:clap:Quote:
Originally Posted by pavalamani pragasam
:clap:
Printable View
:clap:Quote:
Originally Posted by pavalamani pragasam
:clap:
மிக்க நன்றி! :)
:)
athu sarithaanga. oru sila vishayangal oru silar sollum pothu nandraaga edupadum. uthaaranathukku... oru pennaagiya neengal pengalin kuraiyai ezuthuvathu....Quote:
Originally Posted by pavalamani pragasam
melum uthaaranam...
- rajini thalai kooda seevaamal, paijaama jippaavoda enga venumnaalum varalaam. athan peyar simplicity. ithuve naan seithaal 'pichaikaaran vanthutaan paaru' enbaarkal.
:)
athuvum sarithaan! But truly it is a boost to hear voices of support, moral or open.
ஒரு மைல்கல்
வந்தது அறுபது
மயங்குது மனது
ஒரு மைல்கல்
வாழ்வின் உரைகல்
நின்று நிதானிக்க
திரும்பிப் பார்க்க
விரும்பி ரசிக்க
திகைத்து மலைக்க
நன்றே நடந்தது
நன்றி தளும்புது
மீதமும் கடக்க
இதமாய் முடிக்க
நம்பி நடக்க
நடுக்கம் தவிர்க்க
ஊன்றுகோல் எத்தனை
தூண்டுதல் எத்தனை
ஆறுதல் அளித்திட
உறவும் நட்பும்
நிழலாய் இருக்க
நிம்மதி நிலைக்க
புதிய பூவின்
சுகந்த மணமாய்
மலர்ந்த நாள்
எழுதாத தாள்
அடுத்த அத்தியாயம்
எப்படி தொடருமோ
கடைசி வரை
ஆர்வம் ஏறும்
மர்மக் கதை
தருமோ போதை
சலித்து ஒதுக்கி
தள்ளாது எதையும்
நலிந்து தவங்கி
தள்ளாத போழ்தும்
நன்றே நாளை
தள்ளும் யுக்தி
தரட்டும் சக்தி
எலியும் பூனையும்
சிறிய குழந்தைகள் வியக்க
'பெரிய' குழந்தைகள் ரசிக்க
டாம் என்றொரு பூனையும்
ஜெர்ரி என்றொரு எலியும்
நடத்தும் ஓயாத போர்
வெற்றியும் தோல்வியும் இன்றி
இனிதே தொடரும் வாடிக்கை
என்றும் அலுக்காத வேடிக்கை
ஆக்ரோஷம் ஆத்திரம் வேகம்
அந்தப் பூனையின் அடையாளம்
சாமர்த்தியம் கூர்மதி விவேகம்
சின்ன எலியின் ஆயுதம்
பாய்ந்து துரத்தும் பூனை
பதுங்கி கவிழ்க்கும் எலி
புயலாய் விரட்டும் பூனை
பத்திரமாய் பம்மும் எலி
உடல் வலிமையில் பிறந்த
ஆவேசமெல்லாம் வீணாக
தெளிவான அறிவில் உதித்த
எளிதான உத்திகள் பலிக்க
ஒன்றை ஒன்று துரத்தி
நடத்துகின்ற பகைப் பாவனை
உணர்த்தும் பாடம் உளதோ
வெறும் கதை இதுவோ
புஜபலமுள்ள ஆண்தான்
ஆதிக்க நாயகந்தான்
அந்தோ! என்னாச்சு அவன் வலி?
சினமென்ன? சீற்றமென்ன?
புஸ்வாணமாகும் இறுதியிலே
புத்தியுள்ள பெண் முன்னாலே
விதைத்து வினை அறுத்து
நோவான் பரிதாபமாகவே
யோசனையில்லா கொதிப்புகள்
அவசரமான அவன் செய்கைகள்
ஓசையில்லா துரித தீர்வுகள்
தவறாத அவள் கணிப்புகள்
அடக்கும் எண்ணம் ஓயாமல்
அடங்கும் சாத்தியம் இல்லாமல்
அகிலம் உள்ள மட்டும்
அரங்கேறும் அழகு காவியம்.
சிரிக்க மாட்டாயோ
ஆரிய உதடும் திராவிட உதடும்
ஆர்வமாய் உறவாடியிருக்க
அவனியதில் களிப்பேறியிருக்க
என்னவளின் சின்ன உதடுகள்
சிறு சிரிப்பும் சிந்தாததேன்
என் சிந்தை மிக நொந்ததேன்
முல்லைப்பூ இதழலளவேனும்
சிக்கனமாய் சிரிக்க மாட்டாயோ
பெண்ணே புகையிலையல்ல நீ
வாசமிழந்து போய்விடுவதற்கு
காசா பணமா சிரிப்பதற்கு
செலவில்லா செயலல்லவோ
கருமி போல் காரிகையே
காத்து என்ன செய்வாயோ
காத்து நான் நிற்கின்றேன்
சொர்க்கவாசல் திறக்குமென
மாதுளை இதழ்களிடையே
பச்சரிசி பல்வரிசை பார்த்திடவே
கண நேர மின்னலில்
கண் கூசிப் போவதுபோல்
இருண்ட மன வானிலே
ஒளிவெள்ளம் பாயுமென
தவமான தவமிருந்து
தவித்துக் கிடந்த பின்னே
தடாகத்துத் தாமரை போல்
குவிந்த மொட்டு திறந்தது
குமிழ் சிரிப்பும் பிறந்தது
அந்தோ!விரிந்த மலரும் மூடுமோ
மீண்டும் மொட்டாய் மாறுமோ
விந்தையென்ன விந்தையோ
விளங்காத மர்மமோ
மறுபடியும் மெளனமோ
கொத்தாய் சிரிக்கும் கொடிமலராய்
நீ சிரித்திருக்கக் கூடாதோ
விரிந்திருக்கும் புது மலராய்
பூத்தே இருக்கக் கூடாதோ
பூட்டிப் பூட்டி வைப்பதேன்
புன்னகைதான் பொன்னகையோ
பொல்லாத கள்ளியே
கொள்ளையடித்தவளே
முள்ளால் மூடியவளே
சுலபமாய் உதட்டில் ஒட்டிய சிரிப்புடனே
சுதந்திரமாய் சுந்தரிகள் சுற்றிவர
அரிதாய் சிரிப்பவளே
அரிதாய் இருப்பவளே
அரிதாய் இருப்பதே
ஆர்வம் தருவதே
அரிதான கருத்தினை
அறிந்தேன் அரிவையே
சக்தியை போற்றுதும்
கானகத்தே கடுந்தவம் செய்தே
மாமுனி பெற்றான் பெரும்பலனே
நடந்தான் நாட்டை நோக்கியே
நாடி வருவோர்க்கு நல்லாசி வழங்கவே
தலை மேலே பறந்த கொக்கொன்றுமே
அந்தோ! அவன் மேல் எச்சமிட்டதுவே
பொங்கி எழுந்த கோபத்திலே கனலாய்
நோக்கினான் பகுத்தறிவில்லா பறவைதனை
பொசுங்கித்தான் போனதது ஒரு நொடியிலே
தவ வலியுணர்ந்து மதர்ப்புடன் சென்றான்
கண்ணில் பட்ட கதவின் முன்னின்று
அழைத்தான் விருந்தோம்பல் வேண்டி
மங்கை நல்லாள் தன் மணாளனுக்கு
மதிய உணவு படைத்திடும் நேரமது
பார்த்துப் பார்த்துப் பரிமாறி பசியாற்றி
பின்னரே பதறாமல் வாசலுக்கு வந்தாள்
தாமதத்தை அவமதிப்பாய் கருதிவிட்ட
தவமுனி தத்தளித்தான் தணலிலே
கொதிகலனாய் கொதித்தான் கோபத்திலே
காக்க வைத்த காரிகையை கண்ட உடன்
எரி தழலை பார்வையாயவன் வீசினான்
கலங்காது வினவினாள் இளைய நங்காள்:
'கொக்கென நினைத்தாயோ கொங்கணவா?'
சாம்பலாவாளோ சமர்த்துப் பெண்டாட்டி?
காணாத காட்சியை கொக்கின் கதையை
ஞானத்தால் உணர்ந்த பெருமாட்டி!
பிறழாத நெறிகள்தானே அவள் திறம்
தவமுனியின் பலத்தை விஞ்சும் வரம்
தெய்வம் தொழாது கொழுநனை தொழுது
மழை பெய்ய கட்டளையிடும் கண்ணாட்டி
இல்லாளாய் இருந்து இல்லம் நிறைத்திருந்து
இல்லாத நலனில்லை தலைவன் வாழ்விலென
நடத்தும் இல்லற வாழ்வின் விளக்கானவள்
பத்தினியாம் பத்தரை மாற்று பொன்னவள்
மானிடர் வாழ்வை இயக்கும் அச்சானவள்
மானிலம் போற்றும் சக்தியின் உருவானவள்
மாண்பினை கொண்டாடும் நன்னாளிதுவே
விசாரம்
வெள்ளித்திரை வெளிச்சத்தில்
வெகுஜன ஊடகத்தில்
மரபுகள் இல்லா
புதுக் கவிதைகள்
மதுரமில்லா
வெறும் ஓசைகள்
நல்ல பயிரிடை
நலிந்த களைகள்
சுத்தமில்லா மொழி
சத்தமான ஒலி
பாதி புரியவில்லை
புரிந்தது பிடிக்கவில்லை
சிதைந்த உச்சரிப்பு
புதைந்த புலனின்பம்
கலப்பட சந்தங்கள்
உலகமய சங்கங்கள்
அந்தரங்க தனிமை
அவையேறும் புதுமை
கூட்டத்தோடு காதலர்
கூத்தாடும் கலாசாரம்
விரசத்தில் விஞ்சி
வித்தியாசம் நாடி
விதவிதமாய் ரோதனை
விந்தையான சாதனை
குடியோடு பாட்டு
குட்டியோடு ஆட்டம்
குத்துகிற கும்மியாட்டம்
காசின் மேலே நாட்டம்
காதில் பாய்வது
இன்பத் தேனா
காய்ச்சிய ஈயமா
இசையின் பெயரில்
இம்சை திரையில்
இணையாய் அசைவுகள்
சாமியாடும் உடல்கள்
ஒட்டி உரசி
பின்னி பிசைந்து
முக்கி முனகி
தொட்டுத் தடவி
உருண்டு புரண்டு
கவ்வி கவுந்து
பொருள் பச்சை
பதிவும் கொச்சை
காதும் கண்ணும்
ஒன்றாய் நோகுது
இதுவோர் வன்முறை
இக்கட்டில் ரசனை
கற்பனை வறுமை
அழகின் வெறுமை
வரவும் செலவும்
கோடிகள் என்பர்
வர்த்தகமாகும் கலை
விலை மாதின் நிலை
வக்கிரத்தின் எல்லை
வெட்கமே இல்லை
அபத்தமா ஆபாசமா
அதிகமெது அறியோம்
அதிர்ச்சியா ஆயாசமா
அருவருப்பா எரிச்சலா
எதுவோவா எல்லாமேவா
எவரே கூற வல்லார்
சின்னத்திரையில் இதை
சித்தரிக்கவோர் போட்டி
சின்னத்தனமாய் இளமை
சீரழிகின்ற கொடுமை
கனவுகள் துரத்தி
திறமைகள் ஏற்றி
வளரும் வயதில்
வீணாகும் வாழ்வு
சிற்றின்ப சேற்றில்
சிக்குது தலைமுறைகள்
துய்க்கவும் விதிமுறைகள்
வகுத்த நம் கரைகள்
காப்பாற்றி போற்றிட
கட்ட வேண்டும் அணைகள்
காட்டாற்றை தணித்து
பாசனம் செய்திட்டால்
பயிர் செழித்திடாதோ
தாய் தலை நிமிராதோ
இடைவெளி
இரயில் வண்டியோடும் இருப்புப்பாதையில்
கணக்காய் ஓர் அளவிலே வகுத்தார்
சீராய் முழு தூரத்துக்கும் இடைவெளி-
தடம் புரளாத துரித சுகமான பயணம்
சூரிய மண்டலத்திலே கிரகங்களிடையே,
பூமிக்கும், சந்திரனுக்கும் இடையே
அளவான பிரபஞ்ச இடைவெளி-
ஈர்ப்பின் எல்லை தாண்டாத நலம்
அந்தரங்கம் அறிந்தவரேயாயினும்
அனைத்தும் பகிர்ந்தவராயினும்
இல்லறத்திலும் வேண்டும் இடைவெளி
இருவர் உறவும் தொடர்ந்து மணந்திட
பஞ்சுக்கும் நெருப்புக்கும் இடையே
பயிர் நாற்றுக்களின், மரங்களின் நடுவே
காந்தத்தின் எதிர் துருவங்களிடையே
இடைவெளி-பயனும் பாதுகாப்பும் உண்டு
பிள்ளைப்பேறுகளிடையே இடைவெளி-
மக்கட்தொகை சுருக்க அரசாங்க யோசனை
சாலையில் வாகனங்களிடையே இடைவெளி
விபத்தைத் தவிர்த்திட ஒரு நல்ல வழி
விதை வெடித்து முளைத்து மரமாகிடவும்
பூத்து காய்த்து கனிந்து குலுங்கிடவும்
உயிர்கள் பழுத்து சருகாய் உதிர்ந்திடவும்
கட்டாயம் இருக்கிறது கால இடைவெளி