நிலாப் பாடல் 23: "நிலவு தூங்கும் நேரம்"
இதுவும் சோகமானப் பாடல்தான். என்ன சுகமாக இருக்கிறது பாருங்கள். எளிமையான வரிகள்தான். ராஜா என்னை ரொம்பவே ரசிக்க வைத்தார். S.P. பாலசுப்ரமணியம், S.ஜானகி இவர்கள் சேர்ந்தும், S.P. பாலசுப்ரமணியம் தனியாக பாடிய இரண்டு பாடல்கள் உண்டு. நடிகர் மோகனுக்கு எங்கயோ மச்சம் இருந்திருக்குன்னு சொல்வாங்க. பின்னாடி அழிஞ்சுபோச்சோ என்னவோ?
சரி பாடலைப் படிப்போமா?
-------------------------------------------------------------------------------------------
நிலவு தூங்கும் நேரம் நினைவு தூங்கிடாது
இரவு தூங்கும் நேரம் உறவு தூங்கிடாது
இது ஒரு தொடர்கதை தினம் தினம் வளர்பிறை
(நிலவு)
நான்கு கண்ணில் இன்று ஒரு காட்சியானதே
வானம் காற்று பூமி இவை சாட்சியானதே
நானுனைப் பார்த்தது பூர்வ ஜென்ம பந்தம்
நீண்ட நாள் நினைவிலே வாடுமிந்த சொந்தம்
நான் இனி நீ... நீ இனி நான்
வாழ்வோம் வா கண்ணே
(நிலவு)
கீதை போலக் காதல் மிகப் புனிதமானது
கோதை நெஞ்சில் ஆடும் இந்தச் சிலுவை போன்றது
வாழ்விலும் தாழ்விலும் விலகிடாத நேசம்
வாலிபம் தென்றலாய் என்றும் இங்கு வீசும்
ஏன் மயக்கம் ஏன் தயக்கம்
கண்ணே வா இங்கே
(நிலவு)
---------------------------------------------------------------------------------------------
சரி பாடலைப் பார்ப்போமா?
https://www.youtube.com/watch?v=qjnorxdJ2J8
https://www.youtube.com/watch?v=7rs_qe5o4Tw
குங்குமச்சிமிழ் போல அழகா பாட்டு இருக்கா என்ன? இது வேற. அது வேற.