Printable View
பாசமுள்ள பம்மல் சார்,
எல்லாப் புகழும் அவருக்கே. தங்கள் அன்பிற்கு நன்றி! திரு.யாழ் சுதாகர் அவர்களின் 'சிவாஜி படங்களும், இலங்கை ரசிகர்களும்' (பொம்மைஇதழ்.. அக்டோபர் 1987) கட்டுரையைப் பதிவிட்டு எங்கள் நெஞ்சில் நீங்கா இடத்தைப் பிடித்து விட்டீர்கள். அதி அற்புதமான, போற்றிப் பாதுகாக்கப் பட வேண்டிய ஆவணக் கட்டுரையை அளித்ததற்கு ஆழ்ந்த நன்றிகள்! கடல்களைத் தாண்டி சாதனைகள் புரிவதிலும் சக்கரவர்த்தி அல்லவா நம் அன்புத் தெய்வம்!
அன்புடன்,
நெய்வேலி வாசுதேவன்.
சிவாஜி படங்களும் இலங்கை ரசிகர்களும் - பொம்மை கட்டுரை அருமை - பம்மலார் அவர்களின் பதிவுக்கு பணிவான நன்றி.
இன்று பிறந்தநாள் காணும் நண்பர் பெங்களூர் குமரேஷ் அவர்களுக்கு இதயப்பூர்வமான நல்வாழ்த்துக்கள்
Many many happy returns of the Day Kumaresh
Raghavendran
அன்புள்ள பம்மலார் சார்,
'சிங்கத்தமிழனும் இலங்கை ரசிகர்களும்' என்ற அற்புதக் கட்டுரையை இங்கே பதிப்பித்தமைக்கு மிக்க நன்றி. சாதனைப்பதிவேடுகள் இங்கு நமது திரியில் வலம் வரத்துவங்கியபின்னர், இத்திரிக்கு வருகை புரிவோர் எண்ணிக்கை நாளுக்கு நாள் அதிகரித்து வருகிறது. ஒவ்வொருவரும் இங்கு வருகை தரும்போது, 'இன்று பம்மலாரும் மற்றோரும் எதாவது ஒரு அரிய ஆவணத்தை இங்கு பதிப்பித்திருப்பார்கள்' என்ற எதிர்பார்ப்போடு வருகின்றனர். அவர்களின் எதிர்பார்ப்பை ஏமாற்றாவண்ணம் நீங்களும் ஏதாவதொரு கிடைத்தற்கரிய பொக்கிஷப்பதிவை அளித்து வருகிறீர்கள்.
இலங்கையில் 'ராஜா' படத்துக்கு அமைக்கப்பட்ட சுழலும் கட்-அவுட் பற்றியும், வசந்த மாளிகை காவியம் யாழ் நகரில் ஒரே பிரிண்ட்டில் இரண்டு அரங்குகளில் காண்பிக்கப்பட்ட வரலாற்றையும் நமது நண்பர் முரளி சீனிவாஸ் அவர்கள், 'நடிகர்திலகத்தின் சாதனைச்சிகரங்கள்' தொடரில் குறிப்பிட்டிருந்தார். அதில், 'தகவல் உதவி யாழ் சுதாகர்' எனவும் சொல்லியிருந்தார். அத்தகவல்களை இந்த கட்டுரையின் மூலம் அவர் சேகரித்திருக்கக்கூடும்.
நண்பர் யாழ் சுதாகர் அவர்களைப்பொறுத்தவரை ஒருபக்கச்சார்பின்றி நடுநிலையோடு எதையும் எழுதக்கூடிய பண்பாளர். இதே போல் அவர் மக்கள் திலகம் எம்.ஜி.ஆர். பற்றிய கட்டுரைகளும் எழுதியிருக்கிறார். தமிழை தேனில் குழைத்துத் தரும் அவர் குரலை பலமுறை பண்பலையில் கேட்டிருப்பதுடன், நேயர்கள் பங்குபெற்றுப்பேசும் ஏதோவொரு நிகழ்ச்சியில் ஒரே ஒருமுறை அவரோடு தொலைபேசியிலும் பேசியிருக்கிறேன். நல்ல மனிதர்.
அவரது அற்புதமான கட்டுரையை எல்லோர் பார்வைக்கும் வழங்கிய தங்களுக்கு மிக்க நன்றி.
thank you Shekar
thank you for ur wishes Raghavendra sir
'கருடா சௌக்கியமா' இரண்டாம் பாகம் ஆய்வுக் கட்டுரை.
http://i1087.photobucket.com/albums/...00881648-1.jpg
http://i1087.photobucket.com/albums/..._000076676.jpg
அன்பு நண்பர்களே!
'கருடா சௌக்கியமா' ஆய்வுக் கட்டுரை இரண்டாம் பாகத்தில் உங்களை மீண்டும் சந்திப்பதில் மட்டற்ற மகிழ்ச்சி அடைகிறேன். முதல் பாகத்திற்கு நீங்கள் அனைவரும் வழங்கிய ஆதரவுக்கு மீண்டும் என் நெஞ்சார்ந்த நன்றியைத் தெரிவித்துக் கொண்டு இரண்டாம் பாகத்தை தொடர்கிறேன்.
இனி இரண்டாம் பாகம்.
நடிக வேந்தனின் நடிப்பு முத்திரைகள்.
படம் ஆரம்பித்த உடனேயே நடிகர் திலகத்தின் ஆர்ப்பரிக்க வைக்கும் நடிப்பு வித்தைகள் விளையாடத் தொடங்கி விடும்.
சிறுவன் முத்துக் கிருஷ்ணன் பள்ளிகூடத்திற்குக் கட்ட பணமில்லை என்று தீனா (N.T) விடம் பொய் சொல்லி அழ, N.T யும் அதை நம்பி அவனுக்குப் பணம் கிடைப்பதற்காக அவனை ரோட்டில் வரும் காரின் முன்பு விழச் சொல்லுவார். சிறுவன் முத்துக் கிருஷ்ணனும் விழுந்து அடிபட்டது போல நடிப்பான். கார் நின்றவுடன் காரின் சொந்தக்காரரிடம் பணம் வாங்கி சிறுவனிடம் N.T. கொடுப்பார். பையனோ .,"வாத்தியாரே! இதே போல செட்-அப்ப அடுத்த வாரம் மைலாப்பூர்ல வச்சுக்கலாமா?..கிடைக்கும் பணத்துல ஆளுக்கு 50...50...என்ன சொல்ற?.. என்று N.T.க்கு அதிர்ச்சி கொடுப்பான்.
உடன் N.T.,"நமக்கெல்லாம் 20 வயசுக்கு மேல தான் புத்தி வந்துது...இந்தக் காலத்து பசங்க பொறக்கும் போதே பிரசவம் பாக்குற நர்ஸோட மோதிரத்த புடுங்கிகிறானுங்க ... என்று இரு கைகளையும் சற்று அகல விரித்தபடியே audience- ஆன நம்மைப் பார்த்து கேலியாக நகைச்சுவை ததும்பச் சொல்ல அரங்கமே அதிரும். ஆரம்பமே அமர்க்களம் தான்.
தன்னை சிறுவயதில் வளர்த்த மேரியம்மாவின் (பண்டரிபாய்) பிறந்த நாளுக்கு அவரை வாழ்த்த வருவார் N.T. பண்டரிபாய் N.T.யிடம்,"தீனா...நீ போற போக்கே சரியில்ல..எப்படியோ போ"... என்று கோபித்துக் கொள்வார். அதற்கு N.T.
"ஆங்...அப்படியெல்லாம் நீ என்ன விட்டுக் கொடுத்திடுவியா?... மேரியம்மா...நீ சொல்லுறபடி வாழுறதா இருந்தா ஒண்ணு முற்றும் துறந்த ரமண மகரிஷியா இருக்கணும். என்னால அப்படியெல்லாம் வாழ முடியாது...என் பொறப்புக்கு நான் இப்படிதான் இருக்க முடியும்... என் பொறப்பப் பத்தித்தான் உனக்குத் தெரியுமே"...
என்ற வித்தியாசமான dialogue delivery-யைக் கொடுப்பார். இது வரை நடிகர் திலகத்திடம் நாம் கேட்டிராத டயலாக் டெலிவிரி அது. (இந்தப் படத்தில் அவர் வசனங்களை உச்சரிக்கும் பாணியே தனி. வசனங்களை சற்றே நீட்டி முழக்கி வார்த்தைகளை சிறிது கடித்தாற் போன்று வல்லின அழுத்தங்களை அதிகம் கலந்து கொடுத்து, அழுத்தம் திருத்தமாக அவர் உச்சரிக்கும் விதமே அலாதியாய் இருக்கும். N.T யின் வேறு எந்தப் படங்களிலும் அவர் கையாளாத புதிய முறை பாணி அது. அந்தப் புதுமை ஒன்றிற்காகவே இந்தப் படம் அவருடைய மற்ற படங்களில் இருந்து வேறுபட்டு நிற்கிறது).
நடிகர் திலகத்திற்கு இந்தப் படம் வெளியாகும் போது கிட்டத்தட்ட 54 வயது. அவருடைய அனுபவம் என்ன! நடிப்பின் முதிர்ச்சி என்ன!..அந்த வயதிலேயும் தன்னை,தன் பாணியை வித்தியாசப் படுத்திக் காட்ட வேண்டும் என்ற நடிப்பின் மேல் உள்ள அவருக்கிருந்த ஈடுபாடும், புதிதாய் வந்த நடிகரைப் போல் அவருக்கிருந்த ஆர்வமும் நம்மை மலைக்க வைக்கிறது. காலங்களை வென்ற காவிய புருஷரல்லவா அவர்!
தன்னை கடத்தல் தொழிலில் ஈடுபட வைக்க முயற்சி செய்யும் கயவர்களை N.T.பந்தாடிவிட்டு,"நீங்க எனக்குச் சொல்லிக் கொடுத்த வித்தைகளை உங்களுக்கே சொல்லிக் கொடுக்கிறேன்டா ..உங்களுக்கு மட்டுமில்லே... இந்த உலகத்துக்கே கத்துக் கொடுக்கிறேன்டா" ... என்று கர்ஜிப்பார். அப்போது சிறுவன் முத்துக்கிருஷ்ணன் அங்கு வருவான். N.T. அவனிடம்,"நீ பள்ளிக்கூடம் போகலையா?..என்பார். அதற்கு சிறுவன் N.T.யிடம்,"நீங்கதான் என் பள்ளிக்கூடம்..நீங்க தான் என் வாத்தியார்... நீங்கதான் நான் படிக்க வேண்டிய புத்தகமே"... என்று பதில் சொல்வான். (படத்தில் வரும் இந்த வசனம் நிஜத்தில் எவ்வளவு உண்மை! 'நடிப்பு' என்ற பள்ளிக் கூடத்திற்கு N.T.யைத் தவிர சிறந்த 'வாத்தியார்' எவர் இருக்க முடியும்?. அந்தக்கால நடிகர்கள் முதல் இந்தக் கால நடிகர்கள் ஏன் வருங்கால நடிகர்கள் அனைவரும் படிக்க வேண்டிய 'நடிப்புப் புத்தகம்' அல்லவா அவர்!).வியட்நாம் வீடு சுந்தரத்திற்கு ஒரு 'ஷொட்டு'.
டைட்டிலுக்குப் பிறகு வயதான கெட்டப்பில் நடிகர் திலகம். நடு வகிடு எடுக்கப்பட்ட, முன்னால் இரண்டு புறமும் மேலருந்து கீழாக கொக்கி போல் வளைந்த அடர்த்தியான முடி..கையின் விரல்களுக்கிடையே விளையாடிக் கொண்டிருக்கும் சிகரெட்...உள்ளே தெளிவாகத் தெரியும் கட்-பனியன்... மெலிதான முழுக்கை ஜிப்பா...மடித்துக் கட்டப்பட்ட வேட்டி...இடுப்பில் அணிந்துள்ள பட்டையான பச்சை நிற பெல்ட்..ஜிப்பாவின் மேலாக கையில் கட்டப்படுள்ள வாட்ச். தீனதயாளு தாதாவாக அற்புதமான,வித்தியாசமான மேக்-அப்பில் வலம் வருவார் N.T.
ஏழைகளான டீ எஸ்டேட் தொழிலாளிகளுக்கு போனஸ் வழங்க மாட்டார் எஸ்டேட் முதலாளி சண்முக சுந்தரம். தொழிலாளிகள் ஸ்டிரைக் செய்வார்கள். தீன தயாளுவான N.T.யிடம் உதவி கேட்டு வருவார் சண்முக சுந்தரம். N.T.யிடம் அவர்
"திடீர்னு கை கழுவிட்டாங்க... பேச்சு வார்த்தைக்குக் கூட வரமாட்டேன்கிறாங்க ... நீங்க சொன்னாதான் ஸ்டிரைக்க வாபஸ் வாங்குவோம்னு சொல்றாங்க...நாங்க ஒன்னுமே செய்யலீங்க..
என்பார்.
அதற்கு N.T.
"நீங்க ஒன்னுமே செய்யலீயா?... எனக்குத் தெரியும்யா ..பக்கத்து எஸ்டேட்ல டீ இலைய திருடிட்டு வாங்கன்னு உங்க தொழிலாளிக்கு நீங்க பணம் கொடுத்து அனுப்பல?..
ஏழைகளுக்குத் திண்டாட்டம்...பணக்கரானுக்குக் கொண்டாட்டம்..
ஏழைகள என்னைக்குமே கோழைகளா நெனச்சுடாதீங்க..
தொழிலாளி முதுகு வளைஞ்சி வேலை செய்யணும்னா அவன் வயிறு நிமிரணும்",
என்று மடித்துக் கட்டிய வேட்டியுடன் வலது கையை இடுப்பில் ஊன்றி, சற்றே குனிந்தபடி, முதுகை முன்னால் ஒரு வளை வளைத்து பின் உடனே வயிறறுப் பகுதியை ஒரு நிமிர்த்து நிமிர்த்துவார் பாருங்கள்... அடடா..என்ன ஒரு உடல் மொழி அது!....அற்புதத்திலும் அற்புதம் இந்தக் குறிப்பிட்ட காட்சி.
அதே போல தன் வக்கீல் குமாஸ்தா தேங்காய் சீனிவாசனிடம் N.T,பேசுவதாக வரும் சில வசனங்களும், அவருடைய வசன modulation களும் மிக அருமையாக இருக்கும்.
தேங்காய்: யார் யாரை ஏமாத்தினா உங்களுக்கு என்ன? சட்டம்ன்னு ஒண்ணு இருக்கு... கோர்ட்டுக்கு போய்க்கிறாங்க...
N.T: மடையா! இந்த விஷயமெல்லாம் கோர்ட்டுக்கு போனா என்னாகும்?...
வாதிக்கு நஷ்டம்...
பிரதிவாதிக்குக் கஷ்டம்...
வக்கீலுக்கு அதிர்ஷ்டம்...
ஜட்ஜுக்கு அவரு இஷ்டம்...
என்று அவர் பாணியில் உச்சரிக்கும் போது தியேட்டரே அல்லோலகல்லோலப் படும்.
கட்டுரை தொடர்கிறது...
தொடர்ச்சியாக...
தேங்காய்: உங்களைப் பத்தி என்னவெல்லாம் பேசிக்கிறாங்க தெரியுங்களா?
N.T: கடவுளே இருக்காரா இல்லையான்னுதான் பேசிக்கிறான்... என்னப் பத்தி பேசனா என்ன. I don't care. குற்றம் எங்கெல்லாம் நடக்குதோ அங்கெல்லாம் இந்த தீனதயாளு இருப்பான்.. சட்டம் வக்கீலோட பண பலத்துக்கும், வக்கீலோட வாதத் திறமைக்கும் வளைஞ்சி கொடுத்திடும்..அப்ப பாதிக்கப் பட்டவன் என்ன செய்வான்?.. அந்த ஆண்டவன்தான்டா உன்ன கேக்கனும்னு கண்ணீர் வடிப்பான். அப்பிடி கேக்க வந்த ஆண்டவனே நான்தான்னு வச்சுக்கடா... போடா"...
என்று படு அலட்சியமான அசத்தலான 'மூவ்' களைக் கொடுப்பார் N.T.
"இப்படியெல்லாம் செஞ்சா சமுதாயம் உங்களை மதிக்கவா போகுது?" என்று தேங்காய் கேட்டவுடன், சிகரெட்டை ஸ்டைலாக வாயில் வைத்துப்
புகைத்துவிட்டு,லேசாக தலையை வலதும் இடதுமாய் ஆட்டி சிரித்தபடியே நடிகர் திலகம்,
"நானு.. உன் வீட்டுக்கு வரும் போது பாண்டி பஜார் பிளாட்பாரத்துல ஒருத்தன் போட்டோவெல்லாம் போட்டு வித்துகிட்டு இருந்தான்..அவன் சொன்னான்...
காந்தி நாலணா..
நேருஜி நாலணா...
காமராஜி நாலணா..ன்னான்
அப்பேற்பட்ட மகான்களுக்கே நாலணாதாண்டா விலை. உலகம் நம்மள மதிச்சா என்ன..மிதிச்சா என்ன,"...
என்று கலாய்க்கும் போது,
கரகோஷம் காதுகளைக் கிழிக்கும்.(எப்பேர்ப்பட்ட வசனங்கள்! கால சூழ்நிலைகளுக்குத் தக்கபடி, எக்காலங்களுக்கும் ஏற்ற வசனங்கள். மகான்களும், மாபெரும் தலைவர்களும் N.T. அவர்கள் கூறுவது போல் நாலணா ஏன் காலணாவுக்குக் கூட இப்போதெல்லாம் மதிக்கப் படுவதில்லை).
அதே போல் தன்னை வளர்த்த பண்டரிபாயைப் பார்க்க வருவார் N.T. பண்டரிபாயின் கன்னங்களில் தன் இரண்டு கைகளையும் வைத்து கண்கள் மேலிறங்க,கீழிறங்க பாசத்துடனும்,வாஞ்சையுடனும் ,சற்று வருத்தப் பட்ட வேதனையுடனும் அவர் முகத்தைப் பார்ப்பார் பாருங்கள்...ஒரு வினாடியே ஆனாலும் அந்தக் காட்சியில் அவர் காட்டும் முக பாவம் இருக்கிறதே..தனக்காக, தன் வாழ்வைத் தியாகம் செய்த அந்த வளர்ப்புத்தாய் வயது முதிர்ந்த கோலத்தில் இப்படி உருக்குலைந்து காட்சி தருகிறாளே.. என்ற உணர்வுகளை அழகாக வெளிப்படுத்துவார். உடன் பண்டரிபாயிடம்,
"அய்யோ மேரியம்மா! எனக்காக கஷ்டப்பட்டே நீ பழுத்துப் போயிட்ட.. வாழ்க்கையில அடிபட்டே நான் பழுத்துப் போயிட்டேன், "என்று வேதனையாகக் கூறுவார். உடனே பண்டரிபாய்,"நல்லா இருக்கியாப்பா ? என்று நலன் விசாரித்தவுடன்,
"நல்லா இருக்கேன்... நல்லா இருக்கேன்", என்று இரு முறை அவர் ஸ்டைலில் அசத்துவது அருமை. "இன்னைக்கு ஒண்ணாந்தேதி இல்லையா?..எல்லாருக்கும் கொடுத்துக்கிட்டே வந்தேன்..உனக்குக் கொடுக்குற பாக்கியத்தைத்தான் நீ எனக்குக் கொடுக்கல..அதனால உன்கிட்ட வாங்கிட்டுப் போலாம்னு வந்தேன்", என்று சொன்னவுடன் பண்டரிபாய் "என்னப்பா?",என்று கேட்பார். அதற்கு நம்மவர் சற்று உரத்த குரலில்,
"ஆசீர்வாதந்தான்...ஆசீர்வாதந்தான்,"...என்று ஏற்ற இறக்கமுடன் கூறுவது அவருக்கு மட்டுமே உரித்தான ஒன்று...
மற்றொரு சூப்பரான காட்சி...
நடிகர் திலகத்தின் ஏழை பால்ய நண்பனாக வரும் V.S.ராகவன் தன் மகளின் திருமணத்திற்காக உதவி கேட்டு நடிகர் திலகத்தைச் சந்திக்க அவர் வீட்டுக்கு வருவார். நீண்ட நாட்களுக்குப் பிறகு நண்பர்கள் இருவரும் சந்திப்பது போன்ற காட்சி அது. V.S.ராகவன் வந்தவுடன் வீட்டில் அமர்ந்திருக்கும் N.T. அவர்கள் ,
"ஏய் படுவா...பலராமா...வாடா...வாடா,"..என்று எழுந்து வந்து கட்டித் தழுவி பின்,"ஒன்னப் பாத்து ரொம்ப நாளாச்சு...நான் ரெண்டாங் கிளாசாவது பள்ளிக்கூடத்திலே படிச்சேன்கிறதுக்கு சாட்சியே இந்த உலகத்தில நீ ஒருத்தன் தான். (நடிகர் திலகம் தான் சிறுவயதில் உண்மையிலேயே இரண்டாம் வகுப்பு வரை மட்டுமே படித்ததை நினைவு கூர்வதைப் போல் அமைந்திருக்கும் இந்தக் காட்சி). நல்லா இருக்கியா?.. குடும்பமெல்லாம் நல்லா இருக்கா?". என்று நலம் விசாரித்து விட்டு V.S.ராகவனின் நரைத்த தலையைப் பிடித்து சற்றே கீழே அழுத்தி,"என்னடா கெழவன் மாதிரி ஆயிட்டே...என்ன சமாச்சாரம்?", என்று நட்பை வெளிப்படுத்துவது படு இயல்பு.
மனைவி சுஜாதாவுடன் கோவிலுக்குப் போகும்போது தன் மனைவியின் மாமனும், அடியாளுமான கபாலி எதிர்பாராமல் அங்கு வந்து விட, சுஜாதா கண்களை மூடிக்கொண்டு சாமி கும்பிடும் அந்த இடைவெளி நேரத்தில், தனக்கு கபாலியிடம் இருக்கும் தொடர்பு தன் மனைவிக்கு தெரிந்து விடக்கூடாது என்பதற்காக அவனை அவசர அவசரமாக பேசி அனுப்பி வைக்கும் அந்த தருணத்தில், சுஜாதா சட்டென்று அதைக் கவனித்துவிட,அதை சமாளிக்கும் விதமாக தன் உடலை 'ஜகா' வாங்குவது போல ஒரு இழுப்பு இழுத்து, பின் ஒன்றும் தெரியாத அப்பாவி போல முகத்தை வைத்துக் கொண்டு நடையைக் கட்டுவது நம்மை பரவசப் படுத்தும் நடிப்புக் காட்சி.
பின் வீட்டில் சுஜாதா தன் கணவர் N.T.க்கு தன் மாமன் கபாலியுடன் என்ன தொடர்பு?..என்று கோபிக்க, அதற்கு N.T. வேண்டுமென்றே சுஜாதாவை வெறுப்பேற்ற மைலாப்பூர் கடவுள் கபாலீஸ்வரரைப் போற்றுவது போல, அருகில் இருக்கும் தேங்காய் சீனிவாசனிடம்,
கபாலி 'உயர்ந்த மனிதன்'
கபாலி 'கை கொடுத்த தெய்வம்'
கபாலி 'தெய்வப் பிறவி'
என்று ஜாலியாக கோஷம் போடுவது அவருக்கே கை வந்த கலை. (இந்தக் காட்சியில் நடிகர் திலகம் அவர்கள் திருவாயாலேயே அவர் நடித்த படங்களின் பெயர்கள் உச்ச்சரிகப்படுவதை நாம் கேட்கும் போது நம் காதுகளில் தேனும் பாலும் கலந்து வந்து பாய்வது போல அவ்வளவு இனிமை).
சமீப காலமாக 'சாந்தி' தியேட்டரில் நம் இதய தெய்வத்தின் காவியங்கள் வெளியீடுகளின் போது நம் ரசிகக் கண்மணிகள் பெரும்பாலும் மேலே நடிகர் திலகம் கூறிய படங்களின் பெயர்களையே அவருக்கு புகழாரமாய் சூட்டி,
'உயர்ந்த மனிதன்' சிவாஜி
'கை கொடுத்த தெய்வம்' சிவாஜி
'தெய்வப் பிறவி' சிவாஜி
என்று விண்ணை எட்டிய கோஷங்களை எழுப்பியது நினைவுக்கு வந்து கண்களைப் பனிக்கச் செய்தது.
(நடிப்பு முத்திரைகள் மூன்றாம் பாகத்தில் தொடரும்).
அன்புடன்,
நெய்வேலி வாசுதேவன்.
அன்புள்ள சாரதா மேடம்,
தங்கள் ஆய்வுக் கட்டுரைகளின் மேல் எனக்கிருந்த ஆர்வமும் உந்துதலும்தான் என்னை இந்த 'கருடா சௌக்கியமா' முதல் ஆய்வுக் கட்டுரை எழுத வித்திட்டது. இதிலுள்ள நிறை குறைகளை தாங்கள் சுட்டிக் காட்டினால் அது அடுத்த கட்டுரைகளை நான் மேம்படுத்திக் கொண்டு எழுத ஏதுவாக இருக்கும் என்பது என்னுடைய தாழ்மையான அபிப்பிராயம். இந்தக் கட்டுரை எழுத மூல காரணகர்த்தாவே நீங்கள் தான். அதற்காக தங்களுக்கு என் மனம் நிறைந்த நன்றி!
அன்புடன்,
நெய்வேலி வாசுதேவன்.
இன்று பிறந்தநாள் காணும் நண்பர் பெங்களூர் குமரேஷ் அவர்களுக்கு என்னுடைய மனப்பூர்வமான பிறந்தநாள் நல்வாழ்த்துக்கள் . வாழ்க பல்லாண்டு!
அன்புடன்,
நெய்வேலி வாசுதேவன்.
கருடா சௌக்யமா ஆய்வுக் கட்டுரை அருமை. பாராட்டுக்கள் திரு. வாசுதேவன் அவர்களே.
டியர் வாசுதேவன் சார்,
கருடா சௌக்கியமா பற்றிய தங்கள் பதிவு.... அட்டகாசம்....
அன்புடன்
ராகவேந்திரன்
வாசுதேவன் சார்,
கலக்குறீங்க..... 'கருடா சௌக்கியமா?' ஆய்வுக்கட்டுரை படுசூப்பர். ஒவ்வொரு காட்சியையும் எவ்வளவு அழகாக வர்ணிக்கிறீர்கள். நீங்கள் சொல்வது போல இப்படத்தின் வசனங்களை வியட்நாம் வீடு சுந்தரம் ரொம்ப அனுபவித்து எழுதியிருப்பார். ஒவ்வொரு வசனத்திலும் சரவெடி இருக்கும்.
முத்துகிருஷ்ணன் சொல்லும் வசனத்தைப்போலவே, பல படங்களில் பல வசனகர்த்தாக்கள் நடிகர்திலகத்தைப்புகழ்ந்து எழுதியிருப்பார்கள்.....
ஒன்ஸ்மோர் படத்தில் விஜய்: 'எவ்வளவு சூப்பரா நடக்கிறார் அவர்'
எஸ்.எஸ்.சந்திரன்: 'உனக்கு மட்டுமல்ல, இந்த உலகத்துக்கே தெரியும் அவர் நடை சூப்பர்னு'.
படையப்பாவில் ரஜினியிடம் நடிகர்திலகம்: 'இனிமேல் எல்லாரும் உன் பின்னாடிதான்'
ரஜினி: 'இல்லீங்கய்யா, நாங்க எல்லோரும் எப்போதுமே உங்க பின்னாடிதான்'
'கருடா சௌக்கியமா' போன்ற படங்களை, குறைந்த பட்சம் ரசிகர்களை நான்கு மாதம் காயப்போட்டு வெளியிட்டிருக்க வேண்டும். வயிறு முட்ட தின்று ஏப்பம் விட்டுக்கொண்டிருக்கும் நேரத்தில் மீண்டும் பிரியாணியை பறிமாறினார்கள். வேறென்ன செய்வது?. வழக்கமான புலம்பல்தான்.
உங்கள் ஆய்வுக்கட்டுரையைப் படித்து விட்டு மீண்டும் 'கருடா சௌக்கியமா' பார்த்தால் நிச்சயம் புதிய கோணங்களில் ரசிக்க முடியும்.
ஜமாய்ங்க........
mrkarthik - AnA maththa starsoda nadicha padam mAdhiri illAma(wherein those stars say punch dialogue praising NT), Once More-la, NT saying punch dialogue praising the hero irukkum. appA director vElaiya kAtti iruppAr.
டியர் சந்திர சேகரன் சார்,
உங்கள் அன்புக்கு என் உளமார்ந்த நன்றிகள்.
டியர் ராகவேந்திரன் சார்,
தங்கள் பாராட்டுதல்களுக்கு என் பணிவான நன்றிகள்.
அன்பு முரளி சார்,
தங்களுக்கு என் இதய பூர்வமான நன்றிகள். தங்கள் பாராட்டுதல்களும்,வாழ்த்துக்களும் நிஜமாகவே என்னைக் கண் கலங்கச் செய்து விட்டன. மறுபடியும் என் உள்ளத்தின் அடித்தளத்திலிருந்து வரும் நன்றிகளை தங்களுக்கு பணிவுடன் தெரிவித்துக் கொள்கிறேன்.
நான்கே வரிகளில் நடிகர் திலகம் புகழ் பாடும் வசனங்களை மிக அழகாக தொகுத்து வழங்கி விட்டீர்கள். நாற்பது பக்கங்களுக்கான பொருள் அதில் தென்படுகிறது. அருமை சார்.. நடிகர் திலகம் பற்றிய புகழ் பாடும் வசனங்களை பின்னொரு நாளில் கண்டிப்பாக அலசி விடலாம். நன்றி சார்!
அன்புடன்,
நெய்வேலி வாசுதேவன்.
டியர் வாசுதேவன்,Quote:
Originally Posted by vasudevan31355
என்னது..? உங்கள் ஆய்வுக்கட்டுரையில் குறை சொல்வதாவது?. ஒவ்வொரு காட்சிவாரியாக வசனங்களையும், அதில் உங்கள் பொருத்தமான கமெண்ட்களையும் அங்கங்கே செருகி எவ்வளவு அருமையாக கட்டுரையை வடித்து வருகிறீர்கள். பூதக்கண்ணாடியல்ல, மைக்ராஸ்கோப் வைத்துத்தேடினால்கூட உங்கள் ஆய்வில் குறை கண்டுபிடிக்க முடியாது. நிறைகள் மட்டுமே நிரம்பி வழிகின்றன.
ஒவ்வொரு வசனத்தையும் பொருத்தமான விளக்கங்களுடன் நீங்கள் சொல்லியிருக்கும் விதம் எப்படியுள்ளது என்றால், இதற்கு முன் இப்படத்தைப் பார்த்திராதவர்கள் உடனடியாக பார்க்கும்படியாகவும், ஏற்கெனவே பார்த்திருந்தவர்களை மீண்டும் பார்க்கத்தூண்டும் விதமாகவும் அமைந்துள்ளது. நண்பர் கார்த்திக் சொன்னதுபோல அந்த சமயத்தில் புற்றீசல்கள் போல நடிகர்திலகத்தின் படங்கள் படையெடுத்ததால் நியாயமாகப் பெறவேண்டிய வெற்றியை இப்படம் பெறவில்லையென்பது வருத்தப்பட வைக்கும் ஒரு விஷயம்.
ஒவ்வொரு பதிவு முடியும்போதும் அடுத்த பதிவு எப்போது என்று ஏங்க வைக்கும் அளவுக்கு சிறப்பாக எழுதுகிறீர்கள். என்னைப்பார்த்து எழுதத்துவங்கியதாக சொன்னீர்கள். அதை ஒப்புக்கொள்வதாயினும், நான் ஆரம்பப்பள்ளி ஆசிரியை போல. என்னுடைய மாணவர் இன்று பி.எச்.டி. தேறி விட்டதைப்பார்க்க மிகவும் ஆனந்தமாக உள்ளது.
உங்கள் அனைவரது பங்களிப்பாலும் நமது திரி இன்னும் பல சிகரங்களை எட்டப்போவது உறுதி. உங்களது பாசம் நிறைந்த எழுத்துக்களூக்கு எனது பணிவான நன்றிகள்.
அனைவருக்கும் இனிய ரம்ஜான் திருநாள் வாழ்த்துக்கள்!
http://www.goodlightscraps.com/conte...n-kareem-6.gif
http://i1087.photobucket.com/albums/...an31355/nt.jpg
அன்புடன்,
நெய்வேலி வாசுதேவன்.
மரியாதைக்குரிய 'குரு' சாரதா மேடம் அவர்களே!
http://i1087.photobucket.com/albums/...thousand_3.jpg
நன்றிகள் பல கோடி. என்னை தங்கள் மாணவனாக ஏற்றுக் கொண்டதால் மனதில் மகிழ்ச்சி அலைகள் பொங்கிப் பிரவாகம் எடுக்கின்றன. 'அடக்கம் அமரருள் உய்க்கும்' என்ற வள்ளுவரின் வாக்கு எவ்வளவு உண்மை என்பதை "நான் ஒரு ஆரம்பப் பள்ளி ஆசிரியை தான்" என்ற வரிகளின் மூலம் நிரூபித்து விட்டீர்கள். நிறைகுடங்கள் எப்போதும் தளும்புவதே இல்லை. ஒரு தாயின் கருணையையும்,அன்பையும் அரவணைப்பையும்,பாசத்தையும் பெற்றுவிட்ட பூரிப்பில்...
தங்கள் மாணவன் ,
நெய்வேலி வாசுதேவன்.
Well said mr vasudevan about saradamadam. Nadigar thilagam thiri has m ore knowlegable fans of NT even today after 10years of great actors demise technically for the world definitely not for us because he has become part of our life and soul.
season's greetings to all our friends.
ரஹீமை வைத்து ரம்ஜான் வாழ்த்துக்கள் சொன்னது மிகவும் பொருத்தம் - வியட்நாம் வீடு நாடக நிழற்படம் அருமை - நன்றி திரு.வாசுதேவன் அவர்களே.
அரிய நிழற்படம்
'வியட்நாம் வீடு' நாடகத்தில் 'பிரெஸ்டீஜ்' பத்மநாபன்.
http://i1087.photobucket.com/albums/...pg_285287a.jpg
நடிகர்திலகத்துடன் 'சாவித்திரியாக' நடிகை S.R.சிவகாமி.
நன்றி 'ஹிந்து' நாளிதழ்!
அன்புடன்,
நெய்வேலி வாசுதேவன்.
DEAR KUMARESAN SIR,
Many more happy returns of the day,May God and NT bless you.
Dear vasudevan sir,
superb write up on garuda sowkyama.Eagerly waiting for your analysis of other NT"s underrated films.
Dear Mr. Kumaresan,
Wish you many many happy returns of the day.
Regards,
R. Parthasarathy
அன்புள்ள திரு. வாசுதேவன் அவர்களே,
நமது திரியின் அற்புதப் பயணத்தை அழகு தமிழில் வர்ணித்து, அதில் பதிவு செய்து கொண்டிருக்கும் என்னையும் குறிப்பிட்டுப் பாராட்டியதற்கு நன்றி. தங்களைப் போன்றவர்களின் வருகையால், இந்தத் திரிக்கு மேலும் சுவாரஸ்யமும் பெருமையும் சேர்ந்திருக்கிறது.
தங்களது "கருடா சௌக்கியமா" படத்தின் ஆய்வுக் கட்டுரையின் இரண்டாவது பாகம் அருமை. நடிகர் திலகத்தின் நடிப்பை பிரமாதமாக அலசியிருக்கிறீர்கள். தங்களிடமிருந்து மேலும் பல ஆய்வுக்கட்டுரைகளை எதிர்பார்க்கிறோம்.
நன்றியுடன்,
இரா. பார்த்தசாரதி
அன்புள்ள திரு. பம்மலார் அவர்களே,
பொம்மை இதழில் வெளி வந்த யாழ் சுதாகரின் கட்டுரையை அந்தக் கட்டுரை வெளி வந்த அன்றே படித்திருக்கிறேன். மீண்டும் ஒரு முறை அதைப் படித்து மெய் சிலிர்த்தேன். உண்மையில், அந்தக் கட்டுரையின் சில இடங்களைப் படிக்கும் போது, தொண்டை வழித்து, கண்களில் கண்ணீர் பெருகி விழித் திரையை மறைத்திட, மேலும், படிக்க முடியாமல் திணறினேன். எங்கிருந்துதான் பிடிக்கிறீர்களோ இந்தக் கட்டுரைகளை. Hats off to யு, Sir.
அன்புடன்,
இரா. பார்த்தசாரதி
குமுதம் விமர்சனங்களைப் பற்றி நான் எழுதுவேன் என்று திரு. முரளி அவர்கள் குறிப்பிட்டிருந்தார்.
சென்ற ஞாயிற்றுக்கிழமை அன்று அவரிடம் பேசிக்கொண்டிருக்கும்போது நிறைய விஷயங்களைப் பகிர்ந்து கொண்டேன். அனைத்தையும் இங்கு பகிர்ந்து கொள்வது பெரிய சர்ச்சையைக் கிளப்பி விடும் என்பதால், சில விஷயங்களைப் பற்றி மட்டும் கூற விழைகிறேன்.
குமுதம் பத்திரிகையின் விமர்சனங்கள் எப்போதும் நடு நிலையாகத்தான் இருக்கும். இதற்கு முக்கியமான காரணம், அந்தப் பத்திரிகையின் ஆசிரியரும், இணை மற்றும் துணை ஆசிரியர்கள் எப்போதும், சொந்த செலவில் மக்களோடு மக்களாக அமர்ந்து முதல் மூன்று நாட்களுக்குள் படத்தைப் பார்ப்பது தான். பத்திரிகையாளர்களுக்கு என்று ஏற்பாடு செய்யப்படும் முன்னோட்டங்களுக்கு அவர்கள் ஒரு போதும் செல்வதில்லை. இதனால், அவர்களுக்கு எந்த வித நிர்ப்பந்தமும் ஏற்படுவதில்லை. நானே, அந்தப் பத்திரிகையில் வேலை செய்து கொண்டிருந்த போது, இணை மற்றும் துணை ஆசிரியர்களுக்கு புதுப்படங்களின் டிக்கெட்டுகளை வாங்கிக் கொடுத்திருக்கிறேன். குமுதம் எப்போதும், நடிகர் திலகத்தின் படங்களை மிகச்சரியாக விமர்சனம் செய்யத் தவறியதே இல்லை. அவருடைய "ஸ்ரீ வள்ளி" படத்தை, வெறும் "முருகா. முருகா... முருகா..." என்று மட்டுமே எழுதியது.
ஒரு தலைப் பட்சமான விமர்சனங்கள் விகடனுக்கு மட்டுமல்ல; மற்ற இதழ்களுக்கும் கூடப் பொருந்தும். 1982-இல் வெளிவந்த ரஜினியின் மூன்று முகத்துக்கு அன்று குங்குமம் எழுதிய விமர்சனத்தை இன்றளவும் மறக்க முடியவில்லை. அந்தப் படத்தில், அலெக்ஸ் பாண்டியன் என்ற காவல் துறை அதிகாரியாக ரஜினி மிக நன்றாக நடித்திருந்தார் எனினும், குங்குமம் அந்தப் படத்துக்கு எழுதிய விமர்சனத்தில், கடைசியில், "சிவாஜி அன்று நவராத்திரியில் ஒன்பது வேடங்களில் அசத்தினார்; இன்று ரஜினி மூன்று வேடங்களில் மூன்று முகத்தில் அசத்தியிருக்கிறார். இந்த மூன்றும் அந்த ஒன்பதுக்குச் சமம்!". அடுக்குமா இந்த ஒப்பீடு? யாரை யாருடன், எந்த நடிப்பை எந்த நடிப்புடன்?? எந்தப் படத்தை எந்தப் படத்துடன்???
யாரையோ சந்தோஷப்படுத்துவதற்காக, நடுநிலையைத் தவற விடுபவர்கள் என்றுமே இருக்கத்தான் செய்கிறார்கள்.
அன்புடன்,
இரா. பார்த்தசாரதி
அன்புச் சகோதரி சாரதா அவர்களின் பதிவு அவருடைய பெருந்தன்மையினைப் பறை சாற்றுகிறதென்றால் வாசுதேவனின் அடக்கம் அதற்குக் கட்டியம் கூறுகிறது. அனைவருமே தத்தம் அடக்கத்தையும் எளிமையினையும் பேணி நடிகர் திலகத்திற்குப் பெருமை சேர்க்கிறார்கள் என்றால் அதை விட அந்த உத்தமனுக்கு சிறந்த தொண்டு இருக்க முடியுமோ.
அனைவருக்கும் பாராட்டுக்கள், நன்றிகள், வாழ்த்துக்கள்.
டியர் குமரேசன்
உளமார்ந்த பிறந்த நாள் வாழ்த்துக்கள்.
அன்புடன்
ராகவேந்திரன்
நடிகர் திலகத்தின் இரு உன்னதத் திரைக்காவியங்கள் விரைவில் நெடுந்தகடு வடிவில் வெளியிடப் பட உள்ளன. இது பற்றிய ஓர் அறிவிப்பு மற்றோர் நெடுந்தகட்டினில் வெளிவந்துள்ளது. அதன் வடிவினை இங்கே நாம் காணலாம்.
http://i872.photobucket.com/albums/a...UPVdvdAdfw.jpg
அன்புடன்
A Very Very Happy Birthday Mr.kumareshanprabhu !
Many Many More Happy Returns !
Warm Wishes & Regards,
Pammalar.
எல்லோருக்கும் புனித ரமலான் திருநாள் நல்வாழ்த்துக்கள் !
http://i1094.photobucket.com/albums/...ar/PM100-1.jpg
எல்லோரும் கொண்டாடுவோம் !
அல்லாவின் பெயரைச் சொல்லி
நல்லோர்கள் வாழ்வை எண்ணி
எல்லோரும் கொண்டாடுவோம் !
டியர் வாசுதேவன் சார்,
தங்களின் பாராட்டுக்கு மனமார்ந்த நன்றி !
கலைக்குரிசிலின் "கருடா சௌக்கியமா" திறனாய்வுக் கட்டுரையின் இரண்டாம் பாகம் மற்றும் அதன் தொடர்ச்சி பட்டையைக் கிளப்புகிறது. கூடவே நிழற்படங்களையும் வெளியிட்டு அசத்தியுள்ளீர்கள் !
தங்களது எழுத்தில் ஒரு தேர்ந்த எழுத்தாளருக்கே உரித்தான நடையும் அதே சமயம் NT Devotee என்கின்ற உணர்ச்சிப்பிரவாகமும் இணைந்து காணப்படுகிறது. இது மிக அரிதான ஒரு இணைவு. இரண்டும் கலந்த அபூர்வக் கலவை தங்களின் எழுத்தோவியம் !
தங்கள் பதிவுகளின் மூலம் இக்காவியத்தை Frame-by-frame பார்த்து ரசிக்கிறோம் ! Free-of-cost !! பாராட்டுக்களுடன் கூடிய நன்றிகள் !!!
[திருக்குரான் வாசகங்கள் மற்றும் "இமைகள்" அக்பர்பாஷா அவர்களின் நிழற்படங்கள் ஆகியவற்றை வெளியிட்டு ரம்ஜான் நல்வாழ்த்துக்களை தெரிவித்த விதம் உண்மையிலேயே அற்புதம் ! "வியட்நாம் வீடு" நாடக நிழற்படம் மிகமிக அரிய ஒன்று !]
அன்புடன்,
பம்மலார்.
டியர் சந்திரசேகரன் சார்,
பாராட்டுக்கு நன்றி !
டியர் mr_karthik,
தங்களின் மனம் திறந்த பாராட்டுதல்களுக்கும், திரு.யாழ் சுதாகர் குறித்த நற்கருத்துக்களுக்கும் நெஞ்சார்ந்த நன்றிகள் !
டியர் பார்த்தசாரதி சார்,
தங்களது உணர்வுபூர்வமான பாராட்டுதல்களுக்கு எனது உளப்பூர்வமான நன்றிகள் !
டியர் ராகவேந்திரன் சார்,
"உலகம் பல விதம்", "நானே ராஜா" நெடுந்தகடுகளாக வருகிறதா ! ஆஹா !! ஆஹா !!!
அன்புடன்,
பம்மலார்.
அனைவருக்கும் விநாயக சதுர்த்தி நல்வாழ்த்துக்கள் !
http://i1094.photobucket.com/albums/...daljpeg0ky.jpg
விண்ணுலக முதல்வரான கணேச பெருமானைப் போற்றும் நன்னாளில்
கலையுலக முதல்வரான சிவாஜி கணேசப் பெருமானின் புகழ்பாடும் கட்டுரை
வரலாற்று ஆவணம் : தினமணி : 3.10.1997
http://i1094.photobucket.com/albums/...EDC4479a-1.jpg
குறிப்பு:
1. 1964லேயே 5 படங்கள் 100 நாட்களைக் கடந்து ஓடின. [கர்ணன், பச்சை விளக்கு, கை கொடுத்த தெய்வம், புதிய பறவை, நவராத்திரி]
2. ஒரே நாளில் இரு படங்கள் முதன்முதலில் வெளியானது 13.4.1954 அன்று. [அந்த நாள், கல்யாணம் பண்ணியும் பிரம்மச்சாரி]
3. எம்கேடி பாகவதருக்குப்பின் ஒரே ஆண்டில் ஒரு கதாநாயக நடிகர் நடித்து இரு படங்கள் வெள்ளிவிழாக் கொண்டாடியது 1959-ல். [வீரபாண்டிய கட்டபொம்மன், பாகப்பிரிவினை][பாகவதருக்கு 1937-ல் இரு பொன்விழாப் படங்கள் : சிந்தாமணி, அம்பிகாபதி][ஒரே ஆண்டில் இரு வெள்ளிவிழாக்கள் என்ற சாதனையை 1959-க்குப் பின்னர் 1961, 1972, 1978, 1983, 1985 என மொத்தம் 6 முறை நிகழ்த்திக் காட்டியிருக்கிறார் நமது நடிகர் திலகம் !]
4. இந்தக் கட்டுரை ஒரு Overviewதான். இந்தத் தலைப்பில் விளக்கமாக ஒரு தனிப்புத்தகமே எழுதலாம் !
பக்தியுடன்,
பம்மலார்.
திரு.சந்திர சேகரன் சார்,
தங்கள் அன்புக்கு நன்றி!
டியர் ஹரிஷ் சார்,
தங்கள் பாராட்டுதல்களுக்கு என் பணிவான நன்றிகள்.
திரு.சுப்பிரமணியம் ராமஜெயம் சார்,
தங்களுக்கும் என் அன்பான நன்றிகள்.
திரு.பார்த்தசாரதி சார்,
தங்களின் உளப்பூர்வமான பாராட்டுதல்களுக்கு என் நெஞ்சார்ந்த நன்றிகள். தங்களை போன்ற அனுபவசாலிகளின் வாழ்த்துதல்கள் அடியேனின் பாக்கியம்!
தங்களின் குமுதம் விமர்சனங்கள் பற்றிய அட்டகாசமான விமர்சனத்தை எப்படி விமர்சனம் செய்வது என்று எனக்குத் தெரிய வில்லை. சூப்பர் சார்!
மூன்று முகம் பற்றி சாவியில் வெளிவந்த அந்த வஞ்சப் புகழ்ச்சி விமர்சனத்தை நானும் படித்திருக்கிறேன்.அது பற்றிய என் நெஞ்சில் உள்ள குமுறல்களை அப்படியே ஜெர்மன் கண்ணாடி போல் பிரதிபலித்து விட்டீர்கள்.
'நான் நினைத்தேன் நீ சொல்லி விட்டாய், ' என்று பேச்சு வாக்கில் அடிக்கடி சொல்வோம். அது அப்படியே தங்கள் குமுறல்களின் மூலம் நடந்து விட்டது.
எல்லாப் படங்களுக்கும் ஏடா கூடமாக விமர்சனம் எழுதும் 'கல்கண்டு' பத்திரிகை கூட 'எங்கள் தங்க ராஜா' வை அருமையாக விமர்சனம் செய்திருந்தது. அதிலும் குறிப்பாக நடிகர் திலகத்தின் நடிப்பைப் பாராட்டும்,
'நடிகர்திலகத்தின் நடிப்பு பட்டை தீட்டப்பட்ட வைரம் போல அற்புதமாய் ஜொலிக்கிறது'
என்ற வரிகள் என்றும் மறக்க முடியாதவை.
நடிகர் திலகமே 'ஸ்ரீவள்ளி' படத்தைப் பற்றிய தன் சொந்தக் கருத்தாக குமுதம் விமர்சனம் போலவே "முருகா..முருகா.. முருகா...என்று தான் கூறியிருப்பார்.
டியர் ராகவேந்திரன் சார்,
தங்களுக்கு என் மனம் நிறைந்த நன்றி! 'உலகம் பலவிதம்' மற்றும் 'நானே ராஜா' நெடுந்தகடுகள் விரைவில் வெளிவரப் போகின்றன என்ற செய்தியை தந்து,இரு படங்களின் டீவீடீ வடிவங்களையும் தந்து வயிற்றில் பாலை வார்த்து விட்டீர்கள்... விரைவில்,
'மண்டமாருதம்' தவழப் போவதையும், 'சந்திரன் வானிலே' திகழப் போவதையும் 'ஆசைக் கனவு' நனவாகப் போவதையும் நினைத்தால் இப்போதே உள்ளத்தில் உற்சாகம் பீறிட்டுக் கிளம்ப ஆரம்பித்து விட்டது.
மகிழ்ச்சியடையச் செய்ததற்கு மனமார்ந்த நன்றிகள் சார்!
அன்பு பம்மலார் சார்,
மாசு மருவில்லாத அந்த ரஹீமின் முகம். ஆஹா!..கள்ளம் கபடமில்லாத மழலை முகம். இப்படி ஒரு வசீகர வதன முகத்தை இனி இந்த உலகத்தில் யாரிடம் காண முடியும்?...அதி அதி அதி அற்புதமான நிழற்படம் அளித்து அதலகதளப் படுத்தி விட்டீர்கள். நன்றி.
முதல் சாதனைகளின் முடிசூடா மன்னன் ஆவணக்கட்டுரையை அளித்து முத்தமிழ் வித்தகரின் புகழ்க் கிரீடத்தில் மேலும் ஒரு வைரக்கல்
பதித்துள்ளீர்கள். நூறாவது நாள் மற்றும் வெள்ளி விழா சாதனைகள் விவரங்களும் அருமை.
இவை எல்லாவற்றுக்கும், தங்களின் மனமுவந்த பாராட்டுதல்களுக்கும் சேர்த்து என் மகிழ்வான நன்றிகள்.
அன்புடன்,
நெய்வேலி வாசுதேவன்.
அனைவருக்கும் இனிய 'விநாயக சதுர்த்தி' நல்வாழ்த்துக்கள்.
http://www.punjabigraphics.com/image...omment-028.jpg
அன்புடன்,
நெய்வேலி வாசுதேவன்.
திரு குமரேசன் பிரபு சார்,
தங்களுக்கு என் நெஞ்சு நிறைந்த, மனப்பூர்வமான, இதயங்கனிந்த பிறந்த நாள் வாழ்த்துக்கள். வாழ்க நலமுடன் பல்லாண்டு.
'விநாயக சதுர்த்தி' ஸ்பெஷல்
ஆனை முகனே! ஆதி முதலானவனே!...
பானை வயிற்றோனே! பக்தர்களைக் காப்பவனே!...
மோனைப் பொருளே! மூத்தவனே! கணேசா! கணேசா!...
ஏனென்று கேளுமைய்யா! இந்த ஏழை முகம் பாருமைய்யா ...
கணேசனின் புகழ் பாடும் நம் 'கணேசரின்' புகழை நாம் பாட வேண்டாமா?...விநாயகர் சதுர்த்தியான இன்று...
இதோ..இந்தப் பாடலின் மூலம் நாம் அவருக்கு புகழாரம் சூட்டலாம்..
http://www.youtube.com/watch?v=GatmR...yer_detailpage
அன்புடன்,
நெய்வேலி வாசுதேவன்.
அன்பு பம்மலார் சார்,
தாங்கள் இன்று நடு இரவிலும்,அதிகாலையிலும், செய்த post-களின் நேரத்தைக் கொஞ்சம் கவனித்துப் பாருங்கள்....
12:12 AM
02:11 AM
02:28 AM
02:41 AM
03:16 AM
04:37 AM
உடம்பு என்னத்துக்கு ஆவது ?........
உடல் நிலையையும், தூக்கத்தையும் முடிந்த வரை கவனித்துக் கொள்ளவும். இது என் அன்பான வேண்டுகோள்.
அன்புடன்,
நெய்வேலி வாசுதேவன்.
டியர் பம்மலார்,
கள்ளம் கபடமில்லாத அப்துல் ரகீமின் அழகு முகமும், பின்னணியில் அமைந்த மெக்கா, மதீனா படங்களும் அருமை. நிச்சயம் இப்படம் இஸ்லாமியர்களின் இல்லங்களிலும் உள்ளங்களிலும் இடம்பெறும் வண்ணம் அழகுற அமைந்துள்ளது.
'பாவ மன்னிப்பு' அப்துல் ரகீம்
'இமைகள்' அக்பர் பாஷா
'எழுதாத சட்டங்கள்' நஸீர் வாப்பா
என அனைத்து இஸ்லாமிய ரோல்களிலும் தூள் கிளப்பியவர் நடிகர்திலகம்.
தமிழ்நாட்டிலுள்ள இஸ்லாமியர்கள், மதத்தால் வேறுபட்டிருந்தாலும், பேச்சில் எல்லா தமிழர்களையும் போல சரளமாகவே பேசுவார்கள். வேலூர் மாவட்டம் போன்ற இடங்களிலுள்ளவர்கள் சற்று உருது கலந்து பேசக்கூடியவர்கள். மற்ற எல்லா மாவட்டங்களிலும் சாதாரண த்மிழே பேசுவார்கள். அதையே பின்பற்றி, நடிகர்திலகமும் தான் ஏற்று நடித்த எல்லா முஸ்லீம் ரோல்களிலும் சாதாரண தமிழே பேசியிருப்பார். அதுபோல உடைகளும் தமிழ்நாட்டிலுள்ள மற்ற முஸ்லீம்களைப்போலவே அணிந்திருப்பார்.('சிலர்' தாங்கள் தாங்கள் முஸ்லீம் ரோல் ஏற்கும்போது, நடைமுறைக்கு ஒவ்வாத உடை அணிவதோடு, 'நம்பள்', 'நிம்பள்' என்றெல்லாம் பேசி, பார்ப்போரை படுத்துவார்கள். தமிழ்நாட்டில் எந்தவொரு முஸ்லீமும் நம்பள், நிம்பள் என்று பேசுவது கிடையாது).
'எழுதாத சட்டங்கள்' படத்தில் தன் குடிசைக்கு தீ வைக்கப்பட்டிருப்பதை பார்க்கும் நடிகர்திலகம், எரியும் குடிசைக்குள் ஓடிப்போய், வேறு எதையும் எடுக்காமல், மறைந்த தன் மனைவியின் புகைப்படத்தை ஒரு கையிலும், குர் ஆன் வேத புத்தகத்தை இன்னொரு கையிலும் எடுத்துக்கொண்டு வெளியே ஓடிவரும் காட்சி ஒவ்வொரு இஸ்லாமியரின் உள்ளத்தையும் தொட்டது.
பல்வேறு கோயில் திருப்பணிகளுக்கு காணிக்கை செலுத்துவதைப்போலவே, சென்னை மவுண்ட் ரோடு தர்காவுக்கும், நாகூர் தர்காவுக்கும் வருடாவருடம் காணிக்கை செலுத்துவதை வழக்கமாக வைத்திருந்தார் நடிகர்திலகம். அத்துடன் தன்னுடைய இஸ்லாமிய நண்பர்கள் சிலர் புனித ஹஜ் யாத்திரை செல்ல பண உதவியும் செய்துள்ளார் அவர். (ஒருமுறை 'சிங்கத்தமிழன் சிவாஜி' நிகழ்ச்சியின்போது அண்ணனின் மூத்த புதல்வர் திரு ராம்குமார் வெளியிட்ட தகவல்).
டியர் வாசுதேவன்,
தங்கள் தன்னடக்கமான பதிவு என் நெஞ்சைத்தொட்டது. எல்லாம் நடிகர்திலகத்திடமிருந்து வந்ததுதான். அபார திறமைகளைப்பெற்றிருந்தும், அது தன் செயல்களில் பிரதிபலித்துவிடாமல் அடக்கமாக வாழ்ந்தவரல்லவா.
வியட்நாம் வீடு நாடக ஸ்டில் அரிய பொக்கிஷம். 'சாவித்திரி'யாக எஸ்.ஆர்.சிவகாமியும் நடித்திருக்கிறாரா?. நாடகத்தில் 'சாவித்திரி' ரோலில் நடித்தவர் ஜி.சகுந்தலா மட்டுமே என்று இதுவரை நினைத்துக்கொண்டிருந்தேன். தகவலுக்கு நன்றி.
டியர் பம்மலார்,
தினமணியில் வெளியான, நடிகர்திலகத்தின் சாதனைகளின் தொகுப்புக்கட்டுரையை பதிப்பித்தமைக்கு மிக்க நன்றி. பல விஷயங்கள் விடுபட்டிருந்தாலும், இந்த அளவுக்காவது சிறப்பாகத் தொகுத்தார்களே என்ற வகையில் மகிழ்ச்சி.
பத்மஸ்ரீ விருது, தாதாசாகேப் பால்கே விருது இரண்டையும் குறிப்பிட்டவர்கள் இரண்டுக்கும் நடுவே 'பத்மபூஷண்' விருது பெற்றதை விட்டுவிட்டனர்.
அதேபோல ஒரே நாளில் இரண்டுபடங்கள் வெளியாகி, இரண்டுமே 100 நாட்களைக்கடந்த சாதனையையும் பலமுறை நிகழ்த்திக்காட்டியவர் (உ-ம்: 1967, 1970). அதுவும் அக்கட்டுரையில் இடம்பெறவில்லை.
'அந்தநாள்' படம், திரைப்படக்கல்லூரியில் (நடிப்பு மற்றும் ஒளிப்பதிவு பிரிவுகளில்) பாடமாக வைக்கப்பட்டிருப்பதைக் குறிப்பிடவில்லை.
இருப்பினும் பல்வேறு விஷயங்களை உள்ளடக்கிய கட்டுரையை வெளியிட்டமைக்கு 'தினமணி'க்கு நன்றி.
விநாயகர் சதுர்த்திக்கு விநாயகரின் 'ஃபேமிலி போட்டோ' மிக அருமை. பாவம், மனைவியில்லாதவர். அவருக்கு அப்பா, அம்மா, தம்பி ஆகியோர்தானே குடும்பம்.