http://i1065.photobucket.com/albums/...psqkdnvamz.jpg
தொடரும்...
Printable View
நடிகர் திலகத்தின் படங்கள் சிலவற்றை கோல்டன் சினிமா நிறுவனம் டிவிடியாக வெளியிட்டுள்ளது. அவற்றில் சிலவற்றிற்கு இணைய தளத்தில் டிரைலரும் வெளியிட்டுள்ளனர்.
உத்தமன் டிரைலர்
https://www.youtube.com/watch?v=_oRzdBsuIlg
கோல்டன் சினிமா நீலவானம் டிரைலர்
https://www.youtube.com/watch?v=8nAdIbrwrLs
கோல்டன் சினிமா - சிவகாமியின் செல்வன் டிவிடி - டிரைலர்
https://www.youtube.com/watch?v=Wfx1Da6zmoo
கோல்டன் சினிமா டிவிடி - ரோஜாவின் ராஜா டிரைலர்
https://www.youtube.com/watch?v=nIeGIvFiTPI
இந்த டிரைலரில் உத்தமன் மஞ்சுளா காட்சி ஓரிரு விநாடி ஓடுகிறது.. இது வியப்பளிக்கிறது. இப்படியெல்லாமும் நடக்குமா என்று தோன்றுகிறது.
மிக்க நன்றி முத்தையன்.
முதலில் தங்கள் உடல் நலத்தைப் பார்த்துக்கொள்ளவும்.
மற்றதெல்லாம் பொறுமையாக எப்பொழுது முடிகிறதோ அப்போது பார்த்துக்கொள்ளலாம்.
மீண்டும் தங்களின் அன்பான வார்த்தைக்கு உளமார்ந்த நன்றி.
இந்த இரண்டு திரிகளில் பதிவுகளை மேற்கொள்வதே என் உடல் நலத்தை பாதுகாக்கும்..இன்றுதான் மருத்துவமனையில் இருந்து வந்தேன்..மனதுக்கு ரொம்ப சந்தோசமாக இருக்கிறது...
http://i66.tinypic.com/333havn.jpg
நினைப்போம்.மகிழ்வோம்-36
"பாலும் பழமும்."
'நான் பேச நினைப்பதெல்லாம்'
பாடல்.
ம்..ம், ம்..ம்- என்று ஒவ்வொரு
முறை சொல்லும் போதும்
ஒவ்வொரு விதமாய்க்
காட்டும் முகபாவங்களும்,
தலையசைப்பும்.
நினைப்போம்.மகிழ்வோம்-37
"தெய்வ மகன்."
இறுதிக் காட்சி.
பிறந்த தினத்திலிருந்தே
அன்னையைப் பிரிந்து,
தனிந்திருந்த..தவித்திருந்த
வேதனையுடன், மரணக் கோட்டையின் நுழைவாயிலில்,
அன்னை மடியிலிருந்து கொண்டு ..
"மகனே"...என்று கண்ணீரோடு
தாய் அழைக்க...
கடைசி முறையாய் நீட்டி
விளிக்கும்..."அம்ம்...மா".
நினைப்போம்.மகிழ்வோம்-38
"உத்தமன்."
"படகு...படகு" பாடலில் சலீமாக
பஞ்சணையில் அமர்ந்து, ரோஜா
முகர்ந்து "அனார் என்றால்
மாதுளம்" எனப் பாடுகையில்,
இது வரை யாரும் செய்யாத
அழகான பாவனையில்,
மிக அனுபவித்து அவர் செய்யும் அபிநயங்கள்.
நினைப்போம்.மகிழ்வோம்-39
"ராஜபார்ட் ரங்கதுரை".
நாடக ஒத்திகைக்குக் கிளம்பும்
அவசரத்தில், மனைவி கொடுத்த சூடான பானத்தை
வேக, வேகமாய்ப் பேசிக்
கொண்டே குடிக்கும் அழகு.
நினைப்போம்.மகிழ்வோம்-40
"தில்லானா மோகனாம்பாள்."
மோகனாவின் ஆட்டத்தைப்
பார்க்கிற ஆசையில், தனது
கோஷ்டியே ஓடிப் போக...
திரும்பிப் பார்க்கையில்
அத்தனை படுக்கைகளும்
காலியாயிருக்க..
அமைதியாய் எழுந்து, துண்டு
உதறித் தோளில் போட்டுக்
கொண்டு, மௌனமாய் நடக்கும்
இயல்பான அழகு.
ராகவேந்தர் சார்,
ரோஜாவின் ராஜா முத்திரைப் பதிவு முத்தான பதிவாக அமைந்திருக்கிறது. வழக்கமாக ஒரு காட்சியை எடுத்துக் கொண்டு அலசும் பாணியிலிருந்து சற்றே மாறுபட்டு இரண்டு மூன்று தொடர் காட்சிகளை எடுத்துக் கொண்டு நீங்கள் அலசியிருக்கும் விதம் பிரமாதமாக வந்திருக்கிறது. நடிகர் திலகத்தின் காட்சியை மட்டும் எடுத்துக் கொள்ளாமல் வாணிஸ்ரீயின் திறமையும் நீங்கள் எடுத்துக் காட்டியிருப்பது சிறப்பானது.
நீங்கள் குறிப்பிட்ட காட்சியில் மட்டுமல்ல அதற்கு முந்தைய பெண் பார்க்கும் வரும் காட்சிக்கு முன்பாக வரும் வாணிஸ்ரீ சுகுமாரி வாதம் செய்யும் காட்சியும் குறிப்பிடத் தகுந்தது. மாப்பிள்ளை வீட்டுக்காரர்கள் வரப் போகிறார்கள். புடவையை கட்டிக் கொண்டு கீழே வா என்று சொல்லும் சுகுமாரியிடம் முடியாது. வேணும்முனா நீ அந்த புடவையை கட்டிட்டு போய் உட்காரு என்ற வாணிஸ்ரீயின் பதிலுக்கு அன்றைய நாட்களிலேயே அப்ளாஸ் நிறைய விழுவதை நான் பார்த்திருக்கிறேன். ரோஜாவின் ராஜா வாணிஸ்ரீயின் கேரக்டர் மிகவும் ரசிக்கப்பட்ட ஒன்று. .
ஜனகனின் மகளை பாடல் காட்சியில் பின்னணியிலிருந்து கவியரசர், மெல்லிசை மன்னர் மற்றும் இசையரசி ஆட்சி செலுத்தியிருப்பார்கள் என்றால் காட்சியில் வாணிஸ்ரீயும் நடிகர் திலகமும் பின்னியிருப்பார்கள்.
மன்னவர் எல்லாம் சுயம்வரம் நாடி மண்டபம் வந்துவிட்டார்: ஒரு
மன்னவன் யாரோ வில்லை எடுத்தான்; ஜானகி கலங்கி விட்டாள்
என்ற வரியை பாடி மேலே பாட முடியாமல் கண் கலங்கி சட்டென்று சுதாரித்துக் கொண்டு மீண்டும் பல்லவியின் முதல் வரிகளை மட்டும் பாடி விட்டு மெத்தையை விட்டு சட்டென்று எழுந்து மாடிக்கு ஓடிவிடும் வாணிஸ்ரீ இன்னும் கண் முன்னே நிற்கிறார் இந்த காட்சியை பார்த்து வெகு நாட்கள் ஆனப் போதும்.
நீங்கள் நடிகர் திலகம் சம்மந்தப்பட்ட அடுத்த காட்சியையும் எழுதியிருக்கலாம். மகன் நிலை கண்டு வேதனைப்பட்டு மனம் உடைந்து அந்த அதிர்ச்சியில் தாய் இறந்து விட, கீழே விழுந்து கிடக்கும் தாயைப் பார்த்து, அந்த நேரத்தில் மனம் பேதலிக்க தொடங்கி ஒரு சித்தப் பிரமை தொடங்கும் நிலையை நடிகர் திலகம் வசனத்திலும் உடல்மொழியிலும் கொண்டு வரும் அழகு இருக்கிறதே. அடேடே செத்துப் போயிட்டியா என்று பேச ஆரம்பித்து தான் அழாமல் பார்வையாளர்களை கலங்க வைக்கும் அந்த நடிப்பு இருக்கிறதே, அதையெல்லாம் யாரால செய்ய முடியும், இவரை தவிர?
இந்த காட்சி படமாக்கப்பட்டபோது செட்டில் இருந்த அனைவரும் கலங்கி விட்டனராம். அழாமலே அழ வைத்த சிவாஜி என்ற தலைப்பில் நவசக்தி இதழில் 1973 ஜூன் மாதம் இந்த காட்சி படமாக்கப்பட்ட செய்தி வெளிவந்ததும் அதைப் திரும்ப திரும்ப படித்து சந்தோஷப்பட்டதையும் மறக்கவே முடியாது. அந்த செய்தியை 1973 ஜூலை 14 அன்று மதுரை நியூசினிமாவில் எங்கள் தங்க ராஜா ஓபனிங் ஷோ பார்க்க போகும்போது படம் தொடங்குவதற்கு முன் தியேட்டருக்கு வெளியே நின்று என் கஸினின் நண்பர் குழாமிடம் சொல்லி மகிழ்ந்தது பற்றி இங்கே ஏற்கனவே எழுதியிருக்கிறேன்.
ரோஜாவின் ராஜா மட்டும் 1973 அல்லது 1974-ல் வெளி வந்திருந்தால் மிகப் பெரிய வெற்றிப் படமாக மாறியிருக்கும் என்பதில் சந்தேகமேயில்லை.
அலங்காரம் கலையாத பாடல் காட்சியை தவிர இந்த படத்தை பார்த்து வெகு நாட்களாகி விட்டது. ஆனால் உங்கள் பதிவு மனதில் உறங்கி கிடந்த நினைவுகளை எழுப்பி விட்டு விட்டது.
மீண்டும் வாழ்த்துகள் சார்!
அன்புடன்
"ரோஜாவின் ராஜா"
ராகவேந்திரா சார் அவர் பாணியில் பிரமாதப்படுத்த
தொடர்ந்து
முரளிசார் அவர் பாணியில்
அசத்த
வாசு சாரும் ரோஜாவின் ராஜாவை
முரளிசார் முடித்த காட்சியிலிருந்தோஅடுத்த காட்சியில் இருந்தோ
அவர் பாணியில் தொடர்ந்தால்
மிகவும் வித்தியாசமாய் இருக்கும்.அதை மற்றவர்களும் அவரவர் பாணியில் தொடலாம்.அது வித்தியாசமாகவும் அமையலாம்.முரளி சாரின் பதிவை படித்தபின் ஏற்பட்ட சிந்தனை இது.
"சங்கிலித்தொடர் பதிவுகள்"
தலைப்பும் கூட வைத்துக் கொள்ளலாம்.
நினைப்போம்.மகிழ்வோம்-41
"உத்தமபுத்திரன்."
'யாரடி நீ மோகினி' பாடலில்,
ஆடலழகி ஆடிக் கொண்டே
அருகில் வந்து நின்று "தேன்
வேணுமா?" என்று பாட,
அகலமாய்க் கண் விரித்து,
"வேணும்" என்பதாய்ச்
செய்யும் முகபாவம்.
நினைப்போம்.மகிழ்வோம்-42
"திரிசூலம்."
சாட்டையடி கொடுக்க ஆள்
அமர்த்தி தனக்குத் தானே தண்டனை கொடுத்துக் கொள்ளும் கட்டம்.
அக்காள் மகள் பார்த்து விட்டு
விபரம் கேட்க,சொல்ல மறுத்து
விரக்தியும்,வேதனையுமாய்ச்
சிரிக்கும் அந்தச் சிரிப்பு.
( 'முத்து'படத்தில் ரஜினி அதே
போல் சிரிக்க முயற்சித்திருக்கிறார்.. ஒரு
காட்சியில்.)
வாழ்த்துக்கள் திரு.ராகவேந்திர சார் .8000 பதிவுகள் 80000 ஆக. நேற்று இரவு 11 மணிக்கு தான் தங்கள் ரோஜாவின் ராஜா பதிவை படித்தவுடன் படம் முழுவதையும் பார்த்துவிட்டு தான் தூங்கினேன். எனக்கு மிக பிடித்த படம் . படம் ரீலிசுக்கு முதல் நாள் கொடைக்கானலில் இருந்தேன் .சுற்றுலா ட்ரிப் கேன்சல் செய்துவிட்டு ஒபெனிங் ஷோ பார்த்துவிட்டு மீண்டும் மாலை காட்சி பார்த்தது ,ரசித்தது என்னவென்று சொல்வது .வசந்த காலங்கள்.
நினைப்போம்.மகிழ்வோம்-43
"நீதி".
தனக்கு இஷ்டமான "இரவு
ராணி"யைப் பங்கு போட
வரும் மைனரை அடித்துக்
கீழே தள்ளி விட்டுக் கிண்டலாகப் பாடும் கஜல் பாட்டு.
காதல் தோல்வியில் ஒருவருக்கு எப்படி பித்து பிடிக்கும் என்பதை மெது மெதுவாக மாறுதல் உண்டாவதை மிக அழகாக நேர்த்தியாக நமது கலை தெய்வம் அசதி இருப்பார்.முரளி சார் சொன்னதுபோல் 1972-73 க்களில் வந்திருந்தால் இன்னொரு வசந்த மாளிகையை பார்த்தது போல் உணர்வு இருந்திருக்கும்
முரளி சார்Quote:
நீங்கள் நடிகர் திலகம் சம்மந்தப்பட்ட அடுத்த காட்சியையும் எழுதியிருக்கலாம். மகன் நிலை கண்டு வேதனைப்பட்டு மனம் உடைந்து அந்த அதிர்ச்சியில் தாய் இறந்து விட, கீழே விழுந்து கிடக்கும் தாயைப் பார்த்து, அந்த நேரத்தில் மனம் பேதலிக்க தொடங்கி ஒரு சித்தப் பிரமை தொடங்கும் நிலையை நடிகர் திலகம் வசனத்திலும் உடல்மொழியிலும் கொண்டு வரும் அழகு இருக்கிறதே. அடேடே செத்துப் போயிட்டியா என்று பேச ஆரம்பித்து தான் அழாமல் பார்வையாளர்களை கலங்க வைக்கும் அந்த நடிப்பு இருக்கிறதே, அதையெல்லாம் யாரால செய்ய முடியும், இவரை தவிர?
தாங்கள் சொன்ன காட்சியை எந்தக் காலத்திலும் நம் யாராலும் மறக்க முடியாது. அது மட்டுமல்ல அன்றைக்கு அந்த செய்தி வெளிவந்த நவசக்தி பத்திரிகை எல்லா இடத்திலேயும் விற்றுத் தீர்ந்து விட்டது. நான் முன்கூட்டியே வாங்கி வைத்து விட்டதால் தப்பித்தேன். ஆனால் துரதிருஷ்டவசமாக அவற்றையெல்லாம் பராமரிக்க முடியாமல் போய் விட்டது. அப்போதெல்லாம் நவசக்தியும் தினத்தந்தியும் தினமும் வாங்கி விடுவேன். வீட்டில் எனக்காக தினத்தந்தி வரும். நவசக்தி எனக்கு கிடைக்கக் கூடிய சில்லறைக் காசுகளை வைத்து சேர்த்து வைத்து வாங்குவேன். அந்த மாதிரி சேர்த்து வைத்ததில் கொஞ்சம் மிச்சம் மீதி இன்னும் இருக்கிறது. அதிலிருந்து ஓரளவிற்கு சில நிழற்படங்களை இங்கு பகிர்ந்து கொள்கிறேன். என்னிடமிருக்கக் கூடிய அந்த கொஞ்ச ஆவணங்களும் ஒரிஜினலாக எப்போது பிரசுரமானதோ அந்த தேதியில் வாங்கியவையாகும். கிட்டத்தட்ட 40 அல்லது 45 ஆண்டுகளாக .. சொல்லப் போனால் ஓரு சில பேப்பர் கட்டிங்குகள் 50 ஆண்டுகளாகவும் இருக்கின்றன. என்றாலும் அதில் வசூல் விவரம் போன்றவை இல்லாமல் வெளியீடு ரிசர்வேஷன் போன்றவையே உள்ளன. அவை எல்லாவற்றையும் சமீபத்தில் தான் சாதனைத் திரியில் மீள் பதிவு செய்துள்ளேன். அப்படி நவசக்தியில் வந்த செய்தி கிட்டத்தட்ட சாந்தி தியேட்டரில் ஒரு மாதத்திற்கும் மேலாக தொடர்ந்து விவாதிக்கப்பட்டது. அது மட்டுமின்றி பிளாசாவில் முதல் நாள் மாலைக்காட்சியில் தொடங்கி படம் ஓடும் வரையிலும் அந்தக் காட்சி ஷூட்டிங்கைப் பற்றிப் பேசிக்கொண்டிருப்போம்.
பிளாசாவைப் பொறுத்த மட்டில் படம் அமர்க்களமாகப் போனது கடைசி நாள் வரையில் தொய்வு விழவில்லை. ஆனால் விளம்பரம் போதவில்லை.
நீங்கள் குறிப்பிட்ட காட்சியைப் பற்றி எழுத ரொம்ப ரொம்ப ஆசையோடு தான் இப்போதும் இருக்கிறேன். ஆனால் படிப்பதோடு நிறுத்தாமல் அதைப் பார்த்தும் உணர வேண்டும் என்பதற்காக நாம் காணொளியை உடன் தரவேண்டியுள்ளது. பாழாய்ப்போன இந்த டிவிடி கம்பெனி, கிட்டத்தட்ட 20 நிமிடங்கள் படத்தை முழுங்கி விட்டார்கள். அவர்களாக செய்தார்களா அல்லது அவர்களுக்குக் கிடைத்த ஒரிஜினலே அப்படியா என்பது தெரியாமல் அவர்களையும் குறை சொல்ல முடியாது. அப்படி பாதிக்கப்பட்ட படம் ரோஜாவின் ராஜா.
டிவிடியில் சாம்ராட் அசோகன் நாடகம் இல்லை.
நீங்கள் குறிப்பிட்ட அந்தக் காட்சி இல்லை.
ஓட்றா ஓட்றா பாட்டு இல்லை.
டைட்டிலும் தராசு பட டைட்டில்.
இருப்பதை வைத்துத் தான் நான் எழுதியிருக்கிறேன். நான் எழுதிய காட்சி முடிந்தவுடன் கடற்கரையில் நடிகர் திலகம் பேசும் காட்சி வருவதை அந்த யூட்யூப் காணொளியில் நீங்கள் காணலாம். இதிலிருந்து எவ்வளவு நேர படக்காட்சி இந்த டிவிடியில் இடம் பெறவில்லை என்பதைப் பார்ப்பவர்களே யூகித்துத்கொள்ளலாம்.
தங்கள் பாராட்டிற்கு என் உளமார்ந்த நன்றி.
எட்டாயிரம் பதிவுகளுக்கும் ரோஜாவின் ராஜா பதிவிற்கும் வாழ்த்துக் கூறிய நண்பர்கள் கோபால், சந்திரசேகர், ஆதிராம், நெய்வேலி வாசு, பெங்களூர் செந்தில், மதுரை சந்திரசேகர் உங்கள் ஒவ்வொருக்கும் என் உளமார்ந்த நன்றி.
1976ல் தான் உத்தமன் வெளியாகி சக்கைப் போடு போட்டது. ரோஜாவின் ராஜாவைப் பொறுத்த மட்டில் ஆறின கஞ்சியானதாலும் தயாரிப்பாளர் விநியோகஸ்தர்களிடையே பரஸ்பர ஒருங்கிணைப்பு இல்லாததாலும் போதிய விளம்பரத்தை செய்யாததாலும் தான் படம் மிகப் பெரிய வெற்றியை அடையவில்லை. நாங்கள் இரு தரப்பிலும் அலையாய் அலைந்தது தான் மிச்சம். சென்னை நகர விநியோகஸ்தரைப் பொறுத்தமட்டில் அவருடைய பங்கை நன்றாக செய்தார். தயாரிப்பாளர் தரப்பில் தினத்தந்தியின் அனைத்துப் பதிப்புகளிலும் விளம்பரம் நன்கு வருமாறு பார்த்துக்கொண்டிருந்தால் நிச்சயம் அப்படத்தின் வெற்றி மக்களிடம் சென்றடைந்திருக்கும். வழக்கம் போல தவறான பிரச்சாரங்களினால் வெற்றிப்படம் கூட தோல்விப்படமாக சித்தரிக்கும் நிலை ஏற்பட்டு இன்று வரை தொடர்வது பரிதாபம். நூறு நாட்கள் ஓடவில்லையே தவிர பொருளாதார ரீதியில் கணிசமான வசூலைக் கொடுத்த படமே ரோஜாவின் ராஜா.
நினைப்போம்.மகிழ்வோம்-44
"புதிய பறவை."
சரோஜாதேவி, வி.கே.ஆர்
ஆகியோர் தன் வீட்டிற்கு
விருந்தாளிகளாக வந்திருக்கும்
மகிழ்விலிருக்கும் போது,
நடிகவேளிடம் இருந்து வரும்
தொலைபேசி அழைப்பு மணிச்
சத்தம் கேட்டதும்,பயத்திலும்,அதிர்ச்சியிலும் முகம் இறுகி,
வில்லாய் நிமிரும் ஒரு புருவம்.
நினைப்போம்.மகிழ்வோம்-45
"பாரத விலாஸ்."
'சக்கைப்போடு போடு ராஜா'
பாடல்.
மனசாட்சியின் முன் அசடு
வழிகிறவராய்.."போராட்டம்"
என்ற வரி வருகிற போது,
கண்கள் உருட்டி, கைகளைச்
சுழற்றிச் செய்யும் வேடிக்கையான குழந்தைச்
செய்கைகள்.
நினைப்போம்.மகிழ்வோம்-46
"சபாஷ் மீனா."
"காணா இன்பம்" பாடல்.
காதலின் உற்சாகத்தில்,
வானம் பொழியும் மழை
தனக்காகவே பெய்வது போன்ற
ஒரு உணர்வுடன் நனைவதும்,
முடி சிலிர்ப்பதும், மழைச் சகதியில் வீழ்ந்து புரளுவதும்...
8000 பதிவுகள் வாழ்த்துக்கள் ராகவேந்திரா சார்
டியர் முத்தையன் சார்,
8000
பதிவுகளைக்கடந்த தங்களுக்கு என் வாழ்த்துக்கள். தங்கள் உடல்நலத்தைப் பேணிக்கொள்ளுங்கள்
நினைப்போம்.மகிழ்வோம்-47
"புதிய பறவை."
சிட்டுக்குருவி முத்தங் கொடுத்து" பாடலின் இடையிசையில், உயரமான
இடமொன்றில் ஒயிலாக
ஒடி வந்து, கை வளைத்து,
கால் மாற்றி நிற்கும் அழகு.
நினைப்போம்.மகிழ்வோம்-48
"திருவருட்செல்வர்."
"சேக்கிழாராக, பெரிய புராணத்தை அரங்கேற்றும்போது, பயத்தில்
உடலிலும், வார்த்தைகளிலும்
வெளிப்படுத்தும் நடுக்கம்.
நினைப்போம்.மகிழ்வோம்-49
"திரிசூலம்."
விமான நிலையத்தில்
அமர்ந்திருப்பவரிடம் வைர நெக்லஸைக் கொள்ளையடிக்கும் பொருட்டு,
வில்லனின் ஆள் வந்து தேவையில்லாமல் பேச்சு
கொடுக்கும் போது, அதை அலட்சியப்படுத்தி
செய்யும் பாவனைகள்.
நினைப்போம்.மகிழ்வோம்-50
"தெய்வ மகன்."
மூத்த மகனுக்காக எழுதி வைத்த காசோலையைத் தான்
வாங்கிக் கொள்ளும் இளைய
மகன் காசோலையை வாங்கும்
போது, அவரது விரல்கள் புரியும்
குறும்பான நடனம்.
நானெழுதுவதை காட்சிப்படுத்தும் விதமாய்
முத்து முத்தாய் தாங்கள் தரும்
நிழற்படங்களுக்கு மிக்க நன்றி..
முத்தையன் அம்மு சார்.
அந்த "தெய்வ மகன்" படத்தின்
உயிரைக் கொஞ்சம் அசைத்துப்
பார்க்கும் "அம்மா" கதறல்
நிழற்படத்திற்கு..
நனைந்த விழிகளோடு சொல்கிறேன்.. நன்றியோ நன்றி.
நான் பதிவிடும் நிழல்படதிர்க்கு நீங்கள் எழுதுவது போல் உள்ளது ஆதவன் ரவி சார்..நான் தான் உங்களுக்கு நன்றி சொல்லவேண்டும்..நன்றி..