KOLANGAL - unkal paakam

அறையில் தனியாக இருக்கும்போது, பாஸ்கர், அபியைப்பற்றி சொல்லும் விஷயங்களைக்கேட்டு அவன் முழுசாக திரும்பி (திருந்தி..?) விட்டான் என்றே சங்கீதா நினைக்கிறாள். (நமக்கும் கூட அப்படி ஒரு எண்ணம் வரத்தோன்றுகிறது). அபியைப்பார்க்க தன்னை அழைத்துப்போகும்படி சொல்ல பாஸ்கரும் அதற்கு சம்மதிக்கிறான்.

உஷாவின் பத்திரிகை பேட்டியைப் படித்து மனம் உடைந்துபோன ஆதி 'பாரில்' நேரம் போவது தெரியாமல் மதுவருந்திக்கொண்டு இருக்கிறான். அதிலும் உஷா கொடுத்ததாக சொல்லப்பட்ட அந்த பேட்டி அவனை ரொம்பவே அப்ஸெட் ஆக்கிவிட்டது. "அந்த ஆதி பெண்களைப்பற்றிய உணர்வோ உணர்ச்சியோ இல்லாதவர்" என்று பேப்பரில் போட்டிருந்ததை ரேகா அவனிடம் படித்துச்சொல்லும்போது... 'என்ன சொல்லியிருக்கா பாத்தீங்களா?. உணர்வு இல்லாதவர்னா நீங்க ஒரு மேல் ஷாவனிஸ்ட்னு அர்த்தம். உணர்ச்சியில்லாதவர்னா... (சென்ஸார்ட்) அர்த்தம்". என்று ரேகா சொன்ன குதர்க்கமான விளக்கத்தை (நிச்சயமாக கணவனின் அண்ணனுடன் பேசும் விளக்கம் அல்ல) நினைக்க நினைக்க அவனுக்கு உஷாவின் மேல் கோபமும், ஆத்திரமும் தலைக்கேறியது.

இருட்டில் மதுவருந்திக்கொண்டிருக்கும் ஆதியைக் காணவரும் கிரி, அவன் ஓவராக குடித்திருப்பதை அறிந்து பதறிப்போய், "பாஸ் இன்னைக்கு ரொம்ப ஓவரா குடிச்சிட்டீங்க, போதும் பாஸ் வாங்க வீட்டுக்குப் போகலாம்" என்று அழைக்க அவன் மீதும் எரிந்து விழுகிறான்.

"ஏய் கிரி, அந்த உஷா என்ன சொல்லியிருக்கா பார்த்தியா?. அவளை என்னால் ஒண்ணும் பண்ண முடியலையேடா. சாதாரண குடும்பத்தில் பிறந்த மிகச்சாதாரணமான அவளுக்கு பத்திரிகைக்காரங்க பேட்டி எடுக்கும் அளவுக்கு அந்தஸ்து எப்படி யாரால் வந்தது?. இந்த ஆதிங்கற தொழிலதிபரின் மனைவி என்பதால்தானே. என்ன திமிரா பேசியிருக்கா பார்த்தியா?. கூட அந்த தொல்காப்பியனும் வேற இருக்கான்னு சொல்றே".

"ஆமா பாஸ், அவங்களை என்ன பண்ணனும்னு சொல்லுங்க. நான் செஞ்சு முடிச்சிடுறேன்".

"இபோ இல்லே கிரி, இப்போ வேண்டாம். நான் எப்போ சொல்றேனோ அப்போ செஞ்சா போதும்". மீண்டும் மயக்கத்தில் ஆழ்ந்துபோகிறான்...

அபியின் அலுவகத்துக்கு வரும் டாக்டர் மகேஷ், மீண்டும் திருமணம் பற்றிப் பேச்சையெடுக்க அவள் பிடிகொடுக்காமல் பேசுகிறாள்...

"இதோ பாருங்க மகேஷ். என்னுடைய வாழ்க்கையில் திருமணம்ங்கிறது ஒரு தடவை வந்து போயிடுச்சு. மறுபடியும் அதைப்பற்றி நான் நினைக்கவேயில்லை. பெண்களுக்கு திருமணம் அவசியம்தான்னு ஏன் நினைக்கிறீண்க்க?"

"அபி பெண்களுக்கு மட்டுமில்ல, ஆண்களுக்கும் திருமணம் அவசியம்னு நினைக்கிறவன் நான்".

அப்போது பாஸ்கரும் சங்கீதாவும் உள்ளே நுழைகின்றனர்...

"ஸாரி அபி, ரொம்ப பெர்ஸனலா பேசிக்கிட்டு இருந்தீங்க போலிருக்கு. டிஸ்டர்ப் பண்ணிட்டோம்". (அதான் தெரிஞ்சே டிஸ்டர்ப் பண்ணியாச்சே, அதை சொல்லி வேறு காட்டணுமா?).

மகேஷ், பாஸ்கரை ஒரு மாதிரியாகப்பார்க்கிறான், 'முன்பு இந்த பாஸ்கர் அபி விஷயமா நம்மிடம் தகராறு பண்ணிய ஆள் இல்லே'.

"அப்படியெல்லாம் இல்லே சங்கீதா, சும்மாதான் பேசிக்கிட்டு இருந்தோம்".

"அபி, இப்போ பாஸ்கர் முன்ன மாதிரி இல்லே ரொம்ப திருந்திட்டார். என்னை ரொம்ப அன்பா பார்த்துக்கிறார். உன்மீதும் உன் வாழ்க்கை பற்றியும் ரொம்ப அக்கறையோடு பேசுகிறார்".

"ஆமா அபி, நான் உன்னை கடந்த காலத்தில் ரொம்பவே கஷ்ட்டப்படுத்திட்டேன். அதுக்காக ரொம்ப வருத்தப்படுறேன். நீயும் இன்னும் எத்தனை காலத்துக்குத்தான் இப்படியே மத்தவங்களுக்காக உன்னை வருத்திக்கிட்டு இருப்பே. கூடிய சீக்கிரமே (மகேஷைக் கைகாட்டி) இவரைக் கல்யாணம் பண்ணிக்கிட்டு சந்தோஷமா இரு அபி".

('வேலை செஞ்சு களைச்சுப்போய் இளைப்பாறுகிறீர்களா? எல்லோருக்கும் பாயாசம் கொண்டு வரச்சொல்லட்டுமா?' என்று கேட்கும் ராமதாஸைப்பார்த்து, 'என்னப்பா இது, பட்ட மரத்துல பால் வடியுது?'ன்னு நாகேஷ் கேட்பது ஞாபம் வருகிறதா?)

"ஸாரி மிஸ்ட்டர் மகேஷ், நான் கூட உங்க கிட்டே முன்பு அபி விஷயமா தகராறு பண்ணியிருக்கேன். அதெல்லாம் மனசுல வச்சிக்காதின்ங்க".

"நோ. நோ.. அதெல்லாம் இப்போ எதுக்கு?"

"சரி அபி நாங்க புறப்படுறோம், நீங்க உங்க பேச்சை கண்டினியூ பண்ணுங்க" இருவரும் போய்விட்டார்கள். ஆனால் அபி இன்னும் ஆச்சரியத்தில் இருந்து மீளவில்லை "பாஸ்கரா இப்படி?'.

"என்ன அபி, நம்ம கல்யாணத்தைப்பத்தி உங்களைத்தவிர எல்லோரும் ஏத்துக்கிட்டாங்க. உங்ககிட்டேயிருந்துதான் ஒண்ணும் வரக்காணோம்"

"என் கிட்டேயிருந்து என்ன வரணும் மகேஷ்?"

"'சம்மதம்'ங்கிற வார்த்தை வரணும், அதுக்காகத்தான் எல்லோரும் காத்திருக்கோம்".

"அது நாமாக வற்புறுத்தி வரவைக்க முடியாது, மனசில இருந்து தானாக வரவேண்டும்" என்று சிரித்துக்கொண்டே அறையைவிட்டு வெள்யே செல்ல, 'என்ன பெண் இவள்? புரியாத புதிராக இருக்காளே' என்ற குழப்பமான முகத்துடன் டாக்டர் மகேஷ்...

Quote:

---

Originally Posted by saradhaa_sn

அறையில் தனியாக இருக்கும்போது, பாஸ்கர், அபியைப்பற்றி சொல்லும் விஷயங்களைக்கேட்டு அவன் முழுசாக திரும்பி (திருந்தி..?) விட்டான்

---

:roll:

Quote:

---

Originally Posted by saradhaa_sn

(நிச்சயமாக கணவனின் அண்ணனுடன் பேசும் விளக்கம் அல்ல) நினைக்க நினைக்க அவனுக்கு உஷாவின் மேல் கோபமும், ஆத்திரமும் தலைக்கேறியது.

---

:lol: :rotfl:


:ty:

தொடர்ந்த ஊக்கப்படுத்தலுக்கு நன்றி ஆனா...

நேற்றைய எபிசோட் கொஞ்சம் டல்லடித்த மாதிரி ஒரு தோற்றம். முதல் பகுதியில், உஷாவின் அப்பாவுக்கு பெங்களூர் நண்பர் ஒருவரிடமிருந்து போன். தான் புதிதாக துவங்க இருக்கும் பிஸினஸுக்கு ஒரு இடம் தேவைப்படுவதாகவும், இவரது பெங்களூர் வீடு அதற்கு பொருத்தமாக இருக்குமென்று சொல்லி விலைக்கு கேட்க, இவர் மறுக்க, அட்லீஸ்ட் வாடகைக்காவது தரும்படி நண்பர் கேட்க யோசித்து சொல்வதாக சொல்கிறார்.

'யாருங்க போன்ல...?'

'என் ஃப்ரெண்ட்தான் (பெயர்கூட சொன்னாரே) பேசுறான். அவனுடைய புது பிஸினஸுக்கு நம்முடைய இடம் வேண்டுமாம். ஒரு வாரத்தில் யோசித்து சொல்வதாக சொல்லியிருக்கிறேன்'.

'ஏங்க நாமதான் இனிமே பெங்களூர் போகப்போவதில்லையே. அப்புறம் எதுக்கு அது? கொடுத்திட்டு இங்கே சென்னையிலேயே ஒரு இடத்தை வாங்கிப்போடலாமே'.

'இதோ பார், இதுல நம்முடைய சம்மதம் முக்கியமில்லே, உஷா சம்மதிச்சாதான் முடியும்'.

அப்போது வெளியிலிருந்து இதைக்கேட்டுக்கொண்டே வரும் உஷா, 'என்னப்பா எதுக்கு என் சம்மதம் வேணும்?.

'நம்ம பெங்களூர் வீட்டை என் நண்பன் விலைக்கு கேட்கிறான். ஆனால் அது உனக்காக நான் பார்த்துப்பார்த்துக் கட்டிய வீடு. அதனால்தான் அதைக்கொடுப்பதானால் உன் சம்மதம் வேணும்னு சொன்னேன்'.

'நல்ல விஷயம்தானேப்பா. கொடுத்திடலாமே.. இதுலயெல்லாம் எதுக்குப்பா செண்டிமெண்ட் பார்த்துக்க்கிட்டு. செண்டிமெண்ட் பார்க்க வேண்டிய புருஷன் பொஞ்சாதி உறவே ஒண்ணுமில்லாமல் போயிடுது, இதுக்குப்போய் ஏன் செண்டிமெண்ட் பார்க்கிறீங்க?. அப்பா, உண்மையில் நீங்க எனக்கு அப்பாவா கிடைச்சது என் அதிர்ஷ்ட்டம்'.

'இல்லேம்மா, உன் பையன் பிறந்ததுதான் நம் எல்லோருக்கும் அதிர்ஷ்ட்டம்'.

(இந்த செக்மெண்ட் எதுக்கு?. நேரத்தை இழுக்கவா?)

பாஸ்கரின் வீட்டுக்கு டாக்டர் மகேஷ் வருகிறான். முதலில் பாஸ்கர் இல்லையென்று அலமேலு சொல்ல, மாடியில் இருந்து பாஸ்கர் இறங்கி வர, சமாளிக்கிறாள்.

(சீரியல்களில் நான் பார்த்து ஆச்சரியப்படும் விஷயம், வந்த விருந்தாளிகளிடமே 'என்ன சாப்பிடுறீங்க?' என்று கேட்பது. அப்படீன்னா வந்த விருந்தாளிகள் வெட்கத்தை விட்டு, 'எனக்கு அது கொண்டாங்க, இது கொண்டாங்க'ன்னு கேட்பாங்களா?. தொலைக்காட்சியில் ஒளிபரப்பான முதல் சீரியலிலிருந்து, இந்த வினாடி ஒளிபரப்பாகிக் கொண்டிருக்கும் சீரியல் வரை இதேதான்).

'வாங்க மகேஷ், நீங்க வந்திருப்பது ரொம்ப சந்தோஷமாயிருக்கு'.... என்று ஆரம்பிக்கும் பாஸ்கர், மீண்டும் தனது கடந்தகால 'சேடிஸ்ட்தனம்' பற்றியும் அதன் காரணமாக அபிக்கு தான் இழைத்து வந்த கொடுமைகளையும் கஷ்ட்டங்களையும் பற்றி விவரிப்பதுடன், அதற்காக இப்போது தான் மிகவும் வருந்துவதாகவும், அவளுக்கு ஒரு நல்ல வாழ்க்கை அமைய வேண்டுமென்று ரொம்பவே விரும்புவதாகவும் கூறுவதுடன், கடந்த காலங்களில் மகேஷிடம் நடந்துகொண்ட முறைக்காக மீண்டும் மன்னிப்புக் கேட்கிறான். (இதைத்தானே முன்பு அபியின் அலுவலகத்திலும் பேசினான்?).

பாஸ்கரின் பேச்சைக்கேட்டு சங்கீதாவுக்கு மகிழ்ச்சி, ஆனால் அலமேலுவுக்கோ அதிர்ச்சிக்கு மேல் அதிர்ச்சி. 'தன் மகன் பாஸ்கரா இப்படி மாறிப்போயிட்டான்?'. ஆனால் நமக்கு மட்டும் பாஸ்கரின் மனமாற்றம் நம்பவே முடியவில்லை. ஏதோ பெரிய திட்டத்துக்காக அடிப்போடுகிறான் என்பது மட்டும் தெரிகிறது. நல்ல அப்பாக்களுக்குப்பிறந்த ஆதித்யாவுக்கும் பாஸ்கருக்கும், குணம் மட்டும் அப்படியே அம்மாக்களின் கெட்ட குணம்.

'மகேஷ், இப்போ ஆரம்பிச்சிருக்கிற அபியின் கல்யாணப்பேச்சு இடையில் தடைபடாமல் கல்யாணத்துல முடியணும்னு ஆசைப்படுறேன். அபிக்கு ஒரு நல்ல வாழ்க்கை அமையனுங்கிறதுல நான் ரொம்ப ஆர்வமா இருக்கேன். சரி நீங்க எதுக்கு வந்தீங்கன்னு சொல்லவேயில்லையே..!'.

'உங்களுக்கு நன்றி சொல்லத்தான் வந்தேன் பாஸ்கர். அன்னைக்கு அபியின் ஆஃபீஸில நீங்க கல்யாணப்பேச்சை ஆரம்பிச்சது, மேற்கொண்டு அபியோடு நான் பேச வசதியாயிருந்தது'.

மேனகாவின் அலுவலக மீட்டிங் டேபிள்.

சுமார் பத்து பேர் இருக்கிறார்கள், ஆதியும்தான்.

'நான் எதுக்கு உங்களையெல்லாம் வரச்சொல்லியிருக்கேன்னா, எம்.எம்.சிடி மேக்கர்ஸ் சார்பில் இன்னொரு புதிய ப்ராஜக்ட் ஆரம்பிக்கலாம்னு இருக்கேன்'.

இப்போது ஆதி குறுக்கிடுகிறான், 'மேடம் ஏற்கெனவே 'சேட்டலைட் சிடி', 'மேனகா டவர்ஸ்'னு ரென்டு ப்ராஜக்ட் நடந்துகிட்டு இருக்கு. இப்போ புது ப்ராஜக்ட் அவசியமா?'

'மிஸ்டர் ஆதி, ரெண்டு ப்ராஜக்ட் நடந்தா மூணாவது ஒண்ணு ஆரம்பிக்க கூடாதுன்னு அவசியம் இல்லையே. நான் யு.எஸ்.ல ஒரே நேரத்துல பத்து ப்ராஜக்ட் செஞ்சிருக்கேன். இந்த புது ப்ராஜக்ட்ல இஷ்ட்டம் இல்லாதவங்க இங்கிருந்து போகலாம்'.

'நோ மேடம், நான் அப்படி சொல்லலை. ஏரற்கெனவே ப்ராஜக்ட்ஸ் நடக்கும்போது இது அவசியமான்னுதான் கேட்டேன். மத்தபடி உங்க இஷ்ட்டம்'.

மேனகா இன்னொருவர் பக்கம் திரும்பி, 'இந்த புது ப்ராஜக்டுக்காக அந்த முப்பத்தஞ்சு ஃப்ளாட்ஸையும் விலைக்கு வாங்க சொன்னேனே முடிச்சிட்டீங்களா?'

'இல்லீங்க மேடம், அதுல அஞ்சு பேர் இடத்தை தர மறுக்கிறாங்க'.

'ஏன் பணம் அதிகமா எதிர்பார்க்கிறாங்களா?. கேட்டால் கொடுத்திடுங்க. அந்த அஞ்சு பேருக்காக நான் என் ப்ராஜக்ட்டை ட்ராப் பண்ண முடியாது'.

இப்போது ஆதி,'மேடம், அவங்களை காலி பண்ணும் வேலையை எங்கிட்டே விடுங்க, நான் பண்ணிடுறேன்'.

'நோ மிஸ்ட்டர் ஆதி, நீங்க ரொம்ப உணர்ச்சி வசப்படுற ஆள். நீங்க வேண்டாம். அவரே பண்ணட்டும். ரவி, நம்ம புது ப்ராஜக்ட்டோட ப்ளானை எடுத்துக்கிட்டு வாங்க'.

அபியின் அலுவலக மீட்டிங் டேபிள்....

கற்பகம், சாரதா, ராஜேந்திரன் ஆகியோர் அமர்ந்திருக்க அபி நின்றுகொண்டிருக்கிறாள். இது அபி கன்ஸ்ட்ரக்ஷன்ஸ் புது ப்ராஜக்ட் பற்றி விவாதிக்க அல்ல. அபியின் கல்யாண ப்ராஜக்ட் பற்றி விவாதிக்க.

கற்பகமும், சாரதாவும் (வழக்கம்போல) கல்யாணப்பேச்சை எடுக்க, அபி (வழக்கம்போல) மழுப்ப, இவர்களும் (வழக்கம்போல) அவளுக்கான கல்யாண வாழ்க்கையின் அவசியத்தை எடுத்துச்சொல்ல, அபி சம்மத்ம் சொல்லாமல் (வழக்கம்போல) புன்னகை புரிய, ராஜேந்திரனும் தன் பங்குக்கு (வழக்கம்போல) சில விஷயங்களை எடுத்துவிட..... அபி ஒன்றும் சொல்லாமல் புன்னகையுடன் வெளியேற...

'என்ன சாரதா, ஒண்னும் சொல்லாம போறா?'.

'அக்கா உனக்குத்தான் ஒண்னும் புரியலை. ஏற்கெனவே கல்யாணம் ஆகி டைவர்ஸ் ஆனவள், இந்த கல்யாணத்துல எனக்கு சம்மதம்னு வெளிப்படையாகவா சொல்லுவா? எப்போ அவள் மறுக்கலையோ அப்பவே சம்மதம்னு நாமதான் புரிஞ்சுக்கணும்'.

'அதுக்கில்லை சாரதா, அவள் வாயாலேயே சொல்லிட்டான்னா நமக்கும் நிம்மதியாயிடும்'

கற்பகத்தின் குழப்பமான முகம் குளோசப்பில்....

Quote:

---

Originally Posted by saradhaa_sn

(இந்த செக்மெண்ட் எதுக்கு?. நேரத்தை இழுக்கவா?)
.

---

:hammer: :hammer:

Quote:

---

Originally Posted by saradhaa_sn

(சீரியல்களில் நான் பார்த்து ஆச்சரியப்படும் விஷயம், வந்த விருந்தாளிகளிடமே 'என்ன சாப்பிடுறீங்க?' என்று கேட்பது. அப்படீன்னா வந்த விருந்தாளிகள் வெட்கத்தை விட்டு, 'எனக்கு அது கொண்டாங்க, இது கொண்டாங்க'ன்னு கேட்பாங்களா?. தொலைக்காட்சியில் ஒளிபரப்பான முதல் சீரியலிலிருந்து, இந்த வினாடி ஒளிபரப்பாகிக் கொண்டிருக்கும் சீரியல் வரை இதேதான்).
.

---

சில பேர் காப்பி மட்டுமே அருந்துவார்கள்

சிலர் தேனீர் மட்டும்தான்

இன்னும் சிலர் காப்பி டீ இரண்ணுடுமே குடிப்பதில்லை

பால்
சக்கரை வேறுபடும்

சக்கரை வியாதி ,,

முதலே இவைகளைத் தெரிந்து
உபசரிக்கலாமெனத் தான்
hmmmmmmm



:ty:

Quote:

---

Originally Posted by aanaa

Quote:

---

Originally Posted by saradhaa_sn

(சீரியல்களில் நான் பார்த்து ஆச்சரியப்படும் விஷயம், வந்த விருந்தாளிகளிடமே 'என்ன சாப்பிடுறீங்க?' என்று கேட்பது. அப்படீன்னா வந்த விருந்தாளிகள் வெட்கத்தை விட்டு, 'எனக்கு அது கொண்டாங்க, இது கொண்டாங்க'ன்னு கேட்பாங்களா?. தொலைக்காட்சியில் ஒளிபரப்பான முதல் சீரியலிலிருந்து, இந்த வினாடி ஒளிபரப்பாகிக் கொண்டிருக்கும் சீரியல் வரை இதேதான்).
.

---

சில பேர் காப்பி மட்டுமே அருந்துவார்கள்

சிலர் தேனீர் மட்டும்தான்

இன்னும் சிலர் காப்பி டீ இரண்ணுடுமே குடிப்பதில்லை

பால்
சக்கரை வேறுபடும்

சக்கரை வியாதி ,,

முதலே இவைகளைத் தெரிந்து
உபசரிக்கலாமெனத் தான்

---

நன்றி ஆனா...

இதுல இவ்வளவு விஷயங்கள் இருக்கா?. இருந்தாலும் அதை நாசூக்காக கேட்கலாமென்பது என் எண்ணம்......

"பேசிக்கிட்டு இருங்க, காபி எடுத்துக்கிட்டு வரேன்" என்று சொன்னால்...., வந்தவர்கள்...

"ஸாரி, நான் காபி சாப்பிடுவதில்லைங்க, டீதான்"
"இல்லைங்க, காபி டீ எதுவும் வேணாம். எனக்கு சூடுன்னாலே அலர்ஜி. கூலாக எதாவது கொண்டாங்க"
"காபியில சர்க்கரை கொஞ்சம் கம்மியா போடுங்க"
"கொஞ்சம் தண்ணீ(ர்) மட்டும் கொடுங்க போதும்"
"எதுவும் வேண்டாங்க. இப்போதான் சாப்பிட்டுட்டு வர்ரேன்"

இப்படி ஏதாவது ஒன்றை பதிலளிப்பார்கள்.

அதை விட்டு, ஓட்டல் சர்வார் மாதிரி "என்ன சாப்பிடுறீங்க?" என்று கேட்பது கொஞ்சம் நெருடுகிறது.

ஒருத்தராவது வசனத்தை மாற்றி எழுதக்கூடாதா?.

படங்களிலும் சீரியல்களிலும் வரும் போலீஸ் இன்ஸ்பெக்டர்கள், "எது சொல்றதா இருந்தாலும் ஸ்டேஷன்ல வந்து சொல்லுங்க" என்பது போல இதுவும் பெர்மெனண்ட் வசனமாகப் போய்விட்டது.

Quote:

---

Originally Posted by saradhaa_sn

இதுல இவ்வளவு விஷயங்கள் இருக்கா?. இருந்தாலும் அதை நாசூக்காக கேட்கலாமென்பது என் எண்ணம்......

.

---

புரியுதுங்க

:banghead:

தான் புதிதாக ஆரம்பிக்கும் ப்ராஜக்டுக்காக தான் வாங்கியிருக்கும் குடியிருப்பு வளாகத்திற்கு தனது எடுபிடி, அடிவருடிகளோடு வரும் மேனகா, அங்கு இன்னும் மக்கள் காலிசெய்யாமல் குடியிருந்து வருவதைபார்த்து...

'இவங்க எல்லாம் ஏன் இன்னும் காலி பண்ணவில்லை?'

'ரென்டு நாள்ள காலி பண்ணிடுவாங்க மேடம்'

'அதெப்படி இவ்வளவுபேரும் ரெண்டே நாளில் காலி பண்ணுவாங்க?'

'அதெல்லாம் பண்ணிடலாம் மேடம், நீங்க கவலைப்படாதீங்க'.

'சரி, இடத்தை தரமாடேன்னு சொன்ன அந்த ஃப்ளாட் ஓனர்ஸ் எல்லாம் எங்கே?'

'இதோ வந்துட்டாங்க மேடம்'.

'நீங்களெல்லாம் ஏன் இடத்தைக் கொடுக்க மாட்டேன்னு சொன்னீங்க?. நான் இங்கு உங்க இடம் தவிர மத்த எல்லா ஃப்ளாட்டுகளையும் வாங்கியாச்சு. நீங்க மட்டும் தரலைன்னா நான் எப்படி என்னுடைய ப்ராஜக்ட் ஆரம்பிக்க முடியும்?. ஏன் இப்படி பிடிவாதமா இருக்கீங்க?. உங்களுக்கு பணம் அதிகமா வேணும்னா இப்போ இருக்கும் மார்க்கெட் ரேட்டை விட டபுள் அமௌண்ட் தரச்சொல்றேன். என்ன சொல்றீங்க?'

'மேடம், ஏற்கெனவே உங்க ஆளுங்க பலதடவை எங்க கிட்டே வந்து கேட்டுட்டாங்க. அப்போதே நாங்க தர மாட்டோம்னு சொல்லிட்டோம். ஏன் மறுபடி மறுபடி தொந்த்ரவு பண்றீங்க?'

'இதை தொந்தரவுன்னு ஏன் நினைக்கிறீங்க?. சென்னை ரொம்ப நல்லா டெவலப் ஆகணும், உலகத்தரத்துக்கு உயரணும்னு சும்மா வாயாலே சொல்லிக்கிட்டு இருந்தா மட்டும் போதாது. அதுக்கு எல்லோருடைய கோ-ஆப்ரேஷனும் வேணும். நான் இந்த இடத்துல கட்டப்போற 'ஷாப்பிங் மால்' ப்ராஜக்ட் மட்டும் முடிஞ்சிடுச்சுன்னா, இந்த இடத்தோட வெல்ல்யூ எங்கோ போயிடும். என்ன சொல்றீங்க?'

'இருக்க்லாம்மா, ஆனா நாங்க இந்த இடத்துல அஞ்சு வருஷத்துக்கு மேலே குடியிருக்கிறோம். அதோட இது எனக்கு ரொம்ப ராசியான இடம். இங்கு வந்தபிறகுதான் எனக்கு பையன் பிறந்தான்'.

'ஓ... ப்ளடி செண்டிமெண்ட்ஸ். இப்படியே பேசிக்கிட்டு இருந்தா எப்போ டெவலப் ஆகப்போறீங்க?. இப்போ முடிவா என்ன சொல்றீங்க?. நீங்க உங்க இடத்தை எனக்கு விற்க முடியாது. அப்படித்தானே..?' ஓ கே'.

மேனகா புறப்பட்டுப்போகிறாள்....

மகன் கைலாஷை பள்ளியில் சேர்க்க அழைத்துப்போகிறாள் உஷா. முன்னதாக வீட்டைவிட்டுப்புறப்படுமுன் உஷாவின் அம்மா, அவனை பூஜை அறைக்கு அழைத்துச்சென்று சாமி கும்பிட வைக்கிறாள். அவள் அப்பா அப்ளிகேஷன்களை பூர்த்தி செய்து கொண்டு வந்து தர, தொல்காப்பியனுடன் போகிறாள் உஷா.

ஏற்கெனவே அப்பாயிண்ட்மெண்ட் வாங்கியிருந்த பள்ளிக்குப்போக, அங்கு பள்ளியின் பிரின்ஸிபால் மேடம், விண்ணப்ப படிவத்தைப்பார்வையிட்டு, அதில் இரண்டு இடங்கள் பூர்த்தி செய்யாதிருப்பதைச் சுட்டிக்காட்ட, அதை வாங்கிப்பர்ர்க்கும் உஷா, பூர்த்திசெய்து தரப்போகிறாள் என்று பார்த்தால், அவையிரண்டையும் அடித்துவிட்டு பிரின்ஸியிடம் தர அவள் ஆச்சரியமடைகிறாள். உஷா அடித்துக்கொடுத்தது ஒன்று பையனின் ஜாதி, இன்னொன்று பையனின் தந்தை பெயர்.

'இதோ பருங்க, பையனின் ஜாதி பற்றிக்குறிப்பிடாவிட்டாலும் கூட பரவாயில்லை. ஆனால் அவன் அப்பா பெயர் எழுதாமல் இருந்தால் எப்படி. இங்கு படிக்க வரும் பிள்ளைகளின் அப்பா பெயர, அவரது தொழில், அவரது பொருளாதார வசதி இப்படி எல்லா விவரங்களும் குறிப்பிடப்பட வேண்டும். அவங்க ஒழுங்காக ஃபீஸ் கட்டுவாங்களா என்று எங்களுக்கு தெரியணுமில்லையா?'

'மேடம், நீங்க சொன்னதில் அவன் அப்பா பெயர் தவிர மற்ற எல்லாத்துக்கும் நான்தான் பொறுப்பு. நான்தான் அவனைப் படிக்க வைக்கிறேன். அவனுக்கு நான்தான் ஃபீஸ் கட்டப்போறேன். அப்புறம் அவனுடைய அப்பா பற்றிய விவரங்கள் எதுக்கு?'

இந்த ரீதியில், உஷாவுக்கும் பிரின்ஸிபாலுக்கும் வாக்குவாதம் முற்ற, தாங்கள் எதிர்பார்க்கும் விவரங்களைத்தராவிட்டால் அட்மிஷன் இல்லையென்று பிரின்ஸி சொல்ல, ஏதோ சொல்ல வாயெடுக்கும் முன் தொல்காப்பியன், 'உஷா, இத்தனை வாதங்களுக்குப்பிறகு அவர்கள் சீட் தந்தாலும் அவன் இங்கே நிம்மதியாகப் படிக்க முடியாது. வாங்க வேறு பள்ளியைப்பார்க்கலாம்'.

வேறொரு பள்ளியில், இதே மாதிரி வாக்குவாதங்கள் நடந்தபோதிலும் உஷா சொன்ன விவரங்களில் அரைகுறையாக திருப்தியடைந்த அந்தப்பள்ளியின் பிரின்ஸிபால் மேடம் 'சீட்' தர சம்மதிக்கிறார்.

வெளியில் வரும்போது, 'ஏன் உஷா பையனின் அப்பா பெயர் என்ற இடத்தில் ஆதித்யா என்ர பெயரைப்போட்டிருந்தால் விஷயம் இவ்வளவு பெரிசாகியிருக்காது. நாம் சேர்க்க விரும்பிய முதல் பள்ளியிலேயே இடம் கிடைத்திருக்கும்.'

'இல்லை தொல்ஸ், இது இதோடு போகாது. இனி எல்லா ரிக்கார்ட்ஸிலும் கைலாஷ், சன் ஆஃப் ஆதித்யா என்றே வரத்துவங்கும். அதில் எனக்கு விருப்பமில்லை. ஆதியின் நிழல்கூட இவன்மீது படக்கூடாதுன்னு நினைக்கிறேன்'.

பேசிக்கொண்டிருக்கும்போது திடீர்னு எங்கே கைலாஷைக்காணோமென்று தேட, ஒரு வேளை கிரி கடத்திட்டானோ என்று நினைக்கும் நேரம், அப்படியெல்லாம் ஒன்றும் இல்லை. அங்கே நிற்கும் இன்னொரு பையனிடம் போய் போய், 'டேய் உன் வாட்டர் பாடிலைக்கொடு' என்று பிடுங்க அவன் தரமாட்டேன் என்று மறுக்க, 'தரலைன்னா உன்னைக் கொன்னுடுவேன்' என்று கைலாஷ் சொல்வதைக்கேட்டு உஷாவும் தொல்ஸும் திடுக்கிடுகின்றனர். அவனிடம் போய், 'உனக்கு வேறு பாட்டில் வாங்கித்தர்ரேன். அதைக்கேட்காதே என்று உஷா சொல்ல, அவனோ அந்த பாட்டில்தான் வேண்டுமென்று அடம் பிடிக்க, உஷா அவனை அடிக்க, தொல்ஸ் தடுக்கிறான். 'பார்த்தீங்களா தொல்ஸ், திமிரும் பிடிவாதமும் அப்படியே அவன் அப்பனைப்போலவே இருக்கிறான் என்று அவள் சொல்லும்போது அவள் மனதில் ஆதியின் குரூர முகம் சட்டென வந்துபோகிறது.

திருச்செல்வம் இதுக்கு முன்னால் 'ஜவ்வு மிட்டாய்' வியாபாரம் செய்துகொண்டிருந்தார் என்பது கொஞ்சம் கொஞ்சமாக தெரியத் துவங்குகிறது. பின்னே, ஒரு பையனை பள்ளியில் சேர்க்க இவ்வளவு இழுவையா..?.

Quote:

---

Originally Posted by saradhaa_sn

திருச்செல்வம் இதுக்கு முன்னால் 'ஜவ்வு மிட்டாய்' வியாபாரம் செய்துகொண்டிருந்தார் என்பது கொஞ்சம் கொஞ்சமாக தெரியத் துவங்குகிறது. பின்னே, ஒரு பையனை பள்ளியில் சேர்க்க இவ்வளவு இழுவையா..?.

---

:hammer: :hammer:


:ty: Saradhaa

Thanks for the update.

அடுத்தமுறை தொல்காப்பியன் (திருச்செல்வம்) திரையில் வரும்போது கவனித்துப்பார்க்க வேண்டும், எந்த அளவுக்கு தலையில் வீக்கம் இருக்கிறதென்று. :shock:

ஏனென்றால் அந்த அளவுக்கு 'ஆனா'விடம் சுத்தியல் அடி வாங்கியிருக்கிறார். :lol:

:roll: :rotfl2:

தான் வாங்கியிருக்கும் ஃப்ளாட் ஏரியாவுக்கு தன் படைகளுடன் மீண்டும் வருகிறாள் மேனகா. இம்முறையும் ஆதியும் கிரியும் கூடவே வருகின்றனர் (வேறு காரில்தான்).

தங்கள் ஃப்ளாட்டைத்தர மறுத்த ஓனர்களை மீண்டும் சந்தித்துப்பேசுகிறாள். அவர்கள் தங்கள் முடிவில் பிடிவாதமாக இருக்கின்றனர் (அதாவது ஃப்ளாட்டை மேனகாவிடம் விற்பதில்லையென்ற முடிவில்). அவர்களுக்கும் ஆதித்யாவுக்கும் பேச்சு வார்த்தை முற்ற, ஆதி அவர்கள் மேல் பாய, நிலைமை மோசமாவதைக் கவனிக்கும் மேனகா, ஆதியை அடக்கி விட்டு, அவர்களிடம் மன்னிப்பு கேட்டுக்கொள்கிறாள் (????????). என்ன செய்வது, காரியம் நடக்கனுமே.

ஆனால் அவர்கள் இதனாலெல்லாம் சமாதானம் அடையவில்லை. 'ஏம்மா, நாங்க எங்க ஃப்ளாட்டுக்களை விற்கத்தயாராயில்லைன்னு எத்தனை தடவை சொல்றது?. இல்லேன்னு சொன்னா போக வேண்டியதுதானே, எதுக்கு வீணா வம்பு பண்றீங்க?'.

'நீங்க தரமாட்டேன்னா, நான் வாங்கிய இடங்களை வைத்து எப்படி என் ப்ராஜக்டைத் ஆரம்பிக்கிறது?'

'அது உங்க தலைவலி. எங்களைக்கேட்டுக்கிட்டா மத்த ஃப்ளாட்டுக்களை வாங்கினீங்க?. சும்மா சும்மா வந்து தொந்தரவு பண்ணாம வேறு வேலையிருந்தா போய்ப் பாருங்கம்மா'.

'ஆக, எனக்கு உங்க ஃப்ளாட்டை விற்பதில்லைங்கிற முடிவில் உறுதியா இருக்கீங்க. சரி, பார்க்கலாம். ஆதி வாங்க போகலாம்'.

தெரிஞ்சுபோச்சு, மேனகா ஏதோ ஒரு முடிவு பண்ணிவிட்டாள். இனி அந்த ஃப்ளாட் ஓனர்கள் என்ன அவதிக்கு ஆளாகப்போகிறார்கள் என்பது மூணாவது செக்மெண்ட்டில் தெரிய வருகிறது..

அபியின் வீடு....

அனந்திக்கு டாக்டரும், கார்த்திக்கும் சேர்ந்து, கைத்தடி உதவியில்லாமல் நடக்க வைக்க முயலுகின்றனர். லேசான வலியிருப்பினும் பொறுத்துக்கொண்டு நடக்கிறாள். இன்னும் கொஞ்சம் பழகினால் சரியாகிவிடுமென்றும், நாளை ஆஸ்பத்திரியில் வந்து ஒரு ஸ்கேன் எடுத்துக் கொள்ளும்படியும் டாக்டர் சொல்கிறார்.

டாக்டர் போனதும் தன் மகள், பேத்தியுடம் வள்ளி வருகிறாள். (யாரிந்த வள்ளி, அபியின் குடும்பம் சைதாப்பேட்டை வீட்டில் இருந்தபோது பக்கத்தில் இட்லி சுட்டு விற்றுக்கொண்டிருந்த ஆயா. ரொம்ப வருஷங்களுக்குப்பிறகு வந்திருக்கிறாள். வழக்கம்போல அவள் எப்படி இருக்கா, இவன் எப்படி இருக்கான் என்ற விசாரிப்புகள். ஆர்த்தி கல்யாணம் செய்துகொண்டு தனிக்குடித்தனம் போனது பற்றியும், மனோவுக்கு கல்யாணமாகி ஒரு குழந்தை இருப்பதையும் கற்பகம் சொல்கிறாள்.

தன் மகளின் கணவன், அவளைக்கொடுமைப்படுத்துவதாகவும், தினமும் குடித்துவிட்டு வந்து அவளைப்போட்டு அடிப்பதாகவும் அதனால் மகளையும் பேத்தியையும் அழைத்து வந்து விட்டதாகவும் வள்ளி சொல்கிறாள். உடனே ஆனந்தியின் கல்யாணம் பற்றி கேட்கும் அவள், என்னதான் இருந்தாலும் ஒரு பெண்ணுக்கு கல்யாணம் ஆனால்தான் நல்லது என்கிறாள். சில வினாடிகளுக்குள் இருவேறுபட்ட கருத்துக்கள்.

மேனகா வாங்கியிருக்கும் ஃப்ளாட்களுக்கு, ஆட்டோக்களில் ஏராளமான ரவுடிகள் வந்து இறங்கி, அவளால் இதுவரை வாங்கப்பட்டிருக்கும் ஃப்ளாட்டுகளில் சிலவற்றில் குடியேறுகின்றனர். குறிப்பாக, இடங்களை விற்க மறுத்தவர்களின் ஃப்ளாட்டுகளுக்கு எதிர் ஃப்ளாட் அல்லது பக்கத்து ஃப்ளாட் களில் குடியேறி, ஸ்டீரியோவை சத்தமாக வைத்துக்கொண்டு ஒரே ஆட்டமும் பாட்டுமாக அவர்களுக்கு இடைஞ்சல் செய்கின்றனர். அவர்கள் வீட்டுப்பெண்கள் போகும்போதும் வரும்போதும் பின்னாலேயே போகின்றனர். அவர்கள் மீது கைவைக்காதவரையில், அந்த ரவுடிகளை ஃப்ளாட் ஓனர்களால் ஒன்றும் செய்ய முடியவில்லை. ரவுடிகள் இவர்களின் எல்லையைத்தாண்டாமல், ஆனால் பழைய ஓனர்களுக்கு அச்சத்தைக்கிளப்பும் வகையில் செயல்படுவதால் அவர்கள் எந்த புகாரும் கொடுக்க முடியவில்லை. பொறுத்துப்பொறுத்துப் பார்த்தவர்கள், கடைசியாக மேனகாவையே நேரில் போய் சந்திக்கிறார்கள்... அவளோ படு கூலாக...

'யார் நீங்களெல்லாம்?'

'என்ன மேடம், எங்களை தெரியாத மாதிரி நடிக்கிறீங்களா?'

'சரி இப்போ எதுக்கு வந்தீங்க?'

'நீங்க குடி வச்ச ஆளுங்களால் எங்களுக்கு தொல்லைகள் தாங்க முடியவில்லை. அதான் எச்சரிக்க வந்தோம்'

'சரி என்ன செஞ்சாங்க?. உங்க வீட்டுப் பொண்ணுங்களிடம் தவறாக நடந்தாங்களா? இல்லே உங்க மனைவிகளை கையைப்பிடிச்சு இழுத்தாங்களா?. இல்லையே... அவங்க பாட்டுக்கு அவங்க ஃப்ளாட்டுகள்ளதானே இருக்காங்க?'

'இருந்தாலும் அவங்களை நீங்க உடனடியா காலி பண்ணனும். வீட்டுல அமைதியா ஒரு பூஜை பண்ன முடியலை, ஒரு சங்கீதம் கேட்க முடியலை'

'என்ன சொல்றீங்க?. இப்போதான் குடி வந்திருக்காங்க. அதுக்குள்ள எப்படி காலி பண்ண சொல்ல முடியும்?. அதுகு என்ன காரணம் சொல்வீங்க?'

'அவங்களை நீங்க குடி வெச்சது சரியில்லை. அவங்க அங்கே இருக்கக்கூடாது'

'என் ஃப்ளாட்ல யாரை குடி வைக்கணும், யாரை வைக்கக்கூடாதுன்னு சொல்ல நீங்க யாரு?'

'நீங்க இப்படி பிடிவாதமா பேசினா, நாங்க போலீஸுக்குப் போவோம்'.

'போங்க, உங்களால என்ன பண்ண முடியுமோ பண்ணிக்குங்க".

Quote:

---

Originally Posted by saradhaa_sn

ஏனென்றால் அந்த அளவுக்கு 'ஆனா'விடம் சுத்தியல் அடி வாங்கியிருக்கிறார். :lol:

---

:lol:

Quote:

---

Originally Posted by saradhaa_sn

தெரிஞ்சுபோச்சு, மேனகா ஏதோ ஒரு முடிவு பண்ணிவிட்டாள். இனி அந்த ஃப்ளாட் ஓனர்கள் என்ன அவதிக்கு ஆளாகப்போகிறார்கள் என்பது மூணாவது செக்மெண்ட்டில் தெரிய வருகிறது..
.

---

:ty:

இவ்வளவு விரைவாகவா?

2/3 கிழமைக்குப்பின் என்றல்லவா ..

mmmm

Quote:

---

Originally Posted by aanaa

Quote:

---

Originally Posted by saradhaa_sn

தெரிஞ்சுபோச்சு, மேனகா ஏதோ ஒரு முடிவு பண்ணிவிட்டாள். இனி அந்த ஃப்ளாட் ஓனர்கள் என்ன அவதிக்கு ஆளாகப்போகிறார்கள் என்பது மூணாவது செக்மெண்ட்டில் தெரிய வருகிறது..
.

---

:ty:

இவ்வளவு விரைவாகவா?

2/3 கிழமைக்குப்பின் என்றல்லவா ..

mmmm

---

சில நேரங்களில் நாம் எதிர்பாராதவை நடப்பதில்லையா, அதில் இதுவும் ஒன்றாக இருக்கலாம்.

திருவள்ளுவரே தன் கைப்பட எழுதிய 'கம்பராமாயண'த்தில் கோவலனும் கண்ணகியும், துரியோதனனின் சூழ்ச்சியால் கடல் கடந்து போக நேரும்போது... 'நடக்கும் என்பார் நடக்காது, நடக்காதென்பார் நடந்துவிடும்' என்று எழுதி வைத்திருக்கிறாரே.

கம்பெனி அக்கவுண்ட்ஸ் ஃபைலைப்பார்த்துக்கொண்டிருக்கும் அபியின் கவனம், அதிலுள்ள ஒரு எண்ட்ரியில் நிலைக்கிறது. சஸ்பென்ஸ் அக்கவுண்ட்டில் கம்பெனி பணம் பதினைந்து லட்ச ரூபாய் வழங்கப் பட்டிருப்பதைப் பார்த்து சற்றே அதிர்ச்சியும் குழப்பமும் அடைந்து, கிருஷ்ணனை அழைத்துக்கேட்கிறாள்.

'கிருஷ்ணன், நம்ம கம்பெனி அக்கவுண்ட்ல பதினைந்து லட்ச ரூபாய் யாருக்கோ கொடுக்கப்பட்டிருக்கிறதே, அது என்ன?'

'அது நாலைந்து மாசமாவே சஸ்பென்ஸ் அக்கவுண்ட்ல இருக்குதும்மா'

'அதான் ஏன்னு கேட்கிறேன்'

'அது வந்து... வந்து.... நம்ம ஆர்த்தி மேடம் வாங்கியிருக்காங்க'.

'ஆர்த்தியா?. அவளுக்கு எதுக்கு இவ்வளவு பணம்?. சரி அப்படியே அவள் வாங்கியிருந்தாலும் நீங்க ஏன் என்கிட்டே சொல்லலை?'

'அது வந்தும்மா... சொல்லணும்னுதான் நெனச்சேன். ஆனாலும் அவங்க உங்க சிஸ்ட்டர். அதனாலே அவங்களே சொல்லுடுவாங்கன்னு நெனச்சு, நான் சொல்லலை'

'சரி, நீங்க போய் உங்க வேலையைப்பாருங்க'

சிந்தனையில் ஆழ்ந்திருக்கும் அபி, ஆர்த்தியை அழைத்துக்கேட்கவில்லை. மாறாக பெரிய யோசனையில் ஈடுபட்டிருக்கிறாள்.

'ஆர்த்தி ட்ராவல்ஸ்' அலுவலகம்....

'வா ஆர்த்தி, இதுதான் நம்ம ட்ராவல்ஸ் ஆஃபீஸ். பார்த்துக்கோ'

'என்ன ராஜேஷ், அபி கன்ஸ்ட்ரக்ஷன்ஸ்ல வேலைகள் அதிகமா இருந்ததாலே கொஞ்ச நாளா இங்கே வர முடியலை. அதுக்காக இப்படி கிண்டல் பண்றீங்களே'.

அப்போது சிவசு, 'வாங்க மேடம், எப்படி இருக்கீங்க?'

'அதிருக்கட்டும் சிவசு, ட்ராவல்ஸ் எல்லாம் எப்படி போய்க்கிட்டு இருக்கு'.

'அதுகென்னம்மா, ஜோரா போய்க்கிட்டிருக்கு. நாம நெனச்ச மாதிரியே டேங்கர் லாரி நல்லா ஓடிக்கிட்டிருக்கு'.

அப்போது சிவசுவின் தங்கை, 'மேடம், டேங்கர் லாரி அக்கவுண்ட்ஸ் எல்லாம் தனியாக இந்த நோட்ல மெயிண்ட்டெயின் பண்ணிக்கிட்டு வர்ரேன். இந்தாங்க பாருங்க'.

அக்கவுண்ட்ஸைப்புரட்டிப்பார்க்கும் ஆர்த்தி, 'பரவாயில்லையே, டேங்கர் லாரி வாங்கியதில் இருந்து ஒருநாள்கூட நிற்காமல் ஓடிக்கிட்டிருக்கே'.

சிவசு, 'என்ன மேடம், இவ்வளவு பணம் போட்டு சும்மா நிறுத்தி வைக்கிறதுக்கா லாரி வாம்க்கியிருக்கோம்?'.

'இப்படியே தொடர்ந்து ஓடிக்கிட்டு இருந்தால் கூடிய சீகிரமே லோன் எல்லாம் அடைச்சிடலாம்'

'லோனை அடைக்கிறது மட்டுமில்லே மேடம், இன்னொரு லாரியும் வாங்கி விட்டுடலாம்'.

அபோது ஒரு சிறிய போலீஸ் படை உள்ளே நுழைகிறது.

'இங்கே ராஜேஷ்ங்கிறது யாரு?'

'நான்தான் சார்'.

டேங்கர்லாரி நம்பரைச்சொல்லி, 'இது உங்க வண்டிதானே?'

'ஆமா சார், என்ன விஷயம்'.

'டேங்கர் லாரியில் கள்ளச்சாராயம் கடத்தின குற்றத்துக்காக உங்களை அரெஸ்ட் பண்ணுறோம்'

ராஜேஷ், ஆர்த்தி இருவருக்கும் கடும் அதிர்ச்சி... 'இது எப்படி நடந்தது?' என்று. சிவசுவுக்கும் அதிர்ச்சி 'இவ்வளவு சீக்கிரம் மாட்டிக்கிட்டோமே' என்று.

'என்ன சார் சொல்றீங்க?. நாங்க இதுவரை பெட்ரோல் மட்டும்தான் லோடு பண்ணிப்போயிட்டிருக்கோம். என்ன சிவசு இதெல்லாம்?'

'என்ன ராஜேஷ் என்னைக்கேட்கிறீங்க?. எனக்கென்ன தெரியும்?. நான் உங்க கிட்டே வேலை செய்ற மேனேஜர் மட்டும்தான். மத்தபடி என்ன லோடாகுது, எங்கே போகுதுங்கிறதெல்லாம் உங்களுக்குத்தானே தெரியும்?'

'அடப்பாவி, உன்னை நம்பித்தானே ஒப்படைச்சேன்'.

அப்போது ஆர்த்தி, 'சார், ராஜேஷ் அப்படியெல்லாம் செய்யக்கூடியவர் இல்லே, இதுல ஏதோ தவறு நடந்திருக்கு. அவர் நிரபராதி. அவரை விட்டுடுங்க'.

'நீங்க யாரும்மா?'

'நான் ராஜேஷின் மனைவி, அதோடு நான் அபி கன்ஸ்ட்ரக்ஷன்ஸ் பார்ட்னர்'.

'என்ன மூணு பேரும் சேர்ந்து நாடகம் ஆடுறீங்களா?. நீங்க யாராயிருந்தாலும் எனக்கு கவலையில்லை. எங்க கடமையைச்செய்ய விடுங்க. கான்ஸ்ட்டபிள்ஸ், இவங்க ரெண்டு பேரையும் ஜீப்பில ஏத்துங்க'.

'சார், அவர் நிரபராதி, அவருக்கு ஒண்ணும் தெரியாது. அவரை விட்டுடுங்க'

ஊகும்.... ஆர்த்தியின் கூச்சல் எதுவும் பலிக்கவில்லை. ராஜேஷையும், சிவசுவையும் போலீஸ் அள்ளிக்கொண்டு போய் விட்டது...

காவல் நிலையம்....

ஏற்கெனவே அவர்களின் டேங்கர் லாரி டிரைவர் லாக்கப்பில் இருக்கிறான்.

ராஜேஷ் இன்ஸ்பெக்டரிடம், 'சார் இது அபாண்டமான பழி, எங்களுக்கு ஒண்ணும் தெரியாது. யாரோ உங்களுக்கு தவறான தகவல் தந்திருக்காங்க'.

'யோவ், நாங்களே சோதனை போட்டு கையும் களவுமா பிடிச்சிருக்கோம்'.

'ஏன் சார், எங்க வண்டி நம்பரைப்போட்டு வேறு யாராவது இதைச் செய்திருக்கலாமில்லையா?'

அப்போது ட்ரைவர், 'முதலாளி, இவங்க பிடிச்சது நம்ம லாரிதான்'.

'பார்த்தியா உன் டிரைவரே ஒப்புக்கொண்டான். இவங்க ரென்டுபேரையும் சேர்த்து லாக்கப்புல வைங்கய்யா'.

அப்போது ஆர்த்தி, 'சார், இதை நான் அனுமதிக்க முடியாது. நீங்க பண்றது அராஜகம்'.

'இங்க பாரும்மா, மேற்கொண்டு எதுவா இருந்தாலும் கோர்ட்டில வந்து பேசிக்க. இனிமேலும் நீ இங்கே நின்னு இந்த மாதிரி பேசிக்கிட்டு இருந்தா உன் மேலும் நடவடிக்கை எடுக்க வேண்டியிருக்கும். கெட் அவுட்'.

அபி கன்ஸ்ட்ரக்ஷன்ஸ் அலுவலகம்....

டிஜிட்டல் வேல்லி ப்ராஜக்ட் விஷயமா சைட்டைப்பார்வையிட முக்கியஸ்தர்கள் வந்திருக்க, அவர்களுடன் அபி பேசிக்கொண்டிருக்கிறாள்.

'பெங்களூர் போற ரோட்டில நாலைந்து இடம் பார்த்து வச்சிருக்கேன். அதுல பொருத்தமான ஒண்ணுதான் நாம முடிவு பண்ணனும். இன்னொரு இடம்கூட பார்த்துக்கிட்டிருக்கேன். கொஞ்சம் அவகாசம் கொடுத்தா அதையும் ரெடி பண்ணிடலாம்'.

'இல்லே மேடம், இப்பவே மேலேயிருந்து ரொம்ப பிரஷர் கொடுக்கிறாங்க. அதனால இதுவரை ரெடியாயிருக்கிற சைட்ஸ நாம பார்த்து அதுல ஒண்ணு ஃபைனலைஸ் பண்ணுவோம். வாங்க இப்பவே போகலாம்'.

அவர்களோடு அபி வெளியாகும் நேரம், ஆர்த்தி ஓடி வந்து, 'அக்கா ஒரு நிமிஷம் உள்ளே வாயேன்' என்று அழைத்துப்போகிறாள்.

'என்ன ஆர்த்தி?'

'அக்கா, ராஜேஷை போலீஸ்ல பிடிச்சிகிட்டுப் போயிட்டாங்க'.

'என்னது போலீஸா?. எதுக்கு?'

'எங்களுடைய டேங்கர் லாரியில சாராயம் கடத்தினதாக அரெஸ்ட் பண்ணிட்டுப் போயிட்டாங்க'.

'உங்களுடைய டேங்கர் லாரியா? எப்போ வாங்கினீங்க?. என்கிட்டே சொல்லவேயில்லையே'.

'அதிருக்கட்டும்க்கா, இப்ப உடனே என்னோடு ஸ்டேஷனுக்கு வா. எனக்கு ரொம்ப பயமா இருக்கு'.

'இப்பவேவா, ஆர்த்தி ஒரு முக்கியமான விஷயமா சில வி.ஐ.பி.க்களோடு சைட் விசிட் போயிட்டிருக்கேன். நீ வீட்டுக்குப்போ. நான் போன்ல ஏற்பாடு பண்றேன்'.

'இல்லக்கா நீ இப்பவே வா அக்கா'.

'ஆர்த்தி என்ன இது? நான்தான் என் சூழ்நிலையை சொல்லிட்டேன்ல?. அப்புறம் ஏன் பிடிவாதம் பண்றே?. நான் போன்ல பேசி ஏற்பாடு செய்றேன். நீ பயப்படாமல் போ'.

அபி போய்விட்டாள். ஆர்த்தி முகத்தில் ஏமாற்றம்.

ஆனால் ஆஃபீஸுக்கு வெளியில் வரும் அபி, காரில் ஏறுமுன்னர் விஸ்வநாதனுக்கு போன் செய்து, விவரத்தைச்சொல்லி, சாலிக்கிராமம் போலீஸ் ஸ்டேஷக்குப்போகும்படி சொல்ல அவரும் ஒப்புக்கொள்கிறார். ஆனால் அபியின் இந்த ஏற்பாடு ஆர்த்திக்கு தெரியாது. அநேகமாக அவள் உதவி தேடி 'ஆதியண்ணா'விடம் போகக்கூடும். (ஒரு யூகம்தான்... கற்பனைக்கென்ன காசா பணமா).

EXACTLY...... I also think she will approach Aadhi.

Saradha... super write up. Thank you.

Quote:

---

Originally Posted by sudha india

EXACTLY...... I also think she will approach Aadhi.
Saradha... super write up. Thank you.

---

நன்றி சுதா....

'ஆதியண்ணா'வுக்கும் ஆர்த்திக்கும்தான் TERMS ரொம்ப நல்லா இருக்கே, அதை வைத்துத்தான் ஒரு யூகம் வருகிறது.

(ஏன் எப்போவாவது வர்ரீங்க?. அடிக்கடி தலையைக்காட்டுங்க)

Dhinamum varen. Unga post padikkaren (seriala pakkaren thro your post)

Sari inime oru post udane podaren.

Quote:

---

Originally Posted by saradhaa_sn

திருவள்ளுவரே தன் கைப்பட எழுதிய 'கம்பராமாயண'த்தில் கோவலனும் கண்ணகியும், துரியோதனனின் சூழ்ச்சியால் கடல் கடந்து போக நேரும்போது... 'நடக்கும் என்பார் நடக்காது, நடக்காதென்பார் நடந்துவிடும்' என்று எழுதி வைத்திருக்கிறாரே.

---

:exactly:

Quote:

---

Originally Posted by saradhaa_sn

(ஒரு யூகம்தான்... கற்பனைக்கென்ன காசா பணமா).

---

:ty:

:2thumbsup:

நாம் நினைத்த மாதிரியே ஆர்த்தி உதவி வேண்டி 'ஆதியண்ணா'விடம்தான் போகிறாள்...

அவள் சென்ற நேரம், ஆதித்யா மிக முக்கியமான் ஒரு மீட்டிங்கில் இருப்பதாகவும், ஒரு மணிநேரத்துக்கு யாரையும் உள்ளே அனுமதிக்கக் கூடாதென்றும் ஒரு மணி நேரத்துக்கு எந்த போன்கால்களையும் அவருக்கு மற்றக்கூடாதென்றும் எம்.டி. (ஆதி) சொல்லியிருப்பதாக, ரிஸப்ஷனிஸ்ட் சொல்ல, ஆர்த்தி தவிக்கிறாள். ஆதியின் செல்போனும் ஸ்விட்ச் ஆஃப் செய்ப்பட்டிருக்கிறது. இதுபோக இன்னும் சில முக்கியமான பிஸின்ஸ்மேன்கள் ஆதியைப்பார்ப்பதற்காக ரிஸப்ஷனில் காத்திருக்கிறார்கள்.

திடீரென மீட்டிங் அறையிலிருந்து வரும் ஆதி, ரிஸப்ஷனிஸ்ட்டை நோக்கி கோபத்துடன், "அந்த அக்ரிமெண்ட் ஃபைல் கேட்டேனே, என்ன ஆச்சு?. கிரி என்ன பண்ணிக்கிட்டு இருக்கான்" என்று சத்தம் போட்டுக்கொண்டு வரும்போது...

'அண்ணா'

'என்ன ஆர்த்தி திடீர்னு வந்திருக்கே, என்ன விஷயம்'

'ஒரு பெரிய பிரச்சினை அண்ணா, உங்ககிட்டே உதவிக்காக வந்திருக்கேன்'.

'என்ன ஆச்சு சொல்லு'.

'ராஜேஷை போலீஸில் பிடிச்சிகிட்டுப் போயிட்டாங்க'.

'அப்படியா, எதுக்காக?'

'டேங்கர் லாரியில் சாராயம் கடத்தினதா சொல்றாங்க. ஆனா அவருக்கு அது பத்தி எதுமே தெரியாது அண்ணா. நீங்க கொஞ்சம் உடனே வந்தா தேவலைண்ணா'.

'என்ன ஆர்த்தி, உனக்காக இதுகூட செய்ய மாட்டேனா?. இதோ உடனே வரேன்' என்றவன் ரிஸப்ஷனிஸ்ட் பக்கம் திரும்பி, 'மீட்டிங்கை ஒருமணிநேரம் நிறுத்தி வைக்கச்சொல்லு. இதோ வந்திடுறேன்'.

'சார் நீங்க முக்கியமான அக்ரிமெண்ட்ல கையெழுத்துப்போடணும்ங்கிறதுக்காக இவங்கள்ளாம் வெயிட் பண்ணிக்கிட்டு இருக்காங்க'.

'ஸாரி சார், கொஞ்சம் வெயிட் பண்ணுங்க. ஜஸ்ட் ஒரு மணிநேரத்துல வர்ரேன்'.

'பரவாயில்லை, போயிட்டு வாங்க மிஸ்ட்டர் ஆதி'.

ஆதியண்ணா எந்த மாதிரி சூழ்நிலையில் உதவிக்கு வருகிறான் என்று நினைத்து ஆர்த்தி உருகிப்போகிறாள்.

'சரி ஆர்த்தி, ராஜேஷை எந்த ஸ்டேஷன்ல வச்சிருக்காங்க?. எஃப்.ஐ.ஆர்.போட்டுட்டாங்களா?'

'அதெல்லாம் தெரியலைண்ணா. சாலிக்கிராமம் ஸ்டேஷன்ல வச்சிருக்காங்க'.

'அட அந்த இன்ஸ்பெக்டர் எனக்கு தெரிஞ்சவர்தான். ஒண்ணும் பயப்படாதே'.

போலீஸ் ஸ்டேஷன்....

'என்ன இன்ஸ்பெக்டர், என்ன நடக்குது இங்கே?'

'சார் நீங்களா?. வாங்க சார்'.

'அதெல்லாம் இருக்கட்டும். எதுக்காக இவரை உள்ளே வச்சிருக்கீங்க?. உடனே அவரை ரிலீஸ் பண்ணுங்க'.

'சார், டேங்கர் லாரியில சாராயம் கடத்தியிருக்காங்க'.

'அதை ராஜேஷ்தான் பண்ணினார்னு எப்படி சொல்றீங்க?. ப்ரூஃப் இருக்கா?'

'அவர்தாங்க வண்டியோட ஓனர்'.

'சரி அவங்களை வெளியில கொண்டாங்க நான் கேட்கிறேன்'. மூவரும் லாக்கப்பிலிருந்து விடுவிக்கப்பட.....

சிவசுவிடம் ஆதி, 'ஏன்யா, நீதானே மேனேஜர். உனக்கு லாரியில என்ன சரக்கு லோடாகுதுன்னு தெரியாதா?'

'தெரியாது சார், எல்லாம் ராஜேஷுக்குத்தான் தெரியும்'.

அப்போது ஆர்த்தி, 'ஐயோ அண்ணா, இந்த பாவி பொய் சொல்றான். வண்டியோட முழு கண்ட்ரோலும் இவன்கிட்டேதான் ராஜேஷ் கொடுத்திருந்தாரு'.

'சரி, இன்ஸ்பெக்டர். நான் டிரைவர்கிட்டே தனியா பேசணும்'

டிரைவரை ஆதி வெளியே அழைத்துப்போய், 'இதோ பாரு, இந்த தப்பை நீதான் செஞ்சேன்னு ஒத்துக்கோ. அதிகமா போனா ஆறுமாசம் ஜெயிலில் வைப்பாங்க. அதுக்காக உனக்கு ஒரு லட்சம் ரூபாய் தர்ரேன். போதலைன்னா மேற்கொண்டு ஐம்பதாயிரம் தர்ரேன். நீதான் செஞ்சேன்னு ஒத்துக்கிட்டு உள்ளே போ. நீ ஜெயில்லே இருந்து வந்ததும் நானே உனக்கு ஒரு நல்ல வேலை ஏற்பாடு பண்ணித்தர்ரேன். எனா சொல்றே?'

சிறிதுநேர யோசனைக்குப்பின் டிரைவர் சம்மதிக்கிறான். உள்ளே வரும் ஆதி, 'இப்போ கேளுங்க இன்ஸ்பெக்டர்'.

'என்னய்யா சொல்றே?'.

'ஆமா சார், நான்தான் தப்பு பண்ணினேன். அவங்களுக்கு எதுவும் தெரியாது சார்'.

'பின்னே ஏண்டா, முதல்ல தெரியாதுன்னே?. கான்ஸ்டபிள், இவன்கிட்டே ஸ்டேட்மெண்ட் எழுதி வாங்குய்யா. சார், நீங்க இவங்களை அழைச்சிக்கிட்டு போகலால்ம்'.

சிவசுப்பார்த்து ஆதி, 'யூ ராஸ்கல், ஓடிப்போடா. இனிமேல் உன்னை இந்த ஊர்ல எங்காவது பார்த்தேன்னா ஷூட் பண்ணிடுவேன்'.

'உங்களுடைய பிஸி ஷெட்யூலுக்கு நடுவுல எனக்காக இவ்வளவு தூரம் வந்து உதவினதுக்கு ரொம்ப நன்றிண்ணா'.

'ஏய் ஆர்த்தி, என்ன நன்றியெல்லாம் சொல்லிக்கிட்டு?. இது என்னோட கடமை. சரி, எனக்கு முக்கியமான வேலைகள் இருக்கு நான் வரேன். இனிமேலாவது யாரை நம்பலாம், யாரை நம்பக்கூடாதுன்னு தெரிஞ்சு நடங்க'.

ஆதி போனதும், ராஜேஷ் ஆர்த்தியிடம், 'என்ன ஆர்த்தி இது?. அபியண்ணி இவ்வளவு நன்றிகெட்டபங்களா இருப்பாங்கன்னு நினைக்கலை. சஷ்டியப்த பூர்த்தி விழா சமயத்துல கூட அந்த மனோ ஆதிகூட போய் சேர்ந்துக்கிட்டபோது நாம அபிக்கு துணையா அவங்க கூடத்தானே நின்னோம். ஆனா இந்த மாதிரி நேரத்துல உதவிக்கு வரமாட்டேன்னுட்டாங்களே'.

அப்போது காரில் அங்கு வந்திறங்கும் விஸ்வநாதன் பதட்டத்துடன், 'என்ன ஆர்த்தி என்ன ஆச்சு?. அபி போன்ல ஒண்ணும் விவரமா சொல்லலை. அதான் ஓடி வந்தேன். என்ன ஆச்சு?'

ஆர்த்தி கோபத்துடன் கையெடுத்துக்கும்பிட்டு, 'ரொம்ப நன்றி சார், ஒண்ணும் பிரச்சினையில்லை. இவர் மேலே தப்பு இல்லேன்னதும் விட்டுட்டாங்க. போய் உங்க அபி மேடத்துகிட்டே சொல்லுங்க'. விஸ்வநாதன் திகைத்து நிற்கிறார்.

பெரிய போலீஸ் அதிகாரியின் (அஸிஸ்டெண்ட் கமிஷனர்...?) அலுவலகம்.....
மேனகாவிடம் மோதிய பத்து ஃப்ளாட் ஓனர்களும் அவரிடம் வந்து முறையிடுகிறார்கள்.

'சார், எங்க ஃப்ளாட்டைத்தரமாட்டோம்னு மறுத்ததுக்காக எங்களுக்கு தொல்லை கொடுக்கிறாங்க. மோசமான ரவுடிகளை எங்க எதிர் ஃப்ளாட்கள்ள குடி வச்சு பெண்களை பயமுறுத்துறாங்க. சதா ஸ்டீரியோவை சத்தமாக வைத்துக்கொண்டு ஆட்டமும் பாட்டமுமாக எங்களை நிம்மதியா தூங்க விடமாட்டேன்கிறாங்க. போய் அவங்களிடம் சொன்னால் காலி பண்ண முடியாது. முடிஞ்சா போலீஸ்கிட்டே போய் கம்ப்ளைண்ட் பண்ணுங்கன்னு ரொம்ப அஸால்ட்டா பதில் சொல்றாங்க'.

'அப்படியா?. குடியிருப்பவர்களுக்கு தொல்லை தருவதுபோல நடப்பது ரொம்ப மோசமான குற்றம். இதுக்கு பல செக்ஷன்களில் கேஸ் போடலாம். நீங்க ஒரு கம்ப்ளெயிண்ட் எழுதிக்கொடுங்க'.

'இதோ எழுதியே கொண்டாந்திருக்கோம் சார்'.

'கொடுங்க, இது ஒண்ணு போதும் அவங்க மேல் நடவடிக்கை எடுக்க. இப்பவே போகலாம் வாங்க என்னோடு'.

அப்போது ஒரு போன் கால் வர, எடுத்துப்பேசுகிறார்...

'சரி சார்... எஸ் சார்.... ஓகே சார்.... நான் பார்த்துக்கிறேன் சார்..'

போனை வைத்துவிட்டு, அவர்களிடம் திரும்பி... 'ஆமா நீங்க இவ்வளவு நேரம் பேசினது மேனகா மேடத்தைப்பத்தி தானே. போங்கப்பா, போய் அவங்ககூட சமாதானமா போகப்பாருங்க. எதுக்கு வீணா பெரிய இடங்களைப் பகைச்சுக்கறீங்க. அவ்ங்க உங்களுக்கு இடைஞ்சல் கொடுத்தா இப்போ இருக்கிற இடத்தை விட்டு வேறு இடத்துக்குப்போங்க'.

குடித்தனக்கார்கள் அதிர்ச்சியுடன் ஒருவரை ஒருவர் பார்த்துக்கொண்டே வெளியேறுகின்றனர்.

அபியின் வீடு....

'அம்மா... அம்மா...' வீடே இரண்டுபடும்படியாகக் கத்திக்கொண்டு வரும் ஆர்த்தியைப்பர்த்து... 'என்னடி ஆச்சு? எதுக்கு இவ்வளவு கோபமா வர்ரே?' என்ற் கற்பகம் கேட்க....

'அக்கா வந்தாச்சா...?'

'யாரைக்கேட்கிறே? அபியையா ஆனந்தியையா..?'

'ஓ... அப்ப உனக்கு விஷயமே தெரியாதா?. உனக்கு கூட ஒரு போன் பண்ணிச்சொல்லணும்னு அபி மேடத்துக்கு தோணலையா?'

'என்னடி சொல்றே நீ?. ஒண்ணுமே புரியலை. என்ன ஆச்சு?'

'ராஜேஷை போலீஸ்ல பிடிச்சிக்கிட்டுப்போயிட்டாங்கன்னு அபி மேடத்துகிட்டே போய் சொன்னா, அவங்க அதைக்கண்டுக்காம அவங்க பிஸினஸ்தான் பெரிசுன்னு போயிட்டாங்க. தெரியுமா?'

'என்னது மாப்பிள்ளையை போலீஸ்ல கொண்டுபோயிட்டாங்களா.. ஏண்டி'.

'டேங்கர் லாரி விஷயமா ஒரு பிரச்சினைம்மா, அதுக்காகத்தான். உடனே போய் அக்கா கிட்டே சொன்னா அவங்க எந்த ரியாக்ஷனும் இல்லாமல் அவங்க பிஸினஸ்தான் பெரிசுன்னு போயிட்டாங்க. நான் எனக்கு 'வேண்டிய' ஒரு ஆள் மூலமா அவரை வெளியில் கொண்டு வந்திட்டேன்'.

'ஆர்த்தி, நீ அபி மேலே குற்றம் சொல்லாதே. அவளுடைய சூழ்நிலை எப்படியோ?'

'நீங்கள்ளாம் இப்படியே சொல்லிக்கிட்டு இருங்க. எனக்கு வந்த நிலைமை உங்களுக்கும் வந்தால் அப்போ தெரியும்'

வாசலில் அபி, 'என்ன தெரியணும் ஆர்த்தி?'

'வந்துட்டீங்களா?. உனக்கு கூடப்பிறந்தவங்கலோட பிரச்சினையை விட உன் டிஜிட்டல் வேல்லி பிஸின்ஸ்தானே பெரிசு?. அதுதானே முக்கியம்?.

(ஆர்த்தியின் நல்ல நேரம், ஆனந்தி அங்கேயில்லை. இருந்தால் அபியைவிட சூடாக பதில் கொடுத்திருப்பாள்).

'பைத்தியம் மாதிரி பேசாதே ஆர்த்தி. நான் விஸ்வநாதன் சாரை போலீஸ் ஸ்டேஷனுக்கு அனுப்பிட்டு, அடிக்கடி அவருக்கு போன் பண்ணி கேடுக்கிட்டுத்தான் இருந்தேன்'.

'நிறுத்துக்கா, நடிச்சதெல்லாம் போதும் இனிமேலும் நம்ப நாங்க தயாராயில்லை. இனிமேல் உங்க ஒட்டும் வேணாம் உறவும் வேணாம். ஆளை விடு'.

ஆர்த்தி கோபத்துடன் வெளியேற, அபி திகைத்தபடி நிற்க கற்பகம் சாரதாவைப்பார்த்து... 'என்ன சாரதா இதெல்லாம்....' என்று ஆரம்பிக்கும் நேரம், சட்டென்று ரிமோட்டை எடுத்து சேனல் மாற்றினேன். (பின்னே...? நேரம் ஆச்சு, இதுக்குப்பிறகு எந்த முக்கியமான காட்சியும் வரப்போவதில்லை. அப்படியிருக்க கற்பகத்தின் புலம்பலைக்கேட்க வேண்டுமா?. தூங்கப்போகும் நேரத்தில் நமக்கேன் இந்த தண்டனை..?).

ஆர்த்தி என்னதான் ஆகா ஊகூ என்று தன் பக்கம் நியாயத்தைப்பேசினாலும், நமக்கு அவள் மேல் அனுதாபம் கொஞ்சமும் வரவில்லை. ஆர்த்தி என்றாலே நமக்கு 'தொல்காப்பியன் - பாண்டிச்சேரி - ஓட்டல் அறை - ஆர்த்தியின் துரோகம்' இவையெல்லாம் நினைவுக்கு வந்து... 'போடி, நீ ரொம்ப யோக்கியமோ?' என்ற எண்ணமே மேலோங்குகிறது.

Quote:

---

Originally Posted by saradhaa_sn

... 'என்ன சாரதா இதெல்லாம்....' என்று ஆரம்பிக்கும் நேரம், சட்டென்று ரிமோட்டை எடுத்து சேனல் மாற்றினேன். (பின்னே...? நேரம் ஆச்சு, இதுக்குப்பிறகு எந்த முக்கியமான காட்சியும் வரப்போவதில்லை. அப்படியிருக்க கற்பகத்தின் புலம்பலைக்கேட்க வேண்டுமா?. தூங்கப்போகும் நேரத்தில் நமக்கேன் இந்த தண்டனை..?).

:lol: Andha Karpagam indha Saradhaa-vai parthu kettadhu pola irundhudha...... You are the greatest fan of Karpagam.. :lol:

ஆர்த்தி என்னதான் ஆகா ஊகூ என்று தன் பக்கம் நியாயத்தைப்பேசினாலும், நமக்கு அவள் மேல் அனுதாபம் கொஞ்சமும் வரவில்லை. ஆர்த்தி என்றாலே நமக்கு 'தொல்காப்பியன் - பாண்டிச்சேரி - ஓட்டல் அறை - ஆர்த்தியின் துரோகம்' இவையெல்லாம் நினைவுக்கு வந்து... 'போடி, நீ ரொம்ப யோக்கியமோ?' என்ற எண்ணமே மேலோங்குகிறது.

---

Exactly.

Quote:

---

Originally Posted by saradhaa_sn

.'நிறுத்துக்கா, நடிச்சதெல்லாம் போதும் இனிமேலும் நம்ப நாங்க தயாராயில்லை. இனிமேல் உங்க ஒட்டும் வேணாம் உறவும் வேணாம். ஆளை விடு'.

---

:ty:

""ஆதி: இப்பதான் ஆரம்பம் ""என்கின்றான்

அப்படியானால் இன்னும் எத்தனை வருடங்கள்... :hammer: :hammer:

Quote:

---

ஆறு வருடங்கள் தொடர்ந்த கோலங்கள் சீரியல் வரும் மார்ச் மாதத்தில் முடிய இருக்கிறது. இந்த சீரியலின் இயக்குனர் திருச்செல்வம் அடுத்து பெரிய திரைக்கு வர இருக்கிறார். முற்றிலும் புது முகங்களைக் கொண்டு முற்றிலும், குடும்பச் செண்டிமெண்டை மையமாகக் கொண்ட படமாக இருக்கும் என்கிறார்.
பெரிய நிறுவனங்களின் தயாரிப்பு என்றால் சுதந்திரம் இருக்காது என்று கருவதால் தன் நண்பரை தயாரிப்பாளராக களமிறக்குகிறார். முதல் படமே ஆக்சன் படமாக அமைந்து அது ஓடாவிட்டால் இவனுக்கு சீரியல இயக்க மட்டும் தான் தெரியும் போல என்று முத்திரை விழுந்துவிடும். அதனால் கிளாசிக்கலாக ஒரு படமெடுத்து அது ஓடாவிட்டாலும் படம் நண்றாக இருக்கிற விஷயம் தெரிந்தவன் தான் என்று பெயர் வாங்கிக் கொடுத்தாலே போதும் என்கிறார் திருச்செல்வம்.


‘தொடர்’ந்து ஜெயிச்சுக்கிட்டே இருங்க பாஸ்!!

---

'ஆனா' அடிக்கடி சொல்வதுபோல, அடுத்த அஸைன்மெண்ட் கிடைக்கும் வரை 'கோலம்' போடலாம் என்று இருந்திருப்பார் (இழுத்திருப்பார்) போலும். இப்போது அடுத்த வாய்ப்பு, அதுவும் பெரிய திரையில் கிடைத்திருப்பதால், கோலங்களுக்கு முற்றுப்புள்ளி வைக்க நினைக்கிறார்.

அவர் இந்த சீரியலை முடிப்பது பெரிய விஷயமல்ல. ஆனால் இதில் அவர் போட்டிருக்கும் அத்தனை முடிச்சுகளையும் அவிழ்க்க வேண்டும். பெரும்பாலான சீரியல்கள் எந்த உருப்படியான தீர்வுமின்றி 'சப்'பென்று முடித்து விடுவார்கள். (பெரிய உதாரணம் சமீபத்தில் வந்த 'பொறந்த வீடா புகுந்த வீடா' தொடர்).

ஆனா; கோலங்கள் அப்படியல்ல... ஏகப்பட்ட முடிச்சுகள், மற்றும் சிக்கல்கள். அதை சரியானபடி கையாண்டு காலம் காலமாக பார்த்து வரும் ரசிகர்கள் திருப்தியடையுமாறு முடிக்க வேண்டும்.

இப்போது திருச்செல்வம் இன்னொரு சிக்கலில் மாட்டிக்கொண்டு விட்டார். 'கோலங்களை' சரியானபடி முடிக்காவிட்டால், அதன் எஃபெக்ட் அவர் எடுக்கப்போகும் திரைப்படத்தையும் பாதிக்கும் வாய்ப்பு உண்டு. (சரி, மிரட்டுவதாகத்தான் வச்சுக்குங்களேன்).

அது சரி, திரைப்படம் அநேகமாக 30 ரீல்களுக்கு மேல் இருக்குமா?. அப்படீன்னா ஒரு நாளைக்கு திரையரங்கில் ஒரு காட்சிதான் திரையிட முடியும். மூன்று இடைவேளைகள் தேவைப்படும்.

பார்ப்போம்....

இப்படியும் செய்தி வர வாய்ப்புண்டு....

"திருச்செல்வத்தின் திரைப்பட பிரவேசம் கொஞ்சம் தாமதமாவதால் 'கோலங்கள்' தொடரை மேலும் ஒராண்டுக்கு நீட்டிக்க முடிவு செய்துள்ளார்".

Quote:

---

Originally Posted by saradhaa_sn

இப்போது திருச்செல்வம் இன்னொரு சிக்கலில் மாட்டிக்கொண்டு விட்டார். 'கோலங்களை' சரியானபடி முடிக்காவிட்டால், அதன் எஃபெக்ட் அவர் எடுக்கப்போகும் திரைப்படத்தையும் பாதிக்கும் வாய்ப்பு உண்டு. (சரி, மிரட்டுவதாகத்தான் வச்சுக்குங்களேன்).
".

---

:lol: :rotfl:

FRIDAY

Even though Rajesh is become a businessman, the ‘Auto Driver’ inside him did not go entirely from him. So he is coming to Sivasu (alias Siva Subramaniyam) house in fully drunken condition and quarrelling with his sister about the cheat of her brother, by carrying arrack in his tanker lorry. Suddenly that girl knows the situation and the condition of Rajesh at that time, and she is predicting as she is supporting Rajesh and tells him there is no harm even if he kills her brother. (We can easily find out that she is acting). But this drunken Rajesh did not know about that, and believes that she is also hats her brother and supporting Rajesh.

In the meantime Sivasu comes home and seeing rajesh is there and his sister also supporting him and tells him to attack. He escapes from Rajesh by pushing him to the floor. Because of falling on the floor Rajesh feels more pain. That girl asking him to come with her to hospital for treatment, but Rajesh refuses and asks her to buy a brandy bottle for him, so that he can get relief from pain.

When going down to stairs, Sivasu is waiting there for her and he understood the ‘action’ of his sister to make him escape from Rajesh. He gives her a liquor bottle, which he was keeping for his own use. After drinking again, Rajesh goes out of his control and asks her to take him to his house. But that girl takes him to her bedroom and starts her cunning plan.

Sivasu meets Adhithya and tells him that everything is going as per Adhi’s plan. Adhi admires him and asking him where is Rajesh now. He replies, he is with his “sister” now. Adhi tells him, not to spell the word ‘sister’ and he know the bad relationship between them too (!?!?!?!?!?). Meantime he receives a phone call from Arthi, and telling him thanks again. But Adhi refuses it and tells her, it is his duty to save his sister when she is in trouble. Arthi melting like anything and tells him she hats her sis Abi and will not go her office hereafter. But Adhi is not accepting his decision and tells her to go office as usual, otherwise Abi will plan to send her out from the company permanently, and she will loose ger grip on Abi Constructions. He also asks her to act in front of Abi to get her sympathy and forget everything which Arthi talked cruelly with her.

Arthi accepts her beloved ‘Adhiyannaa’s’ advice and decides to go to office as usual. She also tells Adhi that Rajesh did not come home yet, and Adhi replies that he will take care of that, he will search and bring him within half an-hour to her home. Arthi fully falls in the net of Adhithya. Adhi tells Sivasu to send rajesh to his home. He also thanks to Inspector for his co-operation for this drama.

Giri as usual admires his boss for his brilliant actions against Abi… and Adhi tells him “this is the Start”. (After six years, now only he starts..?.)

(Just to beat one Abi, Adhithya is taking this much efforts…?. He is planning more wider than the terrorists, who attacked Mumbai).

MONDAY

Arthi is coming to office and sitting outside Abi’s cabin, so that Abi can watch her. Abi watches her when Arthi was seeing somewhere, but when Arthi sees Abi, she is reading some files. Krishnan asks Arthi, what is the problem, but she says nothing. He is coming inside Abi’s cabin and tells her Arthi is waiting there, but she replies she knows that and asks him to do his job.

At that time Arthi just walks some steps and falls down (just to attract the concentration of Abi). As she expected Abi runs out from her cabin and enquires her about what happened. One lady sraff gives water to Arthi, and after she get up, Abi takes Arthi to her cabin with more affection and asks her to sit there. Arthi tells ‘sorry’ to Abi and asks to forgive her for her rude talks that day, because she was in the situation to save Rajesh from Police. Abi tells her that she forgot everything on the same same day, but Arthi says she is not able to forget it, thatswhy she did not take any food for the past two days which is the reason for her tiredness and falling down outside the cabin.

Abi takes her food from the carrier and feeds Arthi with her hand and tells Arthi not to worry for anything and she is behind her for everything. (So Adhi’s plan 100% success).

The rowdies who where staying in the apartments are again giving trouble to fellow tenants by dancing with high pitch stereo songs. So they decided that no otherway except selling their apartments to Menaka and go to some other calm places. They meet her and tell their decision and ask her to give double the amount of market rate, as she demanded earlier. Adhithya and Giri also there. But now she refuses and tells ‘past is past’ they missed their opportunity given by her and now she cant give even a single paise more than market rate, and asks them if they don’t want to sell for that amount, they can go. She also threatening them nobody will buy their flats except her. As there is noway, they all accept to sell for the amount what she offered. After they left, Adhi praises Menaka for her cunning behavior, by creating situations as per her will and wish.

At that time Menaka’s “dad” Rajavarman arrives there with a surprise to everyone there, especially for Menaka. He introduces a new guy to Menaka. That guy watching Menaka by forgetting everything around him (may be another Ranjith). He says Menaka is so beautiful, as said by Rajavarman. But Meenu did not like this comment.

After everyone gone inside the house, Adhi and Giri alone in the lawn. Giri asks about the new guy, but Adhi says ‘nobody can enter in between Him and Menaka’.

(the inner meaning is, Adhi wants to become ‘Mappillai’ for Tholkaappiyan…??????? :lol: )

Quote:

---

Originally Posted by saradhaa_sn

FRIDAY
(the inner meaning is, Adhi wants to become ‘Mappillai’ for Tholkaappiyan…??????? :lol: )

---

:lol:

மேனகாவின் வீடு. வழக்கம்போல மேனகா ஒரு லேடாப்பை மடியில் வைத்துப் பார்த்துக்கொண்டிருக்க (கோடிக்கணக்கில் பிஸினஸ் செய்யும் மேடத்துக்கு இன்னும் ஒரு டேபிள் வாங்க காசில்லை). அப்போது அவளது ‘அப்பா’ ராஜவர்மன் வருகிறார்….

‘இதோ பாரு மேனகா.....பொழுதன்னைக்கும் நீ லேப்டாப்பை வச்சுப் பார்த்துக்கிட்டிருக்கியே தவிர உன்னுடைய வாழ்க்கையைப்பத்தி எதுவுமே நினைக்க மாட்டேங்கிறியே’

‘அப்பா லைஃப்ல என்னுடைய ஒரே லட்சியம் பிஸினஸ்ல கொடிகட்டிப் பறக்கணும்ங்கிறதுதான்’

‘அதெல்லாம் சரிம்மா, ஆனா நாளாக நாளாக உனக்கு வயசு எறிக்கிட்டே போகுதும்மா’

‘நாளாக நாளாக வயசு ஏறிக்கிட்டேதாம்பா போகும்’.

‘அது விஷயமா பேசத்தாம்மா இப்போ நான் வந்திருக்கேன்’

‘எதைப்பத்தி?. என்னுடைய வயசு ஏறிகிட்டே போறதைப்பத்தியா?’ மேனகா சிரித்துக்கொண்டே கேட்க, ‘அதாம்மா, உன்னுடைய கல்யாண விஷயமா பேசத்தான் வந்திருக்கேன். பிரதீப் ரொம்ப நல்லவன். சின்ன வயசிலிருந்தே நமக்கெல்லாம் தெரிஞ்சவன்’

‘அப்பா, எனக்கு கல்யாண ஆசையெல்லாம் அறவே இல்லைப்பா. என்னோட ஒரே லட்சியம் என் பிஸினஸ்தான்’

அப்போது அஙே பிரதீப் வர, இருவரும் பேசிக்கொள்ளட்டும் என்று ராஜவர்மன் ஒதுங்கிப்போகிறார். பிரதீப் மெல்ல அவனுடைய பீடிகையைப்போட மேனகா எதற்கும் மசிவதாக இல்லை…..

‘என்னிடம் நீங்க என்ன எதிர்பார்க்கிறீங்க மேனகா? சொன்னால் அதுக்கு தகுந்த மாதிரி என்னை மாத்திக்குவேன்’

‘மிஸ்ட்டர் நான் உங்களைப்பிடிக்கலைன்னு சொல்லலை, கல்யாணம் என்கிற கான்செப்டே எனக்கு பிடிக்கலை. ஒரு பெண் கண்டிப்பா கல்யாணம் பண்ணித்தான் ஆகணும்னு ஏன் எல்லொரும் நினைக்கிறாஙன்னு தெரியலை. மிஸ்ட்டர் பிரதீப், உங்களுடைய திறமைக்கும் தகுதிக்கும் என்னுடைய கம்பெனியில் நான் ஒரு வேலை தரலாமே தவிர, கல்யாணம் எல்லாம் எனக்கு அற்வே பிடிக்கவில்லை’.

‘கொடுங்க மேனகா, உங்க கம்பெனியிலேயே, அதிலும் குறிப்பா உங்க பி.ஏ.வா வேலை கொடுங்க. அப்படி உங்க பக்கத்தில நான் இருக்கும்போது ஒருவேளை உங்க மனசுக்கு என்னைப் பிடிக்கலாமில்லையா?’.

பிரதீப் திரும்ப திரும்ப செக்குமாடு மாதிரி திருமண கான்செப்டிலேயே சுற்றி வருவது மேனகாவை எரிச்சலூட்டுகிறது.

கோர்ட்…..

ஆதியும் உஷாவும் கூண்டில் நிறுத்தப்பட்டு நீதிபதியால் நேரடியாக விசாரிக்கப்படுகின்றனர். வழக்கமாக அவர்கள் பலமுறை பல இடங்களில் பரஸ்பரம் சொன்ன அதே குற்றச்சாட்டுகளையே நீதிபதி முன்பும் கூறுகின்றனர். ஆதியின் தரப்பிலிருந்து ‘உஷா அடக்கமில்லாதவள், புருஷனை மதிக்காதவள், அடக்கமில்லாமல் ட்ரெஸ் பண்ணுகிறாள், தாலியைக்கழற்றிவிட்டாள்’….. அதுபோல உஷா தரப்பிலிருந்து ‘ஆதி பெண்களை மதிக்கத்தெரியாதவர், அடிமைகளாக நடத்துபவர், ஆணாதிக்கம் பிடித்தவர்’… என்ற குற்றச்சாட்டுக்கள்….

‘அபின்னு ஒரு பொண்ணு இருக்கா. அவள் எனக்கு பிஸினஸில் பெரிய எதிரி. இந்த உஷா, அபி எனக்கு விரோதின்னு தெரிஞ்சிருந்தும் அவளுக்கு சப்போர்ட்டா இருக்கா’.

‘யுவர் ஆனர், அந்த அபி வேறு யாருமில்லை இவரோட அக்காதான். ஐ மீன், இவருடைய அப்பாவின் முதல்தாரத்து மகள். அதுமட்டுமல்ல, இவரை நான் லவ் பண்ண முன்பிருந்தே அபி எனக்கு பெஸ்ட் ஃப்ரண்ட். எங்க கல்யாணத்துக்கு முன்னரே ஆதிக்கு அது தெரியும். தெரிஞ்சுதான் கல்யாணம் பண்ணிக்கிட்டாரு.

‘யுவர் ஆனர், அந்த அபிக்கும் எனக்கும் என்ன உறவுன்னு எனக்கு தெரியுமுன்பே நான் இவளைக் கல்யானம் பண்ணிக்கிட்டேன். அது மட்டுமில்லே, தொல்காப்பியன்னு எனக்கு இன்னொரு விரோதி. அவனோடு சேர்ந்துகொண்டு இந்த உஷா ஊர்சுற்றுவது, எங்க பில்டர்ஸ் அசோஸியேஷன் மத்தியில எனக்கு பெரிய தலைகுனிவை ஏற்படுத்தி இருக்கு’.

‘யுவர் ஆனர், ஒரே ஒரு ரிக்வெஸ்ட், என்னுடைய குழந்தையை மட்டும் என்கிட்டேயே இருக்க நீங்க அனுமதிக்கணும்’ - உஷா

‘இல்லே யுவர் ஆனர், குழந்தை என்னுடையது, அது என்னிடம்தான் வளர வேண்டும்’ – ஆதி.

‘இருவரும் தங்கள் முடிவை மறு பரிசீலனை செய்ய அவகாசம் அளித்து, மீன்டும் இந்த வழக்கு பதினைந்தாவது நாள் நடைபெறும்’.

கோர்ட்டிலிருந்து வெளியே வரும் ஆதியை பத்திரிகை நிருபர்கள் சூழ்ந்துகொண்டு கேள்விகள் கேட்க, கிரி அவர்களை விலக்கி விட, ஒரு கேள்விக்கும் பதில் சொல்லாமல் ஆதி காரில் ஏறிபோய்விடுகிறான்.

வெளியே வரும் உஷாவையும் நிருபர்கள் சூழ்ந்துகொண்டு கேள்விகளால் நெருக்க, அவளும் பதில் சொல்ல மறுக்கிறாள்.

‘இதோ பாருங்க, இது என்னோட பெர்சனல் விஷயம். இது பத்திரிகையில் வருவதை நான் விரும்பவில்லை’.

‘அப்படீன்னா முதலில் பேட்டி கொடுத்திருந்தீங்களே எண்?’

‘அதை நான் கொடுக்கவில்லை’.

‘அப்படீன்னா ஏன் மறுப்பு தெரிவிக்கவில்லை?’

‘மறுப்பு தெரிவிச்சா என்ன ஆகும்னு எனக்கு தெரியும், அதனால்தான்’.

‘தொல்காப்பியனுக்கும் உங்களுக்கும் தொடர்பு இருப்பதாகவும், அவர் எந்நேரமும் உங்களோடு இருப்பதாகவும் ஆதி சொல்றாரே’.

‘தொல்காப்பியன் என்னுடைய பெஸ்ட் ஃப்ரண்ட், தவிர அவரும் நானும் சேர்ந்து புது பிஸினஸ் ஸ்டார்ட் பண்ணப்போறோம். அதுக்காக அவரோடு நான் பல இடங்களுக்கும் போக வேண்டிய சூழ்நிலை. ஏன் அந்த ஆதிகூடத்தான் எந்நேரமும் அவருடைய பிஸினஸ் பார்ட்னர் மேனகாவோடு இருக்கிறார்’.

‘அப்படீன்னா ஆதிக்கும் மேனகா மேடத்துக்கும் தொடர்பு இருக்குன்னு சொல்றீங்களா?’

அப்போது இடையே புகும் உஷாவின் அப்பா, ‘உஷா இவங்க வேணும்னே நம்ம வாயைக் கிண்டுறாங்க. இவங்களுக்கெல்லாம் பதில் சொல்லனும்னு அவசியமில்லை. வா போகலாம்’.

Quote:

---

Originally Posted by saradhaa_sn

‘நாளாக நாளாக வயசு ஏறிக்கிட்டேதாம்பா போகும்’.

---

:ty:

ரொம்ப நன்றி 'ஆனா'...

நீங்க மட்டும் இல்லைன்னா, நான் இங்கே தனியாகத்தான் புலம்பிக்கிட்டிருப்பேன்னு நினைக்கிறேன்.

‘தொழிலதிபர் ஆதித்யாவுக்கு மேனகாவுடன் தொடர்பு
ஆதியின் மனைவி உஷா பேட்டி’

என்ற வாசகங்கள் போஸ்ட்டரை அலங்கரிக்க, பத்திரிகை கடை வாசலில் மூன்று பேரின் உரையாடல்…. ‘முன்னெல்லாம் சினிமாக்காரர்களைப்பத்திதான் இம்மாதிரி நியூஸெல்லாம் வரும். இப்போ தொழிலதிபர்களைப் பத்தியேவா’

‘நெருப்பில்லாமல் புகையுமாப்பா?. அதான் அந்த ஆதியின் மனைவியே பேட்டி கொடுத்திருக்காங்களே’

(எவனோ ஒருத்தன் இந்த பழமொழியைச் சொல்லிவிட்டுப்போய்விட்டான். இப்போ வதந்தியைப் பரப்புவோர்க்கு இதுவே வசதியாகப்போய் விட்டது).

மேனகாவின் வீடு….. கோபத்தின் உச்சியில் மேனகா….

ஆதி உள்ளே நுழைகிறான் ‘வரசொன்னீங்களே மேடம்’

‘What is going on here Adhi?.. உங்க மனைவி உஷாவின் பேட்டியைப் படிச்சீங்களா?. What the hell she is talking?. அந்த உஷாவை இதுவரை நான் பார்த்தது கூட கிடையாது. அப்படியிருக்க எப்படி இந்த மாதிரி அவள் சொல்லலாம்?. உங்களுக்கும் உங்க மனைவிக்கும் இடையே உள்ளது உங்க பெர்சனல் மேட்டர், அதுல என்னை எதுக்கு அனாவசியமா இன்வால்வ் பண்ணனும்?. காலையிலிருந்து எனக்கு எத்தனை போன் கால்ஸ் தெரியுமா? என்னுடைய போனையே ஸ்விட்ச் ஆஃப் பண்ணி வச்சிட்டேன் தெரியுமா?’

‘ Iam extremely sorry mam’

‘உங்க ஸாரியைத்தூக்கி குப்பைல போடுங்க. யாருக்கு வேணும் உங்க ஸாரி?’

‘நான் இப்போ என்ன பண்ணனும் மேம்?.’

‘உடனே அந்த நியூஸுக்கு மறுப்பு தெரிவிங்க, அது எல்லா நியூஸ்பேப்பர்லேயும் வரணும்’.

‘O k mam,… நான் உடனே பிரஸ் மீட்டுக்கு ஏற்பாடு பண்றேன். நீங்களும் வாங்க’.

‘What…? நான் எதுக்கு வரணும்?. இது உங்களுக்கும் உங்க மனைவிக்கும் இடையே உள்ள பிரச்சினை, அதனால நீங்கதான் பிரஸ்மீட் வச்சு மறுப்பு தெரிவிக்கணும்’.

‘O k mam’.

ஆதியின் கெஸ்ட் அவுஸ்……
மீன் தொட்டியில் மீன்களைப்பார்த்து ரசித்துக் கொண்டிருக்கும் ஆதியிடம் கிரி வருகிறான்…

‘பாஸ்.. நீங்க சொன்ன மாதிரியே உங்களுக்கும் மேனகா மேடத்துக்கும் இடையே கிசுகிசு இருப்பதாக எல்லா பேப்பருக்கும் நியூஸ் கொடுத்திட்டேன்'.

'வெரிகுட் கிரி... அப்படியே ஒரு பிரஸ்மீட்டுக்கு ஏற்பாடு பண்ணு. அதில் ஏற்கெனவே வந்த செய்திக்கு மறுப்பு தெரிவிக்கணும்'.

'புரியலையே பாஸ்... ஒரு பக்கம் உங்களுக்கும் மேனகாமேடத்துக்கும் இடையே கிசுகிசு பரவணும்கிறீங்க. இன்னொரு பக்கம் உங்களுக்கும் மேனகா மேடத்துக்கும் இடையே தொடர்பு இருப்பதாக வந்த செய்திக்கு மறுப்பு தெரிவிக்கணும்கிறீங்க... ஏன்?'

'கிரி, பிரஸ்மீட் வச்சு மறுப்பு தெரிவிக்கணும்ங்கிறது மேனகாவின் உத்தரவு. அதனால் பிரஸ்மீட் வக்கிற மாதிரி வச்சு, பத்திரிகைகளில் மறுப்பு வராமல் பார்த்துக்கணும். சர்க்குலேஷனே இல்லாத இரன்டு பேப்பரில் மட்டும், ஆறாவது பக்கத்தில் சின்னதாக ஒரு மறுப்பு வரணும். ஆனால் மற்ற பத்திரிகைகளைப் பொறுத்தவரை, எனக்கும் மேனகாவுக்கும் இடையே உள்ள கிசு கிசு அப்படியே நீடிக்கணும். எப்படி என் ஐடியா?'

'பிரில்லியண்ட் பாஸ்... பின்னுறீங்க..'

'சரி போய் அதுக்கு முதல்ல ஏற்பாடு செய்'.

அபியின் அலுவலகம்...

யு.எஸ்.ஸிலிருந்து முரளி வருகிறார். அவரிடம் கிருஷ்ணன் பழைய கதைகளையெல்லாம் கிளற அவர் மழுப்பிவிட்டு அபியின் கேபினுக்குப்போகிறார். முரளியின் மனைவி வசு வரவில்லை. அமெரிக்காவில் பயங்கர பிஸியாம். (ஒபாமாவின் பதவியேற்புவிழா ஏற்பாடுகளைக்கவனிக்கிறாரோ...?). அப்போது ஆர்த்தி உள்ளே வர, அபி அவளை அவருக்கு அறிமுகம் செய்து வைக்க, முரளி ஆர்த்தியை உட்காரச்சொல்கிறார். அடுத்த வாரம் யு.எஸ்.ஸிலிருந்து 'டிஜிட்டல் வேல்லி ப்ராஜக்ட்' வி.ஐ.பிக்கள் அதற்கான சைட்டைப் பார்வையிட வருவதாகச்சொல்லிவிட்டு, காஃபியைக்குடித்துவிட்டு, ரொம்ப டயர்டாக இருப்பதாகவும் ஓட்டலில் போய் ரெஸ்ட் எடுக்கப்போவதாகவும் சொல்லிப்போகிறார்.

அவர் போனதும்... 'அக்கா அவர்பாட்டுக்கு அடுத்த வாரம் சைட் இன்ஸ்பெக்ஷன்னு சொல்லிட்டுப்போறாரே அப்படீன்னா இடம் ரெடியாயிடுச்சா?'

'இன்னும் இல்லை ஆர்த்தி'
'பின்னே எப்படிக்கா..?'

'அந்தப்பொறுப்பை ஒரு முக்கியமான ஆளிடம் ஒப்படைத்திருக்கிறேன். அவர் கண்டிப்பா முடிச்சிடுவார்'

வெளியே வரும் ஆர்த்தி குழப்பத்துடன் வருகிறாள்... 'ஏன் அக்கா எதிலும் பிடிகொடுத்தே பேசமாட்டேன்கிறாள்?'.

அப்போது நரி கிருஷ்ணன் அவளிடம் வந்து, 'மேடம், இப்போவெல்லாம் உங்க அக்கா கம்பெனி விஷயங்களைப்பத்தியோ, அல்லது பிரஸிடெண்ட் எலக்ஷன் பத்தியோ உங்ககிட்டே எதுவும் சொல்வதில்லை... கவனிச்சீங்களா?'

ஆர்த்தியின் குழப்பம் மேலும் அதிகரிக்கிறது.

மீண்டும் ஆதியின் கெஸ்ட் அவுஸ்....

'பாஸ் நீங்க சொன்ன மாதிரியே அந்த மறுப்புச்செய்தி இரண்டே இரண்டு பத்திரிகைகளில் வர ஏற்பாடு செய்துவிட்டேன்' என்று சொல்லி அவ்விரண்டு பத்திரிகைகளின் பெயரையும் கிரி சொல்ல ஆதிக்கு ஆச்சரியம்... 'கிரி, இந்தப்பெயரிலெல்லாமா பத்திரிகை வருகிறது?'

'ஆமாம் பாஸ்... அதுமட்டுமல்ல, அந்த மேனகாமேடத்தின் கண்ணில் காண்பிக்க பத்து பிரதிகளும் வாங்கி காரில் வைத்துவிட்டேன்'.

'வெரி குட் கிரி... நல்ல காரியம் பண்ணினே'

அப்போது பிருத்வி வந்திருப்ப்பதாக சொல்ல, ஆதிக்கு அவனைச்சந்திக்க விருப்பமில்லை. இருந்தாலும் கிரியின் வற்புறுத்தலால் வரும்படியாக சொல்லியனுப்ப அவனும் வருகிறான்...

'என்ன விஷயம் பிருத்வி?'

'என்ன இருந்தாலும் ஒரு பிஸினஸ் பார்ட்னரான உங்களை காலையில் மேனகா அப்படி ரொம்ப கடுமையாக பேசியது தப்புதான். அதுக்காகத்தான் மன்னிப்பு கேட்க வந்திருக்கேன்'.

'அதுக்கு நீங்க ஏன் மன்னிப்பு கேட்கணும்?'

'என்ன இருந்தாலும் மேனகாவும் நானும் ஒண்ணுதானே'. (ஆதிக்கு அதிர்ச்சி. இந்த கிறுக்கன் என்ன உளறுகிறான்..?). 'ஸோ.. அதுனாலதான் மேனகாவுக்க பதிலா நான் உங்ககிட்டே மன்னிப்புக் கேட்டுக்கிறேன். அப்போ வரட்டுமா?'

அவன் போனதும், 'ஏய் கிரி இந்த பிருத்வி எனக்கும் மேனகாவுக்கும் இடையில் ரொம்ப இடைஞ்சலாக இருப்பான் போலிருக்கு'.

'என்ன சொல்றீங்க பாஸ்?... அப்படீன்னா.....'

'யெஸ் கிரி, நான் மேனகாவை விரும்புறேன்'.

'வாவ்... அப்படியா? எக்ஸெலண்ட் பாஸ்' (கோமாளி.... நீ பொழைச்சுக்குவே).

Quote:

---

Originally Posted by saradhaa_sn

ரொம்ப நன்றி 'ஆனா'...

நீங்க மட்டும் இல்லைன்னா, நான் இங்கே தனியாகத்தான் புலம்பிக்கிட்டிருப்பேன்னு நினைக்கிறேன்.

---

:notthatway:

I am also here, but last few weeks i was not able to browse this page.

I am the one who continously read your post :D

please continue :clap:

Quote:

---

Originally Posted by saradhaa_sn

நீங்க மட்டும் இல்லைன்னா, நான் இங்கே தனியாகத்தான் புலம்பிக்கிட்டிருப்பேன்னு நினைக்கிறேன்.

---

:ty:
அனேகமானோர் ் silent redaers தான்


உங்கள் எழுத்தை ரசிப்பவர்கள் பலர் இங்கு

deleted

Thanks for the update.