Printable View
இவரை வில்லனாகவே மாற்றிவிட திட்டமிட்டே தயாரிக்கப்பட்டQuote:
தயாரிப்பு என்ற பெயரில் வில்லனாக தொடர்ந்து அவதாரம் கொடுத்தனர்...தமிழ் திரை உலகில் ஒரு திரைப்படத்தில் வில்லனாக வந்து வெற்றிபெற்றால் அதற்க்கு பிறகு கதாநாயக அந்தஸ்து சிறிதும் கிடைக்காது. திரும்பிப்பார் திரைப்படத்தின் அசுர வெற்றி...மகிழ்சிகடலில் நீந்தினர் இந்த கருங்காலிகள் ! ஆஹா இனி கவலை இல்லை...நல்லவேளை என்று ஏகத்தாலமிட்டனர்..!
படம்தான் ரங்கூன் ராதா
நண்பர் திரு.நெய்வேலி வாசுதேவன் அவர்களுக்கு இதயம் நிறைந்த, இனிய பிறந்தநாள் வாழ்த்துக்கள்.
செந்தில் சார்Quote:
Originally Posted by senthilvel
இதனை கலியுக கர்ணன் வள்ளல் கணேசன் திரியிலும் பதிவிடுங்கள்
On behalf of NT/GG threads...
ஏதோ மனிதர் பிறந்துவிட்டார் என்றில்லாமல் இதோ ஒரு மனிதர் தனது பிறவிப் பயனை வெல்லமுடியாத வெல்லமான வெள்ளமான எழுத்தாற்றலால் மெழுகுவர்த்தியாக கரைந்து ஒளிர்ந்து ஏனைய மனித மனங்களை கொள்ளையடித்துக் கொண்டிருக்கிறார் என்பதற்கு நிகழ்கால சாட்சியாக அசத்தியடிக்கும் விற்பன்னர் வாசு சாருக்கு நடிகர்திலகம் / காதல் மன்னர் திரிசார்ந்த மனங்கனிந்த பிறந்தநாள் வாழ்த்துக்கள்!
Happy Birthday Vasu Sir
senthil
https://www.youtube.com/watch?v=4xeW8ITF2y8
https://www.youtube.com/watch?v=R8S8OdW7Y4Q
அன்போடு பிறந்தநாள் வாழ்த்துக்கள் கூறிய அருமை சகோதரர்கள்
எஸ்.வாசுதேவன் சார்
பொன் ரவிச்சந்திரன் சார்,
செந்தில்வேல் சார்,
சுந்தரபாண்டியன் சார்
கோல்ட் ஸ்டார் சதீஷ் சார்
ராமச்சந்திரன் சார்
ராகவேந்திரன் சார் (தொலைபேசியிலும்)
ஆதவன் ரவி சார்
சுப்பிரமணியம் ராமஜெயம் சார்
பரணி சார்
தம்பி செந்தில்
சந்திரசேகரன் சார்
மதுரை சந்திரசேகரன் சார்
ராதாகிருஷ்ணன் சார்
சிவா சார்
சிவாஜி செந்தில் சார் (தொலைபேசியிலும்)
மற்றும் தொலைபேசியில் வாழ்த்துக்கள் தெரிவித்த முரளி சார், பம்மலார் சார், கோபால் சார், ரவி சார், வினோத் சார் மற்றும் அனைத்து நண்பர்களுக்கும் என் மனமார்ந்த நன்றிகளைத் தெரிவித்துக் கொள்கிறேன்.
பாதுகாப்பு பதிவைப் படித்துப் பாராட்டிய ராகவேந்திரன் சாருக்கும், செந்தில்வேல் சாருக்கும் நன்றி.
செந்தில்வேல்,
பராசக்தி
"தேசம் ஞானம் கல்வி ஈசன் பூசை யெல்லாம்
காசுமுன் செல்லாதடி - குதம்பாய்
காசு முன் செல்லாதடி."
பாடல் ஆய்வு மிக நன்றாக இருந்தது. இப்போதுதான் படித்து ரசித்தேன். நிஜமாகவே சிரமமான, ஆய்வுகளுக்கெல்லாம் கட்டுப்பாடாத பாடல். எடுத்து அற்புதமாக எழுதியதற்கு மிக்க நன்றி!
சிவாஜி ரசிகன் ஆவணங்களுக்கும் ரொம்ப தேங்க்ஸ். தன்னலமற்ற உங்கள் சேவை வாழ்க.
சுந்தரபாண்டியன் சார்,
வடிவேலு வீடியோ அமர்க்களம். பலமுறை பார்த்து ரசித்து விட்டேன். மனம் விட்டு சிரிக்க வைத்த வீடியோ பதிவுக்கு நன்றி.
ஆதவன் ரவி சார்,'
இருமலர்கள் தொடர் அருமையோ அருமை. மிக்கக ரசனை இருந்தால்தான் அணுஅணுவாக இப்படி அனுபவித்து எழுத முடியும். இருநூறு பக்கங்கள் இரு மலர்கள் பற்றி எழுதினாலும் திகட்டவே திகட்டாதே. தொடருங்கள். கரும்பு தின்னக் கூலியா?
ராகவேந்திரன் சார்,
முதலில் உங்கள் ஞாபக சக்திக்கு ஒரு சபாஷ். சொர்க்கம், எங்கிருந்தோ வந்தாள் படத்தைப் பற்றிய தங்கள் அனுபவங்கள் மிரள வைக்கின்றன. நடிகர் திலகம் படங்களுக்கு டிக்கெட் கிடைக்காமல் நாம் ஒவ்வொரு படத்துக்கும் பட்டபாட்டை உணர்த்த தங்களின் இந்த ஒரே ஒரு பதிவே போதும். அட்டகாசமான பதிவுகள்...நினைவூட்டல்கள். நன்றி! அடுத்த அனுபவத்திற்குக் காத்திருக்கிறோம்.
பொன்ரவிச்சந்திரன் சார்,
தங்களின் சிறுவயது தங்கப்பதக்க அனுபவங்கள் சுவை. இது போல நிறையப் பகிர்ந்து கொள்ளுங்கள். உங்களால் முடிந்தால் தமிழில்.
பரணி சார்,
Dr. Seetharaman வீடியோவிற்கு நன்றி!
முத்தையன் அம்மு சார்,
உலகம் போற்றும் உத்தமனின் ஸ்டில்கள் அமர்க்களம். லோகோ இல்லாமல் ஸ்டில் போடும் வித்தையைக் கொஞ்சம் கற்றுக் கொடுங்கள்.
Sivaji Ganesan - Definition of Style 30
நல்லதொரு குடும்பம்
பிரிந்தவர் மீண்டும் சேர்ந்திடும் போது...?
ராஜா ஒரு மிகச் சிறந்த மருத்துவர். தன் இளமைப்பருவத்தில் வாழ்க்கையை சந்தோஷமாக அனுபவிக்கத் துடிப்பவர். அவருடைய ஒரே பிடிமானம், தன்னுடைய தாத்தா. தாத்தா சொல் தட்டாதவர்.
ராஜாவின் வீட்டில் உரிமையோடு வளைய வருபவள் ராதா. ஒரு கட்டத்தில் தாத்தா, ராஜாவின் பொறுப்பற்ற தன்மையைக் கண்டு மனம் வேதனைப்படுகிறார். ராஜா வேலை நிமித்தமாக வெளிநாடு சென்றிருக்கும் நேரத்தில் திடீரென தாத்தாவின் உடல் நிலை பாதிக்கப்பட்டு மரணமடையே நேரிடுகிறது. இறப்பதற்கு முன் தன் சொத்துக்களை உயில் எழுதி வைத்து விடுகிறார். ராஜா திருந்தி நல்லபடியாக வாழ்ந்து ராதாவைக் கல்யாணம் செய்து கொண்டால் அவனுக்கு அதில் உரிமை உண்டு, இல்லையென்றால் ராதாவின் பெயருக்கு சொத்து சேர வேண்டியது என எழுதி விடுகிறார். நாடு திரும்பும் ராஜாவிற்கு தான் உயிரையே வைத்திருந்த தாத்தாவின் மரணம் பாதிப்பு ஏற்படுத்தியது என்றால் உயில் அதை விட அதிகமாய் அவருடைய சுயமரியாதையை சீண்டி விடுகிறது.
http://i1146.photobucket.com/albums/...psr0nbhx17.jpg
உயில் மூலம் தன்னை சிறுமைப் படுத்தி விட்டதாக பெரியவர் படம் முன் டாக்டர் ராஜா கோபமுடன் பார்க்கும் காட்சியில் நடிகர் திலகம்.
பணம் என்ன பெரிய பணம், அது எனக்கு நத்திங், சுயமரியாதை இருக்கே அது தான் எனக்கு எவரிதிங் என ராதாவிடம் கூறி விடுகிறார்.
http://i1146.photobucket.com/albums/...ps5qlkmdvx.jpg
ராஜா உயிலைப் பற்றிச் சொல்லச் சொல்ல அதைப்பற்றி ஒன்றும் தெரியாத ராதா, திகைத்து நிற்கிறார்.
பின்னர் விஷயத்தை கிரஹித்துக் கொண்டு அந்த உயிலில் தனக்கு சம்மதமில்லை எனக் கூறி அந்த சொத்துக்களுக்கும் தனக்கும் எந்த வித பாத்தியதையுமில்லை என பதில் பத்திரத்தை எழுதி ராஜாவிடம் தந்து விட்டு வீட்டை விட்டுக் கிளம்புகிறார்.
வீட்டை விட்டுக் கிளம்பும் ராதாவின் முடிவால் ராஜாவின் மனம் தடுமாறுகிறது. தான் அவசரப்பட்டு அவளிடம் கடுமையாய் நடந்து கொண்டு விட்டோமோ என பேதலிக்கும் மனம், அவள் மேல் அனுதாபம் உண்டாக்குகிறது., அது அன்பாய் மாறி, திருமணத்தில் முடிகிறது.
http://i1146.photobucket.com/albums/...psaqb7g9df.jpg
கால ஓட்டத்தில், குழந்தை ஒன்றைப் பெற்றெடுக்கிறாள் ராதா. குழந்தை நன்று வளர்கிறது.
இந்த சமயத்தில் ராஜாவின் பழைய சிநேகிதி ஒருத்தி (விஜயலலிதா)மீண்டும் அவனிடம் தொடர்பு கொள்கிறாள். ஆனால் இன்னொருவரின் (பாலாஜி) மனைவியாக, ஒரு குழந்தைக்குத் தாயாக. ஆம். அவருடைய குழந்தைக்கு உடல்நலமில்லை என்ற காரணத்தினால் அவரைத் தொடர்பு கொண்டு மருத்துவம் பார்க்க அழைக்கிறார். குழந்தைக்கு நோயின் பாதிப்பு தீவிரமாக இருப்பதை உணர்ந்த டாக்டர் ராஜா பெற்றோரிடம், தன்னை எப்போது வேண்டுமானாலும் கூப்பிடலாம் எனக் கூறுகிறார்.
http://i1146.photobucket.com/albums/...psoyia3jdt.jpg
மற்றோர் நாள் - இரவில் குழந்தை மிகவும் துடிக்கிறது. பெற்றோர் டாக்டரை அழைக்கிறார்கள். ராதாவோ டாக்டர் மீண்டும் தன் பழைய பழக்க வழக்கத்தின் காரணமாகவே அங்கு செல்கிறார் என சந்தேகமுற்று அந்த தொலைபேசி இணைப்பைத் துண்டித்து விடுகிறாள். டாக்டர் வராத காரணத்தால் குழந்தை சிகிச்சை கிடைக்காமல் இறந்து விடுகிறது.
மறுநாள் காலை குழந்தை இறக்கும் செய்தியை அறிந்த டாக்டர் ராஜா பதறிப் போய் விடுகிறார். இதற்குக் காரணமான தன் மனைவியின் மீதூ கடும் கோபமுற்று வீட்டை வீட்டு வெளியே போகச் சொல்லி விடுகிறார். வாக்குவாதம் முற்ற ராதாவும் வெளியேறுகிறாள். அவ்வாறு போகும் போது மகனைத் தந்தை தானே வளர்த்துக்கொள்வதாக்க் கூறி அனுப்பாமல் நிறுத்துகிறார். அவளோ என் வயிற்றில் உள்ள குழந்தையை உங்களால் பிரிக்க முடியாது எனக் கூறி, தான் அந்தக் குழந்தையை நன்றாக வளர்ப்பதாகக் கூறிச் சென்று விடுகிறாள். ராதாவிற்கு இரண்டாவதும் ஆண் குழந்தை பிறக்கிறது. மூத்த பிள்ளைக்கு ராமு எனப் பெயர் வைத்திருப்பதால் இரண்டாவது பிள்ளைக்கு லக்ஷ்மணமன் எனப் பெயர் வைக்கிறார்கள்.
ராஜாவிடம் வளரும் மூத்த பையன் ராமு தந்தையிடம் அன்போடு இருக்கிறான் என்றாலும் சற்றே துடுக்கானவன். அவனை அம்மா ஏக்கம் தெரியாமல் வளர்க்க ராஜா படாத பாடு படுகிறார்.
ராதாவிடம் வளரும் இளைய மகன் லக்ஷ்மணன், அன்பு, பாசம், கருணை போன்ற நல்லொழுக்கங்களுடன் வளருகிறான். தந்தை ஏக்கம் தெரியாமல் அவனை வளர்க்க ராதாவும் படாத பாடு படுகிறார்.
நாட்கள் ஆண்டுகளாகின்றன. லக்ஷ்மணனும் ராமும் தாங்கள் சகோதரர்கள் எனத் தெரியாமலேயே நண்பர்களாக நெருங்கிப் பழகுகின்றனர். இருவருமே காதல் வயப்படுகின்றனர்.
லக்ஷ்மணனின் நல்ல பழக்க வழக்க்கங்கள் ராஜாவிடம் தனி ஈர்ப்பை ஏற்படுத்துகின்றன. அதே போல் சந்தர்ப்ப வசத்தால் ராமுவுக்கும் லக்ஷ்மணனின் தாயாரிடம் ஓர் ஈர்ப்பு ஏற்படுகிறது.
ஒரு சமயத்தில் ராமுவும் அவன் காதலியும் பதிவுத் திருமணம் செய்து கொள்கின்றனர். கோவிலுக்குச் செல்ல வேண்டும் என ராமுவின் மனைவி கூறும் போது, ராமு லக்ஷ்மணனின் தாயார் வீட்டுக்குப் போகலாம் எனக் கூறுகிறான்.
லக்ஷ்மணனின் தாயார் முதலில் மறுத்தாலும் ராமுவின் பேச்சிலிருந்து அவன் தன் மகன் என்பதை அறிந்து கொள்கிறார். இருந்தாலும் உடனே அதைக் காட்டிக்கொள்ளாமல், அவர்களை ஆசீர்வதிக்கிறார்.
அதே சமயம் லக்ஷ்மணன் காதல் வயப்பட்ட பெண், ராஜாவின் சிநேகிதரின் மகள் என்பதை ராஜா அறிகிறார், முதலில் மறுத்தாலும் பின்பு அவரும் அவன் தன் மகன் என்பதை அறிந்து கொள்கிறார். அதைக் காட்டிக் கொள்ளாமல் இருவருக்கும் திருமணம் செய்து வைக்கிறார்.
இதற்குப் பின் அந்தக் குடும்பம் ஒன்று சேர்கிறார்களா என்பது தான் படத்தின் மீதிக் கதை.
*****
ராமுவின் பதிவுத் திருமணத்தை அங்கீகரிக்கும் ராதா, இதை ராஜாவிடம் சொல்லத் தீர்மானிக்கிறாள். அதற்கு முன் அவரிடம் பேச வேண்டுமே. தொலைபேசியில் தொடர்பு கொள்கிறாள்.
இந்த்த தொலைபேசி உரையாடலும் அதைத் தொடர்ந்து வரும் நிகழ்வுகளும் தான் இன்று நம் ஆய்வு செய்யவிருக்கும் காட்சிகளாகும்.
கணவன் மனைவி இருவரும் பல ஆண்டுகள் பிரிந்து வாழ்ந்து ஒரு தொலைபேசி அழைப்பின் மூலமாக மீண்டும் உரையாடி சந்திக்கும் வாய்ப்புக் கிடைக்கும் போது அவர்களின் ரியாக்ஷன் எப்படி இருக்கும்..
உடனே மக்களின் கவனம் திரிசூலம் காட்சிக்குச் சென்று விடுவது இயல்பு. ஏனென்றால் அதிலும் இதே காட்சியமைப்பு அப்படி. இயக்குநரும் அதே கே.விஜயன் அவர்களே.
ஆனால் நடிக நடிகையர் வேறு, பாத்திரங்களின் அமைப்பு வேறு.
திரிசூலம் திரைப்படத் தொலைப்பேசி காட்சியை வைத்து நடிகர் திலகத்தையும் இந்தக் காட்சியையும் மனம் போன போக்கில் விமர்சனம், நையாண்டி செய்பவர்களுக்கு நல்லதொரு குடும்பம் தொலைபேசிக் காட்சி சரியான சம்மட்டி அடியாக விளங்கும்.
இரண்டுமே ஒரே ஆண்டில் வெளிவந்த படங்கள். இரண்டிலும் தம்பதியர் நீண்ட நாட்களுக்குப் பின் தொலைபேசி மூலமாக முதலில் உரையாடுகின்றனர். ஆனால் எத்துணை வேறுபாடுகள்.
திரிசூலம் படத்தில் இருவரும் வெவ்வேறு நாடுகளில் வசிக்கிறார்கள். இருவரிடமும் எந்த கருத்து வேறுபாடும் இல்லை. இருவருமே ஒருவரை ஒருவர் மிகவும் நேசிக்கிறார்கள். ஒருவர் மீது ஒருவர் மிதமிஞ்சிய அன்பு செலுத்துகிறார்கள். இந்த அடிப்படையில் இருவருமே நீண்ட நாட்களுக்குப் பின் பேசும்போது இயல்பாகவே உணர்ச்சி மிகுந்து வெளிப்படுகிறது.
ஆனால் நல்லதொரு குடும்பம் திரைப்படப் பாத்திரங்களின் நிலைமை வேறு. இருவருக்குமிடையே வசிக்குமிடம் அவ்வளவு தூரமில்லை. நினைத்தால் சந்தித்துக்கொள்ளக் கூடிய தூரம் தான். ஆனால் இடைவெளி மிகவும் அதிகமானது அவர்களின் மனத்தளவில். இருவருக்குமிடையே நிலவும் ஈகோ அவர்களை ஒன்று சேர விடாமல் இடையூறு செய்கிறது.
இப்படிப்பட்ட சூழ்நிலையில் தான் இந்த்த் தொலைபேசி உரையாடல் துவங்குகிறது.
ஒரு தாய் என்கிற முறையில் இயல்பாகவே பொறுப்புணர்ச்சியுடன் விளங்கும் ராதா, தங்களுடைய மகன் திருமண விஷயத்தைக் கணவனிடம் சொல்ல வேண்டும் எனத் தீர்மானித்துத் தானே தொலைபேசியில் அவரை அழைக்கிறாள்.
மறுமுனையில் டாக்டர் ராஜா போனை எடுக்கிறார். டாக்டர் ராஜா என அறிமுகப்படுத்திக்கொள்கிறார்.
மறுமுனையில் ராதா, தயங்கித் தயங்கி, நான் ராதா பேசறேன் என்கிறாள்.
ராதா என்ற பெயர் ராஜாவுக்குள் ஒரு சலனத்தை ஏற்படுத்துகிறது. தன் மனைவியின் பெயர் ஞாபகம் வருகிறது. ராதா என லேசாக ஒரு சந்தேகத்துடன் கேட்கிறார்.
இந்த இடத்தில் நடிகர் திலகத்தின் முகத்தைப் பாருங்கள். முதலில் ராதா என்ற பெயர் ஏற்படுத்தும் சலனத்திற்கு ஒரு பாவனை, பின் தன் மனைவியாக இருப்பாளோ என்று லேசாக ஒரு மின்னல், சரி யாரெனக் கேட்போம் என்பதை உணர்த்தும் விதமாக ராதா என்ற பெயரையே கேள்வியாக மாற்றும் சாமர்த்தியம்...
http://i1146.photobucket.com/albums/...psoejcwcoy.jpg
ஒரு பெயரையே கேள்வியாக மாற்றும் விதமாக நடிப்பைக் கொண்டு வர முடியும் என்ப்தையும் இலக்கணமாக வகுத்தவரன்றோ தலைவர்... இதிலும் அப்படியே...
மறுமுனையில் அவளோ வார்த்தை வராமல் தேம்புகிறாள்.
அதைக் கேட்ட ராஜா, எந்த ராதா என மீண்டும் நேரடியாகவே கேட்கிறார்.
மனைவியாயிற்றே... அவரை நன்கு அறிந்தவராயிற்றே... ராதாவிற்கு இந்த நேரத்திலும் ஈகோ மட்டுமின்றி அவரை இன்னும் பழைய ராஜாவாகவே பாவித்து, நான் அந்த ராதா தான் பேசறேன் என தன்னை அறிமுகப்படுத்திக் கொள்கிறார்.
அந்த என்கிற அந்த வார்த்தையில் எவ்வளவு அர்த்தம் தொனிக்கிறது. இங்கே வாணிஸ்ரீ அநாயாசமாக ஸ்கோர் செய்து விடுகிறார். நடிகர் திலகத்தின் மிகச் சிறந்த இணைகளில் ஒன்றல்லவா.. நடிப்பு அவ்வளவு சுலபமாக வருகிறது.
http://i1146.photobucket.com/albums/...pshjattkjz.jpg
தன் கணவனை தான் நன்கு உணர்ந்தவள் என எண்ணும் வெளிப்பாடாக, அவருக்கு ராதா என ஒன்றுக்கு மேல் இருப்பதாக தான் நினைப்பதாகவும், அதை அவரிடம் தெரிவிக்க வேண்டும் என்பதற்காகவும் அந்த ராதா என சற்றே நக்கலாக சொல்கிறார்.
மறுமுனையில் டாக்டர் ராஜா, என் ராதாவா என உரிமையோடு கேட்கிறார்.
இந்த இடத்தில் ராஜாவின் பாத்திரத்தின் மேன்மையை இயக்குநர் நன்கு விளக்குகிறார். அவர் பழைய ராஜா இல்லை. அன்பும் பண்பும் மனைவி மேல் அளப்பரிய பாசமும் வைத்துள்ள ராஜாவாக அவரைக் காட்ட வேண்டும். வசனகர்த்தா ஏ.எல்.நாராயணன் ஒரே வார்த்தையில் அத்தனை அர்த்தங்களையும் சொல்லி விடுகிறார்.
அவளும் ஆமோதித்தவாறு, உங்களுக்கு நேரம் இருந்தா சாயங்காலம் 5 மணிக்கு நேரு பார்க்கிற்கு வருகிறீர்களா என அழைக்கிறாள்.
அவரும் பார்க்கிற்கா எனக் கேட்கிறார்.
இந்தக் கட்டத்தில் நடிகர் திலகத்தின் முகத்தில் தோன்றும் பாவனைகள்.. ஆஹா.. எத்தனை உணர்வுகளை சித்தரிக்கும் தன்மை வாய்ந்த அந்த முகம்... அந்தக் குரலில் அரங்கே ஆர்ப்பரிக்கும் கர்ஜனை இல்லை.. ஆர்ப்பாட்டமில்லை.. ஆனால் அந்த மென்மையான வார்த்தைகளை மென்று விழுங்கும் பேச்சில் நம்முடைய நாடி நரம்பெல்லாம் உட்புகுந்து நம்மையும் ஏதோ செய்கிறதே...
நடிகர் திலகம் சிம்மக் குரலோன் மட்டுமல்ல... சிலிர்ப்புக்குரலோனுமாயிற்றே...
உடனே ஒன்றுக்கு மூன்று முறை தான் வருவதை அவளுக்கு உணர்த்துவது மட்டுமின்றி தனக்கும் தானே உறுதிப்படுத்திக் கொள்கிறார். கண்டிப்பா வர்றேன், நிச்சயமா வர்றேன், உறுதியாக வர்றேன் என கூறுகிறார்.
இருவருக்குமே உரையாடலைத் துண்டிக்க மனம் வரவில்லை. தயக்கத்தோடு இருவருமே கூறிக் கொள்கிறார்கள். அவளோ அரை மனதோடு வெச்சிட்ட்டுமா எனக் கேட்க, இவரோ வெச்சிடறேங்கிறியா எனக் கேட்கிறார். எங்கே போன் வைத்து விடுவாளோ என்று ஒரு எண்ணம் தோன்றுகிறது.
உணர்ச்சி சற்றும் அடங்கவில்லை. என்றாலும் நிலைமையை நார்மலுக்குக் கொண்டு வர, இயல்பாகவே ஆண்களுக்கு இருக்கும் மன உறுதியை நிலைநாட்டும் விதமாக, அவரே கூறுகிறார். அதான் பார்க்கில் நேரில் பேசப் போகிறோமே.. வெச்சிடறேன் என தொலைபேசி உரையாடலை முடித்துக் கொள்கிறார்.
அப்போதும் விடவில்லை ராஜாவின் கோபம்.. இருக்கும் கொஞ்ச நஞ்சம் கோபத்தையும் அவள் மீது செய்யும் விமர்சனத்தின் மூலம் தணித்துக்கொள்கிறார்.
இவ்வளவு நாளைக்கப்புறும் இப்ப தான் கொஞ்சம் திமிர் அடங்கியிருக்கு..
இதை சொல்லும் போது குரலில் என்னவொரு subdued pronounciation.
இனி இப்போது அவர் சந்தோஷம் உற்சாகம் பீரிட அவளை சந்திக்கத் தயாராகிறார்.
இந்தக் கட்டத்தில் இளையராஜாவின் இசை ராஜாங்கம் துவங்குகிறது. அவருடைய பின்னணி இசை அந்த சூழ்நிலையை அத்தனை அருமையாக வெளிப்படுத்துகிறது. மெல்லிசை மன்னருக்குப் பிறகு தமிழ்த்திரையுலகம் கண்ட மிகப் பெரிய இசைமேதை இளையராஜா என்பதற்கு இந்தப் படத்தில் அவர் அமைத்த பாடல்கள் மட்டுமின்றி பின்னணி இசையும் சான்றாகிறது.
வயலின்,ட்ரம்பெட், கிடார்.. இது மூன்றுமே அவ்வளவு உயிரோட்டமான பின்னணி இசையைத் தருகின்றன.
தலைவரோ கேட்கவே வேண்டாம். கண்ணாடி முன் நின்று உடம்பு முழுதும் ஸ்ப்ரே செய்யும் காட்சி.. சும்மா அதிருதில்லே... என்ப்தையெல்லாம் தாண்டி சூப்பரோ சூப்பராக விளங்குகிறது...
இப்போது டாக்டர் ராஜா, விசிலடித்தவாறே படிக்கட்டில் உற்சாகமாக இறங்குவதை ஊழியர்கள் ஆச்சரியத்துடன் பார்க்கின்றனர்.
இந்தக் காட்சியில் படிக்கட்டில் தலைவர் இறங்கும் ஸ்டைலைப் பார்த்துக் கொண்டேயிருக்கலாம். முதலில் ஒரு ஊழியர் பார்க்க, ஒரு விநாடி நின்று விட்டு நடையைத் தொடர்கிறார். அடுத்த முறை இன்னும் சிலர் பார்க்க அங்கேயும் அவர்களை ஒரு பார்வை பார்த்து விட்டு, தன் ஸ்டைலான நடையைத் தொடர்கிறார்.
பார்க்கில் ராஜாவின் கார் நுழைகிறது. அங்கே ராதா காத்துக் கொண்டிருக்கிறாள். அலட்சியமாகவும் அதே சமயம் பரபரப்புடனும் கார் கதவைத் தள்ளி மூடுகிறார்.
ராதா தன் கண்ணாடியே கீழிறக்கி டாக்டர் ராஜாவைப் பார்க்கிறாள். நீண்ட நாட்களுக்குப் பிறகு பார்ப்பதால் ஒரு வித க்யூரியாஸிட்டி அவள் முகத்தில் தென்படுகிறது.
http://i1146.photobucket.com/albums/...psisd49p2j.jpg
இந்த இடத்தில் இந்த உணர்வை வாணிஸ்ரீ வெளிப்படுத்தியிருக்கும் விதம்.. ஆஹா...
தேவிகாவும் வாணியும் இன்னும் பல ஆண்டுகளுக்கு முன்பே பிறந்திருக்க்க் கூடாதா, இன்னும் பல படங்கள் முன்னமே அவருடன் நடித்திருக்க்க் கூடாதா என்கிற ஏக்கம் என்னைப் போன்ற ஏராளமான சிவாஜி ரசிகர்களிடம் உருவாக்கியவர்களாயிற்றே...
இப்போது தலைவரின் சான்ஸ்... காரிலிருந்து இறங்கி உடனே வருவாரா மனுஷன்... ஒரு விநாடி நிற்கிறார். டையை சரி செய்து கொள்கிறார். கோட்டை சரி செய்து கொள்கிறார். ஆண் மகனாயிற்றே.. அந்த சூப்பிரியாரிட்டி காம்ப்ளெக்ஸ் இல்லாமல் இருக்குமா.. நடையில் ஒரு அலட்சியம் கலந்த கம்பீரம்... உள்ளுக்குள் அவளைப் பார்க்கப் போகிறோமே என்கிற சந்தோஷம் இருந்தாலும் அதைக் காட்டிக்கொள்ள விடாத ஈகோ .. அதைத் தன் நடையில் கொண்டு வருகிறார்..
மீண்டும் ஈகோ...
யார் முதலில் பேசுவது என்று இருவருக்குமே ஈகோ தலைதூக்குகிறது...
நான் எப்படி பேச முடியும் என அவள் நினைக்கிறாள்.
http://i1146.photobucket.com/albums/...pskczeap9k.jpg
இருவருமே ஒருவரையொருவர் நீண்ட நாட்களுக்குப் பின் பார்ப்பதால் கண்ணுக்குத் தென்படும் உருவ வேறுபாட்டை நினைத்துப் பார்க்கின்றனர்.
இந்த இடத்தில் தான் பாத்திரங்கள் மிக வலுவாக நிலை நிறுத்தப்படுகின்றன.
நீண்ட நாட்களுக்குப் பின் நேரில் பார்த்தாலும் உணர்ச்சி வசப்படுவதில்லை. நேரடியாக விஷயத்திற்கு வந்து விடுகின்றனர்.
ராஜா ஆரம்பிக்கிறார். வந்து ரொம்ப நேரமாச்சா...
ராதா.. இப்பத்தான் வந்தேன்.. அந்த இப்பத்தான் வந்தேன் என்பதை விட்டேத்தியாக சொல்வது சிறப்பு.
ஏதோ பேச வேண்டும் என்பதற்காக மணி இப்பத்தான் அஞ்சாவுது எனக் கூறும் ராஜா, எதுக்காக வரச்சொன்னே என்று அவளை நேரடியாகக் கேட்கிறார்.
ராதா ஆரம்பிக்கிறாள். குழந்தைங்களை வளக்கறதுக்கு தாய் ஒருத்திக்குத் தான் தெரியும்., உங்களுக்கு ஆஸ்தி ஆள் மாகாணங்கள் நிறைய இருக்கலாம். ஆனால் தாய் வளக்காத பிள்ளைங்க தறுதலையாப் போயிடுவாங்கங்கிற உண்மையை புரிய வெக்கத்தான் உங்களை இங்கே வரச்சொன்னேன் என்கிறாள் ராதா.
உடனே இவர் தன்னைத்தான் சாடுகிறாள் எனப் புரிந்து கொண்டு நீ ராமுவைப் பத்தியா சொல்றே எனக் கேட்கிறார்.
அவள் ஆமாம் என அலட்சியமாக சொல்கிறாள்.
நீங்க வளத்த உங்க செல்ல மகன் யாரோ ஒரு பொண்ணை ரிஜிஸ்டர் கல்யாணம் செஞ்சிக்கிட்டு என் வீட்டுக்கு கூட்டிட்டு வந்துட்டான். என சொல்கிறாள்.
அதைக் கேட்டு அவர் ஒரு நொடி திடுக்கிட்டாலும் உடனே சுதாரித்து சாதாரணமாக ஓ என ஒரு ரியாக்ஷன் தருகிறார்.
நீ யாருன்னு அவன் கிட்டே சொன்னியா என அவர் ராதாவைக் கேட்கிறார்.
இல்லை. கல்யாணம் பண்ணிக்கிட்டு ரெண்டு பேரும் மாலையோட எங்கிட்டே தான் வந்தாங்க.. நான் அவங்க ரெண்டு பேரையும் வாழ்த்தி வரவேற்று உள்ளே கூப்பிட்டுக்கிட்டேன். என பெருமை பொங்க சொல்கிறாள் ராதா.
ராஜாவோ என்ன செய்வதெனத் தெரியாமல் கையைப் பிசைகிறார்.
உடனே இது தான் சாக்கென்று குரலை உயர்த்துகிறாள் ராதா.
என்ன யோசிக்கிறீங்க.. நடந்த்து நடந்து போச்சு.. இப்போ அவனைக் கூப்பிட்டு தாம்தூம்னு குதிச்சீங்கன்னா உங்களுக்குத் தான் அவமானம். நான் ரெண்டு பேரையும் அனுப்பி வெக்கறேன் உள்ளே கூப்பிட்டுக்குங்க..
ஒரு சிறிய மௌனம். இருவரும் ஒருவருக்கொருவர் முதுகைக் காட்டிய படி நிற்கின்றனர்.
ராஜா கிளம்ப யத்தனிக்கிறார்.
உடனே ராதா, கொஞ்சம் இருங்க. என அவரை நிறுத்துகிறாள்.
இப்போது அவளுக்குள் கர்வம் தலை தூக்குகிறது. தான் வளர்த்த மகன் லக்ஷ்மணனைப் பற்றி அவர் வாயாலேயே பெருமையாக சொல்ல வைக்கிறாள். அவர் அவனைப் பற்றி சொல்லி விட்டு அவனைப் பத்தி ஏன் கேக்கறே என வினவுகிறார்.
அப்போது தான் அவள் அந்த உண்மையை உடைக்கிறாள். தாங்கள் பிரியும் போது தன் வயிற்றில் வளர்ந்த அந்த சிசு தான் அந்த லக்ஷ்மணன் என அவரிடம் கூறுகிறாள். தான் மகனைத் தான் வளர்த்த விதம் பற்றி பெருமையாக அவர் சொன்ன வார்த்தைகளை வைத்தே அவரிடமே சொல்லிக் காட்டி விட்டுக் கிளம்ப யத்தனிக்கிறாள்.
http://i1146.photobucket.com/albums/...psoj7mes6p.jpg
இப்போது ராஜா மனம் கேளாமல், அவளிடம் சென்று அவ்வளவு தானா வேறொன்றும் இல்லையா என, தங்களுடைய இல்லற வாழ்க்கையப் பற்றிக் கேட்க முற்படுகிறார். ஆனால் அவளோ தான் நினைத்ததை சாதித்து விட்ட பெருமை மட்டுமே போதும் என்பவளாக நினைத்து வேறொன்றும் இல்லை என முகத்தில் அடித்தாற்போல் அவரிடம் சொல்லி விட்டுக் கிளம்பிவிடுகிறாள்.
ஆனால் ராஜாவோ நமக்குள்ளே என்ன இருக்கா என்று அவள் கேட்டதை நினைத்து மனம் குமுறுகிறார். தவறா நடந்துகிட்டேன், என்னை மன்னிச்சுடுங்கன்னு ஒரு வார்த்தை சொல்லியிருந்தா நான் இந்நேரம் வீட்டுக் கூட்டிக்கிட்டுப் போயிருப்பேன் இல்லே என தன் மன ஓட்டத்தை வெளிப்படுத்துகிறார். இப்போது கோபம் அதிகமாகிறது. உன் திமிர் இன்னும் அடங்கவேயில்லையா... எத்தனை நாளைக்குத் தான் நீ இப்படி இருப்பேன்னு பாக்கிறேன் எனக் கூறியவாறு அந்த இடத்தை விட்டு அகலுகிறார்
http://i1146.photobucket.com/albums/...psptnbukud.jpg
காட்சி முடிகிறது.
மேற்குறிப்பிட்டுள்ள காட்சிக்கான காணொளி..
https://www.youtube.com/watch?v=QrRpt-ZkoXc
காட்சி 1.50 நிமிடத்தில் துவங்குகிறது.
நன்றி யூட்யூப் இணையதளம்
தன் இறுதித் திரைப்படம் வரையிலும் நடிப்பில் தன் முத்திரையைப் பதித்து தன்னிகரில்லா கலைஞனாக வாழ்ந்து காட்டிய நடிகர் திலகத்தின் புகழ்க்கிரீடத்தில் மட்டுமல்ல, வாணிஸ்ரீ அவர்களின் நடிப்பு மகுடத்திலும் நல்லதோர் குடும்பம் ஓர் வைரக்கல்லாக விளங்குகிறது. ஒவ்வொரு காட்சியிலும் இந்த இணை சிறப்புற நடித்திருப்பது மட்டுமின்றி, அந்தப் பாத்திரங்களுக்கு ஜீவனூட்டியிருப்பது இவர்களுடைய திறமைக்கு சான்று.
நேற்றுப் பிறந்த நாள் கொண்டாடிய நமது அன்புச்சகோதரர் வாசு அவர்களுக்கு இந்தப் பதிவு சமர்ப்பணம்.
தரிசனம்-1. இரு மலர்கள்.
---------------------------
தொடர்கிறது...
--------------
"சாந்தி... இந்த லெட்டரைப் படி"
சுந்தரால் நம்ப முடியவில்லை.
உமாவா? உமாவா இந்தக்
கடிதத்தை எழுதியிருக்கிறாள்?
அவளது அண்ணன் அவளுக்கு
வேறொரு பணக்கார மாப்பிள்ளையைப் பார்த்திருப்பதாகவும், தன்னை
மறந்து விட வேண்டியும்
கடிதம் எழுதியிருப்பது
அவளேதானா?
அதிர்ச்சியை தாங்க முடியாத
சுந்தர், சாந்தி கடிதத்தைப்
படிக்கப் படிக்க மேலும் அயர்ச்சியாகிறான். அவனுக்கு
கிறுகிறுக்கிறது. கண்கள்
செருகுகின்றன.
தள்ளாடுகின்றான்.
மயங்குகின்றான்.
கனவுகளின் சந்தோஷம்
மனிதனை எத்தனை உயரத்தில்
வைத்திருப்பினும், நிஜம்
தரும் ஏமாற்றம் அவனை
உடனடியாக பூமிக்கு இழுத்து
வந்து விடும்.
இதோ...
உமாவால் சுந்தருக்கு ஏற்பட்ட
ஏமாற்றம், அவனை தடதடவென படிகளில் உருட்டி
பூமியில் கொண்டு தள்ளியது.
-------------
அன்பான தந்தை.
அத்தை மகள்.
சுந்தரின் குடும்பம் மிகச் சிறியதுதானென்றாலும், அவன்
மீது அவர்கள் காட்டும் அன்பு
பெரியது.
அன்புடைய இரண்டு நெஞ்சங்களும் பதறுகின்றன.
சுந்தரின் நிலை கண்டு கதறுகின்றன.
மருத்துவர், சுந்தரைப் பரிசோதிக்கிறார். இன்னும் சுந்தருக்கு நினைவு திரும்பவில்லையே என
வினவும் பெரியவரிடத்தில் மருத்துவர் வேதனையாய்ச்
சொல்கிறார்...
"எவ்வளவுதான் மருந்து,மாத்திரை சாப்பிட்டாலும்
நோயாளிக்கு உயிர் வாழணுங்கிற ஆசை வேணும்.
இந்தச் சின்ன வயசில இவர்
சாகணும்னு நினைக்கிறாரு.
ஏன்னு எனக்குப் புரியல."
சாந்திக்குப் புரிகிறது.
அவனைப் பிழைக்கச் செய்யும்
மருந்து, தான் ஊட்டும் நம்பிக்கைதானென்று புரிகிறது.
அவள் என்ன செய்ய வேண்டும் என்று புரிகிறது.
தன் நினைவற்று நோய்ப்படுக்கையில் கண்மூடிக் கிடக்கும் அத்தானின் காதுகளில், அவளது
உதடுகள் நம்பிக்கை வார்த்தைகளை உறுதியுடன்
ஓதுகின்றன.. மந்திரம் போல்.
"நீங்க வாழணும்.
வாழ்ந்தே ஆகணும்."
----------------
அன்றாடம் நாம் பயன்படுத்திப்
பேசும் வார்த்தைகள் நமக்கு
எந்தப் பெருமையும் தருவதில்லை.ஆண்டவனுக்கு முன் மனம் குவித்து நாம் உச்சரிக்கும் மந்திர வார்த்தைகள் நமக்கு மனநிறைவைத் தருகின்றன.
சாதாரண வார்த்தைகள்-
வாடிக்கை.
மந்திரம்-
நம்பிக்கை.
-------------
சுந்தர் பிழைத்துக் கொண்டான்.
சாந்தியின் நம்பிக்கை மந்திரம்
ஜெயித்து விட்டது.
இரண்டு மாதங்கள் ஒடி விட்டன.
நோய் குணமாகிவிட்டாலும், நோய் தந்த உடல் களைப்பும், உயிர் பிழைத்துக் கொண்டதில் கொஞ்சம் கூட சந்தோஷமில்லாத ஓர் மனசலிப்புமாய் சாய்வு நாற்காலியில் அமர்ந்து
நடிகர் திலகம் பேசும் இந்தக்
காட்சியிலிருந்து
துவங்குகிறது...
கதைப்படி மட்டுமல்லாமல்
நடிப்பிலும் அவரது புதிய அவதாரம்.
தான் சாக வேண்டும் என்று
விருப்பப்பட்டதையும், தன்னுயிர் தன்னை விட்டுப்
பிரிவதாய் உணர்ந்த பல
தருணங்களிலெல்லாம் தன்
காதுகளில், "நீங்க வாழணும்,
வாழ்ந்தே ஆகணும்" என்கிற
குரல் ஒலித்துக் கொண்டே
இருந்ததையும் புன்னகை அரசியிடம் களைப்புக் குரலில்
சொல்லிக் கொண்டே வருபவர்,
"ஏன் சாந்தி என்னை சாக விடாம காப்பாத்தினே?" என்று கேட்குமிடத்தில், ஒரு இயக்குநரை, ஒரு வசனகர்த்தாவை, உடன் நடிக்கும் புன்னகை அரசியை,
தன்னையே நம்பி விழி விரித்துக் காத்திருக்கும்
கோடானுகோடி ரசிகர்களை..
ஒரே நிமிடத்தில் திருப்தி
செய்கிறது...
நடிகர் திலகத்தின் வெகு இயல்பான நடிப்பு.
----------------
உலகெங்கும்
தலைமுறை இடைவெளி
காரணமாக மிகச் சரியான
கோணத்தில் புரிந்து கொள்ளப்படாதிருக்கும்
தந்தை-மகன்
உறவின் மேன்மையையும்
"இரு மலர்கள்" விட்டு வைக்கவில்லை.
தான் மரணப்படுக்கையிலிருந்த
போது, தனக்காக வேண்டிக்
கொண்டு, தன்னையே நினைத்து தன் தந்தை உருகிக்
கிடந்தாரென்று சாந்தி மூலமாக
சுந்தர் அறிகிறான்.
அந்தப் பாசத்தை மெய்ப்பிக்கிற
விதமாய் மகனுக்குப் பிரியமான இனிப்போடு வருகிறார் தந்தை.
மகனுக்கு இனிப்பைத் தந்தவர்,
சாந்திக்கு கசப்பைத் தருகிறார்.
தனது பால்ய நண்பரும்,
சுந்தர்-உமா படித்த கல்லூரியின் பேராசிரியர்
சுந்தரவதனத்தின் உறவினருமான ஒருவரின்
மகனை சாந்திக்கு மணமுடிக்க
இருப்பதாகத் தெரிவிக்கும்
செய்தியே.. அந்தக் கசப்பு.
---------------
சுந்தரின் தந்தை சொன்ன அந்தப் பையனின் குடும்பம்
சாந்தியைப் பெண் பார்க்க
வருகிறது.
மனசின் அழுகை அலங்காரத்தை மீற..சாந்தி
வருகிறாள்.
எல்லோரையும் நமஸ்கரிக்கிறாள்.
சிவக்கொழுந்து அவளை வீணை வாசிக்கச் சொல்கிறார்.
வேதனையுடன்,மனசேயில்லாமல் வீணை
மீட்டும் சாந்தியை, முற்றிலும்
உடல் நலம் தேறாத சுந்தர்
திடீரென்று மாடியிலிருந்து
இருமும் இருமல் வருத்தமுறச்
செய்கிறது.
வீணை வாசிப்பை தொடரச்
சொல்லும் மாமாவின் கண்ஜாடை உத்தரவுக்கும்,
அத்தானின் சங்கிலித் தொடர்
இருமல் சத்தத்துக்கும் ஊடே
சாந்தியின் பெண் மனம் தவிக்கிறது.
நெஞ்சடைத்துப் போய், இருமல்
தொடர, தண்ணீர் கேட்டு
மாடியறையை விட்டு
வெளியே வந்து திண்டாடும்
சுந்தரைக் காணச் சகியாத
சாந்தி, அங்கிருந்த தண்ணீர்
டம்ளரை எடுத்துக் கொண்டு
மாடிக்கு ஓடுகிறாள்.
சிவக்கொழுந்து திகைக்கிறார். பெண்பார்க்க வந்த கூட்டம்
அதிர்கிறது. மாடிக்கு ஓடிய
சாந்தி, இருமல் ஓயாத தளர்வில் நெஞ்சைப் பிடித்துக்
கொண்டு தள்ளாடும் சுந்தரை
தன் நெஞ்சோடு தாங்கிக் கொண்டு தண்ணீர் பருகச்
செய்கிறாள்.
பெண் பார்க்க வந்த கூட்டம்
இப்போது வம்பு பார்க்கிறது.
இனிப்பு தின்று ஓய்ந்த வாய்கள்
குப்பை வார்த்தைகள் பேசத்
துவங்குகின்றன.
வேறு வழி தெரியாத நிலையில்
தன் உடல் நலக் குறைக்கு
நிவாரணம் தேடி வந்த சுந்தரையும், அந்தக் குறை
போக்கும் மனிதாபிமானத்துடன் சுந்தரை
மார்போடு தாங்கிக் கொண்ட
சாந்தியையும் அந்த சந்தேகக்
கண்கள் ஆபாசக் கயிற்றால்
கட்டிப் போட்டன.
அந்த ஆபாசமே நிஜமென்று
அந்தக் கூட்டம் ஆர்ப்பாட்டம்
செய்தது.
"என்னய்யா இதெல்லாம்" என்று ஆதங்கப்பட்ட பெரியவர்
சிவக்கொழுந்துவை அலட்சியம்
செய்து அந்தக் கும்பல் வெளிநடப்பு செய்தது.
எதையும் தடுப்பதற்கியலாத
சுந்தரவதனமும், அவர் மனைவியும் பெரியவருக்கு
மௌன ஆறுதல் கூறி நகர,
பெரியவரின் கோபம் சாந்தியை
நோக்கித் திரும்புகிறது.
அத்தான் இருமித் துடிக்கையில்
தான் வேறென்ன செய்யட்டும்
என்று கேட்கும் சாந்தியின்
மனம் இன்னும் நோகும்படியாய் பெரியவரின்
சுடு சொற்கள்...
"அவன் இருமுறான்.துடிக்கிறான். செத்துதான் மடியறான்.. உனக்கென்ன?"
கட்டுப்படுத்த முடியாத இருமலும், கட்டுப்படுத்த
முடியாத அன்பும்.. ஒரு
பெண்ணின் கல்யாண ஏற்பாடுகளைத் தடுத்தன.
கெடுத்தன.
---------------
கொட்டும் மழையின் சாரல்
தன்னைப் பெரிதும் நனைத்தாலும், அதை இலட்சியம் செய்யாமல் சுந்தர்
சாய்வு நாற்காலியில்
அமர்ந்திருக்கிறான்.
மழைச் சாரலில் நனையாதிருக்க அறிவுறுத்தும்
புன்னகை அரசியிடம், "நல்லா
தெறிக்கட்டும் சாந்தி.. அப்பவாவது என் உள்ளத்துல
எரிஞ்சுகிட்டிருக்கிற நெருப்பு
அணையுதான்னு பாக்கிறேன்."
என்று சொல்லும் நடிகர்
திலகத்தின் குரலில் த்வனிக்கிற
கோபம், விரக்தி, குற்ற உணர்ச்சி, இயலாமை...
இதெல்லாம் சும்மா ரசிப்பதை
எல்லாம் தாண்டி ஆய்வுக்கு
உட்படுத்த வேண்டியவை.
( ...தொடரும்...)
இது ஒன்னும் பெரிய விஷயம் இல்லை வாசுதேவன் சார்..போட்டோ சாப் தெரிந்திருக்க வேண்டும்..அப்புறம் கொஞ்சம் ஸ்டில் எடுக்கும் பயிற்சி இருக்கவேணும்..இதற்க்கு மேல் ஆர்வம் இருக்கவேண்டும்..எனக்கு எங்கள் தலைவரின் திரைப்படங்களும்..நடிகர் திலகத்தின் திரைப்படங்களும்..ச்டில்ல்கள் மிக சரியாக தெரியும்..சினிமா ஆபரேட்டராக இருந்த நாட்களில் மிகவும் ரசித்து மனதுக்குள் வைதிருகேறேன்..அவைகள் தான் இப்போது பதிவுகளாக பதிவு செய்யபடுகிறது...நண்பர்கள் எல்லோரும் முயற்சி செய்யுங்கள்..என்னைவிட மிக சிறந்த பதிவுகளை உங்களால் செய்யமுடியும்..போட்டோ சாப் புத்தகத்தை வாங்கி படித்து..பயிற்சி செய்யவும்..உங்களால் முடியும்..நம்பிக்கையுடன்..முத்தையன் அம்மு.. வாசுதேவன் சார் உங்களுக்கு பிறந்தநாள் வாழ்த்துக்கள்..நான் கொஞ்சம் லேட்..பொறுத்துகொள்ளவும்..நன்றி..Quote:
Originally Posted by vasudevan31355
"பெயரைக் கூட கேள்வியாக்குபவர்..."
"சிம்மக்குரலோன் மட்டுமல்ல
சிலிர்ப்புக் குரலோனும் கூட..."
-அருமை.. ராகவேந்திரா
சார்.
பணிந்த நன்றிகளும் ..
வாழ்த்துகளும்.
தரிசனம்-1. இரு மலர்கள்.
--------------------------
தொடர்கிறது...
---------------
மிதமிஞ்சிய குற்ற உணர்வும்,
இயலாமையும் ஒரு நல்ல
மனிதனை ஆட்கொள்ளும்
போது, அந்த நல்ல மனிதனின்
எரிச்சலும், கோபமும் சார்ந்த
நல்ல உயிர்களையும் காயப்படுத்தி விடுகிறது.
சுந்தரிடமிருந்த வெளிப்பட்ட
அத்தகைய கோபமும், எரிச்சலும் சாந்தியை நோக்கிப்
பாய்ந்தது.
அவளை நிலை குலையச்
செய்தது.
"என்னை விட்டுப் போ... என்னைத் தொடாதே" என்பன
போன்ற விரக்தியின் உச்சத்திலிருந்து சுந்தர் சொன்ன
வார்த்தைகள், சாந்தியின் மென்
மனதை ரொம்பவும்தான்
இம்சித்து விட்டன.
"போறேன்... இனி திரும்பி
வரவே மாட்டேன்.."
பொறுமை சோதிக்கப்பட்ட
உயிர்களுக்கும் கோபம் உறவுதான் என்று நிரூபித்த
சாந்தி, வேகப் புயலாய் வெளியேறுகிறாள்.
பளீரென்று தன் தவறுணர்ந்த
சுந்தர், அவளைத் தடுக்கும்
முயற்சியில் பின்னாலேயே
ஓடுகிறான்.
மூடிக் கிடக்கும் வாசல் கதவை
திறந்து கொண்டு ஓடும் சாந்தியும், பின்னால் அவளை
விரட்டி ஓடி வரும் சுந்தரும்
காணும் காட்சி, அவர்களின்
உணர்ச்சி வேகத்தைக் காணாமலடிக்கிறது.
கொட்டும் மழையில், வாசல்
படியில் மயங்கிச் சரிந்து
கிடக்கிறார்.. சிவக்கொழுந்து.
அன்று, உமாவின் கடிதம் கண்டு மயங்கி விழுந்து முடியவிருந்த சுந்தரின் வாழ்க்கை, இன்று மயங்கி
விழுந்த அவனது தந்தையின்
மூலமாக.. சாந்தியோடு அவன்
தொடரப் போகும் இன்ப வாழ்க்கையைத் துவக்கி வைக்கப் போகிறது.
எல்லா மயக்கங்களும் கெடுதல்
செய்வதில்லை.
-----------------
மயக்கம் தெளிந்து ஆசுவாசப்படும் பெரியவரின்
முன் கூனிக் குறுகி நிற்கும்
சுந்தருக்கு, அவரால் புதிய
பாடங்கள் எடுக்கப்படுகின்றன.
சுந்தருக்காகவே வாழ்ந்து கொண்டிருக்கும் சாந்தியின்
மாண்புகள் விளங்க வைக்கப்படுகின்றன. தனது
தள்ளாத வயதில் தன் தந்தை
வேலை செய்து துன்புறுவது
தன் பொருட்டே என்பது
சுந்தருக்கு அவன் துடிக்கத்
துடிக்க உணர வைக்கப்படுகிறது.
சுந்தர் அனைத்தையும் புரிந்து
கொள்கிறான். புரிதல் மிகுந்த அவனது கண்ணீர் அவன்
தந்தையின் புனிதப் பாதங்களை
நனைக்கிறது.
தனக்காகவே வாழ்ந்திருக்கும்
சாந்தியை அவன் மனம்
நன்றிகளோடு நினைக்கிறது.
"பல குறைகள் நிறைஞ்ச என்னை உன்னோட கணவனா
ஏத்துக்குவியா சாந்தி?" என
மன்றாடும் சுந்தரை, அவனை
அடைதலே தன் இலட்சியமாக
வாழும் சாந்தியிடம் இணைக்கிறது.
இவர்களிருவரும் இணையும்
காட்சி, இவர்களின் நல்வாழ்வே
கனவாயிருக்கும் பெரியவரின்
நெஞ்சோடு நிம்மதியைப் பிணைக்கிறது.
-------------------
ஒருத்தியால் ஏற்பட்ட ஏமாற்றம் தந்த வெறி..
இன்னொருத்தி தந்த அன்பு
வாழ்க்கை தந்த நிறைவு...
வேறென்ன வேண்டும்..சுந்தர்
ஜெயிப்பதற்கு..?
மேன்மை மிக்க அவனது பேருழைப்பு அவனைச் செல்வந்தனாக்கிற்று.
கோட்டும், சூட்டுமாய் அவனைப் பளபளப்பாக்கிற்று.
மிகச் சிறந்த தொழிலதிபராக்கிற்று.
இயற்கை வளம் பொங்கும்
கொடைக்கானலில், செல்வ
வளம் கொழிக்க சுந்தரைக்
குடியமர்த்தியது.
அவனுக்கான புகழ் மேடைகளை உருவாக்கிற்று.
அன்பே உருவான மனைவியையும் அவன்
அருகமர்த்தி அழகு பார்த்தது.
---------------
அப்படி ஒரு புகழ் மேடை
சுந்தருக்காக கொடைக்கானலில்..
பண்பு மிக்க மனைவியும்
அருகிருக்கும் அந்த மேடையில் சுந்தரின் பெருமை
பேசப்படுகிறது. அவன் அள்ளிக்
கொடுத்த கொடை அங்கே
போற்றப்படுகிறது.
அங்கிருக்கும் ஒரு பள்ளியில்
பணியாற்றும் சுந்தரின் பழைய
பேராசிரியர் சுந்தரவதனமே
இந்த மேடையில் அவனது
பெருமைகளைப் பேசுகிறார்.
அங்கே அநாதை விடுதி ஒன்று
கட்ட நிதியுதவி கேட்டு
தான் சென்ற போது, "ஒரு நிமிஷம்" என்று அனுமதி
கேட்டு உள்ளே போன சுந்தர்,
திரும்ப வந்து கட்டிடம்
கட்டுவதற்கான முழுத் தொகைக்கான 'செக்'கையும்
கொடுத்து விட்டதை பெருமிதத்துடன் மேடையில்
குறிப்பிடும் சுந்தரவதனம்,
அந்த ஒரு நிமிஷத்தில் என்ன
நடந்ததோ..? என வியந்தும்
பேசுகிறார்.
அடுத்துப் பேச வரும் சுந்தர்,
தனது முன்னேற்றத்துக்கும்,
வாழ்வின் வெற்றிகளுக்கும்
காரணமான ஒருவரிடம் கலந்து
பேசவே தான் அந்த ஒரு நிமிஷத்தைப் பயன்படுத்திக்
கொண்டதாகத் தெரிவித்து, "அவரை அடுத்துப்
பேச அழைக்கிறேன்" எனக்
கூறி விட்டு, "திருமதி.சாந்தி
சுந்தர் அவர்கள் இப்போது நீண்ட சொற்பொழிவு ஆற்றுவார்" என்று
குறும்பு தவழச் சொல்லி விட்டுப் போகிறான்.
எதிர்பாராத அழைப்பில் அதிர்ச்சியானாலும், ஒலிபெருக்கி முன் வந்து
மளமளவெனப் பேசி ஆனந்த
வெள்ளத்தில் ஆழ்த்தி விடுகிறாள் சாந்தி.
தயக்க நடை போட்டு நடந்து
வந்து, மெல்ல ஒலி பெருக்கி
முன்னாலே வந்து நின்று, ஒரு
நொடி இறுகக் கண் மூடி
எதையோ தியானித்து, அர்த்தமாய், ஆழமானதாய்ப்
புன்னகை அரசி பேசத் துவங்கும் இந்தக் காட்சிதான், நிறையப் பேரை பத்மினி கட்சியிலிருந்து
கே.ஆர். விஜயா கட்சிக்கு மாற
வைத்திருக்கும்.
-------------------
"சுந்தரைப் பேச அழைக்கிறேன்"
என்று நாகேஷ் அழைத்ததும்
எந்த பந்தாவுமில்லாமல் வெகு
இயல்பாய் ஒலிபெருக்கியில்
பேசுவது...
"நீண்ட சொற்பொழிவாற்றுவார்"
என்று செய்யும் கிண்டல்...
கே.ஆர்.விஜயாவின் பயந்த
முகம் பார்த்து மேலும் அதிகமாகும் குறும்பு...
கிண்டல் சிரிப்பு...
கே.ஆர்.விஜயாவின் தெளிவான பேச்சைக் கேட்கக்,
கேட்க முகத்தில் காட்டும்
மகா வியப்பு...
-இவையெல்லாம், இடைவெளியே இல்லாமல்
நம்மை அசத்துவதெனத் திட்டம் போட்டு நடிகர் திலகம்
நடித்த படங்களில்
"இரு மலர்கள்" படமும் ஒன்று
என்பதற்கான சில உதாரணங்கள்.
( ...தொடரும்...)
Super...o...super...Quote:
இடைவெளியே இல்லாமல்
நம்மை அசத்துவதெனத் திட்டம் போட்டு நடிகர் திலகம்
நடித்த படங்களில்
"இரு மலர்கள்" படமும் ஒன்று
ராகவேந்திரா சார்
நல்லதொரு குடும்பம் பதிவு வழக்கம்போலவே அமர்க்களம்.
உங்களுடைய சரளமான எழுத்துநடையில் நீங்கள் எது பதிவிட்டாலும் படிக்கும் சுவாராஸ்யத்தை
அதிகப்படுத்துகின்றது. அலுப்பு இல்லாமல் கொண்டு செல்லும் எழுத்துநடை உங்களிடம் இயல்பாகவே அமைந்திருக்கிறது.
ஆதவன் ரவி
இருமலர்களின் மேல் தாங்கள் கொண்டுள்ள மோகம் எங்களை பரவசப்படுத்துகின்றது.
நன்று
தொடருங்கள்...
நமது மக்கள் திலகம் அவர்களுடைய திரியில் தினமணியில் பொய் செய்தி மன்னர் திரு தீனதயாளன் அவர்களுடைய கற்பனையில் உருவாகி வெளியிட்டுள்ள ஒரு மகா மெகா புளுகு திரியில் பகிர்ந்திருன்தது. பொதுமக்கள் படிக்கும் திரிகளில் இது போல பொய் செய்திகளை வருவதால் படிப்பவர்கள் அதனை தவறாக உண்மை என நினைக்கும் நிலை உருவாகலாம் என்ற காரணத்தால் அதற்க்கு விளக்க உரை எழுதியிருக்கிறேன். அதனை திரி நண்பர்களுக்கு இங்கு பகிர்ந்துள்ளேன்.
திரு தீனதயாளன் அவர்களின் அருமையான கற்பனையில் உருவான ப்ராப்தம் கதைQuote:
Originally Posted by Shahriyar Akbar
ப்ராப்தம் திரைப்படம் பார்த்தால் தெரியும் எந்தளவிற்கு படம் சிக்கனமாக எடுக்கப்பட்டதென்று !
ஆடம்பர காட்சிகள் இல்லை....ஆடம்பர உடைகள் இல்லை....ஊட்டி கோடை போன்ற இடங்களில் கூட காட்சி அமைப்புகள் இல்லை...!
ப்ராப்தம் எடுக்கும்போது திருமதி சாவித்திரி மிக பெரிய கோடீஸ்வரிகளில் ஒருவர்.
அப்படிப்பட்டவர் எந்த ஆடம்பர காட்சிகளோ, பாடல்களோ, அமைப்புகளோ, உடை அலங்காரங்களோ இல்லாமல் மிகவும் சிக்கனமாக ( அதுவும் தமது சம்பளத்தில் வெறும் 10 சதவிகிதம் மட்டுமே சாவிதிரிக்காக வாங்கி நடித்தார் நடிகர் திலகம் ) ப்ராப்தம் படம் எடுத்து ஏழ்மை நிலைக்கு தள்ளப்பட்டார் .....என்று மறைமுகமாக நண்பர் தீனதயாள் ஒரு கட்டுகதையை அவிழ்த்து விட்டுள்ளது பெரும் வியப்பு.
எப்படி பட்ட ஒரு புளுகு மூட்டையை இவர் அவிழ்த்து விடுகிறார் என்று !
சமீபத்தில் திருமதி சாவித்திரி புதல்வியார் அவர்களிடம் திருமதி சாவித்திரி அவர்களுக்கு மக்கள் திலகம் அவர்கள் வீடும் பணமும் கொடுத்ததாக ஒரு செய்தி உள்ளதே என்றபோது...அவர் கூறிய பதில் "அம்மா சாவித்திரியிடம் இதனை பற்றி யாரும் கேட்டு இனி தெரிந்துகொள்ள முடியாது என்கின்ற நம்பிக்கையில், தைரியத்தில் இப்படி பல கட்டு கதைகளை கூறுவது வழக்கம்தானே என்று புன்வுருவளோடு கூறியுள்ளார் !
கற்பனைகதைகளை தொடர்ந்து எழுதட்டும் அவர்கள் விருப்பம்...ஆனால் நடிகர் திலகம் அவர்களை குறைத்து எழுதும் போக்கு கண்டிக்கத்தக்கது.
சாவித்திரி அவர்கள் பற்றிய உண்மையான தகவல் கொண்ட புத்தகம் "சாவித்திரி - கலைகளில் ஓவியம் " நாஞ்சில் இன்பா எழுதியுள்ளார். சாவித்திரி மகளுடன், உறவினருடன், திரை உலகில் சாவித்திரி அவர்களுடைய நெருங்கி பழகியவர்களுடன் உரையாடி புத்தகம் எழுதியுள்ளார்.
அந்த புத்தகத்தில் நடிகர் திலகம் அவர்கள் நடிப்பில் சுமதி என் சுந்தரி திரைப்படத்துடன் ப்ராப்தம் திரைப்படம் ஒரே நாளில் வெளியானது. ஆயினும் ப்ராப்தம் திரைப்படம் 100 நாட்கள் ஓடவில்லையே தவிர வெளியிட்ட அனைத்து திரை அரங்கிலும் 4 வாரங்களுக்கு குறையாமல் ஓடியது.
அதிகபட்சமாக மதுரை சிந்தாமணியில் 67 நாட்கள் ஓடியது.
ஸ்ரீ சாவித்திரி ப்ரோடக்ஷேன் சார்பில் தயாரிக்கப்பட்ட ப்ராப்தம் திரைப்படம் எடுக்க செலவு சுமார் ஆறு லட்சத்தி நாற்பதாயிரம் ரூபாய்.(app. Rs. 6,40,000 ) தமிழகத்தில் ப்ராப்தம் வசூல் செய்த தொகை பதினைந்து லட்சத்தை தாண்டியுள்ளது (Over Rs. 15,00,000 வசூல் தகவல் உபயம் : திரு பம்மலார்)
ஜெமினியோடு கருத்துவேறுபாடு குழந்தை உள்ளம் திரைப்படம் சாவித்திரி தயாரித்தபோதே உருவானது..காரணம் திரு ஜெமினி அவர்கள் சாவித்திரியை திருமணம் செய்த பிறகும் குழந்தை பிறந்த பிறகும் மதுரையில் பரந்த மீன்கொடியில் தம் கண்களை கண்டார் என்பது தமிழ் திரை உலகறிந்த விஷயம். நடிகர் திலகம் அவர்கள் இதனை திரு ஜெமினியுடன் உரையாடி ஞாயம் கேட்கப்போக இருவருக்கும் சிறிது மனகசப்பு உண்டானது உலகம் அறிந்தது - இது உண்மை !
மேலும் சில உண்மையான தகவல்கள் பார்க்கலாம் - இதை திருமதி சாவித்திரி அவர்களுடன் நல்ல முறையில் நேர்மையான தொடர்பில் இருந்த எவரிடம் கேட்டு விசாரித்து கொள்ளலாம் !
அப்போது தெரியும் நண்பர் தீனதயாள் அவர்கள் அவிழ்த்து விட்டுள்ள கதையின் நம்பகத்தன்மை பற்றி -
திருமதி சாவித்திரி 1981 மே 11, பெங்களுரு சாளுக்ய ஹோட்டல் அறையில் மயங்கி நினைவற்று போனார். பெங்களுரு லேடி க்ரூசன் மருத்துவமனையில் சிகிச்சை மேற்கொள்ள செய்தனர். ஹைபோ கிளி சமிக்கு கோமா நிலை.
அவரை அங்கிருந்து தனி விமானம் மூலம் திரு குண்டுராவ் அவர்களை தொடர்புகொண்டு சென்னைக்கு கொண்டு வர உதவியவர் திருமதி சரோஜாதேவி.
17-05-80 தனி விமானம் மூலம் கொண்டுவரப்பட்ட திருமதி சாவித்திரியை லேடி வெல்லிங்டன் மருத்துவமனைக்கு நேராக கொண்டுசென்று வைத்தியம் தொடங்கப்பட்டது அவர் நினைவு திரும்புவதற்கு. வைத்தியம் செய்தது பிரபல நரம்பியல் நிபுணர் மருத்துவர் ராமமூர்த்தி அவர்கள் குழு.
ஜூன் மாதம் மூன்றாவது வார இறுதி 1981 வரை அங்கு இருந்து பிறகு அவரை அதே நிலையில் சாவித்திரி ஆரம்பகாலத்தில் வாங்கிய அண்ணா நகர் வீட்டில் வைத்து வைத்தியம் பார்த்தார் திரு ஜெமினி கணேசன். அவரை மன உளைச்சலுக்கு ஆளாகியதன் பிரயசிதமாக அத்தனை செலவையும் தாமே செய்தார் ஜெமினி.
டிசம்பர் 22, நிலைமை மிக மோசமாக அவரை மீண்டும் லேடி வெல்லிங்டன் மருத்துவமனைக்கு கொண்டு சென்றனர். 26 டிசம்பர் 1981 உயிர் நீத்தார் நடிகையர் திலகம் ! அவரை அவரது சொந்த அண்ணா நகர் வீட்டில் அதாவது முதன் முதலாக இவர் எந்த வீட்டில் இருந்து ஜெமினியை மணக்க வெளியே வந்தாரோ அந்த வீட்டில் வைத்தே இறுதி காரியங்கள் நடைபெற செய்தார் ஜெமினி...
இதுதான் உண்மையான நிகழ்வு !
இதில் இருந்தே சாவித்திரிக்கு எந்த வீடும் பணமும் யாரும் கொடுக்கவில்லை என்பது தெள்ளம் தெளிவாக தெரிகிறது !
திரு தீன தயாளன் அவர்கள் கற்பனை கதை மன்னன் என்பதற்கு இன்னொரு சான்று.
ஜெமினி கணேசன் அவர்கள் தொடர்ந்து பல வருடங்கள் ஒரு டஜன் படங்களில் தொடர்ந்து நடித்தார் என்பது. அப்படி ஒரு உலக அதிசயம் நடக்கவே இல்லை.
திரு ஜெமினி அவர்கள் 1972இல் அதிக பட்சமாக 13 படங்களில் நடித்தார். அதில் ஆறு படங்கள் ஒன்று முதல் மூன்று வருடங்களாக படபிடிப்பு நடக்காததால் குறித்த நேரத்தில் வெளியீடு தள்ளிப்போன படங்கள் !
1969 இல்10 படங்கள்
1970 இல் 6 படங்கள்
1071 இல் 4 படங்கள்
1972 இல் 13 படங்கள்
1973 இல் 6 திரைப்படங்கள்
1974 இல் 4 படங்கள்
1975 இல் 3 படங்கள்
1976 இல் 5 படங்கள்
1977 இல் 3 படங்கள் ,
1978 இல் 2,
1979 இல் 1,
1980 1 ( மலையாளம் மட்டும் தமிழ் இல்லை )
1981, 1982 படங்கள் இல்லை
நடிகர் திலகம் அவர்கள் நடித்த படங்கள்
1969 - 9 படங்கள்
1970 - 9 படங்கள்
1971 - 10 படங்கள்
1972 - 7 படங்கள்
1973 - 9 படங்கள்
1974 - 6 படங்கள்
1975 - 8 படங்கள்
1976 - 6 படங்கள்
1977 - 8 படங்கள்
1978 - 9 படங்கள்
1979 - 7 படங்கள்
1980 - 6 படங்கள்
1981 - 7 படங்கள்
1982 - 13 படங்கள்
1983 - 8 படங்கள்
1984 - 10 படங்கள்
1985 - 8 படங்கள்
1986 - 7 படங்கள்
1987 - 10 படங்கள்
எத்தனை புதுமுகங்கள் வந்தாலும் எத்தனை விதமாக ரசனை மாறினாலும் நடிகர் திலகம் அவர்களுடைய மார்க்கெட் உடல் நிலை ஒத்துழைத்த வரை என்றும் உச்சத்தில் மட்டுமே இருந்தது என்பதன் சான்று அவர் நடித்த படங்களின் எண்ணிக்கைகள் !
திரு தினமணி தீனதயாலுவின் கற்பனை கதை மட்டுமே அன்றி உண்மை எள்ளளவும் இல்லை என்பது இதன்மூலம் வெளிச்சத்திற்கு வருகிறது !
அப்பட்டமான புளுகு மூட்டை இவர் தொடர்ந்து நடிகர் திலகத்தை இறக்கி எழுதி வருவது, இவரது கற்பனை கதைகளை தொடர்ந்து படிப்பவர்களுக்கு நன்கு புரியும் !
எதற்குதான் இந்த கேடுகெட்ட பொழைப்போ இந்த தீனதயாளுவிர்க்கு என்பது தெரியவில்லை.
நடிகர்திலகம் பற்றி தவறான பொய் செய்தி தொடர்ந்து புளுகும் பொய் செய்தி மன்னன் தினமணி திரு தீனதயாளன் கற்பனை கதை இங்கு பதிவானதால் நான் ஒரு ரசிகன் என்ற அடிப்படையில் இங்கு அந்த செய்தி படிக்கும் வெளி மக்கள் தவறாக நினைத்துவிடகூடாது என்பதால் இந்த உண்மை விளக்கம் கொடுக்க நேர்ந்தது !
RKS
நவம்பர் 23 .. மறக்க முடியாத நாள்.Quote:
தமிழ் சினிமா வரலாற்றில் தன்னிகரில்லா கலைஞனாக, கலைஞர்களுக்கெல்லாம் தலைவனாக விளங்கும் நடிகர் திலகம் நடித்த ஆலயமணி 53 ஆண்டுகளுக்கு முன் இந்நாளில் தான் வெளியானது. அப்போதே இது போன்ற நெகடிவ் கதாபாத்திரத்தில் ஜொலித்து உச்சியில் சென்று அமர்ந்து விட்டார் மக்கள் தலைவர். மனதுக்குள் மிருகம் ஆட்கொண்டால் மனம் எப்படியெல்லாம் அலைபாயும் என்பதை உளவியல் ரீதியாக புட்டுப்புட்டு வைத்த படம் ஆலயமணி. குறிப்பாக நடிகர் திலகம்-கே.சங்கர்.ஜாவர் சீதாராமன் ..என்ன ஒரு கூட்டணி.. பிரமிப்பூட்டும் திரைக்கதை வசனம், நுட்பமான காட்சியமைப்புகளுடன் கூடிய இயக்கம்... உலக நடிகர்களுக்கெல்லாம் பாடம் வகுக்கும் இலக்கண நடிப்பு..
https://scontent.fmaa1-1.fna.fbcdn.n...b5&oe=56B20E61
ரசிகர்களெல்லாம் சும்மா ஒண்ணும் சிவாஜியை தெய்வமாகக் கொண்டாடவில்லை.. இந்தப் படத்தைப் பார்த்தால் அதில் உள்ள உண்மை தெரியும்... அதில் உள்ள ஆழம் புரியும்..
https://www.youtube.com/watch?v=VUmcWkedtNY
சிவாஜி கணேசன் என்பது வெறும் சொல்லல்ல..
உணர்வின் உருவம்...
ராகவேந்திரன் சார்,
நேற்று உங்களுடைய ஸ்பெஷல் நாள் போல. சும்மா பிய்த்து உதறி விட்டீர்களே! நமக்கு மிகவும் பிடித்த 'நல்லொதொரு குடும்பம்' படத்தின் தலைவர் போன் காட்சியை தங்கள் எழுத்தின் மூலம் அப்படியே கண்முன் கொண்டு வந்து நிறுத்தி விட்டீர்களே! அருமை! அருமை!
எனக்கு 'நல்லதொரு குடும்பம்' படத்தின் முதல் பாதி இன்னும் இன்னும் ரொம்பப் பிடித்தமானது. 'அறிவாளி' படத்தின் அடங்காத குதிரையான பானுமதியை தலைவர் அவர் போக்கிலேயே சென்று அதே போன்று வேண்டுமென்றே ஈகோ காட்டி நடித்து அடக்குவார்.
'நல்லதொரு குடும்ப'த்தில் நடிகர் திலகம், வாணிஸ்ரீ இருவருமே ஒருத்தருக்கொருத்தர் சளைக்காமல் அவரவர்கள் ஈகோவால் அடிக்கடி பிய்த்து பிடுங்கிக் கொள்வார்கள். ஆனால் ஒருவர் மேல் ஒருவர் அசாத்திய அன்பு வைத்திருப்பார்கள். குலமா குணமா ஆலமரக் காட்சியில் நடிகர் திலகமும் வாணிஸ்ரீயும் நடிப்பில் போட்டி போடுவார்களே. அதற்குப் பிறகு இதில்தான் நடிப்புப் போட்டி. நடுவில் பல படங்கள் சிறப்பாக இருந்தாலும் நல்லதொரு குடும்பத்தில் நடிப்பு இன்னும் அம்சம்.
அதுவும் முதல் பாதியில் கேட்கவே வேண்டாம். நொடிக்கு நொடி நீயா நானா போட்டிதான். 'பெரிய இது' என்று வாணிஸ்ரீ பொருமுவதும்....'போடி திமிர் பிடிச்சக் கழுதை' என்று தலைவர் பதிலடி கொடுப்பதும் செம கலக்கல். வாணிஸ்ரீ இவரிடம் சண்டை போட்டுக் கொண்டு (அதாவது திருமணத்திற்கு முன்னால்) வீட்டை விட்டுக் கிளம்பியதும் தலைவர் தனியே வாணிஸ்ரீயைத் திட்டி அதே சமயம் புலம்பித் தீர்க்கும் காட்சிகள் இருக்கிறதே! சலிக்காத இன்பக் காட்சிகள் அவை. அதே போல தேங்காய் மனைவியான மனோரமாவை தேங்காய் முன்னாலேயே வீட்டில் மெடிக்கல் செக்-அப் செய்யும் காட்சி வெகு யதார்த்தம். தேங்காய் பண்ணுவது ஓவர் என்றாலும் சிரிக்காமல் இருக்க முடியாது. தலைவர் வீட்டிலிருந்து கிளினிக்கிற்கு டாக்டராகச் செல்லும் அழகே அழகு.
எங்கள் ஊர் ரமேஷ் தியேட்டரில் 45 நாட்களுக்கும் மேலாக அமர்க்களமாக ஓடியது நல்லதொரு குடும்பம். 'இமயம்' பாடலி தியேட்டரில் ஜூலை 21 ரிலீஸ் ஆன 3 நாட்களுக்கு முன்பு தான் 'நல்லதொரு குடும்பம்' திரைப்படத்தை ரமேஷிலிருந்து எடுத்தார்கள் என்று நினைவு. அதுவரை 'நல்லதொரு குடும்ப'த்தைப் பார்த்து தீர்த்து விட்டோம். 'கண்ணா உன் லீலா வினோதம்...சிந்து நதிக்கரையோரம்.....சச்சச்சா.....செவ்வானமே' என்று ராஜாவின் இசையில் அமர்க்களமான பாடல்கள். ஆனால் தலைவருக்கான சோலோ பாடலான 'பட்டதெல்லாம் போதுமாம் பட்டினத்தாரே' பாட்டில் இளையராஜா கொஞ்சம் கோட்டை விட்டிருந்தார். இந்தப் பாடல் சுமார் ரகமே. கொஞ்சம் ஏமாற்றம் தந்தது.
நல்ல படத்தை நினைவு கூர்ந்து காட்சிகளையும் சிறப்பாக எழுதி உள்ளீர்கள். எனது மனம் நிறைந்த பாராட்டுக்கள். இந்த 17ம் பாகத்தில் தங்களுடைய பங்கு மகத்தானது. அது போல ஆதவன் ரவி, தம்பி செந்தில்வேல் இவர்கள் பங்கும் பாராடப்பட வேண்டியது. திரி அமர்க்களமாகச் செல்கிறது. அனைவருக்கும் வாழ்த்துக்கள். இது இப்படியே தொடர வேண்டும் என்பதுதான் அனைவருடைய விருப்பமும்.
ராகவேந்திரன் சார்,
ஆலயமணி நினைவூட்டலுக்கு நன்றி. தலைவர் சக்கர நாற்காலியில் அமர்ந்திருக்கும் போட்டோ தூள். அந்த மெஜஸ்டிக் லுக் உடைக்கே ஆயிரமாயிரமாய் அள்ளிக் கொடுக்கலாம்.
//சிவாஜி கணேசன் என்பது வெறும் சொல்லல்ல..
உணர்வின் உருவம்...//
//ரசிகர்களெல்லாம் சும்மா ஒண்ணும் சிவாஜியை தெய்வமாகக் கொண்டாடவில்லை.. இந்தப் படத்தைப் பார்த்தால் அதில் உள்ள உண்மை தெரியும்//
சத்தியமான வாக்கியங்கள்.
Dear Neyveli Vasudevan Sir,
Very Good Morning to you !
I have been on continuous travel officially across India.
I just saw the previous posts.
Really appreciate the way, you are shouldering the responsibility along with Mr. Senthilvel, Mr. Raghavender, Mr. Muthayyan Ammu , Mr. Siva etc.,
It is really a commendable and appreciable noble work that you all are doing considering them as our duty.
Thanks a million for the same.
Also, though belated Wishing you a very happy and cheerful birthday. Wishing our Thalaivar's noble soul will bless you with all laurels and prosperity.
Best Regards
RKS
(From Mr.Ganesh Venkatraman's Face Book Post)
http://i1234.photobucket.com/albums/...psnxrxuxp7.jpg
Dear vasu sir,presently bear with me,I dont have the facility in writing in Tamil.I know it will be much better.
THE UNCOMMON GOD & a common man.
Vadivukku valaikaappu is still one of the memorable movie,which I havent seen so far ?!I was studying 2nd standard.
Before we started going to night show,on a rare day,my parents have planned to go for the movie.My mother had told me to get some vegetables from my grandmother in the next street.She had planned to completer the cooking .I was supposed go thro the main road.While walking ,a man in his cycle with much speed had hit me and my leg was caught in the wheel.With fear and panic ,instead of stopping,the cyclist continued his ride. My left leg main bone cracked and few pokes had pierced in my leg.I was in bed for six months and somehow became normal.But the six months was a period when I was more linked to NT.I was in bed and enjoyed songs,(NO SCHOOL FOR THAT a MONTHS)nd the visitors will compulsorily bring PAATTU PYTHTHAGAM of latest NT movies,whether they bring fruits or not.
THAVAPUDHALVAN is another memorable movie!
தரிசனம்-1. இரு மலர்கள்.
----------------------------
தொடர்கிறது...
---------------
நான் எழுதிய கவிதை ஒன்று.
"மனிதனைப் பார்த்து
காலம் கேட்கிறது...
என்ன கிழித்து விட்டாய் நீ..?
தினமும் நாட்காட்டியிலிருந்து
ஒரு தேதியைத் தவிர!"
-காலம், சுந்தரைப் பார்த்து
இப்படியெல்லாம் கேலிக்
கேள்வி கேட்க அவன்
வாய்ப்பளிக்கவில்லை.
வியர்வை சிந்தி உழைத்தான்.
ஜெயித்தான்.
அவனது வெற்றிச் சிரிப்பு
ஒவ்வொன்றையும் தன் புன்னகையோடு துவக்கி வைத்தாள்... சாந்தி.
----------------
சாந்தி,சுந்தரைச் செல்லமாகக்
கடிந்து கொண்டாள்.. விழாவில்
சற்றும் எதிர்பாராவண்ணம்
தன்னை பேச அழைத்த குறும்புக்காக.
சுந்தரும் அவளை வியந்துதான்
போகிறான்..அவள் மிக அழகாக
விழாவில் பேசியதை நினைத்து.
ஒன்று தவறாமல் அத்தனை
விழாக்களுக்கும் அவன் தன்னுடன் அவளை அழைத்துச்
சென்றதால், அவன் பேசுவதை
கவனித்துக் கவனித்துத் தனக்கும் பேசும் திறமை
வந்து விட்டதாகப் பணிவுடன்
தெரிவிக்கும் சாந்தியை
நெகிழ்வோடு அணைத்துக்
கொள்கிறான் சுந்தர்.
"உன்னைக் கல்யாணம் பண்ணிக்கிட்ட பிறகு நான்
வாழல சாந்தி. நீ என்னை
வாழ வைக்கிறே."
இனிமையில் ஊறிக் கிடந்த
உள்ளத்திலிருந்து வந்து விழுந்த
தித்திப்பு வார்த்தைகள்.
இந்தக் காட்சியில் வரும் ஒரு வசனத்தை நம் நடிகர் திலகம் பேசும் அழகு..
அப்பப்பா...!
"அவள் அன்பினால் அவனைத்
திணற வைத்தாள்"ன்னு கதைகள்ல படிச்சிருக்கேன்.
அப்ப அதை நினைச்சு சிரிப்பேன்." என்று தொடரும்
வசனம்.
கதையில் படித்ததை சாந்தி
மூலமாக நேரடியாக அனுபவிக்கிற பரவசத்தில்
வெளிப்படும் வார்த்தைகள்.
என்னமாய்ப் பேசியிருக்கிறார்..
தலைவர்?
அதிலும், " அவள் அன்பினால்
அவனைத் திணற வைத்தாள்"
என்று சொல்வதைக் கவனியுங்கள்.
ஒரு கதையை ஆழ்ந்து படிக்கையில், அதில் நமக்குப்
பிடித்துப் போன வரிகள்
நம் நினைவடுக்குகளில்
ஆழப் பதிந்து விடும். அந்த
வரிகளை உச்சரிப்பதில்
நமக்கு ஒரு ஆர்வமும்,
எந்த நேரத்தில் அந்த வரிகளை
உச்சரிக்க நேர்ந்தாலும் அதில்
ஒரு ஜாக்கிரதை உணர்வும்
ஏற்பட்டு விடும்.
அந்த ஆர்வத்தையும், ஜாக்கிரதை உணர்வையும்
நடிகர் திலகத்தின் உச்சரிப்பில்
உணரலாம்...
மெய்சிலிர்க்க.
------------------
கீதா காத்திருக்கிறாள்.
கீதா-
சுந்தர் கட்டிலில் சொன்ன
காதல் கவிதைக்கு, கருணையுடன் சாந்தி தந்த
தொட்டில் பரிசு.
சாந்தி-சுந்தர் ராஜாங்கத்தின்
குட்டி ராணி.
இரவு படுக்கப் போகும் முன்
வழக்கமாக அப்பா, அம்மாவுக்குத் தரும் முத்தங்களைக் கொடுப்பதற்காக கண்விழித்துக்
காத்திருக்கிறாள்.
கன்னங்கள் ஆவலோடு
காட்டப்படுகின்றன.
முத்தங்கள் ஆசையோடு
வழங்கப்படுகின்றன.
-----------------
கீதாவின் பள்ளியில், அவளது
வகுப்புக்கு புதிய ஆசிரியை
வரப் போவதாக பேச்சு அடிபடுகிறது.
வகுப்பறைக்குள் நுழையும் பழைய ஆசிரியை, தான் வேறு வகுப்புக்குப் போகப் போவதாகவும், புது ஆசிரியை அந்த வகுப்புக்கு வரப் போவதாகவும் தெரிவிக்க..
குழந்தைகள் ஆனந்தக் கூச்சலிடுகின்றன.
அந்தக் கூச்சல் பொறுக்காத
பழைய ஆசிரியை, குழந்தைகளைக் கடுமையாகக்
கடிந்து கொள்ளும் போது
புது ஆசிரியை உள்ளே நுழைகிறார்.
அந்தப் புது ஆசிரியை-நம்
பழைய உமா.
கீதாவின் அருகிலுள்ள பெண்
குழந்தை, பழைய ஆசிரியை
மீதுள்ள கோபத்தில் மேசை
மீதிருந்த கீதாவின் புத்தகத்தை
எடுத்து வீசுகிறது.
அந்தப் புத்தகம், உமாவின் மீது
மோதி விழுகிறது. எடுத்துப்
பிரித்துப் பார்க்கிற உமா, புத்தகத்தில் கீதாவின் பெயரைப்
பார்த்து அவளிடம் வருகிறாள்.
கீதாதான் புத்தகத்தை எறிந்தாள்
எனக் கருதி அவளிடம் கேட்க, அவள் தான் எறியவில்லை என்கிறாள்.
"பொய் சொல்லக் கூடாது."
தெரியும் டீச்சர். எங்க அப்பா
சொல்லிருக்காரு".
-அங்கே சுந்தரின் கதாபாத்திரம்
கம்பீரமாகிறது.
மேலும் உமா, கீதாவுக்கு பொய்
சொல்லுதல் தவறென்று அறிவுரை வழங்க... கீதா
அழுகிறாள்.
அழுததால் அவள்தான் குற்றவாளியென உமா தீர்மானிக்க,மீண்டும் தான்
இல்லை என கீதா மறுக்க..
"நீ இல்லையென்றால் வேறு
யார்?" என உமா கேட்க, கீதா
மௌனம் சாதிக்க, நிஜமாகவே
புத்தகத்தை வீசீய பெண் குழந்தை எழுந்து தான் தான்
எறிந்ததாக ஒத்துக் கொண்டு
அழ, உமா கீதாவிடம் இதை
ஏன் முன்னமே சொல்லவில்லை என விசாரிக்க, கீதா சொல்கிறாள்...
"எப்பவும் அடுத்தவங்களைப்
பத்தி கோள் சொல்லக் கூடாதுன்னு அம்மா சொல்லிருக்காங்க".
- அங்கே, சாந்தியின் கதாபாத்திரம் கம்பீரமாகிறது.
---------------
அடுத்த வேளைச் சோற்றுக்கு
வழியில்லாதவன் வீடும்
குஷியாயிருக்கிறது என்றால்
அந்த வீட்டில் குழந்தைகள்
இருக்கின்றன என்று பொருள்.
எல்லோரையும் மகிழ்வாக்க
அத்தனை வீடுகளுக்கும் தானே
போக முடியாத கடவுள்,
குழந்தைகளை அனுப்பி வைத்தான்.
கீதாவை, சுந்தர் வீட்டுக்கு
அப்படித்தான் அனுப்பினான்.
கீதாவோடு தானும் ஒரு குழந்தையாய் மாறி, சாந்தியும்
கணவனிடம் வேடிக்கை செய்து
விளையாடுகிறாள்.
சுந்தருக்கு உமா அனுப்பிய
ஏமாற்ற வெடி பெரிதாய் வெடிக்கவில்லையோ?
சாந்தியும், கீதாவும் கொளுத்தும்
ஆபத்தே இல்லாத அன்பு
மத்தாப்புதான் ஜொலிக்கிறதோ?
சுந்தர் வீட்டில் தினமும் தீபாவளிதானோ?
-------------------
"மகராஜா.. ஒரு மகராணி"
- சும்மா நேரங் கடத்த
உபயோகமாகும் பாட்டல்ல.
ஒரு அற்புதம் நிறைந்த
ஆறு வருஷ இல்லறத்தின்
நாலு நிமிஷ இசைச்
சுருக்கம்.
இன்னுமொரு அவதாரம் எடுத்து வர யுகக் கணக்கில் காத்திருக்கவில்லை..
காக்க வைக்கவில்லை..
- நடிகர் திலகம்.
கால் மணி நேரம், அரை மணி
நேரத்திற்கு ஒரு அவதாரமெல்லாம் எடுக்க
முடிகிறது.. அவரால்.
கண் அகட்டி, வாய் விரித்து,
மனித பொம்மையாய் தானும்
மாறி அவர் செய்யும் விளையாட்டுகளும், அது கண்டு மகிழ்ந்து பூரிக்கும்
அந்தக் குழந்தையும்.,
தன்னை வருத்திக் கொண்டு
கலை செய்து, காண்போரை
மகிழ்வாக்கிய காலம் வென்ற
கலைஞன் நடிகர் திலகத்திற்கும், அவரால் கால
காலமாக மகிழும் நமக்குமான
எடுத்துக்காட்டுகள்.
( ...தொடரும்...)