new serials/programs

Quote:

---

தமிழ் அரங்கம்

வசந்த் தொலைக்காட்சியில் ஞாயிற்றுக்கிழமை காலை 10 மணிக்கு தமிழ் அரங்கம் எனும் புதிய நிகழ்ச்சி ஒளிபரப்பாகி வருகிறது. ஒவ்வொரு வாரமும் ஒரு அரங்கம் என இலக்கிய ரசிகர்களுக்கு விருந்து படைக்கும் வகையில் நிகழ்ச்சி இடம் பெறுகிறது.

சுவாரஸ்யமான தலைப்புகளில் `பட்டிமன்றம்', கல்லூரிப் பேராசிரியர்கள், நல்ல தமிழ்ப் பேச்சாளர்கள் வழங்கும் `இலக்கியச்சுவை', பயனுள்ள தலைப்பில் கலந்துரையாடும் `கருத்தரங்கம்', விறுவிறுப்பான `வழக்காடு மன்றம்', கவிஞர்கள் கலக்கும் `கவியரங்கம்', என ஒளிபரப்பாகி வரும் நிகழ்ச்சியின் இயக்கம் இ.மணிபாரதி.

தமிழையும், தமிழ் இலக்கியத்தையும், தமிழ் அறிஞர்களையும், கவுரவித்து சிறப்பிக்கும் இந்த தமிழ் அரங்கம் நிகழ்ச்சியின் தயாரிப்பு: வசந்த் டி.வி.

---

நன்றி: தினமணி

Quote:

---

அறுசுவை அரங்கம்

ராஜ் டி.வியில் வெள்ளிக்கிழமை தோறும் மாலை 6.05 மணிக்கு ஒளிபரப்பாகி வரும் நிகழ்ச்சி `அறுசுவை அரங்கம்'. கிராமத்து சமையல் முதல், ஸ்டார் ஹோட்டல் சமையல்கள், மேலை நாட்டு சமையல்கள்' வரை இந்நிகழ்ச்சியில் செய்முறை பயிற்சியுடன் ஒளிபரப்பாகிறது.

---

நன்றி: தினமணி

Quote:

---

`கல்யாணம்.
கல்யாணத்தில் சஸ்பென்ஸ்


சன் டிவியில் நடிகை மீனா நடிக்கும் தொடர், `கல்யாணம்.' குடும்ப சூழ்நிலையில் நடைபெறும் திடுக்கிடும் சம்பவங்களை அடிப்படையாய் வைத்து பின்னப்பட்ட ஒரு குடும்ப கதை தான் கல்யாணம்.

சிங்கப்பூரிலிருந்து சென்னைக்கு புறப்பட்டு வருகிறாள் சுஜாதா. `மறைக்கப்பட்ட உண்மைகள்' புத்தகத்தை எழுதிய ஆசிரியர் ஆதித்யனை சந்திக்கிறாள். தன் சந்தேகங்களை அவர் சுஜாதாவிடம் சொல்ல, அதை கண்டுபிடிக்கும் முயற்சியில் இறங்குகிறாள் சுஜாதா. அதன் தொடர்பாக அடுக்கடுக்காய் எதிர்பாராத பல சம்பவங்கள் நடைபெறுகிறது.

சுஜாதா புத்தகத்தில் குறிப்பிட்ட உண்மைகளை கண்டுபிடித்தாளா இல்லையா? ஏன் அவர் அதை கண்டுபிடிக்கும் முயற்சியில் இறங்குகிறாள்? புத்தகத்திலிருந்த சம்பவத்திற்கும் அவளுக்கும் என்ன சம்பந்தம்? அந்த புத்தகத்தில் எழுதப்பட்டிருந்த, மறைக்கப்பட்ட உண்மைகள் என்ன?

இவை அனைத்திற்கும் விடையாக வருகிறது அடுத்தடுத்த எபிசோடுகள்.

---

நன்றி: தினமணி

Quote:

---

ஆலய தரிசனம்

வசந்த் டி.வியில் தினமும் ஒரு கோவில் வீதம் `ஆலய தரிசனம்' நிகழ்ச்சி ஒளிபரப்பாகி வருகிறது. இ.மணிபாரதி இயக்குகிறார். தயாரிப்பு: வசந்த் டி.வி. தினமும் காலை 7.05 மணிக்கும் மாலை 6.30 மணிக்கும் ஒளிபரப்பாகிறது.

ஆலயத்தின் வரலாறு, உருவான பின்னணி, மகிமைகள், அருள்பாலிக்கும் கடவுளின் தோற்றம், பக்தர்களின் பக்திப் பரவசம் மற்றும் திருவிழா கொண்டாட்டங்களை இந்த நிகழ்ச்சியில் கண்டு களிக்கலாம்.

---

நன்றி: தினமணி

Quote:

---

ஓடி விளையாடு பாப்பா

ராஜ் டிவியில் திங்கள் தோறும் மாலை 6.05 மணிக்கு ஒளிபரப்பாகும் நிகழ்ச்சி ``ஓடி விளையாடு பாப்பா'' மழலைச் செல்வங்களின் தெவிட்டாத காட்சிகள் கொண்ட இந்த நிகழ்ச்சியில் குழந்தைகள் பாடி நடித்து மாறுவேடங்களிலும் தோன்றி மனதை கொள்ளை கொள்கிறார்கள்.

---

நன்றி: தினமணி

Quote:

---

உன்னால் முடியும் கண்ணே
வசந்த் டிவியில் புதன் தோறும் இரவு 9 மணிக்கு "உன்னால் முடியும் கண்ணே'' என்ற சிறப்பு தொடர் நிகழ்ச்சி ஒளிபரப்பாக இருக்கிறது.

பொருளாதார ரீதியாகவும், மன ரீதியாகவும் நலிந்து போன பெண்கள், எப்படி எல்லாம் வாழ்க்கையை எதிர்கொண்டு, கஷ்டப்பட்டு தலை நிமிர்ந்து வாழ்கிறார்கள் என்பதை, பாதிக்கப்பட்ட பெண்களே கூறுகிறார்கள்.

---

நன்றி: தினமணி

Quote:

---

கவரி மான்கள்
ஜெயா டிவியில் திங்கள் முதல் வெள்ளி வரை தினமும் இரவு 8.30 மணிக்கு ஒளிபரப்பாகி வரும் `கவரி மான்கள்' தொடர் 100-வது எபிசோடை தாண்டியிருக்கிறது.

தொடர் இனி எப்படிப்போகும்? இயக்குனர் பிரபுநேபாலைக் கேட்டால்...

"வெங்கடேஷின் பாசமான குடும்பத்தில் உறவுகள் ஒன்றுக்கொன்று பின்னிப்பிணைந்த நேரத்தில் விஜி தான் மருமகளாக வரவேண்டுமென சாரதா பிடிவாதம் பிடிக்கிறாள். மாதவியை சந்தியா அருணுக்கு மனைவியாக்க நினைக்க, சாரதா இதை எதிர்க்க, விளைவு மாமியார்-மருமகள் மோதலில் முடிகிறது.

முத்துப்பாண்டி விரித்த சதி வலையில் விழுந்த விஜி, அவர் மகன் விக்ரமனால் கெடுக்கப்படுகிறாள். இதனால் தன் தங்கையாக இருந்தாலும், பிள்ளைபோல் கருதும் மச்சினன் அருணுக்கு விஜி வேண்டாம் என்று சந்தியா சொல்ல, குடும்பத்தில் பிளவு தொடங்குகிறது.

மறுபடியும் மாதவியே அருணுக்கு மனைவியாகட்டும் என்ற பேச்சு வர, விவேக் - காயத்ரி, மாதவியிடம் போய் பேசுகிறார்கள்.

சந்தியாவை வெறுக்கும் மாதவி இதை மறுப்பாளா? இல்லை பழி உணர்ச்சியில் ஏற்றுக்கொள்வாளா? மாதவி மருமகளாக வந்தால் சாரதாவால் ஜீரணிக்க முடியுமா?

சாரதா - சந்தியா மோதல் என்னவாகும்?

விஜியை கெடுத்துவிட்டு, அவளைக்காப்பாற்றி நாடகமாடும் முத்துப்பாண்டியின் மகன் விக்ரமின் அடுத்தகட்ட நாடகம் என்ன?

முற்றிலும் எதிர்பாராத திடுக்கிடும் திருப்பங்களை, முடிச்சுகளை, உணர்வுகளை சித்தரிக்கும் மாறுபட்ட தொடர் இது'' என்கிறார், தொடரை இயக்கும் பிரபுநேபால்.

நடிகர்கள்: சித்தாரா, உமா, நிர்மல், பிர்லா, ராஜா, சுஹாசினி, வினோத்ராஜ். திரைக்கதை: தேவிபாலா. தயாரிப்பு - இயக்கம் -பிரபுநேபால்.

---

நன்றி: தினமணி

Quote:

---

மக்கள் தொலைக்காட்சி - மே தின கொண்டாட்டம்

உழைப்பாளர்களின் தினமாக கொண்டாடப்படும் மே 1-ந் தேதிக்கான சிறப்பு நிகழ்ச்சிகளை வழங்குகிறது, மக்கள் தொலைக்காட்சி. காலை 6.30 மணிக்கு உழைப்பாளர் நாள் நிகழ்ச்சியில் இருந்து தொடங்குகிறது.

உலகமெங்கும் பரந்திருக்கும் உழைப்பாளர்களுக்கு வாழ்த்துக்கள் சொல்லும் `நேரலை நிகழ்ச்சி' காலை 9 மணிக்கும், ரெயில் நிலையங்களில் பயணிகளின் சுமை சுமப்பவர்களைப் பற்றிய வாழ்வியலை பதிவு செய்யும் `சுமைதாங்கி நிகழ்ச்சி காலை 10.30 மணிக்கும் ஒளிபரப்பாகிறது.

மாலை 6 மணிக்கு உழைப்பாளர்களின் உரிமைகளை விவரிக்கும் புரட்சிப் பாடல்கள் ஒளிபரப்பாகிறது. மாலை 6.30 மணிக்கு உழைத்து வலுவிழந்தவர்களின் சின்ன சின்ன ஆசைகளை நிறைவேற்றி வைக்கும் `சின்ன சின்ன ஆசை' நிகழ்ச்சி ஒளிபரப்பாகிறது.

மருத்துவர் ராமதாஸ் தன் இளமைக் காலத்தை திரும்பிப்பார்த்து தமிழ் மண்ணையும் மக்களையும் நலம் விசாரிக்கும் `ஊர்கோலம்' நிகழ்ச்சி இரவு 7 மணிக்கு ஒளிபரப்பாகிறது.

புதிய கோணங்கிகள் தங்கள் நகைச்சுவை முத்திரையோடு சமுதாய அவலங்களை தோலுரிக்கும் நிகழ்ச்சி இரவு 8.30 மணிக்கும், புரட்சியால் புதுமை நிகழ்ந்த நாடுகளின் வரலாற்றை பதிவு செய்யும் புரட்சிக்காவியம் `சிவந்த மண்' இரவு 9 மணிக்கும், சூடுபிடித்த தமிழக தேர்தல் களத்தை அலசும் நிகழ்ச்சி 9.30 மணிக்கும் ஒளிபரப்பாகிறது.

---

நன்றி: தினமணி

Quote:

---

திரும்பிப் பார்க்கிறேன் - வாணி ஜெயராம்

ஜெயா டிவியில் திங்கள் முதல் வெள்ளி வரை தினமும் இரவு 10 மணிக்கு ஒளிபரப்பாகிறது. `திரும்பிப்பார்க்கிறேன்' நிகழ்ச்சி வெள்ளித்திரையில் அன்றைய நாளில் ரசிகர்களை கவர்ந்த திரையுலக பிரபலங்களின் சுயசரிதம் தான் `திரும்பிப்பார்க்கிறேன்'.

சரோஜாதேவி, சோ, காஞ்சனா, பாலாஜி, சச்சு இவர்களைத் தொடர்ந்து, இந்த வாரம் பிரபல பின்னணி பாடகி வாணி ஜெயராம் பங்கேற்கிறார்.

தமிழ், தெலுங்கு, கன்னடம், மலையாளம், ஹிந்தி, மராத்தி உட்பட 18 மொழிகளில் பாடி தனது குரல்வளத்தால் பல இதயங்களை நெகிழ வைத்தவர் இவர் என்பது குறிப்பிடத்தக்கது.

நிகழ்ச்சியில் அவர் வாழ்க்கையில் நடைபெற்ற, இதுவரை வெளிவராத, மறக்க முடியாத பசுமையான நினைவுகளையும், சக பாடகர்கள்-பாடகிகள், இசையமைப்பாளர்களுடனான அனுபவத்தையும் பகிர்ந்து கொள்கிறார். அவர் பாடிய பாடல்களும், காட்சிகளும் நிகழ்ச்சியில் இடம் பெறும்.

---

நன்றி: தினமணி

Quote:

---

சின்னத்திரை பிட்ஸ்


முக்கிய பொறுப்புகளில் : பெமினா மிஸ் இந்தியா போட்டி நிகழ்ச்சி, சோனி "டிவி'யில் காட்டப்பட்டது. 20 'மிஸ்'களில் தென்னகத்தை சேர்ந்த "மிஸ்' பெங்களூருவை சேர்ந்தவர். தொகுப்பாளராக மாதவன், நடுவராக அசின், நடனமாடுபவராக ஜெனிலியா. தொகுப்பாளினியாக பாலிவுட் கவர்ச்சி மலைகா அரோரா. லாலு ஸ்டைலில் பேசுவது உட்பட கிண்டல்களில் "மேடி' கலக்கி விட்டார்.


நிறைந்தது துளசி: கலைஞர் "டிவி'யில், திங்கள் முதல் வெள்ளி தோறும், இரவு 10 மணிக்கு ஒளிபரப்பான "துளசி' முடிந்தது. இனி வி.பி.எல்., தமாஷ் நிகழ்ச்சி அந்த நேரத்தில் ஒளிபரப்பாகும்.
தகதிமிதாவில் வைஜயந்தி மாலா: ஜெயா சேனலில், செவ்வாய் காலை 7.30 க்கு, சிறப்பு நிகழ்ச்சியாக தகதிமிதாவில், பிரபல நடன மேதை வைஜயந்தி மாலா பங்கேற்கிறார்.


மக்களில் நேதாஜி: மக்கள் சேனலில், வார நாட்களில் இரவு 8.30 க்கு ஒளிபரப்பாகும் புதிய தொடர் நேதாஜி. விடுதலைப்போரில் வீர வழியை பின்பற்றிய மாவீரனின் கதை தான் தொடர்.


பட்டி மன்றம்: மக்கள் சேனலில், சித்திரை திருநாளில், வழக்கமான கொண் டாட்ட நிகழ்ச்சிகளுடன் இரவு 8 மணிக்கு ஒளிபரப் பாகும் நகைச்சுவை நிகழ்ச்சி இது. டாஸ்மாக்கே கதியென கிடக்கும் மொடாக் குடியர்களின் பட்டிமன்றம் இது.

---

நன்றி: தினமலர்