Printable View
Moderator's Note : Please stop bringing in political discussions into this thread.
Do restrain yourselves as such discussions has the potential to attract attention from unwanted quarters.
p/s: Hubbers who continue discussing politics will be given leave for a few days, to cool themselves down.
https://www.youtube.com/watch?t=83&v=BW-1ezdPP5A
காணொளிக்கு நன்றி சிவாஜிகணேசன்.இன் இணையதளம் மற்றும் யூட்யூப்
Today's Tamil The Hindu .
சிவாஜியின் அரசியல்
ஆர்.முத்துக்குமார், எழுத்தாளர், ‘இந்தியத் தேர்தல் வரலாறு’ உள்ளிட்ட பல்வேறு நூல்களின் ஆசிரியர்.
தொடர்புக்கு: writermuthukumar@gmail.com
http://tamil.thehindu.com/multimedia...i_2532462f.jpg
பிப்ரவரி 10, 1988 அன்று தமிழக முன்னேற்ற முன்னணியைத் தொடங்கினார் சிவாஜி.
நான் திராவிடர் கழகத்திலோ, முன்னேற்றக் கழகத்திலோ எந்தக் காலத்திலும் சந்தா கட்டி உறுப்பினராக இருந்ததில்லை என்பார் சிவாஜி. ஆனால், சிவாஜியின் ஆரம்ப கால அடையாளம் திராவிட இயக்கம்தான். நாடக மேடைகளுக்கு அடுத்து, அவரைத் திராவிடர் கழகப் பிரச்சார மேடைகளில்தான் அதிகம் பார்க்க முடியும்.
அண்ணா எழுதிய ‘சிவாஜி கண்ட இந்து ராஜ்யம்’ நாடகத்தில் நடிக்க ஆள் தேடியபோது முதலில் கிடைத்தவர் எம்ஜிஆர். ஆனால் அவர் மறுப்புத் தெரிவிக்கவே, அந்த இடத்துக்கு வந்தார் நடிகர் கணேசன். அவருடைய நடிப்பைப் பார்த்து, ‘சிவாஜி’கணேசன் ஆக்கினார் பெரியார். பெயர் வைத்தவர் பெரியார் என்றாலும், சிவாஜிக்கு அண்ணாவின் மீதுதான் அதிகபட்ச ஈர்ப்பு. கருணாநிதி போன்றவர்களோடு நட்பு.
திராவிட இயக்கம்
பெரியாரிடமிருந்து விலகி திமுகவைத் தொடங்கிய சமயத்தில், அண்ணாவுக்கு உறுதுணையாக இருந்தவர்களுள் கே.ஆர். ராமசாமிக்கு அடுத்து செல்வாக்கு நிரம்பிய திரை நட்சத்திரம் சிவாஜி மட்டுமே. பின்னாளில் எம்.ஜி.ஆர், எஸ்.எஸ்.ஆர். என்று பல நடிகர்கள் திமுகவில் இணைந்து பிரச்சார மேடைகளை அலங்கரித்தனர். திராவிட நாடு கோரிக்கையைத் திமுக மிகத் தீவிரமாக வலியுறுத்திக்கொண்டிருந்த சமயம், திருச்சி லால்குடியில் நடந்த திமுக மாநாட்டில் ஈவெகி சம்பத் பேசினார். அந்தப் பேச்சு சிவாஜியை உணர்ச்சிவயப்படுத்தியது. அடுத்துப் பேசிய சிவாஜி, “அண்ணா ஆணையிட்டால் நான் பட ஒப்பந்தங்களை எல்லாம் கிழித்தெறிந்துவிட்டு, (திராவிட நாட்டு விடுதலை) போரில் ஈடுபடுவேன்” என்று முழங்கினார்.
1957-ல் தமிழ்நாட்டைப் புயல் தாக்கியது. பலத்த சேதம். நிவாரண நிதி திரட்டித் தாருங்கள் என்றார் அண்ணா. ஆகட்டும் என்று சிவாஜி, எம்ஜிஆர் உள்ளிட்டோர் களமிறங்கினர். கையில் துண்டேந்தி, ‘பராசக்தி' வசனம் பேசி நிதி திரட்டினார் சிவாஜி. அதிக நிதி அவருக்கே திரண்டது. ஆனால், அண்ணாவின் பரிசும் பாராட்டும் எம்ஜிஆருக்கே கிடைத்தது. அண்ணாவைச் சுற்றியுள்ளோர் செய்த சதி என்று சந்தேகப்பட்டார் சிவாஜி. சந்தேகம் கொடுத்த சோர்வால் முடங்கிக்கிடந்த சிவாஜியைத் தோள் தட்டி எழுப்பினார் இயக்குநர் பீம்சிங். வாருங்கள், திருப்பதி போய் வரலாம். போனார்கள். மறுநாள் பத்திரிகைகளில் செய்தி, ‘நாத்திக கணேசன் ஆத்திக கணேசன் ஆனார்’ என்று. ‘திருப்பதி கணேசனுக்குக் கோவிந்தா’என்று சுவரொட்டிகள் ஒட்டினார்கள். படச் சுவரொட்டிகள் மீது சாணி அடிக்கிறார்கள் என்று செய்தி வந்தது. வழக்கமான செய்திதான். அது சினிமா விவகாரம். ஆனால் இப்போது நடப்பது அரசியல் விவகாரம் என்பது புரிந்தது சிவாஜிக்கு. இனியும் அமைதி காப்பதில் அர்த்தமில்லை என்ற முடிவுக்கு வந்தார்.
காங்கிரஸ் இயக்கம்
விரக்தியின் விளிம்பில் நின்ற சிவாஜியை காமராஜர் என்ற காந்தம் கவர்ந்திழுத்தது. இனி காமராஜரே என்னுடைய வழிகாட்டி என்று சொன்னார் சிவாஜி. சிவாஜி காங்கிரஸில் இணைந்ததில் அண்ணாவுக்கு வருத்தம்தான். அதனாலென்ன, ‘எங்கிருந்தாலும் வாழ்க!’ என்று சொல்லிவிட்டார். தேர்தல் பிரச்சாரத்தின்போது காங்கிரஸின் நட்சத்திரப் பேச்சாளராக, பிரச்சாரப் பீரங்கியாகச் செயல்பட்டார் சிவாஜி. 1967 தேர்தலில் காமராஜரும் காங்கிரஸும் தோற்று, திமுக ஆட்சியைப் பிடித்தபோதும் சிவாஜி பாதை மாறவில்லை. மேலும், தீவிரமாகவே கட்சிப்பணி செய்தார். காங்கிரஸ் கட்சி உடைந்தபோது காமராஜரின் பக்கமே நின்றார் சிவாஜி. 1971 தேர்தலில் சிவாஜி - எம்ஜிஆர் இடையே கடும் வார்த்தை யுத்தங்கள் நடந்தன. “என்னைவிடச் சிறப்பாக உன்னால் நடிக்க முடியுமா?” என்று கேட்டார் சிவாஜி. “என் படத்தின் வசூலை உன்னுடைய படத்தால் விஞ்ச முடியுமா?” என்று எதிர்க் கேள்வி எழுப்பினார் எம்.ஜி.ஆர். மூத்த தலைவர்களின் தலையீட்டுக்குப் பிறகே தனிமனிதத் தாக்குதல் முடிவுக்கு வந்தது.
தேர்தல் தோல்விக்குப் பிறகு, இரண்டு காங்கிரஸ் கட்சிகளையும் இணைப்பதில் ஆர்வம் செலுத்திய தலைவர்களுள் சிவாஜியும் ஒருவர். 1973 புதுச்சேரி தேர்தலின்போது காமராஜரும் இந்திராவும் கூட்டணி அமைத்தனர். ‘காவிரியும் கங்கையும் சங்கமித்துவிட்டன’ என்று சிலாகித்தார் சிவாஜி. காமராஜரின் மறைவுக்குப் பிறகு இந்திரா காங்கிரஸில் இணைந்தார் சிவாஜி. அவருக்குக் கட்சியில் உரிய முக்கியத்துவம் கொடுத்தார் இந்திரா. 1980 தேர்தலில் திமுகவும் இந்திரா காங்கிரஸும் கூட்டணி அமைத்தபோது, “என் பிறந்த வீடும் புகுந்த வீடும் ஒன்றாகிவிட்டது” என்றார் சிவாஜி. பின்னர் நடந்த சட்டமன்றத் தேர்தலின்போது, “நாடாள கலைஞர் இருக்கிறார், நடிப்பதற்கே போகட்டும் எம்.ஜி.ஆர்” என்று பேசினார் சிவாஜி. அந்தச் சமயத்தில் திரை நட்சத்திரம் நர்கீஸ் மரணமடையவே, அவர் வகித்துவந்த மாநிலங்களவை உறுப்பினர் பதவியை சிவாஜிக்குக் கொடுத்தார் இந்திரா. தேசிய அளவில் இந்திரா காந்தி உள்ளிட்டோருடன் நல்ல நட்பு இருந்தாலும் இங்கே மூப்பனார், சிவாஜி கோஷ்டி மோதல் ஏகப்பிரபலம். தேர்தல் வரும்போதெல்லாம் சிவாஜி கோஷ்டிக்கென்று தனியே ஒதுக்கீடு செய்யப்படும். அந்த கோஷ்டியைச் சேர்ந்தவர்தான் இன்றைய காங்கிரஸ் தலைவர் ஈவிகேஎஸ் இளங்கோவன்.
தமிழக முன்னேற்ற முன்னணி
எம்.ஜி.ஆர். மரணத்துக்குப் பிறகு அதிமுக பிளவுபட்டபோது காங்கிரஸ் கட்சி வி.என்.ஜானகியை ஆதரிக்க வேண்டும் என்றார் சிவாஜி. ஆனால், ஜெயலலிதா அதிமுகவையே ஆதரிப்போம் என்று சொல்லிவிட்டார் ராஜீவ். அந்த நொடியில் ராஜீவ் - சிவாஜி உறவு கசந்தது. விளைவு, சிவாஜி ஆதரவு சட்டமன்ற உறுப்பினர்களான ஈவிகேஎஸ் இளங்கோவன் உள்ளிட்டோர் பதவி விலகினர். மொத்தமாக விலகிவிடலாம் என்றனர் சிவாஜி ரசிகர்கள். சிவாஜி, 10 பிப்ரவரி 1988 அன்று தமிழக முன்னேற்ற முன்னணியைத் தொடங்கினார். 1989 தேர்தலில் அதிமுக (ஜா) பிரிவுடன் கூட்டணி அமைத்தார் சிவாஜி. அவருடைய கட்சிக்கு 50 இடங்கள் தரப்பட்டன. திருவையாறு தொகுதியில் சிவாஜி போட்டியிட்டார். ஈவிகேஎஸ்.இளங்கோவன் பவானிசாகரில் போட்டியிட்டார். எம்.ஜி.ஆரின் மறைவு, சிவாஜியின் ஆதரவு என்ற இரண்டு அம்சங்களும் வி.என்.ஜானகிக்குக் கைகொடுக்கவில்லை. திருவை யாறில் தோற்றுப்போனார் சிவாஜி. அத்தோடு கட்சியைக் கலைத்துவிட்டு, அரசியலிலிருந்து ஒதுங்கினார் சிவாஜி.
ஜனதா தளம்
வேண்டாம் என்று விலகிப்போன சிவாஜியை மீண்டும் அரசியல் களம் அழைத்தது. ராஜீவ் காந்திக்கு எதிராகத் தேசிய அளவில் அணியமைத்த வி.பி.சிங், தன்னுடைய ஜனதா தளம் கட்சியின் தமிழகத் தலைவராக சிவாஜி செயல்பட வேண்டும் என்று கோரினார். கடந்த காலக் கசப்பனுபவங்களைச் சொல்லி மறுதலித்தார் சிவாஜி. ஆனால், சிவாஜியின் நண்பரான ஜார்ஜ் ஃபெர்னாண்டஸ் வழியே தான் நினைத்த காரியத்தைச் சாதித்தார் வி.பி. சிங். தமிழக ஜனதா தளத்தின் தலைவராகப் பொறுப்பேற்றார் சிவாஜி. பின்னர் நடந்த தேர்தலில் திமுக கூட்டணியில் ஜனதா தளம் இடம்பெற்றது. கருணாநிதியும் சிவாஜியும் ஒரே மேடையில் பங்கேற்றனர். ஆனால், தேர்தல் முடிவுகள் எதுவும் சாதகமாக அமையவில்லை. அத்தோடு அரசியலிலிருந்து முற்று முழுதாக விலகினார் சிவாஜி. ‘சக்சஸ்' என்ற வார்த்தையின் வழியே திரைத் துறைக்குள் நுழைந்த சிவாஜி, ஏனோ அந்த வார்த்தையை அரசியல் களத்தில் உச்சரிக்கவே முடியவில்லை!
http://i501.photobucket.com/albums/e...pscvwuoi1k.jpg
Courtesy : Internet
.....Quote:
Originally Posted by Barani
Kattabomman thursday 3.00 pm show 90% full as per 1.30 pm status
அன்பு நண்பர் ரவிகிரன் சார் ,
ஹிந்துவில் வந்த சிவாஜி அரசியல் கட்டுரை நண்பர் பரணி சார் பதிவிட்டது கண்டோம்! அந்த கட்டுரையில் காலபோக்கில் ஏற்பட்ட அவரின் அரசியல் மாற்றங்களை பற்றி மட்டும் குறிப்பிட்டுள்ளார்கள்! அவரின் அரசியல் வெற்றி காணமுடியாத காரணத்தை சொல்லவில்லை! உண்மையான காரணத்தை
இதுவரை எவரும் சரியாக சொன்னதில்லை! நான் சொல்கிறேன்! அனைத்து சிவாஜி ரசிகர்களும் படித்துவிட்டு தங்கள் கருத்துக்களை கூறுங்கள்!
மிகவும் சுருக்கமாக சொல்கிறேன்! பொதுவாக மக்களிடம் பிரபலமான எந்த நபராக இருந்தாலும் தான் சேர்ந்துள்ள கட்சியில் இருந்து விலகிபோவதுக்கு
அந்த நபருக்கு அந்த கட்சியில் இழைக்கப்பட்ட அநீதி தான் முக்கிய காரணமாக இருக்குமேயின்றி நிச்சயம் கொள்கை கோட்பாடுகள் உண்மையான காரணமாக இருக்காது! சிவாஜி திமுக வில் இருந்து விலகவும் சிலர் கூட்டணி அமைத்து அவர் வளர்ச்சியை தடுக்க நினைத்து அண்ணாவையும் தங்கள்
பக்கம் இருக்க செய்து நடத்திய வஞ்சகமே காரணம்! அதன் பிறகு சிவாஜி காமராஜர் கூட இணைந்து அரசியல் நடத்தியதில் எந்த குறைபாடும் இன்றி
சிறப்பாகவே செயல்பட்டார்! மக்கள் செல்வாக்கும் சிவாஜிக்கு அமோகமாகவே இருந்தது! காமராஜர் இறப்புக்கு பின்பு அவர் செய்த தவறுகள் அவரின்
அரசியல் செல்வாக்கை பெரிதும் பாதித்தது! அந்த சம்பவங்களை நான் ஏற்கனவே கூறிவிட்டதால், மீண்டும் கூற விரும்பவில்லை! சிவாஜியின் அரசியல்
வெற்றி காண முடியாமல் போனதுக்கு இன்னுமொரு மிக முக்கியமான காரணம் உள்ளது! எந்த ஒரு துறையிலும் ஒருவர் மிக உயர்ந்த நிலைக்கு செல்ல
வேண்டுமானால் திறமை, உழைப்பு செல்வாக்கு எல்லாம் இருந்தாலும் அந்த உயர்ந்த நிலையை அடையவேண்டும் என்ற ஆர்வம், ஆசை இயல்பாகவே இல்லையென்றால் அந்த நபரால் அந்த நிலையை அடைய முடியாது! சிவாஜிக்கு நடிப்பில் இருந்த உண்மையான ஆர்வம் அவரை திரைஉலகின் சக்கரவர்த்தி ஆக்கியது! மற்றவர்களின் எதிர்ப்புகள், சூழ்ச்சிகள் அவரை ஆட்டவோ, அசைக்கவோ முடியவில்லை! ஆனால் அரசியலில் முதலமைச்சர்
ஆக வேண்டும் என்ற ஆசை அவருக்கு அறவே இல்லை! எனவே அவர் திட்டமிட்டு எதையும் செய்யவில்லை! திட்டமிடாத செயல்களால் உருப்படியான
பலன் கிடைக்கவில்லை! காமராஜர் மறைவுக்கு பின்பு சிவாஜி தனிக்கட்சி கண்டு காமராஜரின் கொள்கைப்படி, திமுக, அதிமுக கட்சிகளை மிக கடுமையாக
எதிர்த்து காமராஜர் தொண்டர்களையும் சிவாஜியின் ரசிகர் பட்டாளத்தையும், ஒருங்கிணைத்து தீவிர அரசியல் செய்திருந்தால் சிவாஜி தமிழ்நாட்டின் முதலமைச்சர் ஆகவும் இருந்தார் என்று வரலாறு கூறியிருக்கும்! இன்று ஒரு சிலைக்கும் , மனிமண்டபத்திற்கும் மற்றவர்களை எதிர்பார்க்கும் நிலை வந்திருக்காது! என் பதிவை பார்த்து விட்டு சிலர் சிவாஜி முதல்வர் ஆகியிருப்பாராம் என்று கிண்டலடிக்கலாம்! அதற்கு என்ன பெரிய படிப்பு என்ற தகுதியா
வேண்டும்? எதை செய்தால் மக்கள் ஒட்டு போடுவார்கள் என்ற நுட்பத்தை அறிந்து செய்ய வேண்டியதை செய்திருந்தால் நிச்சயம் சிவாஜிக்கும் அது சாத்தியமாகிஇருக்கும்! சிலர் கூறுவது போல் சிவாஜி நல்லவர் , உத்தமர் , அதனால் அரசியலில் ஜெயிக்க முடியவில்லை என்று சொல்வது தவறு!
அப்படி கூறுபவர்கள் அரசியலில் வெற்றிகண்டவர்கள் அனைவரும் நல்லவர்கள் இல்லையென்று கூறுவார்களா? சிவாஜி அரசியலில் நல்லவராக
இருந்தது நல்ல விசயம் தான்! ஆனால் வல்லவராக இல்லாமல் போனதுதான் சிக்கலே! மகாபாரத போரிலே எதிரிகள் வலுவறிந்து, அவர்களை வெல்ல
கிருஷ்ணர் சில சூழ்ச்சிகளை செய்வார்! அரசியலில் தேர்தல் போரில் வெல்ல சில சூட்சமங்கள் புரிந்து சில சூழ்ச்சிகள் செய்து எதிரிகளை வெல்ல வேண்டும்!
சிவாஜிக்கு அந்த தந்திரங்கள் இயல்பாகவே தெரியவில்லை! அதனால் வலுவானவராக இருந்த போதிலும் வல்லவராக இல்லாததால் அரசியலில் வெற்றி
காண முடியவில்லை! என் தனிப்பட்ட அபிப்பிராயம் என்னவென்றால் சிவாஜி காமராஜர் மறைவுக்கு பின்பு ஒன்று தனிக்கட்சி கண்டிருக்க வேண்டும்!
அல்லது அரசியலை விட்டு விலகி சினிமாவில் மட்டும் கவனம் செலுத்தியிருக்க வேண்டும் ! இந்திரா காங்கிரஸில் சேர்ந்ததால் அது அகில இந்திய கட்சி
என்பதால் அவர்கள் தமிழ்மாநில அரசியலை, காங்கிரஸ் தொண்டர்களின் மன உணர்வுகளை கண்டுகொள்ளவே இல்லை! திமுக, அதிமுக விடம்
பாராளுமன்ற சீட்டுக்களுக்காக மாறி மாறி கூட்டணி அமைத்து காங்கிரஸ் பலத்தை சிதைத்து பலவீனமாகினார்கள்! காங்கிரஸ் செயல்களால் சிவாஜியின்
அரசியல் செல்வாக்கும் வெளியே தெரியாமல் குறைந்து கொண்டே வந்தது! 1988 இல் தனிக்கட்சி கண்டபோதும் அவர் மேலும் சில தவறுகள் செய்தது
அவரை படு குழியில் தள்ளிவிட்டது! மகாபாரத கர்ணன் , அர்ச்சுனனைவிட பலசாலியாக இருந்த போதும் தன் வலிமையை ஒவ்வொரு காலகட்டதிலும்
கொஞ்சம் கொஞ்சமாக இழந்து, நட்புக்காக சேரகூடாதவர்களோடு சேர்ந்து கடைசியில் எப்படி வீழ்ந்தானோ , அப்படிதான் நம் அன்புக்குரிய தலைவர்
சிவாஜியும் அரசியலில் .....
இது என் கருத்து மட்டுமல்ல ! இதுதான் உண்மையும் கூட!!
நன்றி !
All our eyes are looking at kc sir at the momet iF not through the court hope he will chart out a detailed plan through a masssive PERANI OR FASTING TO RETAIN THE STATUE AT MARINA ITSELF. THOUASNDS OF FOLLOWERS ARE PREPARED FOR THE CAUSE.Quote:
Originally Posted by s.vasudevan
Then why they are changing the film by friday. any VANCHAGAM HEREALSO.Quote:
Originally Posted by HARISH2619
திருச்சி பாஸ்கர் சார்,
தங்களின் பதிவில் நடிகர்திலகத்தின் பின்னாளைய அரசியல் ஈடுபாட்டை நுட்பமாக அலசியுள்ளீர்கள். பெருந்தலைவர் காமராஜ் மறைவுக்குப்பின் தனிக்கட்சி கண்டிருக்க வேண்டும் என்ற உங்கள் கூற்றில் மட்டும் சற்று மாறுபடுகிறேன்.
காமராஜ் மறைவுக்குப்பின் பழைய காங்கிரசை (ஸ்தாபன காங்கிரசை) இவர் கைப்பற்றியிருக்க வேண்டும். அன்றைய நிலையில் தமிழ்நாட்டில் காங்கிரஸ் என்றாலே அது ஸ்தாபன காங்கிரஸ் மட்டும்தான். இந்திரா காங்கிரஸ் அப்போது ஒரு லெட்டர் பேட் கட்சி மட்டுமே.
எனவே மிகப்பெரிய தொண்டர்படையை கொண்ட ஸ்தாபன காங்கிரசை சிவாஜி கைப்பற்றி, அதன் தலைமை ஏற்று நடத்தியிருக்க வேண்டும். பெருந்தலைவருக்குப்பின் பழைய காங்கிரசில் செல்வாக்குப்பெற்ற பெரிய தலைவர்கள் யாருமில்லை. பா.ரா. வெல்லாம் சும்மா பேருக்குத்தான் இருந்தார். அந்த நல்ல வாய்ப்பையும் கோட்டைவிட்டார் நடிகர்திலகம்.
1989-ல் சம்மந்தமில்லாத யாரையோ முதல்வராக்குவதற்கு இவர் கட்சி ஆரம்பித்தார். அப்போது அ.தி.மு.க. 'ஜா' அணி என்றும் 'ஜெ' அணி என்றும் பிரிந்து இருக்க, இரட்டை இல்லை சின்னமும் முடக்கப்பட்டு இருக்க, தி.மு.க.வுக்குத்தான் வெற்றி வாய்ப்பு என்று பரவலாக தெரிந்தது. அப்போது தி.மு.க.தலைவர் தமிழக முன்னேற்ற முன்னணிக்கு 25 இடங்கள் தருவதாக தூது அனுப்பினார். அதை ஏற்று கூட்டணியில் சேர்ந்திருந்தால் 15 எம்.எல்.ஏ.க்களாவது ஜெயித்திருக்க முடியும். திருவையாறு அவமானமும் ஒட்டாமல் இருந்திருக்கும். ஹும்.. எல்லாம் போச்சு.
நடந்தவற்றை இப்போது போஸ்ட்மார்ட்டம் பண்ணி என்னபயன் என்ற விரக்திதான் மிச்சமாகிறது.
'ராஜபார்ட் ரங்கதுரை'.
நினைவிருக்கிறது.
அரைக்கால் சட்டைப்
பருவத்திலிருந்த அந்த
எண்பதுகளின் ஒரு தினத்தில்,
நெருங்கிய தோழர்கள்
இருவருடன், அப்போதுதான்
புதிதாக உருவாகியிருந்த,
ஊருக்கும்,தனக்கும் மிக நீண்ட
தூர இடைவெளி வைத்திருந்த
டூரிங் திரையரங்கத்திற்கு,
ஒரே மிதிவண்டியில்,அதுவும்
இரவு 10.30 மணிக் காட்சிக்குப்
போனது..
நினைவிருக்கிறது.
நாலு தெரு தாண்டினதும்
மிதிவண்டி திடுக்கிட்டு
வேகம் குறைந்தது.
அந்தத் தெருவிலிருந்து
திரையரங்கம் நோக்கிச்
செல்லும் ஒரு முக்கியச் சந்தில்
மனிதர்களை விட நாய்கள்
அதிகம் வசித்து வந்தன
பின்வாங்கவும் முடியாத
பாதிப் பயணத்தில்,மேலுமெங்களைத் திடுக்கிடச் செய்யும் விதமாக புஷ்டியான ஆறு நாய்கள் எங்கள் சதை பறித்து,எடை குறைக்க ஓடி வர..
மிதிவண்டியை ஓட்டிய
இரண்டு கால்கள் தவிர பாக்கி
நான்கு கால்களையும்,
நான்கு கால் பிராணிகளுக்குத் தரும் விருப்பமின்றி,அவரவர் நெஞ்சு வரைக்கும் தூக்கி வைத்துக்கொண்டு,
தப்பித்தோம்.
---------
ரங்கதுரை..
எல்லாவற்றையும் மறக்க
வைத்தார்.
நாடக நடிகராக, கண் நிறைந்த
கதாநாயகனாக வரும் நடிகர்
திலகம்,படத்தின் ஒவ்வொரு
அங்குலத்தையும் அழகுறச்
செய்திருந்ததில் ஆச்சரியம்
இல்லை என்பதால்,
இன்று வரை என்னால் மறக்க
முடியாத அந்தப் படத்தின்
ஒரு பாடலை மட்டும்
பகிர்கிறேன்.
"தில்லை அம்பலத்
தலமொன்றிருக்குதாம்" என்கிற
நந்தனார் பாடல்.
போய் வருவதற்குக் கேட்ட
அனுமதி மறுத்து எஜமானன்
போய் விட..
"நாளை போகாமல் நான்
இருப்பேனோ?"-என்று ஏங்கித்
தவித்துப் பாடும் பாடல்.
அவரே பாடியிருப்பாரோ
எனும் ஐயத்துடன் அந்தப் பதினாலு வயசில் எனக்கு வந்த மிரட்சி,
இதோ. .இப்போது பார்க்கும்
போதும் இருக்கிறது.
இத்தனை ஈடுபாட்டுக்கு, இது
ஒன்றும் அவருக்கு முதல்படம்
இல்லை.
இத்தனை தத்ரூபமான
வாயசைப்பிலிருந்தால்தான்
படம் ஓடுமென்கிற நிலை
இல்லை.
ஆனாலும்..
அய்யா, பாடலுக்கு உயிர்
ஊட்டுகிறார்.
உன்னதமாக்குகிறார்.
ஒரு தெய்வீக இசைஞரும்,
ஓர் தெய்வீகப் பாடகரும்
தன் பொருட்டுச் செய்த இசை
உதவிக்கு, அந்த மகா கலைஞன் செய்த பதில் மரியாதை இந்தப்
பாடல்.
செய்வதைத் திருந்தச் செய்வது
என்பார்களே..அதன் இரண்டு
நிமிஷ உதாரணம் இந்தப்
பாடல்.
--------
இரண்டரை மணி நேரம் தீர்ந்து,
இந்தப் பாடலின் ரீங்காரத்துடன் திரும்பும் வழியில்..
பத்து மணிக்குத் துரத்திய
ஆறில் இரண்டு நாய்கள் மட்டும் படுத்துக் கிடந்தன.
இப்போது..
நாய்களிடமிருந்து ஒரு
குரைப்பு கூட இல்லை.
துரத்தியடிக்கும் வேகம்
இல்லை.
நிறைந்த மனசோடு திரும்பும்
எங்களுக்கும் பயமில்லை.
-------
மகிழ்வும், நிம்மதியுமாய்
நெஞ்சு நிமிர்த்தி வரும்
சிவாஜி ரசிகர்களை,
எந்த நாய்தான் என்ன செய்து
விட முடியும்?
https://www.youtube.com/watch?v=mUs_...e_gdata_player
RAJAPART RANGADURAI IS A GREAT ACTING SCOPE MOVIE.OUR THALAIVAR DID VERY WELL.UNFORGETTABLE MOVIE FOR MANY.
மகிழ்வும், நிம்மதியுமாய்
நெஞ்சு நிமிர்த்தி வரும்
சிவாஜி ரசிகர்களை,
எந்த நாய்தான் என்ன செய்து
விட முடியும்? superb aathavan ravi
இந்த முகத்தில்Quote:
Originally Posted by senthilvel
பொருந்தியது போல்
வேறெந்த
முகத்திலும்
பொருந்தாது
ஒப்பனை.
அழகு-
மிகவும்
விரும்பிற்று..
எங்கள்
அப்பனை.
Sent from my GT-S6312 using Tapatalk
அன்பு நண்பர் ஆதிராம் சார் ,
முதலில் உங்களுக்கு என் நெஞ்சார்ந்த நன்றி! எதற்காக தெரியுமா ? பெரும்பாலும் நடிகர்திலகத்தின் அரசியலை விவாதிக்கும் போது நம் திரி நண்பர்கள்
அதில் ஆர்வம் காட்டமாட்டார்கள்! நீங்கள் அதில் ஆர்வம் காட்டி பதில் அளித்தமைக்கு முதற்கண் நன்றி! சிவாஜி அரசியலில் வெற்றிபெறாவிட்டாலும்
சுமார் 30 வருடங்களுக்கு மேல் அரசியலில் ஈடுபட்டவர்! நாட்டின் முக்கிய தலைவர்களுடன் எல்லாம் இணைந்து அரசியலில் பணிஆற்றியவர்!
அவர் காலத்திலேயே அரசியலில் பலர் கோடிகளை குவித்தபோது தான் உழைத்து சம்பாதித்த பணத்தை அரசியலுக்காக இழந்தவர்! இப்படிப்பட்ட உத்தமனின்
அரசியலை விவாதிப்பதில் எனக்கு எந்த சங்கடமும் இல்லை! என் ஒரே மன ஆதங்கம் அவருடைய மக்கள் செல்வாக்கை பயன்படுத்த தெரியாமல் அவர்
வீணாக்கிவிட்டாரே என்பது தான்! நீங்கள் கூறியபடி காமராஜர் மறைவுக்கு பின்பு அவர் ஸ்தாபனகாங்கிரசை கைப்பற்றி அரசியலில் ஈடுபட்டிருக்க வேண்டும்!
அது தான் என் கருத்துமாகும்! அதில் சிலரது உள்குத்து காரணமாக சிக்கல் ஏற்பட்டிருந்தால் அவர் தனி கட்சி கண்டிருக்கலாம் என்பதே சரி!
நம் சிங்க தலைவர் சிவாஜியின் அரசியல், சினிமா எதுவாக இருந்தாலும் நம் ரசிகர்கள் தங்கள் கருத்துக்களை பகிர்ந்து கொள்ளவேண்டும் என்பதே என் ஆசை!
மீண்டும் தங்களுக்கு நன்றி !
ஞாயிற்றுக்கிழமையின்Quote:
Originally Posted by Muthaiyan Ammu
பள்ளி வளாகம் போல
வெறிச்சோடிக் கிடந்த
பழைய காலத்துத்
திரையரங்கங்கள்,
"பராசக்தி"க்குப் பிறகுதான்
பரபரப்பாயின.
"யார் என்னை வாழ வைப்பார்?"-என்று
ஏங்கித் தவித்த தமிழ்,
இந்த உத்தமக் கலைஞனின்
உச்சரிப்பு வீட்டுக்குள்தான்
உற்சாகமாய் வாழ்ந்தது.
குளித்த புத்துணர்வோடு
நடந்து செல்லுகையில்
வந்து மோதும்
சாயங்காலக் காற்றின் சுகத்தை
சிவாஜி படங்களே தருகின்றன.
என் தாத்தா,பாட்டிக்கு சிபாரிசு
செய்ததும்,
அப்பா,அம்மாவுக்கு சிபாரிசு
செய்ததும்,
நான்,என் மனைவிக்கு
சிபாரிசு செய்வதும்..
சிவாஜி படங்களாகவே
இருக்கின்றன.
அவ்வாறே சிபாரிசு
செய்வார்கள்..
என் மகனும்,பேரனும்
அவரவர் மனைவியருக்கு.
Sent from my GT-S6312 using Tapatalk
கொஞ்சம் வித்தியாசமாக..Quote:
Originally Posted by Muthaiyan Ammu
காவலரை
வைத்திருக்கிறோம்..
சிறையில்.
இதயச் சிறையில்.
Sent from my GT-S6312 using Tapatalk
நல்லவற்றைQuote:
Originally Posted by Muthaiyan Ammu
நாட்டுக்கு
அறிமுகம் செய்தவரும்,
நல்லவரையே
நமக்கு
அறிமுகம் செய்தவரும்.
Sent from my GT-S6312 using Tapatalk
From Facebook
படத்தினால் பாடலா. . பாடலினால் படமா ?
இந்த படத்தில் வரும் ஒவ்வொரு பாடலும் மறக்க. முடியாதவை.. மெல்லிசை மன்னரின் அற்புத படைப்பு... சிவாஜி KR.விஜயா ஜோடியின் அருமையான நடிப்பு,அழகிய கலர் படம்....அதுவும் ஊட்டியின் இயற்க்கை காட்சிகள்.. வேறு என்ன வேண்டும். நமக்கு..
http://youtu.be/3V6WCBctu6Q
அங்கே மாலை மயக்கம்
படம் : ஊட்டி வரை உறவு
குரல் : டி.எம்.எஸ்., பி.சுசீலா
இசை : எம்.எஸ்.வி.
பாடல் : கண்ண்தாசன்
நடிகர்கள் : சிவாஜி, கே.ஆர்.விஜயா
அங்கே மாலை மயக்கம் யாருக்காக
இங்கே மயங்க்கும் இரண்டு பேருக்காக
இது நாளை வரும் என்று காத்திருந்தால்
ஒரு நாளல்லவோ வீணாகும்
(அங்கே)
ஆடச் சொல்வது தேன்மலர் நூறு
அருந்தச் சொல்வது மாங்கனிச் சாறு
கூடச் சொல்வது காவிரி ஆறு
கொடுப்பார் கொடுத்தால் மறுப்பவர் யாரு
(அங்கே)
கேட்டுக் கொள்வது காதலின் இனிமை
கேட்டால் தருவது காதலி கடமை
இன்பம் என்பது இருவரின் உரிமை
யார் கேட்டாலும் இளமைக்குப் பெருமை
லாலாலாலா..லாலாலாலா..லாலாலாலா..
லாலாலாலா..லாலாலாலா..லாலாலாலா..
ஆஹாஹாஹா..ஆஹாஹாஹா
ஓஹோஹோஹோ.ஹ¥ஹ¥ஹ¥ஹ¤ம்..
(அங்கே)
அன்பு நண்பர் ஆதிராம் சார்,
நீங்கள் திருவையாறு பற்றி சொன்னீர்கள் அல்லவா! அப்போது நடந்த சம்பவங்களை சொல்கிறேன்! அந்த தொகுதி 1977 ஆம் ஆண்டு நடந்த சட்டமன்ற
பொது தேர்தலில் திமுக வெற்றி பெற்ற தொகுதி! திமுகவின் செல்வாக்கு பெரிதும் சரிந்திருந்த அந்த நேரத்திலும் அந்த கட்சி தனித்து போட்டியிட்டு
வெற்றி பெற்ற இடம்!! அதாவது அந்த தொகுதி திமுக கோட்டை என்றே சொல்லலாம்! அப்படிப்பட்ட பாதுகாப்பில்லாத risk ஆன தொகுதியை தவறுகள்
மட்டுமே அரசியலில் செய்வேன் என்று செயல்பட்ட நம் தலைவர் சிவாஜி தேர்ந்தெடுத்தார்! தமிழகம் முழுவதும் இருந்த நம் தொண்டர்கள் பெரும்பாலும்
சிவாஜியை நிற்க சொன்ன தொகுதி நாகர்கோவில் ஆகும்! நாங்கள் திருச்சியில் இருந்து சென்னை கட்சி அலுவலகத்துக்கும், அன்னை இல்லத்துக்கும் தந்தி, கடிதங்கள் திருவையாறில் நிற்கவேண்டாம் என்று அனுப்பினோம்! ஒரு பிரோஜனமும் இல்லை! சரி நேரில் சந்திக்க முடிந்தால்
அவரிடமே சொல்லலாம் என்று சென்னை கட்சி அலுவலகம் சென்றோம்! அந்த சமயங்களில் அவர் பெரும்பாலும் தினமும் கட்சி அலுவலகம் வருவார்!
சிவாஜி அங்கு ரொம்ப ரொம்ப பிஸி யாக இருந்தார்! பொறுமையாக காத்திருந்து அவரை சந்தித்த போது அவர் எங்கோ செல்ல எழுந்து விட்டார்!
அந்த அவசரத்திலும் என்னப்பா பசங்களா என்ன விஷயம் என்று கேட்டார்! அவர் புறப்பட்டு கொண்டே பேசியதால் எங்களால் விளக்கமாக கூறமுடியா
விட்டாலும், நீங்கள் திருவையாறில் நிற்பதில் எங்களுக்கு உடன்பாடில்லை விரிவாக காரணங்களை இந்த கடிதத்தில் கூறியுள்ளோம் என்று நாங்கள் கொண்டு சென்றிருந்த கடிதத்தை அவர் கையில் கொடுத்தோம்! அவர் அருகில் நின்றிருந்த ராஜசேகரன் கடிதத்தை அவராகவே வாங்கிகொண்டு நான் என்னவென்று விசாரிக்கிறேன் நீங்கள் புறப்படுங்கள் என்று சிவாஜியிடம் கூறிவிட்டார்! சிவாஜியும் எங்களிடம் விடைபெற்றுக்கொண்டு சென்றுவிட்டார்!
பின்பு ராஜசேகரிடம் விவரங்களை கூறி நாங்கள் பல தந்தி , கடிதங்கள் அனுப்பினோமே பார்க்கவில்லையா என்று ஆர்வமாக கேட்டால் அவர் வெகு
சாதாரணமாக பார்த்தோம் என்று கூறினார்! தலைவர் அதை படித்தாரா என்று நாங்கள் கேட்டதுக்கு ஏனப்பா அவர் ஒரு மாநில தலைவர் , அவருக்கு பல
வேலைகள் இருக்கும் மேலும் தேர்தல் நேரத்தில் கடிதங்களை படித்துகொண்டா இருக்க முடியும் என்று சற்று எரிச்சலுடன் பேசினார்! நான் அவரிடம்
சரி நீங்கள் கடிதத்தை படித்தீர்களா உங்கள் அபிப்ராயம் என்ன? என்று கேட்டதுக்கு தலைவர் எங்கு நின்றாலும் ஜெயிப்பார்! போய் உங்கள் தொகுதியில்
வேலையை பாருங்கள் என்றார்! நாங்கள் சார் அது dmk கோட்டை கொஞ்சம் யோசியுங்கள் என்றதுக்கு அரசியலை நீங்கள் எங்களுக்கு கற்று தருகிறீர்களா
என்று கோபமாக கூறி விட்டு சென்று விட்டார்! விதி வலியது சார்!
ராஜசேகரன் சிவாஜிக்கு வலது கரம் போல் செயல்பட்டவர்! அவரை சுற்றி இருந்தவர்கள் லட்சணம் இப்படிதான் இருந்தது!
புது வீடு குடி
போவோம்.
அங்கே நாம் காண்பது,
சதுரமாய்,செவ்வகமாய் சில
வெற்றிடங்கள்.. அறைகளென்ற
பெயரில்.
ஒரு சதுரத்தையோ,
செவ்வகத்தையோ தேர்ந்து..
அதை பூஜையறையென்று
வரிப்போம்.
மற்ற சதுர,செவ்வகங்களில்
நாம் காணாத ஒரு நிம்மதி
இங்கிருக்கும்.
அந்த இடம் என்பது,
வணங்குதலுக்குரியதாகும்.
------------
தெய்வீக உருவங்களால்
ஒரு இடம் மரியாதைக்குரிய
இடமாய் மாறும்.
நான் "பாவ மன்னிப்பு" பார்க்கப்
போன "சென்ட்ரல்" திரையரங்கம்,எனக்கு அப்படித்தான் மாறிற்று
நேற்று.
----------
முகம் மறைக்கும் அந்த தோல்
வாத்தியம் மெல்லக் கீழிறங்க,
மேகம் விலகின பிற்பாடு
ஒளிர்ந்து அசத்தும் நிலவு போல
முகம் காட்டி, "எல்லோரும்
கொண்டாடுவோம்" பாடும்
நம் இனியவரைப் பார்த்து..
என்னைப் போலவே, சாய்தல்
விடுத்து இருக்கையில்
நிமிர்ந்து உட்கார்ந்த ஒரு
பெரியவரை, ஓரக் கண்ணால்
பார்த்தேன்.
அய்யா..இன்னும் களத்தில்
இருக்கிறார்.
என்றும் இருப்பார்.
---------
படம் ஓடும் மொத்தப் பொழுதில் முக்கால்வாசியை
தன் புன்னகை கொண்டே
நிரப்புகிற சாதுர்யம்..
என்னவோ..தொட்டிலில்
உறங்கும் குழந்தையின் அருகே
அமர்ந்திருப்பவர் போல,
வார்த்தைகளின் மென்மை மீது
அவர் காட்டியிருக்கிற கவனம்..
கோபமாய்ப் பெண்களைச்
சாடுபவர்களைக் கடிந்து
கொள்கிற போது கூட
காட்டுகிற கண்ணியம்..
பேட்டைவாசிகளின் ஆட்டம்,
பாட்டத்தை வேடிக்கை
பார்க்கையில்,அருகில்
நெருங்கும் தேவிகாவைப்
பார்த்துப் புரியும் வெட்கம்
ஒளிந்த குறுஞ்சிரிப்பு..
"தப்பு" என்கிற வாத்தியத்தில்
"சரி"யாக வாசிக்கும் அவரது
விரல்கள்..
நடிப்புக்காக திராவகம் வீசிய
நடிகவேள் மீது நிஜமாகவே
கோபம் கொள்ளச் செய்கிற,
அந்த வலி காட்டும் துடிப்பு..
இந்தப் புனிதவதிதான் தன் தாய்
என்று புரிந்து கொள்ளும்
போதுகாட்டுகிற முகபாவங்களில்
நாம் படிக்கிற..கவியரசோடு
போட்டி போடுகிற கவிதைகள்..
இவற்றையெல்லாம்
பார்க்காதவர்களுக்கு,
கிடைக்கப் போவதில்லை..
இந்தப் படத்தின் தலைப்பு.
------------
பெருமையான படம் பார்த்த
பின், பெருமிதமாய் வெளியே
வந்தேன்.
சீனப் பெருஞ்சுவர் போல
சிவாஜிப் பெருஞ்சுவராகியி
ருந்த திரையரங்கின் உட்சுவர்
முழுதும் ஒட்டப்பட்டிருந்த
சுவரொட்டியில்,அய்யாவின்
உருவத்தை ஒருவர்
கைபேசியில் படம் பிடித்தார்.
நானதைக் கண்களால் படம்
பிடித்தேன்.
-----------
சட்டைப் பையிலிருந்து
லேசாய் தலை நீட்டியபடி
ரோஸ் நிற சினிமா டிக்கெட்.
சிறிய துண்டுக் காகிதம்தான்.
ஆனாலும்.. சட்டைப் பையில் அது கனக்கிறது..
முதன் முதலில், உழைத்து
வாங்கிய சம்பளப் பணம் போல..
பெருமையாய்.
"சாந்தி" திரைப்படத்தில் வரும்
இந்தக் காட்சிக்காகவே,
தினமும் திரையரங்கத்தை
நோக்கிப் படையெடுத்திருக்
கிறேன்.
-----------
கனவு-
எல்லோருக்கும்தான்
வருகிறது.
அபிமான நடிகரோ,நடிகையோ
அருகில் வந்து சிரித்துப் பேசுவார்கள்.
மிக விரும்பும் விளையாட்டு
வீரர்கள் தோளில் கை போட்டுக்
கொள்வார்கள்.
கைப்பிரம்பைமுறித்துப் போட்டு விட்டு,ஆசிரியர் அன்பு
பாராட்டுவார்.
மிகப் பெரிய பள்ளத்தில் சினிமா
பாணியில் ஸ்லோ மோஷனில்
விழுவோம்.
எருமை மாடு விரட்டும்.
பக்கத்தில் போய் நின்றாலே
முறைக்கிற பேருந்துப் பெண்,
என்றைக்குமில்லாத அதிசயமாய் தன் பக்கத்திலேயே அமரச் சொல்வாள்.
-99% நம் கனவுகளெல்லாம்
இப்படித்தான் போகும்.
----------
"சாந்தி" கதையின்
நாயகனுக்கும் ஒரு கனவு
வருகிறது,பாருங்கள்..
வண்ண வண்ணமாய்ப் புகை
சூழ, காதலியோடு ஆடிப்
பாடுகிற கனவல்ல இது.
தனது பரிசுத்தமான மனதுக்கும் தன் வடிவத்தையே தந்து, யாருமற்ற தனிமையில்
தன்னுடன் தானே உரையாடும்
கனவு.
உறக்கத்தில் காணும் கனவல்ல.
விழிப்புக்கு ஏங்கும் கனவு.
தனது நண்பனின் மனைவிக்குத்
தானே கணவனாக நடிக்க
வேண்டிய கொடுமையின்
வெம்மையில் வெடிக்கும்
கனவு.
நட்பின் புனிதத்தைப் போற்றி
மதிக்கும் நாயகன், தன்னைக்
கணவனென்று கருதி அந்தப்
பெண் அருகில் வரும்
போதெல்லாம் கூசிக் குறுகும் ஒழுக்கத்தின் உயர்வுத்தன்மை காட்டும் கனவு.
----------
இந்தக் காட்சி மட்டும் கனவல்ல.
யாருமற்ற இருட்டு
மண்டபத்தினுள் " வருகிறேன்"
என்று சொல்லியபடியே
இறங்கி..
மொத்தக் கதையின்
விளக்கத்தையே மூன்று
நிமிஷத்தில் காட்டி..
வாய் பேசும் வாசனைத்
தமிழில் ஏற்ற இறக்கங்கள் கூட்டி..
கலைந்த தலை விட்டுப் பிரிந்த
ஒற்றைக் கொத்து முடியையும்
தனது நடிப்பிசைக்குப் பக்க
வாத்தியமாக்கி..
ரசனைக் குளத்தில் நம்மை
மகிழ்வோடு நீந்தச் செய்து..
சிந்தை பதியச் சிரித்து..
விழி சிவக்க வைத்து அழுது..
-இந்த கனவுக் காட்சியில்
காவியம் படைக்குமெங்கள்
நடிகர் திலகத்தை மிஞ்ச ஒரு
நடிகர் வருவாரென யாரேனும்
நினைத்தால்...
அதுவும்-
கனவு.
https://www.youtube.com/watch?v=yUvE...e_gdata_player
DEAR BASKAR SIR
we are unlucky. that is why we have to hear the words of useless fellows
Snapshots from the Tribute Programme for Mellisai Mannar MSV by our NTFANS.
http://i872.photobucket.com/albums/a...psv8j00ka6.jpg
The Portrait of Mellisai Mannar placed for floral tribute.
http://i872.photobucket.com/albums/a...psjun25coh.jpg
Shri Ramkumar Ganesan and Shri MSV Gopi seen here. Behind Shri Gurumoorthy and Dr. Premeela Gurumoorthy.
http://i872.photobucket.com/albums/a...psmbxbjorj.jpg
Shri MSV Gopi lighting the lamp
http://i872.photobucket.com/albums/a...psdpsm0huq.jpg
A poster placed at the venue
http://i872.photobucket.com/albums/a...psi3wtb3co.jpg
Shri Ramkumar Presenting a Memento - A photo of Nadigar Thilagam and Mellisai Mannar to Shri MSV Gopi.
http://i872.photobucket.com/albums/a...psdbdf012k.jpg
Shri Ramkumar showing the Photo to the audience as Shri T. Murali Srinivas (blue shsirt) looks on.
http://i872.photobucket.com/albums/a...pshuzrskf4.jpg
Shri MSV Gopi shows the Photo.
http://i872.photobucket.com/albums/a...pstu1ccvgm.jpg
Shri Murali Srinivas welcoming the audience
http://i872.photobucket.com/albums/a...pskm9zmvrs.jpg
Charming NT onscreen
http://i872.photobucket.com/albums/a...psbxmi4gdj.jpg
Banner image paying tribute to Mellisai Mannar
http://i872.photobucket.com/albums/a...psx47blbaa.jpg
Fans with MSV Gopi
http://i872.photobucket.com/albums/a...psvsiliu4h.jpg
Shri G. Swaminathan, Shri Murali Srinivas and me (shaking hands) with MSV Gopi. At the right hand corner is one of the members of NTFANS. Shri Surendra Babu
டியர் திருச்சி பாஸ்கர் சார்,
நடிகர்திலகத்தின் அரசியல் ஈடுபாடு குறித்த தங்களுடைய தொடர் பதிவுகளுக்கு முதல் நன்றி.
திருவையாறு தொகுதியில் 1977-ல் தி.மு.க. தனித்து நின்று வெற்றி பெற்றதால் அது தி.மு.க.கோட்டை என்று குறிப்பிட்டீர்கள். ஆனால் நான்கு முனைப்போட்டி நடந்த அந்த 1977 சட்டமன்ற தேர்தலில் பிரிக்கப்படாத தஞ்சை மாவட்டத்தில் 20-க்கு 12 தொகுதிகளில் தி.மு.க வென்று சாதனை நிகழ்த்தியது. தமிழகம் முழுவதும் எம்.ஜி.ஆர் அலையடித்த அந்த தேர்தலில், சட்டமன்றத்தில் திமுக 48 இடங்களில் வென்று அதிகாரபூர்வ எதிர்க்கட்சியாக அமர மிக முக்கிய காரணம் சென்னையில் மொத்தமுள்ள 14-ல் 13 இடங்களை வென்றதும், தஞ்சையில் 20-க்கு 12 இடங்களை வென்றதும்தான். (அதே ஆண்டு மார்ச்சில் நடந்த நாடாளுமன்ற தேர்தலில் வடசென்னை சென்ற ஒரே தொகுதியில் வென்ற திமுக, சட்டமன்றத்தில் இந்த வெற்றியை எதிர்பார்க்கவே இல்லை).
அதனால்தான் மறுநாள் முரசொலியில் "தலைநகரும் தஞ்சையும் கழக கோட்டைகள் ஆயின" என்று தலைப்பு செய்தியிட்டு மகிழ்ந்தனர். (தஞ்சையில் தஞ்சாவூர், ஒரத்தநாடு, திருவையாறு, குத்தாலம், திருவிடைமருதூர், நன்னிலம், வலங்கைமான், மயிலாடுதுறை, திருவாரூர், சீர்காழி, பூம்புகார், வேதாரண்யம் ஆகிய தொகுதிகளை திமுக கைப்பற்ற, பட்டுக்கோட்டை, பாபநாசம் தொகுதிகளை காங்கிரஸ் கைப்பற்ற, நாகப்பட்டினம், மன்னார்குடி, திருத்துரைப்பூண்டி தொகுதிகள் வழக்கப்படி கம்யூனிஸ்டுகள் பிடிக்க, கும்பகோணம் தொகுதியை மட்டும் (எஸ்.ஆர்.ராதா) அதிமுக பிடிக்க முடிந்தது (எம்ஜிஆர் ஆட்சியைப்பிடித்த தேர்தல் அது)
இனி 1989 திருவையாறுக்கு வருவோம்...
இயல், இசை, நாடகம் என்ற முத்தமிழில் இயல், இசை இரண்டிற்கும் பெயர்போனது திருவையாறு என்பது எல்லோருக்கும் தெரியும். தியாகையர் அங்கே தங்கி பல கீர்த்தனைகள் இயற்றி, பாடினார் என்பார்கள். இப்போதும் திருவையாறு இசை ஆராதனை விழா வெகு விமரிசையாக நடக்கிறது. சரி, நாடகம்?. அதையும் பூர்த்தி செய்யும் விதமாக தங்கள் தொகுதியில் நின்ற நாடகமன்னன், நடிப்பின் நாயகனை தங்கள் தொகுதியின் சட்டமன்ற உறுப்பினராக்கி, "கலையின் இருப்பிடம் எங்கள் ஊர். அதனால்தான் ஒரு பூரணத்துவம் பெற்ற கலைஞனையே எங்கள் தொகுதி சட்டமன்ற உறுப்பினராக அனுப்பியுள்ளோம்" என்று கொக்கரித்திருக்க வேண்டாமா?. வாய்ப்பை தவற விட்டனரே.
திமுகவின் துரை. சந்திரசேகரன் உள்ளூர்க்காரர். அவரை எப்போது வேண்டுமானாலும் தேர்ந்தெடுத்துக்கொள்ளலாம். ஆனால் ஒரு சிவாஜி கணேசன்?.
1954 முதல் அரசியலில் உள்ள ஒரு கலைஞன், தமிழகத்தின் பெருமைகளை உலகறிய செய்த உன்னத கலைஞன், முதன்முதலாக தான் தேர்தலில் போட்டியிட தங்கள் தொகுதியைத் தேர்ந்தெடுத்திருக்கிறானென்றால் ஒட்டுமொத்த திருவையாறே விழாக்கோலம் கண்டிருக்க வேண்டாமா?. செய்தார்களா?.
திரு எம்ஜிஆரை விட்டு விடுவோம். அவரை யாருடனும் ஒப்பிடுவது எனதருமை மற்றுத்திரி நண்பர்களுக்குப் பிடிக்காது என்பதால்.
ஒரு நடிகன் எஸ்.எஸ்.ராஜேந்திரன் தேர்தலில் நின்று சட்டமன்ற உறுப்பினராக முடிகிறது.
ஒரு நடிகன் ஐசரிவேலன் தேர்தலில் நின்று சட்டமன்ற உறுப்பினராக முடிகிறது.
ஒரு நடிகன் ராதாரவி தேர்தலில் நின்று சட்டமன்ற உறுப்பினராக முடிகிறது
ஒரு நடிகன் நெப்போலியன் தேர்தலில் நின்று சட்டமன்ற உறுப்பினராக முடிகிறது
ஒரு நடிகன் எஸ்.வி.சேகர் தேர்தலில் நின்று சட்டமன்ற உறுப்பினராக முடிகிறது
ஒரு நடிகன் சரத்குமார் தேர்தலில் நின்று சட்டமன்ற உறுப்பினராக முடிகிறது.
ஒரு நடிகன் ராமராஜன் தேர்தலில் நின்று நாடாளுமன்ற உறுப்பினராக முடிகிறது.
ஆனால்....
தமிழகத்தையே தன் பேச்சால், நடிப்பால், கலையால் தலைநிமிரச்செய்த ஒரு சிவாஜி கணேசன் வெற்றிபெற முடியாது, வெற்றிபெற கூடாது இந்த தமிழ்நாட்டில். அப்படித்தானே..?.
மற்றவர்களுக்கு வேண்டுமானால் திருவையாறு ‘புண்ணியபூமி’யாக இருக்கலாம், ஆனால் என்னைப்பொறுத்தவரை அது என் தலைவனை தோற்கடித்த ‘பாவபூமி’.
திரு அதிரம் சார் அண்ட் திருச்சி பாஸ்கர் சார்
தமிழக அரசியல் பற்றி பேசி பயனில்லை. மனிதாபிமானம் கொண்ட மனசாட்சிக்கு கட்டுப்படும் எவரும் உணர்சிவசபடுபவர்கள் ஆவர் !
அரசியலின் முதல் disqualification இந்த மேற்கூரியவயாகும். சிரித்துகொண்டு கழுத்தறுக்கும் கலையில் விற்பன்னராக வல்லுனராக இருந்தால் மட்டுமே அரசியலில் வெற்றிபெற முடியும் என்பது காலம் காலமாக இருக்கும் நிலைப்பாடு. அல்லது வேறு எந்த துறையும் சாராமல் கர்மவீரரை போல முழுவதும் அரசியலில் இருக்கவேண்டும்....இந்த இரெண்டும் நடிகர் திலகம் செய்யவில்லை.
முதன் முதலில் பெரியார்பால் அன்புகொண்டு திராவிட கொள்கைகள் சிலவற்றுடன் தன்னுடைய கருத்து ஒத்துபோனதால் அந்த கொள்கைகளுக்காக தம்முடைய உழைப்பை வழங்கினார். பிறகு அண்ணா அவர்களை சேர்ந்தவர்களின் சதியால் அதில் இருந்து விலகி, கர்ம வீரருடன் தம்மை ஐகியபடுத்திகொண்டார் ! அவருக்கு பிறகு அவர் நேர்மை அறிந்த இந்திரா அவர்களுடன் இனைந்து செயல் பட்டார்...இதற்க்கு பிறகு அவர் சந்தித்தது எல்லாமே போலி அரசியல்வாதிகள்தான் சார் !
அரசியலில் சாதுர்யமும் சானக்க்யதனமும் மிக முக்கியம்...!
அது மக்கள் திலகத்திடம் இருந்தது ! சதுரங்க களத்தில் காயை எப்படி நகர்த்தவேண்டும் என்ற முறை மக்கள் திலகம் அறிந்தவர்..அதில் முதல் தர விற்பன்னரும் கூட ! மேலும் மிகவும் முக்கியமான அவருடைய நேரம் காலம் மற்றும் சூழல் மிகவும் கைகொடுத்தது ! அதை அவர் செவ்வனே பயன்படுத்திகொண்டார் தம்முடைய எண்ணத்தை நிறைவேற்றிகொள்ளும் விதமாக !
திரை உலகை பொருத்தவரை, திறமை என்ற ஒன்று மற்ற எவரை காட்டிலும் நடிகர் திலகத்திடம் பல கோடி மடங்கு அதிகம் இருந்ததால் திரை உலகை பொருத்தவரை அவரை வளர்ச்சியை தடுக்கவோ அல்லது அவரது தொழிலில் அவரை வெற்றி கொள்ள எவராலும் முடியவில்லை கடைசி வரையிலும் ஒரு பெரும் காட்டிர்க்கே சக்ரவர்த்தியாக சாம்ராட்டாக இருந்தார் நடிகர் திலகம் ! மக்கள் திலகம் முதல்வரான பிறகு அவர் ஒரு காலம் வரையில் காங்கிரஸில் இருந்துவிட்டு கட்சி ஏதும் தொடங்காமலே இருந்திருக்கலாம்...ஆனால் தமிழக மக்களை பற்றி அவர் தெரிந்து கொள்ள நல்ல ஒரு வாய்ப்பு அமைந்தது அவர் அரசியலுக்கு வந்தது. தேர்தல் தோல்வி என்பது நிரந்தரம் என்று அவர் கருதாமல் இருந்திருக்க வேண்டும்...
அல்லது அவர் அதற்க்கு பிறகாவது சந்தர்ப்பவாத அரசியல் செய்திருக்கவேண்டும்...தன்னுடைய நேர்மை தவறக்கூடாது என்பதில் கண்ணும் கருத்துமாக இருந்ததால் வந்த பயன்...!
அவர் கால் தூசு பெறாத கண்டவனெல்லாம் நடிகர் திலகத்தின் அரசியல் பற்றி பேசும் அளவிற்கு கொண்டுவந்துள்ளது..!
இன்று சரணம் போடுபவனும்...அடிமை போல எங்கோ போகும் தலைவனுக்கு தன்னுடைய வீட்டில் இருந்தபடி வெட்கம், மானம், ரோஷம், சூடு சொரணை இல்லாமல் மண்டியிடும் ஜால்ரா அடிக்கும் அடிமைகளுக்கு தான் அரசியல் சரிவரும் சார் ! நேர்மையின் உறைவிடமான நமக்கு அரசியல் சரிப்பட்டு வராது ! அதை பற்றி பேசி பயன் இல்லை...அரசியல் என்பது இன்று உலக fraud களின் கூடாரம் !
Let us not talk about it !!
கிருஷ்ண ஜெயந்தி சிறப்புப் பாடல்
http://www.photofast.ca/files/products/7417.jpg
நடிகர் திலகத்தின் பாடல் இல்லாமல் 'கிருஷ்ண ஜெயந்தி'யா?
இதோ அற்புதமான ஒரு பாடல்.
துள்ளி ஓடும் அந்த சின்னக் கண்ணனை அள்ளி வாரி,
'கண்ணா! மணிவண்ணா! ஆயர்குல மணிவிளக்கே எங்கள் மன்னா!
வண்ணப் பசுங்கிளியே! வார்த்தெடுத்த பொற்சிலையே!
எண்ணமெனும் சோலையிலே இசை பாடும் இளங்குயிலே
இசை பாடும் இளங்குயிலே!
எங்கள் வீட்டில் எந்த நாளும் கண்ணன் பாட்டுத்தான்
நல்ல செங்கமலச் சிரிப்பிரிக்கும் மன்னன் பாட்டுத்தான்'
'வா கண்ணா வா' என்று நம்மை அழைத்து என்றும் வற்றாத ஜீவனுள்ள நடிப்பைத் தந்து,
'நடிகர் திலகம்' இடுப்பொடித்து, பட்டு வேட்டியும், சிகப்பு வர்ணச் சொக்காயுமாய், இடுப்பில் அங்கவஸ்திரம் கட்டி, சுஜாதாவுடன் ஆடும்போது அள்ளிக் கொண்டு போகும்.
'சின்னக் கண்ணன் செல்லக் கண்ணன் சுட்டிப் பிள்ளைதான்
படுசுட்டி பிள்ளைதான்
அள்ளிக்கொண்ட கை மணக்கும் வண்ண முல்லைதான்'
(எங்கள் வீட்டில்)
'மணிவண்ணன் பாட்டுத்தான்
எங்கள் கண்ணன் பாட்டுத்தான்
கொட்டுங்கடி கும்மி கொட்டுங்கடி
தட்டுங்கடி கையைத் தட்டுங்கடி'
கோவிலில் கிருஷ்ண ஜெயந்தியை பிரம்மாண்டமாகக் கொண்டாடும் நடிகர் திலகம், வி.கே.ராமசாமி ஜெயகணேஷ், சுஜாதா, வடிவுக்கரசி, நாகேஷ் மற்றும் ஊர் மக்கள்.
'முத்துக்கருமணி சத்தமிட
வண்ணக் கோல வளையல்கள் ஓசையிட
சுத்திச் சுத்தி வந்து ஆடுங்கடி
சுந்தரக் கண்ணனைப் பாடுங்கடி'
(கொட்டுங்கடி)
இப்போது உறியடித் திருவிழா நடக்கும். வி.கே.ராமசாமி தொடை தட்டி உறியடிக்கப் போகுமுன் நடிகர் திலகத்தின் முகத்தில்தான் எத்தனை கேலி, கிண்டல், நக்கல், நையாண்டி! வி.கே.ஆர் உறியடிக்க முடியாமல் திணற, அடுத்து சுஜாதா நடிகர் திலகத்தை உறியடிக்கத் தள்ளிவிட, கம்பீரமாக களத்திற்குள் 'நடிகர் திலகம்' மீசையைத் தடவியபடி நுழைந்துவிட, சுற்றிலும் உள்ள பெண்மணிகள் இவர் மேல் மஞ்சள் தண்ணீரை ஊற்ற, நடிகர் திலகம் எம்பி எம்பி உறியை அடிக்க முயல்வது வெகு அழகு.
இப்போது நெஞ்சு நிமிர்த்தி, மீசை முறுக்கி, பின்னால் வீரமாக பின்னோக்கி நடந்து சென்று, பின் படு ஸ்டைலாக ஓடி வந்து உறியை கம்பால் அடித்து பதம் பார்ப்பாரே! அதகளம்தான்.
கன்னிப் பெண்கள் மத்தியிலே கண்ணன் ஆட, நடிகர் திலகத்தின் கோலாகல கோலாட்ட நாட்டிய முத்திரைகள் ஆரம்பமாகும். கைகளில் இரண்டு கோலாட்டக் குச்சிகளை வைத்துக் கொண்டு என்ன அழகாக, வாகாக, நளினமாக ஸ்டெப்ஸ் வைப்பார் தெரியுமா!
'கோலாட்டம் இது கோலாட்டம்
கோகுலத்தில் இன்று கொண்டாட்டம்'
'நடிகர் திலகம்' அருமையான முக பாவத்தில் இரண்டு கால்களையும் ஒன்று மாற்றி ஒன்று வைத்து கோல்களைத் தட்டியபடி,
'கண்ணனின் திருமுகம் பாலாட்டம்'
என்று பாட,
'கண்கள் இரண்டும் வேலாட்டம்
கன்னம் தாமரைப் பூவாட்டம்
சிந்தும் புன்னகை பொன்னாட்டம்'
என்று சுஜாதா தொடர்வார்.
அடுத்து வழுக்கு மரம் ஏறும் போட்டி. எண்ணெய் தடவிய வழுக்கு மர உச்சி ஏறி, உச்சியில் இருக்கும் கலசப் பானையிலிருந்து பரிசுப் பொருளை எடுக்க வேண்டும். இதிலும் சிலர் முயன்று தோற்க, நாயகர் வி.கே.ஆரை உசுப்பிவிட, வி.கே.ஆர் சந்தோஷத்துடன் தலையாட்டி சென்று பெரிய ஏணி ஒன்றை எடுத்து வருவாரே பார்க்கலாம்! ஏணியில் ஏறி பரிசுப் பொருளைக் கவர்வதற்காம்.
அடுத்து 'நடிகர் திலகம்' வழுக்கு மரத்தில் 'சரசர' வென கொஞ்சம் கொஞ்சமாக ஏற, கணவன் ஏறுவதைப் பார்க்கும் சுஜாதா கைகளால் 'அப்.. அப்' என்று சொல்வது போல கைகளை உயர்த்தி திலகத்தை உற்சாகப்படுத்துவார். (சுஜாதா ஆக்ஷனில் அசத்துவார் இந்த இடத்தில்) நடிகர் திலகமும் மேலே ஏறி கலசப் பானையை திறக்கும் போது ஆரவாரம், விசில் சப்தம் பறக்கும் திரையில் அல்லாமல் படம் பார்க்கும் திரை அரங்கு உட்பட. (சுஜாதாவின் முகத்தில்தான் எத்துணை பெருமை தாண்டவமாடுகிறது 'நடிகர்திலகம்' கலசப் பானையைக் கைப்பற்றியவுடன்!)
இப்போது அப்படியே டிராக் மாறும்.
கண்ணன் 'நடிகர் திலகம்' மடியில் அமர்ந்திருக்க, ஆரத்தி எடுக்கப்பட்டு பாடல் தொடரும்.
கோகுல பாலா! எங்கள் கோதை மணாளா!
கோபியர் நேசா! வேணுகான விலாசா!
பொன்மணிக் கால்களில் கிண்கிணி கொஞ்சிடும்
புன்னகை மன்னா!
போக்கிரிக் கண்ணா!
மன்னன் தோளில் பூச்சாத்தி
மஞ்சள் நீரில் ஆராத்தி
நந்தகுமாரா!
நவநீத ஜோரா!
என்றும் உந்தன் பேர் வாழி!
அருமையான கிருஷ்ண ஜெயந்தி பாடல். வயதான நடிகர் திலகத்தின் சிறுபிள்ளை விளையாடுத்தனமான ஜாலி நடிப்பு. பார்த்து அனுபவியுங்கள். அந்த கிருஷ்ணனின் புகழைப் பாடுங்கள். நம் 'ரங்கனி'ன் புகழையும் சேர்த்துத்தான்.
https://youtu.be/HDIeuCA_g90