மனதைக் கவரும் மதுர கானங்கள் - பாகம் 4

வாசு சார்
அந்நாட்களில் வீட்டுக்கு வீடு ஒலித்த பாடல் இன்று வீட்டுக்கு வீடு அதன் பெருமையை வாசு சார் உரைப்பதற்கு மிகவும் பேறு பெற்றுள்ளது என்றே சொல்வேன். பாடலைக் கேட்பதற்கு முன் தங்கள் பதிவைப் படிதது விட்டுக் கேட்டால் அதன் சிறப்பு இன்னும் அதிகம் தெரியும்.
மேடைகளில் திக்குத் தெரியாத வீட்டில் என்ற பெயரில் நாடகமாக நடத்தப்பட்ட போதே நான் பார்ததிருக்கிறேன். இதே நடிகர்கள் தான், நாகேஷ் உட்பட. அரங்கமே அதிரும் ஒவ்வொரு சபா மேடையிலும். அது மட்டுமின்றி விவித் பாரதி தொடங்கப்பட்ட போது, வண்ணச்சுடரில் தினமும் இரவு 9.15 மணிக்கு சில நாட்களுக்கு இந்நாடகத்தை ஒலிபரப்பினார்கள். தேன்கிண்ணம் முடிந்தவுடன் விவித்பாரதியை அணைத்து விடாமல் இந்நாடகத்தையும் கேட்பேன். படமாக்கப்பட்ட விதமும் அருமை. தொய்வின்றி இயக்கியிருப்பார் சி.வி.ஆர்.

மெல்லிசை மன்னரிடம் இசையில் தங்களுக்கென தேவையானவற்றை அருமையாக வாங்கத் தெரிந்த இயக்குநர்களில் குறிப்பிடத்தக்கவர் சி.வி.ஆர்.

பாராட்டுக்கள்.

L 'Avventura(1960)/L'Notte(1961)/L'Eclisse(1962)- Trilogy-Italy- Michel Angelo Antonioni.




ஒரு கவிதையை, நாவலை திரையில் பார்த்து ,அதே உணர்வை காணொளி ஊடகம் மூலம் அதிசய உணர்வை அனுபவித்துள்ளீர்களா?படத்தை நகர்த்த கதை மாந்தர்களின் உள்ளுணர்வும் அவர்களது மன நிலை மட்டுமே போதும் , கதை சம்பவங்கள் தேவையே இல்லை, அப்படி நிகழ்ந்தாலும் கதையை மேலெடுத்து செல்லாமல், அவர்களே மீதி கதாபாத்திர உணர்வுகளை பார்வையிடுவது போல ,உணர்வின்,மாறும் மனநிலையின்(moods ),விரக்தி, சோர்வு,அயர்ச்சி (Boredom )இவற்றை திரையில் உணர்ந்து வாழ்க்கையோடு ஐக்கியம் கண்டிருக்கீர்களா?




நாடக முறையில் கதைசொல்லல், நடைமுறை யதார்த்தம் இவற்றை தூக்கி கடாசி விட்டு , nerration என்னும் சொல்லும் முறையை மாற்றி அமைத்த கவி இயக்கினர் நடைமுறைக்கு விளங்காத ,கடினமான mood pieces (துரித மனநிலை மாற்றங்களின் துண்டுகளை இணைத்தல்) விளக்கமாக ,விஸ்தாரமாக படங்களில் தொடுப்பார். படிமங்கள்,(images ),அமைப்பு முறை (Design )என்பதில் கவனம் செலுத்தி,கதாப்பாத்திரங்களின் விஸ்தார கதை சொல்லல் முறையை தவிர்ப்பார்.ஒரு வித்யாசமான ,மாறுபாடான அமைப்பு ,அது சார்ந்த பார்வை கோணங்கள்,பாத்திரங்களின் நடப்பு முறைகள் என்பது சினிமாவுக்கு எத்தனை சாத்தியங்கள் உள்ளது என்று நமக்கு உணர்த்தி விடும். ஒரு துரித நிகழ்தல் என்பதை தவிர்த்து சின்ன சின்ன விஷயங்களை ,கூரிய பார்வையில் ,மிக மிக விஸ்தார கவனத்துடன் செதுக்குவார்.




apu trilogy என்று சத்யஜித் ரே யின் பதேர் பாஞ்சாலி,அபராஜிதோ,அபுர் சன்சார் சொல்ல படுவது போல Adventure ,Night ,Eclipse என்று பொருள் படும் மூன்று படங்கள் trilogy என்ற வகை.




நான் சுருக்கி பின்னணி கொடுத்தாலும் ,இவை கதை கேட்டு ரசிக்க வேண்டிய படங்களல்ல. பார்த்து உணர வேண்டிய காவியங்கள்.(சன் டீவீ ,கலைஞர் டி.வீ திரைக்காவியங்கள் நினைவு வந்தால் மூளையை dry wash கொடுத்து பின் இங்கு வரவும்)




L 'Avventura அன்னா ,கிளாடியா என்று நண்பிகளையும்,அன்னாவின் ஆண் நண்பன் சாண்ட்ரா என்பரை சுற்றி சுழலும். அன்னா ஒரு அசாதாரண சூழ்நிலையில் மாயமாகி விட ,அவளை தேடியலையும் கிளாடியா,சான்டிரா ஈர்க்க பட, கிளாடியா ஒரு குற்ற உணர்வுடன் இதனை அரை மனதுடன் அணுகுகிறாள். இறுதியில் ,ஒரு நிகழ்வு ,சாண்ட்ரா ஒரு சந்தர்பத்தில் தவறி விட,கிளாடியா குற்றவுணர்வு குறைந்து ஏற்கும் மனநிலைக்கு வருகிறாள். இந்த படம் ஒரு உள்மன பயணம். காட்சியமைப்புக்கள் ,விஸ்தாரமாய் சொல்ல படும் உணர்வு நிலைகள் என்று ஒரு அற்புத படைப்பு.




L 'Notte என்பது கியோவன்னி என்ற கதாசிரியனுக்கும்,லிடியா என்ற அழகான மனைவிக்கும் இடையேயான திருமண பந்தம் சலிப்பும்,அலுப்பும் கொண்டு முறிவை நோக்கி நகரும்.கடைசியில் அவர்கள் வேகத்துடன் ,உறவில் திளைப்பதில் முடியும்.அவன் எனக்கு inspiration இல்லை நினைவுகள் மட்டுமே உள்ளன என்பதும், ஏதாவது செய்யத்தானே வேண்டும் என்று அவள் சொல்வதும்,கணவன் இன்னொரு பெண்ணிடம் அதீத நட்பு விழையும் போது பொறாமை கூட இல்லாத சலித்த மனநிலை அடைவதும்,தன்னை ஒரு காலத்தில் அடைய விரும்பிய நண்பனின் மரணம்,கணவன் தனக்கு எழுதிய பழைய காதல் (அவனுக்கே நினைவில்லாத)கடிதத்தை படிக்க கொடுப்பதும், விருந்தில் பைத்தியக்காரதனமான விரோத உணர்வில்(உப்பு பெறாத விஷயங்களில்) விருந்தினர் ஒருவரையொருவர் கலாய்ப்பதும் ,ஒருவருக்கும் வாழ்க்கையில் உந்துதலோ,நோக்கமோ அற்றிருப்பதை பல்லிளிக்க வைக்கும்.



L 'Eclisse முடிவு trilogy . விட்டோரியோ ,ரிக்கார்டோவின் விருப்பமின்றியே மண மன முறிவுடன் தாயிடம் செல்கிறாள்.அங்கு பியரோ என்ற பங்கு சந்தை தரகனை பார்த்து விருப்பம் கொள்ள ,இறுதியில் இருவருமே குறிப்பிட்ட இடத்தில் சந்திப்பதாக சொல்லி ,இருவருமே வராத முடிவு. அப்பப்பா ,ஒரு கதையில் கூட கதாசிரியர் இவ்வளவு ஆழம் கொடுக்க முடியுமா?பங்கு சந்தை காட்சிகள் (அந்த கால), அங்கு ஒருவருக்கு இரங்கல் நேரத்தின் போதும் மணியடிப்பதும்,அது முடிந்தவுடன் ,உடனே பரபரப்பு திரும்புவதும்,இறந்த மனிதனை பற்றி கவலை படாமல் பியரோ ,காரில் விழுந்த ஒடுக்கி பற்றி கவலை படுவதும்,அம்மாவும் பணம் பற்றிய சிந்தையில்,இவள் பிரச்சினைகளை காது கொடுத்து கேட்க மறுப்பதும்,இவளுக்கே தப்பிப்பே இல்லாத ஆயுள் கிரகணம் பிடித்து விட்டதை காட்டும்.



என் எழுத்தை தொடர்ந்து மற்றதை பார்க்க மனமில்லை என்றாலும், இந்த மூன்று கவிதைகளையாவது பார்த்து சுவையுங்கள்.

முரளி சார்,

நீங்கள் கேட்ட 'ஸ்டெப் பை ஸ்டெப்' திலகத்தின் ஸ்டில்.

http://i61.tinypic.com/65qxl4.jpg

http://i59.tinypic.com/oapslj.jpg

http://i58.tinypic.com/33tscqv.jpg

http://i59.tinypic.com/2wp8481.jpg

Quote:

---

Originally Posted by Murali Srinivas

தெய்வமே தெய்வமே நன்றி சொல்வேன் தெய்வமே!

கோடானு கோடி நன்றிகள் to ரவி & வாசு.

வாசு, நீங்கள் சொன்னது அனைத்தும் உண்மை! அதிலும் " மலர்களெல்லாம் இவளுக்கென்றே மாளிகை அமைத்ததம்மா" என்ற வரிக்கு வலது கையை இடுப்பிலிருந்து ஸ்டெப் பை ஸ்டெப்பாக உயர்த்துவாரே, அந்த இடத்திலேயே நான் சரண்டர்.

வேண்டாம் இத்துடன் நிறுத்திக் கொள்கிறேன்.

அன்புடன்

வாசு, ஒரு விஷயம் தெரியுமா? விளையாட்டு பிள்ளை படத்தை 6 மாதங்களுக்கு முன்பு சென்னை மகாலட்சுமியில் ரிலீஸ் செய்த திரு ரகுபதி அவர்கள்தான் [ நமது ஹப்பிலும் உறுப்பினர்] இரு மலர்கள் படத்தின் rights -ஐ வைத்திருக்கிறார். அவரை பார்க்கும்போதெல்லாம் [நமது NT FAnS மாதாந்திர திரையிடலுக்கு ரெகுலராக வருவார்] நல்ல ஒரு A/c தியேட்டரில் இரு மலர்கள் படத்தை ரிலீஸ் பண்ணுங்கள் என்று சொல்லிக் கொண்டே இருப்பேன். அவரும் நிச்சயமாக என்பார். பார்க்கலாம்!

---

அந்த நாள் நான் அங்கிருப்பேன் முரளி சார்.

Quote:

---

Originally Posted by Murali Srinivas

வாசு, ஒரு விஷயம் தெரியுமா? விளையாட்டு பிள்ளை படத்தை 6 மாதங்களுக்கு முன்பு சென்னை மகாலட்சுமியில் ரிலீஸ் செய்த திரு ரகுபதி அவர்கள்தான் [ நமது ஹப்பிலும் உறுப்பினர்] இரு மலர்கள் படத்தின் rights -ஐ வைத்திருக்கிறார். அவரை பார்க்கும்போதெல்லாம் [நமது NT FAnS மாதாந்திர திரையிடலுக்கு ரெகுலராக வருவார்] நல்ல ஒரு A/c தியேட்டரில் இரு மலர்கள் படத்தை ரிலீஸ் பண்ணுங்கள் என்று சொல்லிக் கொண்டே இருப்பேன். அவரும் நிச்சயமாக என்பார். பார்க்கலாம்!

---

முரளி சார்,

அதாவது, காமெடி என்ற பெயரில் ப்ரொபசர் நாகேஷ், மனோரமா, அவர்கள் குழந்தை குட்டிகளுடன் அடிக்கும் கூத்தை வெட்டி எறிந்துவிட்டுத்தானே.

பாலாவின் "அங்கம் புதுவிதம் அழகினில் ஒருவிதம்" பாடல் பதிவில் சுருக்கமாக வீட்டுக்கு வீடு படம் பார்க்க வைத்து விட்டீர்கள். எனக்கு நல்ல அறிமுகம். வழக்கம் போல் உங்கள் அற்புதமான பதிவு. நன்றி வாசு.

நன்றி கல்ஸ். கதை வேண்டாமென்றால் மனது கேட்கவில்லை. பிடித்த படமும் கூட. அதான்! கொஞ்சம் வேலையும் நிறைய வாங்கி விட்டது. ஆனால் இந்தப் பாடல் என்றால் அப்படி ஒரு பைத்தியம்.

பூவ பூவப் பூவே பாட்டு உங்களுக்கு பிடிபட்ட பின்னணியை நன்றாகச் சொல்லியிருக்கிறீர்கள். கல்ஸ்! எனக்கு ஜோதிகா தையா தக்கா என்று பெண்மையின் நளினம் கொஞ்சமும் இல்லாமல் குதிப்பது பிடிக்கவே பிடிக்காது. ('மணிசித்திரத்தாழு' படத்தில் ஷோபனாவைப் பார்த்துவிட்டு 'சந்திரமுகி'யில் ஜோதிகாவைப் பார்க்க கடுப்பாகவே இருந்தது. அலங்கோல அருவருப்பு. சுத்தமாக ஜோதிகாவை அறவே பிடிக்காது). அதனாலேயே இந்தப் பாட்டு எனக்கு பிடிக்காமல் போய் விட்டது.

ரெண்டாவது அது என்ன பூவ பூவப் பூவே என்றே புரியவில்லை. பூவே என்றால் சரி. பூவ பூவப் பூவே என்றால் என்ன? இந்த சினிமாக்காரர்கள் எதை வேண்டுமானாலும் எழுதி நம் தலையில் கட்டுவார்கள். ரொம்பநாள் எனக்கு இந்தப் பாடல் கூவ கூவ கூவே என்றுதான் விழுந்தது.

இன்று உங்களால்தான் அது பூவே என்று தெரிந்தது. அதற்காக உங்களுக்கு நன்றி! உங்கள் உழைப்புக்கும் நன்றி!

மெல்லிசை மன்னர் குணமடைந்தார். நேற்று தான் திரு முக்தா ரவி
(முக்தா ஸ்ரீனிவாசனின் மகன்) தன் தந்தையுடன் சென்று மெல்லிசை மன்னரை பார்த்துவிட்டு வந்தனர்
சிறிது உணவும் உண்டாராம். எல்லாம் வல்ல இறைவனுக்கு நன்றிகள்


வாசு ஜி.
என்றுமே சலிப்பு தட்டாத படம் வீட்டுக்கு வீடு. ஜேம்ஸ் பாண்ட் இமேஜ் உள்ள ஜெய் இதில் மிகவும் அழகாக சில இடங்களில் நளினமாகக்கூட நடித்திருப்பார். ஆஹா அருமை அருமை

நாகேஷ், ஜலகண்டேஸ்வரா வீ.கே.ஆர் என ஆர்பாட்டம்
பாந்தமான நிர்மலா எப்போதுமே அழகு .. லெக்*ஷ்மி மிடுக்கு

வீட்டுக்க்கு வீடு என்றுமே சலிக்காத மிகச்சிறந்த நகைச்சுவை திரைப்படம்

ஜி
எனக்கு ஜோவை பிடிக்கு, தையா தக்கா என்று குதித்தாலும் ஒரு குறும்பு இருக்கும்
எல்லோரும் என்ன சிம்ரனை போல் இடுப்பை ஆட்டியே ஆட வேண்டுமா.. நின்ற இடத்திலேயே ஆடிய நடிகையர் திலகம் உண்டு .. அதுவும் அழகுதான் ....

சரி சரி .. உமக்கு பிடிக்காது எனக்கு பிடிக்கும் அவ்வளவுதேன்............:)

Knife in the Water -Roman Polanski -Polish -1962

ஒரே கருவில் உருவான Schindler 's List என்ற உலக புகழ் மொக்கை இயக்குனர் Steven Spielberg (உண்மை கதை)படத்தை பார்த்து விட்டு, கிட்டத்தட்ட இதே கருவில் உருவான இன்னொரு உண்மை கதை சார்ந்த (Wladyslaw Szpilman )pianist படம் பார்த்தவர்களுக்கு யார் உண்மை கலைஞன் ,எப்படி ஒரு படத்தை எடுக்க வேண்டும் என்பது புரிந்திருக்கும்.

ரோமன் போலன்ஸ்கி யும் இரண்டாம் உலக போரில் போலந்து நாட்டில் கிட்டத்தட்ட தப்பி பிழைத்தவர். இவர் உண்மை கதையையே யாராவது சினிமா ஆக்கலாம்.அமெரிக்கா வில் வாழ்ந்த போது இவர் மனைவி ,ஒரு குடும்பத்தால் கொலை செய்ய பட்டார். இவரே ஒரு மைனர் சிறுமியை கற்பழித்த குற்றத்தில் கிட்டத்தட்ட கைதாகும் நிலைக்கு சென்று தப்பினார்.(பின்னால் வளர்ந்த அந்த பெண்ணிடம் மன்னிப்பும் கோரினார்)பிரான்ஸ் நாட்டில் அடைக்கலமானார்.

பல கிரிக்கெட் ஆட்கள் (விஸ்வநாத்), Debut வில் century போடுவது போல ,முதல் படமே இவருடைய மிக சிறந்த படமாகி விட்டது விந்தை.உலக அளவில் கொண்டாட பட்டது.

மூன்றே பாத்திரங்கள். அந்த்றேஜ் என்ற கணவன்,கிறிஸ்டினா என்ற மனைவி,பெயர் தெரியாத அவர்களுடன் ஒட்டி கொள்ளும் வழிப்போக்கன்-இளைஞன். முழுக்க படகிலேயே நடக்கும் கதை. ஆனால் ஒன்றரை மணிநேர மனதத்துவ இயங்கு நிலை பாடம். உறவுகள்,அது சார்ந்த அசூயை(envy ),பொறாமை (jealousy ) என்று 90 நிமிட சுவாரஸ்ய பயணம்.

அன்றேஜ் தன மனைவி க்ரிஸ்டினாவுடன் உல்லாச பயணம் செல்லும் போது ,ஒரு வழிப்போக்கன் lift கேட்டு ஏறி கொள்ள அவனையும் அழைத்து செல்கிறான்.தண்ணீர் விளையாட்டுக்கள் அறியாத அவனுக்கு போதிக்கிறான் . ஆனால் போக போக கிரிஸ்டினாவுக்காக,இருவருக்கும் பொறாமையால் மோதல் போக்கு அதிகரித்து, ஆத்திரம் தூண்ட பட்டு ,கைகலப்பில் இளைஞன் தண்ணீரில் விழுந்து விடுகிறான். அவனுக்கு நீச்சல் தெரியாது என்று அவன் தெரிவித்திருந்ததால், அவனை தேடி பார்த்து இயலாமல்,கரைக்கு நீஞ்சி செல்கிறான் கணவன். காவலர்களை அழைத்து வர. ஒளிந்திருக்கும் இளைஞன் (தண்ணீரில்) படகுக்கு வந்து, நிர்வாணமாக சூரிய குளியல் செய்யும் கிரிச்டினாவுடன் ,வாக்குவாதத்துக்கு பிறகு உறவு கொண்டு விடுவான். பிறகு குதித்து தன் வழியே போய் விடுவான். கரைக்கு வந்த பின், கணவனுடன் செல்லும் கிறிஸ்டினா ,இதனை கணவனிடம் தெரிவிக்க........

ஒரு மனதத்துவ படம் ,சுவாரஸ்யமாக மூன்றே பாத்திரங்களை வைத்து ,90 நிமிடம் உலகத்தையே அதிசயிக்க வைத்து, ஒரு இயக்குனரின் மிக சிறந்த முதல் படமாக கொண்டாட பட்டது.

உலக பட ரசிகர் அனந்து ,இதிலிருந்து உருவி,பாலசந்தருக்கு மூன்று முடிச்சு போட உதவினார்.(ஆனால் கேவலமான பாலசந்தர் பாணி முடிச்சு. )

போலன்ஸ்கி யின் பார்த்து ரசிக்க வேண்டிய மற்ற படங்கள் Repulsion ,Rosemary 's Baby ,Pianist .

என் உளமார்ந்த பிரார்த்தனை வீண் போகவில்லை. மெல்லிசை மன்னர் குணமாகி விட்டார். இவருடன் கழித்த மாலை பொழுதுகள்,மனதில் நிழலாடுகின்றது.

Quote:

---

Originally Posted by rajeshkrv

ஜி
எனக்கு ஜோவை பிடிக்கு, தையா தக்கா என்று குதித்தாலும் ஒரு குறும்பு இருக்கும்

---

எனக்குக் கூட ஜோதிலஷ்மியை ரொம்ப பிடிக்கும்ஜி. ஹி...ஹி...தையா தக்கா என்று குதித்தாலும் ஒரு அக்குறும்பு இருக்கும்.:)

வாசு சார்
எனக்கும் ஜோதி லக்ஷ்மியை பிடிக்கும் . என்னமா டான்ஸ் பாருங்கள் .இந்த பாட்டில் .
https://youtu.be/TXkUdYztEt8

Quote:

---

Originally Posted by kalnayak

பூவின் பாடல் 25: "பூவ பூவ பூவ பூவப் பூவே பூவ பூவ பூவ பூவப் பூவே"
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~

திரை அரங்குகளில் சென்று திரைப்படம் பார்ப்பதை மக்கள் குறைத்து விட்டிருந்த நேரம். பாடல்கள் கேசட்டுகளில் வருவதுடன், சீடி மற்றும் டீவீடிக்களில் நல்ல விற்பனையில் சென்று கொண்டிருந்த காலம். எங்கிருந்தோ காற்றின் வழியே வந்த இந்த பாடல் என்னை கவனம் ஈர்த்த கணம், நான் கடலூரில் இருந்து பாண்டிக்கு சென்று கொண்டிருந்தேன். அருகில் இருந்த எனது சகோதரன் (கசின்) சொன்னான் "பூவெல்லாம் கேட்டுப்பார்" என்று புதுப்படம், "பாட்டெல்லாம் கேட்டுப் பார்க்கலாம்" என்றான். யார் படம் என்று கேட்டேன். சூரியா நடித்தது, வசந்த் இயக்கத்தில், யுவன் ஷங்கர் ராஜ இசை என்றான். கேசட் வாங்கி கேட்டுப் பார்த்தேன். எனக்கு நன்றாகவே பிடித்திருந்தது. உங்களுக்கும் பிடித்திருந்திருக்கும்.

---

திரு கல்நாயக் - பூக்களின் நறுமனத்தை சுவைக்க எவ்வளவு நாட்கள் காக்க வைத்து விட்டீர்கள் - இது அநியாயம் சார் ----- தொடருங்கள்

Quote:

---

Originally Posted by rajeshkrv

மெல்லிசை மன்னர் குணமடைந்தார். நேற்று தான் திரு முக்தா ரவி
(முக்தா ஸ்ரீனிவாசனின் மகன்) தன் தந்தையுடன் சென்று மெல்லிசை மன்னரை பார்த்துவிட்டு வந்தனர்
சிறிது உணவும் உண்டாராம். எல்லாம் வல்ல இறைவனுக்கு நன்றிகள்

---

ராஜேஷ் - கூட்டுப் பிராத்தனைகளுக்கு என்றுமே பலன் அதிகம் - msv நலமுடன் என்றும் வாழ்வார் - இது இங்கு இருக்கும் எல்லா நல்ல உள்ளங்களுடைய வேண்டுதல்

வாசு - வீட்டுக்கு வீடு உங்களைப்போல ஒருவர் இருந்தால் தமிழின் சுவையும் , பழைய நினைவுகளுக்கு ஒரு அஞ்சலியும் தினமும் கிடைக்கும் - படம் பார்க்கத்தூண்டும் அலசல் -- வாசுவின் கையிலிருந்து வந்தால் அதன் மனமே தனி தான்

Good Morning

http://i818.photobucket.com/albums/z...psy1vu791z.png

கருவின் கரு - 120:smile2::)

பாகம் 2 - தந்தை

தந்தை - மகள் பந்தம்

உண்மை சம்பவம் 17

எல்லோருக்கும் என் வணக்கங்கள் .என் பெயர் விஜி - இந்த திரி " அம்மாவையும் அப்பாவை"ப்பற்றி எழுத ஒரு அருமையான வாய்ப்பை தருகிறது என்று என் நண்பர்களால் கேள்விப்பட்டேன் . மறந்து போகும் ஜீவன்களை மறக்காமல் பூஜிக்கும் இந்த திரிக்கும் என் அன்பு கலந்த வணக்கங்கள் . என் அப்பாவைப்பற்றி நான் புரிந்துகொண்ட அளவிற்கு எழுதலாம் என்று நினைக்கிறேன் - இந்த பந்தம் ஒரு தெய்வீகம் -- அந்த இறைவனின் உறவைக்கூட அழகாக விவரித்துவிடலாம் - ஆனால் இந்த உறவை விவரிக்க முடியவே முடியாது - எவ்வளவோ கவிகள் பக்கம் பக்கமாக புகழ்ந்து தள்ளி உள்ளார்கள் . உண்மைதான் - ஆனால் அவர்கள் விவரித்தது 50% அளவிற்குக் கூடத்தேறாது ..

எனக்கு கிடைத்த அப்பா மாதிரி உலகத்தில் யாருக்குமே கிடைத்திருக்க முடியாது - இதை மிகுந்த கர்வத்துடனும் , பெருமையுடனும் சொல்கிறேன் - போட்டிக்கு வருபவர்கள் வரலாம் .

நாங்கள் இரட்டையர்கள் - நாங்கள் பிறந்தவுடன் அப்பா சொர்க்கத்தில் ஒரு பெரிய வீட்டையே கட்டிக்கொண்டு விட்டதாக அம்மா சொல்லி கேள்வி -- அவ்வளவு சந்தோஷம் ... இத்தனைக்கும் AG ஆபீஸ் வேலைதான் - பெரிதாக பணத்தைப் பார்க்காத குடும்பம் - வீட்டில் கட்டில் , sofa இல்லாவிட்டாலும் , போதும் போதும் என்று சொல்லும் அளவிற்கு அப்பாவிற்கு கடன் இருந்தது ... ஆனாலும் அவர் முகத்தில் வேதனை ரேகைகள் என்றுமே படர்ந்தது இல்லை -- எங்களுக்கு என்ன வேண்டும் என்பதை நாங்கள் சொல்லாமலேயே உணர்ந்தவர் -

பெண் குழந்தைகளை வேண்டாம் என்று சொல்லும் இந்த காலத்தில் , குப்பைத்தொட்டிகள் அம்மாவாகும் இந்த காலத்தில் இரண்டும் பெண்கள்காக பிறந்தோம் - ஐயோ பெண்ணா - அவ்வளவு தான் என்று சொல்பவர்கள் நிறைந்து இருக்கும் இந்த உலகத்தில் இரு பெண்களைப்பெற்று தலை நிமிர்ந்து நடப்பவர் என் தந்தை - கண்களில் பாசம் என்றுமே வாடாது - மனதில் என்றுமே எங்கள் நினைவுகள் தான் -- எதிலும் எங்களுக்கு வேற்றுமையை காண்பித்ததில்லை - ஒரே கலரில் துணிமணிகள் , அலங்காரங்கள் - பொம்மைகள் ......

அம்மாவிற்கும் பெருமைதான் என்றாலும் மனதில் எப்படி இவர்கள் இருவரையும் ஆளாக்கப்போகிறோம் என்ற ஒரே கவலை -- அப்பாவும் அதிகமாக சேமிக்காமல் எங்கள் இருவருக்கும் வாரி வாரி செலவழிப்பதை அம்மா விரும்பவில்லை -- அதனால் எங்கள் உரிமை அப்பாவிடம் அதிகமாக வளர்ந்தது ....

எங்களுக்கு 3 வயது ஆகும் வரை வீட்டில் ஒரே கொண்டாட்டம் தான் -- கவலை எங்கள் வீட்டில் வேலை செய்ய மறுத்தது .. பிரச்சனை எனக்கு மூன்றாம் பிறையைப்போல , மூன்றாம் வயதில் ஆரம்பித்தது - ஆம் பேச்சு தடைப்பட்டு வர ஆரம்பித்தது . அ --- ம் --- மா ஒரு வார்த்தையைச் சொல்ல 10 நிமிடங்கள் தேவைப்பட்டது

{ Stuttering — also called stammering or childhood-onset fluency disorder — is a speech disorder that involves frequent and significant problems with the normal fluency and flow of speech. People who stutter know what they want to say, but have difficulty saying it. For example, they may repeat or prolong a word, syllable or phrase, or stop during speech and make no sound for certain syllables.
Stuttering is common among young children as a normal part of learning to speak. Young children may stutter when their speech and language abilities aren't developed enough to keep up with what they want to say. Most children outgrow this developmental stuttering.

Sometimes, however, stuttering is a chronic condition that persists into adulthood. This type of stuttering can have an impact on self-esteem and interactions with other people.}

அப்பா உடைந்தே விட்டார் - என்னைக் கூட்டிக்கொண்டு , காண்பிக்காத தெய்வங்கள் இல்லை , போகாத மருத்துவர்கள் இல்லை - பணத்தை முதன் முதல் எங்கள் வீட்டில் தண்ணீரை விட அதிகமாக உபயோகிப்பதைப் பார்த்தோம் . என்னுடைய பிரச்சைனகள் நாளொரு மேனியும் பொழுதொரு வண்ணமாகவும் வளர்ந்தது - என் தங்கைக்கு கடவுள் அருளால் எந்த பிரச்சைனைகளும் இல்லை ... ஒரே கிளாஸ் , ஒரே வகுப்பு -- நண்பர்களின் கேலிப்பேச்சுக்கள் - இதற்க்கு தலைவியே என் தங்கை தான் - ஸ்கூலில் " அம்மா " என்று சொல்லு என்று எல்லோரும் கேட்க்க என்னை அழ விடுவாள் - என் அப்பாவிற்கும் எனக்கும் கண்ணீர் வற்றிப்போய் அம்மாவிடம் தான் கடன் வாங்கி அழுதோம் . அப்பாவிற்கு வேறு வேலை கிடைத்தது - நாசிக்கில் வேலை - வந்து சேர்ந்ததும் , சேராததுமாக ஷ்ரிடி சாய் யை தரிசிக்க சென்றோம் - நடை சாத்தி விட்டபின்பும் அப்பா எழுந்தக்கவே இல்லை -- அவனிடம் முறையிட்டு முறையிட்டு கண்கள் வீங்கி போயிருந்தன - மெதுவாக அப்பாவின் மடிக்குத்தாவினேன் --- என்னைக்கட்டிப்பிடித்துக்கொண்டு விழும் கண்ணீருடன் அதை நிறுத்த சண்டை போட்டுக்கொண்டிருந்தார் .

ஒரு மருத்துவர் இரட்டையர்களில் உங்கள் கவனம் என் மீது அதிகமாக இல்லை அதனால் தான் நான் திக்குகிறேன் என்று வேறுசொல்லி என் தந்தையை என்னிடம் இருந்து பிரிக்கப்பார்த்தார் .. நானும் அழுதேன் - புரிந்தது பாதி - புரியாதது பாதி .

நாட்கள் நகர்ந்தன - இப்பொழுது நான் 6வது வகுப்பு - திக்குவதில் அதிகமான முன்னேற்றம் இல்லை - ஒரேஒரு முன்னேற்றம் - என் தங்கை என்னை இப்பொழுது முன்னே மாதிரி களாய்ப்பதில்லை .. நெருக்கமாய் பழக ஆரம்பித்தாள் .

ஸ்கூலில் அன்று பேச்சுப்போட்டி - தயிரியமாக என் பெயரைக்கொடுத்து விட்டேன் - அப்பாவிடம் கூட சொல்லவில்லை - என் தங்கை என்னைப்பார்த்து சிரித்தாள் - அதில் கேலி இல்லை - அக்கரை இருந்தது . தமிழ் டீச்சர் என்னிடம் " விஜி எதற்கு இந்த விஷப்பரிட்ச்சை - பல ஸ்கூல்கள் கலந்துகொள்ளக்கூடிய போட்டி - வேணுமென்றால் உன் தங்கை கலந்துகொள்ளட்டும் !" - முடியவே முடியாது விட்டுக்கொடுக்க மாட்டேன் --- அப்பாவை நினைத்துக்கொண்டு பேச ஆரம்பித்தேன் -- எப்படி முடித்தேன் என்றே தெரியவில்லை - ஒரே கரகோஷம் -- பேச்சில் எங்குமே தடை வரவில்லை --- அப்பாவிடம் மெடலை காட்ட ஓடினேன் --- அப்பா -- அப்பா உன்ன மகள் இனி திக்க மாட்டாள் ------

அப்பாவும் நானும் எவ்வளவு தடவைகள் அந்த கோல்ட் மெடலுக்கு முத்தம் கொடுத்திருப்போம் என்று கணக்கு வைக்கவில்லை - அப்பாவின் நம்பிக்கை - அவர் என் மீது வைத்த பாசம் , அன்பு , அக்கரை என் கறையை முழுவதும் போக்கியது - இப்பொழுதெல்லாம் ஷ்ரிடிக்குச்செல்வது எங்கள் வாழ்க்கையில் ஸ்கூல் /ஆபீஸ்க்கு தினமும் செல்வதைப்போல ஆகிவிட்டது - தெய்வ நம்பிக்கை ஜெயித்தது - அதை விட என் அப்பாவின் பாசம் வெற்றி பெற்றது என்று சொன்னால் அது மிகை யாகாது .... இப்பொழுது சொல்லுங்கள் நான் எவ்வளவு அதிர்ஷ்ட்ட சாலி என்பதை - இப்படி ஒரு அப்பா எனக்கு கிடைத்ததற்கு நான் என்ன தவம் செய்தேன் ! என் பதிவை பொறுமையுடன் படித்த உங்கள் அனைவருக்கும் என் அன்பு கலந்த நன்றிகள் ----

வணக்கம்

விஜி

https://youtu.be/AlwB7poNlok

கருவின் கரு - 121

பாகம் 2 - தந்தை


தந்தை - மகள் பந்தம்

காற்றடிச்சா மகளுக்கு காவலாக நிற்ப்பாரு
காற்றடிச்சா சூரியனை கைது செய்ய பார்ப்பாரு - அதுதான் என் அப்பா

ராஜேஷ் இந்த கன்னட பாடல் உங்களுக்காக --

https://youtu.be/NEoxMB77cws

கருவின் கரு - 122

பாகம் 2 - தந்தை


தந்தை - மகள் பந்தம்

தாயில்லை எனக்கு என்றிருந்தேன் - தாயாக வந்தாள் -
மகன் இல்லை என் சிதைக்கு நெருப்பூட்ட என்றிருந்தேன் -
மகளாக வந்தாள் - எனக்கும் மரணமே இல்லை என்று சொன்னாள் .

காத்திருந்தேன் அவளுக்கு மணம் முடிக்க --- வாழ்ந்த பந்தம்
உடைந்து விடுமோ என்றே பயந்தேன் - ஒரு மகாராஜனை
கொண்டுவந்தாள் , எனக்கு மகனாக்கினாள் -----

மகளை விட்டு வெகு தூரம் செல்ல நினைத்தேன் - கால்கள் கிளம்பின
மனம் தொடரவில்லை

நீ தானம்மா எனக்கெல்லாம் என்று சொன்னேன் - அப்பா நீ என் வரம்
என்றாள் ..

https://youtu.be/T1zD-Taq9hQ

கருவின் கரு - 123

பாகம் 2 - தந்தை

தந்தை - மகள் பந்தம்

30 வருடங்கள் சென்றன திருமண வாழ்க்கையில் -

மனைவி என்னை இன்னும் புரிந்துகொள்ளவில்லை - மகள் என்னை புரிந்துகொண்டதைப்போல நானே என்னை இன்னும் புரிந்துக்கொள்ள வில்லை ---------

https://youtu.be/ERgis9fP7GI

கருவின் கரு - 124

பாகம் 2 - தந்தை

தந்தை - மகள் பந்தம்

மாறாத உறவு என்று ஒன்றிருந்தால் அதுதான் தந்தை மகள் உறவு -
மறக்கமுடியாத உறவு என்று ஒன்றிருந்தால் அதுதான் அப்பா -மகள் உறவு
தெய்வங்கள் வாழும் உறவில்லே என்ற நம்பிக்கை ஒன்றிருந்தால் அந்த உறவுதான் மகள் தந்தை உறவு -
மீண்டும் பிறந்தால் வேண்டும் உறவு என்று ஒன்றிருந்தால் அதுதான் அப்பா மகள் உறவு

https://youtu.be/0o2CgqhJ0xU

கருவின் கரு - 125

பாகம் 2 - தந்தை

தந்தை - மகள் பந்தம்


https://youtu.be/D1XYn-al8lE?list=RDKPFq22tQfG4

கருவின் கரு - 126

பாகம் 2 - தந்தை[/COLOR][/SIZE]

தந்தை - மகள் பந்தம் [/B]

இந்த பாடலை திரு கோபாலுக்கு சமர்ப்பிக்கிறேன் -நிதர்சன உண்மை வரிகள் .... இதயம் தொடும் குரலில் ..one of the best melodious songs of MS Viswanathan,

https://youtu.be/6rQCM1jo8T0

'துலாரி'யும் 'கல்யாணி'யும்

ராஜ்ராஜ் சாருடன் உரையாடி நீண்ட நாட்களாகி விட்டது.:) இன்று அவருக்காக கொஞ்சம் நேரம் ஒதுக்க ஆசை.:)

ராஜ்ராஜ் சார்,

உங்கள் 'ஜுகல் பந்தி' பாடல்களுக்கு முதல் ரசிகன் நான்தான். 'ஜி'யும் இந்த லிஸ்ட்டில் சேருவார்.

இன்று ஒரு அருமையான 'ஜுகல் பந்தி' பாடலை உங்களுடன் பகிர்ந்து கொள்ள ஆசை.

1949-ல் வெளி வந்த 'துலாரி' படம் பற்றி உங்களுக்கு மிக நன்றாகவே தெரியும். இந்தப் படத்தின் பாடல்கள் நம்மை இன்பக் கிறுக்கு பிடிக்க வைப்பவை.

நௌஷாத்தின் நயமான இசையில் மிக மிக மிக அருமையான பாடல்கள்.

குறிப்பாக ரஃபி பாடிய 'Suhani Raat Dhal Chuki...Na Jaane Tum Kab Aaoge '

'என்ன இனிமை! அப்படியே சொக்கிப் போகலாம் சார்.

அதை விட்டுவிடுவோம்.

இதே படத்தில் ரஃபியும், லதாவும் பாடிய 'Mil milake gayenge ho ho do dil yaha' பாடலைப் பற்றி என்ன சொல்ல! சுரேஷ், மதுபாலா இருவரும் அவ்வளவு ஜென்டிலாகப் பண்ணியிருப்பார்கள்.

1952 ல் 'கல்யாணி' என்ற பெயரில் ஒரு படம் மாடர்ன் தியேட்டர்ஸ் தயாரிப்பில் வந்தது. நம்பியார் நாயகனாக நடித்த முதல் படம் அது. அந்தப் படத்தில் ஒரு பாடலில் நான் மேலே குறிபிட்டுள்ள 'Mil milake gayenge ho ho do dil yaha' பாடலின் டியூனை உபயோகப்படுத்தி இருப்பார்கள்.

தமிழில் இப்படத்திற்கு எஸ்.தட்சணாமூர்த்தியும், ஜி.ராமநாதனும் இசை அமைத்திருந்தார்கள்.

கண்ணதாசன் அப்போதுதான் திரைப்பாடல்கள் எழுத ஆரம்பித்திருந்த நேரம்.

இந்தப் பாடலைப் பாடிய ஆண் பாடகர் யாரென்று கேட்டால் அசந்து போவார்கள். பெண் குரல் கே. ராணி என்பதும் அவ்வளவு எளிதில் அறிய முடியாத ஒன்றுதான்.

சரி! ஆண்குரல் யார்? நமது 'பாடகர் திலக'மேதான். ஆனால் கண்டுபிடிக்கவே முடியாது. 'பாடகர் திலகம்' அவரது குரலில் இந்தப் பாடலைப் பாட, அப்போது அது மறுக்கப்பட்டு, அந்த சமயம் மிகவும் புகழ் பெற்று இருந்த கண்டசாலா அவர்களின் குரல் சாயலில் பாடுமாறு அவரிடம் வற்புறுத்தப்பட்டது.

வேறு வழியில்லாமல் 'பாடகர் திலகம்' குரலை மாற்றிப் பாட வேண்டியதாயிற்று.

'இனி பிரிவில்லாமலே வாழ்வோம் நாம் உலகிலே'
மண நாளே இதுதானே! ஓஹோ! ஆஹா!

என்ற பாடல்தான் அது.

ஆனாலும் பாதகமில்லை. அதே இனிமைதான். ஆனால் இது 'பாடகர் திலகம்' பாடியது என்று சொன்னால்தான் தெரியவே வரும்.

இப்போது முதலில் ஒரிஜினல் இந்திப் பாடலைப் பார்ப்போம்.

https://youtu.be/zeHQMZ5DhnM

'கல்யாணி' படத்தின் வீடியோ பாடல்கள் கிடைக்காததால் 'வேம்பார்' திரு.மணிவண்ணன் அவர்கள் 'துலாரி' படத்தின் 'Mil milake gayenge ho ho do dil yaha' பாடலின் ஆடியோவை எடுத்துவிட்டு, அந்த இடத்தில் அதே டியூனில் ஒலிக்கும் 'கல்யாணி' படத்தின் பாடலான 'இனி பிரிவில்லாமலே வாழ்வோம் நாம் உலகிலே' பாடலின் ஆடியோவை இணைத்துவிட்டார்.

ராஜ்ராஜ் சார்,

'Nagaree yeh...

har ghum sey aajad hai ...

aabad hai ...

'இது போலே....

சுகமும் நான் காண்கிலேன்':)...

'நான் காண்கிலேன்':)

https://youtu.be/nYzajziXn6Q

[QUOTE=vasudevan31355;1234338] எனக்கு ஜோதிகா தையா தக்கா என்று பெண்மையின் நளினம் கொஞ்சமும் இல்லாமல் குதிப்பது பிடிக்கவே பிடிக்காது. ('மணிசித்திரத்தாழு' படத்தில் ஷோபனாவைப் பார்த்துவிட்டு 'சந்திரமுகி'யில் ஜோதிகாவைப் பார்க்க கடுப்பாகவே இருந்தது. அலங்கோல அருவருப்பு. சுத்தமாக ஜோதிகாவை அறவே பிடிக்காது). அதனாலேயே இந்தப் பாட்டு எனக்கு பிடிக்காமல் போய் விட்டது. QUOTE]

+1

எனக்கும் ஜோதிகாவைப் பிடிக்காது. எந்த முகபாவமும் இல்லாத மரக்கட்டை நடிகை. இந்த ஜோதிகா, அசின், அஞ்சலி இவர்களையெல்லாம் எப்படித்தான் பொறுத்துக் கொள்கிறார்களோ தெரியவில்லை.

தசாவதாரம் கிளைமாக்ஸில் அசின் பண்ணும் அழும்பு கடுமையான எரிச்சலை உண்டுபண்ணும். முதல்படம் வெற்றியடைந்ததும் ஓவராக அலட்டிக்கொண்டு காணாமல் போன சந்தியாவும் இப்பட்டியலில் இடம்பெறுபவரே.

Courtesy: Tamil Hindu

காற்றில் கலந்த இசை 10: இரவு, வானம், மவுனம், இசை



கழுகு’ படத்தில் ரதி, ரஜினி

1980-களில் வெளியாகி வெற்றிபெற்ற பல திரைப்படங்கள் முதிர்ச்சியான ரசிகர்களுக்கானவை யாக அல்லாமல், சிறுவர்களுக் காகவே எடுக்கப்பட்டதாக இப்போது தெரிகிறது. தர்க்கரீதியான கேள்விகளை அலட்சியம் செய்தபடி தன் போக்கில் நகரும் அவ்வாறான படங்கள் தமிழில் பல உண்டு.

ஆனாலும், சாகசங்களை விரும்பும் இளம் மனங்களுக்குப் பெரும் விருந்து படைத்த படங்கள் அவை. அப்படியான சாகசப் படங்களில் ஒன்று எஸ்.பி. முத்துராமனின் இயக்கத்தில் ரஜினி, ரதி நடித்த ‘கழுகு’. காதல் திருமணம் செய்துகொள்ளும் ரஜினி-ரதி ஜோடிக்குப் திருமணப் பரிசாக ஒரு பேருந்து வழங்கப்படும்.

படுக்கை, குளியல் வசதிகள், சமைக்கும் கருவிகள் என்று சகல வசதிகளுடன் ஒரு நகரும் வீடாக இருக்கும் அந்தப் பேருந்தில், நெருங்கிய நண்பர்களின் துணையுடன், இதுவரை அறிந்திராத பகுதிகளுக்கு அவர்கள் பயணம் செய்வார்கள். புதிய இடம் ஒன்றில் அவர்கள் சந்திக்கும் மர்மமான சம்பவங்கள்தான் படத்தின் கதை. படம் முழுவதும் குதூகலம் தரும் பயணத் துணையாக, இளையராஜாவின் இசை கூடவே பயணிக்கும்.

மலைக் காற்றின் தீண்டல்

பாடல்களில் இசைக் கருவிகளுக்கு மாற்றாக, குரல்களை வைத்து இளையராஜா செய்த பரிசோதனைகள் நிறைய உண்டு. முற்றிலும் புதிய அனுபவத்தை ரசிகர்களுக்குத் தந்த பாடல்கள் அவை. இப்படத்தில் இடம்பெறும், ‘பொன்னோவியம்… கண்டேனம்மா எங்கெங்கும்’ பாடல் அவற்றில் ஒன்று.

பசுமையான மலைப் பாதைகளின் வழியாகச் செல்லும் பேருந்துக்குள் இருந்தபடி, இயற்கையை ரசிக்கும் காதலர்கள் பாடும் பாடல் இது. ‘லலலலலா…’ என்று பல குரல்களின் சங்கமமாக ஒலிக்கத் தொடங்கும் ஹம்மிங்குடன், துள்ளலான தாளம் இனிமையைக் கூட்டும். ‘பொன்னோவியம்…’. என்று எஸ். ஜானகியின் குரல் தொடங்கும்போது மலைக் காற்றின் ஸ்பரிசத்தை உணர முடியும். இயற்கையின் வசீகரத்தைக் கொண்டாடும் மகிழ்ச்சியுடன் உற்சாகமாகப் பாடியிருப்பார் இளையராஜா.

முதல் சரணத்துக்கு முன்னதான நிரவல் இசையில் ஒலிக்கும் குரல்கள், கொண்டாட்டத்தில் துள்ளும் என்றால், இரண்டாவது சரணத்துக்கு முன்னதான நிரவல் இசை சலனமற்று உறைந்து கிடக்கும் நதிக்கரையின் அமைதியைக் கண்முன் நிறுத்தும். ‘ம்ம்ம்..ம்ம்ம்’ என்று ஆண் பெண் குரல்கள் இணைந்து ஒலிக்கும்போது, இயற்கை தேவதைகளே இளம் ஜோடியை வாழ்த்துவதுபோல் இருக்கும்.

இளையராஜா பாடிய பெரும்பாலான டூயட் பாடல்களில் அவருக்குத் துணையாகப் பாடியிருப்பவர் எஸ். ஜானகிதான். தனது அபாரமான கற்பனை வீச்சின் நுட்பங்களை மிகச் சரியாகப் புரிந்துகொண்ட பாடகி என்பதால், தான் பாடும் பாடல்களில் ஜானகியின் குரலை இளையராஜா பயன்படுத்தியிருக்க வேண்டும். இருவரும் பாடிய மிகச் சிறந்த பாடல்களில் ஒன்று இப்பாடல்.

கனவில் ஒலிக்கும் பாடல்

ஆயிரக் கணக்கான திரைப் பாடல்களைப் பாடியவர்களுக்குக் கிடைக்கும் புகழ், சிலருக்கு ஒரே பாடல் மூலம் கிடைத்துவிடும். இப்படத்தில் இடம்பெறும் ‘காதல் எனும் கோவில்’ பாடலைப் பாடிய சூலமங்கலம் முரளி அந்த வகையைச் சேர்ந்தவர். சூலமங்கலம் சகோதரிகளில் ஒருவரான ராஜலட்சுமியின் மகன் இவர். சில பக்திப் பாடல்களைப் பாடியிருக்கிறார். ஆனால், சினிமாவில் அவர் பாடிய பாடல், அநேகமாக இது மட்டும்தான். பல உயரங்களுக்கு அனாயாசமாகப் பறந்து செல்லும் குரல் இவருடையது.

இந்தப் பாடல் உருவாக்கும் கற்பனை மிக நுட்பமானது. மாலை நேரத்தின் மஞ்சள் நிறம் கரைந்துவிடாத இரவின் தொடக்கம். கடல், மலை, மரங்கள் என்று எதுவுமே இல்லாத பரந்த சமவெளி. பூமியைத் தொட்டுக்கொண்டே புரளும் பிரம்மாண்டமான திரையாக வானம். அதில் ஆங்காங்கே நட்சத்திரங்கள்.

அசையாதச் சித்திரமாக விரிந்திருக்கும் இந்த கனவுப் பிரதேசத்தின் அமைதிக்கு நடுவில் மென்மையாக ஒலிக்கத் தொடங்குகிறது கிட்டார். சற்று நேர நடைக்குப் பின்னர் மெதுவாக ஓடத் தொடங்குவதுபோல், தொடக்க இசைக்குப் பின்னர் வேறுபட்ட திசையில் பாடல் திரும்பும். வேகம் கூடும் கிட்டாருடன், புல்லாங்குழல் ரகசியமாகக் கொஞ்ச, பாடல் தொடங்கும்.

நிரவல் இசையில் வயலின் சேர்ந்திசையில், விமானம் தரையிலிருந்து வானத்துக்கு ‘டேக்-ஆஃப்’ செய்யும் அற்புதத்தை உணர முடியும். சர்வதேசத் தரத்தில் அமைக்கப்பட்ட இசை இது. தரையில் கால் பாவாமல் அந்தரத்தில் மிதந்து செல்லும் உணர்வைத் தரும் இப்பாடல் தரும். கனவுகளில் தோன்றும் நிலப்பரப்பின் இசை வடிவம் என்றும் இந்தப் பாடலைச் சொல்லலாம்.

கோடை விடுமுறைச் சுற்றுலாவை நினைவுபடுத்தும் ‘ஒரு பூவனத்தில’ எனும் பாடலை எஸ்.பி.பி. பாடியிருப்பார். சிறு மலர்கள் அடர்ந்திருக்கும் புல்வெளி மீது தரைவிரிப்பைப் பரப்பி அமர்ந்துகொண்டு கேட்க வேண்டிய பாடல் இது. போலிச் சாமியாரின் மர்மங்களை வெட்ட வெளிச்சமாக்கும் வகையில் ரஜினி ஆடிப் பாடும் ‘தேடும் தெய்வம்’ எனும் பாடலைத் தனக்கே உரிய உற்சாகத்துடன் பாடியிருப்பார் மலேசியா வாசுதேவன்.

Courtesy: Tamil Hindu

சினிமா ரசனை 4: உயிரைப் பணயம் வைத்து ஒரு சினிமா!


‘ஒன்ஸ் அபான் எ டைம் இன் மெக்ஸிகோ’ படத்தில்

நீங்கள் ஒரு இயக்குநராக இருந்தால், ஒரு திரைப்படம் எடுக்க உச்சபட்சமாக என்னென்ன சோதனைகளை எதிர்கொள்வீர்கள்? ஒரு மாத காலம் தன் உடலையே மருந்துகளைப் பற்றிய பரிசோதனைகளுக்காக ஒப்புக்கொடுத்து, பல விதமான வாதைகளை அனுபவித்து, அதன் மூலம் திரட்டிய பணத்தில் படம் எடுத்து உலகப் புகழ் பெற்ற ராபர்ட் ரோட்ரிகஸ் பற்றி உங்களுக்குத் தெரியுமா?

திரைப்படத் துறையில் ரோட்ரிகஸைப் போல உத்வேகமூட்டும் ஒரு நபரைக் காண்பது மிகவும் அரிது. யார் வேண்டுமானாலும் படம் எடுக்கலாம் என்று இன்றும் உறுதியாக நம்புபவர் அவர். அவரைப் பின்பற்றியே பலரும் தனியாளாகப் படம் எடுத்திருக்கின்றனர். ஒரு மிகப் பெரிய குழுவை வைத்துக்கொண்டு படம் எடுப்பதையோ, பலகோடி டாலர்கள் கொட்டுவதையோ விரும்பாத நபர் அவர். படமெடுப்பதில் கிட்டத்தட்ட ஒருவித கெரில்லா ஸ்டைலைப் புகுத்தியவர்.

அவரது ஊக்கமூட்டும் முயற்சிகளைப் பற்றிய கட்டுரைதான் இது. திரைப்படம் என்பது பலரும் சேர்ந்து பணியாற்றும் ஒரு துறை. இயக்குநர் என்பவர்தான் எந்த ஒரு திரைப்படத்துக்கும் தலையாய நபர். என்றாலும், அவரின் கீழ் ஏராளமானவர்கள் பணியாற்றினால்தான் எந்த ஒரு திரைப்படமும் முழுமையடையும். அப்போதுதான் அந்த இயக்குநரின் பார்வை மழுங்காமல் திரைப்படத்தில் இடம்பெறும். ஆனால், கடந்த சில வருடங்களாக, குழு சார்ந்து பணியாற்றும் முறை மெதுவே தகர்ந்து, உலகம் முழுக்கவே மெல்லமெல்லத் தனியாகவே படமெடுக்கும் முறை அதிகரித்துவருகிறது.

எப்படியென்றால், ஒரு நபருக்கு ஒரு திரைப்படம் எடுக்க வேண்டும் என்ற எண்ணம் இருக்கிறது என்று வைத்துக்கொள்ளலாம். எப்படியாவது முயற்சி செய்து ஒரு கேமராவைத் தயார் செய்கிறார். தனது மனதில் இருக்கும் கதையை விரிவாக எழுதிக்கொண்டு, அந்தக் கதை நடக்கும் களத்துக்குச் செல்கிறார்.

அங்கே இருக்கும் நிஜமான மக்களை வைத்துக்கொண்டு, அவர்களிடம் பேசி, அவர்களையே கதாபாத்திரங்களாக ஒப்பந்தம் செய்துகொள்கிறார். இவரே ஒளிப்பதிவாளராகவும் மாறி, படத்தை எடுக்கிறார். பின்னர் எடிட்டிங், டப்பிங், ஒலிக்கலவை முதலியே எல்லா வேலைகளையும் இவரே செய்து படத்தை முழுமையாக உருவாக்குகிறார். இதுதான் உலகெங்கும் பிரபலமாக இருக்கும் One man film crew என்ற வகை. பல வருடங்கள் முன்னரே ஹாலிவுட்டில் சிலர் முயன்று பார்த்து வெற்றியடைந்த விஷயம் இது.

படிக்கும்போது மிக எளிதானதாக இது தோன்றலாம். ஆனால், நிஜத்தில், திரைப்படம் ஒன்றை எடுக்க வேண்டும் என்ற வெறி மூளை முழுதும் ஆக்கிரமித்தால் மட்டுமே சாத்தியப்படும் விஷயம் இது.

உதாரணமாக, ராபர்ட் ரோட்ரிகஸ் என்ற இளைஞர் சிறு வயதிலிருந்தே குறும்படங்கள் மூலமாக மிகவும் திறமைசாலி என்று பெயர் எடுத்திருந்தார். இந்தக் குறும்படங்களும் மலிவான கேமரா ஒன்றில் தனது சகோதர சகோதரிகளை வைத்து இயக்கியவைதான். ஆனாலும், அவரது அபாரமான திறமையால் பல திரைவிழாக்களில் அவை பரிசு வாங்கின (‘Bedhead’ என்ற குறும்படம் இன்றைக்கும் பிரபலம்).

இதனால் உந்தப்பட்டு, முழு நீளத் திரைப்படம் ஒன்றை எடுக்கும் முயற்சியில் ரோட்ரிகஸ் இறங்குகிறார். ஆனால், அவரிடம் கையில் ஒரு பைசா கூடப் பணமில்லை. என்றாலும் மனம் தளராமல், படம் எடுக்க எவ்வளவு செலவாகும் என்று கணக்குப் போடுகிறார் ரோட்ரிகஸ். மிகக் குறைந்த பட்ஜெட் என்றால்கூட, 7,000 டாலர்கள் ஆகும் என்று தெரிகிறது. படத்தை எடுக்க இந்தப் பணத்தை எப்படிச் சம்பாதிப்பது?

ரோட்ரிகஸின் ஊரில் ஒரு மருந்து தயாரிப்பு நிறுவனம் உண்டு. அங்கே சென்று நம்மை நாமே சோதனை எலியாக ஒப்புக்கொடுத்தால் பணம் கிடைக்கும். இப்படி, ஒரு மாதப் பரிசோதனைக்கு 3,000 டாலர்கள் கிடைப்பது தெரிந்துகொண்டு, அங்கே உடனடியாக சென்று தன் பெயரை ரோட்ரிகஸ் பதிவுசெய்துகொண்டார்.

தினமும் அடிக்கடி ஊசி போட்டு ரத்தம் எடுப்பார்கள். ஆனால், அட்டகாசமான சாப்பாடு கிடைக்கும். சில பல சோதனைகளுக்குப் பின் ரோட்ரிகஸ் தேர்வாகிறார். உள்ளே நுழைகிறார். முதல் நாளில் பல முறை ரத்தம் எடுக்கிறார்கள். அவர்களின் மருந்தை உடலில் செலுத்துகிறார்கள். நரக வேதனை. பொறுத்துக்கொள்கிறார் ரோட்ரிகஸ்.

ஒரு வாரம் கழித்து, அங்கே கிடைக்கும் 24 மணி நேர ஓய்வில் திரைக்கதையை எழுத ஆரம்பிக்கிறார். அங்கு இருக்கும் இன்னொரு நபரும் இவருக்கு நண்பராக ஆக, அவரிடமும் இன்னொரு 3,000 டாலர்கள் தேறுகிறது. பாக்கிப் பணத்தை எப்படியோ அங்குமிங்கும் புரட்டுகிறார்.

பணத்தை வாங்கிக்கொண்டு வெளியே வந்து, ஒரு நண்பரிடம் இருந்த ஆரிஃப்ளெக்ஸ் கேமராவை இரண்டு வாரங்கள் கடனாக வாங்கிக்கொள்கிறார். படம் நடக்கும் களமான மெக்ஸிகோவின் சிற்றூர் ஒன்றுக்குச் சென்று, அங்கிருப்பவர்களை வைத்தே படத்தை முடிக்கிறார். படத்தின் டப்பிங், எடிட்டிங் ஆகியவற்றுக்கு ரோட்ரிகஸ் கஷ்டப்பட்டது தனிக்கதை. ஆனால், மனம் தளராமல் படத்தை எடுத்து முடித்து இறுதியான வடிவத்தைத் தயார் செய்கிறார்.

இப்படி எடுக்கப்பட்ட படம், பற்பல சம்பவங்களுக்குப் பின்னர் கான் திரைப்பட விழாவில் திரையிடப்பட்டு அங்கே பரிசும் பெறுகிறது. உலகெங்கும் பிரபலமான இயக்குநராக மாறுகிறார் ரோட்ரிகஸ். அந்தப் படம் - எல் மரியாச்சி (El Mariachi). இதன்பின் அதன் இரண்டாம், மூன்றாம் பாகங்களையும் (Desperado, Once upon a Time in Mexico) வெளியிடுகிறார். இன்று ஹாலிவுட்டின் மிகச் சிறந்த இயக்குநர்களில் ஒருவராகத் திகழ்கிறார். கிட்டத்தட்ட 20 வருடங்களுக்கும் மேலான அனுபவம் உடையவர். ஆனால் வயதோ நாற்பதுகளில்தான்.

இவரது வாழ்க்கை, திரைப்படம் எடுக்க விரும்பும் அனைவருக்கும் அவசியம் உற்சாகமூட்டக்கூடியது. ஏழை இளைஞனாக இருந்த அவர் எப்படித் தனது முதல் படத்தைத் தனியொரு ஆளாக எடுத்தார் என்ற அருமையான கதையை ‘Rebel Without a Crew' என்ற பெயரில் புத்தகமாக எழுதி வெளியிட்டிருக்கிறார். திரைப்படம் எடுக்கும் தாகம் உள்ள அனைவரும் அவசியம் பலமுறை படிக்க வேண்டிய புத்தகம் இது.

ரவி சார்,

'மகளுக்காக'

http://i.ytimg.com/vi/oyIo0e9RYng/hqdefault.jpg

இதோ மகளுக்காகவே தந்தை வாழ்ந்து வாழ்க்கையை இழந்த கதை. மகளுக்காகக் கொள்ளையடித்து ஒரு குற்றத்திற்காக ஜெயிலுக்குப் போகும் தந்தை (ஏ.வி.எம்.ராஜன்) தன் சிறுவயது மகளை நண்பனின் கண்காணிப்பில் நம்பி விட்டு விட்டுப் போகிறான். ஆனால் நண்பனோ மகளைக் கவனித்துக் கொள்வதாகச் சொல்லி, அவளைத் தனியே தவிக்க விட்டு, ஜெயிலில் இவனைச் சந்தித்து அவன் மகளுக்காக சம்பாதித்து வைத்திருந்த பணத்தையெல்லாம் எங்கிருக்கிறது என்று கேட்டு வாங்கி பிடுங்கித் தின்கிறான்.(எம்.ஆர்.ஆர்.வாசு) மகளும் பெரியவளாகி விட்டாள் (ஜெயா). சூழ்ச்சி, வஞ்சகம் தெரியவர சிறையிலிருந்து தப்பி மகளைக் காண ஓடுகிறான் தந்தை.

புகையாக, கொஞ்சமாக என் மனதில் நிழலாடும் 'மகளுக்காக' படத்தில் வரும் பாடலின் சிச்சுவேஷன் இதுதான்.

ஜெயிலிருந்து தப்பி, காவலர்கள் வலை விரித்துத் தேட, தன் மகளைப் பார்க்க ஓடோடி வரும் இந்த பரிதாபத் தந்தையின் தணியாத ஆசையைப் பாருங்கள். அவனுடைய ஆர்வத்தையும், வேகத்தையும் பாருங்கள். காட்டாற்று வெள்ளம் போல கட்டுப்படுத்த முடியாத அவன் கால்களைப் பாருங்கள். மகளைச் சந்திக்கப் போகும் மகிழ்ச்சி அவன் முகத்தில் பொங்குவதைப் பாருங்கள். காடு, மலை இவைகளைத் தாண்டி மகளைப் பார்க்க ஓடுவதைப் பாருங்கள். ஜெயில் தண்டனை, கொடுமை இவற்றால் தாடி மீசையுடன் உருக்குலைந்து போன முகம் அதையெல்லாம் மீறி மகளின் முகத்தைப் பார்க்கப் போவதால் மதியாய் ஒளி வீசுவதைக் காணுங்கள். எதுவுமே அவன் கண்களுக்குத் தெரியவில்லை. உடல், உள்ளம், உயிர் அனைத்திலும் அவன் மகளைச் சுமந்து திரிகிறான்.

அதுதான் தந்தை...அதுதான் பாசம். இந்தத் தந்தை 'தந்தை' என்ற அனைத்து இலக்கணங்களுக்கும் உட்பட்டவன். உதாரணமானவன். பாசத்திலிருந்து கொஞ்சமும் தடம் புரளாதவன். மகளுக்காகவே உயிரைக் கையில் பிடித்து வைத்திருப்பவன். மகள் வாழ்வேதான் அவன் வாழ்வு.

அவன் பாடும் பாடலைக் கேளுங்கள்.

https://i.ytimg.com/vi/qxvXHrSo2FE/hqdefault.jpg

இனிமேல் எனக்கென்ன கவலை
இனிமேல் எனக்கென்ன கவலை
என் இதயம் பார்ப்பது மகளை
உறவே எனக்கவள் எல்லை
இனி உலகம் வேறேதும் இல்லை
உறவே எனக்கவள் எல்லை
இனி உலகம் வேறேதும் இல்லை

ஆசைமகளே ஆசை மகளே
எல்லாம் உனக்காக
நான் அன்றிலிருந்து அலைந்தே திரிந்து
வாழ்வது உனக்காக

இனிமேல் எனக்கென்ன கவலை

பாலில் நனைந்து தோளில் வளர்ந்த
பச்சைக் கிளிக்காக
நான் பாசம் கொண்டு இருட்டில் இருந்தேன்
மகளே உனக்காக

பாலில் நனைந்து தோளில் வளர்ந்த
பச்சைக் கிளிக்காக
நான் பாசம் கொண்டு இருட்டில் இருந்தேன்
மகளே உனக்காக

வாசலில் நின்று வரவேற்பாயோ
மகளே எனக்காக
நான் வந்ததும் உந்தன் மடியினில் கிடப்பேன்
தாயின் நினைவாக

ஆசைமகளே ஆசை மகளே
எல்லாம் உனக்காக
நான் அன்றிலிருந்து அலைந்தே திரிந்து
வாழ்வது உனக்காக

இனிமேல் எனக்கென்ன கவலை

பதினான்காண்டு ராமன் காட்டில்
வாழ்ந்தது வனவாசம்
அந்த பாண்டவர் கூட்டம் காட்டில் இருந்ததை
பாரதக் கதை பேசும்

இதுநாள் வரையில் நானும் வாழ்ந்தது
எல்லாம் எதற்காக
அந்த இறைவன் தடுத்தால் நானும் எதிர்ப்பேன்
மகளே உனக்காக

ஆசைமகளே ஆசை மகளே
எல்லாம் உனக்காக
நான் அன்றிலிருந்து அலைந்தே திரிந்து
வாழ்வது உனக்காக

இனிதே வாழ்ந்திட வேண்டும் என்றே
இருந்தேன் நானம்மா
என் எண்ணம் முடிந்தது
கண்ணும் குளிர்ந்தது
வருவேன் இனி அம்மா

இனிதே வாழ்ந்திட வேண்டும் என்றே
இருந்தேன் நானம்மா
என் எண்ணம் முடிந்தது
கண்ணும் குளிர்ந்தது
வருவேன் இனி அம்மா

காட்டிலிருந்து கண்ணீர் வடித்தேன்
கண்மணி உனக்காக
நான் கடமையைச் செய்தேன் வருவது வரட்டும்
வாழ்வே அதற்காக

ஆசைமகளே ஆசை மகளே
எல்லாம் உனக்காக
நான் அன்றிலிருந்து அலைந்தே திரிந்து
வாழ்வது உனக்காக

இனிமேல் எனக்கென்ன கவலை
என் இதயம் பார்ப்பது மகளை
உறவே எனக்கவள் எல்லை
இனி உலகம் வேறேதும் இல்லை

இனிமேல் எனக்கென்ன கவலை

பாடலைப் பார்க்காதவர்கள், கேட்காதவர்கள் கேட்டால் 'நடிகர் திலகம்' நினைவுக்கு வருவது அவர்கள் தவறல்ல.

ஏ.வி.எம்.ராஜன் தந்தை வேடத்தில் தன்னை நடிகர் திலகமாகவே ஆக்கிக் கொண்டு, மாற்றிக் கொண்டு நடிக்க முயற்சி செய்து கொஞ்சம் வெற்றி பெறுவார்.

டி.எம்.எஸ்ஸிடம் நடிகர் திலகத்துக்கு பாட வேண்டும் என்று சொல்லி விட்டார்கள் போலிருக்கிறது.

ரவிச்சந்திரன் கூட ஜெயாவின் ஜோடியாய் நடித்திருப்பார் என்று நினைவு.

ஜெயாவுக்கு ஈஸ்வரி ராட்சஸி பாட, ரவி கிடார் வாசித்து 'அட என்னாங்க ஆண்டவனே பாட்டுக் கேட்க ஆசையா?' என்ற அபூர்வ பாடல் ஒன்றும் நினைவில் இருக்கிறது

ராகவேந்திரன் சார் கிளியர் பண்ண வேண்டுகிறேன்.

எப்படியிருந்தாலும் மகளுக்காக தந்தை உருகும் பாடலில் இப்பாடல் தலையாய பாடல்தான்.

https://youtu.be/oyIo0e9RYng

வாசு - மறுபடியும் திரு கோபாலிடம் இருந்து கடன் வாங்க வேண்டியுள்ளது -- " எப்படி என் மனதை படித்தீர்கள் ?" - கடைசியில் எழுதலாம் என்று நினைத்தேன் - என்னிடம் இருந்து நெய்வேலிக்கு தப்பிசென்ற புண்ணியம் செய்த பாடல்களுள் இதுவும் ஒன்று . 100 பதிவுகளில் நான் எழுதுவதை நீங்கள் ஒரே பாடலில் அலசி தனி முத்திரை பதித்து விடுகிறீர்கள் ..... எனக்கு avmr நடிப்பு அவ்வளவாக பிடிக்காது - அலட்டல் அதிகம் நடிப்பு என்ற பெயரில் - இவர் " தெய்வத்தில்"நடிப்பதைப்பார்த்து தெய்வமே தேவரை விட்டு ஓடிவிட்டதாக கேள்வி . மிகவும் அடக்கி வாசித்த படம் " தில்லானா மோகனாம்பாள் " . ஆமாம் - தலையான பாடல் இதுதான் என்று எழுதி இருக்கிறீர்கள் ---- அங்கு தான் கொஞ்சம் உதைக்கிறது -

தாயின் வாழ்வு முடிந்துபோனால் தந்தைக்கு என்று யாரும் இல்லை
தந்தை வாழ்வு முடிந்துபோனால் தாயின் மஞ்சள் நிலைப்பதில்லை - ஒருவராக வாழ்கின்றோம் - பிரிவதர்க்கோ இதயமில்லை -----

இந்த பாடலை விடவா வேறு எந்த பாடலும் - தந்தை மகள் உறவை சொல்வதில் தலையாக இருக்க முடியும் ( கவனிக்க மறந்து விட்டீர்கள் என்று நினைக்கிறேன் !)

மீண்டும் நன்றி என்னுடன் சேர்ந்து பயணம் செய்வதற்காக !!

டியர் ரவி சார்,

தங்களின் கருவின் கரு தொடர் மிக அருமையாக பயணிக்கிறது.

விஜியின் பள்ளிப்பருவ சம்பவம் மனதை கனக்க வைத்தது.

எங்கிருந்து பிடிக்கிறீர்கள், இவ்வளவு பொருத்தமான உண்மைச் சம்பவங்களை?. ஒவ்வொரு பாடலுக்கும் பொருத்தமான இணைப்புகள்.

அற்புதம் என்பதைத்தவிர வேறொன்றும் சொல்லத் தோன்றவில்லை (நானும் முரளி சாரின் தீவிர ரசிகன்)

டியர் வாசு சார்,

நான் 'மகளுக்காக' படம் பார்த்தபோது இந்தப்பாடல் அவ்வளவு தாக்கத்தை ஏற்படுத்தவில்லை என்பதே உண்மை. (என்னிடம் ஏ,வி.எம். ராஜனின் தனிப்பாடல்களில் முதலிடம் பாடகர் திலகத்தின் பாடல்களில் 'காசேதான் கடவுளப்பா' , பாலா பாடல்களில் 'திருமகள் தேடிவந்தாள்' )

ஆனால் உங்கள் பதிவைப்படித்தபின் 'மகளுக்காக' பாடலின் மீதும் சற்று பிடிப்பு ஏற்பட்டுவிட்டது. ஆனால் பாடலில் ராஜனை இன்னும் சற்று முதுமையாக காட்டியிருக்கலாமோ என்று தோன்றியது.

நல்ல அருமையான ஆய்வு. சிறப்பான பதிவு.

ரவி சார்,

தில்லானாவில் ராஜன் எடுபட்ட காரணம், அவரைப்பேச விடவில்லை. விட்டிருந்தால் இழுத்து இழுத்து பேசி ஒருவழி ஆ(க்)கியிருப்பார். நல்லவேளை ஏ.பி.என்.கடிவாளம் போட்டார்.

நன்றி ரவி சார்.

அப்படி அல்ல அது. நீங்கள் வேற ரூட்டில் போய் விட்டீர்கள்.:)

இந்தப் படத்தின் உயிர் நாடியே அந்தத் தகப்பன் பாசம்தான். பாடலில் அது இன்னும் பிரதிபலிக்கும்.

நீங்கள் கூறிய வரிகளில்

//தாயின் வாழ்வு முடிந்துபோனால் தந்தைக்கு என்று யாரும் இல்லை
தந்தை வாழ்வு முடிந்துபோனால் தாயின் மஞ்சள் நிலைப்பதில்லை - ஒருவராக வாழ்கின்றோம் - பிரிவதர்க்கோ இதயமில்லை -----//

இதில் மகளைப் பற்றியே வரவில்லையே! (மகளைப் பற்றிய பாடல் என்றாலும்) இது மகளை நடுவில் தெரியாமல், அறியாமல், புரியாமல் பிரிந்து பின்பு வேதனைப்படும் தந்தை புலம்பல். இது வேறு. பிரிவுத் துயரம் மட்டுமே பாடலின் பிரதானம்.

'யாருமில்லை எனக்கே என்று ஓடி விட்டாய் என் மகளே'

என்று பின்னாடிதான் வரிகள் வரும்.

ஆனால் 'மகளுக்காக' படத்தில் பாடலின் வரிகளைக் கவனியுங்கள். ஆரம்பம் முதல் மகளுக்காகவே வாழ்ந்து, மகளுக்காகவே சிறை சென்று, மகளுக்காகவே மடியும் தந்தையின் பாசக்குரல்.

பாடலின் ஒவ்வொரு வரியையும் மீண்டும் படிக்கவும்.

பாடல் முழுதுமே மகளைப் பற்றியது. வேறு எதுவுமே இருக்காது.

ஆகவே வரிகள் முழுதும் மகள் பாசம் மட்டுமே உணர்த்தப்படுவதால் பாடல் சிறந்தது என்று கூறியுள்ளேன். நடிப்பை வைத்தோ கதையை வைத்தோ, நடிகரை வைத்தோ அதைக் கூறவில்லை. அதனால்தான் அப்படிக் கூறினேன்.

இந்த இடத்தில் நீங்கள் நடிகர் திலகத்தைப் போட்டுக் குழப்பிக் கொண்டீர்கள்:) என்று புரிகிறது. பாசத்துக்கு அவர் பாடல்கள்தான் டாப் என்று சொல்ல வருவதும் புரிகிறது. ஆனால் அது வேற டிபார்ட்மெண்ட். அப்படி இருப்பதும் பாராட்டுதலுக்கு உரியதுதான்.

இப்போது உங்களுக்குப் புரிந்திருக்கும் என்று நினைக்கிறேன்.

Want to share this link: 'அண்ணா.. சாப்பிடுங்க..' மருத்துவமனையில் எம்எஸ்விக்கு உணவு ஊட்டிய இளையராஜா!

Read more at: http://tamil.oneindia.com/news/tamil...al-229734.html

Quote:

---

Originally Posted by vasudevan31355

நன்றி கல்ஸ். கதை வேண்டாமென்றால் மனது கேட்கவில்லை. பிடித்த படமும் கூட. அதான்! கொஞ்சம் வேலையும் நிறைய வாங்கி விட்டது. ஆனால் இந்தப் பாடல் என்றால் அப்படி ஒரு பைத்தியம்.

பூவ பூவப் பூவே பாட்டு உங்களுக்கு பிடிபட்ட பின்னணியை நன்றாகச் சொல்லியிருக்கிறீர்கள். கல்ஸ்! எனக்கு ஜோதிகா தையா தக்கா என்று பெண்மையின் நளினம் கொஞ்சமும் இல்லாமல் குதிப்பது பிடிக்கவே பிடிக்காது. ('மணிசித்திரத்தாழு' படத்தில் ஷோபனாவைப் பார்த்துவிட்டு 'சந்திரமுகி'யில் ஜோதிகாவைப் பார்க்க கடுப்பாகவே இருந்தது. அலங்கோல அருவருப்பு. சுத்தமாக ஜோதிகாவை அறவே பிடிக்காது). அதனாலேயே இந்தப் பாட்டு எனக்கு பிடிக்காமல் போய் விட்டது.

ரெண்டாவது அது என்ன பூவ பூவப் பூவே என்றே புரியவில்லை. பூவே என்றால் சரி. பூவ பூவப் பூவே என்றால் என்ன? இந்த சினிமாக்காரர்கள் எதை வேண்டுமானாலும் எழுதி நம் தலையில் கட்டுவார்கள். ரொம்பநாள் எனக்கு இந்தப் பாடல் கூவ கூவ கூவே என்றுதான் விழுந்தது.

இன்று உங்களால்தான் அது பூவே என்று தெரிந்தது. அதற்காக உங்களுக்கு நன்றி! உங்கள் உழைப்புக்கும் நன்றி!

---

நன்றி வாசு.

நானும் உங்கள் கருத்தோடு ஒத்துப் போகிறேன் ஜோதிகா விஷயத்தில். பூவா பூவா பாடலில் ஆடும் ஆட்டம் கேவலம் என்றால் சந்திரமுகி படத்தில் அதை விட. ஜெயா டிவியில் வந்த இளைய ராஜாவின் இன்னிசை மழை நிகழ்ச்சியில் இளையராஜாவே யுவனின் இசை பற்றி நகைச் சுவையாக யுவன் இசை அமைத்தால் எப்படி இருக்கும் என்று சொன்னார். நீங்கள் "கூவ கூவ" என்று இந்த பாடலை சொன்னதும் அதுதான் நினைவுக்கு வந்தது. முதன் முதலில் தெளிவாக நான் கேட்டு விட்டதால் எனக்கு பிடித்துப் போனதோ என்னவோ. இல்லை அதை அதிக முறை கேட்டதால் பிடித்ததோ என்னவோ தெரியவில்லை. இந்த பாடலை விட 'சுடிதார் அணிந்து வந்த' என்ற பாடல் மிகவும் பிடிக்கும்.

வாசு,

'மகளுக்காக' பட பாடல் 'இனிமேல் எனக்கென்ன கவலை' பதிவு சுகம். இங்கேயும் உங்கள் 'ஞான'த்தை பார்க்கிறேன். ராஜ்ராஜ் சாருக்கான ஜுகல் பந்தியும் அருமையிலும் அருமை.

என்ன எங்கள் பதிவுகளுக்கு போட்டியாக நீங்கள் பதிவுகள் இட்டு எல்லோரது துறையிலும் பதிவுகள் இட்டு எங்கள் எல்லோரது வாக்குகளையும் நீங்களே வாங்குவது என்று முடிவு செய்து விட்டீர்களா? இல்லை நாங்கள் எல்லோரும் சேர்ந்து உங்களை எழுத வைத்துக் கொண்டு இருக்கிறோமா? எங்கள் பதிவுகளுக்கு உங்கள் பதிவுகள் வலுக் கூட்டுகின்றன. எல்லாமே சுகம். சுபம்.

ரவி உங்கள் பதிவுகளைப் பற்றியும், மற்றவர்களின் பதிவுகளைப் பற்றியும், அடுத்த பூவின் பாடலையும் திங்கட் கிழமை எழுதுகிறேனே.

ஒரு நடிப்பு நல்ல பாடலை கொலை பண்ணுமா ?? - ஒரு சின்ன அலசல்

https://www.youtube.com/watch?v=8e17naoTrmE

நல்ல பாடல் - இயற்கையை இந்த பாடல் வர்ணித்த மாதிரி அவ்வளவு அழகாக வேறு எந்த பாடலும் சொன்னதில்லை என்று சொல்லலாம் - பாடியவர் மிகவும் பிரபலமானவர் - எல்லோர் மனதிலும் வசிக்கிறவர் . இசை ராஜா - இசையும் ராஜா தான் - படத்தை டைரக்ட் பண்ணியவர் நம் கோபாலின் நெருங்கிய நண்பர் ...இத்தனை அற்புதங்கள் இருந்தும் தன் முத்திரை பதித்த நடிப்பினால் நம் கண்களை மூடிக்கிகொள்ள வைத்தவர் திரு சரத் பாபு அவர்கள் . பாடலை பாருங்கள் -----

உணர்ச்சியே இல்லாத முகம் - தேவையே இல்லாத இடத்தில் சிரிப்பு - மலைச்சரிவுகளில் சில இடங்களில் நேர் பாதைகளும் வரக்கூடும் - அங்கே 360 டிகிரி யில் வலது புறம் steering யை திருப்புவார் , உடனே நேரே செல்லும் அதே பாதையில் 360 டிகிரி யில் streeing யை இடது பக்கம் திரும்புவார் - பார்வை மலைகளின் பக்கம் இருக்கும் - ரோடில் இருக்காது - இரண்டும் பக்கம் streeing யை த் திருப்பியும் வண்டி நேராக ஓடும் --- இவரது சேட்டைகளைக்கண்டு பின்னே உட்காந்திருக்கும் பெண்கள் கூட்டம் எப்படி வண்டியிலிருந்து குதிக்காமல் இருக்கிறார்கள் என்றே புரியவில்லை .... ஆடியோ வில் கேட்க்க வேண்டிய பாடலை TV யில் பார்த்துவிட்டோமே என்ற மன வருத்தத்துடன் டிவி யை நிறுத்தினேன் ( இன்று டிவி யில் முள்ளும் மலரும் )

வாசு சார் - AVMR யை சற்றே நினைத்துப்பார்த்தேன் சரத் பாபு இடத்தில் -- சரத் பாபு நன்றாகவே பண்ணியுள்ளார் என்றே தோன்றுகிறது .

இப்படி பல பாடல்கள் பல நடிகர்களால் கொலை செய்யப்பட்டுள்ளன - இன்னுமொரு உதாரணம் - மதுரையில் பறந்த மீன் கொடியை ---------

இதற்கென்றே ஒரு புதிய திரியை ஆரம்பிக்கலாம் என்று நினைக்கிறேன் -----

Good Morning from San Francisco,CA. I will be here for the next three weeks ! :)

அங்கிள் வெகேஷன் எஞ்ஜாய் செய்யுங்கள்