Nadigar Thilagam Sivaji Ganesan Part 9

[QUOTE=parthasarathy;779974]
அன்புள்ள திரு. வாசுதேவன் அவர்களே,

தங்களுடைய பாராட்டுதலுக்கு மிக்க நன்றி.

தங்களின் "கருடா சௌக்கியமா" படத்தின் பதிவு அபாரம். குறிப்பாக, நடிகர் திலகத்தின் ஒவ்வொரு அசைவையும் நுணுக்கமாக கவனித்து, விவரித்து, அதகளப் படுத்தி விட்டீர்கள்.

அத்துடன் நில்லாமல், "நீதி" படத்தின் மினி ஆய்வும் மிகச் சுவையாக இருந்தது. தங்களிடத்திலிருந்து மேலும் மேலும் எதிர்பார்க்கிறோம்.

நன்றியுடன்,

இரா. பார்த்தசாரதி

மேலும், போனில் அழைத்துப் பாராட்டிய திரு. சதீஷ் அவர்களுக்கும் மிக்க நன்றி.

உங்கள் எல்லோருடைய அங்கீகாரமும் பாராட்டு மழையும், என்னை மேலும் மேலும் எழுத ஊக்குவிக்கிறது.

Anjalpett520 PATTUPADNARU song a long mi ssng in tv relays, one of the rare songs like OH littleflower neelavanam. thanks mr raghavendran.
expecting more collections of neelavanam, due for dec.
kartik sir gving details of seventies nicely. sorgam was cresent moves release and engrundovandal a svaji release, my vague rememberance.
manitharulmanickam a movie suddenly appeared in the scene without much adv and disappeared verysoon before not spoken in publc

அன்பு நண்பர்களே!

1982-ஆம் ஆண்டு ஜூன் மாத 'ஜென்டில்மென்' ஆங்கில இதழ் நடிகர் திலகம் ராஜ்ய சபா எம்.பி ஆக பதவி ஏற்றுக்கொண்டதைப் பெருமைபடுத்தும் விதமாக அவர் புகழ் பாடும் அற்புதமான ஒரு கட்டுரையை வெளியிட்டது. 'Men and Matters' என்ற பகுதியில் இந்த சிறப்பான கட்டுரை இடம் பெற்றுள்ளது. நடிகர் திலகத்தின் அரசியல் மற்றும் சினிமா சம்பந்தப்பட்ட துறைகளைப் பற்றி அவரே தெரிவிக்கும் அற்புதமான விஷயங்களும் இதில் இடம் பெற்றுள்ளன. சென்சார் சம்பந்தப் பட்ட விஷயங்கள், சினிமாத் துறையில் நிலவும் பல்வேறு பிரச்னைகள், இப்படி பல்வேறு கருத்துக்களை அழகாகவும், சுருக்கமாகவும் பேட்டியில் கொடுத்திருக்கிறார் நடிகர் திலகம். புகழ் பெற்ற நடிகர்கள் நடிகர் திலகத்தின் நடிப்புத் திறமையை சிலாகித்துப் பாராட்டியுள்ள விதம் நம்மையெல்லாம் மிகவும் பெருமைப் பட வைக்கிறது. அதுமட்டுமில்லாமல் நடிகர் திலகத்தின் அன்புப் புதல்வர் திரு.ராம்குமார் தன் தந்தையைப் பற்றி பலவிஷயங்கள் தெரிவித்திருப்பது இக்கட்டுரைக்கு மேலும் பெருமை சேர்க்கிறது. அரிய அற்புதமான போற்றிப் பாதுகாக்கப் பட வேண்டிய இந்தக் கட்டுரையை இப்போது படித்து மகிழலாம்.

http://i1087.photobucket.com/albums/...55/IMG_2-2.jpg

பக்கம் 1

http://i1087.photobucket.com/albums/...IMG_0001-2.jpg

பக்கம் 2

http://i1087.photobucket.com/albums/...IMG_0002-1.jpg

பக்கம் 3

http://i1087.photobucket.com/albums/...IMG_0003-1.jpg

பக்கம் 4

http://i1087.photobucket.com/albums/...5/IMG_0004.jpg

பக்கம் 5

http://i1087.photobucket.com/albums/...5/IMG_0005.jpg

பக்கம் 6

http://i1087.photobucket.com/albums/...5/IMG_0006.jpg


அன்புடன்,
வாசுதேவன்.

அன்புள்ள வாசுதேவன் சார்,

காணக்கிடைக்காத 'ஜென்டில்மேன்' ஆங்கில இதழில் நடிகர்திலகத்தின் சிறப்பு ஆர்ட்டிக்கிள் மற்றும் அவரது பிரத்தியேக பேட்டியை அதன் ஒரிஜினல் வடிவில் பதிப்பித்த விதம் அருமை. இந்த இதழ்கள் எல்லாம் நாங்கள் பார்த்திராதது. கிட்டத்தட்ட முப்பதாண்டுகள் கழித்து அந்தப்பொக்கிஷப் பதிவுகளைக் கண்ணுறச்செய்தமைக்கு மிக்க நன்றி. நம்மவர்கள் எங்கிருந்தெல்லாம் ஆவணங்களைத்தேடியெடுத்து வந்து தருகிறார்கள் என்பது நிஜமாகவே ஆச்சரியப்படுத்துகிறது.

அன்புள்ள ராமஜெயம் சார்,

சொர்க்கம், எங்கிருந்தோ வந்தாள் இரண்டுமே சென்னையில் 'எலைட் மூவீஸ்' ரிலீஸ்தான். எனவேதான் அவ்விரண்டு படங்களின் 100-வது நாள் வெற்றி விழாக்கள் ஒரே விழாவாகக் கொண்டாடப்பட்டது. வெவ்வேறு நிறுவனங்கள் தயாரித்த இரண்டு படங்களின் வெற்றி விழாக்கள் ஒரே விழாவாக நடந்தது அத்ற்கு முன்னும் அதற்குப்பின்னும் நடந்ததில்லை. (கமல் தனது ஒரே நிறுவனத்தின் சார்பில் தயாரித்த சதி லீலாவதி, மகளிர் மட்டும், குருதிப்புனல் ஆகிய மூன்றின் வெற்றிவிழாக்களை ஒரே விழாவாகக் கொண்டாடினார்).

அத்துடன் என் நினைவுக்கெட்டிய வரையில் பாலாஜியின் எந்தப்படத்தையும் சிவாஜி பிலிம்ஸ் விநியோகித்ததாக தெரியவில்லை.

நடிகர் திலகத்தின் வித்தியாசமான மிகச் சிறந்த நடிப்பில் உருவான பாடல்கள்

மீண்டும் ஒரு புதிய கட்டுரைத் தொடர் மூலம் உங்கள் எல்லோரையும் சந்திப்பதில் மட்டற்ற மகிழ்ச்சியடைகிறேன்.

நடிகர் திலகத்தின் அற்புத நடிப்பை வேறு வேறு பரிமாணங்களில் இப்பூவுலகம் உள்ளவரை ரசித்துக் கொண்டே இருக்கலாம். இன்னும் சொல்லப் போனால், அவரது ஒவ்வொரு படத்தையும், திரும்பத் திரும்பப் பார்க்கும் போதும், ஒவ்வொரு முறையும், ரசிப்புத் தன்மையுள்ள ஒவ்வொருவருக்கும், வேறு வேறு கோணங்களில், அவரது அற்புதத் திறமையை புதிது புதிதாக ரசிக்கும் பாக்கியம் கிடைக்கும்.

நான் இங்கு எழுதப் போவது, நிச்சயம் அனைத்து நடிகர் திலக ரசிகர்களும் ஏற்கனவே ரசித்தது தான் (திரு. முரளி ஸ்ரீனிவாஸ் அடிக்கடி குறிப்பிடுவது போல், அனைத்து நடிகர் திலக ரசிகர்களும் ஒரே கோணத்தில்தான் அவரை ரசிக்கிறார்கள்.) இருப்பினும், அந்த அற்புதத் தருணங்களை மறுபடியும் எழுத்து வடிவில் இங்கு கொணர என்னால் இயன்றவரை முயல்கிறேன்.

நடிகர் திலகம் பெரிய/அகன்ற திரைக்கு அறிமுகம் ஆன கால கட்டத்தில், பெரும்பாலும், அனைத்து நடிகர்களும் நாடகத்திலிருந்துதான் அறிமுகம் ஆனார்கள். நாடகம் என்கின்ற ஊடகம் எதையும் உரத்துச் சொல்லுவதிலும், சொல்ல வந்த விஷயத்தைப் பாடல்களின் மூலமும் சொல்லிக் கொண்டிருந்தது. காரணம் எல்லோரும் அறிந்ததுதான் - கடைசி இருக்கையில் இருப்பவருக்கும் கேட்க வேண்டும் என்பதால். இந்தக் காரணத்தால், நாடகத்திலிருந்து வந்த நடிகர்களின் நடிப்பில் ஒரு வித செயற்கைத் தன்மை இருப்பதாக சொல்வதுண்டு. இது சரியான கூற்று அல்ல. நாடகத்திலிருந்து வந்தவர்களிடம் இருந்த சரளமான நடிப்பு நேரே வெள்ளித்திரைக்கு வந்தவர்களுக்கு ஒரு போதும் இருக்காது. இதற்குக் காரணம், நாடகம் அளிக்கும் அனுபவம் மற்றும் தைரியம் - நேரே லைவாக ஆடியன்சை எதிர்கொள்ளவிருப்பதால். அங்கு தான் ரீடேக் எல்லாம் கிடையாதே.

அதே சமயம், நாடகத்திலிருந்து நடிக்க வந்த நடிகர்கள் பாடல் காட்சியில் நடிக்கும் போது, அவர்களுடைய உடல் மொழி இயல்பாக இல்லாமல், கைகளை மனம் போன போக்கில் ஆட்டி, அசைத்து நடித்துக் கொண்டிருந்தார்கள் - இல்லை ஒரேயடியாக எந்த வித அசைவும் இன்றி நின்ற இடத்தில் அப்படியே சிலையாக நின்று நடித்துக் கொண்டிருந்தார்கள் - அதாவது ஒரு உயிரோட்டமான நடிப்பு அந்தக் காலத்தில் பாடல்களில் இல்லாமல் இருந்தது. அப்படிப் பார்த்தால், இந்த நிமிடம் வரை, பெரும்பாலான நடிகர்களுக்குப் பாடல் காட்சியில் அந்த அளவிற்கு நடிப்பதற்குத் தெரியவில்லை என்று தான் சொல்ல வேண்டும். அதே நாடக உலகில் இருந்து வந்த நடிகர் திலகமோ, தன் முதல் படத்தில் இருந்தே, பாடல் காட்சியில் நடிக்கும் போது, அளவோடு கை கால்களை அசைத்து, அந்தப் பாடல் வரிகளுக்கேற்றார் போல் முகம் மட்டுமல்லாமல், மற்ற உடல் மொழிகளின் மூலமாகவும், சரியான பாவங்களைக் காட்டி நடிக்கலானார். அதாவது, அந்த முதிர்ச்சி, அவரது முதல் படத்திலேயே இருந்தது. நடிப்பில் எல்லையை முதல் படத்திலேயே தொட்டவரல்லவா அவர்! பாடல் முழுவதுமே, ஒரு நாற்காலியில் உட்கார்ந்து கொண்டே பின்னர் நடித்து விட்டவராயிற்றே! (பொன்னை விரும்பும் பூமியிலே - ஆலய மணி).

திரைப்படங்களில், பாடல்கள் மூலம் கதையையும், காட்சியின் வீரியத்தையும் காட்டி அதன் மூலம், மக்களை ஒரு சேர சென்று சேர ஆரம்பித்தது, நடிகர் திலகம் - பீம்சிங் - கண்ணதாசன் - மெல்லிசை மன்னர்கள் விஸ்வநாதன் / ராமமூர்த்தி - டி.எம்.சௌந்தரராஜன் - பி. சுசீலா கூட்டணி தான் என்றால், இதற்கு மாற்றுக்கருத்துக்கு இடமேது? இதே போல், பாடல்களின் மூலம், காட்சியின் வீரியத்தை மட்டுமல்லாது, அந்தப் பாடல்கள் இடம் பெற்ற காட்சிகளின் சூழலை சுவையும் சுவாரஸ்யமும் இருக்கும் வண்ணம் பார்த்துக் கொண்டதும், நடிகர் திலகம் தான்.

அப்படிப்பட்ட பாடல்களின் மூலம், ஒரு இயக்குனர் (அவர் தானே அந்தக் கப்பலின் கேப்டன்) சொல்ல வந்த விஷயத்தை, மிகச் சரியாகப் புரிந்து கொண்டு, வெறுமனே நடித்து விட்டுப் போகாமல், அந்தப் பாடலில், எவ்வளவு முடியுமோ அவ்வளவு கலைத் தன்மையை, கிரியேடிவிடியைக் காண்பிக்க நினைத்து, அதில் நூறு சதம் வெற்றி பெற்ற பாடல்களை இந்தக் கட்டுரையில் பதிவிட முயல்கிறேன்.

1. "சக்கப் போடு போடு ராஜா"; படம்:- பாரத விலாஸ் (1973); இயக்கம்:- ஏ.சி.திருலோகசந்தர்

புதிதாகத் திருமணம் ஆன ஒருவன், முதன் முதலாகத் தன் காதல் மனைவியைப் பார்க்கும் முன், அவன் மனதில் எழுகின்ற உணர்வுகளைக் காட்டுவதாக அமைந்த பாடல். இந்தப் பாடலைப் புதிய கோணத்தில் சிந்தித்து எடுத்திருப்பார் இயக்குனர் ஏ.சி.டி. - அதாவது, அவனும் அவனது மனசாட்சியும் பாடி, பேசுவதாக அமைந்த பாடல்.

இந்தப் பாடலின் தனிச் சிறப்பு - பொதுவாக, அனைத்து படங்களிலும், சம்பந்தப்பட்ட மனிதனும் மனசாட்சியும் நேருக்கு நேர் வருவதாகக் காண்பிப்பார்கள். அதனால், அந்த இரண்டு பாத்திரங்களும் அதாவது நடிகர்களும், கொஞ்சம் சுலபமாக யோசித்து, நடித்து விட முடியும். ஆனால், இந்தப் பாடலிலோ, மனசாட்சி அசரீரியாகக் குரல் மட்டுமே கொடுக்கும். அதை அவர் கவனித்து, ரியேக்ட் மட்டும் செய்ய வேண்டும். இங்கு தான், நடிகர் திலகத்தின் அபார கற்பனை வளம் அவருக்குக் கை கொடுக்கிறது.

பல்லவியில், சக்கப் போடு போடு ராஜா என்று நிஜ மனிதனாக நடிகர் திலகம் பாடத் துவங்கியவுடன், "டேய் டேய் என்னடா பாட்டுல பேச ஆரம்பிச்சிட்ட" என்று மனசாட்சியின் குரல் வரும். அப்பொழுது அவருடைய ரியேக்ஷனை கவனியுங்கள். அபாரம்!

சரணத்தில், "நல்ல சமயம் இதை விட்டு விடாதே நாளும் தெரிந்த நீ நழுவ விடாதே" என்றவுடன் "என்னடா என்னடா நல்ல சமயம்" என்று மனசாட்சி கேட்டவுடன், அவர் இரண்டு கைகளையும் பின்னி "வெள்ளி நிலாக் காயுது வாடைக் காற்று வீசுது" என்று நடிக்கும் நடிப்பு, அது வரை அவர் காட்டாத - நடிக்க வந்து 21 வருடங்களுக்குப் பின்னர், 150 படங்களுக்கு மேல் நடித்த பின்னும், காட்டிய ஒரு புதிய பாணி நடிப்பு!

அடுத்த சரணத்திற்கு முன் வரும் தருணத்தில், அந்த மனசாட்சி இவரது கழுத்தில் இருக்கும் துண்டைப் பிடித்து இழுப்பதாக நினைத்துக் கொண்டே அந்தத் துண்டைப் பிடித்து இழுத்து தன்னை விடுவித்துக் கொள்வதாக கற்பனை கலந்து நடித்திருக்கும் விதம் - நடிகர் திலகத்தின் அபார கற்பனை வளத்திற்கு ஒரு மிகச் சிறந்த எடுத்துக் காட்டு.

கடைசியில், கட்டிலைச் சுற்றி ஒரு மாதிரி கைகளை இழுத்து இழுத்து காட்டிக் கொண்டே பாடலை முடிக்கும் விதம் மிகவும் நகைச்சுவையோடு இருக்கும்.

மொத்தத்தில், ஒரே நேரத்தில், அபாரமான கற்பனை வளத்தோடும், அற்புதமான நகைச்சுவையோடும், ஒரு முதல் இரவுப் பாடலாக இருந்தாலும், தரம் கொஞ்சமும் குறையா வண்ணம், நடித்த பாடல். அதுவும், எந்த வித அதீத முயற்சியும் இல்லாமல் (effortless) நடித்த பாடல்.

எதையும் வித்தியாசமாக சிந்தித்து, மக்களுக்கு அறுசுவை விருந்து படைப்பவர் நடிகர் திலகம் என்பதற்குக் கட்டியம் கூறும் பாடல்.

தொடரும்,

இரா. பார்த்தசாரதி

அன்புள்ள திரு. வாசுதேவன் அவர்களே,

தாங்கள் பதிந்த தி ஜென்டில்மேன் இதழில் வெளி வந்த நடிகர் திலகம் நான் இது வரை படிக்காத ஒன்று. எனக்குத் தெரிந்து நிறையே பேர் இதைப் படித்திருக்க மாட்டார்கள். அது எப்படித் தான் உங்களுக்கு இந்தக் கட்டுரைகள் கிடைக்கிறதோ, தெரியவில்லை. உள்ளம் குளிர்ந்தது. மிக்க நன்றி.

அன்புடன்,

இரா. பார்த்தசாரதி



அன்புள்ள திரு. கார்த்திக் அவர்களே,

தங்களுடைய "நீதி" மற்றும் "மனிதரில் மாணிக்கம்" படங்களின் நினைவலைகள் மிகவும் சுவையாகவும் சுவாரஸ்யம் நிறைந்ததாகவும் இருந்தது. அதிலும், மனிதரில் மாணிக்கம் படத்தைப் பற்றிய நினைவலைகள் ரொம்பவே சுவை. அந்தக் காலத்தில், "I will sing for you" மிகவும் பிரபலமான பாடல். எனக்கு ரொம்பவும் பிடித்த பாடல்.

அன்புடன்,

இரா. பார்த்தசாரதி



அன்புள்ள திரு. ராகவேந்தர் அவர்களே,

திரு. கார்த்திக் அவர்கள் எழுதியவுடன், அந்த அரிதான பாடலைப் பதிந்து, மகிழ்ச்சியை இரட்டிப்பாக்கி விட்டீர்கள். நன்றி.

அன்புடன்,

இரா. பார்த்தசாரதி

சக்கை போடு போடும் பார்த்தசாரதி சார்,

நடிகர் திலகத்தின் அதியற்புத நடிப்புத் திறமையைக் கொண்ட பாடல்களை ஆய்வு செய்ய ஆரம்பித்திருப்பது குறித்து பெருமகிழ்ச்சி ஏற்படுகிறது. அதுவும் நம்மவர் மிகக் கடினமான இருவேறு நடிப்புப் பரிமாணத்தை ஒரே சமயத்தில் வேறுபடுத்திக் காட்டும் 'சக்கை போடு போடு ராஜா' பாடலை நீங்கள் ஆய்வு செய்துள்ளவிதம் புதுமையாகவும், அதேசமயம் மிகச் சரியாகவும் உள்ளது. நடிகர் திலகத்தின் நடிப்பை நயமாக ஆய்வு செய்துள்ளீர்கள். நாடகக் கலைஞர்களைப் பற்றிய தங்களின் அப்பிப்பிராயமும் அருமை. நாடகத்துறையில் இருந்து வந்த பல நடிகர்கள் ஆரம்ப காலத்தில் வெள்ளித்திரையில் நாடக பாணியைக் கடைப்பிடித்தாலும் சில காலங்களுக்குள்ளேயே தங்கள் அசாத்திய அனுபவத்தால் அற்புதமாக வெள்ளித்திரைக்கு ஏற்ப தங்களை மாற்றிக்கொண்டு இன்றுவரை மறக்க முடியாத கலைஞர்களாய் நம் நெஞ்சில் நிலைத்து வாழ்கிறார்கள். அதவும் நம் நடிகர் திலகம் பற்றி கேட்கவே வேண்டாம். பாடல் முழுவதுமே, ஒரு நாற்காலியில் உட்கார்ந்து கொண்டே நடித்து வியக்க வைத்தாரென்றால், படம் முழுவதும் கட்டில் மெத்தையில் படுத்துக் கொண்டே 'மருமகள்' படத்தில் பட்டையைக் கிளப்புவார்.அற்புதமான ஆய்வுக்கு ஆனந்தமான நன்றிகள்.

தங்களுடைய இந்த புது முயற்சியை சிவப்புக் கம்பளம் போட்டு வரவேற்கிறோம். பாடல்களில் நடிகர் திலகம் அசத்தியிருக்கும் நடிப்புத் திறமைகள் உங்கள் மூலம் புதிய பரிணாமத்தில் திரியில் பிரகாசிக்கப் போகிறது என்பதால் 'எங்க காட்டுல மழை பெய்யப் போகுது....

அன்புடன்,
வாசுதேவன்.

பார்த்தசாரதி சார் 'சக்கை போடு' போட்டு விட்டார். இந்த அற்புதப் பாடலில் சக்கை போடு போடும் நம் தங்க ராஜாவை பார்த்தசாரதி சாரின் அருமையான ஆய்வை மனதில் நிறுத்திக் கொண்டே பார்த்து இன்புறுவோம்.

http://www.youtube.com/watch?feature...&v=y-uROpATLkI

அன்புடன்,
வாசுதேவன்.

அன்பு ராகவேந்திரன் சார்,

"I will sing for you" பாடலைப் பதிபித்ததற்கு "I always thanks for you"

அன்புடன்,
வாசுதேவன்.

நீலவானம் (10-12-1965) 47-ஆவது ஆண்டுத் துவக்கத்தை முன்னிட்டு...

http://thumbnails.truveo.com/0022/37...425E_Large.jpg

http://img96.imageshack.us/img96/265...0104194803.jpg

http://img23.imageshack.us/img23/442...0104195011.jpg

http://img199.imageshack.us/img199/7...0104195048.jpg

'நீலவானம்' வீடியோ டிரைலர்

http://www.youtube.com/watch?feature=player_detailpage&v=8nAdIbrwrLs

நடிகர் திலகத்தின் நளினமான மேற்கத்திய பாணி நடன அசைவுகளில் ஜொலிக்கும் "oh little flower" வீடியோப் பாடல் காட்சி.

http://www.youtube.com/watch?list=PLAA20294B6F3C7E48&feature=player_detai lpage&v=hSYQXCEc2TQ

ஓஹோஹோ...ஓடும் எண்ணங்களே..(பி.சுசீலாவின் மயக்கும் குரலில்) வீடியோப் பாடல் காட்சி.

http://www.youtube.com/watch?feature=player_detailpage&v=Coddhl4fmJg

"ஒ..லக்ஷ்மி... ஒ.. ஷீலா"... வீடியோப் பாடல் காட்சி.

http://www.youtube.com/watch?feature=player_detailpage&v=8awtjGcO_SQ

நடிகர் திலகமும், திருமதி.தேவிகா அவர்களும் நடிக்கும் ஒரு அற்புதக் காட்சி. (இந்த வீடியோக் காட்சியை you tube- இல் அப்- லோட் செய்த அன்பு 'ரசிக வேந்தர்' ராகவேந்திரன் சாருக்கு மனமார்ந்த நன்றிகள்).

http://www.youtube.com/watch?feature=player_detailpage&v=STCBN60rIzc

அன்புடன்,
வாசுதேவன்.

Quote:

---

Originally Posted by mr_karthik

அன்புள்ள வாசுதேவன் சார்,

காணக்கிடைக்காத 'ஜென்டில்மேன்' ஆங்கில இதழில் நடிகர்திலகத்தின் சிறப்பு ஆர்ட்டிக்கிள் மற்றும் அவரது பிரத்தியேக பேட்டியை அதன் ஒரிஜினல் வடிவில் பதிப்பித்த விதம் அருமை. இந்த இதழ்கள் எல்லாம் நாங்கள் பார்த்திராதது. கிட்டத்தட்ட முப்பதாண்டுகள் கழித்து அந்தப்பொக்கிஷப் பதிவுகளைக் கண்ணுறச்செய்தமைக்கு மிக்க நன்றி. நம்மவர்கள் எங்கிருந்தெல்லாம் ஆவணங்களைத்தேடியெடுத்து வந்து தருகிறார்கள் என்பது நிஜமாகவே ஆச்சரியப்படுத்துகிறது.

அன்புள்ள ராமஜெயம் சார்,

சொர்க்கம், எங்கிருந்தோ வந்தாள் இரண்டுமே சென்னையில் 'எலைட் மூவீஸ்' ரிலீஸ்தான். எனவேதான் அவ்விரண்டு படங்களின் 100-வது நாள் வெற்றி விழாக்கள் ஒரே விழாவாகக் கொண்டாடப்பட்டது. வெவ்வேறு நிறுவனங்கள் தயாரித்த இரண்டு படங்களின் வெற்றி விழாக்கள் ஒரே விழாவாக நடந்தது அத்ற்கு முன்னும் அதற்குப்பின்னும் நடந்ததில்லை. (கமல் தனது ஒரே நிறுவனத்தின் சார்பில் தயாரித்த சதி லீலாவதி, மகளிர் மட்டும், குருதிப்புனல் ஆகிய மூன்றின் வெற்றிவிழாக்களை ஒரே விழாவாகக் கொண்டாடினார்).

அத்துடன் என் நினைவுக்கெட்டிய வரையில் பாலாஜியின் எந்தப்படத்தையும் சிவாஜி பிலிம்ஸ் விநியோகித்ததாக தெரியவில்லை.

---

dear kartck sir,
BALAJI;s thirudan, enthambi were earlier sivaji releases.
when I happened to meet balajee at the time ofdiwali, he was telling that he has spent huge amounts for engirundovandal, and little worred about the sorgam getting released same day requested us to plead NT HQ
to postpone the release of sorgam. we conveyed that both movies will go for succeessful runs and he acknowledged the enthu by rasigargal
cresent movies and elite moves are sister concerns, correct. cresent came to field by releasing kannithai at safire frst time followed byregular releases.

டியர் வாசுதேவன் சார்,

தங்களின் நெஞ்சார்ந்த பாராட்டுதல்களுக்கு எனது சிறப்பான நன்றிகள் !

என்னிடம் இதுவரை இல்லாத, நான் படித்திராத, நடிகர் திலகத்தின் கட்டுரையை பதிவிட்டு அசரவைத்து அசுர சாதனைக்கு சொந்தக்காரராகிவிட்டீர்கள் ! ஜூன் 1982 "ஜென்டில்மென்" ஆங்கில மாத இதழின் கட்டுரைப்பதிவைப் பற்றித்தான் கூறுகிறேன். நடிகர் திலகத்தின் பிரத்தியேக பேட்டியும், கருத்துரைகளும் கொண்ட இக்கட்டுரை உண்மையிலேயே மிகமிக அரிய அற்புத வரலாற்று ஆவணம். நடிகர் திலகத்தின் அருந்தவப்புதல்வர் தளபதி ராம்குமார் அவர்கள் தனது தந்தையார் பற்றி கூறிய கருத்துக்களும் இக்கட்டுரைக்கு மேலும் அழகு சேர்க்கிறது. நவரத்தினங்களுக்கும் மேலான பொக்கிஷத்தை அள்ளி வழங்கிய தங்களுக்கு எனது கனிவான பாராட்டுக்களுடன் கூடிய கோடானுகோடி நன்றிகள் ! மேலும் இதுபோன்ற மிகமிக அரிய ஆவணப்பொக்கிஷங்களை தங்களிடமிருந்து தொடர்ந்து இங்குள்ள அனைவரையும்போல் நானும் எதிர்பார்க்கிறேன் !

"நீலவானம்" பதிவு வழக்கம்போல் அமர்க்களம் !

அன்புடன்,
பம்மலார்.

நடிகர் திலகத்தின் நவம்பர் திரைமலர்கள்

தாம்பத்யம்

[20.11.1987 - 20.11.2011] : 25வது உதயதினம்

பொக்கிஷப் புதையல்

வரலாற்று ஆவணம் : தினத்தந்தி : 18.10.1986
http://i1110.photobucket.com/albums/...bathyam1-1.jpg

அன்புடன்,
பம்மலார்.

டியர் mr_karthik,

தங்களின் பாராட்டுக்கும், தேவ் ஆனந்த் மற்றும் ஜீனத் அமன் குறித்த மேலதிக விவரங்களுக்கும் இனிய நன்றிகள் !

பிரமுகர்களில் பெரும்பாலானோர் தங்களது வாழ்க்கை வரலாற்றை புத்தகமாக வடிக்கும்போது - முதுமையின் காரணமாக - காலச்சக்கரத்தை முன்னுக்குப்பின் முரணாக சுழற்றி விடுகின்றனர். [இதில் நமது முன்னாள் முதல்வர் முத்தமிழறிஞர் டாக்டர் கலைஞர் மு.கருணாநிதி அவர்கள் மட்டும் விதிவிலக்கு]. இந்த சகஜமான முரண்பாடுதான் தேவ் ஆனந்த்ஜியின் சுயசரிதையிலும் வெளிப்படுகிறது. இதுகுறித்து அவகாசம் எடுத்துகொண்டு சற்று அலசி ஆராய்ந்து தகவல்களைத் திரட்டித்தர முயற்சிக்கிறேன் !

"மனிதரில் மாணிக்கம்" பதிவு அருமை ! இப்பதிவில் உள்ள இக்காவியத்திற்கு முன்னும் பின்னும் வெளியான கலைக்குரிசிலின் காவியங்கள் குறித்த புள்ளிவிவரக்கண்ணோட்டம் தாங்கள் கொடுத்த பூங்கொத்து !

அன்புடன்,
பம்மலார்.

டியர் ராகவேந்திரன் சார்,

"எல்லாம் உனக்காக" திரைக்காவியத்திலிருந்து இரு அபூர்வ பாடல்களின் வீடியோக்கள், 'பத்துப் பதினாறு முத்தம் முத்தம்' அரிய பாடல் வீடியோ வரிசையில், தற்பொழுது 'I will sing for you' பாடலின் கிடைத்தற்கரிய வீடியோவையும் இடுகை செய்து 'I will give for you' எனப் பறைசாற்றிவரும் தங்களுக்கு களிப்பான நன்றிகள் !

அன்புடன்,
பம்மலார்.

நடிகர் திலகத்தின் நவம்பர் திரைமலர்கள்

உயர்ந்த மனிதன்

[29.11.1968 - 29.11.2011] : 44வது ஜெயந்தி

சாதனைப் பொன்னேடுகள்

முதல் வெளியீட்டு விளம்பரம்
http://i1110.photobucket.com/albums/...ar/UMAd1-1.jpg


முதல் வெளியீட்டு விளம்பரம் : பேசும் படம் : டிசம்பர் 1968
http://i1110.photobucket.com/albums/...ar/UMAd2-1.jpg


முதல் வெளியீட்டு விளம்பரம் : தினத்தந்தி : 20.12.1968
http://i1110.photobucket.com/albums/...ar/UMAd3-1.jpg


100வது நாள் விளம்பரம் : தினத்தந்தி : 8.3.1969
http://i1110.photobucket.com/albums/...alaar/UM-1.jpg

அன்புடன்,
பம்மலார்.

"நீதி" மிக அரிய நடிகர் திலகத்தின் புகைப்படம்.

http://i1087.photobucket.com/albums/...n31355/R-5.jpg


அன்புடன்,
வாசுதேவன்.

அன்பு பம்மலார் சார்,

என்னுடைய ஆழ்ந்த நன்றிகள். ' ஜென்டில்மென் ' ஆங்கில மாத இதழின் கட்டுரைப்பதிவைப் பாராட்டிய விதத்தில் தாங்கள் ஒரு அற்புத 'ஜென்டில்மேன்' என்று நிரூபித்து விட்டீர்கள். உங்கள் பாராட்டில் அளவில்லா சந்தோஷமும், ஆனந்தமும் கொப்பளிக்கிறது. உங்களை சந்தோஷப் பட வைத்ததில் அடியேனுக்கு மிகப் பெரிய சந்தோஷம். தங்கள் மனமுவந்த பாராட்டிற்கு பணிவான நன்றிகள். நீலவானப் பதிவுப் பாராட்டிற்கும் வானம் போல் மனம் படைத்த உங்களுக்கு என் நன்றிகள்.

உடல் நிலை தேறி நம்மவர் மீண்டும் 'தாம்பத்யம்'படப்பிடிப்பில் கலந்துகொண்ட 'தினத்தந்தி' செய்தியை தாங்கள் பதித்திருப்பது மனதை மயிலிறகால் வருடுவது போல் உள்ளது. உடல்நிலை சுமாரான நிலையில் படப்பிடிப்பில் கலந்து கொண்டாலும் நடிகர் திலகம் நிற்கும் அந்த கம்பீரம் இருக்கிறதே! அற்புதம். (பதிவும்தான்)

'உயர்ந்த மனிதன்' விளம்பரப் பதிவுகள் தங்களின் உயர்ந்த அரிய பதிவுகள். அனைத்தும் அசத்துகின்றன. உயர்ந்த உள்ளத்தோடு தாங்கள் வாரி வழங்கும் உயர்ந்த மனிதரைப் பற்றிய அற்புத ஆவணங்கள் உயிரினும் மேலாகப் போற்றிப் பாதுக்காக்கப் படவேண்டியவை. நன்றி!

அன்புடன்,
வாசுதேவன்.

அன்புள்ள பம்மலார் சார்,

'உயர்ந்த மனிதன்' திரைக்காவியத்தின் உன்னதமான ஆவணங்கள் அனைத்தும் சூப்பர். அத்துடன் 'தாம்பத்யம்' படப்பிடிப்பில் நடிகர்திலகம் கலந்துகொண்ட செய்தியின் கட்டிங்கும் சிறப்பு.

தாங்கள் தவறாது, நவம்பர் மாத ஆவணப்பொக்கிஷங்களை தவறாமல் அளித்து வருவது மகிழ்ச்சியளிக்கிறது. எங்கள் அனைவரின் மனதுக்கும் மகிழ்ச்சியை தொடர்ந்து அளித்து வரும் தங்களுக்கு நன்றிகள்.

அன்பு வாசுதேவன் சார்,

'நீலவானம்' ஸ்டில்களும் பாடல்களின் இணைப்பும் மிக அருமை. ஒருமுறை நடிகை ராஜஸ்ரீ வழங்கிய சிறப்பு தேன்கிண்ணம் நிகழ்ச்சியில், அவர் நடிகர்திலகத்தைப்பற்றிய நினைவுகளை நினைவு கூர்ந்து, பின் அவரும் நடிகர்திலகமும் இணைந்து கலக்கிய 'ஓ... லிட்டில் ஃப்ளவர்' பாடலை ஒளிபரப்பியதாக முன்பு சாரதா எழுதியிருந்தது இப்பாடலைக்கண்ணுறும்போது நினைவுக்கு வருகிறது. வழங்கிய தங்களுக்கு நன்றி.

அன்பு பார்த்தசாரதி சார்,

மிகவும் வித்தியாசமாக அமைந்த 'சக்கைபோடு போடு ராஜா' பாடலை நீங்கள் மிகவும் வித்தியாசமாக ஆய்வு செய்திருந்த விதம் அட்டகாசம். படத்தை முதலில் பார்த்தபோது இப்பாடலை மக்கள் எப்படி எடுத்துக்கொள்வார்களோ என்ற அச்சம் நமக்கு இருந்தது உண்மை. ஆனால் அதையும் தாண்டி மக்களை ரசிக்க வைத்து வெற்றியடைந்து காட்டினார் நடிகர்திலகம்.

டி.எம்.எஸ். பேசிய வசனங்கள் நடிகர்திலகத்துக்கு அட்சர சுத்தமாகப்பொருந்தியது என்று சொல்லத்தேவையில்லை. ஏற்கெனவே உயர்ந்த மனிதனில் 'அந்த நாள் ஞாபகம்', தெய்வ மகனில் 'தெய்வமே' பாடல்களின் இடையே வரும் வசனங்களும், சிவந்த மண்ணில் 'ஆல்ப்ஸ் மலையின் சிகரத்தில்', மற்றும் வசந்த மாளிகையில் 'எழுதுங்கள் என் கல்லறையில்' வசனங்களும் பொருந்தியது போல, இப்பாடலின் வசனங்களும் கச்சிதமாகப்பொருந்தின. (ஒன்ஸ்மோரில் மலேசியா பேசிய 'உன்னையும் என்னையும் இணைப்பது காதல்' வசனத்தை மறந்து விடுவோம்).

டியர் வாசுதேவன் சார்,நடிகர்திலகத்தின் ஜென்டில்மேன் ஆங்கில இதழ் கட்டுரைப் பதிவு அருமை. நன்றி.

அன்பு பம்மலார் சார், உயர்ந்த மனிதன் விளம்பரங்கள் மற்றும் தாம்பத்யம் படப்பிடிப்பு செய்தி பதிவு அருமை. நன்றி.

டியர் பார்த்தசாரதி சார், சக்கைபோடு போடு ராஜா பாடல் பற்றிய உங்கள் ஆய்வு அருமை.

http://i1234.photobucket.com/albums/...rasuNellai.jpg

http://i1234.photobucket.com/albums/...aranNellai.jpg

http://i1234.photobucket.com/albums/...maniNellai.jpg

9.12.2011 வெள்ளி முதல், சென்னை 'நியூ பிராட்வே' திரையரங்கில், தினசரி 3 காட்சிகளாக, புதுமைத் திலகத்தின் "புதிய பறவை".

10.12.2011 சனிக்கிழமை முதல், சேலம் 'அலங்கார்' திரையரங்கில், தினசரி 4 காட்சிகளாக, கலையுலக மன்னவரின் "மன்னவன் வந்தானடி".

இனிப்பான இந்த இரு தகவல்களை வழங்கிய அன்புள்ளம் திரு.எஸ்.ராமஜெயம் அவர்களுக்கு Sweet Thanks !

அன்புடன்,
பம்மலார்.

தீவிரமான நடிகர் திலகம் ரசிகர்களிடமோ இல்லை மிதமான ரசிகர்களிடமோ சென்று கேட்டால் கருடா சௌக்கியமா படத்தைப் பற்றி அவ்வளவு சிலாக்கியமான பதில் வராது. ஆனால் தனியொரு மனிதனாக நின்று அந்தப் படத்தின் சிறப்புகளை தெள்ள தெளிவாக எழுதுவதோடு மட்டுமல்லாமல் படிப்பவர்கள் மனதில் அவர்கள் படத்தை பார்க்காதவர்களாக இருந்தால் இந்த படத்தை தவற விட்டு விட்டோமே என்ற ஏக்கத்தையும் படம் பார்த்தவர்கள் மத்தியில் இவ்வளவு நுணுக்கங்கள் படத்தில் இருந்ததா நாம்தான் கவனிக்காமல் ரசிக்க தவறி விட்டோமோ என்ற குறுகுறுப்பையும் ஏற்படுத்தியிருக்கிறார் என்று சொன்னால் அது வாசுதேவன் அவர்களின் பேனாவிற்கு, ரசனைக்கு கிடைத்த வெற்றி. என்னைப் பொறுத்தவரை படம் வெளியான அந்த நேரத்தில் கேரளத்தில் வேலை செய்து கொண்டிருந்ததால் அந்நேரம் தொடர்ச்சியாக வெளியான அந்த நாலு படங்களையும் உடனடியாக பார்க்க முடியாமல் சிறிது காலம் சென்ற பிறகே பார்க்க முடிந்தது. அதிலும் கருடா சௌக்கியமா கிட்டத்தட்ட ஒரு டூரிங் தியேட்டர் போல் இருந்த ஒரு அரங்கிலே பார்க்க நேர்ந்தது. அதுகூட அந்தப் படத்தை சரியாக ரசிக்க முடியாமல் செய்திருக்கலாம். கிட்டத்தட்ட 28 வருடங்களுக்கு பிறகு சென்ற வருடம் பொதிகையில் சிறிது நேரம் பார்த்தேன். மீண்டும் பார்க்க முயற்சிக்கிறேன்.

அது போல Gentlemen இதழில் வெளி வெளிவந்த நடிகர் திலகத்தின் பேட்டி. மிக அரிதான ஒன்று. பெமினா என்ற பெண்களுக்கான இதழை நடத்திக் கொண்டிருந்த பத்திரிகை குழுமத்தின் மற்றொரு வெளியீடுதான் Gentlemen இதழ் என்பதுதான் என் நினைவு. அதிலும் அந்த பேட்டி 1982 ஏப்ரல் 14 தமிழ் புத்தாண்டு அன்று சங்கிலி வெளியான அன்று எடுக்கப்பட்டிருக்கிறது. அந்த பேட்டியில் ஒரு வித்தியாசமான சிவாஜியை பார்க்க முடிகிறது.

படத்தை அலசுவது வேறு. ஆனால் படத்தில் வரும் பாடல் காட்சியை அதன் அனைத்துக் கோணங்களிலும் அலசுவது என்பது வேறு. இரண்டாவதாக சொன்னது சற்றே கடினமான காரியம். ஆனால் நம்முடைய சாரதி அவர்களுக்கோ அதுதான் தண்ணீர் பட்ட பாடு. நடிகர் திலகத்தின் நடிப்பால் மட்டுமே பேசப்பட்ட பாடல்கள் என்ற தலைப்பில் அவர் தொடங்கியிருக்கும் இந்த வரிசை சக்கை போடு போடப் போகிறது என்பது உறுதி. இது போன்ற பல்வேறு தலைப்புகளில் பல்வேறு நடிகர் திலகத்தின் பாடல்களை அவர் அலசப் போகிறார் என்ற ரகசியத்தை உங்களுக்கெல்லாம் சொல்ல விழைகிறேன். அசத்துங்கள் சாரதி!

சிவாஜி பிலிம்ஸ்-ன் முதல் ஹீரோவான தேவ் ஆனந்த் அவர்களுக்கு செலுத்தப்பட்ட அஞ்சலியும் பாடல் காட்சிகளும் நல்ல முறையில் அமைந்திருந்தன.

அன்புடன்

நீதி பற்றியும் மனிதருள் மாணிக்கம் பற்றியும் கார்த்திக்கின் பதிவு பல்வேறு நினைவுகளை கிளறி விட்டு விட்டது. இங்கே எல்லோரும் குறிப்பிட்டது போல் நீதி 1972-ம் ஆண்டின் கடைசி படம் என்பதால் ஏராளமான எதிர்ப்பார்ப்புகள். ராஜா மிக பிரமாதமாக ஓடிக் கொண்டிருக்கும் போதே பாலாஜியின் அடுத்த படம் என்னவாக இருக்கும் எந்த ஹிந்திப் படத்தின் ரீமேக்காக இருக்கும் என்பது வரை ஒரு பெரிய விவாதமே ரசிகர்களுக்கிடையேயும் திரைப்பட துறை சம்மந்தப்பட்டவர்களிடையேயும் நடந்து வந்தது. ராஜா 100-வது நாளன்று அதற்கு விடை கிடைத்தது. 100-வது நாளன்று தினத்தந்தியில் முதல் பக்கத்தில் கிழே ஒரு ஓரத்தில் ராஜா 100-வது நாள் விளம்பரமும் மற்றொரு ஓரத்தில் நீதி விளம்பரமும் வெளிவந்தது. அது துஷ்மன் என்ற ஹிந்திப் படத்தின் ரீமேக் என்பதும் வெளிவந்தது. ஆனால் உண்மையை சொல்ல வேண்டுமென்றால் ராஜா அளவிற்கு நீதிக்கு எதிர்பார்ப்பு இல்லை என்றே சொல்ல வேண்டும். அதுவும் நீதி வெளியாவதற்கு ஒரு மாதம் முன்பு நவம்பர் 4 தீபாவளியன்று மதுரையில் சென்ட்ரலில் துஷ்மன் வெளியானது. [பட்டிக்காடா பட்டணமா 182 நாட்களை நிறைவு செய்து சென்ட்ரலில் இருந்து வேறு தியேட்டருக்கு ஷிப்ட் செய்யப்பட்டது]. நான் தீபாவளியன்று மாலைக் காட்சி துஷ்மன் பார்த்தேன். ஜானி மேரா நாம் பார்த்தபோது எந்தளவிற்கு பிடித்திருந்ததோ அதற்கு மாறான உணர்வே துஷ்மன் பார்த்தபோது ஏற்பட்டது.

மதுரை தங்கத்தில் படம் வெளியானது. நீதி படம் வெளியான டிசம்பர் 7 அன்று பார்க்க முடியவில்லை. அன்று தமிழகத்தில் நிலவிய அசாதரணமான அரசியல் சூழல் காரணமாக சட்டம் ஒழுங்கு சீர்குலைந்து பள்ளிக்கூடங்கள் வெகு நாட்கள் மூடப்பட்டு கிடந்து அந்த டிசம்பர் 4 அன்றுதான் மீண்டும் திறக்கப்பட்டன. ஆகவே சனிக்கிழமைதான் படம் பார்த்தேன். அதற்கு முன்னரே படத்தைப் பற்றிய நல்ல opinion வந்து விட்டது. அதுவும் தவிர துஷ்மன் படத்தை போன்று இடையிடையே போர் அடிக்காமல் படத்தை சீரான வேகத்தில் கொண்டு சென்றிருந்தார் சி.வி.ஆர். அந்தக் காட்சியில் எனக்கு இப்போதும் நினவு இருப்பது பயாஸ்கோப் பாட்டின் போது "கர்மவீரர் பக்கம் நிற்கும் சிவாஜி பாருங்க" என்ற வரியின் போது காண்பிக்கப்படும் பெருந்தலைவரும் நடிகர் திலகமும் இணைந்து இருக்கும் அந்த ஸ்டில். ஹவுஸ்புல் ஆன தங்கம் தியேட்டரே அலறினால் எப்படி இருந்திருக்கும் என்பதை உங்கள் கற்பனைக்கே விட்டு விடுகிறேன்.ஆனாலும் ராஜா போல பலமுறை பார்க்க கூடிய வாய்ப்பு கிடைக்கவில்லை. தங்கத்தில் 57 நாட்கள் ஓடியது இந்தப் படம். தங்கத்தில் அத்தனை நாட்கள் என்றால் சாதாரண தியேட்டர்களில் எவ்வளவு நாட்கள் என்று யூகிக்கலாம். சென்னையிலும் சேலத்திலும் 100 நாட்கள் ஓடுகிறது என்ற செய்தி மனதுக்கு மகிழ்ச்சியை தந்தது. ராஜா அளவிற்கு நீதி மறு வெளியீடுகள் காணவில்லை என்பதும் உண்மை.

தங்கத்தைப் பொறுத்தவரை நீதி படத்திற்கு பின் ஒரு 18 மாத காலத்திற்கு அவர்கள் தமிழ் படங்களே திரையிடவில்லை. 1973 பிப்ரவரி 2-ந் தேதி முதல் 1974 ஆகஸ்ட் 14 வரை ஹிந்திப் படங்கள் மட்டுமே திரையிடப்பட்டன. 1974 ஆகஸ்ட் 15 அன்று வெளியான அத்தையா மாமியாதான் மீண்டும் தமிழ்ப் படங்களின் வெளியீட்டை துவக்கி வைத்தது.

தங்கத்தில் வாரத்திற்கு ஒரு ஹிந்திப் படம் வெளியிடப்படும். படம் பிரமாதமாக ஓடினாலும் சரி மோசமாக ஓடினாலும் சரி கரெக்டாக 7 நாட்கள்தான். வெள்ளிக்கிழமை வெள்ளிக்கிழமை படம் மாறி விடும். இதன் காரணமாக சில நல்ல படங்களும் பாதிக்கப்பட்டன. உதாரணமாக 1974 ஜனவரி 4 அன்று யாதோன் கி பாராத் வெளியானது. நான் ஞாயிறு மாலை படம் படம் பார்க்கிறேன். கட்டுக்கடங்காத கூட்டம். ஆனாலும் ஒரே வாரத்தில் மாற்றப்பட்டது. அதே 1974 ஜனவரி 1 அன்றுதான் மீனாட்சி தியேட்டரில் பாபி வெளியாகியிருந்தது. இரண்டும் ஒரே நேரத்தில் ஓடியிருக்க வேண்டியது. அதன் பிறகு அதே 1974 வருடம் அக்டோபர் மாதம் பரமேஸ்வரியில் மீண்டும் யாதோன் கி பாராத் வெளியாகி சக்கை போடு போட்டது. தங்கத்தில் வெளியான இந்திப்படங்களைப் பற்றி பேசும் போது வேறொன்று நினைவுக்கு வருகிறது.

1973 வருடம் டிசம்பர் மாதம் இரண்டாம் பகுதியில் தங்கம் திரையரங்கின் சார்பாக தினத்தந்தியில் ஒரு விளம்பரம் வருகிறது. அதில் என்ன இருந்தது என்றால் "1973 மே மாதம் 11-ந் தேதியிலிருந்து 1973 டிசம்பர் 13-ந் தேதி வரை 217 நாட்களில் எங்களது தங்கம் திரையரங்கில் வெளியான படங்களின் மொத்த வசூல் இவ்வளவு. அதே 217 நாட்களில் மதுரையின் மற்றொரு திரையரங்கில் மொத்த வசூல் இவ்வளவு" என்ற வரிகள். அந்த கணக்கின்படி தங்கம் வசூல் அதிகம். என்ன காரணத்தினால் இப்படி ஒரு விளம்பரம் கொடுக்கப்பட்டது என்பது தெரியவில்லை. ஆனால் அதை பார்த்ததும் மாற்று முகாமில் அது மிகுந்த கோவத்தை உருவாக்கியது என்பது உண்மை. அதற்கு இரண்டு நாட்கள் கழித்து அதில் குறிப்பிட்டிருந்த அந்த திரையரங்கின் சார்பாக ஒரு பதில் விளம்பரம் கொடுக்கப்பட்டது. ஆனால் அந்த பதில் சரியானபடி எழுதப்படவில்லை என்ற வருத்தம் அந்த முகாமில் வெகு நாட்கள் இருந்தது.

மனிதருள் மாணிக்கம் பற்றி ---- மீண்டும் சந்திப்போம்.

அன்புடன்

டியர் பார்த்தசாரதி சார்,

தங்களின் அடுத்த அசத்தல் - 'நடிகர் திலகத்தின் வித்தியாசமான மிகச் சிறந்த நடிப்பில் உருவான பாடல்கள்' - நெடுந்தொடரை தாங்கள் தொடங்கியிருப்பது கண்டு மட்டற்ற மகிழ்ச்சி. ஆரம்பப்பதிவிலேயே 'சக்கை போடு' போட்டுவிட்டீர்கள் ! எழுதும் பதிவு ஒவ்வொன்றிலுமே தாங்கள் சக்கை போடு போடுபவர் என்பது வேறு விஷயம். இந்த கட்டுரைத்தொடருக்காக தாங்கள் அளித்திருக்கும் முன்னுரை simply superb.

இப்பாடலில் நடிகர் திலகத்தின் நடிப்பு குறித்த தங்களின் திறனாய்வு வெகு ஜோர். நடிகர் திலகத்தின் முகபாவங்களுக்காகவும், உடல்மொழிக்காகவும் அந்த உடல்மொழியில் அவர் செய்யும் குறும்பு மற்றும் சேஷ்டைகளுக்காகவும் இந்தப்பாடல் எப்போதுமே எனக்கு மிகவும் பிடித்த ஒன்று. காவியக்கவிஞர் வரகவி வாலி அவர்களின் வனப்பான வரிகளும், இசைவானம் எம்.எஸ்.வி. அவர்களின் ஈர்க்கும் இசையும் பாடலுக்கு கூடுதல் மெருகு.

'சக்கை போடு' போட்டு ஆரம்பித்துள்ளீர்கள் ! இனி இங்கே என்ன போடு போடப்போகிறீர்களோ !

[பாடலின் வீடியோவை இடுகை செய்த இடுகை மன்னன் வாசுதேவன் அவர்களுக்கு இனிய நன்றிகள் !]

அன்புடன்,
பம்மலார்.

வீரபாண்டிய கட்டபொம்மனை பாராட்டி வாழ்த்தி ஆசி வழங்கும் மூதறிஞர்

http://i1110.photobucket.com/albums/...jiSivaji-1.jpg

10.12.2011 : முன்னாள் இந்திய கவர்னர்-ஜெனரல், முன்னாள் சென்னை மாகாண முதல் மந்திரி சக்கரவர்த்தி ராஜகோபாலச்சாரி அவர்களின் 134வது பிறந்த தினம்.

பம்மல் ஆர். சுவாமிநாதன்.

டியர் வாசுதேவன் சார்,

தாங்கள் வழங்கிய பாசம் நிறைந்த பாராட்டுக்களுக்கு எனது பவ்யமான நன்றிகள் !

"நீதி" ஸ்டில் சூப்பர் !

அன்புடன்,
பம்மலார்.

டியர் mr_karthik,

தங்களின் ஆனந்தமயமான பாராட்டுக்களுக்கு எனது அற்புத நன்றிகள் !

அன்புடன்,
பம்மலார்.

பாரதி கணேசன்

http://i1110.photobucket.com/albums/...athiyar1-1.jpg

11.12.2011 : அமரகவி பாரதியாரின் 130வது ஜெயந்தி.

பம்மல் ஆர். சுவாமிநாதன்.

டியர் சந்திரசேகரன் சார்,

தங்களின் பாராட்டுக்கு மனமார்ந்த நன்றி !

ஒரு அமைப்பு என்றால் அது எப்படி ஆக்கப்பூர்வமாக சமுதாய அக்கறையோடு இயங்க வேண்டும் என்பதற்கு நமது 'நடிகர் திலகம் சிவாஜி சமூக நலப் பேரவை' சிறந்த சான்று. நெல்லை மாவட்ட சிவாஜி பேரவையின் செயல்வீரர்கள் கூட்டம் குறித்த நாளிதழ் செய்தி ஆவணங்கள் உண்மையிலேயே பிரமிப்பு. 'இன்றைய செய்தி நாளைய வரலாறு' என்பதற்கேற்ப வரலாறு படைத்துக் கொண்டிருக்கும் தங்களுக்கும், சிவாஜி பேரவைக்கும் எனது இதயம் நிறைந்த பாராட்டுக்கள் ! வாழ்த்துக்கள் !! நன்றிகள் !!!

அன்புடன்,
பம்மலார்.

நடிகர் திலகத்தின் நவம்பர் திரைமலர்கள்

உயர்ந்த மனிதன்

[29.11.1968 - 29.11.2011] : 44வது ஜெயந்தி

பொக்கிஷப் புதையல்

உயர்ந்த உள்ளம் கொண்ட உயர்ந்த மனிதர் பற்றி திரு.ஏவிஎம் சரவணன்

வரலாற்று ஆவணம் : தினத்தந்தி [ஞாயிறு மலர்] : 16.9.2001
http://i1110.photobucket.com/albums/...r/GEDC5164.jpg

http://i1110.photobucket.com/albums/...ar/UMInfo1.jpg

[இரண்டு ஆவணங்களும் ஒன்றே. இந்த ஆவணங்களை பதிவிறக்கம் செய்து படிக்கவும். எதில் படிப்பதற்கு எழுத்துக்கள் தெளிவாக இருக்கிறதோ அதனை வாசிக்குமாறு கேட்டுக் கொள்கிறேன்.]

அன்புடன்,
பம்மலார்.

டியர் முரளி சார்,

"நீதி" முதல் வெளியீட்டு முதன்மை நினைவுகள், மதுரை 'தங்கம்' குறித்த சுவாரஸ்யங்கள் என தங்கள் பதிவு சொக்கத்தங்கமாக மின்னுகிறது !

அன்புடன்,
பம்மலார்.

Demi-God's December Delicacies

மனிதனும் மிருகமும்

[4.12.1953 - 4.12.2011] : 59வது ஆரம்பதினம்

நவரத்தினங்களை மிஞ்சும் பொக்கிஷங்கள் : அரிய முதல் வெளியீட்டு விளம்பரங்கள்

சுதேசமித்ரன் : 28.11.1953
http://i1110.photobucket.com/albums/...laar/MM1-1.jpg


சுதேசமித்ரன் : 4.12.1953
http://i1110.photobucket.com/albums/...laar/MM2-1.jpg


சுதேசமித்ரன் : 11.12.1953
http://i1110.photobucket.com/albums/...laar/MM3-1.jpg


சுதேசமித்ரன் : 18.12.1953
http://i1110.photobucket.com/albums/...laar/MM4-1.jpg


சுதேசமித்ரன் : 25.12.1953
http://i1110.photobucket.com/albums/...laar/MM5-1.jpg

குறிப்பு:
"மனிதனும் மிருகமும்" அதிகபட்சமாக சென்னை 'கெயிட்டி' திரையரங்கில் ஏழு வாரங்கள் [49 நாட்கள்] ஓடியது.

அன்புடன்,
பம்மலார்.

டியர் சாரதி,
சக்கைப் போடு போட்டு அசத்தத் தொடங்க விட்டீர்கள். குறிப்பாக உள்ளுக்குள் ஒளிந்திருக்கும் மனசாட்சியின் வலிமை, வெளியே காட்சியளிக்கும் உருவத்தை விட பன் மடங்கு உயர்ந்தது என்பதைப் பாடல் மூலமாக நடிகர் திலகம் விளக்கியதை, நீங்கள் எடுத்துரைத்த விதம் மிகவும் அருமை.

தங்களுக்காக இதோ ஒரு ஸ்டீரியோகிராம் நிழற்படம்.

உள்ளுக்குள் ஒளிந்திருக்கும் படத்தை உன்னிப்பாக உற்றுப் பார்த்தால் தான் தெரியும், மனசாட்சியைப் போல.

http://www-ai.ijs.si/sirds/bird.jpg

டியர் வாசுதேவன் சார்,
ஜென்டில்மேன் புத்தகத்தின் பக்கங்களில் வெளியான நடிகர் திலகத்தின் பேட்டியை வெளியிட்டு அசத்தி விட்டீர்கள்.
இதே போல் அஸைடு சஞ்சிகையின் ஜனவரி அல்லது பிப்ரவரி 1988 இதழ்களில் வெளியான நடிகர் திலகத்தின் பேட்டி மற்றும் அவரைப் பற்றிய செய்திக் கட்டுரை கிடைக்குமா பாருங்கள். அதில் பல முக்கியமான நிகழ்வுகள் இடம் பெற்றுள்ளன.

அன்புடன்

டியர் பம்மலார்,
ஆவணத்திலகம் என்று மீண்டும் மீண்டும் நிரூபித்து வருகிறீர்கள். உயர்ந்த மனிதன் மற்றும் அபூர்வமான மனிதனும் மிருகமும் விளம்பரங்களின் நிழற்படங்கள்.. காணக் கிடைக்காத பொக்கிஷங்கள். தங்களுக்கு நம் அனைவரின் சார்பிலும் உளமார்ந்த நன்றிகள்.

அன்புடன்

டியர் முரளி சார்,
நீதி திரைப்படத்தைப் பற்றிய தங்கள் நினைவுப் பதிவுகள் துல்லியமான தேதிகளுடன் ஆணித்தரமாக அமைந்துள்ளன. தங்கள் அசாதாரணமான நினைவாற்றல், நடிகர் திலகத்திற்கு தாங்கள் சரியான தொண்டர் என்பதை நிரூபித்து வருகின்றன.

பாராட்டுக்கள்

அன்புடன்

அன்புள்ள சந்திரசேகர் சார்,

தாங்கள் இங்கே அளித்துள்ள, 'நடிகர்திலகம் சமூக நலப்பேரவை'யின் ஆக்க பூர்வமான, சமுதாயத்துக்கு இப்போது அவசியத்தேவைகளுக்கான செயல்பாடுகள் மனதுக்கு மிகவும் மகிழ்ச்சியளிக்கின்றன.

சத்தமில்லாமல் சாதனைகளைப்படத்தவர் மட்டுமல்லாமல், சத்தமில்லாமல் பல்வேறு சமூக நலனுக்கான பணிகளையும் ஆற்றிவந்த நடிகர்திலகத்தின் பெயரால் அமைந்த பேரவை, அவரைப்போலவே சத்தமில்லாமல் ஆக்கபூர்வமான நடவடிக்கைகளையும், மக்களுக்கு நலம் பயக்கும் திட்டங்களையும் நிறைவேற்றி வருவது மிகுந்த பாராட்டுக்கும், நன்றிக்கும் உரியது. அதனை மீடியாக்கள் (செய்தித்தாள்கள்) இருட்டடிப்புச் செய்யாமல் வெளிச்சத்துக்குக் கொண்டுவருவதைக்கண்டு மனம் மிகவும் மகிழ்ச்சியடைகிறது.

செய்தித்தாள்களைப்போலவே, தொலைக்காட்சி செய்திபிரிவினரும், பேரவையின் இது போன்ற ஆக்கபூர்வமான செயல்பாடுகளை மக்களிடையே கொண்டு சென்று சேர்க்க வேண்டும். தேவையில்லாத எத்தனையோ வெட்டிச்செய்திகளுக்கு கொடுக்கும் இடத்தைக்குறைத்து, இதுபோன்ற பயனுள்ள நடப்புகளை ஒளிபரப்ப வேண்டும் என்று கேட்டுக்கொள்கிறோம்.

தன் சொந்த வேலைகளை இரண்டாம் பட்சமாகப்புறந்தள்ளி, நடிகர்திலகத்தின் புகழ் பரப்பும், அதே சமயம் சமுதாயத்துக்குப் பயனளிக்கும் தங்களின் சேவைக்கு அனைத்துலக நடிகர்திலகத்தின் ரசிகர்கள் சார்பில் மட்டுமல்ல, அனைத்து தமிழ் நெஞ்சங்களின் சார்பில் பல்லாயிரம் நன்றிகள். இந்த சேவையில் மாநிலம் முழுவதும் தங்களுடன் உடன் உழைத்து புகழ் சேர்த்திடும் 'நடிகர்திலகம் சமூக நலப்பேரவை'யின் அனைத்து நிர்வாகிகள் மற்றும் உறுப்பினர்கள், மற்றும் தங்கள் சேவைகளுக்கு ஆதரவளித்து ஊக்குவிக்கும் நிறுவனங்கள் அனைவருக்கும் எங்கள் நெஞ்சார்ந்த நன்றிகள்.

நடிகர்திலகத்தின் ரசிகர்கள் வெறும் வாய்ச்சொல் வீரர்கள் அல்ல என்பதை நிலைநாட்டும் வண்ணம் செயலாற்றிக்கொண்டிருக்கும் சமூகநலப்பேரவையின் பணிகள் தொடர, உங்கள் அனைவருக்கும் இறைவன் நீண்ட ஆயுளைத்தர பிரார்த்திக்கிறோம்.