மறு வெளியீட்டிலும் மன்னரின் சாதனை

சாதனை பட்டியல்

இங்கே ஆண்டு வாரியாக நடிகர் திலகத்தின் சாதனைகள் பட்டியலிடப்படுவதை பார்த்து நமது ஹப்-ல் ஒரு உறுப்பினரும் பெங்களூரை சேர்ந்தவரும் நடிகர் திலகத்தின் பாரம்பரிய ரசிக குடும்பத்தை சேர்ந்தவருமான திரு.செந்தில் குமார் (அவரது தந்தையார் நடிகர் திலகத்தின் மிகப் பெரிய ரசிகராவார்), நடிகர் திலகத்தின் சில படங்கள் பெங்களூரில் மறு வெளியீட்டின் போது ஓடிய நாட்களை இங்கே நமக்காக அனுப்பியிருக்கிறார்.

மனோகரா

மறு வெளியீடு - 1988

அரங்கம் - ஸ்ரீ டாக்கீஸ்

நாட்கள் - இரண்டு வாரம்

புதிய பறவை

மறு வெளியீடு - 1989

அரங்கம் - ஸ்ரீ டாக்கீஸ்

நாட்கள் - மூன்று வாரம்

இதில் முதல் வாரம் நடை பெற்ற அனைத்து காட்சிகளும் அரங்கு நிறைந்த காட்சிகளாக புதிய பறவை ஓடியது.

பெங்களூரில் ஒரு தமிழ் படம் மறு மறு --- வெளியீட்டின் போது இப்ப்படி ஓடுவது என்பது ஒரு சாதனை என்கிறார் செந்தில்.

நன்றி செந்தில். நீங்கள் குறிப்பிட்டுள்ள பிற படங்களை பற்றிய சாதனைகள் இங்கே பட்டியலிடப்படும் போது அவற்றை இங்கே குறிப்பிடுகிறேன்.

அன்புடன்


முரளியின் முன்னைய பதிவிலிருந்து

16. பல மறு வெளியிட்டிற்கு பின் மதுரையில் 22. 07. 1977 அன்று சிந்தாமணி திரையரங்கில் திரையிடப்பட்ட சிவந்த மண் ஓடிய நாட்கள் - 23.

17. இரண்டு வருடங்களுக்கு பின் 08.06.1979 அன்று மீண்டும் மதுரை ஸ்ரீ தேவியில் திரையிடப்பட்டு 14 நாட்கள் ஓடியது.

18. நீண்ட இடைவேளைக்கு பின் 15.08.1985 அன்று மதுரை சிந்தாமணியில் திரையிடப்பட்ட தங்கசுரங்கம் ஓடிய நாட்கள் - 21

முன்னைய பதிவிலிருந்து

19. 1990-ம் ஆண்டு பெங்களுர் நகரில் சங்கீத் திரையரங்கில் திரையிடப்பட்ட தெய்வமகன் ஓடிய நாட்கள் - 21 (நன்றி செந்தில்)

முன்னைய பதிவிலிருந்து

மறு வெளியீடிற்கு என்றே பிறவி எடுத்த படம் - வசந்த மாளிகை. அனேகமாக எல்லா வருடமும் மதுரையில் மற்றும் தமிழகத்தின் அனைத்து ஊர்களிலும் வெளியான போது மக்கள் மீண்டும் மீண்டும் பெரிய வரவேற்பு நல்கி ஆதரித்தார்கள்.

பெங்களூரில் - 1984 ம் வருடம் மறு வெளியீட்டின் போது அருணா திரையரங்கில் ஓடிய நாட்கள் - 14 [ நன்றி செந்தில்].


முன்னைய பதிவிலிருந்து

மதுரையின் மிகப் பெரிய திரையரங்குகளில் ஒன்றான சென்ட்ரல் சினிமா திரையரங்கில், 6.11.2009 வெள்ளி முதல் தினசரி 4 காட்சிகளாக , இரட்டை வேட நடிப்புக்கு இலக்கணமாகத் திகழும் , காலத்தை வென்ற காவியமாம் , நமது நடிகர் திலகத்தின் உத்தமபுத்திரன் திரைப்படம் திரையிடப்பட்டு வெற்றி நடை போட்டு வருகின்றது. முதல் நாளான 6.11.2009 வெள்ளியன்றே , கன மழையையும் பெரு வெள்ளத்தையும் பொருட்படுததாமல், பெருங்கூட்டம் அலை மோதியுள்ளது. 6.11.2009 , முதல் நாள் மொத்த வசூல் மட்டும் ரூ. 9890 /- (ஒன்பதாயிரத்து எண்ணூற்றி தொண்ணூறு). பழைய படங்களின் , முதல் நாள் வசூலில் , இது அசுர சாதனை.

இன்று 8.11.2009 ஞாயிறு மாலைக் காட்சிக்கு , மழையையும் மீறி , பெரும் ஜனத்திரள் வரக் கூடும் என எதிர்பார்க்கப்படுகின்றது.

விக்ரமனையும் , பார்த்திபனையும் , வெள்ளித்திரையில் என்றென்றும் தரிசித்தே தீர வேண்டும் , என மக்கள் நினைக்கும் போது மழையாவது , வெயிலாவது !!!


முன்னைய பதிவிலிருந்து

ராஜபாளையத்தில் உள்ள மீனாட்சி திரையரங்கில் , 12.11.2009 (வியாழன்) முதல் 5 நாட்களுக்கு , தினசரி 4 காட்சிகளாக , நமது நடிகர் திலகத்தின் நீதி திரைப்படம் திரையிடப்பட்டு , வெற்றிகரமாக நடைபெற்று வருகின்றது. கடந்த இரண்டு நாட்களாக , கணிசமான மக்கள் கண்டு களித்து வருகின்றனர். இத்தகவலை எமக்கு அளித்த மதுரை ரசிக நல்லிதயம் திரு. தி. அய்யம் பெருமாள் அவர்களுக்கு உளங்கனிந்த நன்றி !

முன்னைய பதிவிலிருந்து

நாகர்கோவில் பயோனீர்முத்து திரையரங்கில் , 30.9.2009 முதல் 2.10.2009 வரை 3 நாட்களுக்கு தினசரி 4 காட்சிகளாக, நமது நடிகர் திலகத்தின் கெளரவம் திரையிடப்பட்டு , வெற்றிகரமாக ஓடியுள்ளது. பட வெளியீட்டாளருக்கு ரூ. 3000 /- (ரூபாய் மூவாயிரம்) லாபம் கிடைத்துள்ளது.

மீண்டும் இதே, நாகர்கோவில் பயோனீர்முத்து திரையரங்கில் , 7.10.2009 முதல் 10.10.2009 வரை 4 நாட்களுக்கு தினசரி 4 காட்சிகளாக , நமது நடிகர் திலகத்தின் ராஜா திரையிடப்பட்டு , அத்திரைப்படமும் வெற்றி வாகை சூடியுள்ளது. படத்தை வெளியிட்டவருக்கு ரூ. 3000 /- த்திற்கும் மேல் (ரூபாய் மூவாயிரத்திற்கும் மேல்) லாபம் கிடைத்துள்ளது.

இத்தகவலை , எமக்கு அளித்த ரசிக நல்லிதயம் , திரு. எஸ். ராமஜெயம் அவர்களுக்கு நன்றி !

நாகர்கோவில் ராஜாஸ் திரையரங்கில் , கடந்த 13.11.2009 (வெள்ளி) முதல் 16.11.2009 (திங்கள்) வரை , 4 நாட்களுக்கு தினசரி 4 காட்சிகளாக , உலக மகா நாயகரின் உயர்ந்த மனிதன் திரைப்படம் திரையிடப்பட்டு , நல்ல வரவேற்பை பெற்றுள்ளது. தகவலை அளித்த ராமஜெயம் அவர்களுக்கு எமது நன்றி !

முன்னைய பதிவிலிருந்து

அருள்மிகு மீனாட்சியம்மன் உடனுறை சுந்தரேஸ்வரர் அருள் பாலிக்கும் மதுரையம்பதியில், சென்ட்ரல் சினிமா திரையரங்கில், இன்று (25.12.2009) முதல் தினசரி 4 காட்சிகளாக, கலையுலக சுந்தரேஸ்வரரின் திருவிளையாடல் புராண காவியம் திரையிடப்பட்டுள்ளது. இறையனாரின் திருவிளையாடல் திரைக்காவியத்தை தரிசித்து இறையருள் பெறுவோம் !

முன்னைய பதிவிலிருந்து

மதுரை சென்ட்ரல் அரங்கிற்கு, பக்த கோடிகள் அலைகடலெனத் திரண்டு வந்து கொண்டே இருக்கின்றனர். கலையுலக சொக்கநாதரின் திருவிளையாடலை தரிசிக்கத் தானே இந்தக் கண்கள். வெள்ளிக்கிழமை (25.12.2009), முதல் நாள் மட்டும் , மொத்த வசூல் ரூ. 10600 /- (ரூபாய் பத்தாயிரத்து அறுனூறு). பழைய படங்களின், முதல் நாள் வசூலில், இது சிகர சாதனை.

முரளி சாரின் யூகம் சரியே. நாளை திங்கட்கிழமை (28.12.2009) வைகுண்ட ஏகாதசியை முன்னிட்டு சென்ட்ரலில், திருவிளையாடல், நடுநிசிக் காட்சியாக நள்ளிரவு 1:30 மணிக்கு திரையிடப்படுகிறது.

தகவல்களை வழங்கிய மதுரை ரசிக நல்லிதயங்களுக்கு பசுமையான நன்றிகள் !!!


முன்னைய பதிவிலிருந்து

மதுரை சென்ட்ரலில், சிவாஜி பெருமானின் திருவிளையாடல், வரலாறு படைத்துளளது. முதல் 5 நாட்களில் (வெள்ளி, சனி, ஞாயிறு, திங்கள், செவ்வாய்), அதாவது 25.12.2009 முதல் 29.12.2009 வரை, மொத்த வசூலாக ரூ. 40000 /- (ரூபாய் நாற்பதாயிரம்) அளித்துள்ளது. பழைய படங்களைப் பொறுத்த வரை இது இமாலய சாதனை.

வைகுண்ட ஏகாதசி (28.12.2009) அன்று, நடுநிசிக் காட்சியை தரிசித்தவர்கள் 192 பக்தர்கள். அந்த ஒரு காட்சிக்கு மட்டும் மொத்த வசூல் ரூ. 2200 /- (ரூபாய் இரண்டாயிரத்து இருநூறு). இதுவும், பழைய படங்களுக்கு ஒரு சிறப்பான சாதனையே.
( 5 நாள் மொத்த வசூல் தொகையில், நடுநிசிக் காட்சி வசூலும் அடங்கியுள்ளது.)

முன்னைய பதிவிலிருந்து

மதுரையம்பதியில், சென்ட்ரல் சினிமா திரையரங்கில், 25.12.2009(வெள்ளி) முதல் 31.12.2009(வியாழன்) வரை ஒரு வாரம் தினசரி 4 காட்சிகளாக வெற்றி நடை போட்ட கலையுலக சுந்தரேஸ்வரரின் "திருவிளையாடல்", அள்ளித் தந்த மொத்த வசூல் ரூ.47,000/- (ரூபாய் நாற்பத்து ஏழாயிரம்). பழைய படங்களைப் பொறுத்தவரை இது சிகர சாதனை. இத்திரைக்காவியத்தைத் திரையிட்டவருக்கு, இந்த ஒரு வாரத்தில், ரூ.14,000/- (ரூபாய் பதினான்காயிரம்) லாபம் கிடைத்துள்ளது.

கலைக்கடவுளை நம்பினோர் கைவிடப்படார் !!!


முன்னைய பதிவிலிருந்து

தண்டாயுதபாணி அருள்பாலிக்கும் பழனி மாநகரின் ஓம் ஷண்முகா திரையரங்கில், கலையுலகின் சிகர சிகாமணி நமது நடிகர் திலகத்தின் "சுமதி என் சுந்தரி" திரைக்காவியம், 3.2.2010 புதன்கிழமை முதல், தினசரி 4 காட்சிகளாக திரையிடப்பட்டு, மிக வெற்றிகரமாக நடைபெற்று வருகின்றது. உள்ளூர் மக்களுடன், மதுரை மாநகர, மாவட்ட மக்களும் மற்றும் திருச்சியிலிருந்தும் மக்கள் அலைகடலெனத் திரண்டு வந்து இத்திரைக்காவியத்தைக் கண்டு களித்து வருகின்றனர்.

இத்தகவலை எமக்களித்த எமது நெருங்கிய நண்பரும், சிவாஜி மன்ற பேச்சாளருமான மதுரை திருமங்கலத்தைச் சேர்ந்த திரு.தி.அய்யம்பெருமாள் அவர்களுக்கும் மற்றும் பழனி நகர சிவாஜி மன்றத் தலைவர் திரு.முத்து விஜயன் அவர்களுக்கும் மனமார்ந்த நன்றிகள்!


முன்னைய பதிவிலிருந்து

நாகர்கோவில் பயோனீர்முத்து திரையரங்கில், 25.12.2009(வெள்ளி) முதல் 27.12.2009(ஞாயிறு) வரை 3 நாட்களுக்கு, தினசரி 4 காட்சிகளாக, பாரத ஜோதியின் "பச்சை விளக்கு" திரைக்காவியம் திரையிடப்பட்டு, நல்லதொரு வெற்றியைப் பெற்றுள்ளது. இத்தகவலை எமக்களித்த எமது நெருங்கிய நண்பர் ரசிக நல்லிதயம் திரு.எஸ்.ராமஜெயம் அவர்களுக்கு நன்றி!

முன்னைய பதிவிலிருந்து

திருப்பூர் வெற்றி அரங்கில் 9.2.2010(செவ்வாய்) முதல் 11.2.2010(வியாழன்) வரை 3 நாட்கள், தினசரி 4 காட்சிகளாக, நமது நடிகர் திலகத்தின் "கெளரவம்" வெற்றி நடை போட்டுள்ளது. நகரெங்கும் நிறைய போஸ்டர்களும் காணப்பட்டதாம். போஸ்டர் வாசகம் : "கண்ணா நீயும் நானுமா - சிவாஜி மிரட்டும் கெளரவம்". இச்செய்தியைத் தெரிவித்த கடலைக்காட்டுப்புதூர் திரு.சங்கர் அவர்களுக்கும், திரு.தி.அய்யம்பெருமாள் அவர்களுக்கும் மனமார்ந்த நன்றி!

முன்னைய பதிவிலிருந்து

திரைவானிலே என்றென்றும் புதிய பறவையாக சிறகடித்து பறந்து கொண்டிருக்கும் புதிய பறவை திரைக்காவியம், மதுரை மாநகரின் சென்ட்ரல் சினிமா திரையரங்கில், தினசரி 4 காட்சிகளாக, மீண்டும் வெற்றிக் கொடி நாட்டி, பட்டொளி வீசிப் பறந்து கொண்டிருக்கிறது. 12.2.2010(வெள்ளி) முதல் 14.2.2010(ஞாயிறு) வரையிலான 3 நாட்களில், புதிய பறவை அள்ளித் தந்த மொத்த வசூல் ரூ.25,000/- (ரூபாய் இருபத்து ஐந்தாயிரம்).

புதிய பறவை = பண மழை.

எந்தவொரு நடிகரின் எந்தவொரு புதிய படமும், சென்ட்ரல் தியேட்டர் மற்றும் இது போன்ற தியேட்டர்களில், ஷிஃப்டிங் முறையில் திரையிடப்படும் போது, ஒரு வாரத்தில் ரூ.35,000/- க்கும்(ரூபாய் முப்பத்து ஐந்தாயிரத்துக்கும்) குறைவாகவே மொத்த வசூல் கொடுக்கிறதாம்.

nadigar thilagam, the king of acting is always the king at box-office.

இத்தகவல்களை எமக்களித்த மதுரை ரசிக நல்லிதயம், எமது நெருங்கிய நண்பர், அரசமரம் செவாலியே சிவாஜி குரூப்ஸ் மன்றத்தைச் சேர்ந்த திரு.குப்புசாமி அவர்களுக்கு அன்பான நன்றிகள்!

முன்னைய பதிவிலிருந்து

The Emperor of World Cinema, rules supreme in the Manchester of South India. Yes!

கோவை மாநகரின், பழம்பெரும் திரையரங்கமான டிலைட் திரையரங்கில், கலையுலகின் முழுமுதற்கடவுளான சிவாஜி கணேசரின், முழுமுதற் திரைக்காவியமான பார் போற்றும் பராசக்தி, 12.2.2010(வெள்ளி) முதல் 14.2.2010(ஞாயிறு) வரை 3 நாட்களுக்கு, தினசரி 4 காட்சிகளாகத் திரையிடப்பட்டு, அமோக வரவேற்பைப் பெற்றுள்ளது. பிப்ரவரி 14, ஞாயிறு மாலைக் காட்சியில் கோவை ரசிகர்கள் நிகழ்த்திய ஆரவார ஆர்ப்பாட்டங்களில் அரங்கமே குலுங்கியிருக்கிறது.

இத்தகவலை எமக்கு வழங்கிய ரசிக நல்லிதயம் சிவாஜி வெள்ளியங்கிரி அவர்களுக்கு எமது மனமார்ந்த நன்றிகள்!

முன்னைய பதிவிலிருந்து

மதுரையில் புதிய பறவையின் வெற்றி பவனி குறித்து நண்பர் சுவாமியுடன் பேசிக் கொண்டிருக்கும்போது ஒரு தகவலை சொன்னார். அதாவது கடந்த நான்கு வருடங்களாக எல்லா வருடமும் இதே சென்ட்ரல் திரையரங்கில் புதிய பறவை வெளியாகியிருக்கிறது. இடைவெளி என்பதே இல்லாமல் ரிலீஸ் ஆகியிருக்கிறது. இதை தவிர டி.வியில் இந்த நான்கு வருடங்களில் அதிகமாக ஒளிபரப்பட்ட படங்களில் புதிய பறவையும் ஒன்று. இதை தவிர இப்போது வெளியாகியிருக்கும் பிரிண்டில் சில பல இடங்களில் கட்கள் வேறு இருக்கின்றனவாம். இத்தனை எதிர்மறையான விஷயங்கள் இருந்த போதிலும் இந்த படம் பெற்ற வசூல் ஒரு பிரமிப்பான சாதனை. இந்த படத்தின் இடத்தில், அண்மைக் காலத்தில் மதுரையில் அதிகம் வெளியாகாத சிவந்த மண், எங்கள் தங்க ராஜா, சொர்க்கம் போன்றவை வெளியாகியிருந்தால் அந்த சென்ட்ரல் சினிமாவே தாங்கியிருக்காது.

முன்னைய பதிவிலிருந்து

திரைவானில் என்றென்றும் அழகிய பறவையாக சிறகடித்துப் பறந்து கொண்டிருக்கும் "புதிய பறவை" திரைக்காவியம், மதுரையம்பதியின் சென்ட்ரல் சினிமா திரையரங்கில், தினசரி 4 காட்சிகளாக, 12.2.2010 வெள்ளி முதல் 18.2.2010 வியாழன் வரை, அமோக வரவேற்புடன் ஒடியுள்ள ஒரு வார கால கட்டத்தில், அள்ளித் தந்துள்ள மொத்த வசூல் ரூ.45,000 /- (ரூபாய் நாற்பத்து ஐந்தாயிரம்). பழைய படங்களைப் பொறுத்த வரை, இது மிகப் பெரிய, அரியதொரு சாதனை.

விரைவில், சென்ட்ரல் சினிமாவில், அவன் தான் நடிகனின் "அவன் தான் மனிதன்".

முன்னைய பதிவிலிருந்து

தாராசுரத்திற்கு தங்கப்பதக்கம் செளத்ரி அதிரடி விஜயம்!

கும்பகோணத்திற்கு அருகாமையில், தாராசுரம் என்னும் ஊரில் உள்ள சூரியகாந்தி டூரிங் டாக்கீஸில், தினசரி 2 காட்சிகளாக(மாலை மற்றும் இரவு), 25.2.2010(வியாழன்) முதல் 27.2.2010(சனிக்கிழமை) வரை 3 நாட்களுக்கு, வெள்ளி விழாக் கண்ட தங்கப்பதக்கம் திரைக்காவியத்தின் மூலம் மாட்சிமை பொருந்திய மேதகு எஸ்.பி. செளத்ரி அவர்கள் தரிசனம் தருகிறார். இந்த தரிசனத்திற்காக காத்திருந்த ரசிக, பக்த, ஜன கோடிகள் மகிழ்ச்சிக் கடலில் மிதக்கின்றனர். அலைகடலெனத் திரண்டு, தங்கப்பதக்கம் வென்ற கடமை வீரரை கண்டு களித்து தரிசித்து வருகின்றனர். நேற்று 25.2.2010 மாலைக் காட்சியை 200 நபர்களுக்கும் மேல் கண்டு களித்துள்ளனர். ஒரு டிக்கெட்டின் விலை பத்து ரூபாய். ஒரே காட்சியில், அதுவும் டூரிங் டாக்கீஸில், ரூ.2000 /- த்துக்கும் மேல்(ரூபாய் இரண்டாயிரத்துக்கும் மேல்) வசூல் கிடைத்துள்ளது. இது ஒரு இமாலய சாதனை.

இந்த சாக்லெட் செய்திகளை எமக்கு வழங்கிய ரசிக நல்லிதயம் குடந்தை ராமலிங்கம் அவர்களுக்கு நெஞ்சார்ந்த நன்றிகள்!


முன்னைய பதிவிலிருந்து

http://www.youtube.com/watch?v=ovAV9...layer_embedded

இரண்டு வாரங்களுக்கு முன் மதுரை சென்ட்ரலில் புதிய பறவை வெளியாகிறது என்ற செய்தியை சொன்ன நண்பனிடம் தியேட்டர் முகப்பை ஒரு சில புகைப்படங்கள் எடுத்து தருமாறு சொல்லியிருந்தேன்.

படம் வெளியான வெள்ளியன்று காலையே இது எடுக்கப்பட்டு விட்டது. கைபேசியில் எடுக்கப்பட்ட இந்த வீடியோவை அவன் அனுப்புவதற்கு ஏற்பட்ட தாமதம் ஒரு பக்கம் என்றால் என் கணினியில் ஏற்பட்ட ஒரு தொழில் நுட்பக் கோளாறும் இதை மேலும் தாமதப்படுத்தி விட்டது.

இனி, இது எடுக்கப்பட்ட நாள் படம் வெளியான வெள்ளி [12.02.2010] காலை 7 மணி. அப்போதே போஸ்டர் போர்டு- க்கு மாலை அணிவிக்கப்பட்டிருப்பதை காணலாம். புதிய படங்களுக்கு கூட இவ்வளவு அதிகாலையில் ரசிகர்கள் இதையெல்லாம் செய்வார்களா என்று தெரியவில்லை. ஆனால் நூற்றுக்கணக்கான முறை வெளியான படத்திற்கு கூட இப்போதும் இது போல் அலங்கரிக்கப்படுகிறது என்று சொன்னால் மதுரை எப்படிப்பட்ட நடிகர் திலகம் கோட்டை என்பதை சொல்லவும் வேண்டுமோ?.

முன்னைய பதிவிலிருந்து

கும்பகோணத்திற்கு அருகே திருவிடைமருதூரில் உள்ள பஷீர் திரையரங்கில், 25.2.2010 (வியாழன்) முதல் 1.3.2010 (திங்கள்) வரை, ஐந்து நாட்களுக்கு தினசரி 3 காட்சிகளாக, புதுமை வேந்தரின் "புதிய பறவை" திரைக்காவியம் திரையிடப்பட்டு வெற்றி வாகை சூடியுள்ளது.

திரையுலகச் சக்கரவர்த்தியின் திரைக்காவியங்கள், தமிழகமெங்கும் மறுவெளியீடுகளாக வெற்றி பவனி வருவது, நம் எல்லோருக்கும் அளவு கடந்த மகிழ்ச்சியைத் தரும் செய்தி தானே!

முன்னைய பதிவிலிருந்து

சிங்காரச் சென்னையின் ஸ்டார் திரையரங்கில், இன்று (5.3.2010) வெள்ளி முதல், தினசரி பகல் காட்சியாக, சிங்கத்தமிழனின் "தங்கப்பதக்கம்" திரைக்காவியம் திரையிடப்பட்டுள்ளது.

இத்தகவலை அளித்த ரசிக நல்லிதயம் திரு.ஆர்.குமார் அவர்களுக்கு பற்பல நன்றிகள்!

முன்னைய பதிவிலிருந்து

சிங்காரச் சென்னையின் பெரம்பூர் பகுதியில் உள்ள மஹாலட்சுமி திரையரங்கில், வருகின்ற மார்ச் 26, வெள்ளிக்கிழமை முதல் ஏப்ரல் 1, வியாழக்கிழமை வரை, ஒரு வாரத்திற்கு, தினசரி 3 காட்சிகளாக, சிவாஜி வாரம் திரையிடுவதற்கு ஏற்பாடுகள் செய்யப்பட்டு வருகின்றன. இதனைச் சென்னையைச் சேர்ந்த சிவாஜி ரசிகர் மன்றத்தினர் செய்து வருகின்றனர். ஒரு நாளுக்கு ஒரு படம் என்கின்ற விகிதத்தில், 7 நாட்களுக்கு 7 படங்கள் திரையிடப்படும். 7 படங்களில் 5 படங்கள் இது வரை முடிவாகி உள்ளன. அவையாவன:

1. திருவருட்செல்வர்

2. பாரத விலாஸ்

3. எங்கள் தங்க ராஜா

4. கெளரவம்

5. மன்னவன் வந்தானடி

நமது நடிகர் திலகத்தின் ரசிக நல்லிதயங்களின் முயற்சிகள் மாபெரும் வெற்றி அடைய வாழ்த்துக்கள்!

இத்தகவல் ஒரு முன்னோட்டமே. விவரங்கள் ஊர்ஜிதமான பின், அவசியம் பதிவு செய்கிறேன்.

முன்னைய பதிவிலிருந்து

சென்னை ஸ்டாரில் பகல் காட்சியாக வெளியாகியுள்ள தங்கப்பதக்கத்தின் வசூல் விவரம்: (சற்றேக்குறைய)

5.3.2010 (வெள்ளி) = ரூ. 2,200/- (ரூபாய் இரண்டாயிரத்து இருநூறு)

6.3.2010 (சனி) = ரூ. 2,500/- (ரூபாய் இரண்டாயிரத்து ஐநூறு)

7.3.2010 (ஞாயிறு) = ரூ. 3,800/- (ரூபாய் மூவாயிரத்து எண்ணூறு)

இந்த விவரங்களை அளித்த எமது நெருங்கிய நண்பரும், நடிகர் திலகத்தின் ரசிக நல்லிதயமுமான திரு.எஸ்.ராமஜெயம் அவர்களுக்கு இதயபூர்வமான நன்றிகள்!

(திரு.ராமஜெயமும், திரு.எஸ்.பி.செளத்ரி அவர்களை இன்று 7.3.2010 ஸ்டாரில் தரிசித்திருக்கிறார்)


முன்னைய பதிவிலிருந்து

சென்னை ஸ்டாரில் பகல் காட்சியாக தங்கப்பதக்கம் - வசூல் விவரம் (சற்றேறக்குறைய)

8.3.2010 (திங்கள்) = ரூ. 1,200/- (ரூபாய் ஓராயிரத்து இருநூறு)

9.3.2010 (செவ்வாய்) = ரூ. 1,500/- (ரூபாய் ஓராயிரத்து ஐநூறு)

10.3.2010 (புதன்) = ரூ. 1,400/- (ரூபாய் ஓராயிரத்து நானூறு)

முன்னைய பதிவிலிருந்து

தங்கத்தமிழ்ப் பெருமகனின் வெள்ளித்திரைத் திருவிழா

சென்னை பெரம்பூர் மஹாலட்சுமி திரையரங்கில் செவாலியே சிவாஜி வாரம்:
(7 நாட்கள் - 7 திரைக்காவியங்கள் - தினசரி 3 காட்சிகள்)

அட்டவணை இதோ உங்கள் பார்வைக்கு:

26.3.2010 (வெள்ளி) - மன்னவன் வந்தானடி

27.3.2010 (சனி) - கெளரவம்

28.3.2010 (ஞாயிறு) - எங்கள் தங்க ராஜா

29.3.2010 (திங்கள்) - திருவருட்செல்வர் (பங்குனி உத்திரத்தை முன்னிட்டு)

30.3.2010 (செவ்வாய்) - பாரத விலாஸ்

31.3.2010 (புதன்) - ராஜபார்ட் ரங்கதுரை

1.4.2010 (வியாழன்) - சொர்க்கம்

6 நாள் காவியங்களையும் கண்டு களித்த பிறகு, 7-ம் நாள் பூலோகத்தில் சொர்க்கம்!

பெரம்பூர் மஹாலட்சுமிக்கு வருகை புரிந்து, கலையுலக மகானை தரிசித்து, அருளாசி மலர்களைப் பெற்று, வாழ்வில் வளங்களைக் கூட்டுங்கள்!!

சிவாஜி வாரம் திரையிடும் ரசிக, பக்த நல்லிதயங்களின் முயற்சிகள் இமாலய வெற்றி அடைய வளமான வாழ்த்துக்கள்!!!

முன்னைய பதிவிலிருந்து

சென்னை ஸ்டாரில் பகல் காட்சியாக தங்கப்பதக்கம், 7வது நாளான வியாழனன்று (11.3.2010), சற்றேறக்குறைய ரூ.2,000/- (ரூபாய் இரண்டாயிரம்) வசூல் அளித்துள்ளது.

ஆக, பகல் காட்சியிலேயே, தங்கப்பதக்கம், ஒரு வார காலகட்டத்தில் (5.3.2010 முதல் 11.3.2010 வரை), சற்றேறக்குறைய ரூ. 14,600/- (ரூபாய் பதினான்காயிரத்து அறுநூறு) வசூல் கொடுத்துள்ளது. இது ஒரு சிகர சாதனை.

இத்திரைக்காவியத்தைத் திரையிட்டவருக்கு, எல்லாப் பிடிப்புகளும், செலவுகளும் போக, ரூ.3000/-த்துக்கும் மேல் (ரூபாய் மூவாயிரத்துக்கும் மேல்) லாபம் கிடைத்துள்ளது.

தங்கப்பதக்கம் என்றுமே சொக்கத்தங்கம்!!!

முன்னைய பதிவிலிருந்து

நடிப்பு சக்ரவர்த்தியின் திக்விஜயம் தமிழகமெங்கும் பல்வேறு இடங்களில் தொடர்கிறது.

நேற்று வெள்ளி முதல் [28.11.2014] சென்னை ஓட்டேரி சரவணாவில் நடிகர் திலகத்தின் வெற்றிக் காவியம் பார்த்தால் பசி தீரும் தினசரி 3 காட்சிகளாக திரையிடப்பட்டு வருகிறது.

சந்தோஷ செய்திகளுடன் மீண்டும் சந்திப்போம்.

அன்புடன்

தங்கத்தமிழ்ப் பெருமகனின் வெள்ளித்திரைத் திருவிழா - செவாலியே சிவாஜி வாரம்

26.3.2010 - வெள்ளி - மன்னவன் வந்தானடி - மொத்த வசூல் விவரம் (சற்றேறக்குறைய)

பிற்பகல் 2:30 மணிக் காட்சி = ரூ.3,800/- (ரூபாய் மூவாயிரத்து எண்ணூறு)

மாலை 6:15 மணிக் காட்சி = ரூ. 3,500/- (ரூபாய் மூவாயிரத்து ஐநூறு)

முன்னைய பதிவிலிருந்து

தங்கத்தமிழ்ப் பெருமகனின் வெள்ளித்திரைத் திருவிழா - செவாலியே சிவாஜி வாரம்

26.3.2010 - வெள்ளி - மன்னவன் வந்தானடி - மொத்த வசூல் விவரம் (சற்றேறக்குறைய)

இரவு 9:45 மணிக் காட்சி = ரூ. 2,500/- (ரூபாய் இரண்டாயிரத்து ஐநூறு)

27.3.2010 - சனி - கௌரவம் - மொத்த வசூல் விவரம் (சற்றேறக்குறைய)

பிற்பகல் 2:30 மணிக் காட்சி = ரூ. 2,500/- (ரூபாய் இரண்டாயிரத்து ஐநூறு)

மாலை 6:15 மணிக் காட்சி = ரூ. 3,100/- (ரூபாய் மூவாயிரத்து ஒரு நூறு)

# நடிகர் திலகத்தின் பக்தர், நடிகர் ஒய்.ஜி.மகேந்திரா அவர்கள் கௌரவம் திரைக்காவியத்தை மேட்னி ஷோவில் கண்டு களித்தார்.

முன்னைய பதிவிலிருந்து

1973 திரும்பியது...
இதைத்தான் மனது சொல்ல நினைக்கிறது

28.03.2010 மாலை சென்னை பட்டாளம் மஹாலக்ஷ்மி திரையரங்கில் எங்கள் தங்க ராஜா படத்துக்கு வருகை புரிந்த என்னைப் போன்ற பழைய ரசிகர்கள் மனதில் ஒரு மனதாக உருவாகிய கருத்து இதுவாகத்தான் இருக்க முடியும்.

ஒரு பத்து நிமிடம் முன்னதாக சென்றிருந்தால் தளபதி ராம்குமார் அவர்கள் பேச்சைக் கேட்டிருக்க முடியும். தாமதமாகி விட்டது. அது ஒரு குறை.

மற்றபடி சுமார் 5.30 மணியளவில் அரங்கிற்குச் சென்றபோது அங்கே கூடியிருந்த ரசிகர்களைக் கண்டவுடன் உள்ளத்தில் பொங்கிய உவகைக்கு அளவேது.

வெடிச்சத்தம் ஒரு பக்கம் ஆர்ப்பரித்துக் கொண்டிருந்தது. இன்னொரு பக்கம் ஒலிபெருக்கியில் கேட்டுக்கோடி, ஒரு கிண்ணத்தை ஏந்துகிறேன், மயக்கமெனன என்று தலைவர் பாடல்கள் ....

மற்றொரு பக்கம் தலையை நிமிர்த்தினால்...

ஆஹா ...
கண் கொள்ளாக் காட்சி ...
தலைவரின் கட் அவுட்டுகள் ...
ஆளுயரத்திற்கும் அதிக நீளத்தில் மலர் மாலைகள் ...
ரசிகர்களின் பாலாபிஷேகம்....
வேறு சில ரசிகர்கள் சூடம் காட்ட...
இங்கே இன்னொரு பக்கம் ஆட்டம் பாட்டம்...
இன்னொரு பக்கம் தொலைக்காட்சியினரின் படப்பிடிப்பு
இவையனைத்தையும் பார்த்தவாறு பழைய நினைவுகளில் மூழ்கிய பழைய ரசிகர்கள்..
குழந்தைகுட்டிகளுடனும், தாய்மார்களுடனும், குடும்பத்துடனும் படத்தைப் பார்க்க அரங்கினுள் நுழையும் ரசிகர்கள் மற்றும் குடும்பத்தினர்...
வேறொரு பக்கம் பார்த்தால் சாலையில் செல்லும் அனைத்து வாகனங்களும் நின்று நிதானித்து பார்வையிட்டுப் பின் கடந்து செல்லும் காட்சி...
பேருந்துகளில் செல்பவர்கள் வைத்த் கண் வாங்காது பார்த்த காட்சி...
இவ்வளோ வருஷமானாலும் சிவாசிக்கு கூட்டம் பார்த்தியா ... இது ஒரு மூதாட்டி இன்னொரு மூதாட்டியிடம் பகிர்ந்து கொள்ளும் நெகிழ்ச்சி...
...
இத்தருணத்தில் வசந்தகுமார் எம்.எல்.ஏ.அவர்கள் வருகிறார்..
தன்னுடைய வழக்கமான நினைவுகளினூடே அவர் சொன்ன இரு கருத்துக்ககள் பெருத்த கரவொலி...
தலைவரிடம் எதையும் எதிர்பாராமல் தொண்டாற்றிய தொண்டன் நடிகர் திலகம் சிவாஜி கணேசன் ...
அவரிடம் எதையும் எதிர்பாராமல் தொண்டாற்றும் தொண்டர்க்ள் சிவாஜி ரசிகர்கள்...
இந்த வரிகள் பலத்த் கரகோஷத்தைப் பெற்றன எனச் சொல்ல்வும் வேண்டுமோ..
இவையனைத்தும் அரங்கிற்கு வெளியே ...

இனி உள்ளே...

பெரும்பாலானோர் தாமதமாக உள்ளே வந்தாலும் ... ஒன்றும் நஷ்டமில்லை...
அனைவரும் நடிகர் திலகத்தின் முதல் தோற்றத்தைக் காண ஆவலோடு காத்திருந்தனர்...
அவர் வந்தார்...
கரகோஷம்...
மீண்டும் மற்றொரு முறை..
இம்முறை பட்டாக்கத்தி பைரவன் வருகை...
அரங்கம் அதிர்ந்து குலுங்கியது...
இவை யெல்லாம் சாதாரண வர்ணனைகள்...
ஆனால் இன்றைய அளப்பறையோ...
வர்ணிப்பில் அடங்காது...

1973 ஜூலை 14 அன்று சாநதி திரையரங்கில் கண்ட காட்சிகள் மீண்டும் கண்ணெதிரே மலரும் என
நாங்கள் ஆசைப்பட்டது நடந்தேறியது...

இப்படிக் கூட்டம் வரும் போது எதற்கு புதிய படங்களைப் போட்டு ரிஸ்க் எடுக்க்ணும்...
இது தான் திரையரங்கு உரிமையாளர்க்ளின் மனதில் தோன்றியிருக்கக் கூடிய எண்ணம்...

மொத்தத்தில்...
1973 திரும்பியது...


ராகவேந்திரன்

முன்னைய பதிவிலிருந்து

இங்கே சங்கரா தற்செயலாக சொன்னாரா இல்லை சுவாமி இங்கே கொண்டு வந்து குவித்திருக்கும் புகைப் படங்களைப் பார்த்து விட்டு சொன்னாரா என்று தெரியவில்லை, 1973 ஜூலை 14 சனிக்கிழமை காலை 10.30 மணி மதுரை நியூசினிமாவில் நடந்த ஓபனிங் ஷோ மீண்டும் ஒரு முறை கால இயந்திரத்தின் மூலமாக 2010 ஆண்டில் மகாலட்சுமி திரையரங்கில் மீண்டு வந்ததோ என்று வலுவான ஒரு எண்ணம்.

அண்மைக் காலத்தில் அந்த அரங்கிற்கு வெளியே இவ்வளவு கோலாகல கொண்டாட்டங்கள் நடந்திருக்காது என்பது உறுதி. இங்கே சுவாமி அவர்கள் எடுத்த புகைப்படத்தில் அவன்தான் மனிதன் அதன் அருகில் திருவிளையாடல் படங்களின் ஸ்டில்-கள் அடங்கிய நீண்ட வடிவிலான போஸ்டர்களை அனைவரும் பார்த்திருக்க கூடும். இன்று அந்த போஸ்டர்களே தெரியாத அளவிற்கு ஏராளமான மாலைகள். எத்தனை விதங்கள் உண்டோ அத்தனை மாலைகளும் அங்கே அணிவிக்கப்பட்டன. பூசணிக்காய் சூட, தீப ஆராதனைகள் நடக்க மலர் மாரி பொழிய வாழ்த்தொலிகள் விண்ணை பிளக்க அந்த சாலையில் பேருந்துகள், வான்கள், கார்கள் மற்றும் இரு சக்கர வாகனங்கள் அனைத்தும் தியேட்டர் வாசலில் நின்று வியப்போடும்
ஆச்சர்யத்துடனும் நகர்ந்தன. எதிர்வரிசையில் அமைந்துள்ள அடுக்கு மாடி குடியிருப்பில் [முன்பு அங்குதான் சரஸ்வதி திரையரங்கம் அமைந்திருந்ததாக சொன்னார்கள்] இருப்பவர்கள் இப்படிப்பட்ட காட்சியை இதற்கு முன் இங்கே பார்த்ததில்லையே என்ற நினைப்போடு பார்க்க, பட்டாசுகள் முழங்கின. இன்னும் சொல்லப் போனால் இன்றைக்கு இருக்கக் கூடிய முன்னணி நடிகர்கள் கூட இந்த காட்களை கண்டிருந்தால் இது போன்ற ஒரு ரசிகர் கூட்டம் நமக்கு இல்லையே என்று நிச்சயமாக ஏங்கியிருப்பார். அந்த இடத்தில் வந்த ஒரு கமண்ட் " ஆஃக்ஷன் ஹீரோக்களுக்கு மாஸ் இருப்பது ஆச்சர்யமில்லை. ஆனால் ஒரு ஆக்டருக்கு இவ்வளவு பெரிய மாஸ் இருப்பது உலகில் இவரை விட்டால் யாருக்கும் இல்லை".

வசந்தகுமார் அவர்கள் வந்தார். அவருக்கு நல்ல வரவேற்பு. அவர் பேசும் போது நடிகர் திலகத்தின் பல்வேறு பாத்திரப் படைப்புக்களை குறிப்பிட்டார். நடிகர் திலகம், பெருந்தலைவர், காங்கிரஸ் பேரியக்கம் தொடர்புகளை சுட்டிக் காட்டி பேசி விட்டு விரைவில் நடிகர் திலகத்திற்கு சென்னையில் மணி மண்டபம் அமைக்கப்படும் என்றார். அந்த மணி மண்டப திறப்பு விழா நாளன்று சென்னையே சிவாஜி ரசிகர்களால் நிறைய வேண்டும், நிறையும் என்று சொன்ன வசந்தகுமார் எந்த பிரதிபலனும் எதிர்பாராமல் காங்கிரஸ் பேரியக்கத்திற்கு உழைத்தவர் நடிகர் திலகம் அதே போல் எந்த எதிர்பார்ப்பும் இல்லாமல் நடிகர் திலகத்தின் மீது கொண்டுள்ள பற்றின் காரணமாகவே இன்றும் இருப்பவர் உழைப்பவர் அவரது ரசிகர்கள் என்ற போது ரசிகர்களின் பெரும் ஆரவாரம். பேசி முடித்து விட்டு அவர் கிளம்பினார்.

தியேட்டருக்கு வெளியே நண்பர் மோகனரங்கனை சந்தித்தோம். அவர் மாலையில் ஒரு வேலை இருந்ததால் மதியக் காட்சியே பார்த்து விட்டு வெளியே நின்றிருந்தார். நண்பர் சுவாமி மற்றும் ராகவேந்தர் சாரையும் சந்தித்தோம். படம் போட்டு விட்டார்கள் என்ற செய்தி அறிவிக்கப்பட உள்ளே நுழைந்தோம்.

தியேட்டர் நிகழ்வுகள் நாளை. அதற்கு முன் தியேட்டர் உள்ளே வெளியே நடந்த கொண்டாட்டங்களின் புகைப்பட குவியலோடு சுவாமி இங்கே போஸ்ட் செய்வார். அவர் சொல்வது போல் Happy Viewing.

அன்புடன்

தியேட்டருக்கு வெளியே நடந்த கொண்டாட்டங்கள் அனைத்தும் வசந்த் தொலைக்காட்சி நிறுவனத்தினரால் படமாக்கப்பட்டன. எனவே வசந்த் டி.வியில் இது ஒளிப்பரப்பாகும் என தோன்றுகிறது.

முன்னைய பதிவிலிருந்து

2010ல் சென்னை மஹாலக்ஷ்மி திரையரங்கில் எங்கள் தங்க ராஜா

http://i157.photobucket.com/albums/t...psd1737dca.jpg

http://i157.photobucket.com/albums/t...psa4405d28.jpg

http://i157.photobucket.com/albums/t...ps8e0ad2d0.jpg

http://i157.photobucket.com/albums/t...ps2527d2f6.jpg

http://i157.photobucket.com/albums/t...ps2b8d9b9d.jpg

http://i157.photobucket.com/albums/t...ps803711ae.jpg

http://i157.photobucket.com/albums/t...ps3eed2b70.jpg

எங்கள் தங்க ராஜா - தியேட்டர் நிகழ்வுகள்

நாங்கள் தியேட்டருக்குள் நுழைந்து மாடிக்கு சென்று இடம் தேடி இடம் கிடைத்து உட்காரும் போது கிட்டத்தட்ட நடிகர் திலகத்தின் intro வந்து விட்டது. எங்களின் பின் வரிசையில் அமர்ந்திருந்தவரை ராகவேந்தர் சார் அறிமுகப்படுத்தினார். நமது நண்பர் மோகனரங்கனின் பாதர் -இன்-லா என்று. அவரிடம் ஒரு ஹலோ சொல்லி விட்டு திரும்பினால் மேஜர், சிறுவன் ராஜாவிற்கு முயல் சிங்கத்தை ஜெயித்த கதையை சொல்லும் காட்சி ஓடிக் கொண்டிருந்தது. இதற்கிடையில் வெளியே ஆரவாரங்கள் கொண்டாட்டங்கள் எல்லாம் முடிந்து மக்கள் கூட்டம் உள்ளே சாரி சாரியாக வந்து கொண்டிருந்தது. மேஜர் அடுப்பில் வைத்த கல்லில் சின்ன சப்பாத்தியை பெரிய சப்பாத்தியாக மாற்ற ஒயிட் அண்ட் ஒயிட்டில் கூப்பிய கரங்களுடன் தெய்வதை வணங்கும் நடிகர் திலகம். பேப்பர் பறக்க காதை அடைக்கும் கைதட்டல்கள். கிழே திரைக்கு அருகில் மீண்டும் சூடம் ஏற்றப்பட அரங்கு உரிமையாளர்களுக்கு ஒரே கிலி. மன்ற நிர்வாகிகள் சிலர் மேடையில் ஏறி உணர்ச்சி வசப்பட்டவர்களை அமைதிப்படுத்தினர்.

இட்லி சுட்டு விற்கும் ஆயா நடிகர் திலகத்திடம் " உன் ராசியான கையாலே போனி பண்ணிடேலே வியாபாரம் அமோகமாக நடக்கும்" என்று சொல்லும் போது எழுந்தது வாழ்த்தொலி. மஞ்சுளா அண்ட் கோ கிண்டல் காட்சிகள், சாதாரண ஆளாக இருந்த மனோகர் பெரிய தொழிலதிபர் ஆக இருப்பதைக் காட்டுவது என சில காட்சிகள் போனது. பிறகு வந்தது "சாமியிலும் சாமியிது" பாடல். அந்த கணபதியோட வாரிசுதானே இந்த சாமி என்ற வரிகளுக்கு பலமான வரவேற்பு.

பிரின்சிபால் ராஜாவை கூப்பிடுகிறார் [நாகேஷ் - பிரின்சிபாலுக்கு பாடத்திலே ஏதோ சந்தேகமாம்,அதான் ராஜாவை கூப்பிடுறார்] ராஜாவிற்கு ஸ்காலர்ஷிப் இனிமேல் இல்லை என்று சொல்லி விட அடுத்த காட்சியில் நடிகர்திலகம் வேதனையோடு மேஜரிடம் சொல்லுவார் குல்லா வைக்கப் பிறந்தவன் கிரீடத்திற்கு ஆசைப்படக் கூடாது. உடனே மேஜர் நீ கிரீடத்திற்கே பிறந்தவன் ராஜா என்ற போது மறுமுறையும் அதிர்ந்தது தியேட்டர்.

குப்பத்து மக்கள் எல்லோரும் சேர்ந்து பரிட்சைக்கு பணம் கட்ட பரீட்சை நடக்கிறது என்று காட்சிகள் வெகு வேகமாக நகர்ந்தன.[பின்னால் இருப்பவன் நாகேஷிடம் என்ன எழுதறே அதற்கு நாகேஷ் ஸ்ரீராமஜெயம் எழுதறேன். உடனே நண்பன் அதைக் கூட ஸ்ரீராமானுஜன்-னு தப்பா எழுதறே].

அடுத்து நடிகர் திலகம் நடந்து வர காரிலிருந்து இறங்கும் மஞ்சுளா. தியேட்டரில் ஆரவாரம் அதிகமாகி மீண்டும் சிலர் திரை இருக்கும் மேடை நோக்கி போக, மஞ்சுளாவிடம் என்னை மறந்து விடு என்று சொல்லி நடிகர் திலகம் ஒரு நடை நடப்பார் - கிழே, மேலே திரைக்கு அருகே என எல்லா இடங்களிலும் கைதட்டல் ஒலி காதை கிழிக்க அமர்க்களமாக இருந்தது.

அதன்பின் நடிகர் திலகம் ஆஸ்பத்திரி ஆரம்பித்து நடத்தும் காட்சிகள். மஞ்சுளா அங்கே வலிய வந்து பணி செய்வது என காட்சிகள் விரைந்தன. நாகேஷ் நடிகர் திலகத்தை வந்து பார்த்து, டா போட்டு பேசி விட ஆப்பக் கடை ஆயா நாகேஷை திட்டி விட "என்னப்பா உன் பேட்டையிலே உன்னைப் பற்றி பேசினா பென்டை கழட்டிடுவாங்க போலிருக்கு" என்று சொல்ல பேசித்தான் பாரேன் என்று நடிகர் திலகம் சொல்ல பேட்டையை வளைக்கிறியா என்று நாகேஷ் கேட்க முதலிலே பேட்டையை வளைப்போம் அப்புறம் என்று நடிகர் திலகம் இடைவெளி விட்டு நிறுத்த பின்னால் பெருந்தலைவர் படம் இருக்க எழுந்த ஆரவாரம் மீண்டும் 1973 -ஐ நினைவுக்கு கொண்டு வந்தது.

அடுத்து மஞ்சுளா மனோகரின் மகள் என்பதை நடிகர் திலகம் தெரிந்துக் கொள்ளும் காட்சி. வசனங்கள் இல்லாமல் கண் சிவக்க உதடு துடிக்க நடிகர் திலகம் வெளிப்படுத்தும் காட்சி தன்னை அவமானப்படுத்தும் மனோகரிடம் ஒன்றும் சொல்லாமல் உங்க அப்பா நல்லவர்-னு சொன்னியே என்று மட்டும் சொல்லி விட்டு வெளியேறும் நடிகர் திலகம் - பெரும் ஆரவாரம். அது அந்த காட்சிக்கு மட்டுமல்ல அடுத்து வரும் காட்சிக்கும் சேர்த்துதான் என்பது புரிந்தது. மஞ்சுளாவிற்கு போன். சந்தோஷத்தில் துள்ளிக் குதிக்கும் மஞ்சுளா. அங்கே அதை விட அதிக சந்தோஷத்தில் ரசிகர்கள். இப்போது மேடையில் கிட்டத்தட்ட 20 நபர்கள். அதில் நாலைந்து நபர்களின் கையில் தீபம். அது போதாதென்று உள்ளே மேளத்தை கொண்டு வந்து சிலர் அடித்து ஆட ஆரம்பிக்க அட்டகாசம் ஆரம்பமானது.

நடிகர் திலகம் இந்த பாடலில் சில ஸ்டைல் சில நடை நடப்பார். கர்சீப்பை கையில் வைத்துக் கொண்டு ஒரு கால் மாற்றி ஒரு கால் வைத்து ஆடி வருவார், சரணத்தின் போது நேர் போஸிலும் சைடு போஸிலும் ராஜ நடை நடப்பார். காது கிழியும் டெசிபல் லெவல். கிழே தீபம் என்றால் மேலே பால்கனி கைப்பிடியில் சூடம் ஏற்றப்பட்டு அது அணையாமல் எரிந்துக் கொண்டிருப்பதற்காக சூடங்கள் நெருப்பில் சேர்த்துக் கொண்டே சிலர் நிற்க பார்வையாளர்கள் எல்லாம் மகிழ்ச்சிக் கடலில் ஆழ்ந்தனர்.

ஒரு சில காட்சிகளுக்கு பின் தியேட்டரே எதிர்பார்த்துக் கொண்டிருந்த காட்சி. மோட்டார் பைக் காட்டப்பட்டு பட்டாக்கத்தி பைரவன் வாயில் சூயிங்கத்தை மென்றுக் கொண்டே திரையில் தோன்ற உள்ளேயே வெடித்தது பட்டாஸ். கிட்டத்தட்ட அனைவரும் எழுந்து நின்று பார்க்க வேண்டிய நிலைமை. காரணம் முன்னால் இருந்த ரசிகர்கள் அனைவரும் எழுந்து நின்று விட்டனர்.

பைரவ அமர்க்களம் நாளை.

அன்புடன்

முன்னைய பதிவிலிருந்து

தங்கத்தமிழ்ப் பெருமகனின் வெள்ளித்திரைத் திருவிழா - செவாலியே சிவாஜி வாரம் - பெரம்பூர் மஹாலட்சுமி திரையரங்கம் - மொத்த வசூல் (சற்றேறக்குறைய)

27.3.2010 - சனி - கௌரவம்

இரவு 9:45 மணிக் காட்சி = ரூ. 2,200/- (ரூபாய் இரண்டாயிரத்து இருநூறு)

28.3.2010 - ஞாயிறு - எங்கள் தங்க ராஜா

பிற்பகல் 2:30 மணிக் காட்சி = ரூ. 6,000/- (ரூபாய் ஆறாயிரம்)

மாலை 6:15 மணிக் காட்சி = ரூ. 13,000/- (ரூபாய் பதிமூன்றாயிரம்) (ஹவுஸ்ஃபுல்)

இரவு 9:45 மணிக் காட்சி = ரூ.3,000/- (ரூபாய் மூவாயிரம்)

முன்னைய பதிவிலிருந்து

தங்கத்தமிழ்ப் பெருமகனின் வெள்ளித்திரைத் திருவிழா - செவாலியே சிவாஜி வாரம் - பெரம்பூர் மஹாலட்சுமி திரையரங்கம் - மொத்த வசூல் (சற்றேறக்குறைய)

29.3.2010 - திங்கள் (பங்குனி உத்திரத் திருநாள்) - திருவருட்செல்வர்

பிற்பகல் 2:30 மணிக் காட்சி = ரூ. 4,500/- (ரூபாய் நான்காயிரத்து ஐநூறு)

மாலை 6:15 மணிக் காட்சி = ரூ. 5,100/- (ரூபாய் ஐந்தாயிரத்து ஒருநூறு)

இரவு 9:45 மணிக் காட்சி = ரூ. 2,100/- (ரூபாய் இரண்டாயிரத்து ஒருநூறு)


முன்னைய பதிவிலிருந்து

டியர் முரளியண்ணா....

மகாலட்சுமி திரையரங்கில் ஞாயிறு மாலை நடந்தவற்றை அப்படியே (எழுத்துக்களால் நீங்களும், புகைப்படத்தொகுப்பால் பம்மலாரும்) கண்முன் கொண்டுவந்து நிறுத்தி விட்டீர்கள். படிக்கும் அத்தனை பேரும் அன்றைய மகாலட்சுமி நிகழ்வுகளை அப்படியே கண்முன்னே காண்பார்கள் என்பது நிச்சயம். முத்தங்கள் நூறு பாடலின் வரிகள்தான் நினைவுக்கு வருகிறது. ('மற்றவர்க்கோ ஒரு நாள் இரு நாள்... எங்கள் மன்னவர்க்கோ தினமும் திருநாள்'). தாஸாமக்கான் 'மகாலட்சுமி'யில் துவங்கிய இந்த திருவிழா சென்னை முழுதும் தொடர வேண்டும். தொடரும்.

டியர் பம்மலார்...
தினமும் ஒரு வி.ஐ.பி.வருகையால் மகாலட்சுமி அரங்கம் களைகட்டுகிறது. ராஜபார்ட் ரங்கதுரையில் டி.எம்.எஸ்.அண்ணாவின் பங்களிப்பு கொஞ்சமா?. அதை மீண்டும் மக்களோடு அமர்ந்து ரசிக்கப்போகிறார் என்பதே தித்திக்கும் செய்தி அல்லவா. 'சிவாஜி வாரம்' வசூல் விவரங்கள் அருமை. கலைப்புலி சேகரன் சொன்ன உண்மை மீண்டும் மெய்ப்பிக்கப்படுகிறது.

சகோதரி சாரதாவின்
முன்னைய பதிவிலிருந்து

http://www.mayyam.com/talk/images/misc/quote_icon.png Originally Posted by RAGHAVENDRA இன்றைய 31.03.2010 சிங்கத்தமிழன் சிவாஜி நிகழ்ச்சியை வசந்த் தொலைக்காட்சியில் பார்த்தவர்கள் இனிய இன்ப அதிர்ச்சிக்கு நிச்சயம் உள்ளாகியிருப்பர். கடந்த ஞாயிறன்று மாலை நடைபெற்ற நிகழ்ச்சியின் தொகுப்பு ஒளிபரப்பானது. அன்று அங்கு நேரில் பார்க்க முடியவில்லையே என ஏங்கியோர், குறிப்பாக சகோதரி சாரதா அவர்கள், நிச்சயம் உள்ளம் குளிர்ந்திருப்பர். அரை மணி நேரம் நிகழ்ச்சியில் விளம்பரம் போக எவ்வளவு முடியுமோ அவ்வளவு ஒளிபரப்பினார்கள். வசந்த் டிவிக்கு நமது உளமார்ந்த நன்றி.
ராகவேந்திரன்
டியர் ராகவேந்தர் அண்ணா...

நீங்கள் சொலவ்து முற்றிலும் உண்மை. நான் சற்றும் எதிர்பார்க்கவில்ல்லை. நேற்றைய சிங்கத்தமிழன் சிவாஜி நிகழ்ச்சி துவங்கும் முன்பு 'இன்று யார் வி.ஐ.பி.யாக வந்து தன் அனுபவங்களையும் எண்ணங்களையும் பகிர்ந்துகொள்ளப்போகிறாரோ' என்று எண்ணத்தில் இருந்த எனக்கு இன்ப அதிர்ச்சியாக, நிகழ்ச்சி துவங்கியதும், நாதஸ்வர ஒலியுடன் காட்சிகள் காண்பிக்கப்பட மகிழ்ச்சியின் எல்லைக்குப்போனேன். இந்நிகழ்ச்சியை வசந்த தொலைக்காட்சியினர் படம்பிடித்தனர் என்று நீங்களும், முரளியண்ணாவும் சொன்னீர்கள். என்றைக்காவது சாவகாசமாகக் காட்டுவார்கள் என்று நினைத்திருந்தபோது, சூட்டோடு சூடாக இரண்டே நாட்களில் ஒளிபரப்பி திகைக்க வைத்தனர்.

பாலாபிஷேகம், கற்பூர ஆரத்தி, பட்டாசு வெடிக்கப்பட்ட காட்சிகள் அனைத்தும் அருமையாகக் காண்பிக்கப்பட்டன. ச்கோதரர் ராம்குமார் அவர்களின் பேச்சு சுருக்கமாக இருந்தபோதிலும், ரொம்பவும் உணர்ச்சி வசப்பட்டிருந்தார் என்பது அவர் முகத்தில் தெரிந்தது. சிறுவர்களுக்கு அவர் பரிசுப்பொருட்கள் வழங்குவதும் காண்பிக்கப்பட்டது. சட்டமன்ற உறுப்பினர் திரு வசந்தகுமார் அவர்களின் பேச்சு ஒவ்வொரு சிவாஜி ரசிகனின் மனதையும் அப்படியே பிரதிபலிப்பதாய் அமைந்திருந்தது. அதனால்தான் அவருடைய ஒவ்வொரு வரிக்கும் கைதட்டலும் ஆரவாரமும் எழுந்தது. சால்வையணிவித்து வரவேற்கப்பட்ட அவருக்கு இறுதியில் நினைவுக்கேடயமும் வழங்கப்பட்டது.

டியர் முரளியண்ணா....

ஞாயிறன்று நிகழ்வுகளை பகுதி பகுதியாக, வரி வரியாக விவரித்து எங்களை அப்படியே மகாலட்சுமி திரையரங்கின் நடு இருக்கையில் கொண்டுபோய் உட்கார வைத்துவிட்டீர்கள். வர்ணிப்புகள் அருமையிலும் அருமை. அவ்வளவு ஆர்ப்பாட்டத்துக்கிடையிலும், பாடல் வரிகளின்போது என் நினைவு வந்தது என்று நீங்கள் சொல்லியிருப்பது, நம் அனைவரின் இதயங்களும் நடிகதில்கத்தைப்பற்றி ஒரே அலைவரிசையில் துடித்துக் கொண்டிருப்பதற்கு எடுத்துக்காட்டு. உங்கள் அனைவரின் விவரிப்புகளும், பம்மலார் அளித்த புகைப்படத் தொகுப்புகளும் எனது 'யு.எஸ்.பி.ஃப்ளாஷ் மெமோரி'யில் நிரந்தரமாக இடம்பெற்றுவிட்டன. விழா பற்றிய உங்களின் வர்ணணைகளை கணிணியில் காண்பித்து என் கணவரிடம் 'பார்த்தீங்களா? நீங்களும்தான் போயிட்டு வந்தீங்க. இப்படி விவரமாகச்சொல்ல உங்களுக்கு தெரிந்ததா?' என்று கேட்க, அவர் ஒரே வரியில் சொன்ன பதில் 'எல்லோரும் முரளி சார் ஆகிவிட முடியுமா?'. (அவர் சொன்னது உண்மைதானே).

டியர் மோகன் (ரங்கன்)....

நீங்களும் உங்கள் பங்குக்கு, ஞாயிறு படவிழாவை அருமையாக விவரித்துள்ளீர்கள். நன்றி. குறிப்பாக சகோதரி கிரிஜா அவர்களின் பங்களிப்பைப் பற்றி.

டியர் பம்மலார்....

உங்களது புகைப்படத்தொகுப்பு அபாரம். சொர்க்கம் படத்தின் 100-வது நாள் தினத்தந்தி விளம்பரத்தை ரொம்ப நாளாகத் தேடிக்கொண்டிருந்தேன். உங்கள் புகைப்படத்தொகுப்பில் கிடைக்கப்பெற்றேன். பாரதவிலாஸ், ராஜபார்ட் ரங்கதுரைக்கான தியேட்டர் ரெஸ்பான்ஸ் எப்படியிருந்ததாம்?.

மொத்தத்தில் இந்த வாரம், நடிகர்திலகத்தின் ரசிகர்களுக்கு மட்டுமல்ல, மகாலட்சுமி திரையரங்க நிர்வாகத்தினருக்கும் மறக்க முடியாத வாரமாக அமைந்துவிட்டது என்பதில் ஐயமில்லை.

சகோதரி சாரதாவின்
முன்னைய பதிவிலிருந்து

இன்றைய மாலைக் காட்சி சொர்க்கம் குறிப்பிடத் தக்க அளவிற்கு மக்கள் நிறைந்த காட்சியாக அமைந்தது. சுமார் 220 லிருந்து 250 வரை இருக்கலாம். இதய வேந்தன் மன்றத்தினர் இடைவேளையில் அரங்க ஊழியர்களை சேலை வேட்டி பரிசு கொடுத்து கௌரவித்தனர். கூடிய விரைவில் இதே மஹாலக்ஷ்மியில் பாசமலர் வெளியிடும் செய்தி கிடைத்தது. தர்மம் தலைகாக்கும் படத்தை வெளியிட்டவர்களே பாச மலரையும் திரையிட உள்ளதாகவும் தகவல். உள்ளே வந்திருந்த அனைவரும் பொன்மகள் வந்தாள் பாடல் காட்சியிலும் சொல்லாதே யாரும் கேட்டால் பாடலிலும் பலத்த ஆரவாரம். அன்று தேவி பேரடைஸில் அன்றைய ரசிகர் கூட்டம் எந்தெந்த காட்சியிலெல்லாம் ஆர்ப்பரித்தனரோ, அதே போன்று இன்றும் அந்தந்த காட்சியிலெல்லாம் அதே வகையான ஆர்ப்பரிப்பு... நமக்கெல்லாம் வயது கூடியது என்பதைத் தவிர வேறெந்த வித்தியாசமும் ரசிகர்களிடமும் மக்களிடமும் காணப்படவில்லை. காரணம் இன்றைய காட்சியிலும் இளைஞர்களைக் காண முடிந்தது. இன்ப அதிர்ச்சியாக நமது புதிய ஹப்பர் ராதாகிருஷ்ணனை சந்தித்து உரையாடும் வாய்ப்புக் கிட்டியது. உள்ளம் மகிழ்வுற்றது.
இனி பாசமலர் நம்மைக் கட்டிப்போடக் காத்திருக்கிறது.
காத்திருப்போம்.

ராகவேந்திரன்

Sivajiganesan reg

நன்றி திரு ராகவேந்தர் சார்,
இன்று சொர்க்கம் படம் காண வந்த போது ரசிகர்களின் உற்சாகத்தை பார்க்கும் போது Sunday நிகழ்ச்சிகளை miss செய்து விட்டேனே என்று வருந்துகிறேன். Ms கிரிஜா சண்டே அன்று நடந்த அலப்பறை பற்றி பேசிக்கொண்டே இருந்தார். மேலும் உங்களை சந்தித்ததில் மிகவும் மகிழ்ச்சி.