தம் தொனிக்க பாடுவதாக கவிஞர் வரிகளை அமைத்திருக்கிறார்.

'மழைத்துளி மண்ணில் விழும் வரை அதனுடைய இயல்பு நிறத்திலேயே இருக்கும்....மண்ணில் பட்டதும் மண்ணின் நிறத்திற்கே மாறிவிடும்.( செம்புலப் பெயல் நீர் போல) அப்படி நாம் இருவரும் அன்பால் இரண்டறக் கலந்து விட்டோம்' என்ற பொருள்பட இவர்கள் அன்பைச் சித்தரிக்கிறார் கவியரசர்.

மிக அருமையாகப் போடப்பட்ட டியூன். Fast beat என்பார்களே! அப்படி வேகமாகச் செல்லும் பாடல். (பாச உணர்வு பாடல்கள் எல்லாம் வழக்கமாக ஸ்லோவாகத்தானே இருக்கும். இது வித்தியாசம்)

இந்தப் படத்தின் மியூசிக் டைரக்டரும் தமிழுக்கு அதிகம் பரிச்சயமில்லாதவர். மலையாளத்தை சார்ந்தவர்.

இந்த இசையமைப்பாளரைப் பற்றித் தெரிந்து கொள்ள கீழே சொடுக்கவும்.

http://www.jayavijaya.com/biography.html

ஜெயாவுக்கு வாணி ஜெயராம் அவர்களும், ஜெயசித்ராவுக்கு சுசீலா அவர்களும் அவ்வளவு அழகாக பின்னணி தந்து இந்தப் பாடலை பாடி நம்மை மகிழ்விப்பார்கள்.

http://galleries.celebs.movies.3.plu...f420980342.jpg

இனிப் பாடலின் வரிகள். (கேட்க கேட்கத் திகட்டாத பாடல்)

http://image1.frequency.com/uri/w234..._thumbnail.jpg

கண்ணாடி அம்மா உன் இதயம் என் கண்ணே!
நான் அதைப் பார்த்தால் என் முகம் காட்டும்
தெய்வீக பந்தம் நம் உறவு
எந்நாளும் தேயாத நிலவு

கண்ணாடி அம்மா உன் இதயம் என் கண்ணே!
நான் அதைப் பார்த்தால் என் முகம் காட்டும்
தெய்வீக பந்தம் நம் உறவு
எந்நாளும் தேயாத நிலவு

சிவந்த நிலத்தின் நிறம்
வான் பொழிந்த மழைக்கும் வரும்
ஒ.. ஒ.. ஒ

இரண்டும் கலந்த நிலை
நாம் பிறந்து வளர்ந்த கலை

தங்கம் போல் ஒரு உள்ளம்

வைரம் போல் அது நீ என் கண்ணே

ஓஹோ... ஒ.. ஒ..ஒ...

கண்ணாடி அம்மா உன் இதயம் என் கண்ணே!
நான் அதைப் பார்த்தால் என் முகம் காட்டும்
தெய்வீக பந்தம் நம் உறவு
எந்நாளும் தேயாத நிலவு

ம்ம்ஹூம் ம்ம்ஹூம் ம்ம்ஹூம்

இருந்து படைக்கும் விருந்து உனக்குத் தேன் அல்லவா

அறிந்து இனிக்கும் விருந்து எனக்கு நீயல்லவா

நெஞ்சம் கிண்ணமல்லவா

பாசம் அன்னமல்லவா

பாலும் தேனும் அல்லவா

எந்தன் கண்ணே ஓஹோ..

கண்ணாடி அம்மா உன் இதயம் என் கண்ணே!
நான் அதைப் பார்த்தால் என் முகம் காட்டும்
தெய்வீக பந்தம் நம் உறவு
எந்நாளும் தேயாத நிலவு

நமக்கு இறைவன் கொடுத்த நலங்கள் தாயல்லவா

அனைத்து வளர்த்த தகப்பன் குணத்தில் சேயல்லவா

இல்லம் கோயில் அல்லவா

தெய்வம் காவலல்லவா

அன்பு தீபமல்லவா

எந்தன் கண்ணே ஓஹோ...ஒ

கண்ணாடி அம்மா உன் இதயம் என் கண்ணே!
நான் அதைப் பார்த்தால் என் முகம் காட்டும்
தெய்வீக பந்தம் நம் உறவு
எந்நாளும் தேயாத நிலவு

ம்ம்ஹூம் ம்ம்ஹூம் ம்ம்ஹூம்.

http://www.youtube.com/watch?v=tWiSFzpnq18&feature=player_detailpage

திரு வேந்தர் சார் /கோபால் சார்
ரமேஷ் விநாயக் அவர்களையும் ,கார்த்திக் ராஜா அவர்களையும் நினைவு கூர்ந்துள்ளீர்கள் . மிக்க நன்றி

ரமேஷ் விநாயக் அவர்களின்
நள தமயந்தி ,அழகிய தீயே,ஹே ரொம்ப அழகா இருக்கே ,ஜெர்ரி
போன்ற படங்களில் இவரது பங்கு நன்றாக இருக்கும்

வழக்கம் போல் கோபால் சார் நமக்கு பிடித்த அவருக்கும் பிடித்த
"என்ன இது என்ன இது "
ஒரு அழகான மெலடி பாடலை நினவு படுத்திவிட்டார்
ராமானுஜன் லேட்டஸ்ட் ஹிட் எல்லோரும் மிக ஆவலுடன் எதிர் பார்த்து கொண்டு இருக்கும் படம் பாரதி, மோகமுள்,பெரியார்,முகம்
போன்ற சில பரீட்சார்த்த படங்களை கொடுத்தவர் கொடுத்து கொண்டு இருப்பவர் (ghana sekaran )

karthik ராஜா உண்மையில் நல்ல திறமை சாலி அவருடைய மாணிக்கம்
காதலா காதலா டும் டும் டும் எல்லாம் பாடல்களை ரசித்து கேட்ட படங்கள்
நம் உடைய திரியில் இது நிச்சயம் சிலாகிகபடும் என்று நினைக்கிறன்

வாசு சார்
கோலார் தங்க வயலில் வெட்டி எடுக்கப்பட்ட ஒரு நல்ல உறவு முறை
பாடல் ஒன்றை கண்ணதாசன் பிறந்த நாள் அன்று நினவு படுத்தி உள்ளீர்கள் .இந்த பாடலை பற்றி சொல்வது என்றால்

நமக்கு இறைவன் கொடுத்த நலங்கள் தாயல்லவா
அனைத்து வளர்த்த தகப்பன் குணத்தில் சேயல்லவா
இல்லம் கோயில் அல்லவா
தெய்வம் காவலல்லவா
அன்பு தீபமல்லவா

இதை விட வேறு எந்த வார்த்தைகளால் நம் உறவு முறையை
சிறப்பிக்க முடியும்

3 தினகளுக்கு முன் பம்மல் கண்ணதாசன் தமிழ் சங்கம் வாணி மஹால்
கலை அரங்கில் முனைவர் சரஸ்வதி ராமநாதன் அவர்கள் தலைமையில்
பாரதி ராஜா அவர்களுக்கு விருது வழங்கும் நிகழ்ச்சி ஒன்று நடை பெற்றது . மேலும் காதலிக்க நேரமில்லை 50 வது ஆண்டு பொன்விழா
கொண்டாட்டமாக திரு c.v கோபு அவர்க ளும் பாராட்ட பட்டார்கள்
நானும் சென்று இருந்தேன் .
அங்கு சாஸ்த தாசன் என்பவர் ஒரு மெல்லிசை நிகழ்ச்சி ஒன்றை நடத்தினர்
மிக நல்ல அரிய கண்ணதாசனின் பாடல்களை எல்லாம் பாடினர்

எடுத்துகாட்டாக
"வான் மேகங்களே வாழ்த்துங்கள் பாடுங்கள் "
"கோயில் மணி ஓசை தன்னை "
"நாளாம் நாளாம் திருநாளாம் "
"அனுபவம் புதுமை "
"விஸ்வநாதன் வேலை வேண்டும் "

Quote:

---

Originally Posted by gkrishna

கோலார் தங்க வயலில் வெட்டி எடுக்கப்பட்ட ஒரு நல்ல உறவு முறை
பாடல் ஒன்றை கண்ணதாசன் பிறந்த நாள் அன்று நினவு படுத்தி உள்ளீர்கள்

---

வணக்கம் கிருஷ்ணா சார். அருமையான வரிகள்.

ஒரு கோப்பையிலே என் குடியிருப்பு
ஒரு கோலமயில் என் துணையிருப்பு
இசை பாடலிலே என் உயிர் துடிப்பு
நான் பார்ப்பதெல்லாம் அழகின் சிரிப்பு
ஒரு கோப்பையிலே என் குடியிருப்பு

காவியத் தாயின் இளைய மகன்
காதல் பெண்களின் பெருந்தலைவன் - நான்
காவியத் தாயின் இளைய மகன்
காதல் பெண்களின் பெருந்தலைவன்
பாமர ஜாதியில் தனி மனிதன் - நான்
படைப்பதனால் என் பேர் இறைவன்

ஒரு கோப்பையிலே என் குடியிருப்பு
ஒரு கோலமயில் என் துணையிருப்பு
இசை பாடலிலே என் உயிர் துடிப்பு
நான் பார்ப்பதெல்லாம் அழ்கின் சிரிப்பு
ஒரு கோப்பையிலே என் குடியிருப்பு

மானிட இனத்தை ஆட்டி வைப்பேன் - அவர்
மாண்டு விட்டால் அதைப் பாடி வைப்பேன் - நான்
மானிட இனத்தை ஆட்டி வைப்பேன் - அவர்
மாண்டு விட்டால் அதைப் பாடி வைப்பேன் - நான்
நிரந்தரமானவன் அழிவதில்லை - எந்த
நிலையிலும் எனக்கு மரணமில்லை

ஒரு கோப்பையிலே என் குடியிருப்பு
ஒரு கோலமயில் என் துணையிருப்பு
இசைப் பாடலிலே என் உயிர் துடிப்பு
நான் பார்ப்பதெல்லாம் அழகின் சிரிப்பு

https://www.youtube.com/watch?v=Vgvetq_roms

One of my favourite

http://www.youtube.com/watch?v=BAWmheI4YhU

அன்பு மனம் கனிந்த பின்னே அச்சம் தேவையா?
அன்னமே நீ இன்னும் அறியாத பாவையா?
அன்பு மனம் கனிந்த பின்னே அச்சம் தேவையா?
அன்னமே நீ இன்னும் அறியாத பாவையா?

அஞ்சுவதில் அஞ்சி நின்றால் அச்சமாகுமா?
அன்பு மனம் கனிந்ததும் புரியாமல் போகுமா?
அஞ்சுவதில் அஞ்சி நின்றால் அச்சமாகுமா?
அன்பு மனம் கனிந்ததும் புரியாமல் போகுமா?

அன்பு மனம் கனிந்த பின்னே அச்சம் தேவையா?
அன்னமே நீ இன்னும் அறியாத பாவையா?

மாலை வெயில் மயக்கத்திலே மறந்திடலாமோ?
மனைவி என்று ஆகும் முன்னே நெருங்கிடலாமோ?
மாலை வெயில் மயக்கத்திலே மறந்திடலாமோ?
மனைவி என்று ஆகும் முன்னே நெருங்கிடலாமோ?

உறவானது மனதில் மணமானது நினைவில் - இதை
மாற்றுவதார் மானே வையக மீதில்
உறவானது மனதில் மணமானது நினைவில் - இதை
மாற்றுவதார் மானே வையக மீதில்
அஞ்சுவதில் அஞ்சி நின்றால் அச்சமாகுமா?
அன்பு மனம் கனிந்ததும் புரியாமல் போகுமா?

ஆ.. ஆ…

காதலுக்கே உலகம் என்று கனவில் கண்டேனே - நான்
கனவில் கண்ட காட்சி எல்லாம் கண்ணில் கண்டேனே
காதலுக்கே உலகம் என்று கனவில் கண்டேனே - நான்
கனவில் கண்ட காட்சி எல்லாம் கண்ணில் கண்டேனே - இது
காவியக் கனவு இல்லை காரியக் கனவு - புது
வாழ்வினிலே தோன்றும் மங்கலக் கனவு - இது
காவியக் கனவு இல்லை காரியக் கனவு - புது
வாழ்வினிலே தோன்றும் மங்கலக் கனவு

அன்பு மனம் துணிந்து விட்டால் அச்சம் தோணுமா?
ஆவலை வெளியிட வெகுநேரம் வேணுமா?
இருகுரல் கலந்து விட்டால் இன்ப கீதமே
இன்னமுத வீணையும் அறியாத நாதமே

வாருங்கள் பாலா சார். கவிஞருக்கு நல்ல பிறந்தநாள் அஞ்சலி. தங்கள் அன்பு மனதிற்கும் மிக்க நன்றி!

மனதை மயக்கும் பாடல்

film : திர்கசுமங்கலி

https://www.youtube.com/watch?v=Qoom1a3YzNo

பிறப்பினில் வருவது யாதெனக் கேட்டேன்
..பிறந்து பாரென இறைவ்ன பணித்தான்
இறப்பினில் வருவது யாதெனக் கேட்டேன்
..இறந்து பாரென இறைவன் பணித்தான்
மனையாள் சுகமெனில் யாதெனக் கேட்டேன்
..மணந்து பாரென இறைவன் பணீத்தான்
அனுபவத்தால் தான் அமைவது வாழ்வெனில்
..ஆண்டவனே நீ ஏன் எனக் கேட்டேன்..
ஆண்டவன் எந்தன் அருகினில் வந்து
..அனுபவமேதான் நான் எனச் சொன்னான்..

மேற்கண்ட கவிதையை எழுதியது கவியரசர் கண்ணதாசன்..வாழ்க்கையில் பலவித அனுபவப் பட்டவர் ..எனினும்.. சாகாவரம் கொண்ட கவிஞர்..அவரது பாடல்கள் அவரது நினைவு தினத்தில் தான் நினைவு கூறப் படுகின்றது என்பதில்லை..எப்பொழுதும்.. என்றும்..

வாழ்க்கையின் நீரோட்டத்திற்குக் கவிஞர் எழுதிய பாடல்கள் ஏராளம்..சோகம், துன்பம்,இன்பம்,காதல் என எல்லாவிதங்களிலும் இந்தக்காலத் தமிழில் சொல்லப் போனால் பிரித்து மேய்ந்திருப்பார்..

சரி அவ்வப்ப்போது இன்று வரப் பார்க்கிறேன்..கவிஞரின் பாடல்களில் என்னைக்கவர்ந்த பலவில் சில சொல்கிறேன்..

இயற்கை என்றாலே கவிஞர்களுக்கு குஷி தான்..

கவிஞர்களோட மனம் எப்படிப் பட்டது..இந்தக் காலச்சிறுகவிஞன்(?!) (அடியேன் :) ) என்ன சொல்றான்..


உதிக்கும்வரை உழைக்கும்மனம் உழன்றேகனன் றிடும்பின்
துதித்தேயிறை செயலேவென தெளிவாய்மலர் திடும்பின்
பதித்தேயிழை இழையாய்க்கவி புனைந்தாலது அழகாய்
மதித்தேபலர் நினைவில்கொளும் மணத்தைப்பரப் பிடுமே..

யெஸ் பொய்யில்லை.. கவியரசர்க்கோ பாட்ல்கள் எல்லாம் படக்கென மலர்கள் மொட்டவிழ்த்துச் சிரிப்பது போல ப் பொங்கிப் பெருக்கெடுத்து வரும்..

அப்படிப் பிரவாகமாய் வந்த ஒரு பாடல் எனச் சொல்வதற்கு முன்:

குமுதத்தில் கவியரசருக்கு முதலடி கொடுத்து எழுத ச் சொல்லியிருந்தார்கள்..அப்படி வந்த கடைசி முதலடி..

கருவறை தொடங்கிக் கல்லறை வரைக்கும்.. இதற்கும் கவிஞர் ஒரு கவிதை எழுதியிருந்தார்..அது எனக்கு
நினைவிலில்லை..

அதே போல ஏன் இந்த வீண்வாழ்க்கை என எனைப்பார்த்து இளமொட்டு கேட்கின்றது என்று இன்னொருவரியும் கொடுத்து எழுதச் சொல்ல அதற்கும் எழுதியிருந்தார்..

ம்ம்..

இனி என்னுள் கலந்த பாடல்களில் ஒன்று..

**


செந்தாழம் பூவில் வந்தாடும் தென்றல்
என் மீது மோதுதம்மா
பூ வாசம் மேடை போடுதம்மா
பெண்போல ஜாடை பேசுதம்மா
அம்மம்மா ஆனந்தம்
அம்மம்மா ஆனந்தம்

வளைந்து நெளிந்து போகும்பாதை மங்கை மோக கூந்தலோ?
மயங்கி மயங்கி செல்லும் வெள்ளம் பருவ நாண ஊடலோ?
ஆலங்கொடி மேலே கிளி தேன் கனிகளைத் தேடுது
ஆசை குயில் பாஷை இன்றி ராகம் என்ன பாடுது
காடுகள் மலைகள் தேவன் கலைகள்


அழகு மிகுந்த ராஜகுமாரி மேகமாகப் போகிறாள்
ஜரிகை நெளியும் சேலை கொண்டு மலையை மூடப் பார்க்கிறாள்
பள்ளம் சிலர் உள்ளம் என ஏன் படைத்தான் ஆண்டவன்
பட்டம் தரத் தேடுகின்றேன் எங்கே அந்த நாயகன்?
மலையின் காட்சி இறைவன் ஆட்சி


இளைய பருவம் மலையில் வந்தால் ஏகம் சொர்க்க சிந்தனை
இதழில் வருடும் பனியின் காற்று கம்பன் செய்த வர்ணனை
ஓடை தரும் வாடைக் காற்று வான் உலகைக் காட்டுது
உள்ளே வரும் வெள்ளம் ஒன்று எங்கோ என்னைக் கூட்டுது
மறவேன் மறவேன் அற்புதக் காட்சி

**

பின்ன பார்க்கலாம் :)

1979 இல் கே.ஸ்.மாதங்கன் இயக்கத்தில் ஷங்கர் கணேஷ் இசைஅமைப்பில் சிவகுமார்,ஸ்ரீப்ரிய,சிவச்சந்திரன் நடித்து
வெளிவந்த ஒரு படம் "என்னடி மீனாட்சி "
இளமை ஊஞ்சலாடுகிறது "என்னடி மீனாட்சி" பாடலையே தலைப்பாக வைத்து வெளி வந்தது . தலைப்புக்கும் கதைக்கும் சம்பந்தமே கிடையாது

சிவச்சந்திரன் அப்போது எல்லாம் 79-80 கால கட்டத்தில் ஸ்ரீப்ரியா ஊடு காதல் என்று கிசுகிசுக்கபட்ட நேரம்
அவள் அப்படிதான், பொல்லாதவன் போன்ற படங்களில் எல்லாம் ஸ்ரீப்ரியா சிபாரிசுவினால் தான் சான்ஸ் கிடைத்தது என்று எல்லாம் அந்த நாளில் வல்லபனின் பிலிமலாயா சொன்னதாக நினைவு

சாவி விமர்சனம் இந்த பாடலை விமர்சித்து எழுதி இருந்தது நல்ல நினைவில் உள்ளது
இந்த பாட்டு ஸ்ரீப்ரியாவும் சிவச்சந்திரனும் பாத் டாப்பில் குளித்து கொண்டு இருக்கும்போது எடுதிருப்பர்கள்

பாலாவும் வாணியும் ரொம்பவும் இழைந்து பாடி இருப்பார்கள்

ரொம்ப நாளாக எனக்கொரு ஆசை
ரொம்ப நாளாக எனக்கொரு ஆசை
மனம் தாளாமல் துடித்திடும் ஓசை
இன்னும் தீராத
இன்னும் தீராத ஆசைகள் என்ன
இங்கு நீராடும் வேளையில் சொல்ல

நீரிலே ஆடையாய் நானும் மாறவோ
நேரிழை மார்பிலே மேடை போடவோ
நீரிலே ஆடையாய் நானும் மாறவோ
நேரிழை மார்பிலே மேடை போடவோ

சின்னப்பிள்ளை செய்யும் தொல்லை
சின்னப்பிள்ளை செய்யும் தொல்லை
இன்னும் என்னவோ...நீயும் கண்ணனோ

வாணியின் மூச்சு மேற்கண்ட சரணத்தில் என்னவோ என்று பாடிவிட்டு
ஒரு முச்சு விட்டு பிறகு பாடுவார்

தாமரைப்பூவிதழ் அங்கம் அல்லவோ
தாவிடும் வண்டுபோல் மச்சம் என்னவோ
மஞ்சம் அமைத்து மன்னன் அணைத்து
மஞ்சம் அமைத்து மன்னன் அணைத்து
கன்றிவிட்டதோ கண்ணில் பட்டதோ

இந்த படத்தில் இன்னும் ஒரு நல்ல பாடல் உண்டு

மலேசிய ஜானகி குரல்களில்
"ஆடையில் என்னடி ஆடுது மீனாக்ஷி
ஆசையில் நான் வந்து தேடிய நாளாச்சு
நீரும் நீரும் சேர்ந்தால் ஒன்றாகும்
நீயும் நானும் சேர்ந்தால் என்னாகும் "

கவிஞன் யானோர் கால கணிதம்
கருபடு பொருளை ஒருபட (உருப்பட) வைப்பன்
இவை சரியென்றால் இயம்புவது என் தொழில்
இவை தவறாயின் எதிர்பதென் வேலை
இகழ்ந்தால் என்னுடல் இறந்து விடாது
புகழ்ந்தால் என் மனம் புல்லரிக்காது
வளமார் கவிகள் வாக்குமுலங்கள்
இறந்த பின்னாலே எழுதுக தீர்ப்பு
மாற்றம் எனது மானிட தத்துவம்
மாறும் உலகின் மகத்துவம் அறிவேன்

கண்ணனுக்கு தாசனை நினவு கூர்கிறேன்

கிருஷ்ணா சார்,

ரொம்ப நாளாகவே நாம் எல்லோரும் ரசிக்கும் பாடல்

இன்னொன்றும் செம டாப்.

ஓ....மஞ்சள் வண்ண ரோஜா
தனி மஞ்சம் போடு ராஜா
நான் வஞ்சி என்ற எண்ணம் இல்லையோ

வாணி கொன்று விடுவார்.

அப்புறம்

பலே பல் பல் பல் பல்

வான்கோழி மயிலைப் போல் ஆடுது பாரம்மா

மலேஷியா கூட (அது யாரு ஷைலஜாவா இல்ல ஜென்சியா )

One of my favourite ever
Handsome Ravi and Beauty Kanchana , Kaviyarasu Beautiful Lyrics, MSV wonderful music, PS as usual great, MLS humming and Great Sridhar's visual presentation makes this song one of my favoruite

https://www.youtube.com/watch?v=JUPY6LaUQCc
சென்ற மாதம் பிரதோஷம் தினத்தன்று yelahankaவில் உள்ள காயத்ரி , கணேஷா கோவிலிக்கு காஞ்சனா வந்திருந்தார் . அவரை ஒருவர் கையை பிடித்து கொண்டு அழைத்து வந்தார். ஒரு காலத்தில் ஆயிரம் ஆயிரமகா (அந்த காலத்தில்) சம்பாதித்தவர் , கோவிலில் பிரசாதம் வாங்கி கொண்டு சென்றார். பார்க்கவே பரிதாபமாக இருந்தது. கோவிலில் பிரசாதம் வாங்குவது தவறாக சொல்லவில்லை. தவறும் கிடையாது . ஒரு காலத்தில் பெரும் புகழுடன் வாழ்தவரை இந்த நிலையில் பார்க்கும் பொது நெஞ்சில் எதோ அடைத்து கொண்டது போல் இருந்தது.

டியர் வாசுதேவன் சார்,

கவியரசர் கண்ணதாசனின் பிறந்தநாள் சிறப்புப்பதிவாக தாங்கள் அளித்துள்ள பாத பூஜை படத்தில் இடம்பெற்ற மிக அருமையான பாடலான 'கண்ணாடி அம்மா உன் இதயம்' பாடலை சிறப்பாக அளித்ததற்கு மிக்க நன்றி. ஏ.(அணிதாவாத) பீம்சிங் அவர்களின் கடைசிப்படம். பாச உணர்வுக்கு சிறந்த எடுத்துக்காட்டாக அமைந்த பாடல். சமீபகாலமாக தொலைக்காட்சிகளில் ஒளிபரப்புகின்றனர். இருகுரலிசை பாடல்களில் இதுவும். "இதோ இதோ என் நெஞ்சிலே ஒரே ராகம்" பாடலும் அடிக்கடி காணக்கிடைக்கின்றன.

ஜெயா - ஜெயசித்ரா - ஜெயவிஜயா என ஒரே ஜெயம்தான் போங்க.

பாடகர் திலகம் குரலில் மெல்லிசை மன்னரின் இசை கோர்வையில்
கண்ணனுக்கு தாசனின்

"வாசுதேவனின் புகழ் பாடும்
கிருஷ்ணா (வின்) கானம் "

புல்லாங்குழல் கொடுத்த மூங்கில்களே
எங்கள் புருஷோத்தமன் புகழ் பாடுங்களேன்
வண்டாடும் கங்கை மலர்த் தோட்டங்களே
எங்கள் மதுசூதனன் புகழ் பாடுங்களே

பன்னீர் மலர் சொரியும் மேகங்களே - எங்கள்
பரந்தாமன் மெய்யழகைப் பாடுங்களே
தென்கோடி தென்றல் தரும் ராகங்களே - எங்கள்
ஸ்ரீகிருஷ்ண மூர்த்தி புகழ் பாடுங்களே - எங்கள்
ஸ்ரீகிருஷ்ண மூர்த்தி புகழ் பாடுங்களே

குருவாயூர் தன்னில் அவன் தவழ்கின்றவன் - ஒரு
கொடியோடு மதுராவை ஆள்கின்றவன்
திருவேங்கடத்தில் அவன் அருள்கின்றவன் - அந்த
ஸ்ரீரங்கத்தில் பள்ளி கொள்கின்றவன் - அந்த
ஸ்ரீரங்கத்தில் பள்ளி கொள்கின்றவன்
(புல்லாங்குழல்)

பாஞ்சாலி புகழ் காக்கத் தன் கை கொடுத்தான் - அந்த
பாரதப் போர் முடிக்க சங்கை எடுத்தான்
பாண்டவர்க்கு உரிமையுள்ள பங்கைக் கொடுத்தான் - நாம்
படிப்பதற்கு கீதையென்னும் பாடம் கொடுத்தான் - நாம்
படிப்பதற்கு கீதையென்னும் பாடம் கொடுத்தான்
(புல்லாங்குழல்)

பாடகர் திலகம் குரலில் வீணையின் ஒலியை கேட்கலாம்
மிக எளிமையாக அதே நேரத்தில் மிக நேர்த்தியாக இருக்கும் ஒரு பாடல் இந்தப் பாடல். பொருட்செறிவானது.
எழுதியவரும் பாடியவரும் இசை அமைத்தவரும் முழு அர்பணிப்பு என்று சொல்வார்களே அதை உணர்ந்து செய்திருக்கிறார்கள்.

அப்கபி சார்..காதல் காதல் என்று பேச கண்ணன் வந்தானோ பாடல் என்க்கும் பிடிக்கும்.. காஞ்சனா..ம்ம் காலம் செய்கின்ற கோலம்.. நீங்கள் சொன்ன இடம் பெங்களூரா..

நான் கோடு போட்ட நீங்க ரோடு போடறீங்க வாசு சார்

yes.

abkhlabhi is id. Name is A.Balakrishnan. settled in B'lore near yelahanka.

படிப்பதற்கு கீதையென்னும் பாடம் (படம்) கொடுத்தான்

என்னுள் கலந்த கானங்கள் - 2 (ஹை டைட்டில் வச்சாச்சு :) )

அந்தாதி பாணியில் வரும் பாடல்கள் என்றாலே சுவை கண்ணதாசனுக்குக் கேட்கவா வேண்டும் அவர் எழுதிய இந்தப் பாடலின் இலக்கணத்தை மட்டும் வைத்துக் கொண்டு நான் எழுதிப்பார்த்த பாடல்..

வேடமிட்டு உள்ளமதை மூடிநிற்கும் மாது
...வேண்டுமென்றா செய்திடுவாள் காதலனின் மீது
பாடமெனச் சொல்லியது தந்தையவர் குணமே
...பாவையிவள் மயங்குகிறாள் பாவமவள் மனமே
தாடகமாய் சிற்றலைகள் எழும்பாத குளந்தான்
...தடக்கென்றே சிறுகல்லால் சுழல்வதுவும் நிஜந்தான்
ஊடலென நினைத்தவனும் போய்விட்டான் இன்று..
...உணர்ந்துவிட்டு மறுபடியும் வந்திடுவான் சென்று..

**
ம்ம்கும்..அப்ப அவர் எழுதின பாட்டு என்னவாக்கும் என நினைப்பது புரிகிறது..இந்தப் படத்தில் மூன்று பாடல்களில் இரண்டு பாடல்கள் இந்த டைப் தான்..இளமை மின்னும் கமல்ஹாசன்..அப்போது மலர்ந்த மலராய் ஸ்ரீதேவி.. பாடல் தான் தெரிந்திருக்குமே..

இந்தப்பாடல் ஆரம்பிப்பது சிவச்சந்திரன் என நினைக்கிறேன்..அந்தக் கவிதை வரிகள் எனக்கு நினைவிலில்லை..தெரிந்தால் சொல்லுங்களேன்..

*
ஆண்:
ஆடி வெள்ளி தேடி உன்னை
நானடைந்த நேரம்
கோடி இன்பம் நாடி வந்தேன்
காவிரியின் ஓரம்

பெண்:
ஓரக் கண்ணில் ஊறவைத்த
தேன் கவிதைச் சாரம்
ஓசையின்றிப் பேசுவது
ஆசை என்னும் வேதம்

ஆண்:
வேதம் சொல்லி மேளமிட்டு
மேடை கண்டு ஆடும்
மெத்தை கொண்டு தத்தை ஒன்று
வித்தைபல நாடும்

பெண்:
நாடும் உள்ளம் கூடும் எண்ணம்
பேசும் மொழி மெளனம்
ராகம் தன்னை மூடி வைத்த
வீணை அவள் சின்னம்

ஆண்:
சின்னம் மிக்க அன்னக்கிளி
வண்ணச் சிலைக் கோலம்
என்னை அவள் பின்னிக் கொள்ள
என்று வரும் காலம்!

பெண்:
காலம் இது காலம் என்று
காதல் தெய்வம் பாடும்
கங்கை நதி பொங்கும் - கடல்
சங்கமத்தில் கூடும்
சங்கமத்தில் கூடும்

**

பின்ன வாரேன் :)

//கண்ணாடி அம்மா உன் இதயம் என் கண்ணே!
நான் அதைப் பார்த்தால் என் முகம் காட்டும் // இந்தப் பாடல் கேட்டதில்லை வாசு சார்..வீட்டில் சென்று கேட்கிறேன்..குறிப்பும் பாடல் வரிகளும் அழகு..

அப்பாவும் பொண்ணும் போட்டி போட்டு பாடும் கண்ணன் பாட்டு

பெரியாழ்வார் நம்ம NT
ஆண்டாள் - குட்டி - பத்மினி
பெரிய - விஜயா

வரிகள் போட்டி போட்டுக் கொண்டு வந்து விழுகின்றன = கண்ணனின் தாசனான கண்ணதாசன் தூரிகையில்!
TMS ஒரு பாய்ச்சல் பாய்ஞ்சா, சுசீலாம்மா எட்டு பாய்ச்சல் பாயறாங்க!

சிறுமி கோதைக்கு குரல் கொடுப்பது: மாஸ்டர் டி.எல்.மகாராஜன்
(ஆண் குரல் தான்
ஒரு வேளை ஆண்டாளின் பிடிவாதம் மாமாவிற்கு நினிவிற்கு வந்து இருக்கும் )

பெரியவள் கோதைக்கோ குரல் கொடுப்பது: பி.சுசீலா
இந்தப் பாட்டைக் கேட்டு, சுசீலாம்மாவிடம், நீங்க தான் அந்தக் கடவுள்-ன்னு யாரோ சொல்ல, அவர்கள் புன்னகையுடன் மறுத்தார்களாம்! :)

அரி அரி கோகுல ரமணா உந்தன்
திருவடி சரணம் கண்ணா!
அரி அரி கோகுல ரமணா உந்தன்
திருவடி சரணம் கண்ணா!

பாரத தேவா பாண்டவர் நேசா
பதமலர் பணிந்தோமே - உன்
பதமலர் பணிந்தோமே!
(அரி அரி கோகுல ரமணா)

ஞான மலர்க் கண்ணா, ஆயர்க் குல விளக்கே
வானமும் கடலும் வார்த்து எடுத்த பொன் உருவே
கானத்தில் உயிர் இனத்தைக் கட்டுவிக்கும் கண்ணா!

happy birthday kanna dasa

//ஞான மலர்க் கண்ணா, ஆயர்க் குல விளக்கே
வானமும் கடலும் வார்த்து எடுத்த பொன் உருவே// super krishnaji.. en pangukku aduththa post il :) periya vijaya konjam VIJAYA vaa gundaa iruppaanga :) NT kannil therigindra Saantham..mm