Printable View
இன்றைய எபிசோட்டில் விடுபட்டது...
அபியும் மற்றவர்களும் அஸிஸ்டண்ட் கமிஷனர் அலுவலகத்திலிருந்து வெளியேறியதும், முன்னர் ஏ.சி.க்கு தகவ்ல் சொன்ன இன்ஸ்பெக்டர் மறைவாகச்சென்று போன் செய்கிறார். யாருக்கென்று எல்லோருக்கும் தெரியும். ஆம், ஆதிக்குத்தான். ஆதி சொன்னபடியே செய்துவிட்டதாக அவனிடம் சொல்லி பாராட்டுப்பெறுகிறார்.
அனைவருக்கும் பொங்கல் நல்வாழ்த்துக்கள்.
:ty:Quote:
Originally Posted by saradhaa_sn
wishing you all the same
wish you a happy pongal :D
பொங்கல் மற்றும் மாட்டுப்பொங்கலன்று, திரைப்படங்கள் தொடர்களின் நேரத்தை ஆக்ரமித்துக்கொண்டன. எனவே இரண்டு நாட்கள் 'கோலங்கள்' ஒளிபரப்பாகவில்லை
Thank you aanaa & Arthi
நாட்டுப்புறப்பெண் கெட்டப்பில் வன்டியிலிடுந்து இறக்கி விடப்பட்ட சித்ரா, கையில் கோணிப்பையுடன் ரோட்டில் கிடக்கும் பழைய காகிதங்களைப் பொறுக்கியவாறு, அக்கம்பக்கத்தில் நோட்டம்விட்டுக்கொண்டே செல்கிறாள். இங்குமங்குமாக மூன்று பெரிய குடோன்கள் தென்படுகின்றன. பார்ப்பதற்கு ஏதோ தொழிற்சாலைகள் போலவும் தோன்றுகின்றன. சிலவற்றில் ஆள் நடமாட்டமும் தென்படுகிறது. சித்ராவிடமிருந்து எந்த செய்தியும் வரவில்லையென தொல்காப்பியன் வண்டியில் காத்திருக்கிறான்.
பில்டர்ஸ் அசோஸியேஷன் தேர்தல் நாள். உறுப்பினர்கள் வந்துசேர்ந்தவண்னம் இருக்கிறார்கள். கட்டிடத்தின் பிரதான வாயிலில் ஆதித்யாவையும், அபியையும் ஆதரித்து டிஜிட்டல் வண்ண பேனர்கள் பளிச்சிடுகின்றன. முதலில் ஒரு காரில் அபி, விஸ்வநாதன், ராஜாமணி, கிருஷ்ணன் ஆகியோர் வந்திறங்கி ஒரு பக்கம் நிற்க, சற்று நேரத்தில் இன்னொரு காரில் ஆதியும் கிரியும் வருகின்றனர். ஆதிக்கு அசோசியேஷன் மெம்பர்கள் சிலர் கைகுலுக்கி வாழ்த்துச்சொல்லுகின்றனர். ஆதி நேராக அபியிருக்கும் இடத்துக்கு வந்து, குத்தலாக கிரியிடம்... 'என்ன கிரி, யாரோ என்னை எதிர்த்து ஜெயிக்கப்போவதாக சவால் விட்டாங்களே என்ன ஆச்சு? 85 சதவீதம் ஓட்டுகள் எனக்கு இப்பவே கன்ஃபர்ம் ஆச்சு'.
'பின்னே என்ன பாஸ், நீங்க இப்பவே ஜெயிச்சாச்சுன்னு வச்சுக்குங்க'.
இப்போது அபி, 'அவசரப்படாதீங்க மிஸ்ட்டர் ஆதி, இன்னும் தேர்தல் முடியலை. முடிஞ்சாதானே தெரியும் யார் ஜெயிச்சாங்கன்னு?'
'எங்க பாஸை ஜெயிச்சுடலாம்னு இன்னமும் ஒரு நப்பாசையா?'
'விடு கிரி, எலெக்ஷன் முடிகிறவரைக்கும் அவங்க அந்த 50 - 50 கனவுலயே இருக்கட்டும். வா உள்ளே போவோம்'.
சித்ரா இன்னமும் பேப்பர் பொறுக்கிக்கொண்டு இருக்கிறாள். அப்படியே ஒரு ஃபேக்டரிக்கு உள்ளே போக, அங்கு சிலர் தென்படுகின்றனர்.
'ஏய், யாரும்மா நீ?. இங்கே எதுக்காக வந்தே?'
'இங்கே பழைய இரும்பு கிடைக்குமான்னு கேட்க வந்தேங்க'.
'பழைய இரும்பெல்லாம் எதுமில்லே. போம்மா'.
போனில் பேசிக்கொண்டு வரும் ஆதியிடம் கிரி ஓடி வருகிறான்.
'பாஸ், எங்கே பாஸ் போனீங்க?'
'ஒரு ஃபாரீன் கால் பேசிக்கிட்டு இருந்தேன். என்ன கிரி, என்ன ஆச்சு?'
'மேலே மாடியில் அந்த அபி, மெம்பெர்ஸையெல்லாம் கூட்டி வச்சு மீட்டிங் போட்டுக்கிட்டு இருக்காளாம்'.
'என்னது, இப்போ போய் மீட்டிங்கா?. வா போகலாம்'.
அபியைச்சுற்றி சுமார் பதினைந்து இருபது பேர் நிற்க, அங்கு வந்த ஆதி...
'என்ன, எலெக்ஷன் நேரத்துல எதுக்கு இங்கு மீட்டிங்'.
'அது வேறோண்ணுமில்லை சார், இந்த எலெக்ஷனை தள்ளி வைக்கலாமான்னு யோசிச்சிக்கிட்டு இருக்கோம்'
'என்னது?. எலெக்ஷனை தள்ளி வைக்கணுமா? ஏன்?'
இப்போ அபி பதில் சொல்கிறாள்... 'மிஸ்ட்டர் வரதராஜன் கடத்தப்பட்டிருக்கார்,அதுக்காகத்தான் தள்ளி வைக்கணும்கிறோம்'
'என்னது கடத்தப்ப்ட்டாரா?. அவர் மும்பைக்குப்போனதாகத்தானே நான் கேள்விப்பட்டேன்?. அவர் ஏற்கெனவே அவர் மனைவியிடம் மும்பை போவதாக போனில் சொல்லியிருக்கார். அதோடு அவருடைய ஓட்'டையும் தபால் மூலமாக எலெக்ஷன் கமிட்டிக்கு அனுப்பியிருக்கார். இதெல்லாம் கடத்தபடக்கூடியவர் செய்யக்கூடியவர் செய்கிற வேலையா?'.
'அதுலதான் எங்களுக்கு சந்தேகமா இருக்கு'.
'உங்களுடைய சந்தேகத்துக்காகவெல்லாம் எலக்ஷனைத் தள்ளி வைக்க முடியாது. இப்போ வரதராஜன் இல்லை, அதனால தள்ளி வைக்கணும்கறீங்க. நாளை வேறொருத்தர் இல்லாமல் போயிட்டா அப்பவும் இதையே சொல்வீங்க. இப்படியே போனால் என்ன அர்த்தம்?. இப்போ சொல்றேன் கேட்டுக்குங்க. இந்த செகண்ட்லேருந்து நானே இல்லாட்டி கூட தேர்தலைத்தள்ளி வைக்கக்கூடாது. போங்க, எல்லோரும் போய் அவங்கவங்க ஓட்டைப்போடுங்க'.
கூட்டம் கலைந்து செல்கிறது.
இந்த இடத்தில் ராஜாமணி ஏதோ சொல்ல, அதற்கு கிரி கிண்டலாக பதில் சொல்ல, அதை விஸ்வநாதன் ஆட்சேபிக்க, அவரையும் கிரி அவமானமாகப்பேச, அதைத்தொடர்ந்து கைகலப்பு ஏற்பட, போலீஸ் வந்து ஆதிக்கு சாதகமாகப் பேசி அமைதி ஏற்படுத்துகிறது.
கிரி குதூகலிக்கிறான் 'பாத்தீங்களா?. என் மேலே கைவச்சதும் போலீஸே வந்திடுச்சு'
உடனே அபி சீறுகிறாள்... 'போடா பொறுக்கி'.
'பாஸ், என்ன பாஸ் இதெல்லாம்?'
'விடு கிரி, பாவம் தோல்வி பயத்துல புலம்புகிறாள். நாம போவோம் வா'
:rotfl:Quote:
Originally Posted by saradhaa_sn
:ty:
தொல்ஸ் தேர்தல் என்றாலே ஒரே இழுவைதான் போலும்
முன்பு திருவேங்கடம்/தோழர்
இப்பொழுது ...
ம்ம்
ரப்பர்தான்
saaratha,
monday kolangal-yai kaanavillaiye. Are u busy. How are u
Nalamthana.(':o')
:huh:
dock! dock!
In a nut shell,
Therdhal nadandhu mudindhadhu.
Vaaku ennum tharunathil Varadarajan vandhu sergirar. Thaan engum sellavillai, but silaraal kadathappattu, sirai vaikkappattadhaga solgirar.
(Chitra, Varadarajan adaikkappattirukkum work shopai kandu pidithu solla, Tholsum avar kootaligal Police get up-il poi adhiradiyaga Varadaraajanai meetkirargal. Tholsin vendugolukkinanga Varadarajan thols than thanni kappatrinar enbadhai sollavillai)
Indha therdhal selladhu enavaum maru therdhal nadakka vendum enavum abi tharappil vadham seigindranar. Adharku Adhi & Co mattum edhirpu therivikkindranar. Anaal matha members ellam Abikku support seiya maru therdhal nadai perugiradhu. Mudivu - Abi becomes President.
Adhiyai Menaka oru paarvai (Chee-nee ivlothana?) parthuvittu sendru vidugiral. Adhi is spell bound. Sits like a statue, kangalil kanneer.
Abi challenges him when he is left alone, and when the people gather again, she takes over as President. She clearly says that she respects every member but if any member tries to play foul politics on her or any other member, she would definitely put them in place.
Adhi continues to be silent, and Abi challenges him once again, saying that from that moment it is only victory for her and Adhi can look forward to more and more failures.
Saradhaa... edho oru chinna writeup. Waiting for you to conintue in style.
:ty: SudhaQuote:
Originally Posted by sudha india
keep up
U can do it
thanks for the update sudha india.:)
Friday : Only one segment.
Adhi still remained spell bound. Giri comes to take him home. But Adhi confronts him saying that he has been elected President and has to take oath and deliver the Presidential address. Saying so he sits in the president's chair and continues with his address assuming the members are there listening to his speech. But the hall is empty.
Kittathatta oru mananilai sari illadha aal pol thaniye pesugiran. What an acting !! Superb.
Devaraj Panidian comes and calls him. But Adhi does not recognise him and shouts at Giri to send him out.
After the speech, he slowly realises that he has lost the election and breaks down to a cry.
Yesterday was fully Aadhi's episode... Fantastic acting, numerous reactions and expressions. :thumbsup:
Thats Thols specialityQuote:
Originally Posted by sudha india
:-(
:ty:Quote:
Originally Posted by sudha india
:clap:
Thols says its 1400+ episodes and its now in 6th year
for more
http://www.cinechipz.com/tv/2009/01/...m-spl-program/
Nice updates Sudha.... :clap: :clap:
You has summerised one week episodes in sjort & sweet form (without any 'vaLa vaLaa' comments.... :notworthy:
:ty:
Keep it up...... :thumbsup:
welcome back Saradhaa
31, சங்கீதாQuote:
Originally Posted by aanaa
ஏதும் விடுபட்டிருந்தால்...
Sageetha dead...?. how?. by accident or murdered..?
I heared, in recent days Basker was showing affection on her.
(31 deaths in 6 year serial is not that much)
I think in Arasi also Ajay Rathnam killed Kavitha and Anuradha k.moorthy. (my family members discussed about that. But no discussion about Sangeetha's death).
Murdered by Baskar
thrown her from speeding car and then he crashed with a tree to looks like an accident.
Last 4 episodes........
Abi shares her happiness at home, on winning the election. While Anandhi, Karpagam and her mama are happy, Arthi is not happy. She questions Abi as to how Varadarajan escaped and also repeatedly says that someone must have saved him.
In the meantime Thols calls Abi and congratulate her. Abi thanks him but does talk much. She also tells her mother that the call was from another builder.
In Adhi's place, Adhi, Giri, Tiruvengadam and his son-in-law are found drinking. Adhi as usual shouts at the others and drinks a lot. Devaraj Pandian comes to tell Aadhi that some people dressed as police and another man in casual dress had taken Varadarajan. But Aadhi shouts at him too much that DP goes out saying that Aadhi has to repent for all that he has said.
(Looks like Aadhi has got another enemy now)
In Baskar's house, Sangeetha is so happy to see the reformed Baskar and talks happily with him and requests him to take her to a temple the next day.
So the next day they prepare to leave for the temple when alamelu insists that they should take her along. Basker shouts at her and leave her behind and take sangeeta and the kid. On the highway, its again sangeeta talking happily, when Baskar shows his true colour.
He changes his tone and says that he will never forgive Abi and will make her come to him. It is for this that he gave a good act all these days and made everyone believe that he has changed. He also confesses to Sangeeta that he killed her father for the money and is also going to take a risk and create an accident in such a way that he will get hurt and Sangeetha will be dead. He will also continue his act, suffering with the baby alone, which will make Abi come to him.
He takes speed and at a point pushes the crying sangeetha out of the car and purposely bangs on a tree and lay there unconscious with blood flowing from his forehead.
Abi returns on the same road when she spots sangeetha and the car with Baskar and the kid. She calls for an ambulance and admit them to a hospital where Sangeetha dies. Alamelu starts her oppari with all good words about her daughter-in-law and now Abi is totally in a confused stage.
Does the secrets of Baskar's evil acts / killings also die with sangeetha ? Will Abi know the intension of Baskar ? (Ofcourse she has to !)
Madam Saradhaa.......... continue pannunga.
Thank you SudhaQuote:
Originally Posted by sudha india
மனைவி சங்கீதாவிடம் அழகாகப் பேசி கோயிலுக்கு அழைத்துச்செல்லும் வழியில், பாஸ்கர் தன் சுயரூபத்தைக்காட்டுவதுடன், அவள் அப்பாவைக்கொன்றதும் தான்தான் என்ற உண்மையையும் போட்டு உடைக்கிறான். (அப்போது அவளுக்கு அவ்வளவு அதிர்ச்சி தேவையில்லை. அதான் ஏற்கெனவே அந்த குவாரியில் வேலைபார்த்த மேனேஜர் சொல்லியிருக்கிறாரே).
வேகமாகச்செல்லும் காரில் இருந்து அவளைத்தள்ளிவிட்டு, தனக்குப்பாதகமில்லாமல் மெதுவாக காரை கொண்டுபோய் ஒரு புளியமரத்தில் மோதி நிறுத்துகிறான். அவ்வழியே வரும் 'உலகப்பரோபகாரியான' அபி இதைப்பார்த்துவிட (அதென்ன இதுமாதிரி சம்பவங்கள் நடக்குமிடத்தில் அபி அல்லது தொல்காப்பியன் கரெக்டாக வந்து சேர்கின்றனர்?) ஆம்புலன்ஸுக்கு போன் செய்து ஆஸ்பத்திரியில் சேர்த்துவிட, அங்கு சங்கீதா இறக்கிறாள். அலமேலுவின் ஒப்பாரி எல்லை மீறுகிறது. தன்னை கடவுள் ரொம்பவே சோதிக்கிறான் என்று புலம்புகிறாள். (இந்த வார்த்தைகளைச்சொல்ல அலமேலுவுக்கு என்ன யோக்கியதை இருக்கிறதென்று தெரியவில்லை. நன்றாக இருக்கும் நேரங்களில் அடுத்தவர் வாழ்வில் மண்ணைப்போடுவதைத்தவிர வேறு எதையும் அவள் செய்யவில்லை. அபி, ஆனந்தி கல்யாணத்தை நிறுத்த மந்திரவாதியிடம் போனவள், இப்படி புலம்பும்போதே அவள் நாக்கு அழுகுவதாக காட்டியிருந்தால், கடவுள் இருப்பதை ஓரளவு நம்பலாம். தெய்வம் நின்று கொல்லுமாம். எப்போ..? தொண்ணூறு வயதுக்குப்பிறகா?)
அபியிடம் அலமேலு ஒப்பாரி வைத்துக்கொண்டிருக்கும்போதே, ஆர்த்தி வருகிறாள். உஷாவும் தொல்காப்பியனும் வருகின்றனர். தொல்ஸைக்கண்டதும் ஆர்த்தி வேறு பக்கம் திரும்பிக்கொள்கிறாள். (இருந்தாலும் ஆர்த்தியின் சாப்பாட்டில் தொல்ஸ் இவ்வளவு மண்ணை அள்ளிப்போட்டிருக்கக்கூடாது). பாஸ்கருக்கு ரத்தம் தேவையென்றதும் அபி, ஆர்த்தி, தொல்ஸ் மூவரும் ரத்தம் கொடுக்க முன்வருகின்றனர் (மூவருக்கும் 'பி+'...?. சரி, கதைதானே. சிந்துபாத் கதையில் மட்டும்தான் லாஜிக் பார்க்கக்கூடாதென்று சட்டம் எதுவும் இல்லையே).
தேர்தலில் தோற்ற ஆதித்யா, கிட்டத்தட்ட ஒரு பைத்தியம் லெவலுக்கு வந்துவிட்டான். ஜெயித்துக்கொண்டேயிருப்பவர்களுக்கு சின்ன தோல்வியைக்கூட தாங்க முடியாது. தன்னை நம்ப வைத்து கழுத்தறுத்த தேவராஜ் பாண்டியன் மேல் பாய்கிறான். வரதராஜன் தப்பித்து வந்து காரியத்தைக்கெடுப்பார் என்று அவன் கனவிலும் நினைக்கவில்லையே. அதுவும், தோற்றது அபியிடம் அல்லவா?.
தன் வீட்டாரிடம் அவனது தோல்வியை ஒப்புக்கொள்ள மனம் வரவில்லை. வாய்க்கு வந்தபடி புலம்புகிறான். அபியின் வெற்றியை அறிந்து சந்தோஷப்படும் அப்பாவின் மேல் சீறி விழுகிறான். ஆதியைப் பற்றி என்னமோ பெரிசாக நினைத்த காஞ்சனாவுக்கும், ரேகாவுக்கும், அனுவுக்கும் அபியின் வெற்றி அதிர்ச்சியளிக்கிறது.
அலமேலுவின் வீட்டில் சங்கீதாவின் படத்துக்கு மாலையிட்டு வைக்கப்பட்டிருக்க அபி, கற்பகம், ஆர்த்தி இவர்கள் மத்தியில் 'சங்கீதாவையே நினைத்து உருகுவதாக' அழுது அழுது போலி நாடகம் ஆடுகிறான் பாஸ்கர். உலகப்பரோபகாரியான அபிக்கு பாஸ்கர் மேல் கொஞ்சம் கொஞ்சமாக அனுதாபம் வருகிறது. ஒருகட்டத்தில், 'பாஸ்கர், கவலைப்படாதீங்க. உங்களுக்கு நான் இருக்கேன்' என்று சொல்லும் அபியைப்பார்த்து அதிர்ச்சியடையும் கற்பகம், இனிமேல் அவளை அங்கே விட்டுவைத்தால் முதலுக்கே மோசம் என்று நினைத்து அபியை வீட்டுக்குப்போவோம் என்று அழைக்க, அபி அம்மாவை முதலில் போகும்படியும் தான் பின்னர் வருவதாகவும் சொல்ல, அலமேலுவும் அபி இருக்கட்டும் என்று சொல்ல (இந்த மாதிரி ஜென்மங்களுக்கு எத்தனை நாக்குகள்..?), கற்பகம் வலுக்கட்டாயமாக அபியை அழைத்துச்செல்கிறாள். (டாக்டர் மகேஷோடு கல்யாணம் நிச்சயித்திருக்கும்போது வேதாளம் மீண்டும் முருங்கை மரம் ஏறிவிடக்கூடாதென்று கற்பகம் பயப்படுவது நியாயம்தானே).
பாஸ்கரின் வீட்டுக்கு அபி, கற்பகம், ஆர்த்தி போய்வந்தது ஆனந்திக்கு பிடிக்கவில்லை. இது அந்த பாஸ்கருக்கு கிடைத்த சரியான தண்டனைதான் என்கிறாள். அபியோ, இன்னமும் பாஸ்கரின் மீதும் குழந்தை மீதும் ரொம்பவே கரிசனமாகவும் அனுதாபமாகவும் பேசுகிறாள். இது ஆனந்திக்கு மட்டுமல்ல கற்பகம், சாரதா இவர்களையும் முகம் சுளிக்க வைக்கிறது. துக்கம் கேட்க போனோமா வந்தோமா என்றில்லாமல், இன்னும் ஏன் அவர்கள் மேல் கரிசனம் காட்டுகிறாள் என்று அவர்களுக்கு சங்கடம் (நமக்கும்தான்).
பாஸ்கர் ஒன்றும் அனாதை அல்ல. அம்மா இருக்கிறாள், தங்கையும் தங்கையின் கணவரும் இருக்கின்றனர். சங்கீதா கொடுத்த சொத்தும் பணமும் ஏராளமாக இருக்கின்றன. அப்புறம் என்ன?. இருக்கும் வேலைகளை விட்டு விட்டு அபிக்கு ஏன் இந்த புது தலைவலி?. ஓ... ஸாரி... மேடம் அவர்கள் உலகப்பரோபகாரியாச்சே. ஆனால் அவங்க தெருவின் கடைக்கோடி வீட்டில் இருப்பவரின் மனைவி இறந்தபோது அவருக்கு அனுதாபப்பட்டு உதவிக்குப்போகவில்லையே?. இத்தனைக்கும் அவர் அபிக்கும் தொல்காப்பியனுக்கும் தகாத உறவு இருப்பதாக கோர்ட் ஏறி சாட்சி சொல்லாதவர். அபியை ஒழித்துக்கட்டுவதாக சபதம் செய்யாதவர். அவர் மேல் இல்லாத அனுதாபம் இந்த அயோக்கியன் மேல் ஏன்?. ஸாரி, சில அனுதாபங்கள் நமக்கு இரக்கத்தை ஏற்படுத்தும். சில அனுதாபங்கள் நமக்கு எரிச்சலை ஏற்படுத்தும். அபி இரண்டாவது வகை.
வள்லலார், மகாத்மா காந்தி, நெல்சன் மண்டேலா, விவேகானந்தர், அன்னை தெரஸா இவர்களின் மொத்த உருவமாக அபி மேடம் உருவாக விரும்புகிறார் போலும். ஸாரி மேடம், உங்க நடவடிக்கைகள் எரிச்சலையே தருகின்றன. பாஸ்கரை மன்னிக்கும்போது, உங்க தம்பி ஆதியையும் நீங்க மன்னிக்கலாமே மேடம். அவன் விஷயத்துல மட்டும் ஏன் பிடிவாதம் பண்றீங்க?.
அபி ஆஃபீஸுக்கு கிளம்பும் நேரம் டாக்டர் மகேஷ் வந்துவிட, அவன் கண்ணெதிரிலேயே, 'தான் போகும் வழியில் பாஸ்கரையும் குழந்தையையும் பார்த்துவிட்டு' ஆஃபீஸ் போவதாகச்சொல்லிப்போகிறாள். இது யாருக்கும், குறிப்பாக ஆனந்திக்குப் பிடிக்கவேயில்லை. ஆனால், அபி செய்வது தவறில்லை என்று மகேஷ் சொல்கிறான்.
மேனகா 'பாசமலர்' படத்தின் கிளைமாக்ஸை டிவியில் பார்த்துக்கொண்டிருக்கும்போது, அண்ணன் தங்கை பாசம் பற்றி அவளுக்கும் அவளது 'வளர்த்த அப்பா'வுக்கும் விவாதம் வர, 'உனக்கு ஒரு அண்ணன் இருந்தால் அந்த பாசம் பற்றி தெரியும்' என்று 'அப்பா' சொல்ல, உடனே அவள் அண்ணன் தொல்காப்பியனின் நினைவுகளில் ஆழ்ந்துபோகிறாள். கண்கள் லேசாக கலங்குகின்றன.
ஆர்த்திக்கு கடன் கொடுத்த ஃபைனான்ஸியரையும், சிவசுவையும் ஆதி சத்தம் போட்டுக்கொண்டிருக்கிறான். ஆர்த்தி கையெழுத்திட்ட வெற்றுப்பத்திரத்தை வைத்து அவளை டார்ச்சர் பண்ணுமாறு சொல்வதோடு, ஆர்த்தி ட்ராவலாஸ் வண்டி எதுவும் ஓடக்கூடாதென சிவசுவிடம் சொல்ல, அவ்ற்றை ஏற்கெனவே ராஜேஷ் மார்வாடியிடம் அடமானம் வைத்து தன் 'செட்டப்' கவிதாவிடம் கும்மாளம் போட்டு வருவதாகவும், பேங்கில் லோன் போட்டு வாங்கிய வண்டியை அடமானம் வைப்பது தவறு என்றும் சொல்ல, அதையும் சொல்ல வேண்டிய இடத்தில் சொல்லி ஆர்த்தி மற்றும் ராஜேஷுக்கு நெருக்கடி கொடுக்குமாறு சொல்லி இருவரையும் விரட்டுகிறான். தன்னை விசாரிக்க வந்த போலீஸ் அதிகாரியிடம் தகாத முறையில் நடந்ததோடு, அவருடைய பெயர்பிளெட்டையும் பிடுங்கி வீசி அவரை அடித்து விட, அவனை ஒருகை பார்ப்பதாக போலீஸ் இன்ஸ்பெக்டர் மிரட்டிப்போகிறார். ஆதி தப்பு செய்துவிட்டதாக சொல்லும் கிரியையும் ஆதி அடித்து விரட்டுகிறான்.
முன்பு தொல்காப்பியனை மாட்ட வைப்பதற்காக ஆர்த்தியை தொல்ஸின் செல்போனில் போட்டோ எடுத்தவன், நள்ளிரவில் ஆளரவமில்லாத வழியே தன் மனைவியோடு போகும்போது வழியில் பைக் ரிப்பேராகி நிற்க, அப்போது அந்தப்பெண்ணிடம் நான்கு நவுடிகள் வம்பு பண்ண, தடுத்த கணவனையும் அவர்கள் புரட்டியெடுக்க, அவ்வழியே சுமோவில் வரும் தொல்காப்பியன் (?!?!?!?!) அவர்களை உருட்டுக்கட்டையால் அடித்து விரட்டி, காலில் அடிபட்டிருந்தவனை தன் காரில் ஏற்றி ஆஸ்பத்திரிக்கு கொண்டு செல்லும் வழியில், அவனுக்கு தான் தொல்காப்பியனுக்கு செய்த துரோகம் மனதில் ஓடுகிறது. அனேகமாக மனம் மாறி தொல்ஸுக்கு ஆதரவான சாட்சியாக மாறக்கூடும்.
ஆதியை அழைக்கும் மேனகா, ஆனந்தியின் பத்திரிகையில் தான் வாங்கியிருக்கும் ப்ளாட் பற்றியும் ,அதைக்காலி செய்ய அடாவடித்தனங்கள் செய்வதாகவும் எழுதியிருப்பதையும், அதில் ஆதியையும் குறிப்பிட்டு எழுதியிருப்பதையும் காட்டுவதுடன், தன்னிடம் விற்க மறுத்தவர்களுக்கு ஆதரவாக தோழர் போராட்டம் நடத்தப்போவதாகவும் சொல்ல, ஆதி மீண்டும் வெறி கொள்கிறான். மேனகா தடுத்தும் கேளாமல் அவர்கள் இருவரையும் கொல்லப்போவதாகச் சொல்லி வெளியேறுகிறான். மேனகாவுக்கு அவனது இந்த நடவடிக்கை பிடிக்கவில்லை என்பதை அவளது கவலை தோய்ந்த முகம் காட்டுகிறது.
welcome back Saradha
:ty:
அபி காரை விட்டு இறங்கி போன் செய்துகொண்டிருக்கும் இடமாகப்பார்த்து, பாஸ்கர் தன் குழந்தையை ரோட்டில் இறக்கி விட்டு விட்டு, தான் குடிபோதையில் காரில் சாய்ந்துகிடப்பதுபோல பாவலா பண்ண், அதையறியாத அபி பாஸ்கரையும் குழந்தையையும் அலமேலு வீட்டுக்கு அழைத்து வர வீட்டில் யாருமில்லை. பாஸ்கரை படுக்கையில் படுக்க வைத்து விட்டு, அபி கூடத்துக்கு வர, அந்நேரம் பார்த்து வித்யாவின் கணவன் வந்து, பாஸ்கரை தான் பார்த்துக்கொள்வதாகச்சொல்ல, அபி வெளியேற, தன் திட்டத்தை பாழடித்த மாப்பிள்ளையை பாஸ்கர் போதையில் உதைப்பதுபோல உதைத்துத்தள்ளுகிறான்.
ஆதியின் ஏவலின்படி ஃபைனான்ஸியர், ஆர்த்தி வீட்டில் வந்து கடன பணத்தை உடனே திருப்பித்தர வேண்டும் இல்லையேல் வீட்டை தன் பெயருக்கு மாற்றித்தரவேண்டும் என்று நெருக்குகிறார். ஆர்த்தியும் ராஜேஷும் இன்னும் கொஞ்சம் அவகாசம் கேட்டு எவ்வளவு கெஞ்சியும் பலனில்லை. வாய்ச்சவடால் பேசும் கலாவையும் அடக்குகிறார். வேறு வழியில்லாமல் வீட்டை தன் பெயருக்கு மாற்றி எழுதிய பத்திரத்தை ஃபைனான்ஸியர் நீட்ட ஆர்த்தி கண்ணீருடன் கையெழுத்திடுகிறாள். இன்னும் ஒரு மணி நேரத்தில் வீட்டை காலி பண்ணித்தர வேண்டும் என்ற கண்டிஷனுடன், தன் அடியாட்களையும் அங்கே விட்டு விட்டு, பக்கத்து வீட்டில் இருக்கும் மனோவிடம் போகிறார். ஆர்த்தியின் வீட்டில் நடந்தவற்றை வாசலில் நின்று ரசித்துக்கொண்டிருந்த மனோவை, தன்னிடம் கடனாக வாங்கிய பணத்தை உடனே திருப்பித்தர வேண்டுமென்றும் இல்லாவிட்டால ஆர்த்தி செய்தது போல வீட்டை எழுதித்தர வேண்டும் என்று கெடுபிடி செய்ய அவனும் திக்குமுக்காடிப்போகிறான். திருப்பித்தர அவகாசம் கேட்டும் பலனில்லாமல் வீட்டுப்பத்திரத்தில் கையெழுத்துப் போட்டுத்தர, மனோவையும் இன்னும் ஒரு மணி நேரத்தில் வீட்டை காலி செய்யுமாறு எச்சரித்துப்போகிறார்.
அம்மா வீட்டில் இருக்கும் அனுவிடம் இந்த விஷயத்தை மனோ சொல்ல அவள் ஆடிப்போகிறாள். மனோ காஞ்சனாவிடம் போய், ஆதியிடம் சொல்லி பத்திரத்தை திரும்பப்பெற உதவி செய்யுமாறு கூற, அவளோ ஆதி இப்போதுள்ள மனமுடைந்த நிலையில் அவனிடம் இதுபற்றியெல்லாம் பேச முடியாதென்றும், நேரம் பார்த்து பக்குவமாக சொல்லுவதாகவும் சொல்கிறாள். மேலும், ஏற்கெனவே ஒருமுறை ஆதி உதவி செய்ததை சரியானபடி மனோ பயன்படுத்திக்கொள்ளவில்லையென்று சாடுகிறாள். ரேகாவின் முகத்தில் ஏளனப்புன்னகை.
எப்படியோ, ஆதியண்ணாவை நம்பிய இரண்டு குடும்பமும் நடுத்தெருவில்...
இனி 'ஆதியண்ணா' என்ன கதியானார் என்று பார்ப்போம்....
கட்டிடத்தைக்காலி செய்ய மறுப்பவர்களுக்காக களத்தில் குதித்துப்போராடுவது குறித்து தோழர்களுடன் விவாதித்துக்கொண்டிருக்கும் 'தோழர்' கிரி வருவதைப்பார்த்து விவரம் கேட்க, அவன் தன் பாஸ் ஆதி, தோழரை சந்திக்க தெருவில் காத்திருப்பதாக சொல்ல, ஆதியைச்சந்திக்கச்செல்கிறார். ஆதி அவரிடம், இந்தப்பிரச்சினையில் இருந்து ஒதுங்கிக்கொள்ள எவ்வளவு பணமும் தர தயாராக இருப்பதாகச்சொல்ல, தோழர் மறுத்து சிரிக்கிறார். வழக்கம்போல ஆதி கோபம் கொண்டு கத்துகிறான். தோழரோ அமைதியாக பேசுகிறார். ஒரு கட்டத்தில் ஆதி துப்பாக்கியை எடுத்து தோழரை சுட்டுவிடுவதாக மிரட்ட, அப்போது ஆட்டோவில் அங்கு வரும் ஆனந்தி, அதைத்தடுக்க அவர்கள் இருவரையுமே சுட்டுக்கொன்றுவிடுவதாக கத்த, பாவம் கிரியோ அவனை அடக்க முடியாமல் தடுமாறுகிறான். (ஆதிக்கு பிரஷர் ஏறிய எபிசோட்டில் இருந்து கிரியின் ரோலும் நடிப்பும் நன்றக இருக்கிறது).
தோழரையும், ஆனந்தியையும் ஆதி துப்பாக்கியுடன் மிரட்டிக்கொண்டிருக்கும் நேரம், ஏற்கெனவே ஆதியால் அடித்து அவமானப்படுத்தப்பட்ட போலீஸ் இன்ஸ்பெக்டர், தன் படையுடன் அங்கு வந்து துப்பாக்கியும் கையுமாக நிற்கும் ஆதியை கைது செய்கிறார். தோழரையும் ஆனந்தியையும் ஸ்டேஷனுக்கு வந்து ஒரு புகார் கொடுக்குமாறு சொல்ல அவர்கள் சம்மதிக்கின்றனர்.
தொடர் கிட்டத்தட்ட முடிவை நெருங்குவது போல தெரிகிறது...
மேனகாவின் அண்ணன் பாசம், ஆர்த்தி விஷயத்தில் தான் நிரபராதி என்று நிரூபிக்க தொல்ஸுக்கு கிடைத்த சாட்சி, ஆதித்யாவின் கைது, ஆர்த்தி, மனோ இருவரும் தெருவுக்கு வந்த நிலை (ட்ராவல்ஸ் வண்டிகள் கைமாறிய விவரம் இன்னும் ஆர்த்திக்கு தெரியாது)..... இவற்றை பார்க்கும்போது கிளைமாக்ஸ் நெருங்கிவிட்டதோ எனத்தோன்றுகிறது.
நன்றி ஆனா...
போலீஸ் ஸ்டெஷனுக்கு கொன்டு செல்லப்பட்ட ஆதி, அங்கு இன்ஸ்பெக்டருடன் தகராறு செய்கிறான். இன்ஸ்பெக்டர் ஆள் தெரியாமல் விளையாடுவதாகவும், அதன் பலனை அவர் அனுபவிக்க நேரிடும் என்றும் கத்தி கூச்சலிடுகிறான். இன்ஸ்பெக்டரோ அசறுவதாக இல்லை. அந்நேரம் அங்கு கமிஷனர் வர, அவர் தன்னை எப்படியும் விடுவிப்பார் என்று கணக்குப்போடும் ஆதியின் தலையில் மண் விழுகிறது. ஆதியைக் கைது செய்யச்சொன்னதே தான்தான் என்று கமிஷனர் சொல்ல ஆதிக்கு மேலும் அதிர்ச்சி. கமிஷனர் தன்னுடைய செல்போனை ஸ்விட்ச் ஆஃப் செய்வதோடு, இன்ஸ்பெக்டரிடமும் செல்போனை லாக் பண்ணச்சொல்கிறார். அத்துடன் ஸ்டேஷனிலுள்ள லாண்ட் லைன் போன்களையும் முடக்கி வைக்கச்சொல்கிறார்.
அப்போது தொண்டர்களின் 'வாழ்க' கோஷங்களோடு அங்கு நுழையும் திருவேங்கடம் M.L.A., கமிஷனர் முன் அலட்சியமாக நடக்க முற்பட, கமிஷனரால் எச்சரிக்கப்படுகிறார். தொண்டர்களையும் கிரியையும் போலீஸ் வெளியேற்றுகிறது. கிரியை விடுவிக்கச்சொல்லும் திருவேங்கடத்திடம் கமிஷனர் மறுப்பதுடன், போலீஸ் நிலையத்தில் புகுந்து கலாட்டா செய்ததாக திருவேங்கடத்தையும் உள்ளே வைக்க நேரும் என்று எச்சரிக்க, திரு அடங்குகிறார். புறப்படும் கமிஷனரை அனுப்ப இன்ஸ்பெக்டர் வாசலுக்கு செல்ல, அந்நேரத்தைப் பயன்படுத்தி ஆதி, திருவேங்கடம் காதில் ஏதோ ஓதுகிறான். இன்ஸ்பெக்டர் திரும்பி வந்து திரு. வையும் வெளியேற்றுகிறார்.
ஆர்த்தி குடும்பம் தெருவில் நிற்கிறது. எங்கே போவதென்று தெரியாமல் விழிக்கின்றனர். எங்காவது வாடகை வீடு பார்க்கும்படி ராஜேஷின் அண்ணன் சொல்ல, அதற்கும் அட்வான்ஸ் கொடுக்க பணமில்லாமல் கையைப்பிசைந்து நிற்க, அப்போது காரில் இரண்டு அதிகாரிகள் வருகின்றனர். ட்ராவல்ஸுக்கு வண்டி வாங்க ஆர்த்திக்கு கடன் கொடுத்த பேங்கிலிருந்து வந்துள்ளனர். கடனைக்கட்டாததால் வண்டியை எடுத்துப்போவதாகச்சொல்ல, ராஜேஷ் அதற்கு மறுக்கிறான். ஆனால் ஆர்த்தியோ இப்போது கடனை அடைக்க வழியில்லாததால் வண்டியைக்கொடுத்துவிடுவோம் என்று சொல்ல, வங்கி அதிகாரி அந்த வண்டிகள் வேறொருவரிடம் ராஜேஷால் அடம்ணம் வைக்கப்பட்டிருப்பதாகச் சொல்லி அந்த ஆளையும் அறிமுகப்படுத்த, ஆர்த்திக்கு தலை சுற்றுகிறது. என்ன நடக்கிறது இங்கே?.
வங்கி அதிகாரிகள் ஆர்த்தியிடம் கடனுக்காக வண்டிகளைக்கேட்க, அடமானம் பெற்றவனோ ஒன்றரை லட்சம் இல்லாமல் வண்டிகளைத்தர முடியாதென்று மறுக்க, வங்கி அதிகாரிகள் ஆர்த்தி மேல் போலீஸ் நடவடிக்கை எடுக்கப்போவதாக சொல்ல, ஆர்த்தி 'இதோ வந்து விடுகிறேன்' என்று போகிறாள். வேறெங்கு போகப்போகிறாள்?. அபியக்காவிடமாகத்தான் இருக்கும். (அது இன்னும் காட்டப்படவில்லை). அல்லது ஒருவேளை ஆதியண்ணாவிடமா?. அவர்தான் கம்பிகளை எண்ணிக்கொண்டிருகிறாரே. எப்படியோ, ஆர்த்தி தெருவுக்கு வந்தது நமக்கு மகிழ்ச்சி. பின்னே என்னங்க?. நாம என்ன அபியைப்போல மகாத்மாவின் பேத்தியா?. சாதாரண மனிதர்கள்தானே. ஆர்த்தியைப்பார்க்கும்போதெல்லாம், அவள் பாண்டிச்சேரி ஓட்டல் அறையில் சிரித்த வஞ்சகச்சிரிப்புத்தான் நினைவு வருகிறது. நீங்களும் அதை மறந்துடாதீங்க. மறந்தால் ஆர்த்தியின் மீது அனுதாபம் வந்து விடும்.
ஆனந்தியைத்தேடி தோழர் அபியின் வீட்டுக்கு வருகிறார். அபி, ராஜேந்திரன், ஆனந்தி எல்லோரும் சந்தோஷமாக வரவேற்று காஃபி அளித்து உபசரிக்கின்றனர். ஆதி போலீஸில் மாட்டியிருப்பதால், இனிமேல்தான் ஆனந்தியும் தோழரும் ரொம்ப ஜாக்கிரதையாக இருக்க வேண்டுமென்று அபி எச்சரிக்கிறாள். ஆதி ஒரு அடிபட்ட பாம்பு, எந்த நேரமும் கொத்துவான் என்று உஷார் படுத்துகிறாள். ஆனந்தி தோழருடன் புறப்படுகிறார்.
ஆதியின் காட்டுக் கூச்சலேதான்..
ஆக
பாஸ்கரின் தந்திரம் வெல்கின்றதா??
--:ty: saradha
ஆதியை விடுவிக்க மேனகாவே நேரடியாக காவல் நிலையம் வருகிறாள். ஸ்டேஷன் வாசலில் நிற்கும் திருவேங்கடத்தைப் பார்த்ததும் அவள் எரிச்சல் அதிகமாகிறது. எம்.எல்.ஏ.யாக இருந்தும் ஆதியை வெளியில் கொண்டு வரமுடியாத அவரது கையாலாகத்தனத்தைச் சாடுகிறாள். அவரோ சற்றும் சலைக்காமல் தனது வெத்து வேட்டு அரசியல் டயலாக்குகளை அள்ளி வீச, மேலும் எரிச்சலாகி உள்ளே போகிறாள். இன்ஸ்பெக்டரின் அனுமதியில்லாமல் நேரடியாக ஆதியிடம் போய் அவள் பேச, இன்ஸ்பெக்டர் ஆட்சேபிக்கிறார். உடனே ஆதி கத்தத் துவங்குகிறான். (தன் கத்தலுக்கு மசியாத இன்ஸ்பெக்டர் என்று தெரிந்தும் ஆதி இப்படி காட்டுக்கூச்சல் போடுவது எரிச்சலைத் தருகிறது). நிலைமையின் தன்மையை அறிந்த மேனகா, ஆதியை அமைதிப்படுத்தி, இன்ஸ்பெக்டரிடம் மன்னிப்புக்கேட்டுக்கொள்கிறாள். இருப்பினும் இன்ஸ்பெக்டர் அவளை ஆதியுடன் பேச அனுமதிக்கவில்லை. தி.நகரில் ஒரு பங்களா தருவதாக ஆசை காட்டும் மேனகாவை, லஞ்சம் கொடுக்க முயன்ற குற்றத்துக்காக கைது செய்ய நேரிடும் என்று இன்ஸ்பெக்டர் எச்சரிக்க, சோர்ந்த முகத்துடன் வெளியே வருகிறாள்.
ஆதியில்லாமல் வெறும் கையுடன் வரும் மேனகாவைப் பார்த்து, திருவேங்கடத்துக்கு இன்னும் எக்காளமாகிறது. தன் அரசியல் அறிவை பயன்படுத்தி மட்டுமே ஆதியை வெளியே கொண்டு வரமுடியும் என்று திருவேங்கடம் சொல்ல, அதற்கான வழியை மேனகா கேட்க, இன்ஸ்பெக்டரை ஒரு ஜாதிக்காரராகவும், ஆதியை இன்னொரு ஜாதிக்காரனாகவும் சித்தரித்து நாட்டில் ஜாதிக்கலவரத்தைத் தூண்டுவதே இதற்கு தீர்வு என்று சொல்கிறார். (விரைவில், ஜாதிக்கலவரத்தை தூண்டியதற்காக எம்.எல்.ஏ.சார் கைதாகக்கூடும்). கலவரத்தைத்தூண்ட பணம் தேவைப்படும் என்று கூறி அதற்கும் ஒரு பணப்பெட்டியை மேனகாவிடம் பெற்றுக்கொள்கிறார்.
நாம் நினைத்தபடி 'ஆதியண்ணா'வின் ஆஃபீசுக்குத்தான் ஆர்த்தி போகிறாள். (முன்பு, தனக்காக முக்கியமான மீட்டிங்கையே தள்ளி வச்சிட்டு வந்து 'உதவிய'(??) அண்ணாவாச்சே). ஆனால் ஆதி அன்று காலையிலிருந்தே ஆஃபீஸ் வரவில்லையென்று ரிசப்ஷனிஸ்ட் சொல்ல, அவர் வந்தால் ஆர்த்தி தேடி வந்ததாக சொல்லும்படி கூறி விட்டு வெளியே வர, அங்கே இரண்டு பேர் ஆதி போலீஸாரால் கைது செய்யப்பட்டு காவலில் வைக்கப்பட்டிருப்பதாக பேசிக்கொள்ள..... ஆர்த்தி மேடத்துக்கு அதிர்ச்சி. இனி என்ன செய்வது?. வேறு வழியில்லை. ஏமாளி 'அபியக்காதான்' கதி. ஆனால் அங்கும் ஆப்பு காத்திருக்கிறது.
ஆம்.... காலில் அடிபட்டு நடக்க முடியாமல் நொண்டி நொண்டி நடந்து அபி வீட்டுக்கு வரும் சுரேஷ் (அபி அலுவலகத்தில் வேலை செய்த ஆர்த்தியின் எடுபிடி, முந்தாநாள் தொல்காப்பியனால் ரவுடிகளிடமிருந்து காப்பாற்றப்பட்டவர்) அபியை சந்தித்து விவரங்களைக் கூறத்தொடங்குகிறான்.
அபியை விட்டு தொல்காப்பியன் விலகியதற்கு ஆர்த்திதான் காரணமென்றும், அவள சொல்படியே தான் தொல்ஸுக்கு எதிரான செயல்களில் இறங்கி அவரை மாட்ட வைத்ததாகவும், அபி அமெரிக்கா சென்றிருந்த நேரம் ஆர்த்தியின் அடாவடி செயல்களைச் சொல்லத்துவங்க அவை ஃப்ளாஷ் பேக்காக விரிகிறது. புதிய சப்ளைய்ரகளை நியமிக்க தொல்ஸ் எதிர்ப்பு தெரிவித்தது, ஆர்த்தியின் தான்தோன்றித்தனமான முடிவுகளுக்கு கட்டுப்பாடு விதித்தது, அதனால் ஆர்த்தி தொல்ஸை ஒழித்துக்கட்ட முடிவு செய்தது, தன்னை விட்டே அவளை தொல்ஸின் செல்போனில் ஃபோட்டோ எடுக்க வைத்தது, பாண்டிச்சேரி ஓட்டலில் நடந்தவற்றை தன்னிடம் விவரமாக சொன்னது எல்லாவற்றையும் விவரமாக கூறி, தான் ஆர்த்திக்கு உடந்தையாக செய்த தவறுகளுக்கு மன்னிப்பு கேட்பதாகவும், ஆஃபீஸில் தான் திருடியதாக பழி சுமத்தப்பட்ட பணத்தையும் ஆர்த்திதான் கையாடினாள் என்பதையும் சொல்லி, அபியிடம் மன்னிப்பு கேட்கிறான்.
இப்போது அபியின் மனதில் மீண்டும் ஃப்ளாஷ்பேக். தான் அமெரிக்காவில் இருந்து திரும்பியபோது விமான நிலையத்தில் தொல்காப்பியனை புறக்கணித்தது, கம்பெனியைவிட்டே அவரை வெளியே அனுப்பியது, போகும்போது தனக்காக ஒரு சல்லிக்காசுகூட பெற்றுக்கொள்ளாமல் தொல்ஸ் வெளியேறியது எல்லாம் நினைவில் தோன்ற அபி மனதில் ஒரு தீர்க்கமான முடிவு தோன்றுகிறது. (தேவயானியின் முகபாவம்.... வாவ், சூப்பர்). மீண்டும் மன்னிப்பு கேட்கும் சுரேஷை போகும்படி சைகை காட்டி அனுப்புகிறாள்.
இனிதான் ஆர்த்திமேடம் வந்து அபியிடம் வாங்கி கட்டிக்கப் போறாங்க. பேங்க் அதிகாரிகள் போலீஸ் மூலம் நடவடிக்கை எடுத்தால், அனேகமாக ஆதியண்ணாவுக்கு அடுத்த 'செல்'லில் ஆர்த்தி மேடம் அடைக்கப்படக்கூடும். ஜாதிக்கலவரத்தைதூண்டிய குற்றத்துக்காக கைதாகப்போகும் எம்.எல்.ஏ. சார் மூன்றாவது 'செல்'லுக்கு வரக்கூடும்.
நான் சொல்லலை... முடிவு நெருங்குகிறதென்று....?
sarada mam,
Thanks for ur updates..... :D
யாருக்கு ????Quote:
Originally Posted by saradhaa_sn
:ty:
நன்றி ப்ரியா & ஆனா.....
அலுவலகத்துக்குள் வரும் அபி, தன்னுடைய அறைக்குச் செல்லாமல், ஏதோ நினைவில் ஃபைல் ரூமுக்கு வந்துவிடுகிறாள். (அபியின் அலுவலகம் என்று காட்டப்படும் அறை, ஏகப்பட்ட சீரியல்களில் இடம்பெறுவதால், ஷூட்டிங் நேரத்தில் கிடைகாமல் இருந்திருக்கக்கூடும்). அப்போது அபியைப்பார்க்க வரதராஜன் வருகிறார். சும்மா அபியைப் பார்த்துவிட்டுப் போவதாகவும், மாலை அசோஸியேஷன் அலுவலகம் வருமாறும் சொல்லிப்போகும் அவரை நிறுத்தும் அபி, தேர்தலன்று அவரைக்கடத்தியவர்களிடம் இருந்து எப்படி தப்பித்தார் என்று கேட்க, அந்த ரவுடிகள் அசந்த நேரம் பார்த்து தப்பியதாகச்சொல்லும் அவர், அபி மீண்டும் துருவித்துருவிக்கேட்க, அதற்குமேல் பொய் சொல்ல முடியாமல், தன்னை தொல்காப்பியன்தான் ஆட்களுடன் வந்து மீட்டு, அசோஸியேஷன் அலுவகம் வரை காரில் கொண்டு வந்து விட்டுச்சென்றதாகவும், இந்த விவரங்களை அபியிடம் சொல்ல வேண்டாம் என்று அவரிடம் சத்தியம் வாங்கிக்கொண்டதாகவும் சொல்கிறார். இப்போது அபிக்கு தொல்காப்பியன் மீதுள்ள மதிப்பு மேலும் உயர்கிறது. தன்னை விட்டு விலகியிருக்கும்போதும் கூட தன்னுடைய உயர்வுக்காக தொல்ஸ் செய்து வரும் காரியங்கள் அவளை பெருமையடைய வைக்கின்றன.
அபியில்லாத நேரத்தில் ஆர்த்தி கம்பெனி பணத்தை சொந்த விஷயத்துக்கு உபயோகப்படுத்திய விஷயம் பற்றி சுரேஷ் சொன்னது நினைவுக்கு வர, உடனே கிருஷ்ணனை அழைத்த அபி, சஸ்பென்ஸ் அக்கவுண்ட்டில் உள்ள 25 லட்சம் பற்றி ஏன் தன்னிடம் தெரிவிக்கவில்லை என்று லெஃப்ட் அண்ட் ரைட் வாங்க, அவர் அபி அமெரிக்கா சென்ற நேரத்தில் ஆர்த்திதான் எம்.டி. யாக இருந்ததால் ஆர்த்தி கேட்கும்போதெல்லாம் பணம் கொடுக்க வேண்டியதாயிற்று என்று கூறுகிறார். உடனே அபி 'எல்லாம் தொல்காப்பியனால் வந்தது. நான் அமெரிக்கா செல்லும்போது அவரைக் கம்பெனியைப் பார்த்துக்கொள்ளச்சொன்னதற்கு, அவர்தான் இந்த ஆர்த்தியை பொறுப்பில் வைக்கும்படி சொன்னார்' என்று முணுமுணுக்க, கிருஷ்ணனுக்கு அதிர்ச்சி. ஆர்த்தி வரக்கூடாதென்று தொல்ஸ் சொன்னதாகவல்லவா இதுவரை நினைத்துக்கொண்டிருந்தார்?.
கிருஷ்ணன் அங்கிருந்து போனதும் ‘ஆர்த்தி மேடம்’ பரபரவென்று ஓடி வந்து தனக்கு உடனடியாக 20 லட்சம் பணம் வேண்டுமென்று கேட்க, அபியோ அவள் முதலில் கம்பெனியில் எடுத்த 25 லட்சத்துக்கு கணக்கு என்னாச்சு என்று கேட்கிறாள். ஆர்த்தி மேடம் அதிர்ச்சியுடன், அதைப்பற்றி பின்னர் விவரமாக சொல்வதாகவும் இப்போது அவசரமாக பணம் தேவையென்றும் சொல்ல, அபி பிடிவாதமாக மறுக்கிறாள். முதலில் 25 லட்சத்துக்கான விவரம் வேண்டுமென்று அபி கண்டிப்புடன் கூற, உடனே ஆர்த்தி மேடத்துக்கு கோபம் தலைக்கேறுகிறது. 'நீயெல்லாம் ஒரு அக்காவா?. இனிமேல் உன் கம்பெனி பக்கமே தலை வைத்துப்படுக்க மாட்டேன்' என்று சாபமிட்டு வெளியேறுகிறாள்.
திருவேங்கடத்தின் திட்டத்தின்படி தமிழகத்தின் முக்கியமான நகரமெங்கும் ஆதியை விடுதலை செய்யக்கோரி பேரணிகள் நடக்கின்றன (சும்மா ஊருக்கு பத்து பதினைந்து பேர்). ஆதியை ஜட்ஜ் முன் நிறுத்தி ரிமாண்ட் செய்ய கமிஷனர் அழைத்துப்போகும்போது, சீஃப் செக்ரட்டரியிடமிருந்து அவருக்கு போன் வருகிறது. சட்டம் ஒழுங்கு நிலைமை மோசமடைவதால் ஆதியை விடுதலை செய்யுமாறு சீஃப் செக்ரட்டரி கூற ஆதி விடுதலை செய்யப்படுகிறான். தன்னை அரெஸ்ட் செய்த போலீஸாரை ஒருகை பார்ப்பதாக ஆதி எச்சரிக்கை செய்துவிட்டுப்போகிறான்.
:ty: Saradha
Quote:
[quote = "Mani Manivannan" from different gruop]
புதன்கிழமை ஒளிபரப்பான கோலங்கள், அரசி தொடர்களை யாரேனும் பார்த்தீர்களா?
வசனங்கள் வழக்கத்துக்கு மாறாக, பூடகமாக, சற்றுச் சூடாகவே இருந்தது போல் தெரியவில்லை?
"பக்கத்து வீட்டில் தீ பற்றி எரிகிறது என்பதைப் பற்றி தமிழனுக்கு அக்கறையே இல்லை! நம் இனத்தையே அழிப்பதைப் பார்த்துக் கொண்டு எப்படி கை கட்டிக் கொண்டு இருக்க முடியும்?" என்று தோழர் கொதிக்கிறார்!
"எங்கெல்லாம் அராஜகம் கை ஓங்குகிறதோ, அநீதி தழைக்கிறதோ, அங்கே அரசி ஆயுதம் ஏந்திப் போராடத் தயங்க மாட்டாள்" என்று பிணைக்கைதியாய் இருக்கும் அரசி கொதிக்கிறார்.
ம்ம்ம்.
வசனம் எழுதியவர்கள் தணிக்கையாளர்கள் கண்ணில் எதையோ தூவி விட்டு ஊசி வெடி வெடித்திருக்கிறார்களோ!
நன்றி ஆனா....
ஆதி விடுதலையானதில் தோழர் மற்றும் ஆனந்தி மிகவும் கொதிப்புடன் உள்ளனர். இம்முறை காவல்துறையும் கவனமாகச்செயல்பட்டும் கூட, நாட்டைப்பீடித்திருக்கும் சாதி உணர்வு' நியாயங்களை ஒதுக்கித்தள்ளி அநியாயங்கள் தலைவிரித்தாடதுணை நிற்பதாகக் கொதிதெழும் தோழர், தமிழன் சாதி என்ற உணர்வைக்கடந்து, இன உணர்வு கொள்ளும்வரை ஆதி போன்ற அயோக்கியர்களும், திருவேங்கடம் போன்ற சுயநல அரசியல்வாதிகளுமே பயனடைவர் என்று குமுறுகிறார். அவரது பேச்சு, அரசியல்வாதிகள் என்னும் எல்லையைக் கடந்து, பக்கத்து நாட்டில் பற்றியெறிந்துகொன்டிருக்கும் இனப்படுகொலையையும், தன் இனம் தன் கண்முன்னே அழிக்கப்படுவதைக் கண்டும் காணாமல் இருக்கும் சுயநலப்போக்கினையும் சூசகமாகச்சாடுகிறது. தோழர் ஒருவர், 'தோழரை' தற்போதைய நிலவரத்துக்கு நினைவுக்கு கொண்டு வர, 'தோழரும்' சுதாரிக்கிறார். (ஏற்கெனவே பொதுப்பிரச்சினைகளை அலசும்போது கொதித்தெழும் ஆதவன், நேற்றைய எபிசோட்டில் ரொம்பவே உணர்ச்சிப்பிழம்பானார்). பேச்சோடு பேச்சாக ஒரு விஷயத்தை மேலோட்டமாகச் சொன்னார். 'இதுவரை நாம் வலியச்சென்று தாக்கவில்லை, மற்றவர்களால் தாக்கப்படும்போது மட்டும் தற்காப்பில் ஈடுபட்டோம். இனி நாமும் தாக்குவோம். அதில் நானே மரணித்தாலும் கூட நீங்களெல்லாம் கொள்கையில் உறுதி மாறாமல் நின்று போராட வேண்டும்' என்றார். தோழரின் இப்பேச்சு ஆனந்தி உட்பட அனைவருக்கும் அதிர்ச்சி தந்தபோதிலும், அவர்கள் தோழரின் கோரிக்கையை ஏற்றனர். அநீதிக்கும் அராஜகத்துக்கும் எதிராக தன்னுயிரையே தந்து, உண்மையான கம்யூனிஸத்தின் கொடியை உயர்த்திப்பிடிக்கப்போகிறாரா தோழர்..?.
மீனவர் குப்பத்திலுள்ள தன் வீட்டுக்கு வரும் தொல்காப்பியன், தனது வீட்டில் ஏற்கெனவே அவரது நண்பர் என்று சொல்லிக்கொண்டு ஒரு பெண் வந்து காத்திருப்பதாக குப்பத்திலுள்ள ஒரு பெண் சொல்லக்கேட்டு, அது உஷா அல்லது சித்ராவாக இருக்கக்கூடும் என்று நினைத்து, 'உஷா' என்றைழைத்தபடி உள்ளே நுழையும் தொல்ஸ், அங்கு சமையலறையிலிருந்து வெளிப்படும் அபியை கொஞ்சமும் எதிர்பார்க்காததால் சற்று குழப்பம் கலந்த வியப்புடன், அல்லது வியப்பு கலந்த குழப்பத்துடன் பார்க்க, அபி முகத்தில் சமீபகாலமாக காணாமல் போயிருந்த ஒரு தெளிவும் அமைதியும் குடிகொண்டிருப்பதைப்பற்த்து தொல்காப்பியனின் முகத்தில் நிம்மதி கலந்த ஒரு புன்னகை வெளிப்படுகிறது. (சிலரின் முணுமுணுப்பு: 'ஏன் இப்படி ஒரே வாக்கியமாக எழுதி கழுத்தறுக்கிறே சாரதா?')
முதலில் தண்ணீர் அளிக்கும் தொல்ஸ், பின்னர் காஃபி கொடுத்து உபசரிக்க, அதை அருந்திய அபி, தொல்காப்பியனுடன் தனியே பேச விரும்புவதாகச்சொல்ல, இருவரும் கடற்கரைக்கு வருகின்றனர். தொல்ஸ் அபியைப்பார்க்க, அபி கடலையே பார்த்துக்கொண்டிருக்க சிறிது நேரம் அமைதியிலேயே கடக்கிறது. 'அபி, ஏதோ பேசணும்னு சொன்னீங்க' என்று தொல்ஸ் ஆரம்பிக்க, அவ்வளவுதான் அபியின் கண்கள் மடைதிறந்துகொண்டன. தொல்ஸை பழைய உரிமையோடு கண்டிக்கிறாள். தான் அமெரிக்கா போயிருந்தபோது நடந்த சம்பவங்களை, குறிப்பாக ஆர்த்தியால் தொல்ஸ் பட்ட அவமானங்க்ளை தன்னிடம் மறைத்ததற்காக கோபப்படுகிறாள். அமெரிக்காவில் இருந்த தன்னிடம் போனில் ஆர்த்தி நடந்த (அதாவது, நடக்காத) சம்பவங்களை ஆர்த்திக்கு சாதகமாக சொன்னதாகவும், தான் திரும்பி வந்ததும் தொல்ஸ் அதைப்பற்றி சொல்வார் என எதிர்பார்த்ததாகவும், ஆனால் தொல்ஸ், மற்றவர்களின் கெடுமதியால் கம்பெனியை விட்டே வெளியேற்றப்பட்டபோதும் எதுவுமே சொல்லாமல் வெளியேறியதையும். இப்போது கூட அசோஸியேஷன் தேர்தலின்போது கடத்தப்பட்ட வரதராஜனை தேடிக்கண்டுபிடித்து மீட்டு வந்து, அலுவலக வாசல் வரை கொண்டு வந்து விட்டுச்சென்று, தான் பிரஸிடெண்ட் ஆக மிக முக்கிய காரண கர்த்தாவாக இருந்தும், அதையும் தன்னிடம் சொல்லக்கூடாதென சத்தியம் வாங்கியதையும் சொல்லிக்காட்டி அவனைக்கடிந்துகொள்கிறாள்.
அபிக்கு எல்லாம் உள்ளது உள்ளபடி விளங்கிவிட்டது என்பதயறிந்து தொல்காப்பியன் மனம் லேசாகிறது (அது அவரது புன்னகையில் தெரிகிறது). அபியின் வார்த்தைகளால் உணர்ச்சி வசப்படும் தொல்ஸ், தன் தோழியான அபியை சமுதாயத்தில் மிக உயரமான இடத்தில் வைத்துப்பாக்கவேண்டுமென்பதே தன் லட்சியமென்றும், அதற்காக அவன் நேரடியாகவோ, மறைமுகமாகவோ எப்போதும் துணை நிற்பேன் என்று கூற, அபியின் முகத்தில், வெகுநாட்களாக தொலைந்து போயிருந்த புன்னகை. ஆனால் கண்கள் மட்டும் நீரைக்கொட்டும் வேலையை நிறுத்தாமல் செய்துகொண்டிருக்கின்றன. 'பிரிந்தவர் மீண்டும் சேர்ந்திடும்போது அழுதால் கொஞ்சம் நிம்மதி' என்று கண்ணதாசன் எழுதியது காதலர்களுக்கு மட்டுமல்ல. உயிருக்கு உயிரான நண்பர்களுக்கும்தான் என்பதை இருவரின் கண்களும் காட்டுகின்றன.
அபி, தொல்காப்பியனை மீண்டும் ஆஃபீஸுக்கு வருமாறு அழைக்க, தொல்ஸ் மறுத்து, அவர்களுக்கிடையில் இன்னும் என்னென்ன சதிவலைகள் பின்னப்பட்டுள்ளன என்பதைக் கண்டறிய இன்னும் சிறிது காலம் அவர்கள் பிரிந்திருக்க வேண்டும் (அதாவது பிரிந்திருப்பதாக மற்றவர்களை நம்ப வைக்கவேண்டும்) என்று சொல்ல, அபி சம்மதிக்கிறாள்.
தனக்கு சுண்டல் வேண்டுமென சின்னக்குழந்தையைப்போல அபி கேட்க, நினைத்தவுடன் சுண்டல் கிடைக்க இது மெரினா பீச், அல்லது எலியட்ஸ் பீச் அல்ல என்று சொல்லும் தொல்ஸ், இருந்தாலும், அபிக்காக எங்கிருந்தாலும் வாங்கி வருவதாகச் சொல்லிப்போக.... தொல்காப்பியனையே பார்த்துக்கொண்டிருக்கும் அபியின் முகத்தில் ஒரு பெருமிதப்புன்னகை.....
'என்ன தவம் செய்தனை அபினயா
இப்படி ஒருவன் உன்னை 'தோழி' என்றழைக்க
என்ன தவம் செய்தனை'
:cool2:Quote:
Originally Posted by saradhaa_sn
நன்றி ஆனா....
இதோ வந்துவிடுகிறேன் என்று போன ஆர்த்தி மேடம் எப்படியும் பணத்தோடு வந்துவிடுவாள் என்று எதிர்பார்த்து ராஜேஷின் மொத்தக்குடும்பமும், கூடவே வங்கி அதிகாரிகளும், அத்துடன் வண்டிகளை அடமானம் பிடித்தவனும் அவனது அடியாட்களும்தெருவில் காத்திருக்கின்றனர். ஆட்டோவில் ஆர்த்தி வந்திறங்கியதும் பணம் வந்துவிட்டது என்ற தைரியத்தில் கலா, வங்கி அதிகாரிகளிடம் 'இதோ பணம் வந்திடுச்சு, வாங்கிட்டுப்போங்கய்யா' என்று தூக்கியெறிந்து பேசுகிறாள். ஆனல் ஆட்டோவிலிருந்து இறங்கிய ஆர்த்தி மேடத்தின் முகம் வதங்கிய கத்தரிக்காய் போல வாடியிருக்க ராஜேஷுக்கு கலக்கம்.
'என்னாச்சு ஆர்த்தி?'
'எங்கெல்லாம் அலைந்தும் பணம் கிடைக்கலை'
'என்னது பனம் கிடைக்கலையா?'
'ஆமா, ஆதியண்ணாவிடம் கேட்கலாமென்று போனால், அவர் இப்போ பெரிய பிரச்சினையில் மாட்டிக்கிட்டிருக்கார்'
'அப்போ அபியண்ணி கிட்டே கேட்க வேண்டியதுதானே?'
'கேட்டுப்பார்த்துட்டேன் அவங்களும் இல்லைன்னுட்டாங்க'
'என்னது இல்லைன்னுட்டாங்களா?'
'ஆமா, நான் ஏற்கெனவே கம்பெனியில் இருந்து எடுத்திருந்த 25 லட்ச ரூபாய்க்கு என்ன கணக்குன்னு கேட்டாங்க. அந்தப்பணத்துக்கு கணக்கு வராமல் ஒரு பைசா தரமாட்டேன்னுட்டாங்க'.
'சே, கணக்கு கேட்கிற நேரமா இது?. உங்க அக்கா இப்படி நன்றி கெட்டவங்களா இருப்பாங்கன்னு நினைக்கலை. நாம எவ்வளவு உதவி பண்ணியிருக்கோம். அவங்களுக்காக அந்த பாஸ்கர் கிட்டேயெல்லாம் கூட சண்டை போட்டிருக்கேன். எல்லாத்தையும் மறந்துட்டாங்க'
இதுதான் சமயமென்று கலாவும் குத்திக்காட்டுகிறாள்...
'அது எப்படி பழசையெல்லாம் ஞாபகம் வச்சிருப்பா?. இப்போ அமெரிக்கா கம்பெனியின் பிஸினஸ் கிடைச்சிடுச்சில்ல?. கோடிக்கணக்கில சம்பாதிச்சு தானே அனுபவிக்கணும்னு நினைக்கிறாள்'
வங்கி அதிகாரி சத்தம் போடுகிறார்...
'உங்க குடும்ப கதையையெல்லாம் கேட்க நாங்க உட்கார்ந்திருக்கலை. இப்போ பணம் கிடைக்குமா?. இல்லே நாங்க மேல் நடவடிக்கை எடுக்கட்டுமா?'
ராஜேஷின் அண்ணன் இரண்டு நாள் டைம் கேட்டு கெஞ்சியும் அவர்கள் மசியவில்லை. அப்போது ஆட்டோவில் கலாவின் தங்கை வந்திறங்குகிறாள். அங்கிருக்கும் சூழ்நிலை பற்றி தெரிந்துகொள்கிறாள். கிராமத்தில் இருந்த பூர்வீக சொத்தில் தாத்தா தனக்குள்ள பங்கை பிரித்து தந்துவிட்டதாகவும், அதை விற்று பணமாக கொண்டு வந்திருப்பதாகவும் அதிலிருந்து வங்கிக்கு கட்ட வேண்டிய பணத்தைக் கட்டிவிடலாமென்று சொல்ல எல்லோருக்கும் பெரிய நிம்மதியாகிறது. ஆனால் கலாவுக்கு அது பிடிக்கவில்லை. 'அபி ஏன் கொடுக்கவில்லை? அவன் என் கொடுக்கவில்லை? இவன் ஏன் கொடுக்கவில்லை' என்றெல்லாம் வக்கனை பேசியவள், இப்போ தன் தங்கையின் பணம் என்றதும் அதற்கு தடை போட முயற்சிக்கிறாள். ஆனால் அவள் தங்கை கேட்கவில்லை. பேங்கிலிருந்து பணம் எடுத்து மாலையில் லோனுக்கு கட்டிவிடுவதாகச்சொல்ல, வங்கி அதிகாரிகள் ஒப்புக்கொண்டு போகின்றனர். அதோடு வண்டிகள அடமானம் பெற்றவனும் தன்னுடைய ஒன்றரை லட்சம் ரூபாய், மாலைக்குள் வரவேண்டும் என்று சொல்லிப்போகிறான்.
வீடும் கடனுக்காக போய்விட்டதையறிந்த கலாவின் தங்கை இப்போதைக்கு ஏதாவது ஒரு சிறிய வீட்டில் தங்கிக்கொள்ளலாமா என்று ஆர்த்தியைக்கேட்க, ராஜேஷ் 'இன்னும் எதுக்கு அவளைக்கேட்டுக்கிட்டு?. நாம எங்கே போகிறோமோ அங்கே வரவேண்டியதுதான் அவள் வேலை?. என்கிறான். ஆம், அந்த வீட்டைப்பொறுத்தவரை ஆர்த்தி மேடத்தின் பவர் இறங்கி விட்டது. ஏற்கெனவே ஆர்த்தியின் தயவில் இருந்தபோதே கலா அவளை தேளாய் கொட்டிக்கொன்டிருப்பாள். இப்போ சொல்லணுமா?. இப்போ எல்லோரும் அவள் தங்கையின் தயவில் இருக்காங்க. ஆர்த்தி மேடத்தின் ஆடம்பர வீடும் போச்சு. ட்ராவல்ஸும், அதிலிருந்த வண்டிகளும் போச்சு. அபி கன்ஸ்ட்ரக்ஷன்ஸ் வேலையும் போச்சு. வருமானத்தின் எல்லா வழிகளும் அடைபட்டுப்போச்சு. இனி அவளது தயவு 'ஆதியண்ணா'வுக்கும் தேவையில்லாமல் போச்சு. மொத்தத்தில் ஓவர்நைட்டில் மேடத்தின் அனைத்து விஷயங்களும் கையை விட்டுப்போச்சு. மாமியார் வீட்டில் அவளுக்கிருந்த மதிப்பும் போச்சு. இனி, கலாவின் கணவன் தவிர யாரும் அவளை மதிக்கப்போவதில்லை... இனி, கலா மனித உருவத்திலிருந்து தேளாக, பாம்பாக, பூரானாக, நட்டுவாக்காளியாக மாறி அவளைக் கொத்திக் கொண்டிருக்கப்போகிறான். ராஜேஷும் எட்டி உதைக்கப்போகிறான். ஆர்த்தி மேடம் சிறைக்கொடுமையை விட பெரிய கொடுமையை அனுபவிக்கப்போகிறாங்க. அபி இருக்கும் வரை அவளை அம்மா வீட்டிலும் அனுமதிக்கப்போவதில்லை. கலா, பட்டையைக்கிளப்பும்மா. உனக்கு முன்னால் சிறையதிகாரிகள் எல்லாம் எம்மாத்திரம். ஆர்த்திக்கு தண்டனை கொடுக்க நீதான் சரியான ஆள்.
"வெரிகுட் மிஸ்ட்டர் திருவேங்கடம்".... மேனகா கைதட்டிப்பாராட்டுகிறாள். திருவேங்கடம் வெறும் வெத்து வேட்டு ஆள் அல்ல, அவராலும் கூட எதாவது செய்ய முடியும் என்று மேனகாவுக்கு நம்பிக்கை பிறக்கிறது, ஆதியின் விடுதலை மூலமாக.
ஆதியிடம் செல்லும் மேனகா, இனி எதைப்பத்தியும் கவலைப்பட வேண்டாமென்றும், குறிப்பாக அபியிடம் தோற்றதைப்பற்றி.... இந்த வார்த்தையைக்கேட்டதுமே ஆதி வெடிக்கிறான். 'இல்லே நான் தோற்கலை, அபிகிட்டே நான் தோற்கலை' என்று கத்துகிறான். மேனகாவின் முன்னால் அவன் இவ்வளவு சவுண்ட் விடுவது இதுவே முதல் முறை. 'ஓக்கே.. ஓக்கே.. ரிலாக்ஸ் ஆதி. ஃபீல் ஃப்ரீ' என்று அவனைத்தட்டிக்கொடுக்கிறாள்.
அப்போது அங்கே குறுந்தாடியுடன் ரஞ்சன் வருவதைப் பார்த்து ஆச்சரியமடையும் ஆதி அவனை மேனகாவுக்கும், திருவேங்கடத்துக்கும் அறிமுகப்படுத்துகிறான். 'இவர் மிஸ்ட்டர் ரஞ்சன். லண்டன்ல என்னோடு பிஸினெஸ் மேனேஜ்மெண்ட் படிச்சவர். ராஜாமணி மேடத்தோட அக்கா மகன். ரஞ்சன் இது மிஸ் மேனகா".
"தெரியுமே, அழகான பிஸினஸ் மேக்னட்"
"மிஸ்ட்டர் ரஞ்சன், நீங்க ஒரு ஜொள்ளு பார்ட்டின்னு நினைக்கிறேன்". இதைக்கேட்ட் கிரி, "கரெக்டா சொன்னீங்க மேடம். எப்படி கண்டு பிடிச்சீங்க?"
"உன்னைப் பார்த்ததுமே ஆதியோட ஜால்ரான்னு கண்டுபிடிக்கலையா. அந்த மாதிரித்தான்"
இதைக்கேட்டு திருவேங்கடம் "ஓ நம்ம பெரியம்மாவோட அக்கா மகனா?. நான்தான் இந்த தொகுதி எம்.எல்.ஏ.திருவேங்கடம். அரசியல் புயல். உங்களை நான் இதுவரை பார்த்தைல்லையே".
"என்ன சார் சொல்றீங்க? ஒரு சமயத்துல அபி கன்ஸ்ட்ரக்ஷன்ஸ்ல நான்தான் ஆட்சி பண்ணினேன்" என்று சொல்ல, ரஞ்சன் உஷா, விஸ்வநாதன், தொல்காப்பியன் ஒவ்வொருவரையும் ஏமாற்றி ஷேர்களை எழுதி வாங்கிய காட்சிகள் ஃப்ளாஷ்பேக்கில் வருகின்றன.
மேனகா புறப்படுகிறாள். மற்றவர்கள் பார்ட்டியில் மூழ்குகின்றனர். திருவேங்கடம் வழக்கம்போல, ஆதியை தான்தான் வெளியில் கொண்டு வந்ததாக உளற, ஒரு கட்டத்தில் கடுப்பாகிப்போன ஆதி, துப்பாக்கியை அவருக்கு நேராக நீட்டி, அவரை வெளியே போகுமாறு விரட்டியடிக்கிறான். தன்னுடன் பேச முற்படும் ரன்சனையும், கிரியையும் கூட வெளியேற்றுகிறான். ஆதி கிட்டத்தட்ட ஒரு சைக்கோ போல ஆகிவிட்டான். அவனை வெளிக்கொண்டுவர திருவேங்கடம் கையாண்ட முறை திருவேங்கடத்தின் ஐடியா அல்ல, போலீஸ் ஸ்டேஷனில் வைத்து அவர் காதில் ஆதி ஓதிய திட்டம் என்பது இப்போதான் நமக்குப்புரிகிறது.
:ty:
Quote:
Originally Posted by saradhaa_sn
எல்லோரையும் திரும்ப அழைகின்றார்போலும்
குத்துவதெற்கென்றே ஒரு கலாQuote:
Originally Posted by saradhaa_sn
:roll:Quote:
Originally Posted by saradhaa_sn
thank you for updating aanaa and saratha madam.
We miss your updates saradhaa. We know your busy with other things, but drop in when you have the time.
P.S. I love you profile picture. :rotfl: