Nadigar Thilagam Sivaji Ganesan - Part 19

Sundar Rajan



https://scontent.fybz1-1.fna.fbcdn.n...00&oe=5A6C8F25



Sundar Rajan

அன்பிற்குரிய சிவாஜியவாதிகளே,
பத்திரிக்கையாளர்களுக்கும், மீடியாக்களுக்கும், அரசியல்வாதிகளுக்கும் ஒரு மாபெரும் குழப்பம்,
சிவாஜி அவர்கள் இறந்து 16 வருடங்கள் ஆகிவி...ட்டது, ஆனால் அவர் மீது அன்பு வைத்திருந்த ரசிகர் கூட்டம் குறைந்தபாடில்லை. எந்தவித அரசு பதவிகளை வகித்தவரில்லை. பணம் கொடுத்து கூட்டம் சேர்க்க முடியாமல், பள்ளி மாணவர்களை வைத்தும் கூட்டம் சேர்க்க முடியவில்லை. ஆனால்
சிவாஜி என்று சொன்னால் தானாக கூட்டம் வந்து விடுகிறது என்பது புதிராக இருக்கிறது.
இதோ இந்த படத்தைப் பாருங்கள், இந்த போட்டோ கிட்டத்தட்ட 72ல் இருந்து 78க்குள் இருக்கும் என்று நினைக்கிறேன். அப்போது நமது மக்கள்தலைவர் அவர்கள் உச்சத்தில் இருந்த நேரம். அதையெல்லாம் பொருட்படுத்தாமல், தன் ரசிகர்களுக்கு மத்தியில் எப்படி அமர்ந்திருக்கிறார் பாருங்கள்.
இப்போது சில நடிகர்களை பார்ப்பதே குதிரைக்
கொம்பாக இருக்கிறது. பிறகு எப்படி போட்டோ எடுப்பது.
உலகில் எந்த நடிகரும் இப்படி தன் ரசிகர்ளுடன் அளவளாவியது கிடையாது என உறுதியாக சொல்லலாம்.
அது போல், அதிக ரசிகர்கள் திருமணத்திலும், அவர்களது இல்ல விழாக்களிலும் கலந்து கொண்டு சிறப்பித்தவர் நமது மக்கள்தலைவர் சிவாஜி அவர்கள் தான்.
இது தான் இன்றும் சிவாஜி என்ற மந்திர வாா்த்தைக்கு மயங்கி கிடக்கிறோம்.
என்றும் மயங்கிக் கிடப்போம்.

https://scontent.fybz1-1.fna.fbcdn.n...17&oe=5A67300A

https://scontent.fybz1-1.fna.fbcdn.n...75&oe=5A70E2A6

https://scontent.fybz1-1.fna.fbcdn.n...74&oe=5AAD1204

https://scontent.fybz1-1.fna.fbcdn.n...c6&oe=5A6E8320

நடிகர் திலகத்துடன்

இடதுபக்கம் நிற்பவர் இலங்கை சிங்கள நடிகர் காமினி பொன்சேகா

Abdul Razack



நீயா? நானா? நிறைவுபகுதி .,,,,,,,, இந்த சுற்றில் கேட்கபட்ட பாடல் மனதை நெருடும் தனி மனிதசோகபாடல் எதிர் அணியில் பாடிய சிலபாடல்கள் யார் மனதையும் கவரவில்லை நம் பக்கம் அடைமழைதான் ஆறு மனமே ஆறு அந்த ஆண்டவன் கட்டளை ஆறு ,,,,,நல்லவர்க்கெல்லாம் சாட்சிகள் ரெண்டு ,,,,,,ஆட்டுவித்தால் யாரொருவர் ...மனிதன் நினைப்பதுண்டு,...அம்மம்மா தம்பி என்று நம்பி ,,,,அண்ணன் என்னடா தம்பி என்னடா ,மலர்ந்தும் மலராத பாதி மலர் போல் ஒரு சகோதரி... கதைகட்ட ஒருவன் பிறந்துவிட்டால் கண்ணகி வாழ்விலும் கலங்கம் உண்டு காப்பற்ற சிலபேர் இருந்து விட்டால் கள்வர்கள் வாழ்விலும் நியாயம் உண்டு கோர்ட்டுக்கு தேவை சில சாட்சி குணத்திற்கு தேவை மனசாட்சி உலகம் ஆயிரம் சொல்லட்டுமே உணக்கு நீ தான் நீதிபதி ..என்ற பாடலைபாடி பயங்கரமான கைதட்டல் வாங்கினார் பாவம் கோபி என்ன படம் என்று நம்மீடம் கேட்டு கொண்டே இருந்தார் அது சமயம் நான் பாடிய பாடல் தந்தை வாழ்வு முடிந்து போனால் தாயின் மஞ்சள் நிலைப்பதில்லை ,,,பார் மகளே பார் ...அடுத்த சகோதரி ஒரு காலத்திலே என்னை கட்டி போட ஒரு ராஜ்யம் இருந்ததது என்று அமர்க்களபடுத்தி எதிர் அணியில் ஆளே இல்லாமல் அதிக கோல்கள் அடித்தோம் அவர்களுக்கு இந்த நேரத்தில்தான் கோபிநாத் மீது கோபம் வந்தது இந்த சுற்று மிக சிறப்பாக எங்களுக்கு அமைந்தது அடுத்த இறுதி சுற்று சிவாஜி பாடியபாடல்களில் இந்த பாட்டை எம்ஜிஆர் பாடி இருந்தால் நல்ல இருக்கும் என்று எந்த பாட்டை நினைக்கிறீர்கள் அதே போல் எம் ஜி ஆர் பாடலை சிவாஜிக்கு இருந்தால் நல்ல இருக்கும் என்று நினைக்கும் பாடல் காரணம் என்ன என்று கேட்டார் நம் பக்கம் நாஞ்சில் இன்பா பூ மழை தூவி வசந்தங்கள் வாழ்த்த என்ற பாடலை பாடி எல்லா திருமண வீடுகளிலும் இந்த பாடல் பாடுகிறது அது சிவாஜி பாடி இருக்கனும் என்று சொல்லி சிறப்பான பாராட்டை பெற்றார் எதிர் அணியில் ஒருவர் புதியபறவை எங்கே நிம்மதி,,பாடலை எம் ஜி ஆர் பாடி இருந்தால் சிவாஜியை விடசிறப்பாக நடித்து இருப்பார் என்று சொல்லவும் அனைவரும் சிரித்து விட்டோம் ஆதற்கு கோபிநாத் அந்த பாடல் இருந்தால் எம் ஜி ஆரே வேண்டாம் என்று சொல்லி இருப்பார் என்று சொன்ன பிறகு மைக் என் கைக்கு வந்து என்அண்ணன் படத்தின் கடவுள் ஏன் கல்லானான் பாடல் என்றேன்காரணம் என்ன என்றார் நான் சொன்னேன் சிவாஜி படங்களில் கடவுளாகவும் நடித்து உள்ளார் அவரே கடவுளை திட்டியும் உள்ளார் அவர் அளவிற்கு யாரும் திட்டவில்லை என்றேன் அதற்கு கோபிநாத் என்ன கடவுளையே திட்டினாரா என்ன பாட்டு என்றார் அதற்கு நான் ,.,,கடவுள் என் வாழ்வில் கடன்காரன் கவலைகள் தீர்ந்தால் கடன் தீரும் ஏழைகள் வாழ்வில் விளையாடும் இறைவா நீ கூட குடிகாரன் நாளை முதல் குடிக்க மாட்டேன் சத்தியமடி தங்கம் என்று பாடியதும் மிகவும் நல்ல பாடல் என்று சொல்லி மேலும் சில பாடல்களை இருதரப்பினரும் பாடிய பிறகு எதிர் அணியில் ஒரு பெரியவர் இருந்தார் நெற்றியில் நாமம் போட்டு அவரிடம் சிவாஜி பாட்டு பாடுங்கள் என்று கேட்டதற்கு சிறிது நேரம் யோசித்து நான் பாடமாட்டேன் எம் ஜி ஆர் பாட்டுதான் பாடுவேன் என்று அவர் பெருந்தன்மையை காட்டினார் இரு அணியினரும் நடிகர் பாடலை மாற்றி பாடுங்கள் என்று எங்கள் பக்கம் சொன்னார் அதுவரையிலும் குரல் நல்ல இருந்தாலும் சிவாஜி பாடல்களை வரியை மறந்தும் மாற்றியும் பாடி எங்களிடம் ஒரு பாசத்தை ஏற்படுத்திய நபர்தான் ஸ்லீப்பர் செல் என்பது எங்கள் அனைவருக்கும் அப்போதுதான் புரிந்தது காரணம் எம் ஜிஆர் பாடலானா நீங்க நல்லா இருக்கனும் என்ற பாடலை முதல் அடியான தென்னகமாம் என்று தொடங்கி கடைசி வரி வரையும் சிறு பிழையும் இல்லாமல் பாடி எதிர் அணியினரிடம் பயங்கர கைதட்டல் வாங்கினார் எங்களுக்கு அதிர்ச்சி எனக்கு பேரதிர்ச்சி ஏற்பட்டு குழம்பிவிட்டேன் இந்த சமயத்தில் எதிர் அணியினர் சிவாஜி பாடல் ஒன்று பாடினார்கள் அது என்ன பாடல் என்று என் கவனத்தில் ஏறவில்லை,இதோடு இறுதி சுற்று முடிந்து முடிவு சொல்லும் நேரம் வந்தது இரண்டு பக்கமும் சிவாஜி பாடல்களா எம் ஜி ஆர் பாடல்களா என்பதையும் கடந்து இன்னும் எளிமையாக சொன்னால் நல்லா இருக்கும் என்று இரு பக்கமும் கேட்டார் அந்தபக்கம் சொன்னது யாரும் கண்டுக்கொள்ளவில்லை நம் பக்கம் நாஞ்சில் இன்பா அகம் புறம் என்ற வுடன் கோபிநாத்தே ஆச்சர்யாமாக இது அருமையான தலையங்கம் காரணம் சொல்லுங்கள் என்றார் அதற்கு இன்பா சிவாஜி பாடல்கள் அகம் நம் மனதில் ஆழத்தில் உட்காரும் எம்ஜி ஆர் பாடல்கள் புறம் வெளியில் கேட்க நல்ல இருக்கும் ஆழ் மனதில் அமராது என்று சொன்னார் அதன் பிறகு கோபிநாத் இரண்டு குரூப்பையும் பாராட்டி மிக அருமையாக நடந்து கொண்டீர்கள் முக்கியமாக நீங்கள் யாரும் மேடைபாடகர்கள் இல்லை இருந்தாலும் குறை இல்லாத அளவிற்கு செய்தீர்கள் இன்றைய புதிய பாடல்கள் கேட்பதற்கு ஒன்றும் புரியவில்லை சிவாஜியின் பாடல்கள் அகம் எம் ஜி ஆரின் பாடல்கள் புறம் இந்த அகம் புறம் ஆன இருவரது பாடல்களுமே சிறந்த பாடல்கள்தான் அவர்களின் பாடல்களை இன்றைய தலைமுறைக்கும் சென்று அடையனும் அவர்களும் இந்த இருவரின் பாடல்களையும் கேட்க வேண்டும் என்று சொல்லி விடைபெறுகிறேன் என்று புறப்பட்டார் நாங்களும் அங்கு இருந்து நிறைவான மனதுடன் இந்த நிகழ்ச்சியை ஏறத்தாழ எட்டு மணி நேரம் நடத்தியதற்கு காரணமான திரு கோபிநாத் அங்கு பணியாற்றும் கேமராமேன்கள் லைட்பாய்கள் அரங்கவடிவமைப்பாளர்கள் டெக்னீசன்கள் இன்னும் நமக்கு தெரியாத தொழிலாளர்கள் அத்தனை பேருக்கும் விஜய்TV நிறுவனத்திற்கும் நன்றி சொல்லி அரங்கை விட்டு வெளியே வந்தோம் அங்கு என்னையும் மற்றவர்களையும் காண்பதற்கு எனது மாமா திரு B,K, கல்யாண சுந்தரம் அவர்களும் நண்பர் திரு சையது அப்பாஸ் அவர்களும் காத்து இருந்தார்கள் அவர்களோடு சிறிது நேரம் பேசிவிட்டு அருகில் இருந்த கடையில் டீ சூடாக சாப்பிட்டோம் பிறகு நண்பர்கள் சேகர் பரசுராம் சார் ராம்குமார் அவரின் இரு சகோதரிகள் அனைவரும் தி நகரில் நடந்த நடிகர்திலகத்தின் பிறந்தநாள் பாடல் நிகழ்ச்சி பின்னனி பாடகி L,R. ஈஸ்வரி அவர்கள் பாட நடந்து கொண்டு இருந்தது அதை சிறிது நேரம் பார்த்து விட்டு இரவு 10 மணி இரயிலுக்காக அங்கு இருந்து புறப்பட்டு எக்மோர் ஸ்டேசன் வந்து என் பெட்டியில் ஏறினேன் அப்போது பின் சீட்டில் இருந்து ஒருவரின் செல்போனில் சிவாஜி பாடல் பாடிகொண்டு இருந்தது என் இருக்கையை நான் சரி செய்து விட்டு அமர்ந்தேன் அடுத்த பாடல் எம் ஜி ஆர் பாடல் கேட்டது மீண்டும் சிவாஜி பாடல் சிறிது நேரத்தில் ஜெய்சங்கர் பாடல் அடுத்து அதே கண்கள் ரவிச்ந்திரன் பாடல் எனக்கு ஒரே ஆச்சரியம் மனிதர் எல்லா நடிகர் பாடலும் கேட்கிறாரே என்று சில நிமிடத்தில் ஜெமினி கணேசன் பாடல் இந்த சமயத்தில் இரயில் புறப்பட்பது நான் எனக்கு ஒதுக்கபட்ட பர்த்தில் வசதியாக படுத்துகொண்டே அந்த பாடல்களை கேட்டேன் என் எண்ணம் சிந்திக்க ஆரம்பித்தது பழைய நடிகர்கள் பாடல்கள் கேட்கிறோம் நடிகர்கள் சிவாஜி எம் ஜி ஆர் இருவரை தவிர மற்றவர்களை எல்லாம் சிறிது சிறிதாக மறந்து விட்டோம் மீதம் இருப்பது சிவாஜி எம்ஜிஆர் அதிலும் ஒருவர் சார்ந்து இருந்த கட்சிதான் தமிழ்நாட்டை கடந்த 50 ஆண்டுகளாக ஆண்டு வருகிறது சேர்ந்து சில ஆண்டுகள் தனியாக சில ஆண்டுகள் இன்றும் அவரது கட்சிதான் ஆட்சியில் இருக்கிறது ஆட்சியினால் பலன் அடைந்த கட்சிக்காரர்கள் அவரை தூக்கி பிடிப்பதில் ஆச்சர்யம் இல்லை ஆனால் தன் திறமை ஒன்றை வைத்து கோடிகணக்கான தன் ரசிகர்ளுக்கு எந்த பிரதிபலனும் தராமல் மறைந்தாலும் இருக்கும் ஒவ்வொரு ரசிகனும் சிவாஜி சிவாஜி என்று தங்கள் மூச்சாக அவரை சுவாசிக்கிறான் எந்த விழா என்றாலும் தன் கைகாசை செலவழித்து இருக்கும் வேலைகளையும் சற்று ஒதுக்கிவைத்து சிவாஜி இன்றும் என்றும் கொண்டாடிகிறானே அவன் வைத்து இருப்பது தானே உண்மையான நேசம் பாசம் ஒரு வேலை எம் ஜி ஆர் கட்சி ஆரம்பித்து ஆட்சியை பிடிக்க முடியாமல் போய் இருந்தால் மற்ற நடிகர்கள் போல் இவரையும் இன்றைய தலைமுறையினர் மறந்து இருப்பார்களோ? என்று யோசித்து கொண்டுஇருக்கும் போதே பின் இருக்கை செல்போனில் ஒருகோப்பையிலே என் குடியிருப்பு என்ற பாடலில் "நான் நிரந்தரமானவன் அழிவதில்லை எந்ந நிலையிலும் எனக்கு மரணம் இல்லை என்று கண்ணதாசன் எழுதியதை TMS படித்தாலும் அந்த இரத்த திலகம் படத்தின் நாயகன் எங்கள் சிவாஜி கணேசன் தானே அவர்க்குதான் என்றும் அழிவும் இல்லை மரணமும் இல்லை என்று நினைத்தபடியே கண் உறங்கினேன் இரயிலும் தாம்பரத்தை கடந்து திருச்சியை நோக்கி தடக்,,...தடக்,,,என்று ஒடிக்கொண்டு இருந்தது அதேபோல்தான் என் இதயமும் சிவாஜி ..சிவாஜி....என்று ஓடிக்கொண்டே இருக்கும்....சுபம்......இதைபடித்து தங்கள் கருத்துக்களை சொன்ன அத்தனை நல் இதயங்களுக்கும் என் நன்றிகள் .



https://scontent.fybz1-1.fna.fbcdn.n...5d&oe=5A810A7A
https://scontent.fybz1-1.fna.fbcdn.n...22&oe=5A756F69

நடிகர் திலகம் ,கலைக்குரிசில், சிவாஜி கணேசனின்

218 வது வெற்றிச்சித்திரம்

கீழ்வானம் சிவக்கும் வெளியான நாள் இன்று

கீழ்வானம் சிவக்கும் 26 அக்டோபர் 1981

https://scontent.fybz1-1.fna.fbcdn.n...71&oe=5AABB288

https://i.ytimg.com/vi/Pn1pLs_peDc/mqdefault.jpg

https://scontent.fybz1-1.fna.fbcdn.n...bf&oe=5A675298

Jahir Hussain



மாஸ்டர் பீஸ்... பகுதி 4.....................

தென்னக மொழிகளில் நிறைய படங்கள் இயக்கி இருந்தாலும் தம் தமிழ் சினிமாவுக்கு இவரது பங்களிப்பு அளப்பரியது.. அவர்தான் பழம்பெரும் இயக்குநர் பி.ஆர். பந்துலு.. தானே ஒரு தயாரிப்பாளராகவும் இருந்த காரணத்தினால் இயக்குநராக முழு சுதந்திரம் பெற்றவராக விளங்கினார்... நடிகர் திலகத்தை வைத்து தங்கமலை ரகசியம், சபாஷ் மீனா, கப்பலோட்டிய தமிழன், வீரபாண்டிய கட்ட பொம்மன், கர்ணன், முரடன் முத்து, பலே பாண்டியா ஆகிய படங்களையும் திலகம் கௌரவ நடிகராக தோன்றிய குழந்தைகள் கண்ட குடியரசு ஆகிய படங்களையும் இயக்கியவர்..

பெருமை மிகு படங்களை தந்த இவர் துரதிஷ்டவசமாக திலகத்தை பிரிய நேர்ந்தது.. பிறகு எம் ஜி ஆரை வைத்து ஆயிரத்தில் ஒருவன், நாடோடி, ரகசிய போலிஸ், தேடி வந்த மாப்பிள்ளை ஆகிய படங்கள் உட்பட வேறு சில நடிகர்கள் நடித்த படங்களையும் இயக்கினார்.. இதில் ஆயிரத்தில் ஒருவன் படம் தவிர மற்ற படங்களை முதல் சுற்றுலேயே ஃபில்டர் பண்ணி விடலாம்.. தங்கமலை ரகசியம்தான் நம்மவர் காம்பினேஷனில் முதல் படம் .. படவசூல் நிறைவைத் தந்த காரணத்தால் தொடர்ச்சியாக சிவாஜியை வைத்து படங்கள் தயாரித்து இயக்கத் துவங்கினார்.. குறைந்த முதலீட்டில் அதிக லாபம் ஈட்டித் தந்த படம் சபாஷ் மீனா.. முழுநீள நகைச்சுவைச் சித்திரமான இந்தப்படம் மிகவும் முக்கியமான படம்தான்... அப்போது ஒரு விஷயம் உணர்ந்தார்.. சிவாஜி சினிமாக்கள் எந்தக்காலத்திலும் நம்மை ஏமாற்றி விடாது என்ற தைரியத்தில் வரலாற்றுப் புகழ் பெற்ற வீரபாண்டிய கட்ட பொம்மனை உருவாக்கினார்.. தரத்திலும் வசூலிலும் மாபெரும் சாதனை படைத்தது.. இந்தியாவை கடந்து ஒரு படம் உலக சினிமாவாக பரிமளி்த்த படமாக கட்ட பொம்மன் விளங்கியது...



அடுத்ததாக கப்பலோட்டிய தமிழனை உருவாக்கினார்.. கட்டபொம்மனைப்போல தரத்தில் உயர்ந்த படம்தான் ஆனால் ஏனோ குறைந்த பொருட் செலவில் படத்தை நிறைவு செய்தார்.. வரலாற்று ஆவணங்களை செல்லூலாய்டில் பதிவேற்றம் செய்யும் போது பிரம்மாண்டம் தவிர்க்க இயலாதது.. பந்துலு அதை செய்யவில்லை.. எதிர் நோக்கிய வெற்றி இல்லாவிட்டாலும் முதலுக்கு மோசமில்லை.. ஆனால் பொருள் நஷ்டம் என்ற புரளி கிளப்பப் பட்டது.. ஆனால் நம்மவர் அதற்காக குறுகிய காலப்படமாக பலே பாண்டியாவில் நடித்துக் கொடுத்து பந்துலுவை மனநிறைவு அடையச் செய்தார்... மிக குறுகிய காலத்தில் மிக குறைந்த பட்ஜெட்டில் நல்ல வசூலை அள்ளித் தந்தது பலே பாண்டியா... "பலே கணேசா" என்று பெயர் வைத்திருக்க வேண்டிய படம்.. மும்மூர்த்திகளாக வந்து நகைச்சுவையில் முத்திரை பதித்தார் நம்மவர்.. அதன் வெற்றிதான் கர்ணனை மாபெரும் பொருட் செலவில் தயாரிக்கும் தெம்பைக் கொடுத்தது.. கர்ணன் இன்னொறு வலராறு ஆனது.. அதன் வெற்றி பலரது புருவங்களை உயர வைத்தது.. அதே சமயம் சிவாஜி மீது ஒருவருக்கு காழ்ப்புணர்வு கொள்ள வைத்தது.. மறுபடியும் திட்டம் தீட்டி ஒரு பொய் பிரச்சாரம் நடத்தப்பட்டது.. அதற்காகவும் பந்துலுவுக்கு உதவி புரிந்தார் நம்மவர்... குறைந்த செலவில் முரடன் முத்து படத்திற்கு முழு மனதுடன் கால்ஷீட் கொடுத்தார்.. முரடன் முத்து படமும் பந்துலுவுக்கு செல்வம் வாரி வழங்கியது...


இவ்வளவு செய்தும் என்ன பலன் சூழ்ச்சி சலங்கை கட்டி ஆடியது துரோகம் தூளி கட்டி ஆடியது.. பத்துலு அதற்கு செவி சாய்க்காமல் இருந்திருந்தால் இன்னும் பல வரலாற்று நாயகர்களை நாம் தரிசித்து இருக்க முடியும்.. அதிக பொருட் செலவில் ஆயிரத்தில் ஒருவனை எடுத்தார்.. என்ன புண்ணியம் ஒரு மசாலா இயக்குநராகத்தான் அந்தப்படம் பந்துலுவை காட்டியது மற்ற இரு படங்கள் ரகசிய போலிஸ் மற்றும் தேடிவந்த மாப்பிள்ளையும்.. 1970 உடன் பந்துலுக்கு குட் பை சொல்லிட்டார் எம் ஜி ஆர்.. அப்போது நினைவில் வந்திருப்பார் நம்மவர்.. என்ன பயன் கெடுவான் கேடு நினைப்பான் என்ற பழமொழி பந்துலுவுக்கு பொருந்தி வந்தது.. ஆனால் நம்மவர் 70களில் மோஸ்ட் வாண்ட்டடு ஹீரோ ஆகிட்டாரே.. தேடி வந்திருந்தால் பந்துலுவுக்கு உதவியிருப்பார்.. வீம்பு, நாணம் இரண்டும் அவரை தடுத்து இருக்கக் கூடும்...


இப்போது மாஸ்டர் பீஸ் எது என்பதற்கு வருவோம்.. என்னைப் பொறுத்தவரை பந்துலு அவர்கள் சிவாஜியை வைத்து இயக்கிய 7 பங்களுமே நல்ல படங்கள்தான்.. ஆனாலும் எலிமினேஷனில் ஆயிரத்தில் ஒருவன் படம் உட்பட சிவாஜி படங்கள் நான்கை தவிர்த்து விட்டுப் பார்த்தால் கப்பலோட்டிய தமிழன், வீரபாண்டிய கட்ட பொம்மன், கர்ணன் ஆகிய மூன்றும் ஃபைனலில் நிற்கிறது.. என்னால் இந்த மூன்றில் ஒன்றை தேர்வு செய்ய இயலாது... 1,2,3 என்றுகூட வரிசைப்படுத்த இயலாது.. முக்கனியில் எக்கனியில் சுவை என்பது சொல்ல முடியாது... ஆகவே இம்மூன்றையும் போட்டியில் வைத்து விட்டு கட்டுரையை முடிக்கிறேன்.. நண்பர்களே தேர்வு செய்யட்டும்..

https://scontent.fybz1-1.fna.fbcdn.n...81&oe=5A79DAA3

https://scontent.fybz1-1.fna.fbcdn.n...c0&oe=5A750F8F
https://scontent.fybz1-1.fna.fbcdn.n...f7&oe=5A6C4DA9

https://scontent.fybz1-1.fna.fbcdn.n...96&oe=5AAE3507
https://scontent.fybz1-1.fna.fbcdn.n...23&oe=5A7857A0

கொடைவள்ளல் ,கலைக்குரிசில், சிவாஜி கணேசனின்

82 வது வெற்றிச்சித்திரம்

பந்தபாசம் வெளியான நாள் இன்று

பந்தபாசம் 27 அக்டோபர் 1962

https://d1k5w7mbrh6vq5.cloudfront.ne...45a0e4965c.jpg

https://i.ytimg.com/vi/1mol1sAB1ms/maxresdefault.jpg

https://i.ytimg.com/vi/Xsmyrgv--Q0/maxresdefault.jpg

https://i.ytimg.com/vi/b9KCzXvWly8/maxresdefault.jpg

கொடைவள்ளல் ,கலைக்குரிசில், சிவாஜி கணேசனின்

197 வது வெற்றிச்சித்திரம்

தச்சோளி அம்பு (மலையாளம்) வெளியான நாள் இன்று

தச்சோளி அம்பு (மலையாளம்) 27 அக்டோபர் 1978



https://scontent.fybz1-1.fna.fbcdn.n...20&oe=5A6F0066

https://scontent.fybz1-1.fna.fbcdn.n...49&oe=5AAA6C82

Murali Srinivas






1972 அக்டோபர் நினைவலைகள்



இந்த குழுவில் அரசியல் பற்றி எழுத நேர்ந்தால் கூடுமானவரை நடிகர் திலகம் சார்ந்த அரசியல் சூழல்கள் பற்றி மட்டுமே எழுதி வர முயற்சித்திருக்கிறேன். தவிர்க்க முடியாத நேரங்களில் மட்டுமே மாற்று கட்சி அரசியலைப் பற்றிய குறிப்புகள் கொடுக்கப்பட்டிருக்கிறது. அக்டோபர் இரண்டாம் வாரம் நடைபெற்ற அரசியல் நிகழ்வு அதன் எதிரொலியாக நடந்த சம்பவங்களை இங்கே குறிப்பிட காரணம் இருக்கிறது


அக்டோபர் முதல் வாரம் முடிந்து இரண்டாம் வாரம் தொடங்கும்போது (அக்டோபர் 8 ஞாயிறு) தமிழக அரசியலில் ஒரு முக்கிய திருப்பத்தை ஏற்படுத்திய பொதுக்கூட்டம் ஒன்று சென்னையை அடுத்த திருக்கழுக்குன்றம் ஊரில் நடைபெற்றது. அந்த பொதுக்கூட்டத்தில் பேசப்பட்ட விஷயங்களின் அடிப்படையில் அன்றைய ஆளும்கட்சியான திமுகவின் அவசர செயற்குழு கூட்டம் அக்டோபர் 10 செவ்வாயன்று கூட்டப்பட்டு அந்த கூட்டத்தில் கட்சி கட்டுப்பாட்டை மீறி செயற்குழுவில் பேச வேண்டியதை பொதுக்கூட்டத்தில் பேசினார் என்ற காரணத்தை சொல்லி திமுக பொருளாளர் மற்றும் அடிப்படை உறுப்பினர் பதவியிலிருந்து எம்ஜிஆர் அவர்கள் இடை நீக்கம் [suspend] செய்யபட்டார். தமிழகமெங்கும் பதட்ட நிலை ஏற்பட்டு அசம்பாவித சம்பவங்கள் நடந்தேறின.
1972 அக்டோபர் 10 செவ்வாய்க்கிழமை என்று பார்த்தோம். .அந்த வார இறுதியில் 13-ந் தேதி வசந்த மாளிகை மூன்றாவது வாரத்தில் அடியெடுத்து வைக்கிறது. அதாவது 15-வது நாள். படம் வெளியான முதல் நாள் முதல் அந்த 15-வது நாளோடு அன்று வரை மதுரை நியூசினிமாவில் நடைபெற்ற 50-க்கும் மேற்பட்ட காட்சிகள் தொடர்ந்து அரங்கம் நிறைந்தது. 50 CHF Shows இதை குறிப்பிட காரணம் அன்றைய பதட்ட சூழலிலும் கூட அசம்பாவித வன்முறை சம்பவங்கள் நடைபெற்றபோதும் வசந்த மாளிகை அதனால் எந்தவித பாதிப்பும் அடையாமல் அரங்கு நிறைந்ததை பதிவு செய்யவே. . .
படத்தின் இமாலய வெற்றியை அன்றே உறுதி செய்யும் வண்ணம் மக்கள் ஆதரவு வசந்த மாளிகைக்கு இருந்தது. பதட்ட சூழலிலும் குறிப்பாக பெண்கள் பெருமளவில் திரண்டு வந்தது குறிப்பிட்டதக்கது.
அந்த நேரத்தில் வசந்த மாளிகை மட்டுமா எதிர்மறை சூழலை கடந்து வெற்றிப் பெற்றது? அதனுடன் பட்டிக்காடா பட்டணமாவும் தன் பங்கிற்கு வெற்றி சூறாவளியாய் தொடர்ந்துக் கொண்டிருந்தது. வசந்த மாளிகை 50 காட்சிகளுக்கு மேல் தொடர்ந்து அரங்கம் நிறைந்து ஓடிக் கொண்டிருந்த அதே நாளில் அதாவது 1972 அக்டோபர் 13 அன்று மதுரை சென்ட்ரலில் பட்டிக்காடா பட்டணமா 23 வாரங்களை அதாவது 161 நாட்களை நிறைவு செய்தது. அது மட்டுமா மொத்த வசூலில் 5-1/4 [ஐந்தே கால்] லட்சத்தையும் தாண்டி புதிய வரலாறு படைத்துக் கொண்டிருந்தது. 23 வாரங்களில் மதுரை சென்ட்ரலில் 5,35,000/- [ஐந்து லட்சத்து முப்பத்தி ஐயாயிரத்தையும்] தாண்டிய வசூல் செய்தது.
இந்த நேரத்தில் மற்றொன்றையும் குறிப்பிட விரும்புகிறேன். மூக்கையாவும் ஆனந்த்-தும் அந்த சூழலில் வெற்றி தேரோட்டத்தில் முன்னோடிகளாக திகழ்ந்தார்கள் என்றால் அவர்கள் இருவருக்கும் சற்றும் சளைக்காமல் வெற்றியோட்டதில் முன்னோடியாக நிர்மலும் விளங்கினார் என்பதைத்தான் இங்கே பதிவு செய்ய விரும்புகிறேன். ஆம் நண்பர்களே நாம் குறிப்பிடும் அதே 1972 அக்டோபர் 13 வெள்ளியன்று 7 வாரங்களை நிறைவு செய்த தவப்புதல்வன் நிர்மல் அதற்கு அடுத்த் நாள் [அக்டோபர் 14 சனிக்கிழமை] 50-வது நாளை மதுரை சிந்தாமணியிலும் மற்றும் தமிழகமெங்கும் கொண்டாடினார்.
இரண்டு இமயங்களுக்கு இடையில் சிக்கினாலும் கூட இந்த பதட்ட சூழலை கடந்து வர வேண்டியிருந்தபோதும் கூட அதற்கு அடுத்து குறுக்கிட்ட தீபாவளி திரைப்படங்களின் போட்டியையும் சமாளிக்க வேண்டி வந்தும் கூட நிர்மல் 100 நாள் வெற்றிக் கோட்டை தொட்டது, கடந்தது அனைத்தும் நடிகர் திலகத்தின் பாக்ஸ் ஆபிஸ் ஆளுமைக்கு சான்று.
வசந்த மாளிகையின் வெற்றி நிலை அடுத்தடுத்த வாரங்களிலும் தொடர்ந்தது. இங்கே வசந்த மாளிகை எதிர்கொண்ட மற்றொரு எதிர்மறை சூழல் பருவ மழை. திடீர் திடீரென்று மழை பெய்யும் ஒரு அக்டோபர் மாதமாக இருந்தது அந்த வருடம். அதையும் எதிர்கொண்டு தொடர் ஹவுஸ்ஃபுல் காட்சிகளாக வெற்றி நடைப் போட்டுக் கொண்டிருந்தது வசந்த மாளிகை,
இப்படியாக பட்டிக்காடா பட்டணமாவின் வெள்ளிவிழாவை நோக்கிய பவனி, வசந்த மாளிகையின் 100 தொடர் அரங்கு நிறைந்த காட்சிகள் காணப் போகும் களிப்பு, தவப்புதல்வன் 100 நாட்கள் ஓடி விடும் என்று கிடைத்த உறுதி, பல புதிய பழைய தயாரிப்பு நிறுவனத்தினர் நடிகர் திலகத்தின் கால்ஷீட் வேண்டி முற்றுகையிடுகிறார்கள் என்ற மகிழ்வு இவற்றுக்கெல்லாம் சிகரம் வைத்தாற்போல் தித்திக்கும் செய்தி ஒன்று வந்தது
தித்திக்கும் செய்தி என்று குறிப்பிட்டேன். அதற்கு முன்பே கூட பல தித்திப்பான தருணங்களை நடிகர் திலகம் எங்களுக்கு வழங்கிக் கொண்டிருந்தார். பட்டிக்காடா பட்டணமா வெள்ளி விழா வாரத்தில் அடியெடுத்து வைத்து, 1972 அக்டோபர் 27 அன்று 175-வது நா்ளை நிறைவு செய்கின்றது. எனக்கு நினைவு தெரிந்து நான் மற்றும் என் வயதையொத்த மதுரை வாழ் ரசிகர்கள் பலரும் ஒரு வெள்ளி விழா வாரத்தை முதன் முறையாக பார்க்கிறோம். மற்றொரு தித்திப்பாக வசந்த மாளிகை 100 தொடர்ந்து அரங்கு நிறைந்த காட்சிகளை காண்கிறது. அது மறுநாள் அதாவது அக்டோபர் 28 சனிக்கிழமை காலைக்காட்சி 100-வது காட்சியாக வந்தது
தொடர்ந்த வரும் இரண்டு நாட்களில் இரண்டு முக்கிய நிகழ்வுகள். இதை நேரில் காண்பதற்கு வசதியாக ஸ்கூல் வேறு லீவ் [அன்றைய பதட்ட சூழல் காரணமாக]. இந்த தொடரை படிப்பவர்கள் பலருக்கும் நான் அன்றைய நாட்களின் பதட்ட சூழலை அடிக்கடி குறிப்பிடுவது ஏன் என்று யோசிக்கலாம். காரணம் இருக்கிறது. ஆளும் கட்சியில் ஏற்பட்ட ஒரு நிகழ்வு அதன் காரணமாக ஏற்பட்ட பதட்ட நிலை என்று தள்ளி விட முடியாமல் பல்வேறு பிரச்சனைகள் அதன் காரணமாக spill over என்று சொல்வார்களே அதே போன்று தொடர்ந்து வன்முறை நிகழ்வகள் நடந்துக் கொண்டிருந்தன..
நான் குறிப்பிடும் வாரத்திலும் மதுரையில் ஒரு பதட்ட சூழல் ஏற்பட்டு வன்முறை வெடித்தது. என்னவென்றால் அக்டோபர் 20 வெள்ளியன்று எம்ஜிஆரின் இதய வீணை மதுரை ஸ்ரீதேவியில் வெளியானது. அதே நேரத்தில் திமுகவின் செயற்குழு பொதுக்குழு விளக்கப் பொதுக்கூட்டம் [எப்போதும் நடப்பது போல்] ஏற்பாடு செய்யப்பட்டு அந்த கூட்டம் அக்டோபர் 22 ஞாயிறன்று நடைபெறும் என அறிவிக்கப்பட்டது. இடமோ தேவி தியேட்டருக்கு அருகில் உள்ள ஞாயிற்றுக்கிழமை சந்தை நடக்கும் மைதானம். சிறப்பு பேச்சாளரோ மதுரை முத்து. அனைவரும் அச்சப்பட்டது போலவே முத்துவின் பேச்சினால் பதட்டம் உண்டாகி வன்முறை சம்பவங்கள் நடந்தேறின.
இப்படியெல்லாம் நடந்தும் கூட நடிகர் திலகத்தின் படங்கள் எந்த பாதிப்பும் இல்லாமல் வெற்றி நடை போட்டது என்ற உண்மையை மீண்டும் பதிவு செய்யவே அந்த சூழலை பற்றி குறிப்பிட நேர்கிறது..
பட்டிக்காடா பட்டணமா வெள்ளி விழா நாளன்று [1972 அக்டோபர் 27] சென்ட்ரல் திரையரங்கில் உள்ளேயும் வெளியேயும் கோலாகல கொண்டாட்டங்கள் நடந்தன. நான் போகவில்லை. வெளியிலிருந்து பார்த்ததுடன் சரி. ஆனால் மறுநாள் சனிக்கிழமை காலைக்காட்சி வசந்த மாளிகை பார்க்க நியூசினிமாவிற்கு நானுன் என் நண்பனும் என் கஸினுடன் போனோம் .
அதற்கு ஒரு காரணம் இருந்தது. பெரும்பாலும் நடிகர் திலகத்தின் படங்கள் சனிக்கிழமை வெளியாகும். ஒரு வாரத்திற்கு 23 காட்சிகள். 4 வாரத்திற்கு 92 காட்சிகள். 5-வது வார சனிக்கிழமை ஞாயிறு 4 காட்சிகள் வீதம் நடந்து பெரும்பாலும் ஞாயிறு இரவுக் காட்சி 100-வது காட்சியாக வரும். வெள்ளியன்று ரிலீஸ் ஆகியிருந்தால் பெரும்பாலும் வெளியான அன்று ஒரு எக்ஸ்ட்ரா காட்சி நடைபெற்று சனிக்கிழமை இரவுக் காட்சியாக வரும். எனவே அந்த தொடர்ந்து ஹவுஸ் புல் ஆகின்ற 100-வது காட்சியை பார்க்க முடியாமலே இருந்தது. .
வசந்த மாளிகையைப் பொறுத்தவரை 4 வாரத்தில் 96 காட்சிகள் நடைபெற்று அவை அனைத்தும் அரங்கு நிறைந்தது. ரீலிஸான செப்டம்பர் 29 வெள்ளியன்று ஒரு எக்ஸ்ட்ரா காட்சி. 4-வது நாள் திங்கள்கிழமை அக்டோபர் 2 காந்தி ஜெயந்தி அன்று ஒரு எக்ஸ்ட்ரா காட்சி. நவராத்திரியின்போது ஆயுத பூஜை விஜயதசமியின் போது மேலும் 2 எக்ஸ்ட்ரா காட்சிகள் நடைபெற்றதால் 28 நாட்களிலேயே 96 காட்சிகள் ஹவுஸ் புல் ஆகி விட்டது. இன்னும் ஒரு எக்ஸ்ட்ரா காட்சி நடைபெற்றிருந்தால் பட்டிக்காடா பட்டணமா வெள்ளி விழா கொண்டாடிய அதே அக்டோபர் 27 வெள்ளியன்றே வசந்த மாளிகையும் 100 தொடர் அரங்கு நிறைந்த காட்சிகளை நிறைவு செய்திருக்கும். அப்படி நடக்காததனால் சனிக்கிழமை காலைக் காட்சி பார்க்க போக எனக்கு ஒரு வாய்ப்பு கிடைத்தது.
சனிக்கிழமை காலைக்காட்சி எப்போதும் சற்று டல்லடிக்கும். காரணம் அன்றைய நாட்களில் பள்ளிக்கூடங்கள், கல்லூரி மற்றும் அலுவலகங்கள் அனைத்திற்கும் மதியம் வரை வேலை நாள் என்பதால் ஏற்படும் டல்னஸ். அப்படியிருந்தும் அன்று நியூசினிமா தியேட்டர் முன்பு ஏராளமானோர் கூடி நின்றனர். கீழ் வகுப்பு டிக்கெட்டுகள் மடமடவென்று விற்று தீர்ந்தது. பால்கனி டிக்கெட்டுகள் சற்றே நிதானமாக விற்றது என்றாலும் படம் தொடங்கும் 10.45 மணி நேரத்தில் ஹவுஸ் புஃல் போர்ட் மாட்டப்பட்டது. 1000 வாலா சரம் வெடித்து சிதற கைதட்டல் விசில் பறந்தது. தியேட்டருக்கு உள்ளே வழக்கம் போல் அலப்பரை தூள் பறந்தது.
படம் முடிந்து வெளியே வருகிறோம். அப்போது தொடர்ந்து 100 காட்சிகள் அரங்கம் நிறைந்ததை ஒரு தட்டியில் பேப்பர் ஒட்டி அதில் விவரங்களை எல்லாம் எழுதி தியேட்டருக்கு எதிரே இருக்கும் ஜான்சி ராணி பூங்காவின் சுற்றுப்புற இரும்புக் கம்பிகளோடு சேர்ந்து இருக்கும் விளக்கு கம்பத்தில் கட்டிக் கொண்டிருந்தனர். அப்போதுதான் நான் குறிப்பிட்ட தித்திப்பு செய்தி சொன்னார்கள். அதாவது மறுநாள் 1972 அக்டோபர் 29 ஞாயிறன்று பட்டிக்காடா பட்டணமாவின் வெள்ளி விழா கொண்டாட்டத்தை முன்னிட்டு மதுரை சென்ட்ரல் திரையரங்கிற்கு நடிகர் திலகம் நேரில் விஜயம் செய்கிறார் என்பதுதான் அந்த தித்திப்பு செய்தி.
மறு நாள் அக்டோபர் 29 நடிகர் திலகம் வரப் போகிறார் என்று தெரிந்ததும் அவரை நேரில் பார்க்க வேண்டும் என்ற ஆவல் அதிகரிக்க ஆராம்பித்தது அதற்கு முன்பு அவரை நேரில் பார்த்த அனுபவங்கள் மனதில் நிழலாட தொடங்கின.
நினைவு தெரிந்த பிறகு 1966-ல் அவருக்கு பத்மஸ்ரீ விருது கிடைத்தபோது மதுரையின் நான்கு மாசி வீதிகளில் ஊரவலமாக அழைத்து வரப்பட்டார் அப்போதுதான் அவரை முதன் முறையாக பார்த்தேன்.
1970- நவம்பரில் ராமன் எத்தனை ராமனடி 100-வது நாள் விழாவிற்கு நியூசினிமா வந்தபோது அந்த காட்சிக்கு போய் அவரைப் பார்த்தது இரண்டாம் முறை
1971- பொது தேர்தல் பிரசாரத்திற்கு வந்தபோது பார்த்தது மூன்றாம் முறை.
அதன் பிறகு அவர் பலமுறை மதுரை வந்திருந்தாலும் இப்போதுதான் அவரை பார்க்கும் வாய்ப்பு அமைகிறது. அதற்கு ஒரு முக்கிய காரணம் பல முறை அவர் வந்தபோதும் அவர் தங்கியிருந்த இடமோ அல்லது அவர் கலந்து கொள்ளும் நிகழ்வோ நடைபெற்றது நகரின் வேறு இடத்தில. ஆனால் இப்போது எங்கள் வீட்டிற்கு வெகு அருகே அமைந்திருக்கக் கூடிய சென்ட்ரல் சினிமாவிற்கு வருகிறார். ஆகவே வாய்ப்பு கூடுதல்
ஆனால் மனதில் ஒரு சந்தேகம். அவர் மதியக் காட்சிக்கு மட்டும் வருகிறாரா அல்லது மூன்று காட்சிகளுக்கும் வருகிறாரா என்பது குழப்பமாக இருந்தது பலரிடம் கேட்டும் யாருக்கும் சரியாக தெரியவில்லை. மாட்னி ஷோவிற்கு உறுதியாக வருகிறார் என்பது மட்டுமே சொன்னார்கள்.
எப்படி போவது? எப்படி டிக்கெட் வாங்குவது போன்ற கேள்விகள் மனதில் வட்டமிட ஆரம்பித்தன. கஸினிடம் கேட்டதற்கு பார்ப்போம் என்று சொன்னான். அதைப் பற்றியே நினைத்து நினைத்து பேசிக் கொண்டிருந்தோம். எங்கள் வீட்டருகே குடியிருந்த சக வயது நண்பன் ஒருவனும் [வசந்த மாளிகை 100-வது காட்சி பார்க்க என்னுடன் வந்தவன்] தானும் வருவதாக சொன்னான்.
மறுநாள் விடிந்தது. காலை தினத்தந்தி விளம்பரத்தில் மதியக் காட்சிக்கு சென்ட்ரல் திரையரங்கிற்கு விஜயம் செய்கிறார் நடிகர் திலகம் என்பதை குறிப்பிட்டிருந்தார்கள். நடிகர் திலகத்தோடு மற்ற நட்சத்திரங்களும் மேடையில் தோன்றும் அந்த வெள்ளி விழா கொண்டாட்ட நிகழ்வு வெற்றி பெற வாழ்த்து தெரிவித்து வசந்த மாளிகையின் மதுரை விநியோகஸ்தரும் விளம்பரம் கொடுத்திருந்தார். மட்டுமல்ல, முதல் நாள் இரவு வரை நடைபெற்ற 103 காட்சிகளும் அரங்கு நிறைந்ததையும் குறிப்பிட்டு வெள்ளிவிழாவை நோக்கி வெற்றி நடை போடுகிறது என்ற வாக்கியத்தையும் கொடுத்திருந்தது குறிப்பிடத்தக்கது. படம் வெளியான 31-வது நாளன்றே வெள்ளி விழா என்று கொடுக்கபப்ட்டது என்று சொன்னால் வசந்த மாளிகை படத்தின் வெற்றி பற்றி எந்தளவிற்கு நம்பிக்கையாக இருந்தார்கள் என்பது புரியும்.
அன்றைய நாட்களில் நகரில் ஓடும் அனைத்துப் படங்களின் விளம்பரமும் தினசரி தினத்தந்தியில் வெளியாகும். மதுரை பதிப்பில் வெளியாகும் விளம்பரம் மதுரை ராமநாதபுரம் ஏரியாவில் படங்கள் ஓடும் பட்டியலை கொண்டிருக்கும். இந்த விளம்பர செலவு அந்தந்த ஏரியா விநியோகஸ்தரை சார்ந்தது.
இரண்டு மூன்று முறை தியேட்டர் பக்கம் போய் வந்தாகி விட்டது. தியேட்டர் வாசலில் பரபரப்பான சூழலும் ரசிகர்கள் கூடி நிற்பதையும் பார்க்க முடிந்தது. டிக்கெட் பற்றி கஸினிடம் கேட்டால் சொல்லியிருக்கேன். இன்னும் கிடைக்கலை என்றான். காலை முடிந்து பகல் வந்தது. ஆனாலும் ஒன்றும் தெரியவில்லை. தியேட்டர் பக்கம் போய் பார்த்துவிட்டு வருகிறேன் என்று சொல்லி சென்ற கஸினையும் காணவில்லை.
பகல் காட்சி ஆரம்பிக்கும் நேரம் கடந்து சென்றவுடன் புரிந்து விட்டது டிக்கெட் கிடைக்கவில்லை என்று. மூன்று மூன்றரை மணி சுமார் நானும் பக்கத்து வீட்டு நண்பனும் அப்படியே சென்ட்ரல் தியேட்டர் பக்கம் போகிறோம். ஹவுஸ் புல் போர்டு மாட்டப்பட்டிருக்கிறது. தியேட்டர் வாசலில் பெருங்கூட்டம். இன்னமும் நடிகர் திலகமும் ஏனைய நட்சத்திரங்களும் வரவில்லை என்பது புரிந்தது. ரேஸ் கோர்ஸ் அருகே அமைந்திருக்க கூடிய பாண்டியன் ஹோட்டலில் தங்கியிருந்த நடிகர் திலகமும் மற்றவர்களும் தியேட்டரின் முன்புற வாசல் வழியாகத்தான் உள்ளே செல்ல வேண்டும் என்பதால் அப்போது பார்த்து விடலாம் என்று பெரும்பாலானோர் அங்கே நிற்பது தெரிந்தது.
10,15 நிமிடம் அங்கேயே உலாத்தினோம். திடீரென்று பயங்கரமான கைதட்டலும் வாழ்க கோஷங்களும் கேட்க மேல மாசி வீதியிலிருந்து தியேட்டர் அமைந்திருக்கூடிய டவுன் ஹால் ரோடில் இடது பக்கமாக திரும்பி கார்கள் வருவது தெரிந்தது. ஆனால் அந்த கார்களை பார்த்தவுடன் கூட்டம் முன்னோக்கி பாய்ந்ததில் சிறுவர்களான நாங்கள் நிலைகுலைந்து போனோம். எங்களுக்கு முன்னால் எங்களை விட உயரம் கூடிய மனிதர்கள் நிற்க எத்தனை எம்பி எம்பி குதித்தும் யாரையும் பார்க்க முடியவில்லை என்பது மிகுந்த ஏமாற்றமாய் போனது.
அங்கே கூடியிருந்தவர்களில் ஒருவர் தன் அருகில் இருந்தவரிடம் நாம் மேல மாசி வீதி போய் விடலாம். காரணம் இந்த விழா முடிந்து திரும்ப நடிகர் திலகம் பாண்டியன் ஹோட்டல் போகும்போது மேல மாசி வீதி வழியாகத்தானே போக வேண்டும். அப்போது பார்த்து விடலாம் என சொல்லிக் கொண்டிருந்ததை கேட்ட நாங்கள் இருவரும் தியேட்டர் எதிரே அமைந்திருக்க கூடிய கோபால கொத்தன் தெரு தட்டார சந்து வழியாக மேல மாசி வீதி சென்றடைந்தோம்.
மேல மாசி வீதி போய் விட்டோம். நாங்கள் சென்ற அந்த தட்டார சந்து சென்று சேரும் இடத்தில இடது புறம் ஒரு நடைமேடை கோவிலும் வலது புறத்தில் White Taylor என்ற கடையும் அமைந்திருக்கும். நாங்கள் கடையின் முன்புறத்தில் போய் நின்றோம். அப்போது கூட்டம் குறைவாகத்தான் இருந்தது. அங்கே நிற்கும்போது ஒரு சந்தேகம் எழுந்தது. நாம் இந்த வழியாக போவார் என்று நம்பி இப்படி வந்து நிற்கிறோம். ஒரு வேளை இந்த வழியாக வரவில்லையென்றால் என்ன செய்வது? அபப்டியே வந்தாலும் காருக்குள்ளே இருப்பவரை எப்படி பார்க்க முடியும் என்றெல்லாம் நானும் என் நண்பனும் பேசிக் கொண்டேயிருக்கிறோம். இத்தனை பேர் நிற்கிறார்களே எனவே இந்த வழியாக வருவார் என்று சமாதானப்படுத்திக் கொண்டோம்.
நேரம் ஆக ஆக கூட்டம் கூடிக் கொண்டே போனது. மக்கள் அடுத்தடுத்து வந்து நிற்க எங்களுக்கு மறைக்க ஆரம்பித்தது. White Taylor கடையின் உரிமையாளருக்கு [அவர் பெயர் ராஜாராம் என்று நினைவு] என்னை நன்றாக தெரியும் என்பதனால் என்னையும் நண்பனையும் அழைத்து ஒரு ஸ்டூலை கொடுத்து கடையின் முன் அமைந்திருந்த ஒரு விளக்கு கம்பத்திற்கு அருகில் போட்டுக் கொள்ள சொன்னார். விளக்கு கம்பத்திற்கு அடியில் இருக்கக் கூடிய சதுரமான இடமும் அவர் கொடுத்த ஸ்டூலும் சேர்ந்து எங்கள் இருவருக்கும் முதலில் அமரவும் பிறகு ஏறி நிற்கவும் பயன்பட்டது.
வெகு நேரம் ஆனது போல் தோன்றியது. ஆனால் மணி பார்த்தால் 4.30 தான் ஆகியிருந்தது. கூட்டம் அதிகமாகிறது. 10 நிமிடம் ஆகியிருக்கும் சட்டென்று ஒரு ஆரவாரம். சத்தம் அதிகமாகி அதிகமாகி வந்து காதை அடைக்கும் அளவிற்கு போகிறது. ஏறி நின்று எட்டிப் பார்க்கிறோம். முன்னால் ஒரு திறந்த ஜீப் வருவது தெரிந்தது. அருகில் வர வர நமது ஆருயிர் நாயகன் தெரிந்தார் அன்றைய காலகட்டத்திலே அவர் பொது நிகழ்ச்சிகளுக்கு அணியக் கூடிய வெள்ளை/கிரீம் நிற ஜிப்பா மற்றும் டைட் பைஜாமா அணிந்து வலது கையை வீசியபடியே வருகிறார்.
[எங்கள் எதிர்பார்ப்பு அவர் காரில் வருவார் என்பது. ஆனால் அவர் வந்ததோ திறந்த ஜீப்பில். அரங்கத்தினுள்ளில் நடைபெற்ற விழாவில் அவர் கலந்துக் கொண்டபோது அரங்கிற்கு வெளியேயும் தெருக்களிலும் ஏராளமான மக்கள் கூடி நிற்கிறார்கள் என்ற தகவல் தெரிந்தவுடன் திறந்த ஜீப் ஒன்று ஏற்பாடு செய்யப்பட்டு அதில் நின்று கொண்டே நடிகர் திலகம் அவர் தங்கியிருந்த ஹோட்டலுக்கு பயணம் செய்யுமாறு அமைக்கப்பட்டது என்பது பின்னர் தெரிய வந்தது].
சுருள் சுருளான கேசம், அன்றைய காலகட்டத்தில் அனைவரின் மனதையும் கொள்ளையடித்த அந்த கிருதா, அந்த டிரேட் மார்க் குர்தா பைஜாமா எவரையும் வசீகரிக்கும் அந்த மலர்ந்த முக புன்னகையை ஆபரணமாக அணிந்து நடிகர் திலகம் வந்தபோது அணையை உடைத்துக் கொண்டு பாயும் வெள்ளம் போல் மக்கள் அவர் ஜீப்பை நோக்கி பாய்ந்தனர்.
எங்கிருந்துதான் வந்ததோ அந்த மக்கள் வெள்ளம் என தோன்றும் வண்ணம் ஆயிரக்கணக்கில் மக்கள் கூடிவிட அந்த மக்கள் வெள்ளத்தில் ஜீப் மெதுவாக நீந்தி செல்ல அந்த மெதுவான ஓட்டத்தின் காரணமாக நாங்கள் சற்று அதிக நேரம் நடிகர் திலகத்தை பார்க்கக் கூடிய வாய்ப்பு கிடைத்தது
உணர்ச்சிவசப்பட்டு ஆர்வக் கோளாறால் நடிகர் திலகத்தை தொட்டு பார்க்க ஜீப்பில் ஏற முயற்சித்தவர்கள், முடியாமல் ஜீப் பின்னால் ஓடியவர்கள் போலீஸாரின் லாத்தி வீச்சையும் பொருட்படுத்தாமல் பாய்ந்தவர்கள் என்று செயல்பட்ட வெறித்தனமான ரசிகர் கூட்டத்தை நேரில் பார்த்தவர எவரும் அந்த காட்சியை வாழ்நாளில் மறக்க மாட்டார்கள். அது மட்டுமல்ல நடிகர் திலகத்தின் ரசிகர் படை என்பது எத்தனை வலிமையும் தீவிரமும் வாய்ந்தது என்பதற்கு அது ஒரு கண் கண்ட சாட்சி.
நாங்கள் நின்றிருந்த பக்கமும் அவர் கைவீசி விட்டு போக அவர் என்னவோ எங்களுக்கு தனிப்பட்ட முறையில் கைவீசியது போன்ற சந்தோஷம் எங்கள் மனதில். ஜீப் எங்களை தாண்டி சென்றாலும் கண்ணிலிருந்து மறையும் வரை பார்த்துக் கொண்டு நின்றோம். அதையே நினைத்து அதையே பேசி வீட்டிற்கு வந்த பிறகும் அனைவரிடமும் அதைப் பற்றி விவரித்து ஏகத்திற்கும் சந்தோஷப்பட்டது இப்போதும் மனதில் பசுமையாக நிற்கிறது.
ஆக சனிக்கிழமை வசந்த மாளிகை 100-வது தொடர் ஹவுஸ் புல் காட்சி பார்த்த சந்தோஷம் மறுநாள் நடிகர் திலகத்தையே நேரில் பார்த்துவிட்ட இரட்டிப்பு சந்தோஷம் இவை இரண்டும் சேர்ந்து அந்த வார இறுதியில் வர இருந்த தீபாவளி சந்தோஷத்தை விட அதிகமாக இருந்தது. நடிகர் திலகத்தை நேரில் பார்த்தது அக்டோபர் 29 ஞாயிறு. நவம்பர் 4-ந் தேதி சனிக்கிழமையன்று தீபாவளி. 1965-ற்கு பிறகு நடிகர் திலகத்தின் திரைப்படம் வெளிவராத தீபாவளி 1972-ல் தான் வந்தது. [இதற்கு பிறகு அவர் active -ஆக நடித்துக் கொண்டிருந்த 1987-ம் ஆண்டு வரை எடுத்துக் கொண்டோமோனால் 1987 தீபாவளிக்குதான் நடிகர் திலகத்தின் படம் வெளிவரவில்லை]. தீபாவளிக்கு படம் வராத காரணத்தினால் ஏற்பட்ட ஏமாற்றத்தை ஈடுகட்டும் அளவிற்கு இந்த இரட்டிப்பு சந்தோஷம் அமைந்தது என்றே சொல்ல வேண்டும்
இப்படியாக பல மகிழ்ச்சியான நினைவுகளை விதைத்து விட்டு அந்த 1972 அக்டோபர் மாதம் விடைபெற்றது.
அன்புடன்

https://scontent.fybz1-1.fna.fbcdn.n...2d&oe=5A634CE8
https://scontent.fybz1-1.fna.fbcdn.n...52&oe=5A7D301B

இன்று இரவு 10 மணிக்கு ஜெயா மூவி தொலைக்காட்சியில்,





https://scontent.fybz1-1.fna.fbcdn.n...98&oe=5AAB7C86

[COLOR=rgba(181, 25, 224, 1)]தற்போது மெகா 24 சேனலில் பரிட்சைக்கு நேரமாச்சு
https://i.ytimg.com/vi/EZPQB900xIE/poster_wide.jpg






https://upload.wikimedia.org/wikiped...Neramaachu.jpg




[/COLOR]

https://scontent.fybz1-1.fna.fbcdn.n...4e&oe=5AAA9794

29/10/2017 முதல் சேலம் அலங்கார்
மற்றும் குமாரபாளையம் k.O.N. வெற்றி நடை போடுகிறார் ரங்கதுரை



https://scontent.fybz1-1.fna.fbcdn.n...5c&oe=5AABC73D

vee yaar


https://scontent.fybz1-1.fna.fbcdn.n...e7&oe=5A7A3305

paravasam nayagan

சிவாஜி அவா்களுக்கு
பிரெஞ்சு டெலிகேட்
செவாலியே விருது வழங்கியபோது.....
நடுவில்
ஜெயலலிதா.

https://scontent.fybz1-1.fna.fbcdn.n...22&oe=5AA97EB7

சாதனைமன்னன் ,வசூல்சக்கரவர்த்தி, சிவாஜி கணேசனின்

141 வது வெற்றிச்சித்திரம்

எங்கிருந்தோ வந்தாள் வெளியான நாள் இன்று

http://i1048.photobucket.com/albums/...ps25fc2ee0.jpg

எங்கிருந்தோவந்தாள் 29 அக்டோபர் 1970

https://i.ytimg.com/vi/bpUu9RaHh9M/hqdefault.jpg

சாதனைமன்னன் ,வசூல்சக்கரவர்த்தி, சிவாஜி கணேசனின்

142 வது வெற்றிச்சித்திரம்

சொர்க்கம் வெளியான நாள் இன்று

சொர்க்கம் 29 அக்டோபர் 1970
https://scontent.fybz1-1.fna.fbcdn.n...19&oe=5A70A5C3

https://movie-upload.appspot.com/ima...87415565598720

நடிகர் திலகம் தவிர வேறு எந்த ஒரு நடிகனும் கனவிலும் நினைத்துப்பார்க்கமுடியாத சாதனை




Ganesh Venkatraman

29/10/1970 - Another landmark in the history of Tamil cinema. Two movies released on the same day .Earlier same Nadigar thilagam did it. A Deepavali day for the people of Tamilnadu getting huge bonus .. How lucky those people were to watch two movies on the same day.. A man with Guds and confidence . NADIGAR THILAGAM.. Sorgam getting released in Chennai Devi Paradise and Engirntho Vanthaal getting released in Chennai Shanthi.. Both theatres just 100 mts away. Very close together.. The result is both movies block bluster hit...Opposite camp was stand still by seeing the outcome of the results .. Very good collection and it's a great feast to our Thalaivar fans ..History can be repeated only by our Thalaivar ...No one can ever dream to break the records created by our ONE AND ONLY THALAIVAR .. NADIGAR THILAGAM ..

https://scontent.fybz1-1.fna.fbcdn.n...30&oe=5A6986E1
https://scontent.fybz1-1.fna.fbcdn.n...23&oe=5A738A89

Natarajen Pachaiappa







சிவாஜியும் தமிழும்
.....................

இந்த கூட்டமெல்லாம் எங்கே இருந்து வருகிறது. இந்த விழாவிற்கென்று எந்த ஒரு விளம்பரமும் இல்லை. வெறும் வாட்சாப், முகநூல் என்றால்கூட இப்படியா? அவர் மறைந்து 16 ஆண்டுகள் ஆகிவிட்டது. எந்த லாப நோக்கமும் கருதாது அவரை நினைக்கின்ற கூட்டம் இன்னும் இருக்கிறதா? மிகப் பெரிய ஆச்சரியந்தானே.
உலகத்தில் யாருக்குமே இல்லாதது இவருக்கு மட்டும் எப்படி? அகமதாபாத் தமிழர் சங்கம் அய்யன் நடிகர்திலகத்தின் பிறந்தநாளை வெகு விமர்சையாக கொண்டாடியது. அண்ணா அறிவாலயத்தில் க...லைஞர் அரங்கத்தில் நடந்தது.
அகமதாபாத் தமிழ் சங்கத்தின் சார்பாக சிவாஜியும் தமிழும் என்ற தலைப்பில் உரையாற்றினார்கள்.

அலகாபாத் தமிழ் சங்கம் தலைவர்
திரு கவிதாசன்
திரு ஜகதீசன்
திரு V.G.சந்தோஷம்
திரு வசந்தகுமார்
SRM நிறுவுநர் திரு பாரிவேந்தன்
கவிஞர் திரு நாஞ்சில் இன்பா
இயக்குநர் திரு பாக்கியராஜ்
சிவாஜி பேரவை தலைவர்
திரு கே.சந்திரசேகரன்
தமிழ்நாடு தமிழ் சங்க தலைவர்
திரு இளங்கோவன்
திரு திருச்சி சிவா
திரு லியோனியின் பட்டி மன்றமும் நடந்தது.
விழா மலரும் வெளியிடப்பட்டது.


https://scontent.fybz1-1.fna.fbcdn.n...ea&oe=5A6ADAAE

.

https://scontent.fybz1-1.fna.fbcdn.n...fd&oe=5A70D232

https://scontent.fybz1-1.fna.fbcdn.n...9a&oe=5AAAA663

https://scontent.fybz1-1.fna.fbcdn.n...53&oe=5A6F8D63

https://scontent.fybz1-1.fna.fbcdn.n...83&oe=5A6A1ED7

https://scontent.fybz1-1.fna.fbcdn.n...18&oe=5A77CD0F

https://scontent.fybz1-1.fna.fbcdn.n...13&oe=5A672C16

https://scontent.fybz1-1.fna.fbcdn.n...c9&oe=5A6E4633

https://scontent.fybz1-1.fna.fbcdn.n...6f&oe=5A6CD718

https://scontent.fybz1-1.fna.fbcdn.n...f8&oe=5A7CDFB3

https://scontent.fybz1-1.fna.fbcdn.n...8f&oe=5A7591A3

Amaran Amaran






அகமதாபாத் தமிழ் சங்கம் நடத்திய நடிகர் திலகத்தின் 90 வது பிறந்தநாள் விழாவில். அய்யா நடராஜ், திரு.சந்திரசேகர், திரு.இன்பா,திரு.பொன்ராஜ், திரு.சிவாஜி ரவி, கிரிஜா அம்மையார் இவர்களுடன் நானும் பங்கேற்ற போது.


https://scontent.fybz1-1.fna.fbcdn.n...69&oe=5AA7D807

https://scontent.fybz1-1.fna.fbcdn.n...cd&oe=5A7A0AA4

https://scontent.fybz1-1.fna.fbcdn.n...6d&oe=5AA93113

https://scontent.fybz1-1.fna.fbcdn.n...77&oe=5A6C8B70

https://scontent.fybz1-1.fna.fbcdn.n...b7&oe=5AA79E9F

https://scontent.fybz1-1.fna.fbcdn.n...dc&oe=5AAF872D