Maarariyaatha(Thiruarutpa)
Ragam:Todi --------- Thiruarutpa
மாற்றறியாத செழும் பசும் பொன்னே,
மாணிக்கமே, சுடர் வண்ணக் கொழுந்தே,
கூற்று அறியாத பெருந்தவர் உள்ளக்
கோயில் இருந்த குணப்பெருங் குன்றே,
வேற்றறியாத சிற்றம்பலக் கனியே,
விச்சையில் வல்லவர் மெச்சு விருந்தே,
சாற்றறியாத என் சாற்றுங் களித்தாய்
தனி நடராஜ என் சற்குரு மணியே.
Aatuviththaal adukinren(Thiruarutpa)
Ragam: Thodi --------- Thiruarutpa
பாட்டுவித்தால் பாடுகின்றேன், பணிவித்தால்
பணிகின்றேன், பதியே நின்னைக்
கூட்டுவித்தால் கூடுகின்றேன், குழைவித்தால்
குழைகின்றேன், குறித்த ஊணை
ஊட்டுவித்தால் உண்கின்றேன், உறக்குவித்தால்
உறங்குகின்றேன், உறங்கா தென்றும்
ஆட்டுவித்தால் ஆடுகின்றேன், அந்தோ
இச் சிறியேனால் ஆவது என்னே?
Thayee Thiripurasundari(Periyasamy thooran)
Ragam: Sudha Saveri -----Composer:-Periyasami Thooran
தாயே திரிபுரசுந்தரி உமாமஹேஸ்வரி ஷ்யாமளே சௌந்தரி
தாளினை மலரே சரணம் (தாயே)
தேயாத புகழ் மேவும் திருவான்மியுர் வளர் தேனார் மொழி
வள்ளி ஜகமெல்லாம் படைத்த (தாயே)
காமதேனு வணங்கும் கருணாரூபிணி கண்ணொளியால் அருள்
காட்டும் தயாபரி
சாமகான மகிழ் சதாசிவா பரமெனும் தனி
மருந்துடையாய் பிணியெல்லாம் களைவாய் (தாயே)
http://www.raaga.com/channels/carnat...sp?mid=CL00219
thevi niye thunai(Papanasam sivan)
Ragam: Keeravani Composer: Papanasam sivan
தேவி நீயே துணை அம்பா
தென்மதுரை வாழ் மீனலோசனி (தேவி)
தேவாதி தேவன் சுந்தரேசன்
சித்தம் கவர் புவன சுந்தரி (தேவி)
மலயத்வஜன் மாதவமே
காஞ்சன மாலை புதல்வி மஹாராகினி
அலைமகள் கலைமகள் பணி கீர்வாணி
அமுதனைய இனிய முத்தமிழ் வளர்த்தாய் (தேவி)
http://www.raaga.com/channels/carnat...sp?mid=CL00421
vizhikku thunai(kanthan alangaram)
கந்தர் அலங்காரம்
விழிக்குத் துணை திரு மென்மலர்ப் பாதங்கள் மெய்மைகுன்றா
மொழிக்குத் துணை முருகாவெனு நாமங்கள் முன்பு செய்த
பழிக்குத் துணை அவன் பன்னிரு தோளும் பயந்ததனி
வழிக்குத் துணை வடிவேலுஞ் செங்கோடன் மயூரமுமே.