Printable View
சாரதா
பல பேர் வாசிக்கின்றனர்
தங்களது கருத்துக்களை எழுத முடியவில்லையென மனவருத்தப்படுகின்றனர் சிலர்.
இதோ வேறு இடத்திலிருந்து காப்பி:
__________________Quote:
saradhaa_sn wrote:
நீங்க மட்டும் இல்லைன்னா, நான் இங்கே தனியாகத்தான் புலம்பிக்கிட்டிருப்பேன்னு நினைக்கிறேன்.
Hi aana there r many ppl who read sarada madams post but unable to reply the posts in hub forum becoz the user id is not getting activated for the new registrations and ppl unable to post.
:clap: :clap: :clap:
'கோலங்கள்' தொடர் சன் தொலைக்காட்சியில் ஒளிபரப்பத்தொடங்கி பல மாதங்கள் கழித்துதான் இந்த 'கோலங்கள்' thread, நான் பெரிதும் மதிக்கும் 'எஸ்.சத்யா' அவர்களால் துவங்கப்பட்டது. அப்போது கதையின் போக்கு பற்றியும், கதாபாத்திரங்களின் தன்மைகள் குறித்தும் சாதக, பாதகங்கள் பற்றி நான் உளபட பலரால் விவாதிக்கப்பட்டன. இடையில் இந்த திரி சற்று தொய்வடைந்தது உண்மை. பின்னர் சுதாரித்து மீண்டது. தற்போது, 'அப்டேட்' எழுதுவதும், அதைப் படித்து விட்டு பாராட்டுவதுமாக ஒரு சம்பிரதாய அடிப்படையில் போய்க்கொண்டிருக்கிறதே தவிர, விவாதங்கள் எதுவும் நடக்கவில்லையே என்ற எண்ணத்தில் எழுந்த வரிகள்தான் அவை.
இந்த தொடர் துவங்கி ஆறாண்டுகள் நெருங்குவதாலும், அதே கதாபாத்திரங்களே தொடர்ந்து வந்து கொண்டிருப்பதாலும், விவாதங்களுக்கு தேவையான சுவாரஸ்யம் குறைந்திருக்கக் கூடும்.
Hi Sarada,
I dont think your words have been mis understood. As I have told many a times, many of us see the serial thro your posts only.
Ofcourse, discussions are very limited.
We enjoy your sense of humour :
அமெரிக்காவில் பயங்கர பிஸியாம். (ஒபாமாவின் பதவியேற்புவிழா ஏற்பாடுகளைக்கவனிக்கிறாரோ...?).
:rotfl:
Mam, me too reading it daily .
'வந்துட்டாங்கய்யா... வந்துட்டாங்கய்யா.... '
ஆம், விடுமுறையில் இருந்த 'சித்தப்பா' திருவேங்கடம் எம்.எல்.ஏ. வும் தோழர் பாலகிருஷ்ணனும் நேற்று தலைகாட்டினர். ஆனால் போரடிக்கவில்லை. கதையோடு ஒட்டியே வந்தனர்.
திருவேங்கடம் எம்.எல்.ஏவும் அவரது ஃப்ராடு மாப்பிள்ளேயும் தங்கள் தகிடுதத்த வேலகள் குறித்து விவாதித்துக்கொண்டு இருக்கின்றனர்.
'மாமா, அந்த சேட் வீட்டு கல்யாணத்தில் நமக்கு எதுவும் வரவில்லையே'.
'என்ன மாப்பிளே சொல்றீங்க? அதான் பத்திரிகை வச்சானே'
'மாமா நான் அதைச்சொல்லலை. வரதட்சணையாக பல லட்சம் கைமாறி இருக்கே. அதை யோசிச்சீங்களா?. வரதட்சணை வாங்குவது சட்டப்படி குற்றம் என்று மிரட்டி, அதன்மூல்ம நம் பங்கை வாங்கியிருக்க வேண்டாமா?'
'மாப்பிளே, உன்னை என்னமோ நினைச்சேன். ரொம்ப அட்வன்ஸாவே இருக்கே' (இல்லேன்னா உங்க கிட்டேயே கோடிக்கணக்கில் அடிச்சிகிட்டுப் போயிருக்க முடியுமா, பைத்தியக்கார மனுஷா)
'சரி, அதை விடுங்க. உங்க தொகுதியிலே என்ன நடக்குதான்னாவது உங்களுக்கு தெரியுமா?'.
'தொகுதிப்பக்கம் போனாத்தானே தெரியும்?. சொல்லு மாப்பிளே, என்ன நடந்தது?'
'ஒரு பெரிய குடியிருப்ப வளாகம் கைமாறியிருக்கு தெரியுமா?. அதுவே மொத்தம் நூறு கிரவுண்ட் இருக்கும். அதை வாங்கியிருப்பது தொழிலதிபர் மேனகாவும், உங்க அண்ணன் மகன் ஆதியும். ஆனால், அதில் ஒரு பத்து ஃப்ளாட் ஓனர்கள் மட்டும் தங்கள் இடத்தை விறக் முடியாது என்று போராடி வந்தனர். அந்த போராட்டத்தில் அவர்களுக்கு சாதகமாக நீங்களும் இறங்கினால், உங்களை சரிக்கட்ட, அந்த மேனகா சில கோடிகளை ஒதுக்கித்தர வேண்டியிருக்கும் அல்லவா?.'
'பலே, நல்ல யோசனை மாப்பிளே. அந்த பத்து பேரையும் அழைத்து வாருங்கள்'.
சொன்ன சிறிது நேரத்தில் அவர்கள் வந்து நிற்கின்றனர். அவர்களிடம் திருவேங்கடம் கோபமாக...
'இவ்வளவுதூரம் நடந்திருக்கிறதே, யாராவது எம்.எல்.ஏ. என்ற முறையில் என்னிடம் வந்து முறையிட்டீர்களா?. இப்போ அந்த மேனகாவுக்கே விற்க முடிவு செஞ்சுட்டீங்களா?'
'வேறு என்னங்க பண்றது?. நாங்க குடியிருக்கும் வீட்டுக்கு எதிர்வீடுகளில் தடி தடியான ரௌடிகளை குடிவச்சு எங்களை பயமுறுத்துறாங்க. பெண்டு பிள்ளைகள் வெளியே போய் வர முடியவில்லை. நாங்களும் நிம்மதியா ஆஃபீஸ் போய் வர முடியவில்லை. நாங்கள்ளாம் மிடில் கிளாஸ் ஃபேமிலீஸ். அவங்களை எதிர்த்து ஒண்ணும் பண்ண முடியலை. போலீஸ் வரைக்கும் கூட போய்ப் பார்த்துட்டோம். அவங்களும் கையை விரிச்சுட்டாங்க. அந்த மேனகாவிடம் விற்காமல் வேறு என்ன பண்ண முடியும் சொல்லுங்க'.
'முடியும், மக்கள் சக்தியைத் திரட்டி போராட முடியும். ஆனால் நான் எம்.எல்.ஏ.வாக இருப்பதால் நேரடியாக போராட்டத்தில் இறங்க முடியாது. நான் சொல்ற ஆளுகிட்டே போய் முறையிடுங்க, அவர் போராட்டத்துக்கு ஏற்பாடு செய்வார்'.
'யாருங்க அந்த ஆளு?'
'தோழர் பாலகிருஷ்ணன். அவரிடம் போய் எல்லாத்தையும் விவரமா சொல்லுங்க'.
'அவரா?. அவர் உங்களை எதிர்த்து தேர்தலில் நின்னவராச்சே. அவர் எப்படி?'
'அதெல்லாம் பழைய கதை, இப்போ எவ்வளவோ மாறிப்போச்சு. ஆனால் ஒண்ணு, இதுக்குப்பின்னால் நான் இருப்பதோ, நான் சொல்லித்தான் நீங்க அவரிடம் போனீர்கள் என்றோ அவருக்கு தெரியவே கூடாது. நீங்க அவர்கிட்டே போங்க. மத்ததெல்லாம் நான் பார்த்துக்கறேன்'.
('நீதானேய்யா எம்.எல்.ஏ., அப்படியிருக்க நாங்க ஏன் அவரிடம் போக வேண்டும்?' என்று கேட்க வக்கற்ற மிடில் கிளாஸ் செம்மறியாடுகள், தலையை ஆட்டிக்கொண்டு போக, ஃப்ராடு மாப்பிள்ளைக்கும், ஊழல் மாமனாருக்கும் முகத்தில் புன்னகை).
ஆர்த்தியின் வீடு......
ராஜேஷ் ஃபுல்லா குடிச்சிட்டு வந்து உளறிக்கொண்டிருக்கிறான். ஆர்த்திக்கு அதிர்ச்சி, மீண்டும் இவன் பழைய வழிக்கே போகத்துவங்கிட்டான்னு. அவனுடைய உளறல் முழுக்க அபியைப்பற்றித்தான் இருக்கிறது.
'பார்த்தியா ஆர்த்தி, நாம அந்த அபிக்கு எவ்வளவு விசுவாசமா இருந்தோம். கடைசியில காலை வாரிட்டாங்க' எகிற ரீதியில் உளறிக்கொண்டிருக்க, கலாவுக்கு இது போதாதா....
'பார்த்தியாடியம்மா உங்க அக்கா பண்ணின கொடுமையை?. நல்லபடியா தொழில் பண்னிக்கிட்டிருந்தவனை மறுபடியும் குடிகாரனாக்கி விட்டாள். இப்போ அவளுக்கு திருப்தியா?. தங்கச்சி புருஷன் போலீஸில் மாட்டியிருக்கும்போது அதைவிட அவளுக்கு அவளோட பிஸினஸ் பெரிசா போயிடுச்சோ?'
'அதான் வெளியில வந்துட்டாரில்ல?'
'எப்படி வெளியில் விட்டாங்க?. எம்மேலே எந்த தப்பும் இல்லேங்கிறதுக்கோசரம் விட்டுட்டாங்க. இல்லேன்னா விடுவாங்களா?. இன்னொன்னு தெரியுமா, நம்ம டேங்கர் லாரி இன்னும் விசாரணைக்காக போலீஸ் கஸ்டடியிலதான் இருக்கு' உளறிக்கொண்டே போய் படுக்கையில் விழுகிறான்.
தோழரின் இருப்பிடம்....
'மிடில்கிளாஸ் மாதவன்கள்'எல்லாம் அவரிடம் தங்களின் சூழ்நிலையைச்சொல்ல (நமக்குத்தான் சூழ்நிலை என்னன்னு தெரியுமே என்பதால் மீண்டும் சொல்லவில்லை. யாராவது 'ரிப்பீட்டு.......' என்று குரல் கொடுத்தால் பார்ப்போம்).
அவர்களின் நிலையை தீர்க்கமாகக்கேட்கும் தோழர், 'நீங்களெல்லாம் சொல்வதைவைத்துப் பார்க்கும்போது, ஒருவருடைய இடத்தை பலவந்தமாக அபகரிக்கவோ, வாங்கவோ நினைப்பதும், அதற்கான நிர்ப்பந்தத்தை உண்டாக்குவதும் சட்டப்படி குற்றமாகும். இதற்காகவே நாம் தயங்காமல் போராடலாம்'.
'அதுக்காகத்தாங்க உங்களைப்பார்க்க வந்தோம்'.
தோழர் நமட்டுச்சிரிப்புடன் "தோழர் டேனியல். பார்த்தீர்களா?. அவர்களுக்காகப் போராட வேண்டும் என்கிற நிலை வரும்போதுதான் நம்முடைய நினைப்பு வருகிறது". (இதற்கு என்ன அர்த்தம்?. 'ஓட்டுப்போடும்போது எங்கேப்பா போனீங்க கூமுட்டைகளா?' என்பதுதானே).
:ty:Quote:
Originally Posted by saradhaa_sn
:clap:Quote:
Originally Posted by saradhaa_sn
:clap:
உஷாவின் மகன் கைலாஷ் படிக்கும் பள்ளி....
தன்னுடன் படிக்கும் மாணவர்களோடு ஏற்பட்ட வாக்குவாதத்தில், சக மாணவனை கைலாஷ் அடித்து விடுகிறான். அதைப்பார்த்த ஆசிரியை அவனைக் கண்டிப்பதுடன் அடிபட்ட மாணவனிடம் 'ஸாரி' கேட்கும்படி சொல்ல முடியாதென மறுக்கிறான். ஆசிரியை கண்டித்துக்கொண்டிருக்கும்போது உள்ளே வரும் உஷா விஷயத்தைக்கேட்க, ஆசிரியை விளக்க, உஷாவும் அவனைக் கண்டிப்பதுடன் 'மிஸ்' இடம் ஸாரி கேட்க வைக்கிறாள்.
கைலாஷுடன் வெளியில் வந்து ஆட்டோவில் ஏறப்போகும் நேரம், அங்கு வரும் கிரி அவளையும் கைலாஷையும் பர்த்துவிடுகிறான். ஆட்டோவில் போகும்போதும் உஷா மகனைக் கண்டிக்கிறாள்.
'ஏன் அவனை அடிச்சே?'
'அவன் நம்ம கிட்டே கார் இல்லேன்னு கிண்டல் பண்ணினாம்மா'.
'உண்மைதானே, நம்ம கிட்டே கார் இல்லாததால்தான் ஆட்டோவில் போறோம். வீட்டுல இருக்கிற கார் தாத்தாவுடையது. உன் அம்மாகிட்டே கார் இல்லை'.
'ஆனால் 'டாடி' கிட்டே இருக்கே'
இந்த பதில் அவளைத் திடுக்கிட வைக்கிறது. நாம் என்ன செஞ்சாலும் இவனிடம் இருந்து ஆதியின்ன் நினைவை மாற்ற முடியாது போலிருக்கே.
'சொல்லும்மா, டாடியோட காரும் நம்ம கார்தானே'.
(முன்னொருமுறை தொல்காப்பியன் சொன்ன வர்த்தைகள் ஃப்ளாஷ்பேக்கில் வந்து போகின்றன. 'உஷா, நீங்க என்னதான் ஆதி வேணாம்னு முடிவெடுத்தாலும், நாளை உங்க பையன் கேட்கும்போது உங்களால் பதில் சொல்ல முடியாது. எதுக்கும் உங்க முடிவை நல்லா யோசனை பண்ணிக்குங்க')
திடுக்கிட்டு சுதாரிக்கும் உஷா, 'இதோ பாரு கைலாஷ், இனிமே யாரும் உன்னை கிளாஸில் கிண்டல் பண்ணினாலும் மிஸ் கிட்டேதான் சொல்லணுமே தவிர, அவங்களை நீயே அடிக்கக்கூடாது'.
'ஊகும்... நான் அடிப்பேன்'. (ஆதியின் அதே பிடிவாதம்). மீண்டும் மீண்டும் அவன் அதையே சொல்ல அவள் கோபம் கொண்டு அவனை அடிக்க, இப்போது ஆட்டோக்காரன் அவளைக் கண்டிக்கிறான், 'என்னம்மா நீங்க, அவனிடம் அடிக்கக் கூடாதுன்னு சொல்லிட்டு சின்னப் பையனைப்போட்டு அடிக்கிறீங்களே'.
'வீட்டுக்கு வா, உனக்கு வச்சிக்கிறேன்' மகனிடம் ரகசியமாக அதட்டுகிறாள்.
வள்ளியின் தள்ளுவண்டி இட்லிக்கடை....
அவளும் மகளும் இட்லி, தோசை வியாபாரத்தில் மும்முரமாயிருக்க, அப்போது அங்கு வரும் இரண்டு குடிகாரர்கள் பேச்சோடு பேச்சாக வள்ளியின் மகளைக் கிண்டல் செய்ய (அந்த வசனங்கள் எல்லாம் காட்சியை இழுக்க நன்றாக பயன்படுகின்றன). அப்போது கற்பகத்துடன் அங்கு வரும் ராஜேந்திரன், அவர்களை அடிக்கப்போவது போல மிரட்டி, துரத்திவிட, கற்பகம் நடந்ததை விசாரிக்க.... 'அந்த ரவுடிப்பசங்க சாப்பிட வரலைக்கா. என் பொண்ணுகிட்டே தப்பும் தவறுமாக பேசி வம்பிழுக்க வந்திருக்கானுங்க. என்ன இருந்தாலும் வயசுப்பொண்ணுங்க புருஷன் துணையில்லாமல் இருந்தா இப்படித்தான்'. இது போதாதா கற்பகத்துக்கு?. இந்த ஒரு வரி வசனத்தை வரவழைக்க ஒரு செக்மெண்ட்.
ஆதியின் வீடு.....
'பாஸ், உங்க பையன் நாளை உங்க பிஸினஸ் சாம்ராஜ்யத்தையே கட்டி ஆள் வேண்டியவன். அவனை எப்படிப்பட்ட ஸ்கூல்ல படிக்க வைப்பீங்க?'
'அதிலென்ன சந்தேகம் கிரி, ஒரு 'ஏ'கிளாஸ் கான்வெண்ட்டில படிக்க வைப்பேன்'.
'அதுதானே முறை?. ஆனா உஷா மேடம் அவனை ஒரு மட்டமான பள்ளியில சேர்த்து படிக்க வச்சிருக்காங்க தெரியுமா?'
'என்னது இந்த ஆதியோட மகன் மட்டமான பள்ளியிலா?. அவள் மனசுல என்ன நெனச்சிக்கிட்டு இப்படியெல்லாம் பண்றா?. இதுக்குத்தான் பையனை நான் வளர்க்கிறேன்னு கேட்டாளா?'
இப்போது காஞ்சனா, 'வேறென்ன? பையனோட அப்பா ஒரு கையாலாகாதவன்னு தெரிஞ்சிக்கிட்டா. அதான் உன் மேலுள்ள வெறுப்பை பையன்கிட்டே காட்டுறா'.
'கிரி, உனக்கு நல்லா தெரியுமா?'
'பின்னே என்ன பாஸ்? யாரோ சொன்னதை வச்சா சொல்றேன்?. நான் என்னோட கண்ணாலேயே பார்த்தேன் பாஸ். ஸ்கூல்லேருந்து பையனை மேடம் அழைச்சிக்கிட்டு ஆட்டோவுல போனாங்க'.
'அப்படியா?. இது விஷயமா நான் என்ன பண்ணப்போறேன்னு பார். சீக்கிரமே இதுக்கு ஒரு முடிவு கட்டுறேன்'.
அபியின் வீடு......
முகத்தில் சோகமும் அமைதியின்மையுமாக கற்பகம், கூடவே ராஜேந்திரன். அம்மாவின் சோகமான முகம் அபிக்கும் ஆனந்திக்கும் குழப்பத்தை ஏற்படுத்த, அபி அம்மாவிடம்...
'என்னம்மா, ஒரு மாதிரியா இருக்கே. என்ன பிரச்சினை?'
கற்பகம் ஒன்றும் சொல்லவில்லை, ராஜேந்திரன்தான் பதில் சொல்கிறான்... 'எங்க அக்காவுக்கு தான் பெத்ததுங்களை நினைச்சுத்தான் வருத்தம்'.
'மாமா... புதிர் போடாமல் விஷயத்தைச்சொல்லுங்க'
'பின்னே?. எங்க அக்கா பெத்த நாலுல கடைசி ரெண்டும் கல்யாணம் செஞ்சிக்கிட்டுப் போயிடுச்சுங்க. அதுல ஒருத்தன் ஒரு பிள்ளையும் பெத்து தகப்பன் ஆயிட்டான். ஆனா மூத்ததுங்க ரெண்டும் இப்படி மொட்டையா நிக்குதுங்க'.
'என் கல்யானத்துக்கு இப்போ என்ன அவசரம்?'
இப்போது கற்பகம் வெடிக்கிறாள்....
'ஏண்டி நான் என்ன நேத்து சமைஞ்ச பொண்ணுங்களுக்கா கல்யாணம் பண்ணிவைக்க துடிக்கிறேன்?. இதே வார்த்தையை இன்னும் எத்தனை நாளைக்கு சொல்லிக்கிட்டேயிருப்பே. அந்த பாஸ்கரோடு டைவர்ஸ் ஆகி எவ்வளவு நாள் ஆச்சு?. ஒரு கல்யாணம் சரியா அமையலேன்னா மறு கல்யாணம் பண்றதில்லையா?. நீ போயிட்டு வந்தியே அமெரிக்கா, அங்கே கூட ஒரு கணவன் சரியா அமையலேன்னா அவனை உத்றிவிட்டு, வேறு கல்யாணம் பண்ணிக்கிறாங்களே ஏன்?. இருக்கிற கொஞ்ச நாளிலேயும் சந்தோஷமா வாழ்ந்திட்டு போகணும்னுதானே. இப்போ நீங்க ரெண்டு பேரும் வாழ்கிற வாழ்க்கைக்கு எந்த அர்த்தமும் இல்லடி. அது வாழ்க்கையும் இல்லே. நீங்க எவ்வளவுதான் பணம் சம்பாதிச்சாலும் கணவன், குழந்தைகள், குடும்பம்னு இல்லேன்னா அதுக்கு பேரு வாழ்க்கை இல்லேடி. ஒருத்தி கல்யாணம் ஆகி ஒரு வருஷம் கூட வாழாமல் வந்துட்டா. இன்னொருத்தி கல்யாண மேடை வரை வந்து அதோடு நின்னுட்டா. இதோ பாருங்கடி, நான் அந்தக் காலத்து மனுஷிதான். நான் உன்னைப்போல ஒரு பெரிய தொழிலதிபரும் இல்லே, உன் தஙச்சி யைப்போல பெரிய பத்திரிகைக்காரியும் இல்லே. இருந்தாலும் வாழ்க்கையில் அனுபவப்பட்டவள். நீங்க ரெண்டு பேரும் இப்படியே இருந்தா நாளைக்கு ஊர் உலகம் என்ன சொல்லும்?. இந்த கற்பகத்துக்கு மகள்களை சரியாக வளர்க்கத் தெரியலைன்னுதானே'.
'அம்மா, ஊர் உலகத்துக்காகவெல்லாம் நாங்க வாழ முடியாது' - ஆனந்தி.
'சரிடி ஊரை விடு, உங்க அம்மாவுக்காக என்னுடைய ஆசையை நிறைவேத்தணும்னு உங்க ரெண்டு பேருக்கும் தோணலையா. யார் செஞ்ச புண்ணியமோ அந்த மகேஷ் தம்பி இவளையே கல்யாணம் பண்ணிக்கிறேன்னு உறுதியா இருக்காரு. நீயும்தான் உனக்காகவே காத்துக்கொண்டிருக்கும் அந்த கார்த்திக்கை எவ்வளவு நாள்தான் இப்படியே காக்க வைக்கப்போறே?'
'இன்னும் கொஞ்சநாள் ஆகட்டும்மா' என்று அபி சொல்ல..
'கொஞ்சநாள், கொஞ்சநாள்னா எப்போ?. உங்க அம்மாவுக்கு பால் ஊத்தினதுக்கப்புறமா?'
கற்பகத்தின் இந்த வார்த்தை மூவரையும் அதிர்ச்சியடைய வைக்கிறது...
'என்னம்மா இப்படியெல்லாம் சொல்றே?' என்று அபி கேட்க, 'பின்னே எப்படி சொல்லச்சொல்றே...?'
இப்போது ஆனந்தி ஒரு தீர்க்கமான முடிவுடன், 'அம்மா நான் கல்யாணம் பண்ணிக்கிறேன். நிஜமாத்தான் சொல்றேன். அதுமட்டுமில்லே, அக்காவும் கல்யாணம் பண்ணிக்கும். என்னோட சந்தோஷமானவாழ்க்கையைப் பார்த்து அக்காவும் கண்டிப்பா கல்யாணம் செஞ்சுக்க சம்மதிக்கும். அக்கா, அம்மாவுக்கு சத்தியம் பண்ணிக்கொடு'
ஆனந்தியின் வார்த்தையைக்கேட்டு அபிக்கு அதிர்ச்சி மற்றும் குழப்பம். ஆனால் ஆனந்தி, அபியின் கையைப்பிடித்து வலுக்கட்டாயமாக இழுத்து, அம்மாவின் கையில் அழுத்தி சத்தியம் செய்கிறாள். அபிக்கு, ஆனந்தியின் செயலில் உடன்பாடில்லை என்பது நன்றாகத்தெரிகிறது. சோகமான முகத்துடன், அவள் யோசனை எங்கோ இருக்கிறது.
கற்பகமும் ராஜேந்திரனும் அங்கிருந்து சென்றதும் ஆனந்தி அபியிடம் வந்து 'ஐ ஆம் ஸாரிக்கா' என்று சொல்லி அகல, அபியின் குழப்பமான முகத்தில் கேமரா உறைய.......
:ty:Quote:
Originally Posted by saradhaa_sn
இன்னுமே பல முடிச்சுகள் அவிழ்க்கப்பட வேண்டியிருக்கின்றது...
விரைவில் முடியுமா????????
:roll:
உண்மைதான் ஆனா.....
கதையில் ஏகப்பட்ட முடிச்சுகள் விழுந்துவிட்டன. சீக்கிரம் முடியவேண்டும் என்பதைவிட, அந்த சிக்கல்களை எப்படி இயக்குனர் அவிழ்க்கப்போகிறார் என்ற எதிர்பார்ப்பே பலருடைய மனதில் இருக்கிறது.
** பாஸ்கர் நல்லவனாக மாறிவிட்டவன் போல தெரிகிறது. (அது உண்மையான மாற்றம்தானா? அல்லது சங்கீதா பெயரிலுள்ள நூற்றுக்கணக்கான ஏக்கர் நிலங்களை அபகரிக்க எண்ணும் நாடகத்தின் ஒரு பகுதியா தெரியவில்லை).
** நேற்றைய எபிசோட பார்த்தபோது, அபி மற்றும் ஆனந்தியின் திருமணம் விரைவில் நடந்துவிடுமோ என்று தோன்றுகிறது. (தொடரை முடிக்க வேண்டுமென்று நினைத்தால் திருமனம் நடக்கும், இழுக்க நினைத்தால் நடக்காது).
** தொல்காப்பியன் - மேனகா இடையேயான உறவு முடிச்சு, இன்னும் அவிழவில்லை. எப்போது எப்படி வெளிப்படும் என்று ஆவலைத்தூண்டுகிறது. அவர்கள் இருவரையும் தீர்த்துக்கட்ட அலைந்துகொண்டிருந்த அந்தோணி என்ன செய்துகொண்டிருக்கிறான் என்பது சமீப காலமாக காட்டப்படவில்லை.
** மேனகா மீதான கொலை முயற்சியின் பின்னணியை விசாரிக்கும் 'டிடெக்டிவ்' குலோத்துங்க சோழன், விவேக், சித்ரா ஆகியோரின் செயல்பாடுகளில் மிகுந்த தேக்கம். இதுவரை நடந்த புலணாய்வில், மேனகாவின் கொலைமுயற்சியில் தொல்காப்பியனுக்கும் பங்குண்டு என்ற தவறான முடிவுக்கு மட்டுமே அவர்களால் வரமுடிந்திருக்கிறது.
** ஆதித்யாவும் உஷாவும் மீண்டும் இணைவார்கள் என்று இன்னும் உள்மனம் சொல்லிக் கொண்டிருக்கிறது. மகனின் எதிர்காலம் கருதி இணையக்கூடும் (இணைய வேண்டும்). 'ஐ ஆம் ஸாரி உஷா, உன்னை ரொம்ப புண்படுத்திட்டேன்' போன்ற வசனங்கள் இறுதி எபிசோட்களில் வரக்கூடும்.
** அபியின் மொத்தக்குடும்பமும் (ஆர்த்தியின் துரோகத்தால்) தொல்காப்பியன் மீது கொண்டிருக்கும் தவறான வெறுப்புணர்ச்சி எப்போது, எப்படி நீக்கப்படப்போகிறது என்பது தெரியவில்லை. (ஒரு சில ஓட்டல் நிர்வாகத்தினர், அறையில் தங்கியிருப்பவர்களின் நடவடிக்கைகளை ரகசிய கேமரா மூலம் கண்கானிப்பார்களாமே. அதுபோல பாண்டிச்சேரி ஓட்டல் அறையில் நடந்த விவகாரம், ஏதேனும் ஒரு சி.டி.முலம் கிடைக்கப்பெற்று, அதன்மூலம் ஆர்த்தியின் முகத்திரை கிழித்தெறியப் படவேண்டுமே தவிர, 'என்னை மன்னிச்சிடுங்க தொல்காப்பியன்' என்று காலில் விழுவதாகக்காட்டினால், உடனே வேறு சேனல்களுக்கு தாவுவது சிறந்தது. ஓட்டல் சிப்பந்திகளிடம் தொல்காப்பியன் அடிவாங்கும்போது, தொல்ஸுக்கு மட்டுமே தெரியும்படி அவள் சிரித்த அந்த குரூரமான சிரிப்பு நம் நெஞ்சங்களில் உறைந்துவிட்டது).
** அர்ஜுன் - ரேகா எப்போது ஒன்று சேர்வார்களா..?. ரேகாவின் தந்தை சங்கரபாண்டியன் என்னவானார்..?
** ஆதியும் உஷாவும் எப்போது, எப்படி ஒன்று சேர்வார்கள்?.
** கற்பகம் - காஞ்சனா இடையேயான தீராத மனக்கசப்பு தீருமா?. அல்லது இருவரில் ஒருவர் உயிரை விட்டு, தியாகியாவார்களா..?.
** படுக்கையில் கிடக்கும் ஈஸ்வரனின் நிலை என்ன?. மகன் ஆதி மனம் திருந்தி, உலகத்திலேயே சிறந்த மருத்துவ சிகிச்சையளித்து அவரை நடமாட விடுவானா..?.
** மேனகா தொல்காப்பியனுடன் இணைந்து மீண்டும் மீனவர் குப்பத்துக்குப் போவாளா?. அல்லது தொல்ஸ் மேனகாவுடன் சேர்ந்து உலகளாவிய பிஸின்ஸ்மேன் ஆவாரா? அல்லது, 'உன் வழி உனக்கு என் வழி எனக்கு' என்று போயிவிடுவார்களா?. ('என் இறுதிக்காலத்தை ராமேஸ்வரம் கடற்கரையில்தான் கழிப்பேன்' என்று ஒருமுறை தொல்ஸ் தன் நண்பர் அன்வரிடம் சொல்லியிருந்தார்).
** இடையே புகுந்து தொடரைக் கண்டபடி இழுத்துச்சென்ற கங்காவின் குடும்பம் (கங்கா - அவள் அம்மா, அப்பா - மாமா ராமச்சந்திரன்) மீண்டும் வருவார்களா?. அல்லது அவ்வளவுதானா..?.
இன்னும் நான் குறிப்பிடாத எவ்வளவோ முடிச்சுகள். தலை சுற்றுகிறது. ஆனால் அத்தனை முடிச்சுகளையும் அவிழ்த்தால மட்டுமே முடிவு நிறைவானதாக இருக்கும். இல்லாவிட்டால், ஆர்வமாகப்பார்த்த நமக்கு ஏமாற்றமே மிஞ்சும்.
அனுமான் வால் போல் நீண்டு கொண்டே... போகின்றது /போகும்Quote:
Originally Posted by saradhaa_sn
அந்த திருச்செல்வம் தான் துணை.... :?:
சரியா சொன்னீங்க... அனுமார் வால் கூட ஒரு முடிவுக்கு வந்துடும்னு நினைக்கிறேன். ஆனால் 'கோலங்கள்'...?Quote:
Originally Posted by aanaa
ஆனால் இந்த தொடரின் சிறப்பம்சமே, இத்தனை ஆண்டுகள் ஆகியும் இன்னும் விறுவிறுப்பாகவும், தொய்வு விழாமலும், எதிர்ப்பார்ப்பைத்தூண்டும் விதமாகவும் கொண்டு செல்வதுதான்.
அதனால்தான், தொடர் முடியவில்லை என்பது கூட ஒரு அலுப்பாகவோ, சுமையாகவோ தோன்றவில்லை.
ஓடும்வரை ஓடட்டும். நிற்கும்போது பார்த்துக்கொள்வோம்.
பாஸ்கர் நல்லவன் போல் நடிக்கிறான் என்பது எல்லோருக்கும் தெரிந்ததே அவன் திருந்த வில்லை. நூற்றுக்கணக்கான ஏக்கர் நிலங்களை அபகரிக்க எண்ணும் நாடகத்தின் ஒரு பகுதிதான் யோசிக்க வேண்டாம். கையில் நிலம் கிடைத்தவுடன் உங்களுக்கே தெரியும். நடிப்பில் வல்லவன் என்று] அதாவது கதை முடிவுக்கு வரும்போது, எல்லா முடிச்சுக்களும் அவிழ்த்தால்தானே ஒரு முடிவுக்கு வரும். அப்படி முடிச்சவிழ்க்கும் போது, பாஸ்கர் கெட்டவன் என்று எல்லாருக்கும் தெரியும். பிறகு திருந்துவதையும் மிஸ்டர் திருச்செல்வம் காண்பிப்பார். இன்னும் ஒரு வருடத்திற்குள் கோலங்கள் முடிவுக்கு வந்துவிடும்.
‘தினசரி தீ’ பத்திரிகை அலுவலகம், எடிட்டர் இருக்கையில் ஆனந்தி....
‘சொல்லுங தோழர், என்ன விஷயம்’
‘எல்லாம் வழக்கம்போலதான் ஆனந்தி. இதோ இவர்கள் குடியிருந்து வரும் இவர்களுக்கு சொந்தமான வீடுகளை பலவந்தமாக வாங்கி விட, இவர்களுக்கு தொல்லை கொடுத்து வருகிறார்கள்’
‘அப்படியா?. யார் அவங்க?’
‘எல்லாம் நமக்கு வேண்டியவர்கள்தான். அந்த மேனகாவும் ஆதியும்தான்’
‘ஏன் தோழரே, அவங்களுக்கு வேறு வேலையே இல்லையா?’
‘எல்லாம் பணத்துக்காகத்தான் ஆனந்தி. பணம் சம்பாதிப்பது ஒன்றுதான் அவர்களின் வேலை, நியாயத்துக்காக போராடுவதுதான் நம்முடைய வேலை’
உடனே ஆனந்தி, வந்தவர்களைப்பார்த்து...
‘நீங்கள்ளாம் சரியான இடத்துக்குத்தான் வந்திருக்கீங்க. ஆனால் நாங்க இதுல இறங்கிப் போராடணும்னா, நீங்க எல்லாரும் கடைசி வரை உறுதியா எங்க பக்கம் நிற்போம்னு உறுதிமொழி தரணும். அவங்க ஆள் வச்சு மிரட்டுவாங்க. பயந்துடக்கூடாது. அப்படி உறுதியாக நிற்பதாக உறுதியளித்தால் அதுக்கு மேலுள்ள விஷயங்களை நாங்க பார்த்துக்கிறோம்’.
‘கண்டிப்பா நாங்க உறுதியாக இருப்போம் மேடம்’ (ஆதியும் மேனகாவும் எங்களுக்கு தொந்தரவு கொடுக்கும்வரை. அப்புறம் போலீஸ், கோர்ட் என்று வரும்போது பல்டியடிச்சு உங்களை நடுத்தெருவில் விட்டுடுவோம்).
கைலாஷ் படிக்கும் பள்ளிக்கு வரும் ஆதியும் கிரியும், மைதானத்தில் விளையாடிக்கொண்டிருக்கும் அவனிடம் போய் பேசுகின்றனர். அவன் அணிந்திருக்கும் அந்தப்பள்ளியின் சீருடையும், அந்த சூழ்நிலையும் ஆதிக்கு கோபத்தை உண்டாக்குகிறது. அவனை அழைத்துப்போக முயற்சிகும்போது ஒரு பெண் வந்து...
‘யார் சார் நீங்க?. பையனை எங்கே அழைச்சிக்கிட்டுப் போறீங்க?.’
‘முதல்ல நீங்க யாருன்னு சொல்லுங்க'.
‘நான் கைலாஷுடைய கிளாஸ் டீச்சர்’.
‘அப்படியா?. நான்தான் கைலாஷுடைய அப்பா. என் பையனை அழைச்சிக்கிட்டுப்போக வந்திருக்கேன்’.
‘அப்ப்டீன்னா நீங்க பிரின்ஸிபால் கிட்டே பெர்மிஷன் வாங்கிட்டு அழைச்சிக்கிட்டுப்போங்க’.
பிரின்ஸிபால் அறை...
‘இங்க பாருங்க சார். பையனுடைய அம்மா இவனை இங்கே சேர்க்கும்போது அப்பா பெயரைக்குறிப்பிடவில்லை. அதோடு நீங்கதான் இவனோட அப்பா என்பதற்கு என்ன ஆகாரம்?’.
‘ஏன், சந்தேகமிருந்தால் பையனையே கேளுங்களேன். கைலாஷ், நான் யாரு?’
‘அப்பா’
‘வேறென்ன மேடம். அதான் சொல்லிட்டான்ல?’
‘இருந்தாலும் பையனோட அம்மா வந்து கேட்டால் நாங்க என்ன பதில் சொல்றது?’
‘அவனோட அப்பா வந்து அழச்சிக்கிட்டுப்போயிட்டார்னு சொல்லுங்க’
‘இதோ பாருங்க மேடம், இவரை யாருன்னு நினைச்சீங்க. இவரோட ஸ்டேட்டஸுக்கு இவர் இப்படியெல்லாம் உங்க கிட்டே வந்து கெஞ்சிக்கிட்டு இருக்கணும்னு வசியமில்லை. ‘ஆதித்யா பில்டர்ஸ்’ எம்.டி. மிஸ்ட்டர் ஆதி இவர்தான்’.
‘கிரி, என்னுடைய விஸிட்டின்க் கார்டு எடுத்துக்கொடு. மேடம், இதுல என்னோட போன் நம்பர், செல் நம்பரெல்லாம் இருக்கு. உங்களுக்கு எந்த பிரச்சினைன்னாலும் எனக்கு போன் பண்ணுங்க’.
‘நீங்க இவ்வளவு தூரம் சொல்றதாலே உங்க கூட அனுப்புறோம்’.
கோயில்…. கற்பகமும், சாரதாவும்…….
‘என்னக்கா ஒரு மாதிரியா இருக்கீங்க. அதான் பொண்ணுங்க ரென்டு பேரும் கல்யாணத்துக்கு சம்மதிச்சிட்டாங்கல்ல?. அப்புறம் என்ன இன்னும் சோகம்?’
‘இந்த கல்யாணம் நல்லபடியா நடக்கணும்னுதான் ஒரே கவலையா இருக்கு. எல்லாம் முறைப்படி நடந்தால்தான் அவங்க வாழ்க்கை நிம்மதியா இருக்கும். ஆர்த்திக்கு அப்படியெல்லாம் முறையா நடக்காததால்தான் அவள் வாழ்க்கை இழுத்துக்கோ பறிச்சுக்கோன்னு இருக்கு’.
‘என்னக்கா சொல்றீங்க?. எத்தனையோ ஜோடிங்க காதல் திருமணம், ரிஜிஸ்ட்டர் திருமணம்னு பண்ணிக்கிறாங்க. அவன்க்களெல்லாம் கஷ்ட்டப்படவா செய்றாங்க?. இல்லே முறைப்படி கல்யாணம் செஞ்சுக்கிட்டவங்க எல்லாரும் சந்தோஷமா வாழ்ந்துட்டாங்களா?. இவ்வளவு ஏன், அபிக்கும் அந்த பாஸ்கருக்கும் முறைப்படித்தானே கல்யாணம் பண்ணினோம்?. ஆவங்க வாழ்க்கை என்ன ஆச்சு?.’
‘இல்லே சாரதா, அந்த கல்யாணத்திலும் குறையிருந்தது. முறைப்படி அவளுடைய அப்பா அவளை தாரை வார்த்துக்கொடுக்கலை. அப்போது அவர் இல்லை. இப்போது இருக்கிறார். அதனால் முறைப்படி அவர்தான் தாரை வார்த்துக்கொடுக்கணும்.'
(ஈஸ்வரன் செத்துப்போயிருந்தால் என்ன செய்வீங்க ‘பழைய பஞ்சாங்க’ மேடம்?. உங்க பொண்ணுகளுக்கு கல்யாணமே செஞ்சு வைக்க மாட்டீங்களா?. வெளிநாட்டுக்குப்போய்விட்டு வரும் மகன், ‘அம்மா இவள்தான் என் மனைவி’ என்று அறிமுகப்படுத்தும் இந்தக்காலத்தில் இப்படி ஒரு 'பழையகற்கால' மனுஷி)
‘அக்கா, அப்பாவைப்பற்றிப்பேச்செடுத்தாலே பொண்ணுங்கள்ளாம் கோபத்தில் கிடந்து குதிப்பாங்க. இது எப்படி நடக்கும்?’
‘அவங்களை நான் சமாதானப்படுத்திக்கிறேன். என்னோட கவலையெல்லாம், எப்படி காஞ்சனா வீட்டுல போய் அவரைக்கூப்பிடுவது என்பதுதான்’.
‘வேணாம்க்கா, உங்களைப் பார்த்தாலே காஞ்சனாவுக்கும் ஆதிக்கும் கோபம் அதிகமாகும். வேணும்னா நான் போய்க்கூப்பிடுகிறேன்’ (அதைவிட சாரதா இப்படி சொல்லியிருக்கலாம். ‘அக்கா எத்தனைமுறைதான் நீங்க மட்டுமே செருப்படி வாங்குவீங்க? எனக்கும் ஒரு சான்ஸ் கொடுங்களேன், இந்த முறை நான் வாங்கிக்கிறேன்’)
பள்ளிக்கூடம்…… இடியென முழங்குகிறாள் உஷா…
‘என்ன சொல்றீங்க மேடம், யாரோ வந்து நான்தான் பையனோட அப்பான்னு சொன்னா அவரோடு அனுப்பிடுவீங்களா?. இதுதான் நீங்க பிள்ளைங்களைப்பார்த்துக்கிற லட்சணமா?. ஈதுக்கு நீங்க என்ன சொல்லப்போறீங்க?’
‘நாங்க யாரோ ஒருத்தரோட அனுப்பவில்லை, அவர்தான் அப்பான்னு எல்லா விவரமும் சொன்னார், தவிர உங்க பையனும் அவரை அப்பான்னு கூப்பிட்டானே’.
‘இருக்கட்டும், அதுக்காக அவரோடு எப்படி அனுப்பலாம்?’.
‘ஆதி உங்க கணவர்தானே, அப்புறம் ஏன் இவ்வளவு பதட்டப்படுறீங்க?’
‘கணவர்தான், ஆனா இப்போ நாங்க பிரிஞ்சிட்டோம். நீங்க கைலாஷை அவரோடு அனுப்பியது தப்புதான். இருங்க வந்து வச்சிக்கிறேன்’.
உஷா போனதும், இதென்னடா புதுத்தலைவலி என்று பிரின்ஸிபால் தலையைப் பிடித்துக்கொள்கிறார்.
ஆதியின் வீடு…. ஆட்டோவில் வந்திறங்கும் உஷா, நேராக கேட்டைத்திறந்து நுழைய…
‘நில்லுங்கம்மா, யார் நீங்க? யாரைப்பார்க்கணும்?’
‘வேலைக்குப்புதுசா, அதான் தெரியலை’
வீட்டுக்குள் நுழையும் உஷா, வீடே இரண்டு படும்படி அழைக்கிறாள்… ‘ஆதி… ஆதி…’
ஆதியில்லை , காஞ்சனாவும் அஞ்சலியும் வெளியே வருகின்றனர்.. ‘எங்கே வந்தே…?'
‘உங்க பையன் ஆதி எங்கே?’
‘எதுக்கு?’
‘உங்க மகன் ஆதி, பள்ளிகூடத்துக்குப் போய் என் பையன் கைலாஷைத் தூக்கிக்கிட்டு வந்துட்டார். எங்கே அவர் கூப்பிடுங்க’.
‘இங்கே ஆதியும் இல்லே, கைலாஷும் இல்லே… போ.. போ’.
‘ஓகோ… உள்ளே ஒளிஞ்சிக்கிட்டுர்க்காரா?. நான் போய்ப்பார்க்கிறேன்’.
உஷா வீடு முழுக்கத்தேடியும் காணவில்லை.
‘இதோ பாருங்க இது கொஞ்சம்கூட நல்லாயில்லே. பள்ளிக்கூடம் போனவனைக் கடத்திக்கிட்டு வந்திட்டார்’
இப்போது அஞ்சலி, ‘என்ன நீங்க, முதல்ல ‘தூக்கிட்டு வந்திட்ட்ற்;னீங்க, இப்போ என்னடான்னா ‘கடத்திக்கிட்டு வந்திட்டார்’ங்கிறீங, எங்க அண்ணன் ஒண்னும் அவ்வளவு மோசமானவரில்லை’…… (தொடரில் இது நாலாவது அஞ்சலின்னு நினைக்கிறேன். இம்முறை கொஞ்சம் நல்ல அஞ்சலி. வந்த அஞ்சலிகளிலேயே திவ்யதர்ஷிணிதான் பயங்கரம். நாக்கு நுனியில் எப்போதும் தேளின் கொடுக்கு)
காஞ்சனா, ‘ அவன் தூக்கிக்கொண்டு வந்தால்கூட என்ன தப்பு?. அது அவனோட பையன்தானே. அப்புறம் என்ன?. கேஸ் கோர்ர்டில் இருக்கும்போது நீ மட்டும் குழந்தையை சொந்தம் கொண்டாட முடியாது’
‘அப்படியா, பார்த்த்குகிறேன்’ கோபமாக வெளியேறுகிறாள் உஷா.
இவர்களின் உரையாடல்களை (வாய்ச்சண்டையை…?) உள்ளே படுக்கையில் படுத்தவாறு ஈஸ்வரன் கேட்டுக்கொண்டிருக்கிறார். நல்லவேளை படுக்கையில் கிடைக்கிறார். இல்லாவிட்டால், ‘காஞ்சனா, நீ சொல்றது சரியில்லை’ என்று தர்ம நியாயம் பேச ஆரம்பித்து ஜிப்பா பைகள் நிறைய வாங்கிக்கட்டிக்கொள்வார்.
Thanks saradha. Mudichugal update padithen.
Oru sandegam. Ellorum serndhu vanzhndhal kolangal mudiyum.
Anaal Aadhi (matrum palar) panna kolaigal ellathukkum dhandanai vendaama?
Menaka - Aadhi sandai veru irukkume (Menaka peyaril aadhi seidha akramangal pala unde?)
Eppadiyum innum 2 varushangalavadhu oodum. Adhu varai Thols-ukku bore adikkaamal irundhal sari.
:ty: saradhaa_sn
:lol:Quote:
Originally Posted by sudha india
ரொம்ப நன்றி லதா....Quote:
Originally Posted by R.Latha
நானும் அதையேதான் நினைத்தேன். பாஸ்கரும் அவன் அம்மாவும் திருந்துவது என்பது குதிரைக்கொம்புதான். அவனுடைய பழைய உருவம் சீக்கிரம் வெளிப்படும் (என்று நம்புவோம்)
எல்லா முடிச்சுகளும் அவிழ்ந்தால் மட்டுமே திருப்தியான முடிவாக இருக்கும்.
('கோலங்கள்' தொடரை நான் முடிக்கப்போவதாக நான் எப்போது சொன்னேன்' என்று திருச்செல்வம் கேட்டாலும் கேட்பார்),
செவ்வாய் …
பள்ளியிலிருந்து கைலாஷை அழைத்துக்கொண்டு போன ஆதி நேராக தன் வீட்டுக்கு அழைத்துப்போகவில்லை. கடற்கரைசாலையில் உள்ள தனது பங்களாவுக்கு அழைத்துச்செல்ல, கிரி அவனுக்கு சைக்கிளில் விளையாட்டுக்கண்பித்துக்கொண்டிருக்க, போனில் ‘பிஸ்ஸா’ ஆர்டர் செய்து மகனுக்குக் கொடுக்கிறான். (இந்த செக்மெண்ட் ரொம்ப நேரம் இழுத்துக்கொண்டு போகிறது).
ஆதியின் வீட்டில் கைலாஷைக்காணாத உஷா, ஆதி மற்றும் கிரிக்கு போன் செய்தபோது, இவள் நம்பரைப் பார்த்ததுமே அவர்கள் அட்டெண்ட் பண்ணாமல் தவிர்க்கின்றனர். அப்போது அங்கு வரும் தொல்காப்பியன், தன்னுடைய நம்பர் கிரிக்கு தெரியாதென்று கூறி அவனுக்கு போன் செய்ய கிரி எடுத்துப்பேசுகிறான். ஒரு வங்கி அதிகாரி போலப்பேசும் தொல்ஸிடம் கிரி பிடிகொடுக்காமல் பேசினாலும், அவன் பேசியபோது பின்னணியின் கடலின் அலைகள் சத்தம் கேட்டதாகச்சொல்ல, உஷாவுக்கு பொறிதட்டுகிறது. தன் மகன் கைலாஷ் நிச்சயம் ஆதியின் கடற்கரைச்சாலை கெஸ்ட் அவுஸில்தான் இருக்கவேண்டுமென்று எண்ணி, தொல்காப்பியனையும் அழைத்துக்கொண்டு புறப்பட
புதன்
ஆதியின் கடற்கரை பங்களாவுக்கு வந்திறங்கும் உஷாவை, வாட்ச்மேன் உள்ளே விடாமல் தடுக்க, அவனுடன் வாதத்தில் ஈடுபட்டிருக்கும்போது தொலைவில் கடற்கரையில், ஆதி, கிரி, கைலாஷ் மூவரையும் பார்த்த உஷா, அங்கூ ஓடிப்போகிறாள். கைலாஷை தன்னுடன் வரும்படி உஷா அழைக்க அவன் மறுக்கிறான். இதனிடையே ஆதிக்கும் உஷாவுக்கும் கடும் வாக்குவாதம். எக்காரணம் கொண்டும் பையனைத்தர முடியாது, உன்னால் முடிந்ததைப்பார்த்துக்கொள் என்று சவால் விடுகிறான். இடையில் தொல்ஸ் புகுந்து ஏதோ பேசப்போக, தன் குடும்ப விஷயத்தில் தொல்ஸ் தலையிடக்கூடாது என்று சொல்வதுடன், உஷாவுக்கும் தொல்ஸுக்கும் இடையிலான நட்பையும் மிகவும் கொச்சைப்படுத்திப்பேசுகிறான். இதனால் உஷா மேலும் கோபம் அடைந்து ஆதியுடன் சண்டையிட, சற்று தூரத்தில் நிற்கும் மீனவர் கூட்டம் தொல்காப்பியனுக்கு உதவியாக வந்து ஆதியுடன் சண்டையிட, அந்த சந்தடியில் கைலாஷை அழைத்துக்கொண்டு உஷாவும், தொல்ஸும் விரகின்றனர்.
மேனகாவின் வீடு... (ஆஃபீஸ்...?..) சரி ஏதோ ஒன்று..
தான் வாங்கியிருக்கும் குடியிருப்பு வளாகத்தில் ஏற்பட்ட பிரச்சினைகளெல்லாம் தீர்ந்து விட்டதென்றும், இன்றைக்கு ரெஜிஸ்ட்ரேஷன் முடிந்துவிடுவதாகவும் யாருடனோ மேனகா பேசிக்கொண்டிருக்கும்போது, ரெஜிஸ்ட்ரேஷனுக்காகச்சென்ற அவளது ஆட்கள் திரும்பி வருகின்றனர். பத்திரத்தை வாங்கிப்பார்க்கும் மேனகா, அதில் கையெழுத்தில்லாமல் இருப்பதைப்பார்த்து திடுக்கிடுகிறாள்...
‘என்ன ஆச்சு?. அவர்கள்ளாம் கையெழுத்துப்போடவில்லையா? ஏன், என்ன காரணம்?. மேலும் பணம் எதிர்பார்க்கிறார்களா?. இன்னைக்கு ரெஜிஸ்ட்ரேஷன் முடிஞ்சிடும்னு சொல்லி, கம்பெனிகளிடம் கொட்டேஷன் அனுப்பச்சொல்லிட்டேன். இப்போ ஏன் தர மறுக்கிறாங்க?. அன்னைக்கு என்னிடம் வந்து பூம்பூம் மாடு மாதிரி தலையாட்டிட்டுப்போனாங்களே, இப்போ என்ன ஆச்சு?. சொல்லுங்க’
‘மேடம் இப்போ இந்த பிரச்சினையில் தோழரும், பத்திரிகையாளர் ஆனந்தியும் இறங்கியிருக்காங்க’
‘என்னது தோழரும் ஆனந்தியுமா?. உங்களுக்கு கன்ஃபர்மா தெரியுமா?’
‘தெரியும் மேடம்’.
‘இதையெல்லாம் கரெக்டா தெரிஞ்சு வச்சுக்குங்க. ஆனா, ஒரு டீலை எப்படி சக்சஸ்ஃபுல்லா முடிக்கிறதுங்கிறதை தெரிஞ்சிக்காதீங்க. ஆல் அஃப் யூ கெட் அவுட். ரவி உடனே ஆதிக்கு போன் பண்ணி உடனே வரச்சொல்லுங்க’
காஞ்சனாவின் வீட்டுக்கு சாரதா ஆட்டோவில் வந்திறங்குகிறாள்....
எதிர்பார்த்தது போலவே, காஞ்சனா முகம் கொடுத்துப்பேசவில்லை. சாரதா வந்த விஷயம் பற்றிச்சொன்னதும் காஞ்சணாவின் கோபம் எல்லை மீற தாம் தூம் என்று குதிக்கிறாள். கூடவே அஞ்சலியும். இவர்களின் சண்டையை உள்ளே படுத்திருக்கும் ஈஸ்வரன் கேட்டுக்கொண்டிருக்கிறார். அபி, ஆனந்தியின் திருமனத்துக்கு அவர் வந்து தாரைவார்த்துக்கொடுக்க வேண்டுமென்று சாரதா சொன்னதும் காஞ்சனாவும் அஞ்சலியும் அவளைத்திட்டி விரட்ட...... போதுமான செருப்படி கிடைத்த திருப்தியில், நெருப்புக்குண்டத்துக்குள் ஐஸ் கட்டியைத் தேடிச்சென்ற சாரதா திரும்புகிறாள். (வேறு பெயர் வைத்திருந்தால் கொஞ்சமாவது புத்திசாலியாக இருந்திருப்பாளோ). இப்போதான் ‘நிலா அது வானத்து மேலே’ பார்த்தது போல் இருக்கிறது. பத்து வருடங்களுக்குள் குயிலி ரொம்பவே முதுமை அடைந்துவிட்டாரே
:rotfl:Quote:
Originally Posted by saradhaa_sn
:ty:Quote:
Originally Posted by saradhaa_sn
காலங்கள் மிக விரைவாகவே ஓடுகின்றன
:roll:
வரவர இந்தப்பழைய பஞ்சாங்கங்களின் தொல்லை தாங்க முடியலைப்பா. வேறு யார்..?. இந்த தொடரின் ஒரே உறுத்தல் நாயகி கற்பகம்தான் (சத்யபிரியா). பின் என்ன, திருமணம் என்பது இருமனம் ஒத்துப்போகும் ஒரு விஷயம்தான் என்பதை இவர்கள் எல்லாம் எப்போதுதான் உணரப்போகிறார்களோ. உலகம் முழுக்க தம்பதிகளாய், பிள்ளை குட்டிகளோடு சந்தோஷமாக வாழும் அத்தனை பேரும், தந்தையால் தாரை வார்த்துக் கொடுக்கப்பட்டவர்கள்தானா?. அப்படியே இது சாஸ்திர சம்பிரதாயம் என்று சாக்குப்போக்கு சொன்னாலும், காலமெல்லாம் பெற்ற பிள்ளைகளை மறந்து, 'தந்தை' என்ற தன் கடமையை நிறைவேற்றத் தவறிய ஒருவர் எப்படி ஒழுங்கான தந்தையாவார்?. பையனின் அல்லது பெண்ணின் பிறப்புக்கு மட்டும் அவன் காரணமாயிருந்தால் போதுமா?. அப்படியென்றால், மிருகங்களும் அதைச்செய்கின்றனவே. தந்தையின் கடமையிலிருந்து தவறியவருக்கு, தன் பிள்ளைகளை தாரை வார்த்துக்கொடுக்க என்ன யோக்கியதை இருக்கிறது?. மூளைக்குப்பதிலாக களிமண்ணைத்தலையில் கொண்டுள்ள கற்பகம் போன்ற மரமண்டைகள் இருக்கும் வரை, ஏன் ஆணாதிக்கம் கொடிகட்டிப்பறக்காது?.
அபியின் வீடு.... கறபகம், சாரதா, அபி, ராஜேந்திரன்....
'என்ன காரியம் பண்ணியிருக்கீங்க சித்தி?. எதுக்காக அந்த காஞ்சனா வீட்டுக்குப்போனீங்க?. அந்த மனுஷன் நமக்கு செய்ததைல்யெல்லாம் மறந்துட்டீங்களா?'.
'அபி, சாரதாவாகப்போகலை, நான்தான் போய் அவரை கூப்பிடச்சொன்னேன்'.
'அதுதான் எதுக்கும்மா?'.
'கல்யாணத்தின்போது ஒரு தகப்பன் இருந்து தன் பெண்னை தாரை வார்த்துக்கொடுப்பதுதான் முறை'.
'ஏம்மா உனக்கு கொஞ்சமாவது இருக்கா?. அவர் உன்னைக் கைவிட்டு ஓடிப்போன நாள் முதல், சஷ்டியப்த பூர்த்தி விழா வரையில் அவரால் நமக்கு அவமானங்கள்தான் மிச்சம். அவர் வந்து தாரை வார்த்துக்கொடுக்கலின்னா என்ன கெட்டுப்போகப்போகிறது?. சஷ்டியப்த விழா ஏமாற்றத்துக்குப் பிறகுதான், அவர்கூட எந்த தொடர்பும் இல்லைன்னு சொன்னோமே. அப்புறம் ஏம்மா இதெல்லாம்?. நாம யாரும் அந்த வீட்டு வாசற்படிய மிதிக்கலாமா. எப்போ வருவோம் அவமானப்படுத்தலாம்ணு காத்திருப்பாங்க'
'எனக்கென்னமோ நீ சொல்றதெல்லாம் மனசுக்குமனசுக்கு சரியாப்படலை அபி. அவர் கண்டிப்பா கல்யாணத்துக்கு வரணும்'.
'அக்கா, ஒருவேளை அவர் வருவதா இருந்தல் கூட அந்த காஞ்சனா வரவிடமாட்டாள். அந்த அளவுக்கு பேசிட்டாள்'
'தெரிந்ததுதானே. அவங்க அப்படி பேசலைன்னாத்தான் நாம ஆச்சரியப்படணும். தெரிஞ்சே போய் அவமானப்பட்டு வந்திருக்கீங்க சித்தி. இதுவே ஆனந்திக்கு தெரிஞ்சா ரொம்ப கோபப்படுவா. அவர் வந்து தாரை வார்த்துக் கொடுப்பதாயிருந்தால், ஆனந்தி இந்த கல்யாணத்துக்கே சம்மதிக்க மாட்டாள்'.
யார் என்ன சொல்லியும் கற்பகத்தின் வரட்டுப்பிடிவாதம் தளர்வதாயில்லை. அபி போனதும்....
'என்னக்கா, இப்படி தீர்மானமா இருக்கிற பொண்ணுங்களை எப்படி சம்மதிக்க வைக்கப்போறீங்க?.
'சாரதா, இவங்களை எப்படி சம்மதிக்க வைக்கிறதுன்னு எனக்கு தெரியும்' (வேறென்ன, 'நான் சொல்றபடி கேட்கலைன்னா என்னை உயிரோடு பார்க்க முடியாது'ன்னு டயலாக் விடுவீங்க. அதானே?. 1950லேருந்து இதைத்தானேடி சொல்றீங்க).
'சரி இவங்களை விடுங்க, அவரை அனுப்பி வைக்க அந்த காஞ்சனாவை எப்படி சரிக்கட்ட போறீங்க?'
'அதுக்கு நானே போய், கேட்கிற விதத்திலே கேட்கிறேன்'. (காஞ்சனா வீட்டில் நிறைய விளக்குமாறுகளும் செருப்புகளும் இருக்காம்)
காஞ்சனா வீட்டுக்கு ஆட்டோவில் வந்து இறங்குகிறாள் கற்பகம். வீட்டின் உள்ளே யாருமில்லை. ஈஸ்வரன் படுத்திருக்கும் அறைவாசலைல் போய் நின்று விசும்ப, அவரும் பார்த்து கண்கலங்க சில நிமிடங்கள் ஓடிக்கொண்டிருக்கின்றன....
'ஏய், எங்கே வந்தே....?' காஞ்சனாவின் அதிரடிக்குரல் திடுக்கிட வைக்க, பார்த்தால் மாடியிலிருந்து காஞ்சனா இறங்கி வர, பின்னாலேயே அஞ்சலி மற்றும் மனோ.
'என் ரெண்டு பொண்ணுங்களுக்கும் கல்யாணம் வச்சிருக்கேன்'.
'அது ரெண்டுக்கும் கல்யாணம்தான் ஒரு கேடு' - காஞ்சனா
'உங்க பொண்ணுங்க கல்யானத்தை ஏன் இங்கே வந்து பேசுறீங்க?' - அஞ்சலி.
'சரி அதுக்கென்ன இப்போ?'
'பொண்ணுங்களை தாரை வார்த்துக்கொடுக்க இவரை நீங்க அனுப்பணும்'.
'எக்காரணம் கொண்டும் இவரை அங்கே அனுப்ப முடியாது'. (பலே)
'கல்யாணம் முடியும் வரை கூட இருக்க வேணாம். ஒரு அரை மணி நேரம் வந்து தாரை வார்த்துக்கொடுத்து விட்டு வந்து விடட்டும்'
'முதல்ல அப்படித்தான் சொல்வே, அப்புறம் ஒட்டகம் கூடாரத்துக்குள் நுழைந்த மாதிரி, இவரை அப்படியே இழுத்துக்குவீங்க. அதெல்லாம் முடியாது போ வெளியே' (சபாஷ்)
'அப்படி சொல்லாதீங்க, இவர் வந்து ஆசீர்வாதம் பண்ணினால்தான் என் பொண்ணுங்க வாழ்க்கை நல்லாயிருக்கும்'.
அந்தக்கடவுளே வந்து ஆசீர்வாதம் பண்ணினாலும் உன் பொண்ணுங்களோட வாழ்க்கை நல்லாயிருக்காது. போ வெளியே'. (அப்படி போடு)
'நான் உங்க கிட்டே மடிப்பிச்சை கேட்கிறதா நினைச்சுக்குங்க. அவரை தயவு செஞ்சு அனுப்புங்க'. (இப்போ என்ன கல்யாண மண்டபத்தில் மாப்பிள்ளையும் பெண்ணும் மணவறையிலா உட்கார்ந்து காத்துக்கிடிருக்காங்க..?)
'இப்போ வெளியே போறியா இல்லையா?'.
இதற்கு மேல் நின்று பயனில்லை என்றறிந்து (காஞ்சனா விளக்குமாறுக்கு வேலை கொடுக்கும் முன்) கற்பகம் வெளியே போகிறாள். அம்மா போவதையே பார்த்துக்கொண்டிருக்கும் மனோவிடம், காஞ்சனா... 'பார்த்தியா மனோ, உன் கிட்டே ஒரு வார்த்தைகூட பேசலை உங்கம்மா'
'நானும் கூடத்தான் பேசலை. இப்போ அவங்க என்ன கேட்டாங்க?. அக்காக்களின்ன் கல்யாணத்துக்கு அப்பா வந்து ஆசீர்வாதம் பண்ணனும்னுதானே சொன்னாங்க'.
தன் பர்ஸை மேஜைமேல் வைத்து மறந்துவிட்டதையறிந்து, கற்பகம் திரும்பி உள்ளே வரும்போது.... அவள் வருவதையறியாத காஞ்சனா மனோவிடம், 'என்ன அம்மா மேல பாசம் பொங்குதோ. மற்யுபடியும் போயிடுவே போலிருக்கு'.
'இல்லே அத்தே, சஷ்டியப்த பூர்த்தி விழாவில் உங்க பக்கம் நியாயம் இருக்குங்கிறதனால்தானே, விழாவுக்குப்போன அப்பாவை வழியில் மடக்கி, கடத்திக்கிட்டு வந்து உங்க கிட்டே ஒப்படைச்சேன்'
பர்ஸை எடுக்க வந்த கற்பகத்தின் காதுகளில் மனோ பேசியது விழ... 'டேய் மனோ' என்று கத்திக்கொண்டே போய் அவன் கன்னத்தில் 'பளார்'..
நன்றி சுதா...Quote:
Originally Posted by sudha india
நீங்கள் சொல்வது அனைத்தும் சரியானதே.... இது வரை ஆதி செய்திருக்கும் கொலைகள் எராளம். முன்னொருமுறை கொலையானவர்கள் பட்டியலை 'ஆனா' தயாரித்திருந்தார். அதில் பெரும்பாலோர் ஆதியால் கொல்லப்பட்டவர்களே (அப்பாவியான 'கொச்சின் ருத்ரா' உள்பட). ஆனால் மனித உரிமை ஆணையம் மூலமாக அபி போட்டிருந்த 'மஞ்சுளா கொலை வழக்கு' உண்மையில் கொலை அல்ல. அது அபியைக்கொல்ல செய்யப்பட்ட 'கொலை முயற்சி'தான். அதில் அபி சாகவில்லை. மஞ்சுளா செய்துகொண்டது தற்கொலை. சாப்பாட்டில் விஷம் கலந்திருக்கிறது என்பது தீர்க்கமாகத் தெரிந்திருக்கும்போது, அதை ஒரு பூனைக்குத் தின்னக் கொடுத்துக்கூட நிரூபித்திருக்கலாம். தான் அதை அள்ளி அள்ளித் தின்று செத்துக்காட்டிதான் நிரூபித்திருக்க வேண்டும் என்பதில்லை. அது மஞ்சுளாவின் முட்டாள்தனம்.
சங்கீதாவின் அப்பாவை பாஸ்கர் மலையிலிருந்து தள்ளி கொலை செய்ததற்கும் தண்டனை கிடைத்தாக வேண்டும். அதன் ஒரே சாட்சியான மேனேஜரையும், சங்கீதா தன் முட்டாள்தனத்தால் காட்டிக்கொடுத்து, பாஸ்கரால் நையப்புடைக்கபட்டு, அடிதாங்க முடியாத அவனும் எனக்கொன்றும் தெரியாதென்று சொல்லிவிட்டான்.
இப்போதிருந்து இவற்றுக்கு விளக்கமளிக்க துவங்கினாலும் கூட, முடிவதற்கு ஓராண்டாகும்.
:ty:Quote:
Originally Posted by saradhaa_sn
அந்த முனகல் அழுக்கைகாகவே - ஒரு கற்பகம்தான் (சத்யபிரியா)
Quote:
Originally Posted by saradhaa_sn
இன்னும் ஒராண்டா
:huh:
:cry2:
:hammer:
Quote:
Originally Posted by saradhaa_sn
ஆதி, மேனகாவின் வீட்டுக்கு வரும்போது மேனகா முகத்தில் எள்ளும் கொள்ளும் வெடிக்கிறது
'மேடம், வரச்சொல்லி போன் ப்ண்ணினீங்களாம்'
'என்ன நடந்ததுன்னு தெரியுமா ஆதி?'
'என்னாச்சு மேம்?'
'ஓ... யாராவது வந்து சொன்னால்தான் உங்களுக்கெல்லாம் தெரியும். தானாக எதையும் தெரிஞ்சுக்க மாட்டீங்க. அப்படித்தானே?'
'என்ன நடந்தது மேம்?'.
'அந்த அஞ்சுபேரும் இடத்தைத் தரமாட்டோம்னு மறுபடியும் பிரச்சினை பண்றாங்க. வாங்கின அட்வான்ஸை கூட திருப்பி கொடுத்த்ட்டாங்க. தெரியுமா?'
'அப்படியா?. ஏன் அன்னைக்கு தருவதாக ஒப்புக்கொண்டு எல்லா கண்டிஷனுக்கும் தலையாட்டிட்டுத்தானே அட்வான்ஸ் வாங்கிட்டு போனாங்க?. இதுக்குத்தான் மேம், அவங்களைக் காலி பண்ற விஷயத்தை நான் பாத்துக்கிறேன்னு அன்னைக்கே சொன்னேன்'.
'முதல்ல முழுசா எல்லாத்தையும் கேட்டுட்டு பேசுங்க ஆதி. இப்போ இந்த பிரச்சினையில் தோழரும், அந்த பத்திரிகைக்காரி ஆனந்தியும் தலையை நுழைச்சிருக்காங்க. அவங்க கொடுத்த தைரியத்துலதான், அந்த ஃப்ளாட் ஓனர்ஸ் இப்போ பிரச்சினை பண்றாங்க. இப்போ போய் நீங்க கடுமையா நடவடிக்கை எடுத்தால், நாளைக்கே 'மேனகாவின் அராஜகம்' அப்படீன்னு நியூஸ்பேப்பர்ல செய்தி வந்திடும். ஒரு பதினைந்து பேரோடு அந்த தோழர் கொடியைப்பிடிச்சிக்கிட்டு என் பங்களா எதிரே உண்ணா விரதம்னு உட்கார்ந்திடுவார். என்ன ஆதி இது அநியாயம்?. அவங்க இடத்தை அவங்க விற்கிறாங்க, அதை நான் வாங்குறேன்.. இதுல தோழருக்கும், ஆனந்திக்கும் என்ன வந்தது?. இப்படி எல்லாத்துக்கும் பிரச்சினை பண்ணினா நாடு எப்படி முன்னேறும்?'.
'இப்போ என்ன பண்ணலாம் மேம்?'
'இதை வெளியில் தெரியாமல் ரகசியமா காதும் காதும் வச்சாப்புல முடிக்கணும். நாம நேரடியா இன்வால்வ் ஆகக்கூடாது'.
இப்போது கிரி, முன்னால் வந்து, 'மேடம் எனக்கு ஒரு நல்ல ஐடியா தோணுது'.
'ஏய் கிரி, நீ கோமாளித்தனமா எதாவது ஐடியா கொடுத்தால், அப்புறம் என் கண் முன்னாடியே முழிக்கக்கூடாது'.
'அப்படீன்னா நான் சொல்லலை மேம்'.
'சரி, சொல்லு மேன்'.
'இந்த தொகுதி எம்.எல்.ஏ. திருவேங்கடம் சார், நம்ம பாஸோட சித்தப்பாதான். இதை அவ்ர்மூலமா டீல் பண்ணினோம்னா, சுலபமா முடிச்சிடலாம்'.
மேனகா முகத்தில் புன்னகை, 'பரவாயில்லை மேன், இதுவரை நீ கொடுத்த ஐடியாவிலேயே இதுதான் உருப்படியானது'.
'அப்பாடா, நான் தப்பிச்சேன் மேம்'.
ஆதிக்கும் இந்த ஐடியா பிடித்துப்போக, 'குட் கிரி, மேம் இந்த விஷயத்தை திருவேங்கடத்துகிட்டே விட்டுட்டோமானால், இது இரண்டு அரசியல்வாதிகளின் பிரச்சினையாகி விடும். நம் பெயர் வெளியில் வராது'.
'அப்போ அந்த திருவேங்கடத்தை உடனே என்னை வந்து பார்க்கச்சொல்லுங்க ஆதி'
'ஓக்கே மேம்'.
அபியின் வீடு.....
காஞ்சனாவால் பட்ட அவமானத்தை சின்னதாக்கி விட்ட தன் மகன் மனோவின் சதி வேலையால் ஏற்பட்ட அதிர்ச்சியியோடு உள்ளே நுழையும் கற்பகத்தைப் பார்க்கும் அபி, 'என்னம்மா, ஒரு மாதிரியா இருக்கே, எங்கே போயிட்டு வரே?. என்ன நடந்தது?' அபியின் கேளிவையைத்தொடர்ந்து, ஆனந்தியும் ராஜேந்திரனும் ஆளுக்கொரு அறையிலிருந்து வெளிப்பட...
'சொல்றதுக்கு என்னடி இருக்கு?. வர வர யாரை நம்புவது, யாரை நம்பக்கூடாதுன்னே தெரியலை'
'அம்மா, நீ என்ன சொல்றே?. இப்போ எங்கே போயிட்டு வரே?'
'அந்த வீட்டுக்குத்தான் போயிட்டு வர்ரேன்'.
'அந்த வீட்டுக்குன்னா' யோசிக்கும் அபி, சட்டென கேட்கிறாள் 'அந்த ஆதி வீட்டுக்கா?. நீ ஏம்மா அங்கே போனே?. போக வேண்டாம்னு நான்தான் அப்பவே சொன்னேனே. தாரை வார்த்துக்கொடுக்க அவரைக் கேட்கப் போயிருந்தியாக்கும்'.
'ஆமா அபி, அங்கே போனதாலதான் கேட்கக்கூடாததையெல்லாம் கேட்க வேண்டியதா போச்சு. அய்யோ நான் அதைக்கேட்காமலே இருந்திருக்கக்கூடாதா?'.
'அம்மா நீ சொல்றது எதுவுமே புரியலை'.
'சஷ்டியப்த பூர்த்தி விழாவுக்கு உங்க அப்பா வராமல் ஏமாத்திட்டாருன்னுதானே இவ்வளவு நாளும் நாம எல்லோரும் நினைச்சிக்கிட்டிருந்தோம். ஆனால் நடந்தது என்ன தெரியுமா?. விழாவுக்கு வந்தவரை இந்த மனோ பயல்தான் ஆட்களை வச்சு கடத்திக் கொண்டு போய் அந்த காஞ்சனா லிட்டே ஒப்படைச்சிருக்கான்'.
மூவருக்கும் அதிர்ச்சி.... என்னது எல்லாம் மணோவுடைய வேலையா?.
'அம்மா, நம்ம மனோ அப்படியெல்லாம் செய்யக்கூடியவன் இல்லேம்மா. விழாவுக்கு வரப்பிடிக்கலைன்னு ஒதுங்கி இருந்திருப்பானே தவிர கடத்திக்கிட்டெல்லாம் போகக்கூடியவன் அல்ல. யாரோ சொன்னதைக்கேட்டு இப்படியெல்லாம் முடிவு பண்னிடாதேம்மா'.
'வேறு யாரோ சொல்லியிருந்தால், உங்களை மாதிரி நானும் நம்பியிருக்க மாட்டேண்டி. அவன் வாயாலேயே அந்த காஞ்சனா கிட்டே சொல்லிக்கிட்டிருந்ததை நானே கேட்டுட்டேண்டி'. அதிரிச்சியில் ஆனந்தி கையால் வாயைப்பொத்திக்கொள்ள, அபி திடுக்கிடுகிறாள். சோர்ந்து விழப்போன அம்மாவைத் தாங்கிப்பிடித்து நாற்காலியில் உட்கார வைக்கும் நேரம்.... ஆனந்தி 'அக்கா அங்கே யாரு வந்திருக்கான்னு பாரு' என்று சொல்ல, திரும்பிபார்த்தால் அங்கே மனோ நிற்க, அபிக்கும், கற்பகத்துக்கும் அதிர்ச்சியும் கோபமும் ஒருசேரப் பொங்கி வர.... கற்பகம்தான் முதலில் பாய்கிறாள்..
'டேய், யாருடா நீ?. எங்கே வந்தே?. செய்றதெல்லாம் செஞ்சிட்டு எப்படிடா உன்னால இந்த வீட்டுக்குள்ள நுழைய முடியுது?'
'அம்மா நீ தப்பா புரிஞ்சிக்கிட்டிருக்கே, நான் அத்தைகிட்டே உனக்கு சப்போர்ட்டாத்தான் பேசினேன். கல்யாணத்துக்கு அப்பாவை அரை மணிநேரம் அனுப்பினால் என்ன தப்புன்னு கேட்டுட்டுத்தான் வர்ரேன்'
உடனே ஆனந்தி, 'இன்னைக்கு நடந்ததை விடுடா, அன்னைக்கு சஷ்டியப்த பூர்த்தியன்னைக்கு என்ன காரியம்டா பண்ணியிருக்கே?'
'அது நடந்து முடிஞ்ச கதைக்கா' என்று மனோ சொன்னதும் ஆனந்தி அவன் மீது பாய்ந்து, அவன் கன்னத்தில் பளார் பளாரென்று அடித்து, 'எதுடா முடிஞ்ச கதை?. அன்னைக்கு மண்டபத்துல ஊரார் முன்னாடி அவமானம் தாங்காமல் நாங்க அத்தனை பேரும் தலை குனிஞ்சு நின்னது உனக்கு தெரியுமாடா?. குடும்பத்தோட ஒட்டுமொத்த மானத்தையும் வாங்கிட்டியேடா பாவி'.
'அக்கா, சஷ்டியப்த பூர்த்தி விழாவுல காஞ்சனா அத்தை பக்கம் நியாயம் இருந்ததால்தான் அப்படி செஞ்சேன்'.
இப்போ கற்பகம், 'டேய் பேசாத்டா. அன்னைக்கு சஷ்டியப்த விழா மட்டுமில்லேடா. சபையில கூடியிருந்த எல்லோர் முன்னாலும் உங்களை தன்னுடைய பிள்ளைங்கன்னு அறிவிக்க இருந்தாருடா. எல்லாத்தையும் கெடுத்திட்டியேடா பாவி'.
அபி கோபத்துடன், 'எங்களையெல்லாம் விடுடா. உன்னைப்பெத்த தாய்க்கு நீ என்ன பண்ணிருக்கே தெரியுமா?. அந்த சபையில் அந்த காஞ்சனா என்ன சொன்னா தெரியுமா? நம்ம அம்மா அவள் புருஷனோட தொடுப்பாம், நாமெல்லாம் தப்பான வழியில் பிறந்தவங்களாம். சொல்லுடா நாம தப்பான வழியில பொறந்தவங்களா?. பெத்த தாய்க்கு ரொம்ப பெருமை தேடித் தந்துட்டேடா. இதுக்கெல்லாம் காரணம் நீதான்னு தெரியாம, அன்னைக்கு சஷ்டியப்த விழா முடிஞ்ச பிறகு வீட்டுக்கு வந்த அந்த மனுஷனை கழுத்தைப்பிடிச்சு வெளியே தள்ளினேன். தெரியுமாடா?. அப்போ அவர் மனசு என்ன படு பட்டிருக்கும்?''
'அக்கா, நான் சொல்றதைக்கேளுக்கா..'
'டேய், இனிமேலும் எங்களை அக்கா அக்கான்னு கூப்பிடாதே. நாங்க உனக்கு அக்காவும் இல்லே நீ எங்களுக்கு தம்பியும் இல்லே போடா வெளியே'
இனிமேலும் தன்னுடைய எந்தப்பேச்சும் அங்கு எடுபடாது என்று அறியும் மனோ அவ்விடத்தை விட்டு வெளியேற....
'நீ எதுக்கும் கவலைப்படாதேம்மா, உனக்கு நாங்க இருக்கோம்' என்று அபியும் ஆனந்தியும் அம்மாவை அணைத்துக்கொள்ள......
:ty:Quote:
Originally Posted by saradhaa_sn
மனோ ஏன் அப்படிச் செய்தான்??
:shock: :yessir:Quote:
Originally Posted by saradhaa_sn
romba bore adichuthu. Athaan vanthu saratha ezhuthinatha padichen. :oops:
sorry.
varusha kanakka orE serial-ai izhu izhu endru izhuthum athai abhimaanathoda paarkum neengaL elaam romba porumainga :oops: :yessir:
summa joke thaan.
yaarum kochukatheenga :shaking: :thumbsup:
have fun guys. aana onnu serial parka bore adikaravanga inga padichudalaam. saradha ezhutharathu nalla irukku (just read couple of posts now :) )
ரொம்ப நாளா ஆளையே காணோம்Quote:
Originally Posted by Shakthiprabha
:roll:
:oops:Quote:
Originally Posted by aanaa
aana,
naan parkum rende rendu nigazhchi
maanada mayilada (80 percent parka matten, 20 percent thonichunna parpen)
neeya naana (ithum 80 percent parka matten 20 percent mudinja parpen)
:oops:
I love to watch good tamizh / hindi / english movies(sometimes reruns or bad movies too)
serials edhum ishtapattu parpathillai :oops:
thats why I am alienated here. :oops:
merry xmas and very happy new year to you
:)
//end dign.
நன்றி ஆனா மற்றும் ஷக்திப்ரபா....
சோகமே உருவாக உட்கார்ந்திருக்கும் ஆதியைப் பார்க்கும் காஞ்சனா, 'என்னடா ஆதி? என்ன ஆச்சு?. கைலாஷ் எங்கே?' என்று கேட்க, 'கைலாஷ் உஷாகிட்டேதாம்மா இருக்கான்'
'என்னது?. உஷா கிட்டே இருக்கானா?. அவள்தான் கைலாஷைத்தேடி இங்கே வந்தாளேடா?. என்ன நடந்தது?'
'நான் கைலாஷைத் தூக்கிக்கிட்டு நம்ம பீச் பங்களாவுக்குப் போயிட்டேன். அந்த இடத்தில்தான் கைலாஷ் இருக்கான்கிறதை எப்படியோ தெரிஞ்சிகிட்டு உஷாவும் தொல்காப்பியனும் வந்து அவனைத் தூக்கிக்கிட்டுப் போயிட்டாங்க'.
'என்னடா சொல்றே, அவங்க தூக்கிக்கிட்டுப் போற வரைக்கும் என்ன பண்ணிக்கிட்டிருந்தே?'.
'அம்மா, அந்த இடத்துல இருந்த மீனவர்கள் எல்லோரும் ஒண்ணு சேர்ந்துட்டாங்க. அவங்க எல்லாரும் அந்த தொல்காப்பியனுக்கு தெரிஞ்சவங்க. அதனால் அவனுக்கு சப்போர்ட்டா என்னோடு சண்டைபோட ஆரம்பிச்சுட்டாங்க. நானும் கிரியும் மாத்திரம் எத்தனை பேரை சமாளிக்க முடியும் சொல்லுங்க. அந்த நேரத்துல மட்டும் என்னிடம் துப்பாக்கி இருந்தால் அத்தனை பேரையும் சுட்டுத்தள்ளியிருப்பேன்'.
இப்போது ரேகா, 'அவங்க எல்லோரையும் ஏன் சுடுறீங்க?. நீங்க சுட வேண்டியது உஷாவைத்தான். அதுவும் இப்போ இல்லே. அவளை நீங்க சட்டப்படி டைவர்ஸ் பண்ணிட்டு, அவளுக்கு இருக்கிற சப்போர்ட்டையெல்லாம் கட் பண்ணி அவளைத்தனியாளாக்கிட்டு அப்புறம் சுட்டுத்தள்ளூங்க'.
'கைலாஷைத்தூக்கிக்கிட்டு நீ நேரா நம்ம வீட்டுக்கு வர வேண்டியதுதானேடா?. அப்படி வந்திருந்தால், உஷா இங்கே வந்து தூக்கிக்கிட்டுப் போயிருக்க முடியுமா?. அந்த கற்பகம் மாதிரி உஷாவையும் வாசலிலேயே நிற்கவச்சு அவமானப்படுத்தி அனுப்பியிருப்பேனே'.
'கற்பகமா? அவ எதுக்கு இங்கே வந்தா?'
'அவ பொண்ணுங்க அபிக்கும் ஆனந்திக்கும் கல்யாணமாம். தாரை வார்த்துக்கொடுக்க உங்க அப்பா வேணுமாம். நான் 'வெளியே போ'ன்னு துரத்தியடிச்சிட்டேன். இனிமேல் அவர் இந்த வீட்டைவிட்டுப்போறதா இருந்தால் அது அவருடைய இறுதி யாத்திரையாகத்தான் இருக்கும்'.
அவர்கள் அங்கிருந்து நகர்ந்ததும், ஆதி தன் மனதுக்குள், "ஓ அபிக்கும் ஆனந்திக்கும் கல்யாணமா?. எப்படி நடக்குதுன்னு பார்க்கிறேன்'.
(ஆனந்தி மீது அடுத்த ஆக்ஸிடெண்ட்டுக்கு திட்டமா?)
மேனகாவின் எதிரில் திருவேங்கடம் எம்.எல்.ஏ. அமர்ந்திருக்க, அவருக்கு எதிரே ஆதி.
திருவேங்கடத்தின் வழக்கமான அரசியல் பீடிகை ஆதிக்கும் மேனகாவுக்கும் எரிச்சலைத் தருகிறது. தேவைக்குமேல் ஒரு வார்த்தை பேச விரும்பாதவள் மேனகா. ஆனால் தேவையில்லாததைப் பேசுவதையே வழக்கமாகக்கொண்ட திருவேங்கடம். என்ன செய்வது இவரது தயவு இப்போ தேவையிருக்கே என்று பல்லைக்கடித்துக்கொண்டு பொறுத்துக்கொள்கிறாள். ஆனாலும், 'மிஸ்ட்டர் திருவேங்கடம், இப்போ பேச வேண்டிய விஷயத்தை மட்டும் பேசுங்க' என்று அவ்வப்போது தடை போட்டாலும், அவரது அரசியல் நாக்கு நிற்கவில்லை. அவர் ஆப்பிள் ஜூஸ் குடிப்பது பற்றிய விளக்கத்திலிருந்து ஆரம்பித்து, ஒரு வழியாக விஷயத்துக்கு வருகிறார்...
'முன்னரே என்கிட்டே வந்திருந்தீங்கன்னா ரொம்ப சீப்பான ரேட்ல முடிச்சிருக்கலாம். ஆனா இப்போ கொஞ்சம் கூடுதலா ஆகும்'.
இப்போ ஆதி, 'என்ன, எங்க கிட்டேயேவா?'
'ஐயோ ஆதி, இதுல பத்து பைசா கூட எனக்கு கிடையாது. இந்த விஷயத்தில் ஏகப்பட்ட மேலிடங்களைக் கொடுத்து கவனிக்க வேண்டியிருக்கு. அதுக்காகத்தான்'. (நம்ம நாட்டுல ஏகப்பட்ட மந்திரவாதிகள் இருக்காங்களாம். என்ன பயன்?. லஞ்சம் வாங்கும் பணத்தை, வாங்கிய கொஞ்ச நேரத்திலேயே வெறும் வெள்ளைத்தாளாக மாற்றக்கூடிய மந்திரத்தை எந்த மந்திரவாதியாவது கண்டு பிடித்தானா?)
மேனகா, 'சரி மிஸ்ட்டர் திருவேங்கடம். எவ்வளவு பணம் எதிபார்க்கிறீங்க?'
'ஒரு ஐம்பது லட்சம்'... அவர் கேட்டதும் ஆதிக்கு அதிர்ச்சி. ஆனால் மேனகா சம்மதிக்கிறாள்.
'அப்போ கையோடு அட்வான்ஸும் கொடுத்திட்டா வேலைகளை ஆரம்பிச்சுடலாம்'
'சரி, வாக்கிக்குங்க' என்றவள் ரவியிடம் செக் புக் வாங்கி எழுதப்போகும் நேரம்...
'ஐயய்யோ, 'செக்'கெல்லாம் எதுக்குங்க, நாம என்ன அஃபீஷியல் டீலிங்கா பண்ணப்போறோம்?. அண்டர்கிரவுண்ட் வேலைதானே. அதனாலே கேஷா கொடுத்திடுங்க'. (இந்த அரசியல்வாதிகள் எந்த தடயத்திலும் மாட்டிக்க மாட்டாங்களே).
'ஓகே... ரவி, கேஷ் ரெடி பண்ணுங்க'
சில நிமிடங்களில் 'சூட்கேஸ்' நிறையப்பணம் திருவேங்கடத்தின் முன் வைக்கப்பட, அவருக்கு வாயெல்லாம் பல். 'சரி, விஷயம் முடிஞ்சாச்சுன்னு வச்சிக்குங்க. வரட்டுமா?' என்று சூட்கேஸுடன் அவர் கிளம்பிப்போக, ஆதியிடம் மேனகா, 'என்ன ஆதி... நமபலாமா'
'யெஸ் மேம்'.
இரவு சாப்பாட்டுக்காக உஷா அவள் அப்பா, கைலாஷ் ஆகியோர் உட்கார்ந்திருக்க, அம்மா பரிமாறுகிறாள். 'எனக்கு இட்லி வேன்டாம். பீஸாதான் வேண்டும்' என்று கைலாஷ் அடம் பிடிக்கிறான். அவர்களுக்கு ஆச்சரியம், இவனுக்கு பீஸாவெல்லாம் எப்படிதெரியும் என்று. 'இப்போது இட்லி சாப்பிடு, நாளைக்கு பீஸா வாங்கித்தாரேன்' என்று சொல்லியும் அவன் சமாதானமாகவில்லை. அவனுடைய நடவடிக்கைகள் ஒவ்வொன்றும் ஆதியைப்போலவே இருப்பதைக்கண்டு உஷா திடுக்கிடுகிறாள். அவளுக்கு ஆதியோடு வாழ்ந்த நாட்கள் நினைவுக்கு வருகின்றன. ஆதியைப்போலவே, சாப்பாட்டு பிளேட்டைத் தள்ளிவிடுவது, அவனைப்போலவே பிளேட்டைத் தரையில் தூக்கியடிப்பது, அவனைப்போலவே, கோபித்துக்கொண்டு சோபாவில் போய் உட்காருவது என்று, ஒவ்வொரு நடவடிக்கையும் அப்படியே ஆதியை உரித்து வைத்தது போலிருக்க, உஷாவுக்கு அதிர்ச்சியும் கலக்கமும் ஏற்படுகிறது. இப்பவே இப்படீன்னா.. போகப்போக இவனை எப்படி சமாளிப்பது?.
வாசலில் பஸ்ஸர் ஒலிக்க, உஷா திறந்துபார்க்க, அங்கே ஒருவன் பார்சலோடு நிற்பது கண்டு அவளுக்கு குழப்பம்.
'யார் நீங்க?. என்ன வேணும்?'.
'பீஸா ஆர்டர் பண்னியிருந்தீங்க. அதான் சப்ளை பண்ண வந்திருக்கேன்'.
'நாங்க யாரும் ஆர்டர் பண்னலையேப்பா'
அப்போது கைலாஷ், 'நான்தான் ஆர்டர் பண்ணினேன்' என்று சொல்லி டெலிபோன் நம்பர் சொல்ல, வந்தவன் 'ஆமாங்க இது எங்க ஓட்டல் நம்பர்தான்' என்றதும் இவர்களுக்கு அதிர்ச்சி, இதெல்லாம் இந்த சின்னப் பையனுக்கு எப்படித் தெரியுமென்று.
'பீஸா வேணாம். ஆர்டரை கேன்ஸல் பண்ணிடுங்க'.
'ஸாரிமேடம், ஆர்டர் பண்ணி தயார் பண்ணியதை கேன்சல் பண்ன முடியாது'.
'சரி, எவ்வளவுப்பா'.
'420 ரூபாய்ங்க'.
உஷா பணத்தைக்கொடுத்ததும், கைலாஷ் பீஸ்வை வாங்கிக் கொண்டுபோய் சாப்பிடத்துவங்குகிறான்.
உஷாவுக்கோ கவலையும் வேதனையும்.... 'ஒரே நாளில் பையனைக் குட்டிச்சுவராக்கிட்டான் அந்த ஆதி' என்று பொருமுகிறாள்.
Discussion about the serial is very less,almost nil because, hubbers are very much interested in reading Saradha madam's posts rather than sitting before TV.
The other reason could be, instead of Thiru's directions, here saradha madam's writting is more witty and enjoyable and most importantly without any commercial break, we get to see Kolangal here in the hub.
Many of our hubbers are due to various reasons unable to continue watching this serial because of which the disccussion is very less i believe
May fans for Saradha madam's writing are living in abroad where they are not able to view this serial on TV
Keep up your good wotk saradha madam :clap:
:rotfl: :rotfl:Quote:
Originally Posted by saradhaa_sn
:rotfl: :rotfl:Quote:
Originally Posted by saradhaa_sn
oru vElai serial-ili nadichE vayasagiduchO... becoz she almost cries in all the serials....Quote:
Originally Posted by saradhaa_sn
krishna paramaathma sOnna maadiri... azhudhu azhudhu kuyili vayasanavangalaagitaangalO :roll:
such a vague episode... thiruuuuuuuuu :hammer:Quote:
Originally Posted by saradhaa_sn
ippadiyuma ulagathula irupaangala enna :hammer: