Originally Posted by saradhaa_sn
எஸ்.பி.முத்துராமனை இயக்குனராக்கிய
"கனிமுத்துப் பாப்பா"
இசையமைத்தவர் வி.குமாரா அல்லது விஜயபாஸ்கரா என்று சந்தேகம் தட்டுகிறது. பாடல்கல் கேட்கும்படியாக இருந்தன. அந்தாஸ் படத்தில் வரும் 'ஜிந்தகி ஏக் ஸபர்' பாடலை நினைவுபடுத்துவதுபோல, 'காலங்களே காலங்களே' பாடல் அமைந்திருந்தது. ...
முத்துராமன் ஜெயா ஜோடியின் தேனிலவின்போது, ஜெயாவுக்காக பி.சுசீலா பாடிய "ராதையின் நெஞ்சமே, கண்ணனுக்கு சொந்தமே" என்ற பாடல் அப்போது விவித்பாரதி வானொலியில் ரொம்ப பாப்புலர். (மெட்டு இந்திப்படம் 'ஷர்மிலீ'யில் சுட்டது).
முத்துராமன் ஆபரேஷன் செய்துகொண்டிருக்கும்போது பேபி ஷ்ரீதேவி பாடும் 'ஏழுமலை வாசா, எமை ஆளும் சீனிவாசா' பாடல் இதமான மெட்டு, ஆனால் காட்சி ரொம்ப உணர்ச்சிப்பிரவாகம்.
ஜி.சுப்ரமணிய ரெட்டியாருடன் சேர்ந்து வி.சி.குகநாதன் தயாரித்த இப்படம், ஒரு நல்ல இயக்குனரைத் தந்ததோடு பெண்களுக்குப்பிடித்த படமாக அமைந்தது.