-
பொன்மனச்செம்மல் எம்.ஜி.ஆர் அவர்களின் 21வது திரைப்படம் " மருத நாட்டு இளவரசி " பற்றிய ஒரு சிறு தொகுப்பு :
--------------------------------------------------------------------------------------------------------------------------------------------------------------------------
1. இத்திரைப்படம் வெளியான தேதி : 02-04-1950
2. தயாரிப்பு : முத்து சாமியின் - ஜி. கோவிந்தன் & கம்பெனியார்
3. இயக்குனர் : ஏ. காசிலிங்கம்
4. மக்கள் திலகத்தின் கதாபாத்திரம் : காண்டீபன்
5. பாடல்கள் : சி ஏ. லக்ஷ்மனதாஸ் & கே பி காமாஷி
6. கதை, வசனம் : மு. கருணாநிதி
8. இசை : எம் எஸ் ஞானமணி & பார்ட்டி
9. கதாநாயகன் மற்றும் நாயகி : மக்கள் திலகம் எம். ஜி. ஆர் - வி என் ஜானகி
10.. இதர நடிக நடிகையர் : எம். ஜி. சக்கரபாணி, பி. எஸ். வீரப்பா, புளிமூட்டை ராமசாமி
சி. கே. நாகரத்தினம், சி. கே. சரஸ்வதி, கே. மீனாஷி
================================================== ======
குறிப்பு : இப்படத்திற்கு முதலில் "காளிதாசி" என்று தலைப்பு வைக்கப்பட்டது.
================================================== =======
இப்படத்தின் கதைச்சுருக்கம் மற்றும் பாடல்கள் தொடர்கிறது.
அன்பன் : சௌ. செல்வகுமார்
என்றும் எம்.ஜி.ஆர்.
எங்கள் இறைவன்
-
மருதநாட்டு இளவரசி படத்திலிருந்து நம் மன்னவரின் எழில் மிகு தோற்றம்
http://i45.tinypic.com/2uy607l.jpg
அன்பன் : சௌ. செல்வகுமார்
என்றும் எம்.ஜி.ஆர்.
எங்கள் இறைவன்
-
-
நன்றி திரு.செல்வகுமார் மற்றும் வினோத் சார்.
இப் படத்தில் நமது தலைவர் பல காட்சிகளில் மேல் சட்டை அணியாமல் வேறும் வேட்டி மட்டுமே கட்டி நடித்திருப்பார். மிகவும் வித்தியசமான படம். இப்படத்தினை நான் ஒரு முறை தான் முழுவதுமாக பார்த்து இருக்கிறேன்.
-
-
மக்கள் திலகத்தின் ராஜகுமாரி படத்திற்கு பின்னர் 1950 ல் வந்த இந்த படம் மூலம் தனது வெற்றி படிகளை துவக்கினார் .
இப் படத்தில் மக்கள் திலகம் தந்து இரண்டு கைகளிலும் வாளினை ஏந்தி ஆவேசமாக பம்பரம் போல் சுழன்று போராடும் சண்டை காட்சி மிகவும் பிரமாதம் . இதுவரை அந்த சண்டை காட்சி போல எந்த படத்திலும் வரவில்லை என்பது குறிப்பிடத்தக்கது .
405 வது பதிவில் இருக்கும் மருத நாட்டு இளவரசி பட வீடியோவில் 1 மணி 48 நிமிடம் முதல் 1 மணி 56 நிமிடம் வரை நடை பெறும் வாள் சண்டை கண்டு மகிழவும்
-
பொன்மனச்செம்மல் எம்.ஜி.ஆர் அவர்களின் 21து திரைப்படம் "மருத நாட்டு இளவரசி" கதைச்சுருக்கம்
++++++++++++++++++++++++++++++++++++++++++++++++++ ++++++++++++++++++++++++++++++++++++++++++++++
குறிஞ்சி நாட்டுக் கொற்றவன் கோபதிவர்மன். துர்ஜயன் சூதின் சுரங்கம் மன்னரின் இளைய மனைவிக்கு சகோதரன். மகாராணி சித்ராதேவியின் மேல் மன்னருக்குள்ள காதலை வேரறுக்க வேண்டி துர்ஜயன் இளையராணி இருவரும் சதிக்களம் அமைக்கிறார்கள் அவர்களுக்கு காளிங்கன் என்ற ஒரு துரோகியும் கைப்பாவையாகிறான். இரண்டு ராணிகளும் கர்ப்பமுற்றிருக்கிறார்கள். சித்ரா தேவியின் குழந்தைகளுக்கு பட்டம் கிடைத்து விட்டால் தன் செல்வாக்கு குறைந்து விடுமே என்று துர்ஜயனுக்கு கவலை
"இளைய ராணிக்கு தரப்படும் மருந்தில் விஷத்தை கலந்து அனுப்பினாள் மஹாராணி" - இந்தக் குற்றச்சாட்டை துர்ஜயன் சிருஷ்டிக்கிறான். கோபதிவர்மனும் சித்ராதேவியினிடத்தில் சந்தேகம் கொள்கிறார். ஆனால் துர்ஜயன் எதிர்பார்த்த அளவுக்கு மகாராணிக்கு தண்டனை கிடைக்க வில்லை மகாராணியைக் கொலை செய்து விடத் தீர்மானிக்கிறான். இதையறிந்த அமைச்சர் அன்பானந்தர் மகாராணியை முன்னேற்பாடாக வெளியேறச் செய்கிறார். மகாராணியைக் கொல்ல வந்த துர்ஜயனின் கட்டாரி அமைச்சர் அன்பானந்தரின் வாழ்வை முடிக்கிறது.
மாளிகையை விட்டு வெளியேறிய மகாராணி ஒரு காட்டு மிராண்டிக் கூட்டத்திடம் சிக்கி விடுகிறாள் அவர்கள் குல தெய்வத்துக்கு ஒரு கர்ப்பவதி பலி வேண்டுமாம். பலி பீடத்தில் சாவுக்கு தயாராகிக் கொண்ட மகாராணியைக் கார்மேகம் என்ற ஒரு கிழவன் ஆச்சர்யமாக காப்பாற்றுகிறான். கார்மேகத்தின் குடிசையிலேயே குறிஞ்சி நாட்டு யுவராஜா பிறந்து விடுகிறான்.
மகாராணி காணாமற் போன செய்தியையும் அன்பானந்தர் மறைந்த மாயத்தையும் இணைத்து தவறான எண்ணத்தை வேந்தன் மனதில் தூவுகிறான் துர்ஜயன். அதன் விளைவாக சித்ராதேவியை தேடும் படலம் வெகு பயங்கரமாக மாறுகிறது
சித்ராதேவி குழந்தையை கார்மேகத்திடம் ஒப்படைத்து விட்டு ஆண்கள் நுழையக் கூடாதென்று சட்டமுள்ள ஒரு காளி கோயிலில் நுழைந்து விடுகிறாள்.
மாளிகையில் இளைய ராணிக்கு குழந்தை இறந்து பிறக்கிறது துர்ஜயனின் சூழ்ச்சியால் காளிங்கனின் குழந்தை மன்னரின் மைந்தனாகிறது தன் தங்கை மகனை வைத்துக் கொண்டு தானேதான் செல்வாக்கு பெற வேண்டுமென்பது அவன் நம்பிக்கை. குழந்தையின் பெயரோ ரௌத்ரன்.
வாலிப ரௌத்ரன். ஒரு காமத் தடாகம் கண்ணெதிரே காணும் பெண்கள் அவன் காமப்பசியை தீர்த்தாக வேண்டும். ஒரு நாள் காளிங்கன் மகள் முத்தம்மாவையே துரத்த ஆரம்பிக்கிறான்.
காண்டீபன், அழகு என்ற இருவரும் இல்லா விட்டால் முத்தம்மா தப்பியிருக்க முடியாது காண்டீபன் ரௌத்ரனை நன்றாக தாக்கி விட்டு ஊரை விட்டே ஓடி விடுகிறான்.
காளிங்கன் இளவரசன் செயல் கேட்டு ஆத்திரமடைகிறான். இளவரசனால் காளிங்கனே கைது செய்யப்படுகிறான். மிதியுண்ட நாகமெனச் சீரும் காளிங்கனை துர்ஜயன் அமைதிபடுத்தி விடுகிறான். "பயங்கரமான ரஹசியத்தை காப்பாற்று" என்பதே துர்ஜயனின் உபதேசமாயிருக்கிறது
மருத நாட்டையடைந்த காண்டீபனும், அழகும் இரண்டு கிராமியப் பெண்களை சந்திக்கிறார்கள் ஒருத்தி ராணி. மற்றொருத்தி ரம்பா. மருத நாட்டு இளவரசி ராணியும் அவள் தோழி ரம்பாவும் கிராமிய மக்களோடு பழக எளிய உடையில் வருகிறார்கள் என்பது காண்டீபனுக்கும் அழகுக்கும் தெரியாது சந்தர்ப்பங்களின் துணையால் காதல் அரும்பு கட்டுகிறது
குறிஞ்சி நாட்டிலிருந்து ரௌத்ரனுக்கு பெண் கேட்க மருத நாட்டுக்கு துர்ஜயன் வருகிறான். இளவரசி ராணி அவனை நன்றாக அவமானபடுத்தி அனுப்புகிறான் பழி வாங்கும் எண்ணத்தோடு திரும்பிய துர்ஜயன் படை வீரரோடு மருதத்தின் மீது பாய்கிறான். மருத நாட்டு மன்னர் மணிபல்லவர் கைது செய்யப்படுகிறார். இளவரசி ராணியும் பாதுகாப்பில் வைக்கப்படுகிறாள்.
மாளிகையின் அரண்மனை வேலைக்காரி ராணியைக் காப்பாற்ற வந்த காண்டீபன், அந்த வேலைக்காரி இளவரசியாயிருப்பது கண்டு மனமுடைந்து அவளையும் வெறுத்து விட்டு வெளியேறுகிறான் அரண்மனை என்றால் அவனுக்கு அவ்வளவு கசப்பு. ராணியை அழைத்துக் கொண்டு துர்ஜயனும் ரௌத்ரனும் குறிஞ்சி நாட்டுக்குப் புறப்படுகிறார்கள்.
காண்டீபன் நெஞ்சம் கல்லாக மாறிவிடவில்லை. ராணியைக் காப்பாற்ற புறப்படுகிறான். வழியில் கூடாரத்தில் முகாம் செய்திருக்கும் துர்ஜயன், ரௌத்ரன் கூட்டத்தை துணிவோடு நெருங்குகிறான். சதியை சதியால் முறியடிக்கிறான். காப்பற்றப்பட்ட ராணியோடு காண்டீபன் ஓடும்போது புது ஆபத்து முளைக்கிறது ஆற்றில் விழுந்து விடுகிறார்கள். நீந்திக் கொண்டே குறிஞ்சி நாட்டு கரைக்கு வந்து சேருகிறார்கள். மயக்கமுற்ற அவர்களுக்கு உதவி செய்ய காளிங்கனா வர வேண்டும் !
காளிங்கன் வீட்டில் களைப்பாறும் காண்டீபனையும் ராணியையும் துர்ஜயனின் விஷக் கண்கள் கண்டு விடுகின்றன. அங்கிருந்து தப்பியோடும் அந்தக் காதலர்களை துன்பம் தொடர்ந்தபடி இருக்கிறது. ராணி அவளையறியாமல் ஆண்கள் நுழையமுடியாத காளிக் கோயிலில் நுழைந்து விடுகிறாள். துர்ஜயனின் சதி நின்று விடுமா ? காளி கோயிலின் ரகசிய வழி திறக்கிறது. ராணியை ஆபத்து நெருங்கி விடுகிறது. விடுதலையில்லாத ஆபத்து.
இளவரசன் ரௌத்ரனைக் கொலை செய்ததாக காண்டீபன் மீது குற்றச்சாட்டு. துர்ஜயனின் வாதத் திறமையால் காண்டீபனுக்கு மரண தண்டனை.
இந்த சோகச் சூறாவளியின் முடிவுதான் என்ன ? நீதியின் அழிவா ? அல்லது அக்ரமத்தின் அஸ்தமனமா ?
வெண்திரையில் காண்க !
-------------------------------------------------------------------------------------------------------------------------------------------------------------------------------------------------------
இப்படத்தின் பாடல்கள் தொடர்கிறது
அன்பன் : சௌ. செல்வகுமார்
என்றும் எம்.ஜி.ஆர்.
எங்கள் இறைவன்
-
மருத நாட்டு இளவரசியில் மக்கள் திலகம்
http://i49.tinypic.com/hwd368.jpg
-
பொன்மனச்செம்மல் எம்.ஜி.ஆர் அவர்களின் 21வது திரைப்படமாகிய "மருத நாட்டு இளவரசி" யில் இடம் பெற்ற பாடல்கள் :
(ஒரிரண்டு வரிகள் மட்டும்)
1. இறை வணக்கப் பாடல் : வீரத்தாயை பணிவோம் (பல்லவி)
நேரில் ஆசீர்வதித்தே - புத்தி (அனு பல்லவி)
காயத்தை நீ நெஞ்சில் தாங்கிக்கொள் (சரணம்)
2. குழுப்பாடல் : ஓங்காரப் பஞ்சாரம் (தொகையறா)
மலரதிலே வளரும் மாதா (பாட்டு)
3. நண்பர்கள் பாடும் பாடல் தன்னான தன்னானா - ராசா பயம் போச்சுதே
மக்கள் எல்லோரும் சமமாக வேணும்
4. நாயகி தோழியுடன் பாடும் பாடல் : கள்ளமிலா உள்ளமென ஓடையே - நீ
செல்வதெங்கே நில்லாய் - மிக உல்லாசமாய்
5. நாயகி மட்டும் பாடும் தனிப்பாடல் : விரைந்து வாராரோ - என்னை மறந்திடுவாரோ (பல்லவி)
பரந்த வானில் பறவை போலே (அனு பல்லவி)
போதை கொடுத்து மயங்கி சென்றாறிவர் (சரணம்)
6. காதல் ஜோடிப் பாடல் : நதியே நீராழி அதையே - சேர்தல் போல நாம் சேர்ந்தோம்
பால் தேன் போல் நாம் சேர்ந்தோம்.
7. பெண் குரலில் தனித்த பாடல் : தாயே தயாகரி - பேதைக்கு நீயன்றி யார் கதி
ஓயாத் துன்பச் சூழலில் உழன்று நொந்தேன்
8. ஆண் குரலில் தனித்த பாடல் : சிந்தைக்கின்பமே தந்த பைங்கிளி (பல்லவி)
கங்கை போன்ற வாழ்விலே (அனு பல்லவி)
கார் மழையாற் சூழும் புயற் காற்றில் பஞ்சானேன் (சரணம்)
9. பெண் குரலில் தனித்த பாடல் : பாவி என்போல் உண்டோ (தொகையறா)
என் ஜன்மம் வீணே போகுமோ - எது நேருமோ (பாட்டு)
================================================== ================================================== ===========
அன்பன் : சௌ. செல்வகுமார்
என்றும் எம்.ஜி.ஆர்.
எங்கள் இறைவன்
-
பொன்மனச்செம்மல் எம்.ஜி.ஆர் அவர்களின் 22வது திரைப்படம் " மந்திரி குமாரி" பற்றிய ஒரு சிறு தொகுப்பு :
--------------------------------------------------------------------------------------------------------------------------------------------------------------------------
1. இத்திரைப்படம் வெளியான தேதி : 24-06-1950
2. தயாரிப்பு : மாடர்ன் தியேட்டர்ஸ் டி. ஆர். சுந்தரம்
3. இயக்குனர் : எல்லிஸ் ஆர். டங்கன் - டி. ஆர். சுந்தரம்
4. மக்கள் திலகத்தின் கதாபாத்திரம் : வீரமோகன்
5. பாடல்கள் : அ. மருதகாசி, கா மு. ஷெரிப்
6. கதை, வசனம் : மு. கருணாநிதி
8. இசை : ஜி. ராமநாதன்
9. கதாநாயகன் மற்றும் நாயகி : மக்கள் திலகம் எம். ஜி. ஆர் - ஜி. சகுந்தலா
10.. இதர நடிக நடிகையர் : எம். என் நம்பியார், எஸ்.ஏ. நடராஜன், எஸ். எஸ். சிவசூரியன், கே கே. சௌந்தர், ஏ. கருணாநிதி
மாதுரி தேவி, முத்துலக்ஷ்மி, கே. எஸ். அங்கமுத்து
இப்படத்தின் கதைச்சுருக்கம் மற்றும் பாடல்கள் தொடர்கிறது.
அன்பன் : சௌ. செல்வகுமார்
என்றும் எம்.ஜி.ஆர்.
எங்கள் இறைவன்
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!