-
தே.மு.தி.க. தலைவர் விஜயகாந்த் மனைவி பிரேமலதா பேச்சைக் கண்டித்து
சென்னை சேப்பாக்கம் அரசு விருந்தினர் மாளிகை அருகில் நேற்று (10/04/2016)
காலை 9 மணி முதல் மாலை 5 மணி வரையில் இடைவிடாத உண்ணாவிரத
போராட்டம் வெகு சிறப்பாக , அனைத்து எம்.ஜி.ஆர்.மன்ற அமைப்புகளின்
ஒத்துழைப்புடன், உரிமைக்குரல் மாத இதழ் ஆசிரியர் திரு.பி. எஸ்.ராஜு
தலைமையில் அனுசரிக்கப்பட்டது.
சென்னை மற்றும் புறநகர் பகுதிகளில் இருந்து மட்டுமல்லாமல், மதுரை, கோவை,
திருச்சி, தஞ்சை,புதுவை போன்ற நகரங்களில் இருந்தும் திரளான பக்தர்கள்
கலந்து கொண்டு , புரட்சி தலைவர் எம்.ஜி.ஆர். பெருமைகளையும், சிறப்புகளையும் புகழ்ந்தும், விஜயகாந்த் மற்றும் அவரது மனைவி பிரேமலதா , புரட்சி தலைவரை பற்றி இழிவாக பேசியதற்கு இகழ்ந்தும் , எச்சரிக்கை விடுத்தும் பேசினார்கள்
முன்னதாக , உண்ணாவிரத போராட்டத்தை, முறைப்படி, இயக்குனர் திரு.வி.சி.குகநாதன் துவக்கி வைத்தார்.
இதயக்கனி மாத இதழ் ஆசிரியர் திரு. விஜயன், சின்னத்திரை நடிகர் கனகராஜ் ,திரு.ஓம்பொடி பிரசாத் , தின இதழ் ஆசிரியர்கள் திரு. சிரஞ்சீவி அனீஸ், திரு. துரை கருணா , திரு. எம்.ஜி.சி. பிரதீப் , திரு. டி.கே.எஸ். கலைவாணன் ,தர்மம் தலை காக்கும் மாத இதழ் ஆசிரியர் திரு.மின்னல் பிரியன், அவரது மனைவி திருமதி.பவானி , ஒளி விளக்கு மாத இதழ் ஆசிரியர் திரு.மதுரை சோலை நாராயணன் மற்றும் பல்வேறு எம்.ஜி.ஆர். மன்ற அமைப்புகளின் தலைவர்கள், பக்தர்கள் சுமார் 200பேர் கலந்து கொண்டு நிகழ்ச்சியை சிறப்பித்தனர். பத்திரிகை நிருபர்கள் பலர் வந்திருந்து திரு. பி.எஸ். ராஜு, திரு. இதயக்கனி விஜயன், திரு. சிரஞ்சீவி அனீஸ், திரு. துரை கருணாஸ், திரு. எம்.ஜி.சி. பிரதீப் ஆகியோரிடம் பேட்டி எடுத்தனர்.
மாலை 5 மணியளவில் , முன்னாள் சுகாதார அமைச்சர் திரு. ஹண்டே அவர்கள் பேசிய பின் அவரது தலைமையில் உண்ணாவிரத போராட்டம் முடிவுக்கு வந்தது
நிகழ்ச்சியின் முடிவில் அனைவருக்கும், குளிர்பானங்கள் , பிஸ்கட்டுகள் வழங்கப்பட்டன
நிகழ்ச்சியில், இறுதியாக 9 கண்டன தீர்மானங்கள் நிறைவேற்றப்பட்டன ..
-
-
-
-
-
-
-
-
-