http://skjbollywoodnews.com/wp-conte...1024x768_z.jpg
கூகுள் லோகோ மூலம் இன்று இந்தப் பாடகன் உலகமெங்கும் இசை ரசிகர்களின் கண்களுக்கு விருந்தாகி அவர்தம் நெஞ்சங்களில் நிறைகிறான். ஜாலி ஒன்றையே வாழ்க்கையாகக் கொண்டு கலகலப்பாக வாழ்ந்த மறக்கவொண்ணா பாடகன்.
அவன் பிறந்தநாள் இன்று.
கிஷோர்குமார் என்று அழைக்கப்பட்ட அந்த கில்லாடி நிகழ்த்திய சாதனைகள் எண்ணிலடங்காது. எத்தககைய பாடல்களையும் பாடி ஊதித் தள்ளிய திறமையாளன். இந்திப் பாடல்களுக்கு தனி உருவம் கொடுத்தவன். காமெடி முதல் கஜல் வரை கலக்கி எடுத்தவன்.
அவன் பிறந்தநாளில் அவன் கொடிநாட்டிய பாடல்கள் சிலவற்றின் மூலம் அவனுக்கு இதயபூர்வமான நம் வாழ்த்துக்களைக் கூறுவோம்.
முதலில் ஒரு கலகலப்பான கிஷோர் அவர்களின் அமர்க்களத்தைப் பார்ப்போம்.
தான் நேரிடியாகப் பாடும் கச்சேரி மேடை ஒன்றில் அவ்வளவு பெரிய பாடகன் ரசிகர்களோடு ரசிகர்களாக கலந்து அவர்களை தன்னோடு பாடவைத்து ஆடவைத்து அடிக்கும் கூத்துக்கள் நம்மை விலா நோகச் செய்கின்றன.
அதுவும் 'ஓ... கைகே பான் பனாரஸ்வாலா' டான் படப் பாடலைப் பாடி அமர்க்களம் பண்ணுவதைப் பாருங்கள்.
https://www.youtube.com/watch?v=GVD-...yer_detailpage
