Quote:
1960ம் ஆண்டு ஏப்ரல் மாதம் 23, 24 ஆம் திகதிகளில் தினகரன் ஆதரவில் வரலாற்றில் இடம்பிடித்த மாபெரும் தமிழ் விழா ஒன்று கொழும்பில் நடைபெற்றது. பம்பலப்பிட்டி சரஸ்வதி மண்டபத்தில் நடைபெற்ற இவ்விழாவை அன்று கண்டு களித்தவர்கள் கொடுத்து வைத்தவர்களே. விழாவிற்கு தமிழகத்திலிருந்து பேராசிரியர் தெ. பொ. மீனாட்சி சுந்தரனார், பிரபல கதாசிரியர், நாவலாசிரியர் அகிலன், நடிகர் திலகம் சிவாஜி கணேசன் ஆகியோர் வந்திருந்தனர். இவ்விழாவில் வைத்துத்தான் நடிகர் திலகத்திற்குக் “கலைக்குரிசில்” என்ற பட்டம் கலையரசு சொர்ணலிங்கம் அவர்களால் வழங்கப்பட்டது. விழாவில் பேராசிரியர் க. கணபதிப்பிள்ளை, பேராசிரியர் சு. வித்தியானந்தன், வித்துவான் க. ந. வேலன் போன்ற பல தமிழ் அறிஞர்கள் பங்கு பற்றினார்கள். சிவங் கருணாலய பாண்டியனார் தலைமையில் கவியரங்கம், லயஞான குபேரபூபதி தவில்மேதை வி. தெட்சணா மூர்த்திப்பிள்ளை குழுவினர், யாழ்ப்பாணம் நாதஸ்வர மேதை அளவெட்டி என். கே. பத்மநாதன் குழுவினர் ஆகியோரது நாதஸ்வரக் கச்சேரிகள், பிரபல நடனதாரகை திருமதி திலகவதி கனகசபையின் நடனம், சைவ மங்கையர் கழக மாணவிகளது கலை நிகழ்ச்சிகள் எனப் பல்வேறு கலைநிகழ்ச்சிகளாலும் தமிழ் விழா பெரும் விழாவாக இந்திர விழா போன்று களைகட்டியது.
from fb page