மனதை கவரும் மதுர கானங்கள்: பாகம் -3

சி.க. சார்...

இதோ... இந்தாருங்கள்... பிடியுங்கள்...

வேறோர் இணைய தளத்திலிருந்து... தரவேற்றிய நண்பருக்கு உளமார்ந்த நன்றி -

http://www.mediafire.com/listen/hnh8...-Record%29.mp3

திராட்சையின் தேன் சாறடி..டி.எம்.எஸ். பாடும் இந்த வரிகளுக்குப் பிறகு தான் தேன் வேணுமா ஒலிக்கும்..

ராகவேந்திரா சார்.சோ ச்வீட். எவ்ளோ நாள் ஆசை நிறைவேற்றியமைக்கு ஆல் லேங்க்வேஜஸில் நன்றி.. நேரில் பார்க்கும் வாய்ப்புக் கிடைக்கும்போது கண்டிப்பாய் ஐஸ்க்ரீம் உண்டு உங்களுக்கு :) ஹப்பா முழுக்கக் கேட்டு விட்டுத் தான் இதை எழுதுகிறேன்..

நானும் நீயும் நல்லஜோடி
தேனும் பாலும் போல ஜோடி
நேசமாகப் பாட்டுப் பாடி
ஆசையாக ஆடி ஆடி
காதலாலே போதை ஏறி
போதையாலே காதல் ஏறி பாடவே
ஓ நீ இங்கு வா பாபமேது புண்யமேது
லாபமேது நட்டமேது
நானுமேது நீயுமேது
ஆணுமேது பொண்ணுமேது
உண்மையேது பொய்மையேது
நன்மை தீமை ஏது
தன்மானமேது ஈனமேது
தானமேது தர்மமேது
மாறா வீரா தீரா நீயே இங்கு வாராய்.. (ஹப்பா டைப்படிக்கற எனக்கே மூச்சு வாங்குது :) ) ஜமுனா ராணி?

மிக்க நன்றி அகெய்ன் ராகவேந்திரா சார்..:)

நிலாப் பாடல் 32: "நிலவே நீ தான் தூது செல்லாயோ"
------------------------------------------------------------------------------

ஆஹா. ஒரு அருமையான பழைய பாடல். தமிழ் திரை இசை ஜாம்பவான் G.ராமநாதன் அவர்களின் இசையில் திருச்சி லோகநாதன் மற்றும் P. லீலா அவர்களின் மயக்கும் குரல்களில் இந்த பாடல். திரு.ஸ்ரீதரன் நாயரும் மிஸ்.குமாரி அவர்களும் (எனக்கு தெரியவில்லை இவர்களை? கல்யாண் குமார் போல தான் தெரிகிறார் திரு.ஸ்ரீதரன் நாயர். யார் இவர்களின் வாரிசுககளோ - அனைவரும் நலமாய் வாழ்க) நடித்த நிலாப் பாடல். அருகிலேயே காதலன் காதலி இருக்க நிலவை மாறி மாறி தூது போகின்றாயா, தூது போகின்றாயா என்று கடுப்படித்து பாடும் பாடல். இரவில் கேட்டுப் பாருங்களேன். சுகமாக இருக்கும்.

பாட்டு வரிகள்:
------------------------
நிலவே நீ தான் தூது செல்லாயோ
ஓ .. ஓ.. ஓ.. ஓ..
நிலவே நீ தான் தூது செல்லாயோ
ஓ .. ஓ …ஓ ..ஓ
நேரில் என் காதலை நீ சொல்லாயோ
என் மேல் கோபமா
நேரில் என் காதலை நீ சொல்லாயோ
என் மேல் கோபமா….. என் மேல் கோபமா
வெண்ணிலவே நீ தான் தூது செல்லாயோ…

நேரமிதே அனுராக கீதமே
நேரமிதே அனுராக கீதமே
வாழ்வில் இன்பமே… ஆ..ஆ..ஆ.ஆ
நேரமிதே அனுராக கீதமே
வாழ்வில் இன்பமே
சிங்கார வண்டு பூங்காவை கண்டு
நீங்கா தென்றுமே ..ஆஆ …ஆஆ …ஆஆ..
சிங்கார வண்டு பூங்காவை கண்டு
நீங்கா தென்றுமே
நிலவே நீ தான் தூது செல்லாயோ…..
நிலவே நீ தான் தூது செல்லாயோ
--------------------------------------------------------------------------

பாட்டைப் பாருங்கள்:
--------------------------------

https://www.youtube.com/watch?v=9u1DPOsMF4c

பாட்டை கேட்டால் ஆத்மசாந்தி என்ற மனோரஞ்சிதம் மலர்கின்றதா என்றுதான் சொல்லுங்களேன்.

நிலாப் பாடல் 33: "கண்களின் வெண்ணிலவே..."
---------------------------------------------------------
இசை மேதை G.ராமநாதன் அவர்களின் இசையில் ஒரு பாடல் கேட்டால் அடுத்தும் அவரது இசையிலே இன்னொரு பாடல் கேட்கத் தோன்றுகின்றதா. இதோ அவர்களுக்காக, மதுரை தந்த தங்கம் தேன் மதுர குரலோன் T.R. மகாலிங்கம் மற்றும் அஷ்டாவதானி பானுமதி அம்மா அவர்கள் குரலில் ஒரு அழகான நிலாப் பாடல்.


கண்களின் வெண்ணிலவே
உல்லாச காதல் தரும் மதுவே
சல்லாப கானம் பாடிடும் வானம்பாடி
நாம் அலைபோலே இணைவோம்

இளமையின் தேன் நகையே விண்மீது
ஒளிதரும் தாரகையே மண்மீது
கானம் பாடிடும் வானம்பாடி
நாம் அலைபோலே இணைவோம்

மென்மலர் மேல்பனியே அன்பாக
சொல்வது நம் கதையே…ஆ…ஆ
பண்பாக கானம் பாடிடும் வானம்பாடி
நாம் அலைபோலே இணைவோம்

காவிரி ஆழ்கடல்போல் கண்தானா
காற்றொடு மென் குளிர்போல்…ஆ
ஒன்றாக கானம் பாடிடும் வானம்பாடி
நாம் அலைபோலே இணைவோம்

என்னுயிர் மாமணியே
இப்பாரில் யாதுமில்லை தனியே
மெய்காதல் கானம் பாடிடும் வானம்பாடி
நாம் அலைபோலே இணைவோம்

விண் சேரும் கார்முகிலே
ஒன்றாக ஒன்றுதல் நின் எழிலே
தெய்வீக கானம் பாடிடும் வானம்பாடி
நாம் அலைபோலே இணைவோம்

கண்களின் வெண்ணிலவே
உல்லாச காதல் தரும் மதுவே
சல்லாப கானம் பாடிடும் வானம்பாடி
நாம் அலைபோலே இணைவோம்

***************************************


பாட்டைப் பாருங்களேன் இங்கே:
-----------------------------------------------------------

https://www.youtube.com/watch?v=pRqbvtWTOLI

மணிமேகலை துறவு பூண்டவள் என்றே கேள்வி பட்டிருப்போம். இங்கே மணிமேகலையா தெரியவில்லை, வெண்ணிலாவை வைத்து காதல் பாடல் பாடிக்கொண்டிருக்கிறார்கள்.

சிந்திக்க தெரிந்த மனித குலத்துக்கே
சொந்தமான கையிருப்பு


சின்னக்கண்ணன், கல்நாயக்,

அலுவல் நெருக்கடியால் வரமுடியவில்லை. மன்னிக்கவும். நீண்ட நாட்களாக திரியையும் படிக்க முடியவில்லை.

கல்நாயக், நிலா பாடல்கள் இன்னும் எவ்வளவுதான் ஸ்டாக் வைத்துள்ளீர்கள்? ஆராய்ச்சிக்கு பாராட்டுக்கள். என் மனங்கவர்ந்த பாடகர் திரு.டி.ஆர்.மகாலிங்கம், பானுமதி அவர்கள் பாடிய அருமையான பாடலை பதிவிட்ட உங்களுக்கு நன்றி. ஸாரி. உங்கள் நிலவு சீரியலில் இடையில் தொந்தரவு செய்கிறேன்.

நான்தான் வரவில்லை என்று பார்த்தால் வாசு சார், கிருஷ்ணா சாரையும் பார்க்க முடியவில்லையே. ஏமாற்றம்தான்.

வழக்கமாக, நாட்டு நடப்புடன் கூடிய பாடலை பதிவிடச் சொல்லி கேட்பீர்கள். நாட்டு நடப்புகள் பெரும்பாலும் வருத்தமளிக்கக் கூடியதாகவே இருந்தபோதிலும், அவ்வப்போது வாய்விட்டு சிரிக்க வைக்கும் நிகழ்ச்சிகள், பேட்டிகள் இடம் பெறத்தான் செய்கின்றன. ஒரு மாறுதலுக்கு நகைச்சுவையான விஷயத்தை பார்ப்போமே.

நாம் தமிழர் கட்சித் தலைவர் சீமான் ஒரு வார இதழுக்கு (ஆனந்த விகடனிலும் அவரது பேட்டியை வெளியிட்டுள்ளனர். அதை நான் முழுமையாக படிக்கவில்லை)அளித்த பேட்டியை சமீபத்தில் படித்து சிரித்து வயிறு புண்ணாகிவிட்டது. அதை உங்களுடன் பகிர்ந்து கொண்டு சிரிப்போமே என்பதால் இந்தப் பதிவு.

திரு.சீமான் இப்போது வீரத் தமிழர் பேரவை என்ற அமைப்பை ஏற்படுத்தியுள்ளார். பக்திக்கு மாறியுள்ளார். பழநியில் கையில் வேலுடன் காவடி எடுத்துள்ளார். நல்ல விஷயம்தான். ஆனால், சொல்லும் காரணங்கள் வயிற்றை பதம் பார்க்கின்றன. சாரம் இதுதான்...

பேட்டியில், ஏன் முருகனை கும்பிடுகிறீர்கள்? என்ற கேள்விக்கு,

‘அவன் தமிழ் கடவுள். என் முப்பாட்டன். அப்போதே தனி நாடு கேட்டவன்’ என்கிறார்.

‘தனி நாடு கேட்டதற்கு என்ன ஆதாரம்?’ என்ற கேள்விக்கு அவர் அளித்துள்ள பதில் டாப்.

‘திருவிளையாடல் படத்தில் பழத்துக்காக முருகன் கோபித்துக் கொண்டு போய் ‘எனக்கென்று ஒரு நாடு, எனக்கென்று மக்கள்..’ என்று சொல்லவில்லையா? இதை விட என்ன ஆதாரம் வேண்டும்?’’ என்று கேள்வி கேட்ட நிருபரை திணறடித்ததுடன் ..... ‘‘என்ன தம்பி பேசறீங்க?’’ அவரையே திருப்புகிறார்.

அப்படியானால், முருகனின் தந்தை சிவன்?... இது கேள்வி.

சீமான் பதில் ‘‘ அவரும் தமிழ் கடவுள்தான் தமிழ்ச் சங்கத்தின் தலைவராக இருந்தார்.’

பிள்ளையார்?.... நிருபரின் கிடுக்கிப் பிடியில் சிக்குவாரா சீமான்?

‘அதுதான் தம்பி ஆரிய சூழ்ச்சி. வட நாட்டில் இருந்து வந்த பிள்ளையாரை இங்கே சொருகி விட்டனர்’ என்று ஒரே போடாய் போட்டுவிட்டார். சிரித்து கண்களில் தண்ணீரே வந்து விட்டது எனக்கு. நாட்டு நடப்புகளால் வேதனைப்படும் மக்களுக்கு சீமானின் பேட்டி பெரிய ரிலாக்ஸ்.
------------

ராஜா ராணி திரைப்படத்தில்

கலைவாணர் பாடும் ‘சிரிப்பு இதன் சிரிப்பை சீர்தூக்கி பார்ப்பதே நமது பொறுப்பு..’ அருமையான சிந்தனையைத் தூண்டும் பாடல். கலைவாணர், திருமதி. மதுரம் மற்றும் பாடலின் பின்பகுதியில் வரும் குலதெய்வம் திரு.ராஜகோபால் ஆகியோர் உண்மையாகவே மனம் விட்டு சிரித்திருப்பார்களோ என்று தோன்றும்.

சாகச சிரிப்பு, அசட்டு சிரிப்பு என்று கலைவாணர் வகை வகையாக சிரித்து விட்டு கடைசியில் சங்கீதச் சிரிப்பு என்று ஹஹஹஹ.....ஹஹஹ...ஹஹஹஹ என்று தாளக்கட்டோடு சிரிப்பது அட்டகாசம். பாடிப்பார்த்தால் கஷ்டம் புரியும்.

அதிலும் வீட்டுப் பணியாளராக வரும் ராஜகோபால், கடைசியில் சிரிப்பு தாங்க முடியாமல் முதலாளியான கலைவாணரின் தலையிலேயே கையை வைத்து சிரிப்பார். அதை கலைவாணரும் ஏற்றுக் கொள்வார். அவரது சோஷலிச சிந்தனையை விளக்குவது போலிருக்கும்.

உம்மனா மூஞ்சியையும் சிரிக்க வைக்கும், அதே நேரம் கருத்துள்ள பாடல்.

-----
திரு.சீமானின் பேட்டி நிச்சயம் உயர்ந்த நகைச்சுவைதான். ஆனாலும் அவரது அந்தப் பேட்டியில் எனக்கொரு குறை உண்டு.

திருவிளையாடல் படத்தில் நடித்துள்ள திராவிட இயக்க நடிகர்களுள் ஒருவரான திரு.இ.ஆர்.சகாதேவன்தான் வரகுண பாண்டிய மன்னன், படத்தில் அந்த வேடத்தில் அவர் நடித்திருப்பதே ஆதாரம் என்று சீமான் சொல்லியிருந்தால் பேட்டி மட்டுமல்ல, நகைச்சுவையும் முழுமையடைந்திருக்கும். நாமெல்லாம் நகைச்சுவை என்று எதையோ சொல்கிறோமே. திரு.சீமான் அவர்களிடம் நிறைய கற்றுக் கொள்ள வேண்டும்.

அன்புடன் : கலைவேந்தன்
சத்துணவு தந்த சரித்திர நாயகன் புகழ் எத்திக்கும் பரவட்டும்

வாங்க கலைவேந்தன் வாங்க.
இப்பவாவது நேரம் கெடைச்சதே. நிலாப் பாட்டு இன்னும் நெறைய இருக்கு பார்ப்போம் எவ்வளவு ஞாபகத்தில் வருதுன்னு.

அப்புறம் சீமான் காமடி பற்றி சொல்லியிருக்கீங்க. பாவம் அவரும் ஒரு குடும்பஸ்தர். நம்ம எல்லாரையும் போல அவரும் வீட்டுக்காரம்மா பேச்சை கேட்கனும் இல்லையா. இதுக்கு மேல என்னத்த்த சொல்றது. சிரிச்சு வைப்போம்.

அப்புறம் கலைவாணர் பாட்டு கேட்டீங்க இல்ல? இந்தாங்க அதுவும் இங்கே வண்ணத்தில்!!!

https://www.youtube.com/watch?v=x4ydqLOOVJY

மிக்க நன்றி கல்நாயக்.

‘‘நம்ம எல்லாரையும் போல அவரும் வீட்டுக்காரம்மா பேச்சை கேட்கணும் இல்லையா?’’

என்னை அந்தப் பட்டியலில் சேர்க்காதீர்கள் கல்நாயக். எனக்கு சரி என்று படுவதைத்தான் செய்வேன். வீட்டுக்கார அம்மா சொல்வதைப் பற்றி கவலைப்படமாட்டேன். இதை தைரியமாக சொல்வதில் எனக்கு எந்த தயக்கமும் இல்லை. ( வீட்டுக்கார அம்மாவிடம் அனுமதி வாங்கிவிட்டேன்)

அன்புடன் : கலைவேந்தன்
சத்துணவு தந்த சரித்திர நாயகன் புகழ் எத்திக்கும் பரவட்டும்

From PeNNin Perumai (1956)

kaNNaa maraiyaadhedaa.....

http://www.youtube.com/watch?v=gnbqso2_jHI

From Ardhangi (Telugu)

vaddura kannaiyaa....

http://www.youtube.com/watch?v=mP4y9ZQbToU

ஹாய் கலைவேந்தன் வாங்க.. வழக்கம் போல சீமான் நகைச்சுவை.. சிரிக்கத் தான் வைத்தது..ஆனால் அவர் இயக்கிய (?) ஒரு படத்தில் ஒரு பாடல் எனக்கு ரொம்பப் பிடிக்கும்..

படம் வாழ்த்துக்கள் உன் மேல ஆசப்பட்டு...

அட சரிதாண்டி போடி என் தங்க வானம்பாடி - இந்த வரிக்கு பாவனா நன்றாகவே பொருந்துகிறார் :)

https://www.youtube.com/watch?featur...&v=dwiDwrX24uM


ராஜ் ராஜ் சார்..ஏனோ ஜூகல் பந்தி ஒர்க் ஆகவிலலை..மறுபடி காலையில் பார்க்கிறேன்..

ஹப்பாடி..காலையில் முதல் காரியமாய் க் கேட்டாயிற்று. ராஜ் ராஜ் சார்.. கண்ணா மறையாதேடா தான் எனக்கு ப் பிடித்திருக்கிறது வதுரா கண்ணய்யாவை விட :) நன்றி..