Nadigar Thilagam Sivaji Ganesan - Part 6

Quote:

---

Originally Posted by joe

Quote:

---

Originally Posted by saradhaa_sn

Quote:

---

Originally Posted by pammalar

நமது நடிகர் திலகத்தின் திரைக்காவியங்கள் புரிந்த பாக்ஸ்-ஆபீஸ் சாதனைகளை (மறைக்கப்பட்ட, வேண்டுமென்றே இருட்டடிப்பு செய்யப்பட்ட சாதனைத் தகவல்களை, புள்ளிவிவரங்களை) ஒரு முழுமையோடு, அலசி, ஆராய்ந்து அதிகபட்சத் துல்லியத்துடன், அவற்றை சேகரித்து வழங்கும் முயற்சிகள் நடைபெற்று வருகின்றன.

---

டியர் பம்மலார்,
நிச்சயமாக, மிகச்சிறந்த முயற்சி மட்டுமல்ல, மிக அவசியமான முயற்சியும் கூட.

அவற்றுடன் கூடவே, அவைகளுக்கு மேலும் வலு சேர்க்கும் விதமாக, அதிகபட்சம் முடிந்த வரையில் அத்தகைய சாதனைகளுக்கான அன்றைய செய்தித்தாள் விளம்பரங்களை இணைத்து விட்டால், பல்வேறு 'வலைப்பூ'காரர்களுக்கு அவை 'வாய்ப்பூட்டாக' அமையும். நடிகர்திலகத்தின் சாதனைகளைக் குறைகூற, கீ-போர்ட் பக்கம் செல்ல அவர்கள் விரல்கள் தயங்கும்.

அந்த நல்ல நாள் விரைவில் வருமென எதிர்நோக்குகிறோம்.

---

நானும் ஆவலாக காத்திருக்கிறேன் ..இந்த மன்றத்துக்கு வெளியேயும் சில நண்பர்களுக்கு புரிய வைக்க மிகவும் தேவைப்படுகிறது. :)

---

well said saradha madam and joe sir :clap:

டியர் பாலா சார்,

வழக்கு விவாதப் பத்திரங்கள் எனும் ஆணித்தரமான ஆவணங்களின் மூலம் நமது நடிகர் திலகத்தை பாக்ஸ்-ஆபீஸ் கிங் என ஆதாரபூர்வமாக நிரூபித்த தங்களுக்கு எத்தனை முறை வேண்டுமானாலும் நன்றிகளைத் தெரிவித்துக் கொண்டே இருக்கலாம்!

திரு.நௌ,

தேனும் பாலும்..., பட்டிக்காடா பட்டணமா..., அன்பே ஆருயிரே.... உங்கள் காட்டில் மழை போங்கள்...! ஆஸ்ட்ரோ வெள்ளித்திரையில் அசத்தலாக வெளுத்து வாங்கிக் கொண்டிருக்கிறீர்கள்!! மிக்க மகிழ்ச்சி!!!

திரு.ரங்கன் & திரு,ராகேஷ்,

ஒரு பானை சோற்றுக்கு ஒரு சோறு பதம். தங்கள் இருவரது ஒரு காட்சி வர்ணனை, மொத்தப் படத்தையே(கௌரவம்) கண்முன் நிறுத்தி விட்டது. பாராட்டுக்கள்!

டியர் செந்தில் சார்,

பூ, இதழ் விரித்தது போன்ற, தங்களது பரந்து விரிந்த பாராட்டுக்களுக்கு எமது பாசமிகு நன்றிகள்!

அன்புடன்,
பம்மலார்.

டியர் ராகவேந்திரன் சார், சகோதரி சாரதா, திரு.ஜோ, திரு.செந்தில்,

தங்களின் மனம் திறந்த பாராட்டுகளுக்கு மனமார்ந்த நன்றிகள்!

ராகவேந்திரன் சார், லவ்லி லிங்க்கிற்கு ஸ்பெஷல் நன்றிகள்!

அன்புடன்,
பம்மலார்.

சாதனைகளின் சக்கரவர்த்தி - 2

நானிலம் போற்றும் நடிப்புலக வேந்தரின் 100 நாள் திரைக்காவியங்கள்:
(100 நாட்களிலிருந்து 24 வாரங்கள் வரை)
[காவியம்(வருடம்) - ஓடிய நாட்கள் என்கின்ற ஃபார்மெட்டில்]

1. மனோகரா(1954) - 156 நாட்கள் (ஷிஃப்டிங் முறையில் வெள்ளிவிழா)

2. கல்யாணம் பண்ணியும் பிரம்மச்சாரி(1954) - 100 நாட்கள்

3. எதிர்பாராதது(1954) - 100 நாட்கள்

4. காவேரி(1955) - 100 நாட்கள்

5. மங்கையர் திலகம்(1955) - 100 நாட்கள்

6. பெண்ணின் பெருமை(1956) - 105 நாட்கள்

7. அமரதீபம்(1956) - 125 நாட்கள்

8. வணங்காமுடி(1957) - 100 நாட்கள்

9. உத்தமபுத்திரன்(1958) - 105 நாட்கள்

10. பதிபக்தி(1958) - 102 நாட்கள்

11. சம்பூர்ண ராமாயணம்(1958) - 165 நாட்கள் (ஷிஃப்டிங் முறையில் வெள்ளிவிழா)

12. சபாஷ் மீனா(1958) - 119 நாட்கள்

13. மரகதம்(1959) - 100 நாட்கள்

14. இரும்புத்திரை(1960) - 155 நாட்கள் (ஷிஃப்டிங் முறையில் வெள்ளிவிழா)

15. தெய்வப்பிறவி(1960) - 121 நாட்கள்

16. படிக்காத மேதை(1960) - 167 நாட்கள் (ஷிஃப்டிங் முறையில் வெள்ளிவிழா)

17. விடிவெள்ளி(1960) - 104 நாட்கள்

18. ஸ்ரீ வள்ளி(1961) - 100 நாட்கள்

19. பாலும் பழமும்(1961) - 139 நாட்கள் (ஷிஃப்டிங் முறையில் வெள்ளிவிழா)

20. கப்பலோட்டிய தமிழன்(1961) - 100 நாட்கள்

21. பார்த்தால் பசி தீரும்(1962) - 110 நாட்கள்

22. படித்தால் மட்டும் போதுமா(1962) - 112 நாட்கள்

23. ஆலயமணி(1962) - 105 நாட்கள்

24. இருவர் உள்ளம்(1963) - 105 நாட்கள்

25. அன்னை இல்லம்(1963) - 104 நாட்கள்

26. கர்ணன்(1964) - 108 நாட்கள்

27. பச்சை விளக்கு(1964) - 104 நாட்கள்

28. கை கொடுத்த தெய்வம்(1964) - 108 நாட்கள்

29. புதிய பறவை(1964) - 132 நாட்கள் (ஷிஃப்டிங் முறையில் வெள்ளிவிழா)

30. நவராத்திரி(1964) - 108 நாட்கள்

31. சாந்தி(1965) - 100 நாட்கள்

32. மோட்டார் சுந்தரம் பிள்ளை(1966) - 100 நாட்கள்

33. சரஸ்வதி சபதம்(1966) - 133 நாட்கள் (ஷிஃப்டிங் முறையில் வெள்ளிவிழா)

34. கந்தன் கருணை(1967) - 125 நாட்கள்

35. இரு மலர்கள்(1967) - 100 நாட்கள்

36. ஊட்டி வரை உறவு(1967) - 114 நாட்கள்

37. கலாட்டா கல்யாணம்(1968) - 106 நாட்கள்

38. தில்லானா மோகனாம்பாள்(1968) - 132 நாட்கள் (ஷிஃப்டிங் முறையில் வெள்ளிவிழா)

39. உயர்ந்த மனிதன்(1968) - 105 நாட்கள்

40. தெய்வமகன்(1969) - 100 நாட்கள்

41. திருடன்(1969) - 100 நாட்கள்

42. சிவந்த மண்(1969) - 145 நாட்கள் (ஷிஃப்டிங் முறையில் வெள்ளிவிழா)

இத்தனையும் பெரிய பெரிய திரையரங்குகளில், ரெகுலர் காட்சிகளாக. மற்றவர்கள் கனவிலும் காண முடியாத அசுர சாதனைகள்.

நடிப்புலக மகானின் 100 நாள் திரைக்காவியங்களின் சாதனைப்பட்டியல் தொடரும்...

சாதனைகள் எனும் சாம்ராஜ்யத்திற்கு நிரந்தர சக்கரவர்த்தி சிங்கத்தமிழன் சிவாஜி ஒருவரே!

அன்புடன்,
பம்மலார்.

Dear Sivaji fans,

Theepam ran 148 days at Sellamahal theatre (Colombo).

Regards,

Jeev

இன்று 'என்னைப்போல் ஒருவன்' சேகர், சுந்தரமூர்த்தி 32-வது உதய தினம்......

'சொர்க்கம்' படத்துக்குப்பின் தயாரிக்கத்துவங்கி நீண்டநாள் தயாரிப்பில் இருந்தபடம். இப்படம் வெளிவராது, வந்தாலும் தேறாது என்று பலர் நப்பாசையுடன் ஆரூடம் சொன்ன படம். சென்னை மிட்லண்டில் (சின்ன அரங்கான லியோவிலிருந்து பெரிய அரங்குக்கு மாற்றப்பட்டு) அந்தமான் காதலி அரங்கு நிறைந்த காட்சிகளாக ஓடிக்கொண்டிருக்கும்போது, மார்ச் 4 அன்று சாந்தியில் 'தியாகம்' வெளியீடு. அன்று காலை நடிகர்திலகத்தின் ரசிகர்களுக்கு ஒரு இனிய செய்தி தினத்தந்தியில் விளம்பர வடிவில் வந்திருந்தது. யாரும் எதிர்பாராத வண்ணம் மார்ச் 18 அன்று 'என்னைப்போல் ஒருவன்' ரிலீஸ் என்ற விளம்பரம்தான். தியாகம் வெளியீட்டுக்கு வந்திருந்த ரசிகர்களிடையே புதிய பரபரப்புச்செய்தியாக பரவ, எல்லோர் கைகளிலும் அவ்விளம்பரம் வெளியான தினத்தந்தி செய்தித்தாள் மாறி மாறி தவழ்ந்துகொண்டு இருந்தது. ஆனால் அவ்விளம்பரத்தில் சென்னையில் எந்தெந்த அரங்குகள் என்று குறிப்பிடப்படவில்லை. கெயிட்டி, சித்ரா போன்ற பழைய தியேட்டர்களில் ரிலீஸாகும் போலும் என்று ரசிகர்களிடையே விவாதம் நடந்துகொண்டிருந்த போது, ஒரு ரசிகர் கூட்டம் இன்னொரு இனிய செய்தியைக் கொண்டு வந்தது. சென்னையின் அப்போதைய பிரிஸ்டிஜ் தியேட்டர்களான தேவிபாரடைஸ், அகஸ்தியா, முரளிகிருஷ்ணா தியேட்டர்களில் 'என்னைப்போல் ஒருவன்' வெளியாகிறதாம் என்ற செய்தி பரவ ரசிகர்கள் மத்தியில் உற்சாகம். இருந்தாலும் ஒரு அச்சம். ஏற்கெனவே 'அந்தமான் காதலி' ஓடிக்கொண்டிருக்கிறது. இன்று 'தியாகம்' பலத்த எதிர்பார்ப்புகளுடன் ரிலீஸாகிறது. இன்னும் இரண்டே வாரத்தில் 'என்னைப்போல் ஒருவனும்' வந்தால் தேறுமா என்ற சந்தேகம்தான் ரசிகர்களை ஆட்கொண்டது. அதிலும் இது ரொம்ப நாள் தயாரிப்பில் இருந்த படம் வேறு. ஏற்கெனவே அதுபோல நீண்டகாலத் தயாரிப்புகளான இளைய தலைமுறை, சித்ரா பௌர்ணமி ஆகியன சரியாகப் போகவில்லையே என்பதே சந்தேகத்துக்கு மூல காரணம். தேவிபாரடைஸில் ரிலீஸ் என்பது எந்த அளவுக்கு உண்மை என்பதும் தெரியவில்லை. ஆனால் நான்கு நாட்களில் தேவிபாரடைஸில் 'என்னைப்போல ஒருவன்' ஸ்டில்கள் வைக்கப்பட்டுள்ளன என்பது ரசிகர்கள் காதில் தேனாகப் பாய, அதற்கு மறுநாள் மீண்டும் தினதந்தியில் தியேட்டர்களின் பெயர்களோடு விளம்பரம் வந்தது.

ரசிகர்களின் மத்தியில் இப்போது இன்னொரு பொறுப்பு வந்தது. பாலாஜிசார் படம் எப்படியும் தேறிவிடும். இப்போது நம் கவனம் 'என்னைப்போல் ஒருவனில்'தான் இருக்க வேண்டும் என்று முடிவு செய்ய, ரிசர்வேஷன் அன்றைக்கே தியேட்டர்களில் ரசிகர்களின் கூட்டம் அலைமோதியது. அதுவும் சாந்திக்குப் பக்கத்து தியேட்டராதலால், ரசிகர்கள் கூடி வாதிக்க ஏதுவான இடமாகிபோனது. இப்படத்தின் பாடல்கள் 1972-லேயே வானொலிகளில் பிரபலமாகிவிட்டதால் மக்களும் ரிசர்வேஷனில் ஆர்வம் காட்டினர். ஏப்ரல் 18 காலையிலேயே தியேட்டர் விழாக்கோலம் பூண்டது. கொடிகளும், தோரணங்களும், ரசிகர்மன்ற பேனர்களுமாக தியேட்டர் களைகட்டியது. மொத்தத்தில் நீண்டகாலத் தயாரிப்பில் இருந்த படம் ரிலீஸ் போலத் தோன்றவில்லை. ரசிகர்களின் எதிர்பார்ப்பும் அதுதானே.

மாட்னி ஷோ துவங்கியது. நியூஸ் ரீல் ஓடி முடிந்து, சென்ஸார் சர்டிபிகேட் காண்பிக்கப்பட்டதுமே ரசிகர்களின் கண்களில் உற்சாக வெள்ளம் (பின்னே? வருமா, வராதா என்று கைவிட்ட படமல்லவா). எடுத்த எடுப்பிலேயே சின்னதிலிருந்து பெரிசாக 'நைட்கவுன்' அணிந்த நடிகர்திலகத்தின் நான்கு போஸ்கள் தோன்ற கூடவே 'நடிகர்திலகம் சிவாஜி கணேசன் அளிக்கும்' என்ற எழுத்துக்கள் வந்ததும் ரசிகர்களின் உற்சாகம் கரைபுரண்டது. விசில், கைதட்டல், வாழ்த்தொலிகள் என தியேட்டர் அதிர்ந்தது. அடுத்த கார்டு 'ஷ்ரீ வினாயகா பிக்சர்ஸ்', அதையடுத்த கார்டில் மீண்டும் ஒரு வட்டத்தில் நடிகர்திலகத்தின் படம் வர அதிலிருந்து இன்னொரு வட்டம் பிரிந்து இன்னொரு நடிகர்திலகம் தோன்ற இரண்டுக்கும் நடுவில் 'என்னைப்போல் ஒருவன்' என்ற எழுத்துக்கள் தோன்ற... அவ்வளவுதான் ரசிகர்களின் உற்சாகம் எல்லை மீறியது. இப்படி அட்டகாசமான ஒரு துவக்கத்தை எதிர்பார்க்காத ரசிகர்கூட்டம் நன்றிப்பெருக்கில் மீண்டும் சத்தம் எழுப்பியது 'ராமண்ணா வாழ்க'. டைட்டில் ஓடிக்கொண்டிருந்தபோது, 'மெல்லிசை மன்னர்' எம்.எஸ்.வி. பெயர் காண்பிக்கப்பட்டபோதும் இறுதியில் இயக்குனர் ராமண்ணா பெயர் காண்பிக்கப்பட்டபோதும் மீண்டும் கைதட்டல்.

நடிகர்திலகத்தின் அறிமுகம் கொஞ்சம் ஏமாற்றம்தான். தூக்கத்திலிருந்து விழிப்பது போன்ற துவக்கம் (ஆனாலும் ஒரு ஆறுதல். 'பராசக்தி'யிலும் இதே அறிமுகம்தான். அது தமிழ்த்திரை சரித்திரத்தை திருப்பிப் போடவில்லையா). அப்புறம் படம் ஓட ஓட விறுவிறுப்பு கூடியது. குறிப்பாக இரண்டு நடிகர்திலகமும் சந்தித்துக்கொள்ளும் இடம். ஆள் மாறாட்டம் நடக்கும் இடம், 'வேலாலே விழிகள்' பாடலில் ஆலத்தின் இளமைக்கு ஈடுகொடுத்து ஆடும் நடிகர்திலகத்தின் ஸ்டைல் என கைதட்டல் களைகட்டியது. இடைவேளையின்போது ரசிகர்கள் மட்டுமல்ல பொதுமக்களின் முகத்திலும் மகிழ்ச்சி வெள்ளம். எதிர்பாராத இன்ப விருந்து அல்லவா?. இடைவேளைக்குப்பிறகும் அதே விறுவிறுப்புக் குன்றாமல் படம் சென்றது. 'ஐ எம் எ லிட்டில் டீ பாட்' பாடலை சோகமாகப்பாடிக்கொண்டே வெளியேறும்போதும் சரி, பாதிரியாராக மாறுவேடத்தில் வரும்போதும் கைதட்டல்தான். அதிலும் 'தங்கங்களே நாளை தலைவர்களே' பாடலுக்கு வரிக்கு வரி கைதட்டல். பின்னே பெருந்தலைவரைப்பற்றிய வரிகள் என்பது முன்பே தெரியும், ஆனால் அவரையே பலமுறை காண்பித்திருப்பார்கள் என்பது எதிர்பாராதது அல்லவா? . (நிச்சயம் அந்தக்கூட்டத்தில் ராகவேந்திரன் சாரும் இருந்திருப்பார்)

படம் முடிந்து வெளியே வந்தபோது, படத்தின் ரிசல்ட்டை எதிர்பார்த்து வெளியே பெரிய கூட்டம் காத்து நிற்கிறது. சிறிது நேரத்தில் சாந்தியிலிருந்து 'தியாகம்' முடிந்து வந்த கூட்டமும் சேர்ந்துகொள்கிறது. படம் பார்த்த எல்லோருடைய ஒட்டுமொத்த கமெண்ட் “படம் ஆரம்பிச்சதும் தெரியலை, முடிஞ்சதும் தெரியலை. அவ்வளவு விறுவிறுப்பு”. தேவி தியேட்டர் காம்ப்ளெக்ஸில் ஒரு குறை என்னவென்றால், அங்கு நான்கு தியேட்டர்களுக்கும் கார்பார்க்கிங் இடம் சிறியது என்பதால் பட்டாசு வெடிக்க அனுமதிக்க மாட்டார்கள். (இப்போ எப்படீன்னு தெரியலை). அதனால் ரசிகர்களால் மகிழ்ச்சியைக்கொண்டாட பட்டாசு வெடிக்க முடியவில்லை.

(Most of the incidents nerrated here in this post, has been gathered from my DAD, a NT devotee)

வெல்டன் சாரதா மேடம் எங்கள் எல்லோரையும் 1978 வருடத்துக்கு கொண்டு சென்று விட்டீர்கள் தகவல்கள் அனைத்தும் அருமை உங்கள் தந்தைக்கு எங்கள் நன்றி


ராதாகிருஷ்ணன். (புதிய உறுப்பினர்)

பம்மலார் சார் உங்கள் தகவல்கள் அருமை. கர்ணன் படம் 108 நாள் ஓடியதா? யாரோ அது தோல்வி படம் என்று சொன்னார்களே ?

ராதாகிருஷ்ணன் (NT Devotee)

Quote:

---

Originally Posted by Jeev

Dear Sivaji fans,

Theepam ran 148 days at Sellamahal theatre (Colombo).

Regards,

Jeev

---

Yes, Mr.Jeev. Thanks for the info.

On shifting basis, Dheepam celebrated Silver Jubilee at Sri Lanka.

Regards,
Pammalar.

நடிகர் திலகத்தின் பக்தர் திரு.ஜெ.ராதாகிருஷ்ணன் அவர்களை, நமது நடிகர் திலகத்தின் திரிக்கு, "வருக! வருக!" என இரு கரம் கூப்பி அன்புடன் வரவேற்கிறோம்!!!

அன்புடன்,
பம்மலார்.