https://www.youtube.com/watch?v=9ZghfWkD8gA
Printable View
Take Diversion 5
Between the Deep Sea and the Devil! இருதலைக் கொள்ளி எறும்பாக.....
Quote:
குடும்ப உறவுகளின் உரசல்களே தமிழ் சினிமாவின் சென்டிமென்டுகளின் மொத்த அடையாளம் !
கதாநாயகனோ கதாநாயகியோ....பாத்திரத்தின் வாழ்க்கை நல்லாத்தானே போயிட்டு இருக்கு என்று நினைக்கும்போதே வில்லங்கங்கள் குடும்ப
உறவுகளிடமிருந்தே வில்லம்புகளாகக் கிளம்பிவரும் இருதலைக்கொள்ளி சிச்வேஷன்கள் ....மசாஜ் பார்லரில் முழு உடம்பையும் எண்ணையில் முக்கிநீவி விடுவது போன்ற உணர்வைத் தோற்றுவித்து பொங்கிப்பொங்கி கண்ணீரில் கன்னங்களில் கோலமிட்டு வீட்டுக்கு வந்ததும் குடும்பத்தில் யாரையும் நம்பவிடாமல் குழப்பத்தை உண்டு பண்ணுவதில் தமிழ் படங்களே என்றும் டாப் !!
பாசமலரின் இந்த முக்கியமான குடும்பவில்லியின் குழப்படியால் மன்னரும் திலகங்களும் கொதிக்கும் சாம்பாரில் கரைந்த புளியாய் கொப்பளித்துக் குமுறுவதை பார்த்து விட்டு வந்ததும் எங்க அப்பாவைப் பெத்த பாட்டியிடம் அம்மாவும் எங்க அம்மாவைப் பெத்த பாட்டியிடம் அப்பாவும்முன்னைபோலப்பேசிக்கொள்ளாமலிருந்ததைக் கண்ணாரக் கண்டு வளரும்போதுதான் திரை சென்டிமென்டுகளின் தாக்கம் மனதில் சுரீரென்று உரைக்கத்தொடங்கியது!
ரியல் லைஃப் வேறு ரீல் லைஃப் வேறு என்பதை புரிந்து கொள்ளவே நிறைய ஆண்டுகளாயிற்று!! எங்கே நாமும் கைவீசம்மா கைவீசு ரேஞ்சுக்குப் போய்விடுவோமோ என்று தங்கையை பார்க்கும்போது லேசாகப் பயந்ததுமுண்டு !!
இருதலைக் கொள்ளி எறும்பாக ஜெமினிக்கும் சிவாஜிக்கும் இடையே சாவித்திரி படும்பாடு இப்போது பார்த்தாலும் ஏற்படுத்தும் தாக்கம் மாறவில்லை !!
https://www.youtube.com/watch?v=SfVcsfcCxOk
அமரர் ஜெமினிகணேசனின் நகைச்சுவை படங்களின் வரிசையில் மிஸியம்மாவை அடுத்து இரண்டாம் இடத்தில் இருப்பது யார் பையன் திரைப்படம்
ஜெமினியின் இயல்பான உறுத்தாத நகைச்சுவை பரிமாறல்கள் கலைவாணரின் முதிர்ந்த அனுபவ நகைச்சுவை வெளிப்பாட்டுடன் இணைந்து டெய்சி இராணி என்னும் சிறு பெண்ணின் பையன் வேடமும் சேர்ந்து கதிகலக்கிய சிரிப்பு விருந்து!
ஒரு பூங்காவில் உலாவச்செல்லும் போது தற்செயலாக எதிர்ப்படும் ஒரு சிறுவன் அவரை அப்பா அப்பா என்றழைக்கப் போக அவனிடமிருந்து விடுபட ஜெமினி
நடத்தும் ஹாஸ்ய போராட்டங்களே படத்தின் சாரம் கிளைமாக்சில் பையனின் உண்மையான தந்தை யார் என்பது தெரிய வருவது சற்று அதிர்ச்சி
.....மறக்க முடியுமா...எங்கப்பா பேரு....மஹாகனம் பொருந்திய ஸ்ரீமான் சுந்தரராஜன்....ஜெமினி சிறுவனால் கலாய்க்கப்படும் ருசிகரத்தை!!
https://www.youtube.com/watch?v=NKglKzg_sLg