Originally Posted by
AREGU
ஒரு சிறு உதவி.. ஜெய் நடித்த ஒரு படத்தின் பெயர் தெரியவேண்டும்..
ஜெய், அவர் மனைவியாக வாணிஸ்ரீ, வில்லனாக அசோகன். ஒரு சிறுவன்கூட நடித்திருப்பான். அசோகனின் கையாளாக வரும் ஜெய், ஒரு வைரக்கிரீடத்தைத் திருடும் காட்சி செம த்ரில்லாக இருக்கும். ஒரு காட்சியில் வாணிஸ்ரீயை அசோகன் கடத்தி வைத்திருப்பார். மீட்கப்போகும் ஜெய்க்கும், அசோகனுக்குமான சண்டைக்காட்சி வித்தியாசமாக வைத்திருப்பார்கள். ஆரம்பத்தில் வில்லன் அசோகன், ஜெய்சங்கரை துவைத்து எடுப்பார். அடிதாங்கமுடியாமல் கதாநாயகன் துடிதுடிப்பான். இனி ஒரு அடி வாங்கினாலும் கதாநாயகன் காலி என்ற நிலையில், அசோகன் விடும் ஒரு குத்து தவறி, ரேடியோவுக்குள் விழுந்துவிடும். மின் அதிர்ச்சியால் துடிக்கும் வில்லனை, ஜெய் காப்பாற்றி, பின் தான் கொஞ்சம் தண்ணீர் அருந்தி ஆசுவாசப்படுத்திக்கொண்டு, வில்லனைத் தாக்குவார்.
சிறுவயதில் நானும் நண்பனும் இப்படம் பார்க்கச் சென்றிருந்தோம். ஜெய் அடிவாங்குவது தாளாமல், அவரது ரசிகனான நண்பன், அழுதுகொண்டே வீட்டுக்கு ஓடியதும், முழுப்படத்தையும் பார்த்துவிட்டுவந்த என்னிடம், மறுநாள் கதை கேட்டுவிட்டு மீண்டும் படம் பார்க்கச் சென்றதும் ஒரு சுவையான நிகழ்வு.
சரி.. அந்தப்படத்தின் பெயர் யாருக்கேனும் தெரியுமா..?