மனதை மயக்கும் மதுர கானங்கள்

கிருஷ்ணாஜி சார்,
பாளையங்கோட்டையில் நடைபெற்ற பிரமாண்ட நட்சத்திர
இரவில் கலந்து கொள்ள வந்த நடிகர் திலகம்,நெல்லை பூர்ணகலா
திரையரங்கில் நடைபெற்று வந்த உத்தமன் திரைப்பட மாலைக்காட்சிக்கு
வந்திருந்து ரசிகர்களை மகிழ்வித்தார்.
அன்பு கோபு

Quote:

---

Originally Posted by vasudevan31355

ராஜேஷ் சார்,

'சாக்ஷாத்காரா' கன்னடப் படத்தில் நாம் இசையரசி பாடிய 'ஒலவே ஜீவன சாக் ஷாத்காரா' பாடலை நீங்கள் பதித்து இப்போதுதான் முதன் முறையாக கேட்டு இன்புறுகிறேன். அற்புதம் சார். என்ன குரல் சார் அது!

ஆண்டவன் படைப்பின் அற்புதங்களில் ஒன்று நம் சுசீலாம்மாவின் குரல்.

கன்னடம் எனக்குத் தெரியாது. ஆனால் அவர்கள் தெளிவாக உச்சரிக்கும் விதத்தை உணர முடிகிறது. அழகான இயற்கை சூழ் இடங்களில் அற்புதமாகப் படமாக்கப் பட்டிருக்கிறது. ராஜ்குமாரும் நன்றாகவே இருக்கிறார். ஜமுனா சற்று முற்றிய வெண்டைக் காயாய் தெரிகிறார், நமது 'அன்புச் சகோதரர்களி'ல் வரும் மாலினி தேவி(?!) போல.

பாடலின் நடுவில் அக்பரும், மார்த்தாண்டனும் வயது முதிர்ந்தாலும் கம்பீரமாகத் தெரிகிறார்கள்.(பிருத்வியின் கம்பீரம் என்னைக் கவர்ந்த ஒன்று 'மொகலே ஆசம்' படத்தின் 'pyar kiya to darna kya ' பாடலின் உச்சத்தில் மதுபாலாவைப் பார்த்து கன்னக் கதுப்புகள் துடிக்க, பார்வையை எரிமலையாக்கி கொதிப்பாரே..வாவ்! இவரும், நடிகர் திலகமும் இணைந்து ஒரு படம் செய்திருக்கலாமே என்ற ஏக்கம் என்னுள் எப்போதுமே உண்டு.)

இயற்கை காட்சிகள் கண்களுக்கு ரம்மியம்.

எனக்கு இந்தப் பாடலைப் பார்த்துவிட்டு அப்படியே நடிகர் திலகம், வாணிஸ்ரீ தூள் பரத்தும் இதே சுசீலாம்மாவின் குரலில் ஒலிக்கும் 'பால் போலவே...நாளை இந்த வேலை பார்த்து ஓடி வா நிலா' ஞாபகம் வந்து 'உயர்ந்த மனிதனை'ப் பார்க்க தலைவர் போல்டருக்கு வேறு ஓடி விட்டேன். சிறந்த பின்னணிப் பாடகிக்கான (1969) தேசிய விருதைப் பெற்றுத் தந்த பாடலாயிற்றே

அற்புதமான பாடலை சுகமாக அனுபவிக்கத் தந்தற்கு நன்ற ராஜேஷ் சார்.

இது போல இன்னும் வேண்டும் நிறைய.

---

வாசு ஜி,
நாம் இருவரும் ரசிப்புத்தன்மை என்ற நேர்க்கோட்டில் இணைகிறோம் அய்யா.. அருமை அருமை.
பாடலை ரசித்ததோடு நில்லாமல் அதை எப்படி ரசித்தீர்கள், அதை ரசிக்கும் போது அதை சார்ந்த வேறு ஒரு பாடல் என அமர்க்களம் உங்கள் ரசிப்பு
பாராட்டுக்கள்

Quote:

---

Originally Posted by vasudevan31355

ராஜேஷ் சார்

சூப்பர். அதுவும் பாடல் முடியும் போது சுஜாதா தூக்க மாத்திரைகளைப் விழுங்கி மயக்கத்தில் தள்ளாட அதற்கேற்றவாறு சற்றே தடுமாறிய குரலில் நிலவரம் புரியாமல் பாடும் இந்தப் பாடகியை என்ன சொல்வது.

---

ஆம் .. இப்படி பல பாடல்களில் நம்மை வியக்கத்தான் வைக்கிறார்.

ராஜேஷ் சார்,

அதே போல 'டீச்சரம்மா' திரைப்படத்தில் சுசீலா பாடும் சுகமான பாடல். சிறுவயது முதற்கொண்டே என் நெஞ்சில் நிறைந்த ஒரு பாடல்.

டி.ஆர்.பாப்பாவின் இசையில் 'இசைக்குயில்' பாடுவது.

இசையோடு தெய்வம் வந்து விளையாடும் வீடு
இலையோடு தென்றல் வந்து அலைமோதும் காடு

மலர் தூவி மஞ்சம் வைத்து மணம் வீசும் நாடு
மழை வந்து காதல் செய்து உறவாடும் காடு.

சங்கம் கண்ட பாண்டிய நாட்டு மங்கை கூந்தல் போலே

பச்சை புல்லின் மேல் வந்து பனி என்னும் பாவை
இச்சை கொண்ட தாய் போலே முத்தம் சிந்தினாளே

சலசலக்கும் அருவியிலே
சங்கீதம் சங்கீதம்
தாய் விரித்த மடியினிலே
தழுவிச் செல்லும் சந்தோஷம்

'சந்தோஷம்... சந்தோஷம்... சந்தோஷம்'

என்று மூன்று முறை அவர் பாடும் அழகை வர்ணிக்க வார்த்தைகள் இல்லை. குரல் அமுதத்திலும் அமுதம்.

இரவில் கேட்க நிறைவான மன சாந்தி

http://www.youtube.com/watch?feature...&v=KCdFi_bKgxk

டீச்சரம்மாவின் மற்ற பாடல்கள் இந்த பாடலை கொஞ்சம் இருட்டடித்துவிட்டது இருந்தாலும் நீங்கள் தேடி தேடி தருவது மனதுக்கு என்னே இன்பம்..
நன்றி வாசு ஜி. ஆம் இந்த பாடல் அற்புதம், குரல் அற்புதம் எல்லாமே அற்புதம்

Quote:

---

Originally Posted by gopu1954

கிருஷ்ணாஜி சார்,
பாளையங்கோட்டையில் நடைபெற்ற பிரமாண்ட நட்சத்திர
இரவில் கலந்து கொள்ள வந்த நடிகர் திலகம்,நெல்லை பூர்ணகலா
திரையரங்கில் நடைபெற்று வந்த உத்தமன் திரைப்பட மாலைக்காட்சிக்கு
வந்திருந்து ரசிகர்களை மகிழ்வித்தார்.
அன்பு கோபு

---

கோபு சார்

அரிய தகவலுக்கு நன்றி!

ரமலான் பெருநாள் சிறப்புப் பாடல்

ஆதி கடவுள் ஒன்றேதான்
இதில் உயர்வு தாழ்வு கிடையாது.

https://www.youtube.com/watch?feature=player_detailpage&v=fG42xgPoRqg

வானுக்குத் தந்தை எவனோ
மண்ணுக்கு மூலம் எவனோ
யாவுக்கும் அவனே எல்லை
அவனுக்கும் தந்தை இல்லை
அல்லா பெற்ற பிள்ளைதானே யாரும்
அல்லா பெற்ற பிள்ளைதானே யாரும்

http://www.youtube.com/watch?v=DsdH9WR0Ub0&feature=player_detailpage

இன்றைய ஸ்பெஷல் (41)

அனைவருக்கும் ரமலான் பெருநாள் நல் வாழ்த்துக்கள்

பொதுவாக பாவ மன்னிப்பு, சிரித்து வாழ வேண்டும், கிழக்கும் மேற்கும் சந்திக்கின்றன, முகம்மது பின் துக்ளக், அணையா விளக்கு படங்களில் இருந்துதான் ரம்ஜான் பண்டிகைக்குப் பாடல்கள் எடுப்போம்.

http://i1087.photobucket.com/albums/.../naayakame.jpg

ஆனால் இன்று வேறு ஒரு படத்திலிருந்து முற்றிலும் நாம் மறந்த பாடலை பார்த்து, கேட்டு நபியின் ஆசி பெறுவோம்.

இன்றைய ஸ்பெஷலில் நபி நாயகத்தின் அருள் வேண்டும் அற்புதப் பாட்டு

இந்து முஸ்லீம் ஒற்றுமையை வேண்டும் கண்ணியமான பாட்டு

மெய் சிலிர்க்க வைக்கும் மறக்கவொண்ணா பாட்டு.

அப்போதே விஸ்வநாதன் ராமமூர்த்தியின் விஸ்வரூப பாட்டு

தஞ்சை ராமையாதாஸ் அவர்களின் மத நல்லிணக்கப் பாட்டு

எஸ்.சி.கிருஷ்ணன் (படத்தில் என்.சி கிருஷ்ணன் என்று தவறாக டைட்டிலில் போடுவார்கள்) அவர்கள் தம் இளங்குரலில் நாகூர் ஹனிபா,கோரஸ் கூட்டணியுடன் இணைந்து உச்சஸ்தாயில் ஒலிக்கும் உன்னதப் பாட்டு

என் இனிய முஸ்லீம் சகோதரர்களுக்கு நான் ரமலான் வாழ்த்துக்களுடன் அளிக்கும் வித்தியாசமான பாட்டு.

http://upload.wikimedia.org/wikipedi...lebagavali.jpg

ஆர்.ஆர்.பிச்சர்ஸ் தயாரித்த 'குலேபகாவலி' படத்தின் அற்புத பாட்டு.

நம் நாடி நரம்புகளெல்லாம் புகுந்து இனம் புரியா உணர்வைத் தோற்றுவிக்கும் என்றும் தோற்காத பாட்டு.

http://i1087.photobucket.com/albums/...31355007/2.jpg

ஜெயமே பெறவே
ஜகமே புகழவே

நாயகமே! நபி நாயகமே!
நலமே அருள் நபி நாயகமே
நாயகமே! நபி நாயகமே!

நாடாளும் மன்னர் நீடூடி வாழ
நலமே அருள் நபி நாயகமே
நாடாளும் மன்னர் நீடூடி வாழ
நலமே அருள் நபி நாயகமே
நலமே அருள் நபி நாயகமே
நாயகமே! நபி நாயகமே!

இணையில்லாத எங்கள் பாதுஷா
பிறந்த இன்ப நாளிலே நாயகமே
நாயகமே! நபி நாயகமே!
இந்து முஸ்லீம் ஒற்றுமையோடு
இன்புற வேண்டும் நாயகமே!
நாயகமே! நபி நாயகமே!
நலமே அருள் நபி நாயகமே

அறியாமை இருள் நீங்கி இன்ப ஒளி
அடைய வேண்டும் நபி நாயகமே
நாயகமே! நபி நாயகமே!
அன்பின் இதயமே காணிக்கை செய்தோம்
அருள்தாரும் நபி நாயகமே
நாயகமே! நபி நாயகமே!
நலமே அருள் நபி நாயகமே
நாயகமே! நபி நாயகமே!
நாயகமே! நபி நாயகமே!

அல்லாஹூ அக்பர் அல்லாஹ்


https://www.youtube.com/watch?v=1QK9...ba963zgpVXCWhV

http://i1146.photobucket.com/albums/...ps0402e0a6.jpg