Printable View
மக்கள் திலகம் உலக எம் ஜி.ஆர் பேரவை மாபெரும் மாநாடு சென்னை பல்லாவரம் வேல்ஸ் பல்கலை கழகம் வளாகத்தில் ஜூலை 15ம் தேதி ஞாயிற்றுக் கிழமை நடைபெறுவதால் நமது ரசிகர்களும் அபிமானிகளும் தங்கள் குடும்பத்துடன் அனைவரும் அலைகடலென திரண்டு வருக! வருகll.. என மதுரை மகரன் எம்.ஜி.ஆர் பக்தர்கள் குழு சார்பாக அழைக்கிறோம்... Thanks whatsapp friends...
மக்கள் திலகம் அபிமானிகள் அறிய வேண்டிய அருமையான, இனிய தகவல்... கடந்த மாதங்களில் சென்னை - ஆல்பர்ட் வளாகத்தில் என்றும் வசூல் சக்ரவர்த்தி ஆக திகழும் புரட்சி நடிகர் இரு வேடங்களில் முதன் முறையாக நடித்து, தயாரித்த, இயக்கிய காலத்தை வென்ற காவியம் "நாடோடி மன்னன்" இன்றைய சினிமா துறை நிலவுகின்ற சூழ்நிலையிலும் அட்டகாசமான ரூபாய் ஏழு லட்சங்களை (700000.00) வசூலித்து புதிய சாதனை உச்சத்தை படைத்திருக்கிறது...
மற்றுமொரு இனிய செய்தி... விரைவில் வசூல் திலக காவியம் "உலகம் சுற்றும் வாலிபன்" வெளியிடும் விழா வைபவம் சத்தியம் திரையரங்கில் நடைபெற இருக்கிறது, வாழ்க... வளர்க மக்கள் திலகம் நீடிக்கும் புகழ்...
மதுரையை மீட்ட சுந்தரபாண்டியன் - 1978
1974ல் இயக்குனர் பந்துலுவின் தயாரிப்பு இயக்கத்தில் துவக்கப்பட்ட படம் . 1973ல் நடைபெற்ற திண்டுக்கல் நாடாளுமன்ற இடைத்தேர்தல் மாபெரும் வெற்றியை தொடர்ந்து புதுவை , கோவை நாடாளுமன்ற இடைத் தேர்தல்களிலும் புதுவை சட்டமன்ற தேர்தல்களிலும் எம்ஜிஆர் மிகப்பெரிய வெற்றிகளை பெற்று அரசியல் வானிலும் ஜொலித்து கொண்டிருந்தார் . அதிமுக இயக்கம் மக்கள் மத்தியில்
பரபரப்பாக பேசப்பட்டது . திரை உலகிலும் எம்ஜிஆரின் புகழ் உச்சத்தில் இருந்தது . தமிழகத்தில் திமுக ஆட்சியில் எம்ஜிஆருக்கு எல்லா விதத்திலும் தொல்லைகளை திமுக தலைவர் கருணாநிதி தந்து கொண்டிருந்தார் . பறக்கும் படை என்ற பெயரில் சாதி இன பேதங்களை வளர்த்தார் .
தமிழகத்தை மீட்டு நல்லாட்சி அமைந்திட பந்துலு அவர்கள் மக்கள் திலகத்தை வைத்து மதுரையை [ தமிழகத்தை ] மீட்ட சுந்தரபாண்டியன் { அழகுதலைவர் எம்ஜிஆர் } என்ற அகிலனின் காவியத்தை உருவாக்கினார் . உடல் நலன் பாதிக்கப்பட்ட திரு பந்துலு அவர்கள் இயற்கை எய்திய நிலையில் படப்பிடிப்பு நின்று போனது . அரசியல் மாற்றங்கள் தொடர்ந்து எம்ஜிஆர் அவர்கள் தீவிர அரசியலில் ஈடுபட்டதால் இப்படத்தின் வளர்ச்சி 1976க்கு பின்னர் மீண்டும் வளர துவங்கியது . 1977 மார்ச் மற்றும் ஜூன் மாதத்தில் நடந்த பாராளுமன்ற சட்ட மன்ற தேர்தல்களில் எம்ஜிஆர் மகத்தான வெற்றி பெற்று தமிழக முதல்வராக பதவி ஏற்பதற்கு முன்னர் இடைவெளி இன்றி தொடர்ந்து நடித்து மதுரையை மீட்ட சுந்தரபாண்டியன் படத்தை இயக்கி நடித்து முடித்து கொடுத்தார் .
ஏற்கனவே தயரிப்பில் இருந்த ஸ்ரீதரின் மீனவ நண்பனையும் நடித்து முடித்தார் .அந்த படம் எம்ஜிஆர் தமிழக முதல்வராக பதவி ஏற்ற பின்னர் 14.8.1977 அன்று வெளிவந்தது மாபெரும் வெற்றியை அடைந்தது , மதுரையை மீட்ட சுந்தரபாண்டியன் 14.1.1978 அன்று திரைக்கு வந்தது
1936ல் வெளிவந்த ,சதிலீலாவதி - எம்ஜிஆரின் திரை உலக அறிமுகப்படம் . இறுதி படமாக மதுரையை மீட்ட சுந்தரபாண்டியன் அமைந்து விட்டது
மொத்தத்தில் மதுரையை மீட்ட சுந்தரபாண்டியன் தமிழகத்தை மீட்ட புரட்சித்தலைவர் எம்ஜிஆர்
.
1977ல் தமிழகத்தை எம்ஜிஆர் மீட்டார் .
1978ல் மதுரை மாநகராட்சியை எம்ஜிஆர் மீட்டார்
மதுரை ஒரிஜினல் பாய்ஸ் - எம்ஜிஆர் தன்னுடைய கலைப்பயணத்தை தொடங்கினர் . மதுரையை மீட்ட சுந்தரபாண்டியன் படத்துடன் தன்னுடைய கலைப்பயணத்திற்கு விடை கொடுத்தார் .கடைசியாக மதுரை மாவட்டம் ஆண்டிப்பட்டியிலிருந்து தேர்ந்தெடுக்கப்பட்டார் .மதுரை எம்ஜிஆருக்கு நிரந்தர அரசியல் மற்றும் கலைத்துறை கோட்டை என்பதை நிரூபித்து காட்டினார் . மறைவிற்கு பின்னரும் 30 ஆண்டுகள் கடந்தும் இன்றும் மதுரை எம்ஜிஆர் கோட்டையாக திகழ்கிறது
.
இனி திரைப்படம் மதுரையை மீட்ட சுந்தரபாண்டியனை பற்றி ...........
அகிலனின் கதையில் மக்கள் திலகம் எம்ஜிஆர் அவர்கள் மிகச்சிறப்பாக சுந்தரபாண்டியனாக நடித்து . இருந்தார் .மக்கள் திலகத்துடன்
நம்பியார் , வீரப்பா , சகஸ்ரநாமம் .வி.எஸ். ராகவன் , கண்ணன் தேங்காய் ஸ்ரீனிவாசன் , ஐசரி வேலன் மற்றும் நடிகைகள் லதா , பத்மப்ரியா நடித்திருந்தார்கள் . மைசூர் அரண்மனை . ஜெய்பூர் அரணமனை , பாலைவனக்காட்சிகள் கண்ணுக்கு விருந்து .
எம்ஜிஆர் - நம்பியார்
எம்ஜிஆர் - வீரப்பா
எம்ஜிஆர் - ஜஸ்டின்
மூன்று சண்டை காட்சிகள் அருமை . குறிப்பாக அரண்மனையில் வீரப்பாவுடன் மோதும் காட்சியில் எம்ஜிஆரின் ஆக்ரோஷமான நடிப்பு பிரமாதம் .
அதே போல் ஜஸ்டினுடன் பாதாள அறையில் மோதும் காட்சியும் அனல் பறந்தது . பாலைவனத்தில் நம்பியாருடன் மோதும் சண்டை கட்சியில் எம்ஜிஆரின் சுறுசுறுப்பான நடிப்பு நன்கு தெரிகிறது .
எம்ஜிஆர் அரசியல் வசனங்கள் அனைத்தும் அருமை .
தாயகத்தின் சுதந்திரமே
வீர மகன் போராட வெற்றி ..
தென்றலில் ஆடும் கூந்தலில்
அமுத தமிழில் .....
4 பாடல்கள் சூப்பர் ஹிட் . நகைச்சுவை காட்சிகள் மிகவும் குறைவு .மெல்லிசை மன்னரின் ரீ ரெக்கார்டிங் சூப்பர் .
மதுரையை மீட்ட சுந்தரபாண்டியன் - மக்கள் மனதில் நீங்கா இடம் பிடித்து விட்டார் .
தமிழ்நாட்டின் நிலப்பரப்பை விட எம்.ஜி.ஆரின் மனப் பரப்பு பெரியது
தமிழ்நாட்டின் நிலப் பரப்பைவிட எம்.ஜி.ஆரின் மனப் பரப்பு பெரியது என்று வேலூரில் கவிஞர் முத்துலிங்கம் பேசினார். எம்.ஜி.ஆர் என்பது
மூன்றெழுத்து. இதில் எம்.ஜி.ஆர் என்ற மூன்றெழுத்துத்தான் அன்றைக்கும் இன்றைக்கும் கழகத்தின் ஆயுத எழுத்தாக விளங்குகின்றது.
என்று வேலூர் வி.ஐ.டி பல்கலைக் கழகம் நடத்திய எம்.ஜி.ஆர் நூற்றாண்டு விழாவில் திரைப்படப் பாடலாசிரியர் கவிஞர் முத்து லிங்கம் பேசினர்.
இவ்விழாவிற்கு வி.ஐ.டி வேந்தரும் முன்னாள் அமைச்சருமான ஜி.விசுவநாதன் தலைமை வகித்தார். இரண்டு நாள் நடந்த இவ்விழாவில் இரண்டாம் நாளில் எம்.ஜி.ஆருடன் திரைப்படங்களில் பங்கேற்ற பல கலைஞர்களை அழைத்துப் பேச வைத்து சிறப்புச் செய்தார் விசுவநாதன்.
இவ்விழாவில் இயக்குநர் எஸ்.பி.முத்துராமன், நடிகை லதா, நடிகை வாணிஸ்ரீ நடிகை சச்சு, ராமபிரபா, பேபி இந்திரா கலைப்புலிதாணு ஆகியோர் கலந்து கொண்டு பேசினர். இதில் முத்தாய்ப்பாக அவையோரின் கை தட்டல்களுக்கிடையே திரைப்பாடல் ஆசிரியரும், முன்னாள் அரசவைக் கவிஞரும், முன்னாள் சட்டமன்ற உறுப்பினருமான கவிஞர் முத்துலிங்கம் எழுச்சியுரை ஆற்றினார். அவர் பேசியதாவது:-
குறிஞ்சி பூமலர்களில் சிறந்தது தாமரை. நதிகளில் சிறந்தது கங்கை. மலைகளில் சிறந்தது இமயம்: மனிதர்களில் சிறந்தவர் எம்.ஜி.ஆர். பன்னிரண்டு ஆண்டுகளுக்கு ஒரு முறை மலரும் குறிஞ்சிப் பூவைப் போல நூற்றாண்டுகளுக்கு ஒரு முறை தோன்றக் கூடிய தலைவர்களில் அல்லது மனிதர்களின் ஒருவர்தான் புரட்சித்தலைவர் எம்.ஜி.ஆர்.நெருஞ்சிமனம் படைத்த தலைவர்கள் நிறைந்திருக்கும் இந்நாட்டில் குறிஞ்சி மனம் பரப்பிய கொடைக்கானலாகத் திகழ்ந்தார். நேருக்கும் காந்திக்கும் நிகரான செல்வாக்கைப் பாருக்குள் பெற்றிருந்த பண்பான தலைவர் இவர். எடுக்கும் பழக்கமுள்ள எத்தனையோ கைகளிடை கொடுக்கும் பழக்கமுள்ள கொடைக் கைகள் இவர் கைகள். கொடைக் குணமும் படைக்குணமும் கூடப் பிறந்த இரட்டைக் குணங்களாகக் கொண்டிருந்தவர் அவர்.
“மூன்றெழுத்து அதிசய மனிதர் எம்.ஜி.ஆர்” என்று வி.ஐ.டி வேந்தரும் முன்னாள் அமைச்சருமான ஜி.விசுவநாதன் ஒரு புத்தகம் எழுதியிருக்கிறார். எம்.ஜி.ஆர் என்ற மூன்றெழுத்துத்தான் இன்னமும் மக்கள் நெஞ்சில் அழியாமல் வாழ்கின்ற உயிரெழுத்தாகவும் உயிர்மெய் எழுத்தாகவும் உலாவருகிறது. அந்த மூன்றெழுத்துதான் அன்றைக்கும் இன்றைக்கும் கழகத்தின் ஆயுத எழுத்தாகத் திகழ்கிறது. அந்த எழுத்துத் தான் எதிரிகளின் ஆயுதங்களைத் தாங்குகின்ற கேடயமாகவும் திகழ்கிறது. ஈகை பூமி குளிரவேண்டும் என்பதற்காக மேகம் பொழி வதைப் போலே காடுகரைகள் செழிக்க வேண்டும் என்பதற்காக நதிகள் பாய்ந்தோடிச் செல்வதைப் போலே உலக இருட்டை நீக்குவதற்காகச் சூரிய வெளிச்சம் தோன்று வதைப் போல் ஏழை எளிய மக்கள் வாழ்வில் ஒளிவிளக்கை ஏற்றிவைக்க வேண்டுமென்பதற்காக கழகத்தைப் புரட்சித்தலைவர் தோற்றுவித்தார். அதன் மூலம் அடையாளம் இல்லாமல் இருந்தவர்களுக்கெல்லாம் ஓர் அடையாளத்தைக் கொடுத்தார்.
பேர் தெரியாமல் இருந்தவர்களை யெல்லாமல் சமுதாயத்தில் பெரிய மனிதர்கள் ஆக்கினார். அதுபோல் அம்மா அவர்களும் ஊருக்கு மட்டுமே தெரிந்தவர்களாக இருந்தவர்களை யெல்லாம் எம்.எல்.ஏக்கள், எம்.பி.க்கள், அமைச்சர்களாக்கி உலகறியச் செய்தார். இவர்கள் இருவரும் கீழ்மட்டத்தில் இருந்தவர்களை யெல்லாம் கை கொடுத்து மேல் மட்டத்திற்கு உயர்த்தியவர்கள்.
ஒருவன் நடந்து வரக் கூடிய நடையை வைத்தே அவனது குணத்தை அறிந்து கொள்ளும் கூர்த்தமதி உடையவர் எம்.ஜி.ஆர். அவரை நாடி யாரேனும் ஒருவர் உதவிகேட்டு வந்தால் இப்படி ஒருவர் வந்திருக்கிறார் என்ற செய்தி அவர் காதுக்குப் போய்விட்டால் போதும். வந்தவர் வெறுங்கையோடு திரும்ப மாட்டார்.
எல்லாருக்கும் உள்ளங்கையில் இருப்பது ரேகையென்றால் எம்.ஜி.ஆருக்கு இருந்தது ஈகை. அதனால் தான் அவர் சூடினார் அனைத்திலும் வாகை.
மனப்பரப்பு பெரியது “மதுரையை மீட்ட சுந்தர பாண்டியன்” படத்திற்குப் பாடல் எழுதும் போது என் மனைவிக்கு கருச்சிதைவு ஏற்பட்டுவிட்டது. டாக்டரிடம் காட்டுவதற்குப் பணமில்லை கையில் இரண்டு ரூபாய் தான் இருந்தது. அதைப் பேருந்துக்கு வைத்துக் கொண்டு எம்.ஜி.ஆரைப் பார்க்க சத்தியா ஸ்டுடியோவிற்குச் சென்றேன். அப்போது படப்பிடிப்பு முடிந்து காரில் ஏறிவிட்டார். கார் புறப்படத் தொடங்கியது. நான் வேகமாக வந்ததைப் பார்த்துவிட்டு காரை நிறுத்தச் சொல்லி கார் அருகே என்னை அழைத்து என்ன விஷயமென்று கேட்டார். நான் இந்தச் செய்தியைச் சொல்லிவிட்டு, நேற்றுத்தான் “மதுரையை மீட்ட சுந்தரபாண்டியன்” கம்பெனியில் பாட்டெழுதுவதற்கான காட்சியைச் சொன்னார்கள். நாளைக்குத்தான் கம்போசிங் இருக்கிறது. பாட்டெழுதிய பிறகு வாங்க வேண்டிய பணத்தை நிலைமை இப்படி இருப்பதால் முன் கூட்டியே வாங்கிக் கொள்ளலாமா என்று கேட்டேன்.
“ அப்படிக் கேட்கக் கூடாது. இதற்கு முன்பு அந்தக் கம்பெனியில் நீ எழுதியிருந்தால் கேட்கலாம். நான் சொன்னதால் தான் உன்னைக் கூப்பிட்டிருக்கிறார்கள். அதனால் முன் கூட்டியே நீ கேட்டால் அது உனக்கும் அசிங்கம் எனக்கும் அசிங்கம் கேட்கக் கூடாது என்று சொல்லிவிட்டு காரில் இருந்த அவர் உதவியாளர் மாணிக்கத் திடம் டிக்கியில் இருக்கிற பெட்டியை எடுத்துக் கொண்டு வா என்று சொல்லி விட்டு காரைவிட்டு இறங்கி என்னை மேக்கப் ரூமுக்குள் கூட்டிக் சென்றார். மனிதநேயம் இரண்டாயிரம் ரூபாயை எடுத்துக் கொடுத்து நம்ம டாக்டர் பி.ஆர்.சுப்பிரமணியத்தைப்பார். இல்லையென்றால் நீ எந்த டாக்டரிடம் காண்பிக்கிறாயோ அவரிடம் காட்டி என்ன நிலையென்பதை என்னிடம் சொல் என்றார். அப்போது ஒரு பவுன் நானூற்று ஐம்பது ரூபாய்க்கு விற்றகாலம். இரண்டாயிரம் ரூபாய்க்கு நான்கு பவுன் வாங்கலாம். இப்போது நான்கு பவுன் வாங்க வேண்டுமென்றால் ஒரு லட்சம் ரூபாயாகும். அன்றைக்கு இரண்டாயிரம் ரூபாய்க்கு இன்றைய மதிப்பு ஒரு லட்சம்.
மேக்கப்பை கலைத்துவிட்டு காரில் ஏறி உட்கார்ந்து விட்டால் காரை விட்டிறங்கி மேக்கப் அறைக்குள் மறுபடி வரமாட்டார். இது அவர் இயல்பு. நான் சொன்னவுடன் காரைவிட்டு இறங்கி மேக்கப் அறைக்குள் வந்தார். என்னுடைய நிலைமையில் யார் வந்து சொல்லியிருந்தாலும் அப்படித்தான் உதவி செய்திருப்பார். ஏனென்றால் அதுதான் இரக்கக் குணம். அதுதான் மனிதநேயம். இந்த மனித நேயம் இன்று எத்தனை பேருக்கு இருக்கிறது?
இந்நாட்டின் நிலப்பரப்பை விட எம்.ஜி.ஆரின் மனப்பரப்பு பெரியது. இவரைப் போல் ஒரு தலைவர் இதுவரைக்கும் பிறந்ததில்லை. இனிப் பிறப்பார் என்று சொல்வதற்கும் உறுதியில்லை. மக்கள் மனங்களில் மாறாமல் மணம் வீசிக் கொண்டிருக்கிற வாடாத வசந்த முல்லை எம்.ஜி.ஆர். இவ்வாறு கவிஞர் முத்துலிங்கம் பேசினார்.
மதுரையை மீட்ட சுந்தரபாண்டியன்
இந்த காலக்கட்டத்தில், மீண்டும் அகிலனுடன் எம்.ஜி.ஆர். தொடர்பு கொண்டார்.
‘‘நீங்கள் எழுதிய ‘கயல்விழி’ நாவலை நான் படமாக தயாரிக்க விரும்புகிறேன். கதாநாயகனாக நானே நடிக்கிறேன். படத்திற்கு ‘மதுரையை மீட்ட சுந்தரபாண்டியன்’ என்று பெயர் வைக்கலாம் என்று இருக்கிறேன். படத்துக்கு நீங்களே வசனம் எழுதுங்கள்’’ என்று எம்.ஜி.ஆர். கூறினார்.
கதை உரிமையை மகிழ்ச்சியுடன் தருவதாக எம்.ஜி.ஆரிடம் அகிலன் தெரிவித்தார். ஆனால் வசனம் எழுத அவர் சம்மதிக்கவில்லை. ‘திரைக்கதை – வசனம் எழுத ப.நீலகண்டன் போன்ற ஒருவரை அமர்த்திக் கொள்ளுங்கள்’ என்று கூறிவிட்டார்.
படத்தில் எம்.ஜி.ஆருடன் நடிக்க லதா, பத்மப்பிரியா, பி.எஸ்.வீரப்பா, எம்.என்.நம்பியார், எஸ்.வி.சகஸ்ரநாமம் ஆகியோர் ஒப்பந்தம் ஆனார்கள். ப.நீலகண்டன் திரைக்கதை – வசனம் எழுதினார்.
‘மதுரையை மீட்ட சுந்தரபாண்டியன்’ படப்பிடிப்பு பி.ஆர்.பந்துலு இயக்கத்தில், சத்யா ஸ்டூடியோவில் தொடங்கியது. முதல்நாள், பாடல் காட்சி ஒன்று படமாக்கப்பட்டது.
எதிர்பாராத திருப்பங்கள்
வெளிப்புற படப்பிடிப்புக்கான இடங்களை தேர்வு செய்ய, கர்நாடக மாநிலத்திற்கு பி.ஆர்.பந்தலு சென்றார். அங்கு உடல்நலக்குறைவு ஏற்பட்டு திடீரென காலமானார்.
பந்தலுவின் எதிர்பாராத மரணத்தால், எம்.ஜி.ஆர். அதிர்ச்சியும் கவலையும் அடைந்தார். என்றாலும் படத்தை எடுத்து முடிப்பது என்று உறுதிபூண்டார்.
சிவஸ்ரீ பிக்சர்ஸ் அதிபர் மணி அய்யர், பட அதிபர் சேவுகன் செட்டியார் இருவரையும் அழைத்துப் பேசினார். அவர்கள் இருவரும் சேர்ந்து, ‘சோளீஸ்வரா கம்பைன்ஸ்’ என்ற பட நிறுவனத்தை தொடங்குவது என்றும் அந்த நிறுவனத்தின் சார்பில் ‘மதுரையை மீட்ட சுந்தரபாண்டியன்’ படத்தை எடுத்து முடிப்பது என்றும் தீர்மானிக்கப்பட்டது. படத்தின் டைரக்ஷன் பொறுப்பை எம்.ஜி.ஆர். ஏற்றார். படம் வேகமாக வளர்ந்தது.
படத்தில் பிரமாண்டமான போர்க்களக்காட்சி இடம் பெற்றது. அக்காட்சி ஜெய்ப்பூரில் 26 நாட்கள் படமாக்கப்பட்டது. அத்துடன் டெல்லி, மைசூர் முதலான இடங்களிலும் படப்பிடிப்பு நடந்தது.
பெரும்பகுதி படப்பிடிப்பு முடிந்துவிட்ட நிலையில், மீண்டும் ஒரு திருப்பம்.
1977–ம் ஆண்டில் தமிழ்நாடு சட்டசபைக்கு தேர்தல் நடந்தது. அதில், எம்.ஜி.ஆரின் அண்ணா தி.மு.க வெற்றி பெற்று ஆட்சியைக் கைப்பற்றியது.
படத்தில், எம்.ஜி.ஆர். சம்பந்தப்பட்ட சில காட்சிகள் எடுக்க வேண்டியிருந்தது. அக்காட்சிகளைப் படமாக்கி கொடுத்துவிட்டு அதன் பின் முதலமைச்சராக பதவி ஏற்பது என்று எம்.ஜி.ஆர். தீர்மானித்தார்.
இரவு பகலாக படப்பிடிப்பு நடந்தது. எல்லா காட்சிகளையும் எடுத்து முடித்த பின், முதல்வராக எம்.ஜி.ஆர். பதவி ஏற்றார்.
எம்.ஜி.ஆர். பதவி ஏற்றபின், 1978–ம் ஆண்டு ஜனவரி 14–ந் தேதி பொங்கல் தினத்தன்று ‘மதுரையை மீட்ட சுந்தரபாண்டியன்’ வெளிவந்து, மகத்தான வெற்றி பெற்றது. அத்துடன் எம்.ஜி.ஆர். நடித்த கடைசி படம் என்ற சிறப்பையும் பெற்றது
சினிமாவில் பொதுவாக பெண்களின் அழகைத்தான் கவிஞர்கள் வர்ணிப்பார்கள். ஆண்களின் அழகையும் வர்ணிக்க முடியும் என்றால் அது எம்.ஜி.ஆருக்குத்தான் பொருந்தும்.
‘குடும்பத் தலைவன்’ படத்தில் ‘கட்டான கட்டழகு கண்ணா, உன்னைக் காணாத பெண்ணும் ஒரு பெண்ணா?’
என்று எம்.ஜி.ஆரை வர்ணித்திருப்பார் கண்ணதாசன்.
எம்.ஜி.ஆரின் அழகை, ஆளுமையை ‘நீதிக்குப் பின் பாசம்’ படத்தில் இடம் பெற்ற ஒரு பாடலில், நாயகி பாடுவது போல கண்ணதாசன் விவரித்திருப்பார். அந்த வரிகள்…
‘தேக்கு மரம் உடலைத் தந்தது
சின்ன யானை நடையைத் தந்தது
பூக்கள் எல்லாம் சிரிப்பை தந்தது
பொன்னல்லவோ நிறத்தை தந்தது’
இந்த வரிகளைப் படித்தாலே நினைவுக்கு வருபவர் எம்.ஜி.ஆராகத்தான் இருக்க முடியும்.
எம்.ஜி.ஆருக்கு மிகவும் பிடித்த கண்ண தாசன் பாடல் ‘மன்னாதி மன்னன்’ படத்தில் அவர் எழுதிய ‘அச்சம் என்பது மடமையடா, அஞ்சாமை திராவிடர் உடமையடா...’பாடல். காரில் எம்.ஜி.ஆர். செல்லும்போது அவர் கேட்டு ரசிக்கும் பாடல்களில் இந்த பாடல் தவறாமல் இடம் பெறும்.
1960 – ஆம் ஆண்டு கண்ணதாசனின் கதை, வசனம், பாடல்களோடு வெளிவந்து, இன்றும் மக்கள் திலகம் எம்.ஜி.ஆரின் வெற்றிப்படமாய்த் திகழ்வதே நடேஷ் ஆர்ட் பிக்சர்சாரின் ‘மன்னாதி மன்னன்!’
இப்படத்தில் இடம்பெற்றுள்ள கவிஞரின் அனைத்துப் பாடல்களும் கருத்துச்சுவை நிரம்பிய பாடல்களே. இருப்பினும் தமிழக வரலாற்றிலேயே, எத்தனையோ சோடனைகளுக்கு நடுவிலும், தொடர்ந்து மூன்றுமுறை வீரத்திற்கும், புகழுக்கும் கட்டியங்கூறும் பாடலாக அமைந்த,
“அச்சம் என்பது மடமையடா!
அஞ்சாமை திராவிடர் உடமையடா!
ஆறிலும் சாவு, நூறிலும் சாவு!
தாயகம் காப்பது கடமையடா!”
என்று ஆரம்பமாகி, அனைவரது நாடி நரம்புகளிலும் வீரத்தையும், நெஞ்சங்களில் விவேகத்தையும் உண்டாக்கும் பாடலே உயர்ந்த இடத்தைப் பற்றிக் கொள்ளும் பாடலாகும்!
உண்மைதானே!
அச்சம் என்பது மூடர்களின் மூலதனமல்லவா! ஆட்சிக் கட்டிலில் இருந்தவர்களே ஒன்றுகூடி 1972 – ஆம் ஆண்டு தன்னை வெளியேற்றியபோது, தனது இரசிகப் பெரும் பட்டாளத்தோடும், தாய்க்குலத்தின் தனிப்பெரும் ஆதரவோடும், துணிவையே துணையாகக் கொண்டு, தன்னைக் கட்சியில் இருந்து வெளியெற்றியவர்களையே ஆட்சியில் இருந்து அகற்றிய அஞ்சாத, அச்சமில்லாத சிங்கமல்லவா எம்.ஜி.ஆர்.
அவர்தானே,
‘அஞ்சாமை திராவிடர் உடமையடா!’ என்று கூறத்தகுந்தவர்.
மெல்லிசை மன்னர் எம் எஸ் வி பிறந்த நாள் 24.6.2018
மெல்லிசை மன்னர் மக்கள் திலகத்தின் படங்கள் அனைத்திற்கும் அருமையான பாடல்களை தந்துள்ளார் எம்ஜிஆர் படங்களில் டைட்டில் காட்சி இசைஅமைப்பும் பின்னனணி இசையும் மிகவும் அருமையான இருந்தது
குலேபகாவலி
மன்னாதி மன்னன்
பணத்தோட்டம்
ஆனந்தஜோதி
படகோட்டி
எங்கவீட்டுப்பிள்ளை
ஆயிரத்தில் ஒருவன்
கலங்கரை விளக்கம்
அன்பே வா
நான் ஆணையிட்டால்
காவல்காரன்
ரகசியப்போலீஸ் 115
குடியிருந்தக்கோயில்
ஒளிவிளக்கு
நம்நாடு
ரிக் ஷாக்காரன்
ராமன் தேடிய சீதை
உலகம் சுற்றும் வாலிபன்
சிரித்து வாழவேண்டும்
இதயக்கனி
மீனவநண்பன்
விஸ்வநாதன் ராமமூர்த்தி தேர்ந்த மெலடியில் இசையமைக்கக்கூடியவர்கள் என்பதைக் காட்ட பீம்சிங், ஸ்ரீதர் மற்றும் பலர் களம் அமைத்துக் கொடுத்தார்கள் என்றாலும் எம்ஜிஆர் திரைப்படங்களே அவர்களுக்கு விதவிதமான பாடல்களுக்கு இசையமைக்கும் வாய்ப்பு அளித்தன. எம்ஜிஆர் படங்களிலும் சிறந்த மெல்லிசைப் பாடல்கள் இருந்தன என்றாலும், அவற்றில் துள்ளிப் பாயும் உற்சாகம் இருக்க வேண்டும் என்பதில் கவனம் செலுத்த வேண்டியிருந்தது. மிகப்பெரிய ஆளுமையாக எம்ஜிஆர் திரைப்படங்களில் தோன்றியது ஒரு காரணம் என்றாலும் அவர் அரசியலில் தன்னை அடையாளப்படுத்திக்கொள்ள திரைப்படங்களைப் பயன்படுத்தியதும் ஒரு காரணம். முன்னதாகவே எம்ஜிஆர் இவர்களுடன் பணியாற்றியிருந்தார் என்றாலும் விஸ்வநாதன் ராமமூர்த்திக்கும் கே வி மகாதேவனுக்கு சம வாய்ப்புகள் அளித்தார் (பின்னரே அவர் எம்எஸ்வி பக்கம் சாய்ந்தார்).
1960ஆம் ஆண்டிலேயே எம்ஜிஆருக்கு மறக்க முடியாத ஒரு பாடல் அமைத்திருந்தனர்- “மன்னாதி மன்னன்” திரைப்படத்தில் வரும், “அச்சம் என்பது மடமையடா,” என்ற பாடல். இன்றும் இது கழக மேடைகளில் தவறாமல் ஒலித்துக் கொண்டிருக்கும் பாடல். இதன் ட்யூன் நன்றாக இருக்கிறது என்றாலும் ஐம்பதுகளுக்கு உரிய பாடல்தான் இது- விஸ்வநாதன் ராமமூர்த்தி முத்திரைகளில் மிகக் குறைவாகவே இதில் இருக்கிறது. அக்காலத்துக்கே உரிய பாடல்-
பாசம் (1962) என்ற திரைப்படத்தில் ஏறத்தாழ இதே போன்ற தாளம் மற்றும் பாடல் அமைப்பு இப்போது நவீனமாக ஒலிக்கிறது. இதன் துவக்கத்தில் வரும் கிதாரின் அதிர்வுகள் மற்றும் வயலின், இன்டர்லூடில் வரும் அக்கார்டியன் ஓசை, டிஎம்எஸ் பாடும் முறை இந்த மாட்டு வண்டி முன்பிருந்த ஒன்றல்ல என்பதைக் காட்டுகின்றன- “உலகம் பிறந்தது எனக்காக”
அரசியல் பாடல்கள் மட்டுமல்ல, எம்ஜியாரின் காதல் பாடல்களும் உற்சாகமாக இருந்தன. இதற்காக விஸ்வநாதன் ராமமூர்த்தி கர்நாடக சங்கீத ராகங்களின் கட்டுக்களைத் தளர்த்டில், மேலும் நவீன வகையில் இசையமைக்க வேண்டியிருந்தது. இது, “பணத்தோட்டம்” படத்தில் வரும் “பேசுவது கிளியா,” என்ற பாடல்..
இந்த பாடலின் முன்னிசை எவ்வளவு நவீனமாக ஒலிக்கிறது பாருங்கள். பல்லவியின் துவக்கத்தில் பாங்கோக்கள் சேர்ந்து கொள்கின்றன. “சேரனுக்கு உறவா, செந்தமிழர் நிலவா” என்று எவ்வளவு அழகாக பல்லவி நிறைவடைகிறது பாருங்கள்.
“பணத்தோட்டம்” பாடல் நவீன பாடலாக இருந்தாலும் அது தமிழ் மெலடியாகதான் இருக்கிறது, சரணத்தில் தபலாதான் பாடலைக் கொண்டு செல்கிறது. இதன்பின் “பெரிய இடத்துப் பெண்” படத்தில் இன்னும் ஒரு படி மேலே சென்று முழுக்க முழுக்க மேலை நாட்டுப் பாணியில் ஒரு பாடல் செய்தார்கள். இதில் தபலா கிடையாது. முழுக்க முழுக்க சா சா நடனத்தைத் தழுவிய மேற்கத்திய இசைப்பாணி. இங்கு நாம் விஸ்வநாதன் ராமமூர்த்தி நம் எல்லைகளுக்கு அப்பால் சென்று உலக இசையை நமக்கு அளிக்க முயற்சி செய்வதைப் பார்க்கிறோம் (1990ஆம் ஆண்டுதான் உலக இசை தமிழ் திரைப்பாடல்களில் ஒலித்தது என்று நினைப்பவர்கள் தம் கருத்தைப் பரிசீலித்துக் கொள்ளலாம்)-
இதே படத்தில் “பாரப்பா பழனியப்பா” என்ற கிராமிய மெட்டில் ஒரு பாடலை ‘ஏழைப்பங்காளன்’ எம்ஜிஆருக்கு இசையமைத்திருந்தது இவர்களுடைய திறமைக்குச் சாட்சி. முன்சொன்ன பாடல் இளமையான, கம்பீரமான எம்ஜிஆர் பாடுவது.
பலவகைப் பாடல்களுக்கு இசையமைக்கக்கூடியவர்கள் என்று சொல்வதை நம்பாதவர்கள் இதைக் கேட்கலாம்- “கட்டோடு குழலாட”
(1963ல் எம்ஜிஆர் நடித்து வெளிவந்த “ஆனந்தஜோதி” படப்பாடல்கள் சிவாஜி/ ஜெமினி படப்பாடல்கள் போலிருக்கும்- “நினைக்கத் தெரிந்த மனமே“, “பனி இல்லாத மார்கழியா” முதலிய பாடல்கள்).
எங்க வீட்டுப் பிள்ளை“யின் ஆண்டு- இதில் வரும், “நான் ஆணையிட்டால்” என்ற எம்ஜிஆர் பாடல்,மிகப் பிரபலமானது என்பது மட்டுமல்ல, மிகவும் பகடி செய்யப்பட்டதும்கூட. அதன் சக்தி வாய்ந்த, தொடர்ந்து ஒலிக்கும் தாளம், டிஎம்எஸ்சின் குரல், எம்ஜிஆரின் வசீகரத் தோற்றம், பாடல் வரிகள்- அனைத்தும் ஒன்று சேர்ந்து எம்ஜிஆரின் பிம்பத்தை நம் மனங்களில் உயர்த்தி நிறுத்துகின்றன. இடையிசையில் ஸ்பானிஷ் புல்-ஃபைட்டுகளை நினைவுபடுத்தும் கிடார் இசைப்பது இந்தப் பாடலுக்கு கச்சிதமாகப் பொருந்தி வருகிறது.
(இந்தப் படத்தின் கதைக்கரு முதலில் தெலுங்கு மொழியில் “ராமுடு பீமுடு” என்ற படத்தில் வந்தது, அதன்பின் பல முறை இந்திய மொழிகளில் மீளப் பயன்படுத்தப்பட்டிருக்கிறது, மிக வெற்றிகரமாகவே என்றும் சொல்லலாம்- ராம் ஔர் ஷ்யாம், சீதா ஔர் கீதா, சால்பாஜ், கிஷன் கண்ணையா என்று எத்தனை எத்தனை ஹிட் படங்கள்! ஏறத்தாழ இந்தியத் திரைப்படங்களின் டெம்ப்ளேட்டாகவே ஆகிவிட்ட, “மாறுபட்ட மனநிலை கொண்ட இரட்டையர்கள்” என்ற கதைக்கருவின் மூலப்பொருள் பிரெஞ்சு மொழியில் அலெக்சாண்டர் டூமாஸின் கற்பனையில் உதித்தது என்கிறது விக்கி).
இந்த ஆண்டின் மற்றொரு மறக்க முடியாத பாடல், “அதோ அந்தப் பறவை போல வாழ வேண்டும்“, படம் “ஆயிரத்தில் ஒருவன்”
வழக்கமான விஸ்வநாதன் ராமமூர்த்தி பாடல்களிலிருந்து மாறுபட்ட பாடல் இது- கோரஸ் பாடுபவர்களின் பங்களிப்பு அதிகம். ஜாஸ் இசையை நினைவுபடுத்தும் டிரம்ஸ் வேறுபட்ட ஒரு கதியில் இசைக்கிறது, பியானோகூட பாடலுக்கு ரிதம் அளிப்பதாகவே இருக்கிறது. இடையிசையில் வழக்கமான விஸ்வநாதன் ராமமூர்த்தி முத்திரை இருக்கிறது, சரணத்திலும் அதைச் சொல்லலாம்- ஆனால் இசைக்கருவிகள் தொகுக்கப்பட்ட முறையில் நம்மால் ஒரு மாற்றத்தைப் பார்க்க முடிகிறது. அவர்களின் படைப்புலகில் பெருமைக்குரிய பாடல்.
இன்று
காலஞ்சென்ற
கவிஞர் கண்ணதாசன்
மெல்லிசை மன்னர்
எம் எஸ் விஸ்வநாதன்
இருவரும்
பிறந்த தினம்.
நமது மக்கள் திலகத்தின்
திரைக்காவியங்களில்
இவர்களின்
பங்களிப்பு
மிகவும்
போற்றத்தக்கது.
எம்ஜிஆர்! மூன்றெழுத்தில் ஒரு மந்திரம்!
சாதிமத பேதம் கடந்த ஒரு மந்திரம்! மந்திரங்கள்கூட சமயத்தில் உச்சரிப்பை மட்டுமே ஆட்கொள்ளும்! இந்த மூன்றெழுத்து மந்திரமோ ‘அதுக்கும் மேலே’ என்றும் உள்ளத்தை ஆட்கொள்ளும். இதன் திறம், இறைவன் அளித்த வரம்!
எம்ஜிஆர் மனதில் நிறைந்தவர் மட்டுமா? பலர் மனதை வென்றவரும்கூட என்பதில் இருவேறு கருத்தில்லை! வரையறுக்க முயல்கிறேன் வரிகளில், வள்ளல் என வாழ்ந்த இப்பெருந்தகையை! எம்.ஜி.இராமச்சந்திரன் – நாடுவிட்டு நாடு வந்து நாட்கள் பல காத்திருந்து நாடகங்களில் கால் பதித்து இன்று நிலைத்து நிற்பதோ நம் அனைவரின் நெஞ்சங்களில்!
இவருடைய திரைப்படங்கள் ஒவ்வொன்றும் ஒவ்வொரு பாடமாய் நற்கல்வியாய் பலருக்கு வழிகாட்டிக் கொண்டிருப்பது இன்றளவும் கண்கூடான உண்மை! அழகிய தமிழ்மகன் இவர்! அழகென்ற சொல்லுக்குப் பொருத்தமானவர்! பொதுவாக கவிஞர் கூட்டம் கதாநாயகிகளையே வர்ணித்து பாடல்கள் புனைந்து வந்த நிலையில், இவரது வரவால் கதாநாயகனை, இவரது தேக்குமர தேகத்தை, பொன் தந்த நிறத்தை விரும்பி,
‘தேக்குமரம் உடலைத் தந்தது,
சின்னயானை நடையைத் தந்தது,
பூக்களெல்லாம் சிரிப்பைத் தந்தது,
பொன்னல்லவோ நிறத்தைத் தந்தது என்று வர்ணித்துப் பாட வைத்தது.
புகழ்ந்து பலர் பாடினாலும் அதற்குப் பொருத்தமாய் வாழ்ந்து காட்டிய தோற்றம் மட்டுமா? அவரின் மன ஏற்றமும் நம்மை மெய்சிலிர்க்க வைக்கிறது! இந்த வள்ளல் திருக்குறளை நிறையப் படித்திருப்பார் நிச்சயமாக! எவரெவர் எப்படியெப்படியெல்லாம் இருக்க வேண்டுமென வள்ளுவர் பெருமான் வரையறுத்துள்ளாரோ அப்படியெல்லாம் தன்னை நெறிப்படுத்தி நிஜத்தில் வாழ்ந்து காட்டிய நேர்த்தி சொல்லி மாளாது! சொற்களில் அடங்காது!
இவருக்காக எழுதிய பாடல்கள் வியப்பின் உச்சம்! திரைப்படத்தை மீறி உண்மையாகவே இவருக்கெனப் பிறந்த அந்த வார்த்தைகள் இவருக்கு மட்டுமே பொருத்தமான அவ்வரிகள் இவரால் வளம் பெற்றன, சாகாவரம் பெற்றன! கற்புக்கரசி பெய்யென்று சொன்னால் பெய்யுமாம் மழை! இலக்கியத்தில் படித்திருக்கிறோம். அப்படி இவருக்கு திரைப்படத்திற்கு எழுதிய வரிகள் நிஜமானது வியப்பின் உச்சம். ‘உன்னை அறிந்தால், நீ உன்னை அறிந்தால் உலகத்தில் போராடலாம்’ பாடலில்,
மாபெரும் சபைதனில் நீ நடந்தால் உனக்கு
மாலைகள் விழவேண்டும்! ஒரு
மாற்றுக் குறையாத மன்னவன் இவனென்று
போற்றிப் புகழவேண்டும்!
கவிஞரின் கற்பனையில் பிறந்த வரிகள் கடவுளால் ஆசீர்வதிக்கப்பட்டது எப்படி?
‘மனிதனென்பவன் தெய்வமாகலாம்
வாரி வாரி வழங்கும்போது வள்ளலாகலாம்’
என்கிற வரிகளுக்கேற்ப வாரி வாரி வழங்கி வள்ளலானார், பின் மக்கள் மனங்களில் தெய்வமானார்.
‘நான் ஆணையிட்டால் அது நடந்துவிட்டால்
இங்கு ஏழைகள் வேதனைப்படமாட்டார்.
உயிர் உள்ளவரை ஒரு துன்பமில்லை
அவர் கண்ணீர் கடலிலே விழமாட்டார்’
என்று பாடியவர், ஆணையிட்டு ஏழைகளின் நல்வாழ்வுக்காகப் பாடுபட்டார். ஏழைகளை மனதில் தாங்கி அவர்களுக்கான திட்டங்கள் வகுத்தார்.
அதனால்தான், மக்கள் பாடி வாழ்த்தினர்,
‘நீங்க நல்லாயிருக்கோணும் நாடு முன்னேற
இந்த நாட்டிலுள்ள ஏழைகளின் வாழ்வு முன்னேற’ என்று!
இந்த வாழ்த்து அவர் நோய்வாய்ப்பட்டிருந்த போது வேண்டுதலாக மாறி,
‘ஆண்டவனே உன் பாதங்களை நான் கண்ணீரால் நீராட்டுவேன்
இந்த ஓருயிரை நீ வாழவிடு என்று உன்னிடம் கையேந்தினேன்’
என்னும் வேண்டுதலுடன் சேர்த்து ஒவ்வொரு திரையரங்கிலும் கூட்டுப் பிரார்த்தனையாய் தமிழ்நாட்டு மக்களின் எண்ணப் பிரதிபலிப்பாய் ஒலித்துக் கொண்டிருந்தது, அவர் நலம்பெற்று திரும்பி காலடி வைக்கும்வரை!
இவையனைத்துமே அவரே அறியாமல் அவருக்காகப் பாடப்பட்டு பின் உண்மையாய் மாறிய வரிகள்!
மக்கள் திலகம்! மகளிர் மனதில் மிக நெருக்கமான உறவுகளாய் பாசமிகு மகன், அன்பு அண்ணன், ஆசைத் தம்பி என பதிந்ததோடு உதாரணக் காதலனாகவும் இருந்திருப்பார் என்பதில் ஐயமில்லை. திரையுலகம் என்பது சக்திமிகுந்த ஊடகம், அதில் கதாநாயகன் என்பவன் மூன்று மணி நேரம் காண்போர் மதியை ஈர்ப்பவன் என்ற பொறுப்பை உணர்ந்து சமுதாயத்திற்கு எடுத்துக்காட்டாக வாழ்ந்து பாசம், வீரம், விடுதலை, வேட்கை, கடமை என நல்ல விஷயங்களையே கையாண்டு காண்போருக்குக் கருத்தில் பதிய வைத்தவர். பல கலைகளில் தேர்ந்த இந்த சகலகலா வல்லவர், படிப்பதைவிட பார்ப்பது மக்கள் மனதில் பதிந்துவிடும் என்ற மனோதத்துவத்தை அறிந்து, அதிலும் படிப்பறிவில்லா பாமர மக்களையும் மனதில் கொண்டு நன்மை விதையைத் தூவி அனைவரின் மனதிலும் வேரூன்றிய இந்த எம்ஜிஆர் எனும் பயிர் சற்று துறை மாறி அரசியலில் நுழைந்தது, தமிழ்நாட்டு வரலாற்றில் பொற்காலம் என்பது வியப்பேதுமில்லை.
வெற்றி இவரால் பேருவகை கொண்டது. தோல்வியோ தோல்வி கண்டே துவண்டது. தலைவன் என்ற சொல் தாழாமல் தனித்துவம் கண்டது. இவருடைய புதிய கட்சியின் கொடியும் பெயரும் இதயக்கனி என இவரை மனதில் தாங்கிய அண்ணாவை கொள்கைத் தலைவர் என ஏற்றுப் பெருமைப் படுத்தியது. இவருடைய மனதில் அண்ணாவிற்கு இருந்த பக்தியை ஒவ்வொரு மேடையிலும் ‘அண்ணா நாமம் வாழ்க!’ என்ற வாக்கியத்தால் பறைசாற்றியது. பிறருக்கு வாய்ப்பூட்டு போட்டது. அண்ணாவை மட்டுமே தலைவனாக ஏற்றதால், இவரது கட்சியில் அண்ணாவுக்கான தலைவர் நாற்காலி காலியாகவே வைக்கப்பட்டது. செயலாளராகவே இவரை செயல்பட வைத்தது.
வலுக்கட்டாயமாக தமிழ்நாட்டை ஆண்டவர் இல்லை, இவர் வசந்த பூமியாய் தமிழ்நாட்டை மாற்றியவர். மத்தியில் என்றும் இணக்கம் காட்டி தன் மதியால் தமிழ்நாட்டுக்குப் பல நல்ல திட்டங்களைப் பெற்றுத் தந்தவர். பொங்கலுக்குப் பரிசு தந்து எல்லோர் வீட்டிலும் ‘எங்க வீட்டுப் பிள்ளை’ ஆனார். கல்வித்துறை, காவல்துறை, போக்குவரத்துத் துறை, வேலைவாய்ப்புகள் என்று இவரது ஆட்சிக்காலத்தில் வளர்ச்சி கண்ட துறைகள் பல. குறிப்பாக, 5ம் உலகத் தமிழ் மாநாடும், தஞ்சை தமிழ்ப் பல்கலைக்கழகமும், அன்னை தெரசா பல்கலைக்கழகம், தெலுங்கு கங்கை திட்டம் (கிருஷ்ணா நதிநீர்த் திட்டம்) ஆகியவை இவரது ஆட்சியின் அடையாளங்கள். மதுவுக்குத் தடை போட்டார். மகளிர் மட்டும் பேருந்துகளுக்கு விதையிட்டார். ஏழைக் குழந்தைகளின் கால்களுக்கு காலணி தந்து காத்திட்டார்.
அதேபோல், எத்தனையோ கருத்து வேறுபாடுகள் இருந்தாலும், கொள்கைகளில் மாறுபட்டிருந்தாலும், அரசவைக் கவிஞர் என்னும் புதிய பதவியை உருவாக்கி, அதில் முதல் நபராக கவியரசர் கண்ணதாசனை அமரவைத்து அழகு பார்த்த இவரது பெருந்தன்மை மறுக்கவோ, மறக்கவோ முடியாதது. கல்லூரிகளில் அதிக மாணவர்களைச் சேர்க்க அனுமதியளித்து பல மாணவர்களின் வாழ்வில் ஒளி விளக்கானவர்.
எண்ணமே வாழ்வு என்பார்கள், தேர்தல் களத்தில் அனுதினமும் அல்லலுற்று ஓட்டு வேட்டையாடும் அரசியல்வாதிகளுக்கிடையில் தேர்தல் நடந்து முடியும்வரை ஆளே வராமல் ஆண்டிப்பட்டியில் அதிக ஓட்டு வித்தியாசத்தில் ஜெயித்தது மட்டுமின்றி, பெரும்பான்மையும் பெற்று முதல்வரானதிலிருந்தே இவர் மக்கள் மனதில் பதிந்த ஆழம் புரியும். நீள அகலங்கள் விரியும்.
தொண்டர்களை மதித்து அரவணைத்து ஒவ்வொருவரின் திறமையையும் உணர்ந்து பொறுப்பளித்து எண்ணித் துணிந்து செயலாக்கிய இவர் மின்னி மறையும் மின்னலல்ல, வான் உள்ளவரை தமிழ் உலகை ஆளும் பொன்மனச்செம்மல் ஆவார். அவரின் மனத்தைப் போலவே வெள்ளை உடையும், அவருடைய சுறுசுறுப்புக்கேற்ற கைக்கடிகாரமும், கதிர்வீச்சுக் கண்களைக் கட்டுக்குள் வைத்த கறுப்புக் கண்ணாடியும், அனைத்துக்கும் சிகரமாய் மெத்தென்ற தொப்பியும் நிலையாய்ப் பூண்டு வந்த இந்த இணையற்ற மக்கள் திலகம் மக்களின் மனங்களை விட்டு மறையவேயில்லை, நிறைந்தே இருக்கிறார். அதனால்தான் அவர் நடமாடிவந்த இந்தத் தனித்துவமான அற்புத அடையாளங்களோடு அவர் மெரீனா கடற்கரையில் ஆழ்ந்த நித்திரைக்கு அனுப்பப்பட்டார். அவரது பூவுடல்தான் அங்கே உறங்குகிறது. ஆனால் அவரது ஆன்மா என்றென்றும் தமிழ்மக்களின் இதயங்களிலேயே நிலைத்து நின்று வாழ்ந்துகொண்டிருக்கும்.
மனத்தில் நிறைந்த மக்கள் திலகம் வாழ்க.
courtesy -
–நர்கிஸ் ஜியா.
vallamai
மக்கள் திலகம் - கண்ணதாசன் - மெல்லிசை மன்னர்கள் கூட்டணியில் கீழ் கண்ட படங்களில் இடம் பெற்ற அனைத்து பாடல்களும் காட்சிகளும் சூப்பர் ஹிட் .
மன்னாதிமன்னன் 1960
பாசம்
பெரிய இடத்து பெண்
பணத்தோட்டம்
ஆனந்தஜோதி
என்கடமை
பணக்கார குடும்பம்
ஆயிரத்தில் ஒருவன்
நாடோடி
பறக்கும்பாவை
ரகசியப்போலீஸ் 115
புதியபூமி
தேடிவந்த மாப்பிளை
சங்கே முழங்கு
ராமன்தேடிய சீதை
உலகம் சுற்றும் வாலிபன்
உரிமைக்குரல்
நினைத்ததை முடிப்பவன்
http://i65.tinypic.com/fc4geg.jpg
இனிய நண்பர் திரு.வினோத் , பெங்களூரு அவர்கள் 15000 பதிவுகள் என்கிற சிகரத்தை கடந்து , தொடர்ந்து பல அற்புத, அபாரமான, அறுசுவை மிக்க, ஆரவாரமிக்க செய்திகள் அளிப்பதற்கு நல்வாழ்த்துக்கள் /பாராட்டுக்கள் .
ஆர். லோகநாதன் .
நான் கடந்த இருவார காலமாக ஆஸ்திரேலியாவில் உள்ள பிரிஸ்பேன். கோல்டுகோஸ்ட் ,மெல்போர்ன், சிட்னி ஆகிய நகரங்களுக்கு சுற்றுலா நிமித்தம் சென்ற காரணத்தினால் திரியில் பதிவுகள் செய்ய இயலவில்லை.
மீண்டும் திரியில் இணைந்து பதிவுகள் தொடருவதில் மகிழ்ச்சி.
ஆஸ்திரேலியா சுற்றுப்பயணம் இனிதாகவும், பயனுள்ளதாகவும், சுவையாகவும்,
ரசிக்கத்தக்க வகையில் இருந்தது என்பது குறிப்பிடத்தக்கது .அதுபற்றி ஒய்வு நேரத்தில் நண்பர்களுக்கு செய்திகளை பதிவிடுகிறேன். ஒரே வரியில் சொல்வதாக இருந்தால் அவர்களுடைய முன்னேற்றம், நாகரிகம், ஒழுக்கம், கட்டுப்பாடு என
பல வகைகளில் சிறந்து விளங்குகிறார்கள். அந்த அளவிற்கு நமது நாடோ, மக்களோ
முன்னேறுவதற்கு பல காலம் ஆகலாம். அதற்குள் அவர்கள் மிகவும் அட்வான்ஸாக
சென்று விடுவார்கள். அதுபற்றி பின்னர் பதிவிடுகிறேன், நன்றி.
ஆர். லோகநாதன்.
இரங்கல் செய்தி .
------------------------
திருச்செந்தூர் அருகில் உள்ள ஆத்தூர் என்கிற பகுதியை சார்ந்த திரு.மணி (ஆத்தூர் மணி ) , திருவனந்தபுரத்தில் இருந்து கார் மூலம் வந்தபோது விபத்துக்குள்ளாகி
மரணமடைந்தார் . அவருக்கு வயது சுமார் 62. அவர் புரட்சித்தலைவர் எம்.ஜி.ஆர். அவர்களின் உண்மையான விசுவாசி, தூத்துக்குடி, நெல்லை, குற்றாலம் நகரங்களில் ஓட்டல் பிருந்தாவன் என்கிற உணவு விடுதியை நடத்தி வந்தார். பணியாளர்கள்
வேலைக்கு குறைந்த அளவில் வருகின்றபோதும், விடுமுறையில் செல்கின்ற போதும் , வாடிக்கையாளர்கள் சாப்பிட்ட இலையை தயங்காமல் எடுத்து (மக்கள் திலகம் எம்.ஜி.ஆர். பாடல்களை பாடிக்கொண்டே ) சுத்தம் செய்வார் .மற்ற முதலாளிகள் போல் கௌரவம் பார்க்கமாட்டார்.
நெல்லை, நாகர்கோவில் மற்றும் சுற்று வட்டார பகுதிகளில் நடக்கும் மக்கள் தலைவர் எம்.ஜி.ஆர். பற்றிய நிகழ்ச்சிகளுக்கும், எம்.ஜி.ஆர். சிலை திறப்பு விழா
நிகழ்ச்சிகளுக்கும் பொருளுதவி செய்து வந்தவர் .
மேற்படி, திரு.ஆத்தூர் மணி அவர்களின் மறைவு நெல்லைதூத்துக்குடி, குமரி , மாவட்ட எம்.ஜி.ஆர். ரசிகர்களுக்கும், பக்தர்களுக்கும் பேரிழப்பாகும்,
அன்னாரின் ஆத்மா சாந்தி அடைய இறைவன் எம்.ஜி.ஆர். அருள் புரியட்டும்.
அவரை இழந்து தவிக்கும், அவரது மனைவி, மற்றும் குடும்பத்தினருக்கு ஆயிரத்தில் ஒருவன் இறைவன் எம்.ஜி.ஆர். பக்தர்கள் குழு சார்பிலும், என் சார்பிலும்
அனுதாபங்களையும் , ஆழ்ந்த இரங்கலையும் தெரிவித்துக் கொள்கிறேன்.
தகவல்கள் உதவி : நெல்லை நண்பர் திரு.வி.ராஜா.
ஆர். லோகநாதன்.
தினத்தந்தி =24/6/18
http://i65.tinypic.com/2i1h7hj.jpg
http://i64.tinypic.com/1671cfd.jpg
தினமலர் -24/6/18
புரட்சித் தலைவரின்
திருக்கரங்களால்
தொடங்கப்பட்ட
கட்சியான
அஇஅதிமுக கட்சியின்
அதிகாரபூர்வ
வெற்றி கொடி
உருவான பதிவு
#அஇஅதிமுக கொடியை வடிவமைத்த நடிகர் திரு.பாண்டு அவர்களின் நேர்காணல்...
"ஆரம்பத்துல இருந்தே சொல்றேனே. என் அண்ணன் இடிச்சபுளி செல்வராஜ்,
#MGR-ருக்கு நண்பர். அவரோட சுமார் 40 படம் வொர்க் பண்ணியிருக்கார். அவர் மூலமாகத்தான் எம்.ஜி.ஆர் எனக்கு பழக்கம்.
அப்ப ஓவியக் கல்லூரியில படிச்சுட்டிருந்தேன். எம்.ஜி.ஆர்- சிவாஜி ரசிகர்கள், அப்பப்ப யார் பெரிய நடிகர்ங்கறதுல மோதிக்குவாங்க.
நான், எம்.ஜி.ஆரை இம்ப்ரஸ் பண்ணணும்னு, நூறு சிவாஜி புகைப்படங்களை ஒன்னு சேர்த்து, #நூறு_சிவாஜி, #ஒரு_எம்ஜிஆர்’
அப்படிங்கற தலைப்புல ஒரு எம்.ஜி.ஆர் முகத்தை வரைஞ்சேன்.
பெரிய அளவுல வரைஞ்ச அந்தப் படம், ஒரு வார இதழ்ல வந்தது. அதைப் பார்த்துட்டு எம்.ஜி.ஆர் என்னைப் பாராட்டுவார், தங்க சங்கிலி பரிசா தருவார்னு நினைச்சேன்.
ஆனா, எம்.ஜி.ஆர், என் அண்ணன் மூலமா என்னைக் கூப்பிட்டார். போய் நின்னேன். ஏதோ பாராட்டப்போறார், தங்க சங்கிலி தரப்போறார்னு மனசுக்குள்ள குறு குறுன்னு இருந்தது.
திடீர்னு பார்த்து திட்ட ஆரம்பிச்சார். "#சிவாஜி எவ்வளவு பெரிய நடிகர். அவரை இப்படியா பண்ணுவே"ன்னு கேட்டார்.
எனக்கு பயமாயிடுச்சு. பிறகு, ‘ஒரு மனுஷனை இகழ்ந்து எப்பவும் புகழ்பெறக் கூடாது, சிவாஜி நடிப்புக்கு எதுவும் ஈடாகுமான்னு அவர் சொன்னது, என்னை என்னமோ பண்ணுச்சு. சிவாஜி ரசிகர்கள்கிட்ட இருந்தும் ஏகப்பட்ட மிரட்டல்கள்.
பிறகு எம்.ஜி.ஆருக்கு என் மேல இருக்கிற கோபத்தைக் குறைக்கணும்னு நினைச்சேன். அதுக்காக, எம்.ஜி.ஆர் கூட முதல்படத்துல இருந்து அவர் ஜோடியா நடிச்ச ஜெயலலிதா வரை எல்லா ஹீரோயின்களோட புகைப்படங்களையும் வச்சு எம்.ஜி.ஆர் முகத்தை பெரிய சைஸ்ல வரைஞ்சு, பிரேம் போட்டு எம்.ஜி.ஆரைத் தேடிப் போனேன்.
அப்ப விஜயா கார்டன்ல ’#எங்கள்_தங்கம்’ பட ஷூட்டிங். நான் செத்துப் பிழைச்சவண்டா பாடல் ஷூட் பண்ணிட்டிருந்தாங்க. இடைவேளையில ஓவியத்தைக் கொடுத்தேன். பார்த்துட்டு பாராட்டிய எம்.ஜி.ஆர், ரெண்டு பவுன்ல செயின் போட்டார். இது 1967-ல நடந்தது. இதுக்குப் பிறகு என் மேல அவருக்குப் பாசம் வந்தது.
1969-ல அவருக்கு #பாரத் பட்டம் கொடுத்தாங்க. அந்த நேரத்துல, எம்.ஜி.ஆர் முகத்தை லைன் டிராயிங்ல வரைஞ்சு அவர்ட்ட கொடுத்தேன். "சரி, இதுல என்ன புதுமை இருக்கு?"ன்னு கேட்டார் எம்.ஜி.ஆர்.
சாதாரணமா பார்த்தா ஒண்ணுமே இல்லை, பூதக் கண்ணாடி வச்சுப் பார்த்தா, ஒவ்வொரு கோடுலயும் பாரத் பாரத்னு தெரியும்னு சொன்னேன். ஒரு பூதக்கண்ணாடியை கொண்டு வந்து கொடுத்துப் பார்க்கச் சொன்னேன். அவருக்கு சந்தோஷம். அப்ப சத்யா ஸ்டூடியோவுல நடந்த ஒரு விழாவுல இந்த படத்தை வச்சு, மேடையில என்னை பாராட்டினார் எம்.ஜி.ஆர். இதுக்குப் பிறகு அவரோட நான் நெருக்கமானேன்.
1972-ல அதிமுகவை ஆரம்பிச்சார் எம்.ஜி.ஆர். அண்ணன் இடிச்சபுளி செல்வராஜ், ’எம்ஜிஆர் கூப்பிடறார், உடனே வா’ன்னு கூப்பிட்டார். போனேன். எம்.ஜி.ஆர், ’கட்சி கொடி பண்ணணும்’னு சொன்னார்.
பிரஸ் எல்லாம் எடுத்துட்டு போயிருந்தேன். பிரியாணி வாங்கிக் கொடுத்தாங்க. சாப்பிட்டுட்டு, வரைஞ்சேன். கருப்பு சிவப்புக்கு நடுவுல அண்ணா படம். நான் தான் வரைஞ்சேன். அவருக்குப் பிடிச்சிருந்தது.
அதே போல இரட்டை இலைச் சின்னத்தையும் என்னை டிசைன் பண்ணச் சொன்னார். அப்ப ஒருநாள் கசாப்பு கடைக்குப் போயிருந்தேன். ஆட்டுக்கறியோட நுரையீரலை கடையில தொங்கவிட்டிருந்தாங்க. ரெண்டு இலை மாதிரி அது தொங்கிட்டு இருந்தது. அதைப் பார்த்துட்டு வந்ததும் இரட்டை இலையை வரைஞ்சேன்.
இலைக்குள்ள நுரையீரல்ல இருக்கிற மெல்லிய கோடுகள் மாதிரி வரைஞ்சிருந்தேன். பார்த்துட்டு கட்டிப் பிடிச்சுட்டார் எம்.ஜி.ஆர். நல்லா பண்ணியிருக்கீங்கன்னு சொன்னார்" என்றார் பாண்டு..... Thanks , courtesy friends...
http://www.puthiyathalaimurai.com/ne...ml?frm=old_web
24/6/18 அன்று கவிஞர் கண்ணதாசன் மற்றும் மெல்லிசை மன்னர் எம் எஸ்.விஸ்வநாதன் ஆகியோரின் பிறந்த நாள் .
http://i64.tinypic.com/2iiuddt.jpg
காந்தி கண்ணதாசன் திருமண வைபவத்தில் மக்கள் தலைவர் எம்.ஜிஆர்.
http://i68.tinypic.com/mkkikx.jpg
http://i64.tinypic.com/2q03egz.jpg
புகைப்படங்கள் உதவி : நண்பர் திரு.சி.எஸ். குமார், பெங்களூரு
இனிய நண்பர் திரு லோகநாதன்
தங்களின் அன்பான பாராட்டுகளுக்கு மிக்க நன்றி . தங்களின் ஆஸ்திரேலியா இன்ப சுற்றுலாப் பயணம் மிகவும் மகிழ்ச்சிகரமாக அமைந்தது அறிந்து மகிழ்ச்சி .
மக்கள் திலகத்தின் ''புதிய பூமி '' பொன்விழா .
27.6.1968
மக்கள் திலகத்தின் 98 வது திரைப்படம் புதிய பூமி .
இயக்குனர் சாணக்யா அவர்களின் எங்கவீட்டுப் பிள்ளை மற்றும் நான் ஆணையிட்டால் படத்திற்கு பின்னர் இயக்கிய 3 வது படம் .
மக்கள் திலகத்தின் மீதும் அவரது துணைவியார் திருமதி ஜானகி அவர்கள் மீதும் பற்றும் பாசமும் வைத்திருந்த திருவாளர்கள் சங்கரன் - ஆறுமுகம் அவர்கள் இருவரும் ஜானகி எம்ஜிஆர் என்பதை சுருக்கமாக ஜேயார் மூவிஸ் என்ற நிறுவனத்தை துவக்கி முதல் படமாக புதியபூமி படத்தை 27.7.1966ல் துவக்கினார்கள் .
மக்கள் திலகம் - ஜெயலலிதா - நம்பியார் - அசோகன் - நாகேஷ் - ராமாபிரபா - ஷீலா - திருச்சி சௌந்திரராஜன் - பண்டரிபாய் நடித்திருந்தார்கள் .
கவியரசரின் பாடல்கள் மற்றும் பூவை செங்குட்டுவனின் பாடலும் மிகப்பெரிய ஹிட் பாடல்களாக அமைந்துவிட்டது . மக்கள் திலகத்தின் தீவிர ரசிகரான இலங்கை வி.சி .குகநாதன் முதன் முதலில் வசன கர்த்தராக அறிமுகமான படம் . படத்தின் டைட்டில் இசை மிகவும் அருமை .மக்கள் திலகம் மருத்துவராக சிறப்பாக நடித்திருந்தார் . மக்கள் திலகத்தின் சண்டைக்காட்சிகள் சுறுசுறுப்பாகவும் விறுவிறுப்பாகவும் இருந்தது ,
புதிய பூமி - சிறந்த கருத்துக்கள் நிறைந்த பொழுதுபோக்கு படம் .
எம்ஜிஆரின் புதிய பூமி படத்தில் கதிரவன் என்ற கதாபாத்திரத்தில் மருத்துவராக நடித்தார் . 1963ல் வெளிவந்த தர்மம் தலைகாக்கும் படத்தில் எம்ஜிஆர் மருத்துவராக நடித்திருந்தது குறிப்பிடத்தக்கது . சின்னவளை என்ற பாடலில் திமுக சின்னமான உதயசூரியன் சின்னத்தை ஜெயலலிதாவிற்கு உடை அலங்காரத்தில் இடம் பெற செய்தார்கள் . 1968 தென்காசி சட்ட சபைக்கு நடந்த இடைத்தேர்தலில் போட்டியிட்ட திமுக வேட்பாளர் பெயரும் கதிரவன் என்ற சம்சுதீன். தேர்தலில் திமுக வெற்றி
வி.சி. குகநாதன்
“நான் பள்ளியில் படித்த காலத்தில் எம்ஜிஆர் அவர்களின் தீவிர ரசிகனாக இருந்தேன். ஒரு முறை அவருடைய படங்களைப் பார்த்து அவருக்கு கடிதம் எழுதினேன். தங்களைப் பார்க்க எனக்கு அனுமதி அளித்து நேரம் தருமாறு கேட்டிருந்தேன்.
அதற்கு அவருடைய உதவியாளர் பதிலளித்தார். நீங்கள் நேரில் வரவேண்டாம், உங்கள் ஊருக்கு அவர் வரும் போது நீங்கள் சந்திக்கலாம் என்றார்.
ஆனால், அவரைச் சந்திக்கும் நாட்கள் எனக்கு உடனே கிடைத்தது. பள்ளிப் படிப்பு முடிந்து பச்சையப்பன் கல்லூரியில் சேர்ந்த போது, ஒரு விழாவிற்கு அவரை அழைத்து வர சந்தர்ப்பம் கிடைத்தது.
அந்த விழா முடிந்ததும், அவரிடம் எனக்கு நடிக்கும் ஆசை உள்ளது, வாய்ப்பு கிடைக்குமா என கேட்கலாம் என்றிருந்தேன். ஆனால், அவரை நேரில் பார்த்ததும், அவருடைய அழகுடன் என்னை ஒப்பிட்டுப் பார்த்து, அந்த ஆசையையே அறவே வெறுத்தேன்.
அவர் படிப்பைத் தவிர வேறு என்ன தெரியும் என்று என்னிடம் கேட்ட போது, கதை எழுதுவேன் என்றேன். உடனே, அவருக்கு ஒரு கதை எழுதித் தருமாறு கேட்டார்.
சில நாட்கள் கழித்து, அவரிடம் போய் ஒரு கதை சொன்னேன். ஆனால், அந்த கதை பெண்களை மையப்படுத்திய கதை. எனக்காக நீ கதை எழுத வேண்டுமென்றால் இப்படியா எழுதுவாய் என்றார். நானும் சில நாட்கள் சந்தர்ப்பம் கேட்டு, நான்கு நாட்கள் கழித்து வேறு ஒரு கதையுடன் சென்றேன்.
அந்த கதைதான் ‘புதிய பூமி’ திரைப்படமாக வெளிவந்தது. என்னை முதன் முதலாக திரையுலகில் ஒரு கதாசிரியராக அறிமுகப்படுத்தியது அவர்தான்.
அதன் பின் ஒரு நாள் என்னை சந்திக்க தயாரிப்பாளர் கோவை செழியனை, எம்ஜிஆர் அவர்கள் அனுப்பி வைத்தார். அவர் நேராக வகுப்பறைக்கு வந்து பேராசிரியடம், உங்களைப் பார்க்கத்தான் நான் வந்தேன் என்றார். அவரோ என்னையா என்று கேட்டார். நீங்கள்தானே வி.சி.குகநாதன் என்றார். அவரோ, நானில்லை, குகநாதன் இந்த வகுப்பின் மாணவன் , என்று என்னை அழைத்து அறிமுகப்படுத்தி வைத்தார்.
கோவை செழியன் அவர்களுக்கு மிகவும் ஆச்சரியம். ஒரு கல்லூரி மாணவரைப் பார்க்க எம்ஜிஆர் நம்மை அனுப்பி இருக்கிறாரே என்று.
அவருக்கு நான் சொன்ன கதைகளில் ஒன்றுதான் பின்னர் வெளிவந்து வெற்றிகரமாக ஓடிய ‘குமரிக்கோட்டம்’ திரைப்படம்.
எம்ஜிஆரால் அறிமுகப்படுத்தப்பட்ட நான் அதன் பின் பல்வேறு மொழிகளில் 300க்கும் மேற்பட்ட கதைகளை திரைப்படங்களுக்காக எழுதியிருக்கிறேன்.
ஒருவரிடத்தில் உள்ள திறமையை, அத்துடன் நிறுத்திக் கொள்ள வைக்காமல், அவர் மேலும் வளர்வதற்கு வாய்ப்புத் தரும் ஒரே மனிதர் எம்ஜிஆர் அவர்கள்.
அவர் ஏற்றி வைத்த விளக்குதான் இன்று வரை என்னை வாழ வைத்துக் கொண்டிருக்கிறது, ” என்றார்.
அவரைப் பற்றிய ஒரு சுவாரசியமான சம்பவத்தை உங்களுடன் பகிர்ந்து கொண்டதில் எங்களுக்கும் மகிழ்ச்சி….
புதிய பூமி
எம்.ஜி.ஆர்
கதிரவன் என்ற பெயருடைய எம்.ஜி.ஆர் ஆங்கில மருத்துவராக ஒரு மலைக்கிராமத்துக்கு வந்ததும் அங்கிருந்த மந்திரம் தந்திரம் என்ற அறியாமை இருள் மறைந்து பகுத்தறிவுப் பகலவனின் ஒளி தோன்றியது. இது திமுகவின் ஆட்சி நாட்டில் புதிய பூமியை உருவாக்கியதற்கான அத்தாட்சிப் பத்திரம் ஆகும்.
சென்னை எம்.எம்.பிரி வியூ அரங்கில் , மக்கள் திலகம் எம்.ஜி.ஆரின் "அன்பே வா "
எவர்க்ரீன் சூப்பர் ஹிட் மெகா திரைப்படம் ,24/6/18 காலை 10 மணியளவில் மெல்லிசை மன்னர் எம்.எஸ்.வி.யின் நினைவாக திரையிடப்பட்டது .
திரைப்படத்தின் முடிவில், திரு.சுகி சிவம் அவர்கள் பேசிய வீடியோ பதிவு
வெளியிடப்பட்டது . கணவன் மனைவி இருவரிடமும் உங்களில் யார் சொர்க்கத்திற்கு செல்வதற்கு தயார் என்கிற கேள்விக்கு கணவன் சொன்னான் ,மனைவியை அனுப்பி வையுங்கள் என்று. ஏன் என்று கேட்டதற்கு அப்போதுதான் நான் இந்த உலகில் நிம்மதியாக வாழ முடியும். அதுவே எனக்கு சொர்க்கம் என்றான் .
மனைவியுடன் கேட்டதற்கு கணவனை அனுப்பி வையுங்கள் . ஏனெனில் நான் இல்லாமல் அவர் கஷ்டப்பட கூடாது . மகன், மகள், மருமகன், மருமகள் ஆகியோரிடம் பேச்சு வாங்கக்கூடாது. நோய் நொடி வந்து கவனிக்க ஆள் இல்லாமல் இருக்கக் கூடாது என்றாராம் . இவற்றை நடைமுறை வாழ்க்கையில் அவரவர் தங்கள் விருப்பப்படி முடிவு எடுக்கலாம். ஆனால் நான் சொன்னவற்றை கருத்தில் மட்டும் கொள்ளுங்கள்.
மெல்லிசை மன்னர் எம்.எஸ். வியும் , கவிஞர் கண்ணதாசனும் திரையுலகில் கணவன் மனைவி போல்தான் வாழ்ந்தார்கள் என்று சொல்லலாம். சுமங்கலியாக
கண்ணதாசனை அனுப்பி விட்டு எம்.எஸ். வி. சில காலம் வாழ்ந்தார் .
http://i65.tinypic.com/qntijr.jpg
மேலும் வைசாலி கண்ணதாசன் பேசிய வீடியோ பதிவும் ஒளிபரப்பப்பட்டது .
அவர் பேசும்போது, கவிஞர் கண்ணதாசன் , புரட்சி தலைவர் எம்.ஜி.ஆர். அவர்களைவிட கலைஞர் கருணாநிதி அவர்களிடம்தான் மிகவும் நெருங்கி பழகினார். புகழ்மிக்க பல சிறந்த பாடல்களை மக்கள் திலகம் எம்.ஜி.ஆர். அவர்களுக்கு எழுதினாலும் ஒரு கால கட்டத்தில் புரட்சி தலைவர் அவர்களை கண்ணதாசன் கடுமையாக விமர்சனம் செய்ததோடு, மாறுபட்ட கருத்துகளுடன், கருத்து வேறுபாடுகளுடன் செய்திகளை வெளியிட்டவர் .ஆனால் அதையெல்லாம் பொருட் படுத்தாமல் , தன்னுடைய திரையுலக வாழ்க்கைக்கும், வளர்ச்சிக்கும், வெற்றிக்கும் கண்ணதாசன் பாடல்கள், உறுதுணையாக இருந்ததாக கருதி,
அவரை அரசவை கவிஞர் ஆக்கிய பெருமை புரட்சி தலைவரையே சாரும் .
அதுமட்டுமின்றி , கண்ணதாசன் மறைந்ததும், அஞ்சலி செலுத்த வந்தபோது
அவரது உடலை கிடத்தி இருந்த இடத்தை பார்த்து மனம் வருந்தி, எப்பேர்ப்பட்ட கவிஞர் அவர், இப்படியா அவரை வைப்பது என்றவாறு, பொதுமக்கள் ஊர்வலத்தில் அனைவருக்கும் அவர் முகம் தெளிவாக தெரியும் வண்ணம் உடலை கிடத்தும்படி ஏற்பாடு செய்திருந்தார் . அப்போது அவர்தான் தமிழக முதல்வர் .
அதுமட்டுமின்றி, இறுதி ஊர்வலத்தில் மயானத்திற்கு சகல கலைஞர்களுடன் நடந்தே வந்து இறுதி அஞ்சலி செலுத்தினார் .
திரையுலகில் அவர்தான் முதல்வர் . அரசியலிலும் அவர்தான் முதல்வர் . மனிதநேயத்திலும் முதல்வர் மக்கள் தொண்டிலும் முதல்வர் . கொடைப்பணி செய்வதில் முதல்வர் .
மக்களின் வாக்கு வங்கி பெறுவதிலும், செல்வாக்கு பெறுவதிலும் முதல்வர் .
அதனால்தான் புரட்சி நடிகராக இருந்தவர் புரட்சி தலைவரானார்.எப்பேர்ப்பட்ட மனிதநேய மிக்க மனிதர்குல மாணிக்கம் அவர் என்று புகழ்ந்தார் .
தொடர்ந்து , கவிஞர் கண்ணதாசன் பாடல்களான ஒருதாய் மக்கள் (ஆனந்த ஜோதி )
கட்டி தங்கம் வெட்டியெடுத்து (தாயை காத்த தனயன் ) பாடல்கள் திரையிடப்பட்டு நிகழ்ச்சி நிறைவுற்றது .
தினகரன் -25/6/18
http://i66.tinypic.com/15ow0nb.jpg
இன்று (26/6/18) ம.பொ. சி. அவர்களின் பிறந்த நாள் அனுசரிக்கப்படுகிறது .
http://i66.tinypic.com/wrmiib.jpg
புகைப்படம் உதவி :நண்பர் திரு.சி.எஸ். குமார், பெங்களூரு.
அந்தி மழை -ஜூன் 2018
http://i63.tinypic.com/2nscrxz.jpg