பாசமலருக்கு அழாதவன் மனுஷனாடே !
- சிவாஜி ரசிகன் சுயம்புலிங்கம்
Printable View
பாசமலருக்கு அழாதவன் மனுஷனாடே !
- சிவாஜி ரசிகன் சுயம்புலிங்கம்
ஜோ,
பாபநாசம் இன்னும் பார்க்கவில்லை. அதில் கமல் சிவாஜி ரசிகராக நடித்துள்ளார் எனக் கூறுகின்றனர்.
இவ்வையம் படம் வெளியாவதற்கு சில நாட்கள் முன்பே கமல் திரியில் கேட்டிருந்தேன்.
தாங்கள் படம் பார்த்திருப்பீர்கள். இதைப்பற்றிக் கூற முடியுமா.
ராகவேந்திரா சார்,
ஆம் .. சுயம்புலிங்கம் கேபிள் டிவி இணைப்பு வைத்து நடத்துபவர் மட்டுமல்ல .. சினிமா ஆர்வலர் . ஒரு நாளைக்கு புதுசு ,பழசு என ரெண்டு படமாவது பார்த்து விடுவார் . 11 மணிக்கு மேல மிட் நைட் மசாலாவும் பார்க்கும் எதார்த்தமான மனிதர் ..சுயம்புலிங்கம் சுயம்புலிங்கமாக நடித்திருக்கும் கமல்ஹாசனைப் போல ஒரு சிவாஜி ரசிகர் . முடியை சுருட்டி விட்டுக்கொள்வார் .. மகள் அது பற்றி ஏன்பா இப்படி செய்கிறீர்கள் என கேட்கும் போது "ஏம்ப்டி , இது 30 வருஷமா வச்சிருக்கேன் ..இது சிவாஜி ஸ்டைல்" என்பார் .. வழக்கம் போல தன் கேபிள் டிவி அலுவலகத்தில் படம் பார்க்கும் போது பாசமலர் படத்தின் கிளைமாக்ஸ் கைவீசம்மா கைவீசு பார்த்துக்கொண்டு கண்ணீர் மல்க இருக்கும் போது அவர் உதவியாளர் பையன் வந்ததும் வேட்டியால் கண்ணீரை துடைத்துக்கொண்டே சமாளிப்பார் .. அப்போது அந்த பையன் அவரை கிண்டல் செய்யும் போது சுயம்புலிங்கம் பாசமலர் குறித்தும் சிவாஜி குறித்தும் சில வார்த்தைகள் சொல்வார் ..
பாபநாசம் கண்டிப்பாக பாருங்கள் .
நடிகர்திலகத்தின் நினைவு நாள் நெருங்குகையில் அவர் நினைவில் ஊறித்திளைக்கும் முதல் ரசிகராக தனது இதய அஞ்சலியை பாபநாசம் வாயிலாக 'திருஷ்யமாக' முன்னோட்டமாக்கியிருக்கும் கமல் என்னும் நடிகர்திலக விருக்ஷத்தின் கிளைத்தளிருக்கு எங்கள் நெஞ்சார்ந்த நன்றிகள் !
https://www.youtube.com/watch?v=EUpn70-z5FM
https://www.youtube.com/watch?v=h8kfABvuJBk
அன்புச் சகோதரர் ராம்குமார் பிறந்த நாளையொட்டி அன்னை இல்லத்திற்குச் சென்று அவரை வாழ்த்தி வந்திருக்கிறார் கமல். இதனுடைய நிழற்படம் முகநூல் பக்கத்தில் பார்த்த நினைவு.
நிச்சயம் பார்க்கிறேன் ஜோ. விஸ்வரூபத்தின் பாதிப்பே இன்னும் அடங்கவில்லை. பாபநாசம் படத்தைப் பொறுத்த வரையில், இது வரை கிடைத்துள்ள அனைத்து கருத்துக்களுமே ஒருமித்ததாக, பாராட்டத்தக்கதாக உள்ளன.
முதன் முறையாக அவருக்குள் நடிகர் திலகம் உத்வேகம் எடுத்திருக்கிறார் எனக் கேள்விப்படுகிறேன்.
இதற்கிடையில் ஒய்.ஜி.மகேந்திராவின் சொப்பன வாழ்வில் நாடகத்தில் அவருடைய நடிப்பு ஒவ்வொரு காட்சியிலும் அவருக்குள் இருக்கும் நடிகர் திலகத்தின் தாக்கத்தை வெளிக்கொணர்ந்துள்ளது.
சினிமாவில் கமலும் நாடகத்தில் மகேந்திராவும் நடிகர் திலகத்தின் பெயரை இன்னும் பல தலைமுறைகளுக்குக் கொண்டு செல்வார்கள் என்பது இதன் மூலம் உறுதிப்படுத்தப்பட்டுள்ளது.
எதிர்வரும் 21ம் திகதி வரும் நடிகர் திலகத்தின் நினைவு நாளை முன்னிட்டு<br>கனடாவில் வெளிவரும் ஈ குருவி பத்திரிகை தனது இம்மாத பதிப்பில்<br>பதிவிட்ட அஞ்சலி கட்டுரை<br><br><br>http://i59.tinypic.com/71hjbr.jpg
http://i60.tinypic.com/5509k9.jpg