Nadigar Thilagam Sivaji Ganesan - Part 7

Quote:

---

Originally Posted by pammalar

['சிட்டுக்குருவி' பாடல் போல், நாயகி மட்டும் ஸோலோவாகப் பாட, நாயகன் நடிகர் திலகம் பாடாமல், தன் நடிப்பால் மட்டுமே கலக்கும் பாடல்கள் தான் எத்தனை, எத்தனை. அதிலும் தான் எத்தனை விதம், எததனை ரகம். "புதிய பறவை"யிலேயே இன்னும் இரண்டு இருக்கிறதே, 'உன்னை ஒன்று கேட்பேன்', 'பார்த்த ஞாபகம் இல்லையோ'. ஆண்டவன் கட்டளையின் "அழகே வா, அருகே வா" என்ன, ஊட்டி வரை உறவின் "தேடினேன் வந்தது" என்ன, நவராத்திரியின் "சொல்லவா கதை சொல்லவா" என்ன, ஆலயமணியின் "மானாட்டம் தங்க மயிலாட்டம்" என்ன, பராசக்தியின் "புதுப்பெண்ணின் மனசைத் தொட்டு போறவறே" என்ன, உத்தமபுத்திரனின் "காத்திருப்பான் கமலக்கண்ணன்", "உன்னழகை கன்னியர்கள்" என்ன, கட்டபொம்மனின் "சிங்காரக் கண்ணே" என்ன, பாகப்பிரிவினையின் "தங்கத்திலே ஒரு குறையிருந்தாலும்" என்ன, படிக்காத மேதையின் "படித்ததினால் அறிவு பெற்றோர்" என்ன, என் தம்பியின் "தட்டட்டும் கை தழுவட்டும்" என்ன, உயர்ந்த மனிதனின் "நாளை இந்த வேளை" என்ன, ராமன் எத்தனை ராமனடியின் "சித்திரை மாதம் பௌர்ணமி நேரம்" என்ன, வசந்த மாளிகையின் "கலைமகள் கைப் பொருளே" என்ன, பாசமலரின் "பாட்டொன்று கேட்டேன்", "மயங்குகிறாள் ஒரு மாது" என்ன...................the list is endless.........எக்ஸ்பர்ட் சாரதா இது குறித்து அலசினால் நன்றாக இருக்கும்.]

---

டியர் பம்மலார்.
முதலில் 'எக்ஸ்பர்ட் சாரதா' என்ற வார்த்தைக்கு ஒரு Strong Objection.

அருமையான தொகுப்பு. தேடிப்பிடித்து அள்ளி வந்துள்ளீர்கள். தோண்ட தோண்ட வந்துகொண்டேயிருக்கிறது. சட்டெனெ நினைவுக்கு வந்தவை இதோ...

இதய வீணை தூங்கும்போது - இருவர் உள்ளம்
பாலிருக்கும் பழமிருக்கும் - பாவமன்னிப்பு
மறைந்திருந்து பார்க்கும் - தில்லானா
நலந்தானா நலந்தானா - தில்லானா
மாலை சூடும் மணநாள் - நிச்சய தாம்பூலம்
ஓகோகோ ஓடும் எண்ணங்களே - நீலவானம்
உங்கள் அழகென்ன அறிவென்ன - அன்புக்கரங்கள்
ஒரு முத்தாரத்தில் முப்பது முத்து - சொர்க்கம்
ஓடுது பார் நல்ல படம் - நீதி
நாற்பது வயதில் நாய்க்குணம் - பாரதவிலாஸ்
நீராட நேரம் நல்ல நேரம் - வைர நெஞ்சம்
யாருக்கு மாப்பிள்ளை யாரோ - பார்த்தால் பசிதீரும்
எங்கிருந்தோ ஒரு குரல் வந்தது - அவன்தான் மனிதன்

Quote:

---

Originally Posted by pammalar

சுசீலா பாடும் மைக்கைக் கவிழ்த்துப் பார்த்தால் தேன் சொட்டுமோ?! எத்துணை இனிமை! அதே சமயம் கணீரென்று குரல் ஒலிக்க வேண்டிய இடங்களில் எத்துணை இனிமை குறையாத கம்பீரம்! சுந்தரத் தெலுங்கைத் தாய்மொழியாகக் கொண்ட தென்னாட்டுக்குயில், தங்கத்தமிழை அக்ஷரபிசகு இல்லாமல் என்னமாய் உச்சரிக்கிறார். நடிகர் திலகத்திற்கு நடிப்பில் எப்படி எந்த தருணத்திலும் ஸ்லிப் வராதோ, அது போல், பாட்டில் TMSக்கும், சுசீலாவிற்கும், தமிழ் உச்சரிப்பில் எந்த இடத்திலும் ஸ்லிப் வராது. Legends are born, never made! [திரு.கேஆர்வி. ராஜேஷ், சுசீலா இசையரசி மாத்திரமல்ல, இசைவாணியும் தான்!]

---

உண்மைதான். ஆனாலும் ஒரு மனக்குறை... பாடும்போது தமிழை இவ்வளவு அழகாக, அட்சர சுத்தமாகப்பாடும் இசைக்குயில் சுசீலா, பேசும்போது இன்னமும் கூட தமிழில் பேச தடுமாறுவதுதான். (இவருக்குப்பின் பல ஆண்டுகள் கழித்து தமிழுக்கு வந்த எஸ்.பி.பி. என்ன அழகாக தமிழில் பேசுகிறார்).

Quote:

---

Originally Posted by pammalar

மலைப்பிரதேச இயற்கைக் காட்சிகள் கண்களுக்கு குளுகுளு. [ஹவுஸ்ஃபுல் அரங்கில் ஏசியும் ஃபுல்லாக போடப்பட்டிருந்ததால் உடலும் குளுகுளு].

மனதை மயக்கும் மலைப்பிரதேச காட்சிகளையும்,

---

இந்த இடத்தில் மறக்காமல் குறிப்பிட வேண்டிய இன்னொருஜாம்பவான் (சண்முக சுந்தரத்தின் நாதஸ்வரத்துக்கு தில்லானா ஆடிய மோகனா, உச்சத்தில் ஆடிமுடிக்கும்போது, கேமராவை அழகாக மூன்றுமுறை சுழற்றி சட்டென நிறுத்தும்) எங்கள் அண்ணன் ஒளிப்பதிவு மேதை கே.எஸ்.பிரசாத்.

Nantri Murali and Saradha.

Our city Madurai is always NT fort.

I wonder how my Swami learnt to write about a movie in a beautiful way of expression and making us sitting inside the theatre. Hats of to that.

Murali, all the news given by you is totally new information and never heared about it to me. Thanks for that.

Cheers,
Sathish

ஏற்கெனவே பல தடவை பார்த்தது தான். இருந்தாலும் இன்று சிரிப்பொலி தொலைக்காட்சியில் நிச்சய தாமபூலம் படம் பார்த்த பொழுது இன்று புதிதாய்க் காணும் உணர்வு.

காட்சிக்குக் காட்சி முத்திரை பதித்தது மட்டுமல்ல.

தமிழ்ப்பட வரலாற்றில் தத்தவப் பாடலை கனவில் கொண்டு வந்த முதல் பாடலாகவும் எங்கே நிம்மதி பாடலுக்கு முன்னோடியாகவும் படைத்தானே பாடல் அமைந்ததும் இங்கே குறிப்பிடத் தக்கது. அதற்கு முன்னர் நடிகர் திலகத்தின் சோகப் பாடல்கள் படத்தின் காட்சியைக் குறிப்பிடும் வகையில் அமைந்தன. ஆனால் படைத்தானே பாடல் புதுமையாக அமைந்தது மட்டுமல்லாமல் உலகத் தரத்தில் படமாக்கப் பட்டதாகவும் அமைந்தது குறிப்பிடத் தக்கது. இந்தப் பாடல் காட்சியில் வரும் வரிகள், டி.எம்.எஸ். அவர்களின் குரல், மெல்லிசை மன்னரின் இசை இவற்றிற் கெல்லாம் உயிரூட்டும் வகையில் அரங்க அமைப்பு, இயக்குனர் பி.எஸ். ரங்காவின் ஒளிப்பதிவு அத்தனை உழைப்பையும் தூக்கி நிறுத்தும் உலகத் தரம் வாய்ந்த நடிக மன்னனின் நடிப்பு ..

என்ன தான் எங்கே நிம்மதி பாடல் நம்மிடையே நிரந்தரமாகத் தங்கி விட்டாலும் அதன் முன்னோடியான இந்தப் பாடலை அடிக்க் முடியுமா....

ஒரு திராட்சைகுலையில் ருசி பார்த்து ஒதுக்கி விட்டு அடுத்த திராட்சைக் குலையில் பழத்தை எடுத்து ருசிப்பது ....

இத்தனை சிறிய மனிதன் தலையில் வரிகளின போது கால்களை நீட்டி தலையைக் குனிந்து சிந்திப்பது

ஆசை பாசம் காதலில் விழுந்தால் வரிகளின் போது மதுவும் மாதுவும் ஈர்ப்பதை ஓவியமாய் சித்தரிப்பது....

மீண்டும் படைத்தானே என்று பாடும் போது காமிரா ஒரு முழு வட்டமடிப்பது...

எந்த நடிகனுக்கு உலகில் கனவுக் காட்சியில் தத்துவப் பாடலில் நடிப்ப்தற்கு துணிவு வரும் ... நடிகர் திலகத்தைத் தவிர...

கனவுக் காட்சி என்றாலே கும்பலாக இளம் பெண்கள் மத்தியில் கதாநாயகி மட்டும் கதாநாயகனுடன் டூயட் பாடுது என்பது தானே தமிழ் சினிமாவின் இலக்கணம்...

இதை உடைத்தாரே நடிகர் திலகம்...

இதை ரசித்ததும் தமிழ் மக்கள் நெஞ்சம் தானே .. அதையும் நாம் பாராட்டுகிறோம்.

படைத்தானே பாடலின் வெற்றி தந்த தைரியம் அடுத்து அதைவிட சூப்பரான தத்துவ மற்றும் சோக பாடல் இடம் பெறும் கனவுக் காட்சிக்கு அடி கோலிற்று ....

நாம் நடிகர் திலகத்தின் ரசிகர்கள் என்று பெருமையோடு காலரைத் தூக்கி விட்டுக் கொள்ள மற்றொரு வாய்ப்பைத்தந்தது நிச்சய தாம்பூலம்.

அன்புடன்
ராகவேந்திரன்

சாரதா,

நிச்சயமாக நீங்கள் "மற்றவர்கள்" லிஸ்ட்-ல் இல்லை. இன்னும் சொல்லப் போனால் இங்கே யாரையும் அந்த அர்த்தத்தில் குறிப்பிடவில்லை. நான் சொன்னதற்கு பின்னால் ஒரு காரணம் இருக்கிறது. அது சுவாமிக்கு புரியும். அது வேறொன்றுமில்லை. நண்பர் சுவாமி நடிகர் திலகத்தின் பாக்ஸ் ஆபீஸ் சாதனைகளை [தமிழகமெங்கும் அவர் நடத்திய] தொகுக்கும் முயற்சியை தொடங்கிய போது பல ஊர்களிலும், அவருக்கு தெரிந்த பழைய ரசிகர்களை, குறிப்பாக அவர் நடத்திக் கொண்டிருந்த வசந்த மாளிகை இதழ் மூலமாக அறிமுகமானவர்களை தொடர்பு கொண்டிருக்கிறார். பல இடங்களிலும் சில பல தகவல்கள் கிடைத்தன.சிலர் அந்நாளில் வைத்திருந்தோம், இப்போது எங்கே என்று தெரியவில்லை, தேடி தருகிறோம் என்றெல்லாம் சொல்லி விட்டார்களாம். ஆனால் சென்று கேட்டவுடன் பராசக்தி முதல் பூப் பறிக்க வருகிறோம் வரை தேதி வாரியாக, தியேட்டர் வாரியாக, ஓடிய நாட்கள் வாரியாக, பெற்ற வசூல்- அணா, நயா பைசா கணக்கு வரை அப்படியே எடுத்துக் கொடுத்தவர்கள் மதுரை ரசிகர்கள். குறிப்பாக சிவநாத் பாபு என்ற ரசிகரை குறிப்பிடுவார் சுவாமி. இன்னும் சொல்லப் போனால் சாந்தியில் கூட இந்த விவரங்களை சுவாமியால் முழுமையாக பெற முடியவில்லை என்றால் பார்த்துக் கொள்ளுங்கள். இதைதான் நான் குறிப்பிட்டேன். மற்றப்படி நீங்கள் மதுரையின் பெருமையை என்றுமே உயர்த்திக் காட்டியவர் என்பதில் எனக்கு மாற்றுக் கருத்தே இல்லை.

இன்னும் சில சாதனைகளை நாங்கள் பெருமையாக நினைப்பதுண்டு. நேற்று நீங்கள் குறிப்பிட்டது போல் கட்டபொம்மனை மதுரை மக்கள் 181 நாட்களுக்கு ஆதரிக்காமல் இருந்திருந்தால் மேலும் ஒரு பழி வந்து சேர்ந்திருக்கும். அது போல் அதே 1959-ம் ஆண்டு பாகப் பிரிவினை படத்திற்கு கொடுத்த ஆதரவு. அந்த கருப்பு வெள்ளையின் 216 நாட்களை முறியடிக்க சிலர் ஒரு மாமாங்கத்திற்கு மேல் முயற்சி செய்து முடியாமல் போனது எல்லாம் நான் சொல்லாமலே உங்களுக்கு தெரியும்.

திருஷ்டி பரிகாரம் தங்கப் பதக்கம் மட்டுமல்ல, எங்களுக்கு இப்போதும் வருத்தத்தை அளிக்கக் கூடியவை என்றால் 167 நாட்கள் ஓடிய திருவிளையாடல், 164 நாட்கள் ஓடிய பாச மலர், 165 நாட்கள் ஓடிய சம்பூர்ண ராமாயணம் ஆகியவற்றையும் சேர்க்க வேண்டும். ஞான ஒளியும் வியட்நாம் வீடு போல வினியோகஸ்தரால் 90 நாட்களில் கழுத்து நெறிக்கப்பட்ட படம்தான். என்ன செய்வது? இதெல்லாம் நடந்திருந்தால் இன்னும் பெருமை கொண்டிருக்கலாம்.

சுவாமி,

வர்ணனைகளில் தெறிக்கும் சிருங்கார அழகு பிரமாதம்! மகரந்த வண்டாய் படிப்பவர்களை தேன் பருக செய்து விட்டீர்கள்.

நீங்களும் சாரதாவும் தொகுத்த தனி பாடல் லிஸ்ட் சூப்பர். இது போன்ற நாயகியர் பாடும் போது நடிகர் திலகம் ரியாக்க்ஷன் கொடுக்கும் பாடல்கள் எனக்கு மிகவும் பிடிக்கும். இதில் எதை சொல்வது! குறிப்பிட்டு சொல்லவேண்டுமென்றால் பாவ மன்னிப்பு, நீலவானம் மற்றும் ராமன் எத்தனை ராமனடி ஆகியவற்றை சொல்லலாம். பாவ மன்னிப்பில் பாடல் முடிந்தவுடன் பின்னணி இசை இல்லாமல் வெறும் பல்லவியை மட்டும் பாடும் காட்சி வரும். நடிகர் திலகத்தின் கைகளில் தன் முகத்தை கண்ணீரோடு புதைத்து தேவிகா தன் காதலை ஏற்றுக் கொள்ள வேண்டும் காட்சி! சென்ற வெள்ளியன்று ரம்ஜான்-ஐ முன்னிட்டு ராஜ் டி,வியில் படம் பார்த்த போதும் அந்தக் காட்சிக்காக காத்திருந்து பார்த்தேன். இது போல் சொல்லிக் கொண்டே போகலாம்.

ராகவேந்தர் சார்,

நான் ஒவ்வொரு முறையும் படைத்தானே பாடலை பார்க்கும் போது என்ன நினைப்பேனோ அதை வார்த்தைகளாகி தொடுத்திருக்கிறீர்கள். நன்றி!

Sathish,

Thanks. My pleasure.

அன்புடன்

Mr.Karthik,

Please give your valuable feedback on my reply post of 1976-77.

சகோதரி சாரதா,

தங்களின் தொடர் பாராட்டுக்களுக்கு எனது அன்பான நன்றிகள்!

டான்ஸ் மாஸ்டர் ரகுராம் வெளியிட்ட 'பாரத விலாஸ்' படத்தகவல் அரிய ஒன்று. அதனை அனைவரும் அறியும் வண்ணம் பதிவிட்டமைக்கு சிறப்பான நன்றிகள்!

"நாம் பிறந்த மண்" பற்றிய mini பதிவு many உண்மைகளை விளக்குகிறது. சந்தனத்தேவனுக்காக சிங்கத்தமிழன் பட்ட பாட்டிற்கு பலன் கிடைக்கவில்லை என்பது வருத்தத்திற்குரிய விஷயம்.

தாங்கள் வெளியிட்ட நடிகர் திலகத்தின் நாயகியர் பாடும் ஸோலோ பாடல்கள் பட்டியல் மிக அருமை. "Real" Expertஐ, "Expert" எனக் கூறுவது தவறல்லவே!

பிரசாத்தின் கேமரா "புதிய பறவை"க்கு மட்டுமா, அவர் பணியாற்றிய அத்தனை படங்களுக்குமே வரப்பிரசாதம் என்பதில் இரு வேறு கருத்துக்கு இடமில்லை.

டியர் முரளி சார்,

நடிகர் திலகத்தின் படங்களைப் பொறுத்தவரை மதுரை ரேஞ்ஜே தனி தான்!
[மனோகரா(1954) அதிகபட்சம் ஓடியதும் மதுரையில் தான், ஸ்ரீதேவியில் 156 நாட்கள்.]

தங்களது பாராட்டுக்கு நன்றி! சாதனைச் சக்கரவர்த்தியின் BO சாதனைகளை, அனைத்து அன்புள்ளங்களின் ஆதரவோடு, அடியேன் தொகுத்துக் கொண்டிருக்கும் பணியை, இந்த இனிய தருணத்தில் குறிப்பிட்டமைக்கு எனது ஆத்மார்த்தமான நன்றிகள்!

டியர் சதீஷ்,

தங்களின் பரந்து விரிந்த பாராட்டுக்கு எனது பணிவான நன்றிகள்!

டியர் ராகவேந்திரன் சார்,

தங்களின் "படைத்தானே" பதிவு, பாடலை விவரிக்கும் பதிவா?! அல்லது அப்பாடலின் You Tube Videoவா?! "படைத்தானே"வை படைத்த கலைப்பிரம்மாவின் performanceஐ கண்முன் நிறுத்தி விட்டீர்கள்! பாராட்டுக்களுடன் கூடிய நன்றிகள்!

அன்புடன்,
பம்மலார்.

டியர் முரளி சார் பம்மல் சார் மற்றும் நண்பர்களுக்கு,
படைத்தானே பாடலைப் பார்த்ததும் முதல் வேலை இதைப் பற்றி ஹப்பில் பகிரந்து கொள்ள வேண்டும் என்ற உந்துதல் தந்த வேகத்தில் என் மன ஓட்டத்தை எழுதி விட்டேன். தங்களுடைய பாராட்டுக்களுக்கு என் உளப் பூர்வமான நன்றிகள்.

நிச்சயமாக நடிகர் திலகத்தின் ரசிகர்களில் மதுரைக்கு தனியிடமும் முதலிடமும் உண்டு. அது பல முறை நிரூபிக்கப் பட்டு உள்ளது. முரளி சார் சொன்னது போல் ஓரிரு முறை தவிர, அதுவும் நம் படங்களே நமக்கு எதிராக வந்து வாய்த்தமையும் காரணமாக அமைந்த துண்டு.

சகோதரி சாரதா அவர்கள் குறிப்பிட்டுள்ள சுசீலா தனிக்குரலில் நடிகர் திலகம் தோன்றும் பல பாடல்கள் சிறப்பானவை. அதே போல் வளர் பிறை படத்தில் மௌனம் மௌனம் பாடலையும், சுமதி என் சுந்தரி படத்தில் கல்யாண சந்தையிலே, ஒரு ஆலயமாகும் பாடல்களையும் சேர்த்துக் கொள்ளலாம். தேனும் பாலும் படத்தில் ஒருவனுக்கு ஒருத்தியென்று பாடல், இன்னும் பல உள்ளன.

அதே போல் மற்றொன்று அசரீரி பாடல்கள். தெய்வப் பிறவி படத்தில் தன்னைத் தானே நம்பாதது பாடல், முதல் தேதி படத்தில் நடிகர் திலகம் வறுமையில் வேலையின்றி வாடும் போது ஒலிக்கும் தண்டபாணி தேசிகர் பாடல், அன்னையின் ஆணை படத்தில் அன்னையைப் போல் ஒரு தெய்வ்முண்டோ போன்ற பல பாடல்களில் அவருடைய நடிப்பு நம்மை நெகிழச் செய்து விடும்.

ராகவேந்திரன்

சற்று முன் வந்த தகவல். சென்னை ஸ்டார் திரையரங்கில் முன்னறிவிப்பின்றி திடீரென மூன்று நாட்களுக்கு மட்டும் திரையிடப்பட்டு அந்த மூன்று நாட்களும் வெற்றி வாகை சூடி கிட்டத் தட்ட முப்பதாயிரம் ரூபாய் அளவிற்கு வசூல் செய்ததாக தகவல் வெளியான நடிகர் திலகத்தின் ஆண்டவன் கட்டளை திரைக்காவியம் இன்று 14.09.2010 முதல் சென்னை பிராட்வே திரையரங்கில் தினசரி 3 காட்சிகளாக திரையிடப் படுவதாக தகவல் வந்துள்ளது. ரசிகர்கள் அனைவரும் இந்த வாய்ப்பைப் பயன் படுத்திக் கொள்ள வேண்டும்.

அன்புடன்
ராகவேந்திரன்

டியர் ராகவேந்தர்,

'படைத்தானே' பாடல் காட்சியைக் கண்முன்னே கொண்டு வந்து நிறுத்திவிட்டீர்கள். அருமையான விவரிப்பு. நிச்சயதாம்பூலம் ஒரு அருமையான படைப்பு. இப்படம் பற்றி கருத்துச்சொன்ன நடிகர்திலகம், "பாடலுக்காகவே இப்படத்தை மக்கள் பார்த்தனர்" என்று பெருந்தன்மையுடன் சொல்லியிருந்தார். 'பா' வரிசைப்படங்களுக்கு மத்தியில் சிக்கியும் வெற்றியடைந்த படம் இது. குறிப்பாக படைத்தானே பாடல் காட்சியில், நீங்கள் குறிப்பிட்டது போல அரங்க அமைப்பும், அதற்கு வலு சேர்க்கும் ஓவியங்களும், (குறிப்பாக உமர்கய்யாம் ஓவியமும், பாடலின் கடைசியில் நடிகர்திலகம் நுழையப்போகும் ஆந்தைக்குகை ஓவியமும்), அவற்றுக்கு சிறப்பு சேர்க்கும் தேவையான அளவேயான ஒளியமைப்பும், நடிகர்திலகத்தின் முரட்டு உடை அமைப்பும் எல்லாம் சேர்ந்து பாடலை எங்கோ கொண்டுபோய் விட்டன. (எது எதற்கோ பட்டிமன்றம் நடத்துகிறார்களே... 'டி.எம்.எஸ்.பாடலுக்கு நடிப்பதற்காக நடிகர்திலகம் பிறந்தாரா? அல்லது நடிகர்திலகத்துக்குப் பாடுவதற்காக டி.எம்.எஸ்.பிறந்தாரா?' என்று திரு.சாலமன் பாப்பையா தலைமையில் பட்டிமன்றம் நடத்தினால் என்ன?. நடத்த மாட்டார்கள். ஏனென்றால் நிச்சயம் தீர்ப்பு சொல்ல முடியாத கடினமான பட்டிமன்றமாக அது இருக்கும்).

இப்படத்தில் அனைத்துப்பாடல்களும் அருமை என்ற போதிலும் நிழலுக்குள் மறைந்த இன்னொரு பாடல் எனக்கு மிகவும் பிடிக்கும். டி.எம்.எஸ். மற்றும் ஈஸ்வரி பாடிய (ஈஸ்வரியா அல்லது ஜமுனாராணியா) 'இதுவேறுலகம் தனி உலகம்' என்ற பாடல். மெல்லிசை மன்னர்களின் 'பாங்கோஸ் ஸ்பெஷல்' இப்பாடல். பாடல் நடுவில் நடிகர்திலகம் "இருந்ததும் நடந்ததும் பொய்யடா நாம் இருக்கிற உலகம் மெய்யடா" என்று துவங்கும்போது கைதட்டலும் விஸிலும் பறக்கும்.

நீங்கள் குறிப்பிட்ட அசரீரிப்பாடல் வரிசையில் எனக்கு மிகவும் பிடித்தது, 'ப்ந்தபாசம்' படத்தில், மறைந்த திரு. மாயவநாதன் எழுதிய, படத்தின் உயிர்நாடிப்பாடலான 'நித்தம்நித்தம் மாறுகின்றதெத்தனையோ' என்ற பாடல் (குரல் உபயம் :சீர்காழியார்)

டியர் முரளி,

'பாலிருக்கும் பழமிருக்கும்' பாடலின் கடைசியில் நடிகர்திலகத்தின் கைகளில் தேவிகா முகத்தைப்புதைத்துக் கொண்டு அழும் காட்சி எனக்கும் ரொம்ப பிடிக்கும். அதற்கு நடிகர்திலகம் கொடுக்கும் ரியாக்ஷன் கிளாஸ் ரகம். அந்த வரிகளை மட்டும் சுசீலாவுடன் பாடுவது மெல்லிசை மன்னர். ஆனால் தனிப்பாடலாக ஒளிபரப்பும்போது சில தொலைக்காட்சிகளில் இந்த அருமையான காட்சியை கட் பண்ணி விடுவார்கள்.

பாடல் காட்சியில் நாயகி மட்டும் பாட, அதற்கு நடிகர்திலகம் முகபாவம் மட்டும் காட்டும் பாடல் வரிசையில்...

'பட்டத்து ராணி பார்க்கும் பார்வை' பாடலை எப்படி மறந்தோம்?.

'சிவந்த மண்' பற்றி வாய்கிழியப்பேசும் சாரதாவும் இதை மறந்தாளே எப்படி?. அதுசரி, பாடலின்போது நடிகர்திலகம் இருந்தால் நினைவிருக்கும். ஆனால், கையில் சாட்டையுடன் யாரோ ஒரு முரட்டு அரேபியர் அல்லவா அங்கே நின்றிருந்தார்..!!.

அதேபோல, நாட்டியப்பேரொளி ஆட, மயிலாசனத்தில் அமர்ந்த நிலையிலேயே நடிகர்திலகம் முகபாவம் காட்டும் 'மன்னவன் வந்தானடி தோழி' (திருவருட்செல்வர்) பாடலும் அந்தப்பட்டியலில் இடம்பெற வேண்டியதே.