Printable View
ஐயனே,Quote:
Originally Posted by RAGHAVENDRA
இன்னும் 120 ஆண்டுகளுக்குப்பின்னர்,நாங்கள ஒருவரும் இருக்கமாட்டோம்..
ஆனால் நீங்கள் இருப்பீர்கள்..
அன்று உங்கள் புகழ் உலகெங்கும் வியாபித்திருக்கும்..
உலகிலுள்ள அத்தனை கலை சார்ந்த பல்கலைகழங்களுக்கும் உங்கள் சாதனை உயர் வகுப்பு பாடமாக அமையும்.
உம் தாள் பணிந்து வணங்குகிறோம்..
நடிகர் திலகம் மறைவிற்கு 'நந்தன்' (ஆகஸ்டு 1-15, 2001) இதழின் ஆத்மார்த்தமான அஞ்சலி
http://i1087.photobucket.com/albums/...0-2/ima4-3.jpg
http://i1087.photobucket.com/albums/...%20-2/1-47.jpg
http://i1087.photobucket.com/albums/...t%20-2/v-3.jpg
http://i1087.photobucket.com/albums/...%20-2/3-31.jpg
http://i1087.photobucket.com/albums/...ma4_0004-1.jpg
http://i1087.photobucket.com/albums/...ma4_0005-1.jpg
http://i1087.photobucket.com/albums/.../ima4_0006.jpg
http://i1087.photobucket.com/albums/.../ima4_0007.jpg
அன்புடன்
நெய்வேலி வாசுதேவன்
We always cherish the memories of our living legend, the one and only NT till we reach him
nadigarthilagame unnai endrum marakkamattom oru naal nangal marapom andru engal uyir engalidam irukkathu
neeye tamil neeya amutham neeya thuyavan vazhga un pugazl
today a black day for NT fans, infact for cinema industry
You continue to live in our hearts NT Sivaji Sir,
If God give us power we will bring you back to life NT Sivaji Sir
Continue to bless us from heaven
ஆருயிர் அண்ணனே இன்று யாருக்கு உனது நினைவு நாள்? . உன்னை இன்று மட்டும் நினைத்துவிட்டு நாளை மறந்துபோய் வேறு வேளைகளில் ஈடுபடுவோருக்கு.
அணுதினமும் உன்னையே நினைத்து உருகும் எங்களுக்கல்ல. உன்னை எப்போதும் நினைத்துக்கொண்டே இருப்பதால் எல்லா நாட்களும் உன் நினைவு நாளே.
இன்று கலையுலகை கவ்விய கறுப்பு நாள்.
தமிழகத்தின் பொக்கிஷம் களவு போன இருட்டு நாள்.
தமிழ்த்தாயும் கலைத்தாயும் தங்கள் மகனைப் பறிகொடுத்த மலட்டு நாள்.
நாங்கள் சற்று அயர்ந்திருந்த நேரத்தில் எமன் எங்களிடமிருந்து உன்னைத் திருடிக்கொண்டு போன திருட்டு நாள்.
இனி நாட்காட்டிகளில் ஜூலை 21 என்ற நாள் வேண்டாம். 364 நாட்கள் போதும் இவ்வுலகுக்கு...
நடிகர் திலகத்தின் நினைவு நாளை அனுசரிக்கும் விதமாக திருவொற்றியூர் பிரபு ரசிகர்கள் சார்பில் வெளியிடப் பட்டுள்ள போஸ்டர்
http://i1146.photobucket.com/albums/...ps9e462ad6.jpg
http://i1146.photobucket.com/albums/...ps0ae56b56.jpg
இந்த நிழற்படம் சிறப்பு வாய்ந்தது, இதனை இங்கு பகிர்ந்து கொள்வதில் உள்ளம் நெகிழ்கிறது. இதில் இடது புறத்தில் இருக்கும் இருவரும் வலது புறத்திலிருந்து இருவருமாக நால்வரும் சகோரர்கள். இவர்களுடைய தந்தையாரும் தீவிர சிவாஜி வெறியர். பெருந்தலைவரின் அன்பிற்கு பாத்திரமானவர். இவர்களின் குடும்ப அங்கத்தினர்கள் அனைவருமே நடிகர் திலகத்தின் மேல் அளவற்ற பாசம் கொண்டவர்கள், குழந்தைப் பிராயத்திலிருந்தே நடிகர் திலகத்தின் படங்களால் வளர்க்கப் பட்டவர்கள், அவருடைய ரசிகர்களாய் வளர்க்கப் பட்டவர்கள், வளர்ந்தவர்கள், வாழ்பவர்கள். இவர்கள் ஒவ்வொரு ஆண்டும் நடிகர் திலகத்தின் பிறந்த நாள் மற்றும் நினஐவு நாட்களில் ஒன்றாய் அன்னை இல்லத்தில் சங்கமித்து நடிகர் திலகத்தை நேரில் சந்தித்து மகிழ்ந்தவர்கள், அவரிடம் ஆசி பெற்றவர்கள், அவர் மறைந்தாலும் தொடர்ந்து அவருடைய திருவுருவப் படத்திற்கு மரியாதை செலுத்தி வருபவர்கள்.
அன்னை இல்லத்தில் நடிகர் திலகத்தின் ரசிகர்களுக்கு நினைவு நாள் மற்றும் பிறந்த நாட்களில் நேராக உள்ளே சென்று தலைவரின் படத்திற்கு மாலை மரியாதை செய்து விட்டு வரும் சிறப்பு வேறு எந்த ரசிகருக்கும் கிடைக்காத பெரும் பேறாகும். இந்த இரு நாட்களிலும் அந்தப் பகுதி முழுவதுமே ரசிகர்கள் வசமே இருக்கும் அளவிற்கு உரிமை கிடைப்பது ஒவ்வொரு சிவாஜி ரசிகரும் பெருமைப் படக் கூடிய விஷயமாகும்.
http://i1146.photobucket.com/albums/...ps528cc3e7.jpg
மலர் மாலை மரியாதையுடன் நடிகர் திலகத்தின் திருவுருவப் படம் உயிருடன் திகழ்வதைப் பார்க்கும் போதெல்லாம் கண்களில் நீர் பெருக்கெடுத்து வருவதைத் தடுக்க முடியவில்லை. தெய்வ சந்நிதானம் போல் அந்த இடம் திகழ்கிறது. இந்தக் காட்சியைப் பார்க்கும் தங்களுக்கும் அந்த உணர்வு நிச்சயம் ஏற்படும்.
தெய்வ மகனுக்கு ஒரு சிறு அஞ்சலி.
http://i1087.photobucket.com/albums/..._007022920.jpg
உள்பக்கம் தாழ்ப்பாள் அசைகிறது. கதவு திறக்கிறது. ஒரு விகார முக இளைஞன் ரூமுக்குள் நுழைகிறான். அவன் பெயர் கண்ணன். கையில் ஒரு செக் வைத்திருக்கிறான். அவன் நடை அவன் தந்தையை நோக்கி. தந்தை தாழ் திறக்கும் சப்தம் கேட்டு இருக்கையில் இருந்து எழுந்திருக்கிறான். மகன் நெருங்கி விட்டான். இருவருக்குமான முதல் சந்திப்பு!
வந்து நிற்கும் மகனை தவிப்போடும், திகைப்போடும், ஆச்சரியத்தோடும் பார்த்து அவனை எதிர் கொள்வது எப்படி என்று தடுமாறி நிற்கிறான் தந்தை. இருவருக்குமிடையே ஆழமமான, அர்த்தம் பொதிந்த பார்வைகள்.
மகன் ஆரம்பிக்கிறான் அமைதியாக.
"தேவையில்லைன்னு நெனச்ச தந்தையும், அவரை தேடி அலைஞ்ச மகனும் ஒருத்தரையொருத்தர் சந்திக்கிற அற்புதமான காட்சி"
மகனின் முதல் குத்தலிலேயே நிலை குலைந்து போகிறான் தந்தை. வாய் பேச எத்தனிக்கிறது. வாரத்தை வரவில்லை. பேச்சு எழவில்லை. நுனி நாக்கும், உதடுகளும் துடிக்கின்றன. ஆனால் பிரயோஜனமில்லை.
"ஏன் பேச மாட்டேங்கறீங்க? எப்படி பேசறதுன்னு உங்களுக்கு தயக்கம். எதைப் பேசறதுன்னு எனக்குக் கலக்கம். நான் யாருன்னு உங்களுக்குத் தெரியுதா? ("தெரியுது" என்று மெளனமாக, மெதுவாக தலையாட்டுகிறான் தந்தை கலங்கியபடியே.)
என் பெயர் கண்ணன்" என்று தந்தையிடம் தனயன் தன்னை அறிமுகப்படுத்திக் கொள்கிறான் உலகில் எங்கும் நடக்காத புதுமையாக.
தொடர்கிறான்....
"நீங்க கூப்பிட்டு நான் தெரிஞ்சுக்க வேண்டிய பெயரை நான் சொல்லி நீங்க புரிஞ்சிக்க வேண்டிய நிலைமை"
தந்தையின் தவிப்பு அதிகமாகிறது. மகனைப் பார்த்தவாறே வேதனையுடன் ஒவ்வொரு கண்ணும் ஒவ்வொருவிதமாகக் கலங்க நிற்கிறான். மகன் பின் பக்க இருபுறங்களிலும் யாராவது இருக்கிறார்களா என்று கவனித்துப் பார்க்கிறான்.
"இங்கு நம்மளைத் தவிர வேறு யாருமில்லையே?"
'இல்லை' என்று தலையசைவில் பதிலளிக்கிறான் தந்தை.
யாருமில்லை என்று ஊர்ஜிதம் செய்து கொண்ட மகன் தைரியமாக தன் அப்பாவை பாசத்தோடு நோக்குகிறான்.
'அப்பா' என்று தயக்கம் காட்டி நிறுத்துகிறான். (அப்படிக் கூப்பிட அப்பா என்ற அந்த நபர் சம்மதிப்பாரா?)!சற்று இடைவெளி விட்டு "அப்படின்னு உங்களை நான் கூப்பிடட்டுமா" என்று பெர்மிஷன் கேட்கிறான். அதனால்தான் "ஒரு தடவை...ஒரே ஒரு தடவை" என்ற கெஞ்சலில். "ஒரே ஒரு தடவை" எனும்போது அவன் குரல் உடைந்து ஒரு சிறு நடுக்கம்.
தந்தை தன்னையறியாமல் 'கண்ணா' என்று வாஞ்சையுடன் அழைக்கிறான். மகன் பாச உணர்ச்சி மேலிட்டவனாய் வந்த நோக்கத்தை ஒருகணம் மறந்து "அப்பா" என்று ஆரத் தழுவிக் கொள்கிறான். அப்பனோ இன்னும் அதிகமாக உணர்ச்சிகள் ஆட்கொள்ள மகனை தழுவிக் கொள்கிறான். மகனின் தோள்களில் முத்தங்கள் சிந்துகிறான். அப்பாவுக்கும், மகனுக்கும் ஏற்படும் முதல் தொடு உணர்வு. ஸ்பரிசம். தழுவியவர்கள் ஒருமுறை விலகி ஒருவரையொருவர் உணர்ந்து பார்த்து மீண்டும் ஆரத் தழுவிக் கொள்கிறார்கள். தழுவிய மகன் ஒரு கணம் யோசிக்கிறான். "எதற்காக வந்தோம்?... இப்போது என்ன செய்து கொண்டிருக்கிறோம்?"...என்று அவனுக்குள்ளேயே எழும் கேள்வியை அவன் முகம் உணர்த்துகிறது. பாசத்தில் சில வினாடிகள் தடுமாறியவன் சட்டென தந்தையைப் பிடித்துத் தள்ளிவிட்டு தானும் விலகி விடுகிறான்.
சற்று தூரத்தில் நின்று "என்னை மன்னிச்சுடுங்க....இதைக் குடுத்துட்டுப் போறதுக்காகத்தான் நான் உங்ககிட்ட வந்தேன். இந்தாங்க... நீங்க டாக்டர்கிட்ட குடுத்த பிளாங் செக்" என்று செக்கை விரல்களால் சுண்டிக் காட்டுகிறான்.
"கண்ணா...அது உனக்காக...உன் எதிர்காலத்துக்காக" என்று மகனுக்கான உரிமையை அவனுக்கு எடுத்துச் சொல்கிறான் தந்தை.
மகன் ஒத்துக் கொள்ளவில்லை. செக்கை தலைக்கு பக்கத்தில் அலட்சியமாக கொண்டு சென்று திரும்ப கைக்குக் கொண்டு வந்து சொல்கிறான்
"எதிர்காலம் கடந்தகாலம் எதுவுமே எனக்குக் கிடையாது... இந்தப் பணத்தை வாங்கிக்க எனக்கு என்ன உரிமை இருக்கு? இல்ல குடுக்கத்தான் உங்களுக்கு என்ன அருகதை இருக்கு?"
முள்ளாய்த் தைக்கிறான் தந்தையை. (அருகதையற்ற தந்தை நீ... என்னைக் கொல்லச் சொன்னவன் நீ.. இப்போது என்ன பாசம் வேண்டிக் கிடக்கிறது?)
தந்தை அழகாக பதிலுரைக்கிறான்.
"கொடுக்கறதுக்கு எனக்கு அருகதை இல்லன்னாலும் வாங்கிக்கிறதுக்கு உனக்கு உரிமை இருக்கு... (எனக்கு அருகதை இல்லைதான்... அதற்கு லாயக்கற்றவன்தான்.. ஆனால் உனக்கு எல்லா உரிமையும் இருக்கிறது... எடுத்துக்கோ)
"நீ என்னுடைய பிள்ளை... நான் உன் அப்பா!" (முதன் முதலாக உரிமை சொந்தம் கொண்டாடுகிறான் போலித்தனமில்லாமல்)
மகன் வேதனைகளில் மூழ்கி எழுந்திருத்தவன். ஒத்துக் கொள்வானா? இதுவரை அனாதையாகக் கிடந்தானே...
"நீங்க என் அப்பாவா? நான் உங்க பிள்ளையா? இதுவரைக்கும் நாம அப்படியா உறவு கொண்டாடினோம்".. என்று
இரு தொடைகளையும் வேகமாக இரு கைகளால் தட்டிக் கொள்கிறான். அருகிலிருக்கும் கண்ணாடி பீரோ பக்கம் சென்று கண்ணாடியை 'படாரென' தட்டி ஆத்திரத்தை காட்டி ஆசுவாசப்படுத்திக் கொள்ள முயல்கிறான்.(என்னய்யா புதுசா உனக்கு பாசம் பொத்துகிச்சு... என்கிட்டே வேஷம் போடுறியா") பின் திரும்பி வந்து "போகட்டும்...ஏதோ வந்ததுதான் வந்துட்டேன்....உங்ககிட்டே சில கேள்விகள் கேட்கலாமா? என்று அனுமதி வேண்டுகிறான்.
வார்த்தைகளால் தான் தெரியாமல் அறியாமல் செய்த தவறை சுட்டிக் காட்டிக் குத்திக் கிழிக்கப் போகிறான் மகன் என்று தகப்பனுக்கு நன்றாகத் தெரிகிறது. தெரிந்து செய்தாலும் தெரியாமல் செய்தாலும் அனுபவித்துதானே ஆக வேண்டும். "ம்" என்று தலையாட்டுகிறான்.
மகன் அஸ்திவாரங்களை வார்த்தைகளில் தொடுக்க ஆரம்பித்து விட்டான். முதலிலிருந்தே ஆரம்பிக்கிறான்.
"நான் உங்களுக்கு முதல் குழந்தைதானே?"
தந்தை குற்ற உணர்ச்சியால் மகனைப் பார்க்க முடியாமல் தலை கவிழ்ந்து "ஆமாம்" என்கிறான். தனயனை உற்று நோக்கும் தைரியம் துளியும் அவனிடம் இல்லை.
"முதல் குழந்தை... அதுவும் ஆண் குழந்தை பொறந்துட்டா அப்பா அம்மா அது மேல அளவு கடந்த பாசம் வச்சிருப்பாங்கன்னு சொல்லுவாங்களே! (அதைக் கேட்ட மாத்திரத்தில் டேபிளில் இரு கைகளாலும் குத்திக் கொண்டு செய்வதறியாது பதில் சொல்ல முடியாமல் பரிதவிக்கிறான் தந்தை) அது உண்மையா?"
மகனின் கேள்விக்கு "உண்மைதான்" என்கிறான் தந்தை.
மகனுக்கு வருகிறதே ஒரு கோபம். "இல்லை... பொய்... என் வரைக்கும்" என்று உரக்க குரல் ஓங்குகிறான். மீண்டும் கேட்கிறான் "ஏம்ப்பா!நான் பொறக்கும் போது கூட நீங்க இதே மாதிரி பணக்காரனாகத்தானே இருந்தீங்க?" என்று பாயிண்ட்டைப் பிடிக்கத் துவங்குகிறான்.
மகனின் எந்தக் கேள்விக்கும் நிமிந்து பதில் சொல்ல முடியவில்லை. அப்படியே சொன்னாலும் "ஆமாம்" என்றுதான் சொல்ல வேண்டிய சூழ்நிலை.
"நான் விகாரமா பொறந்தேங்கிற ஒரே காரணத்துக்காகத்தான் வேண்டாத பொருளை குப்பைத் தொட்டியிலே வீசி எறியிற மாதிரி என்னை எறிஞ்சிட்டீங்களா?
நீங்க பொறந்தப்ப உங்கப்பாகூட இதே மாதிரிதான் செய்தாரா?"
ஒன்றுமே பேசத் தோன்றாமல்,மகனுடைய குற்றச் சாட்டுகளுக்கு பதில் கூற முடியாமல் சும்மா மேலுக்கு நாக்கு "எது?" என்று ஏனோதானோ என்று வெறுமனே உச்சரிக்கிறது. முழுமையாக தந்தையை குற்ற உணர்ச்சி ஆட்கொண்டு விட்டது.
இரண்டு போக்ரான் அணுகுண்டுக் கேள்விகளை கேட்டுவிட்டான் மகன். எதை தன்னிடம் மகன் வளர்ந்து கேட்கக் கூடாது என்று தந்தை நினைத்தானோ அது இப்போது நடந்து கொண்டிருக்கிறது. மகன் வளர்ந்து ஆளாகி வருவான் என்று எதிர்பார்க்கவில்லை. ஆனால் இப்போது மகனாலேயே எதிரியாய்ப் பார்க்கப்பட்டு விட்டான் அவன் நினைத்தது மாதிரியே.
"இல்ல...நீங்களும் என்ன மாதிரிதானே இருக்கீங்க? அதனால உங்கப்பா உங்களை வேணான்னு சொல்லிட்டாரா.....ன்னு கேட்டேன்" என்று வெந்த புண்ணில் வெந்நீர் பாய்ச்சுகிறான் மகன்...
தந்தை மகன் பாசப் போராட்டக் காட்சி நீடித்துக் கொண்டே போகும். இப்போது நான் நிறுத்தி வைக்கிறேன். அப்பாவின் குரல் அனுதாபப்பட வைக்கிறதென்றால் மகனின் குரல் மன்னிப்பை வழங்காமல் மிரள வைக்கிறது. மகனின் முகம் சற்று அகலமாக இருந்தால் அப்பாவின் முகம் நீளமாகத் தெரிகிறது. மகன் சற்று குள்ளமாகத் தெரிகிறான்.. அப்பா சற்று உயரமாகத் தெரிகிறார். அந்த மூத்த மகன் கண்ணா யாரோ? அந்தக் கண்ணனைப் பெற்ற அப்பா(வி) யாரோ? யாரோ இரு மிகச் சிறந்த நடிகர்கள் இருவர் இந்தக் காட்சியில் நடித்திருக்கிறார்கள். யாரென்று அந்த இரு நடிகர்கள் பெயரையும் தெரிந்தவர்கள் சொல்லி உதவுங்களேன்.
(இன்னொரு விளையாட்டு வித்தகன் விஜய் இருக்கிறான். இரண்டிற்கே, இந்த ஒரு காட்சிக்கே இரண்டு வருடம் ஆகும் ஆய்வளிக்க. அதில் இவனையும் சேர்த்தால் என் கதி அதோகதிதான். என் பாடு பரவாயில்லை. வியட்நாம் பாடுதான் படு திண்டாட்டம்.)
எதை எழுதுவது?
மூன்று வயதிலேயே உன் படப் பாடல் "கல்வியா செல்வமா வீரமா"வைப் பாட ஆரம்பித்ததையா?
உன் சிகை அலங்காரத்தைப் போலவே என்னுடையை சிகையை அலங்கரித்துக் கொண்டு பள்ளிக்குப் போன நாட்களைப் பற்றியா?
இல்லை, இந்தக் கணம் வரை (ஏன் எப்பொழுதுமே) உன்னையே நினைத்துக் கொண்டிருப்பதையா?
தமிழுக்கு வளம் சேர்த்ததையா? தமிழனுக்குப் பெருமை சேர்த்ததையா?
என்றென்றும் தாய்த் தமிழின் கலாச்சாரத் தூதுவனாய் வலம் வரும் கலைத்தாயின் தலை மகனே, நடிகர் திலகமே உன்னை மறந்தால் தானே நினைப்பதற்கு?
என்றும் உன் இரசிகன்,
இரா. பார்த்தசாரதி
Attachment 2456
Thanks To Dhinamalar
வெகு நாட்களாக முரசு தொலைகாட்சியில் NT படங்களை பார்க்க சந்தர்பம் கிடைக்கவில்லை , ஆனால் நேத்து மாலை 7.30 மணிக்கு நம்ம NT தின் 1973 ல் ரிலீஸ் படம் ராஜபார்ட் ரங்கதுரை யை காண ஒரு அறிய வாய்ப்பு கிடைத்தது . இந்த படம் ஏற்கனவே தொலைக்காட்சி மற்றும்
DVD யில் பார்த்த படம் தான் என்றாலும் மீண்டும் பார்க்க ஆவல்
நான் மட்டும் அல்ல என் மொத்த குடும்பமும் இந்த படத்தை கண்டு களித்தோம்
விளம்பரம் வேறு குறைவு எனவே படத்தின் வேகம் குறையாமல் பார்க்க முடிந்தது
படம் ஆரம்பம் முதலே சிறப்பு , கருப்பு வெள்ளையில் திண்டுக்கல் ரயில்வே ஸ்டேஷன் ல் ஆரம்பிக்கும் படம் அதுவும் காலத்தால் அழியாத பாடல் அம்மம்மா தம்பி என்று நம்பி பாடல் உடன் மெதுவாக நம்மளை இந்த கலத்துக்கு அழைத்து செல்கிறது
படத்தின் பெயர் போட்டு முடிந்த உடன் நம்மவரின் intro வேடன் வேடத்தில் பார்வையாளர்களை பார்த்து கண் அடிக்கும் சும்மா ஸ்டைல் தூள் பறக்கும் ஆனால் அதிலும் படத்துக்கு , கதைக்கு அடங்கியே இருக்கும்
தொடர்ந்து ஒரு நாடகக்காரன் படும் சிரமங்களை நன்றாக விவரித்து இருப்பார் இயக்குனர் மாதவன் ஆனால் அந்த கஷ்டத்திலும் ஒரு வித positive approach இருக்கும் உதரணத்துக்கு ரங்கதுரைக்கு உதவும் அனைவரும் நல்ல உள்ளங்கள்
படம் நல்ல கதை அம்சம் உண்டு என்றாலும் கூடவே நாடக நடிகர்கள் மத்தியில் நடக்கும் சில ஹாசிய சம்பவம்மும் இயல்பாக இடம் பெரும்
இந்த படத்தின் வீச்சு எப்படி இருக்கும் என்றால் சிவாஜி சார்க்கு துரோகம் செய்யும் ஸ்ரீகாந்தை வெறுக்கும் அளவுக்கு ,
தன் தங்கையின் கணவர் இரண்டாம் கல்யாணம் செய்யும் பத்த்ரிகையை பார்த்த உடன் நம்மவர் நெஞ்சை பிடித்து கொண்டு அதிரும் காட்சி நடிப்பின் உச்சம் , இது உச்சம் என்று நாம் நினைக்கும் பொது அந்த கல்யாணத்துக்கு சென்று ஒரு வார்த்தை பேசாமல் , மிரட்டவும் செய்யாமல் வெறும் பார்வையில் அமைதியாக ஒரு நடிப்பு காட்டி இருப்பார் பாருங்கள் மிகவும் இயல்பான ஒன்று
ஒரு மனிதன் விரகத்தின் உச்சத்தில் இருக்கும் பொது எதை பத்தியும் கவலை வராது அவனுக்கு அப்போ அவன் கத்தும் மனநிலையில் இருக்க மாட்டன் வெருச்சு மட்டுமே பார்ப்பன் அந்த பார்வை தான் நம்மவர் அந்த காட்சியில் செய்து இருப்பார்
அதே நேரம் நம்பியார் தன்னை இழிவாக பேசும் பொழுது சவுக்கு அடி வாங்குவதை போலே கூனி குறுகி நடிப்பார் இல்லை வாழ்ந்து இருப்பார்
தன் தம்பி தன்னை அண்ணனாக நடிக்க சொல்லி கேட்கும் பொது அவர் தொண்டை குழி அடைக்க துக்கதில் துடித்து கொண்டு இருப்பார் ஆனால் ஒரு ஜமிந்தார் போலே மிடுக்கு உடன் வந்து கலக்கி கொண்டு இருக்கும் பொழுது சட்ட என்று தன் வேஷத்தை கலைத்து தன் குடும்ப பின்னணியை விவரிக்கும் பொழுது நம்மை உருக வைத்து விடுவார் அங்கே தங்க மறுக்கும் காட்சியில் அதுக்காக அவர் சொல்லும் காரணம் நாடககாரனுக்கு ஒரு மகுடம்
தன் தங்கைக்கு குழந்தை பிறந்து இருப்பதை கேள்விப்பட்டு மிட்டாய் குடுப்பதும் , அவர் இறந்த செய்தி கிடைத்தவுடன் அவர் முகம் மாறுவதும் ஆனால் நாடகத்துக்கு மணி அடித்த உடன் தமாசு வேஷம் போடுவதும் நாடகக்காரன் வாழ்கை உண்மையை நம்மளுக்கு உணர்த்துகிறது
தன் தங்கையின் உடல் அடக்கம் செய்ய பட்ட உடன் தன் தம்பி மற்றும் மச்சான்யிடம் அவர் காட்டுவது சலிப்பு மட்டுமே
அதுவே அவர் தன் comeback performance குடுக்கும் பொழுது ஹாம்லெட் நாடகத்தை நடத்துவது, அதில் பார்வையாளர்கள் கலாட்டா செய்வதை பார்த்து கண்ணை உருட்டி , ஆங்கிலத்தில் வசனம் பேசி கத்தியை வெச்சு நடக்கும் நடையை எங்கள் தலைவர் எந்திரன்ல் (ரோபோ தன் சக ரோபோகளுக்கு command செய்யும் பொது ) பின்பற்றி இருப்பார் (நடிகர்திலகத்தின் பாதிப்பு இல்லாத நடிகர் ஏது)
தன் நிலைமை நன்றாக இருக்கும் பொழுது , ராமதாஸ் தன்னை அடிக்கும் பொது முதலில் பேசுவதும் , 3 அடி விழிந்துடன் சிம்பிள் அக அடிக்கும் இடம் ரௌத்திரம் பழகு
கடைசியில் கொடி காத்த குமாராக உயிர்விடும் காட்சியில் நம் அனைவரயும் கண்ணீர் சிந்த விடுகிறார்
இந்த படத்தில் நடிகர் திலகத்தின் நடிப்பு உச்சம் , பாடல்கள் காலத்தால் அழியாதவை , நடிகர் திலகத்தின் நாடக நாட்களை அவர்க்கு நினைவு படுத்தி இருக்கும்.
Vasu sir
Many people have described about this movie but this scene its a epic , if you take this scene and describe it like this , Iam waiting for you to describe the whole movie in 10 pgs atleast
நடிப்பின் திலகத்தின் பாதத்தில் பொன் மலர் சேர்க்கிறேன். உங்கள் புகழும் என்றும் ஓங்கி நிற்க வேண்டும்.
நீர் எங்கே இருந்தாலும் அங்கே உன் விருந்து மற்றோரை மயக்க வைக்கும். வானோர் கொடுத்து வைத்தவர்கள்.
டியர் வாசு சார்
தங்கள் பதிவைப் பார்த்து எவ்வளவு நாட்களாயிற்று, எப்போது வரும் எனத் தெரியாமல் ஏங்கிக் கிடந்த எங்களையெல்லாம் தங்களுடைய இரு பதிவுகளின் மூலம் தாங்கள் வரும் போது சிறப்பான பதிவுகளுடன் தான் வருவீர்கள் என்று நிரூபித்து விட்டீர்கள்.
தாங்கள் தெய்வ மகனுக்கு வழங்கியது சிறு அஞ்சலியல்ல, சிறப்பு அஞ்சலி. மிகவும் அருமை.
அது சரி அந்த இரு நடிகர்கள் யாரென்ற புதிரை விடுவியுங்களேன். இன்னொரு மூன்றாம் நடிகரைப் பற்றியும் குறிப்பிட்டுள்ளீர்கள். அவரையும் யாரென்று தெரிவியுங்கள்.
http://4.bp.blogspot.com/_hkhUD0LDPh...andragupta.jpg
என்.டி.ராமராவ் அவர்களுக்கு ஒப்பனை செய்த நடிகர் திலகம்
நடிகர் திலகத்தின் மேன்மை பற்றிய பல தகவல்கள் மிகவும் புதுமையாகவும் உள்ளத்தைக் கொள்ளை கொள்ளுவதாகவும் அமைவது ரசிகர்களாகிய நமக்கு மகிழ்வூட்டும் என்பதில் ஐயமில்லை. இது போன்ற ஒரு புதிய தகவல் நம்முடைய முகநூல் நண்பர் ஒருவரால் பகிர்ந்து கொள்ளப் பட்டிருக்கிறது. அதனுடைய மேற்கோள் இங்கே நமக்காக
இப் பகிர்வு இடம் பெற்ற முகநூல் பக்கத்திற்கான இணைப்பு - https://www.facebook.com/vlathangi.l...64665106895245Quote:
வணக்கம் இன்று மதிபிற்குரிய நடிகர் திலகம் மின் நினைவு நாள் ஆகும் ... எல்லோருக்கும் தெரியும் அவர் எவ்ளோ பெரிய சிறந்த நடிகர் என்று .... ஆனால் ஒரு சில பேருக்கு தெரியுமோ தெரியாதோ .எனக்கு தெரிந்த வகையில் நான் அவரை பற்றி சொல்ல விரும்புகிறேன் ,,, அவரை நான் நேரிலே பார்த்தவைகளில் மிகவும் அறிய விஷயம் ஒன்று நான் சொல்ல விரும்புகிறேன் ... நடிகர் திலகம் அவர்கள் வசனம் பேசுவதிலும் .. அவரது கூர்மையான நடிப்பையும் நீங்கள் பார்த்திருக்கலாம் ஆனால் நான் பார்த்து ரசித்து விஷயம் ஒன்று நேரில் நடந்தவைகள் ஒன்று நீண்ட நாள் ஆசையாக இருந்தது .. அத்தட்கான நேரம் இப்போது வந்திருகிறது . அவர் தினமும் அதிகாலை 6 மணிக்கே வந்துவிடுவார் ஸ்டுடியோவுக்கு ...அது கலை உலகத்தில் சேர்ந்தவர்களுக்கு நன்றாக தெரியும் அனால் அவர் ஒரு சிறந்த ஒப்பனையாளர் என்று எனக்கு பெரும் ஆச்சரியத்தை கொடுத்தது நான் நேரில் கண்டது .. 1975 தெலுகு படத்தில் என் டி ராமாராவ் அவர்கள் ஸ்டுடியோவில் iruntha சமயம் .நடந்த சுவையான சம்பவத்தை கண்டு நான் ரசித்தேன் .
இது வாகினி ஸ்டுடியோவில் நடந்த சம்பவம் .. அதே ஸ்டுடியோவில் நடிகர் திலகம் இன்னொரு ஸ்டுடியோவில் இருந்தார் ... அந்த நேரத்தில் சும்மார் மதியம் 2 மணி இருக்கும் என்று நினைக்கிறன் ... நடிகர் திலகமும் என் டி ராமராவும் சந்தித்தார்கள் .. அப்போது நடிகர் திலகம் என் டி ராமராவ்வின் உடையை அதாவது (folklore pictures ) சில் நடித்திருந்த என் டி ராமராவ் வை பார்த்து அசந்து பொய் நின்றார் என் டி ராமராவ் வின் டிரெஸ்ஸை பார்த்ததும் அதிர்ந்து போனதும் .. நடிகர் திலகம் ஒரு குறையை கண்டார் என் டி ராமராவ்வின் புருவத்தை பார்த்து ஒப்பனையாளர் சரியாக வரைய வில்லை என்று, அவர் தெரிந்ததும் உடனே நடிகர் திலகம் என் தந்தையாரை அழைத்து வேணு இங்கே ரமா வை அவசரப்பட்டு கேமரா முன் நிக்ட்கவைகாதே . கொஞ்சம் பொறு என்று சொல்ல .. அப்பவோ சரி என்று சொல்ல சரி ,, நீங்கள் பெசிகொண்டிருங்கள் நான் செட் lighttai சரி செய்கிறேன் என்று சொல்ல .. அங்கு நடந்த ஒரு விபரீதமான சம்பவத்தை கண்டு அப்பவே மெய் சிலிர்த்து போனார் , அது என்ன என்று சொன்னால் ஆச்சரியமாக இருக்கும் .பதினைந்து நிமிடம் என் டி ராமராவ்வை நாற்காலியில் உட்காரவைத்து ,, நடிகர் திலகம் eyebrow பென்சிலை எடுத்து அழகாக என் டி ராமராவின் புரவத்தை மிக அழகாக வரைந்து அதை கச்சிதமாக என் டி ராமராவ்வின் கேமரா முன் நின்று பார்த்து பிறகு தான் அவர் டெஸ்ட் செய்த பிறகு தான் நடிகர் திலகம் அவர்கள் அவருது ஸ்டுடியோவுக்கு சென்றார் செட்டில் இருக்கும் அத்தனை பெரும் நடிகர் திலகத்தின் சுறுசுறுப்பை கண்டு ஆச்சரியமாக கண்டு ரசித்தார்கள் போவதற்கு முன் நடிகர் திலகம் அப்பாவை பார்த்து கேட்டார் வேணு இப்போது நீ தைரியமாக கேமரா வை தொடங்கலாம் என்று சொல்ல அப்பவோ ,,, அன்னி நீங்க யாரு சும்மாவா சொலமுடியும் உங்களை என்று சொல்ல உடனே நடிகர் திலகம் அப்பாவின் கன்னத்தை செல்லமாக தட்டி சென்றார் என்ன ஒரு மனிதர் நடிகர் திலகம் இவரை போல் இனி யாரால் வரமுடியும் ..... அதன் அவரது குணம் சிவாஜி ராஜாவை போல் கடவுள் படைத்தார் என்று நினைக்கிறன் கலையுலகத்தில் ... கடைசியாக என் தந்தையரை பார்த்து லதாவை ஒரு naaluku வீட்டுக்கு கூட்டிகிட்டு வா என்று செர்ன்று விட்டார் அவரசரமாக ...
இந்தப் பதிவை எழுதியவரின் தாய்மொழி தெலுங்காக இருக்கலாம் என யூகிக்கிறேன். தங்களுக்குத் தெரிந்த தமிழில் மிக அற்புதமாக எழுதியிருக்கிறார். அவர்களுக்கு நம் உளமார்ந்த நன்றி.
நடிகர் திலகத்தின் நினைவு நாளையொட்டி வெளியிடப் பட்ட போஸ்டர்களில் மேலும் சிலவற்றின் நிழற்படங்கள்
http://i1146.photobucket.com/albums/...ps86502d53.jpg
http://i1146.photobucket.com/albums/...psab6407ca.jpg
http://i1146.photobucket.com/albums/...ps6e2cf061.jpg
http://i1146.photobucket.com/albums/...ps386a73d3.jpg
சென்னை சாந்தி திரையரங்க வளாகத்தில் ரசிக நண்பர்களால் நடிகர் திலகத்தின் திருவுருவத்திற்கு மலர் மாலை அணிவித்து அஞ்சலி செலுத்தும் நிகழ்ச்சி எளிய முறையில் நடைபெற்றது. அப்போது நமது மய்ய பதிவாளரும் மூத்த ரசிகருமான திரு சுப்ரமணியம் ராமஜெயம் அவர்கள் விளக்கேற்றும் காட்சி
http://i1146.photobucket.com/albums/...psd3dd3cda.jpg
மற்ற ரசிக நண்பர்கள் விளக்கேற்றும் காட்சி
http://i1146.photobucket.com/albums/...ps3fc26780.jpg
http://i1146.photobucket.com/albums/...psdda66be4.jpg
http://i1146.photobucket.com/albums/...psd6965b34.jpg
http://i1146.photobucket.com/albums/...psc8954d5d.jpg
பல ஊடகங்கள் நடிகர் திலகத்தின் நினைவு நாளைப் பற்றிக் கண்டு கொள்ளாத நிலையிலும் மனசாட்சியும் தமிழுணர்வும் தம்மிடம் உண்டு என நிரூபித்த ஓரு சில ஊடகங்களில் தானும் ஒன்று என நிரூபித்தது, தின இதழ் பத்திரிகை. 21.07.2013 தேதியிட்ட இன்றைய தின இதழ் பத்திரிகையில் 11ம் பக்கம் முழுதும் நடிகர் திலகத்தின் நினைவு நாளுக்கென ஒதுக்கி கட்டுரை வெளியிட்டுள்ளது. அதனுடைய மாதிரி நிழற்படம் நம் பார்வைக்கு.
http://i1146.photobucket.com/albums/...ps6a098221.jpg
இதனுடைய முழுமையான வடிவம் விரைவில் இங்கு பகிர்ந்து கொள்ளப் படும்.
இன்று நடிகர் திலகத்தின் நினைவு நாள்,
எம்மை பொறுத்த வரை இது ஒரு கருப்பு தினம், எல்லோருக்கும் ஒரு நாள் இறப்பு உண்டு என்றாலும் அது தங்களுக்கு வந்த போது எம்மால் அதை தாங்கி கொள்ள முடியவில்லை. இதை நினைக்கும் போதே கண்களில் நீர் பெருகுகிறது.
தங்களை மறந்தால் தானே நினைபதற்கு? ஒரு நாள் மறந்திருப்பேன் அன்று நான் இறந்திருப்பேன். .
கண்ணீருடன்...
NT Films in TV this week
Channel Date Time Film
J Movies 23.07.2013 9 am Chinna Marumagal
J Movies 24.07.2013 1 pm Ratha Thilagam
J Movies 26.07.2013 1 pm Mannavan Vanthanadi
Jaya TV 25.07.2013 10 am Andhaman Kadhali
Jaya TV 27.07.2013 10 am Thiyagam
Kalaignar TV 27.07.2013 1.30 pm Thevar Magan
Mega 24 27.07.2013 11 am Neethi
Mega TV 26.07.2013 12 noon Engiruntho Vanthal
Murasu TV 23.07.2013 7.30 pm Gnana Oli
27.07.2013 7.30 pm Padithal Mattum Pothuma
Polimer TV 23.07.2013 2 pm Thiyagam
28.07.2013 2 pm Santhippu
Raj Digital Plus 25.07.2013 10 am Engiruntho Vanthal
Raj Digital Plus 26.07.2013 1 pm Pava Mannippu
Zee Tamizh 25.07.2013 2.30 pm Lakshmi Vanthachu
நடிப்பின் சிகரமே !
தமிழ் மொழியின் தாயே!
நீ இவ்வுலகை பிரிந்தாலும், உன் நினைவுகள்
இரவா புகழ் கொண்டவை
வாழ்க சிவாஜி!
கவிஞர் வாலி அவர்களின் மறைவுச்செய்தியை ஒளிபரப்பிய 'புதிய தலைமுறை' என்னும் தொலைக்காட்சி சேனல், அதுகுறித்த விரிவான செய்தித்தொகுப்பை ஒளிபரப்பும்போது, பலவேறு நடிகர்களுக்கு வாலி அவர்கள் பாடல் எழுதியிருப்பதை தெரிவிக்கும் முகமாக அவர்களின் படப்பாடல்கள் சிலவற்றை ஒளிபரப்பினர்.
அவற்றில் எம்.ஜி.ஆர்., ரஜினிகாந்த், கமல்ஹாசன் என்று துவங்கி பிரபுதேவாவைக்கூட விட்டுவிடாமல் இன்றைய நடிகர்கள் வரை நடித்த பாடல்களை ஒளிபரப்பினர். ஆனால்......, நடிகர்திலகத்தின் பாடல்கள் ஒன்றைக்கூட ஒளிபரப்பவில்லை. அந்த செய்தித்தொகுப்பாளன் யார் என்று தெரியவில்லை. எம்.ஜி.ஆர். நடித்த 58 படங்களுக்கும் நடிகர்திலகம் நடித்த 83 படங்களுக்கும் தான் பாடல்கள் எழுதியிருப்பதாக பொதிகையின் 'வாலிப வாலி' நிகழ்ச்சியில் திரு வாலி அவர்களே சொல்லியிருக்கிறார். அந்த 83 படங்களில் ஒரு பாடல் கூட அந்த தொகுப்பாளனுக்கு தெரிந்திருக்கவில்லையா?. அந்த "அரைவேக்காட்டு செய்தித்தொகுப்பாளன்" கவனத்துக்கு.....
மற்ற பாடகர்கள் எழுதிய பாடல்களிலேயே தனக்கு மிகவும் பிடித்தது என்று கண்ணதாசனே பாராட்டிய "மாதவிப்பொன் மயிலாள் தோகை விரித்தாள்" (இருமலர்கள்) பாடல் வாலி எழுதியதுதான்.
தன மனதை மிகவும் கவர்ந்த பாடல் என்று கவிஞர் வைரமுத்து பாராட்டிய "அழகு தெய்வம் மெல்ல மெல்ல அடியெடுத்து வைத்ததோ" (பேசும் தெய்வம்) பாடல் வாலி எழுதியதுதான்.
தமிழர்களின் இன்னொரு தேசிய கீதம் என்று அழைக்கப்படும் "இந்திய நாடு என் வீடு" (பாரத விலாஸ்) பாடல் வாலி எழுதியதுதான்.
வெளிவந்த நாள்முதல் இன்றுவரை கொடிகட்டிப்பறக்கும் "இதோ எந்தன் தெய்வம் முன்னாலே" (பாபு) பாடல் வாலி எழுதியதுதான்.
ஜேசுதாசுக்கும், ஜானகிக்கும் பெரும்புகழைத்தந்த "மலரே குறிஞ்சி மலரே" (டாக்டர் சிவா) பாடல் வாலி எழுதியதுதான்.
இன்னும் பட்டியலிட்டுக்கொண்டே போகலாம்.
ஆனால் "சிக்கு புக்கு சிக்கு புக்கு ரயிலே" பாடலைக்கூட மறக்காமல் தொகுத்த அந்த 'அரைக்கால் வேக்காட்டுக்கு' மேற்சொன்ன பாடல்கள் நினைவுக்கு வரவில்லையா?. அல்லது பல்வேறு சதிகாரர்களில் இவரும் ஒருவரா தெரியவில்லை.
இந்த தலைகுனிவு நடிகர்திலகத்துக்கு அல்ல. 'புதிய தலைமுறை' சேனலுக்கும் அதன் தொகுப்பாளனுக்கும்தான்...
நவீன மயமாக்கலில் பாச மலர் திரைப்பட மறு வெளியீட்டின் டிரைலர் வெளியீட்டு விழா வரும் 29 ஜூலை 2013 அன்று காலை 9 மணிக்கு சென்னை சத்யம் திரையரங்கில் நடைபெற உள்ளது. இதற்கான அழைப்பிதழின் நிழற்படம் தகவலுக்காக இங்கே தரப்படுகிறது.
http://i1146.photobucket.com/albums/...psfe6baccd.jpg
இந்த விழாவிற்கென பிரத்யேகமாக திரு ஆரூர்தாஸ் அவர்கள் எழுதித் தந்துள்ள குறிப்புரை
http://i1146.photobucket.com/albums/...ps4da95fa8.jpg
விழா பற்றிய விவரங்கள்
http://i1146.photobucket.com/albums/...ps6d888e77.jpg
நேற்றைய தினம் நடிகர் திலகத்தின் 12-வது நினைவு நாளை முன்னிட்டு சென்னை மயிலை கற்பகாம்பாள் உடனுறை கபாலீஸ்வரர் திருக்கோயிலில் நடிகர் திலகம் சிவாஜி சமூக நல பேரவை சார்பில் அன்னதானம் மிக சிறப்பாக நடைபெற்றது. சாதாரண அன்னதானம் போல் இல்லாமல் லட்டு வடை பல்வேறு கலந்த சாதங்கள் என்று சிறப்பான முறையில் வழங்கப்பட்டது. பகதர்கள் அனைவரும் வயிறார உண்டு வாயார வாழ்த்தி சென்றனர். அன்னதான விழா நிகழ்சிகளை திரு ஸ்ரீநிவாசன் அவர்களும் ராமஜெயம் அவர்களும் மற்றும் பல்வேறு நண்பர்களும் மிக சிறப்பாக ஏற்பாடு செய்திருந்தனர்.
மதுரையில் பல்வேறு இடங்களில் நடிகர் திலகத்தின் 12-வது நினைவு நாள் அனுசரிக்கப்பட்டது. முந்தைய வருடங்களை விட இவ்வருடம் மிக அதிக அளவில் நடிகர் திலகத்தை நினைவு கூறும் சுவரொட்டிகள் நகரெங்கும் பதிக்கப்பட்டிருந்தது.
மதுரையில் நேற்று மாலை அலங்கார் தியேட்டர் அமைந்துள்ள காமராஜர் சாலை விழாக் கோலம் பூண்டது. அண்மைக் காலத்தில் இது போன்ற ஆட்கூட்டதை கண்டதில்லை எனும் வண்ணம் ரசிகர்கள் நேற்று மாளிகையின் மாலைக்காட்சி தொடங்கும் முன் அந்த சுற்று வட்டாரத்தையே ஒரு கலக்கு கலக்கி விட்டார்கள். போக்குவரத்தே கிட்டத்தட்ட ஒரு மணி நேரத்திற்கும் மேலாக ஸ்தம்பித்து போனது. மாலை அலங்காரங்கள், வான வேடிக்கைகள், சரவெடிகள், வாலாக்கள், தேங்காய் உடைப்புகள் என அமர்களமான அலப்பரை நடந்திருக்கிறது. தியேட்டருக்கு உள்ளேயும் மிக பெரிய அலப்பரை என்று கேள்வி.
அது மட்டுமல்ல, நேற்று அதே நாளில் அதே தியேட்டருக்கு அருகாமையில் காந்தி பொட்டல் என்று அழைக்கப்படும் இடத்தில, அதே மாலை நேரத்தில் நினைவு நாள் கூட்டம் ஒன்றும் நடைபெற்றிருக்கிறது.அந்தக் கூட்டத்திற்கும் பெருந்திரளான மக்கள் வந்திருந்து சிறப்பித்தனராம்.
நேற்று காலை மதுரை நீதிமன்றத்திற்கு எதிராக அமைந்துள்ள நடிகர் திலகத்தின் சிலைக்கு மத்திய அமைச்சர் சுதர்சன நாச்சியப்பன் மாலை அணிவித்து மரியாதை செலுத்தினார். அந்நேரம் மிகப் பெரிய கூட்டம் அங்கே கூடியது. அமைச்சரே கூடிய கூட்டத்தை பார்த்துவிட்டு மிகவும் மகிழ்ந்து போனாராம்.
ஒரு குறிப்பிடத்தக்க விஷயம் என்னவென்றால் நடிகர் திலகத்தின் சிலைக்கு எந்த வேறுபாடுமின்றி கமல் ரஜினி மற்றும் பல நடிகர்களின் மன்றங்கள் சார்பாக மாலை அணிவிக்கப்பட்டதுதான்.
இம்முறை திருச்சி மாநகரில் பல் முக்கியமான தெரு முனைகளில் மெயின் ரோட்களில் நடிகர் திலகத்தின் புகைப்படம் அலங்கரித்து வைக்கப்பட்டு நினைவஞ்சலி செலுத்தப்பட்டதாம். திருச்சி புத்தூர் ரோட்டில் நான்கு முனை சந்திப்பில் நடிகர் திலகத்தின் புகைப்படத்தை வைத்து அஞ்சலி செலுத்த வேண்டும் என ரசிகர்கள் ஆர்வம் கொண்டு அதற்கு முறைப்படி அனுமதி பெற அந்த சரகத்தின் காவல்துறை ஆய்வாளரை அனுகியிருக்கின்றனர். மனுவோடு சென்ற அவர்களிடமிருந்து அதை பெற்றுக் கொண்ட அந்த இன்ஸ்பெக்டர் [வயது ஒரு 35 இருக்கலாம்] வேறு எந்த கேள்வியும் கேட்காமல் நடிகர் திலகத்தைப் பற்றி அப்படியே உணர்ச்சிவசப்பட்டு பேசினாராம். நான் போலீஸ்காரன். பல்வேறு கொடூரமான குற்றங்களை அவை நிகழ்ந்த சம்பவ ஸ்தலங்களிளியே பார்த்திருக்கிறேன். அதை எல்லாம் பார்த்து பார்த்து என் மனது இறுகி போய் விட்டது, ஈரமே வற்றிவிட்டது. அப்படிப்பட்ட நான் சிவாஜி அவர்களின் படங்களைப் பார்க்கும்போது அவர்தம் நடிப்பை பார்த்து என்னையறிமால் கண்ணீர் விடுகிறேன். எப்பேர்பட்ட கலைஞன் என்றாராம். ஒரு இளைஞன் அதுவும் ஒரு tough police officer என்று பெயர் எடுத்தவர் மனம் விட்டு அப்படி பேசியபோது அனுமதிக்காக சென்றவர்கள் புல்லரித்து போனார்களாம்.
புதுவையில் அரசு சார்பிலும் மற்றும் பல்வேறு அமைப்புகள் சார்பிலும் நடிகர் திலகத்தின் நினைவு தினம் அனுசரிக்கப்பட்டது. இந்நாள் முதல்வர் ரங்கசுவாமி, முன்னால் முதல்வர்கள் மத்திய அமைச்சர் நாராயணசுவாமி போன்றோர் நடிகர் திலகத்தின் சிலைக்கு மாலி அணிவித்து மரியாதை செலுத்தினாராம். அந்நேரம் அங்கு திரளாக கூடியிருந்த ரசிகர்கள் மத்திய அமைச்சரிடம் நடிகர் திலகத்தின் சிலை அமைந்திருக்கும் சாலைக்கு நடிகர் திலகத்தின் பெயரை சூட்ட வேண்டும் என கோரிக்கை மனு அளித்தனராம். ஆவன செய்வதாக அமைச்சர் உறுதி அளித்தாராம்.
மேற்கண்ட பல்வேறு செய்திகளை நமக்களித்த நண்பர்கள் சந்திரசேகர் மற்றும் ராமஜெயம் அவர்களுக்கு மனங்கனிந்த நன்றி!
அன்புடன்
நடிகர்திலகத்துடன் பல திரைப்படங்களில் ஜோடியாக நடித்த நடிகை மஞ்சுளா அவர்களின் திடீர் மறைவிற்கு நமது அஞ்சலி
http://www.youtube.com/watch?v=VtZvbxo86Qg
http://www.youtube.com/watch?v=dmx2gkelEnc
நடிகர்திலகத்துடன்
எங்கள் தங்க ராஜா
என் மகன்
அவன்தான் மனிதன்
மன்னவன் வந்தானடி
அன்பே ஆருயிரே
டாக்டர் சிவா
உத்தமன்
அவன் ஒரு சரித்திரம்
ஆகிய எட்டு வண்ணப்படங்களில் ஜோடியாகவும் 'சத்யம்' படத்தில் ஜோடியில்லாமலும் நடித்திருந்த திருமதி மஞ்சுளா விஜயகுமார் மறைவு அதிர்ச்சியும் வருத்தமும் அளிக்கிறது.
அவரை இழந்து வாடும் குடும்பத்தினருக்கு ஆழ்ந்த இரங்கல்கள்.
நடிகர்திலகம் - மஞ்சுளா இணைந்து நடித்த டூயட் பாடல்கள் சில....
'இரவுக்கும் பகலுக்கும் இனியென்ன வேலை'
'கல்யாண ஆசை வந்த காரணத்தை சொல்லவா'
'பொண்ணுக்கென்ன அழகு பூவுக்கென்ன பெருமை'
'ஊஞ்சலுக்குப் பூச்சூட்டி ஊர்வலத்தில் விட்டாரோ'
'அன்பு நடமாடும் கலைகூடமே ஆசை மழைமேகமே'
'காதல் ராஜ்ஜியம் எனது அந்த காவல் ராஜ்ஜியம் உனது'
'மல்லிகை முல்லை பூப்பந்தல்'
'காமதேனுவும் சோமபானமும்'
'காதல் சரித்திரத்தைப் படிக்க வாருங்கள்'
'மலரே குறிஞ்சி மலரே'
'நாளை நாளை என்றிருந்தேன் நல்ல நேரம் பார்த்து வந்தேன்'
'படகு படகு ஆசை படகு... போவோமா பொன்னுலகம்'
'தேவன் வந்தாண்டி ஒரு தீபம் கொண்டாடி'
'அம்மானை.... அழகுமிகும் கண்மானை'
'மாலையிட்டான் ஒரு மன்னன் அதில் மயங்கி நின்றாள் ஒரு அன்னம்'
மஞ்சுளா மறைவிற்கு நமது ஆழ்ந்த இரங்கலைத் தெரிவித்துக் கொள்வோம்.
கண்ணீர் அஞ்சலி!
http://f1.pepst.com/c/BF395A/279516/...4000_0_1_0.jpg
http://padamhosting.com/out.php/i692...h40m43s184.png
நடிகை மஞ்சுளா அவர்களின் மறைவு பெரும் அதிர்ச்சியையும், சோகத்தையும் ஏற்படுத்தியுள்ளது. 1973 இல் வெளிவந்த நம் தங்கராஜாவின் எங்கள் தங்க ராஜாவில் தலைவருக்கு ஜோடியாக அறிமுகமாகி அதுவரை பார்த்து சலித்துப் போன நடிகர் திலகத்தின் பழைய ஜோடிகளுக்கு மாற்றாக இளமை கொலுவிருக்கும் அழகிய நடிகர் திலகத்தின் இளமைக்கு ஏற்ற ஜோடியாக அனைவர் மனதையும் கவர்ந்தவர். கொலு பொம்மையாக பல படங்களில் காட்சி தந்தவர் வழக்கம் போல நடிகர் திலகத்தின் படங்களில் நடித்து நடிப்பை மேம்படுத்தி நல்ல நடிகை என்று பெயர் எடுத்தார். குறிப்பாக டாக்டர் சிவா, உத்தமன் படங்களைக் குறிப்பிடலாம். அன்பே ஆருயிரே படத்தில் நகைச்சுவை நடிப்பிலும் நடிகர் திலகத்துடன் சேர்ந்து சோபித்தவர்.
எழுபதுகளுக்குப் பிறகு வந்த நடிகர் திலகத்தின் படங்களில் மஞ்சுளா அவர்கள் நடிகர் திலகத்துடன் நடித்த காதல் டூயட் பாடல்கள் முதன்மையானவை. கார்த்திக் சார் மிக அழகாக அந்த டூயட்களை இங்கே வரிசைப் படுத்தியிருந்தார்.
நடிகர் திலகத்தின் இணையில்லா அழகிற்கு பொருத்தமான ஜோடியாய் மஞ்சுளா பரிமளித்தார். அந்த 'ஊஞ்சலுக்குப் பூச்சூட்டி' யில் அழகுப் பதுமையாக சிறிய சைக்கிளில் வலம் வருவாரே! அதை மறக்க முடியாது. இவர் நடிகர் திலகத்தின் ஜோடியாக நடித்த டூயட் பாடல்களில் வேகம் இருக்கும். பெரும்பாலும் அவுட்டோர் காட்சிகள்தாம். தேக்கடியில் டாகடர் சிவா படத்தில் 'காதல் சரித்திரத்தைப் படிக்க வாருங்கள்' என்ற டூயட் நம் நெஞ்சை அள்ளிக் கொண்டு போகும். அதே போல அப்படத்தின் அற்புதமான டைட்டில் மியூசிக்கில் அழகான தொப்பி அணிந்து மலைவாழ் ஜாதியினரின் நடனத்தை கைதட்டி மஞ்சுளா ரசிப்பது என்றும் நம் நினைவில் நிற்கும் காட்சியாகும்.
'அன்பே ஆருயிரே' படத்தில் நடிகர் திலகத்திடம் மஞ்சுளாவை சேர விடாமல் மேஜர் தடுத்து விடும் காட்சிகளில் அதுவும் மேஜர் தாயுமானவர் பாடலை இவரை படிக்கச் சொல்லிக் கேட்க தலைவர் நினைப்பில் சலிப்புடன் அப்பாடலைப் படிப்பது அற்புதமாக இருக்கும்.
எழுபதுகளுக்கு பின் வந்த படங்களில் தலைவருக்கு மிகப் பொருத்தமான ஜோடியாக நான் இவரைத்தான் தேர்ந்தெடுப்பேன். அந்த அளவிற்கு என் மனத்தைக் கவர்ந்த ஜோடி. நடிகர் திலகத்தின் மேல் மிகுந்த அபிமானம் கொண்டவர். ஒவ்வொரு நடிகர் திலகத்தின் பிறந்த நாளுக்கும் தவறாமல் அன்னை இல்லத்திற்கு வந்து ஆசி பெற்று செல்வார். அதுமட்டுமல்ல.. கணவர் விஜயகுமாருடன் சேர்ந்து தலைவரை வைத்து 'நெஞ்சங்கள்' படமும் எடுத்தவர். இதிலிருந்தே தலைவரின் மேல் இவருக்குள்ள அபிமானத்தை புரிந்து கொள்ள முடியும்.
மறைந்த என் அபிமான நடிகை மஞ்சுளா அவர்களின் ஆன்மா சாந்தியடைய இறைவனை இறைஞ்சுகிறேன். அவர்தம் குடும்பத்தினருக்கு நம் திரியின் சார்பாக ஆழ்ந்த இரங்கலைத் தெரிவித்துக் கொள்வோம்.
குறிப்பாக என்னுடைய மிக மிக ஆழ்ந்த அனுதாபங்களை நமது திரியின் மூலம் தெரிவித்துக் கொள்கிறேன். நடிகர் திலகம் புகழுடன் அவருடன் பல படங்களில் பணியாற்றிய மஞ்சுளா அவர்களின் புகழும் நிலைத்து நிற்கும்.
கனத்த சோகத்துடன்
வாசுதேவன்.
நடிகை மஞ்சுளா சில நினைவலைகள்
எங்கள் தங்க ராஜா
http://www.inbaminge.com/t/e/Engal%2...aja/folder.jpg
என் மகன்
http://i1098.photobucket.com/albums/...n000000005.jpg
அவன்தான் மனிதன்
http://img213.imageshack.us/img213/3407/avan20ss3.jpg
மன்னவன் வந்தானடி
http://i1.ytimg.com/vi/J0ZL6cROU0w/h...jpg?feature=og
அன்பே ஆருயிரே
http://i1.ytimg.com/vi/tVSsxMA8YOg/hqdefault.jpg
டாக்டர் சிவா
http://padamhosting.com/out.php/i74755_drs6.png
உத்தமன்
http://ttsnapshot.com/out.php/i57133_6.png
அவன் ஒரு சரித்திரம்
http://i1.ytimg.com/vi/Dcjg3f6aEhA/maxresdefault.jpg
நெஞ்சங்கள் (இணையில்லா ஜோடி ஆழ்ந்த சோகங்களில்)
http://ttsnapshot.com/out.php/i57331...22363335323436http://ttsnapshot.com/out.php/i57332...22363335323037