new serials/programs

விஜய் டிவியில் புத்தம் புதிய மெகா தொடர் காஞ்சனா!


http://img1.dinamalar.com/cini//CNew...4807000000.jpg

Quote:

---

விஜய் டிவியில் வரும் ஜூலை 23ம் தேதி முதல் காஞ்சனா என்ற புத்தம் புதிய தொடர் ஒளிபரப்பாகிறது.

பூஜா இத்தொடரில் முதன்மை கதாபாத்திரத்தில் அறிமுகமாகிறார்.
அழகர் இயக்க இந்தத் தொடர் ஒரு அழகான கிராமத்திற்கு நேயர்களை அழைத்துச் செல்கிறது.
கல்வி மேற்படிப்பிற்காக வெளிநாட்டில் வாழும் காஞ்சனா தன் கிராமத்தையும், தன் தாத்தா *பாட்டியையும் பார்க்கும் ஆவலில் அவளது கிராமத்திற்கு வருகை தருகிறாள்.
காஞ்சனாவை பார்க்கும் அவளது சொந்தங்கள் மகிழ்ச்சியடைந்தாலும் அவர்களுக்குள் அவளை பார்த்த மாத்திரத்தில் இருந்து கவலை தொற்றிக்கொள்கிறது.
அதற்கான காரணம் என்ன.அவள் எதிர் நோக்கும் சம்பவங்கள் பல அவளை பல உண்மைகளை அறியத்தூண்டுகிறத.

அவள் ஆசையாக விரும்பி வாங்கும் ஒரு பட்டுப்புடவையில் நைதிருக்கும் படங்கள் அவள் வாழ்க்கையில் நடந்த, நடக்கவிருக்கும் சம்பவங்களை குறிக்கின்றன.
ஒரு புதிராக செல்லும் அவளது வாழ்க்கையில் அவருக்கு அதிர்ச்சியளிக்கக் கூடிய சம்பவங்கள் நடக்கின்றன.


அதில் மறைந்திருக்கும் மர்மங்கள் என்ன? அவள் யார்? எதற்காக அவள் அந்த ஊருக்கு வரவேண்டும்?
காஞ்சனா எனபவள் ஒரு தனி நபர் அல்ல, அவளைப்போன்று ஏழு சக்தி உள்ளன என்ற உண்மையை அவள் அறியும் நேரம் வருகிறது.
அந்த சக்திகளை அவள் தேடிச்செல்வாளா? இல்லையா? என்று காஞ்சனா தொடரை விருவிருப்பாகவும், மர்மங்கள் நிறைந்த தொடராகவும் வழங்விருக்கிறார் அழகர்.

வரும் ஜூலை 23ம் தேதி முதல் திங்கள் முதல் வெள்ளி வரை இரவு 8 மணிக்கு விஜய் டிவியில் ஒளிபரப்பாகிறது காஞ்சனா என்ற புத்தம் புதிய மெகா தொடர்.

---

Quote:

---

காஞ்சனா

விஜய் டிவியில் வரும் திங்கள் முதல் ஒளி பரப்பாகவிருக்கும் புதிய தொடர் காஞ்சனா.


கிராமத்திற்கு தனது தாத்தா-பாட்டியை பார்க்க வருகிறாள், காஞ்சனா. முதன் முதலாக அந்த கிராமத்திற்கு அவள் வந்தாலும், பல நாள் அவளிடம் பழகியது போல் அங்குள்ள மக்கள் அவளிடம் பேசி பழகுகின்றனர். ஆனால் அவளை பார்த்த தாத்தா-பாட்டியோ பயப்படுகிறார்கள்.


தாத்தா - பாட்டி பயந்தது போலவே அடுத்து நடக்கும் பல சம்பவங்கள் அவளை அதிர்ச்சியில் உறைய வைக்கின்றன.


அவள் யார்? அவளைப் பார்த்தும் ஊரே மகிழ்ச்சி முகம் காட்ட, அவள் வருகையில் அவள் தாத்தா-பாட்டி மட்டும் எதற்காக பயப்பட வேண்டும்? சஸ்பென்சான இந்த தொடரை இயக்குபவர் அழகர். இவர் சரவணன்-மீனாட்சி தொடரின் இயக்குனரும் கூட.


திங்கள் முதல் வெள்ளி வரை தினமும் இரவு 8 மணிக்கு ஒளிபரப்பாகிறது, இந்த தொடர்.

---

நன்றி: தினதந்தி


http://blog.techsatish.net/2012/07/k...ial-promo.html

நித்தியானந்தம் இயக்கத்தில் புகுந்த வீடு! ஜீ டி.வி.யில் புதிய தொடர்!

Quote:

---

ஜீ தமிழ் தொலைக்காட்சியில் புகுந்த வீடு என்ற பெயரில் புதிய தொடர் ஒளிபரப்பாக உள்ளது.
இந்திரா சவுந்திர ராஜன் கதை, திரைக்கதை எழுதியிருக்கும் இந்த தொடரை நித்தியானந்தம் இயக்குகிறார்.
கதைப்படி, தமிழாசிரியர் ராமநாதனின் ஒரே மகள் ராதா.
தன் மனைவியை ராதா குழந்தையாக இருக்கும்போதே இழந்து விட்ட ராமநாதன் ஒரு தாயாய், தந்தையாய் ராதாவுக்கு செய்யவேண்டிய கடமையை செய்து திருமணத்துக்கு நாள் குறிக்கிறார்.
ஆனால் எதிர்பாராத விதமாய் அந்த திருமணம் தடைபட்டு மண மேடையில் மாப்பிள்ளையை போலீஸ் கைது செய்கிறது.


இந்த நிலையில் திருமணத்துக்கு வந்திருக்கும் தாசில்தார் ஜாதகக் கோளாறுள்ள தன் மகன் விசுவநாதனை இதுதான் சந்தர்ப்பம் என்று மேடையேற்றி தாலிகட்டச் செய்கிறார்.
நிம்மதியான வாழ்க்கை கிடைக்கும் என்ற கனவுடன் புகுந்த வீட்டில் அடியெடுத்து வைக்கும் ராதா, வீடு நிறைய உறவுகள் இருந்தும் ஆதரவின்றி அனாதை போல் வாழ நேரிடுகிறது.
இருப்பினும் தன் தந்தையின் நிம்மதியை மனதில் கொண்டு புகுந்த வீட்டில் தான் எதிர்கொள்ளும் பிரச்சினைகளை மறைத்து எப்போதும் சந்தோஷமாக இருப்பது போல் காட்டிக் கொள்கிறாள்.
ராதா சந்தித்த பிரச்சினைகள் என்ன? அவற்றை எவ்வாறு எதிர்நோக்கி நடை போடுகிறாள் என்பது கதைக்களம்.
சத்யஜோதி பிலிம்ஸ் டி.ஜி.தியாகராஜன் தயாரிக்கும் இத்தொடர், திங்கள் முதல் சனி வரை தினமும் இரவு 7 மணிக்கு ஒளிபரப்பாகிறது

---

.

Quote:

---

லிட்டில் மாஸ்டர்ஸ்-சீசன்-4

வாரந்தோறும் வெள்ளி மற்றும் சனி இரவு 9 மணிக்கு ஜெயா டிவியில் ஒளிபரப்பாகி வரும் நடன நிகழ்ச்சி, `லிட்டில் மாஸ்டர்ஸ்.'


தமிழ்த் தொலைக்காட்சி வரலாற்றில் முதன்முறையாக குருகுலம் முறையை பயன்படுத்திய நிகழ்ச்சி, இது. இந்த நிகழ்ச்சியில் பங்கேற்ற குழந்தைகள் இன்று சின்னத்திரையிலும், வெள்ளித்திரையிலும் நட்சத்திரங்களாக ஜொலித்து வருகின்றனர்.


2012-ல் லிட்டில் மாஸ்டர்ஸ் சீசன் நான்கிற்கான முதற்கட்ட தேர்வு சென்னை, கோவை, திருச்சி ஆகிய நகரங்களில் மக்களின் ஏகோபித்த வரவேற்புடன் நடைபெற்றது. இதிலிருந்து தேர்ந்தெடுக்கப்பட்ட இருபது போட்டியாளர்கள் பிரம்மாண்டமான அரங்கில் நடைபெற இருக்கும் இந்த நடன யுத்தத்தில் பங்கேற்பார்கள். இந்த நிகழ்ச்சியில் போட்டியாளர்களை பரிசோதிக்கும் பல்வேறு வகையான நடன சுற்றுக்கள் இடம் பெறும்.


நடிகர்கள் பிருத்விராஜ் மற்றும் ராகவ் நடுவர்களாகவும், போட்டியாளர்களை வழி நடத்தும் குருக்களாகவும் இடம் பெறுவர். நிகழ்ச்சியை தொகுத்து வழங்குபவர் பாலாஜி.

---

நன்றி: தினதந்தி

Quote:

---

`கஸ்தூரி'யில் தொடங்கிய காமெடிப்பாதை!

விஜய் டிவியில் ஒளிபரப்பாகி சமீபத்தில் நிறைவு பெற்ற `பிரிவோம் சந்திப்போம்' தொடர், முற்றிலும் புதிய கதைக்களத்தில் ரசிகர்களை கவர்ந்த தொடராகி இருக்கிறது. இந்த தொடரில் கஸ்தூரி என்ற கேரக்டரில் கலகலப்பாக வந்துபோன ஹேமலதா, சிறந்த காமெடி நடிகையாகவும் ரசிகர்களிடம் பதிந்து போனார்.


தொடரில் வேலைக்காரியாக வந்து ஒவ்வொரு முறையும் நாயகனை கலாய்ப்பதும், ஏமாற்றி காசு வாங்குவதுமாய் இவரது காமெடி கலகலப்பின் உச்சம்.


ஹேமலதாவை `மலைக்கோவில்' படப்பிடிப்பு தளத்தில் சந்தித்தபோது, "ஆச்சி மனோரமா, கோவை சரளாவுக்கு பிறகு நல்ல காமெடி நடிகை என்ற இடத்துக்கு வந்து விட்டீர்கள் போலிருக்கிறதே?'' கேட்டோம்.


பதிலுக்கு கொஞ்சம் வெட்கம் கலந்த புன்னகையை உதிர்த்தவர், "நகைச்சுவை நடிப்பில் சிகரம் தொட்ட அவர்கள் எங்கே? நான் எங்கே? என்றாலும் அவர்கள் காட்டிய காமெடிப் பாதையில் நான் அடியெடுத்து வைத்திருக்கிறேன். அதற்கான வாய்ப்பு `பிரிவோம் சந்திப்போம்' தொடரில் அமைந்தது. இந்த தொடரில் வரும் கஸ்தூரி கேரக்டருக்கு கிடைத்த வரவேற்பு இனி காமெடி பாதையில் தொடரலாம் என்ற நம்பிக்கையை எனக்குள் விதைத்திருக்கிறது. அது மட்டும் உண்மை'' என்கிறார்.


அத்திப்பூக்கள் தொடரில் இதற்கு நேர்மாறான கேரக்டரில் வருகிறீர்களே?


"அதில் கதை வேறு. என் கேரக்டருக்கான நடிப்புக்களம் வேறு. அடுத்து வரும் தொடர்களில் காமெடிகேரக்டர் அமைந்தால் உற்சாகமாக நடிப்பேன்.''


சினிமாவிலும் இனி காமெடி நடிப்பை கெட்டியாக பிடித்துக் கொள்வீர்களா?


"பெரியதிரையில் `மலைக்கோவில்' படத்தில் சுமன்ஷெட்டியுடன் காமெடி கேரக்டரில் நடித்துக் கொண்டிருக்கிறேன். வெளுத்துக்கட்டு, மந்திரப்புன்னகை, சட்டப்படி குற்றம் போன்ற படங்கள் என்னை ஒரு நடிகையாக வெளிப்படுத்தின. இப்போது தான் என் இயல்புக்கேற்ற காமெடிக்களம் அமைந்திருக்கிறது. அதற்காக `பிரிவோம் சந்திப்போம்' தொடரின் இயக்குனருக்குத் தான் என் நன்றி சேரவேண்டும்.''

---

நன்றி: தினதந்தி

Quote:

---

டி.வி.யில் ஸ்ருதிஹாசன் `அறிமுகம்'!
http://www.dailythanthi.com/muthucha...20721/TV08.jpg

தமிழ், தெலுங்கு, இந்தி என்று கலந்து கட்டி கலக்கும் கமல்ஹாசனின் புதல்வி ஸ்ருதிஹாசன், முதல்முறையாக `டி.வி.'யில் அறிமுகமாகிறார். `எம்டிவி ரஷ்' என்ற அந்த புதுமையான நிகழ்ச்சி, எம்.டி.வியில் ஒளிபரப்பாகிறது.


நடிகை ஸ்ருதிஹாசனின் அதிகம் அறியப்படாத முகம், அவர் ஓர் இசையமைப்பாளர் என்பது. அதை இந்நிகழ்ச்சி வெளிப்படுத்தும் என்கிறார்கள். பிஜோய் நம்பியாரால் இயக்கப்படும் `எம்டிவி ரஷ்', அட்டகாசமான 13 பகுதிகள் கொண்டதாம்.


இதில் ஓர் அத்தியாயத்தில் ஸ்ருதிஹாசன் தனது சொந்த இசைக்கோர்வைகளை அரங்கேற்றுவாராம். இசை மீதான தனது காதல்தான் இந்நிகழ்ச்சிக்குத் தான் ஒப்புக்கொண்டதற்குக் காரணம் என்கிறார் ஸ்ருதி.


``பிஜோய் என்னை அணுகி இந்த கான்செப்டை சொன்னதுமே எனக்கு பிடிச்சுப் போச்சு. எம்டிவி ரஷ் என்னை ரொம்பவே உற்சாகப்படுத்தியிருக்கு. இதில் நான் உருவாக்கிய இசைக்கோர்வையை நானே இசைப்பதை ரசிகர்கள் கண்டு, கேட்டு மகிழலாம். இந்த நிகழ்ச்சி ஒளிபரப்பாகும் நாளை நான் ஆவலோடு எதிர்பார்க்கிறேன்'' என்கிறார் ஸ்ருதி, சந்தோஷப் பரபரப்புடன்.


`இந்தியத் தொலைக்காட்சிகளில் முதல்முறையாக...' என்று கூறத்தக்க இந்த நிகழ்ச்சிக்காக நாமும் ஆர்வத்தோடு காத்திருப்போம்!

---

நன்றி: தினதந்தி

Quote:

---

திரும்பிப்பார்க்கிறேன்
http://www.dailythanthi.com/muthucha...20721/TV06.jpg

திரைப்படத்துறையில் தங்கள் திறமைகளை நிரூபித்து வெற்றி பெற்றவர்களின் வாழ்க்கையும், அவர்களின் பசுமையான நிகழ்வுகளும் அவர்கள் சம்பந்தப்பட்ட திரைப்பட காட்சிகளும், பாடல்களும் ரசிக்கத் தக்கவை. இந்த பதிவுகளை ஜெயா தொலைக்காட்சி `திரும்பிப்பார்க்கிறேன்' நிகழ்ச்சியின் வாயிலாக நேயர்களுக்கு வழங்கி வருகிறது.


இந்த வாரம் நடிகை ரஞ்சனியின் நினைவலைகள் ஒளிபரப்பாகிறது. சிங்கப்பூரில் பிறந்த இவர், டைரக்டர் பாரதிராஜாவால் `முதல் மரியாதை' படத்தில் அறிமுகமானவர். அந்தப் படத்தில் இடம்பெற்ற `அந்த நிலாவத்தான் நான் கையில புடிச்சேன்' என்ற பாடல் இப்போதும் இவருக்கான தனி அடையாளம்.


தொடர்ந்து தமிழிலும் மலையாளத்திலும் பல படங்களில் நடிப்பைத் தொடர்ந்த ரஞ்சனி, அப்புறமாய் படஉலகில் இருந்து ஒதுங்கிக் கொண்டார்.


இப்போது இந்த நிகழ்ச்சி மூலம் சின்னத்திரையில் மீண்டும் முகம் காட்ட வந்திருக்கும் ரஞ்சனி, தன்கலை வாழ்வில் நடந்த மறக்க முடியாத பல நிகழ்வுகளை நிகழ்ச்சியில் பட்டியலிடுகிறார்.


நிகழ்ச்சியில் அவர் நடித்த படங்களில் இருந்து காட்சிகளும் பாடல்களும் இடம் பெறும்.


திங்கள் முதல் வியாழன் வரை தினமும் இரவு 10 மணிக்கு ஜெயா டிவியில் ஒளிபரப்பாகும நிகழ்ச்சி இது.

---

நன்றி: தினதந்தி

Quote:

---

சின்ன மருமகள்

திங்கள் முதல் சனி வரை தினமும் மாலை 6.30 மணிக்கு ஜீ தமிழ் தொலைக்காட்சியில் ஒளிபரப்பாகி வரும் சின்ன மருமகள் தொடர், எதிர்பாராத திருப்பங்களில் வேகம் பிடிக்கிறது.


நீண்ட நாட்களுக்குப் பிறகு தன் குடும்பத்தில் இணையும் சாந்தனு தன்னை ஒதுக்கி வைத்த குடும்பத்தை பழி வாங்கத் துடிக்கிறான். தான் மஹாபண்டிதராக முடியாது என்று அறிந்து மேலும் சினங்கொள்கின்றான். சாந்தனுவை பண்டிதர் குடும்பத்தில் இணைக்கும் விழா நடந்து கொண்டிருக்க, மறுபுறம் தேவா ஒரு அவசர காரியமாக வெளியே செல்ல, பின் அவனின் மரணச் செய்தி தான் ராதிகாவிற்குக் கிடைக்கிறது.


இதனால் குடும்பத்தில் மூத்தவனான சாந்தனுவை மஹா பண்டிதராக்கும் விழா நடந்து கொண்டிருக்க, தேவாவைக் கொன்ற காரணத்திற்காக போலீஸ் சாந்தனுவை துரத்த, சாந்தனு விபத்தில் சிக்கி, தேவா விழுந்த அதே மலையடிவாரத்தில் விழுந்து உயிர் துறக்கிறான்.


இந்நிலையில் பல நாட்களுக்குப் பிறகு சுயநினைவு இல்லாத நிலையில் தேவாவை மற்றொரு பெண்ணுடன் கண்டு அதிர்ச்சி கொள்கிறாள் ராதிகா. தேவாவை எவ்வளவோ அழைத்தும் அவளை கண்டு கொள்ளாமல் செல்கிறான்.


ராதிகா தேவாவின் இருப்பிடத்தை அறிந்து கொண்டாளா? தேவா ராதிகாவை அடையாளம் கண்டு கொண்டானா? பண்டிதர் குடும்பத்தின் தற்போதைய நிலை? வினாக்களுடன் தொடர்கிறது சின்ன மருமகள் தொடர்.

---

நன்றி: தினதந்தி

SIIMA


http://www.dailymotion.com/video/xsb...om=embediframe




http://www.dailymotion.com/video/xsbmot_siima-2_shortfilms#from=embediframe




http://www.dailymotion.com/video/xsbmsf_siima-3_shortfilms#from=embediframe




http://www.dailymotion.com/video/xsbmxw_siima-4_shortfilms#from=embediframe

Attachment 1606continue.....

http://www.dailymotion.com/video/xsbnac_siima-5_shortfilms#from=embediframe




http://www.dailymotion.com/video/xsbnoq_siima-6_shortfilms#from=embediframe




http://www.dailymotion.com/video/xsbo4o_siima-7_shortfilms#from=embediframe




http://www.dailymotion.com/video/xsbo4o_siima-7_shortfilms#from=embediframe

Attachment 1607continue.....



http://www.dailymotion.com/video/xsbodi_siima-9_shortfilms#from=embediframe



http://www.dailymotion.com/video/xsbppc_siima-10_shortfilms#from=embediframe




http://www.dailymotion.com/video/xsbqlt_siima-11_shortfilms#from=embediframe

அந்த 10 நாட்கள்

SUN TV

16-07-2012 to 27-072012

http://www.youtube.com/watch?feature=player_embedded&v=Zcd1kfoyKjI

கார்த்திகைப் பெண்கள்

SUN TV - 30-07-2012 ...

http://www.youtube.com/watch?feature=player_embedded&v=2hBJB8hK-bw



http://www.youtube.com/watch?v=Lm3vei-1nsM&feature=player_embedded

Quote:

---

டைரக்டர் மவுலியை பாதித்த செல்வரங்கம்!


http://www.dailythanthi.com/muthucha...0728/TV-04.jpg

திங்கள் முதல் வெள்ளி வரை தினமும் இரவு 7.30 மணிக்கு சன் டிவியில் ஒளி பரப்பாகி வரும் நாதஸ்வரம் தொடர், கூட்டுக் குடும்பத்தின் சிறப்பை உணர்ச்சிக் கொந்தளிப்புடன் திரைப்படுத்துகிறது.


இந்த தொடரில் செல்வரங்கமாக நடிப்பில் ஸ்கோர் பண்ணி வரும் ராகுல், இப்போது திருப்புமுனைக் கதைக்களத்தில் இன்னும் கவனிக்கப் படுகிறார்.


கதைப்படி அந்த குடும்பத்தின் கெட்ட மருமகனாக இருந்த செல்வரங்கத்திடம், இப்போது ஒரு இனிய மாற்றம். அக்கா-மாமா இருவரும் மருமகனிடம் நேர்ந்த மாற்றம் தெரியாமல் தொடர்ந்து தங்கள் தவறுகளை மருமகன் மூலம் அரங்கேற்ற விரும்புகிறார்கள். அப்போது தான் மருமகன் மாறிய விஷயம் தெளிவாகிறது.


இப்படி செல்வரங்கம் மாறும் காட்சியில் ராகுலின் நடிப்பை மனமுவந்து பாராட்டியிருக்கிறார், நடிகரும் டைரக்டருமான மவுலி. `நானும் பார்த்துக் கிட்டே வர்றேன். இந்த கேரக்டருக்குள் நீ அப்படி ஆழமா போயிட்டே. வாழ்த்துக்கள்' என்று அவர் சொன்ன போது சிகரம் தொட்ட சந்தோஷம் எனக்குள். 5 படங்களில் நாயகனாக நடித்தும் கிடைக்காத பெயர் இந்த ஒரே கேரக்டர் மூலம் கிடைத்ததில் அத்தனை மகிழ்ச்சி'' என்கிறார், ராகுல்.


மவுலி இந்த தொடரில் சொக்கலிங்கம் என்ற கேரக்டரில் நடிக்கிறார்.


மவுலியின் பாராட்டு குறித்து ராகுல் மேலும் கூறியதாவது: "சிறந்த இயக்குனர், தேர்ந்த நடிகர் அவர். கடந்த இரண்டரை வருடமாய் சொக்கலிங்கம் கேரக்டராகவே வாழும் அவரை இந்த தொடரில் பார்த்து பிரமித்தவன் நான். ஆனாலும் என் மனதில் ஒரு ஏக்கம். `நாம் நடிப்பதை பார்க்கிறார்.ஆனால்அதுபற்றி ஒரு வார்த்தை சொல்ல மாட்டேன் என்கிறாரே' என்று எண்ணியிருக்கிறேன். அனால்அமைதியாயிருந்தஅந்தநாட்களிலும்என் நடிப்பை அவர் ரசித்திருக்கிறார். அதையெல்லாம்சேர்த்து தான் இப்போது மொத்தமாக பாராட்டியிருக்கிறார் என்பதை தெரிந்து கொண்டேன்'' என்கிறார், நெகிழ்ச்சிக் குரலில்.


"சமீபத்தில் சிங்கப்பூர் சென்றிருந்தேன். அங்கே என்னை பார்த்தவர்கள் செல்வரங்கம் என்று தான்அழைத்தார்கள். அந்த அளவுக்கு நாதஸ்வரம் தொடர் என்னை உலகம் முழுக்க கொண்டு போயிருக்கிறது. இந்த பெருமையெல்லாம் இயக்குனர் திருமுருகனையே சாரும்'' என்றவர், தொடர்ந்து கூறும்போது, "அங்கே பலரும் டைரக்டர் திருமுருகனை `கோபி சார் எப்படியிருக்கிறார்?'என்று தான் நலம் விசாரித்தார்கள். ஏற்கனவே `மெட்டி ஒலி' தொடரில் கோபியாக நடித்தவர், இந்த தொடரிலும் அதே பெயரில் நடிக்கவே ரசிகர்களுக்கு அவர் `கோபி'யாகவே தெரிகிறார்'' என்றார்.

---

நன்றி: தினதந்தி

Quote:

---

தாமரைக்கு குழந்தை பாக்கியம் உண்டா?

ஜீ தமிழ் தொலைக்காட்சியில் திங்கள் முதல் சனி வரை ஒளிபரப்பாகி வரும் துளசி தொடர் 100 எபிசோடுகளைத் தாண்டி தொடர்கிறது.


`தாமரைக்கு குழந்தை பிறக்குமா?' என்ற எதிர்பார்ப்போடு மாமியார் தெய்வானை தன் மருமகள் தாமரையை ஜோதிடரிடம் அழைத்துச் சென்று ஜாதகம் பார்க்கிறாள். தாமரைக்கு குழந்தை பாக்கியம் இல்லை. ஆனால் அவள் கணவன் செல்வாவிற்கு தகப்பனாகும் பாக்கியம் இருக்கிறது என ஜோதிடர் கூற, அதிர்ச்சியடைகிறாள், தாமரை. தன் வாழ்வில் துளசி குறுக்கே வந்துவிடுவாளோ என்ற பயத்தில் தன் கணவன் செல்வாவிடம் "உனக்கு தகப்பனாகும் பாக்கியம் இல்லாமல் இருக்க நீ அறுவை சிகிச்சை செய்து கொள்ள வேண்டும்'' என்று நிர்ப்பந்திக்கிறாள்.


இதற்கிடையே செல்வாவின் தாய், தந்தை இருவரும் துளசியை சந்தித்து "என் குடும்பத்தில் உன்னால் தான் வாரிசு உண்டாக வேண்டும், தாமரைக்கு அந்த பாக்கியம் இல்லை என்று கூறி, நீயே மருமகளாக வந்து விட்டால் உன் தங்கை தாமரையை நீ அனுசரித்து போக முடியும். நீ இழந்த வாழ்க்கையை செல்வா மூலமே திரும்ப பெற வேண்டும்'' என்று சொல்ல... துளசி யோசிக்கிறாள்.


செல்வாவையே துளசி மணமுடித்தாளா? தாமரை சொல்படி செல்வா அறுவை சிகிச்சை செய்தானா? திருப்பங்களுடன் தொடர்கிறது, தொடர்.

---

நன்றி: தினதந்தி

Quote:

---

பெண்ணின் போராட்டம்

திங்கள் முதல் சனிக்கிழமை வரை தினமும் இரவு 7 மணிக்கு ஜீ தமிழ் தொலைக்காட்சியில் ஒளிபரப்பாகி வரும் புகுந்த வீடு தொடர், வாழப் புகுந்த வீட்டில் ஒரு மருமகளுக்கு ஏற்படும் பிரச்சினையை அவள் எப்படி எதிர் கொள்கிறாள் என்பதை மையப்படுத்துகிறது.


வழக்கமான கதைகளில் இருந்து மாறுபட்டஇந்த தொடரின் ஸ்பெஷல், எதிர்பாராத திருப்பங்கள். கதாநாயகியின் வாழ்க்கையில் ஏற்படும் போராட்டங்களை சுவாரஸ்யமாக திரைப்படுத்தியிருக்கும் தொடர் இது. பெண் என்பவள் பொறுமையைக் கடைப்பிடிப்பதால் புகுந்த வீட்டையும் பிறந்த வீடாக மாற்றும் ஆற்றலைப் பெறுவாள் என்பதே தொடரின் விறு விறுப்பான கதைக்களம்.


இயக்கம்: நித்தியானந்தம்.


கதை: இந்திரா சவுந்தர்ராஜன்; இசை: கல்யாண் ஜி.; ஒளிப்பதிவு: சுதாகரன்; வசனம்: ஐ.அசோகன்; தயாரிப்பு: சத்யஜோதி பிலிம்ஸ்.

---

நன்றி: தினதந்தி

Quote:

---

கிரிவல மகிமை

திருவண்ணாமலை மண்ணின் மகிமை பற்றியும், அருணாசலேஸ்வரின் உன்னதமான மகத்துவம் குறித்தும், திருவண்ணாமலையில் முக்தி பெற்ற சித்தர்களின் சிறப்பு பற்றியும் விவரிக்கும் தொடராக உருவாகி வருவதே, `திருவண்ணாமலை கிரிவல மகிமை'.


இந்த தொடரில் மேலும் இடம் பெறும் முக்கிய அம்சங்கள்: பவுர்ணமியில் கிரிவலம் வருவதால் என்னென்ன பலன்கள் கிட்டும்? கிரிவலம் எப்படி சுற்ற வேண்டும்? அப்போது கடைப்பிடிக்க வேண்டிய ஒழுங்கு முறைகள் என்னென்ன?


இந்த ஆன்மிக தொடரை அர்ஜீன் மூவிஸ் சார்பில் கே.ஜி.கோவிந்தராஜ் தயாரிக்கிறார். இவர் யோகாசன ஆசிரியரும் ஆவார். தொடருக்கு இசை: ராஜ்பாஸ்கர். முகப்பு பாடலை எஸ்.பி.பாலசுப்பிரமணியம் பாடியிருக்கிறார். கதை, திரைக்கதை, வசனம், பாடல், இயக்கம்: பி.பாலாமணி. தனியார் சேனலில் விரைவில் ஒளிபரப்பாகவிருக்கிறது, இந்த தொடர்.

---

நன்றி: தினதந்தி

Quote:

---

சதிவலைகளை முறித்து ஷக்தி திருமணம் நடந்ததா?

சன் டிவியில் திங்கள் முதல் வெள்ளி வரை தினமும் மாலை 6.30 மணிக்கு ஒளிபரப்பாகி வரும் தொடர் உதிரிப்பூக்கள். குடும்ப உறவுகளின் மேன்மையை சொல்லும் இந்த தொடரை டைரக்டர் விக்ரமாதித்தன்இயக்கி வருகிறார்.

http://www.dailythanthi.com/muthucha...0728/TV-03.jpg


வளர்ப்பு அப்பாவுக்கும் சொந்த அப்பாவுக்கும் இடையே நடந்து வரும் `நீயா நானா' போட்டியில் பாதிக்கப்பட்டது அவர்களின் பாசமகள் ஷக்தியின் திருமணம் தான். முதல் தடவை வளர்ப்பு அப்பா சிவநேசன் ஏற்பாடு செய்த திருமணத்தை சொந்தஅப்பா தட்சிணாமூர்த்தி தனது திரை மறைவுவேலைகள் மூலம் நிறுத்தி விடுகிறார். இதற்குப் பிறகு வளர்ப்பு அப்பா சிவநேசனின் தீவிர முயற்சியில் மீண்டும் அதே மாப்பிள்ளையுடன் ஷக்தி திருமணம் நடக்க ஏற்பாடாகிறது.


இம்முறை ஷக்தியின் சொந்த அப்பா இந்த திருமணத்துக்கு எல்லா ஏற்பாடுகளும் செய்து கொண்டே மறைமுகமாக அந்த திருமணத்தை மணமேடையில் தடுத்து நிறுத்தவும் ஏற்பாடு செய்கிறார். அவரது திட்டம் மகள் ஷக்தியை தனது அக்கா மகன் இளங்கோவுக்கு திருமணம் செய்து கொடுக்க வேண்டும் என்பது. அதற்காக தாலிகட்டப் போகும் நேரத்தில் மாப்பிள்ளை மீது ஒரு பெரும்பழியை போடவும் பெண்ணொருத்தியை ஏற்பாடு செய்து விடுகிறார்.


தட்சிணாமூர்த்தியின் சாகச நாடகம் அரங்கேறும் கல்யாண தினமும் வருகிறது. மணமேடையில் ஷக்தி விரும்பிய மணமகனுடன் திருமணம் நடந்ததா? அல்லது அவளது சொந்த அப்பா தட்சிணாமூர்த்தியின் திட்டப்படி இளங்கோ அவளுக்கு மாலையிட்டானா? பரபரப்பான திருப்பங்களுடன் தொடர்கிறது, தொடர்.


வளர்ப்பு அப்பா சிவநேசனாக சேத்தனும் , சொந்த அப்பாவாக எல். ராஜாவும் நடிக்கிறார்கள். ஷக்தியாக மானசா நடிக்கிறார். மற்றும் வடிவுக்கரசி, ஸ்ரீலேகா, ஷ்ரவன், பாரதி, அகிலா, ரேவதிப்பிரியா, ஹரி, கிரேசி, ரூபஸ்ரீ ஆகியோரும் நடிக்கிறார்கள்.


திரைக்கதை: முத்துச்செல்வன். வசனம்: ஆனந்த். ஒளிப்பதிவு: சாகித்யா சீனு. இயக்கம்: விக்ரமாதித்தன். `ஹோம் மீடியா மேக்கர்ஸ்' சார்பில் சுஜாதா விஜயகுமார் தயாரிக்கிறார்.

---

நன்றி: தினதந்தி

Quote:

---

ஒளிமயமான எதிர்காலம்

வெள்ளிக்கிழமை தோறும் காலை 7.45 மணிக்கு ஜீ தமிழ் தொலைக்காட்சியில் ஒளிபரப்பாகி வரும் `ஒளிமயமான எதிர்காலம்' நிகழ்ச்சியை பிரபல வாஸ்து நிபுணர் மகேஷ்வர்மா வழங்கி வருகிறார். இந்த நிகழ்ச்சி 120 எபிசோடுகளை தாண்டி தொடர்கிறது.


வாஸ்து முறையில் தொழிற்சாலைகளை அமைப்பது, வீடு கட்டுவது, குறித்த டிப்ஸ்களை இந்த நிகழ்ச்சியில் மகேஷ்வர்மா தருகிறார். ஏற்கனவே வாஸ்து முறைப்படி கட்டாத வீடுகளை வாஸ்து முறையில் எப்படி மாற்றியமைப்பது என்பதற்கும் ஆலோசனைகளை வழங்குகிறார். வாஸ்து முறைப்படி எப்படி ஓட்டல்களை வடிவமைப்பது என்பதற்கும் நிகழ்ச்சியில் டிப்ஸ் தருகிறார்.

---

நன்றி: தினதந்தி

Quote:

---

அப்பாஸ் நடிக்கும் `தர்மயுத்தம்'

விஜய் டிவியில் வரும் திங்கள் முதல் தினமும் இரவு 10 மணிக்கு ஒளிபரப்பாகவிருக்கும் புதிய தொடர், தர்மயுத்தம். இந்த தொடர் மூலம் நடிகர் அப்பாஸ் சின்னத்திரைக்கு வருகிறார்.
http://www.dailythanthi.com/muthucha...0804/TV-09.jpg

இரண்டு குடும்பங்கள் எதிரும் புதிருமாக நின்று தங்கள் தரப்பு நியாயங்களை நீதிமன்றத்தின் மூலம் கிடைக்கப் போராடும் கதை தான் `தர்மயுத்தம்.' இதில் பிரபல வழக்கறிஞர்களாக பெரிய திரை நடிகர்கள் அப்பாஸ், கார்த்திக் குமார் நடிக்கின்றனர். மேலும் நடிகர்கள் கிட்டி, ராகவேந்தர், நடிகை அனுஜா ஐயர் ஆகியோரும் நடிக்கிறார்கள்.


திங்கள் முதல் வெள்ளி வரை தினமும் இரவு 10 மணிக்கு ஒளிபரப்பாகவிருக்கும் தொடர் இது.

---

நன்றி: தினதந்தி

Quote:

---

சின்னத்திரை சினிமாவில் ராஜேஷ்குமார் கதைகள்
http://www.dailythanthi.com/muthucha...0804/TV-04.jpg
கலைஞர் தொலைக்காட்சியில் சனிக்கிழமை தோறும் இரவு 8.30 மணிக்கு ஒளிபரப்பாகிறது, சின்னத்திரை சினிமா. பிரபல நாவலாசிரியர் ராஜேஷ்குமாரின் கிரைம் நாவல்கள் இந்த நிகழ்ச்சியில் திரை வடிவம் பெற்று ஒளிபரப்பாகிறது.


இன்று இரவு ராஜேஷ்குமாரின் `கோகிலா கொலைவழக்கு' நாவல் இடம் பெறுகிறது. தேவ், ராம்கி, சுருளி மனோகர், கராத்தே கார்த்திக், பஞ்சாட்டி, நீலிமா ஆகியோர் நடிக்கிறார்கள். இயக்கம்: பிரேம்நாத்.


மர்மமான முறையில் இறந்துபோன கோகிலாவின் மரணத்தை சுற்றி பின்னப்பட்டுள்ள இந்த திகில் கதை, ஏற்கனவே நாவலாக வந்த நேரத்திலும் பெரும் பரபரப்பு ஏற்படுத்தியது குறிப்பிடத்தக்கது.

---

நன்றி: தினதந்தி

Quote:

---

பன்னீர் பூக்கள்

மக்கள் தொலைக்காட்சியில் திங்கள் முதல் வெள்ளி வரை தினமும் இரவு 7 மணிக்கு ஒளிபரப்பாகி வரும் தொடர், `பன்னீர்ப்பூக்கள்.' 6 பெண்கள் வாழ்க்கையில் கஷ்டப்பட்டு முன்னேறுவதை கருவாக கொண்டுள்ளது, இந்த குறுந்தொடர்.


தொடரில் இடம் பெறும் ஒவ்வொரு பெண் கதாபாத்திரத்தின் கதையையும் தனித்தனியே காட்சிப்படுத்தியிருந்தாலும், கதைப்போக்கில் இவர்கள் ஒன்றாக இணைகிறார்கள்.அவர்கள் வாழ்க்கையில் எதிர்கொள்ளும் சவால் களை யதார்த்தமாக அமைத்துள்ளனர். பெண் நினைத்தால் முடியாதது இல்லை என்பதை ஆணித்தரமாக வலியுறுத்துகிறது, தொடர்.


தேவதர்ஷினி,தேவிப்பிரியா, ஷில்பா, டெல்லி கணேஷ், ஷ்யாம் கணேஷ் நடிக்க, ராம் குமார் இயக்கியுள்ளார்.

---

நன்றி: தினதந்தி

Quote:

---

பார்த்த ஞாபகம் இல்லையோ!

கலைஞர் தொலைக்காட்சியில் திங்கள் முதல் வியாழன் வரை தினமும் இரவு 9.30 மணிக்கு ஒளிபரப்பாகி வரும் தொடர், பார்த்த ஞாபகம் இல்லையோ. நடிகை குஷ்பு தனது அவ்னி டெலிமீடியா சார்பில் இந்த தொடரை தயாரிப்பதோடு, தொடரில் நாயகியாகவும் நடிக்கிறார்.


தன் கணவன் கார்த்திக்கின் குடும்பத்தை பழி வாங்க வந்த ஓவியா, தன் தாய்க்கு கொடுத்த வாக்கை காப்பாற்றுவதா? அல்லது அந்த குடும்பத்தை பாதுகாப்பதாக சின்ன மாமனார் தாமோதரனுக்கு கொடுத்த வாக்கை காப்பாற்றுவதா என்று தடுமாறுகிறாள்.


ஓவியாவுக்கு கார்த்திக் மீது ஏற்படும் அன்பும் காதலும் கைகூடுமா? கலவரம் ஆகுமா?


கார்த்திக்ரகுநாத் அசப்பில் தன்னைப் போலவே இருக்கும் கார்த்திக்கை ரத்தினவேல் கொலை வழக்கில் சிக்க வைக்க முயற்சி செய்கிறான். அதை முறியடிக்க ஓவியா முயற்சி மேற்கொள்கிறாள். இதில் வெற்றி பெற்றது யார்?


கார்த்திக்கின் அத்தை அகிலா, ஓவியாவை வீட்டை விட்டு விரட்டவும், கார்த்திக்கின் சொத்துக்களை அபகரித்து கார்த்திக்ரகுநாத்திடம் ஒப்படைக்கவும் திட்டமிடுகிறாள். அவளின் திட்டம் நிறைவேறியதா?


ஓவியாவின் வீட்டிற்கு வந்து அங்குள்ள அத்தனைபேரின் மனதையும் கிறங்கடித்த ஆசிரமக் குழந்தை சாருலதா யார்? அந்தக்குழந்தை ஓவியாவை சித்தி என்று அழைக்க காரணம் என்ன?


கேள்விகளுக்கு விறுவிறுப்பான திரைக்கதை விடை சொல்கிறது. தொடரில் நடிகை குஷ்பு தாய் வீட்டில் அருந்ததி என்ற பெயரிலும், கணவன் வீட்டில் ஓவியா என்ற பெயரிலும் நடிக்கிறார். குஷ்புவுடன் சீனு, டெல்லிகுமார், பானுமதி, ஷோபனா நடிக்கிறார்கள்.


கதை: குஷ்பு. திரைக்கதை-வசனம்: அசோக்குமார். ஒளிப்பதிவு: பொன்ஸ் சந்திரா. இயக்கம்: பிரியன்.

---

நன்றி: தினதந்தி

என்னைப்பார்த்து பயப்படுறாங்க: காஞ்சனா சீரியல் பூஜா


http://tamil.oneindia.in/img/2012/08...usic-pooja.jpg

Quote:

---

எஸ்.எஸ் மியூசிக் தொகுப்பாளராக இருந்த பூஜாவிற்கு இளம் ரசிகர் பட்டாளங்கள் ஏராளம். சின்னத்திரையில் இருந்த போதே காதலில் சொதப்புவது எப்படி? படத்தில் நடிக்க வாய்ப்பு கிடைத்தது.


கூடவே நல்ல பெயரும் கிடைத்தது. சினிமாவை விட சின்னத்திரையே மேல் என்று நினைத்த பூஜா இப்போது விஜய் டிவியில் காஞ்சனா சீரியல் மூலம் களம் இறங்கியிருக்கிறார். தனது சின்னத்திரை பயணம் பற்றி நம்மிடையே பகிர்ந்து கொள்கிறார் பூஜா.


அம்மா, அப்பா பெங்களூர்ல இருக்காங்க. நானும், தங்கை ஆர்த்தியும் படிக்கவும், வேலை பார்க்கவும் சென்னை வந்தோம். எஸ்.எஸ். மியூசிக்கில் வேலை பார்த்த போதே எனக்கு திருமணம் ஆயிருச்சு. என்னோட கணவர் க்ரேக் அவரும் எஸ்.எஸ். மியூசிக்கில் வேலை பார்க்கிறார்.


நான் எஸ்.எஸ்.மியூசிக்கில் வேலை பார்த்தபோதே சினிமாவிலும், சீரியலும் நடிக்க வாய்ப்பு வந்தது. ஆனால் நான் மறுத்துவிட்டேன்.
அதற்கு காரணம் எனக்கு சினிமா மேல் இருந்த பயம்தான். காதலில் சொதப்புவது எப்படி பட இயக்குநர் பாலாஜி மோகன் என்னிடம் வந்து கதை சொன்னதும், கதை பிடித்து போய் ஓ.கே., சொல்லிவிட்டேன்.
ஏனென்றால் படம் முழுக்க காமெடி சப்ஜெக்ட். படத்தில் என்னுடைய கேரக்டர் பிடிச்சது, அதனால் இந்தபடத்தில் நடிச்சேன். படம் பார்த்து நிறைய பேர் பாராட்டுனாங்க. சித்தார்த்கிட்ட இருந்து நான் நிறைய கத்துக்கிட்டேன்.


எஸ்.எஸ். மியூசிக்கில் இருந்து விலகி ஒருவருடம் ஆகிவிட்டது. திடீர்னு ஒருநாள் காஞ்சனா சீரியல் கதை கேட்டேன். த்ரில்லிங் கதைக்காகவே நடிக்க ஒத்துக்கொண்டேன்.
இப்பதான் அதோட கஷ்டம் தெரியுது.
நிகழ்ச்சி தொகுப்பாளர் வேலை 2 அல்லது 3 மணி நேரத்தில் முடிந்துவிடும். ஆனா சீரியலுக்காக 15 மணிநேரம் கூட வேலை பார்க்க வேண்டியிருக்கிறது.
தென்காசி, குற்றாலம்னு காடுமேடெல்லாம் சுத்த வேண்டியிருக்கு. இப்பல்லாம் சின்னப்பசங்க என்னைப்பார்த்து காஞ்சனா பேய்னு பயப்படுறாங்க என்று குஷியாக சொல்லிவிட்டு சூட்டிங்கிற்கு கிளம்பினார் பூஜா.

---

டிவிக்கு வரும் அனுராக் காஷ்யப்: க்ரைம் தொடர் இயக்குகிறார்
.

Quote:

---

அனுராக் காஷ்யப் என்றாலே க்ரைம், ரத்தம், வன்முறை இன்றி இருக்காது. பாலிவுட் திரை உலகின் தவிர்க்க முடியாத நபர் அனுராக் காஷ்யப். இயக்குநராக, திரைக்கதை எழுத்தாளராக, தயாரிப்பாளராக, நடிகராக பன்முகம் காட்டி வரும் அனுராக் இப்பொழுது சின்னத்திரையில் காலடி பதிக்க இருக்கிறார்.


வெள்ளித்திரையைப் போல சின்னத்திரையும் பவர்ஃபுல் மீடியா என்பதால் டிவி தொடர் இயக்க முடிவு செய்துள்ளதாக அனுராக் தெரிவித்துள்ளார். புதிய சூழல் முழுக்க, முழுக்க புதிய குழுவினருடன் களமிறங்கப் போவதால், மனதுக்குள் அவ்வப்போது படபடப்பு ஏற்படுவதாகவும் அனுராக் கூறியுள்ளார்.


இந்த க்ரைம் தொடரில் இந்தி வில்லன் நடிகர் குல்சான் முக்கிய கதாபாத்திரத்தில் நடிக்க உள்ளதாக தகவல்கள் வெளியாகியுள்ளன. இவர் அனுராக்குடன் சைத்தான் படத்தில் நடித்துள்ளார்.
பிரபல, "டிவி சேனலுடன் பேச்சுவார்த்தை முடிந்துள்ள நிலையில்,
தொடர் சம்பந்தமான முன்னோட்ட காட்சிகளை படம் பிடித்து பார்த்த அனுராக், காட்சிகள் திருப்தி அளித்ததால், உற்சாகமாக இருக்கிறார். க்ரைம் கலந்த இந்த தொடர் பிரபல சேனலில் ஒளிபரப்பாக உள்ளது

---

Quote:

---

ஜெயா டிவிக்காக இசை மேடையேறும் எம்.எஸ்.விஸ்வநாதன்

தமிழ் சினிமாவில் ஏறக்குறைய 60 ஆண்டுகள் இசை ராஜாங்கம் நடத்தியவர்...இப்போதும் நடத்திக் கொண்டிருப்பவர் மெல்லிசை மன்னர் எம்.எஸ்.விஸ்வநாதன். அவரது இசை சாதனையில் ஒரு மைல் கல்லாய் அமையவிருக்கிறது ஜெயா டிவிக்காக அவர் நடத்தவிருக்கும் பிரமாண்ட இசை நிகழ்ச்சி.


வருகிற 22-ம்தேதி மாலை 6 மணிக்கு சென்னை நேரு உள் விளையாட்டு அரங்கில் இந்த இசைநிகழ்ச்சி நடைபெறுகிறது. இதில் ஆச்சரிய அதிசயம், ஜெயா டிவி அன்று தான் தன் 14-வது பிறந்தநாளையும் கொண்டாடி மகிழ்கிறது.


தொடக்க காலத்தில் எம்.எஸ்.வி. ஒரு நடிகராகவே வரவேண்டும் என விரும்பினார். கிடைத்ததோ கே.வி.மகாதேவனின் இசைக் குழுவில் கோரஸ் பாடகர் வாய்ப்பு.


1950-ம் வருடம் எம்.ஜி.ஆர். நடித்த `ஜெனோவா' என்ற திரைப்படத்தின் வாயிலாக இசையமைப்பாளர் அடையாளம். 1952-ல் பிரபல இசையமைப்பாளர் சுப்பராமனின் திடீர் மறைவுக்குப் பின்னர் அவர் இசையமைத்த `தேவதாஸ்' மற்றும் `காதல்' திரைப்படங்களை முடித்து கொடுக்கும் வாய்ப்பு எம்.எஸ்.விஸ்வநாதனுக்கும், ராமமூர்த்திக்கும் கிட்டியது. அதிலிருந்து தொடர்ந்தது, இந்த இரட்டையர்களின் இசைப்பயணம். இவர்களின் முதல் வெற்றித் திரைப்படமாக என்.எஸ்.கிருஷ்ணன் இயக்கிய `பணம்' திரைப்படம் வெளிவந்தது. இதைத்தொடர்ந்து 1963-ல் ஒரு திரைப்பட விழாவில் நடிகர் திலகம் சிவாஜி கணேசனால் இந்த இரட்டையர்களுக்கு "மெல்லிசை மன்னர்கள்'' என்ற பட்டம் வழங்கப்பட்டது.


"நீராரும் கடலுடுத்த'' என்ற தமிழ்த்தாய் வாழ்த்துப் பாடலுக்கு இசையமைத்தவர் எம்.எஸ்.விஸ்வநாதன். உலக திரை இசையின் பல்வேறு வடிவங்களை தமிழ் திரைப்படப் பாடல்களாக அறிமுகம் செய்த இந்த மெல்லிசை மன்னர் சுமார் 500 தனிப்பாடல்களை தன் இசையில் மட்டுமின்றி மற்ற இசையமைப்பாளர்களின் இசையமைப்பிலும் பாடியுள்ளார். அவற்றுள் பெரும்பாலானவை பக்திப்பாடல்கள்.


தமிழ் திரை இசைக்கு இவரின் மகத்தான பங்களிப்பை பாராட்டி தமிழ்நாடு அரசும், அரசு சாரா நிறுவனங்களும், ரசிகர்களும் அளித்த விருதுகளும், வாழ்த்துக்களும் ஏராளம். ஆனால் மத்திய அரசால் வழங்கப்படும் பத்ம விருதுகள் எதுவும் இவருக்கு இதுவரை வழங்கப்படவில்லை என்பது வருத்தத்திற்குரிய உண்மை. எனவே, எம்.எஸ்.விஸ்வநாதனுக்கு பொது மக்கள் தேர்வு செய்யும் உயரிய பட்டத்தை இந்த நிகழ்ச்சியின் வாயிலாக வழங்கவிருக்கிறது, ஜெயா டிவி.


நிகழ்ச்சிக்காக நிருபர்களை சந்தித்த எம்.எஸ்.வி., "சினிமாவில் நடிக்கத்தான் வந்தேன். ஆனால் சூழ்நிலையும் இறைவன் விருப்பமும் என்னை இசையமைப்பாளராக்கி விட்டது. நிகழ்ச்சியில் தமிழில் மட்டுமின்றி மலையாளம், தெலுங்கிலும் ரசிகர்களுக்கு பாட்டு கிடைக்கும். என்னோடு `இசை இரட்டையர்கள்' என்று நாங்கள் புகழ் பெறக் காரணமான ராமமூர்த்தியும் கலந்து கொள்கிறார்'' என்றார்.


சமீபத்தில் எம்.எஸ்.வி.யை வருத்தப்படுத்திய ஒரு இசை நிகழ்வு, ரீமிக்ஸ் பாடல்கள். அதுபற்றி பேச்சு வந்தபோது, "ஒரு பாட்டை மறுபடியும் ரீமிக்ஸ் பண்றது தப்பான காரியம். ஆனா அதைப்பண்றதுக்கும் ஒரு தைரியம் வேணும். என்னைப் பொறுத்தவரை ரீமிக்ஸ் பண்றது `ரேப்' பண்றதுக்கு சமானம். இசையமைக்கிறவங்க உங்க கற்பனையை பயன்படுத்துங்க'' அறிவுரை தினுசில் ரீமிக்ஸாளர்களுக்கு வைத்தார் ஒரு குட்டு.


நிகழ்ச்சிக்காக தனது இசையில் சிறந்த 82 பாடல்களை தேர்வு செய்து வைத்திருக்கிறார், எம்.எஸ்.வி. அப்படீன்னா இசை ரசிகர்களுக்கு கொழுத்த வேட்டை தான்.

---

நன்றி: தினதந்தி

Quote:

---

மலேசியாவில் மானாட... மயிலாட...

கலைஞர் தொலைக் காட்சியில் தொடர்ந்து ஒளிபரப்பாகி வரும் "மானாட... மயிலாட'' நிகழ்ச்சிக்கு உலகெங்கும் ரசிகர்கள் உண்டு.


வெளிநாட்டில் இருந்து விடுமுறையில் வரும் நேயர்கள் "மானாட மயிலாட'' நிகழ்ச்சி ஒளிப் பதிவு அரங்கிற்கு விஜயம் செய்வது வழக்கம்.


வெளிநாடுவாழ் தமிழ் ரசிகர்களின் ஏகோபித்த பாராட்டு களின் எதிரொலியாக, முதல் முறையாக துபாயில், இந்த நிகழ்ச்சியின் இறுதிப்போட்டி நடைபெற்றது.


அதனைத்தொடர்ந்து "மானாட மயிலாட'' நிகழ்ச்சியின் பாகம் 7-ன் இறுதிப் போட்டி, அடுத்த மாதம் 8-ந்தேதி மலேசியா தலைநகரான கோலாலம்பூரில் நடைபெற உள்ளது.


பிரபல திரைப்பட நட்சத்திரங்களின் முன்னிலையில் நடைபெறும் இறுதிப்போட்டிக்கு பங்கேற்பாளர்களுடன், நிகழ்ச்சியின் இயக்குனர் கலா மாஸ்டர், நடிகைகள் குஷ்பு, நமீதா ஆகியோர் பங்கு கொள்கிறார்கள்.


மலேசியாவில் நடைபெறும் இந்நிகழ்ச்சியில் வெற்றி பெறும் போட்டியாளர்களுக்கு விலை மதிப்பற்ற பல பரிசுகள் காத்திருக்கின்றன.

---

நன்றி: தினதந்தி

Quote:

---

நாவல் சினிமா

சின்னத்திரை வரலாற்றில் நிச்சயம் இது புதுமை. பொதுவாக எழுத்தாளர்களின் நாவல்களை டிவி தொடர்களாக தயாரிப்பதுதான் வழக்கம். இந்த தொடர்களும் நெடுந்தொடர்களாக மாறி வருடக்கணக்கில் ஒளிபரப்பாகிக் கொண்டு இருக்கும். இந்த பாணியிலிருந்து கலைஞர் டிவி முற்றிலும் மாறுபட்டு பிரபல எழுத்தாளர் ராஜேஷ்குமாரின் நாவல்களை `சின்னத்திரை சினிமா' என்ற தலைப்பில் இரண்டு மணி நேர திரைப்படமாகவே உருவாக்கி ஒளிபரப்பி வருகிறார்கள். இதில் சினிமாவுக்கே உரித்தான பாடல்களோ, சண்டைக் காட்சிகளோ கிடையாது. அதேநேரம் விறு விறுப்பான சம்பவங்களுக்கு பஞ்சம் இல்லை. நிமிடத்திற்கு நிமிடம் கதையில் திருப்பங்கள் அமைந்து காட்சிகளை பரபரப்பாக்கி விடுகின்றன.


இது குறித்து எழுத்தாளர் ராஜேஷ்குமார் கூறும்போது, "என்னுடைய நாவல்கள் பல தொலைக்காட்சி தொடர்களாக வந்துள்ளன. ஆனால் `இந்த சின்னத்திரை சினிமா' எனக்கு ஒரு புது அனுபவம். நான் எழுதிய ஒவ்வொரு நாவலும் இரண்டு மணி நேரம் ஓடக்கூடிய திரைப்படமாகவே உருவாவதும், அது வாரந்தோறும் ஒளிபரப்பாவதும் என்னுடைய எழுத்துக்கு கிடைத்த அங்கீகாரமாகவே நினைக்கிறேன். நாவல்களைப் படிக்கும் பழக்கம் இல்லாத வாசகர்களின் வீட்டு வரவேற்பறைகளுக்கும் `சினிமா' வடிவில் என் நாவல்கள் சென்று விடுவதால், எனக்கு இப்போது புது வாசகர்கள் கிடைத்துள்ளார்கள்'' என்கிறார், உற்சாக தொனியில்.

---

நன்றி: தினதந்தி

Quote:

---

சூரிய புத்ரி-100

திங்கள் முதல் வியாழன் வரை தினமும் இரவு 8.30 மணிக்கு கலைஞர் டி.வி.யில் ஒளிபரப்பாகி வரும் "சூர்ய புத்ரி'' தொடர், நூறாவது எபிசோடை நோக்கி தொடர்கிறது.


தொடரில் புதுமையாக பறக்கும் விமானத்திலேயே கதாநாயகன், நாயகி பங்கு பெறும் காட்சிகள் இடம் பெறுகின்றன. சின்னத்திரை தொடர் வரலாற்றில் இதுவரை இப்படி பறக்கும் விமானத்தில் காட்சிகள் படமானதில்லை. நாயகி விமானப் பணிப் பெண் கதாபாத்திரத்தில் வருவதால் நிஜ விமான நிலையத்தின் உள்பகுதிகளிலேயும் ஆகாயத்தில் பறக்கும் நிஜ விமானத்திலும் எடுக்கப்பட்ட காட்சிகள் பார்வையாளர்களின் மனதை கவரும் வகையில் அமையும் என்கிறார் , தொடரின் தயாரிப்பாளர் குட்டிபத்மினி.


கதையில் இந்த விமானப் பணிப்பெண் கேரக்டர் புதிதாக சேர்க்கப்பட்டிருக்கிறது. இந்த கேரக்டர் கதையில் திருப்புமுனையை ஏற்படுத்தி ரசிகர்களை பரபரப்பாய் ரசிக்க வைக்கும் என்கிறார்கள்.

---

நன்றி: தினதந்தி

Quote:

---

திரும்பிப் பார்க்கிறேன்
http://www.dailythanthi.com/muthucha...0818/TV-05.jpg
திங்கள் முதல் வியாழன் வரை தினமும் இரவு 10 மணிக்கு ஜெயா டிவியில் ஒளிபரப்பாகி வரும் நிகழ்ச்சி, "திரும்பிப் பார்க்கிறேன்.''


திரையுலகில் அன்றைய நாளில் சாதனை படைத்து ரசிகர்களை கவர்ந்த திரையுலக பிரபலங்களின் சுயசரிதமே இது.


வரும் திங்கள் முதல் பிரபல திரைப்பட இயக்குனர் கே.விஸ்வநாத்தின் சுயசரிதம் இந்த நிகழ்ச்சியில் இடம் பெறுகிறது.


தொழில்நுட்ப கலைஞராக திரைத்துறைக்கு வந்த இவர், உதவி இயக்குனராக பல படங்களில் பணிபுரிந்தார். பின்னர் இயக்குனராக பல முன்னணி நடிகர்களை வைத்து இயக்கி பற்பல சிறந்த படங்களை கொடுத்தவர். குறிப்பாக `சங்கராபரணம்' என்ற சிறந்த திரைப்படத்தை இயக்கி திரையுலகில் புகழின் உச்சம் தொட்டவர். 80-க்கும் மேற்பட்ட வெற்றித் திரைப்படங்களை இயக்கியவர்.


தனது நீண்டகால திரையுலக வாழ்க்கை நிகழ்வுகளை அவர் இயக்கிய திரைப் படங்களின் பாடல்கள், காட்சிகள் வாயிலாக `திரும்பிப் பார்க்கிறேன்' நிகழ்ச்சியில் பதிவு செய்கிறார்.

---

நன்றி: தினதந்தி

Quote:

---

அவள்-200

விஜய் டிவியில் திங்கள் முதல் வெள்ளி வரை தினமும் மாலை 6.30 மணிக்கு ஒளிபரப்பாகிக் கொண்டிருக்கும் `அவள்' தொடர், 200-வது எபிசோடை கடந்து தொடர்கிறது.


மலையாளத்தில் "குங்குமப்பூ'' என்னும் பெயரில் 400-வது எபிசோட்டை கடந்து ஏசியாநெட்டில் ஒளிபரப்பாகி வரும் தொடரின் தமிழ் பதிப்புதான் இந்த "அவள்.''


கேரளாவில் ஏசியாநெட் தொலைக்காட்சியின் ஏசியா நெட் விருதுகளில் முறையே சிறந்த மெகாத் தொடர், சிறந்த கதை, திரைக்கதை, சிறந்த இயக்கம் மற்றும் சிறந்த நடிகர், நடிகையர் உள்ளிட்ட பதினைந்து விருதுகள் உள்பட இருபத்தைந்துக்கும் அதிகமான விருதுகளை `குங்குமப்பூ' தொடர் வாரிக்குவித்திருக்கிறது.


தொடரில் சஞ்சீவ், லட்சுமி ராமகிருஷ்ணன், மகாலட்சுமி, ஏ.ஆர்.எஸ்., ஸ்ரீகலா, விஜய்பாபு, பாரதி, மதுமோகன், சங்கீதா பாலன், ஸ்ரீதர், ஷமந்தா, ஸ்ரீவித்யா, பாலாஜி நடிக்கிறார்கள்.


கதை, திரைக்கதை: பிரதீப். வசனம்: ஜே.ஆர்.தர்மலிங்கம்; ஒளிப்பதிவு: அனில்வாஸ்; தயாரிப்பு, மேற்பார்வை: கே.ஸ்ரீகாந்த். ஜே.நேதாஜி; எபிசோட் இயக்குனர்: தாமரைக்கண்ணன்; ரோல் பெட்டல் எண்டர்டெயின்மெண்ட் சார்பில் தயாரித்து இயக்குபவர் ஜி.ஜெயக்குமார்.

---

நன்றி: தினதந்தி

Quote:

---

உதிரிப்பூக்கள்-200
http://www.dailythanthi.com/muthucha...20825/Tv08.jpg
சன் டிவியில் திங்கள் முதல் வெள்ளி வரை தினமும் மாலை 6.30 மணிக்கு ஒளிபரப்பாகி வரும் உதிரிப்பூக்கள் தொடர், 200-வது எபிசோடை எட்டியிருக்கிறது.


தொடரில் இப்போது ஷக்தியின் சொந்த அப்பா தட்சிணாமூர்த்திக்கும் வளர்ப்பு அப்பா சிவநேசனுக்குமான `ஈகோ' மோதல் உச்சக்கட்டத்தில் இருக்கிறது. அதன் விளைவாக வளர்ப்பு அப்பா சிவநேசன் நடத்த விரும்பிய ஷக்தியின் திருமணத்தை சொந்த அப்பா தட்சிணாமூர்த்தி தடுக்கிறார். ஆனால் வளர்ப்பு அப்பா சிவநேசன் சாமர்த்தியமாக செயல்பட்டு ஷக்திக்கு அவள் விரும்பிய இடத்திலேயே திருமணத்தை நடத்தி முடித்து விடுகிறார்.


தன் மகனுக்கு நடந்த திருமணத்தின்போது ஒவ்வொரு கணமும் விபரீதம் நடந்து விடுமோ என்று பதட்டத்தின் உச்சியில் இருந்த அலமேலு, திருமணம் முடிந்ததும் மருமகள் ஷக்தியிடம் போட்ட முதல் கண்டிஷன் இது தான். `இனி உன் சொந்த அப்பா குடும்பத்தில் இருந்தோ, வளர்ப்பு அப்பா குடும்பத்தில் இருந்தோ யாரும் உன்னைப் பார்க்க இந்த வீட்டுக்கு வரக்கூடாது. நீயும் இவர்கள் யார் வீட்டுக்கும் போகக்கூடாது.'


மாமியாரின் இந்த கட்டளை ஷக்தியை பெரிதும் பாதிக்கிறது. தன் குடும்பத்தில் உள்ளவர்கள் செய்த குழப்பம் தான் தனது மாமியாரை அப்படியொரு முடிவு எடுக்க வைத்து இருப்பதை அவள் உணர்ந்தாலும், அந்த பாசத்தடை அவளை பாதிக்கவே செய்கிறது.


ஷக்தியின் திருமணம் முடிந்த அன்று இரவே தன் இரண்டாவது மனைவியின் வீட்டுக்கு போகிறார், தட்சிணாமூர்த்தி. நடந்ததை போதையில் அவளிடம் சொல்லிப் புலம்ப, அவள் கொடுத்த யோசனையின் பேரில் அந்த ராத்திரியிலேயே மீண்டும் ஷக்தி வாழ்க்கைப் பட்ட வீட்டுக்கு வந்து கத்தி கலாட்டா செய்கிறார். இதனால் திருமண வீட்டில் உள்ளவர்கள் அவரை அங்கிருந்து அப்புறப்படுத்தும் நோக்கில் தள்ளி விட, அப்போது ஏற்பட்ட கைகலப்பில் தட்சிணாமூர்த்தி மீது சில அடிகள் விழுகிறது. தட்சிணாமுர்த்தியுடன் வந்த அவரது சின்ன வீட்டு மகள் பிரியா இதனால் கோபமாகி, `எங்க அப்பா மேல கைவைக்கிறதுக்கு நீங்க யாரு? என்று எகிறுகிறாள்..


இதனால் தட்சிணாமூர்த்திக்கு இன்னொரு குடும்பம் இருக்கிறது. அந்தக் குடும்பத்தில் 20 வயதில் ஒரு பெண் இருக்கிறாள் என்பது வரை அந்த நேரத்தில் வெட்ட வெளிச்சமாகி விடுகிறது. இந்த விஷயம் தட்சிணாமூர்த்தியின் முதல் மனைவி வள்ளியம்மாளுக்குத் தெரிந்தால் அவள் நிலைமை என்னவாகும்? தன் கணவர் தனக்கு மட்டுமே உரிமையானவர் என்று இதுகாறும் நம்பிக்கொண்டிருந்த அவள், இந்த உண்மை தெரிய வரும்போது எடுக்கும் முடிவு என்னவாக இருக்கும்?


கணவன் வீட்டில் வாழவந்த ஷக்திக்கு மாமியார் மற்றும் அவர்கள் குடும்பத்தில் உள்ளவர்களால் என்ன மாதிரியான பிரச்சினைகள் நேரப்போகிறது? அதை அவள் தன் வளர்ப்பு அப்பாவிடமோ குடும்பத்தினரிடமோ பகிர்ந்து கொண்டாளா? பிரச்சினைக்கு தீர்வு கண்டாளா? என்பது அடுத்தகட்ட அதிர்ச்சித் திருப்பம்.


தொடரில் நட்சத்திரங்கள்: சேத்தன், வடிவுக்கரசி, மானசா, ஷர்வன், எல்.ராஜா, ஸ்ரீலேகா, ரூபஸ்ரீ, கருணா, பாரதி, அகிலா, மகாலட்சுமி, சுரேகா.


திரைக்கதை: முத்துச்செல்வன். வசனம்: `சம்யுக்தா'ஆனந்த். ஒளிப்பதிவு: சாகித்யாசீனு. இயக்கம்: விக்ரமாதித்தன். `ஹோம் மூவி மேக்கர்ஸ்' சார்பில் தயாரிப்பு: சுஜாதா விஜயகுமார்.

---

நன்றி: தினதந்தி

Quote:

---

வணக்கம் தமிழா

திங்கள் முதல் வியாழன் வரை தினமும் மாலை 5.30 மணிக்கு மக்கள் தொலைக்காட்சியில் ஒளிபரப்பாகி வரும் நிகழ்ச்சி, "வணக்கம் தமிழா.''


கைத்தொழில், எண்சாண் உடலை எழிலாக்குவோம், நோய் நாடி நோய் முதல் நாடி, திருவாசகத்தேன், வெற்றியை நோக்கி, மருந்தில்லா மருத்துவம், தெரியும் தெரியாது, வீரக்கலை என மக்களுக்கு தேவையான அனைத்தையும் பல்வேறு பகுதிகளாக உள்ளடக்கி தொகுத்து வழங்கப்படும் நிகழ்ச்சி இது.


ஜாஸ்மின் இந்த நிகழ்ச்சியை தொகுத்து வழங்குகிறார்.

---

நன்றி: தினதந்தி

Quote:

---

கொஞ்சம் அரட்டை... கொஞ்சம் சேட்டை...

மக்கள் தொலைக்காட்சியில் திங்கள் முதல் வெள்ளி வரை தினமும் இரவு 7.30 மணிக்கு ஒளிபரப்பாகும் நிகழ்ச்சி, கொஞ்சம் அரட்டை கொஞ்சம் சேட்டை.


இந்த வாரம் இடம் பெறும் நிகழ்ச்சியில் நேயர்களின் அறிவுக் கூர்மையினை நொடிக்கு நொடி சோதிக்கும் வகையில் அடுக்கடுக்கான கேள்விகளை பொது இடங்களில் தோன்றி கேட்கிறார்கள். அதற்கு நேயர்களின் முக பாவனைகளையும், நகைச்சுவையான பதில்களையும் வரும் வாரத்தில் பார்த்து மகிழலாம்.


அத்துடன் விளக்கம் கேட்டும், பொதுமக்களிடம் அந்த நேர சிந்தனை உத்திகளை சோதிக்கும் பொருட்டும் கொஞ்சம் அரட்டையுடன் கலந்த சேட்டையையும் வழங்குகிறார்கள், நிகழ்ச்சியாளர்கள்.


நிகழ்ச்சித் தொகுப்பு: நெல்லை சங்கரபாண்டி.

---

நன்றி: தினதந்தி

Quote:

---

சாதனை சிறுவர்கள்
http://www.dailythanthi.com/muthucha...20825/Tv06.jpg

சித்திரம் தொலைக்காட்சியில் சிறுவர்-சிறுமிகளை சிந்திக்க வைக்கும் வண்ணமாக "வீ வில் மீட்'' என்ற நிகழ்ச்சி நாளை முதல் ஒளிபரப்பாகிறது. பிரபல கணினி மென்பொருள் நிறுவனத்தின் மேலாண் இயக்குநர்கள், ஷரவன் குமரன் (வயது 12) மற்றும் சஞ்சய் குமரன் (வயது10).
இருவரும் இந்த சிறுவயதில் ஆப்பிள் கணினி மென்பொருள் நிறுவனத்திற்கு மென்பொருள் உருவாக்கி சாதனை படைத்தவர்கள். இந்த சாதனை சிறுவர்கள் பிரபல வர்த்தகர்களை பேட்டி காணும் நிகழ்ச்சியே "வீ வில் மீட்!''


நாளை முற்பகல் 11.30 மணிக்கு ஒளிபரப்பாகும் இந்த நிகழ்ச்சியில் கட்டுமான நிறுவனத்தலைவர் சிட்டிபாபுவை பேட்டி காண்கிறார்கள். அடுத்த ஞாயிறன்று வி.ஜி.பி நிறுவன நிர்வாக இயக்குநர் ரவிதாசை பேட்டி காண்கிறார்கள்.

---

நன்றி: தினதந்தி

Quote:

---

லிட்டில் மாஸ்டர்ஸ்-சீசன்-4
http://www.dailythanthi.com/muthucha...20825/Tv07.jpg

ஜெயா டிவியில் ஒளிபரப்பாகி வரும் `லிட்டில் மாஸ்டர்ஸ்' நடன நிகழ்ச்சி, மூன்று ஆண்டுகளில் மூன்று வெற்றிகரமான சீசன்களை கடந்து சீசன் நான்கை எட்டியுள்ளது.


முதன்முறையாக குருகுலம் முறையை பயன்படுத்திய நிகழ்ச்சி இது. இந்த நிகழ்ச்சியில் பங்கேற்ற குழந்தைகள் இன்று சின்னத்திரையிலும், வெள்ளித்திரையிலும் நட்சத்திரங்களாக ஜொலித்து வருகின்றனர்.


தமிழகத்தின் மூன்று முக்கிய நகரங்களில் தேர்ந்தெடுக்கப்பட்ட குட்டி நடனப் புயல்கள் தங்களது அடுத்த சுற்றுக்கு தயாராகிறார்கள். இந்த சுற்றில் `டாப் 40 குட்டி நடனப் புயல்கள்` நிகழ்ச்சியின் நடுவர்களால் தேர்ந்தெடுக்கப்படுவார்கள். இந்த நிகழ்ச்சியின் நடுவர்களான நடிகர்கள் பிருத்விராஜ். ராகவ் இவர்களோடு பிரபல நடன இயக்குநர் ஜானியும் இணைந்துள்ளார். நிகழ்ச்சியை தொகுத்து வழங்குபவர் பாலாஜி.


வரும் இரண்டு வாரங்கள் வெள்ளி மற்றும் சனி இரவு 9 மணிக்கு ஜெயா டிவியில் இந்த நிகழ்ச்சியை காணலாம்.

---

நன்றி: தினதந்தி

Quote:

---

கணவனுக்காக பெண் தேடும் அமுதா!

கலைஞர் தொலைக்காட்சியில் திங்கள் முதல் வியாழன் வரை தினமும் இரவு 7 மணிக்கு ஒளிபரப்பாகி வரும் `அமுதா ஒரு ஆச்சரியக்குறி' தொடர், விறுவிறுப்பான திருப்பங்கள் மூலம் 50 எபிசோடுகளை கடந்து தொடர்கிறது.


செல்வனுக்கு விவாகரத்து தர சம்மதிக்கிறாள், அமுதா. ஆனால் அதற்கு ஒரு நிபந்தனையும் விதிக்கிறாள். செல்வன் இரண்டாவது திருமணம் செய்துகொள்ள வேண்டும் என்பது தான் அந்த நிபந்தனை. தனது கணவனுக்காக தானே பெண் தேடுகிறாள். அப்போது அவள் சந்திக்கும் பெண் தான் விமலா.


விமலாவிடம் அமுதா உண்மைகளை சொன்னாளா? விமலா செல்வனை திருமணம் செய்து கொள்ள சம்மதித்தாளா? செல்வனின் நிலை என்ன? தன்னை பிரிந்த பிறகும் தனது கணவனின் வாழ்க்கையில் சந்தோஷமும் நிம்மதியும் இருக்க வேண்டும். அவரை நன்றாக கவனித்துக்கொள்ளும் ஒரு பெண் இருக்க வேண்டும் என்று நினைக்கும் அமுதா, உண்மையிலேயே ஒரு ஆச்சரியக்குறி தான்! அவளது இந்த உயர்ந்த எண்ணம் ஜெயித்ததா?


அருந்ததி உண்மையிலேயே இறந்து விட்டாளா? அல்லது கார்த்திக்கை துன்புறுத்தவே அப்படி நடிக்கிறாளா? அருந்ததியால் கார்த்திக் மன நோயாளியாகிறானா? அருந்ததி இப்படி அவனை பழிவாங்க காரணம் தான் என்ன?.


சுவாரஸ்யமான கேள்விகளுக்கு யதார்த்தமாகவும், நகைச்சுவையாகவும் பதில் சொல்கிறது தொடர். டைரக்டர் கே.பாலச்சந்தரின் கவிதாலயா நிறுவனம் வழங்கும் தொடர் இது.

---

நன்றி: தினதந்தி

Quote:

---

மதுரையில் தேடிய நாயகி

ராஜ் டிவியின் `தமிழ் பேசும் கதாநாயகி'க்கான தேடல் மதுரையில் நடந்தது. மதுரையின் பாரம்பரிய நடனக் கலைஞர்களின் நடன வரவேற்பைத் தொடர்ந்து, தமிழ் பேசும் கதாநாயகியை மதுரை சவுராஷ்டிரா கல்லூரி, அமெரிக்கன் கல்லூரி என எல்லா இடங்களிலும் தேடினார்கள்.


நடுவர்களாக மதுரையின் பிரபல நடனக்கலைஞர்கள் பாலா நந்தகுமார், மாலா ராஜன் பொறுப்பேற்று வசன உச்சரிப்பு, விதவித பாவனைகள், நடனம் ஆகியவற்றின் அடிப்படையில் அழகுப் பெண்களை தேர்ந்தெடுத்தனர். இவர்களில் அர்ச்சனா என்ற அழகுப்பெண் `மறைந்திருந்தே பார்க்கும் மர்மம் என்ன' என்ற `தில்லானா மோகனாம்பாள்' பாடலுக்கு நடனமாடி அசத்தினார்.


டாப்-10 பெண்களை தேர்ந்தெடுக்கும் நடுவர்களாக நடிகர் அசோக், அழகாக தமிழ் பேசும் அமெரிக்கரான கோஸ்டாஸ், நடிகை வடிவுக்கரசி ஆகியோர் பொறுப்பேற்றிருந்தனர். இவர்களில் அமெரிக்கரான கோஸ்டாஸ் தமிழ் பண்பாட்டு ஆய்வாளர் என்ற சிறப்புத் தகுதியும் கொண்டவர் என்பது குறிப்பிடத்தக்கது.


ராஜ் டிவியில் சனி, மற்றும் ஞாயிற்றுக்கிழமைகளில் இரவு 9.30 மணிக்கு இந்த நிகழ்ச்சியை ரசிக்கலாம்.

---

நன்றி: தினதந்தி

சொந்த பந்தம்

September 03- 2012 .


http://www.youtube.com/watch?v=fb6uwG5EyVY




http://www.youtube.com/watch?v=L4Jl3P7HfCs


http://www.youtube.com/watch?v=R4OFuS8156Y



http://www.youtube.com/watch?v=Lmi2C4-bx2s

Quote:

---

மீண்டும் `சிவம்'

விஜய் டிவியில் ஒளிபரப்பாகி வந்த `சிவம்' பக்தித் தொடர், சில தொழில் நுட்ப காரணங்களால் நிறுத்தி வைக்கப்பட்டு, இப்போது மீண்டும் கடந்த திங்கள் முதல் ஒளிபரப்பாகி வருகிறது.


சிவம் மற்றும் சக்தி இணைந்த கதை தான் சிவம்.


விஷ்ணு பக்தரான தட்ச மகராஜனின் மகள் சதி, சிவனிடம் எப்படி ஈர்க்கப்படுகிறாள்?தடைகளுக்கிடையே எப்படி சிவனை மணக்கிறாள் என்பது தொடரின் கதைக் களம்.


திங்கள் முதல் வெள்ளி வரை தினமும் மாலை 5.30 மணிக்கு ஒளிபரப்பாகிறது, இந்த தொடர்.

---

நன்றி: தினதந்தி

Quote:

---

கார்த்திகை பெண்கள்
http://www.dailythanthi.com/muthucha...20901/TV04.jpg

சன் டிவியில் திங்கள் முதல் வெள்ளி வரை தினமும் இரவு 10 மணிக்கு ஒளிபரப்பாகும் `கார்த்திகைப் பெண்கள்' தொடர் சின்னத்திரை நேயர்களிடையே பெரும் வரவேற்பைப் பெற்றுள்ளது. திரு பிக்சர்ஸ் தயாரிக்கும் இந்த தொடரில், `கல்கி' படத்தில் கதாநாயகியாக நடித்த ஸ்ருதி நாயகியாக நடிக்கிறார். பல்வேறு திரைப்படங்களில் கதாநாயகனாக நடித்த பானுசந்தர், ஸ்ருதியின் கணவனாக நடிக்கிறார். இவர்கள் தவிர ஸ்வேதா, ஸரவந்திகா, ஆனந்தி, `பாண்டி' கமல் ஆகியோர் முக்கிய கதாபாத்திரங்களில் நடிக்கின்றனர்.


தனது மகளின் திருமணம் முடிந்ததும் சாருலதா கணவன் மூர்த்தியை விவாகரத்து செய்து லேடிஸ் ஹாஸ்டல் ஒன்றை தனது வீட்டிலேயே துவங்குகிறார். அங்கு ப்ïலா, செண்பகா, ஆர்த்தி ஆகிய மூன்று பேர் தங்குகின்றனர். ஒவ்வொருவருக்கும் ஒவ்வொரு பிரச்சினைகள். இவர்களது வாழ்வில் குறுக்கிடும் பிரச்சினைகள் சாருவை பாதிக்கிறது. சாருவின் பிரச்சினைகள் இவர்களையும் பாதிக்கிறது. இவற்றை எல்லாம் சாருவுடன் இணைந்து எப்படி எதிர்கொள்கிறார்கள், சமாளிக்கிறார்கள் என்பது சுவாரஸ்யமாக நகைச்சுவை கலந்து சொல்லப்படுகிறது.


இந்த ஹாஸ்டலுக்கு இவர்கள் தவிர மேலும் மூன்று பெண்கள் வர இருக்கின்றனர். ஆக ஆறு இளம்பெண்களின் வாழ்க்கை இந்த ஹாஸ்டலில் இணைகிறது. கார்த்திகைப் பெண்கள் ஆறு பேர். அவர்கள் தான் முருகனை வளர்த்தவர்கள் என்று புராணம் சொல்கிறது. ஆண்களைச் சார்ந்து இராத தனித்தன்மையுடய கார்த்திகைப் பெண்களைப் போன்றவர்கள் தான் இத்தொடரில் வரும் பெண்கள் என்று டைட்டிலுக்கு விளக்கம் கொடுக்கிறார், தயாரிப்பாளர் திருமுருகன்.


"இந்த ஆறு பெண்களுக்கும் மையமாக இருந்து அடைக்கலம் கொடுக்கிறாள். சாருலதா. தன் கணவன் தரும் இடைïறுகளைச் சமாளித்து அத்துடன் வெளியிலிருந்து வரும் பிரச்சினைகளையும் எதிர்கொண்டு இந்தப் பெண்களுக்கு தோழியாகவும் தாயாகவும் இருந்து அவர்களை எப்படிக் காப்பாற்றுகிறாள் என்பதே இந்த கதை'' என்கிறார் இயக்குநர் கவிதாபாரதி.


ஒளிப்பதிவு: சரத் கே.சந்திரன். எடிட்டிங்: பிரேம். இசை: சஞ்சீவ் ரத்தன். திரைக்கதை வசனம்: பாஸ்கர்சக்தி. கதை எழுதி திரு பிக்சர்ஸ் சார்பாக தயாரிக்கிறார், இயக்குநர் எம்.திருமுருகன்.

---

நன்றி: தினதந்தி