Nadigar Thilagam Sivaji Ganesan - Part 7

Thanks Satish. Both the films OVU and IM were received well. IM had the full support of the families and Ladies simply thronged the theatres. OVU as I said earlier was a rollicking entertainer. The re-releases of OVU were like festivals. In 1981 January at Chinthamani, there was a gap of 5 weeks between Polladhavan and Ram Lakshman. Sethu films was the distributor for both and they used this interim for OVU which ran for 2 weeks and Raja that ran for 3 weeks. Still remember the crowd and response. IM compared to OVU had not had that much of re-releases but whenever it was screened, it did well.

During the first release in 1967, OVU was released in Central and IM was in New Cinema.

Shiv,

Yes, Sarithra Nayagan was produced by Ramakrishna Studios of NTR and it was a remake of one NTR movie. Don't remember the song though. May be Raghavender sir will help.

Regards

தளத்தின் நெறியாளரும், நடிகர்திலகத்தின் தீவிர ரசிகருமான நண்பர் NOV அவர்களுக்கும்....

சிவாஜி சமூக நலப்பேரவையின் மூலம் நடிகர்திலகத்தின் புகழ் பரப்பி வரும் அருமை நண்பர் சந்திரசேகரன் அவர்களுக்கும்....

தாமதித்த பிறந்தநாள் நல்வாழ்த்துக்கள். வாழ்வின் எல்லா நலன் களையும், வளங்களையும் பெற்று இன்புற இந்த சகோதரியின் நெஞ்சார்ந்த வாழ்த்துக்கள்.
-----------------------------------

தளத்துக்கு புதிய வரவாக மட்டுமல்ல, தகவல் பெட்டகமாகவும் வருகை தந்திருக்கும் "ஜவகர்" அவர்களை வரவேற்பதில் மிக்க மகிழ்ச்சி அடைகிறேன்.
---------------------------------

ஜவகர் & ஷிவராம்....

நடிகர்திலகத்தின் கனவு இயக்கமாக மலர்ந்த 'தமிழக முன்னேற்ற முன்னணி' பற்றிய அரிய பல தகவல்களை மிக நேர்த்தியாக பதிந்துள்ளீர்கள். மிக்க நன்றி. நடிகர்திலகத்தின் அரசியல் சக்தியை அறியாத பலரது விழிகளைத்திறக்கும் விதமாக சுவையான விவரங்களைத் தந்துள்ளீர்கள். படித்துக்கொண்டிருக்கும்போதே, அது(TMM)பற்றி நான் அறிந்திருந்த விவரங்களையும் விலாவரியாகப் பதிக்கலாம் என்றெண்ணிப் படித்துக்கொண்டிருக்கும்போது, அடுத்த சில பதிவுகளில் 'இங்கே அரசியல் வேண்டாம். வேறு தனியான திரியில் வைத்துக்கொள்ளலாம்' என்ற முரளியண்ணாவின் வேண்டுகோள் சரியாகப்படவே, அதற்கென தனியாக ஒரு திரி துவங்கப்படும் என்று ஆவலுடன் எதிர் நோக்குகிறேன்.

சகோதரர் ராகவேந்தர் சொல்வது முழுக்க முழுக்க சரியானதே. வேறு யாரையும் உயர்த்திவிடும் ஏணியாக இன்னமும் நடிகர்திலகத்தின் ரசிகர்படையின் சக்தி வீணடிக்கப்பட வேண்டியதில்லை. நம்மை அரசியலில் வழிநடத்த ஒரு தலைமை உண்டென்றால் அது நம் 'இளைய திலகம் பிரபு'வாக மட்டுமே இருக்க வேண்டும். காரணம் அது நம்மை விட்டு என்றென்றும் நீங்காத தலைமை. அந்நாள் மிக விரைவில் வர பிரார்த்திப்போம்.

டியர் முரளி,

இத்தளத்தில் ஒவ்வொருமுறையும், 'ஊட்டி வரை உறவு' படம் பற்றிய விவாதம் வரும்போதெல்லாம் தவறாமல் 'இரு மலர்கள்' படம் பற்றியும் நினைவு கூர்வீர்கள். இம்முறையும் தவறவில்லை. நன்றி. ஒரே நாளில் வெளியாகி ஒரே நாளில் 100 நாட்களைக்கண்ட பட வரிசையை முதலில் துவக்கி வைத்த படங்கள் அவை. நீங்கள் சொன்னது போல ஊட்டிவரை உறவு மறு வெளியீடுகளில் கலக்கிய அளவுக்கு, இருமலர்கள் அவ்வளவாகத் திரையிடப்படவில்லை. தவிர, முதல் வெளியீட்டில் தொன்னூறு சதவீதம் பெண்களின் ஆதரவுடன் வெற்றியடைந்த படம் அது. இரண்டுக்குமே மெல்லிசை மன்னரின் பங்கு மகத்தானது.

hi every body

Murali please write on Avanthanmanithan

சாரதா,

மறுபடியும் இடைவெளி விட்டு விட்டீர்கள். சரி, இனி தொடருங்கள். நீங்கள் குறிப்பிட்டது மிகவும் சரியே. ஊட்டி வரை உறவு பற்றி பேசும் போதெல்லாம் நான் இரு மலர்கள் பற்றி குறிப்பிடுவது வழக்கம்தான். காரணம் ஊ.வ. உறவு பற்றி பேசுவதற்கு நிறைய பேர் முன் வருவார்கள். ஆனால் இரு மலர்கள் பற்றி பேசும் ஆட்கள் குறைவு. ஆகவேதான் அந்த படத்தின் பெருமைகளைப் பற்றி எப்போதும் குறிப்பிடுவது வழக்கம். மேலும் ஏ.சி.டி. அன்று வெளிப்படுத்திய தைரியம், அது பாராட்டத்தக்கது. அவரை நேரில் பார்க்கும் வாய்ப்பு கிடைத்த போது இதை அவரிடமே சொல்லி பாராட்டினேன்.

ராகவேந்தர் சார் தனிப்பட்ட முறையில் கோவை சென்றிருக்கிறார். ஆகவே அவராலும் பதிவுகள் செய்ய இயலவில்லை. அங்கிருந்து ஒரு சிவாஜி செய்தி அனுப்பியிருக்கிறார். கோவை டிலைட் திரையரங்கில்
காவிய நாயகனின் கலைக் காவியம் வசந்த மாளிகை ரெகுலர் காட்சிகளாய் வெற்றிகரமாக ஓடிக் கொண்டிக்கும் செய்திதான் அது.

குமார்,

அவன்தான் மனிதன் பற்றி நிச்சயமாக எழுதுவோம். [அதுவும் ஏ.சி.டி. படம்தான்].

அன்புடன்

டியர் முரளி சார்,

தங்களுக்கு எனது மனமார்ந்த நன்றிகள்!

டியர் பாலா சார்,

அட்வான்ஸ் வாழ்த்துக்களை அள்ளி வழங்கிய உங்களுக்கு எனது ஆத்மார்த்தமான நன்றிகள்!

அன்புடன்,
பம்மலார்.

Quote:

---

Originally Posted by Murali Srinivas

ராகவேந்தர் சார் தனிப்பட்ட முறையில் கோவை சென்றிருக்கிறார். ஆகவே அவராலும் பதிவுகள் செய்ய இயலவில்லை. அங்கிருந்து ஒரு சிவாஜி செய்தி அனுப்பியிருக்கிறார். கோவை டிலைட் திரையரங்கில் காவிய நாயகனின் கலைக் காவியம் வசந்த மாளிகை ரெகுலர் காட்சிகளாய் வெற்றிகரமாக ஓடிக் கொண்டிக்கும் செய்திதான் அது.

அன்புடன்

---

ராகவேந்திரன் சார் தெரிவித்ததாக முரளி சார் வெளியிட்ட தகவலுக்கு நன்றி! கோவை டிலைட் திரையரங்கில், நேற்று 4.9.2010 சனிக்கிழமை முதல், தினசரி 3 காட்சிகளாக, வான்புகழ் கொண்ட "வசந்த மாளிகை" காதல் காவியம் திரையிடப்பட்டு வெற்றி முழக்கமிட்டு வருகின்றது.

அன்புடன்,
பம்மலார்.

கோவை டிலைட் திரையரங்கில், 4.9.2010 சனிக்கிழமை முதல், தினசரி 3 காட்சிகளாக, வாழ்வியல் திலகத்தின் காலத்தை வென்ற காவியமான "வசந்த மாளிகை" வெளியாகி வெற்றி வாகை சூடி வருகின்றது. அரங்கில், கலையுலக சக்கரவர்த்திக்கு பேனர்கள் வைக்கப்பட்டு அலங்காரங்கள் செய்யப்பட்டுள்ளன. இன்று 5.9.2010 ஞாயிறு மாலைக் காட்சிக்கு, நமது நல்லிதயங்களின் ஆரவாரங்களினால், அந்தப் பகுதியே களை கட்ட உள்ளது.

இதே டிலைட் திரையரங்கில், இதயதெய்வத்தின் 83வது ஜெயந்தியை முன்னிட்டு, வருகின்ற 1.10.2010 வெள்ளி முதல், புதுமை வேந்தரின் "புதிய பறவை" வெளியாக உள்ளது.

இந்த இனிக்கும் தகவல்களை வழங்கிய ரசிக நல்லிதயம் திரு.வெள்ளியங்கிரி அவர்களுக்கு உளப்பூர்வமான நன்றிகள்!

அன்புடன்,
பம்மலார்.

கேள்வி பிறந்தது! நல்ல பதில் கிடைத்தது! - 114

கே: நடிகர் திலகத்திற்கு ஏற்ற ஜோடி என்று யாரைக் குறிப்பிடலாம்? (எம்.ஏ.சாம்சன், விஜயவாடா)

ப: பூவுடன் சேர்ந்த நாரும் மணம் பெறும் என்பார்கள். சிவாஜி தான் பூ. அதிகப் படங்களிலும், வெற்றிப் படங்களிலும் ஈடு கொடுத்திருப்பவர்கள் பத்மினி, சாவித்திரி.

(ஆதாரம் : பேசும் படம், ஜனவரி 1970)

அன்புடன்,
பம்மலார்.

வெகு நாட்களுக்குப் பிறகு உத்தமப் புத்திரன் பெரிய திரையில். என்னால் போக முடியாத சூழல். ஆனால் ராகவேந்தர் சார் ஊரில் இல்லை. சுவாமியாலும் வர முடியாது என்ற நிலையில் நான் மட்டும் தனியே போனேன்.

அந்த பகுதியில் மாலை 5.45 வரை மழையாம். அது நின்றவுடன் சர சரவென்று மக்கள் குழும, போஸ்டருக்கு மாலை மரியாதைகள் செய்யப்பட, அகல் விளக்குகள் சுவரின் மேல் வைக்கப்பட, இரு புறமும் வாகனங்கள் நிறுத்தப்பட, 1000 வாலா சரம் பட படவென்று வெடித்து சிதற, சூட தீபாராதனைகள் காட்டப்பட தேங்காய் உடைக்கப்பட அனைத்து சடங்குகளும் குறைவின்றி நடந்தேறியது.

திரையரங்கினில் இரண்டு நேர்மறையான அனுபவங்கள். இந்த ஆறு மாதக் காலத்தில் நான் தியேட்டரில் பார்த்த நடிகர் திலகத்தின் படங்களெல்லாம் மிகுந்த ஆரவாரத்துடன் ரசிக்கப்பட்டன. கண்களை குளமாக்கும் பாசமலர் உட்பட அனைத்துப் படங்களும் அப்படியே அமைந்தன. ஆனால் இன்று பாடல்களுக்கு மட்டுமே ஆரவாரம். அது வழக்கம் போல லிமிட்டை தாண்டியே இருந்தது. அதற்கு நேர்மாறாக மற்ற அனைத்துக் காட்சிகளும் [கைதட்டல்கள் ஆரவாரங்கள் இருந்தும் கூட] பார்வையாளர்களுக்கு எந்த தொந்தரவும் இல்லாமல் ரசிக்கப்பட்டது.

ஆளப் பிறந்த என் கண்மணியே பாடலில் வரும் ஏழையாக வாழ்ந்தாலும் கவலையில்லை ஒரு கோழையாக மட்டும் வாழாதே என்ற வரிகளுக்கு பலத்த கைதட்டலை வெளிப்படுத்தி, உள்ளோம் அய்யா என்று ரசிகர்கள் தங்கள் வருகையை பதிவு செய்தனர்.

பார்த்திபன் அறிமுக காட்சிக்கு கைதட்டல்கள் என்றால் விக்கிரமனை கண்டவுடன் பூமாரி பொழிய ஆரத்தி. யாரடி நீ மோகினி பாடலில் அந்த நடை, டான்ஸ், அந்த ஸ்டைல், ஹ என்று சொல்லும் விதம், ஒரே ரகளை. பாட்டு முடியும் போது வரும் கைதட்டலோடு கூடிய டான்ஸ், இங்கே கைதட்டிக் கொண்டு ஆடிவிட்டார்கள்.

அடுத்து அதிகம் ரசிக்கப்பட்ட காட்சி விக்கிரமனுக்கு முடிசூட்டு விழா! அதில் அரசவைக்கு நடந்து வரும் ஸ்டைல் அங்கே பேசும் ஸ்டைல், தான் சொல்வதை கேட்டுவிட்டு பேசாமல் நிற்கும் அரசவை பிரதானிகளைப் பார்த்து சரிதானே என்று உறுமுவது போன்றவைக்கு நல்ல வரவேற்பு.

பாடல்களிலேயே அமைதியாக ரசிக்கப்பட்டது மண்ணுலகெல்லாம் பொன்னுலகாக மாறிடும் வேளை பாடல் மட்டும்தான். பிறகு வந்த முல்லை மலர் மேலே பாடலுக்கு அதுவும் குறிப்பாக நடிகர் திலகத்தின் க்ளோஸ்-அப் காட்சிகளுக்கு செம ஆரவாரம் [திரையுலக பிரபல ஒளிப்பதிவாளர்கள் எல்லோரும் குறிப்பிடும் " காமிராவின் எந்த கோணத்திலிருந்து பார்த்தாலும் அழகாக தெரியக் கூடிய ஒரே நடிகர் நடிகர் திலகம் மட்டுமே" என்ற வரிகள்தான் நினைவிற்கு வந்தன].

அடுத்து விக்கிரமன் பத்மினியை சந்திக்கும் காட்சி. அதற்கும், அடுத்த சில நிமிடங்களில் வரும் காத்திருப்பான் கமலக் கண்ணன் பாடலுக்கும் பெரிய வரவேற்பு. அதிலும் அந்த பாட்டில் சிம்மாசனத்தில் அமர்ந்திருக்கும் போஸ் - அலப்பறை. அதே பாடலில் பார்த்திபன் அமர்ந்திருக்கும் விதம், இப்படி வித்தியாசம் காட்ட நடிகர் திலகத்தை விட்டால் வேறு யார் இருகிறார்கள். [அந்த பாடலில் குழலூதும் கிருஷ்ணனாக ராகினியும், கோபிகையாக பத்மினியும் அவ்வளவு அழகு]

எப்படி மாமா இவ்வளவு அரிய யோசனைகள் உங்கள் மூளையில் தோன்றுகிறது என்று விக்கிரமன் கேட்க அனுபவம் என்று நம்பியார் சொல்ல திரையை பார்த்து கண்ணடித்தபடியே இருக்கும் இருக்கும் என்று சொல்லும் விக்கிரமன் - பெரிதும் ரசிக்கப்பட்ட காட்சிகளில் ஒன்று.

அதே போல் வரவேற்பைப் பெற்ற காட்சி, அந்தப்புரத்தில் அமுதவல்லியை சந்தித்துவிட்டு மாட்டிக் கொள்ளும் பார்த்திபனை, விக்கிரமன் என நினைத்து உரையாடும் கண்ணாம்பா, அப்போது அங்கே வரும் விக்கிரமன், அரியாசனத்தில் அமர்ந்திருக்கும் பார்த்திபனை சுற்றி வரும் விக்கிரமன், இருவருக்கும் இடையே நடக்கும் சண்டை, என்ற இந்தக் காட்சியை கூறலாம்.

இங்கும் சரி, தறி கெட்டு ஓடும் ரதத்தை பிடித்து நிறுத்துவதற்காக குதிரையில் பாய்ந்து வரும் பார்த்திபன் இங்கெல்லாம் வின்சென்ட் மாஸ்டரின் காமிரா எத்துனை அழகாக அதை படம் பிடித்திருக்கிறது.

இடைவேளை விட, வழக்கம் போல் கிளம்ப வேண்டிய சூழல். கிளம்ப மனமில்லாமல் கிளம்பி வந்தேன். பார்த்தவரை பரம திருப்தி.

அன்புடன்

தியேட்டரில் கிடைத்த போனஸ் செய்தி - செவ்வாய் முதல் வியாழன் வரை [செப் 7 முதல் 9 வரை] சென்னை- ஸ்டார் திரையரங்கில் நமது அபிமான படங்களில் ஒன்றான ஆண்டவன் கட்டளை தினசரி 3 காட்சிகளாக திரையிடப்படுகிறது. நேற்று சனிக்கிழமையன்று இப்போது ஓடிக் கொண்டிருக்கும் அங்காடித் தெரு படத்தின் இடைவேளையின் போது ஆறு மனமே ஆறு பாடல் திரையிடப்பட பெரிய ஆரவாரத்துடன் வரவேற்பாம்.

தெய்வ மகன் வெளியான நாளான இன்று [05.09.1969] உத்தமப் புத்திரனையும் ஆண்டவன் கட்டளையையும் காணவும் நினைக்கவும் கிடைத்த வாய்ப்பிற்கு நன்றி.