நடிகர் திலகத்திற்கென்றே இவர்கள் வந்து வாய்ப்பார்களா....இவர்களின் வியாபார சண்டைக்கு அவருடைய படங்கள் தானா கிடைத்தது... அல்லது வேறு என்ன காரணம் ... ஒன்றும் புரியவில்லை... திடீரென்று இப்படி ஒரு காட்சிக்கு திருவிளையாடல் படத்தை திரையிட்டிருப்பது புரியாத புதிராய் உள்ளது...
அன்பு கார்த்திக் சார்,
நிஜமாகவேதான். அன்பு பம்மலார் சார் நேற்று இந்த அதிர்ச்சி தகவலை செல்லில் கூறியபோது என்னால் உங்களைப் போல நம்ப முடியவில்லை. நேற்றைய மாலைமுரசு சென்னை பதிப்பில் இந்த விளம்பரம் வந்திருப்பதாக பம்மலார் அவர்கள் கூறியதும் ஒரு நிமிடம் உறைந்தே போய் விட்டேன். நேற்றைய மாலை முரசு கிடைக்காததால் காலை 'தினத்தந்தி' வாங்கிப் பார்த்தபோது விளம்பரம் தந்திருந்தார்கள். என்ன கொடுமை சரவணன் சாரி கார்த்திக் சார் இது!
உட்லண்ட்ஸில் திரையிட்டிருப்பது உண்மைதானா..? (that too just a single show )
அல்லது விளம்பரமே விஷம(போலி)த்தனமானதா..?
ஒண்ணுமே புரியவில்லை.
வெளியீட்டாளர் சி.என்.பரமசிவன் என்று வேறு போடப்பட்டுள்ளது. அத்துடன் 'டிஜிட்டல் - சினிமாஸ்கோப்' என்று வேறு உள்ளது.
என்னதான் நடக்கிறது தெரியலையே.
அன்பு நண்பர்களே,
சென்னை ராயப்பேட்டை உட்லண்ட்ஸ் திரையரங்கில் திருவிளையாடல் திரைக்காவியம் தினசரி மாலைக் காட்சி மட்டும் திரையிடப் பட்டுள்ளது. திரையிடப் பட்ட காரணம், அல்லது சூழ்நிலை இதைப் பற்றியெல்லாம் நாம் மேற்கொண்டு விவாதிக்க வேண்டாம். ஆனால் படத்தை சிறிது நேரம் பார்த்து விட்டு வந்ததில் பிரமிப்பு அடங்கவில்லை என்பது உண்மை. கர்ணன் திரைப்படத்திற்கே நாம் அந்த அளவிற்கு லயித்தோம் என்றால் திருவிளையாடல் கிட்டத் தட்ட பல மடங்கு அதிக தரத்துடன் வெளிவந்துள்ளது மறுக்க முடியாத உண்மை. தெள்ளத் தெளிவான பிரதி, ஒவ்வொரு நுணுக்கமும் தெளிவான பிம்பங்கள், துல்லியமான அதே சமயம் ஒரிஜினல் இசையில் ஒரு துளி கூட மாற்றமில்லாத நேர்த்தியான ஒலியமைப்பு... இவையெல்லாம் சேர்ந்து இத்திரைக்காவியத்தின் மேன்மையைப் பல மடங்கு உயர்த்தியுள்ளன. இறைவன் அருளால் - சிவனின் அருளால் - சிவனான நடிகர் திலகத்தின் அருளால் பிரச்சினைகள் ஏதாவது இருந்தால் அவை தீர்க்கப் பட்டு பிரம்மாண்டமான முறையில் திரையிடப் படவேண்டும் என்று நாம் வேண்டுவோம்.
மிகச் சிறந்த அனுபவத்தைத் தரத் தயாராக உள்ளது திருவிளையாடல் டிஜிட்டல் வடிவம்.
நமக்காக ஒரு சில நிழற்படங்கள். இவை நம்முடைய ரசிப்புத் தன்மைக்காக மட்டுமே இங்கு தரப் படுகின்றன.
ரசிகர்கள் மாலையால் அலங்கரித்த பதாகை
http://i872.photobucket.com/albums/a...I/WOODTV01.jpg
திரையில் சில காட்சிகள்
http://i872.photobucket.com/albums/a...I/WOODTV02.jpg
http://i872.photobucket.com/albums/a...I/WOODTV04.jpg
http://i872.photobucket.com/albums/a...I/WOODTV03.jpg
அன்புடன்
ராகவேந்திரன்
I was literally taken by the Shock when i came to know thorough Mr.Gowrishankar, Murasu TV. He was passing by in his bike at around 630pm and he informed me of the screening at Woodlands and that too a mere 6:30PM.
A Film that was supposed to be released like KARNAN and that was supposed to beat the Karnan record, It was too pathetic to watch such a film of Thiruvilayadal Caliber getting killed by its own maker's son, Mr.Param.
He has substantiated it citing it as "taking advantage of legal situation for the film's case that is in the court already. All said and done, I am unable to understand Who would have given this Out of the Box Foolish Idea and even if at all, if the foolish idea was given, how come a person could release it. Do i call it an insane (or) just for the heck of it (or) something else...!
Anyway, Nammudaya Thalaivarukkendru Sila Tharudhalaigal ippadi vandhu, avar pugazhai avar maraindha pinbum thodarndhu seerazhiththukondu dhaan irukiraargal enbadhu mattum thinnam.
Oru Poakkuvarathu Vasadhi kooda illadha indha Woodlands theateril, Adhuvum Avamaanapaduthum Vagayil orey oru kaatchiyai mattum oatta kaaranam, thaiyarippalarin maganukku appadi enna pana mudayo theriyavillai..!
Ivar enna ezhavai vendumaanal seidhukondu poagattum ivarudaya peyar mattum irundhirundhaal...
AANAAL
Nammudaya Uyirin Gowravamum Allava idhil Adangiulladhu...
Aerkanavae...Verum Vaayai Mendru Kondu irupavargalukku, Indha Budhisaali, Avalayum Sarkarayum Serthu allava vaayil poattu koduthullan ?
Nadigar Thilagam irandha pinnarum Avarai Mudhugil Kuththa eppadi dhaan indha pullargalakku, Mayilukkum Mandhikkum Vidhyasam theriyaadha Madhivaanargalukku manadhu varugiradho !!!
Kalai Avadhaaramae ...Nee Thamizhagathil Pirandhadharkku Ippadi oru Dhandanaya unakku? Nee Maraindha Pinnarum Indha Maapaavigal unnai Padukolai seigiraargalae !
En Seivaen !! Tamizh Thaayae...Indha Pazhi Unakka ! Avarka ?
:smokesmile:
Glad to note from mr raghavendran that the moviie digital format and print is fantastic and also oli and other aspects well captured. we hope the contraversies will come to an end give right publicity like karnan better thy can give it to NIKIL and do something to make the picture another KARNAN OF 2012.
Thiruvilayadal is such a divine movie in the career of NT even a rung more than Karnan, to say by way of story line and the narration done excellently by APN to project NT's matured acting skills in the most enjoyable and entertaining way in this mythological movie. However, Karnan stood atop making the NT fans to move over to cloud 9 because a meticulous planning for its rerelease in a different format. It worked and created records tothe envy of yesteryear stars nd the current stars too establishing fact that NT always lives in the hearts and minds of movie fans and is immortal. Now, for Thiruvilayadal which was expected to re-create the magic, I humbly feel that a little bit of planning is lacking and this movie is not so cheap tobe released for a single show in one theatre. It is a magnum opus too, to be rereleased all over tamilnadu in line with Karnan standards. a bit of disappointment, sirs, APN family may reconsider.
அன்புள்ள பாரிஸ்ட்டர் சுப்பிரமணியம் மற்றும் நண்பர்களுக்கு...
நமது ராகவேந்தார் சார் அவர்களின் சூசகமான தகவல்களிலிருந்தும், 10-ம் பாகத்தில் நமது முரளி சார் அவர்களின் விளக்கத்திலிருந்தும், வழக்கின் காரணமாக வழக்கறிஞர்கள் ஆலோசனைப்படி தற்போது ஒரே ஒரு திரையரங்கில் ஒரு காட்சியாக வெளியிடப்பட்டுள்ளது தெரிகிறது. எனவே இது விஷயமாக நாம் இங்கே விவரமாக விவாதிக்க வேண்டாம்.
ஆனால் கூடிய விரைவில் தடைகள் நீங்கி, நல்ல விளம்பரங்களுடன், தமிழ்நாடு முழுவதும் நல்ல தரமான திரையரங்குகளில் கர்ணன் போல ஒரே நாளில் வெளியாகி சாதனை படைக்கும் நாளை விரைவில் எதிர்நோக்குவோம்.
படம் சினிமாஸ்கோப் அமைப்புடன், நல்ல தரமான ஒளி, ஒலி அமைப்புடன் அமைந்திருப்பதாக ராகவேந்தர் சார் அவர்கள் சொன்னதில் நம் அனைவருக்கும் திருப்தி. ஓட்டத்திலும் கர்ணனை முறியடிப்பதன் மூலம் 'முதல் வெளியீட்டிலும், மறு வெளியீட்டிலும் வெள்ளிவிழா கண்ட படம்' என்ற சாதனையைப் படைக்க வாழ்த்துக்கள்.
நகைச்சுவை நடிகர் 'லூஸ்' மோகன் அவர்களுக்கு கண்ணீர் அஞ்சலி.
http://i1087.photobucket.com/albums/...g?t=1347876623
நகைச்சுவை நடிப்பில் தனக்கென தனிப் பாணியை உருவாக்கி நம் எல்லோரையும் மகிழ்வித்த நகைச்சுவை நடிகர் திரு 'லூஸ்' மோகன் அவர்கள் நேற்று (16-09-2012) இறைவனடி சேர்ந்தார். நடிகர் திலகத்துடன் இணைந்தும் அவருடைய காவியங்களில் பணியாற்றியுள்ளார். அதில் ஒரு காவியமான 'சாதனை' திரைக்காவியத்தில் நடிகர் திலகமும், 'லூஸ்' மோகன் அவர்களும் இணைந்து நடித்த ஒரு உருக்கமான வீடியோக் காட்சி மூலம் அந்த ஒப்பற்ற கலைஞருக்கு அஞ்சலி செலுத்துவோம்.
http://www.youtube.com/watch?v=ng_Kp...yer_detailpage
டியர் வாசுதேவன் சார்,
சற்று இடைவெளிக்குப் பின் தங்களுடைய வருகை அனைவருக்கும் புத்துணர்வூட்டும் என்பதில் ஐயமில்லை. தாங்களும் பம்மலாரும் இணைந்து இத்திரியினை உயர உயர எடுத்துச் செல்கிறீர்கள். தங்களுக்கு என் உளமார்ந்த பாராட்டுக்கள்.
சில நாட்களுக்கு முன் தான் லூஸ் மோகன் அவர்களுடைய தந்தை நடித்த ஒரு காட்சியை நீல வானம் படத்தில் காண நேர்ந்தது. சாந்தி திரையரங்கில் ராஜஸ்ரீ மாடியில் முதல் வகுப்பில் டிக்கெட் கிழிக்கும் நடிகர் திலகத்தைப் பார்த்து திகைத்து நிற்கும் போது, பின்னால் குடும்பத்துடன் படத்துக்கு வந்த காட்சியில் லூஸ் ஆறுமுகம் அவர்கள் நடித்திருப்பார். சாந்தி திரையரங்க ஸ்டில்களுக்காக அதைப் பார்க்கும் போது எதேச்சையாக அவர் மகன் லூஸ் மோகன் சாதனை திரைப்டத்தில் நடித்த இக்காட்சி நினைவுக்கு வந்தது. நேற்று அவர் மறைந்த செய்தி, இன்று நாம் நினைத்த அதே காட்சியை இங்கு தாங்கள் பதிவேற்றியதைப் பார்க்கும் போது சிவாஜி ரசிகர்கள் ஒரே அலைவரிசையில் தான் சிந்திப்பார்கள் என்பதற்கு மற்றொரு சான்றாக அமைந்து விட்டது. துயரமான செய்தி என்பதால் பாராட்ட முடியவில்லை.
ஒரு நினைவூட்டலுக்காக லூஸ் ஆறுமுகம் தோன்றும் நீலவானம் காட்சியையும் இங்கே தாங்கள் பகிர்ந்து கொள்ள வேண்டுகிறேன்.
அன்புடன்
லூஸ் ஆறுமுகம் அவர்கள் நடிகராக மட்டுமின்றி நல்ல எழுத்தாளரும் கூட. பேசும் படம் பத்திரிகையில் தொடர்ந்து அவர் பெயரில் கட்டுரை இடம் பெறும். எழுத்தாளர் என்றாலும் அவர் சொல்ல சொல்ல கட்டுரையை ஆசிரியர் குழுவில் உள்ளவர்கள் எழுதி வந்ததாகவும் கேள்விப் பட்டிருக்கிறேன்.
மாற்றுக் கொள்கையுடையோர், அரசியல் சார்புடையோர், என வித்தியாசம் பாராமல், அனைவருடனும் பெருந்தன்மையுடன் நடிகர் திலகம் நடந்து கொண்டுள்ளார் என்பதற்கு மற்றோர் சான்று. ஸ்ரீ வித்யா நிறுவனம் சார்பில் ரவிச்சந்திரன் வழங்கி மோகன் காந்திராமன் அவர்கள் தயாரித்து இயக்கிய ஆனந்த பைரவி படத்தினை க்ளாப் அடித்து துவக்கி வைத்த நடிகர் திலகம் சிவாஜி கணேசனுக்கு நன்றி என அப்படத்தின் டைட்டில் கார்டில் வரும். அதன் நிழற்படம் இங்கே நம் பார்வைக்கு. அது மட்டுமின்றி இப்படத்தில் ரவிச்சந்திரன் அவர்களுக்கு வழங்கப் பட்டுள்ள அடைமொழியினைப் பாருங்கள்.
http://i1146.photobucket.com/albums/...ee/ABAIR02.jpg
http://i1146.photobucket.com/albums/...ee/ABAIR01.jpg
அன்புள்ள ராகவேந்தர் சார்,
தாங்கள் அளித்துள்ள டைட்டில் கார்டு பார்க்கும்போது, திரு. விஜயகாந்த் மூன்றாவது புரட்சிக்கலைஞர் போலிருக்கிறது. ஏனென்றால், நடிகர்திலகம் நடித்த கவரிமான் படத்தின் டைட்டிலில் நடிகர் விஜயகுமாருக்கும் 'புரட்சிக்கலைஞர்' என்று டைட்டில் போட்டிருப்பார்கள்.
'புரட்சிக்கலைஞர்' ரவிச்சந்திரன்
'புரட்சிக்கலைஞர்' விஜயகுமார்
'புரட்சிக்கலைஞர்' விஜயகாந்த்
இந்த வரிசையில் நிற்கும் அடுத்தவர் யாரோ..?
அன்புள்ள வாசுதேவன் சார்,
நகைச்சுவை நடிகர் லூஸ் மோகன் மறைவுக்கு நீங்கள் அளித்துள்ள அஞ்சலிப் பதிவு மனதைத் தொடுவதாக அமைந்துள்ளது. சென்னைத்தமிழில் பேசி தனக்கென ஒரு பாணியை வகுத்துக்கொண்டவர் லூஸ் மோகன். மிமிக்ரி ஆர்ட்டிஸ்டுகளுக்கு நல்ல தீனி போட்டவர்.
டியர் கார்த்திக் சார்,
நன்றி! ஒரு சிறு திருத்தம். 'புரட்சிக்கலைஞர்' விஜயகுமார் என்று டைட்டிலில் போட்டது 'கவரிமான்' காவியத்தில் அல்ல... 'பைலட் பிரேம்நாத்' காவியத்தில் என்பதை தாழ்மையுடன் தெரிவித்துக் கொள்கிறேன். டைட்டிலின் நிழற்படம் இதோ.
http://i1087.photobucket.com/albums/...00212720-2.jpg
"திருவிளையாடல்" திரைக்காவிய திடீர் மறுவெளியீட்டைப் பற்றி என்னத்த சொல்ல..,என்னத்த செய்ய....
'ஒண்ணுமே புரியல்லே உலகத்திலே
என்னமோ நடக்குது மர்மமாய் இருக்குது'
நமது தலைவரின் "பராசக்தி" பாடல் இந்தத் தருணங்களில் நெஞ்சில் நிழலாடிக் கொண்டே இருக்கிறது..!
'நெஞ்சு பொறுக்குதில்லையே....நெஞ்சு பொறுக்குதில்லையே'
http://www.youtube.com/watch?v=JgUOy...feature=relmfu
15.9.2012 தேதியிட்ட 'மாலை முரசு' நாளிதழில் வெளியான விளம்பரம்:
http://i1110.photobucket.com/albums/...GEDC6637-1.jpg
இனி விவாதிக்க வேண்டாம் என்றாலும் மனசு கேட்கவில்லை..அதனால் தான் பதித்தேன்..!
இந்த நிலையிலும், "திருவிளையாடல்" டிஜிட்டல் வடிவம் மிகச் சிறப்பாக வந்துள்ளதாக கிடைத்துள்ள தகவல் ஒரு தேனான செய்தி..!
சம்பந்தப்பட்டவர்கள் மிகுந்த சிரத்தையோடு - இதுபோன்ற அபத்தங்களை தவிர்த்து - நிதானமாக எந்தவொரு சிக்கலுமில்லாமல் சிறந்த முறையில் உலகமெங்கும் வெளியிட ஏற்பாடுகளை மேற்கொள்ள வேண்டும். இதுவே நமது பிரார்த்தனை. முதல் வெளியீட்டில் வெள்ளிவிழாக் கொண்டாடிய இக்காவியம் வருகின்ற டிஜிட்டல் மறுவெளியீட்டிலும் நிச்சயம் வெள்ளிவிழாக் கொண்டாடும்.
அன்பு நண்பர்கள் அனைவருக்கும் குறிப்பாக வழக்கம் போல் உணர்ச்சி வசப்பட்டு வார்த்தைகளை கொட்டியிருக்கும் சுப்புவிற்கும் நான் சொல்வது என்னவென்றால் திருவிளையாடல் படத்தைப் பொறுத்தவரை அனைத்தும் நல்லபடியாக நடக்கும் என நம்பிக்கை கொள்வோம். கடந்த எட்டு வருடங்களாக நமது மய்யத்தில் இயங்கி வரும் நடிகர் திலகத்தின் திரியில் அமங்கலமான சொற்களை நாம் உபயோகிப்பதே இல்லை. எப்போதும் நமது வார்த்தைகளில் கனிவு பணிவு மற்றும் நாகரீகம் நிறைந்திருக்கும். அந்த மாற்றை குறைப்பது போல் உள்ள வார்த்தைகளை பயன்படுத்துவதை தவிர்க்கலாமே.
நாம் யார் பக்கமும் சேர வேண்டாம். நமக்கு நமது படத்தின் வெற்றி பாதிக்கப்பட்டு விடக்கூடாது எனபதே எண்ணம். இதை அனைவரும் புரிந்துக் கொள்ளும் அதே நேரத்தில் ஒன்றை நாம் சிந்திக்க வேண்டும். படத்தை மெருக்கேற்றுவதற்காக மிகுந்த பொருட்செலவை முதலீடு செய்திருக்கும் பரமசிவன் அவர்களுக்கு இந்தப் படம் வெற்றி பெற வேண்டும் என்பதில் அக்கறை இல்லை என்று சொல்வதில் ஏதாவது லாஜிக் இருக்கிறதா என்று யோசித்தால் உண்மை புரியும்.
ஆங்கிலத்தில் ஒரு பழமொழி சொல்வார்கள். ஒருவரின் மனநிலையை நாம் அவர்கள் கண்ணோட்டத்தில் பார்க்க வேண்டும் என்பதற்கு we have to put ourselves in their shoes என்பார்கள். இது அனைவருக்கும் பொருந்தும். ஆக நல்லதையே நினைப்போம். நல்லதே நடக்கும்.
யாரும் தீமை செய்தாலும் நீங்கள் நன்மை செய்யுங்கள்
யாரும் பொய்யை சொன்னாலும் நீங்கள் மெய்யை சொல்லுங்கள்
அன்புடன்
பகுத்தறிவுப் பகலவனுடன் கலையுலகக் கதிரவன்
http://i1110.photobucket.com/albums/...Periyar1-1.jpg
17.9.2012 : தந்தை பெரியார் அவர்களின் 134வது பிறந்ததினம்.
பம்மல் ஆர். சுவாமிநாதன்.
டியர் mr_karthik,
தங்களுடைய அன்பான பாராட்டுதல்களுக்கு எனது கனிவான நன்றிகள்..!
தாங்கள் பதித்துள்ள சென்னை 'சாந்தி' திரையரங்கம் குறித்த தங்களின் மலரும் நினைவுகள் பதிவு அருமையோ அருமை..!
நமது தலைவரைப் பொறுத்தமட்டில், அரசியலில் அவர் இருந்தவரை, கொள்கைச்சிங்கமாகவே வாழ்ந்தார். நேர்மை, தூய்மை, நாணயம், கொண்ட கொள்கையில் உடும்புப்பிடி, கொடுத்த வாக்கை எப்பேர்ப்பட்ட சூழ்நிலையிலும் காப்பாற்றுதல், இன்னும் இதுபோன்ற அவரது எத்தனையோ சிறப்பியல்புகளினால் பெருந்தலைவருக்குப் பிறகு அப்பழுக்கற்ற அரசியல்வாதி என்று புகழப்பட்டார். இன்றும் புகழப்படுகிறார். என்றென்றும் இதே உச்சநிலையில் வைக்கப்பட்டு மக்களால் போற்றப்படுவார். அது ஒன்றுபோதும் நமக்கு..!
அன்புடன்,
பம்மலார்.
டியர் பம்மலார் , கார்த்திக் சார், ராகவேந்திரன் சார், வாசுதேவன் சார், முரளி சார் மற்றும் திருவிளையாடல் திரைப்படம் குறித்து பகிர்ந்துகொண்ட மற்றும் என்னைபோன்ற அனைத்து ரசிகர்களின் உணர்வும் ஒன்றுதான்.
ஆனால் ஒன்று, நடிகர்திலகம் அவர்களைப் பொறுத்தவரை, அவர் பராசக்தியில் அறிமுகமானதிலிருந்தே அவருடைய திரையுலக வாழ்க்கையில் பல்வேறு போராட்டங்களைக் கடந்திருக்கிறார். ஆனால் இறுதி வெற்றி நடிகர்த்திலகத்திற்கே கிடைத்திருக்கிறது என்பதுதான் உண்மை.
திருவிளையாடல் திரைப்பட மறு வெளியீட்டைப் பொருத்தவரையிலும் அதே நிலைதான் வரும். வெற்றி பெறும், வெற்றி பெறுவோம் .
Had the pleasure of watching NADIGARTHILAGAM in QUBE FORMAT.Quote:
Originally Posted by KCSHEKAR
the picture has come very nicely with out any damage to the original format. the quality of picture and sound dts exceptionally good.
watching nadigarthilagam in cinemascope really an immense pleasure.
hope and pray for an early settlement between the parties and GALA
OPENING all over the state soon.
அன்பு பம்மலார் சார்,
பட்டை கிளப்பிக்கொண்டிருக்கும் தங்கள் பதிவுகளுக்கு நன்றிகளும், பாராட்டுக்களும் தெரிவிக்க சற்று காலதாமதமானதற்கு பொறுத்தருள வேண்டுகிறேன். நேரமின்மையும், சற்று சொந்த வேலைகளும் இருந்ததால்தான் இந்த காலதாமதம். இனி தங்களின் தங்கப் பதிவுகளுக்கு வருகிறேன்.
செக்கிழுத்த செம்மல் வ.உ.சிதம்பரனார் அவர்களின் 141வது அவதாரத் திருநாளை முன்னிட்டு தாங்கள் பதித்திருந்த கப்பலோட்டிய தமிழரின் புகைப்படம், முன்னாள் ஜனாதிபதி டாக்டர் சர்வபள்ளி ராதாகிருஷ்ணன் அவர்களின் 125வது பிறந்ததினம் மற்றும் ஆசிரியர் தினத்தை முன்னிட்டு அளித்திருந்த அட்டகாசமான தலைவரும், திரு.ராதாகிருஷ்ணன் அவர்களும் ஒன்று சேர்ந்து மிளிரும் புகைப்படம், திரைக்காவிய மறு வெளியீட்டு விளம்பரங்கள் வரிசையில் கப்பலோட்டிய தமிழன்' காவிய செய்தித்தாள் விளம்பரங்கள், 'பாவ மன்னிப்பு' முதல் வெளியீட்டு மற்றும் 'இன்று முதல்' விளம்பரங்கள், "துணிவே துணை" பேசும்படம் இதழில் வெளிவந்த 'தயான்' நிழற்படம் அனைத்தும் அப்படியே உள்ளத்தை அள்ளிக்கொண்டு போகின்றன.
நடிகர் திலகம் பற்றி நடிகர் நாசர் 'சினிமா எக்ஸ்பிரஸ்' இதழில் அளித்திருந்த பேட்டியை அசுர வேகத்தில் பதிவிட்டு அசத்தியுள்ளீர்கள். நடிகர் திலகத்தினுடனான நாசரின் நடிப்பு அனுபவங்கள் கற்கண்டாக இனித்தது. இனி அடுத்து வரும் இதழிலும் வரக்கூடிய நாசரின் பேட்டியை தங்கள் பதிவின் மூலம் காண ஆவல் மேலிடுகிறது.
தலைவரின் திகிலான வேட்டை அனுபவம் குறித்து 'ஹண்ட்டர்' சிவாஜி என்ற அம்சமான தலைப்பிட்டு, 'மாலைமுரசு' இதழில் மறுபதிப்பாக வெளிவந்த மிரள வைக்கும் கட்டுரையை பதிப்பித்து திகிலூட்டி விட்டீர்கள். மணியனின் 'இதயம் பேசுகிறது' இதழில் தலைவரின் நெருங்கிய நண்பர் திரு.'வேட்டைக்காரன்புதூர்' மாணிக்கம் அவர்கள் 'வனத்தில் கண்ட சில வசந்தங்கள்' என்ற தொடரில் தலைவரின் அட்டகாசமான வேட்டை அனுபவங்களை அருமையாக வர்ணித்திருப்பார். எனக்கு தங்கள் பதிவைக் கண்டதும் அந்தத் தொடர் சட்டென்று என் ஞாபகத்திற்கு வந்து நெஞ்சில் நிழலாடியது. அதற்காக தங்களுக்கு என் அருமை நன்றிகள்.
தயாரிப்பாளர் குற்றாலிங்கம் அவர்கள் உறங்கி வழிந்ததை அவருக்குத் தெரியாமலே படமெடுத்து பின் அதை அவருக்கே போட்டுக்காட்டி வெறுப்பேற்றிய தலைவரின் நகைச்சுவை உணர்வை என்ன சொல்ல! அருமையான நகைச்சுவைக் கட்டுரையை 'தினமலர்' வாரமலரிலிருந்து எடுத்துவைத்து போற்றிப் பாதுகாத்து பதித்ததற்கு சபாஷ்!
நாடக சாம்ராட் பற்றி திரு.'கலாநிகேதன்' பாலு அவர்கள் பொம்மை இதழில் அளித்திருந்த கட்டுரை நமது நடிப்புச் சக்கரவர்த்தியின் தன்னிகரற்ற நாடக ஈடுபாடுகளை பெருமையாக எடுத்துரைக்கிறது. ரொம்ப ரொம்ப நான் ரசித்த கட்டுரை.
'மன்னவன் வந்தானடி' தினமணி கதிர் விமர்சனம் நன்று.
'சத்யம்' காவியத்தின் 'பேசும் படம்' ஸ்டில்கள் அசத்தலோ அசத்தல். நான்கு பக்கங்களும் கலக்கல். அதுவும் முதல் பக்கத்தில் தலைவர் (சற்று அதிர்ச்சி கலந்தவாறு) தனியாக இருக்கும் போஸ் இன்ப அதிர்ச்சி.
'பூ முகம்' என்ற அபூர்வ இதழிலிருந்து தாங்கள் பதித்திருக்கும் தலைவரின் கருத்து ஆஹா. நடிப்பிலிருந்து விலகுவதில்லை என்று ஆணித்தரமாக தலைவர் தெரிவித்திருக்கும் கருத்து சும்மா நெத்தியடி.
அமரகவி பாரதியாரின் 91வது நினைவு தினத்தையொட்டி தேசிய திலகம் நடத்திய தேசிய கவியின் விழா பற்றிய 'ஆனந்த விகடன்' பதிவு மிக அபூர்வமான ஒன்று. பாரதியின் மேல்தான் தலைவருக்கு எவ்வளவு பற்று! வேறு எந்த நடிகர்களாவது இப்படி ஒரு விழா தேசியக் கவிக்கு எடுத்ததுண்டா? அதே போல் "சிந்துநதியின் மிசை நிலவினிலே" காணொளிப் பாடல் பதிவுக்கேற்ற அம்சமான பொருத்தம்.
கலையுலக சக்கரவர்த்தி குறித்து இயக்குனர் சிகரம் கே. பாலசந்தர் தெரிவித்திருந்த கருத்துக்கள் அருமையோ அருமை. வியட்நாம் வீடு நாடகத்தைப் பற்றி அவர் சிலாகித்துப் பேட்டி அளித்திருந்தது அவர் ஒரு நல்ல கலைஞர், ரசிகர் என்று அடையாளம் காட்டுகிறது.
தினத்தந்தி 'குடும்பமலர்' இதழின் 'செவாலியே' விருது விழா கன ஜோர்.
'பிலிமாலயா' இதழின் வைரத்திற்கு பொன் அலங்காரம் புகழாரக் கட்டுரை நமது திரிக்கு பொன் அலங்காரமாய் ஜொலிக்கிறது.
தேசிய திலகம் பற்றி முன்னாள் மத்திய அமைச்சர் திரு. ஈ.வி.கே.எஸ். இளங்கோவன் 'துக்ளக்' இதழில் அளித்துள்ள பேட்டி கலக்கல்.
பேரறிஞர் அண்ணா அவர்களின் 104வது பிறந்ததினம் முன்னிட்டு உலகப் பெரு நடிகரும்,பேரறிஞரும் ஒன்று சேர்ந்து நிற்கும் புகைப்படம் சூப்பரோ சூப்பர்.
அண்ணா அவர்கள் தலைமை தாங்கும் "வீரபாண்டிய கட்டபொம்மன்" நாடக விளம்பரம் இதுவரை எவரும் இணையத்தில் காணாதது.
இதய தெய்வம் குறித்த அறிஞர் அண்ணாவின் புகழுரை அட்டகாசம். தலைவரின் மேல் மாசுமருவற்ற அன்பை திரு. அண்ணாதுரை இறுதிவரை வைத்திருந்தார் என்பதற்கு இக்கட்டுரை ஒரு சான்று. தன் சொந்த முயற்சியினாலும், உழைப்பினாலும்தான் நடிகர் திலகம் இமாலயப் புகழ் பெற முடிந்தது என்று அண்ணா குறிப்பிட்டிருப்பது நூறு சதவிகிதம் நிஜம்.
தந்தை பெரியார் அவர்களின் 134வது பிறந்ததினத்தையொட்டி பகுத்தறிவுப் பகலவரும், படிக்காத மேதையும் அமர்ந்துள்ள புகைப்படம் பக்கா.
எவருமே அளிக்க முடியாத ஆவணப் பொக்கிஷங்களை அள்ளி வழங்கி சந்தோஷக் கடலில் எங்களை சதாசர்வகாலமும் நீந்த வைத்துக் கொண்டிருக்கும் தங்கள் அருந்தொண்டிற்கு எப்படி நன்றி நவில்வது என்றுதான் புரியவில்லை.
டியர் ராகவேந்திரன் சார்,
பிளாசா தியேட்டர் பொன்னூஞ்சல் பேனர் நிழற்படம், பிளாசா திரையரங்கினுள் வைக்கப் பட்டிருந்த பொன்னூஞ்சல் பட போஸ்டர், பொன் வண்டு பேனர், செவாலியே சிவாஜி நினைவுப் பரிசைப் பெற இருக்கும் வித்தகர்கள் யார் யார் என்ற தேனான விவரங்கள், நீலவானம் காவியத்தில் இடம் பெரும் சாந்தி திரையரங்கு நிழற்படங்கள், ஒவ்வொரு நிழற்படத்திற்கும் அருமையான விளக்க வரிகள், தமிழ்த் தொலைக்காட்சிகளில் வரும் வாரத்தில் திரையிடப்படப்போகும் பழைய திரைப்படங்கள் லிஸ்ட் விவரங்கள், (எனக்கு மிக மிக யூஸ் ஆகக்கூடியது) உட்லண்ட்ஸ் திரையரங்கில் திருவிளையாடல் திரைக்காவிய பேனர், திரைக்காட்சிகள், திருவிளையாடல் டிஜிட்டல் அற்புதம் என்ற தித்திக்கும் செய்தி, 'ஆனந்த பைரவி படத்தினை க்ளாப் அடித்து துவக்கி வைத்த நடிகர் திலகம் சிவாஜி கணேசனுக்கு நன்றி' என்ற டைட்டில் கார்டு காட்சி, புரட்சிக்கலைஞர் முன்னமேயே யார் என்ற கண்டுபிடிப்பு என்று ஜமாய்த்து விட்டீர்கள். அற்புதமான பதிவுகளை அளித்து ஆனந்தப் பட வைத்ததற்கு என் நெஞ்சார்ந்த நன்றிகள்.
அன்பு கார்த்திக் சார்,
பிளாசா திரையரங்கு பற்றிய பழைய நினைவுகளை அற்புதமாகப் படம் பிடித்துக் காட்டியுள்ளீர்கள். நான் கடலூரைச் சேர்ந்ததால் எனக்கு சென்னை தியேட்டர்கள் அவ்வளவாகப் பரிச்சயமில்லை. ஆனால் சென்னை தியேட்டர்களைப் பற்றிய தங்களின் மலரும் நினைவுகளைக் காணும் போது அந்த மனக்குறை அறவே நீங்கி விடுகிறது.
பழைய தமிழ் திரைப்படங்களில் எந்தெந்த காட்சிகளில் தலைவர் படங்களின் பேனர்கள் வரும் என்று பிட்டு பிட்டு வைத்து விட்ட தங்கள் ஞாபக சக்திக்கு ஒரு இமாலய சபாஷ்!
வேலைப்பளுவின் காரணமாக 'திரும்பிப் பார்க்கிறேன்' ஜெயா தொலைக்காட்சி நிகழ்ச்சியில் பாலச்சந்தரின் பேட்டியைப் பார்க்க முடியவில்லை. இருப்பினும் என்ன? நீங்கள் தான் இருக்கிறீகளே! தங்கள் பதிவின் விவரங்கள் மூலம் அந்த பேட்டியப் பார்க்க வில்லையே என்ற மனக்குறையும் நீங்கியது. தலைவரைப் பற்றிய நினைவுகளை மறந்து விடாமல் பேட்டியில் பாலச்சந்தர் சொல்லியிருப்பதற்கு நம் திரியின் சார்பாக அவருக்கு நன்றி தெரிவித்துக் கொள்வோம்.
அருமையான தங்கள் நினைவுப் பதிவுகளுக்கும், இதர பதிவுகளுக்கும் என் மனம் மகிழ்ந்த நன்றிகளைத் தெரிவித்துக் கொள்கிறேன்.
டியர் சந்திரசேகரன் சார்,
சிவாஜியை வழிபடும் நடிகர் 'ராணி' இதழ் கட்டுரை பிரமாதம். அற்புதமான கட்டுரை. தலைவரை தெய்வமாய்க் கொண்டாடும் நடிகர் சாய்குமார் அவர்கள். சிறப்பான கட்டுரையை பதிப்பித்ததற்கு நன்றிகள்.
தாங்கள் கூறியுள்ளது போல மலை போன்ற சோதனைகளை சமாளித்து வெற்றி கண்டு சாதனை படைத்தவர் நம் இதய தெய்வம். ஜெயம் நம்ம பக்கம்தான்.
அன்பு பம்மலார் சார்,
என்னுடையப் பதிவுகளுக்கான தங்களின் மனம் நிறைந்த பாராட்டுதல்களுக்கு மலையளவு நன்றிகள் சொல்லக் கடமைப்பட்டவனாகிறேன். நன்றி! நன்றி 1
நடிகர் திலகம் திரியின் பத்தாவது பாகத்தில் 'உயர்ந்த மனிதன்' காவியத்தை உயர்ந்த ரசனையோடு உரிய ஆய்வு செய்து அனைவரையும் உவகையுறச் செய்த என் அன்பு க(வ)ம்பருக்கு மனம் நிறைந்த என் பாராட்டுக்கள்.
ராஜுவின் இருபதாவது திருமண நாள் விழாவின் போது கோபால் குடித்துவிட்டு தனி அறையில் ராஜுவை வார்த்தை அம்புகளால் துளைக்கையில் ராஜு தான் ஒரு சுமைதாங்கி என்று தனக்கு ஏற்பட்ட சுமைகளை ஒவ்வொன்றாக அடுக்கி விவரித்து முடித்து, "கோபால், நான் என் சந்தோஷத்துக்காக வாழ்ந்த சில நாட்கள் பார்வதியோடு வாழ்ந்த அந்த சில நாட்கள்...அந்தநாள்" என்று சொல்லிக் கொண்டிருக்கும் போதே தற்செயலாக வேலைக்காரன் சத்யா எதிர்பாராமல் அறைக்குள் நுழைந்துவிட, அதை சற்றும் எதிர்பார்க்காத ராஜுவான நடிகர் திலகம் கோபாலான அசோகன் தோளில் போட்டிருந்த கையை சடாலென எடுத்து, டக்கென்று திரும்பி, அசோகனிடமிருந்து விலகி சற்றே தூர நின்று "சார் விருந்தாளிங்க எல்லாம் உங்களுக்காகக் காத்துகிட்டு இருக்காங்க "என்று சொல்லும் சத்யாவிடம் (சிவக்குமார்) "நாங்க வர்றோம்... நீ போ" என்று அனுப்பி வைக்க எத்தனிக்கும் அந்தக் காட்சி... எத்தனை அர்த்தங்கள் பொதிந்தது?
தன் நண்பனிடம் பேசிக்கொண்டிருக்கும் ரகசிய விஷயங்களின் சம்பாஷணைகளின் போது சத்யா நுழைகையில் தங்கள் இருவரைத்தவிர வேறு எந்த ஒருவருக்கும் தன்னுடைய ரகசியங்கள் தெரிந்து விடக் கூடாது என்று நினைக்கும் அவசர முன்னெச்சரிக்கை வேகம், வேலைக்காரனுக்கு தெரிந்து விட்டால் அவனிடமான தன்னுடைய மதிப்பு குறைந்துவிடக் கூடாதே என்ற முன்ஜாக்கிரதை உணர்வு... எங்களுக்கும் ஒன்றுமே நடக்க வில்லை என்பது போல ஒரு பொய் மாயையை சடுதி வினாடியில் முகத்தில் மட்டுமல்லாமல் ஒட்டுமொத்த உடல் மொழி வழியாகவும் சத்யாவுக்கு மட்டுமல்ல... நமக்கும் காண்பித்தல்...
http://i1087.photobucket.com/albums/...art%20-2/u.jpg
என்று அந்த ஒரு வினாடி காட்சியில் ஒரு கோடி யுகத்திற்கும் மறக்க முடியாத பாவனையை நம் நெஞ்சில் பதிய வைத்துப் போய் விட்டார் அந்தப் புண்ணியவான் .
ஒரு சிறு சந்தேகம். கோபால் என்றாலே நண்பர்களை நிம்மதியாக வாழவிட மாட்டாமல் அன்புத் தொல்லை கொடுப்பார்களோ! நான் ராஜுவின் நண்பன் கோபாலைச் சொன்னேன்.
அன்புள்ள வாசுதேவன் சார்,
இங்கு பதிவிட்ட எல்லோருக்கும் பாராட்டு சொல்லும் வகையில் தாங்கள் அளித்த பதிவு, கடந்த ஐந்தாறு பக்கங்களில் வந்துள்ள அனைத்துப்பதிவுகளின் பட்டியல்போல, பொருளடக்கம்போல அமைந்து விட்டது. யாருடைய எந்த ஒரு சிறிய பதிவையும் விடாமல் குறிப்பிட்டிருக்கிறீர்கள் எனும்போது எவ்வளவு ஆழ்ந்து இவற்றைப் படித்துள்ளீர்கள் என்பது தெரிகிறது.
கோபால் மற்றவர்களை வாழ விடவில்லை என்பதை விட, கோபாலை மற்றவர்கள் வாழ விடவில்லை என்பதே உண்மை. ஒருபக்கம், தம்பிக்காகப் பார்த்த பெண்ணை தான் அடைவதற்காக சொந்த அண்ணனே மொட்டைக்கடிதம் எழுதி தம்பி கோபாலின் வாழ்க்கையைக்கெடுத்தார். இன்னொருபக்கம் மலேசிய பெண்போலீஸ் அதிகாரி, போலியாக காதல் நாடகம் ஆடி கோபாலைக்கவிழ்த்தார். இருப்பினும் கோபால் தளராமல், தான் தமிழனாக இருந்தும் தன் மகளை ஒரு தெலுங்கு நாயுடு குடும்பத்திலும், மகனை பஞ்சாப் சீக்கியர் குடும்பத்திலும் சம்பந்தம் செய்து இந்திய நாடு என் வீடு என்று நிரூபித்தாரே, அங்கேதான் கோபால் நிற்கிறார்.
அன்புள்ள எஸ்.கோபால் அவர்களே,
உயர்ந்த மனிதனைப்பற்றி மிக உயர்ந்த நிலையில் ஆய்வு செய்ததற்கு பிடியுங்கள் முதலில் பாராட்டை.
நான் 'இங்கே' எழுதுவதைப் படித்துவிட்டு நீங்கள் 'அங்கே' பாராட்டுவதும், நீங்கள் 'அங்கே' எழுதுவதைப் படித்துவிட்டு நான் 'இங்கே' பாராட்டுவதும் நமக்குள் நடக்கும் கண்ணாமூச்சி.
சும்மா அலசோ அலசென்று அலசித்தள்ளிவிட்டீர்கள். இதுவரையில் உயர்ந்த மனிதனின் 'உயர்ந்த மனிதனை' எத்தனையோ முறை பலர் பார்த்திருந்தபோதிலும் இனி பார்க்கும்போது ஒரு புதிய கண்ணோட்டத்தில் பார்க்கத்துவங்குவர் என்பது திண்ணம். காரணம் உங்களின் அருமையான அலசல்.
எனக்கு மிகப்பெரிய ஆச்சரியம், ஏ.வி.எம்.சரவணன் தொலைக்காட்சி நேரகணலின்போது சொன்னது, பலருக்கும் கூட ஆச்சரியமாக இருக்கலாம். படத்துக்கு ஒப்பந்தம் ஆவதற்குமுன் வங்கப்படத்தின் இக்கதையைக்கேட்ட நடிகர்திலகம் 'இந்த ரோலில் நான் செய்வதற்கு என்ன ஸ்கோப் இருக்கிறது?. வேண்டுமானால் அந்த டாக்டர் ரோலைக்கொடுங்கள் செய்கிறேன்' என்று சொன்னாராம். இந்த ரோலில் என்ன ஸ்கோப் இருக்கிறது என்று கேட்டவர்தான், அதே ரோலில் இப்படி 'நடிப்பு ராஜாங்கம்' நடத்தியிருக்கிறார். அதனால்தான் இவர் நடிப்புக்கு நாயகன்.
நடிகர் திரு ஏ.ஆர்.எஸ். அவர்கள் மிகச்சரியாகச்சொன்னது போல மற்றவர்களின் படங்கள் வெறும் படங்கள், இவரது படங்கள் மட்டுமே நடிக்க வருபவர்களுக்கான பாடங்கள். இவரது எந்தப்படத்தில் குதித்தாலும் முத்தோடுதான் வெளியில் வர முடியும். அது உங்களைப்போல, பிரபுராம் அவர்களைப்போல, முரளி சீனிவாஸ் அவர்களைப்போல முத்துக்குளிப்பாளர்களின் திறமையைப் பொறுத்தது. சிலர் வெறும் சிப்பிகளைப்பொறுக்கிக்கொண்டு வந்துவிட்டு ஒன்றுமில்லை என்று சொல்வது திறமைக்குறைவே தவிர வேறில்லை.
மெல்லிசை மன்னர் எம்.எஸ்.வி. அவர்கள் தனியே வந்தபின் இசைவெள்ளம் பாய்ச்சிய படங்களில் இதுவே சிறந்தது என்ற உங்களின் கூற்றை ஒப்ப என் மனம் மறுக்கிறது. சிறந்த படங்களில் இதுவும் ஒன்று என்பதே சரியாக இருக்கும். என் கண்ணோட்டத்தில் அவர் எவரெஸ்ட்டின் உச்சியில் ஏறி நின்றுகொண்டு அதற்கு மேல் உச்சம் எங்கே என்று தேடியது சிவந்த மண் படத்தில்தான் என்று நினைக்கிறேன்.
'அந்த நாள் ஞாபகம்' பாடலில் தானும் நடித்துக்கொண்டு, தன் கையிலிருந்த வாக்கிங் ஸ்டிக்கையும் எப்படி பல்வேறு விதமாக நடிக்க வைத்தார் என்று நீங்கள் விளக்கிய விதம் மிகவும் அருமை. 'யார் அந்த நிலவு' பாடலில் தன் கையிலிருந்த சிகரெட்டை மட்டுமல்லாது அதிலிருந்து வெளியான புகையையும் நடிக்க வைத்தவராயிற்றே.
ஆய்வு மன்னரின் அடுத்த படம் என்ன என்று ஏங்க வைத்துவிட்டீர்கள்.
(உங்கள் அனுமதியில்லாமல், உங்கள் ஆய்வுக்கட்டுரையை என் கணிணியில் சேமித்துக்கொண்டேன். 'அப்புறம் அனுமதி வாங்கிக்கொள்ளலாம்' என்ற அசட்டை பத்து சதவீதம். 'அட, நம்ம கோபால்சார்கிட்டே அனுமதியாவது ஒண்ணாவது' என்ற உரிமை தொன்னூறு சதவீதம்)
அந்த நாள் ஞாபகம் நெஞ்சிலே வந்ததே.... (கோபால் என்ற) நண்பனே.. நண்பனே... நண்பனே...
அனைவருக்கும் இனிய விநாயகர் சதுர்த்தி திருநாள் நல்வாழ்த்துக்கள்.
http://www.onsecrethunt.com/wallpape...thi-Images.jpg
http://i1087.photobucket.com/albums/...g?t=1348018877
விநாயகர்சதுர்த்தி சிறப்பு வீடியோ பாடல்.
ஆனை முகனே! ஆதி முதலானவனே!
பானை வயிற்றோனே! பக்தர்களைக் காப்பவனே!
மோனைப் பொருளே! மூத்தவனே!
கணேசா! கணேசா!
http://www.youtube.com/watch?feature=player_detailpage&v=juVSazxOH8c
நடிகர் திலகத்தின் நாயகிகள்.(ஒரு விஷுவல் தொடர்)
(தொடர்-8)
நடிகர் திலகத்தின் நாயகிகள் (8) 'லலிதா '
http://sphotos-d.ak.fbcdn.net/hphoto...49803050_n.jpg
திருவிதாங்கூர் சகோதரிகள் ( பத்மினி, லலிதா, ராகினி) (Thanks Haystack)
http://haystack.colby-sawyer.edu/arc...8174779c42.jpg
'ஆசிய ஜோதி' திரு ஜவஹர்லால் நேருவுடன் லலிதா மற்றும் பத்மினி
https://lh6.googleusercontent.com/-a...52520Nehru.jpg
'தூக்குத் தூக்கி ' தமிழ்த் திரைக்காவியத்தில் நடிகர் திலகத்துடன் லலிதா
http://i1087.photobucket.com/albums/...psf4a251f0.jpg
'உலகம் பலவிதம்' தமிழ்த் திரைக்காவியத்தில் நடிகர் திலகத்துடன் லலிதா (மிக அபூர்வ நிழற்படம்)
http://i1087.photobucket.com/albums/...ps60a11dc1.jpg
திருவிதாங்கூர் சகோதரிகள் (லலிதா, பத்மினி, ராகினி) என்றழைக்கப்பட்ட மூவரில் மூத்தவர். கொள்ளை அழகு கொண்டவர். நடிகர் திலகத்துடன் தூக்குத் தூக்கியில் மனைவியாக ஜோடி சேர்ந்தார். கண்களால் பேசுவது இவருக்கு கைவந்த கலை. அறிஞர் அண்ணாவின் 'ஓர் இரவு' இவரை உச்சத்தில் நிறுத்தியது. 'கணவனே கண் கண்ட தெய்வம்' திரைப்படத்தில் ஜெமினியை மயக்க விக்கிக்கொண்டே இவர் பாடும் "உன்னைக் கண் தேடுதே" பாடல் உலகப் பிரசித்தம்.
'உலகம் பலவிதம்' நகைச்சுவைக் காவியத்திலும் நடிகர் திலகத்தின் நாயகியாய் வலம் வந்தவர். கதகளி , பரதம் முதலியவற்றில் முறையான தேர்ச்சி பெற்று நிறைய படங்களில் நாட்டியக் காட்சிகளில் சோபித்தவர். நடிகர் திலகத்திற்கு பொருத்தமான ஜோடியாய் இருந்தாலும் அதிகப் படங்களில் ஜோடி சேர்ந்ததில்லை. எனக்கென்னவோ லலிதா பத்மினியை விட அழகில் ஒருபடி தூக்கலாய் இருப்பது போலத் தோன்றும். ஆர்ப்பாட்டமில்லாத அமைதியான நடிப்பை இவரிடம் காணலாம். தூக்குத் தூக்கியில் கணவனுக்கு துரோகம் செய்யும் பாத்திரத்தை உறுத்தாமல் செய்திருப்பார். நடிகர் திலகமும், லலிதாவும் இணைந்த டூயட் பாடலான "கண்வழி புகுந்து கருத்தினில் கலந்த மின்னொளியே ஏன் மௌனம்?"அம்சத்திலும் அம்சம். 'உலகம் பலவிதம்' காவியத்தில் வரும் நடிகர் திலகம், லலிதாவின் அற்புத டூயட்டான "ஆசைக்கனவே நீ வா...வா..வா...அழகுச் சிலையே நீ வா".... பாடல் மனத்தைக் கொள்ளை கொண்டு போகும்.
நடிகர் திலகமும்,லலிதா அவர்களும் இணைந்து கலக்கும் 'தூக்கு தூக்கி' காவியத்தின் அற்புத டூயட் பாடல்... (வீடியோ)
"கண்வழி புகுந்து கருத்தினில் கலந்த மின்னொளியே ஏன் மௌனம்?"...
http://www.youtube.com/watch?v=eyu9T...yer_detailpage
'உலகம் பலவிதம்' காவியத்தில் லலிதா பங்கு பெறும் 'உலகம் பலவிதம் ஐயா' பாடல் வீடியோ.
http://www.youtube.com/watch?v=HovhV...yer_detailpage
A special cover was released on 01 Oct 2008 on 80th Birthday of Dr Sivaji Ganesan at Chennai. It is specially dedicated to the Travancore sisters Lalitha, Padmini and Ragini who were born in Thiruvanthapuram in what was the erstwhile Princely state of Travancore. The Three sisters were leading actresses of Indian Cinema and acted in a large number of films and worked with leading actors like 'Nadigar Thilagam 'Sivaji Ganesan , MGR, Raj Kapoor ,Prem Nazir, Rajkumar etc.
http://www.indianstampghar.com/wp-co...008/10/121.jpg
(ஜோடிகள் தொடரும்)
அன்புடன்,
வாசுதேவன்.
டியர் வாசுதேவன் சார்,
back with a bang - ஆங்கிலத்தில் கூறப்படும் இந்த மொழிக்கு உதாரணம் தங்களுடைய பதிவுகள். பம்மலாருக்கும் அநைத்து நண்பர்களுக்கும் ஒவ்வொரு பதிவிற்கும் அலசி ஆராய்ந்து பதில் சொல்லும் விதம், தங்களுக்கே உரிய பாணியில் மொழியில் அதை சொன்னது எல்லாமே பாராட்டுக்குரியவை. விநாயகர் சதுர்த்தி வாழ்த்து அட்டகாசம் அதிலும் குறிப்பாக பாகப் பிரிவினை பாடலை பதிவிட்டு தூள் கிளப்பி விட்டீர்களென்றால், லலிதாவைப் பற்றிய குறிப்புகளுக்கு என்ன சொல்ல... உலகம் பல விதம் படத்தில் நடிகர் திலகத்திற்கும் லலிதாவிற்கும் இன்னொரு டூயட் உள்ளது. துரதிர்ஷ்டவசமாக தற்போது வெளிவந்திருக்கும் நெடுந்தகடு பாதி படம் அளவிற்குத் தான் உள்ளது. நடிகர் திலகமும் காக்கா ராதாகிருஷ்ணனும் டி.கே.ராமச்சந்திரனும் சேர்ந்து அடிக்கும் லூட்டி .. இன்னும் சொல்லப் போனால் பாலைவனச் சோலை படத்திற்கு இந்தப் படம் ஒரு உந்து சக்தியாகக் கூட இருந்திருக்கும். இதில் ஒவ்வொருவருக்கும் தனித்தனி கதாநாயகியர் அதுதான் வித்தியாசம் எனவும் எடுத்துக் கொள்ளலாம். தூக்குத்தூக்கி ... உண்மையிலேயே க்ளாஸ் என்பதற்கு உதாரணம். திருவிதாங்கூர் சகோதரிகள் மூவருடனும் ஜோடியாக நடித்தவர் நடிகர் திலகம்.
பாராட்டுக்கள்.
டியர் முரளி சார்,
சுப்புவின் கருத்துக்குத் தங்களுடைய பதில் நன்று. என்றாலும் அவருடைய உணர்வுகள் நம் அனைவரின் உணர்வுகளையுமே பிரதி பலித்தன என்பது உண்மை. ஏபி என் அவர்களின் கடந்த கால வரலாறு நம் அனைவரின் கண்ணோட்டத்திலும் ஒரே மாதிரித் தான் தோற்றமளிக்கிறது என்றால் காரணம் நாமல்ல. பம்மலார் சொன்னது போல் இதை விவாதிக்க வேண்டாம் என்று எண்ண மனம் மறுக்கிறது.
போதாக்குறைக்கு ஹிந்து வில் வெளிவந்த கட்டுரையில் திரு பரம் கூறிய கருத்து வெந்த புண்ணில் வேல் பாய்ச்சுவது போல் இருந்தது என்பதையும் யாராலும் மறுக்க முடியாது. சட்ட சிக்கல் வர வாய்ப்புள்ளது என்று தெரிந்திருந்தால் அதனைத் தீர்த்து விட்டு செலவழித்திருக்கலாமே என்று ஒர் கருத்து உருவாவதையும் மறுப்பதற்கில்லை. தவறு யார் பக்கம் என்பதை ஆராயாமல் இருக்க முடியாது என்பதே உண்மை நிலை. காரணம் இவ்வளவு பெரிய படத்தை திடீரென ஒரு காட்சியில் திரையிட்டால் எந்த ரசிகராலும் ஏற்றுக் கொள்ள முடியாது என்பது ஒருமித்த கருத்து. இது சட்ட விவகாரம் என்றாலும் அதில் ரசிகர்களின் உணர்வும் அடங்கியுள்ளது. இந்த மாதிரி ஒரு நிலைப்பாட்டை அவர் வேறு நடிகரின் படம் என்றால் செய்வாரா... இவையெல்லாம் ஒவ்வொரு ரசிகரின் மனதிலும் எழும் எண்ண ஓட்டங்கள். அதைத்தான் சுப்பு அவர்கள் கூறியிருக்கிறார். அவருடைய வார்த்தைகளில் வேண்டுமானால் கருத்து வேறுபாடு இருக்கலாமே தவிர எண்ணம் நம் எல்லோர்க்கும் ஏற்புடையது தான்.
நக்கீரன் வசனத்தையே சற்று மாற்றிப் போட்டு யோசித்தால் ..
சுப்பு அவர்களின் வாதத்தில் ... பொருளில் குற்றமில்லை. சொல்லில் தான் குற்றமிருக்கிறது... சொல்லில் குற்றமிருந்தால் அது மன்னிக்கப் படலாம். ஆனால் அவருடைய பொருளில் குற்றமில்லை என்பதே என்னுடைய தாழ்மையான கருத்து.
அன்புடன்
டியர் ராகவேந்திரன் சார்,
தங்கள் உயர்ந்த உள்ளத்திற்கும், அன்புப் பாராட்டுதல்களுக்கும் அகம் மகிழ்ந்த என் நன்றிகள். 'உலகம் பலவிதம்' காவியத்தில் வரும் "ஆசைக்கனவே நீ வா" என்ற அரிய அற்புதப் பாடல் முதன் முதலாக இணையத்தில் தரவேற்றப்பட்டு நம் அனைவருக்காகவும் இதோ...
http://www.youtube.com/watch?feature=player_detailpage&v=Ug13QIPRc6k
அனைவருக்கும் விநாயக சதுர்த்தி நல்வாழ்த்துக்கள்!
HAPPY VINAYAKA CHATHURTHI TO ALL !
அரிய ஒரிஜினல் புகைப்படங்கள் : 1
திருவிளையாடல்(1965)
http://i1110.photobucket.com/albums/...ps7e560505.jpg
பக்தியுடன்,
பம்மல் ஆர். சுவாமிநாதன்.
டியர் வாசு சார்,
உலகம் பலவிதம் ஆசைக் கனவே நீ வா - அந்தக் காலத்தில் மிகவும் பிரபலமான பாடல் (வேறெங்கே சிலோன் ரேடியோவில் தான்) - அதை இங்கே அனைவரின் பார்வைக்கும் தந்த தங்களுக்கு உளமார்ந்த நன்றிகளும் பாராட்டுக்களும்.
பம்மலார் சார்,
ஆஹா தலைப்பே சூப்பர் ... சொக்கி இழுக்குதே .... தங்களுடைய பொக்கிஷங்களின் பல கதவுகளில் இன்னொன்று தற்போது திறந்திருக்கிறது. உள்ளே சென்று பார்த்தால் தான் தெரியும் .. எவ்வளவு அபூர்வமான விலை மதிப்பற்ற மாணிக்கங்கள் . வைரங்கள் ... வைடூரியங்கள் ... என ஜொலிக்கப் போகின்றனவோ... குறிப்பாக தாங்கள் அதனைத் தொடங்கி வைத்த நேர்த்தி .. திருவிளையாடல் படத்தின் ஒரிஜினல் ஸ்டில்லுடன் ..
சும்மா சொல்லக் கூடாதய்யா ...
இங்கு குசும்புவில் யாரும் ஒருவருக்கொருவர் சளைத்தவரல்லர் ...
நன்றியுடன்
ராகவேந்திரன்
டியர் கோபால்,
நீதி சௌகார் ஜானகி போல் எனக்கு அவ்வளவு வயதாகி விடவில்லையே... நான் இன்னும் நடிகர் திலகத்தின் பிள்ளை தான் .. அதனால் நான் ஏற்பது என்ற கேள்விக்கே இடமில்லை.. தங்கள் கூற்றுப் படியே பார்த்தாலும் தான் மெச்சுவதை விட மற்றவர்கள் தன் பிள்ளையை மேன்மையான பிள்ளை என்று மெச்சும் போது தான் பெரிதும் மகிழ்வாள். ஈன்ற பொழுதிற் பெரிதுவக்கும் தன் மகனை சான்றோர் எனக் கேட்ட தாய் ... தங்களுக்குத் தெரியாததா ...
அன்புடன்
ராகவேந்திரன்
அன்னை இல்லத்தின் வரசித்தி விநாயகர் கோவில் கும்பாபிஷேகம் (ஒரு பிளாஷ்பேக்)
மாலைமலர் june 17, 2010
http://i1087.photobucket.com/albums/...g?t=1348038858
தினத்தந்தி செய்திகள் june 18, 2010
http://i1087.photobucket.com/albums/...psec5559f5.jpg