Nadigar Thilagam Sivaji Ganesan - Part 6

சிவாஜி என்ற எழுத்தில் உள்ள ஜ எவ்வளவு மகிமை என்பது நன்கு தெரிகிறது... ஜோ, ஜீவ், ஜே - ராதாகிருஷ்ணன் ... எப்படியாவது அவர் நம்முள் ஆட்டிப்படைக்கிறார் என்பதற்கு இது ஒரு சான்று.
வருக ராதாகிருஷ்ணன் அவர்களே... தங்களுடைய மேலான பதிவுகளுக்கும் கருத்துக்களுக்கும் எங்களின் ஆவலான எதிர்பார்ப்புகள்...
நம் திரியின் நாயகர்கள் முரளி, பம்மலார் இருவரும் அள்ளித் தரும் புள்ளிவிவரப் புதையலில் அனைத்தையும் எடுத்துக்கொண்டாலும் இன்னும் கேட்கும் அளவிற்கு சாதனைகள் புரிந்திருக்கும் நடிகர் திலகத்தின் அன்பு உள்ளங்கள் சார்பாகவும் தனிப்பட்ட முறையிலும் தங்களை அன்புடன் வரவேற்கிறேன்.

சகோதரி சாரதா, சொர்க்கம் முதல் நாள் முதல் காட்சியில் தேவி பாரடைஸில் என்ன மன நிலையிலிருந்தோமோ அதே மன நிலையில் தான் என்னைப் போல் ஒருவன் காட்சியிலும்.. நீங்கள் சொன்னது சரி. அந்தப் பேரானந்தக் கடலிலே நானும் ஒரு துளியாக அன்றிருந்தேன். அந்த நினைவுக்கு என்னை அழைத்துச் சென்றதற்கு நன்றிகள் பல. இதுபோல் பல நினைவுகள் அவ்வப்போது வரும் அவ்வப்போது அவற்றைப் பகிர்ந்து கொள்கிறேன்.

அன்புடன்
ராகவேந்திரன்

புதிய உறுப்பினராக வருகை தந்திருக்கும் நடிகர் திலகத்தின் பக்தன் திரு.ராதாகிருஷ்ணன் அவர்களே, உங்கள் வரவு நல் வரவாகுக.

கர்ணன் 108 நாட்கள் ஓடியதா என்றா கேட்டீர்கள்? ஆசியாவின் மிகப் பெரிய அரங்கமான மதுரை தங்கத்தில் 108 நாட்கள் ஓடியது. அதாவது சாதாரண அரங்குகளில் வெள்ளி விழா நாட்கள் [175 நாட்கள்] ஓடியதற்கு சமம்.

இன்று திரிக்கு வரும் முன் நிச்சயமாக என்னைப் போல் ஒருவன் படத்தைப் பற்றிய சாரதாவின் பதிவு இருக்கும் என்று நினைத்தேன். அப்படியே இருந்தது. காரணம் உங்களுக்கு மிகவும் பிடித்த படமல்லவா! தவறுதலாக நினைக்கவில்லை என்றால் ஒரு சந்தேகம். சென்னை நீங்கலாக தமிழகத்தின் ஏனைய பகுதிகளில் மார்ச் 18 அன்று வெளியான என்னைப் போல் ஒருவன் சென்னையில் ஏப்ரல் 14 அன்றுதானே ரிலீஸ் ஆனது? அப்போதும் எங்கள் மதுரை முந்திக் கொண்டது.

நானும் 18-ந் தேதி சனிக்கிழமை ரிலீஸ் அன்று மாலைக் காட்சி மதுரை தங்கத்தில் பார்த்தேன். சாரதா சொன்னது போல் மிகப் பெரிய வரவேற்பு. நடிகர் திலகம் 1972-73 காலகட்டத்தில் இருந்த உடல்வாகு என்பதால் பார்க்க பிரமாதமாக இருப்பார். சாரதா சொன்னது போல் பாடல்கள் முன்கூட்டியே பிரபலம் என்பதால் பெரிய எதிர்பார்ப்பு. வேலாலே விழிகள் பாடல் ஆலத்துடன் என்பது மட்டுமே ஒரு சிறிய குறை. அதிலும் கூட கிரிம்சன் ரெட் நிறத்தில் கோட் சூட் அணிந்த நடிகர் திலகம் மன்மதன் சேனைகள் மந்திரம் பாடிடும் என்ற வரிகளுக்கு வலது கையை மட்டும் பயன்படுத்தி மூன்று ஸ்டெப் வைப்பார். அன்று ஆசியாவின் தங்கமே அலறியது. தங்கங்களே பாடலில் மகாத்மா, ஜவஹர்லால் மற்றும் பெருந்தலைவர் காண்பிக்கப்பட்ட போது பொங்கிய உணர்ச்சி வெள்ளம் வடிவதற்கே சிறிது நேரம் எடுத்தது. நாங்கள் வெகுவாக எதிர்பார்த்தது மௌனம் கலைகிறது பாடல். சென்சார் காரணம் சில பிரேம்கள் பகுதியாக மறைக்கப்பட்டு காண்பிக்கப்பட்டது. சண்டைக் காட்சியும் அலப்பறையாகவே போனது.

குறிப்பிட வேண்டிய விஷயம் படம் வசூல் ரீதியாக சாதனை புரிந்தது பற்றி. அதுவரை தங்கம் திரையரங்கில் முதல் வார வசூலில் சாதனை புரிந்திருந்த எங்க மாமா மற்றும் நீதி படங்களின் வசூலை வெகு எளிதாக கடந்த என்னைப் போல் ஒருவன் மதுரை தங்கத்தில்

முதல் 7 நாட்களில் பெற்ற வசூல் - Rs 80 ,140 .69 p.

தங்கத்தின் சரித்திரத்திலேயே கட்டுக்கடங்காத கூட்டத்தின் காரணமாக இரண்டாவது வாரம் ஞாயிற்றுக்கிழமையும் 5 காட்சிகள் திரையிடப்பட்ட என்னைப் போல் ஒருவன் மதுரையில் முதல் பத்தே நாட்களில் ஒரு லட்ச ருபாய் வசூல் செய்த முதல் படம் என்ற சாதனையையும் புரிந்தது.

http://www.nadigarthilagamsivaji.com...Others/034.jpg

மதுரையைப் பொறுத்த வரை அந்தக் காலகட்டத்தில் இது எப்படிப்பட்ட சாதனை என்று பார்ப்போம். 1977 நவம்பர் 10 தீபாவளியன்று நியூசினிமாவில் வெளியான அண்ணன் ஒரு கோவில் மதுரையில் தொடர்ந்து 101 காட்சிகள் அரங்கு நிறைந்து ஓடியது. அதாவது முதல் 30 நாட்களில் நடைபெற்ற அனைத்துக் காட்சிகளும் ஹவுஸ்புல். படம் 77 நாட்களை கடந்த போது 1978 ஜனவரி 26 அன்று சினிப்ரியா அரங்கில் அந்தமான் காதலி வெளியானது. அந்தமான் காதலி தொடர்ந்து 130 காட்சிகள் ஹவுஸ் புல். அதாவது முதல் 39 நாட்களில் நடைபெற்ற அனைத்துக் காட்சிகளும் ஹவுஸ் புல். அந்த நேரத்திலும் அண்ணன் ஒரு கோவில் வெற்றிகரமாக ரெகுலர் காட்சிகளில் 100 நாட்களை பிப்ரவரி 17 அன்று கடக்கிறது.

அந்தமான் காதலி முதல் 39 நாட்களின் அனைத்துக் காட்சிகளும் ஹவுஸ் புல் என்று சொன்னோம். படம் 37 நாட்களை கடந்த போதே மார்ச் 4 அன்று தியாகம் மதுரை சிந்தாமணியில் ரிலீஸ் ஆகி விட்டது. அதற்கு பிறகும் அந்தமான் காதலி ஹவுஸ் புல். தியாகம் வெளியாகி 14 நாட்களில் என்னைப் போல் ஒருவன் தங்கத்தில் ரிலீஸ்.

என்னைப் போல் ஒருவன் முதல் பத்து நாட்களில் ஒரு லட்ச ருபாய் வசூல் செய்யும் போது தியாகம் 24 நாட்களை கடந்திருந்தது. அந்த 24 நாட்களில் நடைபெற்ற 80 காட்சிகளும் ஹவுஸ் புல். அதே நாளில் அந்தமான் காதலி வெற்றிகரமாக 61 நாட்களை கடந்து ஓடிக் கொண்டிருக்கிறது.

1978 மே 5 அன்று அந்தமான் காதலி சினிப்ரியாவில் 100 நாட்களை வெற்றிகரமாக கொண்டாடும்போது சிந்தாமணியில் தியாகம் 63 நாட்களை நிறைவு செய்கிறது. அந்த 63 நாட்களில் நடைபெற்ற 207 காட்சிகளும் ஹவுஸ்புல். அதே நாளில் என்னைப் போல் ஒருவன் 49 நாட்களை கடந்து 50 -வது நாளில் அடியெடுத்து வைக்கிறது.

இது போதாதென்று நடிகர் திலகம் தெலுங்கில் நடித்த ஜீவன தீரலு என்ற படம் வாழ்க்கை அலைகள் என்ற பெயரில் தமிழில் டப்பிங் செய்யபட்டு 1978 ஏப்ரல் 14 அன்று மதுரை மீனாட்சியில் வெளியாகி அதுவும் ஓடிக் கொண்டிருக்கிறது,

இது போன்ற ஒரு சாதனை அதற்கு முன்பும் செய்யப்பட்டதில்லை. அதற்கு பின்னும் முறியடிக்கப்படவில்லை. நான் ஏற்கனவே சொன்னது போல் யார் யாரோ என்னவெல்லாம் சொன்னாலும் மதுரை நடிகர் திலகத்தின் கோட்டை என்பதும் மதுரையில் அவரது தியேட்டர் சாதனைகளை முறியடிக்க இனி ஒருவர் பிறந்து வர வேண்டும் என்பதும் காலத்தின் கல்வெட்டுகளில் பொறிக்கப்பட்ட சரித்திரம்.

அன்புடன்

சகோதரி சாரதா,

என்னைப்(ராஜசேகர்) போல் ஒருவன்(சுந்தரமூர்த்தி), மலரும் நினைவுகள் மிக மிக அருமை. [தங்களது தந்தையாருக்கு எனது சிரம் தாழ்த்திய நன்றிகள்!] தங்களுக்கு மிகவும் பிடித்த நடிகர் திலகத்தின் படங்களில் இதுவும் ஒன்று என்று நினைக்கிறேன்.

தென்னகமெங்கும் 18.3.1978 அன்று வெளியான என்னைப் போல் ஒருவன், சென்னையில் மட்டும் தமிழ்ப் புத்தாண்டு தினத்தன்று (14.4.1978) வெளியானது.

தேவிபாரடைஸில் 70 நாட்களும், அகஸ்தியாவில் 49 நாட்களும், முரளிகிருஷ்ணாவில் 49 நாட்களும் ஓடி அமோக வெற்றியைப் பெற்றது.

சென்னை வசூல் விவரம்: (மொத்த வசூல்)

1. தேவிபாரடைஸ் - 70 நாட்கள் - ரூ. 5,30,716-05

2. அகஸ்தியா - 49 நாட்கள் - ரூ. 2,34,583-22

3. முரளிகிருஷ்ணா - 49 நாட்கள் - ரூ. 1,87,803-75

சென்னையின் மொத்த வசூல் : ரூ. 9,53,103-02

அறிவுஜீவிகள் போர்வையில் உலவி வரும் அறிவிலிகள், இப்படத்தைத் தோல்விப்படம் என்பார்கள். அவர்களுக்கு நமது ஆழ்ந்த அனுதாபங்கள்!

காஞ்சிபுரத்தில் லக்ஷ்மி திரையரங்கில் 28 நாட்கள் மிகுந்த வரவேற்புடன் ஓடி அள்ளித் தந்த மொத்த வசூல் ரூ. 85,858-95.

மதுரைப் புள்ளி விவரங்களை, மதுரையின் ரசிகத் திலகம் முரளி சார், அள்ளி அளித்து விட்டார். என்னைப் போல் ஒருவன், தங்கத்தில் ஓடி முடிய அளித்த மொத்த வசூல் ரூ. 2,74,556-59.

கோவை மாநகரின் ராஜா திரையரங்கில், 48 நாட்கள் ஓடி, அபார வெற்றி கண்டது.

நெல்லை பூர்ணகலாவில் 41 நாட்கள் வெற்றிகரமாக ஓடிய இக்காவியம், நாகர்கோவில் ராஜேஷில் 50 நாட்கள் ஓடி சிறப்பான வெற்றியைப் பெற்றது.

திண்டுக்கல் என்.வி.ஜி.பி. அரங்கில் 27 நாட்கள் மிக வெற்றிகரமாக நடைபெற்றது.

சேலம் நியூசினிமாவில் 70 நாட்கள் ஒடி சூப்பர் டூப்பர் ஹிட்.

திருச்சி பிரபாத்தில் 41 நாட்கள் வெற்றி நடை போட்டது.

ஏ, பி, சி என எல்லா சென்டர்களிலும் ஓட்டத்திலும், வசூலிலும் இக்காவியம் ஒரு கலக்கு கலக்கியது.

ரொம்ப லேட்டாக வந்து, பெரிய ஹிட்டான படங்களின் வரிசையில், என்னைப் போல் ஒருவனுக்கு தனி இடம் உண்டு.

அன்புடன்,
பம்மலார்.

முரளி சார்,
மதுரை சாதனை விவரங்களுக்கு மிக்க நன்றி :D

திரு ராதாகிருஷ்னண் அவர்களே,நடிகர்திலகத்தின் புகழ்பாடும் சோலைக்குள் தங்களை இரு கரம் கூப்பி வறவேற்க்கிறேன்.

சாரதா மேடம்,
தங்களின் மலரும் நினைவுகள் நான் சிறுவனாக இருந்தபோது 80களில் பெங்களூர் தியேட்டர்களில் என் தந்தையாருடன் சென்று நடிகர்திலகத்தின் படங்களை பார்த்த அனுபவங்களை ஞாபகப்படுத்தியது. ஓ.... அந்த இனிய நாட்கள்?

முரளி சார்,
78ல் நடிகர்திலகத்தின் பட சாதனைகள் பிரமிக்க வைக்கிறது.இதுவரையில் முறியடிக்க முடியாத இந்த சாதனை வருடத்துக்கு ஒரு படத்தை வெளியிட்டு அந்த படம் பகல்காட்சியாக 50நாட்களை தாண்டினாலே மாபெரும் வெற்றி என விழா கொன்டாடும் இந்த கால நடிகர்களால் முறியடிக்க முடியும் என்றா நினைக்கிறீர்கள்?சத்தியமாக முடியாது.

btw,how things are shaping up for sivaji week?please update.
kindly request the organisers to advertise it to a much wider range.

pammal sir,
thanks for the information on EPO collections

Quote:

---

Originally Posted by J.Radhakrishnan

பம்மலார் சார் உங்கள் தகவல்கள் அருமை. கர்ணன் படம் 108 நாள் ஓடியதா? யாரோ அது தோல்வி படம் என்று சொன்னார்களே ?

ராதாகிருஷ்ணன் (NT Devotee)

---

வெற்றிக்காவியமே கர்ணன்

"கலைப்பொன்னி" சினிமா மாத இதழின் ஜூலை 1964 இதழில் வெளியான ஒரு கேள்வி-பதில்:

கேள்வி : 'கர்ணன்' படத்துக்கு செலவழித்த தொகையைத் தயாரிப்பாளர் பந்துலு பெற்றிருப்பாரா?

பதில்: நிச்சயமாகப் பெற்றிருப்பார். பந்துலுவைக் 'கர்ணன்' காப்பாற்றி விட்டதாகத்தான் வட்டாரத்தில் பேசிக் கொள்கிறார்கள்.

மாபெரும் வெற்றிவீரரான கர்ணன், செஞ்சோற்றுக் கடன் தீர்க்க இ(ரு)ந்த பக்கமே இருந்ததால், தோற்கடிக்கப்பட்டார். மாபெரும் தயாரிப்பாளரான பந்துலு, அந்தப் பக்கம் போனதால், வெற்றியாளர் கர்ணன், வெற்றி பெற்ற கர்ணன் தோல்வி என அறிவிக்கப்பட்டார். ஆக, பரமாத்மா முதல் பந்துலு வரை, கர்ணனைத் தோற்கடிக்க, எத்தனை குறியாக இருந்திருக்கிறார்கள்.

முதல் வெளியீட்டில், வீரபாண்டிய கட்டபொம்மன் பெற்ற விண்ணை முட்டும் வெற்றியைக் கர்ணன் பெறவில்லை என்பது உண்மை. ஆயினும், திரையிடப்பட்ட எல்லா இடங்களிலும், முதல் வெளியீட்டில், கர்ணன், அமோக வரவேற்பினைப் பெற்று சிறந்ததொரு வெற்றிப் படமாகத் திகழ்ந்தது என்பது மறுக்க முடியாத உண்மை.

கலைக்குரிசிலின் 94வது காவியமான கர்ணன், 14.1.1964 பொங்கல் திருநாளன்று, சென்னை மற்றும் தென்னகமெங்கும், 30க்கும் மேற்பட்ட திரையரங்குகளில் வெளியானது.

அவற்றில் 100 நாள் விழாக் கொண்டாடிய அரங்குகள் : 4 (இதுவே ஒரு சிறந்த சாதனை)

1. சென்னை - சாந்தி (1214 இருக்கைகள்) - 100 நாட்கள் (மொத்த வசூல் ரூ. 2,11,284-00)

2. சென்னை - பிரபாத் (1277 இருக்கைகள்) - 100 நாட்கள்

3. சென்னை - சயானி (842 இருக்கைகள்) - 100 நாட்கள்

4. மதுரை - தங்கம் (2593 இருக்கைகள்) - 108 நாட்கள் (மொத்த வசூல் ரூ. 1,98,102-99)
(ஆசியாவின் மிகப் பெரிய திரையரங்கம் தங்கம்)

[இன்றைய தினங்களில், 400 திரையரங்குகளில் திரையிடப்படும் பிரம்மாண்ட படங்களெல்லாம், 4 திரையரங்குகளில் கூட 100 நாட்களைத் தொட முடியாமல் மண்ணைக் கவ்வுகின்றனவே!?]

மேலும், கர்ணன் காவியம், திருச்சி, சேலம், கோவை போன்ற பெரிய நகரங்களில், 80 நாட்கள், ஒவ்வொரு நகரத்திலும் ஓடி, அபார வெற்றி பெற்றது.

நாகர்கோவிலில் 65 நாட்கள் ஏகோபித்த வரவேற்புடன் ஓடிய கர்ணன், திருநெல்வேலியில் 59 நாட்கள் வெற்றி நடை போட்டது.

திண்டுக்கல்லில் சூப்பர்ஹிட் ரேஞ்சில் 50 நாட்கள்.

ஆக, ஏ சென்டர்களில் எல்லாம் 80 நாட்களும் அதற்கு மேலும்,

பி சென்டர்களில் 50 நாட்களும் அதற்கு மேலும் மற்றும்

சி சென்டர்களில் எல்லாம் 3 வாரங்களிலிருந்து 6 வாரங்கள் வரை

வெற்றிகரமாக ஓடியுள்ள கர்ணன் ஒரு அபார வெற்றிக் காவியம்!!!

அன்புடன்,
பம்மலார்.

For some reason people formed a "false image" that KarNan is a failure movie for Shivaji!

நடிகர் திலகம் என்ற மாபெரும் வெற்றிக் கலைஞனை மீடியாக்கள் எப்படி இருட்டடிப்பு செய்கின்றன என்பதற்கு கர்ணன் ஒரு உதாரணம். பல படங்கள் 12 அல்லது 13 வாரங்களைத் தொட்டிருக்கின்றன. சில சமயங்களில் தயாரிப்பாளர் ஊக்கத் தொகை போன்ற கூடுதல் செலவினங்களின் காரணங்களுக்காகவும் படத்தை 90 முதல் 99 நாட்களில் எடுத்திருக்கின்றனர். அப்படியும் அப்படங்கள் தொடர்ச்சியாக மற்ற தியேட்டர்களில் ஓடி 100 நாட்களைக் கடந்திருக்கின்றன. அப்படிப்பட்ட படங்களின் பட்டியலை பம்மலார் தயாரித்து வருகிறார். அவற்றையெல்லாம் சேர்த்தால் கிட்டத்தட்ட 80 முதல் 90 சதவீத வெற்றியைத் தந்த கதாநாயகன் என்ற பெருமை நடிகர் திலகத்தை சாரும்.
தங்கைக்காக, அருணோதயம், உள்ளிட்ட பல படங்கள் இப்பட்டியலில் அடங்கும். மேலும் வசூலை வாரிக்குவித்து திடீரென்று எடு்க்கப்பட்ட படங்களும் உண்டு. 100 நாட்களைக் கடந்து வெள்ளி விழாவையும் கண்டிருக்கக் கூடிய தங்கசுரங்கம், வெள்ளி விழாவைக் கடந்து மேலும் வெற்றிகரமாக ஓடியிருக்கக் கூடிய, ஆனால் 19 வாரங்களில் எடுக்கப் பட்ட தில்லானா மோகனாம்பாள், போன்ற படங்களைச் சொல்லலாம். ஆனால் இப்படி திடீரென்று எடுக்கப் பட்ட படங்களுக்கு ரசிகர்கள் மற்றும் பொதுமக்கள் ஆதரவின்மை என்ற காரணம் செல்லுபடியாகாது.

இப்படி பல உதாரணங்களைக் கூறலாம்.

சாதனைகளின் சக்கரவர்த்தி நடிகர்திலகம் பற்றிய மேலும் வெற்றி விவரங்களை பம்மலாரிடமிருந்து எதிர் நோக்கும்.

ராகவேந்திரன்.

டியர் முரளி, ராகவேந்தர், பம்மலார், ராதாகிருஷ்ணன் & செந்தில்...

தங்கள் அனைவரது பாராட்டுக்களுக்கும் நன்றி. நான் பதித்தபோதே முரளியண்ணாவின் மதுரை அனுபவம் வருமென்று எதிர்பார்த்தேன். அதுபோலவே நடந்துள்ளது. நன்றிகள்.

ஏப்ரல் 14 என்பதற்கு பதிலாக ஏப்ரல் 18 என்று பதிந்துவிட்டேன். சென்னையில் ஒருமாதம் தாமதம் என்ற எண்ணத்திலேயே இருந்துவிட்டேன். தமிழ்ப்புத்தாண்டுக்கு வெளியானது. விஜயஷ்ரீ பிக்சர்ஸ் வெளியீடு. அதற்கு முன்பாகவே மதுரை போன்ற இடங்களிலிருந்து படத்திற்கு கிடைத்த சிறப்பான வரவேற்பு விவரங்கள் சென்னை ரசிகர்களுக்கு வந்து சேர்ந்தன.

'கர்ணன்' பட வெற்றி விவரங்களுக்கு பம்மலாருக்கு ஸ்பெஷல் நன்றிகள். ஆனால் இம்மகிழ்ச்சியான வேளையில் மனதை வலிக்கச்செய்யும் ஒரு விஷ(ய)ம் நேற்று ஜெயா தொலைக்காட்சி 'தேன்கிண்ணம்' நிகழ்ச்சியில் சொல்லப்பட்டது. நேற்று வெள்ளியாதலால் மூன்று படப்பாடல் நிகழ்ச்சியாக ஒளிபரப்பானது. 1959களில் வெளியான மூன்று படங்களில் ஒன்றாக 'வீரபாண்டிய கட்டபொம்மன்' பாடல்களும் ஒளிபரப்பாயின. அதைத்தொகுத்து வழங்கிய டி.எம்.ஷ்ரீதேவி என்ற 'குழந்தை'(?) ஒரு தவறான தகவலைச்சொன்னது... "கட்டபொம்மன் வெற்றிகரமாக 26 வாரங்கள் ஓடிய போதிலும் தயாரிப்பாளருக்கு லாபத்தைத் தரவில்லை. ஜனாதிபதியின் சான்றிதழ் மட்டுமே ஆறுதலாகக் கிடைத்தது". இந்தத்தகவலைச்சொன்ன அந்தக்'குழந்தை' கட்டபொம்மன் வெளியானபோது பிறந்திருக்கவில்லை. ஆகவே வேறு யாரோ விஷமிகள்தான் இப்படி ஒரு மாபெரும் தவறான தகவலை அவருக்குச்சொல்லியிருக்க வேண்டும். அதைச்சரிபார்க்காமல் ஒளிபரப்பிய ஜெயா தொலைக்காட்சியை வன்மையாகக் கண்டிக்கிறோம்.

டியர் முரளி.....

மதுரையில் 1978-ம் ஆண்டின் முற்பகுதியில் நடிகர்திலகத்தின் சாதனை விவரங்கள் அருமையான தொகுப்பு. ஒரே நேரத்தில்...

நியூசினிமாவில் - அண்ணன் ஒரு கோயில் (100 நாட்களுக்கு மேல)
சினி ப்ரியாவில் - அந்தமான் காதலி (100 நாட்களுக்கு மேல)
சிந்தாமணியில் - தியாகம் (175 நாட்களுக்கு மேல்)
'மெகா' தங்கத்தில் - என்னைப்போல் ஒருவன் (50 நாட்களுக்கு மேல்).. இவை போக
மீனாட்சியில் - வாழ்க்கை அலைகள்

தேவியையும், சென்ட்ரலையும், கல்பனாவையும் ஏன் விட்டு வைத்தார்...?.

நிச்சயமாக மற்றவர்கள் செய்து காட்டுவது இருக்கட்டும், முதலில் மனதில் நினைத்துப்பார்க்க முடியாத சாதனைகள் இவையெல்லாம். இப்படி ஒருசில முறையல்ல, பலமுறை சாதித்துக்காட்டியவர் அண்ணன்.
'வலைப்பூ வல்லுனர்களின்'(?) பார்வைக்கு இவையெல்லாம் சென்று சேர்ந்தால் நன்றாயிருக்கும்.