மனதை கவரும் மதுர கானங்கள் இரண்டாவது பாகம

நடிகர் திலகம் டீஸிங் பாடல் 7

அடங்காத குதிரையை அடக்கி புருஷனாக வாடகைக்கு நடிக்க வந்து புருஷனாகவே மாறி,

'காதல் ராணி கட்டிக் கிடக்க
கட்டிலிருக்கு கட்டழகுச் சிலையே வா'

என்று முதல் இரவில் குறும்புப் பாடல் பாடி, ஸ்ரீபியாவை உண்டு இல்லை என்று ஆக்கும் நடிப்பின் 'குரு' சும்மா துறு துறு. 58 வயதில் 18 வயது வாலிபன் போல அவ்வளவு இளமை. சுறுசுறுப்பு.

http://www.youtube.com/watch?v=6mRHj...yer_detailpage

Quote:

---

Originally Posted by chinnakkannan

அம்மான் மகன் எங்கே அவன் என்னோடு சேர்ந்தாட – எல்.ஆர் ஈஸ்வரி பத்மப்ரியா ஆடும் வைர நெஞ்சப் பாடல். இப்பத்தான் ஹே ஹே ஸ்வீட்டிக்கு அப்புறம்பார்த்து முடித்தேன்...படத்தில் பார்த்ததாக நினைவில்லையே…சரி சரி ராஜேஷ்க்கு டெடிகேட் பண்ணி விட்டுறலாம்..:)

---

உ.பா.இ.ப.நை:)

இன்றைய ஸ்பெஷல் (79)

'இன்றைய ஸ்பெஷல்' பாடலை அருமை நண்பரும் திரியின் உறுப்பினரும், பழைய பாடல்களின் தீவிர ரசிகருமான திரு.கோபு அவர்களுக்கு டெடிகேட் செய்கிறேன். இது அவருக்கு மிகவும் பிடித்த பாடலாம்.

இன்றைய ஸ்பெஷலில் 'ஏழைப் பங்காளன்'. எம்.ஜி.ஆர் நடித்த படம் இல்லீங்கோ. நம்ம ஜெமினி நடித்தது. டைட்டில் எம்.ஜி.ஆர் பட டைட்டில் போலவே இருக்கும்.

http://cdn4.static.ovimg.com/m/0zbb1j5/?width=150

படம்: 'ராஜலஷ்மி பிச்சர்ஸ்' ஏழை பங்காளன்.

நடிகர்கள்: ஜெமினி, ராகினி, புஷ்பலதா, அசோகன், நம்பியார், நாகேஷ், மனோரமா.

கதை வசனம்: மா.லட்சமணன்

இசை: 'திரை இசைத் திலகம்' கே.வி.மகாதேவன்

பாடல்கள்: வாலி, கண்ணதாசன், பஞ்சு அருணாச்சலம்

இயக்கம்: கே.சங்கர்

'காதல் மன்னனை' நினைத்து ராகினி கனவு கண்டு உருகிப் பாடும் காதல் பாடல். வட இந்திய பாணியில் காஷ்மீரி போல ராகினி உடை அணிந்திருக்க, ஜெமினி காஷ்மீர் குல்லாவெல்லாம் போட்டுக் கொண்டு அவர் இஷ்டத்திற்கு ஆடுவார். பாடி லாங்வேஜிற்கும், இவருக்கும் கொஞ்சம் தூரம் அதிகம். கோபால் மிக அருமையாக எழுதுவார். இவருக்குக் கையை எப்படி வைத்துக் கொள்வது என்று தெரியாது. ஆவூன்னா இரண்டு கைகளையும் இடுப்பில் வைத்துக் கொள்வார். ஒரு மாதிரி ட்விஸ்ட் பண்ணியவாறு சுழன்று ஓடி வருவார். நமக்கு நம்மையும் மீறி சிரிப்பு வரும். காதல் மயக்க வசனங்களைப் பேசியே ஆளை மயக்கிய வசிய மன்னன். இவரிடம் இன்னொரு குறை. இவர் வசனம் பேசினால் பாதி மட்டுமே நம் காதில் விழும். மீதியை மெதுவாக விழுங்கி விடுவார். மற்றபடி அருமையான ஒரு நடிகர். சோகக் காட்சிகளில் மென்மையாக நம் மனதை உருக்குவார். டைட்டிலில் 'ஜெமினி கணேசன் அளிக்கும்' என்று போடுவார்கள். தயாரிப்பு வயலின் கே.வி.மகாதேவன் என்று போடுவார்கள்.

திருவாங்கூர் சகோதரிகளில் இளையவரான ராகினி மலையாளப் படங்களில் கொடி நாட்டியவர். தமிழில் காமெடிக்கும், நடனக் காட்சிகளுக்கு மட்டுமே பயன்படுத்தப்பட்டார். ஒரு சில படங்கள் விதிவிலக்கு. அதில் 'ஏழைப் பங்காளன்' ஒன்று. இதில் கதாநாயகி அந்தஸ்து. சற்று நீளமுகம் கொண்டவர். நன்றாக இருப்பது போலவும் தோன்றும். இல்லாதது போலவும் தோன்றும்.

ராகினியும் ஜெமினியும் அபூர்வமாய் இணைந்த ஜோடிப் பாடல். பாடகர் திலகம் ஒரு வரியை எடுத்து பாடி முடிக்க, முடித்த வார்த்தையிலிருந்து சுசீலா தொடர்வது அழகு. அதே போல பாடகர் திலகமும். இயற்கை எழில் கொஞ்சும் இடங்களில் நன்றகப் படமாக்கப்பட்ட பாடல். வண்ணமாய் இருந்திருந்தால் அருமையாக இருந்திருக்கும். இதே டைப்பில் 'காலம் மாறிப் போச்சு' என்று ஜெமினி நடித்து ஒரு படம் வந்ததாக ஞாபகம்.


இனி பாடலின் வரிகள்.

http://img.youtube.com/vi/pjsqk0R8YDc/hqdefault.jpg

மனதில் என்ன மயக்கம்
புது மலரே ஏன் இன்னும் தயக்கம்

பகலை முழு இரவாய்
எண்ணிப் பார்ப்பதனாலே வெட்கம்

மனதில் என்ன மயக்கம்
புது மலரே ஏன் இன்னும் தயக்கம்

பகலை முழு இரவாய்
எண்ணிப் பார்ப்பதனாலே வெட்கம்

மனதில் என்ன மயக்கம்
புது மலரே ஏன் இன்னும் தயக்கம்

நீராடும் இன்பம் நிழலாடும்
நிழலாடும் இளமை சதிராடும்
நீராடும் இன்பம் நிழலாடும்
நிழலாடும் இளமை சதிராடும்

சதிராடும் எண்ணம் உறவாடும்
சதிராடும் எண்ணம் உறவாடும்
உறவாடும் கண்கள் உறங்காது
உறங்காது

மனதில் என்ன மயக்கம்
புது மலரே ஏன் இன்னும் தயக்கம்

புனலாடும் மலரில் வண்டாடும்
வண்டாடும் இன்பப் பண்பாடும்
புனலாடும் மலரில் வண்டாடும்
வண்டாடும் இன்பப் பண்பாடும்

பண்பாடும் நெஞ்சில் கனலாடும்
பண்பாடும் நெஞ்சில் கனலாடும்
கனலாடும் கண்கள் உறங்காது.
உறங்காது.

மனதில் என்ன மயக்கம்
புது மலரே ஏன் இன்னும் தயக்கம்

கண்ணோடும் ஆசை முன்னோடும்
முன்னோடும் கால்கள் தள்ளாடும்
கண்ணோடும் ஆசை முன்னோடும்
முன்னோடும் கால்கள் தள்ளாடும்

தள்ளாடும் உள்ளம் துணை நாடும்
தள்ளாடும் உள்ளம் துணை நாடும்
துணை நாடும் கண்கள் உறங்காது.
உறங்காது.

மனதில் என்ன மயக்கம்
புது மலரே ஏன் இன்னும் தயக்கம்

http://www.youtube.com/watch?v=pjsqk...yer_detailpage

நேற்று முரசு தொலைகாட்சியில் 'உதயமாகிறது' அப்படின்னு ஒரு படம் கொஞ்சம் பார்த்தேன் . மேல் தகவல் ஏதாவது உண்டா ? படத்தை பற்றி தான் .நம்ம ஒரு தலை ராகம் சங்கர் நடித்து இருந்தார்

படம் செம போர் .முடிந்தவுடன் வட்டியும் முதலுமா தக்காளி ராட்சசி ஈஸ்வரி பாடல் cd போட்டாங்க பாருங்க . முதல் பாட்டு 'துள்ளவதோ இளமை ' அடங்கலை. அந்த பாட்டில் நமது உடுப்பி லக்ஷ்மி நாராயண் (நடன இயக்குனர்) முகம் துண்டாய் தெரிந்தது . இறுதியில் திருமாங்கல்யம் படத்தில் கார்த்திக் சார் வாசு சார் ரசித்த லக்ஷ்மி வைட் அண்ட் வைட் கௌன் உடன் தொப்பி கூலிங் கிளாஸ் சகிதம் நம்ம தேசிய நடிகர் ஸ்ரீகாந்த் (ஜகன் ) . ஈஸ்வரியின் 'ஆனந்தம் பரமானந்தம் "
மெல்லிசை மன்னர் பங்கோ கிடார் விளையாடல் உடன் ஈஸ்வரியின் கருப்பட்டி குரல்
https://i.ytimg.com/vi/mj_Qyjh1L3A/mqdefault.jpg

வாசு சார்

நடிகர் திலகத்தின் கதாநாயகி டீசிங் பாடல்

இளைய தலைமுறை

'சிங்கார தேர் கூட '
படத்தில் இடம் பெறாத 'பொம்பளையா லட்சணமாய் புடவை கட்டு '

வாசு சார்

வைர நெஞ்சம் படத்தின்

''முன்னால் இரண்டு சேனை வைத்து வேதனை ஏன் தந்தாள் '
'ஹே தர தர தம் '
புல் ஹண்ட் ஷர்ட் நடிகர் திலகம் லேசா தொப்பை அது கூட அழகு

https://encrypted-tbn0.gstatic.com/i...4R9Lf6Wn_kvQDB

குமுதம் ஜங்ஷன் செப்டம்பர் 2003 இதழில் வெளி வந்த கவிஞர் வாலி அவர்களின் கவிதை

http://madrasyouthchoir.org/wp-conte...Srinivasan.jpg

இவர்கள் இன்னமும் இருக்கின்றார்கள்

சென்ற நூற்றாண்டில் தமிழ் மண் தரணிக்கு வழங்கிய மகத்தானவர்களின் மகோன்னத வரலாறு. மறைந்த இசை அமைப்பாளர் திரு.எம்.பி.சீனிவாசன் அவர்களைப் பற்றிய கவிஞர் வாலியின் அழகிய கவிதை இதோ:

‘திரைத்
துறையில் உள்ள -
இசைக் கலைஞருக்கெல்லாம்
இவர்தான் -
இன்றைக்கும் இதய தெய்வம்; நாங்கள் -
வாழுநாள் வரை – இவரை
வணங்குதல் செய்வம் !’

என்று -

என்னிடம் -

படத்துறையில்
பணிபுரியும் -

அனேக இசைக்கலைஞர்கள்

அந்தரங்க சுத்தியாக -
இவரைப் பற்றி -
இயம்பியது உண்டு;

அன்னணம்
அவர்கள் -
கூறிய
கூற்றை…

வழிமொழிகிறேன் நானும் – அது
வாய்மை என்பதைக் கண்டு!

…

நெருங்கிய -
நண்பர்களால்…
‘வாசு’ என்று

விளிக்கப் பெற்ற -
எம்.பி.சீனிவாசன
எளியவர்களின் தந்தை;

சிவப்புச்
சிந்தனைகள்
மேலோங்க நின்றது – அந்த
மாமனிதனின் சிந்தை!

நால் வருணத்தில் -
மேல் வருணம் எனப்படும் -
குலத்தில் பிறந்தும் - அவர்
குலம் கோத்திரங்களை -
வெறுத்தவர்; கொள்கை
வாளால் அவற்றை ஒறுத்தவர்!
…

ஜயகாந்தனின் சிந்தனையில் -
ஜனித்த…
‘தென்னங்கீற்று
ஊஞ்சலிலே…’

என்ற

ஏரார்ந்த பாட்டும்;
பொதுவுடைமைக் கட்சியின் -
புகழ்சால் கவிஞர் -
கண்ணியம் மிகுந்த
கே.சி.எஸ்.அருணாச்சலம்

ஆக்கி

அளித்த…

‘சின்னச்சின்ன
மூக்குத்தியாம்;
சிகப்புக்கல்லு
மூக்குத்தியாம்!’

எனும்

ஏற்றமிகு பாட்டும் ;

‘பாதை தெரியுது பார்’ எனும் -
படத்தில் இடம் பெற்று -
பட்டி தொட்டியெல்லாம்
பரவி நின்றது;

அந்த
அற்புத பாடல்களுக்கு -
இனிய

இசை -
ஏழை பங்காளன்
எம்.பி.சீனிவாசன் தந்தது!

…

கம்யூனிஸ்ட
கட்சியின் பால் -
எஞ்ஞான்றும் காதல் கொண்ட
எம்.பி.சீனிவாசன்..

இணையற்ற
இசை விற்பன்னரும் கூட;

பல படங்களில் -
அவரது
அளப்பரும் இசைஞானம்…
வெளிப்போந்து
வருடியிருக்கிறது -

நம்
நெஞ்சங்களை -
நாடி
நரம்புகளில் -
உவகைப் பெருக்கொன்று
ஊற்றெடுத்து ஓட!

…

இன்றும் -
இன்தமிழிலும் மலையாளத்திலும்..
எத்துணையோ படங்கள்
எம்.பி.சீனிவாசனின் -
மெல்லிசை
மேதமையை -
நமக்கு
நினைவூட்டி மகிழ்விக்கும்;
அவரது இசை
ஆர்நெஞ்சையும் நெகிழ்விக்கும்!

…

படத்துறையில்
பங்குபற்றும் எவரும்..
தனக்கென வாழ்கையில் -
தோழர் சீனிவாசன் மட்டுமே -
ஊர்க்கென
வாழ்ந்தார்;

உதிரத்தில்
ஊறியிருந்த -
பொதுவுடைமைச் சித்தாந்தத்தில்
பொழுதும் ஆழ்ந்தார்!

விரல் வலிக்க -
வயலின் வாசிப்பவர்களுக்கும் ;
குரல்வலிக்க
கானம் இசைப்பவர்களுக்கும்;
உடனுக்குடன்
ஊதியம் வழங்கப்படாத -
அவல நிலையை
அவர்தான் மாற்றினார்;
இருந்த

இசைக் கலைஞர்களையெல்லாம்…
ஒன்று சேர்த்து
ஒரு சங்கம் நிறுவி -
சங்கீத
சிற்பிகளின் -
வாழ்வில் -
விளக்கு ஏற்றினார்!

அதனால் -

அவர் …

பல

படாதிபதிகளின் -
அர்த்தமற்ற கோபத்திற்கு
ஆளானார்; அவருக்கு -
வருகின்ற
வாய்ப்புகள் -அவர்களால்
குறைந்தபோதும் -அதுபற்றிக்
கிஞ்சித்தும் கவலைப்படாது…
வாடிய கலைஞர்களின் -
வறுமையைச் சாய்க்கும் வாளானார்!
…

எம்.பி.எஸ்.
என்னும்..
மா மனிதன்
மதங்களைக் கடந்தவர்;
ஏற்ற கொள்கைவழி – சிங்க
ஏறென நடந்தவர்!

ஷைபுதீன் கிச்சுலூ – எனும்
சுதந்திர போராட்ட வீரரின்…
மகளை …
மணம் முடித்தார் -
மறையவர் குலத்தில்
முளைத்த சீனிவாசன்;



அவரினும்
ஆர் உளர்
அனைத்து உயிர்க்கும்
அன்பு காட்டும் சிறந்த நேசன்!
…
எம்.பி.சீனிவாசன்
ஏற்றிவைத்த விளக்காக..

இன்றும்
இசையோடு -
வடபழனியில்
விளங்குகிறது -
வலிவும்
பொலிவும் -
மிக்க
மாபெரும் சங்கமாக…

திரைப்பட -
இசைக்கலைஞர்களின் சங்கம் -
தகத்தகாயமாக; கோடையிலே -
தண்ணிழல் தரும் தருவாக!
…

அந்தமான் சென்றிருந்தபோது -
அங்கேயே…
எம்.பி.எஸ். உயிரை
எமன் உரித்தான்;

வானுலகுக்கும் அவர் சேவை -
வேண்டுமென வரித்தான்!

கே.விஸ்வநாத் இயக்கத்தில் 1979-ம் ஆண்டு வெளியான ‘சங்கராபரணம்’ திரைப்படம் டிஜிட்டல் தொழில்நுட்பத்தில், அக்டோபர் 2-ம் தேதி மீண்டும் ரிலீஸாகிறது. இப்படத்தின் இசை வெளியீட்டு விழா சென்னையில் நேற்று நடைபெற்றது. இந்த நிகழ்ச்சியில் ‘சங்கராபரணம்’ படத்தின் இயக்குநர் கே. விஸ்வநாத், தயாரிப்பாளர் ஏடித நாகேஸ்வர ராவ், எஸ்.பி.பாலசுப்ரமணியம் உள்ளிட்ட திரையுலகினர் கலந்துகொண்ட னர்.

இந்நிகழ்ச்சியில் கே.விஸ்வநாத் பேசியதாவது:

35 ஆண்டுகளுக்கு முன்பு எடுத்த ‘சங்கராபரணம்’ படத்தை மீண்டும் நானே எடுக்க நினைத்தாலும் முடியாது. இறைவனின் அருளால் அப்போது இந்தப்படத்தை இயக்கியதாகவே நம்புகிறேன். இனி யாராலும் அந்தப் படத்தை ரீமேக் செய்ய முடியாது. அது ஒரு காவியம்.

இவ்வாறு அவர் பேசினார்.

http://tamil.thehindu.com/multimedia...m_2126617f.jpg

சிறந்த பின்னணி பாடகர் என்று, 6 முறை தேசிய விருது பெற்றார், எஸ்.பி.பாலசுப்பிரமணியம். 36 ஆயிரம் பாடல்கள் பாடி உலக சாதனை நிகழ்த்திய பாலசுப்பிரமணியம், தேசிய விருது பெறுவதிலும் சாதனை நிகழ்த்தியுள்ளார்.

“அகில இந்தியாவிலும் சிறந்த பின்னணி பாடகர்” என்ற தேசிய விருதை 6 முறை ஜனாதிபதியிடம் பெற்றுள்ளார்.

அவருக்கு இந்த விருதைப் பெற்றுத்தந்த படங்கள் வருமாறு:-

1. சங்கராபரணம் (1979) தெலுங்கு.
2. ஏக் துஜே கேலியே (1981) இந்தி.
3. சாகரசங்கமம் (1983) தெலுங்கு. இப்படம், தமிழில் வெளிவந்த “சலங்கை ஒலி”யின் தெலுங்குப்பதிப்பு.
4. ருத்ரவீணா (1989) தெலுங்கு.
5. கானசாகரகானயோகி (1995) கன்னடம்.
6. மின்சார கனவு (1996) தமிழ்.

பாலசுப்பிரமணியம் பெற்ற பரிசுகளுக்கும், விருதுகளுக்கும் அளவே இல்லை. தமிழக அரசின் “கலைமாமணி” விருதை 1981-ல் பெற்றார். சிறந்த பாடகர் என்பதற்காக தமிழக அரசின் விருதை 4 முறையும், ஆந்திர அரசின் விருதை 12 முறையும் பெற்றார். சினிமா ரசிகர்கள் சங்கம் 22 முறை விருது அளித்துப் பாராட்டியுள்ளது.

எஸ்.பி.பாலசுப்பிரமணியம் ஒரு பேட்டியில், தன்னைப்பற்றிய பல கேள்விகளுக்கு மனம் திறந்து பதில் அளித்தார்.

கேள்வி:- விஞ்ஞானத்தின் முன்னேற்றத்தால் இசைத்துறையும் மாறி வருகிறது. இதனால் இசைத்துறை எதிர்காலத்தில் மாறும் என்று நினைக்கிறீர்களா?

பதில்:- இந்த மாற்றங்கள் வரவேற்கப்பட வேண்டியவை. ஒவ்வொரு காலகட்டத்திலும் ஏற்படும் மாறுதலுக்கு ஏற்ப நம்மை மாற்றிக் கொள்ளத் தயாராக இருக்க வேண்டும். ஒரு காலத்தில் இசைக்குழுவோடு மட்டும்தான் ஒரு பாடலை பதிவு செய்ய முடியும். அதிகபட்சமாக ஒரு நாளில் இரண்டு அல்லது மூன்று பாடல்களை மட்டுமே பாடமுடியும். இப்பொழுது பின்னணி இசையை தனியாக சேர்த்துக்கொண்டு பாடல்களை தனியாக பதிவு செய்யும் வசதி வந்த பிறகு ஒரே நாளில் பத்து பனிரெண்டு பாடல்களை ஒரு பாடகரால் பாட இயலும். நான் 36 ஆயிரம் எண்ணிக்கையை தொடுவதற்கும் இந்த விஞ்ஞான வளர்ச்சிதான் காரணமாக இருந்தது. இந்த விஞ்ஞான வளர்ச்சியை நான் மனப்பூர்வமாக வரவேற்கிறேன்.

கேள்வி:- திரையுலகில் உங்களுடைய வாரிசு யார்?

பதில்:- நான் என்ன மகாராஜாவா, எனக்கு வாரிசு யார் என்று சொல்ல! எனக்குப் பிறகு, நிறையப் பேர் பாட வந்திருக்கிறார்கள். அதில் யாரை என்னுடைய வாரிசு என்றுக் கூற முடியும்? மனோ நன்றாகப் பாடுகிறார். உன்னிகிருஷ்ணன், ஹரிஹரன் மிகவும் சிறப்பாகப் பாடுகிறார்கள். எல்லோரும் நன்றாக உழைத்துப்பாடி, முன்னுக்கு வரவேண்டும் என்று ஆசைப்படுகிறேன்.

கேள்வி:- உங்களுக்கு பிடித்த பாடல்கள் எவை?

பதில்:- நான் பாடிய பாடல்கள் எனக்கு மிகவும் பிடிக்கும். குறிப்பிட்டுக் கூறுவது கடினம். எல்லா பாடல்களுமே மக்களுக்கு போய்ச்சேர வேண்டும். எந்தவித குறையுமின்றிதான் பாடுகிறோம். சில பாடல்கள் மட்டுமே மாபெரும் வெற்றியை அடைந்து விடுகின்றன.

கேள்வி:- தமிழ்ப்பாடகர்களில் உங்களுக்குப் பிடித்தவர் யார்?

பதில்:- கே.ஜே.ஜேசுதாஸ். அற்புதமான குரல் வளம் உள்ளவர். அவர் குரல் எனக்கு மிகவும் பிடிக்கும். மிகவும் கஷ்டப்பட்டு, உழைத்து, திரையுலகில் முன்னேறியவர் கே.ஜே.ஜேசுதாஸ். அவர் திரையுலகில் சேர்ந்த பிறகு கர்நாடக சங்கீதத்தை முறைப்படி கற்றுக்கொண்டு, கர்நாடக சங்கீதம், சினிமா சங்கீதம் இரண்டிலும் முன்னணியில் இருப்பவர்.

கேள்வி:- அரசியலில் இருந்து ஏன் ஒதுங்கி இருக்கிறீர்கள்?

பதில்:- எனக்குப் பிடிக்காதது அரசியல். நான் அதிலிருந்து ஒதுங்கி இருக்கவே ஆசைப்படுகிறேன். அரசியலை, பத்திரிகைகளில் படித்துத் தெரிந்து கொள்வதோடு சரி.

கேள்வி:- உங்களுக்கு எத்தனை இசைக்கருவிகள் வாசிக்கத் தெரியும்?

பதில்:- ஹார்மோனியம், புல்லாங்குழல், பாத்சோ போன்ற இசைக்கருவிகள் வாசிக்கத் தெரியும்.

கேள்வி:- உங்களுக்கு எந்த மாதிரி புத்தகங்கள் படிக்கப் பிடிக்கும்? பிடித்த எழுத்தாளர் யார்?

பதில்:- ஆங்கிலத்தில் கதைப் புத்தகங்கள் பிடிக்கும். கிரைம் கதைகளாக இருக்க வேண்டும். வாழ்க்கை சம்பந்தப்பட்ட பல புத்தகங்களை வாங்கிப் படித்து ரசித்திருக்கிறேன். சுவையாக எழுதும் எல்லா எழுத்தாளர்களையும் எனக்குப் பிடிக்கும்.

கேள்வி:- உங்களுக்குப் பிடித்த தலைவர் யார்?

பதில்:- மகாத்மா காந்தி. அவரைப்பற்றி அதிகம் படித்திருக்கிறேன். காந்தி திரைப்படத்தை 11 முறை பார்த்துப் பார்த்து ரசித்திருக்கிறேன். நாட்டிற்காக காந்தி செய்த தியாகமும், நாட்டின் மீது அவருக்கு இருந்த பற்றையும் கண்டு வியந்திருக்கிறேன். காந்தி திரைப்படம் தெலுங்கில் வெளியானபோது காந்தியின் கதாபாத்திரத்திற்கு குரல் கொடுக்க கிடைத்த அரிய வாய்ப்பை, எனது வாழ்வின் பெரும் பேறாகக் கருதுகிறேன்.

கேள்வி:- ஒவ்வொரு ஆணின் வெற்றிக்குப் பின்னால் ஒரு பெண் இருப்பாள், உங்கள் வெற்றிக்குப்பின்னால் யார்?

பதில்:- நான் இந்த பழமொழியை நம்புவதில்லை. என்னுடைய வெற்றிக்கு பின்னால் ஒரு பெண்ணும் கிடையாது. என் வெற்றிக்கு பின்னால் நிறைய ஆண்கள் இருக்கிறார்கள். நிறைய ரசிகர்கள் இருக்கிறார்கள்.”

இவ்வாறு பாலசுப்பிரமணியம் கூறினார்

http://tamil.adaderana.lk/palsuvai/w...14/09/spb1.jpg

http://media.webdunia.com/_media/ta/...11870-8937.jpg
அதிகப் பாடல்களைப் பாடிய எஸ்.பி.பாலசுப்பிரமணியம் பொதுவாக அதிகம் பேசாதவர். பேசினால் அதில் உணர்ச்சியின் சதவீதம் அதிகமாக இருக்கும். 35 வருடங்களுக்கு முன் எஸ்.பி.பி. தனது மயக்கும் குரலில் பாடிய சங்கராபரணம் படம் மீண்டும் வெளியாகிறது. இந்தமுறை தமிழில். படம் குறித்த அவரது பேச்சில் உணர்ச்சி துலங்கியது.

கடவுள் கொடுத்த வரம்...

1979 -இல் சங்கராபரணம் பாடல்களை விஜயா கார்டனில் பதிவு செய்த போது என்னுடைய வயது 33. இப்போது வயது 68. கிட்டத்தட்ட 35 வருடங்களுக்குப் பிறகு அதே பாடல்களை தமிழில் பாடியிருக்கிறேன். இந்த வயதிலும் என்னுடைய குரல் அப்படியே இருக்கிறது என்றால் அதை கடவுள் கொடுத்த வரமாக நினைக்கிறேன்.

தற்கொலை செய்திருப்பேன்...

சங்கராபரணத்தை இயக்கிய கே.விஸ்வநாத் என்னுடைய பெரியப்பா மகன்தான். இந்தப் படத்தை எடுப்பது தொடர்பாக அவர் என்னுடைய அப்பாவிடம் பேசியிருக்கிறார். உடனே அவர் என்னை வைத்து பாட வை என்றார். நான் சொன்னால் அவன் கேட்பானா என்று விஸ்வநாத் கேட்டிருக்கிறார். அதற்கு அப்பா, கேட்கவில்லை என்றால் மூஞ்சியில் குத்தி பாட வை. சங்கராபரணம் பாடலை பாட அவன் கொடுத்து வைத்திருக்க வேண்டும் என்றார். கே.வி.மகாதேவனின் உதவியாளர் புகழேந்திதான் எனக்கு பயிற்சி தந்து பாட வைத்தார். பேப்பரில் இருக்கும் வரிகளை எண்ணிப் பாடாமல் ஆழ்மனதிலிருந்து பாடு என்று அவர்தான் எனக்கு அறிவுறுத்தினார். யாராவது சங்கராபரணம் பாடல்கள் சரியில்லை என்று சொல்லியிருந்தால் தற்கொலை செய்திருப்பேன்.

கண் கலங்கிய ரசிகர்கள்...

சங்கராபரணம் வெளிவந்தவுடன் நான் பார்க்கவில்லை. படம் பார்த்த ரசிகர்கள் கிளைமாக்ஸை பார்த்து கண்கலங்கிச் சென்றதை பார்த்திருக்கிறேன். மூன்று நாள்கள் கழித்தே நண்பர்களுடன் சங்கராபரணத்தைப் பார்த்தேன். படம் ஆரம்பித்ததிலிருந்து முடிந்ததுவரை எல்லாமே கடவுளின் அனுக்கிரகம்தான். பாட்டு பாட நான் முறையாக பயிற்சி எடுத்துக் கொண்டதில்லை. கேட்ட ஞானத்தை வைத்தே பாடுகிறேன்.

நான்தான் அறிமுகம் செய்து வைத்தேன்...

இந்தப் படத்தின் ஹீரோ சோமயாஜுலு ஆந்திராவில் ஒரு மாவட்டத்தில் உதவி கலெக்டராக இருந்தார். அவரை நான்தான் இந்தப் படத்தில் அறிமுகப்படுத்தினேன். இந்தப் படத்தைப் பற்றி பேசினால் நிறைய நினைவுகள் வருகிறது. முக்கியமாக இந்தப் படத்தைப் பற்றி கேள்விப்பட்ட லதா மங்கேஷ்கர், உடனே படத்தைப் பார்க்க வேண்டும் என்று சிவாஜிக்கு தகவல் சொல்லி மும்பையிலிருந்து சென்னை வந்து படத்தைப் பார்த்துவிட்டுச் சென்றார்.

நான்கு ஜாம்பவான்கள்....

இந்தப் படத்தில் நான்கு ஜாம்பவான்கள் உள்ளனர். ஒருவர் தயாரிப்பாளர். அடுத்து படத்தை இயக்கிய விஸ்வநாத். ஒளிப்பதிவு செய்த பாலுமகேந்திரா. படத்துக்கு இசையமைத்த கே.வி.மகாதேவன்.

வணக்கம் பாலு...

சங்கராபரணம் எனக்கு மரியாதை பெற்றுத் தந்த படம். அதுவரை பாலு என்று என்னை அழைத்தவர்கள் படம் வெளியான பிறகு வணக்கம் பாலு என்று அழைக்கத் தொடங்கினார்கள். வெட்டு, குத்து எல்லாம் இல்லாத அமைதியான படம் இது. மனதுக்கு அமைதியை தந்த படம்.