-
மாலை மதுரம் 4
'மந்திரிகுமாரன்' தெலுங்கு டப்பிங் படத்தின் அபூர்வ பாடல்.
'செண்டு மல்லி மாலையோ
சிங்கார சோலையோ
தேனுண்ட தாழையோ
மணிகள் கொண்ட பார்வையோ'
சுட்டது.
https://www.youtube.com/watch?featur...&v=w_QRnAydf_M
இந்திப் படமான 'Chaudhavin Ka Chand' படத்திலிருந்து படத்தின் தலைப்பில் ஆரம்பிக்கும் மிக அருமையான பாடலை தெலுங்குக்காரர்கள் சுட்டது. ஹிந்தியிலிருந்து தெலுங்குக்கு இறக்குமதியாகி, மீண்டும் தமிழுக்கு இறக்குமதி ஆனது. மனதை வசியப்படுத்தும் அருமையான டியூன் என்பதால் எல்லா மொழியிலும் கேட்க அவ்வளவு இனிமை.
ஒரிஜினல் ('Chaudhavin Ka Chand')
http://www.youtube.com/watch?v=wRbBORKhGYg&feature=player_detailpage
-
கிருஷ்ணா சார்,
மாலை வணக்கம். மேற்கண்ட இரண்டு பாடல்களையும் அவசியம் கண்டு கேட்டு களியுங்கள். அற்புதமான பாடல்கள். மாலை வேளையில் சுக மயக்கம் தரும் தேன்சுவைப் பாடல்கள். குரு தத்தும், வஹிதா ரஹ்மானும் கலக்கல்.
-
Thanks to Mr.Saravanan
காலத்தால் அழிக்க முடியாத திரைப்படங்களும், அழியாத திரைப்படப் பாடல்களும் என்று ஒரு பட்டியலிட்டால் அதில் முதலிடத்தில் இருப்பது 1944-ம் ஆண்டு வெளிவந்த 'ஹரிதாஸ்' என்னும் திரைப்படத்தைத்தான் சொல்ல வேண்டும்.
1944-ம் ஆண்டு அக்டோபர் 16-ம் தேதி வெளியான இத்திரைப்படம் சென்னையில் பிராட்வே தியேட்டரில் மட்டும் மூன்றாண்டுகள் தொடர்ந்து ஓடி ஒரு உலகச் சாதனையைப் படைத்தது.
http://2.bp.blogspot.com/_Dcezi5xfsq...0/Haridas2.jpg
எவரைக் கேட்டாலும் இந்தப் படத்தைப் பற்றிச் சொல்லும்கையோடு 'மன்மத லீலையை வென்றார் உண்டோ' பாடலையும் சேர்த்துத்தான் சொல்கிறார்கள்.
'மன்மத லீலை' என்கிற வார்த்தையின் மீது மக்களுக்கு அதீதமான பாசம் அந்தக் காலத்தில் இருந்திருக்கலாமோ என்று இதன் வெற்றியைப் பார்த்து யோசிக்க வேண்டியிருக்கிறது. ஆனால் இதன் பின்னான 50 ஆண்டு காலத்தில் இந்த 'மன்மத லீலை' என்கிற வார்த்தை தமிழகத்து சினிமா ரசிகர்களிடையே 'அந்த மாதிரி' என்ற அடைமொழிக்குள் ஒளிந்து கொண்டது ஏன் என்றுதான் புரியவில்லை.
காமனை அடக்க முடியாமல் சிவனே அல்லல்பட்ட கதை பக்தியாளர்கள் அறிந்ததுதான். காமத்தை வெற்றிகரமாக கடப்பவனே நிம்மதியான மனிதனாக இருக்க முடியும் என்பது கல்வியாளர்களின் கருத்தாக இருக்கலாம்.. காமத்தில் கரை கண்டவனாக இருக்கிறான் என்கிற வார்த்தை பொறாமைத் தீயில் வறுத்தெடுத்த வார்த்தைகளாக சிக்கியிருக்கலாம். ஆனாலும் இந்த காமத்துக்கும், மன்மதலீலைக்குமான தொடர்பு நூற்றாண்டும் தொடர்ந்து இணைந்து வருகிறது.
முதல் முறையாக இந்தப் பாடல் காட்சியை சுற்றுமும், நட்பும் படை சூழ ஒரு நல்ல சுபமுகூர்த்த நாளில்தான் பார்த்தேன்.
அவ்வப்போது இடையிடையே கோடுகள் குறுக்கும், நெடுக்குமாக பறந்து படத்தின் பிரதி என்ன லட்சணத்தில் இருக்கிறது என்பதைப் பறை சாற்றிக் கொண்டிருந்த நிலையிலேயே பாடல் காட்சி ஒளிபரப்பாகிக் கொண்டிருந்தது.
பாடல்கள் தெள்ளத் தெளிவாகக் காதில் விழுந்தபோது உடன் இருந்த அண்ணன்மார்களும், அப்பாமார்களும் தாளம் தட்டி அதனை வரவேற்று ரசித்தபடியிருந்தார்கள். ஜி.ராமநாதனின் இசையில் பாகவதரின் குரலில் இதுவரையிலும் இல்லாத புது மாதிரியாக பாடல் ஒலித்துக் கொண்டிருந்தது..!
http://4.bp.blogspot.com/_Dcezi5xfsq.../haridas-1.jpg
எனக்கும் டி.ஆர்.ராஜகுமாரியை அபிநயத்துடன் பார்த்தபோது மிகவும் பிடித்திருந்தது.. சிரித்த முகத்துடன் முகப் புருவம் முதற்கொண்டு, உடல் முழுவதையும் ஏதோ ஒருவித நடன முறையுடன் ஆடிக் கொண்டிருந்ததை என் கவனத்தை எந்தப் பக்கமும் திருப்ப விடாமல் பார்த்துக் கொண்டது.
பாகவதரின் மிக அருகே வந்து அமர்ந்து அவர் பாடும் வரிகளை தனது அபிநயத்தாலேயே அவர் விளக்குகின்ற காட்சியில் ரசித்திருந்த நான், “உன்னை நினைந்து நான் தேடி ஓர் முத்தம் தந்தால் குறைந்திடுமோ….” என்ற வரிகளைத் தொடர்ந்து ராஜகுமாரி செய்த அந்த 'பிளையிங் கிஸ்' ஆக்ஷனைப் பார்த்தவுடன் என்னுள் ஏதோ திடீரென்று ஏற்பட்ட உணர்ச்சியால் வாவ்.. என்று துள்ளிக் குதித்து கை தட்டினேன்..!
உறவினர்கள் வீடு. என் வயதோ 20. சுற்றிலும் பெண்களும் இருந்தார்கள். அத்தனை பேரும் என்னைப் பார்த்து சிரிக்க.. எனக்கு நிறைய வெட்கமும், தாங்க முடியாத சங்கடமும் இருந்தது. இறுதிவரையில் பார்த்த பின்பு எனக்குள் ஏற்பட்ட பிரமிப்பும், ஆச்சரியமும் கணக்கிலடங்காதது..!
இதற்குப் பின்பு இந்தப் பாடலை எத்தனை முறை நான் பார்த்தேன் என்று எனக்கே தெரியாது.. அத்தனை முறைகள் சலிக்காமல் இன்றுவரையிலும் பார்த்தபடியேதான் இருக்கிறேன்.
ஒரு கவர்ச்சியை, இனக் கவர்ச்சியை, பாலியல் வேட்கையை, சிருங்கார ரசத்தை, காமத்தின் முதல் படியை எவ்வளவு எளிதாக முழுவதும் முற்றும் மூடிய உடையணிந்த நிலையில் நடனத்தாலும், இசையாலும், பாடல் வரிகளாலுமே கிளறிவிட முடியும் என்பதை அந்தக் காலத்திலேயே நிரூபித்திருக்கிறார்களே..! இயக்குநர் சுந்தர்ராவ் நட்கர்னியை எத்தனை பாராட்டினாலும் தகும்..
அந்தக் கால திரை விமர்சனங்களிலும், இத்திரைப்படத்திற்கு இதுநாள் வரையிலும் வந்திருக்கும் அத்தனை விமர்சனங்களிலும் இந்தப் பாடலுக்கு மட்டும் தனியாக சில பக்கங்களை ஒதுக்கித்தான் இருக்கிறார்கள்.
ஜி.ராமநாதன் இந்தப் பாடலை 'சாருகேசி' ராகத்தில் இசைத்திருக்கிறார். இந்தப் பாடல் புகழ் பெற்ற பின்புதான் 'சாருகேசி' ராகமும் புகழ் பெற்றது என்கிறார்கள். இதற்காக செம்மங்குடி சீனிவாச ஐயர், ஜி.ராமநாதனின் வீடு தேடி வந்து அவரை வாழ்த்திவிட்டுப் போனாராம். தொடர்ந்து சீனிவாச ஐயர் ஸ்வாதித் திருநாளுக்காக இயற்றிய "க்ருபையா பாலய" என்ற பாடலும் இதே ராகத்தில் அமைந்து இதன் பின்புதான் கர்நாடக சங்கீதக் கச்சேரிகளிலும் 'சாருகேசி' ராகம் புழங்க ஆரம்பித்தது என்கிறார்கள்.
என்னுடைய இன்னுமொரு ஆச்சரியம் என்னவெனில் அத்தனை கட்டுப்படியான அந்தக் காலக்கட்டத்தில் அப்படியொரு பிளையிங் கிஸ் காட்சிக்கு ராஜகுமாரி எப்படி ஒத்துக் கொண்டிருப்பார்..? பாகவதர் என்ன நினைத்திருப்பார்..? இயக்குநருக்கு இந்தக் கற்பனை எப்படி வந்திருக்கும்..? சென்சார் போர்டில் எப்படி விட்டார்கள்..?
ம்ஹூம்.. இது எல்லாவற்றையும் மறக்கடித்த நிலையில் இன்றுவரையிலும் கிறங்கடிக்கிறது இந்தப் பாடல் காட்சி..! மறுபடியும், மறுபடியும் ராஜகுமாரியின் பிம்பமே என் கண்ணில் வந்து விழுகிறது..!
முதலில் பாடலைப் படியுங்கள்..!
மன்மத லீலையை வென்றார் உண்டோ?
மன்மத லீலையை வென்றார் உண்டோ?
என் மேல் உனக்கேனோ பாராமுகம் ?
மன்மத லீலையை வென்றார் உண்டோ?
என் மேல் உனக்கேனோ பாராமுகம்?
மன்மத லீலையை வென்றார் உண்டோ ?
நின் மதி வதனமும்…
நின் மதி வதனமும் நீள் விழியும் கண்டு...
( ரம்பா….. சுவாமி ..)
நின் மதி வதனமும்…
நின் மதி வதனமும் நீள் விழியும் கண்டு ...
நின் மதி வதனமும்…
நின் மதி வதனமும் நீள் விழியும் கண்டு...
என் மதி மயங்கினேன் … நான்
என் மதி மயங்கினேன்... மூன்று உலகிலும்..
என் மதி மயங்கினேன்... மூன்று உலகிலும்..
மன்மத லீலையை வென்றார் உண்டோ
என்னுடனே நீ பேசினால் வாய்
முத்து சிந்தி விடுமோ?
என்னுடனே நீ பேசினால் வாய்
முத்து சிந்தி விடுமோ?
உன்னை என்னேரமும் நினைந்துருகும் என்னிடம்
வந்தால் மெனக்கெடுமோ…?
உன்னை என்னேரமும் நினைந்துருகும் என்னிடம்
வந்தால் மெனக்கெடுமோ...?
உன்னை நயந்து நான் வேண்டி ஓர் முத்தம்
தந்தால் குறைந்திடுமோ….?
உன்னை நயந்து நான் வேண்டி ஓர் முத்தம்
தந்தால் குறைந்திடுமோ....?
ஒரு பிழை அறியா என் மனம்
மலர்கணை பாய்ந்து அல்லல் படுமோ?
ஒரு பிழை அறியா என் மனம்
மலர்கணை பாய்ந்து அல்லல் படுமோ - மனங்கவர்
மன்மத லீலையை வென்றார் உண்டோ?
என் மேல் உனக்கேனோ பாராமுகம்?
மன்மத லீலையை வென்றார் உண்டோ..???
http://www.youtube.com/watch?v=lg8L6KrAwR0
-
thanks to Dinamani - மன்மதலீலையை வென்றார் உண்டோ
http://www.dinamani.com/weekly_suppl...460/12kon8.jpg
மன்மதலீலையை வென்றார் உண்டோ...' காற்றில் கசிந்தது, அரை நூற்றாண்டுக்கும் மேலாக தமிழர்களின் செவிகளை வசப்படுத்திய அந்தக் கந்தர்வக் குரல். பாகவதர்தான் மீண்டும் வந்துவிட்டாரோ? என்று எண்ணும் அளவுக்கு ஏழிசை மன்னர் எம்.கே. தியாகராஜ பாகவதரின் அத்தனை பாடல்களையும் அப்படியே பாடி அரங்கில் இருந்த அனைவரது பாராட்டையும் பெற்றார் அந்தப் பாடகர்.
1944 முதல் 1950-ம் ஆண்டுகள் வரை தியாகராஜ பாகவதர் பாடிய பாடல்களை அப்படியே பாட ஒருவர் இருக்கிறாரா? என்று வியக்கும் வேளையில், மேலும் ஒரு வியப்பைக் கொடுத்தார் அந்தப் பாடகர் காஷ்யப் மகேஷ்!
திருச்சியில் அண்மையில் எம்.கே. தியாகராஜ பாகவதரின் நூற்றாண்டு விழாவின் ஒரு பகுதியாக நடைபெற்ற இன்னிசை நிகழ்ச்சியில், ஏறத்தாழ ஒரு மணி நேரம் பாகவதரின் பாடல்களை மட்டுமே பாடி, பார்வையாளர்களின் பாராட்டைப் பெற்ற காஷ்யப் மகேஷ் தன் பெயரில் மட்டுமல்ல... பல்வேறு வித்தியாசமான திறமைகளையும் தன்னகத்தே கொண்டுள்ளார். பாகவதரின் பாடல்கள் மீது வந்த பற்று, பாடல்கள் பாட எடுத்துக் கொண்ட சிரமம், இதர திறமைகள், பெரியோரின் பாராட்டு எனப் பல்வேறு விஷயங்கள் குறித்து நம்மோடு பகிர்ந்து
கொண்டார்...
""காஷ்யபன் என்பது ஒரு முனிவரின் பெயர். எனது தந்தை ரகுநாதன் பட்டயக் கணக்காளர். தாய் ரமா ரகுநாதன். குழந்தைகள் பள்ளித் தாளாளர். சிறுவயதில் இருந்தே பாடுவதில் எனக்கு ஆர்வம்.
மூன்று வயதிலிருந்து பாடத் தொடங்கினேன். 9-வது வயதில் மெல்லிசை மன்னர் எம்.எஸ். விஸ்வநாதனின் "மழலையும், மேதைகளும்' என்ற ஆல்பத்தில் பாட வாய்ப்புக் கிடைத்தது. அதில், மதநல்லிணக்கப் பாடல்களையும், தேசிய ஒருமைப்பாட்டு பாடல்களையும் பாடினேன். தொடர்ந்து கர்நாடக இசையைக் கற்கத் தொடங்கினேன். டி.வி. கோபாலகிருஷ்ணன், காரைக்குடி எம்.எஸ். மணி ஆகியோர் எனது குருநாதர்கள். திருச்சி காமகோடி வித்யாலயா பள்ளி மற்றும் இ.ஆர். மேல்நிலைப் பள்ளி ஆகியவற்றில் படித்தேன். படிக்கும் போதே எனது திறமைகளைக் கண்டு பள்ளி நிர்வாகத்தினர் நல்ல ஒத்துழைப்புக் கொடுத்தனர்.
எம்.கே. தியாகராஜ பாகவதர் மட்டுமன்றி, மக்களை எளிதில் கவரக்கூடிய பாடகரான என்.எஸ். கிருஷ்ணனின் பாடல்களும் எனக்கு நன்றாகப் பாட வரும். அவர்கள் பாடியதைப் போலவே பாடுவதில் சிரமம் இருக்கத்தான் செய்கிறது. ஏனென்றால், இசையை நன்கு அறிந்தவர்கள் முன்னிலையில் பாகவதர் மற்றும் என்.எஸ். கிருஷ்ணன் பாடல்களைப் பாடும்போது சரியான முறையில் பாடவில்லை என்றால் நம்மை ஏற்றுக் கொள்ள மாட்டார்கள்.
10 வயது முதல் தியாகராஜ பாகவதரின் பாடல்களைப் பாடி வருகிறேன். நான் பாகவதரின் தீவிர ரசிகன். அவர் பாடிய அனைத்துப் பாடல்களும் எனக்கு மனப்பாடமாகத் தெரியும். பல சிரமங்களுக்கு இடையே பாகவதரின் பாடல்களை தேடிப் பிடித்து கேட்டுள்ளேன். மேடைக்கு ஏற்பவும், மக்களின் ரசனைக்கு ஏற்பவும் எனது பாடும் விதத்தை மாற்றிக் கொள்வேன். இதுவரை ஏறத்தாழ 1,500 மேடைக் கச்சேரிகளில் பாடியுள்ளேன். தமிழகம் மட்டுமன்றி ஆஸ்திரேலியா, இங்கிலாந்து, மலேசியா போன்ற வெளிநாடுகளிலும் பாடிய அனுபவம் உள்ளது.
முன்னாள் குடியரசுத் தலைவர் அப்துல் கலாம் எழுதிய "வளமான நாடாக்குவோம்' என்ற கவிதைக்கு மெட்டு அமைத்து நானே பாடி அவருக்கு அனுப்பிவைத்தேன்.
கடந்த 2003-ம் ஆண்டு திருச்சிக்கு வந்த அப்துல் கலாம், ஆயிரம் மாணவர்களுக்கு மத்தியில் என்னை மட்டும் அழைத்து பாராட்டுத் தெரிவித்தது எனக்கு மறக்க முடியாத அனுபவம். இதேபோல, கடந்த 2008-ம் ஆண்டு இசைஞானி இளையராஜாவின் வீட்டில் நடைபெற்ற நவராத்திரி விழாவில் கலந்து கொண்டு பாடிய அனுபவத்தையும் என்னால் மறக்க முடியாது.
திரைப்படத்தில் பாட சில வாய்ப்புகள் வந்தன. வயது இருக்கிறது, பிறகு பார்த்துக் கொள்ளலாம் என விட்டுவிட்டேன். இனிமேல், திரைப்படங்களில் பாட வாய்ப்புக் கிடைத்தால் நிச்சயம் பாடுவேன். பாகவதர் பாடல்கள் உள்ளிட்ட பாடல்களைப் பாடுவது மட்டுமல்லாமல் ஓவியமும் வரைவேன். முக்கிய கோயில்களின் கருவறை, அதில் உள்ள தெய்வங்களை வரைவது எனக்கு மிகவும் பிடித்தமான ஒன்று. பாடுவதைத் தவிர நேரம் கிடைக்கும் போதெல்லாம் ஓவியம் வரைவேன். கோயில்கள், சுவாமிகள் பற்றியே அதிகம் வரைந்துள்ளேன்.
கடந்த 2006-ம் ஆண்டில் பத்தாம் வகுப்பு படித்தபோது "மைக்ரோசாப்ட்' நிறுவனம் கணினியில் அறிமுகப்படுத்திய "பெயின்டிங்' மென்பொருளைப் பயன்படுத்தி நான் வரைந்த ஓவியங்களைப் பார்த்து பில்கேட்ஸ் பாராட்டுக் கடிதம் அனுப்பினார்.
"மைக்ரோ சாப்ட்' நிறுவனத்தின் பெங்களூர் கிளை அலுவலகத்தின் மூலம் விலை உயர்ந்த மடிக் கணினியை எனக்கு பில் கேட்ஸ் பரிசாக வழங்கியுள்ளார். இதன் மூலம் "சிறந்த இளைஞர்' என்ற பட்டத்துடன், ரூபாய் ஒரு லட்சம் ரொக்கப் பரிசை முதல்வர் கருணாநிதியிடம் இருந்து பெற்றேன்.
இதேபோல, விக்டோரியா மகாராணியின் பிறந்த நாளையொட்டி ஆஸ்திரேலிய அரசு உலகில் திறமை வாய்ந்த 80 பேரைத் தேர்வு செய்து விருது வழங்கி கெüரவித்தது. அந்த விருதைப் பெற்றவர்களில் நானும் ஒருவன்'' என்றார் பெருமிதத்துடன்
-
-
இன்று இரவு நிச்சயம் கேட்கிறேன் வாசு சார்
-
சாருகேசி- ராமநாதனை வென்றார் உண்டோ?
முன்பெல்லாம் கர்நாடக இசையில் ஒரு ராகத்தை அறிய வேண்டுமென்றால் அந்த ராகத்தின் முன்மாதிரியான பாடல் ஒன்றைப் பயிலவேண்டும்.அது பெரும்பாலும் மிகப் பெரிய சங்கீத மேதையின் கீர்த்தனையாக இருக்கும். உதாரணத்திற்குக் கானடா என்றால் 'அலைபாயுதே',ஸ்ரீ ராகம் என்றால் 'எந்தரோ மஹானுபாவுலு' இது போல். திரைப்பாடல்களும் இந்த கீர்த்தனைகளின் மெட்டிலேயே இருக்கும். உதாரணம் 'நாததனுமனிசம்' என்ற தியாகய்யைர் கீர்த்தனை 'காதல் கனி ரசமே' என்று பி.யு.சின்னப்பாவால் பாடப்படும்.ஆனால் முதல்முறையாக ஒரு திரைப்பாடல் ஒரு ராகத்தின் முன்மாதிரியாக அமைந்தது வரலாறு படைத்த ஒரு படத்தில் அமைந்த பாடல். அந்தப் பாடலைக் கேட்டுவிட்டு சங்கீதப் பிதாமகர் செம்மங்குடி சீனிவாசய்யரே அந்த இசை அமைப்பாளரின் வீடு தேடி வந்து பாராட்டினார். கர்நாடக சங்கீத ராகங்களை எளிமையாகவும் அதே நேரம் அழகாகவும் மெட்டுக்களாக்கிய ஒரு புது பாணி உருவாகிப் பின் கே.வி மகாதேவன்,இளையராஜா என்று தொடர்ந்து வந்தது. அந்த இசையமைப்பாளர் --ஜி.ராமநாதன். பாடல்: மன்மத லீலையை வென்றார் உண்டோ? படம்: ஹரிதாஸ் (1944). ராகம் __சாருகேசி
-
M K Thyagaraja Bhagavathar
Music: G Ramanathan
Lyrics: Papanasam Sivan
Film: Haridas (1944)
Cast: M K Thyagaraja Bhagavathar, TR Rajakumari
http://www.indian-heritage.org/flmmu...haiyum_mkt.gif
http://www.youtube.com/watch?v=VUqslME2x_E&feature=player_detailpage
-
சாருகேசி ஜி.ராமாநாதனின் பிரியத்துக்குரிய ராகமாகவே இருந்து வந்தது.திருவிளையாடல் என்றால் சிவாஜிதான் நினைவுக்கு வருவார், ஆனால் எம். ஜி. ஆரின் ஒரு பாடலும் திருவிளையாடல்களைப் பற்றி அமைந்து புகழ்பெற்றது. 'மதுரை வீரன்' படத்தில் அமைந்த 'ஆடல் காணீரோ' என்ற பாடல் சாருகேசியில் நாட்டியப் பேரொளியின் நடனத்துடன் அமைந்திருக்கும். பாடலின் தொடக்கத்தைக் கேட்டாலே ஜி.ராமநாதனின் மேதமை நமக்குப் புரியும்.
http://www.youtube.com/watch?v=YXGTFanbED8
-
M.K.T. song - deena karunakarane
இந்த பாடலின் ராகம் யமுனா கல்யாணி என்கிறார்கள் வித்வான்கள். இன்றைக்கும் ஒரு சினிமா பாடலாக இல்லாமல் பக்தி ரசம் குறையாத, மக்கள் மனதில் முணுமுணுக்க வைக்கும் ஒரு பாடல். ஒரு முறை கேட்டுவிட்டால் நீண்ட நாள் மனதை விட்டு அகலாத பாடல்.
மிகப் பெரிய வெற்றிக் கண்ட படமாம். MKTயின் நடிப்பும் பாடல்களும் இந்த படத்தில் அவ்வளவு பிரசித்தம் என்பார்கள். நாதஸ்வர வித்வான் ராஜரத்தினம் பிள்ளை அவர்கள் இந்த படத்தில் ஓரிரு காட்சியில் தோன்றுகிறார்.
63 நாயனார்களில் ஒருவரான திருநீலகண்ட நாயனார் அவர்களின் வாழ்க்கையை பற்றிய படம்.
திரைப் படம்: திருநீலகண்டர் (1939)
இசை: papanasam sivan
lyrics : papanasam sivan
நடிப்பு: M K தியாகராஜ பாகவதர், திருநெல்வேலி பாப்பா லக்ஷ்மி காந்தம், NSK, T A மதுரம், T S துரைராஜ்.
இயக்கம்: ராஜா சாண்டோ ஜம்புலிங்கம் (சரியா)
http://www.youtube.com/watch?v=6wTGjx4lIQY
தீன கருணாகரனே நடராஜா நீலகண்டனே
தீன கருணாகரனே நடராஜா நீலகண்டனே
நின்னருள் புகழ்ந்து பணியும் என்னையும் இரங்கி அருளும்
நின்னருள் புகழ்ந்து பணியும் என்னையும் இரங்கி அருளும்
மௌன குருவே கரனே எனையாண்ட நீலகண்டனே
மௌன குருவே கரனே எனையாண்ட நீலகண்டனே
தீன கருணாகரனே நடராஜா நீலகண்டனே
மீனலோசனீ மணாளா தாண்டவமாடும் சபாபதே
மீனலோசனீ மணாளா தாண்டவமாடும் சபாபதே
ஞானிகள் மனம் விரும்பும் நீலகண்டனே
ஞானிகள் மனம் விரும்பும் நீலகண்டனே
மௌன குருவே மௌன குருவே மௌன குருவே மௌன குருவே
கரனே எனை ஆண்ட நீலகண்டனே
தீன கருணாகரனே நடராஜா நீலகண்டனே
ஆதி அந்தமில்லா கரனே
ஆ ஆ ஆ ஆ ஆ ஆ யே யே யே யே
ஆதி அந்தமில்லா கரனே
அன்பருள்ளம் வாழும் பரனே
ஆதி அந்தமில்லா கரனே
அன்பருள்ளம் வாழும் பரனே
பாதி மதி வேணியனே பரமேசா நீலகண்டனே
பாதி மதி வேணியனே பரமேசா நீலகண்டனே
தீன கருணாகரனே நடராஜா நீலகண்டனே