அன்பு நண்பர் வாசுதேவன் அவர்களுக்கு,
அட்டகாசமான "விஸ்வநாத நயகுடு" வீடியோ பதிவிற்கு, மகத்தான நன்றிகளும் வாழ்த்துக்களும்.
ஆனந்த்
அன்பு நண்பர் வாசுதேவன் அவர்களுக்கு,
அட்டகாசமான "விஸ்வநாத நயகுடு" வீடியோ பதிவிற்கு, மகத்தான நன்றிகளும் வாழ்த்துக்களும்.
ஆனந்த்
அருமை பம்மலார் சார்,
கார்த்திக் அவர்களை நெஞ்சை நெகிழ வைக்கும் உணர்வுகளில் மூழ்கச் செய்தது மட்டுமின்றி, எங்களையும் துணைக்கு அழைத்துச் சென்றதற்கு காரணமான தங்களுடை கப்பலோட்டிய தமிழன் பதிவு உணர்வு பூர்வமான ஒன்று. தங்களுக்கு உளமார்ந்த பாராட்டுக்கள்.
அன்பு வாசுதேவன் சார்,
நாகம்ம நாயக்கடு பாத்திரத்தினைப் பற்றி மஹேந்திராவின் பார்வையிலே நிகழ்ச்சியினை வசந்த் தொலைக் காட்சிக்காக வியட்நாம் வீடு சுந்தரம் அவர்கள் பகிர்ந்து கொண்டது நினைவுக்கு வருகிறது. அவர் தர்பாரில் நடந்து வரும் காட்சியினைப் பற்றி ஒரு செய்தியினை அந்த நிகழ்ச்சியில் கூறியிருக்கிறார். அந்த சுவையான செய்தியினை அந்தப் படம் வெளிவந்து நம் நண்பர்கள் பார்த்த பிறகு பகிர்ந்து கொண்டால் நன்றாக இருக்கும் என நினைக்கிறேன்.
தெரிந்தவர்கள் அமைதி காக்கவும்,
தெரியாதவர்கள் பொறுமை காக்கவும்.
அன்புடன்
ராகவேந்திரன்
டியர் ஆனந்த் சார்,
தங்கள் அன்பிற்கு மிக்க நன்றி.
டியர் mr_karthik,
1972-ல் அதனுடைய முதல் மறுவெளியீட்டில், தாங்கள் உணர்ச்சிப்பெருக்கில் பார்த்து எமோஷனலான "கப்பலோட்டிய தமிழன்" காவிய அனுபவங்கள் பற்றிய தங்களின் பதிவு, தங்களது முந்தைய சிகர பதிவான "அவன் ஒரு சரித்திரம்(1977)" வெளியீட்டு நாள் அனுபவங்கள் பதிவை தூக்கி சாப்பிட்டு ஏப்பம் விட்டு விட்டது. அத்தனை அதியற்புதமான write-up..! தங்கள் பதிவின் அந்தக் கடைசி பதினோரு வரிகள் என் கண்களையும் குளமாக்கின. [இச்சமயத்தில் தங்களுக்கு ஒரு அன்பு வேண்டுகோள் : "கப்பலோட்டிய தமிழன்" காவியம் கூடிய விரைவில் "கர்ண"னைப் போல் மறுவெளியீடு செய்யப்படும் சமயம், கர்நாடகாவில் இருக்கும் தாங்கள் அந்த நேரத்தில் ஒரு நாளேனும் சென்னைக்கு விஜயம் தந்து எங்கள் எல்லோருடனும் அக்காவியத்தை தரிசித்துவிட்டுச் செல்ல வேண்டும். இந்த வேண்டுகோளை நிச்சயம் நிறைவேற்றுவீர்கள் என்று நம்புகிறேன். தங்களை நாங்கள் (குறிப்பாக அடியேன்) நேரில் காண பிரியப்படுகிறோம், காண்பதற்கு மிகுந்த ஆவலாய் உள்ளோம்..!]
"கப்பலோட்டிய தமிழன்", முதல் மறுவெளியீடாக, ஜூன் 1972-ல் 'சித்ரா'வில் வெளியானதாக தங்களின் அபார நினைவு ஏட்டிலிருந்து எடுத்தியம்பியிருந்தீர்கள். என்னிடம் அந்த விளம்பரம் கைவசம் இல்லை. கிடைத்தவுடன் இடுகை செய்து விடுகிறேன். 'சித்ரா'வில் ஜூன் 1972-ல் என்றால் வெளியான தேதி கண்டிப்பாக 23.6.1972 வெள்ளியன்றுதான் வரும். ஏனென்றால் 10.3.1972 வெள்ளியிலிருந்து 'சித்ரா'வில் புதிய திரைப்படமாக வெளியாகி ஓடிக் கொண்டிருந்த மக்கள் திலகத்தின் "நல்ல நேரம்", 105 வெற்றி நாட்களை 22.6.1972 வியாழனன்று பூர்த்தி செய்தது. பின்னர் 'சித்ரா'வில் புதிய திரைப்படமாக மக்கள் கலைஞர் ஜெய்யின் "அவசர கல்யாணம்", 29.6.1972 வியாழனன்று வெளியானது. அந்த இடைப்பட்ட காலகட்டத்தில் [23.6.1972 வெள்ளி முதல் 28.6.1972 வரை], "கப்பலோட்டிய தமிழன்" வெளியாகி சக்கைபோடு போட்டிருக்கிறது.
'தனது மகன் நல்ல, சிறந்த திரைப்படங்களை மட்டும்தான் பார்க்கவேண்டும்' என்று தங்கள் அன்புள்ள அப்பா நினைத்ததில் தவறில்லை. தாங்கள்தான் தேசிய திலகத்தின் பக்தராயிற்றே..! "கப்பலோட்டிய தமிழன்" தவிர்த்து அன்று வேறு எந்தத் திரைப்படத்திற்கும் போகமாட்டீர்கள் என்பது உள்ளங்கை நெல்லிக்கனி..! தங்களின் இந்த அருமையான பதிவில் ஒரு மினி பயணப்பதிவும் இடம்பெற்றிருப்பது வெகு சுவாரஸ்யம். அதில் அன்றைய பஸ் கட்டண நிலவரங்களெல்லாம் தெரிய வருகிறது. முரளி சார், ராகவேந்தர் சார் மட்டுமா வரலாற்று விற்பன்னர்கள், தாங்களும்தான்..! 'சித்ரா'வில் நீங்கள் சென்றபோது 'ஹவுஸ்ஃபுல்' போர்டு மாட்டப்பட்டிருப்பதைக் கண்டு வருத்தமடைந்திருந்தாலும் படம் நன்றாகப் போகிறது என்று மகிழ்ச்சியும் அடைந்திருப்பீர்கள்..! பின்னர் திங்களன்று டிக்கெட் கிடைத்து படம் பார்த்த அனுபவம் லாட்டரியில் கோடி கிடைத்தது போன்றதொரு உணர்வுக்கும் மேலிருக்கும்..! அது சரி, பிஸ்தாக்களுக்கும், வஸ்தாதுகளுக்கும் எந்தக் காலத்தில்தான் குறைச்சல்..!
'வெள்ளிப்பனிமலையின் மீதுலவுவோம்' பாடல் கேவா கலரில் படமாக்கப்பட்டிருந்தது என்பது ஒரு அரிய-புதிய தகவல். தேசிய திலகம் வாழ்ந்து காட்டிய "கப்பலோட்டிய தமிழன்" வ.உ.சி. பாத்திரம் தாங்கள் உட்பட படம் பார்த்த அனைவரையும் எமோஷனலாக்கியதைப் படிக்கும்போது எனது கண்களிலும் கண்ணீர்..! அடியேனும் அடிக்கடி குறுந்தகட்டில் பார்க்கும் திரைக்காவியம் "கப்பலோட்டிய தமிழன்". அப்படிப் பார்க்கும் போதெல்லாம் கண்கள் குளமாகாத சமயமே இல்லை.
தேசிய திலகத்தின் உயிரும், உள்ளமும், உணர்வும் மட்டுமா அக்காவியத்தில். அவரது அடியொற்றிய தேசிய நெஞ்சங்களான நமது உயிரும், உள்ளமும், உணர்வும் கூட இதில்தானே..!
சிதம்பரனார் குறித்த சிகர பதிவை வழங்கிய தங்களுக்கு இந்த சுவாமிநாதன் வழங்கும் இரு சிறந்த பரிசுப் பொக்கிஷங்கள்:
http://i1110.photobucket.com/albums/...CColor1a-1.jpg
http://i1110.photobucket.com/albums/...GEDC6525-1.jpg
தாங்கள் வழங்கிய மனம் திறந்த பாராட்டுக்களுக்கு எனது நெஞ்சார்ந்த நன்றிகள்..!
உணர்ச்சிப்பெருக்கில்,
பம்மலார்.
நமது தேசிய திலகத்தின் போர்வாள்
தேசிய நடிகர் அமரர் சசிகுமார் அவர்களுக்கு
38வது ஆண்டு நினைவாஞ்சலி
[22.8.1974 - 22.8.2012]
அட்டைப்படம் : சிவாஜி ரசிகன் : 1.9.1974
[உதவி : நமது வாசுதேவன் சார் மற்றும் ராகவேந்திரன் சார்]
http://i1110.photobucket.com/albums/...itrib011-1.jpg
தேசிய திலகம் பற்றி தேசிய நடிகர்
வரலாற்று ஆவணம் : நடிகர் திலகத்தின் 175வது திரைக்காவியமான "அவன் தான் மனிதன்(1975)" காவிய சிறப்பு மலர் [வெளியீடு : 'சிங்கத்தமிழன் சிவாஜி கணேசன் புகழ் பரப்பும் குழு', புதுவை]
http://i1110.photobucket.com/albums/...GEDC6526-1.jpg
பக்தியுடன்,
பம்மல் ஆர். சுவாமிநாதன்.
டியர் வாசுதேவன் சார்,
மிகமிக அரிய "விஸ்வநாத நாயக்குடு(1987)" நிழற்படங்களுக்கும், காணொளிக்கும், தகவல்களுக்கும் மற்றும் தாங்கள் வழங்கிய அன்பான பாராட்டுக்களுக்கும் எனது வளமான நன்றிகள்..!
அன்புடன்,
பம்மலார்.
டியர் பம்மலார் சார்,
உறக்கம் வராமல் எதேச்சையாக கணினியில் நம் மய்யம் திரியினை பார்த்த பொழுது தங்களுடை பதிவு.. காலம் நேரம் பார்க்காமல் உழைக்கும் தங்களின் நலன் காப்பதில் நம் அனைவருக்கும் பங்கு இருக்கும் உரிமையில் வேண்டுகோள் விடுக்கிறேன். எப்போது சமயம் கிடைக்கிறதோ அப்போது தவறாமல் ஓய்வு எடுத்துக் கொள்ளுங்கள். தங்களைப் போல் இந்த நேரத்தில் முழு ஈடுபாட்டோடு உழைப்பதில் எனக்கும் சௌகரியம் தான். அதனால் அந்த சுகம் எனக்கும் தெரிகிறது. தவறாமல் நேரம் கிடைக்கும் போது கண்டிப்பாக ஓய்வு எடுத்துக் கொள்ளுங்கள். உடல் நலத்தைப் பேணுங்கள்.
சசிகுமாரின் நினைவாஞ்சலிப் பதிவு மீண்டும் கண்களில் நீர் வரச் செய்கிறது. சென்ற ஆண்டு இட்ட பதிவினையே மீண்டும் தருவதே பொருத்தமாயிருக்கும் என எண்ணுகிறேன்.
சென்ற ஆண்டு சசிகுமார் நினைவாக நம் நண்பர்கள் இட்ட பதிவுகளுக்கான இணைப்புQuote:
சசிகுமார் நினைவாக சில பதிவுகள்...படங்கள் மட்டும்.. அவரைப் பற்றி எழுத என்னால் இயலவில்லை.. கண்ணீர் தான் வருகிறது...அவர் அளவிற்கு நடிகர் திலகத்தின் மேல் பாசம் கொண்டவர்கள் அந்தக் காலத்திலும் அதற்கு அடுத்த காலத்திலும் யாரையும் காண இயலவில்லை. தற்போதைய காலத்தில் சசிகுமார் இடத்தை நம் ஒய்.ஜி.மகேந்திரன் நிரப்பி வருகிறார் எனலாம்.
.....
சசிகுமாரின் மறைவையொட்டி நடிகர் திலகத்தின் கண்ணீர் அஞ்சலி
http://i872.photobucket.com/albums/a...Sasitrib03.jpg
....
சசிகுமார் அவர்கள் பழகுவதற்கு மிகவும் இனியவர். பேசும் போது நொடிக்கு ஒரு முறை நடிகர் திலகத்தைப் பற்றி சொல்லாமல் இருக்க மாட்டார். அண்ணா என்று தான் சொல்வார். நான் கேட்டேன், நீங்கள் அண்ணா என்று சொன்னால் அது அண்ணாதுரை அவர்களையல்லவா குறிக்கும் என்றதற்கு, என்னைப் பொறுத்த வரை அண்ணா என்றால் நடிகர் திலகம் மட்டும் தான் என்றார். அது மட்டுமல்ல, அண்ணன் என்றால் மரியாதைக் குறைவு, என்னால் அப்படி என்னை விட வயதானவரை மரியாதைக் குறைவாக அழைக்க முடியாது என்றார். நான் ஏற்கெனவே ஒரு முறை குறிப்பிட்டிருந்தது போல் ராஜபார்ட் ரங்கதுரை மறுமணக் காட்சி படப்பிடிப்பு முடிந்த சில நாட்களில் அவருடன் உரையாடும் வாய்ப்புக் கிடைத்தது. நெடு நேரம் பேசிக் கொண்டிருந்தோம். அவருடைய கார் மெக்கானிக்கினால் பழுது பார்க்கப் பட்டு முடிந்து அவர் வந்து அழைத்த பின்னும் அவர் அடியேனுடன் நடிகர் திலகத்தைப் பற்றியும் பெருந்தலைவரைப் பற்றியும் இந்த நாட்டைப் பற்றியும் சிலாகித்துப் பேசிக் கொண்டிருந்தார்.
அவரை மறக்க முடியுமா...
http://www.mayyam.com/talk/showthrea...Part-8/page118
கண்ணீருடன்
டியர் ராகவேந்திரன் சார்,
தங்களின் அன்புக்கட்டளையை சிரமேற்கிறேன்..!
தேசிய நடிகர் சசிகுமார் குறித்த பதிவுகள் மீண்டும் கண்களை குளமாக்கிவிட்டது.
பம்மல் ஆர். சுவாமிநாதன்.
அன்புள்ள திரு. கார்த்திக் அவர்களே,
தங்களுடைய "கப்பலோட்டிய தமிழன்" படத்தைப் பார்த்த அனுபவம் மிகவும் சிறப்பாகவும், சுவை படவும் அதே நேரம் பல இடங்களில் கண்களில் நீரை வரவழைப்பதுமாயும் இருந்தது.
மிக்க நன்றி.
அன்புடன்,
இரா. பார்த்தசாரதி
'தேசிய நடிகர்' சசிகுமார் அவர்களின் 38வது ஆண்டு நினைவாஞ்சலி (ஒரு அர்ப்பணப் பதிவு)
'தேசிய நடிகர்' சசிகுமார் அவர்களின் 38வது ஆண்டு நினைவாஞ்சலி. நடிகர் திலகத்தின் மேல் தீவிர பற்றுதல் உள்ளவராகவும், ரசிகர் மன்ற வளர்ச்சிக்கு தன்னையே அர்ப்பணித்துக் கொண்டவராயும், காங்கிரஸ் பேரியக்கத்தின் தீவிர தொண்டராகவும், நாட்டுக்குழைத்த ராணுவ வீரராகவும், அழகும், திறமையும் வாய்ந்த நல்ல நடிகராகவும், மனைவியைக் காப்பாற்ற தன்னுயிரையே தந்த தியாகக் கணவராகவும் பல்வேறு பரிமாணங்களில் நம் நெஞ்சில் குடியேறியவர். அவர் நினைவு தினத்தில் அவரை வணங்கி அவர் புகழ்பாடுவோம்.
திரு சசிகுமார் அவர்கள் தன்னைப் பற்றி கூறுவதாவது.
http://www.kalyanamalaimagazine.com/.../Sasikumar.jpg
"என்னுடைய இயற்பெயர் விஜயகுமார். என்னுடைய அப்பா தந்தை பெரியார் அவர்களின் தீவிர அபிமானி. என்றும் பெரியார் வழியையே கடைபிடித்தவர். ஆதலால் தந்தை பெரியார் அவர்கள் எனக்கு 'வெற்றிசெல்வன்' எனப் பெயர் சூட்டினார். நான் ராணுவத்தில் பணிபுரிந்த போது என்னுடைய பெயர் வெற்றிசெல்வன் மட்டுமே. நான் ராணுவத்திலிருந்து சினிமாவுக்கு வந்ததும் என்னுடைய பெயரை சசிகுமார் என மாற்றி வைத்துக் கொண்டேன். நான் ஒரு தேசத்தைக் காக்கும் வீரன். காங்கிரஸ் கொள்கைகளில் தீவிர பற்றுடையவன். என் உயிருள்ளவரை காங்கிரஸ் கட்சியின் கொள்கைகளை, அக்கட்சியின் தியாகங்களை நாட்டுக்கு எடுத்துரைத்துக் கொண்டே இருப்பேன். சினிமா எனது உயிர் மூச்சு. என் இறுதி மூச்சு உள்ளவரை சினிமாவில்தான் இருப்பேன்".
'ராஜபார்ட் ரங்கதுரை'யில் நடிகர் திலகத்துடன் சசிகுமார்.
http://i1087.photobucket.com/albums/...31355/2-99.jpg
'ராஜபார்ட் ரங்கதுரை'யில் சசிகுமார்.
http://i1087.photobucket.com/albums/...31355/3-76.jpg
'காசேதான் கடவுளடா' படத்தில் சசிகுமார்.
http://www.shotpix.com/images/88111007416952263816.png
சசிகுமாரின் மகன் விஜயசாரதி (சன் டிவி "நீங்கள் கேட்ட பாடல்" நிகழ்ச்சியின் காம்பியராக இருந்தவர்)
http://www.hindu.com/mp/2005/01/01/i...0100450701.jpg
விஜயசாரதி நேயர்களின் விருப்பப் பாடல்களை கேட்கிறார்
http://bp2.blogger.com/_4lEybjSEwmY/...320/vijaya.jpg
சசிகுமாரின் மகன் விஜயசாரதி தன் தந்தை சசிகுமார் அவர்களைப் பற்றி கூறுவதாவது.
"என்னுடைய தந்தை 1974 இல் எண்ணூரில் நடக்கவிருந்த ஒரு காங்கிரஸ் பொதுக்கூட்டத்தில் கலந்து கொண்டு பேச தயாராகக் கிளம்பினார். கிளம்புவதற்கு முன் சூடாகப் பால் சாப்பிட்டுவிட்டு கிளம்புவது அவருக்கு வழக்கம். என் தாயார் எங்கள் அனைவருக்கும் பால் காய்ச்சுவதற்காக ஸ்டவ்வை பற்றவைக்க பம்ப் செய்யும் போது எதிர்பாராதவிதமாக ஸ்டவ் வெடித்தது. என்னுடய அம்மாவின் சேலை தீப்பற்றிக் கொண்டது. நானும், என் தங்கையும் அப்போது சிறுவயதுக் குழந்தைகள். எனக்கு அப்போது வயது நான்கு. எனது சகோதரிக்கு வயது ஆறு. ஆகையால் நாங்கள் தெருவில் வெளியில் விளையாடிக் கொண்டிருந்தோம். அம்மாவின் அலறல் சத்தம் கேட்டு உள்ளே ஓடினோம். என்னுடைய தந்தை அம்மாவின் அலறல் சத்தம் கேட்டு கிச்சனுக்கு ஓடி அம்மாவின் மேல் பற்றிய நெருப்பை அணைக்க அம்மாவை இறுகப் பற்றிக் கொள்ள நெருப்பு அவரையும் கவ்விக் கொண்டது. என் தாயும், தந்தையும் எப்படியோ பாத்ரூமிற்கு ஓடி ஷவரில் தண்ணீரைத் திறந்து விட்டு தம் மீது பற்றிக்கொண்ட நெருப்பை அணைக்க முயன்றனர். இருவருக்குமே பெரிய அளவில் தீக்காயங்கள் ஏற்பட்டது. அக்கம் பக்கத்தில் இருந்தவர்கள் உதவியுடன் இருவரும் ராயப்பேட்டா மருத்துவ மனையில் அனுமதிக்கப் பட்டனர். என்னுடைய தந்தை என்னையும், என் சகோதரி நந்தினியையும் அழைத்து கண்டிப்பாக குணமடைந்து வீடு திரும்பி விடுவோம் என்று நம்பிக்கையுடன் சைகையால் கூறினார்.
விஷயம் அறிந்ததும் நடிகர் திலகம், மக்கள் திலகம், மேஜர் சுந்தர்ராஜன், ஜெமினி கணேசன், கே.ஆர்.விஜயா அனைவரும் ஓடோடி வந்து டாக்டர்களை கலந்து ஆலோசித்தனர். திரு ஏ.வி.எம்.சரவணன் அவர்களும், கே.ஆர்.விஜயா அவர்களும் ஏர்கூலர்களை வாங்கி வந்து எங்கள் பெற்றோரின் அறையில் பொருத்தச் செய்தனர். பல நல்ல உள்ளங்கள் ரத்த தானம் செய்ய முன்வந்தனர். மூன்று நாட்களுக்கும் தீவிர சிகிச்சை அளிக்கப்பட்டது. இருந்தாலும் என் பெற்றோர்களைக் காப்பாற்ற முடிய வில்லை. என் தந்தை தன் கடைசி நிமிடங்களில் தன்னை சூழ்ந்திருந்த அனைவரையும் 'வந்தே மாதரம்' சுலோகத்தை உரக்கச் சொல்லச் சொன்னதும், 'ஜன கன மன' தேசிய கீதத்தை பாடச் சொன்னதும் நன்றாக நினைவில் இருக்கிறது. 22-8-1974 அன்று எனது பெற்றோர் அகால மரணமெய்தினர். என் தாய் இறந்த இரண்டு மணி நேரங்களில் சிகிச்சை பலனளிக்காமல் என் தந்தையும் இறைவனடி சேர்ந்தார். கண்ணம்மா பேட்டை இடுகாட்டில் ராணுவ மரியாதைகளுடன் என் பெற்றோர்களின் இறுதிச் சடங்கு நடந்தது. அனைத்து திரையுலக பிரபலங்களும் இறுதிச் சடங்கில் கலந்து கொண்டனர்.
'நடிகர் திலகம்' சிவாஜி கணேசன் 'வந்தே மாதரம்' என முழங்க அனைத்து திரையுலகினரும் ஒரு சேர 'வந்தே மாதரம்' என முழங்கி எனது பெற்றோர்களுக்கு இறுதி அஞ்சலி செலுத்தினர். என் தந்தை நடித்த திரைப்படங்களைப் பார்க்கையில் என் கண்களின் கண்ணீரை என்னால் எப்படி கட்டுப் படுத்த முடியும்?"
சசிகுமார் நடித்து அவர் மிகவும் புகழ் பெற்ற 'அவள்' திரைப்படத்தில் இருந்து ஒரு மறக்க முடியாத டூயட் பாடல்.(வீடியோவாக)
"கீதா... ஒருநாள் பழகும் உறவல்ல".
http://www.youtube.com/watch?v=6DE36...yer_detailpage
ஆத்மார்த்தமான அர்ப்பணிப்புடன்
வாசுதேவன்
திரு. கார்த்திக் அவர்களே,
தங்களுடைய "கப்பலோட்டிய தமிழன்" படத்தைப் பார்த்த அனுபவம் மிகவும் சிறப்பாகவும், உணர்ச்சிப் பெருக்கோடும் இருந்தது.
மிக்க நன்றி.
டியர் வாசுதேவன் சார்,
மிகமிக அரிய "விஸ்வநாத நாயக்குடு" நிழற்படங்களுக்கும், தகவல்களுக்கும் நன்றிகள்..! 'தேசிய நடிகர்' சசிகுமார் அவர்களின் 38வது ஆண்டு நினைவாஞ்சலி - மிகவும் சிறப்பு
டியர் ராகவேந்திரன் சார்,
"விஸ்வநாத நாயக்குடு" வெளியீட்டுத் தகவலுக்கு நன்றி.
டியர் பம்மலார்.
பாவமன்னிப்பு. கப்பலோட்டிய தமிழன் வெளியீட்டுப் பதிவுகள் அருமை. தேசிய திலகத்தின் போர்வாள் தேசிய நடிகர் சசிகுமார் அவர்களுக்கு தங்களுடைய 38வது ஆண்டு நினைவாஞ்சலி சிறப்பு. நன்றி.
கப்பலோட்டிய தமிழன் பதிவைப்படித்து உணர்ச்சி பூர்வமாக பாராட்டிய பம்மலார், ராகவேந்தர், ஜோ, வாசுதேவன், முரளி சீனிவாஸ், ராதாகிருஷ்ணன், ஆனந்த், சந்திரசேகர், பார்த்தசாரதி, Softsword, g04127302 மற்றும் அனைத்து அன்புள்ளங்களுக்கும் என் நன்றி.
கப்பலோட்டிய தமிழன் முதல் வெளியீட்டில் ஒரு பாடல் வண்ணத்தில் இடம்பெற்றிருந்தது என்ற என் கூற்றுக்கு, தானும் பார்த்த அனுபவத்தின் மூலம் வலு சேர்த்த ராகவேந்தர் அவர்களுக்கும், பாராட்டியதோடு பரிசாக இரண்டு அரிய நிழற்படங்களையளித்த பம்மலார் அவர்களுக்கும் மிக்க நன்றி.
நாளை 23.08.2012 பகல் 12.00 மணிக்கு மெகா டி வி யில் நடிகர் திலகத்தின் வெற்றிச் சித்திரம் ,, வசந்த் பிக்சர்ஸ் மனிதரில் மாணிக்கம்.
மலேசியா பிநாங்கு நகரில் உள்ள உலகப் பிரசித்தி பெற்ற ஈஸ்டர்ன் அண்ட் யூரோபியன் ஹோட்டலுக்கு நடிகர் திலகம் விஜயம் செய்ததை என்றும் நினைவு கூறும் வகையில் அவருடைய திருவுருவப் படம் வைக்கப் பட்டுள்ளது. அதன் நிழற்படம் நம் பார்வைக்கு. இதனை நமக்கு அனுப்பி வைத்த நண்பருக்கு நம் உளமார்ந்த நன்றி
நடிகர் திலகத்தின் நிழற்படம் வைக்கப் பட்டிருக்கும் இடத்தையும் அந்தப் படம் சற்றே பெரிதாக கீழே தரப்பட்டிருப்பதையும் காணலாம்.
http://i872.photobucket.com/albums/a...TELNTIMG01.jpg
அந்த ஹோட்டலின் மற்றொரு பகுதி
http://www.eohotels.com/images/galle...hotel_1885.jpg
அந்த ஹோட்டலின் நுழைவாயில்
http://www.eohotels.com/images/galle..._entrance2.jpg
ஈஸ்டர்ன் அண்ட் யூரோப்பியன் ஹோட்டலின் இணைய தளத்திற்கான இணைப்பு
நடிகர் திலகத்தின் நாயகிகள்.(ஒரு விஷுவல் தொடர்)
(தொடர்-5)
நடிகர் திலகத்தின் நாயகிகள் (5) கிரிஜா
படம்: 'மனோகரா'
மனோகரனின் ஜோடி விஜயாவாக நடிகை கிரிஜா. 'மனோகரா' வெற்றிக்காவியத்தில் நடிகர் திலகத்துடன் ஜோடி சேர்ந்து வரலாற்றில் இடம் பெற்றவர். இதற்கு முன் நடிகர் திலகத்தின் ஐந்தாவது காவியமான 'திரும்பிப்பார்' படத்தில் நரசிம்மபாரதியின் ஜோடியாக நடித்திருப்பார். அழகான தெலுங்கு நடிகை. தமிழில் சில படங்களில் நடித்துள்ளார். தெலுங்கில் நகைச்சுவை நடிகையாக வலம் வந்தவர். ரேலங்கி என்ற புகழ் பெற்ற தெலுங்கு நகைச்சுவை நடிகருடன் பல தெலுங்குப் படங்களில் ஜோடி சேர்ந்து மிகவும் புகழ் பெற்ற நடிகையாக விளங்கினார். ரேலங்கி கிரிஜா நகைச்சுவை ஜோடி தெலுங்கில் மிகவும் பிரசித்தம்.
'மனோகரா' தமிழ்,தெலுங்கு, இந்தி (மனோகர்) மூன்று நேரடிப்படங்களிலும் கிரிஜாதான் நடிகர் திலகத்தின் ஜோடி என்பது இன்னொரு சிறப்பம்சம்.
http://lh4.google.com/anilkumar.marr...7HPK8o/r16.jpg
'மனோகரா' தமிழ்த் திரைக்காவியத்தில் நாயகி கிரிஜாவுடன் நாயகர் நடிகர் திலகம்.
http://i1087.photobucket.com/albums/...355/girija.jpg
http://i1087.photobucket.com/albums/...g?t=1345717505
நடிகர் திலகமும் கிரிஜா அவர்களும் இணைந்து கலக்கும் அற்புத டூயட் பாடல் 'மனோகரா' காவியத்தில்.(வீடியோ)
"சிங்காரப் பைங்கிளியே பேசு...
செந்தமிழ்த் தேனை அள்ளி அள்ளி வீசு"...
http://www.youtube.com/watch?v=V9XZf5FeRPI&feature=player_detailpage
'மனோகரா' காவியத்தில் நடிகர் திலகத்துடன் கிரிஜா.
http://i1087.photobucket.com/albums/...an31355/g1.jpg
நடிகர் திலகமும் கிரிஜா அவர்களும் இணைந்து கலக்கும் அற்புத டூயட் பாடல் 'மனோகரா' தெலுங்கு காவியத்தில்.(வீடியோ)
"கண்ணுலலோ...விண்ணுலலோ"...
http://www.youtube.com/watch?feature=player_detailpage&v=Kb524-hoW1s
(ஜோடிகள் தொடரும்)
அன்புடன்,
வாசுதேவன்.
very rare picture.
http://i1087.photobucket.com/albums/...g?t=1345725748
அன்புள்ள வாசுதேவன் சார்,
'விஸ்வநாத நாய்க்குடு' பற்றிய பதிவுகள், தகவல்கள், நிழற்படங்கள் அனைத்தும் மிகவும் அரிய தொகுப்பு. பலர் இப்படத்தைப்பார்த்திருக்க வாய்ப்பில்லை. பார்த்தால் நிச்சயம் அசந்துபோவார்கள். ராகவேந்தர் சார் சொன்னது போல, பலர் பார்த்து அதிசயிக்கும்வரை பொறுமை காப்போம்.
நடிகர்திலகத்தின் திரை நாயகியர் வரிசையில், சற்றும் எதிர்பாராமல் கிரிஜாவைக் கொண்டுவந்து விட்டீர்கள். நடித்தது மிகச்சில படங்களாயினும் 'மனோகரா' ஒன்று போதும் அவரது அழகையும் திறமையையும் எடுத்துச் சொல்வதற்கு. கிரிஜா பற்றிய தகவல்கள், நிழற்படங்கள், காணொளி இணைப்பு அனைத்தும் நன்றாக உள்ளன. மதுரக்குரலோன் ஏ.எம்.ராஜாவின் மயக்கும் குரலில் 'சிங்காரப் பைங்கிளியே பேசு' பாடல் அருமை.
இதுபோன்ற அபூர்வ நடிகைகளைப்பற்றி அறிந்துகொள்ள உதவும் 'திரை நாயகியர்' ஒரு வெற்றித்தொடர் என்பதில் ஐயமில்லை.
அன்புள்ள பம்மலார் சார்,
தேசீய நடிகர், மாவீரன் 'கேப்டன்' சசிகுமார் நினைவுநாளையொட்டிய பதிவுகளைப்பார்த்ததும், சென்ற ஆண்டு நினைவு நாளன்று தாங்கள் அளித்திருந்த அனைத்துப்பதிவுகளையும் மீண்டும் கண்ணுற்றேன். மனம் சோகத்தில் மூழ்கியது. 38 ஆண்டுகளுக்கு முன் நிகழ்ந்த ஒரு உண்மையான தேசியவாதியின் இழப்பு.
விஜயகுமார் என்ற அவருடைய பெயர் எப்படி சசிகுமார் என்று மாறியது என்பது பற்றி, அவர் மறைந்த சமயம் அவரது மாமியார் பத்திரிகைப் பேட்டியொன்றில் சொல்லியிருந்தார்.
"மாப்பிள்ளையின் உண்மையான பெயர் விஜயகுமார். அவருக்கும் என்மகள் சசிகலாவுக்கும் திருமணம் நடந்த போது, நாங்கள் சீராக அளித்த பாத்திரங்களில் இருவருடைய பெயரையும் இணைத்து 'சசி - குமார்' என்று பெயர் பொறித்திருந்தோம். இந்தப்பெயர் கொஞ்சம் வித்தியாசமாக இருந்ததாலும், என் மகள் மீது அவர் வைத்திருந்த எல்லையற்ற அன்பினாலும், அவளுடைய பெயரையும் இணைத்து சினிமாவில் தன் பெயரை 'சசிகுமார்' என்று மாற்றிக்கொண்டார்" என்று கண்ணீருக்கிடையே கூறினார்..... என்று பத்திரிகையில் தெரிவித்திருந்தனர்.
Kartik sir wonderful writeup. kappalotia tamizan.
ONE OF THE COSTLIEST MISS I MADE IS I HAVE MISSED THE MOVIE SOMEHOW. WAITING FOR SEP FIRST TO HAVE THE DARSAN OF NT WITH FAMILY AND FRIENDS. THANK YOU KARTIK.
அன்பு நண்பர்களே,
ஆயிரம் வார்த்தைகள் ஆயிரம் கட்டுரைகள் சொல்வதை ஒரு சித்திரம் சொல்லும் என்பதை மீண்டும் நிரூபிக்கும் வண்ணம் வந்துள்ளது, மாடர்ன் சினிமா வெளியிட்டுள்ள சிவாஜியின் நெஞ்சை உருக்கும் பாசக் காட்சிகள்என்ற நெடுந்தகடு.
http://i872.photobucket.com/albums/a...ALSCENESR1.jpg
http://i872.photobucket.com/albums/a...ALSCENESF1.jpg
இதில் இடம் பெற்றுள்ள படங்கள்
பாச மலர்
பாலும் பழமும்
பாகப் பிரிவினை
மக்களைப் பெற்ற மகராசி
படித்தால் மட்டும் போதுமா
பட்டிக்காடா பட்டணமா
எங்க ஊர் ராஜா
ஆண்டவன் கட்டளை
லக்ஷ்மி கல்யாணம்
பாவ மன்னிப்பு
படிக்காத மேதை
குங்குமம்
நெஞ்சிருக்கும் வரை
கை கொடுத்த தெய்வம்
ஒவ்வொரு சிவாஜி ரசிகரிடமும் அவசியம் இருக்க வேண்டிய மிகச்சிறந்த தொகுப்பு. நடிகர் திலகம் என்ற phenomenon எந்த அளவிற்கு உலகெங்கிலும் உள்ள சினிமா ரசிகர்களுக்குள் ஆக்கிரமித்திருக்கிறது என்பதை உணர வைக்கும் உன்னதத் தொகுப்பு. ஒவ்வொரு படத்திலிருந்தும் கிட்டத் தட்ட 20 நிமிடங்களுக்கு வரும் வரையில் அந்தப் படத்திலுள்ள முக்கியக் காட்சிகளைத் தொகுத்தளித்திருக்கிறார்கள். குறிப்பாக என்னுள் மிகவும் ஆழமாய் ஊடுருவி நிரந்தரமாய்த் தங்கி விட்ட ஆண்டவன் கட்டளை திரைப்படத்தின் அந்த உள்ளம் ஊஞ்சலாடும் காட்சி ..... அப்படியே இடம் பெற்றுள்ளது .... முரளி சாருக்குத் தெரியும் அந்தக் காட்சியில் நான் எந்த அளவிற்கு என்னை மறந்து விடுவேன் என்று ....அதே போல் பட்டிக்காடா பட்டணமா படத்தையும் சுருக்கமாக தொகுத்து, நாகரீகத்தைப் பற்றி விளக்கும் காட்சி, படிக்காத மேதை -- கேட்கவே வேண்டாம். பாச மலர் சிறு வயது தொடங்கி இறுதிக் காட்சி வரை விறுவிறுப்பாக தொகுத்தளித்துள்ளார்கள். பாவ மன்னிப்பு படமும் அப்படியே. பாலும் பழமும் படத்தில் சாந்தி சாந்தி என்று வீடு முழுக்கத் தேடும் காட்சி தொடங்கி இறுதிக் காட்சி வரை, எங்க ஊர் ராஜா படத்தில் இளை சேதுபதி கம்பீரமான உடையில் பணம் கொண்டு வந்து தரும் காட்சி, குங்குமம் படத்திலும் அதே போல், நெஞ்சிருக்கும் வரை ... இப்படி ஒவ்வொரு படத்தையும் பார்த்துப் பார்த்து செதுக்கித் தொகுத்துத் தந்துள்ளனர்.
இந்த அருமையான நெடுந்தகட்டிற்காக மாடர்ன் சினிமா நிறுவனத்திற்கு பாராட்டுக்கள்.
இதே போல் மற்றொரு நெடுந்தகடாக சிவாஜியின் வீர வசனங்கள் வெளி வந்துள்ளது. அதனைப் பற்றி விரைவில் பதிவிடப் படும்.
அன்புடன்
ராகவேந்திரன்
'நான் பாத்தாலும் பாத்தேன்டி மதராஸூ பட்டணத்த
பத்துக் கண்ணு போதாதம்மா பட்டிக்காட்டம்மா'
"தாய்(1974)" திரைக்காவியத்தில் இடம்பெற்ற சூப்பர்ஹிட் பாடலான இந்தப் பாடல் முதன்முறையாக இணையத்தில், அவ்வளவு ஏன்.., "தாய்(1974)" திரைக்காவியம் குறித்த ஒரு முழுமுதற் காணொளியே இணையத்தில் இதுதான்..! மேலும் அடியேன் இணையத்தில் தரவேற்றிய முதல் திரைப்படப் பாடலும் இதுதான்..!
நமது நடிகர் திலகம் நவரசத் திலகமாக பாடி, ஆடி, சிரித்து, மகிழ்ந்து, கிண்டலும் கேலியுமாய் கும்மாளம் போடும் இந்த பம்பர் பாடலை பாருங்க..! பாருங்க..!! பாத்துக்கிட்டே இருங்க..!!!
இதோ உங்களுக்காக 'நான் பாத்தாலும் பாத்தேன்டி...':
http://www.youtube.com/watch?v=rPNjWnbehD4
இப்பாடலில் கலைக்குரிசிலின் நவரச நடிப்பை கலைச்செல்வி என்னமாய் ரசித்து மகிழ்கிறார்..!
படைப்பு : கவியரசர் கண்ணதாசன்
இசை : மெல்லிசைச் சக்கரவர்த்தி எம்.எஸ்.விஸ்வநாதன்
பின்னணி : பாடகர் திலகம் டி.எம்.சௌந்தரராஜன்
[ஹய்யா...! நானும் You Tubeல் ஒரு பாடலை தரவேற்றிவிட்டேன்..!]
அன்புடன்,
பம்மலார்.
கலை தெய்வத்தை ஈன்றெடுத்த தெய்வம்
அன்னை ராஜாமணி அம்மையார் அவர்களுக்கு
நாற்பதாம் ஆண்டு நினைவாஞ்சலி
[24.8.1972 - 24.8.2012]
அட்டைப்படம் : சிவாஜி ரசிகன் : 15.9.1972
[உதவி : அன்புள்ளம் திரு. ஜி.மாணிக்கவாசகம்]
http://i1110.photobucket.com/albums/...Rajamani-1.jpg
அரிய காட்சி : அன்னையுடன் அண்ணனும், அண்ணியும்
http://i1110.photobucket.com/albums/...amHouse1-1.jpg
சென்ற வருடம், நமது 'மய்யம்' இணையதளத்தின் எட்டாம் பாக நடிகர் திலகம் திரியில், நமது அன்னையாரின் 39வது ஆண்டு நினைவாக இடுகை செய்யப்பட்ட பதிவுகளுக்கான சுட்டி:
http://www.mayyam.com/talk/showthrea...l=1#post728365
பக்தியுடன்,
பம்மல் ஆர். சுவாமிநாதன்.
டியர் வாசுதேவன் சார்,
நமது நடிகர் திலகத்தின் போர்வாள், தேசிய நடிகர் அமரர் சசிகுமார் அவர்களுக்கு தாங்கள் செலுத்திய அஞ்சலி நெஞ்சைத் தொட்டது. குறிப்பாக அவரது மகன் தனது தந்தையாரை நினைவுகூர்ந்த வரிகளைப் படித்ததும் எனது கண்களில் கண்ணீர்.
'நடிகர் திலகத்தின் வெள்ளித்திரை நாயகியர்' நெடுந்தொடரில், மும்மொழி "மனோகரா(1954)" நாயகி, நடிகை கிரிஜா குறித்த தகவல்கள், நிழற்படங்கள், காணொளிகள் யாவும் மிக அருமை..! இக்காவியத்தில் கிரிஜா, ராஜமாதா கண்ணாம்பாவுடனான காட்சிகளிலும் சரி, ராஜதுரோகி டி.ஆர். ராஜகுமாரியுடனான காட்சிகளிலும் சரி, அவர்களோடு போட்டிபோட்டுக் கொண்டு நடித்திருப்பார்.
குரலில் தென்றலைத் தவழ விடுவோரிடையே, குரலே தென்றலாய் வாய்த்த இசைத்தென்றல் ஏ.எம்.ராஜா மற்றும் கானமாமணி ஆர்.ஜெயலக்ஷ்மி இருவரின் குரலில் ஒலிக்கும் 'சிங்கார பைங்கிளியே பேசு' பாடல், உண்மையாகவே ஒரு கிளி கொஞ்சும் அவ்வளவு அழகான பாடல்..! உடுமலை நாராயண கவிராயரின் உன்னத வரிகளுக்கு இனியதொரு வர்ணமெட்டை வார்த்தெடுத்திருப்பார் திரை இசை மாமேதை எஸ்.வி.வெங்கட்ராமன். இக்காவியத்தின் மும்மொழிப்பதிப்பிலும் சங்கீத டைரக்ஷன் சாக்ஷாத்அவரே தான்..!
mr_karthik அவர்கள் கூறியதுபோல், ஒவ்வொரு பதிவும் அபூர்வத்தன்மை வாய்ந்ததாகக் கொண்ட இந்த 'வெள்ளித்திரை நாயகியர்' நெடுந்தொடர், ஒரு மாபெரும் வெற்றித் தொடர் என்பதில் எள்ளளவும் ஐயமில்லை..!
அன்புடன்,
பம்மலார்.
டியர் mr_karthik,
தேசிய நடிகர் கேப்டன் சசிகுமார் அவர்களது மாமியார், தனது மருமகன் சசிகுமார் மறைவின்போது கண்ணீர் மல்கக் கூறிய தகவல் இதயத்தை கனக்கச் செய்தது.
டியர் சந்திரசேகரன் சார்,
மிக்க நன்றி..!
அன்புடன்,
பம்மலார்.
டியர் ராகவேந்திரன் சார்,
மலேசிய பினாங்கு நகர் 'ஈஸ்டர்ன் & யூரோப்பியன்' ஹோட்டலுக்கு நமது நடிகர் திலகம் விஜயம் செய்ததை ஆதாரப்பூர்வமாக நிரூபணம் செய்யும் பதிவு அட்டகாசம் என்றால் 'மாடர்ன் சினிமா' நிறுவனம் தொகுத்தளித்துள்ள "சிவாஜியின் நெஞ்சை உருக்கும் பாசக் காட்சிகள்" நெடுந்தகடு வருகை குறித்த பதிவு அதகளம்..!
அன்புடன்,
பம்மலார்.
Sumangali
I bought this 3 in 1 DVD long time back but saw this movie yesterday. It is once again a good family movie with controlled performance by NT.
Story:
NT and YGM are lorry driver& cleaner. Once on their trip they meet Geetha. NT drops her in concert hall & he sings during their travel. Geetha is impressed with NT. While NT loves Sujatha, a freedom fighter daughter, VKR(travel owner) wants to marry his daughter Silk Smitha to NT as he does not want to lose his business, Silk loves YGM.
A triangular love story . When NT is on a tour VKR make a scene to believe NT mother (pushpalatha) that NT is in love with Silk and tempts her with Dowry offering. NT clarify motes the mistake and NT’s mother is convinced only for his son. Its only few months, VKR hatches a plan to kill NT and asks NT to go to Nagarkovil on a trip and hires a man to throw a bomb. He successfully does it.
VKR reveals it, VKR and Pushpalatha accuses Sujatha as bad omen for NT death .
Sujatha commits suicide. YGM tries to save her but could not. He blackmails VKR & marries silk (YGM captures the paid killer).
In a dramatic turn of events NT comes back with injuries and insurance for lorry .YGM says that Sujatha has died and reveals that his mother is the reason. NT moves out of the house and meanwhile Sujatha is saved by a temple priest and lives in Prabu’s house (un atheist, do gooder).Sujatha delivers a baby girl and names her as Ram thulasi (NT& Sujatha decides to name their kid if it’s a boy as Thulasi ram & if it’s a girl as Ram thulasi) (NT- Ram) (Sujatha-Thulasi)
NT & Geetha travels all around & become rich. Geetha persuades NT to marry her. He reluctantly agrees. Prabu goes to Calcutta for earning Rs 5000/- for restoring Sujatha’s eyesight .
Meena(Ram Thulasi) encounters NT & Geetha , both starts liking Meena & promises to help her mother. Geetha meets Sujatha and assures help. Chances of NT meeting Sujatha are spoiled inadvertently , though they don’t know each other are alive.
NT meets YGM, YGM feels happy & accuses VKR and makes him apologise to NT.
Sujatha ‘s eyesight is restored . Prabu arrives. Sujatha meets Pushpalatha who reveals e NT is alive
Marriage preparations are on full swing and YGM reveals to NT that he saw Sujatha & a baby.
So family is united. In the end Prabu becomes a athesit & praises God as biggest screenplay writer.
Myself & my mother watched the movie it was really good.
Key dialogues: Whenever Geeta asks when we will meet NT will reply
God is great, World is small
When Sujatha discuss the name of the kid if it’s a boy & suggests the name Ganesan
NT in his usual style will reply “ there will be atleast 4 Ganesans in each street”
We laughed like anything
No other would have uttered this dialogue. Note: NT favourite dialogue writer:Aroor Dass
Produced by Amalraj films D. Yoganand
Directed by : D. Yoganand
Its a Hindi remake.
NT versatility is shown as he is a lorry driver again after Needhi, Lorry Driver Rajkannu and Sumangali.
In sumagali his moustache, dressing, acting is different from the other movies he acted as lorry driver.
NT delivers again a matured performance in this movie a subtle acting as a lover, widower etc.
Sujatha is classy & his chemisty with NT is good as they are compatible on screen as both are matured& seasoned actors.
Prabu has nothing to do much but is quite apt in climax scene with his acceptance of atheism.
Geetha is ok used for dances mainly
Baby meena is good
Final word: A must watch for fans & for people who love family subjects and for critics who find fault that NT occupies every frame , emotes too much, acts in formula stories to change their opinion that he is a director’s actor and does not deviate from the script.
Is any Nt movie releasing on Sep 1st? Mr. Subramaniyam
dear raghuram.
Sep first kapplotia tamizan being screened by our NT FIlm appreciation society at chennai.
As i have missed many occassions to see the p aricular movie and secifically I want to see it theatre
iam waiting for it. hardly one two movies of sixty and seventies left unseen.
அன்னை ராஜாமணி அம்மையார் அவர்களின் நாற்பதாம் ஆண்டு நினைவாஞ்சலி
http://i1087.photobucket.com/albums/...55/Houses0.jpg
'ராஜா'வை ஈன்ற ராஜாமணி அன்னையே! உங்கள் நினைவு நாளில் தங்களின் பொற்பாதங்களைத் தொட்டு வணங்குகிறோம்.
http://i1087.photobucket.com/albums/...n31355/r-9.jpg
rare pic from net.
actress sugumari.
http://i50.tinypic.com/2en7v5t.jpg
டியர் வாசுதேவன் சார்,
அன்னை ராஜாமணி அம்மையாரின் நினைவு நாளை யொட்டி தாங்கள் வழங்கிய பதிவு அன்னை இல்லம் ஓவியம் மற்றும் ஜெமினி கணேசன், ராமகிருஷ்ணன் சார், நடிகர் திலகம் மற்றும் அன்னையாருடன் அவர்கள் இருக்கும் நிழற்படம் சிறப்புடன் உள்ளது. பாராட்டுக்கள்.
அதே போல் நாயகியர் வரிசை .... மிகவும் சிறப்பாக உள்ளது. அவர்களின் அறிமுகம் நிழற்படங்களுடனும் காணொளிகளுடனும் வருவது முழுமையாக உள்ளது. பாராட்டுக்கள்.
அன்புடன்
ராகவேந்திரன்
டியர் வினோத் சார்,
கட்டபொம்மன் பதாகையுடன் சுகுமாரி உள்ள நிழற்படம் நெஞ்சை நெகிழ வைக்கும் உணர்வு பூர்வமாக உள்ளது. பாராட்டுக்கள்.
அன்புடன்
ராகவேந்திரன்
Temple function - Thanjavur
http://i1234.photobucket.com/albums/...oreTemple1.jpg
http://i1234.photobucket.com/albums/...oreTemple2.jpg
திரைக்காவிய முதல் வெளியீட்டு விளம்பரங்கள் :21
நடிகர் திலகத்தின் 67வது திரைக்காவியம்
பாவமன்னிப்பு [வெளியான தேதி : 16.3.1961]
வெள்ளிவிழாக் கொண்டாடிய மகாமெகாஹிட் காவியம்
பொக்கிஷாதி பொக்கிஷம்
முதல் வெளியீட்டு விளம்பரம் : சுதேசமித்ரன் : 10.3.1961
http://i1110.photobucket.com/albums/...GEDC6527-1.jpg
தொடரும்...
பக்தியுடன்,
பம்மலார்.
Dear Mr. ragulram,
A good analysis by you on the rare & fair NT film SUMANGALI(1983). Keep it up..!
Warm Wishes & Regards,
Pammalar.
டியர் வாசுதேவன் சார்,
அன்னை ராஜாமணி அம்மையார் அவர்களின் நாற்பதாம் ஆண்டு நினைவாக தாங்கள் அளித்த பதிவு இதயத்தை ஈரமாக்கியது. இரு நிழற்படங்களும் சரியான சாய்ஸ்.
அன்புடன்,
பம்மலார்.
டியர் esvee சார்,
'கட்டபொம்முவுடன் சுகுமாரி' : கலக்கல் ஸ்டில், பாராட்டுக்கள்..!
அன்புடன்,
பம்மலார்.