Nadigar Thilagam Sivaji Ganesan Part 11

நினைக்க நினைக்க மனம் ஆறுதலடைய மறுக்கிறது. நினைவுகள் அதைச் சுற்றியே வருகிறது. நேற்று அவன் ஒரு சரித்திரம் பார்த்தேன். மஞ்சுளா தலைவருக்கு என்ன ஒரு அற்புதமான pair. தாவணியில் அழகு தேவதையாக நடிகர் திலகத்தை மஞ்சுளா சுற்றி வருவது அற்புதமான அழகு. சமீபத்தில் மனம் கவர்ந்த மாணிக்கங்கள் நம்மை விட்டு மறைந்து கொண்டே இருக்கிறார்கள். TMS, வாலி, இப்போது மஞ்சுளா. எனக்கு எப்போதுமே மஞ்சுளாவை நிரம்பப் பிடிக்கும். அவர் நடித்த பல தெலுங்குப் படங்களைக் கூட பார்த்திருக்கிறேன். தெலுங்கில் சூப்பர் ஸ்டார் அவர். தெலுங்குப் படவுலகையே தன்
அழகால் கட்டிப் போட்டவர்.

இந்த அற்புதமான டூயட்டைப் பாருங்கள். என்னை கவர்ந்த நடிகர் திலகம் மஞ்சுளாவுக்கான முதல் இடத்தைப் பெறும் டூயட்.

https://www.youtube.com/watch?featur...&v=SS_EfWk0uAc

South Indian Actress Manjula Vijayakumar Passed Away

https://www.youtube.com/watch?v=8QbopuHLDec&feature=player_detailpage

ஊஞ்சலுக்குப் பூச்சூட்டி ஊர்வலத்தில் வலம் வந்தவர் இன்று இறுதி ஊர்வலம் செல்கிறார்

https://www.youtube.com/watch?v=ZPlBSB6PZRQ&feature=player_detailpage

அற்புதமான காதல் பாடல் 'காமதேனுவும், சோம பானமும்'

https://www.youtube.com/watch?v=2AsWRUxMse8&feature=player_detailpage

இன்னொரு அற்புத பாடல் 'ராஜ வீதி பவனி வந்தது'.

https://www.youtube.com/watch?v=pmDuZw39Gyo&feature=player_detailpage

பட்டணத்து மாப்பிளைக்கு பொருத்தமான பெங்களூரு ஜோடி.

https://www.youtube.com/watch?v=s12757KNa_s&feature=player_detailpage

'மல்லிகை முல்லை பூப்பந்தல்'

https://www.youtube.com/watch?v=dmx2gkelEnc&feature=player_detailpage

அதுவே கருப்பு வெள்ளையில்

https://www.youtube.com/watch?feature=player_detailpage&v=_DJN7OywSos

மஞ்சுளா அவர்களுக்கு திரையுலகினர் அஞ்சலி.

https://www.youtube.com/watch?v=OrJW...yer_detailpage

https://www.youtube.com/watch?v=-6Ys...yer_detailpage

https://www.youtube.com/watch?v=k7Cn...yer_detailpage

https://www.youtube.com/watch?v=I_Zq...yer_detailpage

https://www.youtube.com/watch?v=LxbM...yer_detailpage

டியர் வாசுதேவன் சார்
மன்னவன் வந்தானடி திரைப்படத்தில் முதன் முதலாக நடிகர் திலகத்துடன் அறிமுகமான மஞ்சுளாவுக்கு அவருடன் ஜோடியாக நடித்து வெளியான முதல் படம் எங்கள் தங்க ராஜாவில் நல்லதொரு ஆரம்பமாக அமைந்தது. அது வரை அழகு பொம்மையாய் அலங்கார பதுமையாய் வலம் வந்த மஞ்சுளாவின் சிறந்த நடிப்புத் திறமையை நடிகர் திலகத்துடன் அவர் நடித்த திரைப்படங்கள் வெளிக்கொணர்ந்தன என்றால் அது மிகையில்லை. இதனை சரியான உதாரணங்களுடன் தாங்கள் விளக்கியுள்ளீர்கள். மல்லிகை முல்லை பூப்பந்தல் பாடலை அஞ்சலி செலுத்துவதற்கான சிறந்த பாடலாக தேர்ந்தெடுத்து அதனை கருப்பு வெள்ளையில் இங்கே பகிர்ந்து கொண்டு அவருடைய மறைவிற்கு நெஞ்சம் நெகிழும் வண்ணம் அஞ்சலி செலுத்தியுள்ளீர்கள்.

We all NT Fans prey for the successful release of our Ever Green Super Hit movie Paasa Malar.
This is a must watch movie for the current generation.It is going to create new records again.

Shivaji Mohan

வசந்த மாளிகை மதுரையில் அலங்கார் திரையரங்கில் வெளியாகி பொது மக்கள் ஆதரவுடன் வெற்றி வாகை சூடி வருவதை நாம் ஏற்கனவே இங்கே பகிர்ந்துக் கொண்டோம். பொதுவாக பழைய திரைப்படங்கள் ஞாயிற்றுக்கிழமைக்கு பிறகு அடுத்து வரும் வார நாட்களில் அவை வேலை நாட்கள் என்பதால் சற்று டல்லடிக்கும். ஆனால் மாளிகைக்கு இந்த வார நாட்களிலும் கூட கணிசமான மக்கள் பார்க்க வருகிறார்களாம். திரை அரங்க ஊழியர்கள் தகவலை பகிர்ந்துக் கொண்டதாக சொன்னார்கள்.

மதுரையில் திரையிடப்பட்ட அன்றே ஸ்ரீவில்லிபுத்தூர் நகரிலும் வசந்த மாளிகை திரையிடப்பட்டு ஒரு வாரமாக ஓடிக் கொண்டிருக்கிறது என்ற செய்தியும் வந்திருக்கிறது. ஸ்ரீவி நகரில் வெகு நாட்களுக்கு பிறகு ஞாயிறு மாலைக் காட்சி ஜே ஜே என்றிருந்ததாக சொன்னார்கள்.

திருச்சி மாநகரில் வரும் வெள்ளி முதல் ராமகிருஷ்ணா திரையரங்கில் வசந்த மாளிகை வெளியாகிறது.

அனைத்து தகவல்களுக்கும் நன்றி திரு ராமஜெயம் அவர்களே!

அன்புடன்

http://sphotos-d.ak.fbcdn.net/hphoto...82512672_n.jpg

பாச மலர் விளம்பர நிழற்படத்திற்கு நன்றி நவ் சார்.

1960ம் ஆண்டு கெய்ரோவில் நடைபெற்ற உலகத் திரைப்பட விழாவில் வீரபாண்டிய கட்டபொம்மன் படத்தை இந்திய அரசு தேர்ந்தெடுத்தைப் பற்றிய ஹிந்து நாளிதழ் செய்தி 50 ஆண்டுகளுக்குப் பிறகு 2010ல் பிப்ரவரி 17ம் நாள் நாளிதழில் மீள்பதிவு செய்யப் பட்டது. இதற்கான ஹிந்து இணைய தள பக்கத்திற்கான இணைப்பு

http://www.hindu.com/2010/02/17/stor...1755541402.htm

Hi,

Before the release of Pasamalar infact even before trailer release on 29th

Coimbatore people are ready to welcome our Style Samrat's successful dual role movie under the direction of TR Ramanna's

Ennai Pol Oruvan form tomm @ Royal Theatre daily 4 shows

Following the success of Raja which was screened in same theatre just a month before
The posters are also quite big & attractive

Point to be noted is it was screened after a long gap in Delite theatre last year & again screened in same theatre some 4 months back
Happy to inform that NT's action & entertaining movies are being screened

MAdurai & Srivilliputhur- Vasantha Maaligai
Covai- Ennai Pol Oruvan
From Aug 15th World wide- Pasamalar

நடிகர்திலகத்தின் நினைவுநாள் பதிவுகளை சிறப்பாக பதிப்பித்த முரளி சார், வாசுதேவன் சார், ராகவேந்தர் சார், சுப்பு சார், சந்திரசேகர் சார், பம்மலார் சார், மற்றும் அனைவருக்கும் நன்றி.

பம்மலார் சார்,
தங்களின் 'நடிகன் குரல்' அரிய பொக்கிஷப்பதிவு மிக மிக அருமை. அதில் எம்.ஜி.ஆர். அவர்களின் கட்டுரை மிகச்சிறப்பு. ரொம்ப ரொம்ப நன்றி.

ராகவேந்தர் சார்,
அன்னை இல்லத்திலும், சாந்தி வளாகத்திலும் நடைபெற்ற நடிகர்திலகம் நினைவு அஞ்சலி நிழற்படங்களுக்கு மிக்க நன்றி.

முரளி சார்,
சென்னை, மதுரை, திருச்சி நகரங்களில் நடைபெற்ற நடிகர்திலகம் நினைவுநாள் நிகழ்ச்சித் தொகுப்பு மிக விரிவாக அமைந்திருந்தது. தமிழகமெங்கும் நடிகர்திலகத்தின் திரைக்காவியங்கள் திரையீடு பற்றிய தொடர்ந்த 'அப்-டேட்'களுக்கு ரொம்ப நன்றி.

சந்திரசேகர் சார்,
தங்கள் தலைமையிலான சமூகநலப் பேரவையின் சார்பில் நடைபெற்ற அஞ்சலி நிகழ்ச்சிகளுக்கும் அவை பற்றிய செய்தித்தாள் தொகுப்புகளைப் பகிர்ந்து கொண்டமைக்கும் மிக்க நன்றி.

நெய்வேலி வாசுதேவன் சார்,
நடிகர்திலகத்தின் நினைவுநாள் பதிவாக தங்களின் உணர்வு பூர்வமான வார்த்தைகள் மனதை நெகிழ வைத்தன. தெய்வமகன் பதிவு மிக மிக அருமை. காட்சியை நேரில் பார்ப்பது போலிருந்தது.

மறைந்த மஞ்சுளா அவர்களுக்கு அஞ்சலி செலுத்தும் விதமாக தாங்கள் அளித்திருந்த பதிவுகளும் பாடல் காட்சிகளும் மனத்தைக் கனக்க வைத்தன. தங்கள் உணர்வுகளை உணர முடிந்தது. எங்களுக்கும் அதே மனநிலை. இதுகுறித்த என் அடுத்த பதிவு தங்களுக்காக...

மறக்க முடியாத "மஞ்சுளா"

முதலில் மஞ்சுளா பற்றிய இப்பதிவை நடிகர்திலகத்தின் திரியில் பதித்தமைக்காக பொறுத்துக்கொள்ள வேண்டுகிறேன். மஞ்சுளாவுக்கு தனித்திரி இல்லையென்பதாலும், நான் இத்திரியில்தான் அதிகம் உலவுபவன் என்பதாலும், மஞ்சுளா மீது அதிகப் பற்றும் பாசமும் கொண்ட அன்புச்சகோதரர் வாசுதேவன் அவர்களுக்குப் பிடித்த பதிவாக இருக்குமென்ற நம்பிக்கையாலும் இங்கு பதிக்கிறேன். நான் அதிகம் நேரில் சந்தித்த அதாவது நேரில் பார்த்த நட்சத்திரம் மஞ்சுளா ஒருவராகத்தான் இருக்கும் என்று நினைக்கிறேன். ஐந்தாறு முறை இருக்கும். அவற்றில் ஒன்றிரண்டு முறை தவிர மற்றவையெல்லாம் தற்செயலாக அமைந்தவையே. எல்லா சந்திப்புகளும் 1977 முதல் 81 வரை மட்டுமே.

மஞ்சுளாவை முதலில் பார்த்தது 'சங்கர் சலீம் சைமன்' படப்பிடிப்பின்போது. அப்படத்தில் வரும் 'சிந்துநதிப் பூவே' பாடலின் காட்சிகளை ஏற்கெனவே வேறொரு கடற்கரையில் எடுத்துவிட்டு சில ‘பேட்ச்-அப்’ காட்சிகளுக்காக சென்னை எலியட்ஸ் பீச்சில் எடுப்பதாக கேள்விப்பட்டு நண்பர்கள் ஐந்தாறு பேர் புறப்பட்டுப் போனோம். காலை 10 மணி என்பதாலும், படப்பிடிப்பு நடப்பது பலருக்கு தெரியாததாலும் அவ்வளவாக கூட்டம் இல்லை. ரஜினிகாந்த், விஜயகுமார், ஜெய்கணேஷ், லதா, மஞ்சுளா, முஸ்லிம் பெண்ணாக (சலீம் ஜெய்கணேஷ் ஜோடியாக) நடிக்கும் இன்னொரு நடிகை, மற்றும் நடன பயிற்சியளிக்கும் குழுவினர், மற்றும் படப்பிடிப்புக்குழுவினர் இவர்களுடன் ஒருசில பார்வையாளர்கள் மட்டுமே. அப்போது நட்சத்திரங்களுக்கு 'காரவன் பந்தா' எல்லாம் கிடையாது என்பதால் ஷுட் செய்யப்படும் நட்சத்திரங்கள் தவிர மற்றவர்கள் அங்கு போடப்பட்டிருந்த ஷாமியானா பந்தலின் கீழேயே நாற்காலிகள் போட்டு அமர்ந்திருந்தனர். ரஜினிகாந்த் மட்டும் தனது காட்சிகள் இல்லாத நேரங்களில் தனது ஏ.சி. காரில் அமர்ந்திருந்தார். அப்போதுதான் மஞ்சுளா, லதா ஆகியோரை மிக அருகில் பார்க்க முடிந்தது மட்டுமல்ல அவர்களோடு உரையாடவும் முடிந்தது. இருவருமே பந்தா எதுவுமில்லாமல் மிக சரளமாக பேசினார்கள். அப்போது கண்ணாடியில் பார்த்து மேக்-அப் டச் பண்ணிக்கொண்டிருந்த ஜெய்கணேஷ் எங்களைப்பார்த்து, "ஏன்பா, பொம்பளைங்களை மட்டும்தான் கண்டுப்பீங்களா, எங்களையெல்லாம் பார்க்க மாட்டிங்களா?" என்று கேட்க அதற்கு மஞ்சுளாவே பதிலளித்தார். "பெண் ரசிகைகள் வந்தா உங்களைத்தானே மொய்க்கிறாங்க. எங்களைக் கண்டுக்கிறாங்களா? ஏன் இப்படி பொறாமையில வேகுறீங்க?" என்று கேட்க ஜெய்கணேஷ் வாயை மூடிக்கொண்டார். அவரவர்கள் ஷாட் வரும்போது எழுந்துபோய்விட்டு மீண்டும் வந்து அமர்ந்ததும் மறுபடியும் பேசுவார்கள். சுமார் ஒன்றரை மணிக்கு லன்ச் பிரேக் என்று p.மாதவன் அறிவித்ததும் அனைவரும் அவரவர்கள் காரில் அருகில் இருந்த ரிசார்ட்டுக்குப்போக, நாங்கள் வீடுகளுக்குத் திரும்பி விட்டோம்.

மஞ்சுளாவை இரண்டாம் முறையாகப் பார்த்தது 'பைலட் பிரேம்நாத்' படத்தின் 100-வது நாள் விழாவன்று. (அந்த விழாவில் நானும் நண்பன் விஜியும் பட்டபாட்டை ஏற்கெனவே ஒரு பதிவில் சொல்லியிருக்கின்றேன்) . அப்படத்தில் மஞ்சுளா நடிக்காத போதிலும் கணவர் விஜயகுமாருடன் வந்திருந்தார். மிக மிக நெருக்கத்தில், கிட்டத்தட்ட உரசுகிற மாதிரி சென்றபோது, நான் 'ஹலோ மேடம்' என்றதும் சிரித்துக்கொண்டே 'ஹலோ' என்றவாறு கடந்து சென்றார். வேறெதுவும் பேச வாய்ப்பில்லை.

மூன்றாவது முறையாக மஞ்சுளாவை பார்த்தது சாந்தியில் "ரிஷிமூலம்" திரைப்படம் ஓடிக்கொண்டிருப்போது. பிற்பகல் மூன்றரை அல்லது நாலு மணியிருக்கும். சாந்தி வளாகத்தின் உள்ளே அமைந்திருந்த ‘சிண்டிகேட் பேங்க்’ வாசலருகே நாங்கள் ஐந்தாறு பேர் நின்று பேசிக்கொண்டிருந்தபோது, விஜயகுமாரின் பியட் கார் வாசலருகே வந்து நின்றது. (எந்தக்கூட்டத்திலும் கண்டுபிடிக்கக்கூடிய வித்தியாசமான பிஸ்கட்கலர் கார் அவருடையது). டிரைவர் சீட்டிலிருந்து விஜயகுமாரும், மறுபக்கம் மஞ்சுளாவும் காரிலிருந்து இறங்கியதும் அருகில் நெருங்கிச்சென்றோம். நாங்கள் ஐந்தாறு பேர்மட்டுமே என்பதால் விஜயகுமார் எல்லோரிடமும் கைகொடுத்தார். (சாந்தி ரசிகர்கள் என்றாலே கலைஞர்கள் மத்தியில் ஒரு கரிசனம் உண்டு). அப்போதிருந்த விஜயகுமாரின் தோற்றமே வேறு. அழகான சுருள் சுருளான தலைமுடியும் சிரித்த முகமுமாக இருப்பார். 'பேங்கில் ஒரு வேலையாக வந்திருக்கோம்' என்று அவராகவே தெரிவித்தார். மஞ்சுளாவை பார்த்து 'ஹலோ மேடம்' என்றதும் பதிலுக்கு எல்லோருக்கும் 'ஹலோ' சொன்னவர் என்னை அடையாளம் கண்டுகொண்டு 'ஹலோ நீங்களா' என்றார். எனக்கு ஆச்சரியம். என்னடா இது, இதுக்கு முன்னால் இரண்டு தடவை பார்த்திருக்காங்க. இவ்வளவு ஞாபகசகதியா என்று வியந்தேன். அதற்குள் இருவரும் பேங்கினுள் சென்றுவிட்டனர். 'என்னடா, மேடம் உன்னைமட்டும் தனியா விசாரிக்கிறாங்க' என்று நண்பர்கள் கிண்டலடித்தனர். சுமார் ஐந்து மணிக்கு அவர்கள் வெளியே வந்தபோது, கூட்டம் அதிகமிருந்ததால் யாரிடமும் எதுவும் பேசாமல் காரில் ஏறிச்சென்று விட்டனர்.

நான்காவது முறை மஞ்சுளாவை சந்திக்க நேர்ந்தது சென்னை திருவள்ளுவர் மத்திய பேருந்து நிலையத்தில். சென்னை ஹைகோர்ட் அருகிலிருந்த புறநகர் பேருந்து நிலையத்தில் (இப்போது அந்தப்பேருந்து நிலையம் கோயம்பேடு போய்விட்டது) உறவினர் ஒருவரை திருச்சி செல்லும் பேருந்தில் வழியனுப்ப நான் சென்றிருந்தபோது, எதிர்பாராத விதமாக விஜயகுமாரின் கார் உள்ளே நுழைந்தது. அதிலிருந்து விஜயகுமார், மஞ்சுளா, இன்னொரு நடுத்தர வயதுக்காரர் மூவரும் இறங்கினர். (அவரை வழியனுப்பத்தான் இருவரும் வந்திருப்பார்கள் போல). இவர்கள் மூவரையும் கூட்டத்தினர் கூடி நின்று வேடிக்கை பார்க்கத் துவங்கினர். அவர்களது டிரைவர் கார் டிக்கியைத்திறந்து லக்கேஜ்களை எடுத்துச்சென்றார். அவர் எந்த பஸ்ஸில் ஏற்றுகிறார் என்று நான் கவனித்தபோது, தஞ்சாவூர் செல்லும் வண்டியில் ஏற்றுவதைப் பார்த்ததும், எப்படியும் அவர்களும் பஸ்ஸில் ஏறுவார்கள் என்று எண்ணி முன்கூட்டியே தஞ்சாவூர் பஸ்ஸில் ஏறி உட்கார்ந்து கொண்டேன். நினைத்தபடியே அந்த உறவினருடன் இவர்களும் பஸ்ஸில் ஏற, அவர்களைத்தொடர்ந்து ஏற முயன்ற ரசிகர்களை கண்டக்டர் தடுத்து வாசலில் நின்றுகொண்டார். (கார்த்திக், நீ கில்லாடிடா). விஜயகுமார் சீட் நம்பரைப்பார்த்து அவரது உறவினரை உட்கார வைக்க, நான் வழக்கம்போல மேடம் அருகில் நின்று 'ஹலோ மேடம்' என்றேன். பதிலுக்கு 'ஹலோ' என்றவர், 'எங்கே, தஞ்சாவூருக்கா?' என்றார். 'நான் போகவில்லை, மேடம், நண்பரை வழியனுப்ப வந்தேன்' என்றேன். ‘அப்படியா’ என்று கேட்டுக்கொண்டு அவரது உறவினரிடம் பேசத்தொடங்கினார். அவர் மூச்சுக்காற்று என்மீது படக்கூடிய நெருக்கத்தில் நிற்க, அவர் பேசியபோது மது அருந்தியிருக்கிறார் என்று தெரிந்து கொண்டேன். (நான் மது அருந்தும் பழக்கம் இல்லாதவன், இன்றுவரை. அதனால் அது என்ன வகை என்று தெரியவில்லை. பின்னாளில் என் நண்பன் ஒருவன் வாயில் இதே வாடை வந்தபோது மேடம் நினைவு வரவே, அது என்ன வகைஎன்று கேட்க 'ஸ்காட்ச் விஸ்கி' என்று சொன்னான்). நட்சத்திர வாழ்க்கையில் இதெல்லாம் சகஜம் என்று நினைத்துக்கொண்டேன். அவர்கள் இறங்கும்வரை கூடவே நின்றுவிட்டு அவர்களோடு நானும் இறங்கினேன். தமாஷ் என்னவென்றால், நான் வழியனுப்ப வந்திருந்த நண்பர் ஏறிய பஸ் ஏற்கெனவே போய்விட்டிருந்தது. நண்பரை எப்போதும் பார்த்துக்கொள்ளலாம். மஞ்சுளா மேடத்தைப் பார்க்க முடியுமா?. இதென்ன இவரை மட்டும் அடிக்கடி பார்க்கிற வாய்ப்பு கிடைக்கிறது என்று எண்ணி வியந்திருக்க, அந்த ஐந்தாவது சந்திப்பு நிகழ்ந்தது.

சென்னை தி.நகர் பனகல் பார்க்கிலிருந்து நந்தனம் நோக்கிப்போகும் வெங்கட நாராயணா சாலையில் டாக்டர் சி.ஜி.ரெங்கபாஷ்யம் அவர்களின் ஸ்ரீ ரமணா சர்ஜிகல் கிளினிக்கில் என் மாமாவுக்கு ஹெரனியா ஆப்பரேஷன் நடந்திருந்தபோது நான்தான் உடனிருந்து கவனித்து வந்தேன். அது ஆறு பெட்கள் கொண்ட ஹால். ஒவ்வொரு பெட்டுக்கும் இடையே ஸ்கிரீன் தடுப்புதான். அப்படி ஒருநாள் மாமாவின் பெட்டருகே உட்கார்ந்திருந்தபோது, பக்கத்தில் பெட்டில் ஆபரேஷன் செய்துகொண்டவரைப் பார்க்க ஒரு சினிமா ஸ்டார் வருவதாக வார்ட்-பாய் பரபரத்தார். (ரெங்கபாஷ்யம் பல நட்சத்திரங்களுக்கு குடும்ப டாக்டர் என்பதால் அடிக்கடி நட்சத்திரங்கள் வருவார்கள்). யார் அந்த நட்சத்திரம் என்று யோசித்துக் கொண்டிருந்தபோது வந்து நுழைந்தவர் சட்சாத் மஞ்சுளா மேடம்தான். எனக்கு ஆச்சரியம். என்னடா இது எந்த நட்சத்திரத்தையும் நான் இத்தனை தடவை பார்த்ததில்லையே. இவங்களைப் பார்க்கும் வாய்ப்பு மட்டும் அடிக்கடி, அதுவும் முயற்சிக்காமல் தானாக அமைகிறதே என்று அதிசயித்தேன். இம்முறை விஜயகுமார் வரவில்லை. தனியாக வந்திருந்தார். உடலைக்கவ்விடிக்கும் டைட் பேண்ட் மற்றும் டி ஷர்ட் அணிந்து வந்திருந்தார். என்ன இந்த உடையில் வந்திருக்கிறார் என்று நினைத்தபோது, அவரே அதற்கு விடை சொல்வதுபோல தான் பார்க்க வந்திருந்த பேஷன்ட்டிடம் சொன்னார். "ஷூட்டிங்கிலிருந்து நேராக இங்கேயே வந்துட்டேன் அங்கிள்" என்று சொன்னவர் தொடர்ந்து அவரை நலம் விசாரித்துக்கொண்டிருந்தார். கூடை நிறைய ஆப்பிள் பழங்களை டிரைவர் கொடுவந்து வைத்தார். வெளியிலிருந்த யாரும் வந்து தொந்தரவு செய்யாமல் இருக்க வார்ட்-பாய் கதவை மூடி விட்டார்.

வைத்த கண் வாங்காமல் நான் மஞ்சுளா மேடத்தைப் பார்த்துக்கொண்டிருக்க, யதார்த்தமாக எங்கள் பக்கம் அவர் திரும்பியபோது, வழக்கம்போல 'ஹலோ மேடம்' என்று விஷ் பண்ணினேன். சட்டென்று நினைவு வந்தவராக "ஹலோ, நீங்களா? நீங்க எப்படி இங்கே" என்று கேட்க விவரம் சொன்னேன். உடனே கூடையிலிருந்து இரண்டு பெரிய ஆப்பிள்களை எடுத்து என் மாமாவிடம் கொடுத்தவர் "சீக்கிரம் குணமாயிடுவீங்க, ஆல் தி பெஸ்ட்" என்று கை குலுக்கினார். கொஞ்சமும் தாமதிக்காமல் நானும் கையை நீட்ட என்கையையும் பிடித்துக் குலுக்கினார். எனக்கு உடம்பு ஜிவ்வென்று பறப்பது போல இருந்தது. அதிலிருந்து மீளவே சிறிது நேரம் ஆயிற்று. இதற்கிடையே அவரது அங்கிளுடன் பேசிவிட்டு மஞ்சுளா புறப்பட்டார்.

அவர் புறப்பட்டுப்போனதும் மாமா "என்னடா மஞ்சுளா கிட்டே உனக்கு இவ்வளவு செல்வாக்கா? எப்படிடா?" என்று அதிசயித்தார். 'இல்லை மாமா, நாலைந்துமுறை அவங்களை சந்தித்திருக்கிறேன். அதை அவ்வளவு ஞாபகம் வச்சிருக்காங்க' என்று சொன்னேன். அப்போ எனக்கு 21 வயது இருக்கும். இரவு வெகுநேரம் வரையில் தூக்கமில்லை. தூங்கியபின்னும் என்னென்னவோ கனவுகள். இவை நடக்கும்போது அவர் ஏற்கெனவே நடிகர்திலகத்துடன் நடித்து முடித்து விட்டார். 'நெஞ்சங்கள்' மட்டுமே அப்புறம் வந்தது.

'சங்கர் சலீம் சைமன்' படப்பிடிப்பின் சந்திப்பைத்தவிர மற்ற சந்திப்புகளில் ஒருசில வார்த்தைப் பரிமாற்றங்கள் மட்டுமே. இத்தனை தடவை சந்தித்தேனே தவிர, அவருடன் ஒரு போட்டோ எடுத்துக்கொள்ள வேண்டுமென்றோ, போன் நம்பரைக்கேட்டு வாங்க வேண்டுமென்றோ, வீட்டுக்கு வந்து சந்திக்க விரும்புவது பற்றியோ, குறைந்த பட்சம் அவரிடம் ஒரு ஆட்டோகிராப் வாங்க வேண்டுமென்றோ தோன்றவில்லையே என்று பின்னர் வருந்தியிருக்கிறேன்.

1984-ல் வேலை கிடைத்தது. அவ்வளவுதான் சென்னையின் அத்தனை தொடர்புகளும் துண்டிக்கப்பட்டு ஹொசூரில் தூக்கி எறியப்பட்டேன். பின்னர் அண்டை மாநில வாசம். இன்றுவரை என் சென்னையோடு ஒன்ற முடியவில்லை.

நேற்று முன்தினம் மஞ்சுளா மேடத்தின் மறைவுச்செய்தி அறிந்தது முதல் இந்த நினைவுகளே என் உள்ளத்தில் ஓடிக்கொண்டிருக்கின்றன....

டியர் கார்த்திக் சார்,

சிவாஜி சமூகநலப்பேரவையின் பணிகளுக்கு - தங்களின் நெஞ்சம் நிறைந்த பாராட்டுக்கு நன்றி.

தங்களின் மஞ்சுளா நினைவுகள் - பல வருடங்களானாலும் நிகழ்வுகளைக் கோர்வையாக, சிறப்பாக சொல்லியிருக்கிறீர்கள். அருமை.

டியர் வாசுதேவன் சார்,

மஞ்சுளாவின் மறைவிற்கு, பாடல்களைப் பதிவிட்டு சிறப்பான அஞ்சலியை செலுத்தியுள்ளீர்கள்.

Tamilsudar

http://i1234.photobucket.com/albums/...ps862f1f07.jpg

Dinakaran

http://i1234.photobucket.com/albums/...ps323d9f2d.jpg

Dinamani

http://i1234.photobucket.com/albums/...ps946db6d3.jpg

Quote:

---

Originally Posted by kcshekar

tamilsudar

http://i1234.photobucket.com/albums/...ps862f1f07.jpg

dinakaran

http://i1234.photobucket.com/albums/...ps323d9f2d.jpg

dinamani

http://i1234.photobucket.com/albums/...ps946db6d3.jpg

---

sivaji peravai doing commandable job as usual.
Kudos to kc sir and his team.

வாசு சார்,

ஒரு சிறிய இடைவேளைக்கு பிறகு உங்கள் உணர்ச்சிகரமான மீள் வரவு! ஆரூர்தாஸ் கூட இந்தளவிற்கு உணர்வுப்பூர்வமாக அந்தக் காட்சியை அணுகியிருப்பாரா என்பது சந்தேகமே! தெய்வ மகன் என்றாலே நானும் சாரதி அவர்களும் நெகிழ்ந்து விடுவோம்! இது போல் உணர்ச்சியலைகள் சுழன்றடிக்க சங்கரையும் கண்ணனையும் நீங்கள் வர்ணிக்கும் போது மனக் கண்ணில் மீண்டும் மீண்டும் அம்மூவரும் [விஜய் included] களிநடனம் புரிகிறார்கள்! இது போன்ற படைப்புகள் உங்கள் keyboard-லிருந்து வந்துக் கொண்டேயிருக்கட்டும்.

மஞ்சுளாவின் மறைவு உங்களை எப்படி பாதித்திருக்கிறது எனபதை உங்கள் அஞ்சலி பதிவுகள் எடுத்துக் காட்டுகின்றன.

அன்புடன்

கார்த்திக்,

மஞ்சுளாவை சந்தித்தேன் என்பதையே ஒரு தொடர் கட்டுரைக்குரிய சுவையுடன் அந்த ஐந்து சந்திப்புகளையும் நீங்கள் விவரித்திருந்த விதம் உங்களால மட்டுமே முடியக் கூடிய ஒன்று. எழுதுவதையே ஒரு நல்ல ரசனையாக பார்க்க கூடியவர்களுக்கு மட்டுமே இந்த சரளமான நடை கைவரும்!

நடிகர் திலகத்தின் படங்களின் மறு வெளியீடுகள் குறித்து நீங்கள் அளித்த பாராட்டிற்கு நன்றி!. நாளை வெள்ளி முதல் கோவை ராயல் திரையரங்கில் உங்களுக்கு மிகவும் பிடித்த என்னை போல் ஒருவன் வெளியாகிறது.

தம்பி ராகுல் ராம் முன்னரே இதை பதிந்திருக்கிறார். இருப்பினும் இந்த செய்தியை நீங்களும் பதியுங்கள் என்று தகவல் தந்த கோவை திரு ரமேஷ் பாபு அவர்களுக்கு நன்றி

அன்புடன்

டியர் கார்த்திக்
மஞ்சுளா அவர்களை தாங்கள் சந்தித்தது பற்றிய நினைவுகளை அவர்களுக்கு அஞ்சலி செலுத்தும் விதமாக மீண்டும் இங்கே நம்முடன் நினைவு கூர்ந்தது மட்டுமின்றி அதனை மிகவும் உணர்ச்சிகரமாக எழுதியுள்ளது, தங்கள் நினைவாற்றலை நன்கு புலப்படுகிறது மட்டுமின்றி அவருக்கு சிறந்த அஞ்சலியாகவும் அமைந்துள்ளது.

திருச்சி மாவட்ட சிவாஜி மக்கள் நல இயக்கம் சார்பில் வெளியிடப் பட்டுள்ள நடிகர் திலகம் நினைவாஞ்சலி போஸ்டரின் நிழற்படம்

http://i1146.photobucket.com/albums/...ps303e6945.jpg

Pasamalar Release & Trailer Function - Times of India Ad 26.7.2013

http://epaper.timesofindia.com/Repos.../Ad0320601.png

டியர் கார்த்திக் சார்,

மஞ்சுளா அவர்களின் நினைவுகளை மறக்க முடியாமல் மனம் ஆறுதலடையாமல் தவித்துக் கொண்டே இருக்கும் வேளையில் எனக்காக தாங்கள் மிக்க சிரமம் எடுத்து மஞ்சுளா அவர்களுடனான தங்கள் அனுபவங்களை மிக அழகாகத் தொடுத்து அந்த அழகுச் சிலைக்கு சிறப்பாக அஞ்சலி செலுத்தி விட்டீர்கள். என் மனதையும் நெகிழ வைத்து விட்டீர்கள். என்னையுமறியாமல் தங்கள் பதிவைப் பார்த்து என் கண்கள் கலங்கியபடியேதான் இருக்கின்றன. மஞ்சுளாவுடனான தங்கள் சந்திப்புகள் எதிர்பாராதவை என்றாலும் சுவாரஸ்யமானவை. எனக்கு சற்று பொறாமையாகவே இருந்தது. நான் இருமுறை நம் இதய தெய்வத்தின் பிறந்த நாளன்று அன்னை இல்லத்தில் மஞ்சுளா அவர்களை சந்தித்திருக்கிறேன். ஆனால் பேசியதில்லை. தன்னை வரவேற்ற இளையதிலகத்தின் கன்னங்களில் அவர் பாசத்துடன் முத்தமிட்டது நன்றாக நினைவிருக்கிறது.

தாங்கள் மஞ்சுளாவிற்கென்று தனித் திரி இல்லாததால் இங்கு மஞ்சுளா அவர்களைப் பற்றி பதிவிட நேர்ந்ததாய் குறிப்பிட்டிருந்தீர்கள். இதற்கு எதற்கு சார் சங்கடம்? நம் நடிகர் திலகத்துடன் நடித்த அற்புதக் கலைஞரல்லவா அவர்! அவரைப் பற்றி எழுத இதை விட சிறந்த இடம் எ(ஏ)து?

நடிகைகளின் அந்தரங்க வாழ்க்கைகள் பற்றி நம் எல்லோருக்கும் தெரியும். அது அவர்களுடைய பெர்சனல். அது பற்றி நாம் கவலைப்படத் தேவையில்லை. திரையுலகில் அவர்களுடைய சிறப்பான பங்கு என்னவென்று அலச ஆராய நமக்கு உரிமை பிளஸ் தகுதிகள் இருக்கின்றன. தங்களுடைய உறவினர் மருத்துவமனையில் அனுமதிக்கப்பட்டிருந்த போது அங்கு வந்த மஞ்சுளா தற்செயலாக தங்களை சந்தித்து அளவளாவி பின் பழங்களை தங்கள் உறவினருக்குத் தந்து விரைவில் நலம் பெற வேண்டும் என்று கூறியது என் கண்களை பனிக்க வைத்தது. எத்தனை பேருக்கு இந்த மனது வரும்? அதுவும் திரையுலக ஜாம்பவான்கள் அனைவருடனும் நடித்து கொடி கட்டிப் பறந்த நடிகை. எவ்வளவோ பந்தா பண்ணலாம். ஆனால் மஞ்சுளாவைப் பொருத்தவரை அப்படி எதுவும் செய்யத் தெரியாத குழந்தை உள்ளம் படைத்தவர்.

விஜயகுமாரின் இரண்டாவது மனைவி ஸ்தானத்தில் இருந்தாலும் அவரின் முதல் மனைவி குடும்பத்துடன் மஞ்சுளா இணக்கமாகவே இருந்துள்ளார். அதே போல முதல் மனைவி பிள்ளைகளுடன் மிகுந்த பாசம் கொண்ட சித்தியாகவும் திகழ்ந்திருக்கிறார். எத்தனை வீட்டில் இது சாத்தியம்? அதுவும் ஒரு நடிகரின் குடும்பத்தில். மஞ்சுளாவின் பூத உடலைப் பார்த்து விஜயகுமாரின் முதல் மனைவியின் குழந்தைகள் பாசத்துடன் உண்மையாக கதறிய காட்சியே இதற்கு உதாரணம். ரஜனி, கவுண்டமணி, சினேகா, மனோரமா போன்றவர்கள் உணர்வுபூர்வமாக உண்மையாக வடித்த கண்ணீர் நம் கண்களைக் குளமாக்கியது. இறப்பிற்கு வந்திருந்த கூட்டமும் வியக்க வைத்தது. நல்லதோ கேட்டதோ கல்யாணம் பண்ணிக்கொண்ட முதல் மாதத்திலேயே விவாகரத்துக் கோரும் நட்சத்திர ஜோடிகளுக்கிடையே இத்தனை வருட காலம் பிரியாது மனம் ஒத்த தம்பதியராய் மஞ்சுளா விஜயகுமார் தம்பதிகள் வாழ்ந்து வந்தது பாராட்டத்தக்கது.

ஒருமுறை ஜெயா தொலைக்காட்சியின் தேன் கிண்ணம் நிகழ்ச்சியில் இந்த ஜோடி கலந்து கொண்டது. நிகழ்ச்சி தொகுப்பாளரின் கேள்விகளுக்கு அற்புதமாக குழந்தை போல மஞ்சுளா சிரித்தபடியே பதிலளித்தது மறக்க முடியாதது. அதில் ஒரு சுவையான நிகழ்ச்சி. தீபம் படத்தில் விஜயகுமாரும், சுஜாதா அவர்களும் பாடும் 'பூவிழி வாசலில்' பாடலைப் பற்றி பேச்சு வந்தது. அப்போது மஞ்சுளா தன் கணவரைப் பார்த்து "அருமையான பாட்டு... ஆனால் நீங்களும் சுஜாதாவும் டான்ஸில் சொதப்புவீர்கள்" என்று கலாய்த்தபடி மனதில் பட்டதை ஒளிவு மறைவு இல்லாமல் பளிச்'சென்று அவர் தெரிவித்த விதம் அருமை. உண்மைதானே! அற்புதமான அந்தப் பாடலில் விஜயகுமாரும், சுஜாதாவும் ஆடுவது சற்று சொதப்பலாகத்தான் இருக்கும்.

மறுபிறவி, அம்மன் அருள், டாக்டரம்மா, பூக்காரி, சங்கர் சலீம் சைமன், நீயா என்று பல படங்களை மஞ்சுளா அவர்களுக்காகவே பார்த்ததுண்டு.

கார்த்திக் சார்! தங்களின் அற்புதமான மஞ்சுளா அவர்களைப் பற்றிய பதிவிற்கு என் மனமார்ந்த நன்றி!

இறுதியாக ஒன்று. நீயா படத்தில் வரும் பாடல்தான் ஞாபகம் வருகிறது.

உனை எத்தனை முறை பார்த்தாலும் சலிப்பதில்லை
என் இருவிழியோ ஒரு கணமும் இமைப்பதில்லை.

உண்மை! மஞ்சுளாவை எத்தனை முறை பார்த்தாலும் சலிப்பதில்லை.

ஆழ்ந்த நினைவுகளுடன்
வாசுதேவன்.

இனிய நண்பர் வாசுதேவன் சார் / கார்த்திக் சார்

உங்கள் இருவரின் மஞ்சுளாவை பற்றிய பதிவுகள் மிகவும் நன்றாக இருந்தது .பல சுவாரசியமான நிகழ்வுகளையும்
விருப்பமான பாடல்களையும் தெரிவித்தமைக்கு நன்றி .

1970ல் ரிக்ஷாக்காரன் படத்திற்கு ஒப்பந்தம் செய்த நாள்
முதல் மிகவும் பரப்பரப்பாக பேசப்பட்டவர் .1970லே உசுவா படத்திற்க்கு வெளிநாடு சென்றவர் . 1971ல் ஒரே நேரத்தில்
நினைத்ததை முடிப்பவன் - இதயவீணை - நேற்று இன்று நாளை
மூன்று படங்களில் ஒப்பந்தமானார் .

ரிக்ஷாக்காரன் முதல் நினைத்தைமுடிப்பவன் வரை 5 படங்களில்
இடம் பெற்ற மக்கள் திலகம் - மஞ்சுளா காதல் பாடல்கள்

மிகவும் பிரபலமானவை .
மஞ்சுளாவின் திடீர் மறைவு -ரசிகர்களுக்கு ஒரு பேரிழப்பு .

Nadigarthilagam 12th year Anniversary - 21 July 2013 at Tirunelveli - Photos

http://i1234.photobucket.com/albums/...ps9d64674e.jpg
http://i1234.photobucket.com/albums/...ps1a8601b1.jpg
http://i1234.photobucket.com/albums/...ps2db9997e.jpg
http://i1234.photobucket.com/albums/...ps6670d0fb.jpg
http://i1234.photobucket.com/albums/...psccd4d296.jpg
http://i1234.photobucket.com/albums/...ps7e3e4f2c.jpg
http://i1234.photobucket.com/albums/...ps8c7d1f86.jpg
http://i1234.photobucket.com/albums/...ps4d33dfbc.jpg
http://i1234.photobucket.com/albums/...psd42ac8f1.jpg
http://i1234.photobucket.com/albums/...ps3d2fe705.jpg

Nadigarthilagam 12th year Anniversary - 21 July 2013 at Tirunelveli - News Coverage

http://i1234.photobucket.com/albums/...ps182f2a60.jpg
http://i1234.photobucket.com/albums/...ps51067f64.jpg
http://i1234.photobucket.com/albums/...psb64ec16d.jpg
http://i1234.photobucket.com/albums/...ps580e6f10.jpg
http://i1234.photobucket.com/albums/...ps55ec03a7.jpg

கோவை ராயல் தியேட்டரைக் கலக்க வந்திருக்கும் நடிகர் திலகத்தின் வெற்றிச் சித்திரம் என்னைப் போல் ஒருவன் போஸ்டர்களின் நிழற்படங்கள்

https://fbcdn-sphotos-e-a.akamaihd.n...99621888_n.jpg

https://fbcdn-sphotos-h-a.akamaihd.n...26653848_n.jpg

https://fbcdn-sphotos-c-a.akamaihd.n...33985521_n.jpg

நன்றி முகநூல் நண்பர் செந்தில்வேல் சிவராஜ்

27.07.2013 தேதியிட்ட இன்றைய டைம்ஸ் ஆ..ப் இந்தியா நாளிதழில் வெளிவந்துள்ள பாசமலர் திரைப்பட விளம்பரத்தின் நிழற்படம்

http://epaper.timesofindia.com/Repos.../Ad0340501.png

அபூர்வ நிழற்படம்

https://fbcdn-sphotos-g-a.akamaihd.n...82882812_n.jpg

உபயம் முகநூல் மூலமாக [https://www.facebook.com/photo.php?f...&type=1&ref=nf ]

தமிழ்த் தொலைக்காட்சிகளில் நடிகர் திலகத்தின் படங்கள் - ஒரு முன்னோட்டம்

ஜூலை 28 பாலிமர் டிவி – பிற்பகல் 2 மணி – சந்திப்பு

ஜூலை 29 – மெகா டிவி – நண்பகல் 12 மணி – சந்திப்பு

ஜூலை 29 – மெகா 24 – பகல் 1 மணி – எங்க மாமா

ஜூலை 31 – ஜீ தமிழ் - பகல் 2.30 மணி – அவன் தான் மனிதன்

ஆகஸ்ட் 1 . கலைஞர் டிவி – பகல் 1.30 மணி – இருவர் உள்ளம்

Vintage Heritage அமைப்பின் சார்பில் நடிகர் திலகத்தின் நினைவு நாளையொட்டி நாளை 28.07.2013 ஞாயிறு மாலை சென்னை மயிலை பி.எஸ். மேல்நிலைப் பள்ளியில் உள்ள விவேகானந்தர் கூடத்தில் திரும்பிப் பார் திரைப்படம் திரையிடப் படுகிறது. இது பற்றிய ஓர் அறிவிப்பு நிழற்படமாக இங்கே..

http://i1146.photobucket.com/albums/...psfecbd5fd.jpg

'மஞ்சுளா சந்திப்பு' பற்றிய பதிவுக்குப் பாராட்டு தெரிவித்த வாசுதேவன் சார், முரளி சீனிவாஸ் சார், ராகவேந்தர் சார், சந்திரசேகர் சார், வினோத் சார் ஆகியோருக்கு நன்றி...

திரைப்பட வட்டாரத்தில் 'ஏ' சென்டர்கள் என அழைக்கப்படும் சென்னை, மதுரை, திருச்சி, கோவை, சேலம் இவற்றையடுத்து

'பி' சென்டர்களில் ஒன்றான.........

"கும்பகோணம் (குடந்தை)" நகரில் 100 நாட்களைக் கடந்து ஓடி வெற்றியடைந்த நடிகர்திலகத்தின் படங்கள்.

பராசக்தி - டயமண்ட்
திருவிளையாடல் - டயமண்ட்
சவாலே சமாளி - நூர்மஹால்
வசந்த மாளிகை - ஜூபிடர்
தங்கப்பதக்கம் - கற்பகம்
அண்ணன் ஒரு கோயில் - செல்வம் (முன்பெயர் நூர்மஹால்)
திரிசூலம் - தேவி

மேற்கண்ட படங்கள செய்தித்தாள் விளம்பர ஆதாரங்களைக் கொண்டவை. வீரபாண்டிய கட்டபொம்மன், பாவமன்னிப்பு, முதல் மரியாதை படங்களுக்கு 100-வது நாள் விளம்பர ஆதாரங்கள் கிடைக்கவில்லை.

(தேவர் மகன், படையப்பா ஆகிய படங்களை 'சிலர்' நடிகர்திலகத்தின் படங்களாக ஏற்க மறுப்பதால் அவையும் சேர்க்கப்படவில்லை)

'பி'க்கும் 'சி'க்கும் இடைப்பட்ட சென்டரான “மாயவரம் (மயிலாடுதுறை)” நகரில் 100 நாட்களைக்கடந்து ஓடிய நடிகர்திலகத்தின் திரைக்காவியங்கள்..

பராசக்தி - கோமதி
வசந்த மாளிகை - அழகப்பா
திரிசூலம் – பியர்லஸ்

'பி' சென்டரான “தஞ்சாவூர் (தஞ்சை)” நகரில் 100 நாட்களுக்கு மேல் ஓடி வெற்றியடைந்த நடிகர்திலகத்தின் திரைக்காவியங்கள்...

பராசக்தி - யாகப்பா
திருவிளையாடல் - யாகப்பா
வசந்த மாளிகை - ஜூபிடர்
தங்கப்பதக்கம் - ராஜா கலையரங்கம்
அண்ணன் ஒரு கோயில் - அருள்
திரிசூலம் - அருள்
முதல் மரியாதை - கமலா (177 நாட்கள் வெள்ளி விழா)

வீரபாண்டிய கட்டபொம்மன், பாவமன்னிப்பு, படங்களுக்கு 100-வது நாள் விளம்பர ஆதாரங்கள் கிடைக்கவில்லை...

இன்னொரு 'பி' சென்டரான "திருநெல்வேலி (நெல்லை)" யில் 100 நாட்களைக்கடந்து வெற்றிநடை போட்ட, நடிகர்திலகத்தின் திரைக்காவியங்கள்....

பராசக்தி (விளம்பரத்தில் தியேட்டர் பெயர் தெளிவாக இல்லை)
பாகப்பிரிவினை - ரத்னா
திருவிளையாடல் - ரத்னா
சொர்க்கம் - பாப்புலர்
பட்டிக்காடா பட்டணமா - பார்வதி
எங்கள் தங்க ராஜா – பார்வதி
தங்கப்பதக்கம் - சென்ட்ரல்
தியாகம் - பார்வதி
திரிசூலம் – பூர்ணகலா

வீரபாண்டிய கட்டபொம்மன், பாவமன்னிப்பு, முதல் மரியாதை படங்களுக்கு 100-வது நாள் விளம்பர ஆதாரங்கள் கிடைக்கவில்லை. (வசந்த மாளிகை நெல்லையில் 100 நாட்களைத் தொடவில்லை என்பது இன்னொரு வியப்பு)

(தேவர் மகன் (சென்ட்ரல்), படிக்காதவன், படையப்பா படங்கள் சேர்க்கப்படவில்லை)...

Vidudhalai, Padikkadhavan, Padayappa, Once More, Devar Magan, Pudhiya Vaanam, .......movies like this are considered as movies that have had the prestigious and graceful presence of NT in other heroes' movies rather than NT movies. Though our beloved NT continued his acting duty till last breath these movies...the ardent fans are reluctant to accept as NT movies!

Quote:

---

Originally Posted by sivajisenthil

Vidudhalai, Padikkadhavan, Padayappa, Once More, Devar Magan, Pudhiya Vaanam, .......movies like this are considered as movies that have had the prestigious and graceful presence of NT in other heroes' movies rather than NT movies. Though our beloved NT continued his acting duty till last breath these movies...the ardent fans are reluctant to accept as NT movies!

---

We are always accepting the above movies as NT'S movies, when others are not accepting, kartik not included in the list, Am I right kartik.