Nadigar Thilagam Sivaji Ganesan Part 11

வாசுதேவன் சார், உங்க்ளது கடின உழைப்பு உங்கள் எழுத்தில் தெரிகிறது. .மிக நன்றாக உள்ளது..நான் பார்த்திராத படம்.
முடிவு என ஒரு கேள்விக்குறி மட்டும் வைத்து விட்டீர்கள்..
ஒரு சின்ன சந்தேகம்.. நமது நடிகர் திலகம் சூர்ய காந்தன் காரக்டர் என்ன ஆகிறது..அதைப் பற்றிக் கூறவில்லையே

சாண்டில்யன் அவர்களுடைய என்ன கதை அது..டைட்டிலில் போட்டார்களா?

வாசு,
நீ பட்ட பாடு எதிரொலிக்கிறது பதிவுகளில். கதையை நீ சொல்லாமலே படிப்பார்கள்.சாண்டில்யன் கூட இந்த பாடு பட்டிருக்க மாட்டார். அழகான nerration .
உன் வீட்டில் இந்த பாடல் காட்சியை (எங்கே பார்க்க விட்டாய். நொடிக்கு நொடி உன் விளக்கம் கேட்டேன்)பார்த்த போது,செம இம்ப்ரெஸ் ஆனேன்.ஆடுதுறை ஆர்சீயெ தியேட்டர் இல் இந்த படம் 1967 இல் பார்த்தேன். கதை புரியாத போதும், சிவாஜியின் நடிப்பில் spell - bound என்பார்களே ,அதை போல பார்த்த ஞாபகம்.
தலைவர் கந்தர்வன் ,இந்திரா லோகத்திலிருந்து இறங்கி வந்தது போல இருப்பார்.
இந்த படம், கே.ஆர்.ஆர். கதாநாயகனாக போட்டதால் மண் கவ்வி விட்டது.(கே.ஆர்.ஆர் ,எம்.கே.ராதா போன்றவர்களை திரையுலகம் புறக்கணிக்க துவங்கிய நேரம்).சிவாஜியும்,ஜெமினியும் கோலோச்சி கொண்டிருந்தனர்.
எல்லோரையும் பற்றி பாரபட்சமில்லாமல் எழுதி வஞ்சனை வைக்கவே இல்லை. நல்லவனா கெட்டவனா என்று கேட்கவே பயமா?நாயகன் படம் எப்படி பார்ப்பாய் இனி???
நான் சொன்னது போல இந்த மாதிரி ஒரு ஆய்வை இன்னொருவர் எழுதி படிக்கும் சுகம் அலாதி.
எல்லா நண்பர்களுக்கும் வேண்டுகோள்.தயவு செய்து வஞ்சனை இல்லாமல் எல்லோரும் feedback கொடுங்கள். இது பயங்கரமான உழைப்பு.
கவனம் காட்டி கௌரவியுங்கள்.வெட்டி அரட்டைகளை தற்காலிமாக தவிர்த்து,இதை பற்றி மட்டும் உரையாடுங்கள்.

அப்ப நான் நாலு நாளைக்கப்புறம் எழுதறேன் :sad: அதாவது இந்த டிஸ்கஷன் முடிந்த பிறகு :)

கையை குடுங்கள் வாசுதேவன் சார், படம் பாக்க முடியாத என்னை போன்றவங்களுக்கு படம் காட்டிட்டீங்க. ஆடை அலங்காரத் தொடரிலேயே அற்புத அழகாய் தெரிந்தார். யாரும் துளி விஷம் பற்றி எழுதியதில்லையே என்று நினைத்திருந்தேன். நீங்களே திரும்ப வந்து பிரமாண்டமாய் எழுதி விட்டீர்கள். நீங்கள் பட்ட கஷ்டத்திற்க்கு நாங்கள் இனிய அனுபவ பலனை அனுபவிக்கிறோம். இந்த படத்தை பார்க்கும் ஆசையையும் கூட்டி விட்டீர்கள். வாய்ப்பிருந்தால் பார்க்க முயற்சிக்கிறேன். நன்றி. நன்றி. நன்றி.

Nice style Sir,but too much vanja pughazchi on "Sowcar",Continue Sir,Wiyh best wishes,

Quote:

---

Originally Posted by chinnakkannan

***
நண்பர்கள் கொடுத்த உற்சாக போதையில் மனம் மயங்கி சற்றே மதியிழந்து
இங்கு எழுதப் போவது என்னவோ இரண்டு செளகார் ஜானகி படங்கள்! (என்னா தெகிரியம்)

அதாகப் பட்டது நல்ல உயர்ந்த ரக டர்க்கித் துண்டினை வாஷிங்க்மெஷினில் போட்டு நனைத்து அலசி
பின் பிழிந்து பின் உதறி கொடியில் காயப் போட்ட பிறகும் கூட அதிலிருந்து ஓரிரு துளிகள் கீழே சிந்தும்..
அப்படிப் பட்ட துளி போல அடியேனும் இழையோட்டத்திலிருந்து மாறாமல் எழுதப் போகும் முதல் படம்…..அதே தான்..

அரபு நாட்டில் இருப்பதால் மன ஒட்டகத்தைச் சற்றே பின்னுக்குத் தள்ள முயற்சித்து, முடியாமல்
கழுத்தை மட்டும் பின்னால் திருப்பி அழகான வாயால் அசைத்து எண்ணத்தைப் பின்னோக்கி ஓட வைத்தால்..
அட யாரந்தச் சிறுவன்.. மெரூன் கலர் டிராயாரும் வெள்ளை (ரின் சோப்) சட்டையுமாக என உற்றுப் பார்த்தால்
அட நான் தான்.(ஒன்பதாம் வகுப்பு).என்னருகில் இருந்தது வீடிருந்த தெருவில் மறு முனையில் இருந்த
வீட்டில் இருக்கும் பையன் சோமு(எட்டாம் கிளாஸ்) அவனருகில் அவனது அக்கா விம்மி என்றழைக்கப் பட்ட ஒல்லி நிர்மலா(?!) –
கேப்ரன் ஹால் பத்தாம் வகுப்பு என நினைவு..

இருவரும் என்னிடம் தீபாவளிக்கு ரீரன்னாக வந்த படமான புதிய பறவையைப் பற்றிக் கொஞ்சமாய்ச்
சொல்ல என் வயிற்றுக்குள் கொஞ்சம் மிளகாய்க் காந்தல்..அதில் சோமு வேறு ஒன்றைச்
சொல்லிப் படுத்தியும் விட்டான்..அதற்காக இரண்டு வருடங்கள் கழித்து
அவனைத் திட்டியிருக்கிறேன்..(அது கடைசியில் சொல்கிறேன்)

அந்த வருடம் இரு முறை முயன்றும் டிக்கட் கிடைக்கவில்லை என நினைவு..பின்
தொலை தூர அலங்காரில் ஒரு தடவை போட பார்க்க முடியவில்லை என வருத்தம்
..இரண்டு வருடம் கழித்து அப்பாவின் ராலே சைக்கிள் கிடைத்ததும் பளஸ் ஒன்னில்
ஊர் சுற்ற ஆரம்பித்ததும் அந்தப் படத்தை பரமேஸ்வரி தியேட்டரில் போட்டிருந்தார்கள்.
.
ஒரு நல்ல சனிக்கிழமையில் அம்மாவிடம் பர்மிஷன்+ இரண்டு ரூபாய் வாங்கி
மாலைக்காட்சி பார்க்கக் கிளம்பினால் மழை.. “அடடா மழைடா அடை மழைடா” என்ற பாடல் மட்டுமல்ல
அந்தப் பாடல் பாடும் கதாநாயகி கூடப் பிறந்திருக்காத வருடம் அது!

இருந்தும் விறு விறு என மிதித்து கர்டர் பாலம் கீழே அவ்வளவாக தண்ணீர் தேங்காததால்
இறங்கி ஏறி கேப்ரன் ஹாலைக் கடந்து ஆரப்பாளையம் கிராஸ் அடைந்து குறுக்குவாட்டில்
பயணித்து தியேட்ட்ர் அடைகையில் ஆள் முழுக்க தெப்பமாகியிருந்தேன்..ஹச்..

இருந்தும் கூட்டம்..கியூவில் நின்று மேல்வரிசை 1.45ரூ டிக்கட் வாங்கி உள்சென்று
அமர்கையில் மனமெல்லாம் மத்தாப்பூ..(அதைப் பார்த்த யாரோ தான் பிற்காலத்தில் படத்தலைப்பாக்கினார்கள்!)…
பின் இளமை பூரிக்கும் மாலா வந்து கோல்கேட் பற்பசை வாங்கச் சொல்லிச் சிரிக்க,
ஆரோக்கிய வாழ்வைக் காப்பது லைப்பாய் எல்லாம் வந்து, அரங்கம் நிறைந்திருந்தும்
ஏதோ கொடுத்த வாக்கைக் காப்பாற்ற வேண்டும் என்ற எண்ணத்தில் பீகாரில் வெள்ளம்
என மத்திய அரசு செய்திப்படம் ஓட, எனக்குள் எரிமலை பொங்கிக் குமுறி வெடிக்கும் நேரத்தில்
சென் ட்ரல் போர்ட் ஃபில்ம் சென்சார் போட எனக்கு இன்ப அதிர்ச்சி..

இந்த இரண்டு வருட காலகட்டத்தில் புதிய பறவை பாடல்கள் அனைத்தையும்
இலங்கை வானொலியில் கேட்டு ருசித்திருக்கிறேன், மறந்திருக்கிறேன் என்னை, ரசித்திருக்கிறேன்..
இன்னும் என்னவென்னமோ ..கிறேன்..!அதுவும் சிட்டுக்குருவி முத்தம் கொடுத்து பாடல்,
மெல்ல நட மெல்ல நட பாடல் எல்லாம் மனத்திரையில்(மன்னிக்க பழைய உவமை)
நடிகர் திலகம் கறுப்பு வெள்ளையில் க்ரேபாண்ட் வொயிட் ஷர்ட்டிலும் சரோஜா தேவி
டார்க் கறுப்பு புடவையிலும் நடப்பதாக ஓட்டிப் பார்த்திருந்த் எனக்கு படம் ஈஸ்ட்மென்கலர்
எனப் பார்த்ததும் சர்க்கரைப் பொங்கலை வாயிலிட்டால்
கூடவே முந்திரிப்பருப்பும் நிரடினால் என்னவொரு மகிழ்ச்சி பொங்குமோ அது போல ஆனது.
.
வைத்த கண் வாங்காமல் காரோட்டும் நடிகர் திலகக் கண்கள், ஓடும்பெண் என டைட்டில் பார்த்து
கப்பலில் ந.தி தெரியாமல் சரோஜா நதியுடன் மோதித் திரைப்படம் தொடர அதில் மூழ்கிவிட்டேன்..
சுவாரஸ்யமான த்ரில்லர்.. நடிகர் திலகத்தின் அற்புதமான முகபாவங்கள்:
சரோஜாதேவி தனது எண்ணத்தை சிட்டுக்குருவியிடம் பார்த்துத் தெரிந்து கொண்டது
போலச் சொல்லும் பாடல்- ஒரு பொழுது மலராகக் கொடியில் இருந்தேனா…இரவினிலே
நிலவினிலே என்னை மறந்தேனா, இளமை தரும் சுகத்தினிலே கன்னம் சிவந்தேனா-
என செக்கச் செவேல் மேக்கப் போட்டகன்னத்தைக் காட்டி வெட்கப் படும்போது முத்தெடுத்துக் காட்டும் முகபாவம்,
சடசடத்து ரயில் செல்ல படபடத்த இதயத்தை முகத்திலே காட்டுவது,
எம் ஆர் ராதாவின் டெலிஃபோன் உரையாடலைக் கேட்கும் போது யோசனையில் நெளியும் நெற்றிச் சுருக்கங்கள்,
பின் இரண்டாவது தடவை ரயிலில் வரும்போது சொல்லும் ஃப்ளாஷ் பேக்..

ப்ளாஷ் பேக் வரும்போது அவருடன் சேர்ந்து நானும் வருத்தப் பட்டிருக்கிறேன்..
அவர் ஹோட்டலில் அமர்ந்து நடனத்தைப் பார்க்க ஆரம்பிக்க- என்னா அருமையான பாட்டுங்க அது- அந்த நீல
நதிக்கரையோரம் நீ நின்றிருந்தாய் அந்தி நேரம் – எனப் பாடும் செளகார் ஜானகியைப் பார்த்ததும் சற்றே ஏமாற்ற்ம் தான்.
.
என்ன தான் சொல்லுங்கள்..” என் கனவுக் கன்னி செளகார் ஜானகி தான்..என்ன ஒரு நிறம்..
என்ன ஒரு அழகு என்ன ஒரு நடிப்பு, என்ன ஒரு அழுகை..எப்பொழுதும் வந்து என்னிடம் டூயட் பாடுகிறார் அவர்” என
எந்தத் தாத்தாவும் சொல்லியிருக்க மாட்டார்.. இதற்காக செளகாரை நான் குறைத்து மதிப்பிடுகிறேன் என்று எண்ண வேண்டாம்..
இந்த குறிப்பிட்ட படத்தில என்ன தான் வித்யாச நடிப்பைத் தந்திருந்தாலும்
கொஞ்சம் இளமைக் குறைவு அப்பட்டமாகத் தான் தெரிந்தது..

பின் ஃப்ளாஷ் பேக் முடிந்து சரோஜா தேவியைக் கல்யாணம் செய்து கொள்ள ஒப்புதல் வாங்குதல்
, நிச்சய தார்த்தத்தில் மறுபடி செளகார் ஜானகியைப் பார்க்கும் போது ஏற்படும் அதிர்ச்சி,
அவள் தன் மனைவியில்லை எனப்போராடும் தருணங்கள், இறுதியில் லதா நீயா இப்படிப் பண்ணே எனக் கேட்கும்
கையறு நிலை (ஏற்கெனவே கோபால் சார் புட்டுப் புட்டு வைத்ததால் நான் சுருக்கிவிட்டேன்)
என அபார நடிப்பு நடிகர் திலகத்தினுடையது....

சரோஜா தேவி முழுக்க முழுக்க ஆடையணிந்த மேக்க்ப் அணிந்த தேவதையாய் வந்தாலும்,
மேக்ஸியில் நடிகர் திலகத்துடன் கொஞ்சும் சமயத்தில் கொஞ்சம் கூடுதல் அழகாய்த் தெரிவார்..
நாகேஷின் முகபாவங்கள், எம்.ஆர்.ராதாவின் யதார்த்தமான வில்ல நடிப்பு
கதைக்குத்தேவை என்பதாலோ கொஞ்சம் பொம்மைத் தனமான இரண்டாம் செள.ஜா வின் நடிப்பு,
ராமதாஸ், ஓஏகே தேவர் என அனைவரும் தம் பங்கை ஒழுங்காய்ச் செய்திருந்தனர்..

இந்தப் படம் பார்த்துச் சிலமாதங்கள் கழித்துத் தான் சோமுவைப் பார்த்தேன்
மீனாட்சி அம்மன் கோவிலில்.. குட்டியாய் முதுகில் குத்தும் விட்டேன்.
.”பாவி இப்படிப் பண்ணிட்டயே” என..
அவன் அன்று சொன்னதாவது “ கடைசில தாண்டா சரோஜா தேவியும் போலீஸ் ஆஃபீசர்னு தெரியும்!”

எத்தனை முறை பார்த்தாலும் இந்தப் படம் எனக்கு அலுக்கவே இல்லை..

(அடுத்த படமும் எழுதப் போறியா..

இல்ல மனசாட்சி..மொதல்ல பர்மிஷன்கேட்டுக்கலாம்..

எது..அந்த காவியம் இயற்றுகிறவரைப் பற்றித் தானே..

ம்ம்)
//வாசக தோஷ சந்தவ்யஹ..//
**

---

Quote:

---

Originally Posted by KCSHEKAR

திருச்சியில் கடந்த இரண்டாண்டுகளுக்கும் மேலாக திறக்கப்படாமல் இருக்கும் சிலை பல்வேறு சமயங்களில் நம் ரசிகர்கள் தங்களது வருத்தங்களை ஆதங்கங்களை தெரிவித்து வருகிறோம். அதற்காக நடிகர்திலகம் சிவாஜி சமூகநலப்பேரவை சில முயற்சிகளை மேற்கொண்டுவருகிறது. இது சம்பந்தமாக தமிழக முதலமைச்சரின் ஸ்ரீரங்கம் தொகுதி அலுவலகம் மூலமாக கோரிக்கை மனுவும் அளிக்கப்பட்டுள்ளது.


http://i1234.photobucket.com/albums/...ps2f03bda3.jpg

http://i1234.photobucket.com/albums/...ps09654167.jpg

http://i1234.photobucket.com/albums/...ps1b6e3d35.jpg

---

Dear KC Sir
Thanks for your Valuable Contribution on Sunday 22nd Sep-2013 at Trichy Palakkarai Unopened Sivaji Statue which is unforgottable event for all Trichy Sivaji Fans. I was totally surprised since suddenly at 1 pm around more than 100 Sivaji fans lead by Mr.Chandrasekar assembled in front of sivaji statue and total media like KALAIGNER, VASANTH, GTV, CAPTAIN, DINAMALAR, DINAKARAN, DINATHANTHI took the views of all Fans and collective opinion from Mr.Chandrasekar
about non opening of Sivaji statue for the past two and half years. So entire trichy people were informed through this.

Thanks to Mr.Chandrasekar and all Media

C.Ramachandran

Sir.Namma Kattabomman indrum nammodudhan irukkiraar.

Quote:

---

Originally Posted by Ganpat

அய்யா நாயமார்களே!
அவரை "போற்றா"விட்டாலும் பரவாயில்லை ..இப்படி கோணி,பிளாஸ்டிக் ஷீட் போட்டு "போத்தா"மலாவது இருங்கப்பா!!
ஏதோ அவர் தவறிபோய் தமிழ் நாட்டில் பிறந்த குற்றத்திற்காக இப்படியெல்லாமா அவமானப் படுத்துவது?
நம துரதிருஷ்டம்..
கோடி எட்டப்பர்கள் கூட்டங் கூட்டமாய் வாழ்கின்றனர்.
ஒரே கட்டபொம்மனோ மறைந்துவிட்டான்.

---

Dear Vasudevan Sir

I think you are working as College Tamil professor. Really superb presentation. Sir i didnt see this film and stills also. But what excitement will get after seeing this film
i enjoyed like anything after watching this. You have done excellent. I want to see this film in CD for tasting this experience.

Again i am telling one thing tremendous writing of you people only i joint this thread and also i have taken the print out of the same and i will show it to my office freiends

You have given LOT OF AMIRTHAM through analysis of THULIVISHAM.

C.Ramachandran

அன்புள்ள வாசுதேவன் சார்,

துளிவிஷம் முழுவதையும் பருகி விட்டேன். எல்லா விஷமும் இதுபோல அமுதமாய் இருந்தால் எவ்வளவு நன்றாக இருக்கும். நாளை விவரமாக எழுதுகிறேன். (தற்போது அவசரமாக புறப்படுவதால்)....