Maestro Ilayaraja News and Tidbits 2014

வெங்கி ராம்,

நகரவே விட மாட்டேன் என்று பிடிவாதம் பிடிக்கிறீர்கள்.

நண்பர்களிடம்(சகோதரர் உட்பட) இவர் கொண்ட "அக்கறை" உலகறிந்த ஒன்று.விட்டு விடுவோம்.(நீங்கள் எல்லாவற்றையும் Glorify செய்கிறீர்கள்)

தேவேந்திரன்,அம்சலேகா,வித்யாசாகர் என்று அல்லாடி விட்டு ,ரகுமானுடன் பாரதிராஜா கை கோர்த்த இரு கிராமிய படங்கள் கிழக்கு சீமையிலே,கருத்தம்மா .

ரகுமானுக்கு( ஏழ்மையை அனுபவித்தவர் ஆயினும் ,பத்மா சேஷாத்ரி மாணவர்.city based) இளையராஜா போல கிராமிய பின்னணி,கலாச்சாரம் ,கம்யூனிசம்,ஊர் ஊராக ETC அற்றவர்.பாரதி ராஜாவிடம், இளையராஜாவிற்கு இருந்த comfort level ,Wave length ,vibe ,sync ,Background similarity ,Generation Sync எதுவும் இருந்திருக்க வாய்ப்பில்லை. ஆனாலும் பாடல்கள் தரம்,nativity ,authenticity எதுவும் குறையாமல் ,B G M உம நன்றாகவே மாற்று அழகியல் நவீன இசை தந்தாரே?

இதுதான் Professionalism . என்ன மிஸ்ஸிங் என்பது புரிந்ததா நண்பரே?

Quote:

---

Originally Posted by Gopal,S.

இதுதான் Professionalism . என்ன மிஸ்ஸிங் என்பது புரிந்ததா நண்பரே?

---

எளிதாக படம் வரைந்து பாகம் குறிப்பது போல விளக்கி உங்களின் ஒப்பீட்டில் உள்ள பக்குவமின்மையை உடைக்கலாம். ஆனால் அப்படி செய்யப் போவதில்லை. உங்களது கலகத்தனம் ( மற்ற இசையமைப்பாளர்களை வைத்து ராஜாவின் திரையிசை பங்களிப்பை ஒப்பிடுவது) மீண்டும் மீண்டும் நிருபணமாகிக் கொண்டேதான் இருக்கிறது. இருந்தாலும் இரு கட்டுரைகளை (அதுவும் இசையிலக்கணம் தெரியாத, உணர்வு தளத்தில் இலக்கியம் படைக்கும் தேர்ந்த எழுத்தாளர் ஜெயமோகன் எழுதியது..) தருகிறேன். வாசிக்கவும். முன்பேயே வாசித்திருந்தால் மீள்வாசிப்பு செய்யவும். அப்போதாவது ராஜாவின் மகத்துவம் தெரியும், அவர் மீதிருக்கும் அபிப்ராய பேதங்கள் தெளிய வாய்ப்பிருக்கிறது.

http://www.jeyamohan.in/?p=31098

http://www.jeyamohan.in/?p=6473

உணர்வுகள் என் மனம் சம்பத்த பட்டவை. அதற்கு ஜெயமோகன் மாதிரி அரசியல்வாதி எழுத்தர்களிடம்(unethical careerism ) இரவல் வாங்கும் எண்ணம் எனக்கில்லை.ஜெயமோகனை என் பரீக்ஷா நண்பன் மாமல்லன் (Madras Dada )வெளுப்பதை படித்ததில்லையா நண்பரே?ஷாஜி,ஜெயமோகன் எல்லாம் பம்மாத்துக்கள்.

ஏழாவது உலகம் தவிர்த்த அவரது எந்த படைப்புமே என்னை கவர்ந்ததில்லை.ராமகிருஷ்ணன்,ஜெயமோகன் போன்ற போலிகள் இலக்கிய உலகம் புகுந்தது ,நம்மை மாதிரி ஆட்கள் சம்பாதிக்க போனதால் நேர்ந்த விபத்து.

அழகுணர்ச்சி என்று மட்டும் ஆராய்ந்தால் சாருவே என் சாய்ஸ் .

(BY the Way,I already read this long back.Thanks.)

Quote:

---

Originally Posted by Gopal,S.

உணர்வுகள் என் மனம் சம்பத்த பட்டவை. அதற்கு ஜெயமோகன் மாதிரி அரசியல்வாதி எழுத்தர்களிடம்(unethical careerism ) இரவல் வாங்கும் எண்ணம் எனக்கில்லை.ஜெயமோகனை என் பரீக்ஷா நண்பன் மாமல்லன் (Madras Dada )வெளுப்பதை படித்ததில்லையா நண்பரே?ஷாஜி,ஜெயமோகன் எல்லாம் பம்மாத்துக்கள்.

ஏழாவது உலகம் தவிர்த்த அவரது எந்த படைப்புமே என்னை கவர்ந்ததில்லை.ராமகிருஷ்ணன்,ஜெயமோகன் போன்ற போலிகள் இலக்கிய உலகம் புகுந்தது ,நம்மை மாதிரி ஆட்கள் சம்பாதிக்க போனதால் நேர்ந்த விபத்து.

அழகுணர்ச்சி என்று மட்டும் ஆராய்ந்தால் சாருவே என் சாய்ஸ் .

(BY the Way,I already read this long back.Thanks.)

---

ஆக.. எப்படியும் அக்கரையிலிருந்து இக்கரை வரை நீந்திவர விருப்பமேயில்லை என்பதைத்தான் உங்களது இந்த மற்றுமொரு கலகப் பதிவும் சொல்லாமல் சொல்கிறது. வாழ்த்துகள். கலகத்தால் எந்தவொரு படைப்பாக்கத்தையும் உயிர்ப்புடன் அணுகவே முடியாது. இது நானே உணர்ந்து தெரிந்த/தெளிந்த ஒன்று. மற்றபடி "இந்த மாதிரி ,சொன்ன கருத்தை நோக்காமல்,சொன்னவனை நோக்கி ,அம்பு எய்வதெல்லாம் ,பழைய கதைகள் சார்."ன்னு மொட்டைமாடியில் நீங்கள் காயவைத்த வத்தல் இன்னும் காயவேயில்லை. அதுக்குள்ளேயே மழைவந்து விட்டதுபோல. ஜெயமோகனின் இரு தேர்ந்த கட்டுரைகளை வைத்தால் அதன் கருத்துக்களை நோக்காமல் உடனே உங்களிடமிருந்து முழு நிராகரிப்பு. இதை இதைத்தான் நான் எதிர்பார்த்தேன்.

Quote:

---

Originally Posted by venkkiram

ஆக.. எப்படியும் அக்கரையிலிருந்து இக்கரை வரை நீந்திவர விருப்பமேயில்லை என்பதைத்தான் உங்களது இந்த மற்றுமொரு கலகப் பதிவும் சொல்லாமல் சொல்கிறது. வாழ்த்துகள்.

---

வெங்கி ராம்,

நீங்கள் ஏன் இன்னொரு தேர்ந்த இளையராஜா ரசிகனிடம் பேசி கொண்டிருப்பதை உணர மறுத்து (இளையராஜாவையும் ரசிப்பவன்)மதமாற்றம் லெவல் போகிறீர்கள்?

நான் அனைத்து மதங்கள்,அனைத்து இலக்கியங்கள்,அனைத்து சினிமாக்கள்,அனைத்து புத்தகங்களின் முதல் ரசிகன்.ஆனாலும் எதையும் சாராதவன்.(ஆனால் தேர்ந்தெடுப்பு மிகுந்தவன்).என்னுடையது issue based .not personality based . இளையராஜா இசையமைப்பிலிருந்து குதித்து வெளியே வந்து ,உதிர்த்த முத்துகளையே ,நான் விமரிசித்தேன்.

மற்ற படி கலைஞர்களின் moods ,Constructive arrogance இவற்றை புரிந்து கொள்பவனே.

ஜெயமோகன் விஷயத்தில் நான் சொல்ல வந்தது,எனக்கு இரவல் அழகுணர்ச்சி தேவையில்லை என்றுதான். கருத்தை பகிர்பவர் நீங்கள்.உங்களை நோக்கி எந்த அம்பையும் தொடுக்கவில்லையே?உங்கள் நண்பர்கள்தான் மெடிக்கல் dictionary புரட்டி என்னை ஆராய்ந்து கொண்டிருக்கிறார்கள்.

ஆனாலும் உங்களோடு வெட்டி-ஒட்டி உரையாடுவது சுவாரஸ்ய சுகானுபவமே.

Quote:

---

Originally Posted by Gopal,S.

ஜெயமோகன் விஷயத்தில் நான் சொல்ல வந்தது,எனக்கு இரவல் அழகுணர்ச்சி தேவையில்லை என்றுதான்.

---

இப்படித்தான் செறிவான கருத்துக்களை உள்ளடக்கிய இரு தேர்ந்த கட்டுரைகளை அழகுணர்ச்சி என்றளவில் பேசி வசதியாக புறக்கணிப்பதா? எப்படி மெனக்கெட்டாலும் கழுவுற மீனுல நழுவுற மீன் போல துள்ளிக் குதித்து போய்க்கொண்டே இருக்கிறீர்கள். உங்களிடம் நூல் பிடித்தாற்போல ஒரு உரையாடல் நிகழ்த்துவதும் காளை மாட்டில் பால் கறப்பதும் ஒன்றுதான் போல. எல்லாமே குறைப்பிரசவமாக போய்விடுகிறது. ஆனாலும் தடங்களில் பதிந்து போவது உங்களைப் போன்றோர் உதிர்க்கும் நாவினால் சுட்ட வடுக்கள்தான். மொழி வசமிருக்கிறது என்ற ஒரே ஆயுதத்தைக் கொண்டு இணையத்தில் விமர்சகர்கள் என்ற பாணியில் புற்றீசல் போல நித்தம் பலர் தோன்றிக்கொண்டே இருக்கிறார்கள். குடிசைக்கும் கட்டிடத்திற்கும் மாளிகைக்கும் உள்ள வித்தியாசத்தை இனங்காணத் தெரியாமல்.. அப்படியே தெரிந்தாலும் மாளிகையை இடிக்கும் வேலைக்கு துணைபுரியும் அளவுக்கு எழுப்ப/அல்லது எழுப்பிய மாளிகையின் புகழ் பேச வாய் வராது. நான் முன்னேயே சொன்னதுபோல, இவை எல்லாம் பழகிப் போன திரைக்கதை முடிச்சுகள். வற்றாத ஜீவனுள்ள ராஜாவின் இசை அதையெல்லாம் தன்னுள் உள்வாங்கி சுத்தப்படுத்தி பயணித்துக் கொண்டெ இருக்கும்.

"Vai Raja Vai" (music: Yuvan) song by IR.

http://www.youtube.com/watch?v=ZfDaEIQOLUE

thanks,

Krishnan

Quote:

---

Originally Posted by venkkiram

இப்படித்தான் செறிவான கருத்துக்களை உள்ளடக்கிய இரு தேர்ந்த கட்டுரைகளை அழகுணர்ச்சி என்றளவில் பேசி வசதியாக புறக்கணிப்பதா?

---

நான் படித்து விட்டேன் என்று சொன்ன பிறகும் ஏனிந்த படுத்தல்?நான் வந்த போதே முழுதும் படித்து விட்டேன். அது மட்டுமல்ல ஜரதுஷ்டிரா,லாட்சு,பௌத்தம்,பைபில் ,குர்ரான்,ஜூடாயிசம்,எல்லாமே படித்துள்ளேன். ஒவ்வொரு முறையில் மதம் மாறி கொண்டிருக்க வேண்டுமா?

சரி.இவ்வளவு சொல்வதால்,இறுதியாக ஒன்றே ஒன்று. மொழியை மட்டும் நம்பி எதையும் எழுதுபவன் நானில்லை. முன்னேறிய அல்லது நடுத்தர புரிதல் ஆவது எனக்கு உள்ள subject மட்டுமே தொடுவேன்.அதுவும் யானை பார்த்த குருடர் கும்பல் போலல்ல.
இசையில் என்னை யாரும் மாற்ற முடியாது .மாற்றவும் கூடாது.

அது சரி,ஜெயமோகன் ,இந்தியாவில் இது வரை வெளிவந்ததில் சிறந்ததாக தன்னுடைய "விஷ்ணுபுரம்" நாவலை தேர்ந்தெடுத்துள்ளார்.என்னிடமும் படிக்க சொன்னார். அதை விட சொதப்பலான ,புரிதல் ,மோசமான நடையை நான் உலகத்திலேயே கண்டதில்லை.(Journey to Ixtlan ,Casteneda முழுதும் படித்தவன்)இதை, நல்ல மனநிலையில் இருக்கும் எவனாவது படித்து certificate கொடுத்தால்,நான் அக்கறைக்கு வந்து விடுகிறேன். ஒரே சான்ஸ் உங்களுக்கு. ஆனால் நடக்க வாய்ப்பு.....

Same thing happening for me too, Here my wife and kids are totally going wild for being craze on IR Sir.

Quote:

---

Originally Posted by venkkiram

இப்படித்தான் செறிவான கருத்துக்களை உள்ளடக்கிய இரு தேர்ந்த கட்டுரைகளை அழகுணர்ச்சி என்றளவில் பேசி வசதியாக புறக்கணிப்பதா? எப்படி மெனக்கெட்டாலும் கழுவுற மீனுல நழுவுற மீன் போல துள்ளிக் குதித்து போய்க்கொண்டே இருக்கிறீர்கள். உங்களிடம் நூல் பிடித்தாற்போல ஒரு உரையாடல் நிகழ்த்துவதும் காளை மாட்டில் பால் கறப்பதும் ஒன்றுதான் போல. எல்லாமே குறைப்பிரசவமாக போய்விடுகிறது. ஆனாலும் தடங்களில் பதிந்து போவது உங்களைப் போன்றோர் உதிர்க்கும் நாவினால் சுட்ட வடுக்கள்தான். மொழி வசமிருக்கிறது என்ற ஒரே ஆயுதத்தைக் கொண்டு இணையத்தில் விமர்சகர்கள் என்ற பாணியில் புற்றீசல் போல நித்தம் பலர் தோன்றிக்கொண்டே இருக்கிறார்கள். குடிசைக்கும் கட்டிடத்திற்கும் மாளிகைக்கும் உள்ள வித்தியாசத்தை இனங்காணத் தெரியாமல்.. அப்படியே தெரிந்தாலும் மாளிகையை இடிக்கும் வேலைக்கு துணைபுரியும் அளவுக்கு எழுப்ப/அல்லது எழுப்பிய மாளிகையின் புகழ் பேச வாய் வராது. நான் முன்னேயே சொன்னதுபோல, இவை எல்லாம் பழகிப் போன திரைக்கதை முடிச்சுகள். வற்றாத ஜீவனுள்ள ராஜாவின் இசை அதையெல்லாம் தன்னுள் உள்வாங்கி சுத்தப்படுத்தி பயணித்துக் கொண்டெ இருக்கும்.

---

Guys: why waste time with this guy? He thinks Rehman makes good music and is comparable and better than Ilaiyaraja. We dont think so. I have never seen the same brilliance that I see in IR's compositions in others. These are subjective opinions. There is no point arguing with these types - I have seen many of them. Similarly, even in temrs of personalities, I so admire Ilaiyaraja. I see rehman as a fake - contrived personality - he has his cronies doing the nasty things. his humility act is a fake. But some people are naive and will fall for that. OK with that. People's tastes, opinions, likes and dislikes are heterogeneous. There is nothing right or wrong about these opinions. I come to this forum just to the IR threads so that we can discuss things we like about IR and his music. I hate when guys like this come and spoiling with this vitriol driven by whatever the agenda.

I request that we all dont respond to him for a few days so that he goes away. I hope the guy atleast respects that people come to this forum under IR sections not to have these types of discussions. If he wants to spit his hatred of IR, my only request is that he opens a seperate thread and spits all this vitriol and all those types can go there. That way they can leave us alone

Hi KR,
This is for your kind information.I never came to this thread on my own but got dragged by three of your friends. But I am surprised the way people with differing views are treated here . Anyway ,Thanks to Rajaram,Venki&Poem . Bye.

Quote:

---

Originally Posted by Gopal,S.

Hi KR,
This is for your kind information.I never came to this thread on my own but got dragged by three of your friends. But I am surprised the way people with differing views are treated here . Anyway ,Thanks to Rajaram,Venki&Poem . Bye.

---

ஒரு ஆளுமையின் குணாதியங்களை விமர்சனம் செய்வதாகட்டும், அவரது பங்களிப்பை மற்றவர்களோடு ஒப்பிட்டு தரம் பிரிப்பதலாகட்டும் .. இருமுனை கத்திபோன்றது. நான் முன்பே சொன்னதுதான். உங்களின் பதிவில் கலகத்தனமே மேலோங்கியுள்ளது. அதனால் எதிர்வரும் விளைவுகளுக்கு நீங்களும் சமபாதியில் பொறுப்பேற்க வேண்டியதுதான். ஜெயமோகன் விஷயத்தில் கூட, அக்கட்டுரைகளின் சாராம்சத்தைக் கூட நீங்கள் தொடவில்லை. ஆனால் ஏழாம் மனிதர்கள், விஷ்ணுபுரம் என உரையாடலின் எல்லைகளை விட்டு தாண்டிச் சென்று அடம்பிடிக்கிறீர்கள். என்ன செய்வது? நான் முன்பே சொன்னதுபோல ஒரு நூல் பிடித்தாற்போல உங்களால் ராஜா விஷயத்தில் உரையாடல் நிகழ்த்த முடிவதில்லை என மீண்டும் மீண்டும் சபையில் நிரூபணம் ஆகிக் கொண்டே இருக்கிறது. ராஜா என வரும்போது ஒரு சாதாரண வெகுஜனப் பார்வைகளில் ஒன்றான "ராஜா வந்தார்-வென்றார்-சென்றார்" பாணியிலேயே ஒரு புரிதலை வைத்துக்கொண்டு அதையொட்டியே உங்களின் அபிப்ராயங்களை வளர்த்துக்கொண்டு இருக்கிறீர்கள். இந்த நிலையில் இருந்துகொண்டு இங்குள்ள ராஜா ரசிகர்களோடு உங்களால் ஒரு அடி கூட உரையாடலை அடுத்த நிலைக்கு எடுத்துச் செல்ல முடியாது என்பது என் பார்வை.

Venkki,

I am not averse to arguments. You people want me to start with worship but the same is not possible. But the way ,your guys are mud-slinging the fellow hubbers like attributing illness,family,disrespectful expressions (it can be with public figures not with fellow hubbers in personal way). But I have no problem with you and Poem.But that "Guy" from U.S ,K.R sounds funny and weird.Anycase,I am going to write objectively on Ilayaraja avoiding technical descriptions but as you stated on Emotional-based ,cultural-linked enlisting his achievements and weak points. You are most welcome to voice your views.

Quote:

---

Originally Posted by venkkiram

ஒரு ஆளுமையின் குணாதியங்களை விமர்சனம் செய்வதாகட்டும், அவரது பங்களிப்பை மற்றவர்களோடு ஒப்பிட்டு தரம் பிரிப்பதலாகட்டும் .. இருமுனை கத்திபோன்றது. நான் முன்பே சொன்னதுதான். உங்களின் பதிவில் கலகத்தனமே மேலோங்கியுள்ளது. அதனால் எதிர்வரும் விளைவுகளுக்கு நீங்களும் சமபாதியில் பொறுப்பேற்க வேண்டியதுதான். ஜெயமோகன் விஷயத்தில் கூட, அக்கட்டுரைகளின் சாராம்சத்தைக் கூட நீங்கள் தொடவில்லை. ஆனால் ஏழாம் மனிதர்கள், விஷ்ணுபுரம் என உரையாடலின் எல்லைகளை விட்டு தாண்டிச் சென்று அடம்பிடிக்கிறீர்கள். என்ன செய்வது? நான் முன்பே சொன்னதுபோல ஒரு நூல் பிடித்தாற்போல உங்களால் ராஜா விஷயத்தில் உரையாடல் நிகழ்த்த முடிவதில்லை என மீண்டும் மீண்டும் சபையில் நிரூபணம் ஆகிக் கொண்டே இருக்கிறது. ராஜா என வரும்போது ஒரு சாதாரண வெகுஜனப் பார்வைகளில் ஒன்றான "ராஜா வந்தார்-வென்றார்-சென்றார்" பாணியிலேயே ஒரு புரிதலை வைத்துக்கொண்டு அதையொட்டியே உங்களின் அபிப்ராயங்களை வளர்த்துக்கொண்டு இருக்கிறீர்கள். இந்த நிலையில் இருந்துகொண்டு இங்குள்ள ராஜா ரசிகர்களோடு உங்களால் ஒரு அடி கூட உரையாடலை அடுத்த நிலைக்கு எடுத்துச் செல்ல முடியாது என்பது என் பார்வை.

---

இசை அல்லது கலை என்பது மரபு,பாரம்பரியம் மற்றும் பிரத்யேக இன ,குண ,மனம் கொண்ட முன்னோர்களின் பங்களிப்பின் சங்கிலி கண்ணி நீட்சி. பழையதை ஒப்பிடாமல் ,இன்றைய பங்களிப்பை மட்டும் கொண்டாட முடியாது. நடுவில் மாட்டியவர்க்கோ பழையது,புதியது இரண்டும் அளவு கோலாய் நிற்பதை தவிர்க்க இயலாது.

ஒரு எழுத்தாளனையோ அல்லது இசை கலைஞனையோ ,அவன் படைப்புகளை அவன் தனிப்பட்ட வாழ்க்கையின் கூறுகளை கொண்டு(பிரத்யேக வெற்றி-தோல்விகள்,வியாபாரம் இவைகளும் சேர்ந்த) அளப்பதை தவிர்ப்பவன் நான்.

ஆனால் தமிழனாக,தமிழ் சூழலில்,இந்த ஆளுமைகள் பொதுவில் உதிர்க்கும் தத்துவ முத்துக்களை பொருக்க ,ஒரு பெரும் கூட்டமே அலையும் போது ,இவற்றை விமரிசிப்பதும் நம் சமூக கடமையாகி விட்டது.திருக்குறளும் ,சங்கங்களும் தோன்றிய அறிவு பூமியில், திருடாதே,பொய் சொல்லாதே,தூங்காதே என்று சொல்வதற்கே ,ஒரு நாயகர் தேவை பட்ட புண்ணிய பூமியில் அவதரித்த அதிர்ஷ்டம் செய்தவர்கள் நாம்.


இந்த சூழலில் ,திடீர் நாயகர்களை உருவாக்கி,பழைய சாதனைகள் புறம் தள்ள படும் போது ,அதுவும் 80களின் ஒரே agenda கொண்ட கும்பல் ஒன்று, nostalgia ,பரிச்சயம், limited exposure கொண்டு ஆளுமைகளை ,வலை தளத்தில் உருவாக்குவது தவிர்க்க முடியாதது. ஆனால் கலையின் தன்மையையே ஒரு ஆளுமைக்குள் அடக்கி சுரங்களை முதலில் கண்டவர்,மனங்களோடு இணைப்பை ஏற்படுத்தி கொண்ட முதல் படைப்பாளி என்று கலையையும் ,ஆளுமையையும் வைத்து அவியல் பண்ணும் போது ,என்னை மாதிரி கி.மு முதல் நேற்று வரை கலை,இலக்கிய தொடர்ச் சியோடு ஓரளவு பரிச்சயம் கொண்டவர்களின் ஒப்பீட்டால் நன்மை விளையுமே அன்றி,எக்காலமும் கலகம் உண்டாகாது.

புதிதாக வெட்ட பட்டதானாலும் கிணற்றிலேயே நீந்தி களிக்காமல் ,மிக பழமையான,புது புனல்களும் சங்கமமாகும் கடலில் நீந்துவதே எனக்கு உவப்பானது.



வலையை வைத்து கலையை கண்டறிய முடியாது. கலகத்தை வைத்து ஓரளவு கண்டறிய தலை படலாம்.

Quote:

---

Originally Posted by kr

guys: Why waste time with this guy? He thinks rehman makes good music and is comparable and better than ilaiyaraja. We dont think so. I have never seen the same brilliance that i see in ir's compositions in others.

---

kr,


கோபாலுக்கு ராஜா சாரின் இசையை தவிர வேறொன்றும் அவரிடம் பிடிக்கவில்லை.அவ்வளவு தான். அவர் ரஹ்மானை உயர்த்தி ராஜாவை மட்டம் தட்டி பேசவில்லை. - அப்படி பேசினாலும் தவறில்லை. இருவருமே தனக்கென ஒரு பாதை அமைத்து அதில் அவர்கள் சரியாக பயணிக்கிறார்கள். ஒப்பிட்டு பேசுவதால் அவர்கள் இருவரும் குறைந்து விட போகிறார்களா என்ன?

கோபாலின் பதிவுகளை படிக்கும் போது அவருடைய தன்னம்பிக்கை தெரியும். நிறைய விஷயம் தெரிந்திருக்கிறது என்பதில் சந்தேகம் இல்லை. என்னுடைய கோபம் எல்லாம் ராஜா சாரை கோபாலும் இன்னொருவரும் மதுரகீதங்கள் திரியில் (நிறைய ஓல்ட் கிளாசிக் பாடல்கள் அங்கு கிடைக்கும் ) சற்று மரியாதை குறைவாகவும் ஏளனமாகவும் பேசிவிட்டார்கள் என்பது தான். ஒரு முறை இரு முறை அல்ல.. வாய்ப்பு கிடைக்கும் போதெல்லாம். - அது நிச்சயம் தவறு, இதை சொன்னால் மறுபடியும் கோபால் ஏதாவது எழுதுவார். சொல்லி விட்டு போகட்டும்.


ஒரு மாறுதலுக்காக, யாரவது ராஜா சாரை பற்றிய துணுக்கு செய்தி இருந்தால் எழுதுங்களேன்... ஒரு ரேர் போட்டோ இருந்தாலும் ஓகே தான்.


போயம், வெங்கிராம்: நன்றி.

கிராமஃபோன்: இளையராஜாவின் பாடல் பெற்ற ஸ்தலங்கள்!

http://tamil.thehindu.com/opinion/co...cle6325467.ece

Quote:

---

Originally Posted by poem

"பக்தி மணம் கமழும் இசைஞானியின் படைப்புகள்" சிறப்புக் கருத்தரங்கு ஆகஸ்ட் 16, திருவண்ணாமலை அருணாச்சலேஸ்வரர் கோயில் !!!


Attachment 3482

---

No coverage found on recent the function yet.. but a photo and his comments about girivala pathai encroachments on the link http://tamilcinema.com/ilayarajas-vi...iruvannamalai/

அப்போது நான் அண்ணாமலை பல்கலைகழகத்தில் பொறியியல் இரெண்டாவது ஆண்டு படித்த நேரம். என் தாத்தாவிடம் கெஞ்சி கூத்தாடி அவருடைய காரில் இருந்த ஓஷன் கேசட் ப்ளேயரை கழட்டி வாங்கி வந்து ரூமில் செட் பண்ணி வைத்திருந்தேன். அம்ப்லிபயர் வழியாய் , பானையில் ஸ்பீக்கர் கட்டி ஹாஸ்டல் ரூமில் எந்த நேரமும் ராஜா சாரின் பாடல்கள் தூள் பறப்பது வழக்கம். .

வேதம் புதிது மற்றும் கொடி பறக்குது ஆகிய இரண்டு படங்களிலும் அடி வாங்கிவிட்டு, கல்கியில் என் உயிர் தோழன் தொடரை பாரதிராஜா எழுதி வந்தார். ராஜா சாரை மனதில் வைத்து தான் இதை எழுதி இருக்கிறார் என்று நினைத்து நானும் விடாமல் கல்கி படித்தேன். முடிவுரை எழுதாமல், திடீரென தொடரை நிறுத்தி விட்டார். பிறகு அதையே படமாக்கி வெளியிட இருந்தார்.


ராஜா சாரும் பாரதிராஜாவும் இனைந்து மீண்டும் வேலை செய்ய போவதாய் விளம்பரம் வந்தது. இவர்கள் சேர்ந்து விட்டார்கள் என்று தெரிந்த எங்களுக்கு படம் மற்றும் பாடல் வெளியீட்டுக்காக காத்திருந்த நாட்கள் நரக வேதனையான நாட்கள்.


ஒரு வழியாய் படம் வெளியீடு என்று விளம்பரம் வந்தது, ஆனால் சிதம்பரத்தில் படம் ரிலீஸாகவில்லை. எங்கெங்கு ரிலீஸ் என்று தெரியாமல், நண்பர்கள் ரமேஷ் மற்றும் பாலாவோடு கடலூர் சென்றேன். அங்கும் ரிலீஸ் இல்லை. மிகுந்த ஏமாற்றத்தோடு அரங்கேற்ற வேலை படம் பார்த்துவிட்டு வந்தோம். ஆனால் என் உயிர் தோழன் ஏக்கம் போகவில்லை.


மற்றொரு நாள் கும்பகோணத்தில் படம் வெளியீடு என்று தெரிந்து ஏக குதுகூலம். (பாண்டியன் திரை அரங்கம் என்று நினைவு) ஆனால் கையில் காசு இல்லை. அதே ரமேஷ், பாலாவோடு ரயிலில் டிக்கட் எடுக்காமல் கும்பகோணம் சென்று என் உயிர் தோழன், டிக்கட் எடுத்து, பார்த்தோம். கடலோர கவிதைகளுக்கு பிறகு மூன்றாண்டு காலம் காத்திருந்து, குயிலு குப்பம் மூலமாய் பம்பர் பரிசு அடித்தது. பாடல் கேட்ட முதல் முறையே சொக்கி போய் இன்று வரை என்னுடைய ஆல் டயம் க்லாசிக்ஸில் இடம் பெற்றிருக்கிறது. மிகவும் தாமதாய் சிதம்பரம் லேனாவில் வெளியிட்டார்கள். பாரதிராஜா கிட்டார் வாசிக்க, ராஜா சார் அருகில் இருப்பது போல் விளம்பரம் வந்தது, . இப்போது நினைத்தாலும் சுகமாய் இருக்கும்.


பொறியியல் மூன்றாம் ஆண்டில் புது நெல்லு புது நாத்து வந்தது . இதிலும் ஒரு பம்பர் பரிசு. இந்த படத்தில்2. பூ பூ பூ பூ பூத்த சோலை.. சிட்டான் சிட்டான் குருவி, இந்த ஹம்மிங் நினைவிருக்கிறதா? முதலாவது இடை இசையில் ஹே ஹே, ஹெ ஹ ஹே ஹே, ஆஹ ஆஹா அஹா ஹா ஹா..... இதே ஹம்மிங் சரணத்தின் வரிகளின் நடுவில் ஹா ஹா என்று..... கொஞ்சுவார் ராஜா சார். எனக்காக இந்த பாடலின் ஹம்மிங்கை கூர்ந்து கேளுங்கள். . புது நெல்லு புது நாத்து வந்த நேரம் காலேஜ் கல்சுரல்ஸ்..பாண்டிச்சேரி சென்று சரக்கு வங்கி வந்து குடித்து விட்டு விடாமல் தினமும் பார்த்த படம் இது. படம் பார்த்து விட்டு வந்து மறுபடியும் சரக்கு பிறகு கல்சுரல்ஸ்.. நல்ல நேரம் அதெல்லாம் :-)


கடைசி வருடம் படிக்கும் போது நாடோடி தென்றல்..மறுபடியும் பம்பர் பரிசு: மணியே மணி குயிலே. படம் ஆரம்பித்த 25 வது நிமிடத்தில், ரஞ்சிதாவுக்கு கார்த்திக் மூக்கு குத்தி விடும் காட்சி: ஒரு 2 நிமிடம் வரும் கட்சிகளும் பின்னணி இசையை எதோடு ஒப்பிடுவது? எதிர் நீச்சலிடும் வாத்து, நீர்வீழ்ச்சி, கிரேன் காட்சி, மயில் இறகால் ரஞ்சிதாவின் மூக்கை வருடும் கார்த்திக்.. - குடுத்து சிவந்த கரமல்லவா ராஜா சாருக்கு, இந்த 2 நிமிடம் வரும் இசைக்கு மயங்காதவன் முற்றும் துறந்த ஞானி தான், சந்தேகமே இல்லை. இந்த படத்தை கல்லூரியின் கடைசி நாளில் எங்கள் வகுப்பிலிருந்து அனைவரும் சென்று வடுகனாதனில் பார்த்தோம். இதுவும் மறக்க முடியாத படம்.


மறுபடியும் இந்த இருவரும் இனைந்து திரைப்படத்தில் வேலை செய்யாவிட்டாலும், தெற்கத்தி பொண்ணு சீரியலுக்கு டைட்டில் பாடல் போட்டு குடுத்திருக்கிறார். இவர்கள் மீண்டும் இனைந்து ஒன்னும் புதியதாய் கிழிக்க போவதில்லை. ஆனால் சேர்ந்திருந்த காலங்களில் வந்த முத்துகளின் விலை கொஞ்ச நஞ்சம் இல்லை.

இதை இப்போது இங்கு எழுத காரணம்? என் உயிர் தோழன் முழு படத்தையும் நேற்று யாரோ ஒரு புண்ணியவான் யூடியூபில் ஏற்றி இருக்கிறார். அதை முழுவதும் பார்த்து விட்டு தான் தூங்கினேன்.மனம் முழுவதும் நான் கல்லூரி படித்த காலகட்டத்தில் வந்த பாரதிராஜா - ராஜா சார் படங்கள் நினைவில் வந்து வாட்டி எடுத்து விட்டது. அதனால் இங்கு கிறுக்க வேண்டியதாகி விட்டது.

https://www.youtube.com/watch?v=UxNLfxx0zY4

https://www.youtube.com/watch?v=yUrIBNQu-84

https://www.youtube.com/watch?v=ZqCcGTVVlTU

வசிகரிக்கும் நடை ராஜாராம்! தொடர்ந்து எழுதுங்க ..

நாடோடித் தென்றல் படத்தை நானும் எனது பள்ளி நண்பன் ஒருவனும் மயிலாடுதுறை கோமதி தியேட்டரில் கண்டு களித்தோம். பனிரெண்டாம் வகுப்பு முடிந்து நுழைவுத் தேர்வுக்கான பயிற்சி வகுப்புக்களுக்காக மயிலாடுதுறைக்கு வந்து சென்று கொண்டிருந்த காலக் கட்டம். இளையராஜா- பாரதிராஜா அதுவும் ஒரு பீரியட் படம். படைப்பாளிகளுக்காகவே திரைப்படம் பார்க்கும் பழக்கம் அரும்பிக் கொண்டிருந்த பருவம் அது.

பாடல்கள் முன்னரே வெளியாகி எங்கு சென்றாலும் மணியே மணிக்குயிலே, யாரும் விளையாடும் தோட்டம், சந்தன மார்பிலே பாடல்கள் காற்றில் கரைந்து கொண்டே இருந்தன. வைரமுத்து இல்லாத இடத்தை ராஜாவே ஆக்ரமித்து பாடல்கள் முழுவதையும் எழுதியிருந்தார். தியேட்டரில் பத்து பதினைந்து நபர்கள்தான் இருப்பார்கள் மொத்தமாகவே எங்களையும் சேர்த்து. பால்கனியில் ஒரு ஓரமாக உட்கார்ந்திருந்தோம். முதல் இருபது நிமிடங்களுக்கு எங்களால் படத்தோடு ஒன்றமுடியவில்லை. காரணம் திரைக்கு மிக அருகே அமர்ந்திருந்த ஒருவர் படத்தை ஒன்றுக்கு மேற்பட்ட படத்தை பார்த்திருப்பார் போல. ஒவ்வொரு வசனத்தையும் திரையில் வருவதற்கு முன்னரே மிகவும் சத்தமாக எழுப்பிக் கொண்டிருந்தார். பால்கனியிலிருந்து ஒருவர் பொறுமையிழந்து கீழே இறங்கி திட்டிவிட்டு வந்தபிறகே எல்லோராலும் பின்னணி இசை, வசனங்களோடு ஒன்ற முடிந்தது.

நீங்கள் குறிப்பிட்டிருந்த மூக்கு குத்தும் காட்சியின் பின்னணி இசை காவியமான ஒன்று. பாடல்கள் மட்டுமே படத்தின் தூணாக இருந்ததை உணர்ந்த போதுதான் பாரதிராஜாவும் கமலைப் போலவே (விக்ரம்) சுஜாதாவின் கதையை படமாக்கி மோசம் போய்விட்டாரே, இவருக்கு செல்வராஜ் போன்றவர்கள்தான் லாயக்கு என நினைத்தேன்.

இன்றைக்கும் இப்படத்தை இப்படி சிலாகித்துக் கொண்டிருக்கிறோம் என்றால் அதற்கு ஒரே காரணம் இசைஞானியின் பாடல்களும், பின்னணி இசையும் மட்டுமே. கார்த்திக்கும் நடிப்பில் சொதப்பியிருப்பார். நடிப்பு என்றால் என்ன விலை எனக் கேட்டும் ரஞ்சிதா ஒரு புதுமுகம். ஜனகராஜ் பாண்டியன் யாருக்குமே சொல்லிக் கொள்வதுபோல அழுத்தமான காட்சிகள் இல்லை.

படத்தோடு பார்க்கும்போது 'ஏலமலை காட்டுக்குள்ள' பாடல் எங்கேயோ கொண்டு சென்றது. மலேசியா வாசுதேவன் குரல் விஸ்வரூபம் எடுத்த பாடல் அது. ஏக்கமான அதே நேரத்தில் இயலாமை, சோகம் என பலவித உணர்ச்சிகளை கொட்டி செதுக்கியிருப்பார். ஒரு கணம் ஒரு யுகமாக - பாடலில் ராஜா தனது டூயட் பாடல்களின் புகழ்பெற்ற இணை குரலான ஜானகியோடு சேர்ந்திருப்பார். மணியே மணிக்குயிலே - ராஜா ஆரம்பித்துக் கொடுக்க மனோவும், ஜானகியும் சிறப்பாக பாடி முடித்திருப்பார்கள். பள்ளி முடிந்து கல்லூரி சென்றபிறகும் அடிக்கடி எல்லோராலும் கேட்டு ரசிக்கப் பட்ட பாடல். (அதுவும் விடுதியில் இரவு நேரங்களில்) "சந்தன மார்பிலே" - மனோ-ஜானகி குரல்களில்.. ஜானகிக்கு கிடைத்த மூன்று பாடலுமே ஒன்றுக்கொன்று வேறுபடும் உணர்வு பாடல்கள். பன்முகத் திறமைக்கே பிறந்த பாடகி அல்லவா அவர்.. எல்லாவற்றிலும் முத்திரை பதித்திருப்பார். மால்குடி சுபா - அப்போதைய நேரத்தில் நவீன, வசிகரிக்கும் குரல். மேற்கத்திய வகைப் பாடலான (படத்தில் மேற்கத்திய பெண் பாடுவது) ஆல் த டைம் மூலம் ராஜா சிறப்பானதொரு அறிமுகத்தைக் கொடுத்திருப்பார்.

அடைமொழி என்னவோ இயக்குனர் இமயம். ஆனால் இமயத்தின் படைப்பை இந்த நொடிவரை தாங்கிப் பிடிப்பதே ராஜாதான்.

உண்மை. நாடோடி தென்றல் ஒரு அரைவேக்காட்டு படம். இளைய ராஜாவின் அற்புதமான பாடல்கள் ,படத்தை ஓரளவுதான் தாங்கி பிடிக்க முடிந்தது. சுஜாதா- பாரதிராஜாவின் மெகா சொதப்பல்.கார்த்திக் பெரிய mis -cast . ராமராஜனே பொருந்தியிருப்பார்.



அத்தனை பாடல்களும் அருமை.

IR ready to compose for 10-min short film directed by students of LV Prasad film and TV academy:

"...Ilayaraaja said, "I am ready to compose music for a 10-minutes silent movie the students will make as part of their diploma project." The announcement was welcomed by a huge applause from a large gathering of students who attended the convocation of the academy.

He also said this 10-minute music note would be composed before the public. Ilayaraaja said LV Prasad was a man who made movies with values and social messages. "Students who come out of this film academy should not only make good movies, but they should also carry forward his legacy," he said. ..."

http://timesofindia.indiatimes.com/c...w/40438441.cms

thanks,

Krishnan

நான் சொன்ன மூன்று படங்களிலும் நல்ல கதை, பாடல்கள் இருந்தும், படம் பண்ணிய விதத்தில் சுவாராசியம் கம்மியானதால், குப்பைக்கு சென்றுவிட்டன.


இப்போதும் கூட அவருடைய மண்வாசனை, முதல் மரியாதை, கடலோர கவிதைகள் பார்த்தால் எனக்கு சிலிர்க்கும். மண்வாசனை ஒச்சாயி கிழவி பற்றி என்னுடைய தமிழாசிரியர், தஞ்சை ஆழி ஐயா, நாள் கணக்கில் பாடம் எடுத்ததை இப்போது நினைவு கூறுகிறேன்.


எப்படியோ கதை சொல்லி, நல்ல பாடல்களை ராஜா சாரிடம் வாங்கி இருக்கிறார். உருப்படாத வாலிபமே வா வா படத்தில் கூட அழகே உன்னை கொஞ்சம் கண்கள் எழுத வா வா.. சுசீலாவும், வாசுதேவனும் பிரமாத படுத்தி இருப்பார்கள். உயர்ந்த இசையில், புலமைபித்தனின் எளிமையான வார்த்தைகள்,


வானில் இன்று மேக ஊர்வலம்
யாரை தேடி போகுமோ?
ஏழு வண்ண வானவில்லிலே
மாலையாக சூட்டுமோ?
மலையில் அங்கும் இங்கும் பச்சை மரகதம்
இயற்க்கை அன்னை தந்த அன்பின் தரிசனம்
அழகை விழியில் அளப்போம் வா வா வா...

https://www.youtube.com/watch?v=wb_qyFZKxzU

https://fbcdn-sphotos-d-a.akamaihd.n...65445262_n.jpg

திருவண்ணாமலைக்குப் போன கதை . . .




’சுகா! நான் ஃபேமிலியோட கெளம்பி திருவண்ணாமலைக்குப் போயிக்கிட்டிருக்கேன். நீங்க எப்ப வரீங்க?’

‘கிழக்குச்சீமையிலே’ எழுதிய பேராசிரியர் ரத்னகுமார் ஃபோனில் கேட்டார்.

‘ஸார்! நானும் டாக்டரும் நைட்டு கெளம்பி வந்துடறோம்’ என்றேன்.

‘டாக்டர் வீடியோகேம் கார் ஓட்டுவாரேய்யா! பாத்து பத்திரமா வந்து சேருங்க.



டாக்டர் ஆல்பர்ட் ஜேம்ஸ், சென்னையின் குறிப்பிடத்தக்க குழந்தைநல மருத்துவர். வெளிவர இருக்கும் ‘மேகா’ திரைப்படத்தின் தயாரிப்பாளர். அறிமுகமான மிகக்குறுகிய காலத்தில் அத்தனை நெருக்கமானவர். அதற்கான எக்ஸ்டிரா காரணம், டாக்டருக்கு சொந்த ஊர் திருநவேலி. டாக்டரின் டிரைவிங் பற்றி பேராசிரியர் சொன்னது உண்மைதான். கடந்த மாதத்தின் ஓர் இரவில் சென்னையிலிருந்து டாக்டரின் இன்னோவா காரில் பேராசிரியர், நான், சி.பி.எம் கட்சியைச் சேர்ந்த தோழர் பாலாஜி, சீத்தாராமன் போன்றோர் பண்ணைப்புரத்துக்குப் பயணமானோம். டாக்டர் ஆல்பர்ட்தான் கார் ஓட்டினார். அவரது இருக்கைக்கு அருகில் நான். கண்ணிமைக்கும் நேரத்தில் எதிரே வரும் லாரியை நோக்கி உதடு குவித்து, நொடிப்பொழுதில் ஏமாற்றி, ஸ்டியரிங்கை வளைத்து ’ழ’ என்று ரோட்டில் கார் டயர்களினால் எழுதிக் காண்பித்து, காரில் இருந்த அனைவரின் மலச்சிக்கலையும் மருந்து கொடுக்காமல் குணமாக்கினார், டாக்டர். இடையிடையே வரும் ஃபோன் கால்களையும் அட்டெண்ட் செய்து பேசினார்.

‘சொல்லுங்கம்மா. . .

கொளந்தைக்கு என்ன வயசாகுது? . . .

சரிசரி . . . ஒண்ணும் பயப்பட வேண்டாம் . . . ப்ரிஸ்க்ரிப்ஷன்ல ரெண்டாவதா எளுதியிருக்கிற மருந்துல அஞ்சு எம்.எல் குடுங்க . .

முன் அனுபவம் காரணமாகவே பேராசிரியர் தனியாகக் கிளம்பி திருவண்ணாமலைக்குச் சென்றார்.

திருவண்ணாமலையில் இளையராஜா அவர்களின் நூல்கள் குறித்த கருத்தரங்கு நிகழ்ச்சியில் கலந்து கொள்ளவே நாங்கள் சென்று கொண்டிருந்தோம். இந்தமுறையும் டாக்டருடன் நான் முன் இருக்கையில் அமர்ந்துகொள்ள, பின் சீட்டில் பெல்ட்டை உடம்பு முழுக்க இறுக்கிப் போட்டு, அண்ணாமலையாரை வேண்டியபடி, அமர்ந்திருந்த பத்திரிக்கையாளர் தம்பி தேனி கண்ணனின் உதடுகள் அரைகுறையாக கந்தரலங்காரத்தை முணுமுணுத்துக்கொண்டிருந்தன. காதில் விழுந்த வார்த்தைகளை கவனித்துக்கேட்டபோது, அது தேனி கண்ணனே எழுதியவை என்பது புரிய வந்தது. டாக்டருடன் பயணிக்கும் போது இளையராஜாவின் தேர்ந்தெடுக்கப்பட்ட பாடல்களை பென்டிரைவில் நான் கொண்டு செல்வதால், ரோட்டை கவனிக்காமல் இசைக்குள் சென்று விடுவேன்.

நள்ளிரவில் நாங்கள் திருவண்ணாமலைக்குள் நுழைந்த போது மழை கொட்டிக் கொண்டிருந்தது. காலையில் ரமணாசிரமத்துக்குச் சென்று இளையராஜா ஸாரைப் பார்த்துவிட்டு, நிகழ்ச்சிக்கு செல்வதாகத் திட்டம். ஏதேதோ பேசிவிட்டுத் தூங்கும்போது விடிந்திருந்தது.

‘இன்னும் ரெடியாகலயாய்யா?’

இளையராஜா ஸார் ஃபோனில் சத்தம் போடவும், அவசர அவசரமாக எழுந்து, பல் தேய்த்து, குளித்து ரமணாசிரமத்துக்குக் கிளம்பிச் சென்றோம்.

‘ம்ம்ம். ஆசிரமத்தை சுத்திட்டு, கோயிலுக்குப் போங்க. 11 மணிக்கு நிகழ்ச்சி. நான் வந்துடறேன்’.

கோயிலுக்குள் நுழைந்து நிகழ்ச்சி நடைபெறும் ஆயிரங்கால் மண்டபம் அருகே சென்றபோது, நெளிந்த குரலில் யாரோ ’சொல்லடி அபிராமி’ என்று பாடிக் கொண்டிருந்தார். அவர் பாடி முடிக்கவும், அவர்தான் டி.எம்.சௌந்தர்ராஜனின் பேரன் என்று அறிமுகம் செய்து வைக்கப்பட்டார். பேராசிரியர் ரத்னகுமார் குடும்பத்தினருடன், நானும், டாக்டர் ஆல்பர்ட்டும் பார்வையாளர்களுடன் சென்று அமர்ந்து கொள்ள, சில நிமிடங்களில் இளையராஜா அவர்கள் மேடைக்கு அழைத்து வரப்பட்டார். உடன் கவிஞர்கள் முத்துலிங்கம், மு.மேத்தா, சொற்கோ, இளையகம்பன், கோ.சாரங்கபாணி மற்றும் தோழர் ஸ்டாலின் குணசேகரன் போன்றோரும் மேடையேறினர். அதற்கு முன்னால் ஸ்டாலின் குணசேகரனிடம் தேனி கண்ணன் என்னை, ‘இவர்தான் சுகா’ என்று அறிமுகப்படுத்தவும், ‘பேர் மட்டும் சொன்னா போதும். மத்தபடி இவரப் பத்தி எல்லாம் தெரியும்’ என்றபடி மகிழ்ச்சியுடன் கைகுலுக்கினார், தோழர் ஸ்டாலின் குணசேகரன்.

இளையராஜா அவர்கள் எழுதிய நூல்கள் ஒவ்வொன்றைப் பற்றியும் ஒவ்வொருவர் பேசுவதாக நிகழ்ச்சியின் அழைப்பிதழ் சொல்லியது. விழா துவங்கும் முன் முன்னாள் அமைச்சர் பிச்சாண்டி மற்றும் அவரது சகோதரரும், கல்வியாளரும், ரசனையான எழுத்தாளருமான எஸ்.கே.பி.கருணாவும் இளையராஜா அவர்களுக்கு மாலையணிவித்து ஓரிரு வார்த்தைகள் பேசிவிட்டுக் கிளம்பிச் சென்றனர். நண்பர் எஸ்.கே.பி.கருணா உணர்ச்சிமயமாக, அதேசமயம் உண்மையாகப் பேசினார். சுருக்கமாகப் பேசினார் என்பது குறிப்பிடத்தக்க ஒன்று. பேசி முடித்ததும் இளையராஜா அவர்களுடன் தற்போதைய ஃபேஷனான ‘செல்ஃபி ஃபோட்டோ’ ஒன்றை எடுத்துக் கொண்டார்.



எந்தவிதமான எதிர்பார்ப்புமில்லாமல், முழுக்க முழுக்க ராஜா ஸார் அழைத்தாரே என்கிற ஒரே காரணத்துக்காக அந்த நிகழ்ச்சிக்கு சென்றிருந்த எனக்கு கவிஞர் முத்துலிங்கத்தின் துவக்கவுரை அத்தனை சுவாரஸ்யமாக அமைந்தது இன்ப அதிர்ச்சியாக இருந்தது. அத்தனை எளிமையான தமிழில் சுவையாக அமைந்தது கவிஞரின் பேச்சு. அடுத்து வந்த இளையகம்பன், இளையராஜா அவர்களை வர்ணித்து கவியரங்கத்தில் வாசிக்கப்படும் கவிதைகளைப் பாடி அமர்ந்தார். அடுத்து வடநாட்டு உடையில் பளபளப்பாக வந்த சொற்கோ உரத்த குரலில் இளையராஜா அவர்களின் வெண்பா குறித்து பேசிக் கொண்டிருந்தபோது மேடையேறினார் தமிழக அமைச்சர் மாண்புமிகு அக்ரி கிருஷ்ணமூர்த்தி அவர்கள். உடன் பாராளுமன்ற உறுப்பினர் திருமதி வனரோஜா மற்றும் கழகத்தைச் சார்ந்த அணுக்கத் தொண்டர்கள். நனைந்த ஜிப்பாவுடன் கவிஞர் சொற்கோ உட்கார வைக்கப்பட்டார். அமைச்சர் பெருமகனார் கையில் டைப் செய்யப்பட்ட சில காகிதங்களுடன் பேச வந்தார். தமிழ் இலக்கியம் என்றால் என்ன? திருவள்ளுவர் என்பவர் யார்? தமிழ் மொழியின் மகத்துவம் என்ன? என்கிற கேள்விகளுக்கெல்லாம் விளக்கம் அளிக்கும் வண்ணம் சுவைபட, டைப் செய்யப்பட்ட அந்தப் பக்கங்களை வாசித்தார். ஐந்தாறு பக்கங்களை அவர் வாசித்து முடிக்கும்போது, மேலும் சில டைப் பக்கங்களை அவரது உதவியாளர் கொண்டு வந்து அமைச்சர் கைகளில் கொடுத்தார். ஏற்கனவே பசியிலும், தூக்கத்திலும் இருந்த நான், அருகில் அமர்ந்திருந்த பேராசிரியரின் தோள்களில் சாய்ந்தேன். தாயுள்ளத்துடன் என் தலையைத் தடவிக் கொடுத்து ஆசுவாசப்படுத்தினார் பேராசிரியர். அமைச்சருக்கு அடுத்து பேச வந்த பாராளுமன்ற உறுப்பினர் திருமதி வனரோஜா, ’அன்பான வாக்காளப் பெருமக்களே’ என்று தொடங்கி சுவைபடப் பேசினார். பின் இளையராஜா அவர்களை வணங்கிவிட்டு, எல்லோரும் மேடையைவிட்டு இறங்கிச் சென்றனர்.


மீண்டும் நனைந்த ஜிப்பாவுடன் கவிஞர் சொற்கோ வெண்பாவைப் பற்றிப் பேச வந்தபோது, மணி மதியம் இரண்டை நெருங்கியிருந்தது. இப்போது மேடையிலும், கீழேயும் அமர்ந்திருந்த அனைவரின் உடைகளும் நனைந்திருந்தன. அத்தனை பசியிலும், களைப்பிலும் கவிஞர் சொற்கோ உறுமினார். அறைக்குச் சென்று நிச்சயம் இருமியிருப்பார். சொற்கோவின் உடல்நலனில் அக்கறை கொண்ட கவிஞர் முத்துலிங்கம் அவரை அமரச் செய்து, அடுத்து மு.மேத்தாவைப் பேச அழைத்தார். இளையராஜா அவர்களின் வாழ்க்கையில் நடந்த சுவையான சம்பவங்களைப் பற்றிப் பேசிவிட்டு கவிஞர் மு.மேத்தா அமர்ந்தபோது, களைப்பு அவர் முகத்தில் தெரிந்தது. அடுத்து புலவர் கோ.சாரங்கபாணி வந்து பாடினார். தன்னை தினமும் காலையில் இளையராஜா அவர்களின் பாடலொன்றுதான் தூக்கத்திலிருந்து எழுப்பி விடுகிறது என்று சொல்லி, முழுப்பாடலையும் பாடினார். அவர் பாடிய அந்தப் பாடல், புதுவை அரவிந்தர் அன்னையைப் பற்றி கங்கை அமரன் அவர்கள் இயற்றி, இசைத்து, பாடிய பாடல். இப்படியாக அவர் ஒரே பாடலின் மூலம் இளையராஜா அவர்களின் மனதில் நீங்கா இடம் பிடித்தார்.



மதிய உணவு நேரம் எப்போதோ கடந்து விட்டிருந்தது. ஆனாலும் கூடியிருந்த மக்கள் அனைவரும் இளையராஜா அவர்களின் ஏற்புரைக்காக பொறுமையாக அமர்ந்திருந்தார்கள். இந்த நேரத்தில்தான் தோழர் ஸ்டாலின் குணசேகரன் பேச வந்தார். வருடந்தோறும் ஈரோட்டில் சிறப்பான முறையில் புத்தகக் கண்காட்சி நடத்துகிற செயல்வீரர், அவர். மக்களோடு மக்களாக தொடர்ந்து உரையாடிக்கொண்டிருக்கிற தோழர் ஸ்டாலின் குணசேகரன் பேசத் துவங்கிய ஐந்து நிமிடங்களிலேயே கூட்டத்தை தன்வசப்படுத்தினார். இன்னும் சிறிதுநேரம் பேசமாட்டாரா என்று எதிர்பார்க்க வைத்த பேச்சு. ஏற்புரையை இளையராஜா அவர்கள் மிகச் சுருக்கமாக முடித்துக் கொள்ள, கொளுத்தும் வெயிலில் அவரது வேகத்துக்கு ஈடு கொடுக்க முடியாமல், கொதிக்கும் கல்தரையில் ஓட்டமும், நடையுமாக அவரைப் பின் தொடர்ந்து ரமணாசிரமம் சென்றோம். மதிய உணவு, சாயங்கால பூஜை, எனது அடுத்த படம் பற்றிய அலோசனைகள் போன்றவற்றை முடித்துவிட்டு ரமணாசிரமத்தை விட்டுக் கிளம்பும் போது, வானம் இருட்டத் தொடங்கியிருந்தது.



‘என்னைச் சந்திக்காமல் போகக் கூடாது’ என்று அன்புக்கட்டளை இட்டிருந்த நண்பர் எஸ்.கே.பி.கருணாவை அவரது கல்லூரி வளாகத்தில் அமைந்திருந்த விருந்தினர் மாளிகையில் சந்திக்கச் சென்றோம். வெளியே மழை கொட்டிக் கொண்டிருக்க, அடுத்தடுத்து இரண்டு முறை தேநீர் வழங்கி, சுவையாகப் பேசிக்கொண்டிருந்தார், கருணா. கருணாவின் கலாரசனையை ஏற்கனவே அவரது எழுத்து மூலம் நானறிவேன். உடன் வந்த டாக்டர் ஆல்பர்ட்டும், தேனி கண்ணனும் அந்த முதல் சந்திப்பிலேயே கருணாவின் ரசிகர்களானார்கள். நேர்த்தியாக வடிவமைக்கப்பட்ட தனது விருந்தினர் மாளிகையைச் சுற்றிக் காண்பித்த நண்பர் கருணா, ‘இனிமேல் திருவண்ணாமலைக்கு நீங்க வர்றதா இருந்தா, எனக்கொரு ஃபோன் பண்ணிட்டு நேரே இங்கே வந்திரணும். வேற எங்கேயும் தங்கக் கூடாது’ என்றார். மழை நின்றபாடில்லை. ‘ஒண்ணும் பிரச்சனையில்ல. டின்னர் ரெடி பண்ணச் சொல்றேன். சாப்பிட்டுட்டு, நைட் தங்கிட்டு காலைல கூட நீங்க போகலாம்’ என்றார், கருணா. டாக்டரைப் பார்த்தேன். ‘பரவாயில்லண்ணே. கெளம்பிடலாம். போற வழில சாப்டுக்குவோம்’ என்றார் டாக்டர் ஆல்பர்ட். கருணாவிடம் விடைபெற்றுக் கொண்டு கிளம்பினோம்.


மீண்டும் வீடியோ கேம் கார். ’இனிமேல் ராஜாஸார இந்த மாதிரி நிகழ்ச்சிலல்லாம் கலந்துக்கக்கூடாது, ஆல்பர்ட்’ என்றேன். ‘கரெக்டுண்ணே. நீங்கதான் அவர்கிட்ட சொல்லணும்’ என்றபடி ஸ்டியரிங்கை ஒரு சுற்று சுற்றி, இந்தமுறை கார் டயர்களினால் ரோட்டில் ‘ஞ’ எழுதிக் காண்பித்தார். பின்னணியில் கேட்டுக் கொண்டிருந்த ’அப்பப்பா தித்திக்கும் உந்தன் முத்தம்’ என்கிற ‘ஜப்பானில் கல்யாணராமன்’ பாடலையும் மீறி ஒலித்தது, இறுக்கமாகக் கட்டப்பட்டிருந்த சீட்பெல்டுக்குள் இருந்த தேனி கண்ணனின் கந்தரலங்காரம்.

நினைத்தேன் ஏதாவது காமெடி நடக்குமென்று..

விழா நேரமே தப்பு.. 11 மணிக்கு ஆரம்பித்து அத்தனை புத்தங்களை பற்றி நீட்டி முழக்கி, கரை வெட்டிகளின் இடையூறுகளை தாண்டி எப்படி மதிய உணவு நேரத்துக்குள் முடிக்க முடியும்?


விழா ஏற்ப்பாட்டாளர்கள் எப்படியோ செய்ய நினைத்து இப்படி சொதப்பிவிட்டார்கள் என்று நினைக்கிறேன்.



மாண்புமிகு மற்று அன்பான வாக்கால பெருமக்களை நிகழ்ச்சிக்கு அழைத்தது தவறு...
இரும்படிக்கும் இடத்தில் இவர்களுக்கு என்ன வேலை?
உண்மையில் ராஜா சாருக்காக வந்தவர்கள், நேரத்துக்கு வந்து அவர் போகும் வரை இருப்பதல்லவா மரியாதை?


பொற்கோவின் தமிழ் காலத்துக்கும் நிற்கும், ஆனால் மாண்புமிகு என்கிற மரியாதை? அண்ணாமலையார் அல்ல, அம்மா நினைத்தால் நொடியில் மறைந்து போகும்.


இனிமேல் ராஜா சார் இந்த மாதிரி நிகழ்ச்சிலல்லாம் கலந்துக்கக்கூடாது.. நாங்களும் அதான் சொல்றோம் சுகா சார்.. செறிவூட்டும் இலக்கிய இசை விழாக்களில் பார்வையாளராக மட்டும் ராஜா சார் கலந்து கொள்ளட்டுமே. ரஜினியும் இப்போதெல்லாம் அப்படி போகிறாராம்.

Thanks, Poem, for posting Maestro's photo at Guruvayoor. It's indeed great to see two great legends together. As many of you know, our Maestro is standing before the life statue of Sree Guruvayoor Kesavan who is considered to be one of the most ardent devotees of Lord Krishna. "Gajarajan Kesavan" as he was fondly called, always carried Krishna's statue around the temple during the evening rituals. Kesavan died on Ekadashi day in 1976 while fasting. When Kesavan was dying, he came and stood before the main sanctum by stretching his trunk pointing to Lord Krishna as Namaskaram and took his last breath. The Devasvom board and devotees decided to erect Kesavan's statue in East Nada, perhaps the only life statue dedicated to an animal. May Lord Krishna and Kesavan bless our Raaja with good health and spirit to enable him to rise further with his mesmerizing music and presence. It's been a year since I attended "Raaja The Raaja" London O2 concert - it was indeed a musical rain in London. I haven't seen the recording of the concert being posted anywhere. Maestro rendered 42 songs without any interruptions, except for Kamal's arrival.

Quote:

---

Originally Posted by Suka

தன்னை தினமும் காலையில் இளையராஜா அவர்களின் பாடலொன்றுதான் தூக்கத்திலிருந்து எழுப்பி விடுகிறது என்று சொல்லி, முழுப்பாடலையும் பாடினார். அவர் பாடிய அந்தப் பாடல், புதுவை அரவிந்தர் அன்னையைப் பற்றி கங்கை அமரன் அவர்கள் இயற்றி, இசைத்து, பாடிய பாடல். இப்படியாக அவர் ஒரே பாடலின் மூலம் இளையராஜா அவர்களின் மனதில் நீங்கா இடம் பிடித்தார்.

---

வெடித்துச் சிரித்தேன்!!

Quote:

---

Originally Posted by rajsekar

It's been a year since I attended "Raaja The Raaja" London O2 concert - it was indeed a musical rain in London. I haven't seen the recording of the concert being posted anywhere. Maestro rendered 42 songs without any interruptions, except for Kamal's arrival.

---

இன்று காலை கிழக்கு லண்டனில் ரெட்ப்ரிட்ஜ் என்கிற ஊருக்கு ஒரு தேவைக்காக மனைவி மற்றும் மகனுடன் செல்ல நேர்ந்தது. வேலை முடிந்து மதியம் ரெட்டிங் கிளம்பலாம் என்று நினைத்த நேரத்தில், வெயில் உடம்பில் படவும், லண்டன் சென்று சுற்றி விட்டு மாலை ஊருக்கு போகலாம் என்று முடிவு செய்தோம்.

ரெட்டிங் என்கிற ஊரில் நான் குடியிருந்தாலும் லண்டனிலிருந்து வெகு தூரம் இல்லை. நெரிசல், ஒரு வழி சாலைகள், ஸ்பீட் கேமரா என்று எனக்கு பிடிக்காதவை அங்கு அதிகம். அதனால், அந்த நகரம் அழகாய் இருந்தாலும், லண்டனுக்கு போவதை நான் அதிகம் விரும்புவதில்லை.

கிழக்கு லண்டனில் இருந்து கிளம்பிய நாங்கள் எதையுமே திட்டமிடாமல் நேராக O2 அரங்கத்தில் காரை நிறுத்திவிட்டு, பையனுக்கு பொழுது போகட்டுமே என்று புதியதாய் நிறுவப்பட்டிருக்கும் எமிரேட்ஸ் கேபிள்-காரில் ஒரு சுற்று போய் வரலாம் என்று அதிலும் போய் விட்டு O2 அரங்கத்துக்கு வந்தோம். இந்த நாட்டுக்கு வந்து பல ஆண்டுகள் ஓடிவிட்டாலும் O2 அரங்கத்துக்கு வருவது இது இரண்டாம் முறை. சென்ற ஆண்டு அவருடைய நிகழ்ச்சிக்கு முதல் முறை.. மீண்டும் இன்று.

ராஜா சாரின் ராஜா ராஜா தான் நிகழ்ச்சியை பற்றி நான் பேசி கொண்டே வர.. விட்டால் போதும் என்று உடன் வந்த என் மனைவி போட்டோ எடுக்கும் சாக்கில் பையனை அழைத்து கொண்டு அங்கும் இங்கும் போய் கொண்டிருந்தார். நான் தனியே அமர்ந்து, ராஜா சார் இங்கு வந்த இடம், அவர் கால் பட்ட இடம், அவர் பேசியது பாடியது என்று எதை எதையோ நினைத்து உம்மென்றிருக்க, அருகே வந்த மனைவி, சம்மந்தமே இல்லாமல் ஹே, இன்னிக்கு என்ன தேதி என்றார்..

ஆகஸ்ட் 24 என்றேன்... இந்த தேதி பற்றி மண்டையில் ஏதோ பொறி தட்ட,

ராஜா ராஜா தான் நிகழ்ச்சி நடந்த அதே நாள் தான் இன்று. ஆகஸ்ட் 24.. அது நடந்து சரியாக ஓராண்டாகி விட்டது. என்னையும் அறியாமல் அதே தேதியில் இன்று நாங்கள் மீண்டும் O2 அரங்கத்தில்.. ராஜா சார் வந்து சென்ற ஒரு இடத்துக்கு, அதே தேதியில் மீண்டும் நான் ...

உங்களுக்கு இது என்னுடைய அறிவு கேட்ட மூடத்தனமாக தெரியும்.. ஆனால் எனக்கு புல்லரித்தது. பிறகு அதிகம் பேசி என் மனைவியை வெருபேற்றவில்லை. என் நினைவெல்லாம் அவர் தான் ஆக்கிரமித்திருந்தார்.

மறந்தால் தானே நினைக்க வேண்டும்?
நினைவே அவரென்றால்?

வீட்டுக்கு வந்ததும் இதுவரை கேட்டிராத ஏதாவது ஒரு ராஜா சார் பாடலை கேட்கலாம் என்று தேடியதில் ஒரு முத்து கிடைத்தது.. ஒ ப்ரேமி ஜெச

http://www.saavn.com/p/song/hindi/Ak...ni/Jl0bdSx7Y1w

இந்த கூத்தை கேட்டீங்களா? move your body.

https://www.youtube.com/watch?featur...&v=ZfDaEIQOLUE

Quotable Quote from VenkkiRam.

" யாரிடம் நாம் அதிக அளவு பாசம், அளவு கடந்த மதிப்பு வைத்திருக்கிறோமோ, அவர்களிடத்தில்தான் விமர்சனங்களை வைப்போம். இதுவும் ஒருவகையில் உலகநியதிதான். "

an interesting remix

https://www.youtube.com/watch?v=mI4LlEzH8ck

Quote:

---

Originally Posted by Gopal,S.

Quotable Quote from VenkkiRam.

" யாரிடம் நாம் அதிக அளவு பாசம், அளவு கடந்த மதிப்பு வைத்திருக்கிறோமோ, அவர்களிடத்தில்தான் விமர்சனங்களை வைப்போம். இதுவும் ஒருவகையில் உலகநியதிதான். "

---

திரு கோபாலுக்கு நாற்பது ஆண்டுகளாக (வரும் 2016-ல்) நிலையாக நிற்கும் ராஜாவின் விஸ்வரூப ஆளுமை ரொம்பவும் படுத்துது என நினைக்கிறென். நீங்கள் நான் பதிவிட்டதை மீள்பதிவு செய்திருக்கிறீர்கள். நன்றி. ஆனால் ராஜாவின் இசை மகத்துவத்தை புரிந்து தெளிய தெளிய அதுபோன்ற விமர்சனங்கள் கூட பகலவன் பட்ட பனித்துளி போல காணாமல் போய்விடும். முழுவதும் சரணாகதி ஆகவேண்டியதுதான். வேற வழியேயில்லை. சூரியன் போல. நெருங்க நெருங்க உங்கள் மீது விழும் இசைஈர்ப்பு விசை அதிகமாகிக் கொண்டே செல்லும். கடைசியில் ஜோதியில் ஐக்கியமாகும் வரை. விமர்சனம் வைத்தாலும் அவரது இசை - வெறுப்பை வளர்க்கும் நெருப்பல்ல. ஒருநிலைப்படுத்தும் சக்தி. ஏனென்றால் அவருக்கு மாற்றாக இன்னும் யாருமே வரவில்லை. அவ்வளவு சீக்கிரம் வரப்போவதும் இல்லை. அது முழுக்க முழுக்க இசை சம்பந்தப்பட்ட ஞானம் மட்டுமே அல்ல. பாடும் நிலா பாலு சொல்வது போல , ராஜா போன்றவர்கள் ஐநூறு, ஆயிரம் வருடங்களுக்கு ஒரு முறை மட்டுமே மண்ணில் தோன்றலாம். ரசிகர்கள் கொடுத்து வைத்தவர்கள். 'ராஜா ஒரு தன்னிகரற்றவர்' என்ற திரியில் பதியப்படும் பதிவுகளுக்கு மாற்று கருத்து இருந்தால் பதியவும். அது கலகப்பதிவாக இல்லாமல் இருக்கும் பட்சத்தில் தொடர்ந்து உரையாடுகிறேன்.

Quote:

---

Originally Posted by venkkiram

திரு கோபாலுக்கு நாற்பது ஆண்டுகளாக (வரும் 2016-ல்) நிலையாக நிற்கும் ராஜாவின் விஸ்வரூப ஆளுமை ரொம்பவும் படுத்துது என நினைக்கிறென். நீங்கள் நான் பதிவிட்டதை மீள்பதிவு செய்திருக்கிறீர்கள். நன்றி. தொடர்ந்து உரையாடுகிறேன்.

---

தலைவரே ,



இதெல்லாம் ஓவர். creativity peak (சந்தை நிலவரம் விட்டு விடுகிறேன். எனக்கு அதை பற்றி லட்சியமேயில்லை) என்று பார்த்தால் 1980 முதல் 1991 வரை 12 வருடங்களே. அதற்கு பிறகு அவரின் பலவீன நிழல் மட்டுமே அவ்வப்போது தோன்றி மறைந்தது. 1977- 1979 ஆர்வமான முன்னேற்றம் ,ரசிக்கத்தக்க மாறுதல்.



இது சிவாஜி,கண்ணதாசன், ஜெயகாந்தன்,அசோக மித்திரன்,பாலசந்தர்,பாலு மகேந்திரா,மகேந்திரன்,பாரதிராஜா ,ஸ்ரீதர் ,கமல் ,விஸ்வநாதன்,மகாதேவன் ,ரகுமான் அனைவருக்கும் பொருந்தும்.(அகால மரணம் தழுவியவர்,காலத்தின் கோலத்தால் ஒதுக்க பட்ட மேதைகள் விதிவிலக்கு அல்லது one time wonder மௌனி,கரிச்சான் குஞ்சு,பா.சிங்காரம் தொடர்ந்து கொடுக்காததால் ஒன்றும் சொல்ல இயலாது)

Quote:

---

Originally Posted by Gopal,S.

தலைவரே ,

இதெல்லாம் ஓவர். creativity peak (சந்தை நிலவரம் விட்டு விடுகிறேன். எனக்கு அதை பற்றி லட்சியமேயில்லை) என்று பார்த்தால் 1980 முதல் 1991 வரை 12 வருடங்களே. அதற்கு பிறகு அவரின் பலவீன நிழல் மட்டுமே அவ்வப்போது தோன்றி மறைந்தது. 1977- 1979 ஆர்வமான முன்னேற்றம் ,ரசிக்கத்தக்க மாறுதல்.

இது சிவாஜி,கண்ணதாசன், ஜெயகாந்தன்,அசோக மித்திரன்,பாலசந்தர்,பாலு மகேந்திரா,மகேந்திரன்,பாரதிராஜா ,ஸ்ரீதர் ,கமல் ,விஸ்வநாதன்,மகாதேவன் ,ரகுமான் அனைவருக்கும் பொருந்தும்.(அகால மரணம் தழுவியவர்,காலத்தின் கோலத்தால் ஒதுக்க பட்ட மேதைகள் விதிவிலக்கு அல்லது one time wonder மௌனி,கரிச்சான் குஞ்சு,பா.சிங்காரம் தொடர்ந்து கொடுக்காததால் ஒன்றும் சொல்ல இயலாது)

---

உங்களின் இதுவரையிலான பதிவுகள் மூலம் இதைத்தான் நான் முன்னரே புரிந்துகொண்டேன் . மேற்சொன்ன எல்லா ஆளுமைகளிடமிருந்தும் வேறுபட்டு ராஜா சாதித்தது என்ன என்ற தளத்திலேயே நீங்கள் பல கோணங்களில் வேறுபடுகிறீர்கள். இரண்டு விதமான அணுகலாம். இசை ரீதியாக, உணர்வு ரீதியாக.. இரண்டிலுமே நீங்கள் கருத்தான பல பதிவர்களிடம் தொடர்ந்து உரையாட வேண்டும்.

நீங்கள் இந்த ஒப்பீடு விஷயத்தில் முக்கிய காரணியாக கருதும் பாடல் ஆக்கங்களே ராஜாவின் படைப்புத்திறனில் இருபத்தைந்து சதவீதம்தான் ஆக்கிரமித்திருக்கிறது. மீதிமுழுதும் படக்காட்சிகளுக்கான பின்னணி இசை. இந்த நூறு சதவிதத்தையும் அலசி பகுப்பாய்வு செய்தால்கூட அதையும் தாண்டி இளையராஜா என்ற பின்னணி பாடகர் இருக்கிறார், பாடலாசிரியர் இருக்கிறார்.. விஸ்வரூபத்தின் ஒரு பகுதியை மட்டுமே நீங்கள் கணக்கில் கொண்டு அட்டைகத்தியை நினைக்கும் விதத்தில் காற்றில் சுழட்டுவதால் பயனில்லை.

சமீபத்தில் வந்த ஓநாயும் ஆட்டுக்குட்டியும் - பின்னணி இசை , நீதானே என் பொன்வசந்தம் படப் பாடல்கள் படைப்பாக்கத்தில் இன்னும் அணையாத எரிமலையாக கனன்று கொண்டிருக்கிறார் என்பதையே பறைசாற்றுகிறது. "1980 முதல் 1991 வரை 12 வருடங்களே. அதற்கு பிறகு அவரின் பலவீன நிழல் மட்டுமே அவ்வப்போது தோன்றி மறைந்தது. " - நீங்கள் வசதியாக ஒரே வரியில் இப்படி சொல்லிவிட்டு போய்விட்டீர்கள். இது ராஜா மீதான விமர்சனமாக படவில்லை. தனது விமர்சனம் மூலமாவது ராஜாவின் ஆளுமையை கூடிய மட்டும் சிறுமைபடுத்திப் பார்க்கலாமே என்ற பிரயத்தனமே மேலோங்கி நிற்கிறது.

இப்போதிருக்கும் தலை முறை இன்னும் சில ஆண்டுகளில் ஹாரிஸ், யுவன், இமான் போன்றோரை புறந்தள்ளிவிட்டு புதியவர்களை ஏற்று கொள்வார்கள். இப்போதே வித்யாசாகரை காணவில்லையே.

நமக்கு தான் ரசனை மாறி கொண்டே வருகிறதே தவிர, அவரென்னவொ சரியாக தன இருக்கிறார்.இன்னும் 10 ஆண்டுகள் கழித்தும் கூட ராஜா சார் எதிர் நீச்சல் போட்டு புதியவர்களோடு போட்டியில் இருப்பார். இதற்க்கு காரணம் காசு சம்பாதிப்பதற்காக இல்லை, அந்த நேரத்திலும் ஏதாவது கற்றுக்கொண்டு, இசை எழுதி கொண்டிருப்பார். தொழில் செய்யும் திரைப்பட எண்ணிக்கையை வைத்து மட்டுமே ஒருவரின் கிரியேட்டிவிட்டியை கணக்கிட முடியாது. அப்படி என்றால் சந்திரபோஸ், ஷங்கர் கணேஷ், தேவா, யுவன், ஸ்ரீ காந்த் தேவா, விஜய் ஆண்டனி இவர்கள் எல்லாருமே ஒவ்வொரு காலகட்டத்தில் நிறைய படம் பண்ணியவர்கள் தான். ஆனால் தரம்? ஆண்டுக்கு 30 கொடுத்த போதும் 3 கொடுத்த போதும் ராஜா சாரின் கிராப் கோடு எப்படி இருந்தது? நமக்கு அந்த இசை மண்டையில் ஏறாமல் போகலாம், அதற்கு காரணம் அவரா? இல்லை பதட்டமான இந்த உலகத்தில், நமக்கு அடிக்கடி மாற்றம் தேவை படுகிறதா? அதுவும் இந்தியாவில், மீடியாக்கள் எல்லோரையுமே, எல்லா நேரத்திலுமே பதட்டத்தில் வைத்திருக்கிறார்கள். ஏன் என்று தான் தெரியவில்லை.

தஞ்சை பெரிய கோவிலை எப்படி கட்டினார்கள் என்று 1000 ஆண்டுகளாக புரியாத ஒரு புதிரை பேசுவது போல் காலாகாலத்துக்கும் ராஜா சார், விஞ்ஞானி ஸ்டெபன் போன்றோர் அவரவர் துறைக்கு அளித்த பங்களிப்பு ஆராய்ச்சி செய்யப்படும்

Sivasub, nice catch. Interesting indeed. I could recognize "Panivizhum" song (mouna raagam), the intense music of "Nee thoongum nerathil". The third part (from 1:30) is so familiar...but could not catch it, probably because it is slightly tweaked here and there to suit the mood of the whole theme. Appears to me that most of it is sampled from original sound and tweaked a little.

thanks,

Krishnan

இளைய ராஜா பின்னணி இசை, பாடல்கள் இதை தாண்டி எதை அலசினாலும் மிக பெரிய பின்னடைவே. பாடகர்,பாடலாசிரியர், போகிற போக்கை பார்த்தால் இன்னும் என்னென்ன வருமோ.



நீங்கள் என்னை விவாதத்துக்குள் ஈர்க்க பார்க்கிறீர்களா அல்லது நீதானே என் பொன் வசந்தம் பாடல்கள் இளைய ராஜாவிடம் பொறி இருப்பதை காட்டுவதாக நிஜமாகவே நம்புகிறீர்களா?(எனக்கு இதில் பீடியின் முனையளவு கங்கு கூட படவில்லை)மூளை சலவை செய்ய பட்ட நாஜி படை வீரர்களுடன் உரையாடும் உணர்வே ஏற்படுகிறது. நான் தொடர் எழுதுவதாக இருக்கிறேன். தொடருங்கள்.

//நீங்கள் என்னை விவாதத்துக்குள் ஈர்க்க பார்க்கிறீர்களா அல்லது நீதானே என் பொன் வசந்தம் பாடல்கள் இளைய ராஜாவிடம் பொறி இருப்பதை காட்டுவதாக நிஜமாகவே நம்புகிறீர்களா?(எனக்கு இதில் பீடியின் முனையளவு கங்கு கூட படவில்லை)மூளை சலவை செய்ய பட்ட நாஜி படை வீரர்களுடன் உரையாடும் உணர்வே ஏற்படுகிறது.//

திரு கோபால்,

உரையாடிப் பயனில்லை. ஒண்ணு மட்டும் கடைசியாக சொல்லி முடிச்சிக்கிறேன். இந்த இடம் ( ராஜா பற்றிய திரிகளின் தொகுப்பு) பிரசித்தி பெற்றது. இசைமீதான மேன்மையான ரசனை கொண்ட, அனுபவமுள்ள பல இசை விமர்சகர்கள், ரசிகர்களின் கருத்துக்கள் பதித்த இடம் இது. அதையெல்லாம் ஒப்பிடுகையில் உங்களது ராஜா மீதான இதுவரையிலான பார்வைகள் மிகவும் மேலோட்டமாகவும், மலிவான முறையிலும் இருக்கின்றது. உண்மையில் இதுபோன்றவர்களே நாஜிப்படை. இணையத்தில் யார் வேண்டுமானாலும், எதை வேண்டுமானாலும் விமர்சிக்கலாம். ஆனால் ஒவ்வொருமுறையும் வாய்ப்பு அளிக்கப்பட்டும், நீங்கள் இங்கே சுழட்டுவது வெறும் அட்டைகத்திதான். நன்றி.

இன்று தீபம் தொலைகாட்சியில் மௌன ராகம் பார்த்தேன்.. எல்லா அம்சங்களும் சரிவர பொருந்திய படம். கம்பீரமான பாடல்களும், இசையும் புத்துணர்ச்சி ஊட்டுபவையாக, ராஜா சார் பின்னி பெடலெடுத்திருக்கிறார்.

மணிரத்னம் படங்களில் உயிரே படம் தான் நான் கடைசியாக பார்த்தது. இப்போதெல்லாம் அவர் எடுக்கும் படங்கள் என்னை இம்ப்ரெஸ் செய்வதில்லை. பழைய முகலாயர் கால கட்டிடங்களை தவிர, மௌன ராகம் படத்தில் காண்பிப்பது போல் நிஜத்தில் அந்த ஊர் அவ்வளவு அழகில்லை. நான் அங்கு தங்கி ஒரு வருடம் வேலை பார்த்திருக்கிறேன். இப்போது டெல்லி மாறி இருக்கிறதா, மணிரத்னம் நல்ல படங்கள் எடுக்கிறாரா? ரெண்டும் தெரியவில்லை.