மனதை கவரும் மதுர கானங்கள்: பாகம் -3

மேலமாசி வீதியில் ஒரு மிதி மிதித்து
ஆரியபவன வ்ந்த்தும் இடம்திரும்பி
நேரே சென்றால்
மேங்காட்டுப் பொட்டல்..
ஜான்சி ராணிபூங்கா எதிரில் ஒய் எம் சி ஏ..
நடுவில் குதிரைவண்டிகளின் வரிசை..

சில வண்டிகளில் குதிரைகள்
பூட்டப் பட்டு
சாதுவாய்
புதிதாய் வீட்டிற்கு வந்திருக்கும்
நாட்டுப் பெண்போல தலை குனிந்து
கொஞ்சம் ஆடிய படி நின்றிருக்கும்
சில வண்டியிலிருந்து
அவிழ்த்து விடப்பட்டு
குனிந்து இரும்பு வாளியில்
வைக்கப்பட்டிருக்கும்
புல், கொள் எதையாவது
உண்டு கொண்டிருக்கும்
அருகில் சென்று தொட்டாலோ
முனிவர் போல அருட்பார்வை பார்த்து
மறுபடி குனியும்..

சிகப்பு.
மங்கிய வெள்ளை,
கறுப்பு வெள்ளை என
கலந்து கட்டிய நிறங்களில்
அழுக்காகவும்
அதைவிட அழுக்காக
வண்டிக்காரன்..

உலகத்தில் மற்ற விஷயங்களை விட
குதிரைவண்டிக்காரனிடம் தான்
மக்கள் பேரம்செய்வர்..
எட்டணா அவனிடம் குறைத்தால்
ஏதோ இமயத்தைத் தொட்டாற்போல்
பெருமிதம் கொள்வோரும் உண்டு..

காலப் போக்கில்
கொஞ்ச்ம் கொஞ்சமாய்
அந்த குதிரை வண்டி நிலையம் மாறி
குதிரைகளும்
காணாமற் போயின..

இப்போது
அந்த இடம் கடந்தால்
கண்டிப்பாய் வரும்
குதிரை வாசனை..!

**

பொன்னாரம் பூவாரம் கண்ணோரம் சிருங்காரம்

இனிய பாடல் இளமை துள்ளும் ஸ்ரீ தேவி.. இளைஞ விஜயகுமார் கண்ணதாசனின் அழகிய வரிகள். சூப்பர் லொகேஷன் அண்ட் பிக்சரைஷேஷன்.. அப்புறம் என்னன்னாக்க..

கடோசில்ல இந்தப்பாட்டுல குதிரை வருதுங்க்ணா..!


https://www.youtube.com/watch?v=yF58...yer_detailpage


இந்தப் படத்தையும் பாடல்களையும் வாசு அலசினார்னா நல்லா இருக்கும் ம்ம்

இத ஒரு பொண் பாடறதாவும் வச்சுக்கலாம்

தேருத் திருவிழாக்கு திரும்பத்தான் வாரேன்னு
…தெக்குத் திசைபக்கம் போகத்தான் போனீக
கார்கா லம்முடிஞ்சு வெயிலடிக்க ஆச்சுதுங்க
…கனவ நனவாக்க எப்பவந்து சேர்வீங்க
நீரும் இல்லாம நிலம்வெடிச்சு போகுதுபோல்
..நீரும் இல்லாம நாந்துடிச்சுத் தானிருக்கேன்
வேராய் இருந்தவரே வெரசாகத் தான்வாரும்
..வெறிக்கும் பார்வையதில் பன்னீரைத் தூவுமய்யா..

கடைசி ரெண்டுவரிய மாத்தினா வாசு சாருக்காகவும் வச்சுக்கலாம்


தேருத் திருவிழாவுக்கு திரும்பத்தான் வாரேன்னு
…தெக்குத் திசைபக்கம் போகத்தான் போனீக
கார்கா லம்முடிஞ்சு வெயிலடிக்க ஆச்சுதுங்க
…கனவ நனவாக்க எப்பவந்து சேர்வீங்க
நீரும் இல்லாம நிலம்வெடிச்சு போகுதுபோல்
..நீரும் இல்லாம நாந்துடிச்சுத் தானிருக்கேன்
கார்ஷெட் டெல்லாமே கட்டித்தான் ஆச்சாங்க
..கனக ஜோராக கலந்துகொள்ளத் தான்வாங்க..


வருவாக வருவாக.வெய்ட் கண்ணா..

**

***
நழுவல்கள்
**

விரும்பி எழவும் முடியவில்லை
…விழித்து நோக்கவும் தெரியவில்லை
குருட்டாம் போக்காய் குறுகித்தான்
...ஒடுங்கி நன்றாய் இருந்தாச்சு
புருவஞ் சுருக்கிக் கண்மூடிப்
...பொய்யா யுறங்கி இருந்ததுவும்
இருட்டில் நழுவி ஓர்நாளில்
...உலகம் பார்க்க வந்தாச்சு.

விழிகள் வெற்றாய்ப் நோக்குங்கால்
...வெளிச்சம் கண்ணில் அடித்திடவே
கிலியால் உதடுகள் தான்கோணி
...கோவென் றழுதால் அன்னையவள்
வலியச் சேர்த்தே அணைத்த்படி
...அமுதம் தன்னை புகட்டுங்கால்
துளீயாய்ச் சிரித்துத் துஞ்சியதில்
...சென்ற நேரம் கொஞ்சமல்ல.

கிட்ட இருந்தும் வாராமல்
...கூவி அழைத்தும் கேளாமல்
எட்டி எடுக்க் முடியாமல்
...ஏயென் றழவும் அன்னையும்தான்
தட்டித் தழுவிப் புறம்போடத்
...தவழ்ந்து பொம்மை தானெடுத்துக்
கட்டிப் பிடித்தே தூங்கியதில்
....கழிந்த காலம் எத்தனையோ

தளர்நடை பழ்கும் போது
....தயக்கமும் கொண்டி டாமல்
உளறலாய்ச் சொற்க ளோடு
...உயரமாய் உள்ள வற்றை
மலர்ச்சியாய் எடுக்கப் பார்த்து
...மறுபடி முய்ற்சி செய்து
கலவரம் அடைந்து கத்தும்
...காலமும் போன தங்கே.

பள்ளியில் படித்த பாடம்
...பருவமும் அடைந்த பின்பு
துல்லிய மாக மேலே
...தொடர்ந்த்து வேறு திக்கில்..
கல்வியும் முடித்த பின்பு
...கனிவுடன் வேலை தேடி
நல்லிடம் தனிலே சேர
..நழுவிய காலம் பலவே

பழுதுகள் ஏதும் இல்லா
...பக்குவ மாக வேலை
பார்த்ததில் மனைவி சேய்கள்
...பாய்ந்துதான் சேர இன்றோ
வழுக்கிடும் தரையைப் போலே
...வாழ்வதன் சுவைகள் எல்லாம்
நழுவுது மெல்லக் கொஞ்சம்
....நாரணன் பேரைச் சொல்லி


எந்த ஊர் என்றவனே இருந்த ஊரைச் சொல்லவா
அந்த ஊர் நீயும் கூட அறிந்த ஊர் அல்லவா.



https://www.youtube.com/watch?v=e4ok...yer_detailpage

//அந்தக்கால ஹீரோயின்களின் பாடே ரொம்பக் கஷ்டம் தான்.அதுவும் அந்தக்காலத் திரைப்படக் கதாசிரியர்களுக்கு என்ன ஒரு ஆர்வமோ பாசமோ நானறியேன்.// இதோ இன்னொரு சிச்சுவேஷன்..


ஹீரோயின் அப்படியே மனமுருக சோகப்பாட்டுப் பாடினால் என்ன ஆகும்.1.காதல் தோல்வி 2 அண்ணன் செத் போய்டுவார்.. அல்லது அடுத்த போஸ்ட்ல சொல்றேனே
ம்ம்

காவேரி ஓரம் கவி சொன்ன காதல். சர்ருவோட அண்ணா போறாரா..

https://www.youtube.com/watch?v=bdR5...yer_detailpage

அடுத்த போஸ்ட்ல ரெண்டாவது சிச்சுவேஷன்.

//அந்தக்கால ஹீரோயின்களின் பாடே ரொம்பக் கஷ்டம் தான்.அதுவும் அந்தக்காலத் திரைப்படக் கதாசிரியர்களுக்கு என்ன ஒரு ஆர்வமோ பாசமோ நானறியேன்.//

இப்போ ரெண்டாவது சிச்சுவேஷன்.. ஹீரோயின் அப்படியே மனமுருக சோகப்பாட்டுப் பாடினால் என்ன ஆகும்
1. கற்பு போய்டும் 2. அண்ணா மன்னி செத் போய்டுவாங்க..
இப்போ சிச்சுக்குப் பொருத்தமா ஒரு போயம்..


நானாகத் தானிருந்த கால மெப்போ
...நலமாகத் தானிருந்த பொழுது மெப்போ.
தானாடி என்னுடனே ஓடி யாடி
..தயங்காமல் என்மழலைப் பேச்சி லாடி
ஆணாக எனைவளர்த்த அன்னை கூட
..அழகாக இருந்திருந்த நாட்கள் தானா..
தேனாகப் பலவாறாய்ப் பேசி வானில்
..திசைக்கெல்லாம் பறந்திருந்த இளமைப் போதா

ஊனாசை உயிராசை எல்லாம் கொண்டே
..உறங்காமல் பலவாறாய்ச் செல்வம் சேர்த்து
காணாமல் போய்விட்ட வெள்ளை உள்ளம்
..கண்களிலே மறுபடியும் தெரியுங் காலம்
வீணாசை என்றேதான் அறிந்த போதும்
...வேடிக்கை தனைக்கூட்டும் விந்தை நெஞ்சால்
தானாகத் தோன்றிடுமோ என்றே உள்ளே.
..தவித்தபடி கேட்கின்றேன் விடைதான் எங்கே...


ஆண்னுசொன்னதினால் நான் தான்பாடணும்..ஸாரி..லத்து பாடட்டும்..

நெள ஓவர் டு லத்து


போயத்துக்குப் பொருத்தமிருக்குதோ இல்லியோ நைஸ் ஸாங்கோன்னோ…

நானே நானா யாரோ தானா மெல்ல மெல்ல மாறினேனா..


https://www.youtube.com/watch?v=SD5f...yer_detailpage

அந்தக் காலத்தில் அரசிளங்குமரிகள் என்றாலே கஷ்டம் தான்.. நாட்டுக்கு ஏதாவது நல்லதா இந்தா இந்த இளவரசியை அந்த நாட்டரசனுக்கு மணம் செய்து முடித்து விடலாம் என தந்தை தன்னிச்சையாய் முடிவெடுக்க பாவம் கண்களில் கண்ணீருடன் தாய் நாட்டை விட்டு வெளியேற வேண்டிய சூழல்..


அதுவும் சரித்திர நாவல்களில் வரும் இளவரசிகள் என்றால் கேட்கவே வேண்டாம்.. கண்டிப்பாக அழகாய் இருக்கவேண்டும்..இளமையாக இருக்கவேண்டும்.. குதிரையேற்றம் வாள்பயிற்சி, போரில் ராஜ தந்திரம் கதானாயகனுடன் மோதல் பின் நெகிழ நெகிழ காதல் என..

இவை தமிழ்த் திரைப்படங்களுக்கும் பொருத்தமான விதி தான்..இதோ ஒரு இளவரசி துள்ளித் துள்ளிக் குதித்து ப் பாடுகிறாள். அதுவும் தன்னிடம் அடிமையாக இருக்கும் ஒருவீரனை நினைந்து கண்களில் வண்ணக் கனவுகள் மின்ன பாடுகிறாள்..அட பாட்டும் வண்ணமாயிருக்கிறதே!

**


ராஜாமகள் ரோஜா மலர் நான் ராஜா மகள் புது ரோஜாமலர் என் ஆசை நிறைவேறுமா
கலர் வைஜயந்தி கலகல ஜெமினி..

https://www.youtube.com/watch?featur...&v=KRvTO_-Uvq4

Bhajare re maanasa..........., a composition by Mysore Vasudevachar rendered by Maharajapuram Santhanam :

http://www.youtube.com/watch?v=84hYhbDR7vY

I hope you don't mind a Sanskrit composition. I like this one and sing in our annual music party once in a few years.

To keep those who do not know Tamil happy ! :)

'திரை இசைத் திலகம் கேவி மகாதேவன் - பிஜிஎஸ் மணியன் .


"கணக்கற்ற பிறவிகளைக் கடந்தபிறகு கிடக்கும் ஸ்வர்கானுபவமானது ஸ்வரங்களையும், ராகங்களையும் கலந்து பக்தி உணர்வோடு இனிய இசை அமுதத்தைப் பருகும் வாய்ப்பு மட்டும் கிடைத்து விட்டால்... ஓ.. மனமே! இப்பிறப்பிலேயே வாழும்போதே அந்த ஜீவன் முக்தி நிலையை நீ அடைவாய். - ஸ்ரீ தியாகராஜ சுவாமிகள்.



"சங்கராபரணம்" - மொழி எல்லைகளைக் கடந்து மாநிலங்களைக் கடந்து இந்தியா முழுவதும் அனைவராலும் பெரிதும் ரசிக்கப் பட்ட தெலுங்குத் திரைப்படம்.

ஆந்திர தேசத்தில் வருடங்களைக் கடந்து வெற்றிகரமாக ஓடி சாதனை புரிந்த படம்.

1979ஆம் ஆண்டு வெளிவந்த இந்தத் திரைப்படம் அந்த வருடத்திய தேசிய விருதுகளை ஒட்டுமொத்தமாக வாரிக் குவித்த படம்.

சிறந்த படத்துக்கான தங்கத் தாமரை விருது, சிறந்த இசை அமைப்பாளருக்கான தேசிய விருது, சிறந்த பின்னணிப் பாடகர், பாடகி, இயக்குனருக்கான விருது ஆகிய விருதுகளை அப்படியே அள்ளிய படம்.

"இந்த ஒரு படம் நூறு திரைப்படங்களுக்கு சமம்" என்று தமிழ்த் திரை உலக வசனகர்த்தா கலைவித்தகர் ஆரூர்தாஸ் பற்றிய தனது மதிப்பீட்டை சொல்கிறார். அவரது கருத்து நூற்றுக்கு நூறு சரியான ஒன்றுதான்.

கர்நாடக சங்கீதத்தின் பெருமையை பாமரரும் உணரும் வண்ணம் செய்த படம். இளைய தலைமுறைக்கு இந்தப் படத்தின் மூலம் நமது தொல்லிசையில் ஒரு பிடிப்பையும் ஈடுபாட்டையும் உண்டாகச் செய்த பெருமை கே.வி.மகாதேவனையே சாரும்.

தியாகராஜ ஸ்வாமிகள், மைசூர் வாசுதேவாச்சார், பத்ராசல ராமதாஸ் ஆகியோரின் கீர்த்தனைகளை பாடல்களாக வைத்து ஒரு படம் எடுக்கவேண்டும் என்றால்.. அதுவும் அனைவரின் ஏகோபித்த பாராட்டுதல்களையும் பெரும் வண்ணம் எடுக்க வேண்டும் என்றால் அதற்கு தனி தைரியம் வேண்டும்.

அந்த தைரியம் படத்தின் இயக்குனர் கே.விஸ்வநாத் அவர்களுக்கு இருந்தது. அதே துணிச்சல் இசை அமைப்பாளர் கே.வி.மகாதேவனுக்கும் இருந்தது.

அதுவும் எப்படி? கர்நாடக சங்கீத வாசனையே இல்லாத எஸ்.பி. பாலசுப்ரமணியம் அவர்களை ஒரு கர்நாடக இசை வல்லுநர் கதாபாத்திரத்துக்கு பின்னணி பாடவைக்கும் அளவுக்கு துணிச்சல் இருந்தது.

சங்கராபரணம் சங்கர சாஸ்திரி என்ற கர்நாடக இசை மேதைக்கும், தேவதாசி குலத்தில் பிறந்த துளசி என்ற நடன மங்கைக்கும் இடையில் ஏற்பட்ட குரு சிஷ்யை பந்தத்தையும் மீறி துளசி அவர் மீது வைத்திருக்கும் புனிதமான பக்தியையும் மூலக் கருவாகக் கொண்டு பின்னப்பட்ட கதை.

சங்கர சாஸ்திரியாக கே.வி. சோமயாஜுலு நடிக்கவில்லை..வாழ்ந்தே காட்டி இருந்தார். அதுவரை சினிமாக்களில் ஒரு பாட்டுக்கு ஆட்டம் போடும் க்ரூப் டான்ஸ் ஆர்டிஸ்டாக மட்டுமே வலம் வந்து கொண்டிருந்த மஞ்சு பார்கவி (ரஜினிகாந்த் இரட்டை வேடங்களில் நடித்த "பில்லா" படத்தில் இடம்பெற்ற "மை நேம் இஸ் பில்லா" பாடல் காட்சியில் ரஜினியோடு சேர்ந்து ஆடிவிட்டுப் போவாரே அவரேதான்) கதாநாயகி துளசியாக நடித்தார். மொத்தப் படத்துக்கும் சேர்த்து இவர் பேசிய வசனம் கால் பக்கம் இருந்தாலே அதிகம். கண்களாலேயே பேசி நடித்து அனைவர் கவனத்தையும் வெகுவாகக் கவர்ந்தார்.

இந்தப் படம் நமது பாடகர் எஸ்.பி.பி. அவர்களுக்கு மிகப் பெரிய திருப்புமுனையாக அமைந்த படம். ஆரம்பத்தில் எஸ்.பி.பி. யின் பெயரை பின்னணி பாடகருக்காக பரிந்துரைத்தபோது அனைவரும் அதிர்ந்துதான் போனார்கள்.

"வேண்டாம் இந்த விஷப் பரீட்சை. கர்நாடக சங்கீதம் மேலோங்கிய கதை. பேசாம பாலமுரளி கிருஷ்ணாவைப் பாடவைத்து விடலாம்." என்ற கருத்தும் மேலோங்கியது. ஆனால் கே.வி.மகாதேவனிடம் கேட்டபோது "மணியை (எஸ்.பி.பாலசுப்ரமணியத்தை "மணி" என்றுதான் மகாதேவன் அழைப்பார்.) நான் பாட வச்சுடறேன். அவன் சம்மதிச்சான்னா போறும்." என்றார்.

இயக்குனர் கே.விஸ்வநாத் அவர்களின் சிற்றப்பா மகன் தான் எஸ்.பி.பாலசுப்ரமணியம். ஆரம்பத்தில் பாலுவிடம் அவர் கேட்டபோது "ஆளை விடுங்க சாமி. நம்மால முடியாது" என்று அவர் மறுத்துவிட்டார்.

தினமும் காலையில் வாக்கிங் போகும் போது பாலுவின் வீட்டுக்கும் விஸ்வநாத் போவது வழக்கம். ஒருநாள் அப்படிச் சென்றபோது "சங்கராபரணம்" படத்தின் கதையை தனது சிற்றப்பாவிடம் விஸ்வநாத் சொன்னபோது அதைக் கேட்டு பெரியவர் நெகிழ்ந்து போனார். பின்னணி" பாடுவதற்கு யாரை போடலாம் என்று இருக்கே?" என்று அவர் கேட்க, "நம்ம பாலுவைத்தான் நான் செலெக்ட் பண்ணி இருக்கேன். ஆனால் அவன் தயங்கறான் சித்தப்பா" என்றார் கே.விஸ்வநாத்.

"இப்படி ஒரு வாய்ப்பை அவன் இழந்துட்டான்னா இனிமே ஜென்மத்துக்கும் அவனுக்கு அது கிடைக்கவே கிடைக்காது. கவலையை விடு. பாலு பாடுவான்" என்று அவர் வாக்கு கொடுக்க பயத்துடனே சம்மதித்தார் எஸ்.பி.பி. அசுர சாதகம் என்பார்களே அதற்கு அர்த்தம் அப்போதுதான் அவருக்கு புரிந்தது.

"இருபத்தைந்தே நாட்களுக்குள் அவரைத் தயார் பண்ணவேண்டும்" என்பதை ஒரு சவாலாகவே ஏற்றுக்கொண்டு மகாதேவனும் புகழேந்தியும் இயங்கினார்கள்.

ஒலிப்பதிவில் அவருடன் பாடிய வாணி ஜெயராமும், எஸ். ஜானகியும் கர்நாடக இசையில் நன்கு தேர்ந்தவர்கள். இவர்களுடன் சேர்ந்து அவர் பாடிய சங்கராபரணம் பாடல்கள் காலங்களைக் கடந்து இன்றளவும் நிலைத்திருக்கிறது என்றால் அதற்கு காரணம் "மாமாவும், புகழேந்தியும் தான்" என்பார் எஸ்.பி.பி.

"ஓம்கார நாதானு சந்தான சௌபாக்யமே சங்கராபரணமு" - சங்கராபரண ராகத்தில் அமைந்த வேட்டூரி சுந்தரமூர்த்தியின் பாடல் தான் படத்தின் "தீம் சாங்". கச்சேரி மேடையில் இந்தப் பாடலை சங்கர சாஸ்த்ரி பாட, அதனை முதல் வரிசையில் அமர்ந்து கேட்கும் துளசி அபிநயத்தாலேயே அவருக்கு வணக்கம் சொல்வதும் தன மனக்கண் முன்னால் அந்தப் பாடலுக்கு அவள் நடனமாடிப் பார்ப்பதும் என்று காட்சி விரிகிறது. பாடலை மகாதேவன் அமைத்திருக்கும் அழகு - சொன்னால் புரியாது - கேட்டுத்தான் உணரவேண்டும்.

ஆற்றங்கரையில் தன் சிறுவயது மகளுக்கு பாட்டுச் சொல்லிக்கொடுக்கிறார் சங்கரசாஸ்திரி. புலரும் பொழுதுக்கே உரிய பூபாளத்தில் அவர் ஸ்வரங்களைச் சொல்லிக்கொடுப்பதும் கழுத்தளவு தண்ணீரில் நடுங்கிக் கொண்டே சிறுமி அதைக் கற்பதும், அங்கு வந்த துளசி அந்த ஸ்வரங்களுக்கு ஆற்று மணலில் நடனமாடிப் பார்ப்பதும், அவள் ஆடுவதைக் கண்டு அவர் பாடுவதை நிறுத்த அவள் தயங்கிச் செல்ல, அவர் அவளை தனது சிஷ்யையாக ஏற்றுக்கொண்டதை குறிப்பால் உணர்த்தும் விதமாக ஸ்வரங்களைத் தொடர அவளும் ஆட இறுதியில் பூபாள ராகத்தின் மைய ஸ்வரங்களோடு அவர் முடிக்க அவள் அவரிடம் வந்து காலைத் தொட்டு வணங்கிச் செல்வதும் அருமையான காட்சிகள். (முக்கியமான ஒரு விஷயத்தைச் சொல்ல மறந்துவிட்டேனே. இந்தப் படத்துக்கு ஒளிப்பதிவு சமீபத்தில் காலம் சென்ற இயக்குனர் பாலுமகேந்திரா). வெறும் ஸ்வரங்களை மட்டுமே வைத்துக்கொண்டு ஒரு பாடல். பாலசுப்ரமணியமும், எஸ். ஜானகியும் பாவங்களை நுணுக்கமாக வெளிப் படுத்தி இருக்கிறார்கள். மகாதேவன் இந்தப் பாடலை அமைத்திருக்கும் விதம் பிரமிக்க வைக்கிறது.

"ராகம் தானம் பல்லவி" என்ற ஒரு ராகமாலிகைப் பாடல். ராகமாளிகையே கட்டியிருக்கிறார் கே.வி.மகாதேவன்.

ஊர்ப் பெரிய மனிதரால் பாலியல் பலாத்காரத்துக்குள்ளாகிறாள் துளசி. இந்தக் கட்டத்திலும் பின்னணி இசையாக சங்கராபரண ராகத்தில் ஸ்வரக் கோர்வைகளையே கே.வி.மகாதேவன் பயன்படுத்தி இருந்தார். எஸ்.பி.பி.யின் இந்திர ஜாலக் குரலை இப்படி எல்லாம் கூடப் பயன்படுத்திக் கொள்ளமுடியுமா? என்று வியக்கவைத்தார் அவர்.

"சங்கரா நாதசரீராபரா" - மத்யமாவதி ராகத்தில் பாவம் மிளிரப் பாடினார் எஸ்.பி.பி.

பத்ராசல ராமதாசரின் கீர்த்தனைகளும், மைசூர் வாசுதேவாச்சாரியாரின் "ப்ரோசெவாரெவருரா" என்ற கமாஸ் ராகக் கீர்த்தனையும் இடைவேளைக்குப் பிறகு நம் செவிகளை எஸ்.பி.பி. - வாணி ஜெயராமின் குரல்களில் நிறைத்தன.

"மானச சஞ்சரரே" - சதாசிவ பிரம்மேந்திரரின் இந்தக் கீர்த்தனை "சாமா" ராகத்தில் வாணி ஜெயராமின் மயக்கும் குரலில் துவங்க, எஸ்.பி.பி இடையில் இணைய இறுதியில் வாணியின் தேன்குரலிலேயே பாடல் முடிகிறது. இந்தப் பாடலுக்காகத்தான் சிறந்த பாடகிக்கான 1980 வருடத்துக்கான தேசிய விருது வாணிஜெயராம் அவர்களுக்குக் கிடைத்தது.

சங்கர சாஸ்திரியின் மகளைப் பெண் பார்க்க வரும் படலம்.

"சாமஜ வரகமனா" என்ற தியாகராஜா கீர்த்தனையின் பல்லவியை மட்டும் எடுத்துக்கொண்டு சரணங்களை காதல் வயப்பட்ட அந்தப் பெண்ணின் கற்பனைக் கனவுகளாக வேட்டூரி சுந்தரமூர்த்தி பாடல்லாக வடிக்க மகாதேவன் கையாண்ட ஹிந்தோளம் கேட்பவரை உற்சாகச் சிறகடித்துப் பறக்க வைத்தது.

"மாணிக்ய வீணாம்" என்ற மகாகவி காளிதாசரின் ச்யாமளா தண்டக சுலோகம் கல்யாணி ராகத்தில்.. இதனை விருத்தமாக அமைத்து எஸ்.பி. பி.யை சிறப்பாக பாடவைத்திருந்தார் கே.வி.மகாதேவன்.

உச்சகட்ட காட்சியில் இடம்பெறும் பாடலில் "தொரகுணா இட்டுவண்டி சேவா" என்ற பல்லவியின் ஆரம்ப வரிகள் மட்டுமே தியாகராஜருடையதாகவும் மற்றவை வேட்டுரி சுந்தர மூர்த்தி அவர்கள் எழுதியவையாகவும் இருந்ததால் "தொரகுணா" கீர்த்தனையின் ஒரிஜினல் ராகமான பிலஹரியில் அல்லாமல் கல்யாணி ராகத்தில் இசை அமைத்து இருந்தார் கே. வி. மகாதேவன் .

இசையை மையமாகக் கொண்ட படத்தில் பாடல்கள் மட்டும் இசை மயமாக இருந்தால் போதாது. பின்னணி இசையிலும் நாதம் சுநாதமாக இருக்கவேண்டும். இல்லாவிட்டால் பட்ட சிரமங்களுக்கு பலனே இருக்காது. இந்தப் படத்தில் பின்னணி இசையில் மகாதேவன் எடுத்துக்கொண்ட கவனமும் ஈடுபாடும் வளரும் இசை அமைப்பாளர்களுக்கு ஒரு பாடமாக இருந்தது என்றால் அது மிகையே அல்ல.

தனது தாயும் மாமனும் தங்கள் குலத்தொழிலில் தன்னையும் ஈடுபடுத்த முயலும்போது வீட்டிலிருந்து வெளியேறி ரயில் வண்டியில் முதல் வகுப்பில் ஏறிவிடுகிறாள் துளசி. அந்த வகுப்பில் சங்கர சாஸ்திரி பயணம் செய்கிறார். மறுநாள் கர்நாடகாவில் கச்சேரி. அவரை வரவேற்க நிகழ்ச்சிக்கு ஏற்பாடு செய்தவர்கள் ரயில் நிலையத்துக்கு வருகிறார்கள். ரயில் வண்டியிலிருந்து சங்கர சாஸ்திரி இறங்குகிறார். இறங்கியவர் அடுத்து கை காட்ட துளசியும் கையில் பெட்டியுடன் இறங்குகிறாள். பக்க வாத்தியக் காரர்கள் உட்பட அனைவருக்கு அதிர்ச்சி. இந்தச் சூழலில் அனைவரும் என்ன நினைப்பார்கள். எவ்வளவு பெரிய வித்வானாக இருந்தால் என்ன? எத்தனைதான் பேரும் புகழும் பெற்றவராக இருந்தால்தால் என்ன? இப்படி ஒரு தாசிகுலப் பெண்ணின் மீது மோகம் கொண்டுவிட்டாரே. என்றுதானே நினைப்பார்கள்? அந்த நினைப்பை படம் பார்ப்பவர்களும் உணரவேண்டும். அதுவும் வசனமே இல்லாமல் பின்னணி இசையால் மட்டுமே உணரவேண்டும். உணர்த்தமுடியுமா? செய்துகாட்டி இருக்கிறார் கே.வி.மகாதேவன். அந்த அர்த்தத்தில் துவங்கும் தியாகராஜரின் "எந்த நேர்ச்சினா" என்ற நளின காந்தி ராகத்தின் பல்லவியை பின்னணியில் வீணையில் இசைக்கவைத்து காட்சியின் தன்மையை அனைவருக்கும் உணர்த்திவிட்டிருக்கிறார்.

தன்னைக் கெடுத்தவனை துளசி கொலைசெய்துவிட அவளை தவறான வாழ்க்கையில் ஈடுபடுத்த அவளது தாயும் மாமனும் முயன்ற குற்றத்தை நிரூபித்து அவளை விடுதலை செய்ய முயற்சி எடுத்துக் கொள்கிறார் சங்கர சாஸ்திரி.

கோர்ட்டிலிருந்து அவளை சாரட் வண்டியிலயே ஏற்றிக்கொண்டு தனது வீட்டுக்கே கூட்டிக்கொண்டு வந்து அடைக்கலம் கொடுக்கிறார் சங்கர சாஸ்திரி. ஆச்சாரமான அவரது வீட்டில் மறுநாள் காலை பூஜைக்காக அவரது சிறு பெண் குளித்து ஈரத்துணியுடன் பெரிய குடத்து நீரைச் சுமந்து வந்து விழுந்துவிட, செய்வதறியாமல் நிற்கும் துளசியைப் பார்த்து "நீயே கொண்டுவருவதற்கென்ன? மனசு சுத்தமாக இருந்தால் போதும். ஆசாரம் எல்லாம் மனசுலே தான் இருக்கு" என்று அவர் தன் வீட்டில் அவள் தாராளமாகப் புழங்க அனுமதி அளிக்க பெருமிதத்துடன் அவள் கிணற்றடியில் குளித்துவிட்டு ஈர உடையோடு சுத்தமாக ஆச்சாரமாக சமையலறைக்குள் நுழையும் காட்சிக்கான பின்னணியில் "பண்டுரீதி கொலு" என்ற தியாகராஜரின் நளினகாந்தி ராகக் கீர்த்தனை வீணையில் ஒலிக்கிறது. உனது அரசாங்கத்தில் ஒரு சேவகனாக சேவை செய்யும் பாக்கியத்தை எனக்குக் கொடு" என்ற பொருளில் அமைந்த இந்த கீர்த்தனை காட்சிக்கு கச்சிதமாகப் பொருந்துகிறது.

பிற்பகுதியில் துளசியின் எட்டு வயது மகன் சங்கர சாஸ்திரியிடம் சங்கீதம் பயில அந்த வீட்டுக்குள் நுழைகிறான். நிலைப்படியை வருடும் போது தம்பூராவின் ஸ்ருதியை அவன் உணர்கிறான். "அந்த இல்லமே சங்கீத தேவதை வாசம் செய்யும் வீடு " என்று அவனிடம் துளசி சொல்லி அனுப்புகிறாள். அதனை உணரும் வண்ணம் அந்த வீட்டுக்குள் அவன் நுழைந்து அவன் திரும்பும் பக்கம் எல்லாம் தியாகராஜரின் "ஸ்வரராக சுதா" என்ற சங்கராபரண ராகக் கீர்த்தனை பின்னணியில் ஒலிக்கிறது.

இப்படி பார்த்து பார்த்து நுணுக்கமாக காட்சியோடு ஒன்றும் வண்ணம் பின்னணி இசையை செதுக்கி ஒரு முழுமையான இசை நயம் மிகுந்த ஒரு படத்தை நாம் உணரும் வண்ணம் செய்திருக்கிறார் கே.வி.மகாதேவன்.

பட்ட பாட்டுக்கு கை மேல் பலன். படம் வெளிவந்ததும் ஆந்திரப் பிரதேசத்தில் தேநீர்க் கடைகள் தோறும் "சங்கராபரணம்" படப் பாடல்களே ஒலித்துக்கொண்டிருந்தன.

இதே படம் ஹிந்தியிலும் ஹிந்துஸ்தானி சங்கீதத்தை மையமாக வைத்துக்கொண்டு "சுர்சர்கம்" என்ற பெயரில் கிரீஷ் கர்னார்ட், ஜெயப்ரதா நடிக்க வெளிவந்தது. ஆனால் படுதோல்வியைத் தழுவியது.
அந்த அளவிற்கு முன்னரே வடநாட்டிலும் சங்கராபரணம் படத்தின் பாடல்கள் கொடிகட்டிப் பறந்தன.

எது எப்படியோ கே.வி. மகாதேவனின் புகழ் மகுடத்தில் மற்றுமொரு கோஹினூர் வைரமாக "சங்கராபரணம்" படத்துக்கு அவர் அமைத்த இசை பிரகாசித்தது என்பது நிஜம்.

வெகு அழகிய இன்ஃபர்மேடிவ் பதிவு கோபால்.. நன்றி..

சங்கராபரணம் மதுரை மீனாட்சியில் ரிலீஸ் என்று நினைவு..அதற்கு முன்னா அதன் பிறகா தெரியவில்லை..விகடனில் ஒரு முழுப் புத்தகத்திலும் (அட்டைப் படத்திலிருந்து) அந்தப் படத்தைப் பற்றி எழுதியிருந்த நினைவு..

படம் வந்து ஓரிரு வாரங்கள் கழித்துத் தான் நான் அம்மா சகோதரிகள் எனப் போனதாக ஞாபகம்..ஒரே கூட்டம்..பாடல்கள் பிடித்தது என்றாலும் படம் புரியவில்லை..மொழி தெரியாத்தால்.. நாங்கள் போவதற்கு முன் என் தந்தை ஒரு இரவுக் காட்சி (சனி இரவு தான் ஏனெனில் மற்ற நாட்களில் அவரது வியாபாரக் கடை உண்டு-) போய்ப் பார்த்து விட்டு வந்து என் அம்மாவிடம் சொன்னார் என நினைக்கிறேன்..

அதன் பிறகு ஒரு தடவை தான் பார்த்திருக்கிறேன் என நினைக்கிறேன்..அதுவும் முழுமையாக இல்லை..(துபாயில் என் சகோதரி சகோதரி கணவருக்கு சப்தபதி கவர்ந்த அளவு சங்கராபரணம் கவரவில்லை மீன்ஸ் ப்ரியாரிட்டி சப்தபதி..எனில் சப்தபதி வீடியோகாஸட் மட்டும் வைத்திருந்தார்கள்)

இந்த ப் பதிவு படித்தவுடன் மறுபடியும் பார்த்த மகிழ்வு.. நன்றி கோபால் அகெய்ன்..

ப்ரோசே வா ரெவருரா.. அதுவும் அழகிய பாடல் தான்..

சோ எழுதிய சங்கராபரணம் விமர்சனம் படித்திருக்கிறீர்களா.. நான் படித்திருக்கிறேன் பிற்காலத்தில் ஒரு புத்தகத்தில் வந்திருந்தது..

அந்த துளசியின் பையன் (ரியல் லைஃபில் துளசி) தனியாக ஒரு பாட்டுப் பாடுவதாக நினைவு.. நினைவுக்கு வர மறுக்கிறது..

ஒல்லி ஒல்லி ராஜலஷ்மி அகல விழிகள் சாம ஜவர கமனா பாடல் அழகு..அந்தக் கோவில் படிக்கட்டுகள் நினைவிருக்கிறது..ஸ்ரீ சைலமா என்ன..

பாலு மகேந்திராவின் ஒளிப்பதிவு..வெகு நன்றாக இருக்கும்..

From today's dinathanthi :

http://www.dinathanthiepaper.in/132015/MDSB151914-M.jpg