Nadigar Thilagam Sivaji Ganesan - Part 6

There is a verse in the song, “ Nalladhoru kudumbam..”, where NT sings, “ paasam endru edhai solvadhu, bhakthi endru edhai solvadhu……”. Well, the answer is given above.
[/quote]

I still remember when I was a kid (30 years back from now)I used to visit Madurai and the song Nallathoru Kudumbam was played in loudspeaker, a evergreen popular song. That was the time the film hit screens.

Hm... those are days memorable.

I made it practice to see evening shows of NT films in out locality (near Tiruchendur) during my school and college days. I used to slip away from cricket sessions midway and the teammates used to kid me.[/tscii]

சகோதரி சாரதா அவர்களுக்கு,
தங்களுடைய பதிவு என்னை மிகவும் மனம் நெகிழச் செய்துள்ளது என்றால் அது மிகையில்லை. வேறு யாருக்கும் கிட்டாத பெருமையை திரையரங்கு வடிவிலும் நடிகர் திலகம் பெற்றிருக்கிறார். தமிழகத்தின் முதல் குளிர்சாதன திரையரங்கு என்ற பெருமையை சாந்தி திரையரங்கு பெற்றுள்ளது. இதன் கூடவே ஏற்கெனவே இருந்த மற்றொரு திரையரங்கு புதுப்பிக்கும் வேலை தொடங்கப் பெற்று சாந்தி திரையரங்கு திறக்கப் பட்ட மறுநாள் குளிர்சாதன திரையரங்காக திறக்கப் பட்டது தனி வரலாறு. அந்த ஒரு நாளில் மட்டுமல்ல அன்றைய நாள் தொட்டு தொடர்ந்து சாந்தி திரையரங்கு இயங்கி வருவதும் குறிப்பிடத் தக்கதாகும். ஏனெனில் அந்த மற்றொரு குளிர் சாதன திரையரங்கு சுமார் 10 ஆண்டுகளுக்கு முன்பாக மீண்டும் புதுப்பிக்கும் வேலைக்காக பல நாட்கள் மூடப்பட்டதும் உண்டு.
மேலும் நம்மைப் பொறுத்த மட்டில் சாந்தியில் கோடியில் உள்வாங்கிய வரிசையில் ரூ 1.25 அல்லது 0.84 காசு டிக்கெட் எடுத்து படம் பார்த்த நாட்களையும் நினைவுகளையும் ஈடுகட்ட இனிமேல் முடியாது. குறிப்பாக கல்லூரியில் காலை வகுப்பு பகலில் சாந்தி திரையரங்கு மாலையில் நண்பர்களுடன் கலந்துரையாடல் நேரங்கழித்து வீட்டுக்கு சென்று வசவு வாங்குதல் - இதுவே அன்றாட வாழ்க்கையாக கழிந்த நாட்கள் வாழ்வின் பெரும் பகுதி. எனவே நீங்கள் சொல்லும் கூற்றுக்கள் நூற்றுக்கு நூறு உண்மை . சாந்தி திரையரங்கு 100 ஆண்டுகளைக் காணும். நாமும் இறையருளால் உயிர் வாழ்ந்தால் கைத்தடி கொண்டு அங்கேயே சுற்றிக் கொண்டிருப்போம். அதுவும் உண்மை.
தங்களின் பதிவு என்னுள் பல நினைவுகளை கிளறி விட்டுள்ளது. குறிப்பாக உத்தமன் திரையிடப்பட்ட போது ரசிகர்கள் அமைதியாக வரிசையில் அமர்ந்திருப்பர். அதுவும் இரவுக்காட்சிக்காக சுமார் 7.30 மணி அல்லது 8.00 மணி வாக்கில் வரிசையாக அந்த விளக்கு வெளிச்சத்தில் கார்களின் பின்னால் வரிசையில் அமர்ந்திருக்கும் காட்சி நெஞ்சத்தில் நிலைத்திருக்கும்.
மேலும் 1978ம் ஆண்டு வாக்கில் ஜெனரல் சக்கரவர்த்தி படத்திற்காக நான் வைத்த சிறு சார்ட்டில் நடிகர் திலகத்தின் படங்களைப் பட்டியலிட்டு வைத்திருந்தேன். அதை அந்த ஆண்டின் ஆனந்த விகடன் சினிமாஸ்பெஷல் இதழில் மூன்றாம் பக்கத்திலேயே செய்தியாகப் போட்டு என்னுடைய பெயரையும் போட்டிருந்தார்கள். அது தந்த உத்வேகமே இன்று நீங்கள் காணும் பதாகைக் கான அடிப்படை. பின்னர் 1982 வாக்கில் நண்பர்களின் உதவியுடன் தேசிய இளைஞர் சிவாஜி கணேசன் ரசிகர் மன்றம் மற்றும் பத்மஸ்ரீ சிவாஜி இளைஞர் முன்னணி என்ற பெயர்களில் அமைப்புகள் அமைத்து பணியாற்றியது, பின்னர் அதே ஆண்டில் சாந்தி திரையரங்கில் சுவற்றில் நடிகர் திலகத்தின் படங்களைப் பட்டியலிட்டு எழுதி அதை சந்திப்பு வெளியீட்டு நாளன்று திறந்து வைத்தது (அதுவே பின்னர் இதய வேந்தன் ரசிகர் மன்றம் சார்பாக கல்வெட்டாகப் பதிக்கப் பட்டதற்கான அடிப்படையாக அமைந்தது).
இவையாவும் வாழ்க்கையில் மறக்க முடியாதவையாகும்.
மேலும் சிறு வயதாக இருந்த போது கர்ணன் ரிலீஸ் அன்றைக்கு நோட்டீஸ் கொடுத்த ரசிகர் மன்றங்களிடம் கொஞ்சம் வாங்கி மற்றவர்களுக்கு விநியோகம் செய்ததும் பசுமையாக நினைவுள்ளது. மேலும் திருவிளையாடல் மூதாட்டியுடன் ரசிகர்கள் பேசும்போது உடனிருந்து கேட்டது, இப்படி பல நினைவுகள்.
நன்றி.
அடுத்த சந்தர்ப்பத்தில் மேலும் நினைவுகள் தொடரலாம்... எச்சரிக்கை...

ராகவேந்திரன்

Quote:

---

Originally Posted by saradhaa_sn

டியர் ராகவேந்தர் சார்,

சென்னை சாந்தி திரையரங்கின் பொன்விழாவையொட்டி, நீங்கள் அமைத்திருக்கும் பதாகை (பானர்) மிக அருமை. அதை வெறுமனே பானர் என்று சொல்வதை விட 'சாந்தி தகவல் களஞ்சியம்' என்று சொல்லலாம். அதன் ஒவ்வொரு அங்குலத்திலும் உங்களது ஆர்வமும் உழைப்பும் தெரிகிறது. இங்கு கணிணியில் அளவில் சிறியதாகத் தோன்றியபோதிலும் அது எவ்வளவு தகவல்களை உள்ளடக்கியுள்ளது என்பதை ஊகிக்க முடிகிறது. (அதில் இடம் பெற்றுள்ள செய்தித்தாள் விளம்பரங்களில் பல, நம்முடைய இணையதளத்தில் கூட இடம்பெறவில்லை என்று நினைக்கிறேன். கூர்ந்து பார்க்கும்போது தெரிகிறது).

வலது பக்கம் இடம் பெற்றுள்ள புதுப்பிக்கப்பட்ட 'சாந்தியை' விட, இடது பக்கம் இடம் பெற்றிருக்கும் 'பழைய சாந்தி'யே நம் மனதுக்கு அதிகம் சாந்தியளிக்கிறது. முன்பு 'உத்தமன்' படம் திரையிடப்பட்டிருந்தபோது, முதல்நாளன்று கொடிகள் தோரணங்கள், இமாலய கட்-அவுட் இவற்றுடன் என் தந்தையால் எடுக்கப்பட்ட வண்ணப்புகைப்படம் இன்றும் என் வீட்டுக் கூடத்தை அலங்கரித்துக்கொண்டிருக்கிறது. (எனக்கென்னவோ புதுப்பிக்கப்பட்ட சாந்தி, நம்மை விட்டு விலகிப்போய்விட்டது போன்றதொரு உணர்வு. திரையில் நடிகர்திலகத்தின் தரிசனம் தோன்றாதது காரணமோ?).

உங்களது அபாரமான இந்த பேனரைப்பார்த்து 'மாப்பிள்ளை' (திரு.வேணுகோபால்) அவர்களும் மற்ற ஊழியர்களும் என்ன சொன்னார்கள்?. முதல் வகுப்புக்கு டிக்கட் வழங்கும் (பிரபல நடிகர்) 'சாந்தி குமார்' இப்போதும் அங்கே இருக்கிறாரா?. அல்லது ஓய்வெடுத்து விட்டாரா?. உங்களது இந்த அபார உழைப்புக்கு, 'சாந்தி பொன்விழா'வின்போது நிர்வாகத்தினரால் நீங்கள் சிறந்த முறையில் கௌரவிக்கப்பட வேண்டும். இது சாந்தி நிர்வாகத்தினருக்கு நான் வைக்கும் வேண்டுகோள்.

பெருந்தலைவர் அவர்கள் திறந்து வைத்த பழைய கல்வெட்டு, பல உண்மைகளை பறைசாற்றுகிறது. அதாவது 'காங்கிரஸ் ஆட்சிக்காலத்தில் 'மந்திரி' என்ற சொல்தான் பயன்படுத்தப்பட்டது. கழக ஆட்சி வந்த பிறகுதான் 'அமைச்சர்' என்ற சொல வழக்கில் வந்தது' என்ற ஒரு தவறான பிரச்சாரத்தை முறியடிக்கும் விதமாக, 1961-ல் அமைக்கப்பட்ட திறப்புவிழா கல்வெட்டில் முதலமைச்சர், நிதியமைச்சர் என்று இடம்பெற்றுள்ளன. அதுபோலவே 'சென்னை மாகாண' என்றில்லாமல் 'தமிழக' என்றும் குறிப்பிடப்பட்டுள்ளது. அவ்வகையில் சாந்தி திறப்பு விழா கல்வெட்டு, சரித்திரத்தைப் பறைசாற்றும் கல்வெட்டாகவும் திகழ்கிறது. சென்னையிலுள்ள மக்கள், அதிலும் குறிப்பிட்ட ஏரியாவிலுள்ள மக்கள், அதிலும் சாந்த்யில் முதல் வகுப்பு டிக்கட்டில் படம் பார்த்த மக்கள் மட்டுமே கண்டு வந்த அந்த கல்வெட்டை, இன்று தமிழ் கூறும் நல்லுலகின் பார்வைக்கு அளித்த நீங்கள் வாழ்க.

நடிகர்திலகத்தின் புகழ் பரப்பும் ஒரே காரணத்துக்காகவே ஆண்டவன் உங்களை நூறு ஆண்டுகளுக்கு மேல் வாழ வைக்கட்டும். (அப்போதும்கூட, கையில் கைத்தடி ஊன்றிக்கொண்டு சாந்தி வளாகத்தில்தான் சுற்றிக்கொண்டிருப்பீர்கள்).

---

சாரதா,

சாந்தி திரை அரங்கைப் பற்றிய உங்களின் மலரும் நினைவுகள் நெகிழ்ச்சியாக இருந்தது. அதற்கு பதிலளித்த ராகவேந்தர் சாரின் பதிவும் அப்படியே. அனைத்து ஊர்களிலும் நமது ரசிகர்கள் படங்களோடு மட்டுமல்ல அவை வெளியான அரங்குகளோடும் மனதளவில் ஒன்றுவது என்பதை நான் பார்த்திருக்கிறேன்.

என்னை பொறுத்தவரை வசந்த மாளிகையை நினைக்கும் போதெல்லாம் எனக்கு நியூசினிமாவும் நினைவுக்கு வரும். சிவந்த மண்ணை யோசிக்கும் போது சென்ட்ரலும் படத்திற்கு வந்த கூட்டமும் ஞாபகம் வரும். நடிகர் திலகத்தோடு சம்பந்தப்படாத அரங்குகளின் மேலேயே அவ்வளவு கனிவு வரும்போது நடிகர் திலகத்தின் சொந்த திரையரங்கின் மேல் அதுவும் அங்கே படங்களின் வெளியீடுகளை பார்த்த உங்களுக்கு இருக்கும் அந்த பிடிப்பு புரிந்துக் கொள்ளக் கூடியதே. பதிவுகள் தொடரட்டும்!

அன்புடன்

ஜோரான லிங்க்கை வழங்கிய ஜோ அவர்களுக்கு நன்றி! அக்குழந்தை நீடூழி வாழ்க!

செந்தில் சார், நன்றி! பட மறுவெளியீடுகளை தகவல் கிடைத்தவுடன் பதிவு செய்ய வேண்டியது எனது கடமை.

ரங்கன் சார், தங்களின் தங்கப்பதக்க தியேட்டர் அனுபவப் பதிவுகள் மிக மிகப் பிரமாதம். அதில் ஒரு மினி சிவாஜி இலக்கியமே படைத்திருக்கிறீர்கள். பாராட்டுக்கள்!

அன்புடன்,
பம்மலார்.

டியர் ராகவேந்திரன் சார்,

தங்களின் தொடர் பாராட்டுக்களுக்கு இதயபூர்வமான நன்றிகள்!

கடலை கமண்டலத்துக்குள் அடக்கியிருக்கிறீர்கள்! ஆம்!

சாந்தி என்னும் கடலை, பதாகை(பேனர்) என்னும் கமண்டலத்துக்குள் கொண்டு வந்திருக்கிறீர்கள். இந்த வகையில் தாங்கள் ஒரு அகத்தியர். அகத்தியருக்கான கீர்த்தி தங்களுக்குள் இருப்பதனால் தான், இத்தகைய சாதனைகளை நிகழ்த்த முடிகிறது. அப்பப்பா......!!! ஒரு பேனருக்குள் எத்தனைப் பொக்கிஷங்கள். சகோதரி சாரதா கூறியது போல், இது சாதாரண பேனர் அல்ல, சாந்தியைப் பற்றிய தகவல் களஞ்சியமே. சகோதரி முன்மொழிந்ததையே நானும் வழிமொழிகிறேன். சாந்தி பொன்விழாவில், தாங்கள் இதற்காகவும், தங்களது இணையதளத் தொண்டுக்காகவும், இன்னும் பற்பல சேவைகளுக்காகவும், நிச்சயம் கெளரவிக்கப்பட வேண்டும்.

சிவபெருமானுக்கு 63 நாயன்மார்கள். அவர்களைப் பட்டியலிடும் போது, முதல்வராக வருபவர் அப்பர்.

சிவாஜி பெருமானுக்கு பல கோடி பக்த கோடிகள்(நாயன்மார்கள்). அவர்களில், அப்பராகத் திகழ்பவர், ரசிக முதல்வராகிய தாங்களே! இக்கூற்று மிகையல்ல, நிதர்சனமான உண்மை.

சாந்தி திரையரங்கின் நூற்றாண்டு விழாக் கொண்டாட்டங்களிலும், தாங்கள் இதே போன்று தூள் கிளப்பிக் கொண்டு தான் இருக்கப் போகிறீர்கள்! தங்களுக்கு எல்லாம் வல்ல இறைவனும், நமது இதயதெய்வமும் இதே போன்று நல்ல ஆரோக்கியத்தையும், தீர்க்க ஆயுளையும் நிச்சயம் கொடுப்பார்கள்.

வருகின்ற 2010 ஏப்ரலில், நான்காம் ஆண்டில் அடியெடுத்து வைக்கப் போகும் தங்களின் நடிகர் திலகம்.காம் இணையதளம் மென்மேலும் செழித்தோங்க எமது அட்வான்ஸ் வாழ்த்துக்கள்!

பாசப் பெருக்கில்,
பம்மலார்.

டியர் பம்மலார்,
தங்களுடைய கருத்துக்கள் மிகவும் உணர்வுபூர்வமாக உள்ளன, உள்ளத்தைத் தொட்டு ஊடுருவி உள்ள சப்பணமிட்டு அமர்ந்து கொலு வீச்சுகின்றன. அதற்கெல்லாம் எந்த அளவிற்கு தகுதியுற்றிருக்கிறேன் என்பது தெரியவில்லை. ஆனால் ஒன்று மட்டும் உறுதி. நடிகர் திலகம் என்ற ஜீவன் நம் அனைவருக்குள்ளும் சுற்றிச் சுற்றி வந்து கொண்டே இருக்கிறது, இருக்கும்.
பார்ப்பதற்கு சற்று கடினமான நிலையில் வைக்கப் பட்டிருந்த பதாகை தற்பொழுது மிகவும் சரியான இடத்தில் சரியான நிலையில் வைக்கப் பட்டுள்ளது. இதற்காக நாம் சாந்தி திரையரங்க நிர்வாகத்திற்கு, குறிப்பாக வேணுகோபால் சார் அவர்களுக்கு நம்முடைய நெஞ்சார்ந்த நன்றியைத் தெரிவி்த்துக் கொள்கிறேன். சாந்தியில் நுழையும் போதே இப் பதாகைதான் வரவேற்கும். அந்த அளவிற்கு பார்வையாக வைக்கப் பட்டுள்ளது.

வரும் ஏப்ரல் 14ம் நாளன்று நம்முடைய நடிகர் திலகம் இணைய தளம் நான்காம் ஆண்டில் அடி எடுத்து வைக்கிறது. இதையொட்டி வாழ்த்துரைத்துள்ள பம்மலார் அவர்களுக்கு இதயபூர்வமான நன்றிகள். தங்களனைவரின் நல்லாதரவோடும் நடிகர் திலகத்தின் நல்லாசியோடும் மேலும் பல ஆண்டுகள் காணும் என்கின்ற நம்பிக்கையோடு பணி தொடரும்.

நன்றி

ராகவேந்திரன்

சென்னை ஸ்டாரில் பகல் காட்சியாக தங்கப்பதக்கம் - வசூல் விவரம் (சற்றேறக்குறைய)

8.3.2010 (திங்கள்) = ரூ. 1,200/- (ரூபாய் ஓராயிரத்து இருநூறு)

9.3.2010 (செவ்வாய்) = ரூ. 1,500/- (ரூபாய் ஓராயிரத்து ஐநூறு)

10.3.2010 (புதன்) = ரூ. 1,400/- (ரூபாய் ஓராயிரத்து நானூறு)

அன்புடன்,
பம்மலார்.

Quote:

---

Originally Posted by saradhaa_sn

பெருந்தலைவர் அவர்கள் திறந்து வைத்த பழைய கல்வெட்டு, பல உண்மைகளை பறைசாற்றுகிறது. அதாவது 'காங்கிரஸ் ஆட்சிக்காலத்தில் 'மந்திரி' என்ற சொல்தான் பயன்படுத்தப்பட்டது. கழக ஆட்சி வந்த பிறகுதான் 'அமைச்சர்' என்ற சொல வழக்கில் வந்தது' என்ற ஒரு தவறான பிரச்சாரத்தை முறியடிக்கும் விதமாக, 1961-ல் அமைக்கப்பட்ட திறப்புவிழா கல்வெட்டில் முதலமைச்சர், நிதியமைச்சர் என்று இடம்பெற்றுள்ளன. அதுபோலவே 'சென்னை மாகாண' என்றில்லாமல் 'தமிழக' என்றும் குறிப்பிடப்பட்டுள்ளது. அவ்வகையில் சாந்தி திறப்பு விழா கல்வெட்டு, சரித்திரத்தைப் பறைசாற்றும் கல்வெட்டாகவும் திகழ்கிறது.

---

சகோதரி சாரதா,

தங்களின் இந்த பஞ்ச் வரிகள் நெத்தியடி.

அன்புடன்,
பம்மலார்.

Please click the following link to have a fine view of the posters of Thangappadhakkam which was screened at Chennai Star Theatre as a noon show from 5.3.2010 to 11.3.2010. These pictures were taken by me on Wednesday, 10th March at 6:55 PM.

http://pammalar.webs.com/apps/photos...lbumid=8428409

Mr. Nov, I kindly request you to upload any one picture out of the three to our thread.

Happy Viewing,
Pammalar.

தங்கத்தமிழ்ப் பெருமகனின் வெள்ளித்திரைத் திருவிழா

சென்னை பெரம்பூர் மஹாலட்சுமி திரையரங்கில் செவாலியே சிவாஜி வாரம்:
(7 நாட்கள் - 7 திரைக்காவியங்கள் - தினசரி 3 காட்சிகள்)

அட்டவணை இதோ உங்கள் பார்வைக்கு:

26.3.2010 (வெள்ளி) - மன்னவன் வந்தானடி

27.3.2010 (சனி) - கெளரவம்

28.3.2010 (ஞாயிறு) - எங்கள் தங்க ராஜா

29.3.2010 (திங்கள்) - திருவருட்செல்வர் (பங்குனி உத்திரத்தை முன்னிட்டு)

30.3.2010 (செவ்வாய்) - பாரத விலாஸ்

31.3.2010 (புதன்) - ராஜபார்ட் ரங்கதுரை

1.4.2010 (வியாழன்) - சொர்க்கம்

6 நாள் காவியங்களையும் கண்டு களித்த பிறகு, 7-ம் நாள் பூலோகத்தில் சொர்க்கம்!

பெரம்பூர் மஹாலட்சுமிக்கு வருகை புரிந்து, கலையுலக மகானை தரிசித்து, அருளாசி மலர்களைப் பெற்று, வாழ்வில் வளங்களைக் கூட்டுங்கள்!!

சிவாஜி வாரம் திரையிடும் ரசிக, பக்த நல்லிதயங்களின் முயற்சிகள் இமாலய வெற்றி அடைய வளமான வாழ்த்துக்கள்!!!

அன்புடன்,
பம்மலார்.