Printable View
நன்றி -- தினதந்திQuote:
திரைக் கதம்பம்
வின் தொலைக்காட்சியில் ஞாயிறுதோறும் மாலை 5 மணிக்கு ஒளிபரப்பாகும் நிகழ்ச்சி திரைக்கதம்பம். இந்நிகழ்ச்சியில் சில சூப்பர் ஹிட் படங்களை எடுத்துக் கொண்டு, அந்த படங்களில் உள்ள காட்சிகளை ஒளிபரப்புகிறார்கள். தொகுத்து வழங்குபவர் ஸ்ரீராகமாலினி. எழுதி இயக்குபவர் வருண் பக்கிரிசாமி.
நன்றி -- தினதந்திQuote:
அதிசயங்கள்
அதிசயமும், ஆச்சரியங்களும் நிறைந்த மலைவாசஸ்தலமான லடாக் பகுதியின் சிறப்புகளை `டிஸ்கவரி இந்தியா- லடாக்' நிகழ்ச்சியின் வாயிலாக தருகிறார்கள். லடாக் பகுதியில் உள்ள காலநிலை, மக்களின் வாழ்க்கை சூழல், அங்குள்ள உயிரினங்களின் வாழ்க்கை உள்ளிட்ட விஷயங்கள் நிகழ்ச்சியில் முக்கிய இடம் பிடிக்கின்றன.
டிஸ்கவரி சேனல் ஒளிபரப்பும் இந்நிகழ்ச்சியை இன்று இரவு 9 மணிக்கு காணலாம்.
நன்றி -- தினதந்திQuote:
சங்கீத மேடை
பின்னணிப் பாடகர்கள் பங்கேற்கும் இனிமையான இசை நிகழ்ச்சியே சங்கீத மேடை. இமயம் டிவியில் ஞாயிறு தோறும் காலை 10 மணிக்கு இந்த நிகழ்ச்சி ஒளிபரப்பாகிறது.
பின்னணிப் பாடகர்கள் தாங்கள் கடந்து வந்த பாதையையும், தங்களது திரையிசைப் பாடல் அனுபவங்களையும் சுவாரசியமாக பகிர்ந்து கொள்கின்றனர். இந்த இசைப் பயணத்துடன், அவர்கள் தாங்கள் பாடிய பாடல்கள் தவிர, மற்ற பாடகர்கள் மற்றும் இசையமைப்பாளர்களின் பாடல்களையும் இந்த நிகழ்ச்சியில் பாடுகிறார்கள்.
பைரவி தொகுத்து வழங்குகிறார். இந்த வார சங்கீத மேடையில் பாடகர் கோவை முரளி பாடுகிறார்.
ஜெய் ஸ்ரீகிருஷ்ணா
ராஜ் டி.வி.யில் "ஜெய் ஸ்ரீகிருஷ்னா' என்ற புதிய ஆன்மிகத் தொடர் ஒளிபரப்பாக உள்ளது.
கிருஷ்ணரின் சிறுவயது விளையாட்டுகளையும், அவரது வீரத்தையும் சொல்லும் இந்த கதையில், மக்கள் அனைவரையும் கவர்ந்த கிருஷ்ணர் எவ்வாறு அரண்மனை சிறையில் பிறந்து, கோகுலத்தில் யசோதையின் மகனாக வளர்கிறார் என்பதை சுவாரஸ்யமாக சொல்லுகிறது.
இத்தொடர் மார்ச் 16-ம் தேதியிலிருந்து திங்கள் முதல் வெள்ளி வரை இரவு 7 மணிக்கு ஒளிபரப்பாகிறது.
நன்றி -- தினதந்திQuote:
வேடிக்கை உலகில்...
குழந்தைகளுக்கான வேடிக்கை, கேளிக்கை உலகமான `டிஸ்னி லேண்டில்' சுற்றிவந்து விளக்கிக் கூறுகிறார் சமந்தா பிரவுன். இதில் பல்வேறு விதமான அணிவகுப்புகள், ஜொலிக்கும் விளக்கு மாயாஜால நிகழ்ச்சிகள், பலவிதமான வினோத, வித்தியாசமான ஆடை அணிந்தவர்களின் நிகழ்ச்சிகள், இசை நிகழ்ச்சிகள், திருவிழா உணவுகள் ஆகியவற்றை சமந்தா விளக்கிக் கூறுகிறார். சிறப்பு அம்சமாக `சிண்ட்ரெல்லாவின் அரண்மனை'யில் புதிதாக அமைக்கப்பட்டுள்ள இளவரசிக்கான ஆடம்பர அறையையும் சுற்றிப் பார்க்கலாம்.
இந்த நிகழ்ச்சியின் மூலம் பெரியவர்களும் மீண்டும் குழந்தைகளாகி மகிழலாம். `டிராவல் அண்ட் லிவிங்' தொலைக்காட்சியில் இடம்பெறும் `அரவுண்ட் தி வேல்டு' நிகழ்ச்சியில் `டிஸ்னி ஹாலிடே மேஜிக்' என்ற தலைப்பில் வருகிற வியாழன் இரவு 7 மணிக்கு ஒளிபரப்பாகிறது.
நன்றி -- தினதந்திQuote:
குறிஞ்சி மலர்
சாதனைச் சிறுவர்களை அடையாளம் கண்டு அவர்களை மக்களுக்கு அறிமுகம் செய்யும் நிகழ்ச்சி ``குறிஞ்சி மலர்''.
எப்படிக் கேட்டாலும் திருக்குறளை ஒப்பிக்கும் குழந்தை, காலில் ஸ்கேட்டிங் கட்டிக் கொண்டே நாட்டியமாடும் குழந்தை, காலால் ஓவியம் வரையும் குழந்தை, எந்த எண்ணை சொன்னாலும் ஒரு நொடிக்குள் கூட்டி, பெருக்கி, வகுத்து தரும் குழந்தை என்று பல குழந்தைகள் சாதனைகளை படைத்துக் கொண்டிருக்கிறார்கள்.
பயிற்சியும், விடாமுயற்சியும் இருந்தால் எல்லோராலும் சாதிக்க முடியும். சாதனைக் குழந்தைகளாய் உருவாக முடியும் என்கிற உண்மையை மற்ற குழந்தைகளுக்கும் சொல்வதன் மூலம் அந்தக் குழந்தைகளையும், சாதனை நாயகர்களாக உருவாக்க முடியும்.
அந்த நோக்கத்துக்காக உருவாக்கப்பட்ட நிகழ்ச்சிதான் ``குறிஞ்சி மலர்''. புதன்கிழமை தோறும் மாலை 4.30 மணிக்கு மக்கள் தொலைக்காட்சியில் இந்த நிகழ்ச்சியை காணலாம்.
நன்றி -- தினதந்திQuote:
தேர்தல்களம்-2009
மக்கள் தொலைக்காட்சி செய்திகளில் இடம் பெறும் சிறப்பு பகுதி `தேர்தல் களம்'
தமிழகம் மற்றும் புதுவையில் உள்ள 40 நாடாளுமன்றத் தொகுதிகளிலும் மக்கள் மனநிலை குறித்து இரண்டு முறை கருத்தாய்வு நடத்தி, மக்கள் தொலைக்காட்சி செய்திகளில் முடிவுகள் வெளியிடப்பட இருக்கின்றன.
முதற்கட்டமாக தொகுதியின் தற்போதைய நிலை, வாக்காளர்களின் எண்ண ஓட்டம் ஆகியவை பற்றிய சிறப்பு தொகுப்பு, நாள்தோறும் இரவு 8 மணி மற்றும் இரவு 10 மணி செய்திகளில் ஒளிபரப்பாக இருக்கிறது.
ஏறத்தாழ 4 நிமிடங்கள் ஒளிபரப்பப்படும் இந்த சிறப்பு பகுதியில் தொகுதி மக்களின் மனநிலையைத் துல்லியமாகவும், நடுநிலையாகவும் இருக்கும் வகையில் கருத்தாய்வு மேற்கொள்ளப்பட்டுள்ளது. வாக்காளர்களை அவர்களது இடத்திற்கே சென்று நேரில் சந்தித்து, அவர்களின் மன ஓட்டத்தை படம் பிடிக்க 120 பேர் கொண்ட ``மக்கள் தொலைக்காட்சிக் கருத்தாய்வு குழுக்கள்'' அமைக்கப்பட்டுள்ளன.
சராசரியாக ஒரு நாடாளுமன்றத் தொகுதிக்கு 1,200 பேர் என்ற அடிப்படையில், மொத்தம் 48 ஆயிரத்திற்கும் மேற்பட்ட வாக்காளர்களை சந்தித்து அவர்களது கருத்துக்கள் பதிவு செய்யப்படுகின்றன. பின்னர், அவற்றை கணினியில் ஏற்றி, புள்ளி விவரங்களை பரிசீலனை செய்து, அதன் அடிப்படையிலேயே இந்தக் கருத்தாய்வு முடிவுகள் வெளியிடப்படவிருக்கின்றன.
வேட்பாளர்கள் அறிவிக்கப்பட்ட பிறகு இரண்டாவது கட்டமாகவும் கருத்தாய்வு நடத்தப்பட உள்ளது. அதில் எந்த வேட்பாளருக்கு வெற்றி வாய்ப்பு இருக்கிறது என்பதும் மக்கள் தொலைக்காட்சி செய்திகளில் புள்ளி விவரங்களோடு இடம் பெறுகிறது.
நன்றி -- தினதந்திQuote:
வாழ்வே மாயம்
கமல்ஹாசன் நடித்து சூப்பர் ஹிட்டான படம் `வாழ்வே மாயம்'. அதே பெயரில் மெகா டிவியில் ஒளிபரப்பாக இருக்கும் புத்தம் புதிய தொடர் `வாழ்வே மாயம்'.
ஒரு மனிதனின் வாழ்க்கையில் ஏற்படுகின்ற சரிவுகள் மற்றும் வெற்றிகள் அவனையும், அவனைச் சார்ந்தவர்களையும் எப்படி பாதிக்கிறது என்பதை விவரிக்கிறது கதை.
பிரேம் சாய், பாவனா, ராஜ்குமார், புவனேஸ்வரி, லெட்சுமிராஜ், ப்ரேமி, டி.வி.ராமானுஜம், காயத்ரி ப்ரியாமகாலட்சுமி, பாலாஜி நடிக்கிறார்கள்.
கதை, வசனம், இயக்கம் எஸ்.வி.சோலைராஜா. ஒளிப்பதிவு: கே.சுதாகர். இசை: விஜய் சங்கர். பின்னணி பாடலை பிரசன்னாவும் ரோஷிணியும் பாடியிருக்கிறார்கள். பாடல்: காதல் மதி. திரைக்கதை: கண்மணி சுப்பு. டீம் விஷன்ஸ்க்காக தயாரித்து இருப்பவர் எஸ்.வி.சோலைராஜா.
விரைவில் மெகா டிவியில் ஒளிபரப்பாகவிருக்கிறது, இந்த தொடர்.
நன்றி -- தினதந்திQuote:
கே.பாலசந்தரின் `சொல்லத்தான் நினைக்கிறேன்'
ஜி தமிழ் டிவியில் விரைவில் வரவிருக்கும் புதிய தொடர், சொல்லத்தான் நினைக்கிறேன்.
மதன் பிரபல சின்னத்திரை நடிகர் நேர்மையானவர். நேரம் தவறாதவர். அவருடைய ஒரே மகள் சாரு. வயது 20. மிகச்சிறிய வயதிலிருந்தே தாயாகவும், தந்தையாகவும் இருந்து பேணிப் போற்றி சாருவை வளர்க்கிறார் மதன். தந்தை மேல் உயிரையே வைத்திருக்கிறாள் சாரு.
அவள் தாய் தன்னை விட்டு பிரிந்து போய் எங்கோ வாழ்ந்து வரும் உண்மையை சாருவிடம் ஏனோ அவரால் சொல்ல முடியாமல் போய்
விடுகிறது.தாய்ப் பாசமே தெரியாமல் வளர்ந்து வரும் சாருவின் எதிரில் ஒரு நாள் அவளுடைய அம்மா வந்து நின்றால் என்ன நடக்கும்?
மதனாக ரவி ராகவேந்தரும், சாருவாக `சஹானா புகழ்' காவ்யாவும், சாருவின் தாயாக யுவராணியும் நடித்துள்ளனர். பீலிசிவம், `விழுதுகள்'சந்தானம், பாத்திமா பாபு, பாம்பே ஞானம் மற்றும் பலரும் இத் தொடரில் பாத்திரமேற்றுள்ளனர்.
கே.பாலசந்தரின் கவிதாலயா நிறுவனம் இத் தொடரை தயாரித்துள்ளது.
நன்றி -- தினதந்திQuote:
கதை நேரம்
மக்கள் தொலைக்காட்சியில் திங்கள் முதல் வெள்ளி வரை தினமும் இரவு 7 மணிக்கு ஒளிபரப்பாகும் நிகழ்ச்சி, பாலு மகேந்திராவின் `கதை நேரம்'.
மிகச் சிறந்த தமிழ்ச் சிறுகதைகளை திரைமொழியில் சொல்லும் உன்னத படைப்புகளின் தொகுப்புதான் இந்த கதை நேரம். தினம் ஒரு சிறுகதையை எடுத்து அதை உணர்வு பூர்வமாக தந்திருக்கிறார் பாலு மகேந்திரா.
முடிவே தெரியாத நெடுந்தொடர்கள் போல் காத்திருக்க வேண்டிய அவசியமில்லை. ஒரு சிறுகதை 7 மணிக்கு தொடங்கினால் 7.30 மணிக்கு முடிந்து விடும்.
மூன்றாம்பிறை, வீடு, சந்தியாராகம், வண்ணவண்ண பூக்கள் போன்ற மிகச்சிறந்த திரைப்படங்களை தமிழ்த் திரையுலகுக்கு தந்த பாலுமகேந்திரா, சிறுகதைகளையும் ஒரு திரைப்படத்துக்கு உரிய நேர்த்தியுடன் காட்சிப்படுத்தியிருக்கிறார்.