-
நடிகர் திலகத்துடன் தங்கள் அனுபவம் குறித்து பல்வேறு பிரபலங்கள் ஆனந்த விகடன் இதழுக்கு அளித்த பேட்டி தேதி வாரியாக ,
சிவாஜி THE BOSS (விகடன் பொக்கிஷம்)
==========================================
“சிவாஜி ‘பராசக்தி’யில் நடித்துக்கொண்டிருந்த போதே ‘மனோகரா’ படத் தயாரிப்பு
வேலைகள் நடந்து கொண்டிருந்தன. அதற்கு நான் திரைக்கதை வசனம் எழுதிக்கொண்டிருந்தேன்.
அந்தச் சமயத்தில், ‘மனோகரா’வில் கே.ஆர்.ராமசாமியை மனோகரனாக நடிக்க வைப்பதாக இருந்தது. ஆனால், சில காரணங்களால் அவரால் அந்தப் படத்தில் நடிக்க இயலவில்லை. ‘பராசக்தி’யில் சிவாஜியின் நடிப்பும், வசன உச்சரிப்புகளும் சிறப்பாக இருந்ததைக் கண்கூடாகக் கண்டதனால், சிவாஜியையே மனோகரனாக நடிக்க வைக்கலாம் என்று தயாரிப்பாளரான ஜூபிடர் சோமுவிடம் சொன்னேன். அதற்கான ஒப்பந்தம் ஒன்றும் போடப்பட்டது. அதற்கிடையே, சிலர் ஜூபிடர் சோமுவிடம் சென்று அவரது மனத்தைக் குழப்பினார்கள். அந்தச் சமயம், ‘பராசக்தி’ 1952 தீபா வளியன்று வெளிவந்தது. சென்னை அசோக் தியேட்டரில் ‘பராசக்தி’ வெளியான அன்றே – முதல் நாள் – அதுவும் மாட்னி காட்சிக்கு நானும் ஜூபிடர் சோமுவும் கிருஷ்ணன் பஞ்சுவுமாகப் போய்ப் பார்த்தோம்.
படம் முடிந்தது. சிவாஜியின் உணர்ச்சிமிக்க நடிப்பைப் பார்த்துவிட்டு, ‘யார் என்ன சொன்னாலும் சிவாஜி கணேசன் தான் மனோகரனாக நடிக்கிறார்’ என்று மெய்சிலிர்க்கச் சொன்னார் ஜூபிடர் சோமு.”
– கலைஞர் மு.கருணாநிதி (21.8.88)
“சிவாஜிகணேசன் ஒரு ‘தெய்வ மலர்’. திரு ‘கல்கி’ அவர்கள் ‘சிவகாமியின் சபத’த்தில் சிவகாமி பற்றி கூறும்போது, ‘அவளும், அவளுடைய கலையும் தெய்வத்திற்கே அர்ப்பணமானவை. மனி தர்களால் தொடமுடியாது’ என்கிறார். நானும் அதையே சொல்கி றேன். திரு. கணேசன் அவர்களின் கலை, தெய்வத்திற்கு அர்ப்பண மானது! நாம் தூரத்தே நின்று ரசிக்கலாம்; ஆனால் அது நமக்கும் அப்பாற்பட்டது. திருஞான சம்பந்தருக்கு பாலூட்டிய தாய், இந்த நடிப்புக் கடலுக்கும் ஒரு துளி ஊட்டியிருப்பாளோ? அதனால்தான் இவர் பேசும்போது தமிழ் அவ்வளவு இனிக்கிறதோ! நான் இவரது நடிப்புத் திறனைக் கண்டு வியக்காத நாளே இல்லை. கோலார் பொன் சுரங்கம் வற்றி விட்டது என்று சொல்கிறார்களே, கிம்பர்லி வைரச் சுரங்கங்கள் வெறுமையாகிவிட்டன என்று சொல்கிறார்களே… இந்த நடிப்புச் சுரங்கம் மட்டும் வற்றுவதில்லையே!
இந்த உயர்ந்த நடிகரின் வெற்றி இவரது உழைப்பில்தான் இருக்கிறது. ‘தெய்வ மகன்’ படத்தில் மூன்று சிவாஜிகளும் தோன்றும் ஒரு காட்சியை நான் முதன்முறையாகப் பார்த்தபோது, எனக்கே மூன்று தனிப்பட்டவர்கள் நடிப்பதாக ஒரு பிரமை ஏற்பட்டது! அன்று அவர் நடிப்பின் பூரணத் துவத்தைக் கண்டேன். ஆனால் அந்த உயர்ந்தவரிடம்தான் எத்தனைப் பணிவு, எத்தனைப் பண்பு!”
– டைரக்டர் ஏ.சி.திருலோக்சந்தர் (21.9.69)
“சிவாஜி கணேசனை நான் மிகவும் மதித்து, போற்றிப் பாதுகாக்கும் காரணம், அவரை எதற்கும் எப்பொழுதும் அணுகி, எதைப் பற்றி வேண்டுமானாலும் பேசலாம். அவருக்கு அவ்வளவு விஷயங்கள் தெரியும்! எனக்கு எந்தச் சந்தேகம் வந்தாலும் நான் அவரிடம் சென்றுதான் நிவர்த்தி செய்து கொள்வேன். தீர ஆலோசித்து, பொறுமையாக விஷயத்தை விளக்குவதில் அவருக்கு ஈடு அவரேதான்.
படப்பிடிப்பு என்று வந்து விட்டால், சிவாஜி காரியத்தில் மிகவும் கண்ணாக இருப்பார். தம்மால் மற்றவர்களுக்கு ஒரு சிறு துன்பம் வருவதையும் சகியார். என் வாழ்வில் இவர் என்றுமே மறக்க முடியாதவர்; மறக்கவும் இயலாதவர்.”
– நடிகை உஷாநந்தினி (22.7.73)
[நாளை தொடரும்]
https://scontent.fykz1-1.fna.fbcdn.n...ee&oe=5C246588
courtesy Raja Luxmi F B
-
-
-
-
-
-
-
-
-
-
-
தமிழ் மண் இப்படியொரு நடிகரை மட்டுமல்ல... இப்படியொரு தலைவரையும் இனி பிரசவிக்குமா என்பதும் சந்தேகமே!
ஆம். அதற்கொரு சம்பவத்தை நினைவு கூர்கிறேன்.
காங்கிரஸிலிருந்து வெளியேறிய நடிகர்திலகம் 1988 ஆம் ஆண்டு தமிழக முன்னேற்ற முன்னணி என்றொரு கட்சியைத் துவக்கினார்.(கட்சிப் பெயரில் அன்றே கழகம் என இல்லாதிருப்பதை நண்பர்கள் கவனிக்கவும்). முழுக்க முழுக்க தான் சம்பாதித்த பணத்தைக் கொண்டுதான் கட்சியை வளர்த்தார். யாரிடமிருந்தும் ஒரு பைசா கூட நன்கொடையாக வாங்கவில்லை.
த.மு....மு சார்பில் 1989 ஆம் ஆண்டு தேர்தலில் போட்டியிட்ட அனைத்து வேட்பாளர்களுக்கும் தேர்தல் செலவுக்காக
தம் சேமிப்பிலிருந்து பல லட்ச ரூபாய்களைக் கொடுத்தார்.
அதுமட்டுமின்றி, தேர்தல் முடிந்தவுடன் தன் கட்சி சார்பில் போட்டியிட்ட வேட்பாளர்களை அழைத்து, தம் சொந்த செலவில், தேர்தலுக்காக அவர்கள் செய்திருந்த சுவர் விளம்பரங்களை அழிக்கச் சொல்லியும், பொதுமக்களுக்கு எந்தவித இடையூறு இல்லாமல் பார்த்துக் கொள்ள வேண்டும் என்றும் அறிவுறுத்தினார்.
எப்பேற்பட்ட கட்சித் தலைவர்!
இப்போது சொல்லுங்கள்!
இப்படியோர் கண்ணியமிக்க தலைவனை இந்த தேசம் இனியும் காணுமா?!
அத்தகைய நல்லுள்ளம் கொண்ட பிதாமகனின் அன்பிதயங்களுக்கு என் இனிய மாலை வணக்கம்.
சுவரொட்டி எண் : 10
https://scontent.fykz1-1.fna.fbcdn.n...c4&oe=5C2A4FD1
nilaa
-
ஒருமுறை, பிரபல' பொம்மை ' மாத இதழில், " அரசியலை ஒரு கருவியாக வைத்துக் கொண்டும், சினிமா உலகச் செல்வாக்கை சேர்த்துக் கொண்டும், 'பிழைக்கத் தெரியவில்லை ' என்று உங்களைச் சிலர் குறை கூறுகிறார்கள். அதற்கு பதில் என்ன சொல்லப் போகிறீர்கள்? " என்று ஒரு வாசகர் நடிகர்திலகத்திடம் கேள்வி கேட்டிருந்தார்.
அதற்கு நடிகர் திலகம் என்ன பதில் சொல்லியிருந்தார் தெரியுமா...
" என் திறமையையும் புகழையும் தவறான காரியங்களுக்குப் பயன்படுத்த எனக்குத் தேவையுமில்லை; அவசியமுமில்லை "
என்பதே அந்த பதில்.
சொன்னது மட்டுமல்ல... கடைசிவரை அப்படியேத்தான் வாழ்ந்தார்.
அந்த உன்னதக் கலைஞரின் நினைவுகளோடு இனிய காலை வணக்கம் நண்பர்களே!
https://scontent.fykz1-1.fna.fbcdn.n...ad&oe=5C238A99
nilaa
-
-
-
-
-
-
-
-
இனிய மாலை வணக்கம் நண்பர்களே!
சுவரொட்டி எண் :11
நடிப்புக் கலையைப் பொறுத்தவரை சிவாஜியை மிஞ்ச உலகிலேயே ஆள் கிடையாது. தமிழர்களுக்கு எப்போதும் தங்கள் சகோதரர்களையே தாழ்த்தும் சுபாவம் இருப்பதால் நம்மில் அநேகர் சிவாஜியின் பெருமையை ஒப்புக் கொள்வது கிடையாது.
மனத்தின் உணர்ச்சிகளை முகத்தில் துல்லியமாக பிரதிபலிக்கும் கலையில் சிவாஜியை மிஞ்ச உலகிலேயே ஆள் இல்லை. அவர் ஒரே நேரத்தில் முகத்தில் ஒரு உணர்ச்சியை மட்டுமல்ல...இரண்டு உணர்ச்சிகளையும் எளிதாக பிரதிபலிப்பார். மூன்றுவித உணர்ச்சி...
களையும் அவர் சித்தரித்த கட்டங்கள் பல படங்களில் உண்டு.
இந்த நடிப்பு மேதையின் நடிப்புப்பற்றி விமர்சிக்க வருபவன், முதலில் ஒரேஒரு உணர்ச்சியை முத்தில் ஒழுங்காக சித்தரித்துக் காட்டட்டும். அதற்குமேல் எனக்கும் உணர்ச்சிகளை சித்தரிக்கத் தெரியும் ....அது வேண்டாமென்றுதான் யதார்த்தமாக முகத்தை மரக் கட்டையாக வைத்துக்கொண்டு நடிக்கிறேன் என்று பேசட்டும்.
சிவாஜியின் நடிப்புத்திறன் முக்கால் பங்கு என்றால் அவர் முக அமைப்பும்
அந்த கண்களும் இருக்கிறதே... அவை பாக்கியை முழுமைப் படுத்துகின்றன.
குளோசப்பில் காட்டப்படும் அழுகைக் காட்சியிலும் சிவாஜி ஒருவர்தான் நம்மை ரசிக்கவும் வைப்பார்; உருகவும் வைப்பார்.
மற்ற நடிகர்கள் அழும்போது தங்கள் இரு கைகளாலும் முகத்தை மூடிக் கொள்ளாவிட்டால் நாமே பயத்தில் அழ நேரிட்டுவிடும்.
நன்றி: 19:02:1986 தினகரன் நாளிதழில் வெளியான கட்டுரையிலிருந்து சில பத்திகள்....
https://scontent.fykz1-1.fna.fbcdn.n...0e&oe=5C1B8954
-
https://scontent.fykz1-1.fna.fbcdn.n...57&oe=5C2FB9D1
சந்தேகத் தீயில் கருகும் நாயகனாக, வில்லத்தனம் அரும்பி நிற்கும் வித்தியாசமான பாத்திரப் படைப்பில், இடைவேளைக்குப் பின்பு கால்கள் நடையிழந்து சக்கர நாற்காலியில் அமர்ந்தபடியே நமது நடிப்புச்சுடர் நடித்து
வெளிவந்து சக்கைபோடு போட்ட படம்...
முதல் நாள் இரவுக்காட்சியில் படம் பார்த்துவிட்டு, நள்ளிரவு ஒன்றரை மணிக்குமேல் அன்னை இல்லத்தின் கதவுகளைத்தட்டி, கலைக்குரிசலை எழுப்பி, கட்டியணைத்து, " இந்த உலகிலேயே ...நீ ஒருவன்தான் சிறந்த நடிகன்..." என்று நடிகர் அசோகனை பாராட்ட வைத்த படம்தான் ஆலயமணி.
அத்திரைப்படம் அன்றைக்கு எத்தனையோ இயக்குநர்களின் இதயங்களையெல்லாம் தூக்கமின்றி தவிக்க வைத்தது. 'UNDER PLAY' எனப்படும் மிகத் துல்லியமான .... அதே சமயம் வெகு கூர்மையாக, மெருகூட்டப்பட்ட பண்பட்ட நடிப்புச் சிதறல்களை வெளிப்படுத்திய ஆலயமணியைப் போல் ஒரு நடிகரை நம்மால் இயக்கி வெற்றி பெற முடியுமாவென யோசிக்க வைத்தது.
வித்தியாசமான படங்ளை தந்துவந்த புரட்சி இயக்குநர் ஸ்ரீதர் தனது நுண்ணிய திரைக்கலைத் திறனைப் பயன்படுத்தி, அதே ஆலயமணியை மீண்டும் ஒரு வெற்றிப் படமாக தமிழ்த்திரைக்கு இளமை ஊஞ்சலாடுகிறது என்று படைத்தது குறிப்பிடத்தக்கது.
இப்படி எல்லா தரப்பட்ட திரைக்கலைஞர்களையும் தம் நடிப்புத்திறனால் கட்டிப்போட்டு வைத்த கலைக்குரிசில் நடிகர்திலகத்தின் அன்பு இதயங்களுக்கு என் இனிய காலை வணக்கம்.
நன்றி :வரலாற்றுச்சுசுவடுகள் பாகம் 1 லிருந்து...
-
-
-
-
-
-
-
-
-
-
-
-
-
-
-
-
-
-